ضحكات جهينة و دخلات ... لقات 3 السيكان محطوطين و ايناس كتقاد شعرها حدا المراية و امها واقفة عليها ...
سلمات عليها جهينة و قالت ام ايناس ...
ام ايناس: عمرني شفت شي وحدة مزوجة كطير بحال هاد الطيران ديالك .. مخيمين غير ب2 بيكم بنات ..
انيسة: صافي نمشي معاهم ...
ايناس: شدي الارض حدا مك البرهوشة ...
الام : انت كطيري اكتر منها .. جلسي و سكتي ..
انيسة: اووف 😡😬
جهينة: ماتخافيش اخالتي راه تربية ايديك حافضين سوارينا ... بلا متشوشي ...
الام: منخافش عليك انت ابنتي ... ها اللفعة لي كضرب من التحت ...
ايناس: راه انا لي بنتك ماشي هي ...
جهينة عنقات الام بالجنب و كتقلي ليها السم : تفرغعي تم
الام: ههههه ماعرفتكم صحابات و لا ضرايرات ... مهم غدوزو 2 سيمانات ماتفوتوهومش ... هاني كنعلمكم ..
جهينة: غير سيمان...
قاطعاتها ايناس و هي كتخرج عينيها فجهينة: اه اماما 2 سيمانات ..اصلا هما لي عندنا ... ياك اجهينة ..
جهينة: هاا؟! اه اه ...
الام: شتك كضوري فعينيك راه والله و نعرف عتمان راجلك ..
قاطعتها ايناس: وا ماما راه قلت ليك هو مسافر خدام ... مسالي للعطلة هو .. و زايدون راه راجلي مال...
جبدات معاها امها بقرصة حتى غوتت ...
انيسة و جهينة تشادو و كيحكو فجنابهم حيت عارفين مدى سمية القرصة لي تعرضات ليها ايناس ...
ايناس: آااا وا مااما حرام عليك طيبتي ليا جنابي 😢
الام: على لوالديك انت بغيتي تعلمي ؟؟
جهينة:صافي اخالتي ولا عليك ... هههه راه بنتك مقرصة و عارفة سواريها و دايرة كلامك حلقة فودنيها ... ياااك آاا ااييينااااس 😌
ايناس : اااه * رجعات لوور باش ماتشوفهاش امها و هي دوز ايدها على عنقها بمعنى و الله لا بقات فطاسيلتك 😂*
ركبوا ب2 و ديمارات بعدما سلمو على البقية ...
ايناس: الله على راااحة ... تهنيت من النغير واحد الشوية ... اجي لمك قبايلة كنتي غتفضحيني و ماما الله يستر كتقبطها فالسماء 😡 واش بغيتي تموتي ؟
جهينة: هههه كالم داون جورل ماعندو مايوقع ..
ايناس: ماعندو مايوقع غير غتدبحني انا و عتمان ...
جهينة: اوى بيني و بينك ... ماكيانبكش ضميرك ؟
ايناس: مرة مرة ولكن اش غنقول ليك المكتاب و صافي ..
جهينة: انتوما غير ديروها يايديكم و سبيوها فالمكتاب ...
ايناس: ومالك ؟... مكتأمنيش بالمكتاب ..ربي مكتب لينا كولشي عندو ... حنا غير عايشين و صافي .. المسخوطة ياكما حتا انت وليتي من بني قردون ...
جهينة: هههههه ... الله ينجيني ... ولكن هاد القضية بزاف غالطين فيها ... هو بالصح ربي مكتب لينا و عالم بلي وقع و لي كيوقع و لي غيوقع ... و كيحط قدامنا فرص و امتحانات و حنا كناخدو قراراتنا و اختياراتنا راسنا .. هذا هو الاختبار ... الى ربي هو لي جعلنا نختارو الحاجة ... مايبقاش اختبار... والديك و جنسك و وجهك ... ماشي انت لي اختاريتيهم ... ولكن منحى دراستك و شخصيتك واش غالب فيها الخير ولا الشر .. كيبقى بايديك انت ... متلا كنتي فالزنقة بان ليك بسطام امراة طايح و هي كتقلب و عرفتي بلي فيه مبلغ معقول ... الى اختاريتي تاخديه و تهربي اولا اختاريتي تعطيه ليها ..فهذا قرارك .. و اختبارك ..انت غتحددي تنجحي فيه و لا اللا .. الى جيتي تشوفي حياتنا كولها عامرة اختبارات و حنا مراضينش البال ... كولنا مسؤولين على قراراتنا ماشي ربي لي كيخلينا نديرو الفعايل الخايبة ... عرفتي السبيطار العمومي لي درت فيه السطاج قبل منخدمو فهاذا ..
ايناس: اه مالو ..
جهينة: كانت فيه واحد السيدة .. مافحالهاش .. جات تولد منين جاها الوجع فدارها ... عرفنا بلي مكانتش مراقبة حملها و كانت هاملة راسها ... مهم ... ولدوها ولقات البنت مشوهة .. مسيكينة كان راسها كبير شوية و معندهاش صباع و عويناتها داخلين و رجيلاتها قصار ... مها ماحملاتهاش و مابغاتهاش .. خلاتها فالسبيطار ... و كانت كتطل عليها فالايام الاولى و من بعد مابقاتش بانت ... كنت كنشوف فديك البنيتة مسكينة لي معندها دنب .. حتى دخلات واحد الممرضة تما بقينا كنهضرو انا و ياها على البنت و مها ...حتى ولات كتهاجم و بهاد العبارة قالت " اوى علاش هاد ربكم خلق هاد البنت البريئة بهاد الحالة باش تعدب معندها لا واليدين لا والو شنو دنبها " (استغفر الله )... جاوبتها بلي امها السباب ؟ يمكن ربي كان مكتب ليها تجي بصورة كاملة و تعيش بحال قرانها ... حيت السبب فالتشوه ديالها هو واحد الدواء ديال حب الشباب و السيدة شرباتو بدون استشارة طبية و بسبب اهمالها لحملها تسببات فهاد الشي .. ماشي ربي لي خلاها دير هادشي ... كون كانت عندها حس المسؤولية و الاهتمام تجاه الحميل ديالها كان الوضع غيكون افضل ... اوى يالالا معجباتهاش هضرتي و زمطتها و بدات تخربق و تخرمز... مصبرتش و انا نسب لمها العروق ... و هما يجريو عليا 😂😂😂😂
ايناس: هههههههه عاد عقلت 😂😂😂 فاش قلتي ليا ضاربتي مع شي وحدة ... صدقت هادي هي قصتها ..
جهينة: واييه الله يسمح ليا كان خاصني انساحب .. و نخليها بما انني هضرت باللاتي هي احسن فالاول و لكن كان كلامها مستفز صراحة ...
ايناس: هادو هما الملحدين ... الواحد يتجاهل هاد النوع ... حتى النقاش معاهم متعب .. كلها حر فراسو غير شي مايقيسش شي ..
جهينة: اودي حتى انت و ما اكترهم .. و سبب الحادهم غير منطقي ... اغلبهم كيلحدو باش يخرجو من قيود الحرام ... و كاين لي كيبغي ينتاقم من لي خلقو فاش كيلقى راسو فاشل فاختبارات الحياة وماكاياخدش لي بغا و كيجيه اكتئاب ... كيبغي ينتاقم من لي خلقو و كيولي ينكر وجودو ...وفالداخل ديالهم مامتيقينش شنو كيقولو داكشي علاش كتلقاي الملحدين لي كانو مسلمين قبل غير كيضورو و يقولو انا ملحد و انتوما باقين فعصر الجاهلية و كيبقاو يجيبو براهين و احاديت لا علاقة و ديما فكلامهم اسلامكم دين دموي و متعصب و غير عادل و كتعرفو غير تقتلو لي ماشي من دينكم ... هاد الكاسيطة ديما كتعاود على فامهم .. و هما في قرارة نفسهم عارفين داكشي ماكاينش و كيحاولو يقنعو ريوسهم و كيجرو اكبر عدد ممكن للالحاد باش يطمنو شوية و يعرفو بلي ماشي غير قلال ... و الدليل كيهاجمو غير الاسلام حيت هو الدين الحق ... ماكايهاجموش الديانات الاخرى حيت بكل بساطة مناسبة "لعقليتهم" الى بغينا نقولو و "التفتح" ديالهم و مافيهش الحرام .. كولشي الملحدين ديال العالم هانين الا هادوك لي سبق ليهم كانو مسلمين وعندهم احتكاك بالاسلام ماهانيينش و عمرهم غيتهناو حيت فالداخل ديالهم عارفين اش غيوقع ...
