قدري أن أحبك الجزء 12

ايرتان : المشعكة ديالي كاتكتب الشعر ؟ 

جهينة : كنت كانخربق شحال هادي ... فالصغر دابا نسسييت .. 

ايرتان :و علاش ؟ خاصك تكملي فيه ... 

جهينة : اودي الخاطر ديال الصغر مابقاش ... 

ايرتان : اوى داك الخاطر خاصو يرجع ... و الى مارجعش غانرجعو بالزز ... 

جهينة : خههههه واخا اسيدي ...

بقاو كايدردشو حتى طلع النهار و تحركات الدنيا .. ناضو يرجعو فحالهم و دخلو للسيارة .. وراتو فين يمشيو باش يفطرو و نيت فطرو و بقاو شحال مع بعضباتهم ... هذا حالهم ماكايتقاوش من الهضرة موضوع يجرهم لواحد آخر مامسوقين لحد خارجبن بحوايج الدار و ولاعلى بالهم ..

ايرتان : والى شبعتي نوضي قدامي لدراكم .. 

جهينة عضات شنافاتها و قالت : بووونغ بوونغ .. 

ايرتان ؛ اشنو درتي تاني ؟ 

جهينة : مادرت وااالو .. انا غير بغيت نقول ليك .. 

ايرتان : دوي .. 

جهينة : واعدت تشيم تشيم غانجي عندو الصباح ... 

ايرتان : تشيم تشيم على الصباح ... اش بغاك .. 

جهينة : والو غير بغينا نتعاودو شوية و نركل بوهم ب3 على البلان لي درتو ليا و يطيب ليا بيتزا .. 

رجع ايرتان ظهرو لور و دار يدو فوجهو كايشوف فيها قارم حجبانو ... 

جهينة : مالك كاتشوف فيا هكاك ... عادي صحابك هما صحابي مافيها حتى حاجة .. 

ايرتان : واهي نشوف صحاباتك و نديرهم صحاباتي .. 

جهينة : ديرها و تموت اصلا من غير ايناس و عتمان ماكاين حد ... يعني واخا تبغي ديرها نيبت .. ماكاين معامن .. *ناضت جراتو من دراعو* ياله ابونغ بونغ تحرك .. 

ناض ايرتان رابطهم حط الخلاص و تبعها جاراه .. ركبو السيارة ...

بعد مدة هبطو و هي طير دخلات كتحنقز ... و ايرتان وراها كايتغدد .. دخلو لأسانسير و هي لاصقة فجنبو و شادا دراعو ... 

ايرتان : طيبتي جنابي بالجران .. 

جهينة : ههه اوى غيييير ولف اسي التازي .. *صدر صوت تعكل الاسانسير*

و هي تشنق عليه بيديها ورجليها .. 

جهينة : شنو هادشي .. شنو واقع ...غايسكت بينا 😨 ناري عنداك يطفا الضو .. 

ايرتان : هههه تهدني ياهاد البنت الاسانسير باقي خدام و انت دايرة هاد الحالة و كون سكت نيت كنتي غاتموتي .. ناري على جبانة عطاني الله .. 

بقات جهينة كاتدور فعبنها غير تحل الباب و هي تخرج كاتطير.. 

ايرتان : زيدي قدامي الحمقة زيدي ... داك الخيال عندك اكبر من شهيتك .. 

جهينة : وا شنو لي خاف نجا .. 

شنق عليها ايرتان حتى وصلو للباب الجناح ديال الدراري ... دقات جهينة و وقفو يتسناو .. 

ايرتان : شوفي اديك اه .. غاتبقاو ملاسقين و تفرعو ليا راسي بكتررة هضرتكم غانسيفط مك من الشرجم .. 

جهينة : كون هاني ماغاندير حتى حاجة تبرزطك .. 

فير حل اشرف الباب شافها و شافتو غوتو ب2 و تعانقو كاينقزو ... مادازتش تانية على وعدها دارت عكس كلامو ... تخشا بيناتهم كايفرق فيهم و يتفقص ... 

ايرتان : اش قلت لمك عاد دابا و انت الحيوان اش واللهتا غانقتلك ... شنق عليه و مدور دراعو على اشرف و هو ميت بالضحك و جهينة كاتفك و تعيط على الدراري ... 

جهينة : ياويلي طلقو جيفتيه ... عز .. فؤاااد .. 

ايرتان : وا بربي لا طلقتوووو ... شحال و انا مجمع ليه و ساكت باش مانتفضحش دابا ماكاين مايتخبا .😡😡.. 

عز : ههههههعع اش واااقع ... 

فؤاد كايفك : غادير راسك فهاد الحمق 😂😂 

اشرف : ههه ... احم..ق ... واااع طلق... اصاحبي... 

جهينة : ايرتااان و اللهتا تسطيتي .. 

ايرتان : سديه انت جايا نوبتك لمك 😡 

عز : ههههه صافي مابقاش يعاود رخيبه اصاحبي هههه 

تشرف: وا ..عشييرتي هاديك ... وابرب...

ايتان : منيبن جاتك عشييرتك .. غانتا لي ضاسر عليها مال الاخرين شادين تيقارهم .. غير انت لي لاصق ليا فيها باغي تموووت .. عزيز على بوك الكلب تصعرني و تخرجني على طوووعي .. 😡😡

جهينة : صافي انا غانشد تيقاري و اللهما نعاودو غير طلقو ... 

طلقو ايرتان و هو يعطيه بركلة لمؤخرتو حتى تقنت كايحكها و يضحك ... 

شد جهينة من ودنها و جرها الداخل و تبعوه الدراري كايضحكو .. 

جهينة : آآآاااااا... وديينتي ا الجلاخة ... 

ايرتان : شدي الارض تململي من هنا نفرشخك 😠 

جلسات و بقات تدور فعينيها و تخنزر ... اما اشرف جا كايكحب ... شرب الماء ياله غايجلس حداها و خنزر فيه ايرتان و رجع جلس قدامها كيضحك و يفقص فيه ... 

عز : ههههه عمرك دير عقلك اصاحبي ... عارف لي كاين و هنينا خلي الدنيا هانية .. 

اشرف: هو لي ماتايقش فراسو و خافها تزعط فيا .. عقلتو النهار لي كنا مسافرين و قالت لصاحبتها واحد فيهم لي بوغوووص و ظريف و ضحوكي راه عليا كانت كاتهضر ... *كايقولها و يضحك لايرتان كايفقصو *

فؤاد تلاح اللور كايضحك و عز كيشنق عليه و يضحك اما ايرتان كايلعب بلسانو ... شاف فجهينة و كانت كاتضحك غير دار عندها و هي تجلس مستقيمة و بدات تلعب بصباعها و تدور عينيها بعاد على عينيه ... 

شاف فاشرف و قال ... 

ايرتان : هضرتك ...كوولها ... انا لي نعرف دير شوية السبايس بينك و بينها و لا بربي حتى نسيفط بوك الكلب ..

اشرف ياله غايهضر و سد ليه عز فمو .. 

عز : صافي مابقاش يضسر عليها... دابا خاصكم تعاودو لينا اش وقع بيناتكم .. ماتيقتش البارح فاش قالها ليا هاد الحيوان ... 

ايرتان : وصلاتكم الخبار البارح .. 

دار عند جهينة لقاها تخشات ورى فؤاد و كتخبى وراه .. 

ايرتان : واخا على مك حتال الدار ... 

وشوشات لفؤاد : العااار افؤاد كيف كاديرو حتى كتلفوه و تنسيوه فزبايلكم ... راه منين لقاني الله بي و هو كايتحلف عليا النهار يجمعهم غايعطيهم ليا فخطرة .. 

تهز فؤاد بالضحك ... شاف فيه ايرتان و قال .. 

ايرتان : اش قالت ليك ديك الحلوفة ... 

فؤاد : هههه رخف علييهم اصاحبي 😂😂 راكم ياله بديتو .. 

اشرف : شتي .. شتي اجهينة عطيتك فرصة و كنت قابل بيك و بكرشك و لكن عاودتي غضرتيني و رجعتي يديك فيدو ... *دار يدو فجبهتو و متل بلي كايبكي ماصدقتييش ... كنت غانعاملك احسن من هاد الديكتاتوري المستبد ... 

جهينة بدات تضحك و ياله غايطير عليه ايرتان و تلاح عليه فؤاد شدو و قلبوها ضحك .. اشرف ناض وقف تحسبا للهجوم ... 

