قدري أن أحبك الجزء العاشر

منين جرها ايرتان تخشات فيه و شادا بقبضتها فحوايجو .. هز عينيه فالدراري كيلوح براسو .. كايشرح ليهم بعينيه باللي هادشي مولفو معاها... 

ايرتان ماقال والو مجرد يدو على ظهرها كافية ... 

اشرف: يمكن تفكرتي داكشي .. احنا غانحيدوه غير تهدني .. 

صوتو فكرها بوجودهم .. دورات وجهها عندهم بلا ماتهز راسها على سدر ايرتان .. مسحات دمعتها و شيرات بصبعها للتلفازة و قالت .. 

جهينة : بحال ..هكاك سد عليا .. 

شافو ادراري فايرتان حيت كان باغي يعرف شنو وقع من فمها هي .. حيت كلام جلال اكيد ممكن يخبي و ينقص لي بغا .. 

ايرتان : شحال المدة و هو ساجنك..

جهينة : من الليلة لي قبل ماتلقاوني ... كنت داخلة للخدمة ووقف عليا .. بقينا كانتناقشو حتى ضربني و من تما غيبت و ماعقلتش ... منين حليت عينيا لقيت راسي فالظلام حتى حاجة كاكاتبان ليا .. بقيت فبلاصتي حيت ماعرفتش فين انا .. حتى بديت كانحس بامور غريبة و شي اصوات ... كون تعرفو باش حسيت ... فالاول كان كايسحاب ليا جلال باغي يخوفني و لكن الامر طول و داكشي بان حقيقي مالقيت غير فمي كايردد اية الكرسي باش نسى و يبعد عليا الشر الى نيت كان (عاودات كولشي و كتبكي و تنخصص استرجعات آلامها و وصفاتهم ليهم وصلات ليهم داك احساس الضعف لي حسات بيه و داك الخدلان و الغذر لي تطعنات بيه )

ايرتان غير مازاد حقد على جلال اكتر و اكتر .. و زادت بقات فيه .. دابا منين قرباتو من الصورة عرف بلي نيت تاترات و غير منين ماحماقتش و ماطولاتش فالصدمة فراه هي قوية و خاصها غير الدعم ... اما الدراري فبقاو كايتصنتو ليها و كايتحلفو فجلال و حاضيين حتى مع اي تان لي ظلامو عينيه من جديد ... طلبو الله ماينوضش يخرج ...

سالات كلامها و رجعات لبكاها وسط سدرو .. كل واحد من الدراري كايحاول يخفف عليها بطريقتو ... 

ايرتان : لا لا هادشي ماخدامش ..*جرها من يدها* نوضي اجي ... 

جرها من دراعها و ناضو الدراري كايلبسو باش يتبعوه ...

عز : بالشوية على البنت ... 

اشرف: تسنى نمشيوو معااك .. 

خرجات جهينة وراه كتجار معاه : ايرتان فين غادي بيا .. 

ايرتان دار عندها :سكتي و زيدي .. 

جهينة : ايرتان راك كاتخوفني .. 

دار شاف فيها و قال : ماشي انا لي تخافي مني ... تيقي فيا ... 

هزها فوق كتفو حيت مشيتها مقسحة و مايمكنش تزرب .. 

ماجاو فين يهبطو الدراري حتى لقاوه طلع و ديمارا .. ركبو الدراري مجموعين فسيارة اخرى و تبعوه .. 

اشرف: فين غادي بيها هاد الحمق .. 

عز : اكيد غايمشي يديها ليه .. 

فؤاد : خفتو يدير شي مصيبة قدامها .. 

اشرف: طلق دغيا و عندااك يفلت لك ...

عند جهينة ... خلعها شكل ايرتان ... ماعرفتش شنو لي خلاه يتصرف بهاد الطريقة .. هادئ و عينيه مظلمين .. ماكايشوفش لجيهتها و لا زاد معاها كلمة ... غادي بسرعة خيالية ... ماعرمرها شافتو بهاد الحالة ... اسوء حاجة هي تكون قدام شخص ديما غامض و تصرفاتو غير منبأ بيها ... ديما كاتبقى بين تيق فيه و لا الا ... و هي فحالتها تجمعو كولشي .. كاتبغيه و كاتيق فيه و من جهة اخرى خايفة تعطيه تيقتها الكاملة خاصة -من بعد ليوقع مع جلال- و من غموضو و ديك السحابة السوداء لي حاجباه عليها ... ماختارت غير تسنى و تشوف شنو غايوقع.. فالاخير راه ماشافت من ايرتان غير الخير ...

بعد مدة وقف ... كان دييبو خاوي فحي صناعي ... خرج من السيارة بملامح جامدة .. جرها من دراعها ...سد السيارة و خرجو الدراري وراه ... سبقوه حلوه و هي كاتشوف مافاهما والو و شادا فيدو بشدة ... دخلو و هي وراه خايفة تشوف ... حتى وقف و حس المشي ديال الدراري حبس .. حلات عينيها بالشوية و خرجات كتطل من ورى ظهرو ... لقات الدراري فالجناب كايشوفو فيها ... دارو شافو فجلال و تاهي حدرات عينيها تشوف .. كان مربوط و معلق من يديه بحال الكلب ... تصدمات من حالتو موسخ بالدم قديم على ذاتو و ممرمد و منفوخ لي فمو و عينو اليمنى .. كولو جروح و كدمات ... هز راسو بتتاقل و كايقوش بعينيه من الضو لي داخل ... بانو ليه مظلمين بسبب انعكاس الضو .. جهينة غرزات ظفارها فدراع ايرتان ... بالتوتر لي فيها .. السبب فصدمتها مليوح قدامها لا حول ليه و لا قوة تماما كيف خلاها هادي 4 ايام كاتواجه مخاوفها بوحدها باهمال و بلا رحمة ... 

شافها جلال قدامو من شكلها حيت ماكاتبانش ليه مزيان هز عينيه فيها بحقد ... 

زادت تخشات ورى ايرتان و تدرقات ... ولكن جرها خرجها من وراه كاملة و دفعها قدامو ... 

ايرتان : ماجبتكش تخباي ورايا كيف النعجة ... 

تحنى و جر جلال من قرفادتو و قفو ... 

ايرتان شد دراعها و جرها حتال قدام جلال و وقفها .. شاف فيها و قال .. 

ايرتان : جبتك تنتاقمي و تخوي لي عندك .. هو لي خاصو يسمعو ماشي الناس باش يشفقو عليك ... خليه هو لي يسمع و وريه بشاعتو و حرقيه بشوفاتك و سمميه بهضرتك ... حتى الى مأترش فيه دابا .. غايقدام وسطو و مفعولو غايقوى مع الوقت ...* شد وجها و قابلو معاه و شاف فيه و غوت* ياله حلي فااااااااممكك...😡

مع غوتة ديالو غوتت جهينة : علاااااااش ... *كتبكي* علاش درتي فيا هكااك ... شنو لي شفتي مني خايب باش تجازيني بهادشي ... بغيتك من قلبي ... دعمتك فكولشي ماديا و معنويا ... و ماعمرني استخسرت فيك شي حاجة ... صنت و حافظت على راسي باش نبقى كبيرة فعينيك و حرمت راسي من شحال من حاجة و خدمت ليل و انهار باش نجمع فلوس لي نديرو بيهم عرس يبقى ذكرى زوينة بيناتنا .. ديما دايرة ليك خاطرك و طلباتك اوامر ... عمري حاسبتك على اغلاطك و لا حتى منين كنتي تكدب فوجهي و تخليني منشورة كنتسناك ... كنت كانتيق فيك و واخا كانو يقولو عليك الكلام و لكن ماكنتش كانتيق ... هادشي كولو و ماحاسبتكش عليه و خرجت من حياتك بهدوء ... باش ترجع من بعد و تخطفني و تخليني نواجه كابوس لمدة 24 ساعة مستامرة ... لا رحمة بلاشفقة استعملتي نقط ضعفي و خوفي ضدي ... باش تاخد فلوسي لي دمرت عليهم سنين من حياتي و بلا حشمة بلا حية كاتسبني و تقول فوجهي بلي كنتي كاتغضرني و بلي كنت غير حمقة هاد السنين كلها و تضربني بكل قسوة وتكملها فالاخير و تحاول تسلب اغلى مااعندي ... شرفي ... ماااعندكش الحق ... ماااعنداااكش الحق ... دليت راسي اكتر من القيااس و انا معاك و لكن هادشي ماكفاكش باغي دمر حياتي عاد تمشي و معاك فلوسي .. شكووون كايسحاب ليك راسك اااه ... شكووووون ؟ 

جلال شاف فيها بحقد و كره و قال ..

جلال بصوت خافت و مقطع : هههه انت كنتي بحال شي ميمة محرومة ... و لا شي بايرة عمرها شافت الرجال ... وانا كنت محتاج لي يصوفيني حيت راك عارفاني معجاز ههه و غير قلت ليك سلام تحليتي .. اشنو بغبتيني مانستاغلش هادشي ... حياتك كلها و انت نية و غبية ... لي جا يديرها بيك و حتى هاد رباعة الزلالة ديالك لي جايبة معاك ... *لكمو فؤاد * 

رجع هز راسو كايضحك و قال : كاتمتلي عليا الشرف ابنت ال**** و هوما دايزين عليك ب4 ... مالهم دايرين عليك هاد الحالة غير هكاك ... ههه *زاد لكمو فؤاد حتى عوج ليه الوففة و طاح كايشتف عليه ورجع وقفو من شعرو و الدراري كايشوفو و يتغزفو كولشي هاد الهضور غايخلفهم * 

رجع وقفو قدامها كايكب الدم من فمو ... هز راسو فجهينة بضحكة جانبية وقال: ها قح**كم مادرت ليها والو واخا كنت على وشك ذلك ههه *جمع الضحكة* واقتلوني و لا طلقوني نق** فحالي ... 