ايناس: كيف عادتك عاطية للتفلسيف و التحليل صلية ... ديما كنقولها انت اذكى من لي كتباني 😂😂
جهينة هزات عليها ايدها: شناهوا ؟😡
ايناس:صافي وقفي وقفي غير هنا المسخوطة غتخشينا فشي قنت😵 ..
جهينة: ناري مك الفران 😨
ايناس: اويييلي مااالو ..
جهينة بقات تفراني شحال من مرة و قبل ماتدخل فالسيارة لي واقفة قدامها حبسات ... و هي ترجع لور كتاخد نفسها من الخلعة و ايناس حداها كتقلب فراسها واش باقية حية ...
ايناس: لمك ... كنتي غتصفيها لينا 😡
جهينة:صافي ما وقع والو راه مرة مرة الطوموبيل كاتبغي تشد فيا .. 😅😅
ايناس تفرغعات: وااااااش لموووووك كااااااين شيييي حد عندو مشكييييييل بحال هذااااااااا فالطوموبيل و بااااااااااقي كيسووووووووووقها ... 😡😡😡😡
ايناس: خاصك ضروري تديها تحلي المشكل و لا نصدقو فشي مصسبة هاني علمتك ..
جهينة: ماتخافيش راه ماغيوقع والو ... زيدي نهبطو ..
خرجو من السيارة و هزو سيكانهم و مشاو فاتجاه لي كابانو ...
وصلو و حلات ايناس الباب و دخلو ...
حطو سيكانهم و بركو يحلو البيبان باش تهوى الدنيا ... ريح البحر داخلة .. طلو على الناس محيحين و الدنيا عامرة حيت هما في فصل الصيف ...
جهينة: الللللله 😍😍
ايناس: نااري لمك الجو واااعر ... ديال شي عوما ...
جهينة: خاصنا نجمعو الدار و نقيوها بعدا ...
ايناس: ماشي مشكل دغيا نساليوها ..
جهينة: وياله نبداو دابا نيت باش العشية نخرجو نتبحرو ..
ايناس: سيري عالله ...
بعد ساعات ديال التخمال و التنظيف ... مشاو للكوزينة دارو طورطية بالبيض و البصلة والبطاطا و فرماج من الفوق من التقدية لي جابو مع كوكا ... و جلسو يتغداو فالجليسة برى ...
جهينة: نااري مك جات بنينة ... تهزي باراكة عليك خليني ناكل لي يبقى ياله يفيني ...
ايناس: وا البقرة ... تي هذا هو ريجيم لي خاصك ديري و تنقصي الزايد عليك ..
جهينة كتاكل و تهضر : شهيتي ديما مفتوحة .. القضية غتكون اصعب و الدوايات هما لي ماغاناكلهمش ... و مادام جلال عمرو تشكا كولشي تحت السيطرة ..
ايناس: و شكون هضر على داك بنادم .. انا عليك انت .. عرفتي الى تحسنتي ... انت براسك غتقلبي عليه و مايبقاش يبان ليك ..
جهينة: غير خليني .. انا معجازة باش ندير شي تفيير فحياتي بحال هذا ..
ايناس هزات عليها موس : واش طواسل مك بغيتي تخرجي ليا العقل .. سينين و انا نقنع فيك و انت كيف داك الطريق المسدود.. عمري ربحت معاك شي ارغيمون ...
جهينة: بردي العشيرة .. انا بيخير هكا ... يقدر يوصل شي نعار و نتبدل ماعرفتي ... كولشي ممكن ..
ايناس: عالله من فمك لربي ... و نوضي دابا نتبحرو واللهتا هاوشوني الناس على العومان ...
جهينة: غتعومي؟
ايناس: اه و لكن ماشي مايو بحوايجي بطبيعة الحال ..
جهينة: حتى انا .. غير سبقيني لبسي ووجدي بما كملت ..
ايناس: عنداك توحل لك و انت كتاكلي بايديك و رجليك خاصك غير خرطوم 🐘 وتولي تزمري بيه ...
جهينة: سيري من قدامي قبل مانشير بيك من هنا ...
بعد قليل ... ايناس وجدات مستلزماتهم و لبسات كسيوة مستورة بنصف كم و سروال و جهينة شورط دجين فوق الركبة و تيشورت ابيض فيه الكتبة و شعرها كيف العادة مطلوق واصل لتحت سدرها و كتيف و ديما كورلي .. هزو مستلزماتهم و خرجو كيتناغرو فين يجلسو ..
جهينة:ماشكيتش عليك...و زايدون لمك راك مزوجة .. غتجلسي قريب لعزارة ...*بدات تهضر بالجهد* فين الولاء فين الاحترام يا قليلة العفة ياقليلة الترابي يا مسخوطة واليديها وراجلها ..
جهينة كتسب و كولشي لي داز يشوف فيهم ايناس بدات تولول و تضرب حنكها و دارت راسها ماكتعرفهاش و علقات و الاخرى تابعاها و تعطيها غير باش تحبس نفيرها ...
جهينة: صافي الدنيا خاوية شوية هنا ..
ايناس: صافي وقفي الباراسول هنا ...
وقفاتو جهينة و سرحو الفوطات و جلسو ...
جهينة : ياله نوضي ...
ناضت ايناس و تبعاتها دخلو للبحر ..
ايرتان جالس مع عشرانو فالرولاكس ضاربين شورطات العومان ...
عز: دابا حنا خرجنا من الاوطيل و جينا كرينا كابانو من هنا و بالزز وعلامن على ديك ميخية ... واش نيت غدير فيها راسك ؟
ايرتان ماكيجاوبش ... كيخمم و يفكر ..
فؤاد: مابيه لا انتقام لا والو .. باغي يلعب و يدوزها عليها وصافي .. فاش غيمل غيدير و كأن شيئا لم يكن ..
اشرف: بصراحة هههه و الله تا عالام هاد الدرية ... كديرها و تعلق 😂😂😂 عمري شفت بحالها ... نموت و نعرف اش غيوقع من بعد ...
عز:اش طالع لينا حنا من هادشي كولو .. انت غتلعب مع راسك و حنا شنو دورنا فهادشي ... دخلنا تاحنا بغينا نلعبو مع ديك الدبدوبة
دور ايرتان وجهو بالشوية بملامح باردة طل عليه من تحت النظارات السوداء و قال: داكشي بيني و بينها ... انت علاش باغي تدخل راسك
عز حك مؤخر راسو و قال: اوى الى كان هكا الوضع غيكون ممل لينا حنا ...
اشرف: هضر على راسك .. انا بغيت غير نشد اول مقعد و نتفرج فهاد البرنامج الوتائقي الشيق 😂😂
ايرتان وذنيه معاهم و عينيه على جهينة لي عاد لاحظ وجودها كتعوم هي و صاحبتها و محيحات ... مدار حتى ردة فعل من غير نظاراتو الباردة عليها ... و كيراقب تصرفاتها ...
فؤاد نقز من بلاصتو وجلس و قال ؛ هاهي .. واللهتا هي ..
ايرتان ببرود قال: ريح دابا تشوفني و تصدق هاربة ليا و تضرب كولشي ف0 ..
اشرف : هههه اووووووه القضية غتزها ...دابا عرفنا كولشي المعلومات عليها و فين كتسكن و بوحدها و فين كتخدم ... ولكن ماقلتيش لينا خطتك ليها ..
ايرتان كيهضر و عينيه عليها : الخطة الرئيسية ديالي هي .....نسكن معاها
عز: ههههههه سافا با ؟!!
اشرف: تسكن مع بنت ... كيف درتي ليها ياكما يسحاب ليك باقي فامريكا 😂😂😂
فؤاد: و شنو الفيدة غااع الى سكنتي معاها ... شنو هذفك .. و كيف غدير ليها من اصلو
ايرتان: فرعتو ليا راسي ... كيف غندير باقي ماعرفت .. كنتسنا الفرصة و لا نخطط لشي بلان ... و بزز منها غتقبل .. الى بقيت فوق راسها 24/24 غتكون القضية اسهل بالنسبة ليا باش نعجنها بايديا ... و نيت غنبدل الجو شوية * بنصف ابتسامة على وجهو *
عند جهينة لي عامت و طلعت هي و ايناس لبلاصتهم يرتاحو ...
