قولبني هو و الشوافة الجزء 11 و الأخير

اشرف: اسبحان لله
منير:😉😂 طاح على صباح
فايز: وهو صراحة صدقات تيتيزة
ياسر :(من لور كان مضرك وجهو) واش عرفتو
دينمكم شكون هاديك ولا لا
فايز" شكون
ياسر : فنة لعلمي صاحبة أكبر شركات ديال لمعمار فالعالم
فايز: قلتي لعلمي هادي ماشي خت مرات رضوان
ياسر : واايه ههه سيدة صدقات خت مرات خوك
منير :علاش عمرك شفتيها
فايز" فين هنشوفها وانا غير لخارج وصلت من أمريكا تلقيتو لي نتوما
ياسر : وهانتا هاخويا تريكة مرات خوك فيها تيتيز
فايز : وعلى اش كتصحاب سي رضوان راه ماشي ساهل 😂😂
باش نوضح ليكم كثر فأربع سنين لدازت ياسمين تزوجات برضوان وولدو ولد سميتو علي هاد رضوان من عائلة معروفة ولباس عليهم من لمعروف عليهم ان كل واحد كيدير شغلوا لخاص مستقل على عائلتو وهادا لشفتوه دابا هو فايز أخ صغير ديال رضوان 28 عام وهو ملاكم من أشهر ملاكمين فالعالم سنين وهو فامريكا قليل فين كيجي لمغرب لبارح فليل وصل وكيف ديما كيكونو صحابو كيتسناوه باش يحتافلوا بيه ليوم فصباح كان أول لقاء ليه بفنة بمحض صدفة
عند فنة فشركة جامعة مهندسين محيحة عليهم
فنة:😡 واش كضحكوا علي اش هاد لخدمة ديال زبل دويو باغيين تخرجوا علي
مهندس 1: مدام غالاط ماشي منا حنا عطينا بلان للناس لهينفدوا مشروع ديال ليموبل وهوما غلطوا
فنة: انا مهانسمح لحتى واحد يضيع لي خدمة ديال سنين سمعوني نتوما كاملين مطرودين
مهنديسين :😵😵😵😳
فنة: وماشي غير نتوما أي واحد كان مسؤول على هاد لمشروع هيتطرد أنا ناس لنبغيهم يخدموا معايا خاصهم يكونو بخوفيسيونيل وماشي غير هادشي خاصهم يكون كفوئين بالخدمة لكنعطيهم
مهندس 2: مدام حنا سنين وحنا خدامين معاك حرام عليك تجري علينا بهاد طريقة
فنة: ياهتخرجوا من هنا بكرامتكم يا هنخرجكم بطريقتي لخاصة
حدروا مهنديسين راسهم وخرجوا وهاكا داز نهار فنة معربطة فشريكة حتى واحد مافلت من نكيرها ومعيورها
فليل 🌚🌚
رضوان: على سلامة توحشتك وحق لله
فايز: وكون تشوف أنا
ياسمين"☺ مرحبا بيك ولله رضوان عامين هادي وهو مصدعني فايز فايز وخلاص ملي كتكون عندك شي كومبا دار كيقربلها لي ههه
فايز : هههه وااييه كنعقل مرة كانت عندي 15 عام دخلت كنلعب وكان رضوان تما ناض خصم ديالي كيضرب في دخل راجلك سي رضوان ضربو
رضوان : ههه وراه هاداكشي ها صاحبي بدون شعور
لباب:(كيصوني)
ياسمين: بلاتي نحل لباب
مشات ياسمين حلات لباب
ياسمين:😮😮 فنة
فنة: أمم فنة شنوا مهاتقوليش لي دخلي
ياسمين: لا لا دخلي

فنة:(دخلات) ياكما برزطتك ولا شي حاجة عادي نرجع
ياسمين: لا اش كتقولي؛ اش هادشي جايبة معاك
فنة: غير شي حوايج لعلي
ياسمين: نتي لتقديتيهم 😮
فنة: طبعا لا نتي عارفة مكانقدرش نمشي نشري حوايج ليبيبي
ياسمين : دخلي وشكرا على لحوايج
دخلات فنة للداخل وهي تصدم بوجود فايز طبعا مابقاتش عاقلة على داكشي لوقع صباح مي فايز عاقل
رضوان:😡 فنة
فنة: أمم مالك شي حاجة
ياسمين : رضوان
رضوان : شنوا
فنة : مالك ياكما باغي تضربني ولا تجري علي
رضوان: تربيتي وأخلاقي مايسمحوش لي نقلل من ناس لكيجيو ضيوف عندي
ياسمين: ااا فنة خليني نعرفك بفايز خو رضوان
فنة : مشرفين
ياسمين:فايز هادي ختي فنة
فايز: مشرفين 😊
جلسات فنة كتحنزز فرضوان هاد اﻷخير بغا يتفركع
فايز: مالكم اش واقع
رضوان: سول هاد اﻷخت اش واقع
فايز:😕
فنة: انا عارفة راسي غلطت فيك وجيت نعتادر
ياسمين ورضوان:😮😮😮
فنة: رضوان ديزولي
فايز: من نيتك ها صاحبي تخلي بنت فحال هادي تعتادر منك
فنة:(شافت فيه؛ اييه شحال حامض)😊
رضوان:صافي ماوقع والو ماشي مشكيل
فنة:لالا ياسمين شنوا بقيتي على خاطرك هاني تصالحت مع راجلك
ياسمين:☺☺
فنة:يالاه انا هنمشي
ياسمين : شنوا نتي يالاه جيتي وباغا تمشي
فنة:راكي عارفة لخدمة
ياسمين:لا ماحدك جيتي هتبقاي تعشاي رضوان قول شي حاجة
رضوان: فنة إلى بغيتيني نقبل اعتدار ديالك بركي تعشاي
فنة: واخا نبقى
جلسات فنة ورضوان وفايز كيضحكوا فواحد لجو عائلي وفنة شادة تيلي خدامة
ياسمين:(هازة ولدها) رضوان بليز شد علي دري
رضوان: واخا أري
خاد رضوان علي وفايز بقا كيلعب معاه وعلي كيدير أصوات ديال دراري صغار فنة وجهها ولا حمر ها يطرطق ؛ وفلحظة لفنة كتحاول تمتلك راسها تلاح عليها علي باغي يلعب معاها
فنة:😨😨😨😨
فايز: شووف كيف تلاح عليها ههههه
رضوان:😯😯😯
فنة:(كتغوت) رضوااان حيدوا علي
فايز: مالك واش كاين شي واحد ماكيبغيش دراري صغار
فنة: ياااسمين ياااسمين
ناض رضوان بسرعة حيد ليها لولد وفنة نفسها تقطع
رضوان:😵😵😵 ياسمين ياسمين اجي شوفي فنة
ياسمين :(جات ) شنوا واقع؛ 😳😳😳 فنة فنة مااالك
ناضت فنة كتجري دخلات طواليط ومن وراه ياسمين دخلات معاها طواليط
خشات فنة وجهها فلافابو وحلات روبيني كتبرد فوجهها
هزات فنة وجهها وشافت فالمرايا
فنة: خاصني ننسا ننسا لماضي كامل أنا ليوم فنة جديدة فنة قديمة ماتت
ياسمين: فنة صافا
فنة : صافا صافا
ياسمين؛ خلينا نخرجوا

