اصبح الصبااح ... فاقت نور كتقلب ... حتى ناضت كتجري للحمام كترض و زاين فاق تبعها ...
زاين : نور ... حبيبة سافا ... حلي الباب ...
نور حلات ليه و رجعات تاني ترض ... شاد ليها شعرها و كيدوز على ظهرها ... مسالات حتى خرجت روحها شد فيها زاين حيت كانت دايخة ... و داها للافابو ... غسل عوانها تغسل وجها و فمها .... عطاها فوطة وخرجها للبرى وجلسها فالفوطوي و تقبل معاها كيتبسم ...
زاين: ههههه بان ليا تقضى الغرض 😂😂😂
نور سخفانة: هههه حتا انا هادشي لي بان ليا ☺☺
زاين ناض عندها باس راسها و ايديها ب2 وحناكها مهم طلسها بوسان ...
نور: هههه وباراكة خنقتيني ...
زاين: هههه نزيدك ... تىاح عليها بجغها بالمعقول وهي كتضرب فيه وتضحك ...
نور: نووض علبا المسخوط ...
زاين: هههههه فرحان بمرتي اش غندير ...
نور: والى فرحان خرج الولاد اليوم ...
زاين: ههههه كتستاغليني 😂😂
نور: عااافاك دير ليا خاطري 😟😟
زاين: واخا واخا ... اش غندير انا من غير ندير ليك الخاطر ...
نور: اش كتعرفي فخووك ... انا كنفكر غير على حشمة قدام ولادي كلهم كبار 😂😂
رميساء: هههه عاادي راه ولادك ماشي غراب علييك ...
نور: ااه جودية معندي معاها كشكل هاديك عشيرتي ... دوك 2 لوخرين لي مغيارين ... تسر غطير بالاصتو زعمة حيت هو الصغير يقدر ميعجبوش الحال ... اما جود لي معرفتش ردة فعلو كيف غتكون ...
رميساء: جوود راه بعقلو ...
نور: وياله وجدي راسك ياله معايا ...
دخلو نور ورميساء للفيلا لقاو جودية واجدة وغادية باستهم ب2 و مشات للوطو يوصلها شيفور كيف العادة ...
اما عصام فكان طلع ... عند انصاف للبيت دخل بشوية لقاها باقية ناعسة ومخشية تحت الغطا قرب ليها حتى سمع شخيرات صغاار ... ضحك وحيد الغطا من فوق وجها وهي دور و مبقاتش كتشخر ... ضحك عليها باس راسها وخرج ...
هبط لقا ختو ورميساء سلم عليهم وركب لوطو ديالو ... وخرجو نور و رميساء بعدما وجدو ... ساقت رميساء ...
☆☆☆☆عند زاين لي وصل للمقر ديالو .. ودخل للمكتب ديالو ... وجا عندو واحد من البوليس ..
زاين: جبتو البراهش لوخرين ...
البوليسي: نعم سيادتكم ... وراهم فالحجز مع ولاد سيادتكم ...
زاين: واخا يمكن ليك تنصارف ...
ناض زاين خرج وهبط للبينيقة 😂😂 حلو ليه البوليس الباب لقاهم منوضين قربالة تما ... لوخرين مكمشين فالقنت حيت مزعموش عليهم و جاد وجود واخدين راحتهم ...
زاين: ولكن بشرط الى خرجتو نتوما غيخص حتى الاخرين يخرجو باش نكونو منصفين و غتسامحو بعضياتكم ... وتاواحد ميرفع شكوة على الاخر وهانتوما تعادلتو ..
الياس: انا موافق ...
جاد وجود شافو فبعضياتهم ووافقو بلهلا يطريه ليهم ...
زاين: شوفو تطرا شي حاجة لكل واحد فيكم ... لاخر غيكون هو المشتبه فيه الاول ... يعني غتعطيو لبعضياتكم التقار ... تشوفو بعضياتكم فليسي واحد ميشوف فلاخر تفاهمنا ..
كلهمم: اااه ...
زاين: ياله حل ليهم ...
حل ليهم البوليسي و خرجو لوخرين و بقاو ولادو ..
جود جاي يعنق باه بابضحك و هو يجمعو بنص ... جاد عرف بلي القضية فيها شي بلان جا يعللق و شدو زاين من جاكيطو لور ...
زاين: اجي لمك لهنا ... باقي متحاسبت معاكم على قضية الحشيش ...
جود ناض خرج عينيه وجاد مشنوق عليه مخرج عينيه كيطلب السلاكة ...
زاين: واش من نيتكم عاطيين نور الحشيش ... نووور ...
جود: والله الوالد حتى بغينا نحيدوه ليها مطلقاتوش ...
زاين: زيدو قدامي للمكتب ...
☆☆☆☆ عند نور....
دخلو للعند طبيبتها ... بعدما هضرو شوية ناضت ... تكاتها فالباياس كتقلبها ... بعد الرواين ديالها ... مشات جلست قدامها هي رميساء ...
☆☆☆☆ عند الدراري وصلو وهبطو وكلها مشا لبيتو يرتاح ...
وصلات نور و رميساء وكل وحدة مشات لفيلتها ... دخلات رميساء كتقلب عليه .. قالو ليهاىالخدامات فبيتو ... طلعات نيشان عندو لقاتو ياله خرج من دوش كيمسح وجهو شافها وتبسم ...
جاد: الوالدة ☺☺
رميساء قربات عندو وعنقاتو وحتا هو ...
رميساء: توحشتك احبيبي ... لاباس ... مال وجهك ..
جاد: هههه هادا غير الحنان ديال عمتي ...
رميساء: غزات فوالديكم ... اخر مرة توصلو لداكشي ..
جاد باس ايدها : واخا الحبيبة ...
رميساء: ياله لبس انا نوجد لحبيبي ماياكل ...
جاد: واخا سبقيني انا هابط ...
☆☆☆ عمد نور طلعت ... حلات بيت جود لقاتو متكي مغمض عينيه ... سدات الباب ومشات لببتها ... مقدراتش تدخل يمكن حشمت منو ... حس بيها وناض عندها للبيت ... دخل لقاها ياله تسرحت ترتاح ... دخل عندها وتخشى فيها ...
جود: مممم لا انا صافا ... غير خليك هكا شحال مانعست هكا ...
نور: هههه وشكون حبسك ... باستو فراسو و عنقاتو كدوز على شعرو ... حتا لقاتو نعس ... و بقات هكاك متحركاتش ... باش يبقى مرتاح وحتا هي بقات غير كتشوف فيه وداعبو ... وصلات11 طلع اسر دخل لبيت نور و عي دير ليه بفمها يسكت ... جا تاهو تخشا فيها ...
زاين: حتا منكونش و عنقيه ولايعنقك ... مهم خليني غير مع بنتي انا ..
نور: هههه راه لي فوطو...
مد ايدو وهزهم كيشوف ويضحك ... شبع فيها بوسان وتعناق عاد هبطو للتحت ...
هبطو للتحت للجردة و جلسو تما ... اما جود دخل يدوش ... بعدما سالا ... خرج بالفوطة قدام المراية كنقص اللحية بالطاندوز ... حتى وقف عليه اسر لور كيحنزز ...
جود: باسم الله رحمن الرحيم منين طلعتي نتا ... ههه مالك رابطهم ..
اسر: والو .. غير معصب ...
جود: واش معصبك 😂😂😂
اسر: رغد مابقاش كيعجبها تلعب معيا ...
جود: هههه اااه القضية فيها رغد ... وعلاش مابغاتش ..
اسر: منعرف 😡😡
جود: اوى بلاتي نقول ليك واحد الحاجة ... نتا خاصك دير صحاب ... دراااري ... رغد راها بنت ماغاديش تافقو ...
اسر: ولكن من امتى وحنا ديما كنلعبو ب2 ... علاش حتال دابا عاد مابقاتش متافقا معايا ...
جود: ههههه هادوك هما العيالات متخاولش تفهمهم حيت سبحان الله تركيبة ديالهم معقدة ومكاينش شي ذكر فاهمها... مهم نتا طلبها غير بشوية و مرة مرة رخيها حتا نتا كتقجر عليها النهار كةلو ونتوما مخشيين فالبيت 😂😂😂
جاد: وا شووف غير عاقبتك نتا كيف غتهرج اما حنا راه قضيتنا ساهلة 😂😂😂
ريان: عاقبتي ... قررت غنمشي نجيبها لعندي ...
شهاب: هههههه شناهو ... هكاك فجاة غتدخلها للدار .. سلام عاهي هادي حبيبتي وخطفتها من باها لي هو اكبر مفيوزي فسويسرا ... سافا با ...
ربان: واش غندير غنمشي نجيبها منقدرش نفرط فيها... هاد 5 اشهر لي مابقيتش شفتها فبها دازت عليا كيف الموت ... منقدرش نصبر مزال غنهضر مع عمي هو غيامن لينا الحماية ..
جود: متافق معاك اخويا و الوالد مغيرضهاش ليبك فوجهك ..
ربان: عااارف ... عالله غير تكون بيخير و تقدر تسامحني غبت عليها هاد الوقت ولكن تفكيري كولو كان معاها ولي كان مغبرني عليها ... هو خوفي لايدير ليها شي حاجة ... اصلا علاقتو معاها ماشي هي هاديك ... وهو منضنوش هاماه بنتو ... شي حاجة تما ..
