قولبني هو و الشوافة الجزء الثاني

فصباح خدامة: فنة فنة انا: واامي خليني ننعس خدامة: مك فداركم نوضي تكعدي يالكدابة انا:(فايقة مبوقة) كدابة هي ختك سليمة: صباح خير فنة انا:😊😊 صباح نور سليمة: ليوم عندك لفاك ولا لا انا: لا سليمة: مزيان شنوا ظهر ليك نخرجو انا وياك انا: اااا واخا ولكن حتى نخرج مع صاحبتي سليمة: معاش هاترجعي انا: 3 نكون هنا سليمة : مزيان يالاه نوضي دوشي ولبسي هاد كسوة انا: اوااه انا هانلبس هاد الكسوة سليمة: علاش واش ماعجباتكش انا: لا وااو واعرة باينة فيها غالية سليمة: بصحتك تستاهلي يالاه دخلي دوشي وخرجي لبسيها هاتلقايني لتحت كنتسناك باش نفطرو خرجات سليمة وانا دخلت تمرحت فداك دوش وخرجت لبست ديك كسوة درت باغا نمشط شعري مالقيتش زيت لعود هبطت عندهم هكاك شعري كيقطر انا: واش ماعندكمش زيت لعود سليمة:لاش باغاها انا: باغاها باش نمشط شعري سليمة:😕 داويا بصح انا: اه سليمة : فراسك زيت لعود هاتخرج ليك على شعرك انا:وشنو بغيتيني ندير ليه سليمة: تبعيني تبعتها لبيتها جلساتني فوق كرسي جبدات سوشوار نشفات لي شعري ومن بعد جبدات بريصة سرحات لي بيها شعري سليمة: شعرك زوين غير مامهلياش فيه انا: اصلا انا زوينة سليمة: ههه طبعا خاصك غير تهتمي براسك وهاتولي زوينة انا: شكرا سليمة: يالاه هبطي تفطري وسيري تلقاي مع صاحبتك انا: صافي واخا هبطت فطرت وخرجت فحالي شديت طاكسي قلت اجي نعيط لنور انا: الو نور فينك نور:😟 انا فسيدي عبد رحمان كنتسناك انا: وي صافي هاني جاية (قطعت) عند نور فهد: مزيااان ودابا عاد هايبدا لعب نور: مكاتسواش روان:(صاحب فهد) ونتوما كتسواو يا سحارين نور:😡😡 ماشي سوقك ديها فكرك شوية روان: دينمك معارت شنوا مصبرني عليك فهد صاحبي باراكا من هاد لخرا ودي لخانزات عند بوليس يترباو نور؛ خانزة هي مك ياولد قحبة روان:(صرفقها) مي بزاف عليك يالواسعة فهد:(شدوا) تسطيتي ولا مالك هاصاحبي من إمتى ولينا كنهزو يدينا على لبنات نور: شنوا زعما دايرين لي فيها رجالة يا شمايت (ضربات فيهم ودخلات صالة لفيها شوافة) عند فنة صافي صافي غير هنا هاخويا مول طاكسي: عندك 20 درهم انا: هاكا هبطت فرحانة لكندوز من حداه كيشوفني روان:(فطوموبيل) راهي راهي فهد: فين هي روان: راها هاصاحبي مولات كسوة غوز فهد: اوااه كتبان زوينة روان: ههه بان لي سحور شوافة بدا كيعطي لمفعول فهد: هادا راه مفعول زملة لفي هو لبدا كيفك مفعول بنت لحرام كر عندها روان:😂😂😂

دخلت لداخل عند نور لقيتها كتبكي وكترعد أنا :زين مالك نور:(كتمسح فدموعها) اه جيتي انا: لا جابووني مالك شنوا واقع نور: مامالي والو غير مشاكل ديال دار انا : امم نور: واو اش هاد تغيير انا: 😉😉 كيجيتيك نور : كتحمقي انا:ميرسي لمهم خلينا ندخلو دابا عند شوافة ومن بعد نعاود ليك نور: صافي واخا دخلت عند شوافة ونور غير كتقفقف وشوافة كلها كتقطر انا:مالكم شنوا واقع شوافة:😈😈 والو جلسي أنا :(جلست ) شوافة: هاكي حزمي راسك بهاد زيف وبداي تحيري انا: شنوا شوافة : كيف سمعتي وبقاي تقولي عيطت ليك ياميرا عيطت ليك يا عيشة على فهد وعيط عليك ياحمو طير علينا لعديان انا:😕 شوافة: تحركي انا: صافي واخا إيوا نضت على سعدي ووعدي كنتحير وكنقول عيطت ليك ياميرا عيطت ليك ياعيشة على فهد وعيط عليك ياحمو طير علينا عديان بقيت كنتحير وكنقولها حتى جاتني دوخة نور:😮😮 (كتصور ففنة وفنفس وقت دايرة ابيل فيديو مع فهد) عند فهد فهد وروان:😂😂😂😂😂😂 روان:(كيمسح فدموعو)هههههه لا هااادي بزاف من نيتها فهد: ههه خرية ديال ضحك روان: شنوا ناوي دير بالفيديو فهد: فيديو مهانخدموش دابا حيت فاﻷول خصني نلعب عليها مزيان روان : اش هادير ليها فهد: هانحقق ليها حلمها ياك هي باغاني اووكي هنكون ليها ولكن بطريقتي روان:😈😈 أمم هي هيكون فيلم هاد سنة فنة وفهد فهد: فحال إلى علمك لله عند فنة شوافة:صافي باراكا عليك هاكي شلي وجهك بهاد لما انا: واخا (رشيت وجهي بهاداك لما) اييع شنوا هادا ريحتو خانزة شوافة: واش باغا تقضي شغل انا: اه شوافة: هي ديري نية ولنقولها ليك ديريها انا:😣 صااافي واخا