خرجات فنة وياسمين
فايز: صافا
فنة :(ميكات عليه )
ياسمين: اه صافا غير مرة مرة كيتقطع ليها نفس
فايز: مايكون عندك باس
فنة: شكرا
جلسات فنة على اعصابها حطات ياسمين لعشا تعشاو
فنة: ياسمين شكرا على لعشا
ياسمين: بصحتك شفتك كتوجدي هتمشي
فنة: أه هنمشي
خرجات فنة ووصلاتها ياسمين حدا لباب
ياسمين : عارفة علي برزطك مي هو كيبقى غير ولد صغير ماعارف والو
فنة: عارفة ها ياسمين وانا هادي ماشي اول مرة كنكون فهاد لحالة يالاه تهلاي
ياسمين: بسلامة
تمات فنة غادة وهي دور
فنة: ياسمين لوسك بشحال كيبيع لحامض
ياسمين: هههه فابور سيري لله يمسخك
ركبات فنة طوموبيل بدات كتصوك وطوموبيل كدير شي أصوات
فنة؛ افف مال هاد لخرية
طوموبيل وقفات
فنة: لااا مايمكنش اوووووووف هادشي لكان ناقصني
هبطات فنة حلات طوموبيل لقات دخاخن
فنة: اش هاد مصيبة 😡 حتى تيلي طفا من شارج افف
عند ياسمين
فايز؛ يالاه بسلامة
رضوان: مالك على حالتك بات عندنا حتى لصباح وسير
فايز: لا لا غدا عندي شي حوايج ضروري نقديهم
رضوان:إلى كان هاكا سير ماشي مشكل
خرج فايز كيصوك فطوموبيل وهو يدوز من حدا فنة
فايز:😮😮 فنة هادي
رجع فايز ماشارييل عند فنة وحل زاج طوموبيل ديالو
فايز: فنة واقع ليك شي مشكل
فنة:اه طوموبيل خسرات
فايز:(هبط)بلاتي نشوف
حل فايز طوموبيل مافهم حتى خرية غير بغا يبان قدام فنة
فايز: واضح بلي لمشكيل من لباتري
فنة: هههه زوينة هادي لباتري قول ماعرفتيش مالها وصافي
فايز؛ صحيح ماعرفتش مالها مي هتجي ناقصة إلى قلت ليك مكانعرفش هه
فنة: أمم ناقصة
فايز: اش ظهر ليك نوصلك معايا
فنة:لا ماكاين لاش نبرزطك غير عطيني تيلي ديالك ندوي مع شيفور يجي لي
فايز : لا لا بلاتي واش بصح داويا شوفي هنا دنيا خاوية يطيحوا فيك شفارة ياكلوك يالاه خليني نوصلك
فنة: طالما مصر واخا وصلني
طلعات فنة بعدما سدات طوموبيلتها وطلع بجنبها فايز كيصوك
فايز: شحال عندك من عام
فنة؛ (هادشي لكان ناقصني برهوش ديال لخلا يدير لي تحقيق)عندي 26 عام
فايز: وانا عندي 28 عام ملاكم اكيد عرفتيني
فنة:😕 لا ماعرفتكش
فايز؛ ههه عادي واضح بلي ماعندكش اهتمام بالمجال رياضي حيث نتي سيدة أعمال
فنة:صحيح ماعنديش مي شاريكاتي كتهتم برياضة حيث هي راعي ديال كرة قدم فالمغرب
فايز: قلتي راعي رسمي اكيد اهتمام شركتك برياضة ماشي فسبيل لله اكيد كتربحو من وراه
فنة:ماشي من عادتي نتناقش فمشاريع شركتي مع لبراني
فايز: قلتي لبراني انا راني لوس ختك
فنة: هانتا قلتيها لوس ختي ماشي لوسي
فايز: واخا هالالا هاهو سميط لميط
دورات فنة وجهها جهة لباب وفايز بقا كيشوف فيها وفجأة بدات كتصب شتا
فنة:😀😀 شتاا
فايز:علاش حزينة لهاد درجة
فنة:نعام
فايز:(وقف) شنوا سبب حزنك علاش كتحاولي تباني قوية ونتي أضعف بزاف من لداخل
فنة: تسطيتي لا اش دخلك نتا فحزني ولا ضعفي 😡
فايز: مالك انا غير قلت لحقيقة
فنة: انا لحمارة راكبة مع واحد يالاه عرفتوا ساعتين دابا
حلات فنة وهبطات فديك شتا وهو يتبعها فايز
فايز: مالك واش تسطيتي كاين شي واحد كيهبط فهاد شتا
فنة: 😡 سير فحالك
فايز:(شدها من دراعها) يالاه خلينا نمشيوا
فنة:(هزات يديها حتى لسما وصرفقاتو)👆 هادي باش تحتارم راسك سمعتي حتارم راسك
فايز:(عروق يديه بانو)😡 ياكما تصحابي دينمي منيكة حتى ترفعي علي يديك انا راه نشد دينمك ندفنك هنا
فنة:😳😳
زاد فايز ركب فطوموبيلتو وخلاها

فنة: يلعندينمو أنا يتعامل معايا بديك طريقة ولله ماتبقى فيه مهاتكونش سميتي فنة لعلمي
بقات فنة واقفة فهاديك شتا كتسنى فشي طاكسي ماوقف ليها غير بزز طلعات لطاكسي وهي كتقطر
عند فايز لوصل لفيلا ديالو
فايز" تفوو غلطت واخا صرفقاتني ماكانش علي نجي ونخليها تفوو ولكن هي تعصب لمايتعصب 😡 مريضة فمخها ولكن احح تيتيزة 😌😌 هه
عند فنة
سليمة: وييلي مالك فازكة اش هاد لحالة
فنة: غير خليها على لله طوموبيل وقفات لي فطريق عرفتي شنوا غير خليني ساكتة
سليمة:😕😕
طلعات فنة لبيتها كتسوط دخلات لدوش دوشات وخرجات لابسة بينوار تكاودات مع لمرايا وهي تفكر كلام فايز
فنة:زعما يجي نهار لننسى فيه حزني يجي نهار لنقدر ننسى فيه لماضي ديالي فهد نسيتو ولكن بنتي لا 😢 امبوسيبل ننساها لحد ساعة حسرتها فقلبي فحال سم كل نهار كنحس بلموت علاش علاش زعما انا علاش بنتي هئ هئ كلشي بسباب فهد كون ماقتلش عائلة نزار كون بنتي دابا عايشة هئ هئ هئ
بقات فنة هكاك كتدوي مع راسها حتى صبح صباح
🌝🌝🌝
عند رضوان
رضوان؛ فايز جاي عندي على صباح
فايز:مراتك كاينة هنا
رضوان :لا مشات دير رياضة مالك
فايز: جلس بغيت ندوي معاك على أخت مراتك
رضوان؛ فنة مالها
فايز:(جلس) لبارح ملي كنت غادي تلاقيت معاها فطريق كانت طوموبيل ديالا خاسرة بزز باش قنعتها طلع معايا نوصلها
رضوان: اها واش وقع من بعد
فايز: لوقع هو أنه قلت ليها شنوا سبب حزنك وعلاش كتحاولي تباني قوية ونتي ضعيفة بزاف
رضوان:😱 شنوا واش مادارت ليك والو
فايز: دارت قالاك مادارت هبطات من طوموبيل وملي هبطت تبعتها شديتها من دراعها صرفقاتني
رضوان: حمد لله ملي خرجات هاكا
فايز: رضوان خويا قوليا شنوا قصة هاد لبنت
رضوان: اوددي قصتها مافيها مايتسمع
فايز: لا انا كيهمني بغيت نسمعها
رضوان: شفتك مهتم بفنة علاش
فايز: ماشي سوقك دابا عاود لي شنوا لمشكيل ديالها
رضوان : واخا اسيدي هاديك فنة كانت مزوجة كانت كتبغي راجلها وحتى هو كيبغيها فنة كانت كدير مستحيل باش تحافظ على علاقتها براجلها هاد اﻷخير شخص متهور وبزاف لمهم فحياتهم كان واحد شخص منكد عليهم ماخلا مايدير باش يفارقهم فضل هاد ضروف فنة حملات وولدات بنت سميتها أريج ؛ناض شي صداع كبير بسباب هاداك شخص لبغا يفارقهم وباش راجلها ينتاقم قتل عائلة شخص لمنكد عيشتهم وهنا هيبدا انتقام
فايز : اش وقع
رضوان: لﻷسف شديد ثمن موت عائلة هاداك شخص دفعاتو بنت فنة بنت عندها 3 شهور
فايز:😨😨
رضوان:خطف ليها هاداك شخص بنتها وقتلها ليها وسيفطها ليهم فعلبة لهدايا فنة تصدمات وكانت شوية وهاتسطى أما راجلها هز راسو ومشا لبرا خلاها كتعاني بوحدها دازت مدة توصلات فنة بورقة طلاقها
فايز: صعيبة بزاف
رضوان: كنضن ماكاينش شي واحد يقدر يتحمل ألم كيف تحملاتو فنة
فايز: رضوان باش نكون واضح معاك أنا هاديك لبنت كتعجبني ودابا زاد إعجابي ليها
رضوان : داوي بصح
فايز؛ اه
رضوان:فايز خاصك تعرف بلي فنة تركيبتها صعيبة بزاف
فايز:😊 وانا ناوي نحل هاد تركيبة يالاه تهلا بسلامة

