قدري أن أحبك الجزء 11

جهينة بالتركية : اه .... اشنو كاتقصد ؟ 😳 

العم ياله غايتكلم و قاطعو ايرتان .. 

ايرتان : والو ... غير كايضحك .. 

العم : ههههه دابا ممكن تخلطي العطر ديالك و بما انك من طرف ايرتان .. غانبقا نسيفط ليك كلما سالا .. 

جهينة : عجبني و حمقني بزاااف ... شكرا 

العم : شكري لي صنعو ليك ههه ... انا نمشي نطل على الحلوى ديالي واش طابت ... 

ربت على كتف ايرتان و مشا ... 

شافت جهينة فايرتان ... و حدرات عينيها كاتشم في عطرها باش تشتت انتباهها ليه ...تقدم عندها و خداه من يديها ... شمو و قال .. 

ايرتان : كتر الفانيليا ... باغي يفيق شي حاجة هادي ماشي وقتها نهائيا .. 

جهينة : مالك مع الفانيليا ... و شنو هاد الحاجة لي غاتفيق فيك ..

ايرتان جلس على طرف الطابلة و ربع يديه كايشوف فيها : واحد الحاجة لي كنت كانظن انها ميتة فيا و لكن بان العكس .. كانت غير ناعسة ... ديك الحاجة مرتابطة بالحيوان لي فيا و لي فكل راجل ... ماعرفتش كيفاش غانتعامل معاها ... و انت قدامي ... كاتحوليني شوية بشوية لشي حاجة عمري كنت عليها و لا عمرها كانت فيا ... امور كتيرة كانت معاك اول مرة .. و بان ليا باقي غاندير مزاال ... ماعرفت واش نشكرك و لا نعاقبك و ننتاقم منك ... شكون انت ؟ و اشنو درتي فيا ؟ 

جهينة كانت واقفة مدهوشة و كتلوي فالتيشورت ديالها بصبعها بحال شي ولد صغير حصل كايدير زبلتو و كايتلقى اتوبيخ ... جاوبت بدون تفكير : انا .. جهينة المشعكة ... الدبدوبة و البرهوشة ... 

هز راسو كايضحك ... ضحك على عفويتها و طريقة اجابتها ... وقفات فبلاصتها و غير كاتشوف فيه .. كاشوف فتفاصياو من ضحكتو حتال تفاحة ادام كتطلع و تهبط ... رجع راسو شاف فيها و كمل على ضحكو ... وقال .. 

ايرتان : هههه اجي لهنا ... 

قربات جهينة لعندو بتردد و كتلعب بصباعها و عاضة شفاهعا التحتية ... شد يديها ب2 و فرقهم ...و قال .. 

ايرتان حل يديه: ممكن تعنقني الانسة جهينة المشعكة الدبدوبة و البرهوشة .. 

جهينة : كيفاش زعما ... نعنقك .. يعني نعنقك بيديا و نتعانقو 😳 

ايرتان : وعلى اول مرة نديروها .. ياله طلقي ماقادش نصبر ... 

قربات ليه جهينة بدهوشة ... و شوية بشوية كتدخل بين ضلوعو و بخفة و بدون ارتياح عنقاتو ... 

هو ما ان تخشات فيه و خالجو داك الاحساس لي ولفو و ولا مدمن عليه ... و مابقاش يشبع منو ... غمض عينيه كايستمتع بيه و لكن حس بعدم ارتياحها و التخشب ديالها و حتى يديها لي كايترعدو و داتها لي كاترجف ... عرفها حشمانة و غاتكون حمرة و تهض فشفايفها كيف عادتها ... حاوط يديه عليها .. حسات بيه و زادت خرجات عينيها .. و تبورشات منين سمعات صوتو فوذنيها كايقول ... 

ايرتان :ها انا بين يديك ... وريني شنو كانعني ليك ... 

سمعات كلماتو و زادت دخلات فيه ... زيرات يديها حول عنقو اكتر و اكتر ... حتى ولا يحس بدقات قلبها .. ماكفاهاش بغات توريه شحال ولا مهم بالنسبة ليها و شحال كاتبغيه ... وركات بدراعيها و خشات وجهها فعنقو .. حس بالرضى بهاد العناق الحار لي تلقاه ... جاوبها بدورو و حسسها باهميتها عندو حاوط دراعيه بقوة عليها ...و يديه فخصرها ... غمض عينيه باش يحس بيها اكتر ... ويتماشا مع دقات قلبها ... حس بيها خشات وجهها فيه و هادشي كايعني بلي كتحس بلي هو ملجأها و الحامي ديالها ...فهم معنى فعلها و زاد خلاه يتعلق بيها .. و كجواب بلي اه انا الملجأ ديالك و بلي ممكن تتاكلي و تعولي عليا ..حط يدو على مؤخر راسها و زاد ورك عليها .. هي ريحها عناقو كيف العادة ... و لكن هاد المرة السكون كان طاغي ... بحال الى توقف الزمان عندهم ... عناقو خلاها تحس بالامان و بلي تاحاجة ماتقدر تآديها و هي بين يديه ... هادشي علاش العناق ديما كايكون احساس زوين ... حيت القلوب كاتكون اقرب لبعضيها ... و هو الطريقة الوحيدة باش تلغي اي شكوك .. طريقة اخرى ديال التواصل لي كاتوري بيها داك الشخص شحال كايهم ... هو الجواب فاش كايكون حتى السؤال مامعروفش ... طال العناق لمدة طويلة ... جرها لقدامو بلطف ... قابل عينيها بنظرة لطيفة .. خلا يديه على خصرها ... و هي دراعيها على كتافو ... كانو عينيه كايشوفو و يتفحصو ووجها بلا توقف موضر بين عينيها و فمها ... بنبرة رجولية تقيلة قال .. 

ايرتان : ماترددتيش توريني شنو بغيت نعرف فاش طلبت عناقك ... داكشي علاش ماغانخليكش تحيري اكتر ... و غانجاوبك على سؤالك .. 

جرها من جديد لعندو بين يديه ... بنفس شوفاتو شد فذقنها .. عينيه فعينيها لي كانو يشوفو في فمو و هو كايهضر تماما بحال المرة لي فاتت ... و هذا ما كايعني غير بلي حتى هي باغياه ... ماترددش و عطاها لي بغات و خدا شنو بغى ...قبلة لي خلاتو يوريها شحال كايبغيها و شحال باغيها ... كل حركة و انتقال صادر منو كايخليها باغية اكتر و هو ماشي احسن منها ... احساس الحب دافئ بل مشتعل مدفيهم ... ماكايتحركو غير طبقا لمشاعرهم و غريزتهم ... كاتعلمو و يعلمها ... عندها طريقتها باش كاتجهلو و عندو طريقتو باش كايذوبها بين يديه ... حبسو و طلق فمها ... شوية بشوية بعد وجهو من وجها و لكن ماشي بزاف غير المسافة لي تخليه يشوف عيونها ... حدرات وجهها بالحشمة ... تبسم و هزو باش يقابلها معاه ... شاف فيها و قال .. 

ايرتان : واش جاوبتك دابا ؟

جهينة هزات براسها و عينيها مغرغرين ... فشلو رجليها و تخللات وقفتها ... غلباتها البكية ... و خلات دموعها ينزلو .. 

ايرتان وقف ... و باس راسها و عنقها ... جمعها كلها وسط دراعيه و بدا يضحك ... هي زادت بدات تبكي و بالصوت ... و هادشي بفرحتها و تفاجؤها باعترافو ليها ... خلاها سبيشلس مافبالها حتى كلمة .. 

ايرتان : هههه و علاش هاد الدموع دابا... 

جهينة : ما متيقااش ...* طلقات منو * قولها بفمك باش نتأكد ...😭😭 

ايرتان : هههه نعاود نبوسك ... 

جهينة : ماشادش فيا دابا ياك 😭😭 

ايرتان : هادشي مافيهش الشدان ههه 

جهينة : ماتكونش زعما باقي تنتاقم مني و تخليني نبغيك و تمشي و نخليني .. 

ايرتان : منين جبتي هاد الهضرة ؟ 

جهينة : سمعتك انت و الدراري فاش ياله جيتي عندي للدار ... عارفة كوولشي ... الى كنتي باقي على خطتك ...

ايرتان قاطعها : لا خطتي فشلات حيت طحت فيك قبل ماطيحي فيا ههه كوني هانية من هاد الناحية و الى كان باقي عندك شوية ديال الشك ... خلي الوقت يتبت ليك و كانواعدك ماغاتندميش ... 

