المصخوط الجزء 15

مفهمتش شنو باغي يوريني نزلت عاد دارتلي طنن فبالي يكونو لقاو داك خونا لي مدفون تما صافي مكينش من غيرو جبدت سوارت حليت دار بقا طالع لسطح وأنا تابعو وقف فالجهة لي مدفون فيها قاليا فداك لبير لقيتي لوالدة ديالك؟ قلت ليه أه قاليا فخبارك راه كنت تنعرف باك قبل ما تزاد نتا؟ قلت ليه لا كنت عارف بلي كتعرفو ولكن ماشي لهاد درجة دبا نتا كتعرف لواليد مزيان قوليا شنو كتعرف عليه علاش دار هكدا لمراتو؟ أه أنا غادي نقولك ولكن حليا دوك لودينات مزياان حيت هاد لهضرة مغاديش تعاودها ومكينش لي عارفها من غيري أسيدي باك دار هكداك حيت لقاها ففراشو مع داك سيد لي مدفون فديك لبلاصة أنا عارفك حفرتي فيها متخافش غادي يجي فوقو لڭراج معندك مناش تخاف لمهم قبل من داك نهار باك كان خدام معايا تياخد ربع ديال داكشي لي تنلقاو خدمتو انه يعرف فين وأنا تنتكلف بالبقية وتا من لبيع واقيلا كنتي كتفكر لمن هادي تبيع داكشي لي جبدتي داك نهار أنا نقدر نعاونك نبيعو ليك بلا تا مقابل عتابرها مكافئة بداية صداقة ولا لخدمة أه عارف كلشي عليك متخافش أنا راه بحال باك.. بقيت غير تنشوف مقديتش ندوي خونا واقيلا عارف لون ديال لكالصو لي لابس دبا قاليا دوي سول على أي حاجة ليوم بغيتك ترتاح متبقاش شي حاجة فبالك ومعارفش ليها لجواب.. وخا كيفاش عرفتيني لقيت شي حاجة وبحالا قلتي تا لواليد كان تيوقع ليه نفس لبلان وخدامين مع بعضياتكم؟ دبا نتا مفبالك لا أرض لا والو هادشي كامل غير باش توصل ليا؟ قاليا قبل منجاوبك على هادشي بغيتك نوريك شي حوايج خاصك تشوفهم قلت ليه وخا طلعنا تاني فطوموبيل ديالو دبا غادين وصقييل قاليا مغادي نكملو هضرتنا تا تشوف شي حاجة, مشينا لدار ديالو دخلنا لواحد لبيت كلو صنادق وباينا قداام قاليا فيا بلية تنجمعهم هادو كاملين لقيناهم بسباب باك هاد لعز كامل لي كتشوف فيه ولفلوس لي خديتي بسباب باك بلاتي نوريك شي تصاورنا عاد نقدر نجاوبك شدني من يدي وداني لواحد لبيت تاني جبدلي تصاور ديالهم شي وحدين برى لبلاد قاليا هادشي باش تعرف بلي انا ولوالد ديالك مكانتش بيناتنا غير لخدمة راه كان خويا وصاحبي ودبا نجاوبك على داكشي لي سولتيني عليه وباش تعرف بلي مغادي يكون بيناتنا تا شي حاجة تخبى خويا لي وصلكم داك نهار راه من داك نهار تيخرج هو وخالتك ويمكن ناوي يتزوج بيها هيا لي قالت ليه كلشي, متخافش قلت ليه مبينش ليها بلي باغينك عاودات ليه غير باش تشوف واش يقدر يعاونك بشي حاجة.. وأه حتى باك كان عندو نفس هادشي لي عندك تا هو كان تيقوليا بلي تيشوف باه ولي باينا تا هو كان تيشوف باه الله أعلم شكون لول وكيفاش دارها لمهم باك كان تيشك بلي نتا ماشي ولدو وهادشي علاش يمكن كان تيشك بلي غادي تكمل فبلاصتو ولكن دبا شي حاجة مفيهاش تخرشيش بلي نتا ولدو أه مكملتش هضرتي ديال قبيلا أهم حاجة كنت انساها انا وباك كنا