ايرتان : طلقني نفرشخ ديلموووو 😡

جهينة ناضت ليه : اللهم طولك يا روووح مع هاااد الجلااخة ... الصباح هاذا .. اويلي مالك داير فيها صعصع ... ضارب بيا الكاغط ؟ 

غير شاف فيها و هي تقلص ... دورات وجهها بالشوية و مشات حتال عند عز و تخبات وراه بكل روح رياضية ... 

اشرف خرى بالضحك عليها و قال .. 

اشرف : حدهم ليك المسخوطة 😂😂😂 

جهينة كتوشوش : على علامن شادينو دابا عليا انا راه عليك انت ... *قادت شعرها ورى ودنها * من الاحسن ليك تفرق عليا ... حبيبي كايغير عليا ... و مايمكنش نخسرو بعاد الطريقة ... 

اشرف : ياك لمك ... و الى صايبت شي بيتزا ها وجهي .. 

جهينة جمعات الضحكة و قالت : لا بيتزا هي الاولى .. 

ناضت من ورى عز كلهم متبعينها فين غادية ... ايرتان كان مقاتل مع فؤاد يطلقو و هو يرصى منين شافها جايا .. جلست حداه بكل انوتة و لطافة ... شدات يدو و هزات عينيها فيه لطريقتها بحال ديما مكبراهم فيه و دايرة فيها مسكينة .. مرققة صوتها و كتلحن هضرتها .. 

جهينة : بووونغ بووونغ ... 

ايرتان بحال الى دارت ليه التنويم المغناطيسي ... بقا كايشوف حال فمو و عاودتها .. 

جهينة : وا بووونغ بووونغ ... 

ايرتان زفر زفرة ديال الغدايد متبعها .. شدات فصدايف الكويرة و كتلعب بشفايفها و تحلون .. 

جهينة :ياك انا .. قلت ليك مشهية بيتزا ... ولكن اشرف خاصو يصاوبها ليا ياك ؟ وانت دابا داير لينا هاد الحالة بغيتيني نتقلق ؟ 

ايرتان دور وجهو بلا و هو هايم فتعابيرها و يديها على سدرو ... 

جهينة : اوى شفتي ... دابا خليني نحرج انا و ياه .. نجيبو التقدية و نصاوبوها و نتغداو مجموعين بيها .. اوووكي ... 

ايرتان هز راسو بايجاب و باقي حال فمو فيها .. 

تبسمات جهينة و قرصاتو من حناكو : يخليلي الحبيبة الراجل ديالي المحمقني انا *باستو فحناكو ب2* احنا ماغانتعطلوش دغيا نرجعو ... 

ناضت دغيا قبل مايفيق من القلبة .. جرات اشرف لي كان حال فمو تاهو ... دغيا و سلتو ... 

بقا ايرتان هكاك على حالتو كايشوف فنقطة وحدة ... فؤاد و عز كانو حالين فامهم حتى هما ... ناضو جلسو فجنابو ... 

ايرتان دار يدو على جبهتو و حدر راسو ... 

حط عز راسو على راس ايرتان و شد قرفادتو و قال .. 

عز : اغتاصباتك ياخويا اغتاصباتك 😟 

فؤاد يدو على ظهرو : من امتى تطور الوضع لهاد الحد .. هادشي صعييب و لا يحتمل *بعد و دار يدو في فمو زعكا كايبكي عليه*... 

عز : من امتى و هي كادير ليك هكا .. و شحال من مرة كاديرها ... هادشي صعييب ... طيفاش قدرتي تحمل ديك الشيطانة الصغيرة .. غير شويكيكة و دارت فيك هاد الحالة .. ماخاصكش تسكت ليها .. 😧

ايرتان ماهزش راسو : مابغيتش نهضر فالموضوع ... احساس صعيب بزاااف ... 

عز : ليك الله اخويا .. ليييك الله ... 

هز ايرتان راسو فنقطة قدامو كايشوف و قال : و خرجات مع اشرف .. 

عز هز راسو بايجاب ... و رجع ايرتان غمض عينيه و حدر راسو شادو بيدو ...

عند جهينة ... لي بقات جارا اشرف حتى هبطو التحت و هي كاتنغر .. 

جهينة : غايحمقني داك الجلاخة و غيرتو ... اويلي حي انا غاعما دايرة ليه هاذ الحالة... داابا عاااد فهمت تصرفاتو الغريبة منين كنا فديك الرحلة ديال النحس😐 ... المغيار لاخر 😠.. واا تزعااطت فيه و لي عطا الله عطاه باقي كايخاف من الرجال لوخريين .. على شحال عندي من قلب بالسلامة ... يااخ تفو .. اشرف... 

مجاوبهاش ضارت عندو لقاتو شاد فمو بيدو و مخرج فيها عينيه .. و هي توقف و طلقاتو .. 

جهينة : اويلي خي مالك اخويا مخشب هكا ... دازت فيك جنية ؟ 

اشرف : كاينة شي جنية قدك .. اش درتي لليدر ديالنا مسيكين ... لحتي عليه الطلاسم ... سحرتييه ياك gريي .. 

جهينة قربات ليه مخرجة عينيها : آااااه ... سحرت ليه .. كيفمااااغااانديييير ليبيك ... 

دار يديه فودنيها و طلق واحد الغوتة و مشا كايجري بالتعواج و يغوت بالصوت البنت بحال المرة لي فاتت .. ماااماااااا و هي تبعاتو كاتضحك ...

دخلو اشرف و جهينة لمحل تجاري كان قريب ... جرو شاريو و تمو غاديين .. 

اشرف: ولا يني صدقتي بخبيزتك .. انا دايرك بحال حتي و تلفتي ليا النوامر و بقا غير هو لي مزعوط فيك .. زعما ق***ها معاك ... 

جهينة : هههه صرعتو يااك .. وهو لي قلب عليها 😂 غايبقا يترطى معايا غايجيبها فراسو .. 

اشرف: بان ليا انت لي غاتجيبيها فراسك فاش غانرجعو 😂

جهينة : ماتخافش عليا سلاحي ديما معايا 😂😂 

اشرف: علاام انت و الله .. احي بعدا اش هاظشي لابسة .. 

جهينة : هههه خرجنا فالفجر و جرينا و جلسنا فالبحر ... من بعد فطرنا و حينا عندكم .. 

اشرف: اااه ... هي لصق فيك قاعيدتو .. 

جهينة : لا.. اول مرة نخرج معاه .. تصلا عمرو دارها منين جا عندي للدار .. كان كايخرج يكمي فالبالكو و لا يخرج للصالون يتفرج .. 

اشرف خرج عينييه : على ماكاينعسش فالصالون .. 

جهينة خرجو عينيها و صقلت .. 

اشرف شهق و دار يدو في فمو : كاتنعسو فبيت واحد 😨 

جهينة كاتشعبق توصل لفمو باش تسدو ليه .. ماوصلاتش و هي تركلو و تحنا يشدها شنقات عليه و سداتو ليه .. 

جهينة : باغي تشوهني لمك .. راه انا فالسرير و هو فالارض .. شنو فيها .. 

شاف فيها اشرف بالنصف عين و طلقاتو .. 

اشرف : لا لا انتوما خاصنا نفرقوكم .. 

جهينة : بزاااف عليك يسحاب ليك حنا بحالك يا المكبوت لاخر .. تاعت الله غير قول ليا شحال دوزتي من وحدة .. 

هز عينيه كايحسب بصباعو و هي تحنا جبدات بانطوفتها .. هرب و تبعاتو ...

ايرتان جلس يلعب هو و الدراري بالبلاي و كيفك فقصتو فيه ... 

عز : ماكنتيش مخطط تgر ليها .. اش وقع ؟ 

ايرتان : ماكنتش معول .. جات فالطريق ... 

فؤاد : هههه دابا تهنينتي .. كنت باغيك تعتارف ليها .. 

ايرتان ؛ كون ماعرفتهاش كاتبادلني نفس المشاعر ماكنتش غانقول ليها .. ولكن بما اننا ب2 فنفس الحفرة اللهما نعتارفو ... 

عز : بغيتها ليك الصراحة .. هي لي مناسباك و تقد عليها و عليك .. و بنت الناس قلبها طيب ... مامتأتراش بوسخ الدنيا .. سعداتك بيها و سعداتها بيك .. تهلا فيها .. 

