قدري أن أحبك الجزء 16

شافت اشراق و لوات فمها ... نطقات بنت بالمصرية و لكن ظاهر من لهجتها بلي مغربية و لكن كاتهضر بيها باش تفهمها اشراق و قالت :

.....: اييه ياحبيبتي ... هو خطيييبك الغني ده مش لاقي يشتيري ليكي حتت سيارة تروحي و تيغي بيها براحتك ..

نطقت اخرى: هو في حد غني يخلي خطيبتو ست الحسن و الجمال تشتغل و تتعب كده .. ماينفااعش

اشراق شافت قدامها كاتلوي فمها و قالت فنفسها: دابا هاد الخريات غايبقاو يوزوزو عند راسي هكا كل نهار .. جينا نضحكو داروها بالصح ... اوووف الى مانتفتش الق*** يماهم ماغاديش نتهنى ...

ضحكات ضحكة صفراء و قالت : لاء هو يعني بصراحة انا مابحبش اتكل على حد .. فلوسو بتااعتو هو و انا باصنع الكاريير بتاعي و بعلم نفسي حس المسؤولية ... فهمتو يعني .. هو اكيد مايرفضش حاجة ليا بس انا عندي كرامة و مبادئ ...

ضحكت وحدة و غمزات لي معاها : هااد السااطة جاتنا غير باش تطلقها تسرح .. مابغاوهاش لهيه جايا يسحاب لبها حنا هنا مشقلبة علينا القفة ..

ضحكات اخرى : ههههه طالقاها تسرح بنت الهم ..

جاوبت اخرى: طموووه طمووه عنداكم تقشعنا اش كانبرولو عليها ...

اشراق دارت راسها دايخة مافاهماش و هما مضورينها بيناتهم .. و تبرد غدايدها فالمسكة اهم شيئ مايكشفوهاش باش مايجريوش عليها من الخدمة ...

قالت وحدة : انا اظن انك بتكذبي علينا و مافيش لا خطيب و لا حاجة .. اعترفي مش هانقول لحد .. 😉

اشراق بغير صبر : يوووه انتو مالكوش حاجة تلهيو فيها من غيري ..

....: لاء ياحبيبتي .. مافييييش ..

....: اصل احنا بنحب نكشف الشحادين الكذابين و المغرورين كده ... زيك بالظبط

اشراق : انا كذاابة ...

....: اااه كذااابة و نص كماااان ..

اشراق: طب وربنا ماناسايبااكم النهار ده ...

طرشات وحدة دوراتها .. اخرى جايا تقمش شداتها من شعرها و زواتها .. وحدة خوافة مابغاتش تدخل ولكن اشراق كاتجمع حب وتبن جراتها من شعرها هبطاتها لعندها جات وحدة تفك شداتها نتفاتها تاهي وشركات الاخرى معاها ناتفاها باليد الاخرى ... هبطاتهم كلهم غادية جاية بيهم ... قدات عليهم ب3 الحلوفة و تسب و تعاير بالمصرية ... و الناس تما عاجبهم ريوسهم ماكايشوفوش فالارض مكاينش لي يفك و لايتواضع و يقرب ليهم .. حتى من الخدامين ديال الاوطيل .. خلاوهم يضبرو ريوسهم مادام خارجين من الاوطيل ...

اشرف تقاد فالجلسة فاش شاف اش دارت .. ضحك حتا عواج فمو و ناض يفك ... كانت منساجمة من المسلخة لي دايرة حتى وقف عليهم اشرف .. جرها لجنبو و فصل يدها من شعورهم غير بالزز لقا يديها عامرين زغب ... وقفو ب3 شعرهم فالسماء و حمارو ...كايشوفو فيه و اشراق لي براسها خرجو عينيها منين شافتو ..

اشرف: هايهاي على القباحة ..

وحدة من البنات قرسات الاخرى حيت عارفينو نزيل من نزلاء الاوطيل... جر اشراق لجنبو و ابتسامة على وجهو كايشوف فيها و قال : مالكم مع خطيبتي ..

اشراق خرجو عينيها حتال عندو و رجعو غمزها منين شافت الوضع لصالحها دارت عندهم و قالت : ااه ... ده خطيبي لي قلتيلكو عليه...

تشاوفو كلهم بيناتهم بتلبك و نطقات وحدة...

.....: خطيبك هنا فااوطيل و عمرك بينتي لينا بلي بيناتكم علاقة و علاش خبيتي زعما خفتينا نديوه ليك ..

قرساتها وحدة باش تحشم و تسد فمها ..

نطقات اشراق و هي كاتعلق بيه : انا كنت هايزة الموضوع يفضل سر ... بس هو ليه رأي تاني .. مش كده يا حبيبي ..

اشرف ضحك و جرها لعندو اكتر بيديه فخصرها و قال :اه .. احببييبة...

خرجات فيه اشراق عينيها بسبب فعلو .. شافت فيهم بضحكة صفراء و قالت : عايزين حاجة كماان ؟

تراجعو دوك البنات و مشاو كايتعوجو و يبردو غصتهم .. ما ان بعدو و هي تبعد من اشرف كاتخنزر ..

اشراق: بعد ايديك الاخ .. شتك ضاسر ..

اشرف: هههه هادي هي شكرا .. انا فكيتك من تخلويضتك و خرجتك منها بحال الشعرة من العجينة ... و كاتبوزقي عليا ... حشومة 😉

قادت حوايجها و شافت فيه بنصف عين كاتعوج فمها..

اشرف: ولايني راك نيت واحد شاطة ماطة .. اش هاد القباحة كاملة .. وزايدون مالك على هاد الطلقات منين ماكاتقديش عليهم لاش كاطلقيهم ..

اشراق: وشكون قالك كانكدب ..

اشرف ضحك و جلس على عمود و ربع يديه : الدرب الكبير مافيهش كاريان ..

خرجو عينيها و دورات وجهها باش مااواجهوش ..

اشرف: ههههه مالك ... انا راه نجيب طاسيلتك كاملة .. فبلا ماتكدبي و قولي ليا علاش كاتكدبي ... ونييت واش سميتك اشراق و لا تاهي طالقاها ..

اشراق: لا سميتي ماكدبتش فيها ..

اشرف: ها اذا كاتعتارفي بلي كاتكدبي .. 😂😂

اشراق:لا ...اكيد لا .. انا غير ..

اشرف: ههههه ياله نوصلك .. حريرتك محرحرة واخا تظلي تهضري ماغانتيق بحتى حرف منك ..

اشراق: فيين جاارني الاخ ... اش غاتوصلني .. واش مشيتي فالدور نيت ولاشنو .. حيد لهيه .. زوينة هادي ..

تمات غادية ووقفها قائل : الى ركبتيش معايا .. غانضرب بيك الطرر و كولشي غايعرف بلي اشراق الكيوت المصرية ماهي غير واحد المغربية شاطة ماطة مريضة بالكذوب .. وا كيجاتك هادي ..

ضارت عندو كاتلعب بلسانها وسط فمها .. وقفات قدامو بتحدي .. بضحكة جانبية على فمو قرب لوجهها و قابلها حتى هو بتحدي ...

عند ايرتان ...

دخلو للدار كيف عادتهم دارو روتينهم و كل واحد عايش فالعالم ديالو بسبب هاد المواقف الغريبة لي ولات بيناتهم ..

💀💀💀 بعد مرور شهر 💀💀💀

غادية جهينة وسط الكولوار فالمستشفى ... شادا راسها بالعيا .. النهار ديال الخدمة سالا ... غادية للفيستيير .. غير حلات الباب شنق عليها شي حد من اللور .. دورات دراعو و عطاتو برجلها للظهر لصقاتو مع الحيط .. وقفات كاتشوف اش هادشي وقع ... شافت ايناس واقفة شادة فمها .. و مشات شدات فعتمان لي مسرح فالارض ... و النجوم فوق راسو ..

ايناس: شتي قلت ليك ولات فاندااما ماتيقتينيش ..

جهينة وقفات مقادا بعدما كانت دايرة وقفة هجومية تنهدت و قالت : اش هاد اللعب الحامض ... انا مهلووكة و عيانة تزيدوني ضحككم ..

دخلات و حيدات الطابلية ..

عتمان : تي واش هادي جهينة و لا كدبت .. اش وقع ليك البرهوشة ..

ايناس: واش كانعاود ليك 5 سنين هادي .. الساط ديالها ماخلا ماعلمها حتى فنون الدفاع عن النفس .. شتي الناس لي مرتابطين ديال بصح ..

عتمان : بلاتي للدار و نتفاهم معاك انت *ناض عند جهينة* و انت اشنو هاد النغير المفاجى فيك .. *دور وجهها* اصلا الحناك فين هما .. نقصتي شوية لا ؟

جهينة: ااايه اسيدي .. على لي كاتجري يوميا على نبوري و مع 10 الليل .. و لي كلاتها تحرقها ماغاتضعافش؟ ... وليت فالتدريب بالليل و النهار ولد الحراام مصطي و ماغايرتاح حتى يصفيها ليا ...

عتمان: فنظري ماصفاها ليك ماوالو .. بالعكس عاد صحاحيتي غير من ديك التلصيقة لي لصقتيني مع الحيط ... مابقيتيش مدعدعة ..

جهينة وجهات لكمة لوجهو و مخرجة شفايفها بتهديد : باغي تموووت 😠

ايناس: هههه اهيااتا .. تفرقي ليا من راجلي غالاك باغي يموت و علامن غانعرس من هنا لسيمانة و نصف ..