جهينة: اخخ لايك ايت 😗😗
ايناس: حيدي عليا عزافتك لهييه ... انا راه جاني الجوع ... نمشي نجيب شي حاجة ناكلوها ؟
جهينة: اه حتى انا جاني الجوع ... ماتعطليش انا غنبقى هنا ..
ايناس: اوكاي ...
ناضت ايناس و بقات جهينة كتصنت لعظامها و كتشمش و تبرونزا ... دازت شي 5 دقايق سمعات الغوات ... شي مراة كتعيط عتقو ولدي كيغرق ... ناضت جلست تشوف اش واقع و حتا فجهة الدراري كانو حاضيين اش واقع .. كيعيطو على الميطناجورات ساعة واالو .. موضرين فالجوايه العامرة ...مازعم حد هي لي قدرت تدخل حيت كتعرف تعوم ... زعمات و دخلات كتعوم كيف الحورية رغب وزنها الطفيف لي زايد ماترش فرشاقتها ... حكمات الولد لي كركرها ميمان و لقات شي دراري تبعوها و عونوها تخرج هي و ياه ...
كولشي كانو مراقبينو الدراري و كيلوحو التعليقات ديالهم ... حطو الولد برى البحر و مو كتنوح حداه و تحنات جهينة كدير ليه الاسعافات الاولية بما انها ممرضة ... ماهي غير شوية و الوليد بدا يكح و يكب الماء من فمو ... و بدات جهينة تهضر و تسولو و كتدير خدمتها باحترافية ... بدا يتفرق المجمع منين خدات الام ولدها و شكرات جهينة و وصاوها ترد البال لولدها ...
رجعات لبلاصتها كتعنغر و تكات و هي دايرة فيها بطلة الموقف و تبسم راضية على عملها البطولي ..
عند الدراري ...
فؤاد: بشاااخ على الناس صدقو ماساهلينش ...
عز: بان ليا متحغرهااااش 😂😂😂😂😂 راه تقدر تقلب الآية ...
دوز ايرتان لسانو على شفاتو التحتانية بابتسامة جانبية حيد نظاظرو وناض بلا اي كلمة و الدراري ضربو الطم كيشوفو فيه اش غيصنع .. بان ليهم غادي لجيهتها و تم داخل للبحر ...
سمعات جهينة الغوات و جاو كيقولو ليها تنوض تعونهم حيت شافوها الناس علاياش قادا ...
جهينة و هي متوترة : ولكن هذاك راه راجل كيف غاندير ...
الموقف ماكيحتاجش تفكير كان خاصها تصرف اولا على الاقل تحاول 😂😂
دخلات كيف الصاروخ طارت لعندو ... السيد غير شافها قربات عندو و دار موتة حمار و هي حاوطات ايدها عليه و كتجدف برجليها و اليد الاخرى ... ايرتان عمر فومو بالماء و خلاه ماباينش وسط فمو باش التمتيلية تكون حقيقية ... هادشي كولو و ماحققاتش فوجهو و ماعرفاتوش ..
كانت الجوقة و الدراري كيتفرجو و مكرشخين بالضحك .. حتى بان ليهم ميطناجور عاد جاي كيصفر و داير هايلالا
ناض اشرف كيحنقز لعند الميطناجور باش يبعدو و يفهمو اش واقع ..
اما جهينة لي غير قليولة قدامو ... هي تجر و البحر كيجر .. 5 سنين و هي كتعوم و فالاخر كتعوم غير فبلاصتها ... هو جاه الملل كيتسنا فيها تخرج حتى سمعها كتجدف و تقول ..
جهينة: اهيا وعدي الكحل ... هذا بنادم و لا خنشة ديال الملح ..
*حل عينو طل عليها بنصف عين على الكلمة ليقالت * انا لي درتها لراسي كنتسابق و رجال قد الحلالف واقفين كيتفرجو ... *بدات تعصر و تزيد الجهد * ايييه اييييه ...
والو تقل عليها ... ايرتان قلباتو الشمش حيت مقابلة ليه وجهو معاها ... بدا يجدف برجليه عاد بدات تحرك و كتقدم نحو الشاطئ حيت كانو مبعدين شوية ...
جهينة فرحات يصحاب ليها الجهد ديالها لي زادتو ...
هو كيجدف برجليه و راخي وجهو و يديه باش مايبينش .. حتى قربو و سمع الدراري جايين و ترخا تاني .. خرجوه و حطوه برى ... و هي مع الشطنة و القلبة ديال البحر و الشمش ماحققاتش فوجهو ... و عاد مادايراش نظاظرها 😂
جهينة شدات شلاقمو بعد تردد غير فتحات ليه فمو و هو يتقرص ماخططش لهادشي ... و استمر فتمتيلو رغم ذلك .. فتحات ليه فمو و حيت هو متكي و حيت فمو تحل ...داك الماء لي دار في فمو هبط لوسط قرجوطتو و هي غمضات عينيها و حطات شفايفها على شفايفو .. لحمها بورش ... ساطت و هو يوحل ليه الماء و مع الملوحة حرقات قرجوطتو تخنق و هو يتفرغع كيكحب بروحو غتخرج ... هي حلات عينيها شافتو جلس قدامها كيتجيف ... و هو يشوف فيها كولو حمر و صعر عليها..
هي مع الصعرة لي صعر و غواتو عرفاتو شكون ... تفكرات نفس الصوت لي غوت " غنلقاااك"
دارت ايدها على فمها مع شهقة طوييبلة و هي تسخف ...
صوت بعيد كيعيط باسم جهينة .. جهينة ... شوية بشوية ... كترجع لوعيها ... هزات دراعها ودارتو على جبهتها عند بالها كتفيق من النعاس حيت متكية فالسرير .. حتى تفكرات وجهو كيصرخ فوجها و هي تنوض تجلس و فمها كيزغي بربي لي خلقها و هي طير عليها ايناس سداتو ليها ..
جهينة: ع ..عز..راين .. هو لي .. لقاني ... 😨😨 *كتشوف فجنابها * اش وقع .. كيف وصلت هنا ..*كتململ ايناس* اشنو وقع ..تي دوي .. فين داااك عزراااين ..
ايناس كتشوف فيها و تقول الله يستر ... مدات ايدها شافت ياكما جاتها السخانة ...
ايناس: السخانة هي هاديك ... واش واكلة شي حاجة من غير الخبز اشمن عزراين باسم الله عليك ..
جهينة ناضت وقفات فوق السرير غادية جاية تالفة و كتقول: لقاني .. انا نسيتو غاااع .. ولكن *رجعات جلسات على ركابيها قدام ايناس *اش وقع هضريي؟؟
ايناس: رجعت من السخرة لقيت بنادم مجموعين عليك ماعرفت اش وقع ... قالو ليا خرجتي من البحر و سخفتي .. عاونوني شي دراري دخلوك معايا للكابانو .. هذا ما وقع ..
جهينة عوجات راسها باستغراب و قالت : لا انا دخلت نعتق واحد الساط كان كيغرق ..منين خرجتو كندير ليه التنفس الاصطناعي ما عرفت اش زقع تقج و صعر عليا .. انا ماعرفتوش فالاول حتى طلعات معايا و عرفتو هو داك لي نطحتو فالمدينة و زدت دخلت فيه بالطموبيل ... ناري مك لقاني 😵 قفرتها ...لا صافي هاذي نهايتي .. مشيت فيها ..
ايناس: اش كتخربقي الله يهديك ... مالقيت حد من غيرك طايح.. انت لي كنتي سخفانة .. و الى كان كلامك صحيح فين هو .. كوراه بقى لاسقك حتى تفيقي ..
جهينة رجعت جلست كاملة و عوجات راسها كتدورها فمخها حيت كلام ايناس صحيح و الى كان نيت هو .. فين هو ؟
جهينة: لا لا .. شي بلان تما مايمكنش ... واللهتا هو ..
ايناس: مكاين والو غير كتخيلي .. احبيبتي .. نوضي دوشي راه الملحة نشفت عليك .. و خوي راسك من البهلان ديالك ... طيرتيها مني خلعة هاد العشية ...
جهينة: و اللهتا شي إن تما ... كيفاش ماكان حد حدايا .. انا عتقتو خرجتو و صعر فوجهي و اللهتا هادشي لي وقع ..