عند فنة لمتكية فوق نموسية حالا عينيها كتشوف قسقف
سليمة: دق دق
فنة:(لا رد)
سليمة :(حلات لباب)😮 فنة بنتي
فنة : (شافت فيها)
سليمة: مالك ابنتي واش مريضة
فنة : لا مامريضاش
سليمة : شفتك ليوم مامشيتيش لشركة واش مريضة
فنة: لا مامريضاش غير بغيت نبقى ليوم فدار
سليمة: 😯 فنة واش واقعة شي حاجة
فنة: اش مزال باقي هيوقع كنضن أسوأ حاجة ممكن توقع فحياة شي شخص راها وقعات لي
سليمة: بنتي
فنة: بغيت نرتاح عفاك إلى كان ممكن خليني ننعس
سليمة : واخا لبغيتي
خرجات سليمة كتأسف على حالة فنة عارفة بلي واخا دازت 4 سنين جرح فنة باقي كيفما هو
فليل ☀☀☀
جالسة فنة شادة بيسي خدامة على ضوسيات حتى صونا تيلي
فنة:😕 شكون هادا؛ وي الوو
فايز: الحمد لله الحمد لله الحمد لله
فنة: نعام شكون معايا
فايز :الحمد لله الحمد لله ملي سمعت صوتك
فنة: شكون معايا ولا هنقطع
فايز: معاك فايز الحمد لله الحمد لله
فنة:😮😮 فايز
فايز:الحمد لله لموقع ليك والو ديك ليلة
فنة: سمع اسي الحمد لله شكون عطاك نمرتي
فايز: طلبتها من لله وهو يعطيها لي
فنة : مالك مالك حامض
فايز: حامض بعشرة ترمتك مقشرة
فنة"(شداتها ضحكة ) واش نتا بعقلك لا
فايز: من نهار شفتك مشا لي لعقل
فنة: سير هاخويا فحالك إلى عندك شي جرية سير قديها سمعني ها فايز
فايز:أحح على فايز كيف طالعة من فمك عمرني عرفت بلي سميتي زوينة حتى سمعتها من فمك
فنة: سيير فحالك لله يرحم باك (قطعات) ههههههه مسطي ولله حتى مسطي هادا منين خرج لي عاود
دخلات سليمة لقات فنة كتضحك
سليمة:😮😮😮 مامتيقاش هادشي لكنشوف
بعد مرور أسبوع
فنة: نبغي افتتاح ديال اوطيل حتى غلط مايوقع فيه سمعتوا والى وقع غلط واحد ولو صغير نريب اوطيل فوق ريوسكم
موضفين:😣😣
فنة: يالاه نشوفكم فليل
خرجات فنة وخلات لجو متوتر بين موضفين
مشات فنة اول حاجة لمركز عيانة بالبشرة هتمو بيها مزيان من بعد دارت ماساج وصونا خرجوها كتبري
مسؤولة على لمركز: مدام خرجتي زوينة
فنة: شكرا
لبسات فنة حوايجها وخرجات ركبات فطوموبيل نيشان لعند لكوافورة لكانو موجدين كلشي خصيصا لفنة
وصلات فنة عند كوافورة جلسات وبداو فيها لخدمة هالكيقاد ليها شعر وهاليكيقاد ليها ضفران مهم كاع إهتمام حصلات عليه فنة هداك نهار
عند ياسمين ليلاه خارجة هي ورضوان بكامل اناقتهم حتى وقف عليهم فايز لابس لكلاص
رضوان: مالنا
فايز: هنمشي معاكم
رضوان : لفين
فايز: لحفل إفتتاح اوطيل ديال فنة
رضوان: من نيتك ازمر
ياسمين: اش فيها خليه يمشي معانا
رضوان : ولكن
فايز : أحح على مرات خويا، ياسمين قولي كيف جيت
ياسمين: كتهبل الوسي
رضوان: باغي تمشي حفل افتتاح ديال فنة يالاه مي إلى مشات حتى جرات عليك وشوهاتك عندك تبرك تشكي علي
فايز: لا لا متأكد مهاتجريش علي من بعد ماهتشوف جمالي 😏
رضوان : باااز

مشا رضوان وياسمين وفايز لحفل إفتتاح ديال اوطيل كيف ديما صحافة ملقية ليهم كطرح فأسئلة وهوما كيحاولو يتفاداوهم
دخلوا ومشا نيشان عند سليمة
سليمة : اش هاد إجمال
ياسمين: شكرا وحتى نتي كيف ديما بأناقتك معهودة ☺
سليمة: رضوان صافا
رضوان :😊 صافا ونتي
فايز: واحد فنة فين هي
سليمة :😮😮
ياسمين: اووه نسيت ماعرفتكش على فايز لوسي
سليمة:😄 مشرفين
ياسمين: فايز نعرفك على مدام سليمة بنسودة هي فمثابة أم لي أنا وفنة
فايز:(شد يديها وباسها) نسيبتي لعزيزة اش هاد لجمال
سليمة؛ ههه نسيبتك انا نسيبة خوك نتا مالك
فايز: لا راكي غالطة أما قريب نولي نسيبك
سليمة: ههه اها انشاؤلله
صحافة: مدام فنة جات
مشاو صحافة كيجريوا باغين سبق صحافي
كانت فنة لابسة كسوة فنوار سامبل ومن ظهر عريانة ماكياج صارخ بينها بلي فغي سيدة أعمال
فنة: كنشكركم كنشكركم اكيد من بعد هندير معاكم لقاء مي خليوني فاﻷول نرتاح
بعدو كارد كور كيبعدو فصحافة حتى دخلات فنة مشات نيشان فين كاينة سليمة
سليمة : مالك فين هاد تعطيلة
فنة:غير خليها على لله (دارت بغا تدوي مع ياسمين وهي تشوف فايز)😕😕
ياسمين: انا لعرضت عليه
فنة؛أمم مرحبا بك
فايز:(حط يديه على قلبو) ترحب بيك جنة احبيبة
فنة:😬😬 انا هنمشي نرحب بضيوفي
مشات فنة كترحب بضيوفي وكتناقش معاهم وفايز غير ملاحقات بعينيه
سليمة : بنتي صحافة بغاو يدويو معاك
فنة: صافي واخا هاني جاية
مشات فنة كتدوي مع صحافة عم صمت كلشي كيتسنط لهدرة فنة
فنة: صراحة سبب وجود هاد اوطيل ماشي غير بفضلي بفضل موظفين لخدامين معايا بلا بيهم انا مهانقدرش نوصل لهاد لمستوى
صحافي:مدام شنوا سر نجاح ديالك
فنة: صراحة ماعرفتش يمكن إيمان بدات
صحفي: مايكونش زعما سبب نجاح ديالك هو صدمات لتعررضتي ليهم فحياتك
فنة: حياتي بعيدة تماما على لخدمة دونك ماكنضنش عندها علاقة بنجاحي فخدمتي
صحفي: واش باقي شي تواصل بينك وبين زوجك سابق فهد برادة
الكل:😨😨😨
فنة:(ببرود) شكون فهد برادة انا مكانعرف حتى واحد بهاد سمية
صحفي: موت بنت ديالك حد ساعة باقي مجهول للناس شنوا سبب لخلا هادوك ناس يقتلوا بنتك
فنة:اول حاجة ماشي سوقك ثاني حاجة انا ستقبلتكم هنا باش ندويو على افتتاح اوطيل ماشي على حياتي خاصة
هبطات فنة من لمنصة ومشات عند سليمة
سليمة:😵 فنة
فنة:انا هنمشي هتموا بالحفل
تمات خارجة فنة وصحفيين كيصوروا
خرجات فنة ركبات فطوموبيلتها ومن وراها تبعها فايز
بقات فنة كتصوك وهي كتبكي
فنة:😭😭😭😭😭😭😭😭😭😭 اريييييج هئ هئ بنتتتي هئ
وقفات فنة بطوموبيل حدا لبحر وبقات فيها وحتى فايز وقف ولكن هي مالاحضاتش هادشي هبط فايز من طوموبيلتو وحل على فنة لباب
فنة :😱😱😱
فايز: هبطي
فنة: فايز اش كدير هنا
فايز : قلتليك هبطي
جرها فايز من يديها وخرجها
فايز: اش واقع
فنة: (كتمسح فدموعها) نعام
فايز: مالك على هاد لحالة واش نتي اول شخص هايخسر ولدوا ولا بنتوا
انين: اش هاد طريقة كتدوي بيها معايا وزيدون نتا سوقك
فايز : فنة سمعيني بنتك لله بغاها سمعتي لله بغاها بنتك كان مكتب عليها تموت وهي عندها ثلث شهور لا باها ولا شخص لقتلها هو لمسؤول على هادشي هوما غير طريق باش بنتك ماتت أما هي كانت هتموت هتموت
فنة: سيير فحالك وزيدون نتا اش دخلك لا في لا فبنتي لله يرحمها انا فاش كنهمك
فايز:(جرها من خصرها ولصقها معاه) كتهميني ها فنة واش كتآمني بالحب من أول نضرة انا ملي شفتك وقع معايا
فنة: طلق مني واش تسطيتي
فايز: كنبغيك هافنة كنبغيك سمعيني إلى قبلتي حبي ليك كنواعدك بلي هنسيك ماضيك كامل
فنة: واش تسطيتي ولا شنوا
فايز: فنة لحياة كتستمر ونتي ضروري ماخاصك تنساي
بقات فنة كتشوف ليه فعينيه وهو يغفلها باسها من فمها فنة تصدمات ماعرفات مادير فحال إلى تشلات وفايز داير ما بغا بقا كيبوس ويقول مابست ولكن لحدث اﻵساسي هو أن صحافة كانت كتصور من بعيد بوسة فايز وفنة
بعد فايز وفنة بقات مغمضة عينيها
فايز : انا ليوم خديت منك أمل بلي هيجي نهار لهنكون فيه انا وياك وعقلي على هاد لهدرة
فنة: (كتمسح ففمها) لا لا نتا اكيد واحد مسطي
طلعات فنة طوموبيلتها وكسيرات بجهد اما فايز بقا واقف هيطير بالفرحة