عتمان : هههه و لاباس غير منين داير منك الطايسة .. و لكن امنى غايخرج من ديك الدار راه من شهرتين و لا ف4 ..

جهينة: شكييت عليك ديها فسووق راسك اويلي حي .. لا انت لا ديك المفغعصة ديال مرتك ..

ايناس كاتنغز فيه و تحت سنانها قالت : تاهنينا دابا تشركنا ب2 ..

جهينة : ههههه سمعتك ..

عتمان : هههه غدا غير السبت .. عارض عليكم نتعشاو .. برا ..

جهينة : نتعشاو ؟

عتمان : مالك ابنتي عندك شي بلان اخر .. شحال ماتجمعنا ب3 ..

ايناس: عندو الحق... ديري استثناء اليوم ..

جهينة : واخا .. بلاتي نعلم الجلاخة ..

عتمان : احنا برا ...

خرجو ب2 و بدلات و عيطات لايرتان ..

ايرتان : فينك ؟ رجعتي للدار ..

جهينة : الناس كايقول .. توحشتك احبيبة .. واش قربتي تجي احبيبة ..

ايرتان : ماجاوبتينيش ..

جهينة : انا غانتعطل اليوم .. غانتعشا مع عوت عوت ..

ايرتان قاطعها : عوت اشنو ؟

جهينة : عتمان و ايناس ..

ايرتان : وا قولي هكاك .. ماتفوتيش 9 .

جهينة: لاواه مانفوتش 6 .. مالك مبربق ..

ايرتان : هضرت ... دابا الكورة عندك ... مابقيتش كانخاف عليك من العصا ديري علاش تاكليها فعظامك ..

جهينة: كيشتي انا غير باقا ساهلة ليك دقتي بدقتك حتى نشوفو شكون غايربح ..

ايرتان : اوى هاااا لي مابغيناااش ..

جهينة: هههه تلااح ..

قطعات جهينة لبسات تجاكيطها حيت دخل فصل الخريف و بدا يبرد الحال .. بعدما سالات خرجات للبرى .. لقاتهم الحبان كايتمعشقو ..

جهينة: انا جيت بسيارتي مايمكنش نخليها هنا ..

عتمان : ركبي و تبعينا ..

جهينة : واخا ..

ركبو سبقوها و خرجو و عاد تبعاتهم... غادية فالطريق و كاتغني مامسوقاش .. حاضية سيارة عتمان لي فاصلها شي 3 السيارات عليهم .. وقفات فالسطوب كاتسنى .. تحرك المرور دازو شي سيارات بينهم ديال عتمان و رجع الضو الاحمر و قفات كاتفقص .. ماهي الا تواني و تطلقو .. وركت اكتر و تسرحات الطريق .. لاحظت شي سيارة حركاتها غريبة وراها .. دازت للجنب تخليه منين يدوز و لكن مادازش .. دخل ليها الشك .. نسات فين غادية و دارت مع واحد الدورة تتأكد واش تابعها ... و نيت كان تابعها .. عفطات اكتر ..

جهينة : شكون هاد الويبل لي تابعني ماكانعرفش هاد السيارة ..

منين وركات زاد ورك .. باش تحول الملاحقة لمطاردة شرسة .. فاتت غاع السيارات كاتخوى بيناتهم و لاخر كان متقن لحركاتو بحيت قدر يسلت حتى هو بكل سلاسة بين السيارات ... قرب ليها اكتر و اكتر عرفاتو كايحاول يزحمها فالطريق ... فجأة وقفات السيارة باش يفوتها و تهرب ليه .. ولكن دغية دار بالسيارة حتى تحكات ووقف قدامها ... كانت شادة المقود وكاتطل بين شعرها لي رجع كولو قدامها بسبب الوقفة المفاجئة .. كاتسنى تشوف هاد الحمق لي كان مطاردها و شنو باغي ..

ما تفاجأتش منين شافت بلي هاداك كان غير ايرتان .. وقف قدام سيارتو كايضحك ضحكة شريرة و هز اصابعو على شكل 9 (زعما ماتفوتيش 9 ) غمزها ركب سيارتو و زاد بسرعة خلات الروايض يصدرو صوت الاحتكاك ..

خرجات راسها من الزاجة و غوتت ..

جهينة : شييييلgييييين (مجنووون بالتركية)

خرج يديه من سيارتو كايشير ليها حتى غبر ..

جهينة : غايحمقني غايسطييني هلكني ولد الهم ..

وصلها اتصال كان عتمان...

عتمان: تي فين تجليتي باهاد البنت ..

جهينة: انا جايا .. اشمن مطعم مشيتو ..

دازت لعند عتمان و ايناس ... دخلات .. هضرو شوية و طلبو شنو بغاو ..

تعشاو و بقاو مقصرين و كيتعاودو .. حتى دااز الوقت ...

جهينة: صافي باراكة عليا انا .. اصلا عيانة غانمشي غانتلاح فبلاصتي ..

ايناس: صافي .. هذا حدك وليتي دغيا تدوخي ..

جهينة: واا اختي مابقيتش كانعرف الراحة مع داك الجلاخة .. مهم تصبحو على خير ..

سلمات عليهم ب2 و خرجات .. ركبات السيارة فاتجاه الدار ..

ماهي غير مسافة قليلة .. وصلات و هبطات .. طالعة فالدروج و حاضية جنابها لايخرج من شي جهة .. مابقاتش كاتنبأ بتصرفاتو ... أول ماوصلات لقدام الدار .. حطات الساك .. جمعات شعرها و حيدات التجاكيط .. و صونات ...

بقات كاتصنت ولكن خطواتو مافيهم صوت ماعرفاتو واش هادي قاعيدتو ولاكايظيرها بالعاني .. بعدات وجهها و وقفات قفازية غير تحل الباب و تلاحت على نصو طيحاتو فالارض و هو كايضحك .. بقات تعابز معاه فالارض حتى تلوات عليه كيف الاناكوندا و حكمات راسو و شنقات عليه بيديها .. استسلم ايرتان و هو كايضحك و الجراء فجنابهم كاينبحو ...

ايرتان : calm down الحب هههه

جهينة: مابقيتش كانعرف نكالمي بسبابك الجلاخة ... رحمني عافاك صافي التداريب و هاحنا تقناهم و فهمت كولشي دروسك .. واش اعيباد الله لي قاس ظهري نلوي ليه يدو .. مابقيتش قادرة نتحكم فجسمي .. صافي اش باغي اكتر ..

ايرتان : باقي ماساليناش ..

زادت شنقات عليه و بدا يضرب الارض بتش تطلق و فنفس الوقت كايضحك ...

جهينة: انا صافي اكتفيت .. وارحمني رحمني ... حلف بالله مابقيتي دير شي بلان من بلاناتك ..

ايرتان : مافيها باس .. لا بقيت فيقتك مرة مرة بموقف بحال لي درت قبايلة ..

جهينة: لا ..مابغيتش .. هاد المرة الى درتيها غادي نلعب خو لعبك و ندير لي بغيت .. حلف مابقيتي تعاودها ..

ايرتان : ههه صافي كانواعدك ...

جهينة: لا .. احلف بالله ..

ايرتان : كانحلف ليك بالله مابقيت نعاود ..

جهينة طلقاتو و تلاحت فجنبو .. طلعو عليها كلابها كايلحسو فيها و هي دايخة حداهم ..

ناض ايرتان و تكا على جنبو كايشوف فيها و يضحك ..

ايرتان : عييات القزمة ديالي ...

جهينة : واللهتا راسي كايفتل .. و عاد كليت حتى تنفخت ... كانحس بالماكلة واقفة فحلقي ..

ايرتان : ماهضمتيش مزيان ... نوضي من الارض .. ضربيها بالتدويشة انا غانصاوب ليك واحد اتاي عطاه ليا عمي عوصمان ... غايهضم ليك و غايرخيك و ضربيها بنعسة حتى يفيقك راسك ..

جهينة : ماغاتفيقنيش مع 6 الصباح ياك ..

ايرتان ناض : هههه لا ...

جرها من دراعيها و نوضها ... دخلات للبيت تبدل و هو هز ساكها و تجاكيطتها و سد الباب و.. حطهم فالصالة و مشا للكوزينة ..

هي هزات حوايجها و مشات للحمام .. دوشات و لبسات بيجامتها .. و خرجات كاتنشف راسها وسط الفوطة ... دخلات لقات ايرتان كايحط الكاس فالبيت حدا السرير ..

ايرتان : ياله اجي لبلاصتك ...

جات تخشات فسريرها و لاحت الفوطة حداها .. عطاها الكاس و جلس قدامها ..

شماتو و غمضات عينيها ..

جهينة : ريحتو غزااالة 😌

ايرتان : ياله شربيه ...

شربات جهينة منو ... جاو الكلاب هزهم ايرتان حطهم فالسرير ... و جلس يشوف فيها ..

جهينة : هههه مالك ؟ كاتوترني هكااك ..

ايرتان : وليت كانحلم بيك النهار و الليل .. تزوجي بيا ..

جهينة : هههه لااا اسيدي ماشي هكا ..

ايرتان : و كيفااش ..

جهينة : دير ليا شي مفاجئة بالورد و النفخات و تحنى على رجليك و تطلبني برسمية ... عااد شوف تشووف ..

ايرتان : اوى بقيتي بايرة ... لمك خرجو عليك الافلام التركية و الروايات ..

جهينة : و مالك اسيدي .. كبرتي عليها ..

ايرتان : انا من هنا نعلمك راه ماغاندير لا خطبة .. لا تالعبة من داكشي ... نهار ترشق ليا غانجيب العدول قدامك تسني و نبينا عليه السلام ..