جهبنة : من ناحية التقة انا تايقة فيك واخا كنت عارفة شنو جابك عندي و لكن انا ... واخا هكاك ماقدرتش نقاومك ... 

ايرتان : ولايني راك واحد الغبية ... عارفة راجل داخل لدارك و ناوي الغذر و مادرتي والو .. كنتي تخرجي تجري علينا ولا تعيطي للبوليس تلصقي فينا مونتيف و لا تسممينا كاع و تسيفطينا مهم تعتقي راسك ... علاش انت غبية و ماكاتفكيش راسك .. 

جهينة : واش حماقيتي مانقدرش ندير شي حاجة من داكشي لي قلتي .. لي سمعك يقول مولف بالقتيلة .. *ايرتان دور وجهو * و زايدون انا كنت غانرجع ليك دقتك بنفس طريقتك ... 

ايرتان : ههههه اشنو قلتي .. 

جهينة : احم .. انا كنت باغية نخليك تبغيني .. ساعة ماعرفتش منين نشدك ... ماعرفتش ليك و ماعرفتش كيفاش ندير .. كنت دايخة و ماعارفة مانسبق و لا مانوخر لدرجة انني لبست و تقاديت فوقت غير مناسب .. ووقفت قدامك كيف الحمقة الهبيلة .. 

ايرتان : ههههه واش النهار لي كنت فالبالكو ؟ ولش بالصح ماكنتيش خاجرجة داك النهار ؟ 

جهينة : صافي قلب الموضوع كانتفكرو كانبغي ناكول لحمي بالفقصة 

ايرتان رجع عنقها كايضحك : هههه ولايني راك مااعارفة وااالو و غير حمقة ... و هاد الحماق ديالك هو لي خلاني نبغيك يعني واخا ماديري حتى مجهود كنت غانبغيك غانبغيك ... 

جهينة : يااربي واااش كانحلاام 😭😭 

ايرتان رجعها قدامو و جر ليها شعرها ... 

جهينة : آي ... علاش نتفتيني 😠 

ايرتان : شتي راك ماكاتحلميش ... بما ان الخبار فراسك ... فخاصك ديري فبالك بلي من اليوم فصاعدا مابقيتيش ديال راسك كيف كنتي قبل يعني ... عندك راجل فحياتك ... اول حاجة هي غاديري حود بينك و بين الغرباء و خاااصة الرجال .. تعطي وقت لشي واحد من غيري *وجه لكمة قدام وجهها و جبد شفايفو بتهديد * غاتموتي ... لبسك و تصرفاتك و داك الضحك مع اشرف غاتديري ليه حساب ... الدخول و الخروج كولشي عندو وقت ... شنو آخر ؟ 

جهينة : كيفاش شنو آخر .. مالك اسيدي ضارب بيا الكاغط 😐 

ايرتان : اولا ماشي الكاغط لي غايعطيني الحق باش نحكم فيك ... و الا مابغيتيش تبعي قوانيني .. ماغانضربش بيك غير الكاغط غانضرب بيك حتى الارض ... 

جهينة جاتها الضحكة و بقات كاتشوف فيه و قالت ؛ شنو دابا حنا رسميا كوبل و دابا كاتفرض عليا قوانينك و تقول ليا شنو لي ندير و شنو لي ماكايعجبكش ندير ؟ 

ايرتان : اه .. و على شنو كايسحاب ليك .. 

جهينة شدات فشعرها و بدات تجري حداه و تغوت .. بدا يضحك و ضرب يدو فجبهتو و خرج لعند العم و خلاها مع فراشاتها ...

خرج ايرتان كايضحك ... سرح يديه كايتكسل بحال الى تهنا من شي هم كان متقل عليه ... دخل عند العم للدار ... و مشا عندو للكوزينة لقاه كايقطع الكيكة .. هز ايرتان وحدة و كلاها .. شاف فيه العم بنصف عين و قال .. 

العم : راشقة ليك لدرجة كليتي الحلاوة بلا ماترد البال ... 

ماجا فبن يكملها ناض ايرتان ردها فلافابو .. 

العم : ههههه اشنو وقع بيناتكم حتى طار عقلك ... 

ايرتان شرب الماء و رجع لبلاصتو .. تبسم حادر راسو .. 

جلس العم قدامو و قال : 

العم : شنو قصتك معاها ... حيت غير بوقت ماشي بعيد كان قلبك حجرة و ذرة الانسانية ماكانتش فيك .. 

ايرتان : و شكون قالك تبدلت انا هو انا .. باقي قلبي حجر و باقي كانقتل بلا رحمة بلا شفقة ... غير تزاد فيا تفصيل آخر و صافي .. 

العم : هههه انت غالط اولدي ... داك القلب لي كاتقول عليه عمرو يحن ببنت حواء ... حن و حط سلاحو ... هادشي ماشي انسانية ؟ الحب ماشي انسانية ؟ 

ايرتان : انت عارف بلي سميتي هي ذئب الفجر ... و الذئب شنو معروف عليه الغذر و عدم الخوف و ماكايحن ماكايرحم و لكن فنفس الوقت عندو عائلة لي كايحميها بدمو و روحو ... يعني حتى هادشي حب ... مابدلش فيه كونو ذئب ... انا كنت متعايش مع وضعي ومستاقر و لكن شي امور ماكنتش دايرهم فمخططاتي بانو و ترونت و لكن راك عارفني تاحاجة مابقات كاتغلبني .. حيت قلبي مابقاش كايعرف الخوف ... و قادر نتعايش مع الامرين ب2 ... 

العم : كنت عارف اولدي بلي غايجي واحد النهار و غاتبان هادي لي غاتبدل قوانينك كلهم و ترونك ... و تخليك تستسلم و يديك فوق راسك ...قدما كنتي رافضو و كاتهرب و عايفهم ..كان باين بلي القدر عندو كلمتو تاهو... لكن خوفي من انك تضعف و تخلي الذياب الاخرين يلقاو منين يلويو ذراعك ... و هي كيف بان ليا بنت ماشي ديال العالم الاخر لي انت غارق فيه .. 

ايرتان : تيقني اعمي حاولت ... حاولت نوقف هادشي قبل مايفوت الفوت ... ولكن لقيت بلي هي اضعف بلا بيا ... على الاقل و هي معايا و تحت عينيا مغانخافش عليها .. فكرت فالموضوع و ماعندي حتى نية باش نخليها ورايا ... و غانحميها بروحي و زايدون راك عارف بلي اعدائي عارفيني غير باسم ديب الفجر .. ماعارفين عليا حتى حاجة .. حتى وجهي كيف داير ... سنين و انا قادر نحمي راسي و غانحمي حتى بنت قلبي ... 

العم : عارف بلي نقطة قوتك هي ذكائك و قدرتك على الاختفاء... و لكن هادشي ماكايعنيش انك تاخد راحتك و ماتردش بالك ... ريح راسك و ريح روحك و خلي هاد البنت تقضي على الوحش لي فيك ... جرب امور الحياة الاخرى و حس بيها لاول مرة ... عطي لراسك فرصة كانسان ... هادشي قلتو من قبل و باقي كانقولو ...مادام ديك البنت قدرات تبدلك .. فراها متالية بالنسبة ليك و هي الشخص المناسب و المنتظر ... حافظ عليها بروحك ... تزوج بيها و دير ولاد ... و لكن دير المستحيل باش يبقاو بعاد على العالم الاخر الخاص بيك ... بغيتك تبعد عليه دابا و لكن عارف بلي مستحيل ديرها ... 

ايرتان : اكيد لا ... ماحدي باقي ماوصلت لداكشي لي بغيت .. ماغانخرجش من هاد العالم لي اصلا لاقي راسي فيه... 

العم : واخا ... انت ادرى ... المهم عندي هو لقيتي لي تريحك ولكن شنو لي فيها و خلاها تلفت انتباهك .. 

ايرتان تبسم : شعرها ... 

العم ضحك حتى دمعو عينيه .. 

ايرتان : هههه مشطتو ليها واحد المرة ... غبرات وسط وسط منو 😂😂

العم : هههه ممكن نتخيل الوضع .. 