نضت خرجت من عند شوافة طالع لي دم تفو كاع تشنتفت أما نور غير كتشوف حسيت بيها شاداها لبكية انا: مالك هاصكعة ليام نور: والو صراحة ملي كنشوف ديك أجواء مكانرتاحش انا : أمم ملي كتجي مع مك كترتاحي نور: فنة عفاك انا هانمشي فحالي نتلاقاو غدا فلفاك (مشات) انا: هاااويلي هادي مالها تمشي تخرا مهم انا نرجع فحالي أحح هانمشي فيلا شديت طاكسي ورجعت فيلا سليمة: جيتي بكري انا: اه سليمة:😉😉 كنتي عند شوافة انا:😯😯 باش عرفتيها سليمة:ههه فيك ريحة لبخور أنا : اه سليمة: فنة يا فنة لبغا يجي هايجي بلا سحور بلا تخربيق انا: نتي ماعارفاش شحال تسنيت سليمة: وماكان فيها باس تزيدي تسناي شوية انا: صافي دابا لوقع وقع وانا امبوسيبل نتراجع سليمة: نتي فحال بنتي ومهانبغي غير مصلاحتك انا: عارفة سليمة: عرفتي شنوا خلينا نخرجو نتغداو برا ومنها نيت نهدرو فهاد لموضوع كثر انا: صافي واخا فدار عند عائلة فنة عيشة:(مت فنة كضرب ففخادها) لله على بنيتي معارت فين تجلات حمد:(بات فنة) ماتجلاتش سولت شيفور قاليك وقفات كار وهبطات سليمان:😯😯 صافي هامي دابا ترجع عيشة:(شنقات عليه) كلشي بسبابك نتا وديك بوحاطية ديال مرتك شوف خرجوا علي من داري سمعتي سليمان: فين هانمشي ومراتي حاملة عيشة:سيروا لخلا بوكم سمعتي سيروا لعروبية سعيدة: انا لعروبية هي لماراجعاش ليها مالي مسطية عيشة: يااك هالالا بنتي تمشي ليها ونتي لا إيوا سمعي شهانقوليك هاتهزي شراوطك وتخرجي علي من هنا حمد: يهديك لله ياهاد لمرا عيشة:(نتفات شعرها ) يهديكم نتوما لعار إلى ماعطيوني تيساع قلبوا لي على بنتي حمد: صافي هاني هانمشي نقلب عليها سليمان: هانمشي معاك هابا (خرجوا) عيشة: عقلي فينمن درتيها ياسعيدة بنت طامو هادي لقدامك راها عيشة عبدية دك ودكدك على طاسيلة مك ولله ماتبقى فيك ولله حتى نحرر فجد بوك لعيشة سعيدة:😵😵😵 عيشة: وشوفي في محرشاك مك وسيري عيطي ليها قوليها تفكك من عيشة عبدية عند فنة انا: واااو هاد ريسطو واعرة سليمة:هاد ريسطو كيجيوا ليها غير شخصيات انا: باينة سليمة : عرفتي شكون كاين هنا انا: شكون سليمة : وئام برادة خت فهد برادة انا:(درت) فين هي سليمة: ويللي دوري راها كتعرفني ضروري هاتجي تسلم علي انا: اه صافي واخا وئام: اووه مدام بنسودة نتي هنا سليمة:(وقفات سلمات عليها) وئام حبيبة كيفدايرة لباس وئام: لباس الحمد لله شحال هادي ماشفناك فالجمعية كيوصلونا غير تبرعات ديالك سليمة: حبيبة ولله مكانسالي نعرفك فنة فحال بنتي وهي لهتولي تهتم بجمعية من بعدي انا:😮😮😮 وئام: اووه مشرفين فنة انا: شرف لي وئام: مدام بنسودة سمحيلي هانقول هاد لهدرة وأخيرا لله عفا علي وهانولي نخدم مع بنت قدي فلاج هه نتي عارفة جميع نساء جمعية كبار سليمة: من حقك وئام: فنة حبيبة واش تقدري تعطيني نيميرو تاعك باش نتواصل معاك سليمة: طبعا انا هانسيفطها ليك فميساج وئام: شكرا وسمحولي قطعتكم سليمة: ماشي مشكل تفضلي معانا وئام: لا جاية مع صحابي مرة أخرى إنشاءلله سليمة : إنشاءلله

مشات وئام وانا درت عند سليمة انا: أش هادشي قلتي سليمة : هادشي لدرتو راه فمصلحتك انا: كيفاش سليمة: هانتي تقربي من وئام وهاكا تقدري دخلي وسط عائلة برادة انا :😮😮ولاهيلا فكرة زوينة هادي سليمة:إيوا يازوينة كولي انا: ههه هاهي كتاكل كملنا لغدا ومشينا لموول كساتني مسكينة من راسي حتى لساسي زعما دارت معايا داكشي لمادروهش معايا والدي حرجاتني بلطفها خرجنا من لمول ومشينا لكوافور سليمة: يالاه هبطي انا : حنا فين سليمة: جبتك هانبدلوا ليك لوك انا: لا مابغيتش سليمة: وعلاش انا: عيقت عليك سليمة:😡😡 فنة انا:😟😟 أمم سليمة: تبعيني وسكتي انا: واخا دخلنا للداخل وهوما يدوروا بي لبنات كل وحدة كتجبد من جيه انا غير كنسوط وكنعاير دخلوني حيدوا لي زغب لفلحمي تعدبت بنات لقحاب كيصحابو راسهم كينقيوا فكنفود انا: هييي وااابشوية هابنادم بنت: ختي راه نتي عندك زغب غليظ فحال ديال راجل انا: مك لفحال راجل 😡😡 بنت:(الصمت) لبست حوايجي وخرجت برا قادو لي شعري وقادو لي لحجبان وصايبو لي ضفار سليمة : وااااو جيتي غزالة كتحمقي انا:بصاح 😯😯 سليمة" مالك واش ماعجبكش راسك انا: معارت واش هاد لوك هايتقبلو فهد سليمة :😁😁😁😂😂 على هو كان متقبل لوك لقديم ديالك أنا: وماتعرفي سليمة : لاحول ولاقوة إلا بالله يالاه يالاه نمشيو فحالنا انا: واخا خرجنا من عند لكوافورة مشينا لفيلا مع دخلة لقينا واحد راجل جالس سليمة:(فرحانة) شيغي نتا هنا (عنقاتو) راجل:(عنقها) توحشتك سليمة: حتى انا انا:😮😮

سليمة: دكرى قربي نعرفك على راجلي رشيد انا: 😊😊 مشرفين سليمة: رشيد هادي فنة رشيد:😊😊 مشرفين هابنتي سليمة: حبيبة تقدري طلعي انا: واخا (طلعت) رشيد: صراحة مليون سمعت صوتك فتيلي فرحت أو بزاف سليمة:لهلا يخطيك رشيد: واضح بلي هاد لبنت رجعات لينا سليمة لقديمة سليمة: هي ماشي رجعاتني هي حياتني من اﻷول ها رشيد نتا عارف من بعد موت بنتنا حياة توقفات بنسبة لي ولكن هاد لبنت فنة كتشبه لبنتنا لينا لله يرحمها فعفويتها فتشايطينها هه فكلشي نهار اﻷول جات كدبات علي هه قالت ليك مرت باها جرات عليها ولكن انا عقت بيها حيت شفت لاكارط ديالها ولكن سكت حيت فديك لحظة عتابرتها فمكان بنتي لينا رشيد : الحمد لله على كل حال بسباب هاد لبنت رجعتي لي سليمة: رشيد فنة واقع ليها مشكل مع دارهم واش ماشي مشكل تبقى هنا رشيد : ماحدك لقيتي راحتك معاها غير خليها سليمة :😊😊 شكرا فصباح اووه شنوا لبس هادا ولا هادا أمم صافي هانلبس هادي لبست كيفما فصورة وهبطت انا: صباح خير سليمة : صباح نور حبيبة انا: هانمشي لفاك رشيد: جلسي تفطري انا: لاخصني نشد طوبيس رشيد: لله يهديك إينا طوبيس هانتي ديريني انا فبلاصة باك وطلب منك طلب انا: واخا جلست فطرت معاهم فواحد لجو وااو خرجت وانا نلقى شيفور كيتسنى احح عليك هافنة اش هادشي فلفاك ياسمين: 😡😡 لا لا لا ماقابلاش فهد : انا مكانتشاورش معاك بغيت غير نعلمك ياسمين:فهد واش تسطيتي باغي تلعب مع هاديك لمسطية روان:😍😍😍 وااااو فهد:(دار)😮😮 فنة هادي ياسمين؛ (مصدومة) لا مايمكنش فهد:😏😏😏 😈😈 عند فنة نور: واو هافنة جيتي فنة انا:هههه من لوور فهد: احم احم نور:😱😱