جهينة : مالك اخويا لاقيني فالظلام ... ديرني فجيبك بحال الى سارقني ... ياك لاباس .. ضروري حفلة بسيطة نعرضو فيها ناسنا .. انا راه عارفاك ماكاتحملش بنادم و هاد الشكليات و زيدني عليك .. حياتي كولها ديما كانتهرب من العراضات .. ولكن عرسنا ضروري ناسنا يكونو فيه ..

ايرتان دوز يدو على شعرها: امم الناس كايفكرو لعرسنا و شكون غايحضر فيه ..

جهينة : هههه ديما كاتجرني بالهضرة و كانسا راسي

ايرتان : و علاش ناسية راسك .. راك قلتي غير لي غايوقع ..

جهينة : وا نقولو ان شاء الله ...

ايرتان : ياله نيني ...

جرات الوسادة و حطات راسها ... وقف كايغطيها .. باس راسها .. و جا ينوض و عنقاتو ... باست خدو و قالت ..

جهينة : كانبغيييك .. ابونغ بونغ ..

ايرتان ابتسم ابتسامة عريضة غمض عينو و فتحها و كايعني عارف ... باس راسها بوسة تقيلة و ناض خرج ... و الجديد فالامر ولات كاتنعس فالظلام و قدرات تجاوز ذكراياتها ... نعسات معنقها وليداتها و على وجهها نصف ابتسامة ...

الغد ليه مافاقت حتال 12 و خلاها ايرتان على راحتها حيت عرف راسو فورصا عليها هاد الايام الاخيرة ...

كان فالكوزينة كايطيب الغداء حتى جاه اتصال كان من عز ..

عز : فين الذيب .. شتك غبرتي ..

ايرتان : غير مع بنت قلبي .. اش تما ..

عز : كاتسالي معايا بهاد بنت قلبي .. سيمانة ماشفناها جيبها و جيو نصهرو هاد العشية ...

ايرتان : ماكانديهاش لدوك البلايص .. 

عز : و علا مالها غادا بوحدها راه بيناتنا حنا .. تاخليها تفوج مالك .. 

ايرتان : حتى نشوف الى بغات مانواعدكش .. 

عز : وا فين وصلتي معاها بعدا .. 

ايرتان : هههه كاتعلم دغيا .. كاترتاجل و كاتعرف تصرف بإبداع من عندها .. ماوحلتش معاها .. دابا هي واجدة للبوص .. انا براسي ماعارفش اشنو غايدير ليها و لكن عارف و متأكد بلي قادا براسها .. و غايتكايس عليها ...

عز : وا نتمناو .. و من بعد واش ناوي تفاتحها فالموضوع ؟ 

ايرتان : ماعرت بصراحة باقي الحال شوية راه صعيب نعاود ليها داكشي فخطرة خاصني نوجدها .. حيت ماعندي حتى فكرة على ردة فعلها... و من تما لتما يحن الله .. دابا مركز غير مع تدريبها ..ولكن مابقا قد مافات و قريب تولي مراتي ...

عز : هههه هاا المعقووول ... متحمس ليك و الله .. 

ايرتان : ههه ماتكونش بحالي ... هي حياتي دابا و مجرد فكرة نعيش بلا بيها كاتعني ليا الموت .. 

عز : ماتقولش هكاك .. انتوما لبعضكم و ماكاينش لي يفرقكم ... 

*غوت اشرف من بعيد حدى عز * كاين انا لي نفرقهم .. 

عز : هههه سكت المسخوط راه جاي فالعشية .. 

ايرتان : انا غانجي على قبلو ... 

عز : هههه تلاح .. 

قطع مع عز .. حط داكشي لي فيدو ...مسحها و مشا عند جهينة .. 

لقاها دايرة للجهة الاخرى معنقة الوسادة و ناعسة .. 

تكا حداها .. حط نيفو ورى وذنها و خلا قبلة تما مع شم لريحة الشومبوان ديالها ... مد يدو كايهز الشعر من على وجهها ... قرب لوذنها ... و همس .. 

ايرتان : باقي مابغات تعفو عليا الحب و تخليني نشوف عيونها ... 

شدات يدو و عنقاتها لسدرها .. حط راسو على راسها و قال .. 

ايرتان : انانية مع راسك .. 

جهينة : خليك هكا غير شوية صافي... 

حط ايرتان راسو وراها مباشرة ... دارت عندو و تخشات وسط صدرو ... ضمها ليه باحترام مبالغ بحيت انه ماحاطش يدو عليها ... هكا قدر يسيطر على راسو و مشاعرو نسبيا ... فهاد المدة كاملة ماقدرش يدير حد لدوك المشاعر و انما زادت حدتها و زادت رغبتو فيها .. ماعمرو باسها مزال و لا دار اي تصرف يخليه يفقد سيطرتو على نفسو ... حتى انه كايخاصم عليها و ينبهها من اي تصرف مهمل صدر منها ... و هكا فضل يحافظ عليها لآخر نفس فيه ... 

ايرتان : جهينة .. 

جهينة : اممم ... 

ايرتان : عز بغانا نسهرو معاهم فالكلوب اليوم .. تمشي .. 

جهينة : الدراري ب3 غايكونو .. 

ايرتان : كاتسولي على اشرف الكلب ؟ 

جهينة : ههههه و اللهما هكاك .. ماعنديش مشكل الى بغيتي انت .. *هزات عينيها فيه* ولكن شنو غانلبس .. 

ايرتان : حوايجك .. مالك اش غاتلبسي .. زوينة هادي .. ياله نوضي .. راك شركتي النهار ... 

جهينة : فين ولادي .. 

ايرتان : راه كاينقزو برا .. ياله نوضي ... 

جبدات رجليها و يديها كاتكسل و كاتصدر الاصوات ... 

ايرتان : هااااكاااك جمعي عجزك غيير مشتت .. 

جهينة : على لي عندها بحال هاد الحب تفيق تلاققاه داير الغذاء ماغاتولفش الخنات و العجز ... 

ايرتان : كاتعتارفي بعدا .. 

جهينة : و مالي واكلاك فحقك ... 

ايرتان : هههه واكلة حقي و قلبي و عقلي و حياتي كاااملة .. 

جهينة : ولايني راني واحد مو كرش مانسواش هادشي كولو ؟ 

ايرتان : هههه اوى شفتي ماخليتي ليا والو .. 

جهينة : دابا يجي وقتك حتى انت و غاتاكل .. 

دار دراعو على عينيه و دار للجهة الاخرى كايقول : نااري ياربي واش درت فحياتي .. 

هي ما عاقت براسها حتى فات الفوت و بدات تغزل حداه و تدخل و تخرج فالهضرة : زعما بغيت نقول.. تاكل الحب و الحنان ... لا ماشي داكشي لي فبالك يعني غير ... اوووف غانوض نبدل ساعة باخرى .. 

ناضت كاتجري خرجات للحمام ... و هو بقا هكاك جاتو الضحكة على هضرتها ... 

ايرتان : واا شوف هاد نصف ميترو و مادايرا فيا ... غير كلمة و خلاتني نفيبري هنا ههههه

ناض خرج للكوزينة يكمل شغلو ... و من بعد جات عندو جهينة تعاونو و لا نقولو تبرزطو باللميق ... 

بعدما دازت العشية ... خرج ايرتان من البيت لابس ... و قال للجهينة : دخلي بدلي ... راه حطيت ليك لي تلبسي .. 

جهينة : كيفاش حطيتي ليا ... اش داك لحوايجي سوقك .. 

ايرتان : عارف والديك غاتقولي الكلوب هاذاك و البنات كايلبسو و كايديرو... ندير انا بحالهم .. 

عوجات جهينة وجهها فبه مع تخنزيرة و مشات من قدامو .. 

ايرتان : القاوالب .. معايا انا .. *جلس كايتسنا * 

عند جهينة .. لقاتو حاط ليها دجين مفضفض و تيشورت و تجاكيط لبس كاجيول و غادي غير مناسب ... 

جهينة : اش عاد الويل حاط ليا ... غاديا الحديقة ؟ باقي ماتزوجنا بارك يفرض عليا شنو ندير .. انا غانوريك .. 

مشات للماريو .. جبدات غوب



لبساتها و مشات للمراية .. دارت ماسكارا و ايلاينر ... و اول مرة تزعم على عكر غامق و دارتو .. وقفات كاتشوف فالمراية .. طلعات و هبطات فراسها ... و قالت .. 

جهينة : دابا انت مشيتي درتي لي فراسك و لبستي لي بغيتي ما وقفتيش عند هادشي و مشيتي درتي الماكياج لي اصلا ماكايحملش فيه حتى الشوفة .. علاياش كاتقلبي ... 

جهينة : لا .. لا نحيد الماكياج احسن ... 

مسحات الايلاينر و الماسكارا خلاتها حيت ماغايدي ماغايجيب فيها... مشات للعكر ساعة صدق فضيحة .. مابغاش يحيد الاتر ديالو ... بقات تكرد حتى ولا حمر بلا عكر .. 

جهينة : اويلي على فضيحتي مابغاش يحيد .. 

شافت فيه لقات بلي العكر ماركة واتر بروف و كايبقى 24 ساعة .. 

جهينة : الله ليوم عظامي يتهرسو ...كانطييير ياربي كانطيير... سيري اايناس بغيت ليك مصيبة انت و كادواتك ... 

بعدما بقات مضاربة معاه نقص العكر و لكن ماشي 100% تنهدت و قالت .. 