ما جا فين يكملها طار عليه اشرف بحال الذيب الجيعان ... جمع ليه وجهو كلهم لكمات بحال الى كايعجن فيه .. رجعات اللور خايفة و مصدومة ... هذا اشرف ؟ داك الدري المفروح الحمق لي يظل يتفلى و يضحك معاها ... و بضارب معاها على الماكلة .. بحال الى ماشي هو جانب مخالف ليه تماما ... شوفوتا و تصرفاتو و صوتو ... تصدمات منو و لكن انسانيتها ماتسمحش ليها ... تخلي واحد يموت بديك الطريقة ... ماحسات براسها حتى قالت 

جهينة :حباااس ... غا .. غاتقتلووو ... 😭😭 

كلهم شافو فيها .. و حتى اشرف لي حبسات لكمتو عند وجهو ... 

جهينة : صافي طلق الزمر يمشي فحالو .. حنا ماشي مجرمين بحالو ... *مشات عند اشرف كتجر فيه * نوض ا اشرف ماتوسخش يديك فيه ... 😭😭 

ناض اشرف احتراما لطلبها ... 

دورها ايرتان لعندو .. و قال .. 

ايرتان : لا الوقت و لا الشخص مناسب لانسانيتك دابا .. حتال آخر لحظة باقي مابينش حتى ذرة من الندم تجاهك ... حلي عقلك و قسحي قلبك ... تفكري شنو داار فيك ... شنو عانيتي بسبابو ... غاتخليبه يفلت 😡 

جهينة شافت فيه و دارت عند جلال ... هزات حديدة حداها و مشات بخطى سريعة باتجاهو تحت انتظار كل واحد من الدراري... شنو غاديير ...

ولكن غير وصلات قدام وقفات فآخر لقطة .. كان جلال كايتسنى الضرية و لكن لا سمع الحديدة تلاحت فللارض ... هز عينيه فيها ... خنزرات فيه و نسخات دموعها ... و ضحكات فوجهو .. 

جهينة هزات وجهو يشوف فيها وركات عليه : شتي الفرق بيناتنا .. انا ماشي بحالك .. انا احسن منك و فمرتبة اعلى منك ... انا اشرف منك وبزز منك ... انا مابقيتش غانرضى بشي حيوان يلعب بيا و بمشاعيري ... غانعيش لراسي و غانرضي راسي و دوك الفلوس غانمشي نصرفهم ورقة ورقة ... شكرا علمتيني درس عامرني نساه ... *طلقات وجهو * ندير ليك لي درت ماغانرضيش نفسي ... داكشي علاش العدالة الالاهية هي لي غتاخد الكلمة دابا ... 

مسحات فحوايجها و دازت من قدام ايرتان خارجة .. تبعها و دار شاف فالدراري و قال : 

ايرتان : لوحو الق*** مو فشي خلا و خليوه .. 

لقاها دخلات للسيارة و كادير السيت بيلت .. 

ركب و ديمارا ... 

شاف لجيهتها ... كانت كتشد دموعها و تمسحهم بالنطرة ... بقا غير كايصووق لمدة طوييلة حتى ظلام الحال ... سهات و مابقاتش كايتسمعها حسها من غير شي تنخصيصات ... منين وقفات السيارة و خرج من الباب عاد رجعات لعقلها .. شافتو خرج و جلس فمقدمتها ... خرجات من السيارة ...لقات راسها قدام البحر و الشمس غربات شحال هادي ... لقات راسها محتاجاه نيت ... خرجات و جلسات حداه ... شافتو كايشعل الغارو ... خداتو ليه و قسماتو طوعاتو لاحتو ... جبد واحد آخر و خداتو طوعاتو .. تنهد و خدا واحد آخر ..لاحتو تاهو خنزر فيها و قال .. 

ايرتان : راه غانشقلب مك ... تفرقي مني لي فيا مكفيني 😡 

جهينة : و انا اشنو نقول ... جايبني ناخد نفس نقي و لا تخنقني بغارووك 😡 

خنزر فيها و ساط و دار ... 

شافت قدامها و بقات ساكتة ... كتخمم واخا هكاك بقا فيها الحال بزاف ... الموضوع ماشي ساهل ... بين ليلة و نهار تعرف بلي داك لي كانت معاه سنين كان كايغدر بيها و حاول يتعدى عليها ... 

شاف سكاتها طول و شاف فيها ... بسهولة قرى من تعابير وجهها قاش كاتفكر... هبط من فوق السيارة مشا قدامها و رجع خبط فيعا جتى قفزت .. 

جهينة : م ...مالك ؟ صعرتي تاني 😠؟ خلعتيني ..

ايرتان : باقية كاتفكري فيه لمك .. فاش عطيتك فرصة تصفييها ليه علاش تراجعتي اااه .. 😡 

جهينة : واش انا قتالة نقتلو وااش حماااقيتي و زايدون انا ماحقدا على حد .. ربي غايخلصو ... انا صافي خرجت سوقو ... 

ايرتان : اوى علاش باقية كاتفكري فيه ... حيت باقي ماتسرطاتش ليك يااك ... 😡

بقات جهينة كاتشوف فيه حتى دمعو عينيها .. 

ايرتان : علاشش البكاا داااابا علااااش 😡 هادشي كولو لي درتو اليوم باش تخرجي لي فيك و تعاقبيه كيفما بغييتي واخا كنت باغي نمرمدو مزيااان و نصيفطو للي بحالو و كايعرفو ليه ولكن سيادتكم متأترة ليا بحزاق الانسانية ... ماعليش ياك خرجتي السم لي خلاه فييك ... و بطريقتك نتاقمتي ... ما وقع ليك وااالو مجرد كدمات مسألة وقت و غاتبراي ... ماماك مافخبارهاش يعني راها مرتاحة من جيهتك ... كاتقولي ربحتي ناس لجنبك و تهنيتي من داك ولد ال**** ... شنو لبااقي كايبكيبك دااابااا شنوووو ... واش غاتعطي لهاد الزمر اكتر من قييمتوووو ... تعلمي تقوااي و ماتخلي تاحاجة تهدك صافي درس من دروس هاد الحياة تقبليه و جمعي خنونتك 😡 *خرج فيها عينيه * قطعي حسك 😡... *سكات و بقات كتنخصص* ... *عاود خرجهم فيها و دار صبعو على فمو * ششششش 😡😡

جمعات شفايفها الداخل كاتزم البكية ... و ديك تنخصيصة و كاتبيض فيه عينيها .. 

شاف فيها .. حالا عينيها حمرين كاتشوف فيه وجها حمار بالكريد و المسيح ... جابت ليه الضحكة .. بديك الشوفة ديال البعالك لي كادير فيه ... دور وجهو دغية و دار يدو على فمو ... و يد على جنبو غادي للقدام كايبعد .. 

دلات شنوفتها و خنزرات ... مسحات حنكها و قالت بينها و بين راسها .. 

جهينة: دابا هاد الجلاخة علاش كايغوت عليا من الصباح وانا نتغبن باش يعنقني و هو قلبها غوات و صعران .😠 

ناضت كتقرب بالشوية حتى قربات ليها و هي طير على ظهرو ركبات عليه و شنقات عليه بدراعها ..

ايرتان ماعرفها منين نزلت من السماء و لا من الارض .. كيفك يدها لي شانقة عليه بيها وهي لاصقة ليه فظهرو كيف الغرادة ... 

جهينة: الا مارطابيتيش انا غانرقض والديك حتى ترطاب و غانفسخ لمك هاد القشرة القاسحة لي فيك بحال الحمصة 😡 

ايرتان : وانا الى مانزلتيش لوالديك من ظهري غانقسم لمك دوك الفراقش بحال كيف كانقسمو اللوبيا الخضرة 😡 

جهينة: لا منااازلاااش 😠 

ايرتان تبت : واخا ... مالك عاد كنتي فبلاصتك .. *غوت* علااش لااصقة فظهري دابا ... 

جهينة زادت لصقت : بغيت ... 😠 

ايرتان كان فاهم شنو باغية من الاول غير من تصرفاتها و حتى كلامها فاش شنقات عليه ... بغا يديرها ليها على قد فمها ... و لكن بطريقتو ... 

رجع دراعو لور و بحركة خفيفة دورها لعندو .. جات قدامو ...و شادها بيديه ب2 ... رخات منو بيديها بفعل الصدمة و شدات فحوايجو ... عينيها خارجين فيه ... و كيف العادة نفس مشاعر التوتر بادية عليها .. 

حقق فيها ايرتان و قال : مالك ؟ كاتقلبي عليها و منين تلقايها تبركي تفتفي بين يديا .. 

جهينة : ا...ب.. نا ... بغيت...

ايرتان تم غادي بيها لجهة السيارة و كايشوف فيها و يحلل تصرفاتها كيف عادتو... كاتحاول تهضر .. و تقاوم موقفها و حتى مشاعيرها ... 

ايرتان : اب اشنو ... كلا ليك القط لسانك ؟ *حطها فوق السيارة * دوي .. 

سكت كايتسناها تهضر كان كايشوف في عينيها و فين كايشوفو .. المدة لي كان كايهضر فيها كانت ساهية في فمو و فطريقة التحرك ديالو تركيزها كولو تشتت فديك اللقطة اما هو الطريقة باش كانت كاتشوف فيه من جهة حمقاتو وجهلاتو و من جهة اخرى فضحو مشاعرها قدامو ... و هنا عرف بل تأكد بلي مشاعرهم متبادلة و ب2 طاحو فشباك بعضهم ... كمل لي بدا و هنا غايبدا اللعب ديال بالصح ... 