شهاب: شووف متلعبش كبر منك ... مدير تاحاجة حتى تشاور عمي ...
ريان: ان شاء الله ...
☆☆☆في مكان اخر... تحديدا في غرفة باوتيل فخم ... خارجة امراة اية من الجمال من الحمام لابسة بينوار وطالقة شعرها البني كتدور فعينيها الزورق.. كتنشف شعرها وكتمشا بخطى خفيفة ... جلسات قدام المراية كتمشط ساهية ... حدرات راسها زتلمسات كرشتها لي باينة وخارجة ...
......:ولدي الحبيب ... غنكون ليك الام والاب و غنحميك من داك جدك ... سمح ليا مغنقدرش نعرفك على بااك ... الغبي لاخر ... احح نوض نلبس قبل ميضربنا يااتم ومشيو عند جداتو نشوفو واش ربات دواها باك ... هههه احح تكايس على مامي ...
ناضت نشفت حالتها و لبسات سروال و تريكو ديال الصوف رقيق هابط عليها ونشفات شعرها و خرجات شادة فالكريشة ... ودقات فالباب حداها ودخلات .. لقات ماماها جالسة كتشبه ليها فالمواصفات و فكولشي كانت جالسة قدام شرجم وكتخمم فالسماء ... عنقاتها بنتها من لور باست حنكها و جلسات قدامها ...
......: ماما الحبيبة ياكما نسيتي دواك تاني ...
......: لا احبيبة شربتو الله يرضي عليك الغزالة ديالي .... نتي لي عندي الله يرضي علييك 😔😔
بنت ناضت عنقاتها: حتى نتي لي عندي الحبيبة ديالي ... وكون غير كانت ختك معانا ... متشوقة ليها ويعلم الله فاين ارض هي ... و خايفة عليها وخايفة يسيق ليها باك الخبار و يوصل ليها قبل منا و خايفاه يلقانا ... ابنتي سمية باك صعيب وايدو طويلة ...
سمية: شششش تيقي احبيبة ... ختي غنلقاها ... وهداك متبقايش تقولي ليه بابا ... ومستحيل يلقانا تيقي فيا ... واخا يلقانا معندو كيفاش يوصلنا ... رتاخي ليا وختي الصغيرة غنجيبها بيناتنا و تحضنيها لعندك ... حتى انا من نهار عاودتي ليا عليها وانا كنتخيلها ومتشوقة ليها ودابا جا الوقت باش نلقاوها ونتعرفو عليها ..
الام: ان ساء الله احبيبة قلبي ربي لايحرمني منك ومن هاد الفنيكيش لي جاي ... كتلعب فكريشتها ... امتا احبيبة غتصارحي باه ...
سمية: عاوتاني نفس الهضرة اماما ...
الام: سمعيني احبيبة ... معندكش الحق تخبي عليه راه هو باه كيفما نتي ماماه ...
رميساء: باااز ليك نتي اكتر وحدة كانت كتشكى فينا على الحمالة... هانتوما عقلو من هنا لواحد 3 اشهر غتولي تبان ليكم كتماوت من قنت لقنت كتغبن وتبكي علينا ...
علي: والله انا حياتي كانت عادية ... من جيلكم نتوما بداو هاد المصايب وهاد الوقائع الغريبة ...
سيف كيشوف بنصف عين فنور: معرفتيش علاش زعما ...
نور: ههههع كتمعني عليا ولاشنو ...
سيف: ومالك ... من نهار عتقتي رميساء من دوك الشفارة و حياة العمراني تشقلبت ... انا بعدا كنت داخل سوق راسي ... حتا جيتي نتي ...😂😂😂
ايلى: لا اولدي كنتي حمق ... غير مالقيتيش لي يتجاوب معاك خوتك ب2 عندهم العقل عليك نتا ...
نور: اويلي اماما كتقولي بلي تانا حمقة دابا ...
ليلى؛ ونافقك ابنتي 😂😂
دارت نور عند زاين زعما كتسولو واش انا حمقة ... وهو يدور وجهو كيضحك ويحك فاللحية ... و شافت فياسر قدامها ودار عند رميساء وقال ليها تجيب ليه كاس الماء ... وهي تلوح شعرها من فوق كتفها وهزات راسها وقالت بتقة في نفس ...
نور: وافتخر .... 😏😏
الكل: 😂😂😂😂😂😂😂😂
سعد: باش كتعجبني نور ... مكتبدلش ... شخصيتها باقا كيفما تلاقيناها النهار الاول ...
رانيا: عندك الحق فهادي ... حتا البقية ... بحال تقولي جبدات الجانب الحمق من كل واحد بلى منهضرو على سيف لي اصلا كان حمق خلوق ...
سيف: حاشاك ..😒😒
رانيا: هههههههه لا بالصح ... كولشي ولا حمق متقولش ليا ... حتا من ولادنا خرجو كيطيرو مكاينش فيهم لي تلقاه داخل سوق راسو كلهم بخبيزتهم ...
سعد: بحال ولدك البكر ...
رانيا مالو البكر تاني ...
سعد: مامالوش غير رجعتو فجاة جاتني عجب ... هانتي لما خرج لينا شي عجب منو ... 😂
رانيا : الله يحفظ ...
دخل عصام....
عصام: سلااام العائلة مجموعة ...
علي: مرحبا اولدي ...
سيف: سي العريس جا ...
عصام: ههههه وصلاتكم الخبار ...
ليلى: على كابنة شي حاجة تخبى 😂😂
رانيا: ايوى قررتو ولا باقي...
ياسر: اشمن باقي اش خاصو ... يتوكل عالله ...
عصام: وابببه ... كنفكر بلي بغيت نخطبها كولشي البنات كيبغيو الخطبة ... وهي معندي من عندمن نخطبها ...
نور: ايوى تجمعو عندي قبل ميهبطو باش نتافقو ... حيت حفل الخطوبة غيكون بعد غدا ...
رميساء: ااتي ماعندك ...
نور: واخا دابا حنا غن......
☆☆☆☆ عند الدراري ... لي رجعو فلوطوات وجاد وجود فماطرهم ... نيشان للفبلا ... دخلو لقاوهم باقين مجموعين سلكوالدىاري على عمهم وعمتهم وباركو ليهم وجلسو معاهم حتى وصلات 8 ونصف و ناضو فرقو المجمع كولها لشغالو .... طلعات نور لبيتها مع زاين لي غيطير بالفرحة ... كيدلع ويغنج فيها ... دخلها للدوش بغا يدير ليها مساج زعما وغبرو تم ... اما جود دار الخاطر لسي اسر وجلس كيلعب معاه ...
اما جودية دخلات للدوش دوشات بعدما خرجات من عندها انصاف وسهى ... اما رميساء و ياسر فبيتهم كيتفرجو و يترومانساو ... و جاد فبيتو كيتمزك و يخطط لجودية ... ورغد مشغولة بسكايب مع صحاباتها زعما 😂😂
خرجات جودية من دوش لاويا عليها الفوطة ... و طلقا شعرها فازغ ...
جودية: ناااري مقادراش نحبس من تفكير من داك ولد الحراام اش غيدير زعما ... اوووف غنحماااق ... خاصني نشغل راسي منبقاش نفكر ... شعلات المزيكة فلي باف وجهداتها نيت حتا كولشي بدا يزدح فبيتها ... طلقات موسيقى despasito - luis fonsi و شكون لي يسمعها ومتنوضوش ... وبدات تشطح عليها وتعوج و تهز شعرهاوتلوحو ويطير معاها فكل حركة وغادية وجاية بحركات انتوية مستمتعة بالموسيقى وشادا الفوطة لاطيح ... وتهز ايدها وتمايل بحركات سيكسي و انتوية ... مغمضة عينيها ونسااات راسها ... هادي طريقتي باش نفس على الطاقة السلبية ... فينما يكتر علبك الهم طلقي مها الموسيقى وسدي عليك فشي قنت وشتفي على بوهم دوك الجيران ... لوحي الهم وعيشي صغرك الويلة مدايمش ليبك ...(تحية نضالية✌👊👊 لسبونجبوبة و بيبيشا 😂😂😂) جاد فبيتو ناض للمكتب ديالو يهز شي تخرببقة بانت ليه الحركة فبيت جودية لي بيتها قدام بيتو ... قشعها حيت اصلا كانت حالا البالكو ... خرجو القلوبة من عينيه وهز المنظار و تخبى فالبالكو ديالو كيتفرج فالخير ...
جاد: سيييي على الخير ... هاااكااك هههه الحمقة مقصرة غير مع راسها ..... اححح على الشطييبح ... بدا يشطح تاهو بلا ميعيق براسو و شاد المنظار كيتفرج و يضحك حال فمو ...
جاد: هههه بنت الحرام كتعرف تلوز 😂😂😂 شاف الباب تحل عندها ودخلات نور و انصاف ودخلو معاها بلا ميهضرو و لا يتكلمو ... جلسو يشطحو تاهما ويضحكو ... و يشطحو متقاربيين كيضحكو ... ونور كدير ليهم بحال الراجل و تخشا عليهم وتشطح والبنات غيخراو بالضحك وماشي كتر من جاد لي كيتفرج ...
جاد: اجي تشوف اعمي تريكتك اش خارج منهم 😂😂😂
بقا كيتفرج فيهم حتا سالات الاغنية ... نور قشعات البالكو لي محلول وسداتو ...
