الطنجاوي و العصابة الأمريكية الجزء التاسع

معاك صبيطار (مقبرة الاحياء) محمد الخامس . واحد سيد دار كسيدا بطوموبيل ولقينا نمرتك نتا اخر واحد صونا عليه .قطعت علية لخط صونيت على محمد قلتليه اجي عندي دابا لصبيطار و متقولها لحد نزلت هزيت طوموبيل وتحركت نيشان لصبيطار دخلت سولت قالو ليا لفوق فقاعة العمليات طلعت بقيت واقف كنسنا طبيب يخرج و هو يوقف عليا محمد قاليا ياك لاباس قلتليه لواليد دار كسيدة و هاهو لداخل وهو يخرج طبيب قلت ليه اشنو طراليه قاليا بلي تهرس من رجليه و تضرب لراسو ضربة خااااايبة . قلتليه بغيت نحولو لصبيطار اخر قاليا حتى لغدا عاد يمكنليك تديه صافي خرجت انا ومحمد مشيت لدار قلت للواليدة بلي لواليد دار كسيدة راه فالصبيطار و متخافي على والو راه هير تهرس من رجليه ....بالدراع باش بردااات انا مبغاش يديني النعاس حتى ضربات ديك 04:30 دصباح عاد نعست فقت مع 10 صونيت على محمد جا مشيت لصبيطار قالوليا بلي خاصني نعيط على لامبيلونص باش تهزو خرجت على برا عطيت لواحد خونا 200 درهم جا معايا خرجوه ديتو لاحسن صبيطار مع وقفنا حدا الباب خرج طبيب وواحد الجوج جايبين كروصة دخلوه جا عندي طبيب قاليا بلي خاصو لوراق باش يشوف اشنو يدير خليت محمد معاه انا رااااجع بزربا لصبيطارعطاوني لي بغيت ضروري بواحد 50درهم لسوكوريتي واحد 100رهم لطبيب.... (الرشوة قاضيا لغاراض)رجعت لصبيطار لي فيه لواليد عطيت لطبيب لوراق دخلهوم معاه بقينا كنتسناو واحد 15 دقليق خرج قاليا بلي خاصاه عملية قلت ليه و اش كتسنا قال خاصك 20 مليون باش تدوزهاليه و قلت ليه جاتك هير بدا على الله بقيت كنعمر مع الفرملية شي ورااق ولكن قرطااااااااسة فين تبان ديك (ميا خليفة).... خلصت وانا نقوليها بغيت نمرتك قالتليا فايسبوك و صافي عطيتها طيلي سيفطات لانفيطاسيون سولت الطبيب قاليا سير رتاح دابا و غدا يكون خير تحركت لدار قاليا محمد غدا نتشاوفو دخلت قالت ليا لواليدة اش كاين قلت ليها بلي لواليد حتى لغدا عاد هيفيق ... صافي طلعت لبيتي تكيت حتى لصباح مشيت لصبيطار بالزز باش مديتش معايا لواليدة مشيت قالو ليا بلي لعمليا نجحات و يمكن ليا نشوفو دخلت بستليه راسو قاليا بلي كان غااادي طاح ليه طيلي حنا يجبدو حتى حل عينيه هنا وقاليا سمح ليا اوليدي ...قلت ليه طوموبيل هير تكشي هي نتا لي بقا معانا .. قلت ليه انا هنمشي نجيب لواليدة راه مفقصة عليك بزاااف انا خارج بانا ليا ديك الفرملية قلتليها واش ممكن نطلب منك طليبة قالت مرحبا قلتليها اش بانليك ليوم نديرو شي عشا انا وياك نتعرف عليك بقات حانيا راصها قالت ليا منبعد نرد عليك فالفايس خرجت نيشان لدار جبت لواليدة الخوادري تبعنا بموطورو وصلنا دخلنا عندو خليتهم معاه خرجت عند لفرملية (تزعطت فيها) قالتليا بلي موافقة خرجت تقديت دانون عاصيرات.... دخلتهم للواليد محمد جا هو و باباه صدمني مع دخل قالت ليا لواليدة شكون هدا قلت ليها بات محمد سلمو عليه دار صواب للواليد بقا معانا شوية وعيط لشيفور ديالو جا داه وهي تضرب ليا فبالي نضبر على شيفور لطوموبيل قلت منبعد و نضبرو مشيت للفوريان خرجت طوموبيل ديتها تصلح رجعت لقيت لخوادري كبير حتى هو تما سلم عايا قاليا فين غبرتي ...قلت ليه هير فدنيا قلت ليه اجي ندوي معاك خرجنا برا قلتليه بلي تحولنا و عطيتو سوارت الدار جديدة فرح قاليا شكرا جات هي هاديك لقيتيني مزير هاد ليامات بقا فيا قلتليه اجي معايا مشيت للبنك هو مافاهم والو قلتليها بغيت شي 5ملاين سنيت شي وراق بقيت كنتسنا واحد 20 دقيقة عاد عيطات ليا عطاتهم ليا خرجنا ركبنا فالطوموبيل و انا نعطيهم ليه مبغاش بقيت شاعلا معاه حتى شدها رجعتو لصبيطار لقيت وقت الزيارة تسالا هزيتهم لدار و رجعت قاليا طبيب بلي خاصو شي سيمانة عاد يخرج خرجت تحركت لدار ضربتها بواحت التدويشا وقصيت بقيت حال الطيلي و انا نتفكر الفرملية صونيت عليها قلتليها وجدي راصك هاني جاي عطاتني لعلوان لبست واحد البيسة واااااعرة من الراص حتا للقاع D&G خرجت مشيت لداك لعلوان صونيت ليها شوية خرجات من واحد الدار باينين فيهم هي دراوش خرجت من طوموبيل سلمت عليها طلعات معايا بقينا كندويو حتى وصلنا لواحد ريصطورا هي ديال( ولادهم) دخلنا جلسنا وبالمناسبة سميتها (فاطمة الزهراء) بنت الناس راصها مكتهزوش فيا بقينا مريحين سولتها واش فايتليها تصاحبات .... قلتليا بلي عندها واحد خوها كان شيفور فواحد الرموك و مبقاش و دابا شادها هير راحا و سياحا قلتليها بغيت نمرتو يخدم عندي قالت ليا فاش عودتليها لبلان و عطاتني نمرتو تعشينا رديتها لدارهم . انا رااااجع لدار و وانا نصوني عليه قلتهاليه وافق قاليا امتا نبدا قلتلو فوقاش ما بغيتي دخلت لدار قصيت وانا نطلع لبيتي حليت طيلي لقيت 2 ميساجات د فاتي خليتهم مدخلتش شفتهوم نزلت ع لواليدة قلت ليها راه باقا صيمانة عاد هيخرج لواليد شويا صونا ليا طيلي لقيتو سام قاليا فييين واش مغديش تجي قلتليه واحد 10 ايام و هانجي قاليا بزااااف و راه لقضية برداااات مجبروش الاتر دياللنا نهائيا قلت ليه راه ماشي هاكاك راه لواليد دار كسيدة...قاليا على راحتك و قطع طلعت لبيتي يالاه حطيت راصي على لمخدة و انا نتفكر فاتي ❤ هزيت طيلي بقيتها مصيفطا 2 ميساجات حليتهم لقيتها كاتبا ليا....

يتبع