قدري أن أحبك الجزء السادس

اشرف: والو واحد الحمقاء من نهار شفتها و انا غنتفروح بالضحك .. 

جهينة : شكون هي العااااااار ضحكني معاك .. 

اشرف: هههههههه 

جهينة: اويلي هذا مالو ... ياكما مريض بالفوغيغ ... تاورينا علاش كتضحك كيعجبني نضحك على الهبل كنقول الحمد الله ماشي غير انا لي هبيلة ... 

اشرف: هههههههههههه سكتوووها 😂😂😂😂😂😂😂😂 

جهينة: ههههههه باسم الله عليك انت فعار الله ... 

فؤاد: اشمن لغة كنتي كتهضري ... 

جهينة بفخر: اللغة التركية 😗 

عز: اممم ناس قاريين وواعيين ... وعلاش قارياها .. 

جهينة: غير حبا فيها و صافي ... شحال هاذي كنت انا و عشيرتي بغينا نمشي للتركية فشي عطلة الساعة راجلها الحيوان دار لينا العصا فالرويضة الله يلقيها ليه ... 😠 

فؤااد: هههههه و علاش .. 

جهينة: باينة خاف على راسو من التيتيز لي تما ... حيت هو على قد الحال ماشي شي زين (هاد البنات عندي فهاد القصة عندهم دوق عالي بزاف تاحد ماكيعجبهم 🐸) و عارف مراتو زهوانية لي شافتو يعجبها دايرة بحال كلوفر لي فالجاسوسات 😂😂😂 

الدراري : هههههههههه 

اشرف: اوى و انت كايعجبوك التواركة و لا اللا .. 

جهينة: وكاينة شي بنت بكامل قواها العقلية ماكيعجبهاش زين التواركة ... زينهم حرش و باينة عليهم الرجولة و الشهامة و كيغيرو و قبااح هادشي كلشي البنات كيعجبهم ... 

اشرف: ههههههههه سمعتي ا ايرتان ... كيعجبوها التواركة 😂😂😂 

ايرتان كان باقي مغمض عينو و مربع يديه و كيتصنت ... غير سمع كلام اشرف و هو يطير عليه شنق عليه و لاوي دراعو عليه قاجو و اشرف كيتجيف و كيضحك حيت عرف راسو فقصو ... اما جهينة كتغوت وتفك ... 

جهينة : ويلي ويلي ويلي تا طلق منو الجلاخة ... اويلي يدك امتى برات .. تاطلق منو غاتقتلو .. وا توما وقفو هاد الطوموبيل راه غايجيفو هاد المصعور هذا ... 

فؤاد: خليه ههههه راه مولف ... 

ايرتان: انت لبوك الكلب شي نهار غنجبد لولديك المصارن و نقجك بيهم 😡 

طلقو بالكشايف و هو يدور غند الاخرى و هي تقنت ...

ايرتان: انت لمك غاتجلسي و غاتسديه ... منين طلعتي و انت بلابلابلابلبلتبلا تقبتي ليا الطبلة ديال ودني 😡 

جهينة حدرات عينيها و دارت ايدها على فمها زعما مابقيتش نعاود ... 

ضار ايرتان قدامو و نصف عين عليها و الاخرى على اشرف .. حاضيهم بحال الدراري الصغار ... لي تفنفن يتفنا ... 

هز اشرف تيليفون ديالو ... و سيفط لجهينة كوكو .. 

حلاتو و هي طل عليه و بنصف عين و كتضحك ... صور ليها وجهو من زاويا التحت مبين خنافرو قد ديال العود و مصغر عينيه و معوج وجهو ... غير حلاتها جهينة و هي تطلق ضحكة ديال الغدايد ... شافت فايرتان شاف فيها و هي تدور وجها للجاجة ... خدات تاهي سيلفي معوجة كمارتها فيه و سيفطاتو ليه ... شافو تاهو و جلس يضحك ... بقاو مني منك مني منك ... كيديرو بحال الحماقات ديال سبونجبوب و بسيط فقاع الهامور ... خالقينها من والو و الدراري القدام كيهضرو مامسوقينش ايرتان لي ماقادرش يتسنط لعضامو على خاطرو ...

طلات على اشرف و هي تغمزو على ايرتان ... شداتو تاهو و كيتصور ليه فجيوب نيفو حيت مرجع راسو لور ... غاع البوزيسينات خداوهم ليه ... شوية مشداتش ضحكتها تفرغعات ليه فوجهو و هو يحل عينيه .. حسو بريوسهم بحال 2 قرودة ضاسرين على سبع غير حل عينو و حصلو قدامو ماعرفو اش يديرو و هو يغوت ايرتان ... 

ايرتان: حبس الق***** 

وقف عز السيارة و و شاف فيه .. 

اشرف و جهينة سقلو عرفو ريويهم هادي اللخرة ... 

ايرتان : نزلو .... 

جهينة: احمباك واللهما نعاودو ... 

ايرتان : نزلو ...

السيارة غادية .. فؤاد و عز القدام كيتمزكو و جهينة و فؤاد فبلايصهم و لكن ... مربوطين ليهم الليدين و سادين ليهم فامهم بسكوتش .. و كل واحد حاط راسو فجاجة كيبرغمو ... ايرتان بيناتهم عاد تكا مرتاح و مهني من صداعهم ... 

ايرتان: يله و سيفطي ليه دابا بالبلوتوت ...

بعد مدة ديال الطريق .. دخلو مع الخلاوات ... اشرف و فؤاد نعسو و جهينة كتنغز فايرتان لي تاهو كان ناعس .. 

جهينة: اممم 

ايرتان: شنو ... 

جهبنة مدات ليه ايديها و كطل عليه من تحت النظاظر ... 

ايرتان: شنو باغية ماغانفكك حتى نوصلو ... 

جهينة : اممممم ايييييم منييييم 

ايرتان: تشربي ؟ 

جهين حركات راسها بلا ... 

ايرتان: تاكلي ؟ 

جهينة : اييييم .. بتتسش

ايرتان: شنو ؟ 

جهينة هزات جزءها السفلي و كتشوف فيه : بشششش

ايرتان: غلباتو الضحكة و ضرب جبهتو .... 

ايرتان: عز وقف ... 

عز:مالك ... 

ايرتان : ماعرفت راسي مع ممرضة فعمرها 24 عام و لا بعلوكة ديال الروض .. 

جهبنة: امممم 😡 

ايرتان اشنو .. حيد ليها اللصقة ... 

جهينة : فعمري 23 عام ... 

ايرتان: اه ... و 10 اشهر ... 

جهينة عوجات راسها و بدات تحسب بصباعها .. 

ايرتان:هبطي المسخوطة قبل ماندير فيك يدي .. 

جهينة ؛ و فك ... 

ايرتان فك ليها يديها و هبطات ... حتى تمات غادية و هي ترجع ... 

ايرتان: اشنو

جهينة: ماغاتمشيوش و تخليوني ... 

عز: هههه غير خودي راحتك ... 

جهينة تمات غادية و رجعت .. 

ايرتان : الى خايفة راه مكاين والو هنا غير طلقينا ... 

جهينة :واخا هكاك .. اش عرفك بلي مكاين والو ...اماعرفتي اشنو غايخرج ليا ... فيق اشرف يونسني ... 

ايرتان: اشناهو ؟ *هز عكازو * باغا تموتي ؟ 

جهينة: وراه انت رجلك معنكشاك ... و اشرف غيوقف بعيد غير يحضيني و صافي ... 

ايرتان: زيدي قدامي ... 

جهبنة: هههه عارفاك ماكادوزنيش واخا كاتغوت و تخرج عينيك 😁 

ايرتان : عاونيني و سكتي ... 

عنقاتو وتمو غاديين .. مابعدوش على السيارة بزاف .. 