فصباح 🌝🌝
ياسمين :ويلي ويلي على خوك وختي اش دايرين
رضوان :😕 اش واقع
ياسمين: هاكا شوف
هز رضوان جورنال كيشوف ففنة وفايز بوش ا بوش
رضوان:😂😂😂😂😂 ولله هاد خويا فايز ماطلع ساهل
ياسمين: كتضحك هابلاتي وتفيق فنة تشوف هاد لفضيحة لقيامة هتنوض
رضوان: حتى نتي شوفي شوفي ختك باينة فيها عاجبها لحال
ياسمين؛ زعما
رضوان: وهانتي شوفي
ياسمين: برأيك فنة وفايز زعما تقدر توقع بينهم شي حاجة
رضوان: ياك ها مع فايز يوقع يوقع 😉
عند سليمة
سليمة : ناري ناري لحرب هتنوض
رقية: وتنوض 😕 مالنا حنا لقلنا ليها بوسيه
سليمة : ولله إلى عندك صح منها ليه شوفي حتى هي باينة عاجبها لحال
عند فنة لناعسة فبيتها
فنة: أمم ياسمين الو
ياسمين : صباحو حبي
فنة: اش باغا
ياسمين : لا والو غير عيطت بغيت نقوليك كتباني نتي ولوسي زاز لوز
فنة:😐 كيفاش
ياسمين: هه هاي هاي على ناس ولاو يتباوسو جنب ابحر
فنة: قالها ليكم ياك سمعي هاداك لوسك
ياسمين:😈 لا لا شفتي لوسي ماقال والو انا شفت داكشي فالجرائد
فنة:😱😱😱 هاويلي على لجرائد
ياسمين : هه ولله
فنة: سيري تفوو كتجيبي غير لخبار خايبة فحال كمارتك
قطعات فنة وهبطات كتجري هزات جورنال
فنة:😵😵😵😳😳😲 وييلي ويييلي على شوهتي
سليمة : هاد فايز ناوي شي معقول ولا
فنة:ناوي 😡😡 هخليني ساكتة
سليمة: ههه هابشوية عليك دابا تفركعي
طلعات فنة بدلات حوايجها هزات طوموبيل وخرجات
فنة :الوو
رضوان: آلو
فنة: خوك فين ساكن
رضوان: علاش كتسولي
فنة : رضوان خوك فين ساكن ولا هنجيب عنوانو بطريقتي لخاصة
رضوان: واخا شفتي طريق طماريس دوك فيلات جداد سولي هتعرفي فين
فنة: صافي عرفت
زادت فنة فسرعة ومشات فطريق طماريس عند فايز
وصلات قدام فيلا دقات وهي تحل عليها لخدامة
فنة" هادي فيلا ديال فايز بن داود ياك
خدامة:اه
فنة: كاين هنا
خدامة :اه باقي ناعس
طلعات فنة لبيت عند فايز حلات لباب وهي تحل فمها سيد عريان من لفوق لابس شورط وعضلات لفضهر باينين لايح رجل أخيه ورجل لهنا
فنة:😍 وااااو تف تف يلعنطبنمي
مشات فنة هزات كاس ديال لما كباتو عليه سيد متحركش
فنة:هاويلي هادا مالو
ماعرفات فنة باش تبلات حتى جراتها يد فايز دارها تحتو وهو مغمض عينيه ورامي ثقلوا عليها
فنة:😡😡 نووض من فوقي
فايز:لهاد درجة توحشتيني جاية عندي مع صباح
فنة: أنا جيت باش نتفاهم معاك على لفضيحة لدرتي لي اممم نوض نوض من فوقي نتا داير كيف ثور
فايز؛ هاد ثور لقدامك محمق لبنات باغين غير نضرة منوا كون تعرفي شحاال من وحدة حسداتك على بوسة لباريس يضرك خاطرك
فنة: ياكما يصاب ليك مخك شي حاجة
فايز:(سارح فعينيها) لا لا عارف راسي والو
فنة: نوض من فوقي
ناض فايز من فوق فنة وهي تنوض توقف
فنة: سمعني اش هنقوليك انا راه ماشي فحال ناس لاخرين
فايز: علاش ماشي فحال ناس لاخرين اه ولا بلاتي نتي ماتت ليك بنتك وطلقك راجلك
فنة: مانسمحش ليك تدوي معايا بهاد طريقة
فايز: فنة سمعي اش هنقوليك فحياة كل واحد ضروري مايوقع شي حدث ليصدمنا ويخلينا نكونو حزينين ولكن هاد لحزن لمفروض يدوز ويسالي ماشي نتشبتو بيه ونخليوه يأثر على حياتنا
فنة: حزن لعشتو انا ماشي حزن عادي
فايز: فغي متافق معاك ماشي حزن عادي مي خاصك تجاوزيه خاصك تجاوزي لماضي ديالك
فنة: نتا امبوسيبل تفهمني(تمات فنة خارجة)
فايز: من هنا 20 عام هتلقاي راسك وليتي سيدة أعمال ناجحة كلشي كيضرب ليك الف حساب هتقضي نهارك فالخدمة وفليل هترجعي لدارك هتلقاي حيوطها باردين وصقيل مهاتلقايش راجل يبدا يخاصم عليك حيث تعطلتي ولا هتلقاي ولاد كيتغاوتو وكيضاربو على أبسط لحوايج عمرك مهاتجربي إحساس لغيرة على راجلك ولا اهتمام وعمرك هتعاودي تحسي بإحساس اﻷمومة
فنة:(نزلوا دموع من عينيها) ياك وشكون هينسيني للماضي ديالي نتا
فايز:(شد ليها فيديها) عطيني فرصة غير فرصة وتشوفي واش هنقدر نسيك لماضي ديالك ولا لا
بقات كتشوف فيه فنة وخرجات

