قدري أن أحبك الجزء الثامن

بقات حامياها غوات حتى تحلات عليها الخايمة و طل عليها ايرتان ... 

ايرتان: صبحنا عالله انعاسة مالك حامياها على الصباح .. 

جهينة : اش هادشي 😨 

ايرتان: هههههاد الصويت خلعك .. خورجي خورجي ... 

خرجات للبرى و بدات تكمش فعينيها من الشعا و كتكسل ... 

عاودت سمعات الطلقات و قفزت .. 

جهينة: اويلي اش هادشي ... 

ايرتان : الدراري كيصيدو ... 

جهينة: يااي بغيت نشوف .. فين كاينين ... 

ايرتان :غسلي وجهك بعدا و دوزي تفطري و ديك الساعة سيري .. 

ماجا فين يكمل هضرتو لقاها طارت كتحنقز و تابعة الصوت ... 

ايرتان تنهد و رجع جلس شد كتابو ... 

جهينة وصلات عندهم كتحنقز ..

اشرف: صباح الخيير النعاسة ... 

عز: هههه فيقناك .. سمعنا غواتك من هنا ... 

جهينة كتقرب عندهم : اش هادشي 😮 عمري شفت السلاح واش حقيقي ؟ 

فؤاد : ههه لا ديال بلعاني ... 

جهينة: عطيني نجرب ..

ايرتان جا تبعها : واياك وتعطيه ليها ... 

جهينة دارت خنزرات فيه : وانت مالك 😠 

ايرتان : الصباح هذا باقي مافطرتيش حتى فطورك ونايضة نيشان تزبليها ... جمعات يدها و خنزرات ماعاجبها حال ... عز غمزو يرطب معاها ... 

تقدم ليها و خدا السلاح من عند عز .. 

ايرتان : ياله اجي ... 

قربات و باقا معوجة فمها ... 

ايرتان : ماكاتهناي حتى كاتوصلي لي بغيتي ... 

هزات راسها و شلاقمها بعزة نفس كتملق فعينيها ... جرها من حوايجها .. لي اصلا حوايجو لي خلاها تلبسهم ... وقفها قدامو مباشرة .. شد ايدها و حطهم بوضعية حمل السلاح تحت توجيهاتو ... و نيش فالسماء كيقلب على طريدتو ... 

جهينة : فهمت و لكن شنو كاتصيدو .. 

اشرف: النعام ... 

فؤاد: السبوعة .. 

عز: الدبوبة .. 

ب3 : ههههععععههه 

جهينة: كاطنزو عليا 😠 

ايرتان : وانت لي كاطنزي علينا .. كانيش للسماء و كاتيدسولي شنو كانصيدو ؟ 

جهينة : لي قصدت زعما واش نيت كتصيدو الطيور و لا غير كتنيشو هكاك حيت ماتعطينيش خاطري نقتل الطيور و مادارو ليا والو .. 😟 

ايرتان شاف فيها و قال : وعلاش كاتلاحي .. خلي هادشي للي ماعندهم قلب ... 

جهينة : لا ... بغيت نيش ولكن ماشي للطيور و حتى انتوما حبسو مضربوهومش .. كنتو كتخلقو فيهم باش تقتلوهم 😠 

اشرف : ههه لااا ... 

جهينة: اوى جمعو علينا قراطسكم و لا انا غنعطبكم بيهم كيف عطبت لي سبقكم ... 

ايرتان دار يدو على جنبو و الاخرى شد بيها راسو و كيضحك و الدراري كيسمعو و يضحكو حتى دار فؤاد تحية عسكرية و قال .. ويي شااف ... 

اشرف: هاي هاي على جهينة و القباحة .. فين كنتي مخبياها 😂😂 

جهينة : ماكاين لاقباحة لا والو انا قلت ليكم و صافي بقاو فيا مساكن .. 

عز : هانتي الالا واللهما نبقاو نقتلوهم غير بقاي لينا على خاطرك .. 

جهينة : هههه عارفاكم قلوبكم حنان .. راه ماكاينش منكم ... 

ضحكو ليها الدراري و هما كايشوفو فبعضياتهم ... حتى قالت .. 

جهينة: اولا ابونغ بونغ ؟ ...😀😀

غير سمعها ايرتان و ضرب جبهتو بالفقصة و هي كتضحك .. الدراري سمعو اش قالت و بقاو كيضحكو.. 

اشرف: اشنو هو هاد بونغ بونغ عاوتاني ... 

جخينة: اسم الدلع ديال ايرتان 😄😄 

اشرف: اممم بونغ بوزنغ .. جا معاه 😂😂😂 

ايرتان خنزر فيه .. 

جهينة: ههه صافي حتا انت ما غانسميكم .. 

هزات صبعها نحو اشرف 

جهينة : انت تشيم تشيم ... و انت *عز* مين مين ... وانت * فؤاد * وين وين ... هههه اوووه كيووووت جاو معاكم ... 😁😁 

هي كتضحك و تفرنس بحال الى ضاربة الجوانات و هما واقفين قدامها حالين فامهم كل زاحد قد الحلوف مسمياهم وين وين ومين مين رداتهم كيف النونوسات مرمدات بيهم الارض ... 

ايرتان وراها داير ايدو فجنابو و كايشوف فيهم كيشوفو فيه بوجوه جامدة .. 

ايرتان كيطنز:اوى ا مين مين و وين وين و تشيم تشيم ... اش بان ليكم فسمياتكم الجداد .. 

جهينة؛ جاو معاهم بطبيعة الحال حيت عطيتو ليكم من قلبي بكل حب ...حيت هادو كانو الاسماء ديال اعز صحاب عندي فصغري .. دابا ولاو حقيقين 😂😂 سبحان الله كتشبهو ليهم ... 

اشرف : aucun respect القزمة ... 

جهينة: 😂😂😂 بالعكس .. حشومة تقول هكاك .. 

ايرتان :سيرو سيرو شوفو شي ماطيبو و فكو حريرة الطوموبيل حيت العشية غانرجعو ... 

جهينة: اواه صاافي .. 

ايرتان : اوى اش بغيتي .. يوماين لي طلبتي دوزناها ..

شافوهم الدراري غاينوضوها و خلاوهم يضبرو راسهم ..

جهينة ؛ ياخ مافيك مايزيد شي يوم اخر .. 

ايرتان : وتقولي ... 

جهينة : غاعلا الجلاخة عاجبك راسك  😐 

ايرتان : دابان نبربق ريتك ؟ 

عطاتو وجها : ياله بربق .. *زادت قربت و مخرجة ليه دلقومها * ياله بربق ... شتي فيك غير الهض...

مجات فبن تكملها لقانو لواها هي و دراعها و شدها حكمها لعندو مابقاتش قادرة تحرك و كتغوت .. 

جهينة: اااي .. العجل يدي يدي ... 

ايرتان : راه شحال و انا كانجمعهم لريتك ... و لاانت باغية تحشمي ... شنو دابا ... 

جهينة: كنسحب كلامي .. انا لي جلاخة .. اااي طلق يدي .. 

طلقها و بدات تلوي فيها ... 

جهينة: اهيا وعدي شحال عنيف .. رولاكس مالك اصاحبي ... 

ايرتان : صافي دابا بقا ليك غير دور عزري ديريه .. 

جهينة : هاد الانوتة كاملة تقول عليها عزري .. حشومة .. 

ايرتان : اجي الانوتة لهنا اجي... 

جهينة : باش تلوي ليا يدي .. 

ايرتان : غير اجي ... نكملو درس السلاح ....الحمقة ...

ايرتان عطاها السلاح : شدي هذا ديري بيه شي حاجة اقسم بالله ماغانرحمك .. 

جهينة؛ كون هاني .. على هذا معاه اللعب .. 

مشا وقف فوق حجرة كبيرة شي 3 قراعي بلاستيك و رجع عندها .. 

ايرتان : ياله قربي .. 

قربات و هي غاطير بالفرحة ... حكمها كيف دار قبل كيوجها و يوريها شنو دير .. 

ايرتان : ياله ركزي على الهذف ديالك و ماطلقي حتى تحسبي من 1 ل3 .. 

ماجا فين يكملها حتى سمع باالق و تلاح السلاح اللور بالجهد ديالو و اصلا ماكانتش شادا مزيان .. بقات جهينة واقفة و مصدومة بنفس الوضعية هي و ايرتان .. 

جهينة:اويلي ؟ اش وقع ؟ 😦 

ايرتان غمض عينيه مزيرهم كيتغدد .. طلقات منو و دارت عندو .. 

جهينة: اش وقع فين السلاح ؟* دارت هزاتو * علاش طار ؟ 

ايرتان : راه انا لي خاص ديلمي العقل لي دايرو فيك ... *تم غادي* ...

جهينة كتنقز و تطلب : علفاك عافاك واللهما نعاود .. احمباك ... 

ايرتان : والو و تقولي ... دوزي تفطري الله يهنيني منك .. من نهار دخلتي لحياتي و انا عايش فالاعصاب و الستريس .. انت حمقاء و انا غانحماق ... 

جهينة :هههه *شدات فدراعو * وينو تعصب ... كيعجبني نعصبك ... 

ايرتان دار عندها خنزر فيها .. 

جهينة : اووكوك .. *كاتوريه دراعها* شوف لحمي بورش .. 

ايرتان دور وجهو حيت جاتو الضحكة .. 

وصلو و طلقات منو و جليات حدا اشرف لي خدام كيسرط .. 

جهينة: باراكة عليك اتشيم تشيم خلي ليا .. 

اشرف: سبقتك ... 

جهينة دارت يدها على ظهرو و تقابلت معاه كتشوف فيه كياكل .. مقابلة الدغمة حتى كاتوصل لفمو و ترجع تشوف فالدغمة الاخرى .. 

اشرف شاف فيها و قرب دغمة لفمها : بغيتي ؟ 

جهينة فرحات و هزات راسها .. 

اشرف : لاءح ... انت غضرتيني ... 

جهينة: اولي فاش غضرتك .. 

