الطنجاوي و العصابة الأمريكية الجزء الثالث

كنفلوريطيو شي 15 دقايق وانا نشوف واحد خونا جاي قاصدنا . وقف علينا جبد واحد 24 وقالينا طلقو لي عندكم وانا نشوف ف محمد بانليا مصدوم وقفت قلتليه هاك جبدت داك سلاح وهو يبدا يضحك قاليا خرجات عليكم Mbc 2 وانا نتيريليه حدا رجلوا خونا تبكم قلت ليه فاناهيا mbc2 يا ولد القح**ة وهو يبدا يطلب ديتليه 2 تيليفونات و 500 درهم وصيفتو دارت ديك 11:40 قالك ياله نمشيو صافي انا مشيت وصلت غزلان لدارهم و مشيت لدار قصيت شويا و هو يصونيليا طيلي محمد غاليا اجي عندي مشيت مع الوقفة قاليا راه tmax فالكاراج خديتها وهو خدا ديالو خرجنى كندورو دارت 01:30 مشيت لدار هزيت كتوباتي خرجت درت الكاسك و مشيت للمحلبة لقيتها كاتسناني وقفت حداها قلت ليها ختي طلعي نوصلك و هي تعطيني بالضهر (زدت تزعطت فيها ) عاد حيدت الكاسك وجات قالتليا من اين لك هدا قلتليها زيدي و من بعد نقوليك ركبات منزلتش على 50 حتا وصلت للمدرسة لقيت محمد حتى هو بموطورو كانت 01:45 مشينا كندورو ورجعنا دخلنا قرينا سالينا ف04:00 مشيت لدار لقيت الواليد فالدار قلت ليه مالك الواليد واش مخدامش قاليا راه غدي يصلحو الميناء كامل عاد هنرجع للخدمة و المشكيل مجامعش بزااف قلتليه شخال عندك قاليا شي 3.5 مليون قلت ليه انا غادي نكمليك و دير شي بيعا و شريا قاليا منين هتجيك فلت ليه صاحبي محمد باباه خانز فلوس ( كيتنجا بيهم) هههههه طلعت لبيتي هزيت واحد 5 مليون درتها فالصاك و صونيت على محمد عاودت ليه لبلان قاليا اجي عندي دابا لواليد كان كيسمع حت لوالدة خرجت مشيت للباركي هزيت موطور شي نص ساعة رجعت لدار عطيت للواليد 5 مليون قلتليه هاك تعاون بيها مع الوقت علاما ... قلت ليه صاحبي شرا موطور و عطاوه واحد فابور قاليا هيكتبو فسميتي لواليد فرح قاليا وااا انا راه عارف راسي والد الرجااال ههه .. خرجت مشيت عند❤ درنا شويا رديتها . المهم كملنا داك العام نجحت انا و محمد باباه دارلينا حفلة مقودة .... واحد النهار انا مريح ف8pool جا عندي محمد قاليا تبعني داكشي لي درت وصلنا لدار لقيت باباه كيتسنانا . مع دخلت ريحنا وهو يقول لينا باباه عزيز هنجيك من اللخر انا كنبيع الكوكاين و الحشيش ... و دابا بغيت ننصب على واحد الميريكاني قلت ليه انا معاك محمد كدلك .نسيت مقلتليكم بلي محمد رديتو حرش . قاليا غدا غاديا تجي واحد الطيارة فيها الكوكاين وغادي نصبوهم والى نجحات العملية هتاخد 500 مليون و محمد 500 مليون قلت ليه صافي تافقنا على البلان ... لغدليه كايصونيليا طيلي مع 06:00 ديال صباح نضت غلت للواليدة غادي لواحد الشاريكا ديال دار و ديكور الى تقبلت هانبدا نشد 30% من الارباح ديالها المهم انا خارج او الواليدة كتدعي معايا مشيت نيشان للمقر دار محمد هزينا السلاحات..... خرجنا