ايرتان : ولكن ماشي غير شعرها لي فريد من نوعو ... روحها شخصيتها ضحكتها لعبها حماقها بكاها طريقتها فالماكلة و نعاسها غبائها و ذكائها طيابها الخايب و عgزها فاش كانبزز عليها تشقا و تعصيبتها ... حنانها و طريقتها باش كاتمسني و باش كتلاعبني ... مكاتقاداش من الهضرة هههه تصور و حتى فنعاسها ... و النمش لي فوجها و فورمتها العادية ... شعرها لي ديما مضاربة معاه و واخا هكاك ماكاتبغيش تجمعو ... مزاجيتها و بيوضية قلبها ... خفيفة على القلب هي امي و بنتي و كولها على بعضها غير درية صغيرة محتاجة لي يحميها و يوقف فجنبها حتى انني ماعرفتش كيفاش قدرات تعيش بوحدها فهاد المدة كاملة لي ماكنتش معاها فيها .. *تفكرها* شفتها باقي مارجعت .. 

ناض خرج للبرى و ناض تبعو العم و هو كايضحك ... المدة كاملة لي كان ايرتان كايعاود ليه و هو كايتصلغى ليه فهم من طريقتو و هو كايعاود عليها و ديك الابتسامة لي على وجهو ... كان بمتابة حلم بالنسبة ليه .. ايرتان عزيز عليه و كان خايف عليه و مشوش من جيهتو على الحالة لي كان فبها .. من ديما كان كاينصحو و يوريه .. سمع نصائحو فكولشي الا فقضية النساء و لكن القدر عاونو و حط جهينة قدامو ... و خلاه يبغيها بلا ما يرد البال لشنو كايدير ... دابا ارتاح نسبيا من جيهتو 

لقاه قدام الباب واقف يديه فجيابو و كايشوف فجهينة و يتبسم .. كانت كاتلعب مع كليب صغير كان تما .. كتجري و هو تابعها و صوت ضحكها واصل لعندو ... 

شاف فيها العم و تاهو مبتاسم ...و قال 

العم : كيفاش 2 بهاد الكمية ديال الاختلاف لقاو الكمال مع بعضياتهم ...

ايرتان : حتى انا ماقادش نفهم ... ماكاتشبه ليا فتا حاجة ... 

العم : مزيان هكا غاتكملو بعضياتكم و علاقتكم غاتكون ممتعة ... احسن حاجة ديروها هي تستمتعو بكل لحظة مع بعضياتكم ... دير معاها كولشي لي كنتي باغي دير ... ابني احلام معاها تيق فيها و سلمها روحك ... 

ايرتان كان كايتصنت و عينيه عليها و قال : كانواعدك غاندير بكلامك .. 

ضحك العم و قال ؛ قبايلة كنت باغي نسولها و خفت يكون موضوع حساس .. مال وجها ؟ 

ايرتان : واحد الحيوان كان معاها حاول يتعدى عليها ... هادشي لي قلت ليك وقع فوقت غيابي ... و لكن كون ما حبساتني كنت باغي نقتلو و لا نسيفطو ... 

العم : عمرك دور ظهرك تاني .. انا غانصاوب ليها خلطة ديال الزيوت تديرها للكدمات لي عليها و بانت ليا عندها رجل كتعرج شوية .. 

ايرتان : راه دابا ولات مزيان .. قبل كانت فصدمة ماكاتهضر و ماكاتمشا ... ولكن الحمدالله خرجات منها سالمة .. 

العم : ماعليش ... المهم صحتها دابا ... انا غانمشي نوجدهم ليها .. 

مشا العم لجهة غرفة تحضيراتو ... و توجه ايرتان لعند جهينة ... شافت فبه جهينة .. هزات الجرو وقابلاتو مع ايرتان ... 

جهينة : شوف ا ايرتان شحال كايحمق هاد الصغيور هههه 

ايرتان : كاينة شي حاجة فهاد الدنيا ماحمقانكش .. كولشي كايعجبك يا هاد البنت .. 

جهينة : هههه عندي روح ديال اليونيكورن .. طولشي كانشوفو باللوان و السباركلز 😂😂 

ايرتان : هههه عارف ... الى كايعجبوك هاد الكائنات الصغار ممكن نجيب ليك شي واحد .. 

جهينة خرجو عينيها و شدات دراعو : حلف .. 

ايرتان : هههه شحال خاصك تحلفيني من مرة فالنهار .. ديري فبالك بلي انا ماكانتفلاش فوعودي و كلمة وحدة عندي راه قلتها ... 

جهينة : انا غانشووف ... 

ايرتان : ياله نودعو عمي عوصمان خاصنا نرجعو .. 

جهينة : ناري خلينا شوية مزال ماسخيتش 😟 

ايرتان مد يدو لشعرها و قال : ياله نشدو الطريق تاني و خاصني نرجع للاوطيل .. 

جهينة قاطعاتو : اويلي على ترجع للاوطيل ياك قلتي ليا ماغا.. 

ايرتان قاطعها : وراه عند كلمتي انا باقي معاك .. داكشي علاش غاناخد حوايجي لي باقيين تما باش مانبقاش كانخلص غير هكاك على والو ... 

جهينة ضحكت : صافي واخا ... 

شد يدها :ياله ... 

طلقات الجرو و بقات تقوليه بايباي ... دخلو لعند العم و قال ايرتان .. 

ايؤتان : عمي حنا غانرجعو .. 

العم : هههه ماسخيتش بيكم اولادي ... 

جهينة : حتى انا اعمي .. الى كان مرحب بيا بغيت نرجع مرة اخرى .. كولشي عندك هنا عجبني ... 

العم : عجبتني نظرتك للامور ابنتي ... و ذوقك الفريد ... و اكيد مرحب بيك فاي وقت ... هانتي هاكي ... *مد ليها سليلة* هادو فيهم زيوت تجميلية .. كل واحد كاتب ليك فيه لاياش كايليق ... واحد يداوي كدماتك و آخر ايرتان غايماصي ليك بيه بلاصة لي باقية كتضرك فرجلك و آخرينن باش تهلاي فوجهك و شعرك ... 

جهينة : هههه شكرا بزاااف اعمي غانديرهم بكل امتنان ... 

العم : وهادي كيك درتو ليك دابا ... بما انه كان عيد ميلادك البارح ... راه بالفواكه الجافة ... 

ايرتان : هههه شي ناس داو بلاصتي ..

العم ضحك و عنقو : هههه انت ولدي و دابا ولات عندي حتى بنت ... تهلاو فبعضكم و عمركم تديرو ظهوركم لبعضياتكم ... 

جهينة : ماتخافش .. اصلا هو لي عندي ... 

شاف فيها ايرتان و قال : حتى انا .. هي لي عندي ...

العم : وا منين وصلتو لدرجة ان حتى حد ما بقا ملي عينكم من غير بعضياتكم .. فراه وصياتي لا داعي ليها ... 

ضحكو ب2 .. عنقوه و خرجو بعدما وصلهم للباب ... خدا من عندها السليلة و تعانقو غاديين فالطريق لي جاو منها .. 

جهينة : عجباتني علاقتك مع عمي عوصمان ... 

ايرتان : اه كانحتارمو و نعزو بزاف ... 

جهينة : باينة فيه انسان حكيم و قلبو ابيض ... صاوب ليا كيكة ... هادشي مادارتوش حتى اللفعة ديال صاحبتي داكشي كولو البارح غير شراتو .. 😂😂 

ايرتان ؛ ماكايهمش مهم دارت ليك لي عليها ... 

جهينة : بطبيعة الحال ... ههه مالاحظتيش جينا مشانقين و راجعين معانقين .. 

ضحك ايرتان و رجع التعنيقة شنقة .. 

جعينة ؛ وا نااااري .. واش انا قلتعا باش ديرها ؟ انا قصدت زعما باي مشنا شكل و رجعنا شكل .. 

ايرتان : لا بالنسبة ليا من ديما كنا هكا ..غير ماكانش فخبارك .. 

جهينة : هههه شناهوا .. و معامن تشاورتي ... 

ايرتان : ما كانتشاور مع حد ... غير مع راسي .. 

جهينة : اوى غير دير فبالك بلي دابا عندك معامن تشاور ... ماشي غير انا لي ولا عليا الحكام .. حتى انت اسيدي ... 

ايرتان : و شنو هو هاد الحكام الالا .. 

جهينة : الحكام ديالك هو عمرك تبدل عليا و تبقا ديما تبغيني هكا و غير بوحدي ... و تبقى ديما تشري ليا السقاطة و تخرجني توريني لحال هاد البلايص ... 

ايرتان : اووكان ؟ هذا هو الحكام عندك ... 

جهينة : اوى مالقيت منيين نشدك .. مانخافش عليك عينيك مازايغاش و اصلا ماعندكش مع العيالات ... اما الخروج ديما كاتكون معايا و قليل فين كاتغبر و حتى الى غبرتي كاتبقا تعيط ليا ... 

ايرتان : اوى شفتي ... تعلمي مني .. 