ايرتان حط يدو على خدها : تمنيت نلقى الكلمات لي يشرحو ليك شوفاتك فيا دابا ... وكيفاش مخليين قلبي يخرج على طوعو و شحال كايحسسوني بالكمال و انا معاك ... و ماكايطلبو مني غير حاجة وحدة دابا .. 

هزات عينيها فعينيه مالقات غير يديه ب2 محطوطين على خدودها و ووجهو قريب لوجها لدرجة كافية تلامس انفاسهم بعضها .. غمض عينيه باش يتجاهل افكارو و يخلي غير احاسيسو تاخد القيادة فهاد اللحظة ... هي ماعرفاتش اشمن نوع ديال ردات الفعل لي دارت و هي بين يديه مستسلمة ... و مستاعدة تبادلو قبلتو و بلا ماتفكر...معذورة وهي فصراع مع جاذبيتو و طريقتو كيف خلاها تخضع ليه راه ماعندها حتى فرصة ... تلاقات شفاههم و مع اول لقاء ..اجسامهم خللاتها ارتعاشة خفيفة خلات ابدانهم تقشعر ... نفسها ديك الرعشة لي كاتحس بيها فاول لقاء مع امواج البحر ... و مع الوقت خداو على بعضهم و كل واحد كايتحسس شفاه الآخر و يلامس مشاعر الآخر بحقيقتها... عبرو بشكل غريزي بلا تفكير .. حس بيديها الباردة على دراعيه لي شاد وجها بيهم ... و فكراتو فبرود قلبو فاش سمع كلامها السابق الموجه لجلال لي مفادو حافظات على راسها حيت كاتبغيه و باش تكبر فعينو ... هادشي كان كافي باش يغضب و يتوقف .. ماغانقولش عضها و لا عنفها باش ينفس على غضبو ... حيت ببساطة كايبغيها و يفضل يموت و لا يآديها بأي شكل من الاشكال ... توقفات قبلتو و خلا يديه فبلاصتهم ... و حط جبهتو على جبهتها مغمض عينيه و كايغزز سنانو ... جهينة استيقظت من غقلتها و اكيد عاد فهمت و عرفت شنو دارت ... ياله غايقول شي حاجة و هي تدفعو بخفة ... باش توقف برجليها و توقفو عند حدو كيف كاتظن هي 😂 ... 

شاف فيها ... كاتشوف فكولشي البلايص الا عينيه ... انفاسها طالعة هابطة ... تاحاجة مامستاقرة ... خواو بيها رجليها و جلسات فالارض بعد شوية قالت .. 

جهينة: ا..اش...نو...درتي...دابا ...😳😳 

تبسم شوية و هبط لمستواها و شاف فعبنيها وقال ... 

ايرتان : انت لي طلبتيها مني ... 

شافت فيه و قالت : ا..امتى .. قل ..تها ... 😨 

ايرتان: ماقلتيهاش ... *قرب اكتر كايشوف في فمها* انت طلبتيها .... و انت عارفاني ماكانقدر نرفض ليك والو ... و حتى هاد الطلب مارفضتوش ... و الى عاودتي طلبتيه ... *شد ذقتها بشوفة قاتلة بعينيه* ماغنترددش و نفذو ... 

جهينة صافي غير قراو عليها الفاتحة ... السيدة و اللهما عرفتها واش سخفات و لا جاتها جلطة دماغية و لا سكتة قلبية .. مهم تشقلبو عينيها و ودعت ... شد فظهرها باش ماطيحش اللور و هو كايضحك ...

ايرتان : آااو هادشي جااك كتيير يا هاد البنت ... وا بكري تزوجنا و درنا الولاد هههه ... 

هزها و دخلها للسيارة ... رجع الكوسان لور باش تبقى تابتة ... دخل لبلاصتو و جبد ريحتو لي حاطها فالسيارة ... رشها فيدو و كيف العادة دوزها فوق نيفها .. تحسساتها و بدات كاتفيق ... 

ايرتان : سي عوصمان دار احسن حاجة فحياتو منين صنع ليا هاد الريحة ههه *حطها و رجع كايحرك جهينة * ههه نوضي يا هاد البنت راك جبتي ليا التمام ... 

فاقت و لا ماتحل عينيها بدات تغبن .. 

جهينة : باغي تقتلني ننعننن .. باغي تصفيها لديلمي ننععنن ... 

ايرتان: هعهه ياله نتعادلو .. مانبقاش غير انا لي واكل الدق ... ههه 

جهينة هزات يدها الفاشلة و عطاتو للحنك شدو و كايشوف فيها غفلاتو .. 

جهينة : سكت اش كاتبرغم تماااا ... 

ايرتان : وليتي طرشي المشعكة الدبدوبة ... 

حلات عينيها و خنزرات فيه كاتغوت ... 

جهينة: و انت وليتي تشلقم الجلاخة .. كاااااتشلقم... و شكوون انا جهينة لي عمر ولد المرة حط عليا يدو ... الجلاخة اليوم نقتل مك ... سرقتي ليا بوستي الاولة 😭😭😭 

ايرتان : هههه اولا ماسرقتهاش عطيتيها ليا ... تانيا مايبقاش فيك الحال حتى انا كانت بوستي الاولى ... 

خرجو عينين جهينة حتال عندو و رجعو لبلاصتهم ... 

جهينة : هادي راه ماشي سلوغية ... هذا راه ضوبرماان .. 

ايرتان : و بربي لا داوي معاك من نيتي ... انت اول نتوة كانقرب ليها .. 

جهينة : اويلي و على لمن كنتي تقرب للذكورة .. 

ايرتان : راه غانجبد صباطي و نصورو لوالديك فالكمارة ... كاتبان لوالديك فيا شي علامة ديال ال*وامل ... 

جهينة : الصراحة لا ... ولكن راه شحال من واحد كايكون عادي و كيصدمك ... 

ايرتان : شنو دابا نتعرى على مك نوريك واش راجل و لا *امل ... 😡 

جهينة: اعوذ بالله من غضب الله و من الشبطان الرجيم .. ما بالك يااخي تخصر الهضرة و تجبد قلة الحياء و العار و تتكلم على الفسق اتريد قتلي بالخلعة و اذهب فيها و انا لم اشوف و لم اتشوف .. العن الشيطان و قل اعوذ بالله ... فنحن جل وقتنا رأس في الرأس و هذا الكلام سيجبد شيئا قليل الحياء بيننا ...

سكت ايرتان كايشوف و دار يدو على خدو (انا براسي مالقيت باش نجاوبها 😂) 

جهينة: مابالك تحنزز فيا ؟ هل انا مزوقة ام بوقوصة لهذه الدرجة ... 

ايرتان : كانفكر فواحد الحمق داير راسو فيك ... ماعرفتو اش عجبو فيك .. 

جهينة : شكون هو تاني ... بلاتي بلاتي بلاتي ماغاتلفنيش ... كيفاش قضية عمرك قستي فشي وحدة .. 

ايرتان : نحلف 2 مرات ؟ 

جهينة قوصات حجبانها و بقات كاتشوف فيه ... و قالت .. 

جهينة : اوى بلاتي ها انا غانحصلك ... عمرك درتي علاقة مع شي وحدة ؟ 

ايرتان : لا ... 

جهينة : لا لا بلاتي .. انت شاب فعمرك 24 عام ميسور و بوقوص و بصحتو و كواشي عندو علاش مامرتابطش ؟ 

ايرتان : حيت حتال واحد الوقت ... حتى وحدة بان ليا فيها البلان ... 

جهينة : تا اشمن بلان .. انا كانهضر ليك على الحب زعما شي وحدة تدي ليك القلب و العقل ... و ديك الهضرة اما البلان ... راه بان ليك فيا انا منين تحلفتي عليا و بقيتي حتى لقيتيني .. 

ايرتان : ههههه بالظبط داكشي لي قصدت .. 

جهينة : شنو لي بالظبط هضر مقاد و ماتبقاش مطلعها عليا ... 😠 جاوبني نيشان ...

ايرتان : وراه جاوبتك .. 

جهينة كتهضر و تشرح بيديها: واخا عمرك رتابطتي و لكن كراجل ... زعما .. عندك متطلبات .. زعما ... داكشي ديال a night stand 

ايرتان : كاتقصدي نتعس مع الق**** 

جهينة : اوووف واش مايمكنش ليك دير شوية الرسميات و ماتبقاش تهضر نيشان ؟ 😠 اااه هاديك .. زعما فالعلاقة راه كايكونو القبل و قول هادي لا ماكايناش .. 

ايرتان : اه كاينة .. و لكن انا عمرني درتها لا فصغري و لا دابا ... 

جهينة : بغيتي تقول بلي انت عمرك فحياتتك ماقصتي شي وحدة لا من بعيد و لا من قريب 😱 

ايرتان غمض عينيه و هز راسو بايجاب .. 

جهينة : زعما انت دابا كيفما ولداتك امك ... بتووول 😱 

ايرتان : لواه حلييمة 😑 

(كانقولو عذراء للمرأة و بتول للرجل )

جهينة : مامتيقاكش 😱😱 و علاش حيت صعيبة و بزاااف نلقاو شي واحد بحالك واش انت عندك شي مرض .. و لا يمكن عندك فوبيا من العيلات ... مافهمتكش 😮 

ايرتان : ههههه هادشي لي بان ليك ؟ غانديك على قد عقلك ... علاش انت باقية بنت و ماعمر شي حد قاسك ... 

جهينة كتحك عنقها بتوتر : المرأة لي بكرامتها كتحافض على راسها للشخص لي يستاهل ... و لداك الشخص لي كاتحس براسها ليه .. ماشي غير لي جا تستسلم ليه ... 