جهينة: بقى هنا و دور ... 

ايرتان: ها هو ... وا طلقيني ... 

بعدات عليه جهينة و جلست تقضي غارضها .. عين عليه هو لايدور واخا بعيدة و مخبية و عين لايخرج ليها شي مصيبة حداها ... 

جهينة: ولايني فضيحة معاه ... كولشي العفن درتو قدامو ... ماعرت مالو باقي ماهرب مني ههههه 

ناضت وهزات سروالها .... و تمات غادية عندو لمحات شي حاجة كحلة جاية لجيهتها ... وهي طلق الحلوق و كتجري لجهة ايرتان لي سمعاها و تم جاي زربان لعندها ... 

جهينة: اااااااه ... حلووووووف .... 😱😱😱 

ايرتااان:مااالك اش كاين .. دازت باغية تجري من حداه و شدها جرها لعندو ... مع الجهد و الجادبية 😂 عتر و جات عليه جهينة و طاح و طاحت فوق منو ... شد خصرها بدون انتباه منو ... هزات عينيها فيه و ايديها مكالية بيهم فوق سدرو لي طالع هابط ... تجمدو ليها اليدين و الرجلين و حتى المخ لي يفكر ... بحال الى شدها تاني بداك المغناطيس لي فعينيه ... نسات علاش كانت كتجري و لا فين هي و لاحتى سميتها ... تبسم وقال : 

ايرتان: شنو دابا ... درتيها خطة بالعاني باش تقتليني..

جهينة: اش اشنو 😨 

ايرتان:فين هو الحلوف ... 

جهينة: ك كان تابعني ... كانت شي حاجة كحلة ... 😨 

ايرتان: فين .. هاديك ؟ 

دارت لقاتها ميكة كحلة لصقات فغصن شجرة ... غمضات عينيها بالخشمة و الفقصة و الغدايد ... 

ناضت بلا ماتشوف فيه ... مدورة وجها ... و لكن جرات دراعو و عاوناتو ينوض ... و زادت شادا فيه .. 

ايرتان : ما ..

جهينة: ولا كلمة .. تهضر نهرب و نخليك .. 

ايرتان: حشمتي ؟ 

جهينة: واللهتا بان ليا حلوف ... راه غير يمكن كنت دايرة بالي معاه داكشي علاش تخايلتو .. 

ايرتان دفع راسها بصبعو ؛ هاد المخ عندك خدام ينتج غير الخزعبيلات و يقساح فاش نهضر معاك .. 

جهينة: حبد و لا غنعضك ... الضاسر لاخر 😠 

ايرتان: على انت ماضاسراش ملي طحتي تلمسي ليا فسدري .. 

جهينة: اشنوووووو 😠 راه انت لي جريتيني ... اسي ... قالك نتلمس فيه ... 

ايرتان ضحك بلا صوت حيت اصلا حادرة راسها و كتهضر و مع هو كيشوف قلقولتها ... واخد راحتو ...

وصلو برا لقاو البقية خارجين من السيارة كيرتاحو .. و اشرف الداخل كينغر تحت اللصقة و كيردخ برجلو ... 

عز: هههه مالكم تعطلتو .. 

ايرتان: جهينة شافت ..

جهينة: ماشفت والو .. غير كنا بعاد داكشي علاش ركبو ياله نتحركو ... 

دفعات ايرتان يركب و هو كيضحك عليها و حتى الدراري ... ديمارا عز و شافت فاشرف ..

جهينة: هههه انت اباقي مربوط ... 

اشرف: انممميييييممم 

جهينة: فكو حشومة عليك .. 

ايرتان : غاتسكتي و لا غانعاود نربطك .. 

جهينة : هاهي 😷 .... *سكتات شوية و قالت * فيا الجوع 😐 

ايرتان: واللهتا غنطوع جد بوها من هنا 😒 

وصلو بعد مشقة الطريق ... غابة خضراء و ريحها بارد منعش كيجدد الروح ... مكاين غير صوت العصافير و الحيوانات الصغيرة لي كتعيش فالغابة ... الدراري غاديين كل واحد هاز فايديه شي حاجة و جهينة و ايرتان كيف عادتهم معانقين ... 

جهينة : واااو 😮😮 هاد البلاصة زويينة ... سنين و انا كندوز من هنا عمرني عرفتها ... 

عز: ههه هاد البلاصة مامعروفاش ... و قليل لي كيزعم يدخل حتى للهنا ... 

جهينة: زعما انتوما خطر ... كيف كاديرو دخلو للهنا ... زعما كون ماكانو معايا 4 الرجال و اللهما نزيد 2 خطوات ... واخا هكاك البلاصة كتحمق هنا ... بعيدة على وسخ المدينة و صداعها ... 

ايرتان؛ شوف شكون كيهضر على الصداع .. انت راك الصداع بعينيه 

جهينة؛ لا واه برجليه ... مالك عزيز عليك تشد فيا و تجبدني ... راه غنطلقك غاع و عكز بوحدك ...

ايرتان : الى سميتك جهينة طلقي ... 

جهينة دورات وجها و كتبرغم : على انا كرهت راه داك الحمار ديال ضميري غايبقا ينغر عليا 😠 

اشرف و الدراري : هههههههه 

اشرف: منين نوصلو اجهينة ... غانوريك واحد العين كاينة هنا .. و نعومو فيها و نتبردو ... 

جهينة: وااايلي ماعلمتونيش كون جبت مايو 😂 

ايرتان: هاحنا بدينا فحريق الراس تاني ... 

اشرف : تامالك مخشي بيناتنا ... فينما نطقو شي حاجة تشقمنا ... واللهتا نضرب بيك الطررر 

ايرتان: غبر كن قدامي قبل انا كانضرب بيك الارض 😠 

جهينة: اشمن طر غيطرطر عليك تاني ... 

ايرتان: ديها فالجهة لي ضاراك و انت غير طالقة رادار لي تقالت تشقميها ... 

فؤاد من بعيد : الدراري ... اجيو نخيمو هنا ... واسع و مناسب ... 

عز: مزيان هنا ... 

حطو الدراري داكشي ... جبدات جهينة كرسي حلاتو و عاونات لايرتان يجلس و هي تبدا تمسد ظهرها ... 

جهينة: اااح الله ... عوجتي ليا ظهري ... ماغاتصح حتى نتعطب انا ... 

ايرتان: بلا ماتسناي حتى نصح اجي نعطبك دابا .. 

جهينة دارت عند اشرف كتضحك بالفقصة و مبوانتيا صبعها السبابة على ايرتان : ههههه تاشوف هاد الجلاخة هضرتو كلها تهديد ... آآآآي ... صبعيييييي 😨😨 

ايرتان شد ليها صبعها تاني بقا يلويه حتى طرطقو عاد طلقها كتعربك و تحيح عليهم .. الدراري خدامين كيسرحو الخيمات و كيضحكو على دوك 2 ... 

فؤاد: واللهما عرفت كيفاش قادرين تسكنو تحت دام السقف ... 

جهينة: كيخغر علياااااا 😭😭😭 

اشرف: هههه واصافي واصافي .. اجي عاونيني فالخايمة ... و خليه ياكل جنابو ... 

خنزرات فايرتان و لاحت شعرها للجنب و مشات عند اشرف خلاتو كيطلع و يهبط فيها ... 

عاونات اشرف فالخايمة و من بعد سرحو داكشي و الكراسة و طرفو البىادة و الماكلة و كولشي .. بعد مدة جلسو يرتاحو ... 

جهينة : الله .. و اللهتا احسن حاجة جبتوني هنا ... 

فؤاد: بالليل غايعجبك الحال اكتر ... 

فؤاد وقف : شكون بغا يتسركل .. 

جهينة: انا .. 