اشرف دغيا نسيتي البارح ؟ 

جهينة هزات راسها لور كتضحك : واللهما عند حسك العقل ... كون تعرف اش وقع لينا البارح كون بكيتي فبلاصتي .. 

اشرف: هههه عاود لينا ايرتان .. ماعندي مايتسالك صدقتي مراة و نصف .. 

جهينة: اوى شفتي قولها لداك الجلاخة ... لي كيعرف غير يخاصم و يسب و يآمر و يخرج فيا ديك روح الشريرة ديالو ... 

ايرتان : نوضي تهزي من تم جمعي قشك ... 

جهينة لاشرف: هانتا شوف ... اش كيدير ليا .. 

اشرف : اوى شتي انت لي مشيتي معاه .. انا راه نديرك اميرة احسن منو هو .. 

جهينة : هههههههههههه خسارة زربت ووحلت دابا شنو نحل ... 

اشرف: انا عندي كرامتي صافي دابا فات الفوت ... 

جهينة : حشومة عليك و انا لي قررت نتخلى على الماضي و نديرك انت الحاضر .. 

اشرف *ضار عندها شد يدها* اسوء ماكاين فالخب .. هو كيعفط على كرامتك .. و هادشي لي وقع ليا .. غانتخلى على كرامتي و غانتبعك واعديني عمرك تغدريني مزال .. 😟 

جهينة شدات فيدو : تيق فيا ... كانواعدك ... 

ماحسات غير يد شدات فقرفادتها و نوضاتها من حوايجها ... وقفها قدامو كيف الفلووس 

ايرتان : واش انت ماكاتهديش ؟ ماكايقضي فيك لاتهديد لا تخنزير ... كولشي جمعتيه الضسارة و القباحة و التسطية و التبهليل ... 

جهينة : دابا مالك اش درت ليك ... لا شانق عليا .. حيد 😠 *كتركل بدون فائدة *

ايرتان : والو جاياني عليك هاد الصباح ... غاتدخلي تجمعي قشك راه العشية غانرجعو فحالنا ... 

جهينة: وا الحكرة هادي 😠 كادور دور و تجي تشنق عليا .. واكون غير كنت قدك فالطول كون جمعت خويا بنصف .. 

ايرتان :هههه تي دخلي كوني تحشمي .. 

مشات كتخبط فرجليها و دخلات لخيمتها تبدل .. 

شاف ايرتان فاشرف لقاه كيشوف فيه و يضحك عليه .. 

ايرتان حط يدو على كتفو وتحنا عندو و قال .. 

ايرتان : شنو انت درتيني فراسك زعما ؟ 

اشرف : ههه انت جاتك عليها و انا جاتني عليك ... 

ايرتان : شوف نقوليك .. غاتنقص عليا هاد التبهليل ديالك معاها و لا غانبالي بيك .. راه الى مشات حتى تزعطات فبك .. ندبحك انت وياها ... 

اشرف ؛ 😂😂😂😂😂 اووه .. ماتخافش مني .. خاف غير من داك جويليل و طير بيها مادام خايف عليها من عشيرك .. 

ايرتان جمع الضحكة و قال : هاذاك ليا معاه هضرة و كلام غير بلاتي نلقا كيف نشدو .. 

اشرف : نعاونك عليه .. حتى انا باغي فيه الخدمة .. 

تيرتان : الهضرة ماشي دابا .. حتى ماتكونش ديك الحمقاء .. لا نصدق معاها فشي طاب و شي ماطاب .. فين دوك 2 .. 

اشرف : راه مبعدين شوية باش يشوفو الدراري يسيفطو شي طوموبيل نرجعو بيها ... 

جهينة خرجات لابسة ... 

جهينة: اجي ... واش وجهي باقي منفوخ .. 

ايرتان : و امتى ماكانش منفوخ .. 

جهينة: اوى بسبابك مابقيتش كانعس مزيان و كانصبح عيانة ووجهي منفوخ .. 

ايرتان : ههه عرفتي اش كاديري للتبوحيط و التمتيل .. قتلة ... 

جهينة: ممكن نعطيها ليك حتى انت .. 

ايرتان : ههه شنو هي .. 

جهينة : القتلة .. 

ايرتان دار راسو نايض ليها و شدو اشرف .. 

اشرف : ههههههه صافي مسحها فيا .. 

جهينة: لا غير طلقو .. اش عندو مايدير بديك الرجل المgروضة ... 

ايرتان : وا ياااله ... 

داز الوقت ... تغداو و جمعو حوايجهم ... 

رجع عز عندهم هاز تيليفون و قال .. 

عز: ياله .. 

فؤاد: جاو ؟ 

جهينة: شكون هما و فاش غانرجعو بعدا نسيت بلي السيارة ماكايناش .. 

ايرتان : هزي غير قشك و زيدي قدامي ... 

هزات جهينة و هي مستغربة كل واحد فيهم هز لي لي جاب معاه .. حتى خرجو للطريق و لقات سيارة سوداء عائلية ... و الشيفور كيتسنى .. هدا من عندها و هي كاتشوف .. حطو داكشي فصندوق السيارة و دخلو ..

جهينة : 😮 شحال عندكم من سيارة .. وانتوما غير مشومرين منين كايجيكم هادشي .. 

ايرتان لاشرف : حيد من تما نجلس حداها ... *جلس* ااه دابا غانجاوبك ... 

جهينة: اشمن نوع ديال الاجوبة غاتجاوب .. سير بعد مني .. 

ايرتان يمد ايدو ليها و هي كتضربو .. 

جهينة: وا فكوني من هاد بنادم وا عبااد الله انا عير سولت .. 

ايرتان : ماتسوليش ماسوقكش .. 

جهينة: وا قولو غير خير واليديكم مال غانضربكم بالعين .. 

عز : هههه ااه هااديك ... 

اشرف: هههه حمقة صافي .. 

ايرتان ؛ شوفي فيا .. غاتخلينا ندزو هاد 3 سوايع ديال الطريق هانيين و لا غاندير فيك يدي .. 

جهينة : هاه 😷 غير تفرق مني شويا .. 

ايرتان زاد زاحمها : هكا ؟ 

جهينة : راه انا هاد بلاصة كتقد 2 ماشي 4 

اشرف : ههههههه وراكم 2 اش كتخربقي .. 

جهينة دارت عندو : انا فيا 2 و هو فيه 2 و زايد مخشي فيا .. * ضارت عند ايرتان *هذا راه التحرش اقليل الحياء ..

ايرتان طلع فيها و هبط : على انت ديال التحرش ؟ 

جهينة: ومالي كيف جيتك .. ماشي ديال التحرش .. 

ايرتان شاف فيها و قال : هي دابا كاتقولي ليا نتحرش بيك .. 

جهينة: لهلا يحييك .. 

ايرتان : اوى شنو ... شدي معايا طريق واحد .. 

فؤاد : هذاك هو لوجيك ديال العيلات 😂😂😂 

ايرتان : داكشي لي كان خااصني .. 

جهينة : غير بلاتي حتال الدار ... فاش تجي تقول ليا غسلي ليا شعري و لا عاونيني فشي حاجة غانتفاهمو ... 

طل عليهم اشرف مخرج وجهو بين مقاعدهم و قال .. 

اشرف : كادوشي لييه العفرييتة 😜 

جهينة: ا.. لا ... لا 😨

وبلا مايدور ايرتان سرح يدو و جابها ليه وسط الكمارة طاح فبلاصتو خلا الاخرين كيضحكو .. 

ايرتان ودار عند جهينة : سكتي يا هاد البنت راك فرجتيهم فينا .. واش حتا كانقول ليك سكتي عاد كاتديماري .. 

بيضات فيه عينيها و سكتات كاتشوف فيه .. 

هو هز كتابو كايقرى فيه ... 

داز الوقت وكلها و فاش ملاهي ... جهينة حاطة راسها على الجاجة و كاتسيفط الميساجات .. للايناس و كايهضرو ... ايرتان حداها كايقرى .. شاف فيها علاش ضربات الطم .. لقاها شادا تيلي و كتفرنس .. 

ايرتان سد الكتاب و ربع يديه .. كيحاول يطل و يشوف معامن كتهضر .. ساعة كانت ناقصة اللومييغ ماكيبان ليه والو ... شاف فيها كتقرى و تضحك و قال .. 

ايرتان : معامن كاتهضري ... 

جهينة بلا ماتهز راسها : و انت مالك ؟ 

ايرتان : مع صحايبك ؟ 

جهينة بلا ماتعيرو اهتمام : اه .. 

ايرتان خطفو ليها : اري لهنا .. 

جهينة : لااا عطييني .. اييرتااان ... 

طل على تيلي لقاها كاتهضر مع كونطاكت سميتها آشكم ... قرى آخر ماكتبات فالكونفيرساسيون 

آشكم : توحشت ديلمك .. بغيت غير امتى يوصل غدا نشبع فيك غير بوسان جاوني عليك شي هوايش و شي وحش مانقولش لك .. 

جهينة: آح على الحب تا انا توحشتك من ديك السيمانة ماشفت كمارتك ... عندي شلاا مايتعاود ليك .. 

ايرتان قراهم و هو يقندش ... خنزر فيها حتى لصقت مع الشرجم بالخلعة .. 

ايرتان : كاتعضري مع هذاك الحيوان ؟ 

جهينة : اه ؟ شكون .. 

ايرتان : و شكون من غيرو .. جلال .. *كيعوج فيها* الخطيطيب ديالك 😡

جهينة : و وانت مالك .. عطيني زمري .. نهضر مع لي بغيت نتا اش مشا لك .. 

ياله غايجاوب ايرتان و نغزو عز من جهتو ... و كملها غير تخنزير ... هدات جهينة تيليفونها و دارت فيه نصف شوفة و عطاتو بالظهر .. 

بقا ايرتان كايخنزر و يغزز فلسانو و عز كايغمز فيه .. حتى نطق اشرف .. 

اشرف: جهينة ؟ 

جهينة: شنو حتى انت 😠 

اشرف : واش هاد جلال .. خاطبك .. زعما خاطب من امك ... 