جهينة : اشنو غانتعلم منك .. مالي عيني زايغة ؟ 

ايرتان : آيه ...لمك بورطابلك عامر بتصاور التواركة ... و ديما حالا فمك فيهم فالافلام ... و تظلي تغزلي فيهم قدامي ... اما اشرف خلاااص هذاك راه منين ماقتلتوش خاصو يدير الصدقة .. 

جهينة : هههه اويلي كاتغير من اشرف .. عشيري هاذاك ... و اما التواركة ... صافي عندي التركي ديالي ملي ليا عينيا ... مابقا عندي ماندير بيهم ... 

ايرتان : هههه تبتيني لمك .. 

جهينة : هههه نو كانهضر بالصح .. واقول ليا بعدا كيفاش قضية انت تركي و كاتهضر بالدرجة ... هو راه نيت باينة فيك تركي ... ولكن منين كاتهضر غير مغريبي صافي ... 

ايرتان : انا تركي- مغربي ... نصف نصف .. الوالد مغريبي و الوالدة هي لي تركية ...انا شبهت باها ...لي هو جدي ... و هو لي سماني ايرتان ... و كاتعني راجل تولد فالفجر ... 

جهينة : واش كاينة شي حاجة ماكاتربطكش بالفجر ..

ايرتان : هههه غير صدف ... 

جهينة : اممم و فينهم واليديك علاش ماكانشوفكش كاتهضر معاهم .. 

ايرتان تنهد و قال : واليديا عايشين فإفران ... و انا منين كانت عندي شي 16 العام مابقيت سكنت معاهم ... كل واحد فينا عايش لراسو ... لي ولدني مضارب غير مع شغالو و الوالدة راه مقابلة غير راجلها باراكة عليها .. و عندي ختي صغر مني ب5 سنين و كاينة جدة لي هي ام الوالد ... ماكيسولو فيا ماكانسول فيهم غير اوالدة لي مرة مرة كاتفكرني ... شي شهراين هادي مشيت طليت عليها و جيت هنا للكازا ... 

جهينة : امم وعلاش زعما ... علاش علاقتك باردة معاهم .. كاتهضر عليهم و من كلامك باينة فيك ماقريبش منهم .. 

ايرتان : اه .. ماقيبش منهم ... و دابا شقلبي عليا هاد الموضوع حيت كايعصبني .. طلعي ... 

طلعات جهينة للسيارة و حتا هو حداها... و ديمارا .. بقات كتعض ظفارها و تشوف فيه ... باينة على وجهو الانزعاج من الموضوع لي جبدوه ... مابغاتش تحرج معاه اكتر و اكيد مادام قدر يهضر اليوم شوية غايجي اليوم لي يكمل ... شعلات الراديو ... و بركات تغني باش نبدل الجو ... ايرتان ماتكلمش مزال حتى وقفو قدام الاوطيل .. 

ايرتان : تسنايني هنا ؟ ماغانتعطلش عليك .. 

جهينة : لا غانطلع نعاونك .. 

ايرتان : ياله .. 

خرجو من السيارة ب2 و دخلو ... طلعو للغرفة و دخلات جهينة وراه كاتشوف فالغرفة ... تلاحت فالسرير و هو بدا يجمع حواسيبو و بعض حوايجو ... 

جعينة : الله هاد السريير شحال رطب ... خليتي هاذا و جيتي تزاحمني فديك المضربة ... 😐

ايرتان : حتى دابا هزي السوارت ورجعي بوحدك ... 

جهينة ناضت عنقاتو من اللور :هههه اويلي .. و على انا نقدر نفرقك مزال ؟ 

ايرتان : اوى غيير ردي البال معايا ... تشدي معايا الزكير نديرها قد فمك .. 

جهينة تخشات تحت دراعو و طلات عليه كاتكبر عينيها و تدلي شنوفتها .. 

جهينة : ياااك و تخليني بووحدي .. 

ايرتان تبسم كيف عادتو ... حط داكشي لي فيديه و شد فحناكها قرصهم و جبدهم و تقابل معاها .. 

ايرتان : بما انا الامور توضحات بيناتنا غادي يخصنا نديرو حل لواحد الموضوع .. 

جهينة كتلسلس حيت فمها مجبدو : gول شنو هو هاش الموشوع ...

ايرتان : ههههه هاد الشوفات لي كاديري فيا .. 

جهينة : اشمن شوفاش ؟ 

ايرتان : هادو لي دايرة دابا ... من كترة ما كاتفشليني كانبغي نعضك حتى يخرج دمك .. 

جهينة خرجات عينيها كتشوف فيه .. ايرتان رجع كايضحك جبد حناكها باسها منهم و رجع يجمع ... جهينة شدات حناكها و كاتشوف فيه من اللور و كاتفرنس ... قلبها كايرفرف مزال مامصدقاش بلي هما دابا عشاق و معتارفين لبعضهم ... مشات للجهة الاخرى من الغرفة باش تعاونو .. بانت ليها فاليز صغيرة .. كانت محلولة غير هزات غطاها و بانو لي ها عرام ديال اكتب مستفين و قالت .. 

جهينة : هادو دياولك .. 

اي تان : اه .. هاكي خشي معاهم هادو و سديها وقفيها تما .. 

جهينة : اممم الناس متقفين ... و كايقراو الكتوبة .. 

ايرتان : غاتولي تقرايهم حتى انت .. 

جهينة : الا اخويا غا بالصحة .. 

ايرتان : دابا نشوفو ... هاكي طوي معاك هادو ... ماعرفتش فين غاندير هاد الماطيريال .. 

جهينة جات عندو تاخد الحوايج : اش هاد السلوكة و شنو هاد التخربيق .. واش عندك حتى مع لافورماتيك ؟ 

ايرتان : ااه 

جهينة هزات عينيها فيه ... مستغربة و قالت .. 

جهينة : واش انت كاينة شي حاجة ماكاتعرفش تديرها .. 

ايرتان : الظروف ... فاش الانسان كايكون وحيد ضرووري كايتعلم راسو ... *هز راسو فيها و تم غادي نحوها*وزايدون كاينة واحد الحاجة ماكنتش كانعرف نديرها... و انت علمتيها ليا ..

جهينة : ش ... شنو هي ؟ 

ايرتان شدها من خصرها و قربها لعندو: هههه كاتدوخي عليا لمك .. ماعرفتيش ...

جهينة حدرات عبنيها كاتلعب بالتيشورت ديالو : لا ... ماعرفتش ... 

ايرتان شد فشعرها كيلعب بخصلاتو قدامها و قال: اوى فهاد الحالة غادي يخصني نوريك حيت انا ماكانقولش ... 

جهينة ضرباتو لسدرو : ولفتيها ؟ باغي تمووت ؟ 😠 

ايرتان : هههه شنو لي ولفت ... انت لمك لي ديما كاتطلبيها و من بعد تقولي ليا باغي تموت ... واش انت حمقة ؟ 

جهينة : ك..كيفاش كانطلبها ... شنو كاتخربق عليا ..

ايرتان : واخا غانقول ليك ... ماشي غير الفم لي كايهضر ... حتى العينين و فاش كاتكوني قدامي ... عينيك كايهضرو و يعبرو اكتر من فمك 

جهينة بقات كاتشوف فيه حتى غرغرو عينيها ... شد حناكها و قال : مالك ؟ 

جهينة : ماعرفتش ... ولكن لي عارفة هو انا محظوظة حيت ربي لاقاني بشخص بحالك ... كنت محتاجاك من شحال هادي ... فين كتتي قبل ...فيين ؟ 😢

ايرتان جرها لعندو عنقها .. خط راسو فوق راسها و جامعها بين يديه ... حاط راسها على قلبو و تبسم و قال : 

ايرتان : ماشي مهم الوقت لي فات لي مهم دابا هو لي جااي .. انا وياك عندنا شلااا مانديرو مع بعضياتنا ... و مابقات غاضيع حتى لحظة وحنا ب2 ... 

جهينة مسحات دموعها : عندك الحق ... المهم هو دابا ههه .. 

ايرتان شدهت قدامو ... باس راسها و قال : ياله ا انسة البكاية ... عاونيني نخرج هادشي ... 

جهينة : ههه واخا .. 

تعاونو ب2 و جمل لي باقي و خرجو .. بعدما تحاسب مع الغيسيبسيون توجه للسيارتو حط الباغاج ديالو فبها و طلع هو و جهينة ... 

جهينة : دوز خود شي حاجة نتعشاو بيها مافيا لي يطيب ... 

