المصخوط الجزء 12

شحال مشفت داك لولد لي كنت كاري من عندو مشيت عندو نشوفو غادي فطريق وتنتفكر فاش كنت ساكن تما ولا فاش كنت ساكن فدارنا لوقت تيدوز طاير تندق وهيا تحل ليا ديك عشيرتو الأندونيسية أخيرًا شفتها مكضحكش من نهار عقلت عليها بعدا وهيا ضاحكة وليت شاك فساط مات ولا شي لعبة قلت ليها نوردين؟ قالتلي فصالون دخلت تا وقفت عليه صدمتو بقينا داوين ديك لهضرة ديال توحشتك تانا قلت ليه شفتها مبقاتش كتضحك شنو وقع؟ قاليا من نهار تزوجنا وهيا تجمع ضحك تانا مبقيت فاهم والو بقينا غير بزوج فدار صافي صيفطت دراري يقلبو على بلاصة أخرى يسكنو فيها.. لمهم جبت خبار ولد ناس ورجعت لدار تنوجد شي لعبة ناكلوها زعما نصدمها داك نهار واقف فلكوزينة لبيض وماطيشة طبعا ولكن لبيض وماطيشة ديالي مقااود تندير لمكون سري إلا قلتو ليكم مغاديش يبقا سري لمهم تعطلات جابتها قد قد مع وقيتة لعشا دخلات معاها ديك بنت ناس وحش باركين تياكلو وتيسولو كيدرتلها وا بنات ناس راه كنت عايش غير مع لواليد حياتي كاملا كناكل غير هادشي ناس عندهم فدم الكريات لبيضا ولحمرا أنا عندي بيض وماطيشا.. بقيت خالقها معاهم صونالي داك خونا لي أيشري من عندي لأرض جاوبتو قاليا غدا ان شاء الله نقادو كلشي وتاخد فلوسك وقطع وليت غير ضاحك على أبسط لعبة فليل غير خديت دوايا وحطيت راسي ليلة كلها تنشوف لواليد لابس لبيض فلبيض وبارك فوق واحد لعود وجاي قاصدني ضربتني لفيقة وهو مزال موصل صباح بغيت غير نرجع نعس نشوفو إلا وصل نكمل لحلمة حيت عارف أيبقى ضارني راسي تنفطرو وبالي مشغول تنكمل لحلم فدماغي تنتخايلو بنهاية زوينة يعنقني ويقوليا سمحليا على هادشي لي درتليك ويمشي.. وصلاتني لخويلة لليسي درت مع لبنت لكلمة غادي نجي داك نهار دخلت لقيتها واقفا عند لباب داوي معاها طلعت خبيرة فداكشي ديال لإنمي بقات طالقاها عليا باليابانية دخلنا وهيا ترجع لور حدايا لور لمهم خرجنا بقينا طالقين رجلينا شويا برى قربتها لدارهم وشديت طاكسي هاديك هيا طريقي رجعت لدار وجدت راسي لبست مزيان قاديت حالتي صرف غادي يدخل واحد شويا وهيا تدخل لخويلة مشينا تلاقينا مع خونا مشينا عند لموتق وقادينا دوك لوراق قاليه داك لموثق بلي لفلوس غادين يبقاو عندو شويا عاد يدوزهم ليا وحتى هو مغاديش ياخد لوراق دبا تا يكمل خدمتو وكدا لمهم مدليه شيك خرجو هوما خرجنا تا حنى لقيتو كيتسنى فيا على برى مدلي واحد أخر فيه لكمالة داكشي لي مغاديش يطلع فلوراق طلعنا فطوموبيل محركين ولخويلة كتطل وراها تنسولها مالك وهيا تقوليا واش عرفتي شحال هاز معاك معرفتي يتبعنا شي واحد ولا هوما نيت يتبعونا بقيت طريق كلها تنضحك أصلا ولات راشقالي فاش شفت شيك ومقديتش نقرا داك رقم وصلنا لدار جات ديك بنت ناس جراتني لصال بقات مطلعاها عليا تاهيا وهو يعاود يعيطلي خونا معرفتش علاش صافي زعما لغرض يلاه قضيناه وتفارقنا قاليا واش صرفتي رزقك قلت ليه مزال قاليا صافي وقتما بغيتي سير والله يدخلهم عليك بصحة ولعافية و.. بقا تيدعيي معايا ومتغبرش و.. لمهم سيد باغي يعاشر وصافي صراحة من نوع لي تعااشرو عندو معارف فلوس وعاد يمكن غادي يبنيو شي دار قريبة لدار ديال لواليد تما يعني انوليو جيران سو تنجري معاه فلهضرة ونديرو قهوية منبعد وديك لهضرة صواب وصافي قطع كملت مع ديك بنت ناس داك لعجب ورجعت لدار ديك ليلة نفس الحلم لواليد نفس لباس نفس لعود بحالا كنتفرج فشي فيديو متيسالي حتى كنفيق صباح كل ليلة باركين تنفطرو صباح وأنا نقوليها إوا كيفاش لبلان ديال هاد ل (psychiatrist) واش قريب وهيا تصدم واش بصح صافي بغيتي تمشي عندو؟ نوصلك فطريقي؟ وصلاتني فطريقها دخلاتني ومشات بقيت باااارك عاد دخلت عندو بحال داكشي ديال لأفلام تنشوف فداك طبيب واحد لمشعكك بحال دوك لمصطين لي تنشوفو فزنقا سلم عليا بحالا كيعرفني من شحاال هادي قاليا نتكا داك لكرسي لعجيب درتليه خاطرو بارك تنشوف فيه كنتسناه يدير شي لعبة فشكل يقول شي لعبة وهو يجبد واحد دفتر قاليا بدا! دوي.. شغادي نقول؟ راك عارف لاش جاي هنا قاليا داكشي لي طاحليك على بالك فلش قلت ليك هادشي.. بقيت تنعاود ليه على لواليد ولواليدة وهو كيكتب معرفتو أش كيكتب عاوتليه على لبلان لي تيوقعلي فاش تنبغي نعس ولحلم وهو يسد لكتاب وديك أممممم وبدا لهضرة وكيقتبس من كتوبا وأحاديث منعرف داك دماغ عندو شحال فيه من جيڭا نشد غير نص فداكشي لي قال يتحرق ليا ديسكدير بختصار قاليا كتحس براسك نتا سباب فالموت ديال باك وضمير ديالك كيدير هكدا باش يأنبك غتبقى تجي زوج مرات فسيمانة وغادي ندويو كتر دبا كين ناس كيتسناو غنقاد ليك وقت فين غتبقى تجي.. خرجت من عندو ولد لعبد متيسكتش ديك لهضرة لي قاليا أنا أصلا عارفها هاديك أول مرة وأخر مرة ندخل عندو رجعت لدار نكمل حياتي أصلا مزيان نبقى نشوف لواليد باش منساهش ناعس ناعس اللهم لواليد ولا ضلام مشنا صرفنا داك شيك دوزناه نيشان لحساب ديالي عرفتي غير كتشوف لكونط ديالك فيه كتر من خمسة الأصفار كيبداو يبانو ليك بزااف دلحوايج ناقصينك ومغاديش تعيش بلا بيهم كيفاش كنتي عايش قبل الله أعلم.. صراحة تقريبا متبدل والو لخويلة مخلاتني ناخد تا شي لعبة لدار وأنا مخاصني والو قالتلي دوز بيرمي بعدا سيدة كنت متقل عليها بديك وصليني وصليني غير مكانتش كتبغي تقول لمهم هادشي لي بقى واحد لمدة كملو ليا لفلوس قاليا داك خونا بلي تيوجدو غير رخصة باش يبداو وديك سيمانة بداو يحفرو باش يبنيو عرفتي على خلعت بحالا أنا لي قاتل داك لي تم خايف لا نكون نسيت شي لعبة ولا طاحتلي أنا ولا هيا ومشفناهاش غادي يتضرب ليا كلشي فزيرو لمهم هيا هاديك خونا ديما لعراضات لدارو ولقهاوي تيبقى يسولني على قرايتي وصحتي.. لخويلة بززت عليها تاخد داك صنيديق غيكون ديال لواليدة ختها معندي مندير بيه قلت ليها بيعيه لبسيه كنت متأكد بلي غادي تبيعو حيت بقات داويا على ثمن ديالهم شحاال ولكن مقاتش فاش قلت ليها خوديهم وديال ختك بقاي تفكريها بيهم.. نفس لحلم كل نهار خفت غير نقولها لخويلة ولا شي واحد ويحساب ليهم حماقيت هادشي علاش مقلت تا شي لعبة تنمشي لليسي مرة مرة وللفروض ديك لبنت كتعطيني دفاترها مرة مرة خديت داك لبيرمي هكدا كملت داك لعام كنتسنا يعيطولي يقولولي بلي لقاو داك لي مدفون تما كملت لإمتحانات كنت عارف راسي مقودها ولكن بعدا نجاح مضمون غادي نتحول لليسي قرييب وفيه ديك آية ناري قودوها إلا تجمعنا لبنت عاشراات ديال بصح مجموعين فلصال وتقريبا ساكنا معانا كل نهار كنشوفها كنتسناها غير تزعم وتنطق تقوليا شي لعبة حيت مغاديش نقوليها راه كتعجبيني وخا نبقاو هكداك 100 عام أخرى هكداك مربي أنا ومعندي حتى تجربة ولكن بنت ناس كتزعم فيا كتلوح ليا مساجات زعما فهم راسك وهيا لله يعمرها دار رجولة تا كنت صافي غادي ندوي معاها لقيت لبنت كتسمع لشيخ نانو وسماتي أخوتي واش هادي دير معاها وليدات؟ كيفاش غادي يخرج هاد دري لي فكرش وحدا كتسمع لداك نوع دناس رجعاتنا لنقطة البداية فاش عرفتها كتسمع لداكشي عرفت بلي متنعرف عليها والو اللهم رتاح أعبد لفتاح شنو مزربنا نشوفو بعدا واش اندخلو لحبس ولا شنو غادي يوقع حيت يحسابلي هادا هو أخر مشكل مخليه ليا لواليد معلاباليش سيد من نهار تزاديت وهو تيوجدلي باش عمري نرتاح..

يتبع