🌄🌄اصبح الصباح .... فاقو الكل بعد الروتين الصباحي كولشي مشا لشغالو والباقيين مشاو لليسي...
وصلو لفيلا ميرال لقاوها كتسناهم ... طلعات سلمات على جودية والدراري وجلست ... بخال الى ماواقع والو و جود غيتفرقع قدامها... وجودية مدورة وجها على جاد لي حشمها بشوفاتو .. وصلو هلطو البنات هما الاولين علقو ... والدراري كل واحد فيهم عارف كل وحدة اش بيها ...
☆☆☆☆ عند ربان لي وصلات 10 الصباح ز باقي كيشخر ... حتا فيقو اتصال حل بلا ميشوف ...
سمية: عارفة معندك لاش تقول شي حاجة ... مهم انا رجعت للمغرب هادي 5اشهر مباشرة فاش غبتي ... وجبت ماما هربتها من بابا ... عارفة بلي خطفك .. هو دابل معرفناش فين .. ونتا معندك لاش تبقا هربان معندو كيفاش يوصلك ... راك محمي ... مهم انا بغيت غير نحبد عليا تقليد ... وراه فخبارك بلي عند ولد فاش غيتولد غتبقا تشوفو وتعطيه اسمك الى بغيتي .. انا ماطالبة منك والو ... غير خبرتك وصافي .. بغيتبه ولا مابغيتيهش انا غنتكلف بيه ... الله يعاون ...
ناضت تمت غادية ... بقا ربان شحال ساهي كيدوز هضرتها فراسو مطلقت ليه غير قنبولة ورى الاخرى .. ناض تبعها لقاها ديمارات ركب وزاد وراها ... هي غادية وكطل عليه ...
سمية: كما متوقع ... باك الحمق غنوحل معاه تاني .. واش جا مفكها وهاد المرة محال واش نقدر نخبي عليه اكتر ... راسو يبس من الحجرة ...
زادت سرعة وتبعها تاهو ... حتا وصلو للطريق خاوية ضوبلها وهو يوقف قدامها ... وهو يخرج صاعر وجهو حمر كيغلي ... حل لوطو وجرها لعندو ... تكاها على لوطو وهو حاط ايديه على الوطو ...
☆☆☆☆ عند جودية و ميرال و سهى (نسيت مقلت بلي سهى معاهم فاليسي ) كانو مساليين حصة و كل وحدة فيهم عندها حصة حرة ... جودية لي كانت اختارت الرقص تعبيري ... ميرال عزيز عليها الجري (العدو السريع) سهى عزيز عليها الهوند كانو فالفيستيير كيوجدو ...
ميرال: ههه وا تي ضربي وقيسي ... مخابفاش منو من نيتك ...
جودية: اووف صافي صافي اااه شاغل بالي وعارفاه اش كيسوى .. و خابفة من داككشي لي ممكن يدير واكن لي دارةدو غنرضو ليه و مغنبينش ليه ضعفي وداكشي لي بغا واللهلا كان لبه ...
سهى: ههههههه الله يعاون 😂😂 انا غادية
جودية: ياله نخرجو كاملين ...
خرجو البنات كل وحدة توجهات لبلاصة حصتها .. جودية لاصال ... وسهى و ميرال بلاصة الرياضة ... و وصلو تما وتفارقو كل وحدة فين ... الدراري عنهم ساعة خاوية و بقاو كيتسركلو ...
جاد: اش درتي ميرال ...
جود: محمقاني ديك البنت واعتارفت ليها بلي كنبغيها و والو مابغاتش ترجع ليا ... وقررت نلعب معاها شوية ..
جاد: الغيرة 😂😂😂😂😂
جود: هادشي لي كينفع معاهم ...
جاد: وشكون هادي لي تبغي تلعب معاك ... سلمى ..
جود: ههههه بغيتي جودية تسطى 😂😂😂😂 هاديك فضينا معاها واخا هي مناسبة لهاد القضية ماشي غير حيت غتغير منها راه هي اصلا مكتحملعاش وهي عدوتهم ... غيصعرو وبحال والو يديرو شي جريمة 😂😂😂
جاد: عندك الحق 😂😂😂 البنات موجودين ختار شي وحدة من gروبنا ...
جود: اه نجلاء ... هاديك موديل معروفة ... وعندها معانا .. البنات مكيحملوهاش حيت شعبية ... و كولشي الدراري كيبغيوها ...
جاد: ههههه بقات فيا ميرال ...
جود: ههههه هي لي قلبت عليها ... تعفرات عليا هاهي غتجيبها الغيرة عندي وتفضحها ...
جاد: امممم هههه لي يقضرك على فعل الخير ... جود ... نتا عارف مزيان بلي نتا شي حاجة كتر من خويا وعشيري ... راك كتعرفني حسن من والدية لي والديني ..
جود: ههههههههههه وعلى هادشي شاك فيه ارى المضمون ...
جاد: كنبغي ختك ...
جود: وعلى سلامتك 😂😂😂😂 كنت شاك واش غتعتارف ...
جاظ: كيفما توقعت فخابرك كولشي 😂😂😂😂 من امتا عرفتي ...
جود: من سحال هادي كنت شاك ... ولكن قضية الياس فضحاتك وفضحاتك غيرتك عليها ... وزدت تاكدت فالسبيطار ... غرتي مني حتا انا 😂😂😂 وهي كل شوية طل عليك كتلقاك مضارب مع الماكلة و حشمات مني .. خليت ليكم الجو ودرت راسي باغي نعس...
كل وحدة سالات حصتها و تجمعو فالفيستيار دوشو ولبسو ... وخرجو شراو الماكلة من البيفي وهرجو للجردة ... وجلسو فوحدة من الطبالي لي تما و جلسو يتغداو و يتحتتو ..... حتا كيبان ليهم جود جاي معنق مع واحد البنت وزينة وشهبة وطويلا و كتعوج بالطالون ولابسة قصير كولشي باين غير شافتها ميرال و هي تلوح روز من فمها على وجه سهى لي قدامها...
سهر: الله ينعل مك يالحمارة يا الكلبة يالخرية ... مال موووك 😡😡😡
ميرال بدات تركل ليهم: اش كنشوووووف اش هااادشي شكون هاد الزرااافة ... ولكن ايمتا وقع هادشي ... مالو كيكير كون جا هضر معايا تاني كنت غنوافق 😭😭 جودية ...
دارت عندها لقات جودية مخرجة عينيها وكتشوف القدام و سهى غتخرى بالضحك حيت جودية لي خرجات عليها وقالت ليها دفعي كبير ...
ميرال: لموووووك نتي سبااااب ...
جودية شاففت القضية حامضة وهي تعلق و ناضت تبعاتها ميرال ... دازو من قدام جود كيتجاراو جودية باغا تعتق روحها من تشيتا لي تابعاها وميرال باغا فيمن تبرد الهوايش وعاد تابعاهم سهى كتجري كيف زومبي بالضحك ...
جود جاتو الضحكة من داكشي لي شاف ... و دار راسو مطنش ... جودية مجات غير فجاد لي كلن جاي تخبات وراه كتنقز ...
جودية: عتق عتق غتقتلني 😨😨😨
جاد: مالكم 😂😂😂
ميرال: خرجي لعندي ...
جودية: هانتي غير نتفاهمو رك غادية مزيانة ..
باقي مكملات ميرال طارت عليها شدات ليها شعرها مغزفة: واش لمك باقا زايدا فييييه
سهى كتركل فالرض: وا مي درتها فحوايجي 😂😂😂😂
جاد هزها من فوقها كيضحك ... و قاد لجودية حوايجها ...
شهاب: ياك تفارقتو ... ايوى معنك ااش تبقى تحكم فيها ولا تبقى مقابلها ...
ميرال كتقرص فيه ينقص ... وهو عاد مزايد فيه ...
جود وصل للطوب ديالو وحس بالخطر ياله غيتلاح علييه و شهاب خوا عليه وعلق كيضحك ... وجود تبعو
جود: وقااااف لتامل بووزك ... 😡😡
شهاب هربان حيت هو غير كيضحك ولكن لاخر لا باغي يضرب : وغير ضاااحك الكلب 😂😂😂😂 رجاع لعندها .... و تهلا فيها 😂😂😂 وصل للوطو ديالو ركب وخلا لاخر واقف كينهج و رجع ليها كيجري ..
جود: اش هاد الفعايل ديال والو 😡😡
ميىال: اش كاين مالك كتغوت ياك عاد الصباح كنتي مع صحيبتك الجديدة ... اش تبعك لبا ...
جود: ت..تابعك ... كنت غير دايز وشفتكم 😒😒
ميرال: مممم .... شنو دابا ... باش غنرجع ... 😡
جود: زيدي قدامي ... اخر مرة نلقاك مع شهاب ولا شي حد ... مفهمتش كيفاش هاد الصداقة بينتتكم طورات لهاد الدرجة 😡😡
جود جرها ودار دراعو على عنقها شنق علبها وتم غادي بيها هكاك ...
ميرال: اي دراعك تقيل ... حيد عليا ...
جود: لبديها ...
بقا غاديين هماك وناس كيتفرجو فبهم ... حتى شير على طاكيي و ركبو ووصلها لفيلتهم وهبطات وهبط معاها ... وقفها قدامو و دار ايديه بين حناكها ... وقال..