ايرتان : هههه يسحاب ليك راسك وليتي حبيبتي غادي تبروفيتي كيف بغيتي .. غاطيبي بزز منك ماعنديش مع ماكلة ديال الزنقة ... 

جهينة : تا مالك مسموم .. واللهتا عيانة مافيااش .. عافاك عافاك .. 

ايرتان : مالك اش كنتي طاديري ليا غاع حتى عييتي من قبابلة و انت تنقزي و تابعة ليا الجرو ... 

جهينة : يااخ ماكايرحمش ...الجلاخة هو الجلاخة ... بونغ بونغ الجلاخة .. عمري فحياتي تلاقيت مع جلاخة مجلخ بحال تجليختك الجلاخة لااخر 😠

ايرتان شاف فيها و ضحك ... وصلو قدام العمارة و كل واحد هز فيديه و طلعو ... حطو داكشي قدام الباب و دخلات جهينة للصالة لاحت رجليها كاتنهج .. 

ايرتان : اودي على صحة الفرشي .. 

جهينة : كاتقارنني بيك العجل ضارب فيا 2 فالطول و كاتهضر و زايدون الصحة تعطات للرجال ماشي للعيلات .. 

دخل جلس حداها : ايه و انتوما العيالات اش تعطاكم ؟ 

جهينة تغعدات و شافت فيه و قالت : المحنة و العطف و الحنان *حاوطت يديها على كتافو و تقابلت مع وجهو * و الحب ...

ايرتان تلاح راسو لوور كايضحك ... و رجع شنق عليها و قال : 

ايرتان : انت لمك منين مصنوعة غير قولي ليا ؟ دايرة بحال شي ball of fluff باغي غير نشدك و نلعب بيك .. 

جهينة : تلعب بيا ؟ 😐 مالي نونوس ... تاريح غانجندخ خويا ... 

ايرتان زاد شنق : ياله جندخ خوك اصاحبي 😂😂.. 

جهينة كتحاول : إإإاه ... إه .. ورخف شوية ... آااو ... 

ايرتان : هههههه شوف الدرية كيف كاتهضر ... ماعندش بالي مرتابط بعبد القادر ... 

جهينة : جوووهااااينة قالااك عبد القدر .. هاد الشعر والفورمة كاملين ديال عبد القدر ... و نااري طلق راك عاوقتيني ... 

ايرتان طلقها و ركلها : ياله حيدي من قدامي ... ديري سباغيتي بالكفتة و ديري فلاصوص ورقة سيدنا موسى و الفرماج .. 

جهينة كتحك : هاهي غادة .. و عقل على الحغرة .. هاهي فيك .. 

ايرتان : هههه غبري من قدامي 

مشات جهينة للبيت و بدلات حوايجها و مشات للكوزينة ... 

اما ايرتان كان فالحمام ... خرج و دخل حوايجو للبيت ... جات عندو جهينة يديها عامرين و قالت .. 

جهينة : جمع ليا شعري عنكشني ... 

ايرتان حل المجر فين كاتحط تخربيقها و جبد لاستيك .. 

ايرتان : ضوري ... نلقا شي زغبة فالماكلة نطلسو على كمارتك ... 

جهينة : وا داكشي علاش قلت ليك جمعو ... 

هز ليها شعرها الفوق .. و لكن لفت نظرو توحيمة فعنقها من لور ... مسها و قال .. 

ايرتان : عندك توحيمة هنا .. 

جهينة ضارت عندو : ياله شفتيها ههه 

ايرتان : فين عمرك جمعتي شعكوكتك ... 

جهينة : اوى اايه اسيدي عندي وحدة تما و ااخرى فبلاصة شوية بريفي .. 

ايرتان :هههه و شتي دابا غايضرني راسي .. 

جهينة : هههه شوف اه ...طير البلاكة يطير راسك .. 

ايرتان : البلاكة طايرة من شحااال هادي ماشي ياله ... غير سيري وكان طلي على ديك الروينة ديالك ... 

جهينة : ها خي غاديا ولكن شنو كادير بعدا ؟ 

ايرتان :كانحيد هادشي من الطريق ... 

جهينة : بلاتي ... حلات الماريو ... و صوخرات حوايجها و جمعاتهم فجهة و خلات ليه فين يحط تاهو .. 

ايرتان : معولة تسكنيني معاك و تدغي ليا الوتاد هنا ههه 

جهينة : والله اسيدي فهمها كيفما بغيتي ... ولفتك معايا و النهار لي تقول ليا غانمشي غاتخرج من هاد الباب جتة هامدة ... 

ايرتان جرها زدحها معاه كابشوف فيها و يتبسم و لسانو وسط فمو كايلعب : اش قالك راسك انت من الصباح و انت تهددي ..

جهينة : اوى من عاشر قوما 40 يوما صار منهم و انا ماشي غير وليت بحالك .. وليت منك .. 

ايرتان : اممم اوى حبيبتي انا لي ماكانتش تستافد مني فمكاين لاش نكون معاها من اصلو و عالله حتى انت تقدري تقسحي قلبك و تقوي شخصيتك باش تقدري تفكي راسك ... انا ماعنديش مع الناس الضعاف .. 

جهينة : اوى اسيدي ماحدك معايا ماعندي لاش نهز الهم .. لي دار ليا شي حاجة غانقولها لبونغبونغ ديالي و هو يتكلف ... 

ايرتان : هههه اوى من هاد النحية .. بونغ بونغ ديالك فالخدمة و لكن ماعليش تكوني حتى انت قادرة على راسك ... 

جهينة : واخا اسيدي هذا موضوع ناقشوه شي وقيت ستف حوايجك هنا و ها كتوبتك و الماطيريل ديالك حطهم فوق داك المكتب ... انا فالكوزينة الى بغيتيني عيط ليا .. 

شاف فيها كايتبسم و خلاتو و هربت كاتضحك .. 

كمل ترتيبو حتى هو و نظم طل حاجة فبلاصتها و بتاويلها و منظمة و مشا للصالة تكا فالسداري و شعل الtv جا فmbc3 و سبونجبوب كايبدا جا يقلب سمعاها طاتغوت من الداخل خلي خلي .. 

خلاه و تمات جايا كاتجري وقفات قدام التلفازة و ايرتان وراها ... 

اMbc3 : جاهزون يا أطفااال 

جهينة : آاااي آاااي كابتييين ... 

ايرتان شير عليها بوسادة : تي سيري حيدي من قدامي ... 

اMbc3 : لا اسماعكوووم .. 

جهينة غوتت : آااااااي آااااااااي كابتيييييين ... 

ايرتان عاود شير بمخدة : راه غانوض لموووك...

مشات حتى لعند ودن ايرتان و هي تقول : اووووووووو من يسكن البحر و يحبه الناااس ... 

ايرتان قبل ماتكمل شنق عليها : واش انت لمك ياله تعلمتي تشدي معايا الزكيير ...😠

الجهينة : ههه الميييمة ا ايرتان بلا ركيل هالعار .. 

ايرتان : على فاش كنت نقول لك حيدي فين مالك ماسمعتي الهضرة ... بكري تزوجنا و درنا الولاد .. لمك واش حنا غانربيزهم و لا غانربيك انت .. 

جهينة غير سمعات الزواج و هي تفرنس : زعما انت باغي تزوج بيا .. 😇

ايرتان طلقها : اوى على هاد التصرفات الطفولية ديالك بان ليا غانفكر فالموضوع الف مرة ... قبل ماندير راسي فالدرغري و نصبح فاطر .. 

جهينة : اويلي على تفكر فالموضوع هادشي مافيهش الضحك .. احم .. الى كان غير على العقل نديرو ... واللهتا نديرو ... 

ايرتان : اش غاديري ... منين مادرتيهش فوقتو غير سيري تنبغي دابا .. انا لي مسخوط مالقييت معامن .. 

جهينة عنقاتو بالجنب و كتشوف فيه بطرف عينها : هههه امتى تزعطتي فيا المسخوط .. 😜

ايرتان : و انت مال طاسيلتك .. 😐 

جهينة ضرباتو بطتفها : gر gر ...😆 

ايرتان : قولي انت و نقولك ... 

جهينة : اممم ... من اول ما جيتي للدار و بدات السكين شيب بيناتنا ... 