ايناس: جهينة ... هادي ماشي الهضرة لي قالو الناس ... كولشي لي سولتهم مالك قالو ليا دخلتي تعومي و خرجتي سخفتي تما .. و ديك الساعة جيت انا .. و نيت انت بوحدك لي كنتي سخفانة تما ...*غوتات بحر جهدها* و باقية تجبدي ليا شي هاد الموضوع غنسيفط مك يخيطو ليك .. ياله قدامي للدوش ..😡😡😡😡
عند الدراري ...
جالسين مجموعين فالكابانو ديالهم ... مجمعين كيضحكو على اش وقع ...
خرج ايرتان كيمسح شعرو بالفوطة و لابس غير شورط كحل و كيجر فصندالتو و جلس حداهم ... خدا غارو من عند عز و جرو ..
ايرتان: باقين كتضحكو ...
اشرف: على داكشي لي درتي قليل 😂😂 غتحماق المسخووطة 😂😂😂😂
عز: حركة غير متوقعة منك ... و لكن تقدر تهرب بما انعا شافت وجهك ...
فؤاد: موحال ... حيت سكتنا الشعود لي شافو كولشي .. صاحبتها غتنفي داكشي و بااينة غتقول ليها بلي تخايلتي ...
ايرتان: هي اكيد مغاتيقش و غيبقى بالها مشغول ... و لكن راني مراقبها و ماعندها فين تهرب مني ...
Back to جهينة ...
جالسة وسط الجلسة ديال الفوطويات ... مربعة رجليها و كتماصي اطراف راسها و لاويا الحامض فجناب راسها ... فكرة تجي و فكرة تمشي و لكن متأكدة بلي ايرتان لي شافتو ... مافهمتش علاش مابقاش بان و طاحت بين ايديه ...
خرجات ايناس من الكوزينة و جات جلست حداها ..
ايناس: واش باقية كتخمي حتى من الدوش مادوشتيش ؟ واش ضاارباك الشمس و لا ساط فيك الريح ...
جهينة ماكتجاوبش بالها مشغول ...الارقام كيدورو فالهواء على راسها ... مامقتانعاش بالكلام لي قالت ليها ايناس ..
ايناس شافت السيدة مغيبة و تشد فوجها و قابلتها معاها و قالت ..
ايناس: وا جهينة و حبيبتي الحمقة .. خوي راسك واش حتى عطلتك غتبقاي ديري فهاد الهبال ديالك .. يمكن غير تخايل ليك و لا هلوسة ديال السخفة ... نوضي دوشي شوفي شعرك كيف داير ... و خورجي راه موجدة ليك غراغاتان بلي بات و الكفتة لي كيعجبوك ... ياله تهزي من البهلان ..
ناضت جهينة بعدما تنهدات بغير حيلة و ناضت للدوش ..
دازت ديك العشية حتى و صل الليل و نعسات بالعيا ديال البحر ..
اما الدراري ديما السهير و القصارة ...
الغد ليه ...
جهينة كتفطر هي و ايناس ...
جهينة مكمشة رجليها عندها و كتشوف قدامها كتخمم.. بايتة كتحلم بيه .. حتى قاطعت ايناس تفكيرها ..
ايناس: المصيبة .. اسنو نديرو اليوم ؟
جهينة: انا غنرجع لداري و نهرب عند ميمتي ..
ايناس: نااري بدينا تاني ...
جهينة: shut up كون كنتي فبلاصتي كون بدلتي الجنسية .. كون تشوفي وجهو و شكلو ... بحال شي مافيوزي و لا مجرم .. باينة فيه جلاخة و ماتنسايش اخر مرة هددني بلي غيلقاني .. بحال والو يكون خطط لداكشي ديال البارح ...
ايناس جراتها و نوضاتها: زيدي .. راه جينا نفوجو ماشي نجلسو فالدار ...
تبعاتها جهينة و لبسو و هزو سيكانهم و خرجو ... تمشاو على رجليهم حيت قريب و لكن جهينة مارساتش غير حاضيا جنابها الطريق كولها و هما كيتناغرو ...
دوزو النهار تما و تغداو تما ... و الخلصة تفزقت و رجعو فرحانات و محيحات فالطريق و دخلو للدار .. شتتو داكشي و جلسو يشوفو ويقيسو ..
في حين الدراري كيف عادتهم من هنا لهنا ما كيرصاوش ..
ناضت طلات جهينة من البالكون .. الغروب .. البحر و صوتو وداك الريح لي ضرب فوجها ... طلعات النفس مغمضة عينيها كتستمتع بالجو الزوين ... لاحظت بلي كيمظمو شي حاجة فالشط ... يمكن شي سهرة ليلية ... عيطات لايناس لي طانت كتهضر مع عتمان و جات عندها ..
جهينة:اش دايرين تما ؟
ايناس: اه كنت باغية نقولها ليك دايرين سهرة غيجيبو شي مغنيين و فابور ... تمشي نقسرو ؟
جهينة: ماعرت .. عيانة والله ...
ايناس: راه غير برا اصحايبتي ... الى قنطتي نرجعو ..
جهينة: واخا الالا ..
مشاو البنات للبيت يتخيرو و يقلبو ما يلبسو ...
ايناس لبسات غوب صيفية بوريدات غوز و جمعات شعرها كوب شوفال و ميكاب خفيف ... و جهينة كيف عادتها ميني جيب فالرمادي و تيشورت بنفس اللون و شعرها ديما مطلوق و بلا ميكاب ...
خرجو لقاو ناس كيجيو و وقفو القدام .. الحفل بلا كراسا ...
بقاو تما مجمعات من موضوع لآخر حتى بدا الحفل ...
و نساو ريوسهم بالغنا و الشطيح ... و شتف ياما تشف هاك بلاك جاوهم الهوايش و بردو غدايدهم ... ايرتان بانو ليه من الشرجم فاش كانو غاديين للحفلة ... داز على بالو يبان ليها دابا و لا يشوف فرصة افضل ؟؟
مشا رجع لبيت وتكا كيتمزك ... تفكر الموقف لي وقع جاتو الضحكة ... غير شافتو وسخفت ... هادشي كيعني بلي منوض فيها الرعب ... بعد مدة حيد الليزيات و سمع الخاراح و الصظاع على برا بسباب الحفل .. خرج من البيت لقا الدراري مكاينينش باينة مشاو للحفل ... خرج تاهو يضرب طليلة .. عيط للداري يشوف فين كاينين ... قالو ليه راهم الوسط و نعتو ليه بالظبط ... وصل لعندهم و نعتو ليه المجدوبة فين محيحة ...
ايرتان: تا شووف اش دايرة فداك القنت
اشرف: ههههه عالام هاد الساطة والله احسن حاجة دارت فحياتها هي دخلات فيك براس 😂😂
ايرنان: باغي تموت ؟ 😐
اشرف: هاهو 😷
فؤاد: ناوي ليها شي بلان هاد الليلة ..
ايرتان: ماداير فبالي والو ... يمكن يجي فالطريق شكون عرف ...
عند البنات محيحات ... حسات ايناس بالبورطابل كيفيبري .. لقاتو عتمان قالتها لجهينة و قالت ليها انا راجعة ...
كملات جهينة غناها و الحيحة ديالها ... بانت ليهم ايناس دايزة و كلهم دارو عند ايرتان كيفرنسو ... شاف فيهم وقال :
ايرتان: ماعندي غانة للعب هاد الساعة ... غنرجع ..
دار ايدو فجيابو و تم غادي وخرج من الحفلة ...
بعد شوية بانت ليهم جهينة حتى هي خارجة ... و هازا تيليفون .. كانت ايناس ..
بعدات من الصداع وجاوبت ...
جهينة: فينك؟
جاوبات ايناس: رجعي لاكابانو .. راه عوت عوت رجع
جهينة: وااايلي ؟؟ وا خا انا جايا ..
ايناس: احنا كنتسناوك ..
قطعات جهينة ... و دارت تيليفون فجيبها و تمات غادا .. حتى ضرباتها الريحة لي شمات فالكافي ديك المرة ... وقفت كتدور راسها .. و هي تقشع واحد جالس فوق الصخر عاطيها بالظهر لابس تيشورت سماطي اسود طايح من جناب مبين سدرو من الجناب و شورط بنفس اللون و سنسلة فيها جمجمة هابطة فوق سدرو و كان الدخان خارج من قدام .. باينة كيكمي ...