جود: شنو دابا كلمة كنبغيك مقنعاتكش ... مغترجعيش ليا
ميرال بقات كتشوف فيه شحال .... وهي تقول ...
ميرال: لا ...خرجات ليه لسانهاوعلقت ..
جود: احنا غنشوفو ... واللهلا بقات فديلمك ...
رجع ركب فتاكسي وزاد ...
☆☆☆☆ عند جاد وجودية لي وصلو منوضين الحرب فديك لوطو كل واحد مشا لفيلتو سلمو على الموجودين وكل واحد طع لبيتو ... جودية بدلات وهبطات التحت كلات شوية ... مجمعة مع مها وانصاف ... وهي تنوض ... خرجات للجردة و طاحت عليها فكرة تنتاقم من داكشي لي دار ليها فلوطو و حتا الطلان لي كان كيطل عليها فاش كانت كتشطح مشات لفيلا خالها ... لقات رميساء مع بنتها كيتحتتو ... دهلات سلمات عليها ...
رميساء: اهلا حبيبة ... لاباس ..
جودية باستها: حمد الله اعمتي الحبيبة ... خالي باقي مجا ...
رميساء: جا و خرج هو وباباك على شي شغل ...
جودية: ااااه مزيان ... رغد شحال مشفناك ...
رغد: عفا الله من داك خوك المتسلط ...
رميياء: ههههه وسمعي ...
جودية: هههههه علاش مالو ...
رغد: وانهار وماطال وهو شادني غير نلعبو فالبلاي مكيعرف تاحاجة اخرى او مابقيتش كنحمل نلعب معاه اصلا هو قبيح و تيحgر عليا ...
جودية: ههههه هاكاك نبغيك متبقايش لي قالها لبك ديريها ... فرضي راسك و لي قالها لبك قولي ليه لا ..
رغد: داكشي لي كندير 😡😡
رميساء: ههههه الله يابنتي خوك شحال وهو يطلبني نهضر معلها ... من الصباح وانا نرطب فيها جيتي نتي و خربقتي كولشي 😂😂😂
جودبة: هعههه خليها انا لي عارفة داك الجن لاخر اش كيسوى.. ههههه اجي فين جاد بغيتو فشي حاجة ...
طلعات جودية لعندو حلات الباب بشوية كان مردود ... لقاتو الداخل كيدوش ... خرجات بالشوية وخلات الباب محلول وهي تدهن الزبدة فالباب ديال بيتو ... و تسنات شوية سمعاتو حل باب الحمام .. جبدات تيلي ديالها ودارت فيديو سيلفي ... و بدات تغوت ..
جودي: جاد .. جاااد اجي عتق جاااااد ...
جاد غير سمع صوتها خرج كيجري بفوطتو ماحس براسو حتا نهز تا للسماء وتحط ... (طاح بفوطتو مطارتش🐸🐸) شد ظهرو كيتلوى وهي خرات حداه بالضحك و صورات كولشي وهي باينة معاه ... وهو ينوض ... وهي تهبط كتجري فالدروج و حامياها غوات هبط تبعها شاد فوطتو بايد وحفيان كيغوت و هي بقات شادا تيلي كتصور مخلطة ضحك وخلعة دازو قدام رميساء ورغد بقاو غير ميشوفو هي كتجري وخرجات من الفيلا ديال ياسر وهو باقي تابعها دخلات مع ديالتهم كتغوت وعو وراها كيتحلف ..
خداتو من عندو وناضت كتحل الباب ... وهو شعل ديسباسيتو ... دارت عندو لقاتو كيشطح وكيفقص فيها ... عضات على سنانها وهبطات كتنفخ وتحلف وهو بقا كيضحك ...
☆☆☆☆ عند ريان لي وصل لدارو ... و دخل على اساس يهضر معاهم .. لقا ماماه وجداه كيهضرو على خطبة عصام و انصاف عرف بلي الوقت غير مناسب وقرر يخبرهم بعد الخطبة .... طلع لبيتو كيخمم يفكر ويعاود .. فيها وفمفاجئة ولدو و كيفاش غيقنع والديه بلي عندو مرة وحاملة منو ...
🌄اصبح الصباح 🌄
كيف العادة كلها فين عندو شغلو ...
داز الصباح ....العيالات ملاهيين مع الحفل الخطوبة وكولشي بتخبية على انصاف ... الرجال فخداميهم و الدراري فليسي ...
جودية و ميرال غيموتو بالسم و هي كتهضر و كتضحك عادي ...
نجلاء : والو يكدب عليك لي يقولك كولي شي حاجة وداك التخربيق تبعي غير السبور وتبعي نظام غدائي كيشمل البروتين ... هو لي غيعاونك توقفي على الصح انا داكشي ديال الدوايات وسيروات كيدير ليك غير شحمة مرخية وسيلوليت كتشرفي قبل الوقت الشيور كتجبد ليك اللحم و العضلة كتقصاح وتنفخ غير كاري السكوات ...
سهى: اممم غنتبع نصائحك ...
جودية: تشرفنا بمعرفتك ... نوضو تهزو نتوما ...
ناضو البنات غيمةتو بسمهم ... حيت هضرات مادب وهما كانو عوالين على المناتفة ...
ميرال: لا لا صافي الصبر تقادا غنفرgع هاد الرمانة ..😡😡😡
جودية: والحماارة رجعي ... مشاو تبعوها ...
☆☆☆ عند ريان هبط قدام ... الاوطيل ... دخل ريسيبسيون عطاوه رقم الغرفة وطلع ... وصل للفرفة ديالا دق عليها... كانت باقا في فراشها ...ناضت لبسات بينوار فوق شوميز ديالها... ومشات حلات الباب ... شافتو خلاتو محلول ... دخل و يدو وراه ... ومشات رجعات لبلاصتها...
ريان: باقا ناعسة ... مموالفاش ليك ...
سمية: غير مع العيا ديال الحبالة ...
ريان جلس قدامها ومد ايديه كيدوز على شعرها ...
ريان: واش كيمحنك ... كيف دوزتي الوحم ..
سمية : مكانش صعيبب ... غير العيا والدوخة ..
ريان : مزيان دابا انا كاين وغنساندك .. توحشتك ...
سمية حدرات راسها ساكتة...
ريان: عارف راسي غالط ... واش ميمكنش تسامحيني ...
سمية ناضت مشات لحدا شرجم ...
سمية: متحكرش عليا ...
جا وراها عنقها من لور وخشا وجهو فعنقها ... وجامع ايديها لقدم وححاط ايده على كرشها ...
ريان: عارفك موحشاني كيفما موحشك ... و غنبقا فجنبك سامحتني ولا لا ...
سمية ساكتة كتصنت ليه ... مستمتعة غير بحضنو ليها ... حتى حسو ب2 بالبيبي ... وقفز ريان ...
ربان: واش حسيتي بيه تحرك 😡😡
سمية: تكيد غنحس بيه راه فكرشي ...
تحنا على ركابيه كيهضر معاه: بابا ... حبيب باباه ... ها بابا ولا معاكم دابا ... غير جي للدنيا و غنعيشكم تحت جناحي نتا وماماك ... *كيوشوش ليه زعما * غير قنعها معايا ترطاب شوية ... ياك ..
سمية دورات وجها جاتها الضحكة ... هو باس كرشها وحط ودنيه كيتصنت ليه كيتحرك وهو فرحان كيضحك ... ريان وقف قدامها شد ايديها باسهم و باس راسها وجرها لعندو عنقها ... ضعفات ليه وشوقها ليه لي كان متحكم فيها زيرات عليه تاهي ... وتخشات فسدرو وهو مزيرها لعندو كيدوز على ظهرها وشعرها ... هادشي فشلها ودغيا خلا دموعها يهبطو ... سمعها وزاد زير علبها و غير كيردد صافي كولشي غيتحسن ... جرها ترتاح فالسرير ومفرقاتش سدرو كيمسح دموعها ويبوسها و يطبطب عليها غمضات عينيها وترخات فحضنو ... وايديه محيدوش عليها ...
☆☆☆ عند هولك لي خرج من ميرال ... غادية كتجري حتا وقفات عليه فالبيفي مع البنات وجاد ...
ميرال: بغبت نهضر معاك... 😡😡
جود: انا ..
ميرال جرات ايدو وتمات غادية بيه ...
جودية شافت فهاديك لي لاصقة فجاد و هي تخشا بيناتهم وفرقاتهم و هو بداا يضحك ...
نجلاء : ههه بان ليا سلات خدمتي .. باي ... غمزات جاد ومشات هي وصاحبتها ...
جودية: ونا نفهاام ...
جاد: دوك الفوالب ديرهم مع شي حد من غيري ... كولشي فراسك اسليعفانة ... وحتا شهاب نتي مولات الفكرة ... اصلا هو كيغير منو بلا والو ... باغين تجبدو الصداع بيناتهم ... ردو البال شوية ...
جودية: عارفين ... حنا كنا معولين غير يوصلها وصافي هو لي تبعها و دفعها دير هكاك وعاد شهاب شد فيه وزاد الفيخرات تاهو ...
جود: هههههه.... عنقها حتى هزها من الارض و باسها فحناكها ب2 ..
ميرال: هههه حطني دوختبني ...
جود: راه نتي لي دوختيني ... 😍
جود: اخر مرة تقولي ليا نتفارقو ...
ميرال: اوى مديرش علاش ...