ايرتان : اممم ... اوى الالا انا من الدقة لي زرقتي ليا عيني بيها .. ديك الوقت كان فضول .. انت عارفاني ماعنديش مع النساء و لكن انت جيتيني فشكل و حلفت لاطلقتك ... اوى ماتقدريش تصوري اش درت عليك باش لقيتك من بعد منين بديت نعرفك و نفهمك بديتي كتدخلي ليا مع العظام ... وا غانقوليك سر ... انا فداك الوقت لي هربتي مادازتش يوماين عرفت سميتك و فبن ساكنة و فين خدامة و عرفت بلي غاتدوزي عطلة مع صاحبتك و جريت الدراري و تبعناك تما .. ههه انت شفتيني يسحاب ليك صدفة ... وهربتي عند بالك مطورة 😂😂فاش غرقت درتها بالعاني و انت المسخوطة داخلة من نيتك كاتجري فيا .. هههه داك النهار قدما فقصتيني قدما ضحكتيني ... 

جهينة : دابا انت كاتقول فهادشي بوجهك حمر ... عرفتي دوك الايام كنتي غاتسكت ليا القلب .. فينما مشيت نلقاك و انت داير بحال شي رئيس العصابة كنت كانقول هذا صافي غايقتلني و لايبيعني لشي حد ... ماحشوماش عليك 😠

ايرتان : ههههههعهعع نبييعك 😂😂😂😂 

جهينة: تهجرو انت لي جا معاك الضحك ..😠 

مشات خلاتو شاد كرشو ... 

دخلات للكوزينة تكمل الطياب و كاتنغر .. 

جهينة : مزياان مزياااان .. قالك كان عارف كولشي و انا عند بالي هربت و شمتو ساعة السيد عارف كولشي ... ولايني راني واحد الهبيلة طايحة على راسي .. 

ناض ايرتان تبعها و باقي كايضحك ... سمعها كاتنغر عرف ماعجبها حال ... و عنقها من لور .. 

ايرتان : تقلقتي ؟ هههه 

جهينة : سير بعد مني ...

ايرتان : داكشي فالاول دابا مابقا كايعني والو ماديريش من الحبة قبة ... 

جهينة : وا دير راسك فبلاصندتي ماغاتحسش براسك مكلخ و تدارت بيك ؟ 😠 

ايرتان : نديرها بيك و مانخلي لي يديرها بيك و زايدون عندك الزهر طلبت غير نسكن معاك و مامشيتش بعتك ههعهععه 

جهينة : طنز غيييير طنز ... دابا تقلب راه الزمان دوااار ... 

ايرتان ضحك ايرتان ... باس حنكها و قال : صافي الالا سمحيليا ... 

جهينة دارت شافت فيه زعما كاتفكر و هي تقول : الاا .. 

هزات الطباسل و خرجات ... ضحك ايرتان و تبعها .. جلس و هي قدامو كتاكل و تفرج و هازا خنافرها للسماء زعما مقلقة ... اماايرتان كاياكل و حاضيها بنصف عين ...

ايرتان : شنو دابا النهار الاول باغية تقتلي المش ... 

جهينة : بعد مني 😒 

ايرتان : هادي سباغيتي هاذي كيف كمارتك .. 

جهينة : ماتاكلهاش حطها .. 

ايرتان : هههه شنو دابا غاديريها بالصح .. 

جهينة : لا غانديرها بالعاني .. 

ناضت حطات طبسيلها غسلاتو و مشات للبيت قالبة وجهها ... 

اما ايرتان ضحك على حماقها .. سالا و تاهو غسل طبسيلو طفا الضو و تكا فالسداري يسهر مع الاكشن .. 

جهينة دخلات للبيت لقاتو مرتب و مقاد ... 

جهينة : ناري كولشي كايتقنو ... كيف كايدير ليها ... شافت فالمراية طلقات شعرها ... شافت فالبيرسينغ ديال شعرها و تفكرات اشرف ... تكات فبلاصتها و جبدات التيلي ... دخلات للواتساب و سيفطات ليه كوكو ... جاوبها فين المشعكة .. جاوباتو فالفليبين الشيم شيم ... جاوبها تعشيت دابا ببيتزا صاوبتها تاكلي صباعك وراها الى جيتي عندي شي مرة نصاوبها ليك .. جاوباتو شهيتيني فيها انا تعشيت غير بسباغيتي و وحلها ليا داك صاحبك الجلاخة .. جاوبها و علاش 😂😂 .. جاوباتو gر ليا بكولشي و حتا انتوما واللهلا بقات فيكم انا ديروني ضحكة بيناتكم يجماعة الشمكارة يالبوهاليين يالحلالف 😡 ..جاوبها واااايلي ماتقوليييش ليا 😱 ...جاوباتو آااايه كولشي عرفتو غدا نصبح على والديكم 😡 ... جاوبها هههه مرحبا و الف مرحبا ولكن اش جاه حتى gر بكولشي ياكما دوختيه بشي حاجة 😂 ... جاوباتو من جيهة دوختو راه مدوخاه و قالها بفمو 😂 على ماشي الساط مزعوط فيا و قال ليا ممكن تكوني خطيبتي حيت مابقيتش قادر نعيش بلا بيك و كانبغيك و نموووت عليك و ماقبلت ليه غييير بالزز 😎... جاوبها اوى الله ينعل الكذاااب لي قالها ليك طالقها تسرح ابنت العبد 😐

عيط ليها .. 

جهينة جاوبت : مالك ... ماتيقتيش

اشرف: هههه هذاك راه حجرة يابسة واخا يبغي مايقولهاش ... يدير كولشي باش يبين ليك و يفديك بروحو و مايقولهاش .. انت تورينا فيه .. باقي لمك مابغيتي تسلمي منين حطيتي صحايبتك بوجهها قدامنا ب4 باقية زايدة فيه .. 😂😂😂

جهينة : الله اميمتي معامن طحت .. وااش مانقدرش نكدب كدبة و تكمل ليا 😠 

اشرف: هههه راه انت ابنتي لي مفروشة ... واقولي ليا شنو قضيتكم ؟ 

جهينة : مهم ... هو اعتارف واخا ماشي بفمو ..هو بفمو ولكن ماشي بفمو كيفاش غانشرح ..

اشرف: ههههه فهمت شلقمك الكلب 😂😂 

جهينة : احتارم راسك الحيوان ... هذاك اسميتو الاعتراف بالحب بطريقة اكتر رومانتيكية (ههه عنداكم تيقوها و تأترو بيها لاقدر الله و قرب ليك شي واحد جمعيها مع مو بقمشة و زيديه ركلة 😂😂) 

اشرف: هههه المهم شلقمك و شلقمتيه حيت ولد الهم تاهو اول مرة ليه 😂😂 احح عليكم تلاقيتو ب2 لويمينات مغيمضين هههه 

جهينة : هي انت لويمينة مفتوحة اقليل الحياء ... 

اشرف: اوى انا ماشي بحال هاذاك لي معاك .. مافهمتش كيف دار ليها اصلا.. انا كانشوف داكشي تاندوخ .. هههه

جهينة : اييو ماتهضرش على داكشي غاتخسر صورتك قدامي ... تفو الرجال كلكم بحال بحال الا بونغ بونغ ديالي 😏

اشرف: اممم الا بونغ بونغ ديالك .. فين كنتي مخبية هادشي المشعكة .. 

جهينة : فقلبي ... 

اشرف: لا لا انت ضروري غايخصك تجي غدا و لا غانجي انا بغيت نسمع هادشي ب3D .. 

جهينة : ان شاء الله .. غانجي .. حيت بغيت نركل والديكم واحد واحد .. 

*سمعات الحس و خشات تيلي تحت المخدة ووقف عليها ايرتان فالباب * 

ايرتان : معامن كنتي تهضري .. مع اشرف ؟ 

جهينة : انا ؟ لا تاحد .. 

ايرتان : سمعت حسك .. 

جهينة : غير تخايل ليك ... انا كنت غاديا ننعس ... 

تخشات فبلاصتها و طلعات غطاها حتال النص فوجهها و بقات كتطل .. ايرتان بقا كيشوف مصغر عينيه بتشكيك و هي بقات تبقلل فيه ... اشار بصباعو فعينيه و دارهم فيها زعما نحصلك تموتي ...حتى خرج رجع لفيلمو .. 

هي حتى مابقاتش سمعات حسو و جبدات تيلي كاتهضر تحت الغطا ... لقات اشرف غايتسطى بالضحك .. 

جهينة : تهجرو ... شفتي اش داير ليا .. زعما النهار الاول هذا باديينو بخلا عشتي .. 

اشرف: وا ميببمتي على الحكااام .. كايغير مني ولد الكلب 😂 هضرنا معاه زعما 😂😂 جاب ليا الله باش نحمقو 😂😂😂 

جهينة : اداك اه تفرق ليا منو .. خليني غير انا لي مجنناه و فاقصاه تزيدو حتى انت فين انوليو  😂😂 

اشرف: ههههه وينو كاتفكر ليه .. قطعي لمك غدا ونهضرو تصبحي على خير .. 