ايرتان : اوى هانت عندك اسبابك ... و حتى الراجل ماشي ديما كايكون تابع غرائزو ... حنا ماشي حيوانات ... و زايدون انا كانعيفهم ... كايجيوني بحال شي طواليط متحركة ...*تقاد فالجلسة و ديمارا السيارة *و عاد شي اسباب ماغانزبدش نوضح ليك ... حيت ماشي سوقك ... 

جهينة : سوووقي و نصف قالاك ... 

ضار شاف فيها بنصف عين زعما علاش سوقك ... و هي تبرقق فيه عينيها .. 

جهينة : احم زعما انت فشكل ... بغيت نقول راك سبسشال اكتر من القياس ماكاتشبهش لبني جنسك ولو حتى بشوية ... حتى بعض المرات كانقول هذا راه كائن فضائي ... انت هادي لي غاتزوج بيك هي لي خاصها تعطيك صداقك ... تجوج بيا ... نديرك فوق راسي و مايخصك والو معايا ..انا نخدم عليك و ندير كولشي ..

ضحك ايرتان حتى بغا يسخف .... ماجاوبهاش و ديمارا السيارة و خلاها كاتهضر و تبلز بوحدها ... جاتها فشكل و ضرها فراسها ... و عاد خلعة البوسة كلها ولات هضرة و هلوسة دابا .... ماسكتتش من هادي لهادي حتى شهقت .. 

ايرتان : انت صافي غانديك لشي راقي ... حيت غاتكوني تشيرتي فديك الخربة مافيهاش ... *غوت * تي مال مك اش واقع .. 

جهينة : عتمان و ايناس دايرين ليا حفلة و تعطلت عليهم ... بسبابك الهم  😡 

ايرتان : باقي الحال ياله 9 .. انا غانديك فين ؟

جهينة : لدارهم ... ف*****

قلب الدورة و فرمشة عين وصلو ... 

جهينة : ياله طلع معايا ... 

ايرتان :غير سيري انا هنا غانتسناك حتى تهبطي .. 

جهينة : صافي غير سير انا غنتعطل .. راه بوراس غايوصلني .. 

ايرتان : متأكدة ؟؟ 

جهينة ؛ اه ..ياله بسلامة .. 

خرجات حتى طلعات و مشا .. 

جهينة وصلات للباب الدار .. كانت اقامة جديدة و باقية تقريبا خاوية الناس باقيين ياله كايشريو .. 

جهينة : مزيان منين شراو الدار ... ياله نتهنا من كمامرهم ... *كتدق* اويلي اش هاد الصداع ... شاعلين الشعبي ولاد الكلاب بداو الحفلة قبل مني 😡 ابلاتي انا جايا لوالديك 

بدات كتقلب بعينيها و مدات يديها تقلب عالله و لقات الساروت الفوق ... ضحكات بشر و هي تحل الباب بالجهالة ... وهي تقول ... 

جهينة : احصلتو والديين بوكم الكلب .... *وقفات مصدومة*

كانو مفرشين فالارض و حاطين حلويات و ماكلة و طلقين الشعبي على جهدو و عتمان جالس و محيد الفيست ديالو و رابط الغرافاط فراسو و و حال القاميجة شوية ..اما لالا ايناس طالقة الشعر و محلقة و لابسة شوميز حمرة مقزبة و كاتشطح فالارض فجنبو و كاتغريه بسدرهل و عتمان كايصفق و يضحك عاجبو الحال ... غير تحل الباب بحال الى شافو ملك الموت .. صقلو ب2 على نفس حركتهم و بقاو كيشوفو ... 

جهينة : هادشي لوالديكم لي كاضلو ديرو يال المكابيت يا القصايرية ... راه عيد ميلادي هذا لوالديكم ... 

ردخات الباب دخلات و هي تجلس بيناتهم ... هما بقاو غير كايشوفو بالصدمة ... هزات الحلوى كاتنقب و قالت ايناس 

ايناس: يسحاب لينا غير ماجاياش 😨 

جهينة : اممم هادشي بنيين ... *شافت فيها* نوضي لمك تهزي تستري بعدا جبتي ليا التقية 😐 

ناضت ايناس لبسات عليها بينوار و جلسات حدا جهينة .. 

عتمان : دابا منين طلعتي انت .. قلنا ليك جي ف 7 ماجايا حتال 9 ... اش قالك داك الحمار ديال راسك .. 

جهينة كتاكل و تهضر : وقعو شي بلانات عطلوني .. غير تعطلت شوية نضتو تقسرو بحفلتي اولاد الهم .. ولايني راكم واحد الشلاهبية ... ماتسواو ماتصلحو .. 

ايناس: اوى صاافي .. انت غير ديريها و سمعينا نغيرك ... اجي لهنا .. اش عطلك .. 

جهينة : كنت مع الدراري تاهما دارو ليا حفلة .. 

عتمان : ااه قول السيدة دايرة حفلة و نساتنا ... لقات العشران الجداد ... و مابقينا غاع نعمرو ليها العين .. 😏

ايناس: هاانتا تشششوف 😐 

جهينة : لا واه الصمقمق راه انتوما لي غير تزوجتو و لجتوني للتوش ماشي انا ... و اصلا انتوما العشران نامبر واان مايمكنش نسمح فيكم .. الدراري ماكنتش عارفة شنو دايرين ليا .. حتى داروها مفاجئة ... و لي عطلني ماشي الحفلة حيت كنت دايراكم فبالي منين عيطتو ليا ... مهم كنا كانتفرج فواحد الفيلم و ... (عاودت كولشي مافيا لي يعاود يكتب 😂) 

عتمان: وااايلي .. 

جهينة : اقسم بالله العظيم .. 

ايناس: ولايني ماساهلينش هادو ... خطفوه و ربطوه غااع ... 

جهينة: كون تشوفي العصا لي عطاوه فين يبان هادشي لي فوجهي .. غيزو ليييه حتى مابقا قاد يهز راسو ... و لكن هو هو .. زعما حشم و لا خاف .. والو .. هكاك و سبني و هاني .. و لكن مابقاش فيا الحال حيت الدراري خداو ليا حقي ... و شفتو مذلول قدامي بحال الكلب .. 

عتمان : وشنو دارو معاه ... راه جريمة هاديك .. 

جهينة : قلت ليهم يخليوه فحالو ... مهم كلا دغة و عرفني بيمن محزمة .. 

عتمان : و الله حتى كنت محلف فيه و باغي نتلاقا معاه ... 

جهينة : اودي خليه للي خلقو .. عارفة راسي ماشي بوحدي .. انتوما را نعمة عطاها ليا و عوضني بيها ... ارو شي عناقة .. 

تجمعو ب3 معانقين كايضحكو حتى نطقات ايناس ... 

ايناس: هاديك اه ... باراكة عليك راه الراجل تايكن اخيتي 

عتمان : احح مرتي كاتغير عليا 😎😂 

جهينة : مزينتك انت وياه الله يعبركم فشي جايحة ب2 .. و ليني لمك تغيري عليه مني .. نسيتي شحال كني تلصقيني نجر ليه لسانو نشوف واش مزعوط فيك اه ... نسيتي الميساجات لي كنتي تقولي ليا نوصلهم ليه باريط و لا داك الكذوب لي كنتي تقولي ليا باش نقولو ليه و تبقاي فيه و يصدق هو لي تابعك اه تزيدك 😠 

ايماس كتقرص و تهضر بين سنانها ؛ تي سكتي ينعل اصل مك الكلبة شوهتيني .. 

عتمان : اااه قول كنتو دايريني بيناتكم اللفعات ... ولايني العيلات مافيكم تقة و مايقد عليكم غير لي خلقكم ..😐😐

جهينة ؛ هي اخويا .. كانت كاتبتزني الكلبة .. 

ايناس: هاهي فمك ... عوت عوت حبيبة كون ما دوك القوالب .. كوراه غاعما تجمع شملنا .. و باقين فدلر غفلون .. و لا لا ... 

عتمان : احياااني عليكم انتوما 😐😐

دازت حفلتهم فالضحك و النشاط حتى ناضت ايماس تجمع الماعن و ناضت معاها جهينة .. دخلو للكوزينة و جراتها .. 

جهبنة : ايناس ماعاودتش ليكم كولشي 

ايناس: اويلي ياك لاباس ... 

جهينة : و اللهما عرفت راسي مدوخ و مشقلب لحد دابا .. مامتيقاش بداكشي لي وقع .. 

ايناس: تي دوي خلاص طلقيني ..😠 

جهينة : احم .. ايرتان ... زعما .. قرب ..يعني ..

ايناس: تي دوي خلاص ... اش داار 

جهينة: باسني ... 

ايناس: باسك .. كيفاش؟ 

جهينة: حلي زمرك الويل .... باسني كيف كايبوسك راجلك .. 

ايناس؛ اوييلي حي ... اويل الشيطان .. و انت اش درتي

جهينة : ما درت والو خليتو ...ماعرفتش اختي كيفاش دار حتى فهمني .. كان كيهضر معايا .. و فعقلي و بصراحة و انت كاتعرفيني دغرية و نيشان ... كنت كانتخيل دوك الشنايف عندو و ملمسهم كيف داير .. حتى كانلقاه دارها بالصح .. شكيت غاع واش قلتها بفمي انا راه ديما بالزاها ... اشنو ندير ... راه غانحماق ليك .. من جهة غانطير بالفرحة و من جهة راك عارفة انا عمري خليت واد المرة يقيسني جا هذا و دخلني طول و عرض مافكرتش حتى نحبسو ...

