المصخوط الجزء 11

مريحين كنتسناو يصوني تيليفون يقولو ليا بلي لقاو شي حاجة تاني فالأرض.. أنا قتلني لبرد بقيت تنحس بيه فعضومتي لعقتها ديال بصح تغدينا وهيا تقوليا بلاتي واش قلتي ليا صوناتلك ديك لماكنة فوق ديك لخنشة؟ أه علاش؟ وا لبغل راه غيكون داكشي معاه فلخنشة واش مفكرتيش شويا كنتي تقلب.. منيتك واش عرفتي ريحة كيف دايرا بلاما نحل داك لعجب كون حليتو كنت انتخنق واصلا لواليد مكانش غادي يخلي تم شي حاجة مالو حمق.. أه حمق واش كين شي واحد بعقلو غادي يقتل مراتو ويربي ولدهم بحالا موقع والو والله اعلم شكون هداك لي تم ولا هاديك يمكن تزوج بيها تاهيا كلشي ممكن راه 100% مخلي داكشي تم ليلة انرجعو ودبا عارفين لبلاصة مغاديش نتعطلو فتقلاب وأنا غادي نعاونك عارفاك انا متخلينيش نحط يدي فداكشي.. الله أودي ماشي غير تعاونيني نتي لي غادي تحفري وديري كلشي أنا غنطلع لدار نعس ولا اندي مانطة وانبرك حداك نونسك. متيقتش بلي بصح غادي نرجعو لتما فبلاصة ما نحمدو الله ونبيعو ونتفكو من داكشي نهار كامل وهيا كتجبد وكتحط فلحوايج هاد سروال عزيز عليا منقدرش نوسخو هدا يلاه خديتو هدا لا دارت تا دارت وخدات من حوايجي تعشينا وخرجنا غادين بشويا وداوين كتطلب فيا حفر نتا وصلنا وبقينا باركين كنتسناو تخوا دنيا وخا ديك لبلاصة مقطوعة ولكن منخاطروش وديك ليلة كان واااااحد ضلام يديك ميبانوش ليك ولبرد ضربات ديك ل1 ونص قلت ليها صافي يلاه درت ليها لفلاش من تيلي يلاه هنا حفري وهيا تبدا كتبعكك عليا كتهز بحالا كتهز فكسكسو كتقمش فلأرض بقيت كنضحك حتى دارت ليا لغدايد قلت ليها شدي شدي حررنا لبلاد بكري بزربة وصلت لديك لخنشة حيت لأرض مقاصحاش حفرتها غير لبارح ديك ريحة تاني غير شماتها وهيا تم هاربة شديتها فين ابنت ناس واش دخول لحمام بحال خروجو فين هيا ديك لهضرة ديال كنتي تقصح قلبك وتقلب والله ما نقيص هادشي أجي حسن ما يحصلنا شي واحد.. جات بعدت شويا وداير ليها ضو كتباليا كتبعكك وكتبكي قطعاتلي فقلبي قلت ليها بعدي بعدي تزيدو لواحد لقدام وترجعو لور حليتها وهيا تضرب وااحد ريحة ولات كتقوليا سدها صافي لله يخليك يلاه نمشيو قلت ليها لا نتي لي جبتينا زيدي قلبي بعدا من شوفت لعين كيباليا راجل حوايجو وكلشي ليه قالت ليا صافي رجعو غتكون غير صمطتو ولا شي خاتم رجعو بزربا قلت ليها صبري ضربت يدي فجيبو تنقلب جيب بجيب لقيت بزطام خرجتو وعاودت سديت داك لعجب رجعتو كيف كان وفين كان قاديت لبلاصة بحال لبارح وتحركنا دخلنا لدار غير دخلنا وهيا تبدا تبوع أودي يا ودي ماي مقاداش على لحاجة لاش كتبقاي ترطاي قالت ليا بقى تشفى نتا قلبك ميت كتر من باك.. خليتها ومشيت غسلت داك لبزطام خاصو يتصلق فجافيل يلاه تقدر تحلو ومع دالك حليتو بغيت نعرف شكون هداك وشنو دار للواليد لقيت بيرمي ولكارط وشويا دلفلوس حليت واحد جيب وانا نلقا condoms شنو تنقولو ليه بدارجة أه بروطيكس غير شفتو فداك لجزء من ثانية فهمت لبلان معرفتش علاش جاتني ضحكة بقيت تنضحك غير بوحدي حتى جات عندي سادا نيفها شنو جبتي معاك مزال