ايرتان : عارف ماتحتاجش توصيني عليها .. ولكن داك الحيوان شتو تعطل 😠 

فؤاد : ناري الله يرحم الوالدين يدخلو برد اعصابك و اللهما بقا عندي شي جهد نبقا معاقر معاكم 😂 

ايرتان : عيك ليه بعدا .. 

هز عز تيلي و هما يسمعو الباب تحل ... ناض ايرتان ووقف ليهم عند الباب .. 

ايرتان : وليتي تغفلي اه 😠 

جهينة حطات البلاستيكات و تعلقات فيه معنقاه ... 

جهينة : واياي باقي مانسيتي ... ماكايعجبنيش فاش كاتكون طايرة ليك... رجع كيف كنتي الصباح .. و نسا غيرتك من اشرف ... راه خويا كيفما الدراري تاهما عادي ... بلا ماتصعبها ... 

شاف فيها ايرتان قالب وجهو ... دخل اشرف و هاز التقدية مخليهم و كايضحك .. 

ايرتان : شفتي الشوهة لي درتي ليا مع الكلاب ... بان عيبي ليهم ..*زيرها لعندو من خصرها* طيرتي لديلمي الكاريزما لي سنين و انا نقاد فيها .. 

جهينة : ههههه ياك غيير بيناتنا ماكاينش البراني 😂 و *شدات فتيشورتو * زايدون مايسحابش ليا دغيا غادي تفشل بداك التحلوين ... كون يسحابلي كون من شحال هاذي طبقتك بيه .. 

ايرتان : ولايني راك واحد الشيطانة بصفة ملاك ... طحتي على كودي دابا ... 

جهينة : ههه و على غير انتةلي كاتعرف تطيح على كوداتي .. احنا تعادلنا .. و طلقني دابا نمشي عند نهاون تشيم تشيم .. 

ايرتان قرب لوجهها اكتر و نفس فمو كيضرب فعنقها و قال : غاتخلصي فعلتك فالوقت المناسب ... سيري دابا .. 

طلقها مشات شوية و ضارت شافت فيه و لقاتو متكي على الحيط كايلعب بلسانو و شوفاتو شرانيبن فيها .. حشمات و هربات من حداه .. دخل يكمل لعبو و هو كتيضحك عليها .. 

دخلات عند اشرف و قالت .. 

جهينة : فاش نعاونك .. 

اشرف : قطعي ليا الخضرة .. بينما عجنت ..

بعد مدة قليلة ... كانو باقيين كايخلطو الخضر و يطيبو بعض المرافقات للبيتزا ... دخل ايرتان كايشوف اش واقع لايكونو نساو ريوسهم .. 

اشرف: هههه هانتا مبعدين ليك منها .. 

ايرتان : مزال غانربيك على فعلتك غير صبر .. 

اشرف : واش عندك مادير هههه 

دخل ايرتان و مجاوبوش ..جلس قدام جهينة فالطبلة لي كانت كاتنقي الخضرة و مامسوقاش ... 

اشرف : جهينة ردي البال لهاد الصوص بينما نرجع من الحمام .. بلاتي مادرتش التحميرة *رجع يحرك و يزيد الماء *... اريها راه حداك ... و عنداك تخليطها بالحارة ..

شاف ايرتان فالفلفلة ... و مدها ليها ... 

جهينة بلا ماترد البال عطاتها ليه و حتى اشرف لي كان مدروك باغي يدخل للحمام .. هز فيدو و دردرو فالكاسرولة .. غطاها و مشا كايجري للحمام .. ايرتان رجع لور كايتبسم و مغمض عينيه كايتكسل ... ناضت جهينة تحركها و تشمشم .. 

جهينة : الله على روااليح .. جاني الجوع من دابا .. 

ايرتان : ههه الوكالة رحمي ديك المعدة... 

جهينة : رحمني انت و سير بعد مني .. 

دخل اشرف : الله على راحة .. 

وقف يقابل طيبابو و ايرتان مقابلو ... شوية بدا كايعوج الوقفة بحال الى باغي يحك و مالقاش كيف يدير حتى ملامحو بدات تحمار و كيلوي فسيقانو و شاد البوطاجي .. ايرتان بدا يضحك .. و جهينة ناضت لعندو تسول فيه ... هرب كايجري للحمام و شافت فايرتان مافهمت والو ... سمعو غواتو فالحمام ... و ناض كولشي تجمعو قدامو كايدقو .. 

عز : تا مالك اصاحبي اش واقع .. 

اشرف : وا العاااافية لديلمك العااااافية ... اعتقو غانتفرغع لديلمكم هنااا 😣😣 

فؤاد : كيفاش اش وقع ليك تصاحبي ياكما درتي شي حاجة .. 

اشرف : اش غاندير غاع ياولاد الق**** واتوما عتقووووو

جهينة طارت هرسات التلج و جابتو ليه .. 

جهينة : عطيوه يجرب و يشوف واش يبرد .. 

ايرتان رجع لور كايضحك بغاها فيه تكا فالصالة يتفرج و خلاهم مضاربين معاه .. 

دخل عندو عز و هاز التلج و سد الباب حتى سمعو ضحكو ... 

اشرف ؛طلق الخرىىى لهناااا 😡😡 بغيت نفهم هاد القل*** كيفاش وصل ل**** 

عز : واريح اصاحبي نشوفو هادشي كيف غانديرو ليه 😂😂😂 راه ديما كانقولك تعلم تغسل يديك ... 

صقلو و هي تسمع غوتة حتى تهز الاوطيل ... 

اشرف: حيد عليا الق**** بارد ينعل ديييلمك .. 

عز : و على التلج كيداير لمك واش هترتي ... صبر حتى يبرد ههههه عارف راسك شديتي الفلفلة فيديك و ماغسلهاش سر مك ... 

اشرف : انا خدمت بالحلوة ... ماشيي الحااارة 😡😡 *تفكر بلي مداتو ليه جهينة* جهينة مولات الفعلة .. غانقتل مك غير صبري عليا نفك هاد الحريرة .. اااااح و اماتبقاش تغفل ... خرج ق** من حداياااا 😡😡 

عز : هههه هانتا غير صبر .. و تهدن غادي يفوتك الحال .. 

جهينة لفؤاد : اويلي حي .. على انا مديت ليه الحار ؟ *كاتغوت* و مال مك يا المعفون ماتغسل يدك انا لي قلت ليك شد ويلك بلا ماتغسل .. 😠 زوييينة هادي 

ايرتان : دوزي لمك حيدي من تما .. خليه يعوم بحرو ... 

فؤاد : ولايني صبااااح هاذا 😂😂 كاسيطا ورى الاخرى ... 

مشات جهينة للكوزينة تقابل لي بقا ... و تبعها ايرتان ... اما الدراري بقاو حتى فكو حريرتو و خرج ... 

جهينة هازا القراعي ب2 : اويلي كيف درت مديت ليه الحار .. *شافت فايرتان * اه حقاا .. انت لي مديتيه ليا ... 😠 

ايرتان : هههه على السلامة .. هو عطيتو غلاش كايقلب جايا نوبتك حتى انت .. 

جهينة جلست : اويلي و انا شنو درت .. 😐 

ايرتان : مادرتي والو انت مظلومة ... انا لي باغي فيك الخدمة ... 

ناض خارج و دخل اشرف كايزحول و قال ليه .. 

اشرف: انت مولاها .. 😐

ايرتان : اوى انت قلتي ماعندي ماندير ليك ... هاهي دارت ليك ...مرة اخرى ندير تخليطة ديال البزار و سكينجبير و الحار و نحكهم لبوك فالخرزة ... *دار صباعو فعينيه و اشار ليهم ب2 زعما عينيا عليكم *

داز كيشوف بنصف عين و خلاهم كايشوفو... 

جهينة : اجي جلس اجي .. 

جلس اشرف و نزل على كاس ديال الماء ... 

جهينة : تشيم تشيم غير سمح ليا اخويا ولد الهم خدمني تانا ماعرفت كيف درت مارضيتش البل .. 

اشرف: ههههه ماعليش... فعايلو كايضرب غير من التحت ... دازت نوبتي .. باقية نوبتك 😂😂 

جهينة : ماعندو ماايدير ليا حتى انت .. 

اشرف : هادشي لي قلت ساعة هادي حتا انا ... ههه و شوفي اش دار ليا ...😂😂 

جهينة : غانحضي معاه ماتخافش عليا .. 