ايناس: و راه البغو هذاك ... ماقدرتيش تحبسيه حيت كاتبغيه .. شوفي لمك ماخاصكش تعاوديها تحكمي فراسك .. و هادا السيد بان ليا ذكي و كايفهمها طايرة .. تحكمي فراسك شوية و فافكارك و فينما تكوني معاه و جاتك شي فكرة مسخة صرفقي راسك باش تفيقيه من الغلبة ... الى بقيتي هكا اليوم بوسة و غدا ... غانقولها قد راسي ... و انت ماعرفتيه اختي غير لاعب و لا كايتفلى .. 

جهينة ؛ مانضنش كان كايتفلى .. حسيت بيه فشكل .. ماعرفتش كيف غانقزل ليك و زايدون قال ليا .. اول مرة ليه حتى هو .. 

ايناس: هههععهههههههههههه و تيقتييه .. 

جهينة: و علاش لا راه حلف ليا بالله ... و هو ماشي بحال اي واحد... وليت حافظاه اكتر من راسي ... واخا غامض و لكن كانتيق فيه ... عارفة بلي كلامي جنوني و عاد خارجة من تجربة فاشلة و لكن هادشي لي عطا الله ... جسمي و عقلي مستسلمين ليه و ماباغياش نقاوم .. 

اينلس: الى كان هكا ... غادي يخصك تعرفي واش حتى هو كايبغيك ... الراجل ماشي ديما كايبوس على اغراض جنسية .. حتى هما بشر و كايحسو واخا ماكايعبروش .. 

جهينة: و كيفاش غاندير ؟ 

ايناس : غادي ...

وصلها عتمان بسيارتو قدام العمارة ... خرجات و سلمات عليه ... شافها ايرتان من فوق البالكو كان كايتسناها و كايكمي .. غير دخلات و دخل دغية .. دخل للبيت و تكا شاد كتاب كايقرى و كل شوية يطل بعينو واش دخلات ... حتى سمع الباب تحل و هز الكتاب زعما مامسوقش .. 

حطات سباطها و صاكها و دخلات للبيت .. 

جهينة : انا جييييت ... 

ايرتان بلا مايهز راسو فيها :تجيك فالراس ... اش هاد التعطيلة .. 😤

دخلات جلسات حداه كاتشوف فيه ... ماجاوباتوش و هز عينو فيها ... كايشوف فيها باستغراب و قال .. 

ايرتان : مالك ؟ 

جهينة ناضت حلات الماريو : لا ... والو ... واش فيك الجوع نطيب لك شي حاجة .. 

اي تان : واكل ... 

جهينة : حتى انا شبعانة .. غاننعس نيشان .. *دارت بالزربة و على غفلة شافت فيه لقاتو كايشوف فيها و دور عينو للكتاب و مستغرب من تصرفها * 

تبسمات جهينة و قالت .. 

انا غانمشي نبدل ... 

مشات جهينة للحمام و هو بقا كايفكر فتصرفها الغريب .. تجاهل الامر و كمل قرايتو ... 

خرجات جهينة و طفات ضواو الدار و دخلات للبيت ... 

حطات حوايجها و تخشات فالسرير ... 

جهينة : اووووف عييت اليوم ... 

ايرتان شاف بنصف عين فيها قائل : اش درتي غااع .. البكاء و النحاط و الماكلة و البلا بلا ... هادي هي حياتك ... 

جهينة متكية و مغطية و كاتشوف فيه : راه حتا داكشي مجهود مالك سهلتيه .. و نوض تغعد من حدايا خاليني ننعس ... 

ايرتان : نعسي ...نكمل هاد الشابتر و غاننوض ... 

سكتات جهينة و كاتشوف فيه و تخمم فيه و فقبلتو لي جات من النو وير ... كل مرة كاتفكرها كاتفكر حتى الاحاسيس لي ترافقت معاها فديك اللحظة ... قبلتو الاولى ليها ماكاتعني غير حبو من جيهتها .. هذا الافتراض الوحيد لي فبالها و كاتطلب الله يكون بالصح ... كان مركز فكتابو بحال الى فعالم بوحدو ...كانت كاتشوف فيه معجبة ... اي حاجة كايديرها واخا تكون بسيطة كاتشوفها حركة جذابة ... نفضات راسها و 2 كلمات فراسها : لابد انني بديت نحماق ... 

غمضات عينيها كتجذب النوم ... 

ايرتان منين سالا ... سد كتابو .. شاف لجيهتها لقاها نعسااات .. قاد عليها غطاها .. و دار يدو تحت راسو مكاليه و كايشوف فيها ... هذا وقتو تاهو يسترجع الذكرى ديال اول قبلة ليه و مع اول حب فحياتو ... تبسم .. حيت كانت ذكرى فريدة ... الاحاسيس و المشاعر لي كانت متبادلة.... وجهها و ردة فعلها لي ضحكوه ... و اهم شيء خلاتو يعرف بمشاعرها من جيهتو بحكم انه واعي و عارف مزيان لغة الجسد ... نقطة قوتو و الشيء لي كايخليه ديما سابق الاخرين بخطوة ... قاد راسو فالوسادة و بقا كايفكر و يخمم حتى داتو عينو حداها ...

💭💭جهينة جالسة فوق السرير و هازا مراية قدام عينيها كاتشوف وجهها ... دخل ايرتان عندها .. شد يدها ووقفها عندو .. لاحت المراية من يدها مدهوشة ... شد راسها بين يديه ... و قرب للوجها باش تتلاقا الشفاه و حتى الارواح ... بعد طول مدتها ... قابلها معاه و بنظرة محبة فعينيه قال .. 

ايرتان : كانبغييك ..💭💭

حلات جهينة عينيها كاتكسل و كاتفوه ... شافت فجنبها لقات ايرتان ناعس على كرشو و عاطي براسو لجهة الاخرى ... تفاجأت شوية و قالت فخاطرها ... 

جهينة: ولد الحرام .. نعس حدايا ... *تفكرات الحلمة و خورجو عينيها * اويلي حي اش هاديك الحلمة 😱 ... *صرفقات راسها* خاصك تتحكمي فافكارك البهلة ... *تبسمت و غرقت فحوايجها و الفراشات فمعدتها ما إن تفكرت القبلة * 

بدات تفرنس و تجر الغطا ديالها كاتعنقو و تلعب برجليها و مغمضة عينيها معبرة على فرحتها و تحمسها و كولشي فالسر باش ماتفيقوش .. ولكن ماعامن هي ... ايرتان نعاسو خفيف ... شافتو هز راسو غايدور و هي دير موتة حمار ... شاف فيها ايرتان و تبت عينيه عليها يتأكد واش كانت كتحرك ... هي صبرات شوية حتى حسات بيه بلي رجع ينعس و هي تحل نصف عين كتطل .. و هي تلقاه كايشوف فبها مشقلب بالنعاس ... شافت عينيه محلولين و رجعات دارت موتة حماار ... ضحك ايرتان بينو و بين راسو ... جهينة بقات هكاك متحركتش حتى حسات برجلو دفعاتها طاحت من السرير .. 

جهينة : آ.. آ.. آاااي ضلوووعي ..*ناضت و دارت يديها على جنابها لقاتو رجع ينعس و لايح كل رجل للجهة* هااداااك آه 😤 علاش دفعتيني 😠 

ايرتان مغمض عينيه: باراكة عليك خليني ننعس حتى انا ... الليل كولو و انت تفرنسي و ضحكي و تفركلي ... ماخليتينيش نغمضو .. *شاف فبها بنصف عين* سيري وجدي الفطور و جمعي الدار و نقيها .. ياله غبري من قدامي .. 

جهينة ؛ مالي خدامتك ... مالي حتى نوض مع 7 نشقا هبلت .. وزايدون انا لي في فترة النقاهة .. ماشي انت ... انت لي خاصك تنوض تشقى و تعاوني ..

ايرتان هز راسو خنزر بمعنى تزيدي كلمة وحدة نوض نشقلبك ... مازادتش معاه كلمة عوجات فمها و خرجات... خلاتو ينعس عارفاه حساس من جهة النعاس ... نعاسو خفيف و اي حركة تفيقو ... داكشي علاش ماعزيزش عليه لي يبرزطو و لا يقاطع نعاسو و بما ان جهينة فاقت ... جرى عليها باش يغمض عينيه حتى هو ... 

مشات للحمام قضات مسائلها و خرجات كاتكسل ...

فضلات تجمع الدار عاد تطيب الفطور حيت ماكاتكونش محلولة ليها الشهية بكري و عاد ماباغاش تفطر بوحدها ... بدات كتنظف و تطرف كل قنت من الدار و تسب و تنغر ... الدغر ولات ديما نقية بسباب ايرتان .. هي فعادتها مهملة و ماكاتنضفش ديما و لكن هو غير يشوف ذرة ديال الغبرة كايحيح عليها ... شحال من تفصيل فالدار بدلو ايرتان و عاود رتبو بشكل متقون ... كايعرف يتول عكسها هي لي تاحاجة ما فبلاصتها ... 

كانت قبل كادير القوالب معاه و لكن كايحصلها ... دابا ولات غادية فالخط و كولشي كاديرو على حقو و طريقو ... من بغد ساعة و نصف ديال المسيح و التنظيف .. دخلات للكوزينة ... تشهات المسمن .. شمرات على دراعيها و دارت بانضة رجعات شعرها لاور و بدات فخدمتها ... شعلات الراديو حداها .. و بدات تمزك و تشطح غير مع راسها .. 