اشرف: انا معاكم .. 

عز :غير سيرو انا عييت بغيت نتكا شوية ... 

جهينة: ماكاين لاش تسول الجلاخة راه ما غايبغيش ... 

اشرف: اجي ا عشيرتي ... 

شدات فدراعو و مشاو مرافقين و كيقليو لايرتان السم ... و فؤاد وراهم كيضحك ... 

ايرتان: غابلاتي مابقا والو لرجلي تصح و نشتف على والديكم ب2 ... 

جهينة: هاد البلاصة كتحمق ...كتخلع و فنفس الوقت زوينة ... 

اشرف : هههه ماكاتخلع والو .. خاص تكون عندك روح المغامرات و تكوني شجاعة .. شلتنا حنا مافيهاش النعجات ... 

جهينة:ههههه دابا كتقول ليا انا نعجة ؟ 

اشرف: لا حاشة .. و لكن راه نيت كتشبهي للنعحة بهاد الشعر المنفوخ لي مغبرك ... 

جهينة: زوين ياك ... تاوحدة ماعندها بحال عزافتي 😂 

فؤاد: هههه انا بعدا عمري شفت شي وحدة عندها بحالو 😂 

جهينة: اوى شفتي ... مورتات بابا العوجين الله يرحمو و يسمح ليه ... كون شبهت ماما كوراني مطيحة المغرب كامل 

فؤاد و اشرف: هههههههه 

جهينة: وابالصح ... بابا كان فيه النمش و كان شعرو اجعد و الشوف ناقص بحالي ... و لكن كان ذكي و عندو كاريزما ... هادشي كانت كتعاودو ليا ماما ... حيت انا فاش تولدت كان مات الله يرحمو .. ماشفنوش و ماعرفتوش ... 

اشرف: الله يرحمو ... مايبقاش فيك الحال ... كل واحد و كيفاش كيواجه مصيرو .. كاين لي عندو باه و زايد ناقص عندو ... 

جهينة: اوى هادو راه اكبر حمقين و اغبياء و مساخط مامقدرينش النعمة لي عندهم ... 

فؤاد : غير كيبان ليك ... و لكن ماكنتيش تقولي هاد الهضرة كون كنتي فنفس الوضع .. 

جهينة: واش انت ؟ فين واليديك .. 

اشرف : انا ... واليديا مطلقين و كل واحد باني حياتو فجيه ... 

جهينة: اااه و كيف دايرة علاقتك معاهم ؟ 

اشرف: هههه مزيانة ماحدي معول على راسي و مامبرزطهمش ... اجي لهنا .. اش وصلنا لهاد التخربيق ... زيدي نوريك العين لي قلت ليك ... 

جهينة : ياله 😍 

فؤاد؛ احسن ليكم ماتعوموش ... 

اشرف و جهينة : و انت سووقك 😠 

مشاو شوية ديال الطريق و وقفو قدام العين ... كانت الطريق منين كيدوز الماء غارق شوية ب شي 2 مترو بحال شي نهر صغير ...

جهينة: اوووه ...

اشرف حيد تريكوه و تم غادي داخل .. جهينة خشات غير رجليها كتلعب بيه ...

فؤاد : انا راجع ... ضرني راسي بالشمس و غانوصلها لايرتان ههه 

اشرف: مال ايرتان سوقو ...

مشى فؤاد كيضحد و جهينة واقفة كتشوف ... و كتخمم ادخل و لا لا ... 

اشرف: دخلي ... مالك عاد كنتي زاعمة ... 

جهينة: ماعرفتش واش بارد ؟ 

اشرف: هههه لا ماشي بزاف ... غاتولفيه ... زيدي ..

تمات غادية لعندو و هي تدخل حداه ...

جهينة: اوووه .. لمك باارد علاش كدبتي .. 

اشرف: ههههه غاتولفيه ... كيجاك ... عجبك الحال؟ 

جهينة: البلاصة زويينة حمقاتني .. 

اشرف: حتا انا عزيزة عليا ... كانجيو كلما سمحات لينا الفرصة ... 

طلقات جهينة من اشرف و بدات تعوم ... 

جهينة: ههههه خسرو نصف فحياتهم منين ماجاوش يعومو ... 

اشرف: عمرنا عمنا هنا اصلا 😂😂 

جهينة؛ اواه و علاش .. 

اشرف: اول مرة كنجيو فالصيف مولفين نجيو فالخريف و لا الشتاء ... كابكون الحال بارد .. 

جهينة:بااز ليكم كتجيو فالبرد ... انا فالبرد ماكيفرقني على المانطة غير الخدمة ... 

اشرف: ههههه جهينة ... انت حمقة و بووحدك عمرني شفت شي وحدة بحالك .. 

جهينة: هههه حتى انا... عمرني شفت شي واحد بحالك ... مسطي اكتر مني ... اجي كنحس بشي حاحة كتهرني فوق لحمي... 

اشرف: حتى انا ... 

هز اشرف دراعو من الماء و هو يلقى غبه 2 علقات لاسقين ... و هي تطلقها بزغية حتى الطبولة ديال ودنين اشرف خرجو و هو كيسد ليها فمها و كيضحك ... 

اشرف: تي سكتي المسخوطة راه غير علقات .. دابا يسحاب ليهم شي حاجة 😂😂😂 

جهينة جمدات راسها و كتضرب بيديها فالماء و كتغوت : حيدهم ... حيدهم .. حيدهم ... ناري تانا لاصقين فيا ... 

اشرف: هههههههههه زيدي الحمقة نخرجو من الماء بعدا 😂😂😂😂 

خرج و جرها ... لقا سدرو عامر بيهم و هي فخاضها و رجليها و عنقها ... 

جهينة غير شافت داكشي و بركت تنقز و تغوت ماقادراش حتى تمسهم و تحيدهم ... و هو شد فشجرة و شد كرشو بالضحك على وجها و بكاها ... 

جهينة: و البغااال علاش كتضحك حيدهووووووم 😭😭😭 

اشرف : زيدي ههههه نرجعو راه مايمكنش نحيدهم بيدي ... 

مشات تبعاتو و هي مكنزة و كتشوف فيهم بطرف عينها و عااايفاهم محاملهمش فوقها عكس اشرف لي عادي غادي و كيضحك بحال الى مالاصق فيه والو ... وصلو عند الدراري و جرات لعندهم كتحنقز و تغبن ... 

جهينة: فكو فكو فكو فكو .. 

ايرتان قفزاتو بغواتها كان جالس و مغمض عينيه و عز كان متكي فالخيمة و فؤاد كيطيب ... 

فؤاد: هههههععع اش هاديك الحالة ... 

ايرتان: مال والديك كتقطري ... فين كنتو ؟ 

اشرف: ههههه ارو شي بريكة بعدا راه جهينة غتسخف لينا 😂😂😂 

جهينة: ياااااع كيتحركو .... حيدو عليا الزماااار 😨 

فؤاد: شتو  😂😂 قلت ليكم ماتعوموش .. كطيرو .. 

ايرتان: ماكاتسمعيش الهضرة و بقاي هكاك .. لي قاسها نغرض ليه يدو ... 

جعينة: لااا ... واللهتا نبقا نسمع .. واغير حيدو عليا هاد الويل .. راه كنحس بييييييه ... 😣

اشرف: هههه اجي عندي اجي ... 

جهينة غادا عند اشرف ...

ايرتان : فين غادجي .... اجي لهنا ... 

غاديا عند ايرتان ...

اشرف كيفقص فايرتان : اجي عندي انا عشيرك نفكك دغيا ... 

جهينة غاديا عند اشرف .. 

ايرتان: وا اقسم بالله العلي العظيم و ماتسد فمك ياحتا نجي نغرقو ليك و انت اجي لمك لهنا بلا متصعرو اصل جدي تاني ... 