كنسافرو بزااف هنا وبرى لبلاد هادشي لي خلا لوالدة ديالك تاخد راحتها فداكشي لي تدير مورا ضهرو كان ديما تيقوليا بلي تيشك فشي حاجة تال داك نهار جا على غفلة وكمل من دماغش شنو دار وعاود ليا كلشي حيت كما قلتلك فلول مكناش تنخبيو على بعضياتنا شي حاجة وقاليا بلي ميقدرش يبقى يخرج معانا بزااف حيت خاصو يقابلك وبشويا بشويا قلبها فلاحة ومقدرتش نبزز عليه وأخر حاجة سولتي عليها أه هادشي لي درت كامل غير باش تعرفني وتعطيني وقت و نقولك هادشي ممحتاجش نقولك سبب حيت باين بغيتك تولي فبلاصة باك تكون نتا هو شيفور ديالنا ماشي شيفور لي على بالك غتكون فهمتي شنو بغيت نقول فكر مزيان نصبر عليك نهار زوج سيمانة ولا كتر شحال ما بغيتي؟ بقيت غير تنشوف فدوك تصاور قلت ليه راك غالط راه مبقا تيبالي والو مورا ما لقيت داكشي قاليا غادي يباليك تاني غير نتا دبا واش بغيتي فلوس وكاع داكشي لي كتحلم بيه ولا بغيتي داكشي يبقى تحت لأرض فبلاصتو تا يلقاه شي واحد أخر إلا جيتي معايا غادي تعرف بزااف دلحوايج على عائلتك وغادي تكون فمقام ولدي.. بقى داوي قلت ليه خليني نفكر دماغي ضرني بكاع هادشي لي قلتي تقدر توصلني لدار بغيت نرتاح. وصلني لدار ومشا دخلت لدار مدويتش معاها دخلت لبيت نعست لغد ليه كتفيق فيا صباح لخير نوض تفطر انا غادا خارجا للخدمة مدويتش معاها خرجات هيا جمعت حوايجي كلهم وداكشي لي لقيت خليت ليها ديك صنيديقة لي لقينا فدار وسوارت طوموبيل ديالها وخرجت شديت طاكسي شافني مهرس من يدي ومعدبيني لحوايج وهو يوصلني تال دار دلواليد رجعت ليها.. سيدة مشات عاودات لواحد يلاه عرفاتو كلشي وبلاما تقولها ليا هادو بعدا طلعو تيعرفو لواليد كون كان شي واحد أخر كوراه فلحبس دبا فيهم فيس فديك لعائلة يمكن بحال لواليدة أصلا ممحتاجهاش عيطت على خونا قلت ليه أنا معاك وبغيتك تبيعلي داكشي لي لقيت كما قلتي ليا قاليا مرحبا غدا ندوز عندك! وخا دوز لعندي لدار ديال لواليد راه تحولت ليها.. وايلي ياكما درتليك مشاكل مع خالتك؟ لا غير ممحتاجش لي يقابلني لمهم دار راك عارفها دوز وقتما بغيتي.. وصلات وقيتة لغدا بقات كتصوني مجاوبتهاش جات قدام دار وبقات كتصوني مجاوبتهاش تا بدا كيضلم لحال عاد جاوبتها الو قالت ليا مالك خلعتيني علك عارفاك فداك شنو واقع؟ قلت ليها والو غير رجعت لدارنا وتا نتي خاص ترجعي لدارك.. ياك دوينا مكيناش داري ولا دارك شنو وقع واش درتليك شي حاجة؟ أه درتيي تلاقيت بخو سيد لي مشيتي عاوتيليه امتى تنعس وامتى تنفيق وحياتي كلها تا من داكشي لي تنحلم بيه كون غير مشيتي عند لبوليس نقدر نقول ضمير وكدا نتي ضحك عليك بزوج كلمات عطيتيه موس غادي يبقاو حاطينو ليا على عنقي دبا لمهم معندك ما تقولي يا خليني عليك شويا ديري بحالا متلاقيناش وأنا غنكون بيخير قاد بشغلي بوحدي قطعت عليها وهيا تبقى واقفة شويا قدام دار وتحركات...

يتبع