ايرتان كان متكي على ظهرو كايشوف فالسقف ... ناض جلس و حك وجهو مرورا بشعرو .. دفع الغطا و ناض دخل للحمام ... جهينة غير سمعات اغنية malu trevejo -luna llena و بدات تنقز .. بدات تبع مع الاغنية و زادت فيها و بدات تغني معاها و تشطح و تميل فخصرها مع الريتم ... جهينة من عشاق الاغاني الريتمية و خاصة اللاتينو لي خلاوها تعلم ترقص عليهم و لكن بالخصر ديالها .. موهبتها الوحيدة هي هادي ... رقص بالخصر قربب بزاف للشرقي و لكن ماشي هو ... من صغرها و هي كنوقف قدام المرايا و ترقص عليها و هدا من العوامل لي خلا فورمتها تكون شبه رشيقة مع كيلوات زايدين و بدون ماتركز على خصرها ... كانتةعلى حالتها تعجن و تشطح حتى دخل ايرتان و هي ترصى .. 

ايرتان مشقلب لي المزاج بقلة نعاسو : انت لمك اش هاد الحيحة على الصباح .. 😤

جهينة: ههه و اللهتا مشيتي من بالي ... 

ايرتان جلس حداها و فوق البوطاجي علاياش كاتعجن ... هز تفاحة و عض فيها ... شتف فيها كاتغني و راشقة ليها ... و شاف فيها.. و قال 

ايرتان : اشنو قصتك انت كنين جيتي من عند صحابك مابقيتي عاجباني .. 

جهينة وقفات قدامو حالة عينيها : علاش كنت عاجباك قبل 😇 

شاف فيها و جبد شعرها و لاحو فوق وجها و دفعها فين كانت ... خصرات وجها و رجعات تعجن .. شعلات البوطة و بدات تطيبو ... 

بقا حاضيها بنصف عين و هي تاهي حاضياه بنصف عين ... هو عايق و هي عايقة .. نقص الموسيقى و رجعت زادت فيها .. مد ايدو يخصر ليها شعرها ضرباتها ليه و غوبشت ... رجع عض التفاحة و عينيه عليها ... كتخبز و تاهي كتطل بنصف عين ... جبدات لي طابت حطاتها و لاحت ااخرى ... مد يدو يقطع منها و ضرباتها ليه .. 

جهينة : حيد مكافشك حتى نسالي 😠 خرج عليا مالك برزطتيني هاد الصباح 

ايرتان : لوالديك وليت انا لي كانبرزطك ... *مد يدو ياخد المسمنة ضد فيها و خطفاتها من يدو*

جهينة : والله في فمك لا طاحت .. 

ناض بلا عغزة عليه و هي تكور لجهة الحيط و هو جاها من اللور كايجر ... هي تجر و هو يجر حتى شروطو المسمنة .. خداها و رجع لبلاصتو كياكل و يفقص فيها .. 

جهينة شافت فيه و عوجت فمها : لي قال عندك اعقل بغيت ربي يعطيه ليه هو نيت ... 

رجعات كاتطيب و تغدد ... 

طفات الراديو لي ولاو غير كايبلابليو فبه و عاودت دارت الاغنية فتيليفونها و بدات تغني تاني .. 

ايرتان : طفي عليا داك الصداع .. 

جهينة : نوض خرج الى صدعتك 😤 

ايرتان طفاه .. 

جهينة شعلاتو و زادت فيه على حدو و خشاتو فشونها .. 

جهينة: ياله طفيه دابا .. 

بركات تهز حجبانها فيه و تفقص فيه ... 

ايرتان :دابا لمك انت كاتعجني و يديك ماخليتي مادرتي بيهم ... 

جهينة بدات تشطح و تخرج سدرها زعما موت بالسم ماغاتقدرش تطفيه .. و عينيها فعبنيه طيرات البلاكة ... و كاتردد الكلمات مع الاغنية .. 

Dale dale dale ... one two three put it on me ... 

خرجو عينيه منين سمع آش قالت ... و هبط ليها ... كيقرب و يقول ... 

ايرتان :شنو هو لي put it on me ??!!! ...

*وصل ليها و لاح يديه على احيط و هي بيناتهم * وليينا فالإغرااء ...

جهينة: ش .. شكااتخربق تاني ... انا اش قلت ... اشمن اغراء ... *هزات صبعها قدامو * انا فتاة بمبادئي و اخلاقي .. واخاةتكون زاااين مااليك مانديرهاش سمعتي ... و زايدون كاتقول .. وان تو تري بوت ايت اوون مي يعني يحط ايدو عليها حيت كاتدعوه للرقص الى ماكاتفهمش صبنيولية ماتبقاش تلاح 😡 

ايرتان : ههه اولا ... سميتها الاسبانية .. تانيا انا هضرت على لي بارت لي بالانجليزية ... و بما انني ماربطتش اللغات ب2 فراه النتيجة متوقعة ..و زايدون انت خاشية ليا تيليفون تم *شير بيدو و عينيه و دلرت يدها على سدرها * و كاتفقصي فيا حيت مانقدرش نجبدو .. هادي اش كاتسما .. 

جهينة خزات صبعها تاني : كووولشي .. الا الاغراالء مانسمحش ليك .. 

عينيه كانو ععلى صبعها ماكايحملش هاد الحركة شد ليها صبعها و لواه حتى سمع طق عاد طلقو و خلاها كاترطا شاداه .. 

جهبنة : صبعي ياولد الحرام ... شوف كيف درتي ليه واش باغي تغرضو ليا مسيكين ... 

ايرتان : ياله طلقيني من حماقك راه جاني الجوع .. *تم خارج*

جهينة : تاكل جنابك .. الله يغرق ليك الشقق .. *رجعات كتطيب * قالت ليك حضي تصرفاتو .. *كاتعيب ايناس* الى كان كايبغيك غايكون ديما غير ساهي فيك و كايشوف فبك .. يحاول يضحكك و يلعب معاك .. يتغزل فيك و يمدحك و يبقا يستعرض زينو و شهامتو و يدير اي حاجة باش يلفت نظرك و تكوني راضية عليه .. لاواه الصمرقل .. هذا هو البغو ...على صباح مطوعني من بلاصتي و مزيدني نشقى مع 7 و زايدها بالنغير و المخاصمة و التخنزير و لويان الصباع .. الله يغبر ليكم الشقف كاااملين .. جامعة عليا غير الهبل و البسايكوات ... اااتح سخوون ... 

ايرتان : طلقي و لا غانجي نلوي لوالديك الصباع لي بقاو و نكمل بديال رجليك .. 

جهينة : صافي هنينا اني جايا 😠 الله يتبعك سلايgالبلا ... 

ايرتان : سمعتك الدبدوبة المشعكة ...

داز الصباح ... بعدما تغداو .. جهينة بقات فالصالة شادا فيلم .. و ايرتان دخل للبيت يتصنت لعظامو ... دازت ساعتين على ديك احالة ... سالا الفيلم ... و ناضت للكوزينة ... هزات تشيبس و رجعات تقلب شي فيلم اخر دوز بيه الوقت .. مابقاتش بعدما دازت على غاع القنوات لي كاتعرف .. هزات التشيبس و دخلات عند ايرتان ... وقفات عليه كيف المردة كاتقول .. 

جهينة: ايرتان .. موض نتسركلو ملييت .. 

ايرتان : سيري غبريه مسينا عالله .. 

جهينة : فين كادويا الغماق ... ولا درتي هكاك باش تنسيني فيه .. ماصدقتيييش 

ايرتان ناعس على كرشو و كايهضر : دايرو فبالي .. حتى نوض و غانمشيو .. 

جهينة : بالصح بالصح 😍😍 نوض نوض دابا دابا.. 

ايرتان : سيري فحالك باقي العشية طويلة خليني نغمض... 

ماهلاتوش يكمل طلعات فوق الناموسية كاتشتف و تندغ التشيبس و تقول : دابا دابا دابا دابا داااابااا داااباااا داااباا .. 

ايرتان خشا راسو تحت الوسادة و والو صوتها داخل ليه وسط الطبولة دودنيه و دماغو فيه غير جهينات كاينقزو و يقولو دابا ... هز راسو فيها مخنزر و هي لا بغات تحشم .. عصباتو بشتيفها و هو يضرب رجلها بخفة غير باش تعكل .. و نيت طاحت فالسرير زلعات التشيبس و غوتات ... شدات جنبها ظهرها و تكوانسات كاتقول .. 

جهينة: لمك الفتق الفتق الفتق .. عتااق اولد الهم .. امييييي .. 

ايرتان ناض مفزوع جلس قدامها شد يديها كايعاونها : على شحال فعمرك يا هاد البنت حتى فيك الفتق ... تي مال مك دايرة بحال شي عجوزة برهوشة ... 😒😒

ايرتان : ياله نوضي الكريتة من قدامي ... 

جهينة كتجبد : اوووف كنتي غاتقتلني ... تامالك كاتغفل ... وانوض بدل و حتى انا غانبدل .. نرجع نلقاك متكي غانشتف عليك انت ... 

هزات حوايجها و خرجات خلاتو داير يدو على راسو ... ناض و بدل بالخف رش ريحتو و هز الكونطاكت و خرج جلس فالصالة كايلبس سباطو ... و جلس يتسنا فيعا ...خرجات جهينة من الحمام كاتقداد شعرها ... 

ايرتان: شحال خاصك من عام مزال ؟

جهينة: اووه دغية ساليتي .. انا غير نكمل الفوندايشن نغبر هاد الزروقية فوجعي و انا معاك .. 

ايتان: اه لي فوجهك خاصو يتدرق ..و لي فدوك السيقان و الدرعان ماشي مشكل ؟ ... 

وقفات قدامو كاتطل على راسها .. لقات عندو الحق ... 

ايرتان: غير زيدي ... بلا ماتبرزطي راسك ... 

جهينة: زعما ما خفتيش الناس يشوفوك معايا و يقولو هذاك لي مفرشخها و ياخدو عليك نظرة خايبة .. 