جود عنقها: مستحيل ... عرفت بقيمتك منبن بقيتي كتجاهليني .. وعاد شهاب لي كان ديما سابقني ليك .. انا هاد المرة متاكد من مشاعيري من جيهتك ... حبت داكشي لي حسيت بيه معاك ... عمري حسيتو مع شي وحدة... عمر شي وحدة مغرت عليها بحالك نتي ...
ميرال: حلف حلف 😍😍
جود: ههههه والله ... غنعطيو بعضياتنا وعد عمر شي واحد فبنا مايغدر لاخر و غنبقاو متاحدين ونتيقو فبعضياتنا حتى تفرقنا الموت ...
ميرال: كنواعدك ...
جود: لا ماشي هكاك بلاتي ...
جبد دفتار و استيلو قطع منو ورقة ... و كتب فيها ...
انا جود العمراني وحبيبتي ميرال الرداني ... كنعطيو وعد حر بيناتنا .. بلي غنتيقو فبعضياتنا وغنساندو بعضباتنا وغنخلصو لبعضياتنا و غنبغيو بعضياتنا حتال الموت .. دار سميتو سينا و سينات حتا هي ... فرحانة بهادشي لي دار ...
ميرال: بلاتي نزبدو هادشي مكافيش ...
شدات عكر عكراات بيه وباست الورقة طبعاتها شاف فيها جود وضحك ... وقال ...
جودي: سكووووووووووووت 😭😭😭*تلاحت للارض ولاحت كل رجل لجهة بحال الدراري صغار* واشمن ذنب درت فحياتي ياربي ...
جاد جلس حداها كيضحك وقال : ذنبك تكرفستي على قليبي ....
جودية شافت فيه وعاد مازادت فالغوات والبكا ... عنقها جاد كيطنز حاط غير راسها على سدرو وكيشوف القدام ...
جاد: بكي غير بكي ... هدا غير ربي كيجازيك حيت كتعدبي فيا ... دنوبي خرجو فيك ...باش تعلمي تقولي ليا لا ومزال ماشفتي والو ...
جودية : وبتقي كتطنز 😭😭 تلاحت ليه على الشعر تاني تجر فيه وهي مغزفة جاسة فوق كرشو ... حتى جا جود كيجري ... هزها من فوق منو ولاخر ميت بالضحك كان شاد ايديها ...
جود: هههههههه تي مال مك صاعرة تاني 😂😂😂
جودية: طلقني عليه نوريه 😡😡
جاد وقف: طلقها نشوف هاد تسنطيح ...
طلقها جود بغات طير عليه و لوا ليها ايديها لور حتى ظارت معاه كتغوت وتنقز و كولشي اسماء العائلة عيطات بيهم ...
جود: بشوية عليها 😂😂😂
جودية: جووود عتقني ...
جاد: باقا تنتفيني 😂😂😂
ميرال: براكة عليها حشومة عليك ...
جود: سكتي نتي 😂😂😂
جودية: والله نعاود وا غيير طلق ...
جاد: ياله دgي 😂😂😂😂
طلقها شدات ايدها خنزرات فيهم ب2 ...
جودية: الله يعطيكم شي غبارة الكلاب ... وعلقت ...
جود: ههههه فبن قدك تهربي 😂😂😂
ميرال : ارى شكارتها ... ياله نتلاقاو فالخروج ...
جود باس حنكها : بسلامة ...
خداتها من جاد و مشات تبعاتها ...
جاد: اش كنشووف 😂😂
جود: هههههه اش قلت ليك ... هي قضية الغيرة لي نفعاتني و لكن هي لي غلبت 😂😂😂😂 هدداتني بشهاب بنت الحرام 😂😂😂
جاد: هادوك جوجات ... والله شياطين بصفة ملائكة ... و رئيستهم ديك سليعفانة ديال ختك 😂😂😂
جاد: نتا غتوريني فيها 😂😂😂 ياله نطلعو قبل مايجري علينا البروف تاني ...
حرك راسو ليها ... قاد سمية فبلاصتها ... ورجع حطها بشوية وغطاها وناض ... سلم على المراة عرفها امها...
الام: نتا ربان ...
ريان: اه اللالا ... انا .. بغيت نهضرو شوية ...
الام: حتا انا اولدي اجي معايا ...
مشات وهو وراها ... ودخلو لغرفتها وجلسو ...
ريان: لالا..انا ..
الام: عيط ليا غير خالتي اولدي ..
ريان: واخا اخالتي ... نتي عارفة للي سمية حاملة بولدي .. عارف بلي غلطنا و درنا علاقة خارج اطار الزواج ولكن راه كنبغيها وباغيها هي ولدي و غنهضر مع والديا قرييب و نتزوجو قبل ميتولد ولدي ..
الام: لي بان ليك اولدي فرحتيني بكالامك ... بنتي واخا راسها قاسح وكتبين القوة ولكن ماعالم بيها غير الله.. كواشي تجمع علبها مسكينة ... بغيت نشوفها مرتاحة ..
ريان: ان شاء الله غنعيشها فالراحة حيت كتستاهل .. غير حاولي معاها راه مقسحة راسها .. هي مقلقة مني ..
الام: عارفة اولدي ... داز عليها الوحم خايب ... والمراة كتبغي الاهتمام فالحمل ... راها محنة مسيكينة شوية مهم نتا صبر معاها اولدي الله يرضي عليك ودير ليها الخاطر ...
دخلو البنات مع جودية لبيتها .. و بدلو جاو البنات معاها حيت عارفين بلان الخطبة و عارفين كولشي غيمنك الغد ليه باش يوجدو داكشي لاش جاو ...
بدلو حوايجهم و جلسو ..
سهى قدام المرايا كدور و تعبر راسها ...
سهى: وراه نييت خاصنا السكوات ...
ميرال: اااه بالصح ... بغيت نقاد فورمتي اكتر ..
جودية؛ كنت بديتها شحال هادي غير العجز ...
سهى: مكاين مايدار ياله نهبطو للاصال ...
جودية: ياله ...
هبطو البنات بعدما لبسو كولونات و تيشورتات للسبور وهجمو على لاصال كل وحدة شنو شدات ... جودية جربات تهز الحديد ... هزات وزن التقيل لي ممكن تستحملو وبدات دير السكوات ...
الدراري دارو يتلاقاو تما حتا هما ... وهما هابطين سمعو حسهم وهبطو كيتسلتو ... و دخلو عندهم ... جود دخل عند صحايبتو ... وجاد وقف ورى جودية لي مشافتوش خلاها حتى هبطات للتحت وهي هازا التقل ... وهو يحط ايدو على ظهرها تقلها حتى مابقاتش قادرة تحرك و هي طلق الحلوق ... والتقل غلبها ...
جودية: جاااد الحماااار 😡😡😡 راه غنلوو اااااي ماااما 😨😨😭😭
جاد: ههههههه ...هزو عليها وهي طيح للارض ...
وهو شبع فيها ضحك ... والاخرين خلاص...
مشا وخلاها كتهز النفس تكا فديك ديال رفع الاتقال و بدا يهز ويحط ...
جود كيجري فطابي غولون مع صحيبتو و سهى كتنقز بالحبل و طالقين المزيكة ... جودية مرضاتش يدير ليها هكاك وهي تنوض هزات قريعة الماء خلاتو حتى هز التقل وهي تكوبو فوق وجهو ...
جودية: هاك لمك ...
جاد: جودية ... غنقتل مك ... 😡😡 ريحي ...
بقا كيقاوم ... خنقاتو المسخوطة وهي كتضحك ... جود جا عتقو وهزها عليه لا يلوحها على سدرو .. وهو ينوض ليها جاد ... هربات لبرى و هو وراها يتحلف حتى خرجو للجردة وهما غير مضاربين و هي حامياها غوات ..
جودية : لا ... جات تهرب وشقمها شد ليها وجها كيضحك و خطف ليها بوسة من شنايفها عاد طلقها ... و علامات الشر على وجهو و شابع فبها ضحك ...
هي غير طلقها شظات في فمها وطاحت للارض ..
جاد: ههههه باش نوريك تلعبي معيا ... 😂😂
مشا رجع كيضحك بالجهد و كيفقص فيها ...
جودية مرضااااااتش ... شفر ليها بوسة واخا قاوماتو .. و ناضت ترجع حقها عارفة راسها غتقودها ولكن مهم ترجع حقها ...
ناضت رجعت لقاتو كيجري فطابي و كل واحد فين مشغول ... جات من وراه وهي تشير برجلها عكلات ليه الجرية طاح فوق طابي جراتو ولاحتو للارض بقا كيتوجع ... وهادشي كولو صوراتو بورطابل فاش... كانت داخلة حطاتو مقابل معاه.. خرات حداه بالضحك لاهي لا الموجودين ...
جود: ههههههههه شخشختيه المسخوطة ..
سهى: وناري غتقالو بعضياتكم نتوما 😂😂😂
جاد: اح واش لمك ... باغا تهلكيني ... مكفاكش داكشي لي درت ليك فالجردة... نتي لي قلبتي عليها ..
ناض يتبعها وهي تعلق تاني ...
جودية: ماما .... بابا ...
مجات غير فباها داخل بان ليها بحال شي ملاك حارس جا يعتقها ... وهي تعلق فيه و شدها ...
رجعات جودية فحالها ودخلات على انصاف حتى قفزاتها ...
انصاف: خادلعتيني الويلة ...