انا:(درت) 😮😮😮 😨😨😨 فهد:(بكل لباقة) مادموزيل نتي عندك سنة ثانية فإيكونومي انا:(بصدمة ) اه فهد: أمم معاك فهد برادة انا: اه اه اه عرفتك فهد: مزيان نتي فنة ياك انا: اه فهد: سميتك فحالك انا:(فشلوا علي ركابي) ااااا (خواو بي رجلي) فهد:(شدني من خصري ) اووه مالك انا: ااااا لا كتوقع لي طونسيو كيطيح فهد: أمم اجي نجلسوا فكافيتيريا انا: أه واخا نور: فنة حتى لمن بعد خلينا ندخلوا دابا راه ليوم كاين كوغ مهم انا:(فخاطري؛بنت لحرام باغا ضيع بي كلشي) 😡😡 سيري سبقبني هاني جاية فهد: إلى كنت زعجتك ولا ضيعت من وقتك نقدر نمشي انا:😯😯 لا لااا فهد: هي نمشيوا انا: اه خلينا نمشيوا نور:(فخاطرها؛ سمحيلي هافنة 😢😢) 😣😣 مشيت مع فهد لفرحة لفقلبي حتى واحد ماحاس بيها مامتيقاش بلي انا غادة بجنب فهد حمدتك ياربي وشكرتك حلمي ولا حقيقة الحمد لله وصلنا كافيتيريا فهد:(جر كرسي) ☺☺ جلسي انا: شكرا فهد: شنوا تشربي انا: اتاي بشيبة فهد:😕😕 اتاي انا:😟😞 اه فهد:😮😮 اووكي (فخاطرو؛لله ياربي إذ هاد لماركا)عفاك هاخويا واحد دقيقة كارسون: نعام فهد: براد اتاي بشيبة 😑😑 وواحد قهوة قاصحة كارسون: واخا انا: شوف عافا خويا ماعندكمش حلوة سواقية كارسون: ههه ختي داويا بصح انا:😡😡😡 فهد:(بغا يعتق لوضع ويبان قدامي) مااالنا مانخاافوش هااا آش هاد قلة آداب داكشي لطلباتو يحضر فهمتي كارسون : سي فهد نتا عارف كافي ديالنا فحال هادشي ماكاينش هنا فهد: صافي واخا سير دابا وماتبقاش توريني وجهك كارسون: واخا فهد: حبيبة ماتقلقيش انا:(تقلب بي كرسي) ايييييي (حبيبة اه قال حبيبة) فهد:(حابس ضحكة) اووه مااالك انا: 😮😮😮 قلتي لي حبيبة فهد:😅😅 عااادي (شدني من يدي وجرني) انا:(قلبي كيضرب)شكرا فهد:(هز كرسي وقادو) جلسي انا :😊😆 (جلست) فهد: انا ليوم جيت ندوي معاك بخصوص موضوع فالقرايا كيف كتعرفي فهاد شهور لخرين خاص طالب من سنة تانية وطالب من سنة تالتة يديرو مشروع ويعرضوه قدام لجنة انا: والمطلوب 😋😋 فهد:😏😏 بغيتك تشاركي معايا فالمشروع واش قابلة انا:(قلبي ولا كيشطح واي واي) اه اه قابلة فهد: متأكدة انا: اه ولله حتى قاابلة فهد:(طحين فالفخ هابنتي ) مزيان إيوا دابا شربيني اتاي بشيبة شربي شربي انا:(اححح أمك على قرب شحال زوين)ميغسي

فهد:إلى ساليتي نقدروا نمشيوا انا: اه واخا فهد: عطيني نيم ديالك انا: اه واخا قيد. ...... فهد: فأقرب وقت هانعيط ليك انا: اووكي مشا فهد من جيه وانا من جيه غير ضربت دورة ومابقاش كيبان لي جلست اﻷرض كنبكي مامتيقاش بلي ختارني انا من بين كاع لبنات فهد بالنسبة لي حلم وتحقق وأخيرا انا هانستغل هاد لقرب وهانتقرب منوا متأكدة هاتولي بيناتنا شي حاجة عند فهد روان: 😮😮 شنوا وقع فهد: مسطية هاصاحبي طلبات اتااي بشيبة روان: 😂 ماشي مشكل فهد: أمم ماشي مشكل روان : واهو صراحة لبنت زوينة غير ماكنتش كتهتم براسها فهد:أمم زوينة جمالها طبيعي وفنفس لوقت كيجدب حتى شخصيتها عفوية بزاف عكس بزاف ديال لبنات روان: احح سعداتك فهد: ولكن فأخير كتبقى سحارة روان؛ وااييه هاااسااط ولكن هافهد شي لناوي ديروا ليها صعيب بزاف فهد: شفتك فحال إلى رجعتي فقرارك روان: لا راك عارف صاحبي نتا غير هو خايف لالبنت تمشي دير شي حاجة فراسها من بعد داكشي لناوي ديروا فهد: ماتخافش ديك لماركة راني عارفها مكاتنكسرش بسهولة روان:نتمنى عند فنة فالقاعة نور:😟 شنوا وقع انا:(فرحانة ) ناااااري كيف هدر هانوور ليوم انا أسعد إنسانة على وجه لكرة أرضية مامتخيلاش قلبي كيف كينقز نور: فنة سمحلي انا: علااش 😮😮 نور: راه فهد بروف:(قاطعها) هييي دوك جوجات دايرين لي سوق هنا انا: ديزوولي نوور:😔😔 دوزنا لحصة انا فرحانة كنفكر غير ففهد وفالهدرة لقال لي أما نور ماعرفت مالها غير مكتئبة وماعاجبهاش لحال فحال إلى باغا تدوي وماقداش وصلات 11.30 وخرجنا انا: نور طلعي نوصلك راه شيفور جا نور: لا غير سيري انا مزال عندي شي شغل هما هانقضيه انا: واخا لبغيتي (طلعت وخليتها) عند نور نور : لله ياربي فينو فينو اه رااهو (مشات كتجري عندوا) فهد بغيت ندوي معاك فهد: وي شنوا باغا نور: نبووس رجليك فرق عليك فنة فهد: نتي آش دخلك هااا نور: هئ هئ هئ لله يخلي ليك ماعز عليك نتا راك ماعارف والو حب فنة ليك ماشي حب عادي ولله حتى من بعد هاتندم هافهد فهد: شوفي نتي دخلت سوق راسك وفكري غير فخوك نور:😢😢 أصلا كون ماهو ماكنتش هانخليك تفلى على فنة فهد: فنة غلطات وخاصها تدفع ثمن نور: إينا ثمن هادفع هااا واش ثمن حبها ليك ولا حيت غلطات وبغاتك من بعيد حلمها كان هو نضرة منك فهد: وهاني دابا كنحقق ليها حلمها (طلع فطوموبيلتو)