خرجات فنة من فيلا فايز نفس مقطوع فيها عارفة بلي هدرتو على حق مي خايفة تعاود تعطي راسها فرصة وماتنجحش وتعاود تعيش نفس إحساس ؛ مشات لفيلا مالقاتش سليمة طلعات لبسات جلابة ودارت زيف وهبطات طلعات فطوموبيل نيشان روضة فين مدفونة بنتها أريج
دخلات فنة لمقبرة مشات جهة قبر بنتها وهي تفاجئ بوجود مريم أم فهد
مريم :😮😮 فنة
فنة: سلام
مريم: كيفدايرة لباس
فنة: الحمد لله ونتي
مريم" الحمد لله
فنة: تفاجئت ملي شفتك هنا على حساب علمي بلي مابقيتوش ساكنين فالمغرب
مريم : وي ولينا ساكنين فسويد مع فهد نتي عارفة من بعد موت أريج مابقيناش قادرين نعيشوا هنا
فنة:(كتحيد شوك لفقبر بنتها بيديها) مزيان
مريم" اش كديري هكاك هضري يديك
فنة: لا ولفت
مريم : فرحت بزاف ملي عرفتك بديتي حياتك من جديد
فنة" كتقصدي لخدمة
مريم: لا كنقصد صورة لشفت فالجريدة، حتى فهد تقبل لواقع وحاول يبدا حياتو من جديد تزوج ودابا مراتو حاملة
فنة" قلتي فهد تزوج ومراتو حاملة مزيان لله يكمل عليه
مريم: آمين حتى نتي لله يكمل عليك عائلة بن داود عائلة معروفة وناسها ناس مزيانين
فنة ؛لخبر لشفتيه فالجريدة غير كدوب ماكاين والو من داكشي يعني عقلك بلا مايمشي بعيد
مريم: واخا ؛ فنة نتي مكانعتابركش عروستي لطلقها ولدي كنعتابرك فحال بنتي سمعيني شي لوقع هادي ربع سنين كان صعيب وبزاف ولكن لحياة كتستمر إلى كان هداك لولد لفجريدة باغيك وكيتحاول يتقرب منك ماتعارضيش ماتعرفي يعوضك على سنين لفاتت
فنة' 😔😔 حياتي انا وقفات ومن شحال هادي
مريم" حتى فهد كان كيقول نفس لهضرة ولكن دابا بعدما تزوج رجع فهد لكنا كاملين كنعرفوه
فنة" فهد نساني ياك
مريم : لا مانساكش مي كيحاول ينسى ونتي
فنة:هتيقيني إلى قلت ليك نسيتو بعد مرات حتى ملاميح وجهو كيتنساو لي
مريم: باينة بلي نسيتيه حيث حقدتي عليه، لمهم انا هنمشي دابا ونتمنى فأقرب وقت نسمع شي خبار زوينة عليك
فنة: بسلامة 😊
مشات مريم وبقات فنة كتقاد فتراب على قبر بنتها
فنة: ههه تريكة باك علام وحق لله كلهم هاكا كيتصرفوا فحال إلى ماوقع والو قاليك تزوج وقريب يولي عندو ولد شنوا ظهر ليك ابنتي حتى انا نتزوج ونعاود نولد أمم ولا نبقى كيفما أنا دابا
جبدات فنة تيلي وهي دوز ابيل
فنة:الو
فايز:😮 الوو
فنة: قلتي هتعاوني باش نتجاوز لماضي ديالي ياك
فايز: اه
فنة: وانا موافقة طبعا إلى بقيتي عند كلمتك
فايز: لا لا بلاتي مامتيقش هادشي لكنسمع فيه
فنة : دابا شنوا
فايز : اه اه بلاتي واش تبغي ليوم بليل تخرجي تسهري معايا
فنة :اه واخا (قطعات) اففف ياربي عاوني
رجعات فنة لفيلا لقات ياسمين كاينة هي وسليمة
سليمة: شفتك لابسة جلابة واش مامشيتيش لخدمة
فنة: لا كنت فالمقبرة كنزور قبر أريج
ياسمين: مزيان 😯
فنة: تلاقيت مع مريم
سليمة : شكون مريم
فنة:😊 أم فهد
ياسمين سليمة:😨😨😨
فنة:مال وجهكم ولا صفر
ياسمين: ياكما قالت ليك شي حاجة
فنة:أمم قالت لي بلي فهد تزوج
ياسمين:😕😕
فنة: بلاتي بلاتي ياكما كنتوا عارفين
سليمة:حنا خبينا عليك حيث خفناك لاتقلقي
فنة: هههه بلاتي واش من نيتكم شفتي فهد نسيتو من شحال هادا بااح وجودو فحال عدمو
ياسمين:😮
فنة: يالاه بسلامة هنمشي توجد راسي حيث ليوم فليل خارجة
سليمة: لفين
فنة: عارض علي فايز لفين ماعرفتش
ياسمين وسليمة :😮😮
فنة: سدوا فمكم راه لموت كدور

طلعات فنة وخلات كلشي مصدوم
فليل 🌚🌚🌚🌚
ياسمين: هاي هاي على سي فايز اش هاد تبوكيصة
فايز: باراك لله وفيك ختك فين هي
ياسمين: هاهي هابطة
تمات فنة هابطة لابسة كسوة فلموف حد لفخاض وجامعة شعرها لفوق وحاطة مايكاب خفيف
فايز:😍😍 وااااو
ياسمين : اش هادشي اش هاد لجمال
فنة :شكرا ☺
فايز: (حط يديه على حناكو)نخاف نخرج بيك يخطفوك لي
فنة: هادي حاجة باينة 😉
تمات خارجة فنة وفايز هو يدور عند ياسمين
فايز: دعي دعي معايا
ياسمين :😉 👍
خرج فايز حل لباب لفنة
فايز: تفضلي يا أميرة
فنة" بلا ماتعيق علي سمعتي
فايز:😕😕
طلعات فنة جلسات وجبدات تيلي كتسيفط فليزيميل
فايز :(حيد ليها تيلي ) ليووم ماكاين خدمة
فنة: رجع لي تيلي
فايز : لا 😌
فنة:😠😠😠😠
صااك فايز بسرعة مفرطة
فنة" 😵😵 بشوية بشوية وااع واش باغي تقتلني وااااااع قلتليك بشوية تفووو تفوو اش داني نجي معاك
فايز:😂😂😂😂 (خفف سرعة) ليووم نخرج منك ديك تعيشوريت لفيك
فنة: فايز رجعنا فحالي
فايز: لا حرام عليك واش حنا يالاه بدينا سهرة ونتي باغا تساليها
فنة:(الصمت)
وقفات طونوبيل وهي تصدم فنة لبلاصة لجايبها ليها فايز
فنة:😳😳 ويلي بواط
فايز: لييوم نشبعوا شطيح
فنة" ويلي ويلي وصحافة هنا لا لا أنا امبوسيبل نهبط
فايز: لا هتهبطي ولا هنهبطك بزز وهنصدق داير ليك شوهة هنا
فنة:شنوا دابا كتهددني
فايز: عتابريها كيفما بغيتي
فنة: واخا
هبطات فنة وهبط فايز شادها من خصرها
صحافة: واش بيناتكم شي حاجة /قبلة لبارح واش كانت هي بداية علاقتكم/ فراسكم كتبانو كوبل زوين
فنة :😡😡
فايز:😌😌 عاارف
دخلات فنة وتبعها فايز
فنة:(كتغوت) اش هاد صداع
فايز :وهادوا هوما ليبواط
دخل فايز جار فنة من يديها مشاو جهة صحابوا لتصدموا بمجيء فنة مع فايز خاصة أنه كاين لبعض منهم لوالديهم عندهم شراكة مع فنة
اشرف:😅😅 سلام
فايز:😏 سلام
ياسر: مدام فنة صافا
فنة : الحمد لله ونتا
فايز: كتعرفو بعضكم
فنة" ياسر كيحضر لبعض اجتماعات لكتكون بيني وبين اﻷب ديالو
فايز: اييه هي هاسي ياسر مصيرك بين يدي شنوا دابا نقوليها تلغي شراكة
ياسر : لا ها صاحبي ماتكونش حامض
فنة:ماتخافش ها ياسر اصلا رأيو مكانخدوش على محمل جد
فايز: ملي نتزوجو هنشوفو واش رأيي هتاخديه على محمل جديدة ولا لا 😉
فنة: ماتبقاش تحلم
جلسات فنة وفايز خالقها مع صحابو ويدور يدوي مع فنة جات فنة باغا تهز كاس ديال لعصير وهي تهز كاس ديال ياسر كان فيه شراب يالاه شربات جغمة منو وهي تخنق
فنة : كح كح فايز
فايز: 😮 شربتي شراب
فنة: عطيني عطيني لما