جهينة : لا .. زعما ياله ناوي ... 

ايرتان : وعلاش لمك من النهار الاول ماتقولي غير صحيبك .. 

جهينة: كاتجيني ناقصة نقول صاحبي .. داكشي علاش

ايرتان : اللهم زيد ايمانك ... 

جهينة: وانت مالك نقول صاحبي راجلي خطيبي انت اش مشا ليك .. تامالك غير هاز شوكتك لي درتها ماكاتعجبكش ... 

ايرتان ياله غايجاوب و طل عليهم اشرف تاني .. وقال : 

اشرف: هاد مسلسل صراع العشاق ديالكم ماغايساليش ؟ 🐸 

جهينة ضارت ليه : علامن كاتقول العشاق ... هذا ؟ *ناضت فوق المقعد باش توصل لاشرف و مدلية شانقة عليه و شادا عليه يدها بشكل لكمة و كتقول * باغي تموووت ؟ مالقيتي معامن تجمعني غير مع داك الجلاااخة 😠 

اشرف كايضحك و فؤاد حداعم كيفك و ايرتان شادها كي جععا لمورسيها لاطيح و عز كايتميساحا و كيضحك عليهم ... 

ايرتان : شدي الارض .. ولايني راك واحد فليفلة بخبيزتك .. 

جهينة جلست : لا بمسمنتي 😠 *ربعات يديها و دارت قدامها جامعة التغوبيشة *

ايرتان سكت كيشوف فيها كيف كادير .. جابت ليه الضحكة و نساتو فالغيرة لي شعلات فيه .. بغا يراضيها و ماعرف منين يدوز ليها .. حيت عارف عصبيتو عليها ماغاتجيب ليه حتا نتيجة حيت كادير غير لي قال ليها راسها و الى بزز عليها شي حاجة غادير عكسها .. ياعني خدمتو ماشي مع جهينة و انما مع جلال ...

بقاو مني منك بوك تشري تربح حتى وصلو ... كانت غربات الشمس ... حطوهم فالشارع لي فيه العمارة ...

جهينة : تشيم تشيم .. ميم مين و و وين وين تهلالو رريوسكم احسن خرجة درت فحياتي .. 

فؤاد : ههه بسلامة .. 

اشرف: وا بيناتنا واتساب .. 

عز: ههه بصحتك تهلاي فراسم و فبونغ يونغ 😂😂😂 

جهينة: ههه واخا .. 

سدات السيارة و تبعات ايرتان لي كان غادي .. و مضاربة مع صيكانها .. 

جهينة : اصبر .. اداك اه .. خلينا نمشيو ب2

ايرتان وقف دار عندها حتى وصلات عندو و شنق عليها .. معنقها .. 

جهينة: اي ... تاغابشوية gرضتي ليا عنقي ... 

ايرتان : اش غاديري ليا للعشاء .. 

جهينة : الحنطر ..و لا الحنطل و لا ماعرت اش كايقولو ليه مهم شي حاجة غاتلوي ليك المصارن الى مارخفتيش عليا يدييك .. 😠 

ايرتان : هههه غيسبييغ ... امالك .. انت باينة غاتموتي غير بالهضرة ... 

جهينة : بزاف ع... 

مجات تكملها حتى وقف قدامها شخص ماتسناتش تشوفو لا فهاد الزمان و فهاد المكان بالمرة ... تشلات حركتها و سكنو عينيها بدون حراك خارجين فيه بفعل الصدمة ... شافو ايرتان وجمع قبضتو و لكن ملامحو باردة كيتسنى كلامو و كيطلب الله يدير علاش يعطيه شي قتلة .. 

كان واقف جلال قدام العمارة كيتسنا امتى تجي حيت منين دق مالقاهاش ... هبط كيتسنى قدام الباب حتى تجي .. و فجأة بانت ليه جايا معانقا مع راجل و كيضحك معاها ... حس بشعور الغضب ووقف قدامها كيخنزر ..

جهينة: ا .. ج..جلال ..😨 

جلال : على سلامتك الانسة .. فين كنتي غابرة .. و شكون هاد *كيطلع و يهبط فيه* الساط لي معانقا ليا انت و ياه ... و لا هذا باش بدلتيني .. 

ايرتان : و شكون انت لي كتهضر معاها بهاد الطريقة ..و لا كتحاسب معاها .. 

جلال : انا ... صاحبها ... هاد السيدة برتابطا بيا انا .. انت لي قول لي شكون سيادتكم .. جهينة عرفينا .. 

جهينة كتغمز فيه : ماشي وقت .. هاد الهضرة .. سير عافاك .. من بعد و نهضرو .. ياله ا ايرتان .. 

تمات كتجر فايرتان لي غادي و كيخنزر فيه ماكرهش يدير فيه يدو .. و جلال وراهم كيشوف فيهم ..مارضاش بطريقة باش خلاتو و نطق .. 

جلال : شتك مطلعاه معاك للدار ... ياكما كنتي كتمتلي ردور العفيفة غير عليا انا ... 

مجا فين يكنلها حتى طار عليه ايرتان و بكل جهدو بحال الى مامعطةباش رجلو .... شنق عليه و ضربو براس رعفو و زادو راس آخر ... و شد حوايجة بيد و عطاه لكمة ورى لكمة حتى طاح ليه من يدو ... ياله غايتكا عليه و هي توقف قدامو جهينة كاتبكي .. 

جهينة : عافاك .. عافاك .. طلع ا ايرتان .. 

ايرتان :حيدي من قدامي عرفتي شحال كانتسنى هاد اللحظة 😡 

جهينة كتبكي :عافاك كانطلبك .. دير بخاطري عافاك ا ايرتان ... 

بقات فيه دوز يدو على وجهو بعصب ... 

جهينة : سير انا جايا ... 

طلع فيه و نزل فيه و قال .. 

ايرتان : سمع اداك ال*مل .. غاتفرق من هادي و لا و الله ما غايعجبك حال .. و هاني فين قلتها ليك .. 

مشا دخل للعمارة .. جهينة مدات يدها للجلال .. شاف فيها و ناض بوحدو كيمسح دمو و قال .. 

جلال : شكون هذا ؟ 

جهينة ؛صديق .. بعيد عليك .. فهمتي لاش جاي .. ياك هضرنا و سالينا اش باغي مزال .. 

جلال :الهضرة فتيليفون ماشي هضرة .. غير فجأة نضتي مابيك ماعليك قلتي صافي نتفارقو عطيت رأيي فالموضوع ؟ 

جهينة : واش عارف راسك اش كاتخربق ؟ على اشمن علاقة كتهضر .. كنا غير كانخربقو و حنا راه مانصلاحوش لبعضياتنا .. نساني و سير كمل عطلتك فين كنتي مدوزها .. 

جلال : اشمن عطلة .. انا راه كنت .. 

جعينة : اسبابك خليهم عندك ماتخربقش ليا مخي بكذوبك .. حيت عييت منهم صافي مابقيتش قادرة نصبر .. و عاد انا اكتاشفت بلي ماكانبفيكش .. اه حتى انتي ماقادراش نفهم شنو لي كان مخليني معاك و صابرة ليك .. اهمالك و عدم احترامي و الكذوب في حين انا كنت مهتمة بيك و ديما دعماك ماديا و لا معنويا و و محتارماك .. واش انا مظطرة نستحمل اكتر لا .. مامظطراش ... الله يسامح ليك فكولشي حتى فلي كانتسالك و دابا سير الله يرحم الواليدين بلا شوهة .. 

كانت داخلة و شدها .. 

جلال : جهينة .. انا عارف اه كذبت عليك .. و مامزيانش معاك .. من ديما كنتي بنت الناس و صايرة معايا .. عطيني فرصة عافاك .. انا كنبغيك و مانقدرش على فراقك .. 

جهينة : كاتبغيني ؟ عرفتي هاد الكلمة .. سمعتها منك 2 مرات اول مرة تقدمتي ليا .. و دابا .. 

جلال كيقيس حناكها : عارف .. ولكن المحبة ماشي غير كاتقال و انما كتفعل .. 

جهينة : ههه و انت عمرك بينتي ليا لا بفعل و لا قول .. انا خديت قراري و ماغانتراجعش فيه .. سير شوف ليك شي بنت الناس لي تقبل باهمالك اما انا صافي قلبي طاب .. 

جلال كيحبسها و شاد حناكها باصرار : عطيني فرصة .. آخر فرصة .. جهينة عافاك .. 😟 

جهينة اصرارو جاها فشكل .. بقات واقفة كتشوف فعينيه مالقات باش تجاوب حتى قفزها صوت ايرتان من افوق صاعر .. الدنيا كولشي سمعاتو ... 

ايرتان : جهييينةةةة ... طلعيييييي 😡😡 

قفزت جهينة من صوتو .. طلعات كتجري مابقاتش سولات فجلال .. اما ايرتان من الفوق غوت .. 

ايرتان : هادي ماتصلحش ل*امل بحالك ... آخر مرة نشوف كمارتك .. تجيني خبارك وصلتي ليها بربي لا طلقتك ... 

بقا جلال كايشوف فيه و يسوط .. مارضاش ..

دخل و ردخ باب ابالكو .. خرج كاينفخ .. لقاها ياله حلات الباب.. دخلت و سداتو .. لقاتو واقف عليها .. طلعات فيهوعينيها بخوف .. عارفاه واخد موقف من موضوع جلال و ماحاملوش .. 

ايرتان : شنو كنتو كاتقولو .. 

جهينة :والو .. غير .. 

ايرتان شد دراعها : ماتجرئيش تكذبي عليا .. 😡

جهينة: والو ا ايرتان .. راه بقا كايهضر .. كيف عادتو .. 😟

جرها لعندو من دراعيها ب2 و خرج فيها عينيه .. 

ايرتان : غاتفارقي معاه .. و ايديك فوق راسك .. سمعتي 

جهينة غرغرو عينيها : ايرتان .. راك كاتقصحني .. 