جودية: ههه اش كديري ...
انصاف: والو ... غير كنقلب ... والله تا حرت ماعرفت اش ندير فحياتي دابا ...
جودية: جلسات حداها ... : مالك ...
انصاف: حرت ودخت باقي معرفت فاش نكمل قرايتي ... و عصام كيقول ليا نتزوجو و العام جاي عاد نرجع للقراية... وانا ماعرفتش ...
جودية: صافي رتاحي دابا ... العام جاي تكوني قررتي اصلا هاد العام داز عليك الوقت .. منضنش شي كلية ولا شي معهد غيقبلك ..
انصاف: زعما ...
جودية: وبيي فكري ليا دابا غير فالموسيو عصام 😂😂
انصاف: اودي غير خلي داك الجمل راgد ... باقي مهضرنا فهاد الموضوع و خلعة الزواج بادياني وحنا باقي حتا ماحددنا التاريخ ..
جودية: هههههه قفرتيها المسخوطة ... ليلة العرس مابقا ليها والو ... وقصص سمعت على هاد ليلة ...
انصاف: واش من نيتك ... فبلاصة متطمنيني كتزيدي عليا ...
جودية: كتشكاي عليا بنت لك عندي راحل و5 البراهش راه عزبة بحالي بحالك ... غير الله يلطف لينا وخلاص .. شوفي عمتي وماما هما لي عندهم الخبرة فهادشي ... مشاء الله مكاينش النهار لي ميدوزوش فيه الكومبا 😂😂
انصاف: اويلي اش كتقولي راع والديك هادوك😱😱
جودية: ههههههه والى والدية حشمو هما بعدا ... عاد نحشمو حنا ...
انصاف: وا المهم قولي ليل غداةكاين شي حفل ياك .. قالت لبا ختي نور عيد زواج عمي علي وخالتي ليلى ..
جودية: ا.. اه اه .. عيد زواجهم غيديروه في فيلا خالي .. وغدا غنمشيو نتبرعو و ندوزها فيبا ونتهلاو فريوسنا ..
تم نقل القصة من 9isas modareb.. انصاف: واخا الالا ... ياله نهبطو .. عصام شفتو تعطل ..
جودية: اح عليك نوحشيتيه 😂😂
انصاف: نتي الله واعلم الفرنانات مقطعين ليك ...
جودية: فكرتيني ماشي ديك البغلة رجعات للعجل ...
انصاف: هههههه على سلامتهم ولاش المعيور 😂😂
جودية: فقصاتني ... كان عليها تزيد تمرمدو ...
انصاف: محشمتيش .. عرفتي نتي بديتي غير كتخوري ومعارفاش راسك اش كديري... و هادشي كولو حيت باقا سيليباطير ... كون كان غندك بوركابي متبقايش كضوري و ومقابلا هادو وهادو ...
جودية: سيليباطير وبيخير معندي لي يفرع ليا مخي ..
انصاف: نتي كرهتيه ... الله يمسخك 😂😂😂
جودية: شكيت عليكم ... شوفي غير ممصاحباش معاه واش داير فيا ... قبايلا ولد الحرام باسني حتا دوخني ..
انصاف: اويلي 😂😂😂😂😂😂
جودية: معندوش علاش يحشم 😠😠
انصاف: ههههههه مدارهاش خالك لي كبر منو ...
جودية: عمرو قاسك ..
انصاف: لا من غير الى عنقني وباس راسي ... قلة الحياء لا ...
جودية: خالي راه بعقلو ... داك الحيوان واخا يكون عندو 30 عام مستحيل يدير عقلو...
انصاف: ههههه وصافي اصلا هكا احسن كن شي واحد عصبي وهاز خنافرو للسماء ... يعيشك غير فالخوف و مدفينما تخاصمو يفوت فيك شي ضربة ... راجل الى ماخديتيهش ... ضحوكي ومطلوق ويضحكك فاش تموني مقلقة لي يلعب معاك ويدير معاك الحناق بلاش منو ... انا عجبوني الرجال ديال هاد العائلة كلهم ماشاء الله ضحوكيين وحماق وكل واحد بطريقتو ... ولكن لي محمقني خو داك خالك ... اوووكوك كيقول شي هضرة كيخليني نتبورش كيفعمني وكيعرف كيفاش يعاملني ... كنموت عليه ومستحيل نقدر نعيش بلا بيه ...
جودية: ههههه كتستاهلو بعضباتكم ... الله يخليكم لبعضياتكم 😍😍
انصاف عنقاتها: شكرا احبيبة ...
جودية؛ وياله نهبطو ...
🌄اصبح الصباح🌄
فيلا ياسر مقربلة ... نور و رمبساء جاو عندهم عيالات الفبلا الاخرى .... وحتى ليلى معاهم ... مشغولين فالتوجاد ... البنات فالفيلا الاخرى مجموعين غبيت واحد ناعسين ... و جاد بات مع جود ... الرجال فاقو الصباح و مشاو لخداميهم ... وحتى عصام غيخدمو غير الصباح ....
نور: نوضي تgعدو قبل مانبدا نركل ... شوفو غتمشيو تفيقو انصاف ياكو غتهبطو تفطرو ... و تمشيو للبيوتي سانتر راه جداكم ريزيرفاتو كامل باش تبقاو ليا على خاطركم ... والدراري غيبقاو معاكم الى حتاجيتو شي حاجة ... ومنشوفش كمامركم هنا حتال 4 العشية ...
جودية: اويلي من دابا ل4 واخا ماعرت اش نكونو... اااي لا ماتقرصيش تغمتي لااااااااا...
دار عندها كيتغزز و هي تبدى تشطخ وتغني دديسباسيتو عاوتاني و كتفقص فيه و تقلي ليه السم وهو كيتحلف غير بعينيه والبقبة كيشوفو ويضحكو
بعد مدة وصلو للمركز وهبطو دخلو واستاضفوهم للداخل ...
مشاو حيدو حوايجهم كاملين ... الدراري فجهة والبنات فجهة .. عكاوهم فوطات تلواو فيهم ودخلو للحمام عامو شوية لا البنات لا الدراري....و من بعد دخلو للسونا... البنات فوحدة والدراري فلي حداهم ... ترخاو تما مل وحدة متكية فجهة .. والدراري مقربلينها فجهة الاخرى كيديرو تراكسيون وينقزو حتى يخفو وشدو الارض ... ناضو البنات نقصو وحدة بوحدة ... حتى بقات جودية مرخية وداتها سهيووة خفيفة ... ناض جاد وجود يخرجو ... و جاد بانو ليه البنات مسرحات كيتماصاو الا جودية ورجع كيقلب عليها طل عليها من الجاجة ... لقاها مسرحة .. ضحك ضحكة شريرة و سد الباب من برى ... وزاد الحرارة ووقف تما ... هي سمعات الباب تردخ ناضت تحلو لقاتو مسدود هزات راسها لقات جاد كيضحك عليها ... وبدات كتدق عليه وتغوت ...
جودية: حل ... وا حل عليا الباب 😡😡😡
بدا كيسخن اكتر و صافي حسات براسها بدات كتبخر كيف الدجاجة فالكسكاس ... بدات تطلب وتزاوg وهو كيشطح ويغني ليها ديسباسيتو عاوتاني ... و احد الشوية مابقات عرفت مادير ... وهي تقلب عينيها زدارت رايدسها سخفت وجلست التحت مبقاتش كتبان ليه ... تخلع وحل الباب مع الحلة عطاتو لبيتدن فخاضو طاح كيتركل كيف الحوتة لي ياله خرجت من الماء وكيتعصر ... وجودية شادا فوطتها و كتشطح ليه ديسباسيتو عاوتاني ... شبعات فبه ضحك و قالت ... جودية : باش نعلمك ... دير غدفبالك انا مساهلاش لييك ... ياله موت تما ...
جاد: واللهلا بقات فمك 😡😡😡
نقزاتو وناضت دخلات عند البنات ... هو بردها وناض دخل لجهتهم ... كانو فنفس لاصال فاصلاهم غير ستار طوييل ... تسرح مغدد و جات المدلكة وبدات خدمتها وحداه جود مكينش هنا مرخي ...وكدالك البنات بعد شوية ناضت انصاف و ميرال ومشاو خرجو للخطوة مع المدلكات باش يديرو لي ماسك ويتهلاو فالسكين ديالهم... بقات سهى لي مسخاتش و جودية لي حات معطلة ... جاد سمع جودية كتوحوح عاجبها الماساج ناض هز سيتار ... لقاها مرخية و مغمضة عينيها غمز المدلكة تبعد ... بعدات وتولاها هو كمل المساج لظهرها وهو يقسح معاها اللعب ...و هي بدات تستغرب...
غير حكم ليها رجليها وهما بخرجو عبنيها وبدات تركل ولكن حتكمهم لبها مزيان حتى عامل انها عربانة كان عائق كان خاصها تبقى ساترة راسها.... شد ليها صباع رجليها وبدا يجبدهم ليها واحد واحد عموديا حتى كتسمع ديك طق... (هدا راه الموت البطيئ شكون فايتين داروها ليها ... انا دارها ليا بابا واحد المرة الله يسمح ليه 😂😂😂 كنت ناعسة وغفلني 😂😂😂😂)جودية بغات تموت وهي بدات كتركل.... صباعها كلهم فشلو وبداو يوزوزو ..... خلاهم ليها عوجين ولد الحرام و خرج كيغني باسيتو وداز لسهى فطريقو غير قرب ليها هزات عليه حجرة من هادوك لي كيتستعملو فالماساج و ضحك و خرج و كمل غناه و يفقص في جودية ... ناضت هي كتمشا على gدمها كلها حمرة بالفقصة ... و خرجات للجهة البنات حرمها عليها ... وتبعاتها سهى... دخلو لعند البنات لقاوهم دايرين لي ماسك ومرخيين ...