جهينة طارت لعندو بلا هواها ... 

جهينة: ياله غير فك ها العار ... 😢

ايرتان : جلسي قدامي الكارتة .. 😐

فؤاد: هههههه كواريت ب2 ... 

اشرف؛ مايسحابليش فيه العلق ... اصلا راهم مفيدين للصحة ... غير خليهم حتى يشبعو .. 😂😂

جهينة جالسة قدام ايرتان على ركابيها : و اللهلا بقاو تفو كيعيفو 😣 

خدا بريكة و شعلها .. بدا بحدا عنقها ... كيقربهم للعلقة غير كتحس بالسخونة كتلوح راسها ... و بقا هكاك .. و هي كتشوف ليه فوجهو مركز مع خدمتو و مغوبش ... شادا ركابيه مكالية راسها ...حسات بيه لوى شعرها فيدو بحال الى ناتفها و لكن ماناتفهاش 🐸 حيت برزطو و حاكمها بيه حيت هي مكنزة و كتفلت فوجها بالعيفة ... و هو مركز مع خدمتو و كطل عليه بنصف عين اما هو ... كيشوف و يقيس بعينيه ... عجبو شكل عنقها لي اول مرة كيوجه كامل التركيز ديالو عليه .. ديما مخبياه بشعرها ... لاحظ بلي كل علقة كطيح كتخلي بلاصة العضة فيها بقعة حمراء و غادية للزروقية ...

ايرتان : شتي الطيراان ديالك ... غير كتزريطي بحال الزواق .. 

جهينة كتبرغم و تجبد فشلاقمها : وا صافي غاتبقى غير كتخاصم 😫 

ايرتان خنزر فيها و هي تعوج وجها كتطل بنصف عين ... بعد شوية غير سالا اخر وحدة كانت فعنقها ... طلع عينو فعينيها كانت كتشوف فيه و كتفكر .. طول فيها الشوفة و حتى هي... طلق شعرها بطريقة جذابة تلاح على ظهرها قدام عينيه رجع شاف فيها و عينيه هازين كلام قد البحر غرقوها فحوايجها بالحشمة ... داز لدراعيها ... حتى هما حيدهم .. و هي مدورة وجها بعد داك ل eye contact .. حاسا بوجها غيطررطق بالسخونية ... 

ايرتان : وقفي اري رجليه ... 

وقفات جهينة ...

هز عينو فبها و قال ...

ايرتان : قربي و حطيها هنا (فخضو )

جهينة؛ غ. غير خليها هكا ... 

ايرتان : ماكنحملش نعاود هضرتي 2 مرات ... 

هزات رجلها و سرحاتها عليه ... حيدهم وحدة وحدة من سيقانها و بقاو لي ففخضها ...

ايرتان قربها لعندو و بدا يحيدهم ... ياله غيهز الشورط شوية على فخضها و هي تشدو ... 

جهينة: اش كاتهز تما 😠 

طلع معاها بواحد الشوفة و قال: اااه زعما حيت انت مستورة بداك الشورط اكتر من النص في فخضك باين و خفتي نعري داك الشوية لي بقى ... ماعندش والديك السراول ؟ 

جهينة: بقى ليك غير لبسي تخشى فيه تاهو 😒 

ايرتان: غنكمل ليك و دخلي بدلي شي حاجة مقادة ...

جهينة :ماعنديش ... 

ايرتان : قربي بعدا نكمل ليك ... انت راك كارتة تسلطات عليا ... 

جهينة قربات تاني و كمل خدمتو ..

حققات فداكشي لقاتو كيخلي طبايع فيها :اويبلي شو الزروقية لي خلاو ... واش حتى عنقي و سدري ؟؟ 

ايرتان: اه 

جهينة: واش غايبقاو هكا لي طاش ديالهم ؟ 😨😨 

ايرتان هز راسو فيها مغوبش : مالك خايفة على جمالك؟ 

جهينة: هزات عينيها كتدور فيهم و كتحك فعنقها .. 

ايرتان: رصاي ماتحكيش حتى يبراو ... راه غيبقا يخرج منهم شي قطيرات الدم ماشي مشكل راه مزيان ليك .. دخلي بدلي دابا ... و ستري راسك شويا ... 

مشات طارت من حداه حيت حشمها ديال المعقول ... 

حلات خيمة بلا متفكر و لا تخمم و هي تلقى اشرف مضارب مع سروالو يطلعو و هو يدير تيشورت على سدرو زعما كيحشم و دار زgية ديال البنات (غير كيتفلى و شاد فيها 😂) هي بالحشمة ديال ايرتان و زادتها ديال اشرف ناضت هربت و خلات اشرف الداخل كيهضر بشكل بنت و مرقق صوتو ... 

اشرف: مابقييتوش تحشمو .. ويييلي شوية ديال الخصوصية ... ياربيي على فقصااااا

عز و فؤاد غايتسطاو عليها بالضحك و ايرتان سالات معاه شافها دايخا غادا جايا و قال ليها ..

ايرتان: باسم الله عليك اجي ها خيمتك ... 

طارت تخشات فيها ماشافت لاهنا لالهيه ... و هي تسدها عليها و هي تبدا تندب و تقرص حناكها بالغدايد و الحشمة ... 

جهينة: اوييييلي حي واش هاد المصايب كندير ... و داك الجلاخة ... واش كايحاول يسكت ليا القلب .. ناااري غنطير حناكي بالغدايد ... اووف شنو غانلبس ... 

قلبات بين حوايجها... و جايبة غير شورطات و تيشورتات ... جبدات ملابس داخلية و بدلات ... ولات كولها طبايع زرقين حول رقبتها و يديها و فخاضها ..

جهينة: تفو شو كيف وليت ... 

خلات شعرها مطلوق و خرجات لعندهم مخبية وجها بشعرها ... 

اشرف: هههههه 

فؤاد: تزوقتو 😂😂😂

جهينة: لحمي كياكلني ... 

ايرتان: اجي نعطيك شي دقات ... 

جهينة خنزرات فيه بنصف عين ..

عز: هههههه واتاخلي البنت تعيش 😂😂😂 

فؤاد: ههههه ماتحكيش راه غيبراو غير بوحدهم ... دابا راه درتو جلسة علاج فابور .. راه بحال الحجامة داتكم تنقات من السموم دابا .. 

جهينة: فاش تحس بيها كتمصك و تجر دمك و هي هكاك كتعيف ماغاتفكرش بحال هكا ... فيا الجوع 

اشرف: حتى انا .. 

فؤاد : تسناو شوية مزال ... 

اشرف: جهينة ياله نوريك واح...

ايرتان: انا لي غانوريك جاهنام الحمراء فين جات الى ماهنيتيناش .. شوف حالتها كيف ولات ... 

شاف فيها اشرف و بدا يضحك و قال : انا عارف شنو وقع ولكن فينما كنشوف فيها ماكانقدرش نصفي نيتي 😂😂😂😂 

فؤاد وعز تهزو بالضحك ... ايرتان حيد سبرديلتو و عطاه للكمارة .... 

و جهينة هزات عينيها للسماء كتحاول تفهم شنو قصد حتى شهقات و دارت يديها بشكل X على سدرها و قالت ليه ... 

جهينة: كيفاش قدرتي تفكر فيا بديك الطريقة اقليل الحياء المنحرف 😠

دار ايرتان كامل عندها و قال : تباركالله عليك فهمتيها طاايرة ... 

جهينة عوجات راسها بالشوية كتحيد عينيها من قدامو ... و هي تخنزر فاشرف حيت جبد ليها الصداع ..

اشرف فاش قال هكاك قصد بلي كلها طبايع و خاصة لي فعنقها و فوق سدرها ... كيبانو بحال الى كانت فديك المعركة لي على بالكم 😂 ... 