جهينة : اش عندو مايدير غاااع حتى نخاف منو ... حتى يضرب بيا الكاغط و ديك الساعة الى حكم فيا ممكن نتقبلها .. يعني شوية ... خاصني نعلمو بلي حتى انا عندي رأيي مزياان تباركالله ..

دفعات سدرها و ياله غاتحرك من قدام المراية سماعاتو كايغوت .. "جهاااااااينة" حتى قفزت و خرجات كاتجري و تعورج بطالونها ... 

غير شافها و خرجو عينيها .. ماشي حيت عجباتو .. حيت ماحاملش داكشي لي شاف ... ياله غايهضر و سبقاتو .. 

جهينة : ا..انا غانمشي بهاد اكسوة .. داكشي كاجوال ماشي ديال السهرات .. ا .. اياله .. 

ايرتان : فييين ياله ا الانسة .. رجعي لبلاصتك .. 

وقفات قدامو كاتطرطق صباعها و كاتسنا اش غايقول .. 

ماقالش و انما دار .. وقف قدامها و مزير على شفايفو و عينيه الى ضربو بحدتهم فالخشب يتقسم ... دوز صبعو على فمها يمسحو و لكن مابغاش يتمسح .. 

ايرتان : اش هاد الخرى طااليا فوجهك .. 😡

جهينة : ا.. م..مسحتو ولكن صدق واتر بروف .. 

ايرتان : و علااش درتيه من اصلوووو ...واش درتيييها بالعاني باش تعصبيييني😡 .. عارفاااني ماااكانحمللللش هاد الزبببل ... واش هاد العراااا ... كاتباني بحال شي .... *دور وجهو * استغفر الله .. دخلي حيدي داك الخرى و لبسي لي عطيتك و لا بربي لا خرجتييها .. 😡 

جهينة : ايرتان .. ما .. 

ايرتان : مابغيت نسمع لا ايرتان لا خرى .. دخلي حيدي داك الويل عليك .. و منين نرجعو غانلقا ليه حل غير بلاتي .. 

دخلات جهينة كاتضرب بصباطها بسخط و ماحاملاش الوضع .. ردخات الباب على وجهو .. 

ايرتان : ردخيه ... المرة جايا غايتردخ على راسك ... 

جهينة فالبيت كاتحيدها : هاد الزمر شحال واعر ... تفو مصنوع من الغوات و تخراج العينين ماعرت اش عاجبني فيه .. الله يلgيها ليه كحلة زحلة ... الله ينجييييه الحمااار لاخر ... الحترووف البغل ...اكبر جلاخة عرفاتو البشرية .. مايسوى مايصلح .. حاgر عليا ولد الهم .. ماينفع معاه لا اتبات شخصية لا والو .. دابا غانلبس هاد الكارتة و نمشي هكاك يصحكو عليا ... اصلا شكون تسوق لديلمهم انا غاديا نقصر مع الدراري اش بغيت ببنادم .. ديما كايقولها الجلاخة الاراء لي تعصبني نديرها فصباطي .. *كاتلبس الدجين *انا هاد المرة غانديرهم فسبردييلتي هههههه ...زوينة هادي .. 

ققزها ايرتان و هو كايدق بالجهد : واااش لديلمك تسطييتي كاتهضري بووحدك 😡 

طاحت جهينة فالسرير بالقفزة بي قفزها و هي نصف رجلها فالسروال و غووت .. 

جهينة : مال مك كاتغوت اني خااارجة اااو غير انت لي كاتعرف تعصب .. 😤

ايرتان : هاني كانتسنا والديك .. 

جهينة : جلااخة ... 😤 

لبسات كولشي و معاهم سبادري و خرجات عندو كاتبقلل .. 

ايرتان شدها من ودنها كايحقق فيها ... 

جهينة : و دابا لاش العنف اني درت لي قلتي .. وا حيد ايديك .. 

ايرتان شاف فيها و على عينيها نظرة انزعاج و قال : شفت هاد السروال وسااع عليك ... 

جهينة ضحكات : ياك .. نقصت 3 كيلو فهاد الشهر .. و مزال ننقص ..بصراحة ديك تمارة كاتعطي نتيجة و انا كنت عاجزة ننقصهم ... جابك الله تهنيني منهم .. ههه 

ايرتان : كاضحكي عاجبك الحال .. انا كنت باغيهم .. 

جهينة : اويلي شنو هما .. 

ايرتان : الكيلوات الزايدين .. 

جهينة : شناااهوا ... 😤 

ايرتان : وعلى بحالك انت يضعافو ؟ قصيورة و تولي ضعييفة اش غايبقا فيك .. ماغاتبقايش تباني نولي نخاف نضور نعفط عليك .. 

جهينة هزات صبعها عليه: مانسمحش ليك تستهزأ من طايتي 😤 

ايرتان عضها منو حتى غوتت و شداتو .. 

ايرتان :باقي مابغيتي تعلمي تشديه عندك ... و بالنسبة للضعف ... ماتضعافيش .. اصلا طايتك ماشي غلض خايب .. يعني بلا ماتهزي الهم لهادشي ... ياله قدامي .. 

جهينة غادية كاتبرغم : حتى طايتي كايعطيني فيها الاوامر كيداير .. يخ تفووو 😤 

ايرتان : سمعتك ... 

وصلو لقدام الاوطيل و دخلو ... 

ايرتان : من هنا نوصيك .. 

جهينة بملل: امم نجمع راسي و مانبقاش لاصقة حدا تشيم تشيم و نضحكو باتسااع ... *دورات وجهها كاتبرغم* طلية مع هاد المغيار الموسوس لي عطاني الله ... 

ايرتان جبد ودنها : عاودي اش قلتي ؟ 

جهينة : و انا نقدر نقول ... ماقلت والو احبيبة غير تخايل ليك .. 

ايرتان : زيدي قدامي زيدي .. عفريتة صافي ... 

الصونيت فالجناح ديال الدراري لي كل واحد فبيتو كايوجد ... خرج اشرف يحل و هو عارف شكون .. غير حل الباب كايضحك باش يعنق جهينة .. لقا جسدة ايرتان قدامو شنق عليه دخلو .. و هو كايفرنس و جهينة داخلة معوجة فنها وراه سدات الباب كاتبرغم ..

ايرتان : باقي مابغيتي تعرف حدودك اسيهم تشيم تشيم .. 

اشرف دار كايطل على جهينة كايسول غير بعينيه و هي خصرات وجهها و عوجات فمها و هزات راسها و دوزات يديها على عنقها زعما راه كلات حقها تاهي ... 

ايرتان : ااه كلات حقها فالدار و طلعات ليا القردة الى ماهنيتينش غانكمل بيك .. 

اشرف كايضرب سدر ايرتان : هههه برد العشيييير .. الحياة كلها مشاكيل ماخاصناش نتعاملو معاهم بحساسية .. 😂

ايرتان : حيد للخلا ... فين عز ..

اشرف : فبيتو 😂😂 

ايرتان : جلسو بعقلكم .. و لابربي حتى نزدح بوكم ب2 .. جهينة جلسات قالسة كاتضور فعينيها و هزات يديها زعما ماغاندير والو ... دخل لبيت عز .. و ناضت شادا فاشرف كايضورو و ينقزو ب2 بحال البعالك .. تحل الباب و طل ايرتان و رجعو كيف كانو ... 

رجع دخل ايرتان و بركو يضحكو ... جلس حداها و قال .. 

اشرف: اش ديك التجليخة دايرة في فمك ماقتلكش .. 

جهينة : اودي غير سكت غسلني عليه و مابغاش يتمسح ... 

اشرف:هههه اش داك ديريه انت عارفاه ماكيحملوش .. 

جهينة : بغيت نفهم مالو مع الماكياج واش كايغير لهاد الدرجة ؟ 

اشرف: المسألة ماشي مسألة غيرة كون كان هكاك ماغايديرش بحال هاد ردات الفعل .. هو .. 

جهينة : هضر شنو ؟ 

اشرف: غير غانلمح ليك ماشي من حقي نعاود ليك و عمرك تجبدي الموضوع ليه .. 

جهينة : تاهضر طلقني .. 

اشرف: الماكياج كايفكرو بامور مرتابطة بذكرايات خاايبة دازت فمراهاقتو ماشي غير الماكياج حتى اللبس المعري و اي حاجة تقدر تشبهك بالعاهرة ردي البال من هادشي ... 

جهينة : ولكن علااش ... علااش هادشي شنو لي عاناه و خلاه يكره هادشي ... 

اشرف: هاداكشي سوقو و النهار غاتعرفي ..غاتعرفي منو هو ... 

سهات جهينة كاتفكر و قال ليها ... 

اشرف: فمي كاياكلني بغيت نعاود ليك واحد الحاجة .. 

جهينة : شنو هي... 

اشرف: هاذي اكتر من شهر تلاقيت مع واحد الساطة .. وا قووورطااااسة 😍 

جهينة : يااء و شنو الجديد انت كل نهار كاتلاقا مع قورطاسة .. 

اشرف : لا هاذي غييير .. اول لقاء بيناتنا دارت ليا نفس الفلاش لي درتي للذيب .. 

جهينة : ههههع ضرباااتك 😂😂😂😂😂😂😂 وا مييمتيييي 😂😂😂 و علش ؟ 

اشرف: هههه تحرشت بيها باللمس ..😂😂😂 

جهينة هزات عليه فاز : ياا الحماااار يا قليييل الترابي خاااص لي يربيييك .. 😠 

اشرف: ريحي راه كليتها فشغلي ... غير تهناي .. 