جهينة ؛ وانت من اهلو ... 

قطعات جهينة و حطات تيلي فالجنب ... غمضات عينيها تنعس و بقات كتفكر فالنهار كيف داز ... تفكرات كولشي و بدات تضحك و تبسم للذكريات لي مستحيل تنساهم .. بقات تقلب و تشقلب حتى دازت ساعة و ايرتان باقي ماجاش ... سمعاتو طفا التلفازة و غمضات عينيها كتسناه يجي ... ولكن لا ماجاش .. حرجات راسها من الغكا ماسمعاتش خطواتو .. ناضت كتحسس بلا ماتلبس فرجليها و خرجات من البيت ... كان الظلام برى ... تحنات على ركابيها كتزحف حتى وصلات للصالون و طلات من ورى الحويط الصغير لي كايتحطو فوق الديكورات ... خلات غير عينيها لي كايطلو و شعرها لي هبط تاهو ... ياله غايدور ايرتان قشعها و هو يجلس دغيا و قال : بسم الله الرحمن الرحيم .. 

جهينة : شتك نعستي تم .. 

ايرتان : و فين بغيتيني ننعس ياك بريتي اش باغية مزال .. 

جهينة : راك عارفني كانخاف من الظلام ضروري تخليني نفكرك .. 

ناض ايرتان شعل الضو ووقف قدامها .. وقفها و قال ..

ايرتان : خاصك تعلمي تواجهي مخاوفك بوحدك .. 

جهينة : مانقدرش ... بلا ماتبزز عليا عافاك .. 

ايرتان شاف فيها بغير حيلة شد يدها و طفا الضو و جرها ... وصلو البيت تخشات فبلاصتها و جر عليها الغطا ... 

ايرتان : هاني غانعس حداك ... تصالحنا دابا ؟ 

جهينة :نتصالحو ولكن بشرط ... *هزات صبعها *آخر مرة تلعب معايا .. ماكانبغيش نكون فوضع الحمقاء .. 

ايرتان باس صبعها و هبطو : هههه واخا الالا ... غير حيدي عليا صبعك ماكانحملش تهزيه عليا ... 

تبسمات جهينة ... بادلها تاهو و باس راسها ووقف : ياله نعسي ... 

حل الماريو جبد فراشو سرحو و قرب حداها و فرشو و تخشا فبلاصتو و جهينة دايرة لعندو .. 

جهينة : كايبقى فيا الحال نشوفك هكا فالارض .. واش ماكاتطلعش معاك البرودة ... 

ايرتان : غير نعسي و ارتاحي انا بيخير .. 

جهينة : ممكن تنعس فجنبي ماعنديش مشكل .. 

شاف فيها ايرتان : ماكاتخافيش على راسك .. تعلمي تسبقي راسك على بنادم و فكري غير فراسك .. و ماتبقايش تعطي تيقتك كاملة و كيفما كان الحال انا راه كانبقا راجل ... 

جهينة حشمها بتوبيخو ليها قالت بنبرة اخفض و كاتهرب من عينيه: كنخاف على راسي .. ولكن ماشي منك حيت كانتيق فيك .. كون كنتي تآديني كون درتيها قبل شحال من مرة كنت ضعيفة قدامك و ابسط تصرف ماشفتوش منك .. داكشي..علاش قلتها ... 

ايرتان : بغيتك تيقي فيا .. و مستحيل نخونها و لكن انا هكا احسن .. غير رتاحي ... 

ضار و دار دراعو فوق راسو .. شوية حس بيها ناضت .. 

حل عينيه لقاها حلات الماريو و جبدات افرشة اخرى ..و حطاتهم حداه .. 

جهينة : نوض .. زيد هادو .. الا مادرتش شي حاجة ماغايجينيش النعاس ... 

شاف فيها ايرتان مطول بنظرة لطيفة ... ناض ووقف مربع يديه وراها و كايشوف فيها ... زادت افرشة اخرين حتى علاتو شوية من الارض ... 

جهيينة : ااه دابا مزيان ... ياله رgد ... 

تخشات فبلاصتها و نعسات على ظهرها و غمضات عينيها مبتاسمة ... تكا ايرتان فبلاصتو و علا جنبو تقابل معاها ... كايفكر فيها و فهاد كمية الاهتمام الامومي لي كاتوجه ليه لي واخدة ليه العقل بيه و مخليه يزيد يتعلق بيها كيف كايتعلق البيبي فايامو الاولى بأمو ... 

نعسو و بعد ساعات قليلة فاق ايرتان ... شاف فجهيمة غارقة فنعاسها .. بقا كايشوف فالسقف و ناض... بالشوية باش مايفيقهاش ... هز كويرتو من العلاقة و لبسها ... حتى سمع صوت جهينة .. 

جهينة : ايرتان ؟ 

ايرتان : فيقتك ... 

جهينة جلسات كاتحك عينيها: علاش كاتلبس فين غادي .. 

ايرتان قرب عندها ؛ بغيت نخرج شوية ... شحال مادرتها فهاد الوقيتة ... تبغي تمشي معايا .. 

جهينة : دابا؟ شحال الساعة ؟ 

ايرتان : 4 الصباح .. 

جهينة : *خرجات رجليها من السرير * اه بغيت .... بلاتي نلبس .. 

ايرتان بلا ماتبدلي ... لبسي غير شي جاكيط ديالك ... 

جهينة : اويلي نخرج ببيجامة .. 

ايرتان: ههه شكون شافك الحمقة غير نوضي ... 

ناضت جهينة و لبسات جاكيطتها ... تشادو و هز سوارت الدار و الكونطاكت و خرجو معانقين .. 

جهينة : واش كنتي موالف تخرج فهاد الوقت .. 

ايرتان : فايت قلت ليك عزيز عليا نخرج مع الفجر و لكن معاك شطنتك انت تلفات ليا شحال من حاجة راه ديما كانقولها ليك .. 

جهينة : هههه ... انا عمرني درتها فحياتي ... 

ايرتان : بطبيعة الحال بنت بحالك اش غاتخرج دير بوحدها مع الفجر .. 

جهينة : الله على نسمة ... تسناي نوصلو البحر و تشوفي .. 

جهينة : بالصح 😍 عطيني انا نصوغ .. 

ايرتان : اش غاتصوغي وانت ياله فايقة ...مافيا لي يتهرس من شي قنت تاني ... 

جهينة : تيق فيا اصاحبي ... انا كنبيتك معايا فبيت واحد و انت ماقادرش تعطيني نسوق السيارة .. 

ايرتان : هاكي الالا ... 

طلع و طلعات حداه ... 

جهينة : احح الله اليوم غانسوق بلا ضو حمر و لا حضر ماكاين غير عفط و عيط جبد ... احح 

ايرتان : هادشي علااش باغية تصوغي ... وا غير ردي البال كايكونو شي سيارات و عااد الكاميرات ... 

جهينة : ماسمعت والو ... 

ضحك ايرتان و دار السمطة تحسبا... 

ديمارات جهينة و عينيها خارجين فالطريق بكترة الحماس لي فيها ... عفطات و خرجات للطريق السريع ... بانت ليها الطريق نيشان و هي تعفط ديال المعقول و هي كتضحك بشر ... 

ايرتان : نقصي ياهاد البنت راك طايرة  😂😂 

جهينة : سكت خليني نستمتع باللحظة ... اححح شحال زوينة تعيش بلا قوااانيين .. 

ايرتان شاف فيها وقال : كايعجبك تعيشي بلا قوانين .. 

جهينة : عمري كانت عندي الجرأة باش نديرها و لكن اه كايعجبني و عاد عوتاتي فحدود المعقول .. وانت عمرك خرقتي القوانين؟ 

ايرتان رجع شاف قدامو وقال تحت نفسو : ما عندك حتى فكرة .. 

جهينة : شنو قلتي ؟ 

ايرتان : والو ... وقفي هنا نتمشااو ... 

وقفاتها حتى حكات الروايض مع الارض ... شاف فيها ايرتان و هي تهز كتافها ليه و خرجات كاتضحك ... خرج و تبعها ... 

زادت شوية و رجعات دارت عندو مكمشة راسها بين كتافها و هازا يديها .. ضحك و حل يدو جات تخشات بيناتهم .. 

جهينة : نااري كاين البرد هنا ...