عند فنة الو الو مي عيشة:(غوتااات) بنتي بنتي فنة انا:مي كتسمعيني عيشة: اه كنسمعك فينك هاكبدتي فينك انا: مي شوفي بلا ماتشطني علي انا راني عايشة مزيان عقلتي على ديك لمرا لكانت عطاتني عشرلاف عيشة:أهل مااالها انا: راها سكناتني عندها عيشة: ولاااش هابنيتي رجعي لداركم انا: لا ديك دار منحوسة هي لمنرجعش ليها بغيتيني ناكلها بالعمود عيشة: لا ولله هابنيتي مانقيسك لا أنا لا باك انا: وااتي سيري باغا تقولبيني عيشة: واخا فين ساكنة هاد لمرا انا: لاش كتسولي عيشة:باش نجي عندك انا: لا حجارك يشدوك عيشة: ياك هابنيتي وإلى بغيت نشوفك انا: راه ضروري ندوز نشوفك عيشة: واخا هانتي عيطي لي ديما انا: وعلاش نتي ماتعيطيش عيشة: ياويلي يابنيتي راكي عارفاني مكانعمرش برطابل انا: اه صافي واخا يالاه بسلامة تهلاي فراسك وديك سعيدة دير ليك شي حاجة حيحي عليها وريها عيشة لعبدية علاش قادة مي:😈😈 ماتحتاجيش توريني قطعت عليها وهبطت من طوموبيل ودخلت انا: سلام خدامة:لالا سليمة خرجات تغدى مع موسيو رشيد انا: 😊😊 مزيان خدامة: تبغي تغداي انا: واخا خدامة : هاني هانحط ليك فصالون انا: نتي تغديتي خدامة: لا بااقي انا: حطي غدا نتغداو انا وياك خدامة: لا راه لالا سليمة قالت لينا نعاملكم فحال وحدة من مالين دار انا: لله يهديك حطي خلينا نتغداو خدامة :😅😅 واخا حطات لغدا وبدينا كنتغداو انا: واش لالا سليمة ماعندهاش لولاد خدامة:(دمعوا عينيها) لا ماعندهاش بنت وحدة كانت عندها ماتت مسكينة انا:(وحلات لي دغمة) اوااه مسكينة خدامة: ماتت هادي عامين صراحة دار كانت مضلمة مدام سليمة مرضات فنفسها بزاف جاها إكتئاب وموسيو رشيد ماقدرش يتحمل مشا سافر برا خشا راسوا فالخدمة ولكن نهار جيتي نتي كلشي تبدل انا: كيفاش خدامة: نهار عاودتي لحقيقة لمدام هاديك اول مرة هاتضحك فيها لمدام وبجيتك لهنا رجعتي لجو لكانت فيها فيلا ملي كانت فيها لالا لينا لله يرحمها انا:😯😯 لله يرحمها طلعت لبيتي تكيت فوق نموسية صراحة بقات في مدام سليمة بزاف ولله كون كان بيدي نرجع ليها بنتها نرجعها نضت ستغفرت لله وجلست كنصلي شكرت لله على هاد نهار مميز فحياتي وطلعت فوق نموسية ضربتها بنعسة وصلات 5 عشية سليمة: فنة فنة بنتي نوضي نوضي باراكا انا:اممم سليمة: شوفي تيلي ديالك شحال وهو كيصوني انا:(قفزت) ويلي ويلي كحلتها مع فهد ناري خصني نعيط ليه سليمة: غير تهدني وبشوية نوضي غسلي وجهك ورتاحي عاد عيطي ليه انا: واخا (وقفت) سليمة: هي شغل شوافة عطا مفعول انا:😉😉 واايه ياكما بغيتيني نديك عندها 😂😂 سليمة؛ هههه حمقة دخلي وخرجي عاودي لي انا: اووكي عند سيف روان: تهدن هاصاحبي سيف:😡😡😡 علاش علاش مكاتجاوبش زعما تكون ديك صاحبتها عاودات ليها كلشي روان : لا مانضنش سيف:😬😬😬😡😡 عند فنة سليمة: إيوا على سلامتك هادي بدية زوينة انا: كون كنت عارفة هاد شوافة كون مشيت عندها شحال هادا سليمة: فنة برأيي هادشي ماعندو علاقة بشوافة حيت داكشي كيكون بالمكتاب انا:😅😅😅 مهم دابا فهد هايولي لي سليمة: إن شاء لله يالاه عيطي ليه هااه وثقلي راسك انا: واخا عيطت ليه انا: الو عفاك لقيت هاد نمرة معيطة لي كثر من مرة شكون معايا 😈😈 فهد: فنة هادا انا فهد انا: اه كيفداير لباس فهد؛ لباس عيطت ليك بغيت نقوليك واش تبغي غدا نتلاقاو انا: اه علاش لا فهد: صافي واخا نتلاقاو فكافي لحدا كورنيش انا: صافي واخا