ايرتان كان خارج على طوعو و لكن دموعها وقفوه عند حدو ... رخاها بالشوية و فعينيه نظرة قلق عليها .. طلق يدها هبطهم و هز يديه عند وجها .. قاس حناكها و مد ابهامو مسح دموعها تحت انظاظر و هي كتشوف فيه ... 

ايرتان : جهينة .. سمحي ليا غوت عليك و لكن راه كيف كاتشوفي خرجني على طوعي ... انا الى قلت ليك بعدي من هذاك فراه لمصلاحتك .. انا راجل بحاللو تماما و عارف شي امور انت ماغاتبانش ليك و تقدر تكون صعيبة عليك .. فهميني اقسم بالله مابغي غير مصلاحتك .. غاتفارقي معاه ؟ واعديني .. 

جهينة كتهضر و تدرف دموع بدون صوت : انا .. انا تفرقت معاه ديك السيمانة .. 

ايرتان تصظم : باصح .. واش بالصح كاتهضري .. 

جهينة هززات راسها .. 

ايرتان : و شكون دام اشكم لي كنتي تهضري معاه قبايلة .. 

جهينة : هاديك ايناس .. 

ايرتان : متأكدة ماكاتكدبيش عليا باش غير تفكي مني ؟ 

جهينة : والله ا ايرتان ماكانكدب عليك .. واللهتا تفارقت معاه .. 

ايرتان : احم .. صافي تيقتك .. ولكن شنو السبب .. *خافها تكون عارفة*

جهينة : ايناس و عتمان خلاوني نشوف موضوعنا بطريقة اخرى و عاد وقعو شي امور خلاوني نفهم بلي ماكانبغيهش ...و صافي تفراقت معاه .. و عاد هو كداب و انا عييت منو و كركبتو .. 

ايرتان غمض عينيه بارتياح و شد وجها كيشوف فعينيها مباشرة .. 

ايرتان : مزيان .. صافي دايا هاد الدموع ماكاينين لاش ؟ انت راك احسن منو باشواط كتيرة .. هاداك ماكايستاهلش قلبك .. ماكايستاهلش ضحكي ليه .. ماكايستاهلش تبيني ليه فرحتك و لا ضعفك و لا حزنك و لا غضبك و لا تاحاجة .. ماكايستاهلش تشوفي فيه و لا تشدي فيديه .. ماكايستاهلش يسمع صوتك و لا صوت ضحكتك و لا غواتك .. انت كاتستاهلي ما احسن .. شخص لي يعرف قيمة هادشي ... لي يعاملك بالطريقة لي كاتستاهلي .. يهتم بيك و يعرف شكون انت و شنو هي انت .. 

كان كيهضر و ايديه شادين خدودها وسط راحة يدو .. عينيه فعينيها الدامعين .. اتر فيها كلامو و الشي لي خارج من القلب ماكايوصل غير للقلب .. مافكرش فشنو كايدير ولا شنو كايقول .. همو هو يلم جرحها و يوريها شنو نيت كاتستاحق ... رجع شد يديها وقال .. 

ايرتان : انت اتمن من لي كايسحاب ليك .. انت بنت نقية و طاهرة قلبها ابيض .. هاد اليدين لي فينما تحطو كايخليو البلاصة ترجع تزهر و تحيا من جديد .. انت بحال قطرة ماء قادرة تحيي ماكان ميت و ماليه امل... عرفي بلي قيمتك اكبر من لي كاتخيلي .. و كل ساعة و كل دقيقة دوزتها معاك .. كانت كفيلة توريني شكون جهينة و مدى شفافيتها و وضوحها .. كولشي فيك كان باين و واضح ولكن بحال هذاك الحيوان لي خليتي التحت مايمكنش ليه يشوفو .. حيت ماكيعرفش ليه .. مسحي دموعك ... و عمرك تنقصي من راسك ... و خلي كلامي فودنيك ... 

قرب راسها لعندو و باسو و هو مغمض عينيه و دخل للبيت دغيا و سدو ... 

خلا جهينة واقفة مبهوضة بدون حراك مصدومة من كلامو و طريقة كلامو .. شوفاتو و لمساتو و الاهم قبلتو ... شدات فالحيط حيت هادشي كتير عليها تهزو مرة وحدة .. و شدات فقلبها لي تكاد تسمع ضرباتو المجنونة بسباب هادشي لي وقع ... 

دخل ايرتان و سد الباب .. دخل و دوز ايدو على راسو معبر على الندم .. حيت حتال دابا كانت الكلمة للداك لي ماعندو عقل .. اه القلب هو لي كان متحكم فيه و مخليه يهضر بلا يفكر ... من نهار استسلم لمشاعيرو و هو كيفكر غير كيفاش يتحكم فمشاعيرو قدامها و ماتخرجش الامور على السيطرة ... حتى يقدر يدسر الخطوة الاولى باش يختافي من حياتها .. ولكن لخد السلعة باقي مامستعادش ... شفتو التناقض .. مابغاش يتعلق بيها و ماقادرش يبعد عليها و يخليها وراه ... 

جلس فطرف السرير و يديه شادين راسو .. 

اشرف: اش درتي أ ايرتان ... اش درتي ؟ كيفاش غاتفكر فيا دابا .. 

جهينة دخلات للكوزينة بلا ماتفكر ... الدماغ تبلونطا .. يديها كايتفتفو و عينيها باقين دامعين .. شنو وقع دابا .. واش كان كايهضر على راسو و لا على شي حد آخر ؟.. واش هادشي دابا حب و اهتمام و لا تهيآت ؟ ماكانش بحال شي شخص كيكدب .. تصرفاتو الصادقة و كلامو العميق ماكانووش كذوب بحال طريقة جلال الباردة و الخالية من المشاعر .. الطريقة باش كان شاد دراعيها و كيحاول يقنعها ماشي بحال طريقة جلال لي كان بحال الى بدا يفقد الامل فشي تحدي وكايقنع الخصم ديالو يتراجع و يخلي ليه الفوز .. الطريقة باش كانت عينيه كتوصل ليها غضبو و قلقو عليها ماشي بحال عينين جلال لي كانو كيضورو وسط راسو ...شنو كايعني هادشي كولو دابا .. بلي ايرتان يحمل مشاعر تجاهها؟ ... لا موحاال .. حيت عارفة شنو كانت نيتو من لاول .. يعني يقدر هادشي يكون تمتيل .. ولكن هادشي بزاف على التمتيل حيت خاص يكون نابغة و عبقري في فن المشاعر ... داك الكلام اقوى من انه يكون مجرد كذوب .. هادشي كولو داز على تفكيرها .. شوشها و خربق ليها راسها من جديد .. حارت و مابقاتش عارفة تيق قلبها و لا عقلها ... وسط الروينة لي خلق ليها ايرتان تفكرت جلال .. 

جهينة: شنو قضية جلال حتى هو ... علاش مصر نعطيه فرصة و هو اصلا ماكانش مهتم بالعلاقة ... كون غير كانت علاقتنا فايتة الحدود نقول غير على حاجتو و لكن انا عمري خليتو يضسر عليا .. نااري غانحماق ياربي ... و ايرتان ... عقلي مشوش ياربي زعما نكون حتى انا كانعجبو ؟ و لا يكون باقي داير ديك الخطة فراسو ؟ اكيد هادشي لي كاين .. اش فيا مايعجب .. *تفكرات هضرتو* ولكن .. قال عليا امور زوينة... و ديك البوسة واش كان كايمعني على راسو و لا غير كاينصحني بلي جلال مايصلاحش ليا و انا كنستاهل احسن ؟ *نتفات راسها* ااااه غانتسطى غانحماق شكون غايجاوبني على هادشي 😭😭

خرجات من الكوزينة و مشات للحمام .. 

ايرتان سمع باب طواليط تحل و ناض ..

ايرتان : غاتكون مشوشة دابا .. خاصني نرجعها لعقلها و نبين ليها بلي هادشي ماكايعني والو ... صافي انا حماقييت .. 

حل الباب و خرج كيعيط ... 

ايرتان : جهاااينة .. 

خرجات من الحمام دغيا .. 

جهينة: ها انا .. مالك كاتغوت .. 

ايرتان : فين غابرة .. سيري فكي دوك السيكان ماكانحملش تبقى الدنيا مرونة و هوي الدار راه مزموتة .. اه و وجدي ليا الدوش بغيت ندوش و نخرج نلقاك وجدتي العشاء حيت عيان و باغي ننعس .. 

خنزر فيها و دخل للبيت .. بقات كاتشوف فيه مصدومة .. عاد كان كايتعنب و يتغزل و يتمعشق فيها اش وقع .. 

جهينة: لا لا انفصام الشخصية هي الجواب مافيهاش .. وانا جالسة كانبني و نعلي .. الجلاخة غير جلاخة .. الله يعطيك غبااارة .. 

دخلات للكوزينة كتخبط فرجليها مع الارض و كتنكر .. هو دخل و تنهد منين سمعها داخلة الكوزينة كتعاير فيه و تنفخ .. يعني رجعها لصوابها ... تلاح فالسرير و هو مرتاح كيفرنس ..

دازت جهينة للحمام و جداتو ليه و هي كاتغدد و تفقص .. و كيف العادة و النغير و السبان خدامين ... 

خرجات و هي ترجع عندو .. 

جهينة : نوض تغعد راه الحمام واجد ... الله يغبرك 😠*خرجت*

ايرتان ناض كيضحك على عصابها .. وجد حوايجو و دخل للحمام و رجع عيط ليها .. 

جهينة: اش باغي تاني 😠 

ايرتان : كيفاش اش باغي .. تي زيدي قدامي عاونيتي .. 

جهينة خرجات من الكوزينة بالطابلية و سباتيل فيدها : ولفتيها ؟ 😠 راه يدك صحات قادر تفك راسك .. و زايدون عاد كنتي كاتدردغ بيها كيف الحلوف .. *دارت يديها على جنابها و شدات عليه السباتيل قدام وجهو * ولا ياكما كاتبوحط عليا واللهتااان..  😠😠

شاف فيها ايرتان ...حتى كملات كلامها و خدا السباتيل من يديها و بدا يخبطها مع الباب ديال الكوزينة ... خبطات متواصلة و كايغوت ..

