المصخوط الجزء 16

صافي ساليت أنا ولخويلة مشات لدارها خرجت أنا لعند ديك سيدة لي كانت مقابلا دار فاش كان لواليد سولتها بعدا كي بقات ولبنت عاد قلت ليها بلي رجعت لدار وتاهيا خاصها ترجع لبلاصتها بحال شحال هادي قالت ليا صافي من غدا ان شاء الله من سيمانة لولا بديت تنفرتك فدوك لفلوس كنت فدار لخويلة درهم متنحطهاش ولكن هكدا حسن.. لغد ليه عيطاتلي آية فينك واش تمشي معايا ليسي قلت ليها طرالي واحد لمشكل مع خالتي راه رجعت لدار دلواليد حتال من بعد وندوز لعندك ونعاودلك.. جات ديك سيدة خليتها كتقاد فدار من شحال مدخلات ليها هزيت ديك لباليزة خرجتها لداك شيباني عطيتها ليه قاليا صافي نتا تعرف غير فلوسك إلا مكنتيش داير فيا ثقة يلاه معايا لعند سيد قلت ليه لا غير سير قاليا إلا شفتي شي لعبة عيطلي ومشا بقيت تنسركل أنا تما وتقديت شويا عاد رجعت لدار لقيت ديك لمرا مشات لبيض وماطيشة تاني تا ولات معدتنا بحال ديال بنادم ورجعنا لهاد لحبس تاني بارك تنفكر نخوي لبلاد عندي فلوس مغاديش نتحنسر وأنبعد على هاد خوتنا أنا متأكد بلي مورا خدمتو صداع وحبس ولكن كنتفكر تصاور لي وراني ساط يقدر يتبعني لأي بلاصة ديك سيمانة دوزتها غير أفلام ديال (supernatural powers) راه وليت محسوب عليهم دبا ناري قودوها.. لخويلة عيطاتلي فوق 500 مرة ديك سيمانة معاودتش دويت معاها من داك نهار أصلا قلت ليها كلشي مكين لاش نعاودو ندويو على لأقل ديك لوقت نعرفها فاش خشاتني و واش غنعاود نشوف شي لعبة تاني حيت من نهار جبدت داكشي مكين غير ضلام وشخير وليت كنعس عادي.. كتعيطلي ديك بنت ناس شوف غادي نجي عندك نونسك ولكن مكنعرفش نطيب بزااف خاصك نتا تطيب قلت ليها صافي هانية قبلتي على بيض وماطيشة مرحبا سيدة كانت اديرها بصح وغتشريهالي مع باها تا سولتها شحال عندك من عام قالت ليا 17 ناريي قدك قد لبڭرة ومزال مينورة غادي يحسبوك عليا طفلة ويدخلوني لحبس.. خونا مجابش ليا لا لفلوس لا جوالق لي عطيتو ومقديتش نعيط ليه نقوليه شنو درتي ايقولك مدايرش فيا تقة ولا تيحسابلي شفرتو قلت زيد صبر سيمانة أخرى.. لخويلة وهيا تجي تاني مرة لقدام دار كتصونيلي خليتها واحد شويا عاد جاوبتها مدويتش خليتها غير هيا تدوي قالت ليا حل ليا لباب بعدا نشوفك مندخلش غير خرج لعندي راه مسافرا باش نشوفك متديرش ليا هكدا راك عارف شحال عزيز عليا إلا طلعت أنا برهوشة كون نتا مول لعقل ونسا مغادي يكون غير خاطرك من هنا لفوق والله ما نعاود ندخل ليك فحياتك دير لي بغيتي وا حل لباب حل لباب باراكة من تبعكيك راه زوج سيمانات وأنا تنقول دبا يبرد دبا ينسى حل البرهوش.. لله يرضي عليك. شفت تا عييت ونضت حليت ليها ودخلت تبعاتني حابس ضحكة غير بزز مكينا تا شي حاجة كتضحك غير أنا عندي خلل فالمشاعر كنضحك على والو أنا فلموت وكتشدني ضحكة هتلر وميديرهاش.. بركنا بزوج قلت ليها نتي عائلتي وخالتي على راسي وعيني أنا غنكون هنا فاش تبغي تشوفيني عيطيلي ومرحبا والله.. بدات كتحلف عليا تا نمشي معاها وخليتي بلاصتك كاع جيران كيسولو عليك وخليتي آية غادي تبدلك تاني كتجر فيا وكتحلف وبدات كتجمعلي فحوايجي كاع كون كان شي واحد أخر يمشي أنا لا قلت صافي هيا صافي واصلا دخلات هيا لهاد صداع بسبابي اللهم نخليها بعيدة عليا وعلى مشاكلي قلت ليها ماشي دبا من بعد ونقدر نرجع لعندك تا يقرب لإمتحانات ونقدر نرجع لعندك بدات كتسول فيا شنو قالو ليك واش بزز عليك تعطيه شي حاجة ولا شي خدمة قوليا أنا انعرف كيفاش غنحل ليك لمشكل؟ مقال ليا والو غير خليك بعيدة على هادشي معندك ما ديري كتر مادرتي.. خرجت كاعيا رجعت لكوزينا وأنا ندير نفس مدرتش بيض وماطيشا درت لبيض بوحدو لواحد هو لي يبدل شويا مرة بيض مرة ماطيشة مرة بزوج لواحد هو لي يبرع راسو وينوع ديك ليلة كرشي كتقطع ولفات لبيض وماطيشة مصيبة مقديتش ننعس ولمشكل مكين لا جيران قراب لا والو نقدر نتمشى عندهم لوحيد لي تنعرف قريب شويا ويقدر يوصلني لصبيطار هو داك لكوميسير عيطتليه قلت ليه راه رجعت لدار منعرف مالي.. مرضهاليش فوجهي بالخف وقف قدام دار طار بيا لكلينيك تيسولو فيا شنو كليتي حشمت نقوليهم يقولك لفلوس وتصقريم عطاني واحد دوا قاليا إلا محسيتيش براسك بيخير غادي نجبدو داكشي لي عندك فديك لكرش قالها وخونا ججبانو ملاصقين بحال شيطان تيخلع قلت ليه لا أعمي غادي نكون بيخير شعندك ما تجبد غير خليني نموت لله يحفظك بلا شوهة تنشوف فخونا لكوميسير شوف إلا وقعاتلي شي حاجة رزق لي عندي خليتو لختي صغيرة بقا تيقوليا يهديك الله معندك ما يوقعليك غير شي لعبة كليتيها خليهم يديرو ليك غسيل للمعدة معرفتي يكون شي سم ولا شي حاجة لا قدر الله.. غير واحد نص ساعة وأنا نولي بيخير ومتشوهتش تيسولوني شنو كليتي غير واحد طاجين بالحم ولبرقوق قاديتو شهيوات لي علمني لواليد غتكون غير شي برقوقة خاسرة يا حفظنا الله من شوهة بحال هداك لي عضو حنش فسميتو عليها وغير موت أساط كينا غير موت وحدة موت بكرامتك.. قالولي غادي تبات هنا حتال غدا بايت تما ولبرررد دبصح صباح لقيت لخويلة معايا فلبي ومغطياني بمانطة جايباها من دار لحناان صباح لخير صباح نور بقيت كنتسنى فطبيب تا جا لعندي عاد قاليا تقدر تخرج خلصت وخرجنا طريق كلها كتدوي معايا يلاه نرجعو لدار قلت ليها لا منقدرش وصلاتني لدار وهيا تباليا جبدات باليزتها قالت ليا مبغيتيش ترجع أنا انجي لهنا قلت ليها لي بغيتي دخلات حوايجها بانتلي دخلات لكوزينة حلات تلاجة فيها لبيض وماطيشة وهيا تطل عليا لبرقوق ولحم علاش كتكدب علاش ناس لي فلحبس ومتياكلوش نفس لحاجة كل نهار بسيف ما يوقعلك هكداك أنا غاديا نتقدا رتاح نتا.. بقيت بارك فبلاصتي تنفكر فدخلة ندخل بيها داك سيد راه عيق وخا يكون تيبيع داكشي بالغرام كوراه باعو خونا يمكن دارلي أكبر تخويرة فتاريخ حيت أنا من داك نهار مبقيت شفت شي حاجة يمكن هو عارفني مغادي نعاود نشوف والو ودارلي ديك لقصة غير باش ياخدلي داكشي لي عرفني لقيت إلا كان بصح راه غادي يكون خدمني خدمة ديال لكلاب وأنا نخدم داك شيطان لي عندي عيطتليه قلت ليه وصيتيني إلا شفت شي حاجة نعيطليك لبارح شفت لواليد فبلاصة أخرى ويمكن عارفها فين كينا بدا كيتمتم اأا وايلي مزياان غادي ندوز لعندك دبا قلت ليه لا ماشي دبا ممساليش شنو درتي فداكشي لي عطيتك داك نهار؟ قاليا شنو باليك غدا نديروها حجة وزيارة غادي نمشي لبلاصة جديدة وغادي نجيبلك معايا فلوسك قلت ليه واش عندك؟ أه موجدين عندي فدار غدا معاش ندوز عندك؟ وقتما بغيتي. دخلات لخويلة كتقاد شي لعبة لغدا دخلت لبيتي نرتاح غدا غادي نفرتك ديك رمانة خونا 100% كان تيكدب عليا شفتو كيتمتم وبراسو كعما متيق.. أخر حاجة كانت نتخايلها ديك ساعة أنني نعاود نشوف لواليد وهادشي لي وقع حطيت راسي غير داني نعاس وهو يباليا بحال لمرة لولا هاد لمرة بحال صحرا تا ديك لبلاصة ديجا شفتها مزال مكملتش لحلم وهيا تفيقني نوض تغدا إوا لله ينعل...

يتبع