جهينة : غزااات فييك .. وشنو وقع ؟ 

اشرف: مهم تفرقت عليها منين عرفتها ماشي ساهلة .. ولكن لاقاتنا الصدف مرة اخرى .. و ديما طايحة فالمشاكيل و ناااري اش كادير للكدوب ههه تي راه كاتدوخك و ماكاتعطيكش راس الخيط .. 

جهينة : اويلي و علاش كاتكدب .. 

اشرف: باش تقضي مصالحها ... راه وااحد النمروووضة وااحد النمسة رااه انا شيباتني فهاد الشهر .. انا ماكانتيقش فهضرتها عارفها كذوب بحت وقلبت وراها .. عرفت بلي ماعندعاش الوالدين عندها غير خوها كاتسكن معاه هو و مرتو و 2 ولادو و هو مدير ابتدائية و مراتو معلمة ... هي عندها ديبلوم فالتجارة و التسيير و لكن ماسهلش الله فالخدامي لي خدمت ديما مجريين عليها لشي سبب من الاسباب منهم القباحة و اغلبهم سالخة ليا الرجال على التحرش 

جهينة : ههععع تا قووول ليا جايب خبارها كااااملة هكا دار ليا بو راس توما قولو قبيلة .. هههه ايه و فين تلاقيتيها .. 

اشرف: هي راه خدامة هنا ... هاد الشهر كامل جاب ليا الله معامن نلعب .. 

جهينة : بان ليا البنت ماشي ديال التفلية مدام نفسها عزيزة عليها .. اش بغيتي عندها اشمن لعب كاتلعب .. 

اشرف: كانهددها نفرش خباارها و كوولشي كذووبها .. هنا فالاوطيل .. 

جهينة : و لايني ماعند بووك عقل .. 

اشرف: هههه عجباتني و بغيت نلعب معاه سوق والدييك ... تبغي تشوفيها .. 

جهينة : فيين غانشووفها .. 

اشرف: تسناي .. 

هز التيليفون و قال : سيفطوها ليا .. 

و جلس : هاهي غاتجي و تعرفي علاش داير هادشي .. 

بعد شوية ... تدق الباب .. ناض يحل الباب ..لقاها قدامو كاتخنزر ياله غاتغسلو و هي توقف قدامو جهينة كاتشوف فيها ببراءة .. طلعات فيها إشراق و هبطات و ضربت الطم كاتخنزر .. 

اشرف ؛: دخلي .. 

دخلات اشراق و هي كاتلوي فمها ... ووقفات ..

جلس اشرف و حداه جهينة كاتشوف فيها .. لاحظت شوفاتها ليها ناقصين و غير كاتعوج فيها فمها و هي تقلب جهينة تاهي كاتطلع و تهبط و تخنزر .. 

إشراق قالت و هي كاتزير فكيها بغيظ : إنت حاضرتك مافيييش هاتفضل كده تزعجني كل شوية تنده لي .. مافيش غيري في الاوطيل الزفت ده و لا اييه ؟ 

جهينة غير سمعات الهضرة بالمصرية و هي نعوج فمها ماحملاتهاش .. 

اشرف بدا بضحك و نغزاتو جهينة كاتهضر فونو و نشوف فيها : صدقات هادي مصرية ... مالقيتي غيير مصرية .. شاطة ماطة تنكد علييك حياتك و زايدون ماكايحملونااش و كاينعتونا بالسحاارات و العاااهرااات 😠 ماعجباتنيش ... 

اشرف: هههه هانتي غير صبري .. 

اشراق جاها السم منين شافت معاه جهينة فالجناح و قربهم لبعضهم زاد فقصها و قالت فخاطرها : شكون هاد القزيبونية المشعكة ... منين خرجات حتى لقييت علامن نحط العين و خرجاات ليا من الجنب .. شكوون غاتكون .. ماشي ختو حيت ماكاتدي ليه فوالو .. هو اسمر و هي بيضاء .. طويل و مكدر و هي قزمة ماواصلاهش .. ولايني مش طبة مع هاد جنس العيالات ... ولكن غير بلاتي .. نحيدها من طريقي مانحييرش فيها .. 

جهينة : تاشوف كيف كاتشوف فيا .. هادي مانعطيهاش حتى نصف فرصة .. كركب الزمر اش بغيتيها .. انا نضبر ليك فمغربية بنت الناس تفهمك احسن من مصرية فيها غير الدراما و التبوحيط .. و كايعطيو 10 للضس لقلة الحياء ... 

اشرف: هههههه واتي غير صبري .. 

هز راسو فإشراق و قال : شروووقتي الغزاالة ديالي الفنوون ديالي بغيتك .. 

ماجا فين يكملها و هي طير عليه بقجة من فوق الطبلة .. 

تلاحت عليه اشراق كاتقج و مغزفة كاتسب و تعاير : كانقولك 100 مرة ماباقيش تقوليا شرووقتي و لا الخرى .. تبغيك لفعة تلدغك تجمد لبوك الماء فالركااابي يا الحماار يا قلييل الترابي يا العجل يا الحلووف الخااانز ... 😡 

جهينة غير نقزات عليه تكمشت فالقنت مخرجة عينيها بالخلعة .. بانت ليها السيدة ولات طارزة ... تسرح ليها اللسان وولات تسب بالدارجة ناضت تفك عشيرها لي دارتو تحتها و دارت فبه مابغات .. 

جهينة : آاااختي .. تي حيدي طلقي السيد .. اش قالك غااع مالنا ياك لاباس ... 😠

دفعاتها جهينة و بدات كاتشوف اشرف ووجهو كيف ولا و هو كايضحك و يتبوحط عليها ... 

جهينة : الله الله على تشيم تشيم ديالي و مادارت فيبه الهمجية الاخرى ... 

اشراق عوجاات فمها : تشييم تشيييم .. اجي لمك نوريك حتى انت ..

جراتها من شعرها ... و جهينة ماشي من العاجزين حتى هي شدااتها من شعرها و تلاحو فالارض مضاربات .. ناض اشرف يعتق .. كايفك و يغوت على الدراري لي خرجو كايجريو .. ايرتان تصدم منين شاف نونوستو فالارض كاتوكل العصا و تاكلها ... تجمعو عليهم كايفكو .. و تاوحدة فيهم مامفاكة كل وحدة كاتجر لجيهتها .. تحنا ايرتان جبد الصغعة و فك يديها من شعر اشراق غير بالزز اما الاخرى تاهي حلفت لاطلقاتها .. حتى فكوها اشرف و عز اما فؤاد تسطى بالضحك.. كل واحد شد وحدة لعندو ..

اشراق: طلق مني .. طلق نورييها .. 

جهينة : انا لي غانورييك اللفعة المسمووومة .. طلق مني 

ايرتاان : ريحييي ... من امتى وليتي تدابزي و تناتفي ااه .. 

جهينة : هي لي جبداتني .. 😠 

اشراق: ااه انا .. زيدي نكمل ليك باقي ماشبعت .. 

جهينة : اجي انت 😠😠 

ايرتان : تي ريحيي .. 

عز : خرجها من هنا .. 

اشرف: زيدي انت قدامي .. 

اشراق : طلق مني 😡😡 

جرها اشرف خرجها و ايرتان طلق جهينة .. 

جهينة : علاش شديتيمي كنتي تخليني نغيز لمها نورييها 😠 

ايرتان : هاي هاي على القبااحة ... هنبنا اش بينك و بينها اش وقع .. 

جهينة :ا .. ا هجمات على اشرف عاونتو و هي تنتفني و عاودتها 😠 

ايرتان : كاتقولي فيها .. مايسحابش ليا ماعندك عقل .. شوفي حالتك كيف ولات .. 

جهينة كاتقاد حالتها و كاتبرغم .. 

عز : ولايني هاد العيالات حمقاات ... نمشي نلبس حوايجي 😂😂😂 

فؤاد :بعدا من عندي الله يعطيك الصحة  😂😂😂😂

جهينة : هههه يااك بعدا غيزت ليها .. 

فؤاد : فتيها لديك جيه 😂😂 

ايرتان : لا حول و لا قوة الا بالله ... 

داز الوقت و هبطو الكلووب الملحق بالاوطيل ... دخلات جهينة شادة فايرتان و الدراري قدامهم .. خداو بلاصة فين يجلسو ... 

جهينة : اوووو الزدحة و نااايضة فهاد القنت ... 

اشرف : ناايضة فقلبي .. جرحتي مشاعيري و ضربتي فتاة احلامي ماصدقتيش .. 

جمعات جهينة قبضة و عطاتو للراس : انا لي ضربتها الحمااار فبلاصة ماتجي من جيهتي انا عشيييرتك ... انا لي نظل نتخاصم مع الجلاخة على قبلك دير ليا هاد التخويرة ماحشمتيش 😠 شوف نقولك هاديك لي عمرك تحلم بيها انا مرات خووك الكبير سمع كلامي و سكت ... هاديك شاطة ماطة ماتصلحش ليك .. 

اشرف: هههه احياااني عليكم انتوما العياالاات .. صدقتي مشة و كاتهبش و انا مافخباريييش .. 

جهينة : تحمد ربها ماخدمتش معاها العصا ديال بالصح اما اليوم كون مالقاو مايجمعو فيها .. 

ايرتان : والله يامك و باقي تعلودي بحال هاد البلان حتى نقادك ... قباحيتي مابقا حد يقد عليك .. 

جعينة : لي قلب عليا يلقاني .. 

عز : وانت كنتي باغي تحرشها .. هاهي حراشت اش باغي مزااال ... 

ايرتان : انا حطيت السلاح كيفما درت معاها وحلة ... 