اشرف : هههه اودي معامن مع ذيب الفجر .. راه ماتعرفيه كيف دار ليك ... 😂😂

بعد مدة ... جالسين مجموعين فالصالة و حاطين بيتزا و كولشي لي صاوبو مرافقين بالكولا ... 

جهينة : ناااري جات بنيبنة ا اشرف .. من غير الحاار لي جا كتير فلاصوص .. 

خنزر اشرف فايرتان و قال : ماكانديرش فيه الحار .. غير شي ناس خرجو لينا فالعود .. 

ايرتان ضحك و كمل ماكلتو ... 

عز : وا قولي لينا اجهينة ... باش كاتحسي فهاد اللحظة و انت دابا حبيبة السي ايرتان التازي 😂😂 

جهينة رجعات ورى ايرتان باش مايشوفهاش و دوزات يدعا على عنقها زعما الخنقة مع هاد السيد ماحست غير بدراعو ضاير على عنقها .. 

جهينة : ااااه غاتوحلها ليا المسخووط .. عز عتااق 

ايرتان : كيف جاتك هاد الخنقة لمك ... هادشي ماكاتقوليهش فاش كانكونو غير بزوج .. ها ؟ 

جهينة : واش غانبقاو لي درتها تشنق عليا بيها .. وااا عيباد الله انا راه فتاة ماشي واحد من عشرانك .. 

ايرتان : فتاة ؟ ههه نو .. ات عبد القادر نسيتي ؟ 

جهينة : واشفتو دابا اناس اشنو درت فراسي ... 

اشرف: تا طلق الدرية راك جيفتيها .. 

ايرتان : ديها فسوق جواك انت .. و انت قولي ليهم فرحاااانة مع حبيبي ... ياله 

جهينة : كيف كاتشوفو راني فرحاااانة مع حبيبي .. شفتو الفرحة فوجهي ؟😐 اااه هاديك هي الفرحة .. 

تلاحو الدراري كايضحكو و طلقها ايرتان حتى هو كايضحك ... 

جا اشرف ميساج و شاف فايرتان .. 

اشرف : بسبابك اولد الحرام عواج ليا البلان .. 😠 

ايرتان : اشمن بلان فبلاناتك .. 

فؤاد : سيمانة و هو كايطبق فواحد الزعرة .. اليوم عاد تشدات ليه و كان معول يدوز معاها هاد العشية .. 

عز : ههههه الشهبة *متل بيديه* فررررررر .. 

ايرتان : ههههه دي معاك عز يقضي ليك الغرض .. 

فؤاد و عز : ههههههعههه 

جهينة : استغفر الله ... استغفر الله .. استغفر الله ... 😐 

شاف فيها ايرتان : فهمتيها لمك ؟ 

جهينة دورات وجهها : اشتغفر الله ...استغفر الله ... استغفر الله ... 

اشرف : غيييير طنز ... كاينة العدالة الالاهية .. 

ايرتان : راه خاصك تشكرني فكيتك من بروسي ...اصلا ماعرفتكم كيف كاديرو تقيسو دوك الخانزات ... يخ

عز : هههه اوى ماشي كولنا عندنا الزهر و طحنا فبنت الناس .. 

جهينة : ضروري ماتكون فشي بلاصة خاصكم غير تستاهلوها .. 

فؤاد : هاديك هضرة كبييرة اجهينة ... و حنا ماتقدرش علينا بنت الناس ... اللهما راحة البال احسن .. 

جهينة : مافهمتش .. 

ايرتان : ماتديش عليه راه حتى كوكة كاتسكرو ... كملي ماكلتك ... 

جهينة كملات كاسها : شبعت ... ها بيتزا و كليتها و دابا جا وقت الحساب ... *خبطات الكاس* علاش اولاد الحرام كلكم سكتو و خليتو هاد الجلاخة يدير ليا دوك البلانات زعما كلكم ميت ليكم الضمير 😠

اشرف : هههه وا كون ما دار دوك البلانات كنتي غاتاكلي هاد بيتزا ؟ 

عز : هههه نساي لي فات ... حنا ولاد اليوم .. 😂 

جهينة : ولايني راكم واحد جماعة الشلاهبية ... راني عارفة بلي ايرتان هو نفسو داك لي جاني فالاول .. فاول لقاء بيناتنا .. 😠

ايرتان دار عندها و قال : الذكاء ما شاء الله كون كان بنادم .. 

جهينة : سكت انت .. لي شافك دابا مايقولش كادير دوك الفعايل ديال البعالك... علاش زعما شنو السبب .. 

اشرف :هانتي قبل مانتلاقاوك .. كنا كنلعبو واحد اللعب انا فؤاد و عز ... كانطلعوها على كلبات الفلوس و نشوهوهم فالسوشل ميديا .. داك النهار كان ايرتان عاد جا من امريكا و لصقناه يلعب معانا و دارها على قد فمنا .. هو بصراحة واخا هكاك .. كان مرة مرة لي كايجبه الحماق معانا .. هو كان ديما دايع بين امريكا و تركيا .. قليل فين كان كايجي هنا المغرب .. فاش دارها بنتي ليه غير انت.. بصراحة تاحنا تعجبنا .. انت بنت عادية واخا هكاك ختارك ... و اللهما نعتنا ليه انت .. 

جهينة دارت عند ايرتان ؛ واش بان لك فيا اخويا ...

ايرتان : انا ماخوكش اما البلان .. انا براسي معارفت اش جرني ليك ... 

جهينة ؛ دابا ديك الدقة لي عطيتك تستاهلها ... علاش تبعتيني باش تنتاقم ؟

ايرتان : حيت جلاخة و باغي نلعب .. 

جهينة جمعات فمها كاتغدد و دارت عند الدراري : كون ما وليتو عزاز كون دوزت على مكم واحد واحد .. ولكن .. اخلاقي ماكاتسمحش ليا ... 

جرها ايرتان كايضحك و عنقها و باس جبهتها .. 

ايرتان : هههه عارفك القلب الحنين كاتسامحي و ماتحقدييش .. 

اشرف : هههه اكيد غاتنساي الماضي .. 

عز : المهم كسبنا صداقتك... و هانتي ربحتي حتى قاب ايرتان هادشي ما كيشفعش ؟ ههه 

جهينة : هههه عندكم الحق ... 

قلبوها ضحك و بقات مخشية فايرتان و هما كايعاودو ليها كولشي غرايبهم لي دارو و هما كايحاولو يوصلو ليها ... حتى سقلات و داتها اسهوة و نعسات .. 

عز : قادها .. راه نعسات .. 

ايرتان : بالصح .. طل عليها لقاها نيت مشات .. 

ايرتان : من 4 و هي فايقة ... عيات ... 

ناض ايرتان و قادها فالفوتوي .. مد ليه فؤاد غطا و غطاها و جلس .. 

اشرف : حمقة هاد ادرية و الله .. شتي كيفاش تقبلات داكشي عادي و بالضحك ؟ 

ايرتان : داك ولد الق*** ضحك عليها و دوز عليها الويل و خلاتو فحالو... عااااد تحقد علينا حنا لي غير كنا كانلعبو ... 

فؤاد : الله يعطينا غير شوية من بيوضية قلبها .. 

ايرتان : لي بحالها ماخاصهومش يعيشو فهاد الدنيا مع الذياب و حنا منهم ... و هادشي لي مخليني مربوط فيها .. كانحس براسي باغي نحميها و مفرووض عليا نحميها ... ماشي غير من طبيعة خدمتي و لا غير حيت ولات مرتبطة بيا و انما غير من الحياة الطبيعية ... غير حياتها لي عادية بغيت نحميها منها .. 

عز : هادشي طبيعي فعلاقتك بيها ... و لكن انا كانضن غادي يخصك تعلمها تقسح قلبها ... 

ايرتان : الطبع غلاب ... و جهينة صعييب عليا نغرس فيها شي حاجة لي هي ماكاتآمنش بيها ... 

اشرف : شنو بان ليك نديرو ليها تمارين و تجارب .. بحال كيف كانو كايديرو لينا فمرحلة التدريب .. 

ايرتان : هادي راه خوافة ... و كاتبات بالضو شاعل عاد عساك نديوها للغابة و نختابروها ... غير خليها انا قاد بيها...