يوم غد انا: سلام فهد :سلام اووه اش هادشي جيتي زوينة بزاف انا:ميرسي 😋😋 فهد: هاد لجمال كامل كان قدامي وانا ماكنتش راد ليه لبال فهد: فنى صراحة وبلا مانكدب عليك ولا شي حاجة انا مشروع درتوا غير سبة نتي كتعجبيني وبزاف انا:(صرفقني)😮😮 فهد: عارفك تصدمتي من هدرتي مي هادي هي لحقيقة نتي كتعجبيني بلا قياس انا: مافهمتش وضح كثر فهد:ماكرهتش تكون بياناتنا شي حاجة زعما غولاسيو انا: وياسمين فهد: شوفي مهانكدبش عليك وهانقوليك لكاين انا فحياتي ماكيناش غير ياسمين راه كاينين بزاف ديال لبنات وبيما أنني ها نبدا معاك غولاسيو جديدة فقررت نضرب على كلشي وهانبقى معاك وحدك انا:(بالفرحة نزلوا دموع)😢😢 فهد: مالك انا؛ هه والو غير صدمة كانت قوية فهد: وي عارف ودابا شنوا قلتي انا: اه (حشمت) فهد: اه شنوا انا: اه موافقة نكون معاك فهد:(باس يدي) شكرا شكرا هافنة كنواعدك هاتصدمي في بزاف 😈😈 انا:كيفاش فهد:هنخليك تكتاشفي واحد جانب من شخصيتي عمرك شفتيه متأكد هايعحبك انا:😊 فهد: نوضي معايا انا : فين فهد: شش صافي بلا كثرة أسئلة ونوضي انا: واخا شدني من يدي وخرجنا من لكافي طلعت معاه فطوموبيل وفراشات كيزغرتوا فكرشي فهد:مستعدة أول مغامرة مع فهد برادة انا:(نمشي معاك حتى لموت) اه مستعدة فهد: مزيان ديمارا طوموبيل وطلق موسيقى مرة كيبوس يدي ومرة كيقول لي شي كلمات خلاوني نغرق فحوايجي فهد: وصلنا. انا: ههه فين جايبني فهد: مدينة ملاهي انا: مالنا حنا باقين دراري صغار فهد: شنوا زعما شرفنا انا: لا ماقصدتش طبعا غير هو تصدمت فهد: صافي غير لحقي علي وأي حاجة قلتها ديريها انا: صاافي واخا جرني قطعنا تركي وبدينا كنلعبوا باﻷلعاب شبعنا ضحك وتقشاب انا: ههههه فهد صافي سخفت فهد: حتى انا افف شنوا ظهر ليك نوصلك انا: واخا طلعنا طوموبيل فهد: فين ساكنة انا: كاليفورنيا فهد: فين واش جهة كاريان انا:😕😕 (هادا مالو ) فهد: مالك كتشوفي بديك طريقة ماتفهمينيش غالاط راه غير حيث عارف بلي نتي ماشي من شي عائلة لباس عليهم داكشي علاش توقعت تكوني كتسكني تما انا: لا كنسكن جهة فيلات فهد:(احح فوق مانتي سحارة كدابة) واخا حبيبة سمحيلي إلى جرحتك انا: لا عادي

كسيرا فهد وكيدير ماكسيمو باش يخليني فرحانة حيت حس بي تقلقت فهد : واش هنا انا: اه حطني غير هنا فهد: اووكي انا: لمهم بسلامة (هبطت فشانطي وتميت غادة جهة فيلات ) فهد: واخا ليوم نديرو ليك اول إحراج (هبط من طوموبيل وتبع فنة من لور بغا يحصلها زعما) قدام فيلا سليمة:فين كنتي 😡😡 انا:مااالك كترعدي سليمة : ماشفتيش شحاال ساعة تخلعت عليك انا: ماكاين لاش تخلعي راه قلت ليك هانكون مع فهد سليمة:(عنقاتني)نتي فحال بنتي ومانبغي توقع ليك حتى حاجة انا:حتى نتي فحال ماما فهد:(من لوور) 😮😮 فنة انا:(درت )😲😲 فهد شنوا كدير هنا فهد: اااا لااا غير كنت باغي نقوليك واش ماشي مشكل إلى جيت ديتك غدا فصباح انا: لاا ماشي مشكل سليمة: (كتشوف ففهد بشك) فهد: مدام بنسودة بونسواغ سليمة : بونسواغ 😒😒 فنة بنتي ملي تسالي دخلي راه لبرد تحرك انا:😊😊 اووكي (مشات سليمة) فهد: باينة تقلقات ملي شافتني انا: لا ماشي تقلقات غير هو تعصبات حيت تعطلت فهد: لله يخليها ليك انا:هه آمين فهد: علاش كضحكي انا: سليمة ماشي ماما فهد:ابوون مافهمتش كيفاش نتي معاها انا: قضية معقدة شوية خلي حتى لمن بعد ونشرح ليك فهد: ااوكي يالاه بسلامة (قرب عندي باسني بجنب فمي) انا:(ضربني بضو)😨😨 فهد:😉😉 نتلاقاو غدا فصباح (مشى) مشى فهد وانا دخلت حاطة يدي على قلبي وجاتني تبوريشة سليمة:😈😈 باااسك انا: ااااا لا لا سليمة : فنة وايااك يغرك لمظهر ووياك وياك تخضعي ليه عارفاك كتبغيه نتي نيتك طيبة وهو شنوا انا: مافهمتش شنوا كتقصدي بهضرتك سليمة:لكنقصد هو وياك تخليه يضحك عليك وياخد شرفك منك انا: هههه لااا كوني هانيا انا راه ماشي هبيلة لديك درجة سليمة: ردي بالك وبغيتك تعرفي بلي انا هانبقى ديما حداك ودابا خلينا ندخلو كون راه رشيد ضرب طبلة كاملة انا: هههه دخلنا تعشينا وطلعت عيطت لمي عيشة ونعست كنحلم بفهد وكنشوف كيفاش حياتي تقلبات 180 درجة

فصباح 🌅🌅 سليمة : ويلي مالك جابدا بلاكار كامل انا : إينا كسوة نلبس سليمة: أمم لبسي كسوة لفشيبي انا: واخا سليمة: فين هاتمشيوا انا: صراحة ماعرفتش وماكيهمش مهم عندي هو نكون معاه سليمة: وي عندك لحق مهم دابا هو وراحتك وإلى كنتوا هاتعطلوا فليل عيطي لي انا: واخا سليمة: هانخرج نخليك تقادي على خاطرك انا: اووكي خرجات سليمة وانا جلست كنقاد فراسي صايبت شعري بوكلي حطيت ماكياج خفيف ولبست طالون فنوار لخدامة: دق دق انا:(كنشوف فالمرايا) دخل خدامة: فنة ختي واحد لولد راه كيتسناك فصالون جالس مع موسيو رشيد فصالون سميتو فهد كيتسناك انا: اوااه صافي هاني جاية هبطت كنجري فدروج انا: فهد سليمة: بشوية عليك هاطيحي رشيد : بونجوغ بنتي انا: بونجوغ فهد: (واااو شحال زوينة)😍😍 رشيد: اسبحان لله فين مشيتي فهد : اااا الكل: هههه رشيد: ههه ماشي مشكل تفضل فطر معانا فهد: لا بصحة انا ليوم ناوي نفطر مع فنة برا سليمة: وإلى كان هاكا ماشي مشكل مرة أخرى إنشاءلله فهد : فنة مشينا انا: سبقني هاني هانطلع نجيب صاكي فهد: واخا طلعت لفوق بغيت نهز صاك وهي تجيني خرية تفو معارت منين خرجات عند فهد كيدوي فتيلي روان: فهد عائلة بنسودة هااساط فهد: واااييه وكايعملوها فقال بنتهم روان: فهد بعدمنها صافي راك كتلعب بنار عرفتي شكون رشيد برادة ولله حتى يدخلكم لسيزي ويخرج عليكم فهد:😡😡 روان نتا راك عارفني مكانتراجعش روان: فهد إلى ماكنتيش كتفكر فراسك فكر فباك وخدمتو سيد قتصاد مغرب فيديه فهد: تلاح بسلامة فنة جاية روان:😓😓 انا:(كندق فزاج ديال طوموبيل) هيي واش ماناويش طلعني فهد: فين تعطلتي انا: ااا لا غير كنت كنقلب على بورطابلي فهد: ولقيتيه انا: اه كسيرا طوموبيل نيشان واحد كافي جنب لبحر فهد: اش بغيتي انا: طلب لي فحالك فهد: واخا انا:😡😡😡 مرض (واحد خاينة كيغمز في) فهد: مالك انا:لا واالو فهد : وجهك تبدل فيه لون انا:(كنخنزر فداك خاينة) فهد:(داار شاف )😡😡😡 ولد قحبة انا: فهد فهد حنا ماجيناش نضاربو فهد:مادخليش بقاي بعيدة انا:😱😱😱 وقف سيف وتما عادي عندو سيف: 😡😡 عاجبينك عينيك

