المصخوط الجزء 14

وقعلي بلان ديال ليهود من نهار خديت لبيرمي معمرهم وقفوني فشي باراج تال داك نهار لي هاز معايا داك لعجب فطوموبيل كنت غادي نكسيري ولي بغا يوقع يوقع ولكن ديك ساعة غادي غير يكبر طرح كتر نزلت بعدا بقا تيشوف فلحوايج يلاه رجعنا لور غادي نحل لمالا وهو يعيط عليه واحد من صحابو قاليا تسناني هنا ومشا عندو بقيت واقف كنتسنى فيه تنفكر فشي كدبة حليت لمالا دفعت صندوق لجنب غادي نقوليه فيه خضرة وأنا وزهري أخر محاولة وهو ينعتلي بيدو باش نمشي عرفتي دموع نزلو شي دعوة هادي.. غادي فطريق وممتيقش صافي كنت تنفكر شحال نقدر نبقى فلحبس وصلت لدار طلعت تنجري لعند لخويلة ملقيتهاش مزال فلخدمة عيطتليها أجي دبا لدار ومقلتش ليها شنو واقع باش تخلع وتجي لدار بزربا غطيت داك صندوق وطلعتو سرحت داكشي فوق طابلا دخلات وهيا تصدم مدواتش بقات غير كتشوف فيهم منين؟ كيفاش؟ عاوتليها من لول وكيفاش شفتو فديك لبلاصة تيحفر وفيها بضبط لقيت صندوق متيقاتش بقيت تنحلف ليها قالت ليا اوا علاش مبانش ليك هادشي شحاال من شهر دبا باش مات حتال ليوم؟ لقيتها فرصة نقوليها على ختى قلت ليها بلي خلى سيدة حاملا بيها..قالتلي كنتي كتخلعني دبا صافي وصلتي معايا لسطاج دلوحش مغيبقاش يديني نعاس هادشي لي كتقول متيدخلش لدماغ وقلتي ليا باباك عمرو خرجك من ديك لبلاصة وكتقوليا ديجا مشيتي لديك لبلاصة نقولو داك ليها فصغرك راه ميمكنش تبقى عاقل عليها قوليا دبا فين لقيتي هادشي وشنو درتي تا جبتيه عائلتك أنا راه معاك فكاع لأحوال بلاتي بلاتي هادشي كاامل فكفة وتخبي عليا بلي عندك ختك فكفة أخرى علاش؟ غادي نقتلها زعما غادي نحبس متشوفهاش داعش أنا؟ بقيت داك نهار كامل غير كنشرح ليها بلي مخبيتش عليها غير مجابتهاش لهضرة نقولها ليها وصافي مبغاتش تدخل ليها لدماغها وريتها تصاور ديال لبنت قلت ليها بلي مها غادي تعطيها لختها.. قالتلي ودبا شنو غادي دير بهادشي سيد لي تنعرف موحال واش يقد يشري تا داكشويا لي لقينا فدار؟ قلت ليها خليهم هنا تا نعرفو شنو واقع خليني نعس وصباح متفيقينيش نشوف لواليد شنو غادي يدير ليلة تعشينا درناه فواحد لباليزة ديالها وسورتات عليه فلماريو ديك ليلة محلمت بتا شي حاجة من شحاال ما نعست هكداك صافي معمري غادي نعاود نشوفو زعما صافي لقيت داكشي لي مخلي ليا ولكن منين جاه داكشي كامل هيا جد جد جدي كان شي قرصان أححح وليت كنتخايل لحروب نايضا على داكشي ودار تا دار وجا لعندي فلخر بارك كنتسنا ليل تاني درت بحال داكشي لي درت ديك ليلة ونعست كتفيق فيا ديك بنت ناس مع 8 نوض تخدم على ولادك تضيع وقتك فنعاس معندك ما تربح منو.. غا خليني راه تنكون خدام هكدا خليني علك.. وخا تكون فيك لموت بغاتك تمشي معاها غادي تمشي معاها دخلنا لصال تنفكر شنو غادي ندير بداكشي لي لقيت بالي مشغول حاط يدي على واحد لماكينة بنت ناس وهيا تحط ليا جعبة عامرا على يدي ليسرا حسيت بلعضوما ديال صباعي كيتطحنو بقيت تنجري ليهم فداك لصال وتنغوت بزز باش شدوني غادين بيا لصبيطار وتنسب فيها وهيا كتضحااك هرساتني من 3 صباع ضفار خرجو من بلايصهم هادشي غير يدي من دوك ليدين لحرشين كون كانت يدي رطيطبة شويا كانت غادي تقطع فليل رجعوني لدار كانت أخر مرة ندخل لشي لصال ديك سيمانة مبقيتش قاد نحرك يدي وبنت ناس سمحلي مسمعتهاش من عندها تال ليوم كتقوليا ونتا لي حاط يدك تما أصلا هانية قابلا عليك وخا تقطع كاع.. لخويلة قالتلي شفت بحال هادشي فواحد لفيلم لقاو كنز ومني خداوه ونحس تابعهم خاصك ترجعو لبلاصتو! أه تانا تفرجت فداك لفيلم أصلا هانية جمعي ليا داكشي لي جبت فلحمام غادي نبول عليه انا راه شريف, باركين تنضحكو داك نهار وهو يصونيلي داك سيد لي بعتلو لأرض ديال لواليد بدا تيسول فيا كيف داير محسيتش براسي تا قلت ليه راه تهرست من يدي قاليا بلي غادي يجي ديك ساعة يشوفني وبصح غير شي ساعة وهو يدق فلباب جا بوحدو هاز حليب وداك تخربيق خداتو لخويلة دخل هو عندي لبيت بقيت تنعاود ليه كيفاش وقعليا تا جات لخويلة بدات عليه تاهيا راه مبقاش باغي يخرج يشم لهوا من نهار تضرب وهو نعاس نعاس, خونا لصقني نوض خرج معايا بدل لجو بغيت نوريك شي حاجة قلت ليه وخا بدلت حوايجي وخرجت معاه غادين وداوين على كلشي لكورة ولجو و دولة مسكتناش مدرتش بالي مع شنو باغي يوريني تا وقفنا قدام دارنا لقديمة..

يتبع