المصخوط الجزء 18

فينما كنمشيو لبنك كنلقاو واحد خونا كتضرو خاطرو فاش تيشوفني عارفني جايب ليه لخدمة.. رجعنا لدار فليل باركين كنخطو كنسمع دقان قالت ليا غتكون غير آية هادي مشات تحل تنسمع لباب تسد بشويا ومرجعاتش أنا ديك ساعة دخلني شك جمعت نوضة حليت لباب كتباليا واقفا هيا وخونا تصرفيقة مزال مطراسيا ليه فوجهو طلقت ودني كتقوليه سير إلا مبغيتيش مشاكل راه غادي يولي معيبك متعاودش ترجع لهنا مبيني وبينك والو قصدتهم مدويتش غير تنشوف فيه وهو يتم خارج.. متسناتش تا دخلنا قالت ليا راه قلت ليه غير سالينا معرفتش علاش جا والله قلت ليها ديك دخلي دخلي أصلا موصيبة دخلتينا ليها منعرف كيفاش غادي نخرجو منها دخلنا وأنا نعس تنفيق تاني على دقان ودقان ديال بصح أنا قلت صافي داك خونا رجع تاني هزيت واحد جعبة فيدي حليت لباب تيبانو ليا زوج صحاب لوقت بدون شعور لحت جعبة وهوما كيشوفو فيا زعما باش ميشوفوهاش قاليا فلانة كينا تيسول على لخويلة قلت ليه لله يسمعنا خبار لخير شنو كين أنا تقدر تقول ولدها تنحكر ليه فوجهو بحالا فايت ليا شفتو معقلتش فينا كوميساريا مع أنا وليت تندير صلة رحم عندهم بزاف.. قاليا قولها بلي خاصها تجي معانا غنتسناوها هنا قلت ليه بلاتي دخلت عندها سيدة كتحلاام تنفيق فيها وا نوضي الحاجة وا شريفة شنو درتي لبوليس عند لباب غادين يديوك قوتيها محامية يا حصرى مبايناش عليك فوجهك بعدا سيدة تخلعات ناري شنو درت؟؟ قلت ليها يلاه نتي لي غادي يقوليك غادي خارج نقوليه صبر تلبس تيبانو ليا خوتنا دخلو وسدو لباب معاهم 3 أخرين لابسين عادي هازين لمضا جريت لباب ديال لبيت فيدي موت وحدا لي كينا مغوت موالو غا من لخلعت تسمرت فبلاصتي كاع داك طيران ولقباحة كيفشل فاش كتشوف لمضا غتولي معيب ديال بصح ولا ميت قلت ليه خويا خود لي بغيتي غا مديرش شي لعبة تندم عليها وهو يصرفقني بداكشي لي هاز فيديه غير ديك جهة رطبا عرفتي كيفاش تسمعات من شحاااااااال متصرفقت ودنيا فلبلاصة شعلات فيه لعافية لغوت لي مولفين بتصرفيق وصحاب لوقت غادي يفهموني بقيت تنشوف فيه و واقف قدام لباب لخويلة كتسول شنو واقع خونا باغي يحل لباب كنقوليه ماشي روجولة محيلتي لخوتنا باغين يحلو لباب محيلتي ليها تاهيا كتحل فيه ساط باش غادي يعاود يصرفقني بيها شديتها زربو عليا 5 دناس وخا منعرف كيفاش تكون غادي يزربو عليك يدي تحلات بعدا.. غير حيدت وهيا تحل لباب بدا تيسب فيها غير لهضرة زوينة باش متغوتش وقفني باركنا سيدة كتشوفينا غادي نموتو وكتسول على يدي بداو كيقلبو فدار بقاو زوج واقفين حدانا كتطلب فيه غير باش تشوفلي يدي انا بقيت غير تنشوف أول مرة نحس براسي مقاد ندير والو هكداك وهو يقوليها غادي تسكتي ولا ديك لكلمة* محسيتش براسي تا حيتليه داك لموس كيشير بيها عند وجهي مشادش من ليد ديالها من شهة لماضيا ضربتو لجنب دعنقو دم بحال شي روبيني طاح داك صاحبو تصدم حطيتها ليه فكمارتو خلطت ليه عين ونيف وفم قلت ليها خرجي والله ما زادت كلمة طارت كتجري إييييه را مييكروب وموت نتا على ودهم لأخرين سمعو لخويلة كتغوت على برى ضواو كيشعلو ولاو باغين غير يخرجو محاشرينش فيا أنا كنشوف غير فداك لي صرفقني خشيتهاليه فضهرو عند لباب وجيران واقفين بدون شعور جريتها وعاودت ضربتو بيها شي غوات تنسمع معمرو يتنساليك تيدوز من حدايا