ريحة وريتها شنو لقيت قلت ليها عقلتي فاش قالينا صاحب لواليد بلي كانت كتخليه يخرج وكتدخل شي واحد اوا ها حنا بيوم تلاقينا بداك لواحد.. وصافي غير هاز معاه هادشي فبزطامو راه جاي هنا ناوي يدير شي حاجة راه تقريبا كلشي تيهز معاه هادشي سيد لي كنت مزوج. حبسي حبسي صافي فهميها كيف بغيتي لمهم أنا دبا رتاحيت يلاه رجعو لدار قبل ميشوفنا شي واحد بحال دوك لي مشافوهمش وهوما تيشفرو وشافوهم وهوما كيقصمو.. ترحكنا معيات معايا نلوح داك لبزطام ريحتو خنقاتني قلت ليها منقدرش خاصو يتحرق واش بغيتي يلقاه شي واحد.. وصلنا لدار دخلات هيا لدوش درتو انا فبلاستيكة وضوبلتها شي باباها ريحة متعاودش تخرج ودرت شويا ديال ريحة معرفتش شنو قاليا راسي ولكن مقديتش نحرقو لحتو تحت سرير ديالي باش متشوفوش خرجات لقاتني شاد كتوبتي قلت ليها غدا اتوصليني ليسي شحال ممشيت باش نشوف امتى لفروض قالت ليا هيا لولا ودخلات تنعس مسولاتش بقيت غير بارك تنفكر فسيناريو كيفاش تا وقع داكشي لواليد لقاهم بزوج وقتلهم هو كلشي تيشهد ليه بصحة وبحالي كيتعصب مكيبقاش عاقل على راسو ومقدرش يخلي لبوليس يعرفو ويدخل لحبس ويخليني ديك ساعة.. تبدلات شوفة ديالي ليه تاني أي واحد فديك ساعة وشنو يقدر يدير ولكن رجال لي بحال لواليد وخا يتحط فداك لموقف الف مرة غادي تكون نهاية وحدة مستحيل تكون شي حاجة أخرى من غير هادي مبغاش يديني نعاس 3 ليلة فاقت فصباح لقاتني مزال بارك فبلاصتي بقات داويا معايا دير عقلك وقابل صحتك لي مات مات نتا لي مزال عايش واش بغيتي تلحق عليهم رتاح ليوم متمشيش ليسي.. لا غنمشي مبغيتش يضيعلي لعام. فطرنا بدلت وخرجنا غادين وداويا معايا ديك لهضرة تاني ديال تبدا تمشي عند (psychiatrist) وصلنا داخل ليسي كلشي تيشوف فيا تاني مع غبرت تيحساب ليهم مغاديش نعاود نرجع كنتسنا غير شي واحد يقول شي كلمة غادي تكون ديك نقطة التي أفاضت الكأس غادي نعيبو هانية نتطرد موراها بعدا نخليها ليهم درس.. بقيت تندخل عندك كل أستاد بوحدو تنسولو على لوقت لي غادي يدوزو ليهم فيه لفروض ورشقاتلي ندخل معاهم لواحد لحصة ريحت لور وهيا ترجع حدايا ديك نظيظرات بحالا مواقع والو قالت ليا سلام مرديتش عليها حركت راسي معاوداتش نطقات تا سالات لحصة خارج لزنقة انمشي لدار وهيا تبعني قالت ليا واش بيخير؟ حركت راسي تاني.. ولا دوي معايا مالك تقطعلك لسان؟ قلت غادي نخرج ونمشي نكمل حياتي عادي عجبني روتين لي مشيت بيه هاد لأيام لي دازو ولكن لابدة يخرج ليك شي واحد يخرجك من طريق لي راسمها لراسك وقفت معاها بقات عليا إلا بغيتي نجيبلك دفاتري تشوف داكشي لي فاتك أنا غير تنشوف شنو تبدل من داك نهار لدبا والو كلشي مزال تيشوف فيا نفس شوفات إلا هيا قالت ليا خاص تبقى تجي واش بغيتي شي وحدة فدوك لمسمومات تولي هيا لولا راه باغينها فيك أصلا مكانوش حاملينك.. لمهم لبنت بقات دااويا مطلقاتنيش تا حلفت ليها بلي غادي نجي لغد ليه خرجت تفكرت نوردين سيد لي كنت ساكن عندو شحاال مشفتو ومعندوش نمرتي قلت صافي غنمشي نشوفو ساكن غير قريب لليسي..

يتبع