المصخوط الجزء 17

كتبقى فيا هاد لمخلوقة كتحاول تقرب ليا كتزيد تعورها كليت رجعت ننعس والو واش بغا يجيني نعاس قلت صافي ليل غادي نكملها باش غدا نوري خونا لبلاصة وهادشي لي درت بقيت مع لخويلة فدار داوين شنو وقع هاد لأيام قالت ليا بلي صافي سالات هيا وداك خونا لمهم ضلام لحال عيطلي خونا بغا يتأكد واش غنمشيو قلت ليه أه شفت لواليد فشي صحرا وعارف لبلاصة قاليا صتفي غدا ندوز لعندك نلقاك واجد راه انجيبلك فلوسك.. خاصني غير امتى نحط راسي على لمخدة مع 8 دخلت باغي نعس وتقول واش بغا يديني نعاس تال 9 ضرباتني لفيقة مع 4 ديال صباح معاقل على والو مشفت حتى شي حاجة هادشي لي شفت بنهار غيكون غير حلم عادي ماشي بحال لي شفت شحال هادي يمكن مكين لا زوج مرات لا تلاتة لعيد غي مرة فلعام ديك ساعة خدمت شيطان لي عندي تاني هزيت لبالة وسوارت طوموبيل دلخويلة وخرجت لديك لبلاصة ورانا حفرت فديك لبلاصة جبدت داك خونا درتو فطوموبيل ديتو بعيييييد لواحد لمقبرة حدانا خاويا ومقطووعة بعييدا على ديور ومفيهاش عساس تنحفر وكنتسناه يتحرك ولا تخرج ليا شي لعبة من شي قبر شاداني تبوريشة ديال بصح حليت عليه قاديتو فديك لحفرة غطيتو صرعت ليه لبلاصة مكينش لي غادي يميز بينو بين قبر أخر منعرف شنو قاليا راسي قريت ليه لفاتحة هادي هيا تضرب زوج دلفراخ ببالة وحدا رجعت لدار قاديت ديك لحفرا مبقى فيها والو رجعتها كيف كانت دوشت جبت لخبز وتقديت عمرت أتاي فاقت لقاتني بارك تنفطر تخلعات مفهمات والو ومعمري نعاود ندير نفس لخطأ منقدرش نقوليها شنو درت فطرنا دخلت جمعت حوايجي داير مع داك شيباني غادي يجي لعندي مع 8 دصباح يلاه نوصلو حيت قلت ليه صحرا خرجت لعندو مدلي لفلوس بعدا غير شفتهم باينا مواصلينش حتى نص ديال ثمن لي عطيتو مدويتش درت فيها كامبو أصلا هادشي علابالي بيه دخلتهم للخويلة قلت ليها غادي نرجع لدار ديااك دي هادو وحوايجي وسيري بقات كتسول فين غادي واش نعيط على لبوليس دورتها فدماغي مزيان قلت ليها عقلتي فين تبحرنا فصيف غادي نكون معاهم تما إلا مرجعتش من هنا ل13 عيطي لبوليس خرجت معاهم عطاني نسوك غادي بيه قلت ليه راه كنت غالط لبحر ماشي صحرا قاليا نتا تعرف غادين من هضرتو باينا مصدوم ممتيقش بلي شفت شي حاجة أخرى وصلنا جايب معاه 3 دخوتو واحد فيهم هو لي كان وصلني أنا ولخويلة هو لي عاوداتليه وصلنا لديك لبلاصة نعتليهم واحد لبلاصة قلت ليهم حفرو مزياان خليتهم تيضربو فديك رملا ناشفا وشمس ديال بصح رملا تيحيدوها من جيه وكترجع من جيه بارك أنا وخونا فطوموبيل وهوما مقاتلين وتيزربو غادي نخليهم يعياو مزيان سيطان بداو كيغبرو فديك رملا ضربات 13:00 بلاما نحس وهوما مزال تيحفرو عيطت على لخويلة قلت ليها داكشي لي قلت ليه زيديه واحد ساعة وقطعت قاليا شنو هاد لي غادي تزيدو ساعة؟ قلت ليه لبوليس إلا مرجعتش غادي تمشي معاهم تال دارك غادي ننزل دبا نمشي لدارنا غير قريبة نعاود نشوف كمارتك ولا شي واحد فخوتك غادي تكون هضرا أخرى إلا كنتي بصح كتعرف لواليد غتفهمني علاش داوي مبغيتش نعرف منين جبتو داكشي واش مزال منو شي حاجة ولا منعرف شنو غادي يكون نساني.. نزلت لقيت خوه لي كان مع لخويلة يلاه غادي يطلع من ديك لحفرة حطيتليه واحد لمسمنة ومع خونا كلو عرق عرفتي كيتسمعات ويدي تملصات مشديتش فيه مزيان ولكن نشرتو باش نوريه كيفاش يضحك على خوالات ناس.. غادي وبغيتهم غير يتبعوني ولا شي لقطة والو شديت طاكسي حطني حدا دار طلعت دخلت وهيا تعنقني وكتبكي صافي رجعتي ياك مغاديش تعاود تمشي لله يرضي علك قلت بيها أه صافي كلشي سالا فين هوما دوك لفلوس؟ جابتهم ليا كتسول منين جاوني قلت ليها من بعد ونعاودلك ضربت عليهم طليلة خفيفة ودرتهم فبيتي عاد ريحنا قالت ليا بلي خاصها تمشي لخدمتها مشات بقيت بارك تا كنسمع دقان حليت لقيت آية غنقاتني وبابهم محلول مقاد مع بابنا تخلعت أنا وماشي كتعنق كتقج نفس كتقطع بنت ناس خاصك تحبسي لصال شي عامين ديال نعاس ولكسل وشكلاط وتبعصيص يلاه ترطابي شويا را بزااف بقينا داوين دخلتها لبيت والااااا ميمشيش بالكم بعيد تاني غير وريتها دوك لفلوس باش نتصور عليها شويا بقات كتطلب لله يحفظك غير 200 درهم من وسطهم..لا! والله ما غادي تبان.. لا!! منساش ليك خيرك.. وا لا!!! عووومري.. ششششش مكيجيش معاك داكشي دل (الأنوثةfeminineness) غير خوديها وسكتي بدات كتسنابي ليا معاهم بزز باش خرجتها.. بقيت بارك شاد واحد لكتاب حتى دخلات لخويلة سولتها واش جا لعندها خونا قالت ليا لا عاودلي شنو وقع ديا قلت ليها وخا أصلا كلشي سالا عقلتي على داك لي لقينا ورا دار ديك ليلة ومشيتي قلتيها ليهم حولتو صباح لبلاصة بعيدة خونا كدب عليا باش نعطيه داكشي لي لقيت وعطيتهم ليه ولكن تانا خدمتو ليوم رجعت شويا دلفلوس وصلختلك داك بوكيمون لي عاجبك يعاود يدور بيك عيطيلي وخرجي سوق يلاه متبقايش مصدومة هكدا يلاه نحيدو دوك ريالات من هنا.. غادين وكتشوف فيا مرة مرة ديك شوفة ديال وليتي كتخلعني صدمتها ولكن مزيان هكدا دار خاصها راجل يحكمها رخينا معاهم شويا يحساب ليهم مزال برهوش ولا منعرف من ليوم غادي يشوفو واحد أخر تنطلب فداك شيطان لي عندي يفكر ليا فشي لعبة نحرك فيها دوك لفلوس والو ولد لعبد كيبان غير فاش كترشقليه..

يتبع