ايرتان تقدم للباب و هو كايقول : رأيهم فسبااطي ..*دار عندها* زيدي عليك شي حاجة و انا التحت ماتعطليش ... 

سد الباب و خلاها كاتشوف ... 

جهينة: الله يعطيني شوية من برودية قلبك .. ضارب ليا الدنيا بركلة و لهلا يقلب هههه حمق .. 

دخلات هزات شوميزة لواتها فنصها و لبسات كونفيرستها و خرجات .. 

هبطات كتدردغ و تنفز فالدروج حتى وقفات عليه كان متكي على سيارتو .. 

جهينة: فين انمشيو .. 

ايرتان : حتى نوصلو و غاتعرفي ... *ناض غادي لبلاصتو*

جهينة: و حل ليا الباب .. 

ايرتان : خدمي مكافشك .. 

جهينة ركبات : اييي ماعندك حتى ذرة ديال النبل و تاجينتلمانيت ... هذي هي الرجولة تعاملني زعما بهاد الطريقة  😠 

ايرتان شاف فيها و قال : على انت الرجولة عندك هي هاد البولشيت لي كاتهضري عليه دابا ؟ ديري فبالك انا راجل لا يهتم بالبروطوكولات و الى جات على التصرف بنبل تجاه النساء .. عندي طرق اخرى ... بان ليا انت ساهل طيحي بالزواق و كترة البلابلا و التمتيلية الخاوية ... و هادشي غايمحني معاك ... *بغا يديماري*

جهينة: حبس بلاتي بلاتي بلاتي ... كيفاش غايمحنك معايا .. 

ايرتان : شنو لي غايمحنك معايا .. 

جهينة: راك قلتيها دابا باراكة من القوالب .. 

ايرتان : ماقلت والو .. *ديمارا و خلاها كاتشوف فيه بتشكيك *

جهينة فخاطرها: ناااري عزييز عليه يصعب عليا الامور ... دابا هذا علاش قال ديك الهضرة ... ماعندوش مع البروتوكول لي هو الكلام الحلو و التصرفات الجنتلمانية و الورد و ماجاوراه ... و فهم بلي انا هادشي كايعجبني فالراجل .. و بما انه قال هادشي غايمحنو معايا حيت ماعندوش معاه.... اذا كايعني بلي عندو شي مشاعر تجاهي .. ناري مي غانتسطى ... زعما بالصح بالصح ..

هزات عينيها مخراجهم فيه لقاتو سايق وكايشوف فيها و كايضحك .. 

جهينة: علاش كاتضحك .. 

ايرتان جبد تشيبس من البواط و مدها ليها : هاكي خودي استراحة ... خدمتيه بزاف اليوم ههههه 

جهينة مطراتها من يدو و كاتخنزر فيه حلاتها كتاكل و قالت .. 

جهينة ؛ غابيا و لا بيك ... 

ايرتان : هههه علاش مالي اشنو درت ليك .. ما درت واااالو 😏 

جهينة : انا لي عارفاك اش درتي .. دابا خاليني طروونكيل و don 't disturb me (لا تزعجني)

بقا ايرتان كايشوف فيها من طرف عينو و كايضحك .. عارف بلي هي شاكة بلي هو كايبغيها و غير من تصرفاتها الغريبة من البارح لي بات سهران كايحلل فيها ... و كل مرة تلوح ليه شي سؤال باش تحصلو و لكن معامن هي ... بغاها هي تفهم بلي هو تاهو كايبغيها و لكن بطريقتو ... ماشي الورد اولا الكادوات المادية و لا الكلام الحلو و الغزل و التعناب و كل مرة يقول ليها كانبغيك ... و لا التصرف بمتالية قدامها ... بغاها تفهم بلا ماينطق كلمة كانبغيك حيت ببساطة هادشي ماشي الستييل ديالو ...و بلي عندو طريقتو خاصة بيه و خاصها تفهمها ... هو عارف بلي جهينة ذكية و حتى هي كاتحلل و لكن ماشي بسرعتو و طريقتو هو ..هي كتاخد الوقت و كتاخد الامور بتأني اكبر... 

سكت و خلاها غارقة فافكارها ...

بعد مدة ساعتين ...وصلو لمكان بعيد على المجال الحضاري ... وقف السيارة فطريق شيئا ما غالبة فيه الطبيعة ... دخل مع باب حديدي ووقف السيارة ... 

جهينة كانت غافية حسات بوقوف السيارة و حلات عينبها شافت فين كاينين ... بان ليها غير النباتات و الخضورة و قالت .. 

جهينة: فين حنا واش خرجنا على كازا ؟ 

ايرتان كيحل السيت بيلت : اه غير شوية ... ياله نتمشاو .. 

جهينة: كيفاش نتمشاو واش باقي ماوصلنا .. 

ايرتان : خرجي و نقصي الهضرة ... 

خرجات جهينة و تبعاتو .. جات فجنبو كتدور و تشوف بعينيها فوسط الطريق ... جرها شنق عليها معنقها بالجنب و كايقول .. 

جهينة: بالشوية ابنادم تاخليني نشوف .. هاد البلاصة زويينة عمري وصلتها .. 

ايرتان : هادشي ملك خاص .. اش غايوصلك ليه .. 

جهينة وقفات كتجر فيه: اويلي ولاش مدخلنا لهنا .. زيد خلينا نرجعو قبل مانحصلو و نوليو فشي مصيبة ..

ايرتان جرها طيف كانو: ماتخافيش... ديال واحد الصديق ... عمي عوصمان ... 

جهينة: عمك عوصمان شكون هذا .. 

ايرتان : واحد السيد فضلو كبيير عليا ... هاد ايرتان لي قدامك كان موضر فواحد الوقت و ماكانش كايعرف راسو ... و لكن هاد السيد عرف كيفاش يحل ليا الطريق و ينعت ليا منين ندوز باش مانتوضرش ... 

جهينة شافت فيه مطولا و قالت : ماعمرك عاودتي ليا على حياتك .. ولا عائلتك و كيفاش عشتي ... 

ايرتان :حياتي ... يقدر يجي النهار لي نعاود ليك عليها .. هاد الساعة ماعنديش غانة ... 

جهينة ربعات يديها و دورات وجهها : حتى انا غير حداك ... حتى تجي هاد الغانة على خاطرها .. 

شاف فيها ايرتان مدورة وجهها و ابتاسم ... كملو طريقهم و جهينة موضرة فلي كاتشوف عينها .. الطريق عامرة باصناف كبيرة من الزهور باشكالها و انواعها باين وواضح بلي شخص ما مهلي فيهم و زارعهم حيت كولشي منظم و متول ... 

جهينة : واااو هاد البلاصة ... كاتحمق 😍 ..*طلقات منو و مشات كاتفحص بيديها بلا ماتقطف و تشم الورد * 

جهينة : صوني صورني هنا ... هاد البلاصة كااتحمق 😍😍😍😍 

حتى شبعات تصاور عاد قدر يجرها .. الطريق كولها و هي من هادي لهادي و لي شافتها تجرو توريها ليه ... شهماتو ماكملو ديك الطريق حتى شخفاتو .. منين وصلو للمكان المراد دار عندها و قال .. 

ايرتان : احنا وصلنا .. هادي دار الراجل مول هاد الارض ... غادي نعرفك عليه حيت هاد الراجل كانعزو و نحتارمو .. ديري شي تصرف حمق كيف عادتك غانرجع مك مكوفرة .. 

جهينة هزات يدها اليمين : اقسم بالله حتى ندير عقلي و مامحشمكش ✋😒 

شد يدها و جرها وراه ... 

كان بيت عادي وسط الشجر و الورد و الربيع ... و فجنابو خيمات و بيوت زجاجية داخلها فروع اخرى من النباتات .. تقدم ايرتان ودق فالباب ... و شاف فجهينة كتبلق فعينيها وراه .. جرها لجنبو ووقفها .. و تحل الباب .. 

كان راجل سبعيني ... شعرو ابيض و قصير باينة على وجهو البشاشة و زادت ظهرت على وجهو منين شاف ايرتان ... ضحك معبر على فرحتو و حل ليه يديه بلا كلمة بلا زوج .. عنقو ايرتان حتى هو و على وجهو ابتسامة ... 

العم عوصمان بالتركية : اهلا ولدي .. مرحبا توحشتك ...طولتي الغيبة هاد المرة .. 

ايرتان بالتركية : قدما كانغيب و كنرجع راك كاتعرفتي .. 

العم عوصمان : هههه عارف اولدي ... *شاف فجهينة* شكون هاد الغزالة .. 

شاف فيها ايرتان كانت حشمانة و متفاجئة لسبب كلامهم بالتركية ... 

ايرتان : هادي ... جهينة ..*شاف فالعم * شخص خاص بيا * قالها بلهجة تركية كاشي سهلة باش ماتفهمش حيت عارفها عارفة غير لغتهم العامية السهلة * و راه كاتهضر بالتركية *وغمزو*... 

ضحك العم حتى تسدو عينيه .. حيد ايرتان من قدامو و جرها العم عنقها و كيضحك .. جهينة بقات ملدة مافهماتش سبب فرحتو بيها لهاد الدرجة .. وقفها قدامو كايضحك معاها و يسول فيها و هي كاتجاوبو باتسامة على وجهها ...

جالسين فالصالة و حط ليهم شاي بمزيج من الاعشاب و بعض المرافقات .. و كايدردشو .. 

العم عوصمان : الدراري اشنو اخبارهم ؟ 

ايرتان : باقيين عايشين .. 

العم : هههه امم ماشي شي جديد و لكن الجديد عندك انت ههه 

شاف ايرتان فجهينة لي ما مسوقاش ليهم و كانت شادا الكاس بيديها بزوج كتشرب و تشم و هي مغمضة عينيها ... عجبها و خدا ليها العقل و بقات تحاول تعرف شنو فيه ... 