ناضت ليه و هي تنقز عليه بواحد القجة .. تجر و تنتف و تعض بالغدايد لي جمعاتهم ديال النهار كولو و زعما ناض شي حد يفك .. بالعمى كولشي باغيها فيه .. 

اشرف: وا عيببباد الله 😂😂😂😂 صافي كنسحب كلامي ... غير ريحي اصاحبتي راك طيرتي ليا الجلدة ديال مخي .. 

جهينة فودنو: شتي لمك حطيتيني بوجهي قدام الجلاخة و الدراري .. دابا فين غاندير وجهي فين ..

اشرف هز عينيه فيها و قال : و كالك دايراها بالصح ... 

و هي ترجع كتسلخ فيه تاني و هو دقاتو ليها جاوه بحال الى كاتهرو ...

حتى عيط عليها ايرتان ... 

ايرتان: صافي غير اجي لهنا ... انا لي عندي العقل قبلت بهاد الخرجة ... 

ناضت جهينة كتخنزر و جلسات حدا ايرتان ...

فؤاد : ها الغداء وجد ... 

تجمعو على الغداء و كملو تقشابهم ...دازت العشية ووصلات 8 العشية ... جالسين مجموعين و شاعلين الضو واخا باقي شوية الضو حيت الصيف ... 

جهينة: انا جاني البرد ... 

ايرتان: هانتي جيتي على هضرتي ... نوضي دخلي للخيمة هزي سورفيطتي لبسيها ...

ناضت جهينة فرحانة ...دخلات لخيمتو و جبداتها لبساتها ... و هي تجمعها عند نيفها و طلعات نفس حتى تحبس ..

جهينة: الله ... ديما ريحتو طاليا الدنيا ... خرجات عندهم و بداو يضحكو عليها ...شادا السروال بايديها حيت جاها عريض و طويل ...

اشرف:هههه اش هاديك التسرويلة ... كتباني بحال ولد شارلي شابلن ... 😂😂 

جهينة: حوايج هاد الساط عراض ...و لكن قاضيين الغرض ... 

ايرتان منين خرجات و هي عاطياه بالظهر كتهضر مع اشرف ... مرجع راسو لور على المرسي و داير ايديه على فمو و كيشوف فيها ... ماقدرش ينكر بلي جات كيوت فحوايجو ... و خاصة ديك التسرويلة و شاداه بيديها .. ضحكاتو و قال ليها ...

ايرتان: اجي اديك القزمة للهنا ..

قربات عندو و جرها من سيورها لعندو ... هز ليها السروال حتال زداgاداو و خشا فيه حوايج الفوق باش يعاونو يشد (جهينة واخا عامرة شوية ماعندهاش الكرش يعني غير فورمة ديال الدبدوبات راكم عرفتوها 😂 )و جر ليه السيور حتى لصق و عقدو مزيان ... بداو الدراري يضحكو .. حيت ماكيبان فيها غير السروال ...

جهينة: اش هاد الحالة درتي ليا ... 😐 

ايرتان: اري يدك بغيت نوض ...

مدات ايدها و عاوناتو يوقف ...

ايرتان: اجي نتمشاو شوية ..

جهينة: باش غتمشا ...برجليا ؟ ... غاتسخفني تاني و انا ضلوعي باقين كيضروني ... 

ايرتان: زيدي من التبوحيط .. ماتنسايش انت لي هرستي ليا رجلي بديك الخرشاشة لي شافها يحغرها .. 

جهينة: خرشاشة ؟! اويلي حي جايا ل 15 اليوم و هي مليوحة ففالسبيطار ... خاصني منين نرجعو نمشي نجيبها ... 

ايرتان : اش غاتجيلي هاديك باقية تصوغيها مزال ؟ 

جعينة: عادي ... راه غير مرة مرة لي كدير ليا داك المشكل .. 

ايرتان بقا كيشوف فبها .. وا الطوموبيل خاسر ليها الفران و هي كتهضر بحال الى عادي ... قال ليها 

ايرتان: انت حمقاء و روحك رخيصة عليك .. 

اشرف: اصلا هادشي عرفتو من نهار دخلات فيك براس 😂😂😂😂 

جهينة: مالو كيقطع الريوس ... 

عز: لا كيقتل القلوب ... 

جهينة شافت فايرتان و قالت : الا لي ميت ليهم من الاصل... 

ايرتان : ههه لا هادوك كانحييه ليهم ... 

جهينة شافت فيه و قالت ...

جهينة: واياله الى بغيتي تمشى ... 

شد فيها و تعانقو كيف العادة و تمو غاديين ... 

اشرف: دغيا رجع ليا عشيرتي راه غنقنط بلا بيها 😂

جهينة: دابا راجعة جبد الكارطة تسناني ... 

ايرتان: زيدي قدامي ..

تمو غاديين حتى بعدو .. 

جهينة : واللهتا برد الحال ... مافيكش البرد ؟ 

ايرتان؛ لابس .. ماشي بحال واحد القزمة .. 

جهينة: ماكاضيعش الفرصة تجبدني .. واش مايمكنش نكونو شوية سمينة على عسيلة و نرتاحو من الصراعات .. 

ايرتان: هادشي ديريه انت ... كولشي الصداع منك ..

جهينة: كيشفتي انت ... 

سكت ايرتان و بقاو غاديين كيتمشاو ... ايرتان شاف فيها و هي ماكتشوفش فيه حادرة راسها كتشوف فين كيعفطو ...

ايرتان: بما اننا قراب لدار خالك خاصك تمشي تطلي علبها ... دوزي معاها الصباح و رجعي .. 

جهينة: اويلي كيف غاندير ليها ... اول حاجة ماغانصخاش نرجع دغيا و هي براسها .. تاني حاجة غاتقول ليا اش جابك و انا قايلة ليها خدامة .. 

ايرتان: ساهلة ...قولي ليها جايا مع فريق ديال الميتشفى مطوعين فشي قرية من هادو و هطفتي صباح و جيتي تطلي عليها .. 

جهينة: زعما ... 

ايرتان؛ عندك غير الوالدة ديالك و هاملاها هكا .. خاصك التربية انت .. 

جهينة: صافي غدا الصباح نقول لاشرف يوصلني ...

ايرتان: احنا و اشرف تاني .. 😑

جهينة: ومالو اشرف ... 

ايرتان:اشرف حمق و غايخشيك فشي قنت .. 

جهينة: اذا نقولها لعز هو بعقلو .. 

ايرتان: عز و فؤاد جايين يصيدو ... 

جهينة: و شكون بقا .. انت ؟ 

ايرتان: ومال لمك كيف جيتك .. 

جهينة: انت رجلك مريضة ... ماغاتقدرش ...

ايرتان:غانمشي معاك انت صوغي ... خاصك راجل يمشي معاك.. الطريق واعرة ...

جهينة شافت فيه بنصف عين و كتضحك و ضرباتو بكتفها و قالت ... 

جعينة: شتي راه قلت ليك ماكادوزنيش 😌 

ايرتان؛ فين مشيتي انا غير خايف على الطوموبيل ..

جهينة: احياني عليك 😋 

ايرتان : باغية تموتي ؟ 

جهينة: الجو زوين ... 

ايرتان: ههه زيدي قدامي زيدي ... 

تمو غاديبن شي ساعة و هما دايعين و كيتحتتو ... جتى وصلات 9 و نصف و رجعو ... 

اشرف: هادي لحسك غير شوية و نرجع .. 

جهينة كتغمز فيه و كتشير بوجها لايرتان زعما هذا السباب .. 

ايرتان: شفتك انت .. و انت تفرق منها شوية راه ممرضتي انا .. شتك غير لاصقها و ليتي طيحها فالمصايب و انا لي مقابلها ... 