جهينة : انا قادة براسي ... غير هنينا .. 

ايرتان كان داير دراعو وراها و قربها عندو و هضر قريب ليها : متأكدة قادة براسك ؟ 

جهينة : اااه .. قااادة براسي .. 

ايرتان : و الى انت قادة براسك انا اش بقا عندي ماندير ... 

هما كايتمعشقو و الدراري كايتغامزو و ناضو كل واحد يضبر معامن يشد الستون و يخليو ليهم الجو ... 

بعيد عليهم ... 2 دراري جالسين فالمشرب ... 

الاول : شوف نيشت على الفيكتيمات ديال اليوم ... راهم وراك .. 

دار شاف ف2 بنات جالسين مع بعضياتهم و كانت طبلتهم حدا طبلة ايرتان و جهينة .. 

التاني: هههه هي جبتي معاك نقصرو هاد الليلة .. 

الاول: هههه بطبيعة الحال على بحال هادوك يبغيو يمشيو بالخاطر ؟ *جبد ساشي من جيبو فيه 2 حبات* شوف عرفتي هادو دقة بطلة .. يشربوه يوليو هما لاصقين فيك و يطلبوك تبردهم ... فالاول غادي يدوخو و من بعد غاينشطو شوية يبداو يسخنو و الكمالة من راسك ... 

التاني: انا مابغيتهاش مرخية ميتة اصاحبي بغيتها هي دير الشغل .. راك عارف 😉

الاول: هههه ولا عالييك ... غاتهنا و تفرج فيها لي قلتيه ليها غاديرو بالفرحاات عليها .. دابا خاصنا غير كيفاش نوصلوه ليهم ...و يشربوه .. 

التاني: و لا عليك غير عطيني و ضربها عليا .. 

ناض و مشا عند واحد من السرباية و قال ليه .. 

التاني: شوف عندي ليك واحد البلان.. الى درتيه بحلاوتك .. 

شاف السرباي حواليه و قال : مرحبا .. 

التاني: شتي هادوك ال2 لي مباااشرة قدامك .. 

شاف فجهينة و ايرتان و قال ليه : اه مالهم .. 

التاني: بغيتك تعطيهم هادشي فكيسانهم .. *جبد كمشة الفلوس و خشاها فجيبو * هادشي غير تدوريرة منين ديرها نكمل ليك .. 

ضحك السرباي و قال مرحبا و مشا .. رجع الدري و جلس حدا صاحبو : صافي تقضى الغرض .. دابا ماعلينا غير نتسناو .. 

الاول: هههههه يوم زهرنا ... 

التاني : وهو كذلك هههههه 

تحط لايرتان و جهينة المشروبات الغير كحولية لي طلبو ...اما الدراري كايسكرو فقنات اخرى ماكيشربوش قدام جهينة (🐸) داز السرباي و عطا للبنات لي حداهم حتى هما .. شافو فيهم الدراري و بداو يضحكو عند بالهم بلي البنات لي شربو داك الدروغ ... 

ايرتان شرب نصف كاسو و رحع تكا فالكورسي و جهينة كتشرب شوية بشوية و تشطح وغير فبلاصتها .. 

جهينة : نوض نشطحو شوية .. 

ايرتان : شوفي فوجهي .. واش كنبان ليك بحال شي واحد غاينوص يشطح.. ريحي و شدي الارض الله يرضي عليك ..

جهينة : عارفاك كاتموت على النكد .. يااخ تفووو .. 

شربو كيسانهم و هما كاينغرو و يتناغرو حتى التاحقو بيهم الدراري و جلسو .. 

عز : مالكم لصقتو هنا ... 

ايرتان رجع راسو و تكاه على المسند ... و جهينة حاطة راسها على يدها .. 

جهينة : مابغاش يشطح معايا الجلاخة لاخر .. هههه شفتك اش درتي اقلييل احياء ههههههه 

عز : ههههه اش درت ... 

جهينة : لا مانقووولش حشوووومة ههههههه 

فؤاد : اهيااا .. شي حاجة واقعة هنا .. 

اشرف: جهينة سافا مالك .. 

جهينة : سميتي هي .. جهينة الطاهري .. و قريب غاتولي جهينة الطاهري التازي ... ماشي جهينة سافا مالك المكلخ ... 

اشرف: هههههه كون ماكنت نعرفك كون قلت ضربتي الزطلة 

فؤاد كايململ ايرتان : ايرتان ... مالك نوووض ... 

ايرتان : فوتني لهيه راسي كايفتل ... 

جهينة : هههه خليه تما معمض عينيه .. اصلا من الصباح و انا حاضيا وجهو لايكون حاضي شي XL ضروني عينيا ...ههه ولكن تفكرت بلي جلاختي عندو غير معايا انا بوحدي .. هههه انا اسعد امرأة فالعااالم هههه خاص كووولشي يعرفها ... 

طلعات فوق الطبلة : و ناض اشرف مضارب معاها تهبط... 

جهينة : سمعووو ياقوم قريش ... سمعو العريااانااات سمعو السكااايرية ... انا عندي واحد الساااط جلاااخة و قبييييح و لكن دياااالي بووووووحدي ... انا اول وحدة غادووووق حل... 

هبطها اشرف سد فمها و هو غايتسطى بالضحك و هي كاترطى ليه و تضربو و الدراري كايضحكو مافاهميين وااالو .. حل اي تان عينيه و راسو كايفتل و قال .. 

ايرتان جر جهينة لعندو : طلق البرهوووشة لهنا ... 

اشرف: ههههههه سكرااان و حاضي حوااايجو 😂😂 

عز : هادو مالهم ... ايرتان واش شربتو شي حاجة ؟ 

جهينة مبوقة : ااااه شربنا ... ولكن ماشي داك استغفر الله لي كاتشربوووه .. 

فؤاد هز كاسهم كايشم : عصير عادي .. هادو مالهم .. 

عز : لا لا باااينة شاربين ... ياكما دار ليهم شي حد شي حاجة .. 

فؤاد : وعلاش غايديرو .. هاهما باقين فبلايصهم تاحد ماوصلهم ... 

اشرف: فشكااال هادشي ...

جهينة دازت من حداها وحدة لابسة كسوة زرقاء كاتبري و قصيرة و دايرة ماكياج كتيير عينيها فالابيض و الازرق و مدخلة الاحمر و عكر احمر .. بقات جهينة متبعاها .. حتى وقفات قدامها غاديا جاية مشاداش التوازن و قالت ليها : ماااعرفتتتش فييين شفتك ... اااه تفكرت .. كاتشبهي لقرعة بيبسييي ... بصرااحة مانصحكش تمشي بوجهك هكا .. مع هاد الرجال العطشانين يقدرو يشربو وجهك 😂😂😂 

ناض عز جرها خشاها وسطهم و هو كايسد فمها و فؤاد حابس الضحكة كايعتاذر من البنت ... اما اشرف شد كرشو كايمسح الدموووع بالضحك على كلااام جهينة .. 

اشرف: ناااري مسخوووة الواليدييبن منيبن كاتجييب هاد الهضوووور كون غييير صورتها 😂😂😂😂 الرجال العطشاانين .. فرفراتني بنت الهم 😂😂😂 

جهينة : اوووف .. فين هي بيبسي ... عاد كانت هنا .. اش وقع ... فين جلاااختي بغيت نبووسو .. 

اشرف: ههههههه نووض نديو هاد الكارتة للدار لا دير لينا شي فضيحة اكتر من هادي راه ايرتان ودع😂😂 

عز هز جهينة بين يديه و هي كاتضرب فيه و تعاير و ناض اشرف و فؤاد تحاماو على ايرتان ...و خرجوهم ركبوهم لور و حداهم اشرف و القدام الدراري ... 

ايرتان شبه مغيب و جهينة غير كاتهضر و تحيد التجاكيطة .. و اشرف يرجعها و يسكتها .. 

وصلو و هز اشرف جهينة طلعها .. و الدراري محاميين على ايرتان ... وصلو للدار و خداو السوارت من جيبو و حلوها .. دخل اشرف جهينة لبيتها و حطها ... و الدراري حطوه فالصالون حيد ليه فؤاد صباطو .. و تجاكيطتو .. و قاد ليه بلاصتو .. 

عز : فنظرك يبقا واحد فينا يبات معاهم .. 

فؤاد : متكاين لاش .. ايرتان راه مغيب اصاحبي .. و جهينة راه مسدود عليها فبيتها .. راه غاينعيو مايعقلو حتال غدا و غدا نرجعو عندهم و نشوفو اش وقع ليهم .. 

شاف عز فايرتان بان ليه مغيب و ماكاينة حتى فرصة انه يفيق من بعد .. مشاو عند اشرف لقاوه حطها فالبيت باقية كاتبرغم و عينيها مسدودين .. 

اشرف: ههه واللهتا طلية مع هادي .. مبوقة على الآخر غدا نعاود ليها هادشي ماغاتيقش ..هههه

عز : زيد قدامي .. نمشيو راه مشا الحال ... 

خرجو لدراري من بيتها و غطاها اشرف بعدما حيد ليها سبرديلتها ... طفا الضو وخرج الجراء من حداها باش مايبقاوش مبرزطينها و حطهم فبطانيتهم فالارض ... 

خرجو الدراري و طفاو الضواو و هبطو كايضحكو على المواقف لي دارت جهينة .... 

غير خرجو جهينة تقلبت فبلاصتها .. كاتحس بالسخونية و خاصة غطاها اشرف ... لاحت الغطا من عليها و علامات الانزعاج بادية فملامحها... حيدات التجاكيط و تيشورت طوعاتهم و الديباردور لي كانت لابسة ...