ايرتان : ههه كان عيد ميلادها البارح ... و اليوم جبتها نعطيها الكادو ديالها .. 

العم عوصمان : هههه مرحبا ... عارف شنو بغيتي خههه ... كولشي قدامك و كولشي عارفو فين كاين .. ضبر لراسك .. 

ناض ايرتان كايضحك و قال : احنا راجعين .. 

شد جهينة قفزها .. مافهمات واالو ... حطات الكاس و ناضت تابعاه .. خرجو للبرى و تمو غاديبن دارو وراء الدار ... 

جهينة : فين جارني و مخلي السيد .. اجي لهنا بعدا اش قلتي ليه بديك الكلمة مافهمتكش .. 

ايرتان : سكتي شوية .. و اجي تشوفي .. 

حل واحد الباب من دوك البيوت و جرها .. 

جهينة : فين جارن.... 

سكتات منين شافت شنو قدامها... اول حاجة كاتلفت هي قوة الروائح المنتشرة فالغرفة ... مئات الزجاجات محطوطة فرفوف معلمة كل زجاجة باسم ...آلات غريبة بالنسبة ليها فكل مكان ... 

جهينة : اااوووه شنو هادشي .. 😮😮

ايرتان : عمي عوصمان عزيز عليه عالم العطور و هو خبير فصناعتهم ... داكشي لي شفتي كولو زارعو .. و هاد الالات باش كايتتخلص الزيوت و حتى الخلاصات ديالهم ... و هادشي لي كاتشوفي نفحات العطور ... ريحتي كاتعجبك ياك .. 

جهينة: اه .. بغيت نقول ...

ايرتان : ههههه عارفها كاتعجبك بلا ماتنكري ... عمي عوصمان شحااال هادي باش صنعو خصيصا ليا ... و فينما كايتاقدا كانجي عندو و لا نعيط ليه ييسيفطو ليا ... سنين و انا كانستعملو و عمرني درت من غيرو .. 

جهينة : اوووه .. بالصراحة هي سبيشال و عمري شميتها حتى انني ماقادراش نفرز شنو اصلها .. 

ايرتان : ههه جامع فيها مستخلصات بحرية ... 

جهينة : بالصح .. و علاش زعما مستخلصات بحرية .. 

ايرتان :اجي نقولك*جرها لعندو و دخلو للداخل* العطور ماكيتشراوش غير بمجرد انهم عجبوك و صافي .. كاينين شروط خاصك تهتمي لهم بحال شخصيتك و الكيمياء الخاصة بجسمك .. خاصك تعرفي بلي الى خدينا عطر و حطيناه على 2 اشخاص مختالفين ... ماغايعطيناش نفس النتيجة .. حيت كل واحد و جسمو و تركيبتو .. حيت الى ناسبك شي عطر.. كايتجانس مع ريحة جسمك الطبيعية و كايعطي واحد الريحة خاصة بيك ... و عمي عوصمان كمتخصص كايعرفني و كايعرف شنو لي غايناسبني ... وداكشي علاش جبتك .. باش نصنع ليك ريحة خاصة بيك ... 

جهينة : بالصح 😍😍😍* بدات تنقز و تجر ليه تيشورت ديالو * حلف حلف حلف حلف .. 

ايىتان : رصاااي ياهاد البنت و علاش جبتك و ضارب بيك الطريق .. 

جهينة :صافي ها انا .. ياله بدا .. 

ضحك ايرتان و دار كتيقلب بيديه .. 

جهينة لصقات فجنبو متحمسة تشوف شنو غايختار ليها .. كايهز و يحط و هي كاتشم و تصدر اصوات اعجابها بيهم .. 

ايرتان: رجعي اللور و ريحي .. تهرسي شي حاجة نفرشخك .. 

جهينة رجعات لور : هاهي ... مالي درية صغيرة ... *ربعات يديها كاتبرغم*قالك يفرشخني .. 

دار عندها و على وجهو ابتسامة ... مد يدو لواحد الخزانة و جبد زجاجة فارغة و مدها ليها .. 

ايرتان : شدي هادي عندك ... 

شداتها كيف قال ... 

ايرتان : كيف كايقول عمي عوصمان ... العطر كايخص يكون على 3 المراحل ... يعني 3 النفحات .. الاولى كتحسي بيها من اول رشة و كاتختافي... من بعد التانية و لي هي قلب العطر و الاساس ديالو لي كاتشميهاو عاد القاعدة لي كاتبقى شادا فيك و ماكاتختافيش و كاتبقاي عاقلة عليها ... 

جهينة : اوووه هادشي كوولو كايتعلق بالروايح و انا عمري فكرت و لا ديتها فهاد التفاصيل ... 

ايرتان : عالم العطور عاامر اسرار و نهار على نهار كاتزيد داكشي علاش كاتلقاي بعض الماركات بتمن خيالي ... 

جهينة : اممم وا قول ليا دابا ... اشنو كايناسبني انا 😆 

ايرتان دار عندها ..رمقها من فوقها حتال تحتها حتى خلاها توتر و تقاد بوقفتها ... 

ايرتان بنظرة كلها حب و بابتسامة على وجهو قال: كانشوفك كانتفكر الطبيعة ...كاتنتامي و كلك طبيعية ومن شق الطبيعة ... هادئة و خجولة و لطيفة .. جمعتي مابين الجمال و السحر ... كاتعطي انطباع على الراحة النفسية و الاسترخاء بحال شي مهدئ ... كلك تفاصيل و كل حاجة فيك جميلة بطريقة خاصة بيك ... الطبيعة ضرورة للحياة و حتى انت وليتي هكاك بالنسبة ليا ... الطبيعة ... كاتبقى جذابة بكل غصولها سواءا فالشتاء برداء ابيض و لا فالصيف برداء بني جاف و لا فالربيع برداء اخضر و لا حتى الخريف المكسي بوراقها البنية المتساقطة ... بحالك تماما ... زوينة فغاع حالااتك ... غير هو كيفما كانخافو من غضب الطبيعة الله يحفظنا من غضبك و من ردات فعلك الغير متوقعة ... 

دار كيضحك و خلاها حالة فومها .. مايمكنش هادشي كولو عارفو عليها .. واش كولشي هادشي ملاحظو فيها ... هذي هي نظرتو ليها و تعريفو ليها ... هاد الكلام مايصدر غير من قلب ملكتيه زمان و الى قاس قلبك و اتر فيك فراه قلبك كذلك مملوك ...

قرب لعندها هاز زجاجة فيديه بيها محلول ابيض و قال ليها : هاد النفحة مستخلصة من خشب العرعار ... هو لي غانستعملو كقاعدة و متبت ... كايريح و يرخي الاعصاب مهدئ طبيعي و دواء للصداع و الاكتئاب و الستريس ... شمي من بعيد راه مجهد .. 

جهينة مدات نيفها و غمضات عينيها .. و هزاتهم فيه بنظرة كتعبر ببها على اعجابها بيه .. 

جهينة : ربحة غزاالة .. 

ايرتان كب منو فالزجاجة لي عندها : دابا غاناخدو الاساس ... بما ان العرعار عطر خشبي اذا كايمشي معاه ...يا اما عطر زهري و لا فاكهي ... 

جهينة ؛ كانفضل فاكهي .. 

ايرتان : اذا غاندير زهري .. 

جهينة : بووووونغ بوووونغ 😟 

ماداهاش فيها ... جبد دار ايديه على جنابو و بقا يقلب على اشنو بغا .. حتى هز زجاجة و تم جاي عندها .. 

ايرتان : هذا البنفسج ماشي غير لونو لي كايجدب و انما ريحتو تاهيلي ماكاتقاومش و لي عندها نفس خصائص العرعار ... زيادة على لم الجرووح ... فخابرك هادي الانسة الممرضة ... اه السوسن *مشا قلب عليه و جابو و كبو * هاد ال2 هما الاساس .. دابا خاصنا نفحة الافتتاحية ... ماعرفتش اشمن ريحة فهادشي خفيفة و فنفس الوقت باينة و مناسبة ... 

جهينة : ناااري هاد الريحة كاتحمق ا ايرتان ... 😍😍 

ايرتان كايقلب و يهضر : عااارف ذوقي لا يقارن .. *هز نفحة خلاصة اللوز * زعما هادي زوينة ؟ 

دخل العم عوصمان : ههه لا اولدي ... مانضنش .. نسيتي تفصيل الدفء .. 

ضارو عندو ايرتان و جهينة ... 

ايرتان : هههه الدفء هو جهينة كيفاش غادي ننساه .. 

تقدم العم عوصمان لجهينة و شم لي عندها ... 

العم : اممم باقي عاقلعلى دروسك ماعندي مايتسالك.. 

ايرتان : علاه مالك ضيعتي وقتك على والو .. 

تقدم لعند ايرتان ربت على ظهرو بفخر و هو كايضحك 

اما جهينة كانت وراهم و كاتشوف فايرتان و علاقتو مع الراجل ... صداقة من نوع اخر ... طريقة ايرتان بالضحك معاه و التصرف قدامو باحترام كاتخليها حتى هي تعاملو بنفس الطريقة .. حيت عطاها انطباع زوين عليه و خلاها تحتارمو واخا ماكاتعرفوش ... 

العم عوصمان قلب على شي حاجة و جبدها لقدام عينين ايرتان : ها هو لي كاان ناقص ... 

ايرتان خرجو عينيه : الفانيييليا 😨😨

جهينة: واااو كاتحمقني ريحتو 😀 

تقدم العم لعندها كايضحك و كب منو فالزجاجة ..و قال ..