ريحتو لي جايبها الريح حتال عندها ...تار فضولها ... هاد الريحة عندها معاها ذكرى و لكن ما قادراش تعقل عليها ... قربات بالشوية تشوف واخا غير طرف وجهو .. مع كتقرب حس بيها و دار دغية ... تلاقات العيون ... قلبها بدا يخبط باغي يخرج من بلاصتو ...
وقف وهي ترجع باللور ... لاح الغارو ودار ابدو فجيابو و تم جاي لعندها ببسمة جانبية على وجهو ..
ايرتان: مرحبا مرحبا ...
سرطت جهينة ريقهاها ... و شافت فجنابها ...الدنيا خاوية حداها ... مافكرتش 2 مرات ... رجعت باللور وهي تطلق رجليها لريح ...
حيد ايديه من جيابو و هو يغوت : اييييه
جهينة غير حسات بالخطر و هي تعلق على حر جهدها ... و الرملة ساست ليها الركابي و مع ذلك مقاتلة لآخر نفس فيها المهم متخلصش داك التعويض ...
صوت ايرتان وراها كيغوت عليها توقف و لكن من سابع المستحيلات ... بطبيعة الحال جسمو اقوى من جسمها ... قدر يوصل ليها مد ايدو جرها من تيشورتها و هي كتنقز وتعنطز و تغوت عووك عووك اعيباد الله ... شنق عليها من خصرها باش يحكمها ... و هي طالقة الحلوق صوتها كيتقب ماشي غير طبلة الودن يشق حتى الجمجمة ... شد ايديها بايدو و سد فمها من الغوات وهو يقول ...
ايرتان: وا بربي اليوم لا فلتي ... انا غنوريك الفعايل مع ايرتان التازي باش كيطلعو ... والله يامك حتى ندوقك المرار ... دابا غتزيدي قدامي بلا صداع بلا مشاكيل و لا غنوريك عزراين طيف داير ...
هو كيهددها فودنيها و هي قالصة ودنيها كيتصنتو و عينيها كيضورو و عقلها كيفكر كيفاش تفك من هاد المصيبة تاني ... و لكن فحالة بحال هادي كتكون الحيلة احسن من العار .. شقلبات عينيها و بدات كتفيبري .. هو حس بيها و رخاها شوية يشوف اش واقع دورها عندو لقاها بحال شي اذاعة داز فبها التشويش .. بقات كتزيد فوتيرة الفيبرووور حتى ختماتها بفقدان الوعي ... و هي طيح و شقمها ... بدا يضرب حناكها و كيقول ..
هزها و هي كتطلب الله مايديهاش معاه لشي قنت ... كملات فتمتيلها حتى حسات بيه حطها فشي درجة ..كالاها مزيان و مشا يقلب منين يشري الماء و لا شي حاجة تفيقها ..
و هي غير حسات بيه غبر و هي تنوض تعلق بجهد لي عطاها الله ... و هي كتفرنس و تضحك بحال الى رابحة فاللوطو اولا بالاصح تكتب ليها عمر جدييد ...
رجع ايرتان لقا غير ايديه و رحمة سيدي ربي ... لاح القرعة فالارض و دار ايد فجنبو و ايد شد بيها جبهتو و هو كيضحك ... هز راسو كيشوف جنابو و قال ...
ايرتان: ولايني هاد نصف بلاصة مكتهدش ... انا ... ايرتان التازي ديرها بيا ؟ ... بنت الهم صدقت بخبيزتها و لكن غنحدهم ليها غييير بلاتي ...
عند جهينة وصلات للكابيني حلات الباب على غفلاة و سداتو خبااااااط و تكات عليه و جها اصفر بحال الى شي قبيلة ديال الهنود احمر كانو تابعينها شافت فالاخرين لي عوتمان كان كيغوت بسخوون سخون حيت مع ديك الحلة و الخبطة لي دارت قفزاتهم حتى كبو اتاي عليهم ...
عتمان: اوى الله ينعلها قااعيدة ..
ايناس: اوياي هاذي مالها ...
ناضت عندها و هي جالسة ليه فعتبة الباب كتشوف غير القدام حركاتها ايناس و هي كتسول والو ماجاوباتش و قال عتمان ..
عتمان: هههه غيكون تبعها غير شي كلب يسحاب ليه شي رتكون بديك العزافة لي فوق راسها ...
ايناس: ههههه جهينة رجووع الله .. تي مالك تاني ...
جهينة: شفتو .. شدني ا ايناس و اللهتا شدني ...
ايناس: اويلي شكون هو .. باسم الله عليك .. *ضارت عند عتمان * ياكما تلبسات بشي جن ... راه نيت البحر بالليل وااعر ..
عتمان: ههههه راها ملبوسة من عند الخالق ... يالله غتلبس ؟
جهينة: سكتوووني ... سدوو فامكم ... و داك بنااادم لي ضربتو براس ... و لقاني و شدني وااا شنق عليا و تحلف عليا هكاك عين باين ... و اللهما نساني .. *ناضت* واللهلا زدت الضربة هنايا ..
ناض عتمان عندها و قال : شكون هذا ...
ايناس: راه عاودت ليك ا عوتمان اش وقع ليها فداك الويكاند ..
عتمان : صافي هادشي علاش ... زيدي نقلبو عليه و نحلو المشكيل ..
جهينة: شنااااهو ؟؟؟ و الللهلا درتها ... هذاك ناوي على شي حاجة .. ماباغيش التعويض و هادشي عرفتو من طريقة تهديدو قبايلة .. غنمشي نهرب انا للدار دابا ... و من بعد نطير للبلاد عند ميمتي ... اناري اش داني لشي كابانو ولا شي بحر .. صافي مشييييت كفتة ..
عتمان: زدتي فيه الهروب ماغاديش يحل المشكيل .. مالو اش بغا يكون ... غنهضرو معاه بشكل حضاري و نتوصلو للحل ... و تهناي مع راسك ...
جهينة : لا ... غنهرب ..
دخلات للبيت و خلات عتمان و ايناس كينغرو عليها ...
جهينة جبدات صاكها و جمعات كولشي هزات سوارت الطوموبيل و كولشي داكشي ديالها و خرجت ..
جهينة: انا غنمشي للدار ... نتوما كملو عطلتكم كيف مخططين .. غنوصل و نعيط ليك ..
عتمان: صبري انا غنوصلك .. الليل هذا ..
جهينة: لا اخويا انت عيان من السفر ياله جيتي و عاد عندي طوموبيل خاصني نديها ..
عتمان: على خاطرك ..
ايناس: واخا.... توصلي عيطي ليا ..
جهينة: واخا .. بسلامة ..
سلمات عليهم و خرجات ...
ركبات سيارتها .. و ديمارات خلات الطوموبيل تسخن شوية عاد تزيد خلفة ... حيت عندها غير خرشاشة 😂😂 .. بعد شوية ديمارات و غادية فرحانة حيت غتفلت كيف الزغبة من العجينة .. زادت غير شوية و هو يخرج شي حد قدامها .. قشعاتو شكوون بديم الابتسامة الشرييرة ... فرانات و لكن السيارة قررات تشد فيها عاوتاني ... هي كتفراني و الطوموبيل مبغاتش توقف و بسرعة و قبل ماينقز ... غمضات عينيها بايديها و هي كتغوت حتى تسمعات *بوووووم*
*بوووم *
حلات عينيها ماكاين حد حداها و الدنيا ساااااقلة ... حلات الباب و هي كتقول و كترعد...
جهينة: اللهم لا اسألكك رد القضاء و لكن اسألك اللطف فيه ... يااااربي مايكووون والوووو
مع الكلمة الاخرة بان ليها منشور تما هبطات لعندو كتبكي و تنوح ... قفراتها دابا ديال المعقول ... حارت تمشي تهرب و لا دير شي حاجة تفكها و لكن القضية فيها كسيدة بنادم محتاجها خاصها تعاون ... عيطات للاومبيلونص من المستشفى لي خدامة فيه ... بقات معاه كتبكي و تنحط على راسها ركنات سيارتها فقنت .. حتى جاو هزوه وركبات معاهم فالاومبيلونص ..
وصلو للمستشفى و دخلوه لاايرجونص .. هي بقات برا حيت اصلا هي فعطلة ... بقات برا كتفكر و تخمم فهاد المصيبة لي خرجت من نوير ... خرجات ممرضة و عطاتها تخربيق ديالو .. بوركابل و بسطام ...