جودي ياله جلست جات عندها وحدة ... وقالت ليها...
جودية: سدي دام الباب مزيان متخليو تاواحد يدخل ...
.....: واخا ا انسة...
تسرحات جودية ودارو ليهم لي ماسك واحد ورى لاخر كل واحد لاش صالح ... سلاو دازو ل لاصير ...
تسرحو كل وحدة ... ولداو عليهم كل وحدة كتغوت فجيهة ... دوزو اللحم كولو .. اصلا مولفين هكا منين بداو يكبرو ... ولكن واخا تولفيه ديما التقساح موجود و الدراري برا كيدلكو ويشبعو الضحك ... ناضو مشاو للجاكوزي و البنات لبسو لبيسات خفاف ديال السونطر وخرجوهم للبرى ... يصاوبو ليهم الظفار ... والدراري بقاو فالجاكوزي ... سلاو الظفار .. و جلسوهم يرتاحو ... وخرجو عندهم الدراري تاهما لابسين بحالهم وجابو ليهم دي سوندويش ياكلو ...
كلها وفين جالس ... جود وميرال بوحدهم ... و انصاف و سهى و جودية مخشية حداهم وحاضية مع جاد كتغدد و هو قدامها شاد تيلي ديالو ...
جود شد ايدها وباسها: مغيضربنيش غير تهناي .. مكابنش البرد هنا ...
جودية كتشوف فيهم وتبسم ... لاحظ جاد و ناض جلس حداها...
جاد: شفتي لالياتك ... لي كيعرفو يعيشو حياتهم ...
جودية: راك مفاهم والو ...
جاد: فهميني ...
جودية: لا من الاحسن بلاش ...
جاد: راه عارف مزيان بلي حتى نتي باغية ... مفهمتش علاش حارمة راسك ...
جودية: انا ... خايفة ...
جاد: كيفما قال خوك ... ومناش ... شنو هو هاد التخوف واش مني انا ... واش كمتيقناش من حلي ليك ...
جودية: لا لا ماشي هكاك ...
جاد : واشنو ...
جودية : اا..
سهى: نوضو تgعدو راه خاصنا نكملو راه بقات غير ساعة ...
ناضو البنات ... شافت جودية فجاد ومشات وخلاتو ... دخلو للصالون قادو ليهم شعر .. لا بنات لاالولاد ... و دارو للبنات ماكياج و من بعد جبدو ليهم لي غوب واللبيسات لي غيلبسو ودخلو لفين غيلبسو ... كل وحدة لبسات ديالتها الصورة الى انصاف لي كانت ديالتها سليشال شوية ومدات مجابت خيت قالن اناىالكبيرة فيهم داكشي علاش .. وحتا الدراري لبسو ... دي كومبلي مناسبين لسنهم وماشي رسميين بزاف فالاسود و الصباط و داكشي راكم عارفينو 😂😂 (اش بغينا بشي مظاهر 😏) سلاو البنات وخرجو لعند الدراري .. كل واحد فيهم حل فمو فحبيبتو .. الى سهى و انصاف لي جاتهم البكية ..
انصاف: اه قابلة ... قابلة نكون مراتك و حللك ... قابلة نكون نصف الاخر وام ولادك ... قابلة نكمل معاك حياتي ولاخر نفس يدخل لداتي ... 😭😭
مدات ايدها نوضاتو كتبكي ... خدا صبعها... ولبسو ليها و باس ايدها عنقها لعندو ... ووقف بيها كيدور بيها .. والداخل كولشي كيطل بالتخبية و شبعو ضحك و شطيح بالفرحة واكترهم نور ...
عصام حطها و شد ايدها ...
عصام: اجي معايا ...
تبعاتو شادا فكسوتها ... و غير دخلات كولشي علق .. بقات نور وليلى و العيلات كاملين ... خداوها لعصام وطلعو بيها وهي مفاهما والو ...
دخلوها لبيتها ... وكل وحدة اش دارت ... جبدات ليها ليلى وحدة من القفاطن لي مصممة ... نور عاوت قادت ليها شعرها والباقين تحاماو على الماكياج لي تخصر ... لبسات ومسربكينها دغية .. عيات متسول والو تاوحدة ماعطاتها راس الخيط ... سلاو وجات ليلى لاحت عليها شال خفيف فوق راسها مناسب للققطان ... وهبطوها ... غير دخلوها مع الصالة الكبيرة ... بانو ليها كولشي رجال العائلة جالسين الداخل و زاين وعلي على راسهم وحداهم بقية الرجال سيف و عصام وسعد وعاد ضايرين بيهم ولادهم كاملين عاد جاو البنات فالخر مجمعات ... كولشي متول ومقاد حلوبات وعصاير باشكال وانواع ... ديكور بلدي و ملون ... مهم دخلوها و جلسوه بصف زاين ... بين نور و زاين .ومقابلة مع عصام .. كل وحدة جلست حدا راجلها و وعم صمت ... و هو يهضر علي...
علي: مهم لي نطولوه نقصروه ... حنا اليوم مجموعين ... باش نجمعو واحد زوج في الحلال على سنة الله ورسولو .. وجينا طالبين راغبين فبنتكم المصون انصاف لولدنا عصام ... و ان شاء الله مكاينش مجال فين ترفضو حيت بنتكم ديال ولدنا ...
زاين: هههه لا اسي علي بنتتا مشايطاش و منضنش يستاهلها ... بنتنا تستاهل ما احسن ... 😏😏
سهى ونتا مالك اش مشا ليك ... اجي وليتي حاط عليا مموالفاش ليك ولا ياكما كنعجبك 😏😏 (بغات تحشمو)
شهاب: بحال والو ... هادشي لي بان ليا تانا 😜😜
سهى جات تحشمو صدق عطاها ... خرجو عينبها منتاظراتش هاد الجواب ... ضحك وغمزها ورجع عند الدراري ... كولشي ناض بارك ليها بالتغريت و الضحك .. انصاف سلمات على المبار بقبلة فاليد والبقية عنقاتهم حيت حسات بالامتنان ليهم كاملين ... شد فايدها عصام وخرجو للجردة الورانية و كولشي تبعهم ...
شد ايدها وجرها للجردة لور ... وتاهي بووحدها ... حلات فمها تاني ... كانو دايرين واحد الجليسة تقليدية تما فالجريدة ... و كانو شي رجال تما وبعض الحضور كيتسناو غير اقرب الاصدقاء لعصام وللعائلة .. بحال عماد وجيداء... جلسو الرجال مجموعين تما والنساء فجهة مجموعات ... جلسو عصام و انصاف وسط دوك الرجال ... اي غير بداو يسولوهم عرفاتهم انصاف العدول وطاح ليها الماء فالركابي.. سولوهم داكشي لي خاص و هضرو على الصداق... لي متشرطاتش فيه نهائيا ... سيناو هما وشهود بعدما وافقو وانصاف غتموت بالخلعة... سلاو عطاوهم عقدهم وباركو ليهم ومشاو حيت ضايفوهم عائلة العمراني قبل مايجيو العرسان ... كولشي ناض يسلم عليهم ويبارك ليهم ... عطات نور لانصاف خاتم ... لبساتو لعصام .. لي غيموت بالفرحة ... كولشي بارك ليهم وحتى من الموجودين ... وجلسو مجمعين مع بعضياتهم العائلة والاصدقاء ...
نور: هههه مبروك عليك احبيبة ...
انصاف: الله يبارك فيك اختي ربي يخليكم ليا ... كواشي كيحمق ... احسن مفاجئة تلقيتها فحياتي كاملة لي عشتها ...
نور: ما شفتي والو ... نتي غالية وعزيزة بحال خويا تماما ... هههه مالك متوترة...
بقاو مجمعين ديك العشية كاملة حتى نقصو واحد واحد كل واحد هز مرتو وولادو ومشاو بعدما ودعوهم و عاودو باركو للعرسان ... سهى وميرال رجعو مع والديهم حتى هما.. وكلها تخشا فبيتو من الشباب .. الى زاين ونور ورميساء و وياسر بقاو مجمعبن فالجردة... حتى خرج ربان وعصام لي كانو باقيين فالفيلا..
ربان: يالله الله يعون انا غادي ..
رميساء: صافي مشيتي ..
ربان: كيسلم ويهضر: اااه غادي .. وصل لنور وقال...
ريات: تهلاي لينا فالفنيكيش صغيور ...
نور: كون هاني امورتاديلا ...
زاين: هههه حتا نتا تهلا 😉😉
ربان: ان شاء الله ... ☺☺
تم غادي خارج .... عاد سرات معاه ومفهمش اش قصد دار كيشوف ... لقاه مجمعةعادي مع نور وكيضحك ... ساس راسو وخرج للوطو ديالو ...
بان ليهم عصام غادي للفيلا الاخرى وهي توقفو نور..
نور: اجي نتا فين غادي ..
