المصخوط الجزء التاسع

بارك مع لبنت وباها باها تيعاود ليا على لألقاب لي عندو أنا غير تندير براسي فاهم بيني وبين لكرة غير لخير والإحسان تيلعبوني معاهم فرياضة غير حيت عندي لڭوشيا قتالة من أي بلاصة فتيران كنتيري.. خرجت من عندهم بين دارهم ودار دخالتي زوج خطوات تندق باش تحل ليا لباب وهو يتبعني بات لبنت قاليا لبطل واش كتعجبك آية؟ شفتكم مبقيتوش كتفارقو؟ معرفتش شنو نقوليه الا قلت لا غادي يكعا ويوصلها ليها مغاديش تبقى تحملني وإلا قلت ليه أه بالو غيمشي بعاد ويولي مقود معايا سوايع دورتها فدماغي مزيان اللهم ملقاني مع باها يضربني كاع ولا نكعي ديك بنت ناس قلت ليه أه أعمي علاش؟ ومالك تخلعتي عادي تانا بغيت بنت شي واحد وتزوجنا وعندي معاها دبا زوج ولاد غير بغيت نقولك ديك لهضرة لي قاليا نسيبي تانا لباب راك كتعرفو جيني نيشان ومتغدرنيش دخل من لباب.. كيفاش أعمي أنا دبا منين كنت داخل من شرجم؟ باراكة مدير فيها هبيل تاحنا دوزنا كاع داك تشيطين أنا غير نصحتك مفيا ميبقا يدي ليها لقفة لحبس.. ضربني لكتفي ودخل لدارو دبا هادي عائلة دخلت وأنا نعس لغد ليه مقلتش لخويلة بلي غادي نتلاقا بخوتنا مجاتش تبقا غاديا جايا بيا تقابل خدمتها شويا بقيت طاكسي يحطني طاكسي يهزني تا وصلت لقيتهم مزال موصلوش تقديت شويا دلحلوة وأتاي نحط شي لعبة لخوتنا مجاتش منحط ليهم والو نديرو صواب وخا غير يترحمو على لي ربانا.. دخلت لدار وجدت داكشي و بارك كنتفكر ليام لي دوزت فديك دار وتنشوف لكتوبا لي قريت فيها وأنا نسمع دقان حليت لباب يحسابلي خوتنا وصلو لقيتها ديك لمرا لي كانت مع لواليد عرفتها اتدويلي على داكشي لي فكرشها تاني ولكن أنا قبل كنت دورتها فدماغي مزيان أنا معندي ما نخسر إلا عطيتها باش تعيش وتعيش ولادها تيبقى خويا مغاديش تنوض لوالدة ولا لوالد من لقبر و يولدو ليا واحد أخر قلت ليها دخلي دخلات سولتها واش تشرب شي حاجة قالت ليا لا اولدي غير جيت نسول فيك كيف داير وكيغادي مع قرايتك؟ أنا بخير لحمد لله ونتي كرشك بدات كتبان غتكوني سمعتي بلي غنبيع هادشي لي مخلي لمرحوم ان شاء الله مغيكون غير لخير دار غتبقى إلا بغيتي تتحولي ليها نتي و ولادك خودي راحتك صبري نعطيك نمرتي فأي وقت حتاجيتيني عيطيلي.. كتبت ليها نمرتي فتيليفونها لمهم خرجات ضاحكة ممتيقاش بلي دوا معاها داك نهار وهو لي داوي معاها ليوم واش غادي نديو معانا شي حاجة من هاد دنيا هو مولشي ومدا معاه والو عاد ندي أنا اللهم نكون زوين مع بنادم نديرو شي حاجة نلقاوها لهيه.. قالت ليا بلي غادي تمشي لعند شي ختها حتى تولد.. خرجات هيا وقفو هوما قدام دار بدوك طوموبيلا عندهم كبار دخلتهم لدار حطيت ليهم داكشي لي جايب وقلت ليهم سمحولي معايش هنا دار حالتها ومكين والو قاليا عارفين لي كاين اولدي بعدا راك درتي صواب لله يرحم لي رباك بدينا داوين قلت ليه راه لمساحة مكتوبة فشهادة لملكية غير إلا بغاو يتأكدو وصافي وهو يخرج خونا لي تيعبر وخرجو معاه