اشرف دار راسو كيشم : اش هاد الريحة كنشم ... 

جهينة: ريحة الشوى لي كيشوي عز ... 

اشرف : لا ريحة الغ...

مجا فين يكملها و هو يجمع معاه ايرتان بعكازو ... 

جهينة: اويلي انت مالك حاط عليه مسكين ... 

اشرف: ههههه شتيه مكرفص عليا و حاغريني حيت انا الصغير فيهم ... 

جهينة: بلاتي شحال فعمرك ... 

اشرف: 23 و 6 اشهر .. 

جهينة: ههه اوه اذا حتى انا اكبر منك ...

فؤاد: مابايناش عليكم كايبان بحال باك ... 

اشرف: ههههه 

جهينة هرس ليها تقة النفس و بدات تعوج فمها ..

جهينة: اياه و الدراري ؟ 

فؤاد : قلعي ... 

جهينة: انت نعطيك 25 و عز حتى هو 25 و ايرتان ...

هو كيشووف فيها بقات كتميل راسها و تعبر و هي تقول 

جهينة: ايرتان عندو ديك 26 و لا 27 ... 

اشرف : 😂😂😂😂😂😂 

جهينة : ههه مالك زغلت الحساب .. غايكون 28 واقيلا ..

اشرف: هههههههه عز عندو 26 و فؤاد ياله نيت كمل 25 ... و المفاجئة ...

جهينة: اشنو ماتقولش ليا واصل ل30 ... 

اشرف: ههههههههه واتي راه ياله 24 عام ... 😂😂

جهينة : اويلي حااااي 😱😱 

ايرتان: مال واالديك كاتولولولي ... 

جهينة: انت اكبر مني بعام صافي ... مامتيقاش ... كاتبان فيك انت مول العقل فيهم كاملين ... 

عز: هههه هو كيبان اكبر من عمرو و عاد عندو ديك الشخصية القيادية و الكاريزما ديالو .. هادشي كولو تلف ليك النوامر ... 😂😂

جهينة : واللهتا صدمتيني ... 😮

ايرتان : دوزي شدي الارض انت ديما مزاغلين ليك ... 

جهينة : دابا عز هو الكبير فيكم ... هههه المظاهر خداعة و الله .. 

فؤاد: و آجيو تعشاو ... 

تجمعو جلسو فاالكراسة و حط ليهم فؤاد و جلسو ياكلو .. 

جهينة: طيابك زوين و لاكن ماشي احسن من ايرتان ... 

عز : واش ايرتان طيب ليك ؟ 

جهينة: هههه اه جاتكم عجب ... 

اشرف: حيت ماكايطيب غير لاكان بوحدو ... ماكيطيبش لينا واخا نموتو ... عارفين طيابو واعر و لكن كيخلينا نعاونيو .. 

جهينة: ييييي على مسموم .. شنو فيها شنو ... 

ايرتان كياكل مامسوقش ليهم .. 

كان اشرف كيقرى ميساج جاه بالتركية ... حط التيلي و قال للجهينة ...

اشرف : جهينة مدي ليا ديك قرعة الماء لهيه .. ناضت جهينة من الطبلة باش تجيبو .. 

اشرف خرجو عينيه و دار ايدو على فمو .. الدراري كلهم وقفو الماكلة و خرجو عينيهم فيه .. شافو فجهينة لي باقي ماعاقتش بلي اشرف هضر معاها بالتركية ضارت تعطيه ليه و هي توقف عينيها خارجين ... هزات عينيها للسماء كترجع الذكريات .. اه هضر بالتركية .. مشات بذكرياتها للصباح فاش كانو جايين و كولشي دامشي لي قالت ... على ايناي و راجلها و الاهم شنو قالت على الدراري .. شافت فايرتان و هي تشهق شهقة ديال شي حد يحتضر و دايرة ايدها على فمها ... وهي طيح تسخف ... اكييد تاوحدة ماغاتحمل كمية العار و الحشمة لي دارت هاد المسخوطة .. 

ايرتان : جهبنة ... شتي المسخوط دابا 😠 

ناضو ضارو بيها ... 

ايرتان : وا ها هي سخفت تاني اش جا مافكها .. مال والديك انت ماكاتهنينا ...

فؤاد: بلاتي نجيب الريحة ... 

اشرف: ههههه و اللهما قصدت جاني ميساج و يسحاب ليا باقي كنهضر بالتركية ... 😂😂 

عز: كتضحك .. وا اش جا مافكنا من اسئلتها دابا .. 

ايرتان كيصرف بالشوية : جهينة .. جهيينة ... 

فؤاد : اجي دخلها هنا بعدا ... 

ناض عز هزها بالخف و خشاها فالخيمة و ضارو بيها ... 

ايرتان : عطيني ريحتي ... 

عطاها ليه .. و رشها يفيدو و بدا يدوز يدو عليها كيف المرة لي فاتت .. 

جهينة بدات كتحرك راسها و عبنيها باقين مسدودين ... كتخيل راسها ففراشها و ايناس كتفيق فيها بالتركية .. 

ايناس: فيقي احبيبة ... 

جهيمة بالتركية : ايناس ... حلمت حلمة خايبة بزااف ... 

الدراري سمعو هضرتها و بدا يضحك عليها اشرف و قال ليهم سكتو سكتو و قال ليها بالتركية : شنو حلمتي ؟ 

جهينة بالتركية: حلمت بلي سافرت مع شي دراري و قلت عليهم زويينين و باغص و يسحاب لي مافهمونيش و لكن كولشي فهموه ... اوف حلمة خايبة و كون وقعات بالصح كون مت ... 

اشرف و الدراري : ههههههههه 

اشرف: حتى احلامها بالتركية 😂😂😂 

ايرتان : حيد للخلى ... انت سباببنا فهادشي ..* غوت فودنها * جهينة 😠 

قفزت حلات عينيها ... كلهم بقاو حاضيين ردة فعلها .. هي بدات كدور عينيها فيهم واحد واحد ... غير وصلات لايرتان و هي تجمع التغبييعة و عوجات فمها كتوجد لواحد البكية بحال الدرية الصغيرة .. 

جهينة: مابقاتش حلمة 😢 صدقااات بالصح  😭😭😭 

فؤاد: ههههههه هااانية انت راك غير شكرتينا .. العيب الى كنتي كاتعايرينا ... 

جهينة: هي كلكم كتفهموها ...* زادت كسيرات * 

ايرتان خنزر فيه و فؤاد دار ايدو على فمو .. 

اشرف: ههههه اممم انا البوغوص فيهم ... انا عارف راسي بوغوص و لكن منين قلتبها انت صافي ولا عاجبني راسي 😂😂 

جهينة كتغبن : سيير بعد مني اوجه الويل انت السباب فكولشي 😭😭😭 

ايرتان: نوضي تغعدي من الحماق ديالك ... ديريها و بداي تغبني عليا ... باقي مافهمتش كلمة .. جوج كتسخفي واش عايشة بالتبن و لا السخفة عندك كيف شريب الماء ... 

جهينة: خرجوووو علياااااا 😭😭😭 

عز: ههههه مكاين لاش تحشمي ... صافي لي فات فات و انت دابا وليتي منا ... قوليها حتا بالدارجة قدامنا عادي عارفينك كتضحكي ... 

خرجو عز و فؤاد كيضحكو .. غمزها اشرف و خرج حتى هو ... بقات كتطل على ايرتان بنصف عين .. اكتر واحد حشمانة منو ... 

ايرتان : نوضي ... ماكملتيش عشاك ... 

جهينة شافتو خرج و هي تنوض جلسات .. 

