المصخوط الجزء الثامن

خرجت معاها لصال قالت ليا ليوم لرجلين وسيدة ضرباتني فوق كتافها وكتنزل بيا وكتطلع وهادي هيا لمرا ديال زمان غا شري صداع مع بنادم وطلقها عليه كملت معاها نهار تاني شويا درت نفس تمالنا ماشي رجال دخلت لدار وهيا تدخل معايا قالت ليا اندخل نشوف شنو فلكوزينة عندكم خاصنا شي غصير دبا أنا منقدش ندوي معاها وخا تكون غتشفرنا لبنت كتخلع واحد شويا وهيا تخرج من لكوزينة مداتلي كاس معرفتش شنو فيه ولكن شربتو على طرف لساني ديك يع قلت ليها لله يعطيك صحة تنضرب ليك على لفخاض عندها تبارك الله وهيا تجري معايا لعشرة قالت ليا 5 سنين ديال (bodybuilding) يوليو عندك فحالهم قلت ليها أنقيص بروجولا قالت ليا خود راحتك حطيت صبعي شيطان محضرش بسيف مسكين تلقاه خاف بقينا باركين طالقاها عليا داكشي دلماكلا قالت ليا مزال فيا جهد لي يهزك واحد 10 سيريات أخرين مقديتش نقوليها لا هزاتني أخويا معمري كنت كنتخايل راسي كيتلعب بيا عرفتي كتدخل لخويلة وكتلقاني بارك لختنى فوق كتافها وهيا كتنزل وكتطلع وكتغوت كيقولو بلي كيعاونهم داك لغوات سيدة تصدمات قالت ليا نجيب شي دويرة واقيلا عاد نرجع؟ قالت ليها لا لا خاصني نمشي عندي واحد ليكزام انمشي نوجد ليه.. خرجات لخويلة بقات غي كتشوف قلت ليها نتي لي وحلتيني هاد لوحلة واش هادي بنادم دبا وا مكتعيااااش وفكها يا من وحلتيها.. بقات مطلعاها عليا صافي هادي هيا صحة لي فاضحنا بيها طحتي من عيني أنا صافي.. عيطلي داك سيد لي باغي يشري داكشي لي مخليلي لواليد قاليا وجد وراقيك وكدا باش تاخد لعربون حنا واجدين قلت ليه صافي تا أنا.. ديك ليلة مبغاش يجيني نعاس تاني معرفتش مالي هادشي تيوقع ليا غير فليل مكنعس حتى كيقرب لفجر لغد ليه قبل ما ندخل لليسي مشيت لواحد صيدلية ناخد شي لفانيد ديال نعاس قلت ليه عطيني شي واحد يكون قوي باش يشد فيا وهو يجبد ليا واحد قاليا تور دير لي حبة من هادو غادي ينعس خلصتو دخلت لليسي كلشي تيشوف فيا مال هادو معمرهم شافو زين ولكن تا من دراري مفهمت والو أنا دخلت لقسم نفس لبلان حتى وحدة فدوك لبنات مبركات حدايا تا من نظيظرات دارت بحالا مشافتنيش مموالفاش ليها بقيت بارك تنحاول نفهم شنو واقع واحد ساط فجتبي باش غيشوف فيا قلت أجي نسولك وهو يجي قلت ليه مال بنادم تيشوف فيا ليوم ياكما لابس شي حاجة ماشي تال لهيه؟ قاليا لا راه شي واجد جاب جريدة فيها سميتك وكنيتك وشنو دار باك وراك عارف واحد يقولها لواحد وتانتا أصلا كلشي تيعرفك. باقي مكملش هضرتو دخلات واحد لبنت قالت ليا وليد تكلم للمدير عرفتو غادي يدوي معايا فهاد لموضوع هزيت كتابي فصاكي وخرجت ريق مبقاش باغي ينزل هادشي علاش كلشي كان تيشوف فيا زعما انكون تانا بحالو قبل مندخل لإدارة عيطت على لخويلة مقديتش ندوي كتقوليا مالك قلت ليها شنو واقع وبلي معيطينلي للإدارة دبا قالت ليا صافي دخل شوف شنو بغاوك وتسناني أنا جايا.. دخلت عند لمدير قاليا برك بركت بقى تيشوف فلبيسي وخا عارفو متيدير والو غير معرف ما يقول قلت ليه واقيلا عارف علاش جبتيني هنا ليوم قاليا أه غتكون عارف هادشي كان عليك تقولو ليا نهار لول فاش قلتي ليا معندك لا باك لا مك كنتي تقولي هادشي, شنو بغيتيني نقوليك مجاوش معايا والديا حيت لواليد قتل لوالدة قبل منعقل أنا على راسي وبلي أنا لي لقيتها فلبير لي بقات فيه هاد لمدة كاملا وبلي لواليد قطع يديه ومات بسبابي زعما كنتي غادي تدخلني هنا؟ بقى سااكت قاليا ولدي لله يكون فعوانك أنا عارفك دري ضريف وبعيد على صداع ولكن راه أولياء الأمور وبزاف دصداع غادي ينوض إلا سمعو هادشي.. حتى أنا هدا أخر عام ليا هنا غادي نتحول لبقية ديال دورة قليل فين غادي نجي سو مغادي يكون تا مشكل.. صافي لي بغيتي وسمحلي إلا فكرتك فشي حاجة أنا اندوي مع لحارس يخلي ليك نقاط دلحضور كما هوما. خرجت من عندو ومحاملش راسي تيعاملوني بحالا منعرف شنو درت بعدت على ليسي و وقفت حتى جات كتسول فيا شنو دارو معاك قلت ليها مفيا ما يدوي وصليني لدار لله يحفظك وصلنا لدار دخلت لبيت عندي جبدت داك لفانيد (sleepingpills) خديت وحدة معقلتش على راسي تا حليت عينيا لقيت لخويلة وديك بنت ناس عند راسي تيحساب ليهم نتاحرت😂 كلشي تيشوفني عندي قابلية للإجرام ولقتل ولإنتحار وداكشي لخايب سير الواليد انا شبغيتلك غا بوزلوم بقاو غير مقابليني فهمت بلي لخويلة عاودات لديك لبنت شنو واقعلي واحد لحظة خرجات لخويلة منعرف شنو تجيب بقيت غير أنا وديك لبنت قلت ليها نتي مخفتيش نقتلك زعما بقات كتضحك قالت ليا مرحبا جرب حظك باك طلع فصفحة لولا نتا أتطلع فمبتسمون رغم الإعاقة.. بقينا تنضحكو شويا كتفاجي عليا هاد بنت ناس واحد شويا وهيا تجمع ضحك من نهار عرفتها أول مرة اتدوي بعقلها قالت ليا مدير فبالك والو من هادشي لي معرفك خسرك هاد لعام ندوزوه صال وضحك لعام جاي اتحول لليسي قريب هنا غتقرى معايا كلشي غادي يتقاد دبا بدل حوايجك باش نمشيو لصال قبل ميجي لوالد لدار وميلقانيش عرفني مناش وحنا حاضينك.. ونتا غير ناس طلق ك*ك بدل.. بدلت وخرجت معاها وخا هيا كتخلع من برى وكتدوي فحال دراري وكتعرض فطريق وكتضرب نيسكافي من ساشي ديالها نيشان.. ولكن لبنت فشكل فعقليتها ناري غادي نبغيها.. كندخلو لداك لصال كتبدل كتولي وحش غا كتدور وكتقوليا ضرب بزربا طلقنا اراجل غنعاود نقولها للمرة ل1000 نتي لي راجل ونص أنا غا ولية أنمشي ندير ليوغا أنا.. سالينا قالتلي أجي تاكل شي حاجة فدار عنا عاد سير مقديتش نقول لا وهيا نهار ومطال عندنا فدار دخلت لدارهم كيبانو ليا تصاور باها فلحيط مع شي فراقي ديال لكورة قالت ليا لوالد مدرب هو لي زرع فيا هاد لبلية ديال رياضة عرفتي كتدوي بحال شي دري وهو يخرج باها قاليا لبطل هدا بيخير؟ باها من نوع لي تيعيط عليك غير بالبطل ولمحارب.. يعطيك خصية وميعيطش ليك بسميتك ولا يقولك ولدي.. بارك معاه وبنتو فلكوزينة وهو يصوني تيليفوني نمرة سيد لي أيشري من عندي داكشي دلواليد سيد غير يدور ويعيط ليا.. قلت لسيد لي بارك معايا سمحلي لخدمة خرجت جاوبت خونا الله يسمعنا خبار الخير؟ قاليا غدا نتلاقاو قدام دار لوالد ديالك مع 2 قلت ليه صافي ان شاء الله..

يتبع