عز : اوى هنا سمح ليا آ ايرتان ... انا متأكد بلي ماعندك حتى نية تفرق من جهينة و تقدر توصل بالتفكير للزواج ... و مرات شافاك كوردو ... ماخاصهاش تكون ضعيفة ... و انت عارف بلي البوص ماغايقبلش تدخل بنت بريئة للعالم ديالنا الا وهي واعية بخطورة الامر و قادرة تدافع على راسها ... 

ايرتان : عز انا عارف اشنو كاندير .. و البوص مابغيتوش يعرف بالموضوع حاليا .. جهينة انا لي عارف كيفاش كاتفكر و كيفاش كاتريزوني الامور ... و مابغيتش ...سمعو مزياان نقوليكم مابغيتش جهينة تدخل فشي حالة نفسية اخرى ... 

اشرف : حنا اكيد ماغانقولو والو .. ولكن ماتنساش البوص تاحاجة ماكاتخفى عليه ... و الى عرف بالموضوع غادي يتصرف من عندو ... ماغاديش يتشاور معانا ...

ايرتان : ما عندو مايدير ليها ... نسيتو قاعدتو الاساسية ؟ المهم قلبو الموضوع ... اشنو دارو فقضية خونا

فؤاد : انت عارف عز خلاها تبيع لي قدام راجلها و لي وراه ... و عطات معلومات اكتر ملي كنا متوقعين ... اوى خدمتنا سالات عند هاد الحد .. المجموعة الاخرى غاتكلف براجلها ... 

ايرتان : مزيان ... دابا بما ان الامور هانية .. غادي يخصنا نشوفو كيفاش نديرو لسي التازي ..

عز : باك ؟ 

ايرتان : ممكن ماتفكرنيش فهاد الحقيقة حيت كاتخليني نكره الدم لي كايجري فعروقي .. 

فؤاد : هادي حقيقة مايمكنش ليك تنفيها .. و داك الراجل خاصو يتحاسب على غاع فعايلو ... حال كولشي لي سبقوه ... و لكن واش حتى انت باغي تكون داخل فهاد الموضوع؟ 

ايرتان : لا ... مابغيتش ... كيفما كان الحال ماناسيش بلي هو با والى عرفات الوالدة من بعد انا ورى السقوط ديلو غاتكرهني ... اللهم تكلفو انتوما .. انا غانعاون من بعيد ... 

عز : هادشي لي قال البوص لينا من قبل ... و فاول فرصة غانبداو .. راك عارف باك ذكي و من داك النوع ديال سكران و حاضي حوايجو ... يعني خاصنا نضربو الحساب لكولشي و ناخدو وقتنا .. 

سكت ايرتان كايخمم .. حتى قفز اشرف و استقام فجلستو و نطق .. 

اشرف: ج ..جهينة ... 😨

كولشي دور وجهو ليها .. كانت جالسة مخرجة عينيها فيهم بدون حراك ... 

ايرتاان غير شافها ارتاح ... وقف وقرب ليها ... دوز يدو على عينيها و تغمضو ... دفعها بالشوية لبلاصتها و رجعات تنعس ... رجع عليها غطاها و جلس براحة و دار يدو فراسو ... 

عز : واش كانت ناعسة .. 

ايرتان تقاد فالجلسة : اه راه نعاسها خاايب ... كاتحرك بزاف و كاتهضر و كتوقف بعض المرات بحال هكا .. 

اشرف: واللهتا غير يسحابلي سمعاتنا .. 

ايرتان : ماتخافوش نعاسها تقييل ... غانديها للدار باراكة عليها .. و نكملو هضرتنا من بعد .. 

ناض ايرتان كايحرك فيها .. 

ايرتان : جهينة ... واا جهينة .. 

جعينة : امممممم .. 

ايرتان : نوضي نمشيو .. 

جهينة دورات وجهها و خلاتو .. 

عز : هههه غير هزها ... موحال تنوض ليك .. 

قادها ايرتان و هزها على كتفو ... 

اشرف: غاتهبطها هكاك اصاحبي تاشدها بيظيك ب2 .. 

ايرتان : غايخصني نخدم يدي ... مهم تهلاو ... اه حقا .. راه غانديها واحد 4 ايام لتركيا ماحدها جالسة ... بلا ماتقلبو عليا ... 

اشرف: وايلي ... علاش ماقلتيهاش .. 

ايرتان : ماقلتهاش باش ماتلصقش فيا ... بغيت شةية الوقت راس فالراس معاها تتبعنا تموت .. 

مشا و خلا اشرف كايتفقص و الدراري كايضحكو عليه ... 

هبط ايرتان خشاها فالسيارة ... قاد ليها السيت بيلت ... و مشا لبلاصتو ... ساق بيها السيارة ... حتى للدار ... شاف فيها و ضحك على حالها .. باقية فبلاصتها مخشية كيفما حطها ... حركها مابغاتش تفيق ليه ... 

ايرتان : ولايني مصيبة معاك ياهاد البنت .. 

خرج من السيارة و هزها على كتفو .. سد السيارة و طلع ... دخل للدار و داها نيشان للبيت ... حطها فالسرير ... كالا بيدو فالسرير و يدو الاخرى مدها لشعرها ... قرب ليها و باس جبهتها ... قبلة طويييلة ... جا يهز راسو و شداتو ...عنقاتو بدراعيها .. 

جهينة بصوت ناعس : كاتستاغل نعاسي اقليل الحياء ...

ايرتان : عاد فايقة الشيطانة ... 

جهينة : امتى وصلنا ... 

تقابل مع وجهها : 5 سنين هادي .. 

جهينة : هههه شحال الساعة ... 

ايرتان : 3 العشية هادي ... 

جهينة تقادت فالجلسة : اوووف جبدت عليها نييت ... 

ايرتان : نوضي دوشي و بدلي راك خمرتي ماشي غير جبدتي عليها .. 

جهينة جراتو شانقة عليه و تكاتو حداها .. 

جهينة : مافياش .. 

ايرتان : بغيتي نوض نخشيك بالزز .. 

جهينة : غير شوية و نووض .. خليني نشم ريحتك ... *خشات وجهها فيه*

ايرتان حدر عينيه كايطل عليها ... رجع شعرها لفوق المخدة و خشا يديه قرفادتها كايقرصها بلطف و يماصي ليها ... 

جهينة : اوووه... غادي تنعسني تاني ههه 

ايرتان : كاتعرفي ديري شي حاجة من غير النعاس و الماكلة ؟ 

جهينة : اه ... كانعرف نرطب قلب الجلاخات ... 

ضحك ايرتان ضحكة تقيلة ... سمعاتها ب3dحيت كانت كتكية على سدرو .. هزات راسها كاتشوف فيه .. و كاتبسم .. 

ايرتان حتى ضحك و سالا رجع راسو شاف فيها ... لقاها هكاك كاتبيم و تشوف فيه .. شد شعرها كولو و رجعو ليها فوق وجهها ... 

ايرتان : نوضي تهزي و انت مقابلاني ... 😂

جهينة ناضت جلست و تقابلت معاه : كانبغيك ...

ايرتان : حتا انا .. 

جهينة : لا قولها بفمك .. 

ايرتان : قربي .. 

جهينة قربت .. ياله شد حناما و غادي لفمها و هي تشدو و غطات فمو .. 

جهينة : ماشي هادي لوخرى ... 

ايرتان حيد ايدها : اوى هادشي لي كاين .. 

جهينة : هانت شوف ... كاااا...ن..بغييك.. سااهلة .. قول ورايا .. 

ايرتان كان حاضي فمها .. ناض يطير على شفايفها و هي تشد فمو .. طاحت للور و هو مضارب معاها يبوسها و هي كاتغوت .. 

جهينة : لمك .. ماشي هاديك... اييييرتاان... لااا .. 

ايرتان شد يديها ب2 : اوى انت باغاني نقولك ديك الكلمة .. خليني نقووولها .. 

جهينة كتبعد وجهها : لا واللهلا كااانت لييك ... مابقيتش باغية غير نوض .. 

ايرتان : لا الراجل هو الكلمة .. و راصاي نقولها ليك ههع 

قلبوها مصارعة هي تلوى و كاتخبي و جهها و هو مضارب معاها يوصل ليها و كايضحك .. حتى جبظات رجليها و عطاتو للبولز كمداتهم ليه .. حتى تكمش شادهم .. ناضت كاتقاد حالتها و شعرها ووقفات .. 