ولد : نعااام فهد : قلت لدينمك واش عاجبينك عينيك ولد:😡😡 شفتك كتهز وكتحط مالنا مانخافوش فهد: لا نخافو انا:😟 فهد عفاك خلينا نمشيوا ولد : اووه سمع كلام حبيبتك زوينة وحسب دروج قبل ماتصدق حاسب سنانك فهد؛ متأكد ولد: وآش بان ليك ضربوا فهد بروسية نيشان لفم ولد : ااااااه اش درتي ياولد قحبة فهد: هادي باش زامل لحطك باش ماتبقاش تحط عينيك على شي حاجة ماشي ديالك ولد: وااااخا تلاح عليه دري ضربوا بونية فهد جعر مابقيت فاهمة وااالو فهد تسيف وتلاح فوق منو كيضرب فيه مافهمتش واحد لحظة كتبان لي يد فهد عامرة دم ولاخور وجهو مابقاش كيبان بدم انا:😱😱😱😱 فهد شنوا درتي فهد:(كيشتف عليه برجليه)😡😡😡 هاكا ياولد لقحبة هااادا مصير كل زامل يتحدى فهد برااادة انا:(كنبكي) فهد باراكا عفااك فهد:(شدني من دراعي وجرني غااادي بي ) انا: ايييي برااكا راك وعتيني فيدي فهد:(كيضرب يديه مع طوموبيل) آش ندير فدينمك اش ندير هاا 😡😡 أنا :(تخلعت) انا مالي شنوا درت فهد : يابنت لقحبة عجبك عجبك لحاال ملي غمزك هاااا انا: واش نتا بعقلك فهد : دينمك خليتي لي شي عقل انا: فهد هانمشي فحالي فهد: تحركي نكرض لمك رجلين سمعتي انا: شفتك فحال إلى باغي ديرتي تحت سباط حتارم راسك هاسي فهد :(دار عطاني بظهر كيدوي بشوية) تهدن تهدن هافهد ماكاين لاش دير هاد لحالة ماتنساش راسك نتا علاش معاها انا:(كنبكي) فهد هئ هئ رجعني فحالك فهد: حبيبة سمحيلي رآه كنغار عليك بزاف عفاك سمحيلي انا:(نكدب عليكم عجبني لحال) بعد مني عفاك فهد:(عنقني )(يابنت لقحبة باركا كتمثلي علي) حبيبة خاصك تعرفي بلي هادا هو طبعي ومن ليوم نبغي أي واحد دوا معاك ولا قرب جهتك تقوليها لي انا: صافي واخا فهد: هاد لحمار خسر لينا صباح تفوو شنوا ولكن انا هانديك واحد بلاصة هاتعجبك ومنها نيت ندويو على لعرض انا:صافي واخا طلعت معاه وتمينا غاديين خرجنا على كازا انا: فين غادين فهد :غادين لواحد فيرما ديال خيل انا: ديال باباك فهد: لا ديالي انا: مزيان

وصلنا لفيرما وااو كبيرة دزنا على واحد بلاصة لقيناهم كيدربوا فالخيل انا: وااالو شحال زوينة هاد بلاصة فهد: فعلا هاد بلاصة زوينة بزاف ملي كنكون مقلق كنجي لهنا انا: مزيان فهد: يالاه ندخلوا نفطروا انا: جينا على غفلة زعما يكونو وجدو فطور فهد: لا علمتهم انا: ايوا مزيان دخلنا للداخل لقيت طبلة عامرة هالملوي هابغرير هاكروااسا دنيا عامرة كيكات وحلاوي فهد: مي ميلودة سمحيلينا عدبناك معانا ميلودة: لا هاسي فهد مرحبا بيك نتا والبنت لمعاك انا: شكرا فهد: فنة جلسي تفطري انا: واخا جلسنا كنفطرو وفهد كيوكلني بيدو شوية وهو يصوني تيلي فهد سيفتو تبدل فهد: وي موسيو برادة مصطفى:(أب فهد)😡😡 اش هاد موصيبة داير على صباح فهد: إلى كنتي داوي على مضاربة لدرت فكافي فدري يستاهل مصطفى: كيفاش يستاهل واش باغي تخرج لي عقلي دري سنانو طيحتيهم ليه فهد : دابا شنوا مطلوب مصطفى: هاتجي تعتادر من دري وهاكا مشكيل هايتسد فهد : ههه بابا يا بابا داوي بصح سير نتا عتادر منوا مصطفى : واش باغي تقتلني فهد: اوووه وهاحنا رجعنا لنفس كاسيط مهم لواليد تلاح مامساليش ليك دابا (قطع) انا:(صدمني من طريقة لدوا بيها مع باه) هادا باباك فهد: اه كولي كولي هاحبيبة بديت كناكل مي شي حاجة بقات كتاكلني من للداخل انا: فهد طريقة لدويتي بيها مع باك ماعجبتنيش فهد: 😕😕 داويا بصح انا: اه ولله كان عليك عاﻷقل تسايس معاه فهد : علاقتي مع بابا حتى واحد مهايفهمها انا:(الصمت) كملنا لفطور وخرجت انا وفهد كنشوفو فالعودان طلع هو وانا ماقدرتش بسباب كسوة بقيت كنشوف فيه وهو طالع فوقو وكيجري كل حركة كيديرها بوجهو كتخليني تالفة والعرق لكينزل منوا زادو جانبية كل ساعة كل دقيقة كنزيد نتعلق بيه كثر من اﻷول ياربي يكون هو مكتوبي فهد:(كيمسح وجهو بالفوطة ) هيي فين مشيتي انا: لا معاك فهد : مرة أخرى ملي نرجعو نركبك انا: اوكي فهد: هانطلع ندوش و نبدل حوايجي ونهبط عندك باش نتناقشو فالعرض انا : واخا جلست كنتسناه حتى هبط لله ملي كان هابط شعرو فازك ورموشو فازكين فهد : فكرتي فشي حاجة انا:😮😮 هااا فهد:هه فكرتي فشي حاجة على قبل مشروع انا: اه شنوا ظهر ليك ندويو على تطور قتصاد مغرب مع مر العصور فهد: واااو منين كيطيحو عليك هاد اﻷفكار انا: شتي رآه باقي هاتصدم في فهد: 😑😑 لا رااني فايت مصدوم منك ومتوقع أي حاجة منك انا: كيفاش فهد: هه والو غير تفكرت نهار ضاربتي مع لولد فلفاك انا: ولا شفتي عياقة ماتفكرنيش فديك ماركة فهد: ههه واخا يالاه اجي نديروا بحث انا: واخا