خداتو و ايديها مزال كيترعدو .. مالقات مادير عيطات للايناس وهي كتغبن ..
ايناس: اويلي مااالك .. اش واقع ..
جهينة: درت كسيييدة 😢😢
ايناس: اويلي واش انت لاباس؟
جهينة: اه ولكن هو لا ضربتو ا ايناس ضربتوووو 😭😭 غندخل للحبس ... صافي هاذي هي الاخرة ليا 😭😭
عتمان: يا هاد البنت تهدني و هضري بالشوية و عاودي لينا اش وقع ..
جلساتها ايناس و ضارو بيها .. عاودات ليهم كووولشي ...
ايناس: يا البغلة .. قلت لمك ماتصوغيش ديك الطوموبيل ماحد الفران مزاغل ... قلتها ليك و لا لا .. نسيت قضيتو انا ..
عتمان: صافي تهدني الغلط ماشي ديالك .. السيارة لي فيها مشكل ... ان شاء الله مايكون بيه واالو ..
جهينة: ياااربي .. 😢😢
عتمان: اتاصلتي بعائلتو ؟؟
جهبنة: بورطابلو مسدوود ..
ايناس: صافي حتى يفيق ..
بعد مدة طويلة ديال انتظار خرج الطبيب لعندهم ..
الطبيبة: انسة جهينة ..واش السيد كيجيك شي حاجة اولا انت لي ضربتيه ؟
جهينة: اه ... لا لا لا .. بغيت نقول اه اه صديق .. دار حادتة قدامي .. ضربو واحد وهرب و انا عيطت للايرجونص ..
عتمان خرجو عينيه من السلوقية لي طلقت و ابناس كتقرص فجنابها و هي صااافي فات الفوت ديك الخلعة خلاتهاتنطق بلا متفكر .. حتى جاوب الطبيب ..
الطبيب: مهم راه تصاب بكسر على مستوى الساق اليسرى و تفدع فاليد اليمنى و شي جروح فوجهو و حتى جسمو ...من غير الكسر راه تاحاجة ماخطيرة ..
ايناس: الحمد الله و دابا غيكون باقي مافاق من البنج ..
الطبيب: راكم عارفين خاص تسناو شوية و عيطو لعائلتو .. اصلا خاصنا نخبرو حتى البوليس بما ان هادي جريمة ماشي حادتة و عاد الفاعل هرب ... مهم انا مشيت الله يجيب الشفاء ..
ايناس و عتمان: شكرا دكتور ..
هما جاوبو و جهينة بقات فودنيها غير البوليس يجيو يحققو .. جلسات فالكرسي و وجها مخطوف ...و جلسو حداها ...
رجليها كيضربو فالارض و صباعها في فمها كتعض ظفارها ...
جهينة: اش غيوقع دابا ..
ايناس: دابا كدبتي .. راك زدتي عوصتيها ..
عتمان : وا زعلووك هذا طيحتي راسك فيه ..
بقاو شوية و جاو 2 من البوليس ..
الشرطي 1: انسة.. حنا هنا باش نححقو مع المريض .. واش هو فايق ؟
جهينة: اه ؟؟ لا لا .. باقي تحت تأتير البنج ..
الشرطي: اذا غنستجوبوك انت الاولى بما انك كنتي معاه ..
جهينة: ...واخا 😟
جلسات و جلسو حداها واحد كيستجوب و واحد كيكتب ..
الشرطي: عادي لينا كيفاش وقع ..
جهينة: احم ..مهم هو صديق ديالي كنا حاضرين لواحد الحفل فالبحر .. كنا راجعين على رجلينا و داز واحد بالطوموبيل ضربو و من بعد هرب ماقدرتش نشوف شكون و لا البلاكة ... و عيطت للاومبيلونص .. هادشي لي .. وقع ..
الشرطي: واخا .. واش فنظرك مقصودة و لا حادتة فقط كانو عندو شي اعداء؟
جهينة: احم لا .. ماعندوش .. حيت غير جا فالطريق و جا فيه .. و هو هرب ..
الشرطي ؛ واحا .. بما ان المريض باقي مافاق ... غنرجعو غدا ناخدو اقوالو هو .. شكرا ..
جهينة: و واخا ..
ناضو الشرطيان مشاو ..دارت عند صحابها لقاتهم حاطين ايديهم على ريوسهم .. السيدة غرقت ديال المعقول .. وا فكها يامن وحلتيها ..
جهينة: مالكم كاتشوفو فيا هكاك ... انا راه غير قلت لي مسلكني و هاد ايرتان و لا ماعرت شنو سميتو (شافتها فلاكارط ديالو لي عطاوها)غنشوف كيف ندير نقنعو باش مايبلغش عليا ..
ايناس: كتحلمي ..
عتمان : و بالالوان
جهينة: ماتخافوش .. غنخرج راسي منها كيف الزغبة من العجينة ..
ضارت و حلات باب الغرفة بالشوية .. طلات و عاد دخلات كاملة .. سدات وراها و تقدمات ليه بخطوات بطيئة .. وقفات قدامو و هبطات راسها لعندو دوزات ايديها قدام وجهو ... ماتحركش عاودتها و اوووب شقم ايدها بيدو اليسرى لي مامريضاش و حل عينيه كتنفت الشر من وسطهم ..
ايرتان: وا بربي هاد المرة لا فلتي من بين ايديا ... غندمك على هادشي كووولو لي درتي ..
جهينة: هانتا شوف غير بالمفاهمة غنوصل للحل ..
ايرتان: المفاهمة؟؟!! شنو هي هاذي ؟!
جهينة تنهدات حيت بان ليها السيد جدي و صعيب و من طربقة هضرتو باينة شخصيتو قوية و عزيز عليه الزكير ..
جهينة: واخا .. انت من حقك تقول هادشي و تصرف هكا انا ضربتك بطوموبيل ووصلتك للمستشفى و انت مهرس و مفدوع بسبابي ... انا كنعتاذر .. من قلبي كنعتاذر اقسم بالله ماقصدت .. سيارتي فيها عطب و بسباب هادشي ماقدرتش نفراني و دخلت فيك ... عافاك ماتبلغش بيا .. ديرني ختك .. اكيد ماغاتبغيش الضرر لختك ...
ايرتان: ساليتي ؟؟ ودابا سمعيني ... اولا انت مادرتيش غير غلطة وحدة .. راه كل مرة كنشوفك فيها كتوقع ليا شي مصيبة ... تانيا انا مكانسامحش انا كنردها و خاصة الى كان شي بنادم وجهو قاصح بحال سيادتكم ... و مكايهمنيش قصدتي و لا ماقصدتيش حيت غادي تاخدي جزاءك و غنوريك شكون ايرتان التازي لي تلعبي معاه ..
جهبنة: عافاك .. كنطلبك .. لا كنترجاك .. انا ندمت و اللهتا ندمت على كل حاجة درتها ليك ... عافاك ماتبلغش بيا .. انا ماقادا على حباسات و مشاكل .. داكشي ماشي ديالي .. و عاد عندي الوالدة...عندها غير انا لي كنصرف عليها و هي مريضة ... الى مابقيتش فيك دير بوجهها هي ...
ايرتان ضحك و شاف نيشتن فعينيها: ههه الوالدة ديالك عندها خالك .. هازها فوق راسو ماتهزي هم ..
بعدات على الباياس فين متكي دايرة ايدها على فمها .. متجسدة الصدمة ... الساط جايب خبارها كاملة .. يعني ماغاينفع معاه طلبة ...
ايرتان: هههه مالك ... تصدمتي .. راك ماعارفاش معامن طحتي .. احسن ليك ماتراوغيش معايا .. راه نجيبك نجيبك ..
ايرتان: هههه وحدة بحالك غتعطبمي انا الفلوس .. لا الزوينة مابغينش فلوس
جهينة: و اشنو بغيتي ؟ ما عندي مانعطيك من غير الفلوس...
ايرتان طلع فبها و هبط .. شافت فعينيه كيطلعو فبها و هي دير ايديها على شكل اكس فوق سدرها و رجعات اللور ..
جهبنة: مستحيل نعطيك داكشي لي كتفكر فبه واخا نموت ..
هز حاجبو فيها و فهم شنو قالت ... رجع راسو اللور كيضحك و قال ...
ايرتان: ههههه تايقة فراسك .. كوني هانية انت ماشي الستيل ديالي .. واخا تبقاي اخر انتى على وجه الارض مانقرب ليك ..