جهينة : باش نوريييك انا ... داكشي لي بغيتو مابغبتيهش و داكشي لي مابغيتش بغيتيه .. بغيتي الزكير اما مولاتو .. قليل الحياء 😠 

ايرتان كايتعصر : الى بقات فمك ... مانيش راجل و ماسميتيش ايرتان التازي ... 

جهينة كاتهز حوايجها : تقلب عليا تلقاني ... نوريك انا ... الجلاخة لاخر 😠 

خرجات و خلاتو كايتعصر و يتحلف 

دوشات جهينة و خرجات ... لقاتو فالباب كايتسناها .. تساطحت مع سدرو و رجعت شادا راسها .. طلعات عينيها فيه و قالت .. 

جهينة : اش كاين مانخافوش 😠 

ايرتان : جمعي شطايطك مسافرين .. 

جهينة : بلاتي بلاتي بلاتي ... اش قلتي 😨 

ايرتان دخل للحمام و جر الباب شاف فبها و قال : مانلقاكش جامعاهم ...تموتي ... 

دخل و خلاها واقفة ..بحال الى كب عليها سطل ديال الماء .. 

جهينة : اويلي على مسافرين ...و فين بعدا .. 

جهينة كتدق : هاداك اه ... فين غانمشيو .. وعلاش .. وشحال المدة .. بقات سيمانة و نرجع لخدمتي تاني واش وقت السفر هذا ؟ 😠 

ايرتان : غانسافرو واحد 4 ايام ... غادي تجمعي غير لي لازمك ... و هزي حوايج دافيين تهزي شي شورط نكوفر مك ... هزي دواياك ... و جبدي باسبورك .. 

جهينة : الباسبور .. القضية فيها الباسبور ..اويلي حي فين غادي بينا... 

ايرتان : تحركي الطيارة عندنا مع 8 ... 

مشات جهينة للبيت و عينيها كايضورو فراسها .. لقاتو جامع فاليز ديالو ... جبدات فاليز ديالها ... و حطاتها فوق السرير .. 

جهينة : اوى هادي وحدة اخرى... واش هذا حمق ولا مسطي ... اشنو غانهز و انا ماعارفة فين غادي بيا ..

هزات دجينات و قبيات و ملابس داخلية و بيجامات و بعض مستلزماتها الخصوصية ... وقفات كاتشوف و نفكر اشنو ناسية ... حتى دخل ايرتان لابس شورط و ديباردور كحل و كاينشف شعرو ...

ايرتان : جمعتي؟ .. 

جهينة : ااه .. شوف واش هادشي مزيان .. 

قرب كايقلب بيديه و هي تشدها ليه .. 

جهينة : شوف من بعيد .. اش كاتبقشش خصوصياتي ... 

شاف فيها و خمج ليها وجها بعدها .. و رجع كايقلب .. جهينة خبات وجهها بالحشمة .. 

شاف فيها و بدا يضحك ... 

ايرتان : مزياان ... هههه حشمانة .. على منين كاتسرحيهم لمك فالبالكون ماكاتحشميش .. 

جهينة هزات عينيها مغوبشة فيه وحناكها حمرين مشات قدامو دفعاتو : سير حيد من قدامي ... انت راك مابقيتيش تحتارم خصوصياتي 😠 

ايرتان : خصوصياتك ؟ شنو هادو .. مابقاتش شي حاجة سميتها خصوصيات بيناتنا ..و قريب غاتولي رسميا ..دابا غير ولفي .. 

جهينة لبكها بكلامو ... بعدات شعرها من وجهها و قالت : 

جهينة : ش.. شنو ..كاتقصد .. 

ايرتان كايعيبها: ش..شنو .. كااتقصد 😂😂 

جهينة ضربات سدرو و جمعات فمها كاتغدد فيه و هو شاد سدرو و كايضحك... 

ايرتان : ههه ياله جمعي داكشي ... و عيطي لصحابك و لمك ... و بدلي انا غانطيب ليك شي حاجة تحنجريها ... 

جهينة : وا قوول ليا فين غاديين ... 

ايرتان : غاتعرفي من بعد .. ديري شنو قلت ليك ... 

مشا خرج للكوزينة .. جلسات هي فالسرير عيطات لماماها شدات مع الحتة شي 15 د .. من بعد عيطات لايناس

ايناس: اهلا الحب .. 

جهينة : ناس راشقة ليهم .. 

ايناس: و علاش ماغاترشقش ليا و انا مرتاحة ماعندي حتى مشكل ... 

جهينة : اوى لهلا يقلق ليا الحب .. مهم شحال ماجلسنا نيت نهضرو ...هاد الجلاخة راه متلف ليا النوامر ...

ايناس: هههه عارفة ليكاين ... حنا معادلين دابا 😂 

جهينة : ههههه غانعامك بواحد الحاجة وقعات ...

ايناس: اشنو .. بهدا درني دامشي لي قلت ليك ؟ 

جهينة : اه ماقدرت نشد عليه والو .. ولكن اعتارف ليا .. 

ايناس: حلفي باللله .. 😍 

جهينة : والله هههه دابا حنا مع بعضياتنا .. 

ابناس: نوضي هزي قزيبتك و اجي عندي دااابا .. 

جهينة : مانقدرش .. راه قالك غانسافرو واحد 4 ايام ماعرت لحسو منين خرجو ليا .. 

ايناس: اوياي على السفر و فين .. 

جهينة : ماعرفتش مهم عيطت ليك نعلمك باش ماتشوشيش عليا ... ومنين غانجي انت الاولى غاندوز عندك .. 

ايناس: ناري لمك هيطتي ليا دابا راسي غايبقا يحرقني و لكن ماعليش ... مهم راه بيناتنا ميساجات .

جهينة : اوكي الحب .. بسلامة .. 

ايناس: الله يوصلكم على خير ... 

قطعات جهينة ... ناضت بدلات حوايجها ... و قادت شعرها بعدما نشفاتو ... و مشات عند ايرتان لقاتو طيب 

جهينة : اممم الروايح ياسلام .. 

ايرتان : غاتعمري الكريشة باش ماتصضعينيش من بعد .. واخا كاينة الماكلة فالطيارة و لكن عارف سيادتك الى ماكليتيش الخبز ماكاتهنايش ...

حط ليها الماكلة ..كلات حتى شبعت ... و قالت .. 

جهينة : صافي شبعت ..ياله .. 

ايرتان : شوفي شحال خليتي .. كملي هادشي غايبقا غايخسر .. 

جهينة : باركة عليا .. الغداء لي دار تشرف باقي هنا ...*كتشير لحلقها*

ايرتان : غير نطلعو للطيارة غانقولي الجوع عارفك و حافضك .. 

جهينة : اويلي بزز باغي دكهم فيا .. تصحاب راسك كاتعمر دجاجة  😠

ناض ايرتان هز كلاكيطتو و جا جلس حداها و شدها فيدو

ايرتان : ماغاتكمليش .. 

جهينة : اشنو غاتضربن... 

ماكملاتهاش شحط جنبها حتى نقزت .. 

جهينة كتحكها و تشوف فيه : ففففففتت احححح ... وليتي تشحط اجلاخة... 

ايرتان دار راسو غايعاودها و كايهضر : راه غانزيدك وحدة اخرى 

جهينة : شدات يدو : صافي هاني هاني .. الى تبوعت عليك ذنوبك على راسك ... 

هزات الصوندويش كاتعض و تندغ و تدك في فمها حتى كايعمر و تشوف فيه مغوبشة ... 

ايرتان كان مقابلها و شاد عليها الصندالة و حابس الضحكة غير بالزز ... ناض جاب ليها عصير دوز بيه و حطو ليها ... 

جهينة : انت ماكليتي والو .. 

ايرتان : شبعان و حتى الى جعت كانصبر حتى نلقى ماشي بحال وحدة كاتضل تعربط و تحنقز و تفرع ليا راسي .. 

جهينة : واشنو نموت ؟ 

ايرتان : اوى داكشي علاش قلت لحسك كولي .. 

جهينة تغرعت تغرييعة زعزعااات بيها الارض و دارت يدها على فمها و خرجات عينيها فايرتان .. ضحك عليها و قال : الرضىىى.. 

جهينة : خرجت .. واللهما درتها بالعاني .. 

ايرتان باس حنكها و رد شعرها اللور و قال : بصحتك و خوودي راحتك ...دابا عاد ممكن تنوضي ... 