بقيت أنا وفهد كنتناقشو على موضوع بحث ماحسيناش حتى وصلات 8 ليل انا: اوووه تعطلت بزاف فهد: شنوا ظهر ليك نباتو هنا (حط جبهتو على جبهتي) أمم انا:(بعدت) لا لااا بغيت نمشي فهد:😕😕 واخا لبغيتي ناض هز سوارت ومشا قدامي كيسوط مافهمتش مالو فهد:(فخاطرو؛ يلعندينمو نهار تفو مادقت لا حلوة لا قلوة )😡😡😡 انا: فهد حبيبي كاين شي مشكل فهد :😬😬 لا مااا وااقع والو غير عييت انا: ملي تمشي لدار رتاح فهد: واخا طلعنا فطوموبيل داني وصلني لفيلا انا: تصبح على خير فهد:(جرني عندو وباسني من فمي) انا:😨😨 (تجاوبت معاه) فهد:(كيبوس)😏😏😏 انا:(حشمت) احم احم سمحلي هانمشي فهد: يخليلي لكيحشم انا : ياويلي كون تحشم لله يمسخك فهد: اجي مانعاودوش وحدة أخرى انا: خخخ بسلامة هبطت فهد: هههه من نيتها هاد لعروبية سحارة هي لبقات ولكن دوك قنانف عندها لله شحال رطبين داخل فيلا دخلت حاطة يدي على فمي سليمة:😑😑 هادي غير بوسة وخلاتك بلا عقل انا:😱😱😱 خلعتيني سليمة:😉😉 فين غرقتوا انا: مشينا واحد فيرما اش هانقوليك واعرة سليمة:مزيان ياكما وقعات شي حاجة بيناتكم انا: ههه لا اش كتقولي علاش سليمة: لا سؤال عادي طلعي تنعسي انا: واخا تصبحي على خير (طلعت ) سليمة: نتمنى مايكونش كيضحك عليك حيت ديك ساعة هليلقاني انا فوجهو بعد مرور أسبوع دازت سيمانة دابا انا وفهد عايشين رومانسية والحب قاليا كيبغيني وبغاني نكون مراتو فرحت بزاف لفاك كلها ولات عارفة بلي فنة وفهد مع بعضياتهم كلشي تعجب ولكن فأخير تقبلوها من غير نور ماعرفتش مالها غير سمعات خبار بدات كتبكي وبقات كتغوت وكتقولي تفارقي عليه فهد قاليا هاداك غير حسد وحدرني باش نبعد عليها ولكن ماقدرتش اصلا هي مابقاتش كتجي لفاك وكنعيط ليها تيلي ديالها طافي مابقيت فاهمة والو ليوم هانعرضوا لعرض ديالنا قدام لجنة لفاك كاملة هاتكون تما متأكدة موضوعنا هايعجب لجنة وهايكون موضوع لعام 😋😋 تيلي كيصوني فهد: الوو حبيبة انا: صباح خير فهد: صباح الحب والورد والياسمين انا" ههه عنيبة فهد: ياك كنتعنب غير عليك انا: اه ههه؛ فهد عنداك تنسى سيدي راهو لعليه لعمدة فهد:😈😈 لا ماتخافيش انا:😋😌 اوكي بب يالاه بسلامة هانمشي نوجد راسي فهد: باي بب جوتيم انا: اووسي قطعت على فهد وجلست كنغني وكنقيس فالكساوي لبست كسوة فنوار طلقت شعري سامبل حطيت ماكياج خفيف هزيت لوراق وخرجت من فيلا شديت طاكسي نيشان لفاك وكيف ديما فهد كيتسناني فهد:(باسني فحنكي) حبيبة توحشتك أنا :حتى انا روان كيفداير روان:😟😟 لباس هاختي (كيشوف ففهد) انا: مالكم اش واقع فهد: لاماواقع والو يالاه ندخلوا راه نوبتنا قربات انا: واخا دخلنا شادين فيدين بعضياتنا جلسنا حتى سمعنا سميتنا ونضنا وقفنا على منصة شداتني خلعة كثر من 5000 واحد كيشوف فينا فهد : فنة واحدة انا: اه بدينا كنشرحوا فالموضوع كلشي تعجب من إنسجام لبيني وبين فهد فهد: ودابا هانعرضوا فيديو كيبين إحصائيات لقلت عفاك خدم فيديو انا:😋😋 انا عاطية بضهري لشاشة لكتعرض فيديو كنشوف غير فناس كل واحد كيفاش كيشوف فحال إلى مصدومين وكاين لوقف شوية وانا نسمع ^فهد ولد غالي وغالية بغيتك تمشي راكع وتجي راكع^ درت نشوف وهنا كانت صدمة فيديو ديالي مع شوافة

انا:😱😱😱😱😱😱😱😱😱😱😲😲😲 فهد :😏😏😏😏😏😏 الكل:😮😮 انا:(درت كنشوف ففهد) فهد حبيبي هانشرح ليك فهد: هههههههههه من نيتك انا:😢😢 فهد عارفة تصدمتي في مي فهد: لا هابب نتي لهتصدمي في انا: 😢😢 شنوا كتقصد فهد: (كيغوت) سمعوا اش هانقوليكم مادموزيل فنة لعرج أكبر سحارة عرفها لمغرب ههه قاليك مشات تسحر لي باش نولي نبغيها مي كيف كيقولوا تذهب رياح بما لا تشتهي سفن حبيبتي ياسمين سمعيات نور كتدوي على سحور لبغيتي ديري لي وطبعا ملي سألت نور عاودت لحقيقة 😂😂😂 وداتني عند شوافة تافقت انا وياها باش نوهموك بلي سحر عطا نتيجة وفعلا نتي كيف شي حمقة تيقتي (قرب عندي) واش برأيك انا فهد برادة هانطيح فوحدة بحالك انا فين ونتي فين سيري شوفي راسك فالمرايا عاد جي بغي الكل:😂😂😂😂😂😂😂 انا:😨😨😨😵😵😵😵😳😳😳 (قلبي هايخرج من بلاصتوا) ف ف فهد ماديرش هاكا عفاك فهد:اووووووه مااالك تصدمتي انا:(طحت على ركابي) انا درت هاكا حيت كنبغيك فهد: مجرد تفكير في هو دنب من لمفروض تعاقبي عليه نور:😢😢 فنة وقفي انا:✋✋✋ نتي بقاي بعيدة وقفت غير بزز وكنشوف في فهد مامتيقاش بلي هو عيشني فوهم طول هاد لمدة عيني كينزلوا منهم دموع كيف شلال أما قلبي كينزف دم نزلت من لمنصة وتميت غادة وسط طلبة وأساتدة تشوهت كرامتي تمسحات بيها اﻷرض فهاد لحظة تمنيت اﻷرض تشق وتبلعني ياسمين :(وقفات قدامي)😡😡 سحارة مشعودة تستاهلي هادشي لدار فيك فهد روان:😟 ياسمين صافي خليها تمشي انا: سيري تقودي سمعتي ونتي مادخلك لله فهادشي ياسمين:(صرفقاتني) لا دخلني فهد رآه قريب يكون راجلي ونتي كنتي باغا تآديه شديت حنكي وتميت خارجة كنبكي مقهورة ماعرفتش كيفاش هانوصف ليكم داكشي باش كنحس حيت صافي حياتي ضاعت فهد ضحك علي نور: فنة هئ هئ وقفي انا:(كنهج) حيدي من قدامي نور: سمحيلي عفااك انا:(دفعتها) ماتبقايش دوي معايا ونسايني