عصام: نمشي لفيلا نرتاح شوية عيت ..
نور: نو بيب غتجلس الارض غتبقا عند خووك هنا ..
عصام: اختي الله يهديك مدرتوهاش حتا منين كنا مصاحبين ..
نور: ديك تلساعة كنت تايقة فيك وعارفاك متقربش ليها بلا زواج ... دابا ولات هضرة اخرى ...
شد ايدها وقربها ليه بشوية شاد فخصرها وكيلعب فشعرها...
انصاف: ا.. اه...
عصام: مبروك علينا احبيبة ... مخلاوش ليا فرصة فين نهضر مع مراتي ...
انصاف حدرات راسها حشمانة وحاطة ايديها على سدرو : الله .. يبارك فيك ...
هز ليها راسها وقال: مالك ...باكية ؟؟
انصاف: غير .. تاترت وصافي .. *دمعو عينيها تاني وعنقها لعدنو كيدوز على شعرها *
عصام: صافي احبيبة .. صافي متقلقيش .. كلنا معاك ..
انصاف زادت تخشات فيه حتا بدات تهدن ... بعدها شوية وشد فدقن ديالها ... قرب ليها ... عرفاتو اش غيدير ... و غمضات عينيها كمشاتهم ... شاف فيها ضحك و خطف بوسة تقيلة و تبنن فيها عاد بعد .. تزنgت بالمعقول وحدرت راسها.. حس بايديها كيترعدو بين ايديه ... ضحك عليها وعجبو الحال وقربها لعندو عنقها ...
عصام: هههههه باينة غتعدبيني ... ولكن عدابك زوين ... جيتيني بحال شي كبالة كنحلك ورقة بورقة ... وهادشي لي كيعجبني فيك وسط شحال من حاجة اخرى ... بعدها تاني وباس راسها ... جبد ورقة من جيبو ومدها ليها ...
خداتها وقالت ...
انصاف: شنو هادي ...
عصام: صداقك ... عندك 20 مليون فحسابك ..
انصاف: اويلي 😱😱 ماشي بزاف ...
عصام: هههه لا بالعكس راه والو تستاهلي كتر ..
انصاف: لا ..لا. بزاف...
عصام: راه حقك هاداك ..
انصاف: بزاف اصلا معندي مندير بيهم كاملين .. انا غير لا كنتي مخلص ليا واحتارمتيني و بغيتيني من قلبك هادشي كافيني وفايتني لهيه...
عصام شد فحناكها ب2: كنبغيك وغنبغيك كنحتارمك وغنحتارمك ومخلص ليك وغنخلص ليك وهداك حقك وباقي ماشفتي والو حيت كتستاهلي ... و متبقايش تجبدي هاد الموضوع الله يرضي عليك ..
جاد: لا لا مغتسمعش ليك .. نحت راسها شي حاجة ومفهمتش علاش مابغاتش تقول ... ولكن غنقصح معاها اللعب ... مغتقدش عليه وغتطلبني نحبس و تدير لي بغيت ديك ساعة ...
جود: هههه ممكن ... واش غدير ...
جاد: نقط ضعفها ...
جود: هههه واياي ...
جاد: اه ...ختك كتهمها صورتها قدام والديها ...
جود: شنو زعما غتلعب على الغولاصيون ديالها مع الوالد والوالدة ...
جاد: ااه ...
جود؛ واش غدير ...
جاد:**********
جود: لا لا اويلي تسطيتي 😂😂😂
جاد: ههههه غير مع عمتي خالي لا مامهاهش اللعب ...
جود: الوالدة حاملة بعيتيها تعواج ...😂😂😂 هادشي الى مقتلاتهاش...
جاد: هههه متخافش كولشي غيكون تحت السيطرة ...
جود: وامتا غطبق هاد الخطة ...
جاد: غدا خاصني نضبر عليه ... و نطبقها بليل ..
جود: دنوب ختي على رقبتك انا كنقول ليك ...
جاد: متخافش ... واللهتا تجي طلبني باش نفكها من المصيبة ... وديك الساعة غنشرط عليها تولي معيا ومغاتلقا حتا مخرج من غير انها تقبل 👿👿
جود: ههههه لعبكم غيمشي بعيد وهانا فين قلتها لبك ..
جاد: هههه داكشي لي بغيت تانا ...
~~~~~~~~~~~~~~
بعد العشاء ... كلها مخشي فبيتو كيستاعد للنعاس .. نور لبسات بينوارها وناضنت...
زاين: دوزي حطي داك الراس فين غاديا...
نور: لا غنبات مع انصاف...
زاين: ههههه تي خلي سيد مالكم كتهاوشو فيه.. مرتو هاديك اش دخلك بيناتهم ... 😂😂😂
نور: هادشي مغتفهمش فبه ...نعس ... تصبح على خير ... باستو وخرجات ... وهو طفا الضو كيضحك ...و نعس ...
نور: شششش من حقك ... تاحاجة مكتعوض حب الام ... حاسة بيك وعارفة حرقتك شحال حارة ... معليك غير بالصبر كيفما درت حتا انا ...
انصاف تخشات فيها ونور معنقاها وكتلعب فشعرها ... فكراتها فاش كانت ليلى تاهي كتعطيها حنانها و تعاملها بحال وحدة من بناتها وباقا هكاك ... شافت فيها نور فاش كانت صغيرة ..ضحكت على الزمان لي كيدور وكيفما كانت كتقلب على الدفئ العائلي و حنان الام هاهي ولات كتعطيه ... بقات كتلعب فشعرها حتى نطقت ...
انصاف: ممكن تغني ليا ... كنموت على صوتك ...
نور: اياه نغني لفاننامبر وان ديالي ... بدات كتغني اغنية هادية ولطيفة باش تهدنها ... بقات كتدندن ليها و انصاف فوق سدرها وكتصنت عجبها الحال بزاف و ترخات و بدا كيديها النعاس مع العيا ... عاقت بيها نور نعسات وهي تطفي الضواو ونعسو ...
☆☆☆ بعد ساعتين ... تحل الباب و دخل عصام كيتسلت بالشوية و سد الباب ... دخل بالشوية كان الظلام كيشوف غير الخيال ... جلس فجنب السرير .. وهرى عليها الغطا ... وباس حنكها ... ياله غبعاود وهي تحيه ضربة للراس بكتاب ... ناض قافز شاد راسو وهي تشعل انصاف الضو و مقلوبة بالنعاس.. و نور هي لي كانت فالجهة لي حداهةيعني باس ختو ... وهي تنوض ليه ... تضرب وتركل و هو كيقاوم ويضحك و انصاف ففراشها مبتة بالضحك ..
نور شداتو من ودنو: هادشي علاش قلت لمك متديرش العقد قبل العرس ... شتي .. ياله تحمل مسؤوليتك دابت ياله برا .. تم خارج كيضحك و فطريقو غمز انصاف و هي تركلو نور للمسعودة مشا شادها هربان وكيضحك ... ونور قادت حالتتها و سدات الباب...
نور: ولد الحرام كن ماكنتش كن تعدى عليك ...
انصاف: الله يخليك ليا 😂😂
🌄اصبح الصبااح🌄
كيف العادة كلها كيقضي شغالو ... ها لي فالخدمة عا لي فليسي ... ونور وانصاف و رميساء بداو تخطيط للعرس ....
☆☆☆☆ عند جوديو وميرال وسهى كيسرحو رجليعم فليسي و كيتحتتو ...
جودية: اوووف عييت من هادشي ...
ميرال: اوى نتي لي ماباغباهش...
سهى: ارتابطو بالتخبية منين هدا كلو خوف من باك ..
جودية : تانا بديت كنفكر هكا .. ولكن راه صعيب شوية عرفتي ونحصلو ..
ميرال: شوفي انا وجود ... عادي وغاع الى عرفو مالنا كنديرو شي حاجة خايبة ... مرتابطين حيت كنبغيو بعضياتنا ...كنخرجو ونتعاودو كنتعاونو و ننبادلو لي كاضو ونزقفو مع بعضياتنا هادشي لي كنديرو ...
جودية: زعما زعما ... نزعم ...
سهى: وا غير زعمي ازمر ... راه بان ليا انا تابعاك فهاد المعماعة ...
جودية: علاش مالك نتي ..
سهى: البارح لاح ليا الهضرة ... غيشللني داك ولد الحرام معرفتو واش كبهضر من نيتو ول شاد فيا ...
ميرال: هههه العااار اش قال لييك ...
سهى: وقف حدايا عقب على كسوتي بغيت زعما نشقمو وشقمني ... قلت ليه مالي كنعجبك ... قال ليا بحال والو ... دابا اش كيعني هدا 😟
ميرال: ههههههه باينة للعمى كتعجبيه راه غير طيدوز ليك الطريق 😂😂😂😂
سهى: يدوز ليا الطريق وليت قادوس 😠😠
جودية: دابا غير قولي ليا نتي شنو مشاعرك تجاهو ...
سهى: بصراحة ... فالاول كان عادي ولد عمي محبة عادية ولكن من نهار بدا يتقرب مني ويتحرش بيا تبدلات نظرتي ليه بحال الى لفت نظري مابقا كيبان ليا غير هو ... واقلة كيعجبني ولكن خفتو بكون غير كيتفلى معايا و اللهتا نعواج ...
طوم و جيري الجيل الثاني الجزء الخامس
محتوى القصة
التنقل بين الأجزاء