فايز:(كيضحك)😂😂 اش درتي
فنة:باراكا من لعياقة وعطيني لما
فايز: هاكي هاكي شربي
فنة:(كتشرب فالما) فين طواليط
فايز: خرجي وسيري على يديك ليسوا
فنة: نتا سباب باش جيت لهنا 😡
فايز:😅
مشات فنة طواليط كتقاد فماكياج شوية وهي تحس بدوخة
فنة: افففف راااسي
كانت حدا فنة واحد لبنت كتقاد فمايكاب
بنت :ضارك راسك
فنة: اه هيتفركع
بنت: هاكي هاد فنيدة تيقيني هتحسي براسك مزيان
فنة : شكرا
بنت:😈 واجب
خادت فنة فنيدة دارتها ففمها وشربات لما وخرجات
بنت: ليوم نتفرجوا فيك هافنة لعلمي ونوريك كيفاش تجرإي تقربي لشي حاجة مكاتخصكش فايز ديالى 😡
خرجات فنة وعاد ما صداع ديال راس غادي وكيتزاد
فايز : صاافا
فنة:ههههههههههههه
فايز:😕 ماالك
فنة:(كتغوت) بغيييت نشطح
فايز : اووكي هه
جرات فايز من يديه وبداو كيرقصوا وطبعا فنة فاقدة سيطرة على راسها وماعارفاش اش كدير كلشي مصدوم من جرأة فنة
فايز:😉😂😂 هادشي فين كنتي مخبياه
فنة: وباقي ماشفتي والو
صحافة:(كتصور)
حس فايز بلي فنة عيقات حيث ولأول قراب من بعضهم كثر فحال شكل ديال ليكوبل
فايز: فنة آش ظهر ليك نمشيوا
فنة : لا باقي لحال خلينا شوية (باستو فحنكو)
صحافة:(كتصور )
فايز"☺ فنة خلينا نمشيوا هنكملوا سهرة فبلاصة أخرى
فنة: وااخا ولكن نبغي موسيقى تكون مجهدة فحال هاكا
فايز: اه وعد
شد فايز فنة من يديها وجرها جهة طبلة
فنة: ياسر ههه ماتقولش لباك بلي كنت سكرانة صافي
ياسر :ههههه واخا
فايز :ههه زيدي يالاه
خرج فايز وفنة وهوما يتلقاو ليهم صحافة
صحافة : واش بيناتكم شي حاجة
فنة" ههه اه هنتزوجو
فايز:😂😂😂
صحافة: من امتى بديتو علاقتكم
فنة" هادي 10 سنين
صحافة: واش نتي فحالة سكر
فنة: مك هي سكرانة
صحافي:😬
فايز: اووه هاليمابغيناش
طلع فايز فنة طوموبيل
فنة:(جراتو من ودنيه) فين غادين
فايز: هنديك تنسي عند ياسمين
فنة:حطني
فايز: شنووا
فنة: وااااااااع حطني
فايز: واش بعقلك
فنة: مهاتدينيش عند ياسمين
فايز: وفين بغيتي نمشيوا
فنة: ديني لبحر
فايز: واخا
قلب فايز دورة وداها ليخت ديالو
فنة: ياااه باطوات
فايز: ماشي باطوات
فنة: واش سميتهم
فايز: صافي نساي يالاه طلعي
فنة:عنداك يغرق بينا
فايز: لله ياربي على ليلة تي طلعي
طلعات فنية ودخلت لداخل كتنقز
فايز:أو هادشي كولو دارو شراب
فنة:(جراتو من كول قميجة) لا درتيه نتا

فايز: اش كديري طلقي تي طلقي
فنة: اجي اجي نعطيك شي بيسات 💋💋
فايز؛لا نتي اكيد ماشي طبيعية
فنة: ههه احح شحال كتبان كيوت جات معاك هاد قميجة بيضة
فايز:😕 شكرا يالاه طلقي مني دابا
فنة: 😉😉
قربات منو فنة وكلاتو مع لحيط وحدات فمها على فمو كتبوا فيها غير بحنية وفايز حتى هو مابقاش قادر يتحكم فراسو حط يديه على ترمتها وبدا كيبجغ فيها بقاو هكاك كيتباوسو حتى وصلوا ناموسية لفليخت تلاحت فنة وطلع فايز فوقها
فنة:(عينيها معسلين) أمم فراسك بلي كتعجبني
فايز :(كيشوف فوجهها) حتى نتي كتعجبيني وكتسطيني
ناض وقف
فنة: فين غادي واش ماباغيش تنعس معايا نديروا لبسالة
فايز: لا
فنة: علاش
فايز: حيت كتسطيني وحيث فغيمو كنبغيك مهانقدرش نقيسك ونتي ماشي فوعيك
فنة:اييه شحال ضريف ههه ماشي فحال هاداك شماتة ديال فهد مشا وخلاني
فايز: باقا كتبغي فهد
فنة" أمم لا ماكنبغيهش سمعتي مكانبغيهش اصلا انا لغات نهار لول واجبرتو يبغيني وشكون دفع ثمن هاد احب فاشل بنتي بريئة أريج هئ هئ
فايز: صافي دابا علاش هاد دموع
فنة: توحشت بنتي بزاف
فايز: عارف
فنة: ونتا اش عرفك
فايز" حيث حتى انا عايش نفس اﻷلم ديالك غير انا ولدي عايش مي ممنوع نشوفو
فنة:(نعسات)
فايز: اودي ياودي ناوي نخوي عليك قلبي ساعة معامن أنا
خرج فايز جلس برا هز كاس ديال لعصير كيشرب حتى هو عندو ماضي فحال فنة بغا بنت امريكية تزوجوا وولدات منو ولد حصلها كتخونو وطبعا طلقوا لمشكيل ما بقاش هنا مشكيل هو أن فايز فقد أعصاب ديالو وضربها وهنا حكمات محكمة لصالح اﻷم وهي لخدات لحضانة واﻷسوأ من هادشي ممنوع يشوف ولدو
فصباح 🌞🌞
فنة:😱😱 هاويلي فين انا (بدات كتفكر داكشي لدارتو لباريس فليل ) ناري على شووهة لله ياربي اش درت انا اكيد صحافة صورو كلشي صافي تشوهت
وقفات فنة وخرجات لقات فايز ناعس حال فمو
فنة:😡😡😡 فااااايز
فايز :(حل عين وساد عين)أمم مالك
فنة: نوووض
فايز:(جلس) اش واقع
فنة: اشنو وقع لبارح
فايز: ماوقع والو غير بغيتي شي بيسات
فنة :(حدرات راسها وعضات على قنانفها) فايز ديزولي ولله ماكنتش بوعيي
فايز:هههههههه ماشي مشكل
فنة: ودابا لاش كتضحك 😕
فايز: كنتخيل كون وقعات بيناتنا لبارح شي حاجة اش هايوقع
فنة:😬😬 حامض نوض ديني انا باغا نمشي فحالي
فايز:واخا
خرجات فنة وفايز وهوما يتصدموا لقاو صحافة
فايز:😒 هادوا ياكما بايتين هنا
فنة : هانتا تشوف
فايز : (كيدوي مع صحافة) رآه ماوقع بيناتنا والو غير تهناو
فنة:(طلعات طوموبيل)مامضطرش تشرح ليه
فايز : انا دويت غير على قبلك أما أنا عندي عادي
فنة؛ وحتى انا نفس شي عادي 😐