ترخات جهينة و هي مقروصة من هضرتو وضحكتو المستفزة و ديك الشوفة الغريبة فعينيه ..
جهينة: طلقنا شنو بغيتي ؟😡
ياله غيهضر ايرتان .. و دخل الطبيب مرافق بايناس و عتمان ..
و رجعات جهينة اللور كتغزز سنانها ..
الطبيب: على سلامتك ؟؟ كيف كتحس دابا مزيان ..
هز راسو و شاف فالطبيب و رجع شاف فجهينة وقال: مريض مدغدغ و الحريق قاتلني ...
الطبيب: بطبيعة الحال هادشي ضروري .. حيت جروحك جداد ... ولكن عطيناك مسكنات غاتعاونك تتخطى هاد الآلام ... و غادي يخصك تصبر لمدة شهر ونثف على الاكتر.. و يكون خير... بما انك فقتي غنعيط للبوليس .. يرجعو ..
ايرتان: علاش؟ ....جاو ؟
الطبيب: اه بما انك كنتي باقي مغيب ماقدروش ياخدو اقوالكم و خداو اقوال صديقتك الانسة جهينة ...
ايرتان دور وجهو عند جهينة كيهضر معاها غير بعينيه ... و كيتحلف بوجه ضاحك ...
اما جهينة شافتو وهي تخبى ورى شعرها ...
ايرتان: اااااه صديقتي ...
الطبيب: قالت بلي كنتو قاطعين و ضربك شي حد و هرب .. صراحة كون مكانت معاك كون خلاوك مغيب بوحدك تما ...
ايرتان بنفس الضحكة: اه بالصح و نعم الصديقة ... غفلوني ولاد الحرام ولكن الحمد الله لقيتها فجنبي و عاوناتني ... يااااك اصديقتي ..
جهينة: ههه هههه ااه اااه خرجات على خير الحمد الله ..
الطبيب: المهم ماكاين باس بالشفاء ان شاء الله ...
خرج الطبيب و نطق ايرتان ..
ايرتان: اااه .. قولي انت لاعباها نييبت ... طالقة الصوارخ و مخشية فداك القنت ... ولكن غير بلاتي ..
جهينة جات تهضر و وقفها عتمان ...
عتمان : سمع اسيدي الانسان كيغلط و هي تدهشات و ماقصداتش تسبب ليك بهاد الحادتة ... الى بغيتي تعويض غنعوضوك .. غير ماتخليهاش تضيع و تدخل فمشاكيل اكبر منعها .. واخا كتبان ليك مسنطحة و فيها تخراج العينين ولكن راها ضعيفة و حساسة و بعلوكة حمقة ماقادا على حباسات...
ايناس: اه اسيدي... الله يرحم الوالدين غير سمح ليها راها طايشة ومخها ماشي فراسها ..
هما كيهضرو وهي كتقرص فيهم من الجناب .. شوهوها و غرقت فحوايجها اكتر ماهي غالطة ... ولكن هادو هما الصحاب كيحاولو يخرجوك من مصايبك واخا يكون التمن ماء وجهك ..
ايرتان: خرجو خليونا ب2 ... هادشي بيني وبينها ...
جا عتمان يهضر و طلباتو جهينة يسمع ليه و يخرجو حيت جربات حضها و من كلامو قبل عرفات بلي باغي شي حاجة من غيير الفلوس و التعويض ...
ايرتان: بما انك تسببتي ليا فهاد الاعاقة و عائلتي لي غتهلا فيا بعيدة عليا و بما انك ممرضة... غادي يخصك تصلحي الخطأ ديالك و غتكوني ممرضتي الخاصة ...
جهينة فرحات ياله قالت : صااافي هادشي 😅
وقاطعها: و غتستاضفيني فمنزلك المتواضع لمدة شهرين متابعة حتى نبرى ...
جهينة: اشنوووو ؟؟😲😲😲
جهينة تفركعات بالغوات حتى قفزاتو من بلاصتو :واخا تطابق السماء مع الارض ماغاتعتبش باب داري ...*كتهضر بايديها و فمها* ااااااه قول انت ضااارب حسابك ... شفتيني بنية عايشة بوحدها معندها اب و لا اخ يحامي عليها جيتي تحكر عليا اليوم تدخل للدار من بعد تنوض تخطفني و تبيعني لشي مافيا ديال الدعارة ز لا تلتهريب .. اولا تبيعني عبدة لشي سواعدة ولا تقتلني و تديني تبيع اعضائي لشي عصابة .... شوف اسيدي انا بنت محترمة و عندي اخلاقي مربيني راااااجل الله يرحمو وهادو ماشي فعلة ديرها بنت مربية و زايدون عندي خطيب محتارماه .. يعني هاد التخربيق غييير نساه و اللهلا كانت لييك ...
ايرتان: ياااك ؟؟!!
جهينة دارت ايديها على جنابها وقالت : آاايييه ...
👣 👣 👣
جهينة مجخمرة دموع و خناين شادا بقضبان الحديدية كيتسدو عليها و هي كتخبط فيهم و تحيح بحال شي وليد غادي اول مرة للروض ... كتشعبق بين القضبان و تدفع فبهم بحال شي شامبانزي .. تغوت و تحيح ...
جهينة: وا خرجوني من هنااااااا و النااااس و عباااد الله مادرت واااالو ... ولد الحراااام مامشا حتى دارها الله يغرق لبوه الشقف ... وا عيييباااد اللله ... ماااماااااااااا 😭😭😭
تخبطات شي حاجة بالجهد مع قضبان الحديد حتى قفزت و هي تقلس منين شافت واحد الجلاخة وقفات قدامها ... غليضة و لابسة بيجامة ديال النمر لاصقة و ملصقة فيليل فشعرها لي مصبوغ واقف كيف السلوكة باينة واكل الدق ... و الحجبان غير راسمة خط رقيق و مقمقم فالجنب بحال الابداع ديال الخليجيات 😂 و فمها زرق و مطراسياه بقلم جرونة و باينة تمسح العكر و بقى القلم لاصق بوحدو و عاد المسكة مخلطة بربحة الغارو و الحشيش كيقلبو منها... جهينة منين شافتها قلست كيف الفلوس تحت الدجاجة سدات فمها و بدات تبيض فعينيها ... وكتسمع فالديك الشقفة كتغرع عليها ..
الجلاخة بصوت باح و قاسح مدعدع : امااالكي اخيتي فرعتي لينا ك**نا بغواتك .. غير انت لي كاينة و لا ديروها و تجلسو تقزقزو علينا هنا ...
ناضت شي وحدة معاها و بحالها ..
الجلاخة 2 : باينة خصرو ليها الليلة و جمعوها من شي حفرة متلبسة يااك
الجلاخة 1: لا لا هادي باينة ماشي من داك النوع غتكون غير حصلات صحاببها مع شي وحدة و صرفقاتو ودعاها ... حيت هادو فعايل ولاد ماواتهم ... حيت باينة فيها مسيشة مغيمضة 😂😂😂
قالتها و جلسو يضحكو و لا نقولو ينهقو كيف الحمير ... خلاتهم و بدات تسلت من بيناتهم ...
ايناس و عتمان برى كيتسناو يهضرو مع الظابط و يشوفو حريرتها فين غتوصل ...
ايناس: الصغعة المسخوطة فمها باري منها .. كانت غتحل المشكيلة كون قبلت ..
عتمان: اش غتقبل الله يهديك السيد باغي يدخل لدارها واش هادا حمق ؟
ايناس: ويلي ماتقولهاش حتى بالضحك ... بغيتيها تفليبا ماكاتعرفش ديك الهبيلة .. تلقاها حامياها بكا وغوات تما ... دابا حرت نعيط لخالتي نقولها ليها و لا لا ؟
عتمان: لا متعيطيش متزربيش هي اصلا مريضة بالقلب و تقدر توقع ليها شي حاجة و انت عارفة جهينة هي مومو عينيها ..
ايناس: بطبيعة الحال راه مساكن معاندهم غير بعضياتهم ...
عند ايرتان لي بطبيعة الحال باقي فالمستشفى ... ضايرين بيه الدراري ...
اشرف: بقات فيا الدرية مسكينة ... صيفاطتيها تغلاصا تما كنتي تشوف كيف دير ليها ...