ايرتان : واااااش لييي قووولللتها تعاااودييبهاااا معااايااا ... قوولت لييك دوووزي دوشيي لياااا ... هي دوووزيي دوشيي لياااا ... ماتعاااوديييش معااايااا 

جهينة بدات تتندب و طارت سداتةليه فمو : ويبيلي ويليي .. الجيران ياهاد المصعوور غايطلعو يتشكااو 😠 

ايرتان : ياله زيدي لمك قدامي .. 

جهينة : هاهي ... الله يفكني منك .. 

تبعاها ايرتان تيسمع نغيرها و كايفرنس ..

جالس ايرتان عاطيها راسو و مرتاح كيستمتع بيديها فشعرو ..وهي كتحك و تكرد بالفقصة .. 

جهينة: انا مالي على هاد القرع نمشط ليه راسو .. كاتقول ليا حمقة على اساس انت مطفرو 😠 دابا نقابلك انت و لا نقابل عشاك .. ها ؟ غانطلبك غير طلب نهار تبغي تزوج عرض عليا حيت بغيت نهضر مع مراتك فواحد الموضوع .. صافي هاذي وصية مني .. 

ايرتان : انا ماغانتزوجش .. غير هني بالك .. 

جهينة : و .. علاش ماباغيش تزوج .. 

ايرتان : ههه علاش كاتسولي ؟ 

جهينة : و عادي نسولك .. 

ايرتان : انا غانتزوج بيك انت .. 

جهينة : ههههههه ... واخا تكون آخر واحد فالدنيا .. واخا تكون عندي معاك كرش مانديرها .. 

ايرتان : ههههههه كرش ؟ اوووه لهاذ الدرجة ... 

جهينة : لهاذ الدرجة ونصف ... اويلي انا متحملة قسوحيتك غير بالزز .. لاعساك نتزوج بيك .. 

ايرتان شاد فيها : اوى راك بينتي ليا بلي انت الوحيدة لي قادرة تحمل مزاجيتي و شخصيتي .. *جر يديها* وهاد اليدين لي كايصنعو الحنان ... غانتزوج بيك غير على قبلهم .. 

جهينة نطراتهم : ج..جمع .. يديك .. شوية .. انت راك طيرتي البلاكة ... 

دار عندها شاف فيها ... نفس شوفاتو فاش كايجاوبها غير بعينيه ... عواجت ليها الوقفة و دورات وجها بتوتر .. 

ايرتان كايعجبو منين كايدير فيها هكاك .. ديما نفس ردة فعلها كتكرر.. فاش كاتكون كتهضر بزاف .. اوتوماتيكمون كاتكون فجنبو و لا وراه و لا قدامو مهم مامواجهاهش .. فاش كايبغي يحدهم ليها يكفي يدير فيها ديك الشوفة و كاتضرب الطم .. كاتحشم و يخليها غارقة فحوايجها و فتفكيرها ... طرق ديالو كتيرة و هو الوحيد لي عارف هاد النوع من تفاصيلها ... دار قدامو كيضحك .. و هي خدات مدة قليلة باش رجعت تكمل ليه .. سالات فرمشة عين و قالت .. 

جهينة : صافي .. ساليت .. انا برى منين الى بغيتي شي حاجة اخرى عيط ..

خرجات ووقف ايرتان كيتبسم ... 

دخلات كملات داكشي لي خاصها دير ... خرج ايرتان و لبس حوايجو و دخل عندها للكوزينة .. 

جهينة : ها العشاء وجد .. 

ايرتان : اشنو دايرة .. 

جهينة : سوبا .. 

ايرتان : و شكون قال ليك بغيت الصوبة .. 

جهينة حطات الصينية و تلاحت على الحيط و كتمرمد معاه .. و تغبن .. 

جهينة : اينننننننننن نننننين 😣😣 

ايرتان : هههه مال مك كتمرغي عليا تم .. 

جهينة وقفات قدامو كتجر ليه قبيتو و تطلب و بطبيعة نفس الوجه فلش كاتبغي حاجة .. 

جهينة تصغر صوتها : بووونغ بووونغ ... 😟😟

ايرتان دور وجهو .. 

جهينة شدات ليه دقنو و دوراتو عندها و هو كيشوف بالزز منو و شاد ضحكتو .. 

جهينة : ايييرتااان .. واش غاتبقا غير كتغوت ااه ... درت كولشي لي قلتي ليا ... و انا عياانة مافيا لي يعاود شي حاجة .. غير شربها دابا و غدا ندير ليك لي بغيتي .. 

ايرتان سكت و هي كتجر فيه كيف العادة و تقول .. ام .. ام .. 

خربق ليها شعرها و داز للصالة .. و هزات البلاطو تبعاتو كتفرنس .. ماكاين غير الاهداف كايتشايرو ..

دازو 5 ايام ...

جهينة رجعات تخدم هي و ايناس ... 

ولكن هاد الاسبوع عندهم المناوبة بالليل ... لبسات حوايجها و خرجات لقات ايرتان تاهو لابس ... 

جهينة : انا غادية ... حتى انت خارج .. 

ايرتان : ااه .. عندي مانقضي ... 

جهينة: ف8 الليل .. 

ايرتان : وانت مال والديك .. 

جهينة : هاهي .. يخ جلاخة و مزاجك لا يحتمل .. هاك كونطاكت ديالك .. تقدر تصوغ ؟ 

ايرتان : خليها عندك .. انا غادي غايجي عندي عز .. 

جهينة : واخا انا مشيت الله يعاون .. 

خرجات جهينة و هبطات فحالها .. ايرتان بقا شوية فالدار حتى عيط ليه عز و سد الدار و هبط .. 

عز : طلق اصاحبي اش عطلك .. 

ايرتان : جهينة .. تسنيتها حتى تمشي .. خاصني نحيد هاد الزمر فرجلي مابقيتش قادر نتحملو .. 

عز : الله يهديك اش غاتحيد و انت اصلا ماخاصكش تجي .. انا والدراري قادين بشغالنا .. 

ايرتان : لا .. القضية جات على غفلة... مايمكنش نخليكم بوحدكم... و دابا ديني نحيد هاد الويل اصلا ماكاين لاش نبقى بيه ... و من بعد نهضرو ... 

ديمارا عز السيارة و كينغر على قسوحية راس ايرتلن ..

جهينة دخلات و تلاقات مع ايناس فالمستشفى عاد جات تبدا خدمتها.. 

جهينة عنقاتها :واااهلا ... 

ايناس: عاش من شافك الحلوفة .. 

جهينة : و انت لي عاش من شافك .. سماريتي البغلة كوراه ماكنتوش كاتخرجو من الماء 😂 

ايناس : احح كانعاودش ليك عطلة ولا اروع .. و انت اش كاتعاودي .. اشنو لي قلتي ليا عندك شلا ماتعاودي ليا ... واللهتا من البارح وراسي كايحرقني ..

جهينة : وازيدي بعدا .. نلبس بلوزتي و نعاود ليك .. 

دخلو لفيستيير .. كتبدل و تهضر .. 

جهينة : اول حاجة بعدا .. جلال لقيتو كايتسناني داك النهار فاش رجعت .. ماحملوش ايرتان ياصغعة شبع فيه عصا ... سيفط وجهو مخبز ... 

ايناس : اويلي حي و شنو بغا.😱. ياك تفارقتو .. 😠

جهينة : ااه .. تفارقنا ..ميك عليا شي 3 ايام من بعد حتى لقيتو كايتسناني و قال حقا ما حقا بغاني نعطيه فرصة .. 

ايناس : وا بربي مانتيق فيه ... عنداك ترجعي ليه وانت مباركة منين تفكيتي منو .. 

جهينة: عاارفة .. مستحيل نرجع ليه .. واخا نبغي ماغانقدرش ... 😔

ايناس : اهياتا .. اش داكشي ... 

جهينة هزات راسها شافت فيها و قالت : وليت كانبغي الجلاخة..

ايناس : ooh deaar فولي ليا شي حاجة ماعارفاهاش ههه 

جهينة : اشنو ندير 😟 

ايناس: زيدي الخدمة دابا ... ماشي وقت الهضرة ...

ايرتان و الدراري مجموعين فمرأب عامر بالسيارات ... جالس ايرتان و واحد محني عند رجلو كيحيد ليه الغبص .. و الدراري .. كل واحد كايوجد راسو ... 

كل واحد فيهم لابس لبس غير عادتو .. غالب عليه الاسود و الكوير ... ملامحهم مبدلة و اكتر جدية .. 

اشرف : كنت متوقع بلي غايبدلو التاريخ .. باش يديرو حسابهم و يعنكشو اي عملية .. و هادشي دليل على ان هاد الحزاق محال واش يخرج على خير .. 

فؤاد : تهدن .. كولشي غايدوز هو هذاك .. غير هو الالتزام بالخطة ضروري .. سمعتي ا ايرتان ؟ 

هز فيه راسو وقال ... 

ايرتان : عزيز عليا الارتجال .. خاص يكون عندكم شوية ديال الابداع ... 

عز : ايرتان داك الحماق ديالك .. ماشي ديما غايخرج سالم .. و ماتنساش هاد موريسون شحال و حنا كنتعقبوه و اليوم لا فشلات لينا الخطة تاني شوووف امتى نشقموه تاني .. و هو جا حتى لعندنا ..

اشرف : هاد ال*امل .. مريييض ف**و .. تصروفاتو مفشكللللة مافهمتش واحد بحالوو كولشي مدمن عليه و عقلو خدام احسن من واحد عمرو دخل شي سم لذاتو . 

فؤاد؛ على غير طالقين عليه ولد جيم موريسون هكااك(مغني في فرقة قديمة مات وهو كايتعااطى للمخدرات و الكحول ) ...