جهينة جلسات كاتحك ذاتها: اوووف .. اشنو هادشي .. فين انا ... 

ناضت من بلاصتها و ذاتها كاتزدح و سخونة .. حتى من شعرها قنطها ... وقفات كاتمشا و عينيها شبه مسدودة ... بقات كاتقلب كيفاش تحل اباب حيت هي غير وااعية بشنو كادير الولف ديالها للمكان لي مخليها تحرك باريحية ... خرجات من البيت دخلات للصالة بان ليها ايرتان ناعس .. و ضارب فيه الضو لي مدخلو الشرجم ديال الزنقة (البوطوات ديال الزنقة) ... كان حتى هو محيد الحوايج الفوقانيين من السهتة لي حس بيها .. قربات لايرتان جبدات يدو و تخشات حداه و حطات يدها على سدرو هزات راسها كاتشوف فوجهو .. مدات يدها على حنكو كاتلعب بلحيتو .. قدرات تفيقو بلمساتها الخفاف .. باس جبهتها و حط يدو عليها ... حس بها عارية و لكن ماشي واعي باش يخاصم عليها... خلا يدو على خصرها و كايقرص لحمها بخفة بيديه ... السداري ضيق الشي لي كايخليها تخشا فيه اكتر و اكتر باش ماكيحش ... حتى ناضت و طلعات فوق ذاتو و نعسات عليه ... حطات وجهها بين عنقو و كتفو ..حس بانفاسها عليه سخونة حركات فيه المشاعر الخطيرة ... ولكن هو ولف يكبت ديك المشاعر ماصدر منو حتى ردة فعل من غير يديه لي على ظهرها العاري ... ريحتو كانت مصدر جذب خطيير ليه .. بحيت خلاتها تبوسو .. من قبلة ولات كاتلحس و دوز لسانها(تفكرو مزيااان بلي هما ماواعيينش ) .. هادشي كولو كان كايضور فعقلها فينما كانت كاتعنقو ...و هاد المرة طبقاتها حيت ماكاينش العقل لي يردعها و يقول ليها هذا خطأ ... تسارعت نبضات ايرتان و ذاتو بدات تزدح عاد زادت شعلاتو.. هز وجهها لعندو باش يسقي عطشو بماء عشقها ... يديه كانو شادين فكها بقوة .. القبلة ماكانتش بريئة كيف دوك 2 مرات لي فاتو .. و انما عامرة بالشهوة و ماليها غير دافع واحد ... بادلاتو حتى هي بكل قوتها ... من قبلة ولاو فالملامسات ... و هكا الامور تطورات حتى ولات تحت منو ... و هو لي ولا المسيطر و الحاكم فزمام الامور ... ووقع لي ماكانش خاصو يوقع ... 

اصبح الصباح ... حلات جهينة عينيها ... الضبابة بسبب الاشعة الضوئية .. حكات عينيها عاد وضاحت شوية الرؤية .. كان السقف فيه الجبص عرفات راسها ناعسة فالصالون و لكن ماعاقلاش كيفاش حتى وصلات هنا ... حسات بيدين محاوطينها ... دورات وجهها شافت وجه محبوبها غارق فنعاسو ... تبسمت شوية كايحمقها منظرو البريئ فاش كايكون ناعس لي معاكس تماما لفاش كايكون واعي و كايخنزر ... استغربات فاش شافت سدرو عاري و عاد لاحظت بمدى حميمية قربو و لمستو ليها .. بحيت انها كانت حاسة ببشرتو ملامسة بشرتها .. حدرات عينيها تشوف لقات راسها كيف خلقها الله و حتى هو ... فجأة تسارعت نبظااات قلبها و غوتت بحر جهدها و طاحت فالارض ... فاق اي تان مفزوع جالس .. جرات الغطا ديال الطابلة سترات عايبها ... ومنين عرف نوعية الوضع حط وسادة على عيبو سترو ... عينيه خارجين فالمكان فين ناعسين و الاهم الوضعية لي فاقو عليها ... ماقدروش يشوفو فبعضياتهم ناضت جهينة كاتجري دخلات للبيت سدات عليها و ايرتان بقا كايشوف بغير تصدييق فشنو دار و وعدو لراسو بالمحافظة عليها تلاشا بحال شي ورق محروق ... وقف لبس سروالو ... و جلس شاد راسو و كاياسترجع ذكريات البارح ... لي اغلبهم بقاو مترسخين فعقلو ... تجنن و تسطى و مابغاش يرضى بواقع ان لي وقع راه بالصح وقع .. ناض كايفرغ الغضب ديالو فابدي حاجة قدامو هرس كولشي كايغوت و يبرد اعصابو .. اما جهينة ورى الباب جالسة كاتبكي و تندب على الحرام لي طاحت فيه ... و فتقة امها لي خذلاتها ... سمعات عواء ذاك الذيب الغاضب برى و زاد مابيها ... وقفات قدام المراية كاتشوف وجهها طلقات الغطاء .. و لقات آتار اصابعو مصورة فجنابها ... و الم خفييف تحتها .. عرفات بلي داكشي نييت وقع و كل انش من جسمها كايتبت ذلك ... 

لبسات حوايجها ... و بقات كاتشوف فالفراغ .. افكارها مخربقة و ماعارفاش لحد دابا كيفاش حتى وقع داكشي مابقاتش سمعات حسو مزال ... و خرجات لبرى .. لقات الصالة كولها مشقلبة ... بركت كاتبكي فالارض و كلابها كايدورو حداها ... كون ماكانتش كاتعرف ايرتان مزيان و كاتيق فيه كانت غاتقول هو لي ضحك عليا و دوخني و دار فيا مابغا و لكن ردة فعلو كاتبعد هاد الاحتمال ... شوفاتو ليها كانت مهرسة و مكسورة .. بحال الى ارتاكب اعظم ذنب لي غايكلفو اغلى ماعندو ... دابا منين فكرات فالموضوع الشي الوحيد لي بقا فيها هو الفعل الحرام و تقة امها لي خدلاتها .. تاحاجة اخرى من غير هادشي ماهمها .. ماهماتهاش ضياع ديك النقيطة لي كايسميوها الشرف ... حيت الى ماكانتش لايرتان فراه عمرها تكون لغيرو ... و بهذا ماكاينش لي يحاسبها و يقولها انت ماشي شريفة .. بقا فيها ايرتان .. عارفة دابا غايكون كايحس بالذنب و مايقدرش يشوف وجهها .. فاش كانت كاتلبس رجعو ليها شي لحظات .. و قدرات تستنتج بلي هي لي مشات عندو .. على كل الحال الموضوع ماوقعش فالبيت مسحات دموعها و ناضت ... هزات تيلي و عيطات لماماها ... ماهي الى تواني و جاوباتها .. 

الام زكية : بنتي الحبيبة ... 

جهينة : ماما الحبيبة كيف صبحتي لاباس .. 

الام: باقي شي صباح هذا .. الظهر هذا احبيبتي و لاةقولي ليا باقي هاد القاعدة ديال النعاس معطلة مابغا تحيديها ... 

جهينة كاتحبس البكية : انت عارفة اماما الويكاند هذا 

الام : صوتك ماعاجبنيش ابنتي .. ياك لاباس شكون مقلقك .. ياكما داك الولد لي جا معاك داك النهار نسيت سميتو ههه 

جهينة زادت كاتبكي و لكن جمعاتها : و علاش اماما هو لي غايقلقني .. 

الام: هههه بغيتي تقولي ليا بعد هاد المدة كاملة ماولا بيناتكم والو ... احياني علييك العفييريتة .. اشنو باقي ماعول يجي يخطبك مني و عييت نتسنى ههه 

جهينة كاتدؤها على قد معرفتها بالموضوع: ههه يخطبني اماما ؟ واش بغيتيني نجيبو بالزز و لا اما نطلب منو الزواج راه هو لي خاصو يتقدم ليا .. 

الام: لا ابنتي .. انت غالطة .. واش ربي فرض الراجل هو لي بطلب الزواج .. لا مافيها عيب لافاتحتيه انت ماعرفتي يكون هو لي حشمان يطلب منك .. و على شكون لي تقدم الاول فزواجنا انا وباك .. انا لي فاتحتو فالموضوع ... فاتحيه اليوم ابنتي الى قالك لا اجي شكي عند ميمتك ... 

جهينة : واخا اماما .. لا رفضتي غاتحملي انت دموعي و خنونتي .. 

الام: انت راك عمري احبيبتي نهزك فرموشي و دموعك غاليين عليا .. باقي ماتزاد لي يبكي حبيبة قلبي الصغيرة ديالي .. 

بكات جهينة على كلامها و كان مفعولو بحال السم كاينهش داتها من الداخل خرجات بصوت تقيل و مضغوط : سمحي ليا اماما .. 

الام: وعلاش غانسامحك احبيبة ديالي .. 

جهينة : على كولشي ... كانبغيك امماما .. 

الام: كانبغيك ابنتي الحبيبة ... 

قطعات جهينة مع امها و مسحات دموعها .. و مافبالها غير تلقا ايرتان و تعنقو و تقول ليه ياله نتزوجو بلا مانفكرو 2 مرات ... 

اول بلاصة طاحت فبالها هو السطح حيت ولا كايقيل فيه فاش كايكون فالدار ... 

سدات الدار و طلعات بالشوية .. فرحات منين سمعات صوتو و سرعان ما تلاشت ديك الابتسامة منين سمعات كلامو لي خلاها توقف تصنت ... 