ناضت جهينة للحمام تغسل سنانها و يديها و ايرتان هز الطباسل غسلهم بالخف و خرج ... هز الشوانط و الساكادو ديالو ... خرجات عندو كاتلبس الكاب ديالها .. 

ايرتان : ياله حسبي الدروج ... 

خرجات و سد الباب .. جر البالز ب2 و هاز ساكادو ديالو .. هبطو .. لاح داكش فالسيارة و ركب ...و ركبات معاه .. 

جعينة : دابا واش حنا خارجين من البلاد .. 

ايرتان : اه .. 

جهينة : فين .. قول ليا واللهتا ضرني راسي ... 

شتف فيها ايرتان كايضحك ... و هي تخرج عينيها شهقت .. 

جهينة : ماااتقووولش ليا 😱 

ايرتان : your dream will come true (حبنك سيصبح حقيقة )

جهينة : NOWAY 

ايرتان : هههههه YESWAY 

بقات كاتشوف فيه و هي تطلق الحلوق ... حتى خرجو طبولة ديال ودنيه و رجعو ... سد ودنيه و هي بدات تحنقز و تغوت كولشي دار شاف فيهم ... 

مابقاش صبر سد ليها فمها بيديه و زيرها ترصى ... 

ايرتان : سكتي اله يعطيك اللقوة و الحلاقم نتهنا من غواتك ... مال مك ياك لاباس اش كاين 😠

جهينة : واش غانمشي لتركيا و بغيتين نتهدن و اخيرا غانمشي لتركية نشوف تيتيز 😍 

ايرتان ضربها للراس: اش باغية تشوفي ؟

جهينة : هههه غير كانضحك ...على انا نقدر نتفنفن ... ياله طلق طلق طلق*كاتزعزع فيه* ... غاتمشي علينا الطيارة .. 

ايرتان : هههع تبتي ياهاد البنت مالك هههه احنا غاديين ... 

ديمارا باتجاه المطار الكريق كلها و هي كاتبلبل على تركية حتى نفهات ليه راسو .. وصلو و تلاقاو عز تما .. 

ايرتان : هاك الكونطاكت خليها عندك .. 

عز : واخا .. طريق السلامة انسة جهينة .. 

جعينة : ناري غانتسطا مامتيقاش ا غادية لتركيا عرفتي شنو هي تركيا ... ايسطامبووول انا جايا لمك .. *بدات تنقز و تصفق *

عز شبع فيها ضحك و ايرتان كايخنزر فيها و يخرج فيها عينيه باش تحشم و هي والو مامسوقاش ليه .. حتى شدها زيرها لعندو ... جر البالز و شير لعز ... اما جهينة غادية و ماسكتتاتش ... دازو من روتين الماطارات حتى وصلو للطيارة .. شدو مقاعدهم ... لصقات فالشرجم كاتطل و قالت .. 

جعينة : واش غايبان ليا المغرب من هنا ؟ 

ايرتان : جهينة الله يرضي عليك .. ريحي راسك و هنينا خلينا نتصنتو لعضامنا هاد السويعات .. 

جهينة : امتى غاتقلع ... مافياش لي يصبر مزال .. 

ايرتان رجع راسو لور و شد جبهتو كايحكها ... 

جهينة : هههه صافي صافي غانسكت و اللهتا نسكت .. 

جات المضيفة وقفات قدامهم كاتعطيهم الارشادات ... دار ارتان الحزام لقى جهينة مضاربة مع ديالها .. قادو ليها ... بعد مدة قليلة .. قلعت الطيارة و بدات معانات ايرتان الحقيقية .. شدات فحوايجو مكمشة معاهم لحمو زيرات عليه و غارزة ضفارها فيه... و كاتعصر باش ماتخرجش الغوتة ... ايرتان عرفها اول مرة ليها شد يديها يحاول يهدنها و هي مزيرة غينيها و ماكاتسمعش ليه ... 

ايرتان : غير ترخاي تي مالك فضحتينا ؟ 

جهينة كاتعصر : ماااقااادراااش ... 

غير استقراات الطيارة و رخات منو حلات عينيها فيه مقلوبين عرفها اش غادير ماجافين يبعد حتى خوات عليه غااع داك العصير و صوندويش الكفتة و البيض ...

ايرتان : مييييغد ... 😠 

جهينة : سمحلي ماقصدتش 😩 

ايرتان : نوضي اجي معايا ... 

جرها وقفها ... و داها للحمام بمرافقة وحدة من المضيفات ... 

عطاتو دي تيسو مسح ليها حالتها و هي شادا راسها غير بزز ... 

ايرتان : شتي على حالة درتي فراسك قلت ليك ترخاي ... 

وقف و مسح ليها جيهة سدرها و فمها ... و جلسها .. 

ايرتان : دابا غاتبقاو بهاد الريحة كانغلبو حتى نهبطو .. 

جعينة : وا علاش كاتنغر عليا دابا .. قلت ليك باراكة عليا و اتت دكيتي فيا كولشي داكشي و شد دابا .. 

ايرتان كايمسح حالتو : و لايني مش طبة معاك انت ... واخا دايخة .. فمك ماشاداهش .. نوضي وكان .. عارف راسي كانربي بعلوكة .. 

جعينة : وا نوضني .. راه الارض كادور بيا ... 

جرها ايرتان و قفها معنقها .. داها للبلاصتهم و جلسو جات عندو المضيفة و مدات ليه مهدئات يحيدو عليها الدوخة و الماء ... 

شرباتو جهينة و قال ليها .. 

ايرتان : صافا ؟ 

جهينة : امم .... 

ايرتان : ترخاي دابا و ارتاحي ... 

رجعات لور و دارت لي قال ليها .. تما على ظهرو و هز كتابو كايقرى ... 

شوية حلات عينيها شافت فيه .. حطات راسها على كتفو و شدات فدراعو .. 

جهينة : سمح ليا درت ليك هاد الحالة ... 

ايرتان شد يدها و قال 

ايرتان : غانردها ليك فساعة الخير .. 

جهينة ضرباتو لكتفو ... 

جهينة : ناري شحال قبيح و مشرار .. 

ايرتان : و انت ماشي شريرة ؟ فرجتي فينا بنادم ... مرة تهضري مرة تغوتي و كملتيها ورديتي عليا .. 

جعينة : ياك كلتقول ليا رأي بنادم فصباطك ... 

ايرتان : ههههه اوووه مايسحابليش انت تلميذة نجيبة و كاتشدي دروسك .. 

جهينة : بطبيعة الحال .. شنو كايسحاب ليك .. 

ايرتان : اوى هكاك نبغيك .. خلي كلامي ديما حلقة فوذنيك .. 

جهينة : عينيا كايتلصقو .. 

ايرتان : مفعول الدواء هذاك .. نعسي شوية ... 

بقات جعينة هكاك حتى نعسات على كتفو .. 

دازت مدة السفر حتى وصلو ... كانت جهينة فايقة ... هبطو من الطيارة ... شد يديها و جرها و هي متحمسة و رجعات فيها الروح تاني ... 

كانت 2 الصباح ... بعد الروتين المعتاد ... خرجو مشادين و جار امتعتهم ... مد ليه شخص كونطاكت السيارة و مشا خداها ايرتان و قال ليها ..

ايرتان : وا ركبي .. اش كاتشوفي .. 

جهينة : شكون هذا لي عطاك السيارة .. 

ايرتان : سوق مك .. ركبي خلينا نمشيو فحالنا ... 

جعينة خمجات وجهها فيه و ركبات .. دارت السيت بيلت و بقات كاتدور فعينيها .. حتى ركب حداها .. 

جهينة : واش غانمشيو لاوطيل ؟ 

ايرتان : لا .. لداري ... 

جهينة : عندك دار هنا ؟ 

ايرتان : اه ... و عندي فامريكا .. 

جهينة دارت قدامها و كاتفكر و تخيل الدار كيف دايرة ... 

بعد مدة وصلو ... بلاصا السيارة و خرج ... خرجات جهينة حتى هي .. سدات الباب و هي حالة فمها فالدار .. 

كانت فمكان منعزل فواجهة نهر و ضاير بيه الشجر... كان عالي من 3 طبقات .. بيت عادي و بحال جميع البيوت التقليدية التركية ... 

ايرتان : اجي دخلي ... ماجاكش البرد ؟ 

جهينة : واااو داارك غزااالة .. 

حل ايرتان الباب دخل حط الامتعة شعل الضو و شاف فيها .. 

ايرتان : دخلي .. 