خرجت من لفاك غادة بلا عقل غير كنبكي شوية وهي تصب شتا زادت كملات على حالتي درت كنشوف كلشي كيتخبى منها إلى انا حاسة بيها فحال إلى كتحاول طفي نار لشاعلة فقلبي 😭😭😭😭 ولكن والو بعد مرور يوم واحد سليمة: دق دق عيشة: شكوون وا شكووون سليمة: قريب عيشة:(كتمسح يديها فطابلية) نعام هالالا سليمة:أنا هي لمرا لساكنة عندها فنة عيشة: مرحبا مرحبا نهار كبير هادا فين فنة سليمة:😱😱 علاش واش ماجاتش عندكم عيشة:😲😲😲 لا هاويللي فين بنتي سليمة: ماعرفتش من لبارح وانا كنتسنى فيها تجي عيشة: لله على بنيتي فين هاتكون مشات سليمة:(جاتها دوخة كانت هاطيح) لله ياربي بنتي عيشة:(شداتها) دخلي رتاحي بعدا دخلات عيشة سليمة سليمة: مكاتعرفيش شي صاحبتها شي واحد تقدر تمشي عندو عيشة: اه عندها صاحبتها نور ساكنة بعيد شوية سليمة: وآش كنتسناو نوضي نمشيوا عندها عيشة: واخا بلاتي نلبس جلابة لبسات عيشة وخرجوا طلعوا فطوموبيل بجوجهم مخلوعين خايفين على فنة سليمة: الوو رشيد رشيد: وي كاينة شي خبار سليمة : هئ هئ والو رشيد: دويتي مع هاداك فهد سليمة: اه دويت معاه قاليا مابقات عندو حتى علاقة بيها رشيد: ليوم بليل هانوصل لمغرب وديك ساعة إلى ولد عائلة برادة عندو علاقة بإختفاء ديالها قسما بالله حتى هايدفع ثمن غالي سليمة: هادا ماشي وقت هاد لهدرة هارشيد نلقاو فنة ومن بعد نتفاهمو مع عائلة برادة رشيد : يالاه بسلامة هانطلع لطيارة سليمة:(قطعات) عيشة: هالباطيمة لكتسكن فيها سليمة: واااخا هبطوا سولوا لعساس بحكم أم فنة ماعارفاش فين نعت ليهم وطلعو سليمة: دق دق نور : بلاتي (حلات) سليمة: نتي هي نور صاحبة فنة نور : اه 😣😣 سليمة: فنة عندك نور:😮😮 لا علاش عيشة: لله ياربي فين هاتكون مشات سليمة: ممكن ندويو شوية نور: اه دخلوا دخلاتهم نور لصالون سليمة: آخر مرة فنة كانت فلفاك مع فهد على قبل لعرض شنوا وقع من بعد نور؛😢😢 ماعندي مانخبي عليكم (عاودات ليها كلشي) سليمة وعيشة:😱😱😱😱

خرجات سليمة كتغدد طلعات فطوموبيل دارت كازا كاملة والو ماكايناش فنة وصلات عشرة ليل رجعات لدار وهي تلقى رشيد سليمة: رجعتي على سلامتك رشيد: لله يسلمك امدرا كاين شي خبار سليمة: والو نهار كولو وانا كنقلب مالقيتهاش خايفة لا تكون وقعات ليها شي حاجة هئ هئ مهانقدرش نتخيل حياتي بلا بيها هارشيد راها فبلاصة بنتي لينا رشيد: حتى أنا كنعتابرها فحال بنتي عندي إحساس كيالي بلي هي بخير ماتخافيش رآه سيفطت رجالي كيقلبوا عليها سليمة : عالله يلقاوها تيلي ديال رشيد كيصوني رشيد: بلاتي عفاك / الو وي / وي كنسمعك / هالقيتوها الحمد لله / هي واقعة ليها شي حاجة/ لا / صافي جيبوها لدار سليمة:😀😀 لقاوها حمدتك ياربي وشكرتك رشيد:(عنقها) ياك قلت ليك مهايوقع ليها والو سليمة: الحمد لله رشيد: طلعي بدلي حوايجك ماخاصهاش تشوفك فهاد لحالة سليمة: واخا بعد مرورك نصف ساعة سليمة: اووه هادوا مالهم تعطلوا رشيد: صبري شوية واخير جاو سليمة:(تلفتات جهة لباب ) 😱😱 فنة (مشات كتجري) ويلي بنتي مالك انا:(الصمت) رشيد: فين لقيتوها كارد كور: كانت فواحد ديبو كيتجمعوا فيه لمتشردين حدا لمحطة سليمة:😢😢 علاش علاش هافنة حتى حاجة ماتستاهل انا:(بشوية) أنا ضعت سليمة: مايستاهلكش أنا :(غيبت) سليمة:😱😱😱 فنة رشيد: بلاتي نطلعها لبيت سليمة : واخا طلعوا فنة لبيت خدامة: مدام هاكي ديري ليها ريحة سليمة:(كترعد) أري رشيد: تكالماي (خدا ريحة ودارها لفنة) انا: ايي ايي سليمة: بنتي شوية انا:😳😳 باغا نرتاح سليمة: واخا نوضي دوشي هو اﻷول أنا : لا بغيت نعس سليمة: ولكن رشيد : خليها على راحتها خرجات سليمة ورشيد وبقيت بوحدي فالبيت حاسة بالموت كتجيني بشوية بشرية صورة فهد وفضيحة لدار لي بين عيني مامتيقاش بلي صافي كلشي سالا وهو ديك لهضرة ودوك شوفات كانو غير كدوب

يتبع