ايرتان : هههه وراه البحر هذا ... اش كيسحاب ليك .. 

عنقها كاملة و كيدي و يجيب يدو عليها يدفيها .. ز كايتمشاو ...

جهينة : بدا كايتبدل الجو ... هاد الصيف داز عندي فشكااال ههه

ايرتان : حتى انا هكاك بالنسبة ليا ... المولف اللعب و التقصار مع الدراري و لكن هاد المرة داز مهدن معاك .. مهم ماشي مهدن نيت و لكن نوعا ما .. 

جهينة : هههه كاتعجبني علاقتك مع الدراري .. لاحظت فيك ماعندكش العلاقات بزاف و حتى التيليفون عندك ساقل ... و لكن العلاقات لي بينتي قدامي كلهم علاقات قوية و كاتعرفو بعضياتكم مزيان ... متلا بحال تشيم تشيم ..طلقتها عليه البارح بشي حاجة كاتخصك و دغيا قشعني و قال ليا ايرتان مايديرهاش ...

ايرتان : هااانتي غريتي لمك 😠 .. كنتي تهضري معااه البارح... 

جهينة : اه ؟ ااه ..ههه غير شوية .. زعما غير شوية و قطعنا ... اويلي مالك معاه مالك ماكاتغير من وين وين و مين مين 😠 

ايرتان : هادوك ماكيابقاوش لاصقين فيك و يفقصو فيا 😠 

جهينة : صافي صافي غانشوفو حل لهاد غيرتك منو و جاوبني على هضرتي ...

تنهد ايرتان و قال : عندك الحق و حتى انت تزاديتي لدوك العلاقات المعدودين لي عندي .. 

جهينة : اهههئ بصاح بصاح ... 

ايرتان : يااء و شنو كايسحاب ليك انا كانلعب ... كانقول ليك عمري كلو عمر شي وحدة كانت قريبة ليا من غير الوالدة ... و من بعد جيتي انت ... و بدلتي هادشي و بدلتي شحال من مفهوم كنت مصر عليه و كاتقولي ليا واش انا مهمة ... بطبيعة الحال مهمة اش هاد الغباء مرة وحدة ... 

جهينة ضربات سدرو : ماتبقاش تقول ليا غبية .. كاتخليني ديما نبغي نبين ليك بلي انا ذكية و بعقلي و مافيا حتى عيب باش ياله نتقاد معاك و هادشي مرهق بالنسبة ليا ..😒 

ايرتان : وشكون قالك انا باغيك تكوني ذكية و لا بعقلك ... و حتى انا ماشي متالي ...خاصك تعرفي بلي ماشي مشكل الى ماكنتيش متالية خاصك تكوني غير مزيانة و نزيدك بالنسبة ليا انا نفضل انك تغلطي و تبقاي تغلطي قدامي و تكوني انت على انك تصطانعي المتالية قدامي ... 

جهينة : اممم تفكيرك عمييق بزاااف ... ماعرفتو واش بسيط و لا معقد و لكن كانظن التعايش معاك ساهل .. 

ايرتان : ياله كاتظني ههه 

جهينة : اوى حنا راه باقيين كانتعارفو ... 

ايرتان : بالنسبة ليك اما انا راه عرفتك و حفظتك اكتر ماتصوري ... 

جهينة : نو مايمكنش .. باقين بزاف ديال الامور ماقلتهمش ليك .. 

ايرتان : ماشي بالضرورة تقولي حيت لي ماقلتيهش درتيه .. 

جهينة شافت فيه و قالت : ناااري انت .. بزااااف .. 

ايرتان : على انت قليلة ههه ... زيدي نجريو راك كاترعدي بالبرد ... 

جهينة : ههه ببانطووفتي ..

ايرتان : ههههه غير زيدي بينما نسخنو و نمشيو نجلسو ... الى لحقتي عليا عندك الحق تطلبي لي بغيتي و نحققو ليك .. 

جهبنة : هههه باغي تسيفطني رجيلتي ياله بدات تبرى بغبتيني نغرضها .. 

ايرتان : حيدي عليا .. ماعندكش روح المغامرة ... 😒

جهينة : هههه صافي واخا .. ولكن الى شديتك غادي نفطرو برا و ماغانطيبش لمدة 3 ايام ... 

ايرتان : مالك مع الطياب .. كاينة شي امراة ماكاتحملش طيب ؟ ههه 

جهينة : انا ... و ياله زيد نبداو .. 

مجات فين تكملها لقاتو طار من حداها حتى طير شعرها معاه .. شافت فيه و خرجو عينيها ... 

جهينة : واش انت بنادم و لا عويطة .. الله اميمتي خاصني اليكوبتير باش نشقمو ... 

ايرتان : وا تحركييي ... 

حيدات جهينة بانطوفتها و هي تورك ...

تبعاتو كاتدردغ و هو كل شوية يدور يشوف فين و صلت و كايضحك ... هي حتى كاتقرب ليك و كيورك ... يرجع ينقص حتى ت صل ليه و يرجع يورك و شبع فيها ضحك سخفها ... آخر مرة حتى قربت تشد تيشورتو و هو يفلت كايفقص فيها .. صافي هذا الله حطات السلاح و خدمات العقل دارت راسها تلوات ليها الرجل و طاحت فالارض كاتغوت ... ايرتان غير سمعها ووقف رجع عندها كايجري شد رجلها .. 

اي تان : طحتي 😨 واش كاضرك .. 

جهينة ضحكات و هي تلاح عليه : شديتك اشلاهبي .. 

ايرتان ؛ كاتفلاي عليا لمك ... انت لي شلاهبية و غشاشة ماشي هكا تافقنا ... 

جهينة : اوى اسيدي انت ديما كاتقول ليا سبقي مصالحك و تعلمي تكوني انانية ... اوى ها انا كاندير بنصائحك .. ياله نوض على سلامتك .. 

ايرتان رجع لور كايضحك ... و قال .. 

ايرتان : كاتقتليني بالسلاح لي عطيتك ... ماعليكش ..😂😂 

جعينة : اوى اشنو .. 

ناضت و ناض حتى هو .. 

جهينة : سخفتيني .. رجلين عندك و لا فرفارات 😂 

ايرتان : حتى انت ماعليكش ...لي شافك هكا دبدوبة يقول هادي متحركش من بلاصتها .. 

جهينة ضرباتو لسدرو : بزاف علييك .. 😠 

ايرتان : طيبتي ليا سدري ... شوفي مع الجهة الاخرى تاهي 

جهينة دارتها على قدفمو : هاهي

نزلات عليه بشحطات بيديها ب2 فيدرو و هربت ... تبعها كايضحك و هزها على كتفو و هي كاتغوت بالخلعة و دخل بيها للرملة ... حطها و جلس تكا على رجليها .. 

ايرتان : تبتي واحد القسماين بيما شرقات الشمس ... 

جهينة شافت كاتببسم ... غمض عينيه و ربع يديه ... حطات يديها على حناكو ب2 و قال ... 

ايرتان : يديك دافيين 

جهينة : هههه سخفتيني حتى عرقت و سخنت ... 

سكتو ب2 ... بقات كتأمل فيه ... هاد الوضع فكرها فالمرة لي فاتت فاش كانو تحت الشجرة غير الفرق ديك المرة كانت مدفياهم شميسة العصر و طان اول مرة كايعتارف كل واحد فيهم لنفسو و يردخ لواقع ان كل واحد طاح فالاخر ....و لكن دابا ...معتارفين لبعضياتهم و برودة الفجر مأتراتش فيهم حيت لي مدفيهم حبهم و مشاعرهم لبعضهم ... مرتاحين حيت قدرو ينساو داك التخوف لي كان فقلب كل واحد فيهم ... و داك السلام لي فداخلهم لايقارن بأي احساس آخر ...

بقاو مدو هكاك و هي ايديها فشعرو ... رتاح و غفا .. حتى هي ماتحركاتش ... هزات عينيها كاتبسم و تستمتع بشكل السماء لي بدات تلون ... كاتمتع روحها بشكل الطبيعة .. السكون بحال الى مكاين غيرهم فالدنيا..

حلات فمها و بدون تفكير قالت : أنا.. البنت الرَّاسمة الضحكة حوالين هالات سودا من كُتر شُرب الليل (حدرات عينيها شافت فايرتان )والسهر جنب الحلم. لقاتو هاز عينيه كايشوف فيها .. 

جهينة كملات كلامها بنظرة محبة كاتوجه ليه كلامها: كنت امرأة بالأمس عمياء تسير في نور النهار، فأصبحت مبصرة تسير في ظلمة الليل...