اشرف : ااه .. هذاك هو مصدر الالهام ديالو .. و مهووس بيه ... ايرتان خاصك تلعب بها النقطة.. 

ايرتان : باراكة من الهضرة .. وياله فرقو المجمع .. 

فؤاد : اشرف .. ياله .. الدراري الى متو غانتهنا من *امل بوكم .. 

الدراري : هههههه 

اشرف شانق عليه و غاديبن : مين مين .. ماتخصرش الهضرة .. 😂

ناض ايرتلن و جمع الضحكة منين تفكرها .. 

عز : كولشي غايكون بيخير .. و حاول ترجع مافيك حتى قمشة .. راه عندك لي يسول فيك دابا .. 

غمزو و مشا ... 

طارو فؤاد و اشرف فميرسيديس حمراء ... 

شوية و تبعهم عز ففيراري رمادية .. 

شافهم حتى خرجو و جبد تيلي ديالو ... كيفكر فجهينة ... و فإلى وقعات شي حاجة و هو ماقدرش يشوفها .. تردد واش يعيط ليها .. حتى دوز نمرتها و رجع سدو .. 

ايرتان : اش هاد ال** وي.. انا راجع هاد الحزاق ماشي ديالي .. 

تحنى ركب فالفيراري الكحلة ديالو و داز ياخد سلاحو من واحد من المخابئ ديالهم حيت ما كانش عندو وقت ياخدو ..

عند جهينة ... 

خرجات هي و ايناس من غرفة عمليات و مشاو حيدو داكشي ديالهم و هبطو يستاراحو .. 

ايناس : وا دابا عاودي ليا .. 

جهينة جامعة شعرها و بحال ديما خاشية يديها فجياب بلوزتها و قالت .. 

جهينة تنهدت : آااش غانقول ليك ... و منيين نبدا .. 

ايناس جراتها جلساتها بلاتي نجيب القهوة باش تصحصحي و ديك الساعة نوريك منين تبداي.. 

مشات ايناس كتحنقز و جهينة دارت يدها على خدها كتفكر .. 

جهينة : فين غايكون .. * شافت الساعة* 2 و النصف الليل هادي واش رجع للدار و لا باقي .. 

ايناس عطاتها الكاس : وينو كاتخمم للجلاخة ديالها .. 

جهينة : مابقا فيا مايهز هادشي بوحدي ياختي فمي كياكلني و بغيت لمن نعاود محايني .. 

ايناس: عاودي اخيتي عاودي .. قولي ليا .. كيف درتي طحتي فيه و شنو طيحك فيه .. عاودي ليا عليه و على شخصيتو كولشي كولشي ماتنساي وااالو .. 

تلاحت جهينة على الطبلة شادا حنكها و تنهدااااات و كتشوف قدامها بحال الى كاتخيلو و نظرة كلها حب و عشق قالت ..

جهينة: اييرتان و ما ادرااك ما ايرتااان ..

💀💀داخل ايرتان للموقع لي كان كلوب فالهواء الطلق فنصاص الليالي ... بمشيتو لي كلها تقة و مبينة كاريزمتو كيتعنغر و يستعرض قوتو و عضلاتو بشكل طبيعي و عينيه على كل الموجودين بنظرة حادة و غامضة و باردة.. كايدوز السكانير ديالو و يقرا كل واحد فيهم ابتداءا من لبسهم حتال تصرفاتهم و معامن واقفين ...

🎀🎀جهينة : كولشي فيه كايسحر و يجذب ... داير بحال شي روكسطار و لا شي غانغسطا .. مرتابط باللون الاسود لا فلبسو و لا شخصيتو و لا تعابير وجهو... غامض .. شوفاتو كايشللوني بحال شي سم فتاك كيجمد دمي وسط عروقي .. هيبتو و قوة شخصيتو و تقالتو ورزانتو ... ضحكتو لي كانشوفها بالكشايف و لي كاتبان بحال البدر الكامل ...

💀💀 ضرب ايرتان على فؤاد و اشرف جالسين فواحد القنت مضورين بيهم الق***ات من جميع الاصناف .. جالس اشرف مقلش فوق المسند ديال الفوطوي و شاد قرعة غير بوحدو حاط عليها و مقشبين كتبان عليهم من النوع لي كايجي يسكر و يضااجع العاهراات و سوقهم خاااوي .. قلب بعينيه للجهة ابعد بقليل .. بان ليه عز واقف وسط مجموعة ديال الاشخاص باينة فيهم مهمين و وزنهم تقيل .. كايشرب برزانة فكاس الشامباين ديالو و كايضحك و يبادلهم اطراف الحديت ... 

تقدم ايرتان لواحد من لي فوتوي الفارغين بالداخل و جلس ... رجل فوق رجل كولشي كايبان ليه من ديك الزاوية ... جبد غارو و شعلو لاح البريكة و الباكية قدامو فوق الطبلة و رجع سرح عينيه مغوبش ...

🎀🎀جهينة : عندو ذكاء من level اخر صعيب و بزاف تعرفي باش كيفكر و كيفاش كايفكر .. لا من تعابيرو و لا من تصرفاتو .. قدرتو عالية فقراءة الافكار ... و غير من الجلسة معاه بدون كلام كاتحسي بتأتيرو عليك بحال تشويش المغناطيس على التذبدبات .. قبييح و ماعمرو ماكيعطيك راس الخيط ..

💀💀دخل للموقع شخص في مقتبل عمره .. مطول الشعر و لابس سروال لاصق شوية فالاسود و شميزة gucci مزوقة بزخرفات ملونة ... مطول شعرو البني لحد كتافو و لحيتو كتيفة نوعا ما ...مرافقاه سيدة توبها قصير بزاف متوهج ملفت و ماكياج صارخ بحلي تمين ... لاصقة فيه باينة ق*** خاصة بيه ... غادي و يسلمو عليه و يضحك مع هذا و هادي ... كولشي قدام ايرتان كايكمي و كايايغزاميني فيه ... شافو داك الشخص تبسم و قرب لعندو .. جلس بدون سلام و لا كلام .. و جلسات حداه عاهرتو ... ايرتان كذلك ماتحرك ماشاف لجيهتو . بقا كايشوف نيشان و غاروه في فمو .. مسرح و واخد راحتو على الاآخر ... 

الشخص كيتكلم و كايشوف لجهة فؤاد و اشرف و كايضحك : بان ليا الحفلة ماشي ممتعة بالنسبة لكولشي ... 

شاف فيه ايرتان و رجع شاف فين كايشوف بانو ليه اشرف و فؤاد كايلوحو الزرقات فالبيسين و البيتشز كايتلاحو بالسليب فقط و حتى بدون bra (الملابس الداخلية العليا ) تابعين الفلوس و كايجمعو و الدراري كايضحكو و يلووحو سكرااانين على الآخر .. 

رجع شاف ايرتان قدامو بدون ملامح و ببرود و قال : كل واحد كيستمتع بطريقتو ...* رشف من غاروه *

موريسون: ههه اممم متافق معاك .. كل واحد وكيفاش كايتنشوى ويستمتع ... *جبد الكوكايبن و قاد سطر شمو و رجع لور كيضحك و عاهرتو كاتلمس فيه *

🎀🎀 جهينة : عندو طرقو و ديما خارج على العادة .. وحيد و فريد ماكاينينش منو 2 ... جامع كولشي التناقضات .. كيكمي و كياكل الصحي .. كايتصنت غير للروك و حتى موسيقى التقليدية الاسيوية .. كايلبس غير الكحل و كايقرى الكتوبة ماعندو لا مع كورة لا داكشي ديال رياضات التلفازة .. عادة ساكت و منعازل و لكن الى بغا كايخرج واحد الجانب فيه حمق كايضرب ليه كولشي هادشي ف0 ... حمق و مجنوون بمعنى الكلمة .. كايعرف كيفاش يستمتع بوقتو و باي حاجة كيدير ... و كيفما كانت ..

💀💀جاو حداه شي عاهرات و تجمعو فجنابو .. ماعارهم حتى شي انتباه .. لاحظ هادشي موريسون شاف فيه و قال .. 

موريسون : ههه بان ليا طريقتك فالاستمتاع معقدة شوية .. 

ايرتان كايكمي و ماجاوبوش .. 

رجع موريسون لور و مدات ليه عاهرتو جوان الماريجوانا ملفوف كانت شعلاتو بفمها .. جرو و خواه فوجها و هي كتبسم و نضحك ليه و كاتستمتع بيه .. هكاك على ديك الحالة هضر و قال .. 

موريسون (للاشارة موريسون امريكي من اصول روسية و احوار بالانجليزية ): طرقي فالاستمتاع كتيرة و متنوعة ههه حياتي دايرة بحال شي peace of cake ... ههه حياتي كلها كنت غير كانضاجع البيتشز ... حتى انني ضاجعت البوبستارز فالهييلز (هيلز منطقة كايعيش فيها المشاهير و كبار الشخصيات ) اقوى المخدرات تعاطيتهم بحال الراسطا (ديانة من طقوسهم ادمان المخدرات و الماريجوانا بشكل مجنون بحال بوب مارلي) ههههه كانعقل وجوه البوليس النهار لي شطحت بلا ملابس داخلية قدامهم و مافايدهم مايديرو هههه *شاف فيه ايرتان بنصف عين مخنزر .. السيد حمق و كيف قال اشرف مهووس بجيم موريسون حيت اغلب هادشي دارو تاهو واخا بطرق مختلفة * 

موريسون : تافهييين ههههه... *شاف فايرتان* كانتسائل اشمن النوع ديال الامور كاتنشوييك .. ههه ياكما انت من الفاتلين المتسلسلين و السفاحين هههه 

ايرتان دار ضحكة جانبية بحاال الى كايقول ليه قربتي لجوابك الصحيح ..

🎀🎀ذوقو رفيع و عالي و مميز و ماشي ساهل ترضيه .. كينتاقي بزاف و كايهتم بالتفاصيل و لي ديطاي ... نقي و كايبغي النقا .. و ماكايحملش اي حاجة قديمة و مستعملة ... كايعيفها و كينفرها .. عزيز عليه السبايس و التساع ... و ماعندوش مع كترة بنادم و فمو ماكيخرج غير الكلام القاسح و الدروس.. كولو الغاز و حجايات ... ديما حايرة فيه و عمرني قدرت نلقا ليه جواب ...