جهينة: اوييييلي حي فهمو كولشي و انا مترعة فمي .. بلزت كولشي ... آش هاد الزهر ياربي و المصيبة ماكانديرهاش حتى بالعاني ... كولشي دا خبار ايناس ... ناري و تسمعها و اللهتا دوز عليا من ودن لودن ... *كتغبن* وا مااما اجي شوفي شوهة بنتك 😭😭 

ايرتان من برى : جهينة .. راه هضرت 

جهينة قفزت :اني جايا .. 

ناضت خرجات لقاتهم مبدلين الموضوع .. جلسات حادرة وجها ماباغياش تشوف فيهم .. و ايرتان حاضيها ... زاد عمر ليها طبسيلها و خدات المعلقة كتدخل الدغامي غير بالزز و تخمم فحشمتها ... بقاو هكاك حتى رجغات دخلات معاهم فالجو و نسات الموضوع ... 

جهينة: انا غانغسل هادشي ... 

اشرف: احنا غانتعاونو ونديوهم للعين ... 

جهينة: واخا ... 

ناضت هي و اشرف كيجمعو وايرتان حاضيهم مربع يديه ... 

مشات هي و اشرف غبرو ... 

و قال عز: هاد البنت و الله حتى عالم بوحدو ... فاش غاتسولنا كيفاش كنهضرو بيها و علاش سكتنا اش غانقولو .. 

ايرتان: هاديك انا لي كنعرف ليها غير خليها ليا ... 

فؤاد: خليونا من جهينة دابا .. و ماحدها ماكايناش ... خاصكم نعرفو عطلتنا راه تقريبا بااح .. 

عز: الميساج لي جا اشرف .. جاني حتى انا .. و على البدية كاين بلان صحيح خاصنا نجمعو قلوعنا دغية 

ايرتان: ماكاين لاش ... غايجيو عندنا حتال لهنا ... و بينما نيت برات رجلي... 

فؤاد: اه كيف بقات ليك بعدا ... 

ايرتان: ماعنديش شي هرس نيت راه غير مشقق ..انا لي قلت للطبيب يبينها gغاف باش نلعب عليها .. ساعة ندمت .. 

عز: هههههه راه قلت ليك غاينقالب السحر على الساحر ... 

فؤاد: شنو مخططاتك ليها .. مانضنش غاتقدر تخرج من القضية كيف دخلتي ..

ايرتان دور وجهو من مواجهتهم و خاشي يديه فجيابو ... كيفكر فهضرتهم حيت عندهم الحق و خلاوه يفكر فالموضوع واخا كان كيتجاهلو بينو و بين نفسو ... و مامعتارفش بيه من اصلو ... 

رجعو اشرف و جهينة لي ضحكها واصل حتال عندهم ... ماكيسكتش خرج ليها العقل ... حطو الماعن مطرفين و وقفو عليهم .. 

ناري كيف دايرين عايشين مع هذا واللهتا سبيطالر 😂😂 

ايرتان: اوى حنا ما قدنا فيل و زادتنا فيلة .... 

جهينة: ماغانجاوبكش .. جلسات حدى عز كتعوج وجها فيه و هو كيفقص فيها بشوفاتو ... 

شعل اشرف المزيكا و جلس قريب لجهينة .. 

جهينة: كانموت على هاد الاغنية ... و بدات تغني تاهي .. 

اشرف : وايلي ... انت كتعجبك ؟ 

جهينة: و علاش زعما 

اشرف: زعما هاد النوع كيعجب الدراري اكتر .. و خاسرة شوية .. 

جهينة: ههههه اه .. و لكن انا كيعجبني الراب بزاف و اليكترونيك روك و البوب ...

عز: و الشرقي و الخليجي والشعبي و الراي ...

جعينة: ههههه اييو ...

اشرف: ههههههههه هادي راه نصفي الاخر .. تزوجي بيا ... 

جهينة: قابلة الى كنتي تبقى تشري ليا السقاطة .. و ماتقولش ليا ضعافي ... 

اشرف؛ لا مانقولش ليك .. من غدا نضربو البيض فالكحل .. 😂😂

ايرتان : على شحال باغا من واحد انت ؟ فين تلساط ديال سيك جلاال .. 

جهينة: ااه .. ماشي مشكل نتخلى عليه على قبل اشرف ... *خشات دراعها فدراع اشرف *ياك ا اشرف .. 😂

اشرف: بطبيعة الحال .. انا احسن منو ..

جهينة: اكيد انت احسن منو ... هاداك كان زقرام و كايتحاسب معايا على اي خرجة خرجاناها و كيقول ليا ضعافي و نقصي الماكلة ... ديما كيتشكا و ديما منكدها عليا ... 

اشرف: ولايني حيوان هذا ... و اش مبقيك معاه ... 

عز: من احسن ليك تفارقي معاه .. ماصالحش ليك .. 

ايرتان: هادشي كولو و باقا كتقولي كتبغيه ... 

جهينة باغا تفقصو : اه ... باقية كنبغيه و قابلة عليه كيفما كان... 

عز شاف فايرتان لقاه غاياكلها و ياكل راسو بالفقصة ... هز ليزيات و دارهم فودنو و رجع راسو لور كيتصنت لعظامو ولا كيبرد فقصتو لا ينوض يصعر عليها ... 

اشرف : صافي خلينا من هاد الموضوع .. و سمعي هاد الاغنية ... 

خدمها اشرف ... و جلسات تمزك معاه اما الدراري الاخرين كولها و فاش ملاهي ... 

ناض اشرف و مد ليها ايدو ... 

جهينة: سير بعد مني مفياش ... و ماكانعرفش 

اشرف: هههه واتي غير نوضي خلينا ندوزو الوقت انا غنعلمك .. 

شافت فايرتان مغمض عينيه مامسوقش .. شدات فايدو ووقفات ... شدات فيه و بركو يشطحو ... صدقات كتعرف واخا اول مرة ليها .. 

اشرف: اووه هانتي مزيانة بالنسبة لاول مرة ليك .. 

جهينة : الرينم كيحركك بلا هواك .. عزيز عليا الرقص .. غير عمري درتو فبالي .. 

اشرف: لا لا خاصك تعلمي ليه .. كايخليك تنساي الدنيا و انت بين احضان الموسيقى .. 😂

جهينة: هههه عندك الحق .. اااه 

دورها بالجهد و رجعها لعندو و بدا يضحك ... 

جهينة: هههه غفلتيني العوج ... 

عز: هههه طلق الدرية اداك الحيوان دابا تنوضها .. 

جهينة: اش غينوض 😂😂😂 

ايرتان حل عينو للحظة لقا اشرف شاد جهينة من خصرها و كايشطح و كيضحك معاها و يعلمها ... وا هادشي ماوصلش ليه هو لي مزعوط فيها بقا داك المسخوط لي جا من وراه و ولا هو وياها بحال التوام ماكيتفارقوش ... دار فيه واحد الشوفة بحال الى قتل ليه والديه .. اشرف عرف راسو فقصو و زاد قربها ليه باش يطير ليه العقل .. مولف يشوف ايرتان غير ساكت اغلب الوقت و غير نشيط معاهم غير الى كانت راشقة ليه ... و لكن منين دخلات جهينة فحياتهم و هو خارج على طوعو و مابقاش غير مكواني فقنت بوحدو ... و عارف بلي مكايعجبوش الحال فاش كاتكون قريبة بزاف من اشرف... اشرف عجباتو شخصية جهينة .. جاتو قريبة ليه و مفاهمة معاه فشحال من حاجة .. كتضحك على حماقو و كتجاوب معاه... ماشاف فيها غير شخص طيب و نقي من الداخل ...pure و غير متصنعة بحال اغلب البنات لي كيتلاقاهم .. و رغب فصداقتها داكشي علاش دغيا توافقو ... و كل تصرف دارو غير باش يشد فايرتان و يخرجو على طوعو ... 