ايرتان: خليها بش تعرف راسها معامن .. هي لي تحداتني اوى تحمل العواقب .. مهم نتوما ياكما وصلتوها للدار .. مافيا لي يسمع صداع الوالدة تاني و داك النغير الخاوي ديال الوالد ماناقصش حريق الراس ..
عز: و كيف غادير .. غتغبر شهراين كاملة ..
فؤاد: الله يهديك اصاحبي على فين عمرو بان ليهم حتى انت ..
ايرتان: خرجو علبا بغيت ننعس ..
عز: الله يعطينا شوية من برودية دمك ...
عند جهينة غاع لي معاها فالحجز صقلو ونعسو ... و هي مقنتة فواحد القنت و مكمشة و كتدور فعينيها عايفة المكان حيت كولو مسخ و مخزز و سراق الزيت داير حالا ... كل شوية تسوس راسها موسوسة لا يطلع معاها شي واحد حيت عندها فومبيا من الحشرات و الزواحف ...
كتبكي و تغبن و تندم على ديك الهضرة لي قالت ... حتى بانت ليها شي حاجة دايزة كتدردغ ماعرفاتها طوبة و كنغر و هي تنقز طلقت الحلوق .. قفزات غاع لي معاها ..
الجلاخة 1: هههههه راه قلت ليكم كيليمينيا هاد خايتي انا غنربيها و نعلمها الحروشية كيف دايرة ..
ناضت الغوريلا و شقمات الطوبة ... و تمات جايا لعند جهينة لي بدات تنقز و تحنقزز من قنت لقنت ... و شدوها العيلات محاميين ..
جهينة كتجدب و تغوت كتشوف فالطوبة جايبينها لحدا وجها ...
بغات تحماق و تسطى ..
جهينة: بعدوها عليا ... ماماااا و عتقووو الرووووح ...
الجلاخة: شديها بايديك ياله ..
جهينة: لا لا لا ...حيديها لااااا و اللهتا بنت الشعب و بربي حتى بنت الشعب و مييييي
شدو ليها ايديها و حطوها ليها بالزز و بقات الجلاخة شادا ايدها باش متلوحهاش و هي باقا كترطى و الطوبة تاهي كترطى و الاخرين كيترطاو بالضحك حتى نطقات الجلاخة ...
الجلاخة: بوسبها و نحيدها ..
جهينة: لا لا .. حيدو عليا الزمر و عيباد الله ...
الحلاخة مخرجة عينيها : بوسيها
كمشات جهينة فمها بلهلا يطريه ليها و كتقرب و ترجع تبعد .. و تحت التهديد المستمر حطات حجرة على قلبها و قربات و باستها .. شمات الريحة ... وا خانزة كتقلب بريحة القوادس .. لا قولو جتة متنقلة ... مجات فين تحيد و هي تغرع عليهم حطات ليهم كاع لي كلات البارح و ول البارح و حتى النهار لي قبلهم ...
خرجو ايناس و عتمان بعدما خبرهم الظابط باللي الحل الوحبد باش تخرج هو يطلبو الداعي يسحب الدعوة و يوصلو معاهةلحل للتراضي ... و رجعو عازمين عند ايرتان ... وصلات 10 الصباح و هما جري من هنا للهنا .. ولكن صاحبتهم لي مادوزاتش معاهم القليل و مصاحبين من ايام الاعدادي و ماتفارقوش ... ديما مع بعضياتهم ... شحال من مرة وقفات معاهم و هي لي جمعات شملهم ... هي عزيزة عليهم و ديما واقفين فجنبها و مكيترددوش يرجعو ليها الخير ...
دخلو لغرفة ايرتان بعدما دقو ...
هز ايرتان راسو فيهم مستغرب و بدون كلمة كيتسنى اش غيقولو ...
عتمان: البنت دابا مسجونة ... و يعلم الله بحالتها واش كتحس براسك مزيان ضميرك مرتاح و انت عارف بلي هاذيك غير حادتة ؟
ايرتان رجع يدو اليسرى لورى راسو كيحك فشعرو وكيضحك و قال ..
ايرتان: اه ... مرتاح نييييت و عاااجبني الحال ...
عتمان استافزو و تم جاي يشنق عليه و شقماتو ايناس ... و شبعت فيه قريص و غمواتو باش يسكندت و يخليها تتكلف ...
ايناس: شوف اسيدي ... حنا جينا نلقاو حل مرضي بالنسبة للطرفين ... عافاك رخف شوية وتعاون معانا ...
ايناس: هادشي قولوه لديك صاحبتكم ... كان عليه تفكر فهادشي قبل ما تفرغع فوجهي و دابا سيرو خليوني نرتاح ... كل مرة جايني تخصرو ليا نعاسي...
ايناس : و الى سكناتك معاها ... تخرجها ؟؟
عتمان شد دراعها : اش كتخربقي انت 😡
شاف ايرتان فيها بوجه ضاحك و قال : حتى هذا حل ...
دفعات ايناس ايد عتمان لي شاداها و قالت : واخا ... عيط للظابط و اسحب الدعوة و كلامك لي غيكون
و خرجت و خنزر عتمان فايرتان لي كيضحك و يستفز فيه و خرح تبع ايناس ينقي ودنيها
عند جهينة ....كولشي طلاتو بالتقية و كملات بحوايجها و كولشي كيتغاوتو و يولولو .. و هما يتحماو كل وحدة كتنتف من جيه و جهينة بيناتهم كيف الطبل نهار العيد ... حتى دخلو الحراس و فرقو الجقلة ..
جبدوها بيناتهم مريشة ... و داوها معاهم
دخلوها هكاك مجخمرة حالتها ... ها التقيا ها الخنونة و الدموع و الشعر وقف كتر ماهو واقف ...
شافت شكون قدامها كانو الظابط لي خرج بعدما دخلوها و ايناس و عتمان لي حلو فامهم فيها و فديك الحالة .. جايا لعندهم كتنوح و عوجو فامهم منين شمو ديك الريحة ... و شقموها قبل ماتملغهم ..
ايناس: اوى اختي حتى انت ممرضة و عاد انت لي ضربتيه يعني تحملي مسؤوليتو .. مالك ماعاجبكش الحال ... انت مولات الفعلة و تحملي مسؤوليتك ... حمدي الله خرجك من ديك الحفرة و ماخداش ليك ديك الحصيصة لي سنين و انت تجمعي فيها .. تزيدي كلمة نخلي مك هنا و اللهما نرجع ...
ضربات جهينة الطم و رضات بالواقع حيت ايناس عندها الحق ..
عتمان: متخافيش احنا معاك ماعندو مايوقع ...
جهينة: صافي ...غير خرجوني من هاد القرينة .. 😭😭
وصلوها لدارها و دخلوا ..
ايناس: سيري دخلي لبيتك دابا و دوشي و حيدي منك هاد الروايح و انا غنوجد ليك الفطور ...
جهينة: غير وجديه و فكرو انا بغيت غير ننعس ...
ايناس: واخا حتى تفيقي ...
دخلات و خلات دوك 2 مناغرين ...
حيدات دوك الحوايج بحال الى كانو متقلين عليها و دخلات للدوش غسلات شعرها مزيان .. تغسل و تعاود جمعاتو و كملات الدوش ديالها .. تغسل و ترجع تشم داتها واش باقية فيها شي ريحة ... حتى سلات و نشفات راسها و لبسات حوايجها عاد خرجات من الحمام .. دازت طلات علبهم لقاتعم تصالحو و باركين يترومانساو .. ضحكات و مشات دخلات لبيتها ... كان الريدو مسدود تخشات فسريرها و بقات كتفكر كيفاش غتدخل راجل معاها للدار الراس فالراس ... و الجيران و الناس اش غيقولو فيها ... فكرة تخبط فالاخرى حتى نعسات ...
عند ايرتان ..
متكي و كياكل بالشوية عليه ... قطع التيليفون و ابتسامة الشر كيف العادة على وجهو و قال ...
ايرتان: اوى رتاحي دابا ... انا بغيتك تكوني بصحتك و بكل قواك الجسمانية و ديك الساعة غيبدا اللعب ... *ضحك ضحكة مجبدة و شاف فالطبسيل قدامو * اووف ... هادشي كيبان بنين و لكن باش غناكل .. غير بلاتي ماغيطولش هاد الوضع *ضحكة شريرة *
قدري أن أحبك الجزء الثاني
محتوى القصة
التنقل بين الأجزاء