حط فايز فنة قدام فيلا
فايز: يالاه بسلامة
فنة: بسلامة ااا فايز كنشكرك على لبارح واخا شوهات لطراو فغيمو شحال هادي ماضحكت فحال هاكدا
فايز: هادا واجب ها لالا مهم هو نكون فوجت عليك
فنة:☺☺
هبطات فنة ودخلات لداخل
رقية:(كتبركك فيها )👀
فنة: كوليني
رقية:😅😅😅😅 كيفدوزتي ليلة
فنة:دوزتها غير كوا
رقية:😱😱 هاااويلي
فنة: سيري إلى عندك شي شغل سيري قضيه بقاي مقابلاني
رقية: واخا هاختي
فنة: بلاتي واحد ماما فين هي
رقية: راها فصالون كتفرج فشوهاتك فجورنال
فنة:(حيدات صباطها شيرات عليها)سيري بغيت ليك غبارة
رقية:ايي
دخلات فنة صالون
فنة: صباح خير
سليمة: هاويلي يافنة
فنة: باش نكونو واضحين راه ماقربش لي
سليمة:😕😕😕 دابا انا قلت ليك شي حاجة فراسك تصاورك نتي وحبيب لقلب شادة كاع جورنالات
فنة: وهادي حاجة باينة
سليمة : اش قاليك اش قلتي ليه
فنة: ماقلنا والو
تيلي: سررر سررر
سليمة : الوو ياسمين
فنة: هنطلع ندوش نخليك نتي وانسة شادين في نميمة
سليمة:😌😌😌
طلعات فنة لبيتها سدات عليها وهي تشوف فالمرايا
فنة: هههه اش درت انا تسطيت لبارح فليل بنت فحال شي هبيلة وكيفاش قدرت نقول لفايز بوسني لله يمسخني
بعد مرور شهر جالسة فنة وفايز وياسمين ورضوان فاليخت وسط لبحر
فنة: وااااااع طلق طلق
فايز: طلقي نتي
فنة: واش تسطيتي باغي تشوف تصويرتي ملي كنت صغيرة
فايز: حل يديك ولا نهرسها ليك
فنة: وااااااع ياسمين يدي يدي
فايز:(حليها يديها وخدا تصويرة)رصاااي رصااي خليني نشوف
فنة:(كتعلق فيه ) طلق طلق لي تصويرتي
ياسمين : اووه هانتوما فيقتو علي
فايز:😂😂😂😂😂😂😂 هادي نتي ولا شي جنية
فنة:😡😡 جنية بغيتها ضربك
تيلي : سرر سرر
رضوان : هه فنة تيلي ديالك كيصوني
فنة: اه ارااه، 😮😮 هادا من شركة
فايز: خدمة خدمة قطعي
فنة: بلاتي ✋✋ وي الو
موضف: ااالو مدام فنة
فنة: وي شنوا واقع
موضف : مدام غير دابا شي 10 دقايق اوطيل تريب
فنة :😨😨 اش كتقول اينا اووطيل
موضف: اوطيل بانك
فنة: (كترعد) مات شي واحد
موضف: لﻷسف كثر من 20 شخص مات
فنة:(طاح تيلي من يديها)صافي ساليت
ياسمين: اش واقع
فنة:اوطيل بانك راب وكثر من 20 شخص مات
الكل:😱😱😱
رضوان: مصيبة هادي
فنة: رضوان رجعني دابا
رضوان: واخا
فايز:(حط يديه على كتفها) تهدني
فنة:(غوتات) ماتقايسنيش 😡
فايز :😕
ياسمين: بدل ساعة باخرى
رجع رضوان ليخت لكازا وهبطات فنة كتجري طلعات فطوموييل مع شيفور لكان كيتسناها كانت لابسة شورط ومن لفوق تيشورت معري ليها جهة لبوط
فنة:خدم لي راديو نسمع اش كيقولو على اوطيل
شيفور: واخا هامدام
خدم شيفور راديو
راديو:ليوم على ساعة ثالثة انهار أحد أهم اوطيلات بالمغرب وهو اوطيل بانك راجع لمجموعة شركات العلمي لسيدة فنة لعلمي وياسمين العلمي وترجع أسباب هادا انهيار حسب توقعات إلى غش في مواد بناء وقد نتج عن هادا انهيار إلى موت أكثر من 25 شخص
انين: لله ياربي صافي انا مشيت فيها
وقفات فنة قدام اوطيل لقات دنيا عامرة بناس وصحافة ولبوليس
فنة :😲😲😲😱
صحافة:(كيصورو)مدام مدام، شنوا سبب نهيار اوطيل
بوليس : مدام نتي هي مالكة ديال اوطيل
فنة: اه
بوليس: هتفضلي معانا كوميسارية
فنة: واخا انا هنلحق عليكم بطوموبيل ديالي ماكاين لاش نطلع معاكم
بوليس: واخا
طلعات فنة فطوموييل مع شيفور
فنة : الو سي رشيد
رشيد:(محامي )وي مدام فنة سمعت بداكشي لوقع لقيتيني دابا جاي عندك
فنة: هوما غادين بي كوميسارية
رشيد : ماتقولي حتى حاجة حتى نوصل
فنة: واخا سمعني أسهم ديالي فبورصة مانبغي
حتى واحد يشريهم قول لناس لمكلفين يتكلفوا يشريوا أسهم ديالنا ويراقبوا معاهم تحركات ديال منافيسين ديالي
رشيد: واخا
فنة: حاول تخلي مدام بنسودة وختي ياسمين بعاد انا لوحيدة لهنتحمل مسؤولية
وصلات فنة كوميسارية خادوا أقوالها بلي هي ماكانتش على علم بالغش لواقع فمواد بناء وبلي هي لكتحمل مسؤولية بقات فنة نهار كولو فكوميسارية حتى ليل ورجعت لفيلا لقات كلشي مجموع وحتى فايز

سليمة" على سلامتك هاحبيبتي
فنة: شكرا
ياسمين:عرفتي تخلعت عليك بزاف
فنة؛ ماكاين لاش تخلعي كلشي هيتصلح
فايز: فنة صافا
فنة: الحمد لله
ضربات فيهم فنة وطلعات لبيتها دوشات وجبدات بيسي خدامة على لمشكيل لوقع كتشوف فاسهم ديال شركات ديالها مي مالقاتش شي حاجة كغاف
فايز:(كيصوني)
فنة:(شافت فتيلي وقطعات)اصلا نتا هو سباب حتى هملت خدمتي وطحت فهاد مشكل 😡
فصباح 🌞🌞 عند فنة فشركة
فنة:طبعا كلشي شهد على مشكل انهيار ديال اوطيل خسارة لخسرات شركة كانت كبيرة
موضف 1:عندك لحق هامدام صراحة حد ساعة ماعرفناش كيفاش غفلنا على خطأ فحال هادا
فنة:أمم نهيار اوطيل دفعت ثمن ديالو غالي وكنضن بلي جا لوقت لحتى ناس آخرين هيدفعوا ثمن
الكل:😳😳
فنة : أي واحد كانت عندو يد فمشروع أوزيل هايطرد من مدراء حتى لشخص لكيدير لمرطوب لحيوط
الكل:😨
فنة, عمر هنكلفك باش تجمع لي أسماء ناس لكانو مكلفين باوطيل
عمر:(زوج رقية) واخا هامدام
هزات فنة وراقيها وتمات خارجة ردات لباب وتمات غادة وهي تفكر بلي نسات بورطابل رجعات تجيبو وهي تسمع
موضف: مقابلانا غير حنا تمشي تشوف راسها لنهار وماطال وهي كدور من قنت لقنت مع داك ملاكم صحايبها
فنة:(حلات لباب)😡 قلتي كندور من قنت قنت مع صحايبي ايوا سمع هاسيدي حياتي شخصية مادخلكم فيها ثاني حاجة شكون نتا لكتحاسب معايا نتا هنا غير مجرد موضف خدام عندي سمعتي واجبك هو تنفد أوامر
موضف:😣😣
فنة: نستفتحوا بيك نتا لول 😡 نتا اول شخص مطرود وناس لآخرين سامحت ليهم
خرجاات فنة هاطرطق باﻷعصاب دخلات مكتب ديالها كتسوط
فنة: بسباب زامل ديال فايز ولاو خانزين ديال لخلا حالين علي فمهم
تيلي: سررر سررر (فايز)
فنة:😡 سمع لنطولوه نقصروه ماتبقاش تعيط لهاد نمرة
فايز: تي مالك شاعلة
فنة:(قطعات عليه)
وصلات 6 ديال لعشية خرجاات فنة من شركة لقات فايز كيتسناها حدا باب شركة خنزرات فيه وطلعات كتصوك فطوموبيل ديالها وهو تابعها من لور كيكلاكسوني
فنة" اووووف اش هاد لصقة (وقفات )
فايز:(وقف وهبط عندها )خرجي
فنة:😕 اش باغي
فايز:هبطي ونقوليك اش باغي
هبطت فنة
فنة؛وي
فايز: مالنا على هاد ستونات اش واقع
فنة؛ مواقع والو هاخويا غير مع لخدمة مكانساليش
فايز:مع لخدمة
فنة: اه شوف بلا ماتبقى تعيط لي وكدا فهمتي من ليوم مهانبقاش نسالي حيث خدمة كثيرة
فايز: ياك
فنة : اه
فايز: فنة واش باغاني نبعد منك
فنة: اه هانتا فهمتي
فايز: وعلاش ياك كنا مزيانين
فنة:هاخويا كتلاهيني على خدمتي وزيدون كنضن بلي صافي دوزنا وقت زوين خرجنا ضحكنا فرحنا باراكا
فايز:(شدها من دراعها وورك) بهاد بساطة
فنة: مالك
فايز:لوقت لكتقولي دوزناه مع بعضنا عادي راه بالنسبة لي أنا كيعني بزاف هو زاد علقني بيك
فنة : زوينة هادي علقني بيك
فايز:😡 نتي من اﻷول كنتي عارفاني بلي كنبغيك وتعاملت معاك على هاد أساس
فنة: ساليتي خليني نمشي
فايز: نتي وحدة مريضة ومعقدة داكشي علاش راجلك مشا وخلاك
فنة:(صرفقاتو)
فايز:(ضرب يديه مع طونوبيل حتى خلا اثار)😡😡 سيري من قدامي قبل مانصدق معوض فيك شي قنت
فنة : لا ولله حتى خلعتيني
فايز:(صرفقها)طراااخ
فنة:😱 واش تسطيتي
فايز؛ سيري من قدامي ها فنة
طلعات فنة وكسيرات بجهد خلات من وراها لعجاجة