لأخر لي ضربتو لوجهو شديت ليه فرجلو شدة لعمى فضلمة طاح على لموس لي شاد ها علاش لواليد حياتو كلها وهو تيقوليا متجريش ونتا هاز لموس.. هادشي كامل والله ما قرب شي واحد فجيران ولا عاون غير كيغوتو بغيتهم كون طاحو مع درب لقديم كوراه كلاوهم وها علاش كيقولك جار قبل دار مضروب فعنقي معقلتش تا إمتى تضربت جريتهم لداخل زعما باش ميهربوش بحال داكشي ديال أفلام رعب دم فكل بلاصة داك لمصطي لي عياو ميضربو فيه ومكيموتش لحت لمضاية حيدت تريكو خاص لي يدخلو يشوفو لعضلات والله ما دخل شي واحد من غير لخويلة كتطل بنص عين واش بردتي؟ مزال شي واحد؟ بنادم فاش جا شنو كيدير لحاجة لوحيدة لي ولاو تيعاونوك بيها لمغاربة هاد لأيام جابدين تيليفونات واحد تيجرب لفيلترات ديال سناب ولا منعرف شنو تيدير بات آية قاليا تكا واحد شويا وهوما يجيو لبوليس مفهمو تا شي لهبة دارولي لمينوط باش يديوني لصبيطار دخلنا طبيب تيخيط وهوما واقفين ليا عند راسي أنا قلت صافي هادو غادين يعلقو ليا شي وسام ولا غادين يبغيوني نخدم معاهم حشوما محارب بحالي يضيع كون طحت يامات لحروب بسيوفا كوراني شي أمير ولا شي قرصان غا لوقت ممساعداش بقيت ديك ليلة فصبيطار فبيت شرجم ديالو مسدود بالحديد وخوتنا واقفين عند لباب زعما غادي نهرب أصلا مدانيش نعاس ديك ليلة كنتفكر ضربة لي ضربت خونا لوجهو لحمي كيبورش ناري لواليد غادي يكون فخور بيا دبا.. سمعت لخويلة فاش جات بغات تشوفني ومخلاوهاش قاليها منقدروش نخليوك تشوفيه الآلة من بعد واتشوفيه جابولي لفطور تال ديك 9 جا طبيب تاني بقى تيقلب ليا فلبلايص لي مضروب فيهم قاليهم يقدر يخرج دبا غير يبدل لقطن كل نهار و واحد لفانيد موجود هادشي عندنا أجي معايا نعطيهمليك و قاليا ميكون عندك باس وخرج مع واحد منهم قاليا كيبقيتي قلت ليه بيخير وسولتو على لبوليس ديال لبارح قاليا بلي لي لقاوه فدار ماشي بوليسي غير منعرف منين جاب لبست.. يلاه غنبدا نعاشر سيد وهيا تدخل لخويلة كتطلب فيه يخليها غير تدوي معايا وجايبالي حوايج قاليها 2 دقايق وخرجي بلاما تجبديلي شي صداع شداتلي فيدي مع ديك ولدي وهيا تطلق ديك لبكية ديال هييييييييييييي أغرب بكية تقدر تسمعها فحياتك قلت ليها صافي موقع ليا والو علاش كتبكي بقات كتغبن تا جا لأخر خرجها لبست وخرجنا كنحس براسي بحال اسكوبار فدخلت ديال لكوميساريا شي ناس واقفين عند لباب شافوني بحالا شافو شي يهودي بغاو ياكلوني وباينا فيهم مناعسينش بزز باش حابسينهم صحاب لوقت دخلوني ومزال كنسمع غواتهم ديك ساعة كانو كيبانو ليا غير شفارا مطاحش ليا على بالي بلي تا هوما عندهم والدين وعيالات و ولاد وعائلات كل واحد تيشوف راسو هو لبطل ديال لفيلم ولأخرين غير أدوار ثانوية أودي عمييق وشاابع فلسفة غي ضايع ضايع لخويلة غير واحد ربع ساعة وهيا توقف ليهم 5 ديال صحاباتها دلخدمة وليت شاك واش غادي نكمل تا 12 ساعة تما تيبانو ليا مناقشين ونقاش حاد نعاماس مرة مرة كتجي شي وحدة تنعاود ليها لفيلم كيفاش وقع وكنزيد فيخرات لابدة كتقوليا ولدي كنقوليها وايلي على ولدي والله إلا قدك قراو معايا لعام لي فات مزوجة؟ نفس دخلت كوبي كولي ليهم ب5 ديك لعيبة ديال سمكة التونة كتلوح صنارة ونتا وزهرك واحد لخويلة بقات غير كتشوف وكتطيح ليا فسوق هدا راه مخلي ليا دار كلها دم وشوفو بالو معاش..

يتبع