لواحد الغابة شي 20 دقيقة جاو خوتنا بشي 8 طوموبيلات وقفو مشى الشيباني بقا كيدوي مع لاخر شوية جا فتح طوموبيل وراح لفلوس لاخر وراه الكوكاين 2 صيكان . مع عطانا الاشارة بدينا كنتيريو انا قصدت الشيباني ضربت جاتو لكتفو طلق الصيكان وعلق الرجال ديالنا تضربو جوج و مات واحد 😱 خدينا الصيكان الاخرين علقو رجعنا بالزربة قبل مايجيو البوليس كانشوف الشيباني ناااااشط مع كرو . وصلنا لدار قاليا حل الكوفر و هز صاك و خوك صاك (محمد و انا كيقولينا وليداتي ) انا حليت الصاك شفت دو الفلوس بديت كنضحك من طرمتي 🤑🤑 وصلنا مع ديك 08:30 ديال الصباح لقينا الخدامات موجدين لينا الفطور فطرنا وانا نضربها انا و محمد بواحد النعسة حتى ل02:09 د النهار هزيت الرانج و هو ركب معايا مشيت مور غزلان كنصونيلها مكاتجاوبش وانا نصيفط واحد البرهوش عطيتو 20 درهم و قلت ليه يمشي يقوليها تكلمي لختي و جيبها مشا شويا و هيا يبانوليا 2 طوموبلات وقفو حدا دار غزلان خرج واحد خونا لابس الكوستيم و الورد... صافي كرهت كرييي فديك اللحضة منقول نمشي نرونها و محمد كيشدني قلبتها لدار محمد دخلت لبيتو بغيت نعس وااالو و انا نخرج وعلاين نحماق وانا نمشي لصاكا خديت باكية Gauloise كنشعل نكميه نلوحوا نهز لاخر نكميه نلوحو وهو يجي محمد جمع معايا بواحد لمسمنة مفطنت براصي حتا لقيتو فالارض وانا كندخليه تجمع بنادم انا مشيت لدارنا دخلت مدويت مع حتى وااحد ديريكت نعست تا لاغدليه على صوت الكاردكورات دخلوا لدار هزوني داونا عند محمد جا باباه قالينا دابا قولوليا اشنو طاري بيناتكم انا هير ساكت ومحمد كيعاودليه صافي تسامحنا و رجعت لدار لقيت العروسة(الصطافيط) حدا لباب و انا نقلبها لدار محمد عاوتليه غاليا يالاه نشوفو مشيت لدار لقيتها مشات محمد بغا يرجع مخليتوش دخلت لدار لوالدة كتعنقني لواليد كذلك واش اول مرة تشوفوني ؟؟؟ الواليدة: شكون هادوك لي جاو هزوك من هنا

وااايلي الواليدا راه هي السوكوريتيس دياولي راه تقبلت فالشاركة... الواليد فرح 😁 تغدينا خرجنا هزينا الفوطات مشينا الابسين د منار بارك (طنجة) شبعنا عومان رجعنا .. دازت واحد 2 سيمانات انا ف الدار حال pc صونا عليا الشيباني قاليا صوني على محمد و اجيو نتا وياه دابا صونيت على محمد مشينا لدار قالينا عندي ليكم خدمة ولكن خطييييييرة بزااااف مي الى دوزناها بيخير هنوليو خانزين فلوس قلت ليه معاك جا هو جبد لينا واحد الملف فيه تصاور شي دالناس باينا فيهم من لهيه قالينا هادو خاصهم يموتو و الى قتلتوهم هاتاخدو ليهم الاملاك ديالهم قلت ليه امتا نبداو قاليا حتا لشي شهراين هتعلمو اللغة و السلاح تدربو عليه مزيا و لصال .. صافي من غدا نبداو خرجت نيشان لدار دخلت سلمت على مالين الدار وقلتليهم بلي غادي نمشي لميريكان هنخدم واحد 3 شهور نجمع راصي (بقيت طالق عليهم السلوغية🤓) حتى وافقو قلت ليهم راه مازال شهراين عاد غادي نمشيو ... صافي بقيت كنبات مع محمد فالصباح الانطريما و فلعشية كنتدربو على سلاح و الليل اللغة الوقت مكيبقاش المهم دازو دوك الشهراين بحال الضو حتى لواحد الليلة عيطلينا الشيباني قالينا ها وريقاتكوم بعد غدا هتمشيو وقالينا راه شديتلكم دار تما + لحت ليكم فالكونط ديالكم $10000 للواحد و طوموبيلا للواحد صافي مشيت لدار جمعت حوايجي سلمت على مالين الدار بدراع باش طلقوني الكبدة اخوتي😥 مشينا انا و محمد خدينا شي حطات مقودين رجعنا لدار محمد قصينا مجموعين شويا وانا نتحصر (بغيت نبول ) مشيت لطواليط يالاه حليت الباب وهي تبانليا ختو د محمد كدوش وتفاااااااك😱 على طاي فيها مقودة شويا و انا ندير راسي مشفتهاش دخلت و هي تشوفني . مغوتات ما والو بقات كدوش عادي بحال لا غاع مكينش سعادة المدير ناض واقف (ز*ي) و شيطان كيقوليا سير ضرب جبال كولو و بان و انا نقول اعودو بالله من الشيطان الراجيم جبدت المدير و بلت و هي كاتشوف و خرجت عاااادي للبيت نعست فالصباح فقنا لصال سالينا طلعنا باش نفطروا لقينا ختو كتوجد الخدامة مكيتاش جات حطات لفطور مع شافتني و هيا تولي حمرا ... صافي وصل لوقت لي هانمشيو فيه وصلنا باباه للماطار سلمنا على باباه قالينا تهلاو فبعضياتكم راه بجوجكم ولادي ... لمهم ركبنا طيارة نااااري ملي كانت هتقلع قلاو**يك كتحس بيهم بردو هههه صافي ضربناها بنعسة حتى كنسمعو ديك المضيفة كتقول ربطو احزمة السلام نزلنا عند الباب بانتليا واحد ختنا هازا ورقة فيها سمياتنا تميت غادي عنها وقفت قلتلها سلام عليكم قالت you aziz قلت ليها اه قالت ليا ياله نمشيو .فطابيعت الحال بالانجليزية. عطاتنا واحد جوج بريات كبار حليتهم لقيت البيرمي و وراق الطوموبيل و وراق الضار و رخصة حمل السلاح .. ركبنا معاها وصلاتنا لواحد الدار مدتليا سوارت وقالت ليا ها دار ديالكم قلت ليها شكرا قالت ليا فالعشية هنجي موراكم صافي مشات دخلنا لدار ما بهاش مواسطة دخلنا لكاراج لقينا جوج طوموبيلات BMW X5 طلعنا للفوق دخلنا للبيت لقيناه عامر كراطن حليناهم لقينا : رادار على شكل كيتمان سلاح صغير 🔫و💣و🔪و قناصة .... المهم بحال لجاسوسات داك لعجب ستفناهم فالتلاجة عنداك يجيو البوليس ... جانا الجوع دخلنا لكوزينة لقينا هير لماعن قلت لمحمد نخرجو نجيبو ماناكلو خرجنا بالطوموبل وحدة مع فيها GPS متخافش تتلف دخلنا لواحد سوبر ماركيت حنا كنهزو لي بغينا وهوما يدخلو واحد 3 دالناس لابسين الكاسك (ديال الموطور) وفيديهم السلاح جا واحد هز وقف علينا قالينا يتحرك شي تامل نتقبو شفت فمول المحاك كايدربوه وكايقولوليه ارا الكود و انا نشوف فمحمد غمزتو وهو يمد ليا واد القرعة ديال الشراب كبيرة مع دار خونا لي واقف علينا وانا....

يتبع