ايرتان كايهضر فتيلي : كيفاش كاتقول ليا تهدااااان .. كيفاش نتهداااان ... انا كانقووول ليييك درت اكبببر غلط فحياااتي حتتتتى انني عمري حسيييت بالخزي منيين كنت كانقتل و لا كانعدب بنااادم حتى حسيييت بيييه دااابا ... كييبفاش غاندييير نتعااايش مع هاااد الغلط لي دااارت ... 

عز : اكيبد جهينة عاارفة بلي مادرتيش داكشي لخااطرك .. هضر معاها و عرف رأيها الاول .. و عاد حكم .. و صارحها بكولشي صافي جا الوقت ... و تزوجها نيشان ... و من بعد الزواج يحم الله فالتدرييب .. انا غانهضر مع البووص ... 

ايرتان : كاتضحك عليا .. داااباا و حنااا فهاااد الحااالة غانقول ليها سمعي اجهينة انا عضو من اعضاء واحد المنظمة عالمية غير قانونية مهمتي كانقتل و نجزر بنااادم ... واااش كااااتضحاااك علليااا ال**** بوووك .. 😡

عز : واااا الزمر ... واش انت حمق غااتقولها ليبها بهااد الطريقة و زااايدون انت عااارف هادشي ماااشي صحييح منظمتنا اساسها نبيل و حنا كانحميو الابرياء و كانخلصوهم من المجرمين و كانديرو داكشي لي ماكايقدوش البوليس يديروه تحت اسم القاانووون ...يعنني فرق كبييير بينا و بين المجرميييين .. 

وقفات جهينة دايرة يديها على فمها شاداه من اي صوت ممكن يصدر .. هبطات من عينيها دمعة حرقاتها و قلبها و عقلها ب2 غايسكتو من الصدمة .. هبطات فحالها كاتجري لدارها و عروق راسها كايضربو و الالف الافكار و الاحتمالات كايشوشو عليها ... و الاهم الغضب و الكره و الالم و الحزن و الغذر و الاحساس بالغباء لازموها ...

ايرتان : انت ماااااعارفش جهينة كيفاااش كاتفكر ... انت ماعارف وااالو كنت مخطط لكولشي و كيفاش غانقول ليها و كيفاش غانقنعها .. ولكن دابا كولشي تدمر ... كولشييي تضراااب فال0 ... 

بعد التيلي من ودنيبه و زدحو مع الارض حتى ولا مجرد اشلاء ... جلس فالارض شاد راسو و الدمعة على عينييه و هادي حاجة نادرة الوقوووع ... لان قلب ايرتان قساح فوقت مبكر و ماعمرو خلا لهاد مشاعر الضعف الغبية كيف كايسميها تتحكم فيه .. ولكن الظاهر دابا قلبو لان و سبابو بنت قلبو ... 

منين قطع ايرتان على عز ... خرج من غرفتو عند الدراري لي مانو جالسين فاوسط الجناح .. 

عز : الدراري قوادت علينا .. 

فؤاد : اش كاين ؟ 

عز دوز يدو على مؤخر راسو و قال : ايرتان و جهينة ... 

فؤاد : هضر مالهم ؟ 

عز : نعسو مع بعضياتهم .. 

اشرف: ههه و على هما امتى ماكاينعسوش مع معضياتهم 

عز : فهم الزمر .. تجاوزو حدودهم .. 

فؤاد ناض : لا ماتقوولهاش .. 

اشرف: ههههه وااايلي كيف داارو ليها و هما كانو مبوقين حتى خطوة وحدة مايعرفوش يديروها .. 

عز : الوضع جدي .. ماكانضحكش معاكم .. ايرتان معصب و فحالة ماتسمحش ليه يبقى معاها راس فالراس ... غادي نمشي عندهم .. فؤاد عيط للبوص علمو بلي وقع .. اشرف ياه معايا .. 

ناض اشرف مصدوم منين تبت ليه عز بلي الوضع خدا منحى جدي .. و خرجو ب2 و بقا فؤاد باش يعلم البوص بلي واقع ... 

منين دخلات جهينة لدار سدات الباب ... وقفات راخية يديها و ذاتها كاملة ... وجهها باهت من اي تعبيير .. و نظرتها فارغة ... كاترمش بتقل كبيير .. فاشلة و رجليها مهازينهاش ... آش هادشي بحق الرحمان ... كيفاش الامور تبدلات بين ليلة و ضحاها ... كيفاش وقع هادشي كيفاش دواها و لا داها ؟ ... كيفاش لي ديما كايضحكها و كايقويها و يمسح دمعتها و لا هو لي المسبب لبها فهاد الضعف و الحزن؟ ... كيفاش قدر يضحك عليها؟ .. كيفاش حطها فموضع الغبية ؟... كيفاش تحكم فمصيرها بلا ماياخد رأيها ؟.. كيفاش كان اناني لهاد الدرجة و عطى لراسو الحق يدير فيها لي بغا ؟.. كيفاش قدر يدير فقلبها الضعيف هادشي؟ .. من ديما كانت كاتساءل على غموضو و لكن كانت مرتاحة معاه حيت كاتيق فيه .. و كانت دايرة احتمال ان غموضو ماهو غير مرتابط بالماضي ديالو .. كانت كاتيق فيه تقة عمياء .. لدرجة خلاتو يشرك معاها الفراش حيت عارفاه كايبغيها حب ابيض و صافي نقي ... عمرو قلل عليها الاداب و لا تجاوز معاها حدو .. و هكا تأكدات من نيتو ... كانت كاتبغييه بكل معنى للكلمة ..شافت ايرتان الحقيقي و قدراات تعايش معاه و تحمل مزاجيتو و برودو و غموضو و احيانا قسوتو... تعايشت مع طريقة حبو ليها واخا ماكانتش مناسباها و لكن حيت عارفاه كيفاش كايبغي ضحات و تفهماتو و تقبلاتو كيف هو... الحب شي حاجة لي ماكتوقفش غير على داك الشعور بين الشخصين و انما حتى على قدرتهم على التعايش و التكيف مع اوضاع بعضهم ... و لكن ماتقدرش تعيش مع شخص عارفاه قاتل و الاسوء هاذي خدمتو .. ماتقدرش تعيش مع واحد كذب عليها و استغباها و خلاها تحت الامر الواقع ... ماهمهاش داكشي لي وقع البارح حيت عارفة فقرارة نفسها بلي هي من حقو هو بوحدو و هو كذلك ... الوقت كولو كايقولها انت بنت قلبي و ام ولادي ... و هكا تأكدت بلي حتى هي الى ماكانش غايكون زوجها و اب ولادها فراه حتى واحد من غيرو ماغايكون ... و لكن شنو هادشي دابا .. اشنو وقع ... كيفاش وصلو لهاد الحد بهاد السرعة .. كولشي هاد الافكار دازت فراسها و هي كاتمسح دموعها ... و حاسمة قرارها .. تخرجو من حياتها بدون تفكيير فالامر 2 مرات ... مسحات دمووعها و دخلات للغرفة بالجرى .. جبدات حوايجو خشاتهم فالساك ... جمعات كولشي الامور لي كاتعلق بيه فسيكانو .. كتوبتو اجهزتو كووولشي ... حطاتهم قدام الباب ... و دخلات تجيب لي باقي .. فهاد اللحظة هبط ايرتان ...و كولو امل فانه يقنعها بالزواج و هي عارفة كولشي علييه ... حيت عارف الجانب المغامر لي فجهينة ممكن يغلب الجانب الاخلاقي الانساني .. و الحب بعض النوبات كايخلق المعجزات ... و لكن كولشي تضرب ف0 فاش شاف حاجياتو مليوحة فالارض بإهمال بل بكره ... جات رمات قدامو لي تبقا و هزات عينيها فيه ... رمقاتو بنظرة زعزعات قلبو من بلاصتو و وقفات عقلو من التفكير ... 

جهينة رمات كلامها فوجهو بكره و تحذير: غاتهز زبلك و غاترجع منيبن جيتي .. مابقييينش بااغية نشوف وجهك مزاال ... 

دارت باش تدخل و شد دراعها دورها عندو : جهينة .. ماديريش هكا سمعيني انا ماعرفتش كيفاش درت هادشي ... كانقسم ليك بغلاوة روحك عندي ماكنت وااعي .. خلينا نهضرو و نلقاو حل .. 

جهينة نطرات منو دراعها : ماتقيسش فيا ... كنت عارفاك انسان شرييير و ماشي عادي و لكن ماشي لهاد الدرجة ... انا تقت فيك .. انا عطيتك قلبي و روحي و تخليت على شحال من حاجة ورايا باش نكون معاك ... كلام الناس و تقة ماما كولشي باش تبقى فجنبي ... وشوف انت باش جازيتيني ؟ اه .. هاذشي لي كانستاهل منك ...

كانت دمعة كاترقص فعينيه و هو باغي يوصل ليها بلي هي فاهمة غلط و بلي مادارش داكشي على طوعو و هو لي كان محافظ عليها للحلال و عمرو كان يديرها و هو فوعيو ... هز يديه الباردين و حطهم على خدودها قرب وجهها ليه و فعينيها كايشوف ...على الاقل الى ماسمعاتش لي على لسانو تشوف لي فعينيه .. 

ايرتان : انا كانحلف ليك .. بلي ماكنتش فوعيي .. باش بغيتي تيقي فيا .. ماعرفتش كيفاش وقع حتى دخت .. حتى انت كنتي بحالي .. ب2 غلطنا .. و غانصلحو الغلط ديالنا ...تيقي فيا ... جهينة عافاك فكري بعقلك ...

يتبع