💀💀الكوكايبن و الماريجوانا فالطبلة و انواع الشراب قدامو و فجانابو عاهرات انواع و اشكال .. و تاحاجة من هادشي ماقدرات تزعزع فيه شي حاجة و بمعنى آخر he doesn't give a damn ...دوك العاهرات ماداو فيه لا حق و لا باطل .. شافوه بارد و ناشف فالمرة و ناضو من حداه يضبرو على ريوسهم ... غمز موريسون عاهرتو تحاول هي .. حيت محاولتو الاولى فشلات ... 

شير موريسون لعاهرات اخرين جاو كيتجاراو فرحانات عندو كل وحدة فين جلسات عليه و لا فجنبو كيلمسو فيه بجرأة كيستعرضو مؤهلاتهم .. و هو كايضحك و يعبز فيهم كيف اللعبة بيدو ... 

ايرتان حس بالعاهرة فجنبو و ماضارش عندها .. و فاهم اش واقع .. حطات يدها على كتفو ... و قربات لودنو كتهمس بصوت مغري ... 

العاهرة : فايت ليك قريتي كتاب ايم ويذ د باند ؟ (كتاب كتهضر فيه وحدة على مسيرتها فالعيش مع فرقة روك و علاقاتها الجامحة معاهم )

طلع فيها ايرتان و هبط و رجع شاف قدامو وقال : اذا هو السبب فوجودك هنا ... 

ضحكات كتبرد الكلاش لي عطاها ... و قالت بنفس طريقة الاغراء غير هاد المرة كتدوز يدها جنب جيبو و كتقرب للمنطقتو المحظورة : انا فقيرة و ماعندييش فلووس ... نلقى عندك شي حاجة .. هنااا (و كتصدر اصوات مغرية و كتنفس تحت وذنو ) 

ايرتان غير حاط على غاروه .. كايشوف قدامو و كيلعب على هاد العاهرة و قدرتها بطريقتو ... و خلاها دير لي بغات .. بانت ليه بحال شي عاهرة فتجربة الاداء كاتقول بلي هي عذراء و عمر راجل قاس فيها و هي من الاول جايا و معاها راجل .. 

بتصرفاتها ماقدراتش توصل ليه .. و لا حتى منين قاست شغلو .. ماكان منو حتى ردة فعل حتى شككها فراسها عمر الراجل قدر يقاومها و هي خبرة فهادشي ... مشات تاني لودنو و قالت و هي كتلمس شافهها مع عنقو : فين الكوكايين ؟ 

هز يدها عليه من صبعها السبابة و غير ب2 صباعو بحال الى عايفها توسخو ... دار عندها و تاهو هضر فودنها بطريقتها قال .. 

ايرتان : ق** من حدايا ... 

ناضت من حداه خالية الوفاض و جرات على العاهرات الاخرين و جلسات حدا موريسون .. 

هز موريسون عينيه فايرتان بحقد و ماكرهش يعرف فين سلعة الكوكايين ديالو لي خداو ليه من شحال هاذي ..

🎀🎀 جهينة بدلات وضعية جلوسها : اااح ياربي ... هاداك الراجل كيعرف كيفاش يفكها منين كاتعوص ليه .. ديما كولشي عندو تحت السيطرة .. حيت كايخدم عقلو و كيضرب 100 حساب لاي حاجة بغا يديرها ..

💀💀ايرتان عرف بداية النهاية منين حس بالحقد و نفاذ الصبرو فعينيه و قراهم نقطة ضعفو ... شاف فعز كيقرى غير من تصرفاتو فين وصل بخطتو .. 

كان مع المجموعة .. يدو فجيبو وشاد مشروبو .. مقابلة معاه سيدة متوسطة العمر .. شقراء بتوب احمر مغري.. كتلعب فالكاس بصبعها و ترجع تمصو قدامو باغراء .. شافت فيه عرفاتو طااب منين وقفو وهي راميا عليه العين و كاتغري فيه و راجالها واقف معاها ياحسرة ... مشات من المجمع و عينيها على عز ... و كتجرو بعينيها ... هز عز وجهو نصف ضحكة جانبية .. دازت السيدة قدام ايرتان للحمام و داز عز حداه زربان و كايحل صدفة الفيست ديالو ماشافش فوحهو باش مايعيقش و لكن ريحت عز المميزة ليه... قدرات تأكد ليه بلي عز لي داز ... عرف الخطة غادية هي هاديك ... 

خبط موريسون الكأس ديال الويسكي خاااوي و هز راسو تقيييل عليه فايرتان ... وقف بشكل متمايل و جبد السلاح من ورى ظهرو فصوب ايرتان ...

🎀🎀 جهينة : هادشي كولو طيحني فيه و خلاني نطيح في حفرتو واخا عارفة بوجودها... بهادشي قفرتها كان عليا نرد البال لراسي و نقاوم اكتر من هكا ... دابا عارفة راسي حليت عليا ابواب جهنم و موحال واش نقدر على داك النهار لي غايدير ليا ظهرو و يمشي 😟 ..

ايناس:احححح الله ياربي الله جهينة صدقت بالصح طايحة ... الله ياربي على صحايبتي و دارتها بيديها ... واش عرفتي كيف كنتي كاتهضري عليه اساطة ... شوفي الوضع دابا مختالف على داك سفود البرادعية .. هاد الجلاخة كيف كاتقولي انت راه دار عش عندك فداك القلب كيف قلتي نهار غاتفارقو غاتعاني و غاتمحني ديال بالصح .. 

جهبنة : وا هادشي عارفاه ... شنو ندير دابا فات الفوت و لا داير بحال الاوكسيجين ديالي ولفتو حدايا و لفت نتهلى فيه و نطل عليه قبل مانعس .. ولفت قباحتو و نغيرو و مخاصمتو و شوفاتو و ضحكو .. شفتي شفتي على حالة .. *شدات يديها * عتقيني اشنو ندير ؟؟ 

ايناس شافت فيها بقلق و بشفقة على صاحبتها و قالت : ماعليك غير تعتارفي ليه ... و تبيني ليه هادشي لي فقلبك .. و ديك الساعة الاموور بيدو .. 

جهينة ؛ كاتسطاااي عليا ... واش هو اصلا جاي غير باش يطيحني و نوض انا نقول ليه بفمي راك نجحتي بخطتك ؟ و زايدون لنفترض غاااع نسى هاد البلان و جيت عندو و قلت ليه ايرتان انا وليت كانبغيك و ماكرهتش نكمل حياتي فحنبك .. كاتضني ردة فعلو غاتكون بحال عباد الله يإما يتقبل حبي ليه و يقول حتى انا و نوليو كوبل و لا يقول ليا سمحي ليا ابنت الناس مانقدرش ؟.. تي والله حتى يضحك عليا .. و لا يتعصب عليا و يسمعني لي عمري سمعتو و لا يندمني .. هذاك كانقول ليك ماشي بنادم عادي .. هاداك ماكايشبهش للبشر راه قلبو حجر و ضميرو ميت .. الى مشيت حتى درتها غانخرج على راسي اكتر ما ناخارجة عليه .. لا لا اختي .. شوفي شي بلان آخر .. 

ايناس : غير هادشي ماعندك ماديري .. سوى تستسلمي لقدرك .. 

جهينة : قاومت و راوغت ولكن بان ليا قدري ااني نبغيه ... مامنو هروب ... 😔

💀💀عز منين دخل ورا الشقراء للحمام .. جراتو من حوايجو لعندها .. كتفحص فعينيه و فمو و كولشي تفاصيل وجها بإغراء ... تكاتو على الحيط و جات قدامو و ايديها على سدرو كتفتح صدايفو و تلمس سدرو و هو كيطلع و يهبط فيها بعينين شهوانيين ... 

قالت بالاسبانية و هي كتلعب باطرافو و يديها فمناطقو الحساسة كتغريه : كاتبان بحال شي وجبة كاملة .. 

ضحك ضحكة جانبية جرها من شعرها و دورها عطاتو بالظهر و حناها لجيهتو .. كايعنفها بطريقة مذلة ولكن عاجبها الحال .. حيت هادشي علاش كتقلب ... عراها و جبد معاها بشي شحطات و هي كتصدر اصوات اللذة و الجموح ... و ماحدها كاتغوت و هو كايزيد يضرب و ينتف ... و كملو من عقلكم 🙈 ...

البيتشز و الموجودينن كولشي بدا يتغاوت و يهربو من الخطر ... ايرتان واقف جامد و بارد و هو قدام السلاح موجه ليه .. الدراري شافو شنو واقع .. و تأهبو للخطر حيت الخطة خدات منحى آخر ... كل واحد فيهم كايحاول يوصل للجوايه ايرتان باش يصفيوها لموريسون ... 

ايرتان كايتسنى الوقت المحدد و الفرصة باش هو يبالي بيه ... 

موريسون سكران و حاضي شطايطو .. كايهضر و هضرتو شبه تقيلة و بشكل جدي .. قال ..

موريسون : هههه ماعرفتش كيفاش درت هاد الغلطة و خليت طريقي مفتوحة ليكم ... ههه ذياب تركية .. كانعتارف بلي ماساهلينش ... ولكن اكيد ماشي ديما .. و تصدعي لاعلى المراكز طالع ليا فالراس يعني تعودت على اقوى الفخوخ ... 

ايرتان : كيفما كاين فهاد الدنيا الذكاء و سرعة البديهة .. كاينة الصدفة و كاين القدر و كاينة حتى العدالة الالاهية ... ماتيقش فراسك بزاف ... فآخرتك براز للديدان ... 

تعصب لكلامو و حط السلاح على راس ايرتان.. و ايرتان كيضحك و كايزيد يستافزو باش يغلط ... كايشير بايديه لدراري باش يتسناو ... 