دخلات كاتدور فعينيها و تشوف فالدار .. كانت مرتبة و منظمة .. كل حاجة فبلاصتها بشكل متالي ... بالوان غامضة ... كاتعكس شخصية ايرتان ... بقات كاتدور و تشوف بعينيها ... كاتهز ديمورات و ترجع تحطهم كيف كانو ... دارت عند ايرتان و قالت ليه .. 

جهينة : وااو كايعجبني ذوقك بزاااف .. دارك كاتشبه ليك .. 

ايرتان : هههه حتى انت دارك كاتشبه ليك .. 

جهينة خبطاتو لسدرو و قالت : ماكاتضيع حتى فرصة باش تهاجمني 😠 

ايرتان : ههه زيدي قدامي دوشي ونشوفو باش نتعشاو.. انا راه قتلني النعاس ... 

طلعات هي و ايرتان .. حل غرفتو و حط السيكان ... ايرتان : دخلي دوشي انت الاولى 

جهينة : مافياش غير غانبدل .. 

ايرتان : غاتدخلي و لا غانهز الصندالة .. 

جهينة عنقاتو بتدمر : بوووونغ بوووووونغ ... 

ايرتان : بوونغ الخرى هذا مرمدتي طاسيلت بويا الكلب 😠 دخلي قدامي من بسالتك .. ياله 

جهينة خنزرات فيه بنصف عين .. تحنى يحيد صباطو و هربات للحمام ... 

ايرتان : غابلاتي على مك ... انا ياله غانعاود فيك التربية من 0 ... *جبد البالز فوق السرير* داخلة بلا ماتوجد حوايجها ... عمرني شفت شي مهملة بحال هاذي ..كولشي عندها مرون .. 

جهينة بسمات باب الحمام و طلت غير بعينها : بوونغ بوونغ نسيت .. 

مجات فين تكمل مد ليها لاتروسة ديالها .. 

جهينة : يتوووب العشييير ... 

تنهد ايرتان بغير حيلة و مشا يكمل شنو كايدير ... جبد حوايجو طرفهم و جبد شنو غاتبغي جهينة تلبس ... بيجامة ديالها و ملابس الداخلية لي حقق فيهم حتى شبع و هو كايضحك (مالكم حتى ايرتان منحرف راه غير مسكين الظروف ماسمحاتش ليه 😂) حط داكشي و جلس يتسنى .. 

اما جهينة خدامة الرشاشة كاتدسر الصابون و تغني واااخدة راحتها ... 

ايرتان : مابغيتيش نجيب ليك الكسالات ؟... تي خرجي من تما طلقيني راه ماحاملش حوايجي .. *ناض كايدق* واديك المفغعصة راه غاندخل نجر مك من شعرك ... 😠

جهينة : صبر قربت نسالي ... مامتيقاش بلي كلندةش بالماء ديال تركيا .. 

ايرتان : لا حول ولا قوة الا بالله .. 

جهينة : اححح الله ساليت .. ممكن نستعمل بينوار ديالك .. 

ايرتان : كولشي ديالك الالا غير طلقيني ... 

جهينة : اوى سير هبط حتى نلبس .. 

ايرتان : غانعطيك 3 الدقايق .. تفوتيهم غاندخل .. 

جهينة : علم و ينفذ .. 

ايرتان ضحك و خرج من البيت .. خرجات راسها كتطل مالقاتوش و خرجات كااملة ... لقات حوايجها مرتبين فوق السرير و من الفوق 👙 مسرحين .. خرجو عينيها حتال عندهم و رجعو شداتهم هزاتهم قدام عينيها و هزات راسها الفوق و بقات كاتخيل اشنو دار فاش جبدهم ... 💭 شدهم شمهم و دارهم على حنكو و مغمض عينيه 💭 شافت للجهة اخرى و عينيها خارجين و تخيلت 💭 شدهم و بدا يتخيلها كيفاش لابساهم و على عينيه نظرة منحرفة 💭 وآخر احتمال 💭 لبسهم و بدا يتعوج بيهم 💭 جهينة خربقات ديك السحابة ديال الافكار فوق راسها رافضة هاد الافكار و قالت .. 

جهينة : مستحيييل .. بونغ بونغ بعقلو ماعندوش مع فعايل البراهش .. و لكن علاش حطهم هكا هما الاولين اش بغا يوصل ليا .. المنحرف لاخر يعلم الله اش دار بيهم ... يااخ على حشمة ... انا لي قلت ليه يحل الباليزا نسيت الويل لي فيها 😠 

هزات حوايجها و بدات تلبس و بقات تنغر ... سالات و هبطات ليه نيشان حتى بلا ماتنشف شعرها ... 

جهينة من الدروج : هذااك الجلاااخة ... 

ايرتان من التحت فالكوزينة : مال مك باغا شي دقات ؟ 

هبطات لعندو : الدقات هما لي غاتاخد انت ..*هزات عليه مقلة * اش دااك لداكشي ديالي ..

شاف المقلة و هرب كايدةر على الطبلة و كايضحك .. 

ايرتان باستهزاء : اشنو داكشي ؟ عهههه 

جهينة : دير ليا فيها هبيل و ماعارفش ... داكشي لي حطيتيه حمر يا قلييل الحياء يا قلييل التراااابي يا قليييييل العراااااض 😡 

ايرتان : هههه عاادي احبي داكشي بيناتنا 😉.. و زايدون خاصك ترخي ليا السمطة و ترضي فضولي من جيهتك ... و راك عارفاني بتوول و ماعندي حتى اكسبيرينس ..ضروري تقري حبيبك 😉 

جهينة وقفات كاتشهق : ويلي ويلي ويلي ويلي على ولد الهم .. انت ماشي غير طيرتي البلاكة انت دزتي فواليديها ... و لا قول ليا لمك جبتيني لعرينك الذيب باش دير مابغيتي 😠 درتي ليا شغل الذيب و النعجة ... حتى تجيبها لعرينك و تغززها كيف بغيتي 

ايرتان وقف كايضحك : هههه انا ماباغيش نغززك باغيك لاستمرار السلالة ديالي ... و هادشي ماغانديروش مع نعجة خاصني ذييييبة ... الى كنتي غاتبقاي نعجة غير رجعي منين جيتي .. 

جهينة وقفات كاتشوف مصدومة حتى تحركات تاني توصل ليه .. 

جهسنة : لا و اللهتا خاصني نبوقلك ... 

ايرتان دار راسو هربان و كايضحك .. غير قربات ليه و دار عندها شد يدها لاحت المقلة و زيرها من خصرها لعندو ... كايشوف فوجها و فتفاصيلها ... كانت لابسة بيجامة غووز بلا اكمام و حد الركبة و شعرها باقي كايقكر على ظهرها ووجها ابيض صافي ظاهرين فيه نميشاتها و شوية من تزنيغة الحشمة بسباب كلامو ... كان شاد خصرها و ويدو التانية شاد معصمها .. لصقها معاه و عينيه غاياكلوها ... اما هي كاتحاول تفلت يدها منو باش تعطيه علاش كان يدور مزيرة شفايفها على بعضهم و قارنة حجبانها بغضب .. تفاصيل كلها جنناتو بيها ... ضحك وقرب حتال وذنها و خلا قبلة تما ... داز للجهة الاخرى و مابعدش بحيت قاس نيفو نيفها و خلا قبلة فالجهة الاخرى ... فشلها و تكنزات بين يديه بالحشمة ... رجع بعينيه فعينيها ... و على فمو ابتسامة جانبية ... شحاال ما دار ليها هاد الفلاش ... قرب اكتر للوجهها حتى تلامست انفاسهم ... راوغ معاها ... كايدير راسو غايبوسها و كايدوز وجهو عليها بحنية ... كانت مبنجة بين يديه كاترقب قبلتو .. حتى عصبها و هي دفعو و رجعات ربطاتهم .. 

جهينة هزات صبعها عليه : شوف اداك اه *شافت عينيه على صبعها و جمعاتو وراها لايهرسو * غادي تعلم تحتارم مساحتي الشخصية و لا غانولي نعوجك كيف درت ليك الصباح ... و زايدون سير طلق دوش ريحتيك كاتقلب ... ضارت و عطاتو بشعرها الفازغ للحنك و كشات كاتحنقز .. و هو شد حنكو كايتغدد و يضحك فنفس الوقت ... 

ايرتان : غابيا و لا بيك ابنت الطاهيري ...

يتبع