خوتنا كاملين بقيت غير انا وداك لي تيدوي بزاف فيهم وهو يحط ليا واحد لباليزة صغيرة قاليا هدا لعربون بلاما نديرو وعد بالبيع ولا شي ورقة كتباليا تقة ومغاديش تخلي لفلوس دبصح على هاد زوج دريال سولتو شحال تما قاليا 20 مليون كنت غادي ندفل عليه هادو زوج دريال أولد ناس دبا نخمج ليك وجهك بديت تنحسب وغير 100 درهم تلفوني تنقرب نسالي ونعاود من لول قاليا شنو مدايرش فينا تقة قلت ليه عمي نتا متقتيش فيا و فلوراق وبغيتيني نتيق فيك خليني نحسب لحساب راه تيطول لعشرة بقى تيضحك قاليا هادي عندك هادشي لي بغينا تبقى لينا نتا فخاطرك راه غادي نوليو جيران دبا قلت ليه مرحبا.. حسبتهم هوما هادوك 100 مناقصاش سديت عليهم وحطيتهم عند رجليا وبقيت داوي مع داك سيد شرحلي بلي مغاديش نكتبو بلي شراوها ل5500 لميترو غنديرو غير 1000 درهم باش أنا متخرجش ليا شي ضرييبة ولا منعرف بقى داوي ومفهمتش تا نرجع لدار ولخويلة اتشرحلي هادي دخلو خوتنا قاليه واحد فيهم راه كلشي هو هداك قاليهم لولد تقة راه عطيتو لعربون كلمة درجال شباليكم قالو ليه صافي نتا تعرف أنا على ما فهمت ديك ساعة بلي خوتنا مشاركين فلخدمة مع بعضياتهم ولكن هاد خونا هو لكبير فيهم كيحتارموه كلمتو مسموعة خرجت معاهم لبرى باش يمشيو قاليا خونا خلي تيليفون انوجدو لفلوس وغادي نعيطلك قلت ليه صافي تحركو هوما دخلت سديت لباب وبقيت تنشير بدوك لفلوس فسما مال خوتنا دلأفلام حسن مني جمعت داك رزيق واحد 3 الاف درهم بعدا وصلتها لديك سيدة لدارها وعاودت قلت ليها تحتاجي شي لعبة عيطيلي رجعت لدار لقيت لخويلة غتبدا تقلب عليا تاني قلت ليها فين كنت وشنو قاليا خونا كتحسب فدوك لفلوس وكتشرحلي قالت ليا مزيان ليك نتا كتر منهم.. قالتلي ناقصاك 3 الاف درهم؟ قلت ليها كان كيتسالها ليا واحد خونا وديتها ليه معرفتش علاش كدبت عليها يمكن حيت عارفها حاقدة على لواليد وغادي تبقى تعكس ليا مداتلي 500 قالتلي ديرها فبزطامك ويلاه نوصلك دير لبقية مع فلوسك قلا ليها خليهم عندك مبيناتناش تانتي كتعطيني قالتلي لا لا أحبيبي فلوسك فلوسك مناخدش من عندك درهم إلا حتاجيتي أنا نعطيك داك نهار كنت غير تنضحك معاك أنا مخاصني تا خير غير خبي فلوسك معطاهم ليك الله حتى غادي تحتاجمهم قلت ليها صافي لي بغيتي مشينا حطيناهم مع خوتهم عرفتي غير كتشوف لحساب ديالك كيكبر ولمعاملة ديال لي خدامين فلبنك كتبدل شخصية ديالك كتبدل كتبدا تحليك بلاما تحس فليل يلاه غنضرب لحبة ديالي باش نعس وهو يعيط ليا خونا لي غادي يشري لعب قاليا غدا ان شاء الله تعشاو معانا نتا وخالتك باش نتقاصمو طعام ونعرفو بعضياتنا كتر راه غادي يدوز عندكم خويا يوصلكم لهنا قلت ليه صافي غدا ان شاء الله كنت عارف هاد خونا باغي شي لعبة فلول يحسابلي شي لعبة فالأرض ولا غادي يطلع ليها ثمن من هنا ولفوق ولكن شفتو مركز عليا زعما يكون لواليد مخلي شي لعبة أخرى ولا تزعط فيا زعما😂 تا تفكرت صنيديقة لي لقينا فدار مشاتلي من بالي..

يتبع