حيد ايرتان ليزيات منين شاف اشرف مابغاش يطلقها ... و هو يقول .. 

ايرتان: جهينة ... 

ماسمعاتوش و هو يغوت بحر جهدو ... جهييبنة .. 

ضارت عندو و طارت لقدامو ... و اشرف وقف كيضحك و فؤاد و عز كيضحكو و يتحلفو عليه حيت عارفينو باغي يجهل ايرتان ... 

جهينة: م مالك .. خلعتيني ... اش باغي 😠 

ايرتان: ايظي كتعطيني الصداع .. جيبي البومادا دلكيها 😠 

جعينة: اوووف .. جينا نرتاحو و لا تبقى تآمر فيا .. 

خنزر فيها و دخلات جابت البومادا 

جالسة حداه كتدلك ليه يدو و هو فرحان فالداخل ديالو حيت فرقهم ... و عاد كايعجبو تبقى تلعب بيدو ... 

جلس اشرف ... و طلق المزيكا كيرابي .. 

جهينة : واو كتعرف ترابي ... 

اشرف: عندي شين فيوتيب كانلوح فيها الكوفرز و السونغز ديالي .. 

جهينة: ضروري تعطيني سميتها 

اشرف : واخا .. ههه 

بقات كتدلك لايرتان و هي كتهضر و تغني مع اشرف .. 

ايرتان دارو ليه الطيارة حتى كيفرقهم و يرجعو تاني حتى قاطعو صوت عز ...

عز: حاس بضلوعي مدغدغين .. غاندخل ننعس .. 

جهينة: بلاتي كاينين 3 الخيمات ..

اشرف : حنا 4 أدراري كل 2 فخيمة و انت خيمة ديالك بوحدك .. 

جهينة: بوحدي 😟 

ايرتان: مالك ؟ 

جهينة: خفت .. نعس بوحدي هنا ؟ 😟 

ايرتان: سنين و انت كتنعسي بوحدك اش وقع لك 

جهينة: فداري .. ماشي فالخلا .. 

عز: ماعندك مناش تخافي راك بيناتنا ماعندو مايوقع ليك .. 

جهينة : واخا هكاك ... 

اشرف: صافي انا غانعس حداك 😂 

ايرتان شد راسو : غايخرج ليا عقلي ... 

عز: ههههههه صافي صافي عندي حل .. غانعسو كاملين هنا .. بلاش منهم دوك الخيمات غاع 

جهينة: اه اه بغيت ... 

اشرف: حتى هذا حل ... 

فؤاد :وا خرجو الفراشات انا غنجمع الطبلة و الكراسة ...

تعاونو و سرحو كولشي الفراشات فالارض ... و جابو الغطاوات ... جهينة فرحانة حيت ماغانعسش بوحدها .. طفاو الضواو .. و بقا غير ضو القمرة مضوي عليهم ظلام الليل... تخشات جهينة فبلاصتها الوسط ... نعس ايرتان حداها و هو يطير اشرف للجهة الاخرى ... و ايرتان غمض عينو بالفقصة بفا ينوض يربطو مع الشجرة و لكن خاف يتورق و هادشي ماشي لمصلاحتو ... نعس حداه عز و حدى اشرف فؤاد ... 

كولهم كيشوفو فالسماء صافية و نجومها واضحين ... صوت حشرات الليل و تخرشيش الشجر كيتحركو بنسمة ريح خفيفة ... 

اشرف: مايسحابش ليا خوافة ..

جهينة: انا قلبي هشيش .. دغيا كنخاف ... 

اشرف: جهينة : شنو هذاك تما ..

جهينة : اويلي فين؟ 

اشرف: تما هاداك راس مكركب ... 

جهينة : ناري ا اشرف .. حرام عليك ..

اشرف: ههههه .. ماري شنو هذاك ... عينين حمرين كيشوفو فينا ... 

جهينة : اشرف راه غانصرفقك ... 

اشرف: ناري عنداك نعسو و يجيو لينا دوك البشر لي كياكلو لحم بنادم بحال في فيلم the wrong return ...اولا يكونو الدياب و الضباع هنا ... اولا ..

جهينة ناضت : حشومة عليك دابا ماغانعسش 😢😢 ... 

ايرتان حيد دراعو على راسو وشاف فاشرف ... 

ايرتان: واش باغي تموت ؟ 

اشرف: هههههه صافي غادي ننعس ... تصبحو على خير .. *دار لاجهة الاخرى * 

ايرتان شاف فجهينة : دوزي لبلاصتك ... 

جهينة رجعات و كتشوف حواليهم و تخشات وسط غطاها و مغطية نصف وجها ... 

ايرتان : هههه دابا هادشي لي قال خلعك .. 

جهينة: الحمار فكرني فغاع افلام الرعب لي بديتهم و ماكملتهمش ... *ركلات اشرف برجلها * هاد الحماار هذا ...

اشرف: عهههه قوقوقو *كيعيب صوت الدجاجة زعما جبانة* ... 

ايرتان :خوي راسك و غمضي عينيك .. غاتنعسي ... 

تخشات وسط غطاها و تغطات كاملة .. عز و فؤاد ودعو .. تبعهم اشرف و ايرتان ... جهينة نعسات شي ساعة و مصف و ضرباتها الفيقة ... بدات كتضور فعينيها تفكرات هضرة اشرف ... شافت فيه لقاتو كيشخر ماكرهاتش تقجو حتى يتجيف ... خلاها بلا نعاس و هو كيشخر ماكاينش هنا ... 

ضارت شافت فايرتان .. و ضارت كاملة لجهتو ... ناعس على جنبو من جيهتها و مربع يديها .. غوباشة خفيفة على وجهو .. ناعس ساد فمو و نفسو كيتسمع ... بقات كتشوف فيه .. حسسها بالامان .. غير بمجرد انه قريب ليها و ضاير عندها ... زادت قربات للجهتو اكتر و هزات الغطا غطاتو كامل ... حس بيها و فاق ... حيت نعاسو خفيف .. 

ايرتان: جهينة .. اش مفيقك ؟ 

جهينة: سمحلي فيقتك ... انا غير ضرباتني الفيقة و صافي .. 

ايرتان: باقية خايفة ؟ 

جهينة : لا ... 

ايرتان: هههه علاش كاتنكري ... 

جهينة: اه .. الحمار قلت ليه سكت .. هاهو دابا ناعس و انا بقيت بلا نعاس ... 

ايرتان مد ايدو هز تيليفونو ... حل الليزيات ... خشا وحدة فودنها و التانية فودنو و خدم الموسيقى ... كانت موسيقى بمجموعة من الآلات الموسيقية التقليدية الآسيوية ... مرافقة باصوات الطبيعة ... عجبها الريتم ..خلاها تدخل فداك الاطموسفير و رخا اعصابها ... ايرتان حداها و فوسط رومانسي طبيعي و موسيقى هادئة و راقية .. كولشي هادشي خلا قلبها يطمائن و ترتاح ... كيتصنتو و يشوفو فعيون بعضهم ... بقاو مدة هكاك ... حتى عيونها بداو يدبلو و نعسات ... حيد السماعة من ودنها بالشوية ... و حط التيليفون فجنبو ... دار شاف فيها ناعسة ... مد ايدو رجع شعرها لورى ودنها ... دوز ظهر صباعو على حنكها بلمسات almost قايسين بشرتها ... هبط يدو و شد يدها ... و حطها على سدرو... كيشوف فراسو زاعم و كيقيس فيها ... من طبعو ماعندوش مع skinship (الملامسة ) ... و لكن كيف سبقلي و قلت ... جهينة قدرات تسقط قوانينو و تكسرها و بلا ادنى محاولة منها ... 

شد ايدها لعند قلبو و نعس ...

🌸يتبع🌸