موريسون : فييين سلعتيييي 😡

ايرتان : هههههههههههه *هز راااسو كايضحك بالجهد* روحك فالمقابل ... و غاندفنهم معاك .. كلمة ديال الرجال ... 

لاخر غايحماااق حيت صبرو قليل و متوتر بسباب الكوكاين و الشراب ... ياله غايهضر و جات طلقة من بعيد لعند كتف ايرتان .. طاح فالارض و فؤاد و اشرف زربو حماو ايرتان و جبدو الاوزيات (نوع من الاسلحة) و بالاو بكل واحد واقف تما و تقلبات الروينة تما بالفرادة ماخلاوش الفرصة لشي طلقة اخرى تصيبو . .. ايرتان استاغل الفرصة شقلب الفوتوي و زحف تخبى وراه .. موريسون كان تلاح ورى الحيط يحمي نفسو من الطلقات .. ولات طلقة منو و طلقة من ايرتان .. 

ناض موريسون يهرب ... تبعو ايرتان كايجري .. بحر جهدو ... لاخر نقز ورى الحيط و تبعو ايرتان شاد كتفو ... دخل فسيارتو و هرب ... تبعو ايرتان و لحسن حظو سيارتو كانت قريبة حيت حط احتمال اي مطاردة فجائية ... تبعو و عينيه عليه ... مخرج يدو و كايطلق عليه رصاصات بدون توقف ... و لاخر كايراوغ و يرجع ليه الطلقات ... ب2 طايرين بسرعات خيالية اي غلطة بسيطة منهم غاتكون الاخرة ليهم ... تركيز ايرتان على القيادة و على طريدتو كان عالي و ماهو غير متعطش لدم طريدتو ... اصرارو بحال اصرار الذيب لا رجعة فهاد الشي ... حبس الهجوم من طرف موريسون .. فهم ايرتان بلي تقادات دخيرتو ... و زاد السرعة حتى وصل ليه ... زرب عليه و جبد سلاحو .. الاخر كان باغي غير يهرب من قبضتو ... عارف بلي ماكيرحمش ... شاف فايرتان ... و طلق مقود السيارة و هو كايضحك حيت فهم بلي هي الاخرة ليه .. دار ايرتان ابتسامة جانبية و قال .. 

ايرتان : بلغ سلامي لجيم موريسون ... 

....راطاطاطا 💥💥💥💥 

فجر ليه راسو و نقص ايرتان سرعتو و ضرب جيهة الوقود ديال موريسون و وقف كايتفرج فالسيارة تساطحت مع بوطو و تفجرت ... وقف كايشوف فالعافية كتاكل فيه .. و حط راسو .. على المقود ... جاه اتصال .. حل لقاه فؤاد .. 

فؤاد : اش درتي ؟ فينك .. 

ايرتان : صفيتها لديلمو ... شنو دار عز ؟ 

فؤاد : صافي رجع داوي راسك ... راه مرات شريكو عندنا ... 

ايرتان : نتلاقاو فالمرأب ... 

دخل ايرتان بسيارتو للمرأب لقا الدراري مجموعين كايحتافلو بالفوز ديالهم ... 

خرج ايرتان شاد كتفو .. 

و تجمعو عليه الدراري كايسلمو .. 

اشرف : اشنو وقع ؟ 

ايرتان : فاش شعلات هرب و تبعتو .. صفيتها ليه فجهة القنطرة .. 

عز : زيد بعدا نشوف ليك داك الكتف ماشي وقت اهضرة ... 

جلس ايرتان و حيد كويرتو و السليب سماطي ديالو (ماعرفتش شنو سميت داك الحرام 😒) قلبو عز لقا عندو رصاصة فكتفو .. 

جبد صندوق معداتو و بدا يخور فيها بالملقط و هما كايهضرو عادي.. حيت مولفين و عارفين كيفاش يداويو رسوسهم بريوسهم فبحال هاد الحالات الساهلة .. تفاديا للاطباء و البوليس ... 

ايرتان : ديك الق*** السبليونية .. فين هي .. 

عز : سلمتها للي غايتكلفو بيها .. خدمتنا نجيبوها لا غير .. و لكن بان ليا غير تعدبنا و درنا عليها ديك الحالة حيت السيدة باعت راجلها غير ب**** هههه

فؤاد : هههه تاراه مصيبة مع هاد المحرومات ... 

اشرف : ههه تااشمن عذاب و انت حتى القرطاس ما فكهاش من يديك ولي بديتيه تما كملتيه ليها فالسيارة وا حقلها مشات فرحانة و راشقة ليها و مستاعدة تبيع راجلها و بالفرحات عليها 😂😂 

عز : اوى اش غاندير .. السيدة واخا هكاك مجهدة غير داك الشارف ماعرفش ليها .. 

فؤاد: وا دوك الشرف .. غير كايتعلقو فين يتفلقو ... وتاهو خرج منين سمع الرصاص ماقلبش عليها .. ولكن غاتحط ليه وراقيه و غايجي حتال عندنا مدلول بحال موريسون و لي سبقوه.. 

اشرف : خليونا دابا من هادشي .. ايرتان كيف غادير ترجع و انت مبليسي هكا .. جهينة غاتعيق و غاتعرف اشمن نوع من الاصابات هادو حيت ممرضة .. وصيناك زعما .. 

ايرتان : ماعرفتش .. نقدر مانرجعش ... من هنا نيت نغبرو نوفر على راسي شحاال و لا نقدر نرجع من هنا ليوماين .. ماعرفتش ... 

عز : ههههه ... سير للاوطيل ارتاح دابا و فكر من بعد .. انت راك واللهتا تلفك الgلب ... 

ايرتان : على غير الgلب لي متلفني ؟ مهم انا مشيت .. *ناض لبس كويرتو * و ماتخليوش جهينة توصل ليكم حتى نشوف شنو غاندير .. * مشا للطوموبيل *

فؤاد : واخا ..

اشرف : سير واللهما تفوت يوماين غترجع عندها تغسل ليك شعرك 😂😂 

ركب ايرتان خلاهم كيضحكو وراه .. و مشا للاوطيل فين كان جالس من قبل ... و تلاح فالسرير و صورتها قدامو ... شاف فالشرجم النهار طلع .. و عرف بلي قريبة تخرج من مناوبتها ... 

ايرتان : هذا تحدي بيني و بين راسي .. الى ماصبرتش على فراقك هاد 3 ايام .. ماغاتفرقني معاك غير الموت ... سوى بغيتي و لا مابغيتيش ...

ركبات جهينة فسيارة ايرتان و معاها ايناس ... 

جهينة : ناري غانمشي غايخصني نوجد لداك بوراس الفطور و من بعد الغداء و نصبن ليه حوايجو و انا بغيت ننعس ... 

ايناس: الله على صحايبتي و لات مزوجة بلهلا يطريه ليها 😂😂😂 تي واللهتا راس المحاين و شي ذنب هذا تابعك ... 

جهينة : غاتوريتي فسعدي ..ههه ولكن الى كنت غير باش نشوف وجهو كل يوم و معمر عليا الدار فنصبر و ايدي فوق راسي .. 

ايناس: الله الله .. 

جهينة : هههن شحال قدي نكر و لا نخبي .. انت صاحبتي سنين هادي و كاتعرفيني .. 

ايناس: مايبقاش في الحال احبيبة .. يقدر يكون تاهو كاتعجبيع و مامبينش ليك .. ديري هادا تاهو احتمال عندك .. 

جهينة : لا مادخليش هادشي لراسي مافيا لي يتعلق فين يتفلق ..

وصلاتها ايناس لدارها و دازت لدارها تاهي .. بلاصات السيارة و طلعات كتدردغ .. وقفات قدام الباب .. قادات شعرها و حوايجها و تنهدت .. خشات الساروت فالباب ... دوراتو و حلات الباب دخلات .. 

جهينة ؛ بوونغ بووونغ .. انا جييييت .. 

سدات الباب حطات ساكها و حيدات سبادري ديالها ... لبسات صندالة الدار و مشات طل عليه واش باقي ناعس .. 

حلات الباب كاتعيط بونغ بونغ ولكن مالقاتوش .. مشات شافت الحمام و الكوزينة و البالكو ..ووقفات كتحك راسها 

جهينة : شنو واقع ؟ فين مشا هذا ... يكون ماباتش فالدار ؟ .. ديك الخرجة ديال 8 فشكال عمرو دارها .. يكون مشا يسهر مع الدراري و بقا معاهم * تبدلت نبرة صوتها * و لا .. يكون .. بات مع شي .. وحدة .. هه اش كانقول ايرتان ماشي من داك النوع .. *تبدلو ملامحها * وعلاش لا زعما و زوين و اي وحدة تقدر تغريه ... حيدات حوايجها و هي كتحبس فواحد الدمعة غير بالزز .. غريب هادشي عمرها شكات فجلال لي ديما غابر عليها و اي تان اول ما غبر من قدامها فكرات بلي مع شي وحدة اخرى.. ادشي تلى دل على شي حاجة .. فكيدل على حبها ليه و غيرتها عليه لا تقد تديه شي وحدة من ايديها .. 

لبسات جهينة بيجامتها و هي كتغبن و ساكتة ... خرجات لاكوزينة و وجدات الفطور و حطاتو و جلسات كتخمم 

جهينة : ها هو دابا غايدخل .. و غانجبد لمو لودنين ... و الى نيت كان مع شي وحدة غانقتل مو و نتهنا منو .. 

هزات تيليفونها كتشوف .. لا اتصال لابريا .. 

ناضت للبالكو كطل شي نصف ساعة و اكتر و هي تما .. دخلات و فطرات و خلاتو فوق الطابلة ... ناضت تجمع الدار و تسيقها و تغسل حوايجو .. دارت داكشي و نشراتهم و دخلات تاني للدار... و صلات 10 الصباح و باقي ماكاينش حسو ... 

جهينة : لا لا ... هذا بيه شي حاجة .. عنداك يكون دار شي كسيدة تاتي .. غانتصال ..

يتبع