بعد مرور يومين
فوسط واحد لقاعة عامرة بناس كتقام بطولة العالمية ديال بوكس)
رضوان: الللي فايز
فايز:😡😡😡 (كيشوف فخصم ديالو)
لخصم:😑
تعطات إشارة ببدء لفصل اﻷول
وجد فايز راسو وبدا كيضارب مع لخصم ديالو فلحظة تفكر خصومتو مع فنة وهو يضرب لخصم ديالو نيشان راس وهو يغيب لقاعة تهزات وتحطات بضربة قاضية ديال فايز هز فايز راسو وعينيه ولاو جغمة من دم مابقاش قادر يتحكم فراسو مشا تلاح على لخصم ديالو وهو مغيب طلع كلشي كيجر فيه ووالو حتى طلع رضوان بقا كيضرب ففايز عاد فايز بعد على خصم ديالو وهو يفيق
رضوان: اش درتي
فايز:(شاد فراسو)
هبط فايز وتبعوا من لور لفريق ديالو لكانو متوترين
رضوان: واش عارف عواقب ديال هادشي لدرتي
فايز: ماشي بيدي ها رضوان
رضوان: اش واقع
فايز: كلشي بسباب فنة
رضوان: نهار اﻷول قلتليك فوت عليك هاديك لمعقدة ولكن نتا والو
فايز: صافي عفاك بلا هاد هضرة خرج خليني نبدل
رضوان: واخا
فليل ☀ عند ياسمين
ياسمين: عرفتي عييت هاد نهار
رضوان: أمم 😡
ياسمين: مالك
رضوان: شنوا ماتفرجتيش فكومبا ديال فايز
ياسمين: لا
رضوان : مزيان ايوا يالالا خويا كان شوية ويقتل لخصم ديالو
ياسمين:😱 اش كتقول وعلاش
رضوان: وعلاش برأيك نتي علاش اكيد بسباب ختك لمريضة مرضات خويا
ياسمين : رضوان تهدن اكيد كل حاجة ليها الحل
رضوان: قلتي حل اينا حل مستقبل خويا ضاع سمعتي ضاع بسباب ديك معقدة ديال فنة محكل لله فيها خادم ليها بنتها
ياسمين:😡 رضوان انا متفهمة عصبيتك على قبل خوك ولكن ختي فنة خط أحمر ماتندمنيش حيث عاودت ليك ماضي ختي تبدا تعايرها بيه
رضوان : دابا شنوا كتجي من ختك
ياسمين:رضوان نتا عارفني مهانبداش نتناكر معاك هنهز ولدي وهنمشي فحالي وملي تبرد اجي ندويو
رضوان" فين غادة
ياسمين: هنمشي فحالي
هزات ولدها وخرجات

وصلات ياسمين فليل عند فنة لفيلا
فنة: ياكما كاين باس
ياسمين: على ليعرفك مايجيهش لباس
فنة :مالك ساعرة
ياسمين: عامين وانا مع راجلي عمرنا ضاربنا حتى ليوم بسبابك
فنة: علاش
ياسمين : بسبابك غير قولي لي نتي بنتك ماتت وقلبك دفنتيه معاها علاش كتدفعي ناس ثمن موتها
فنة:(صرفقاتها) جمعي مخك معايا ها ياسمين وعرفي اش كتقولي
ياسمين: فايز ماشي حرام عليك ديري فيه هاديك لحالة
فنة: اش درت ليه
ياسمين : هو كيبغيك ونتيجة ستغليتيه باش تخرجي من هداك جو كئيب
فنة: انا ماستغليت حد هو لبغا يخرج معايا
ياسمين: فنة علامن كتضحكي نتي عارفة بلي هو كان كيبغيك وكنتي عارفة بلي خروجك معاه هايزيد يعلقوا بيك
فنة: مع لوقت هينسى
ياسمين" عرفتي شنوا هي مشكلتك
فنة:😕
ياسمين: مشكلتك كتبغي ديري ناس فحال لعبيد عندك ليوم سيد بسبابك مشا ليه مستقبلو
فنة: إلى كنتي كتقصدي لكومبا كنضن بلي انا ماعندي دخل
ياسمين: واش كتصحابي غير نتي لعشتي ضروف صعاب راه حتى فايز عاش ضروف صعيبة حتى هو تحرم من ولدوا واخا باقي عايش
فنة: كيفاش
ياسمين: ماكيهمش كيفاش فنة دنوب هاداك راجل نتي لهتحملي مسؤوليتهم
فنة:ياسمين انا ولله ماقصدت نجرحوا ولا شي حاجة راه هو فهمني غلاط
ياسمين:بغيتيني نتيقك امم
فنة: افف انا عييت عييت
ياسمين:واش مكاتحسي بحتى حاجة من جهتو
فنة :(الصمت )
ياسمين : واش ملاحظة بلي فايز دار شي لحنا ماقدرناش نديروه هادي ربع سنين هو خلا فنة قديمة ترجع
فنة: يمكن رجعات مي انا خايفة من فنة قديمة ترجع تجرح وهاد لمرة إلى تجرحت ها ياسمين كوني أكيدة هنموت
ياسمين: جربي ومن بعد حكمي
طلعات فنة لبيتها كلها كتغزل
فنة : اففف اش ندير ياربي هادشي بزاف علي انا خاصني ندوي مع فايز نوضح ليه
هزات تيلي كتعيط ووالو ماكيجاوبش
فنة: هادا مالو حتى هو لله ياربي قلبي مقبوض علي اكيد هتوقع شي حاجة خايبة لله يحفظ وصافي
عند فايز لسكران
ياسر: بلاتي ها صاحبي نوصلك
فايز :(دفعوا) طلق مني مالي بنتليك معدوم
ياسر:لا راك سكران هافايز
فايز : جمع يديك أنا مامحتاج مساعدة من حد
طلع فايز طوموبيلتو كيصووكها وهو سكران ما ردش لبال لضو لحمر وزاد وهنا وقعات كارثة ضربوا كاميو تقلباات طوموبيل فايز

بعد مرور ساعة
رضوان :الوو وي
بوليس: سلام معاك بوليس
رضوان: نعام 😮
بوليس: واش كتعرف شي واحد سميتو فايز بن داود
رضوان: اه خويا
بوليس : لﻷسف شديد كان فحالة سكر ودار اكسيدو
رضوان:😱😱 اش كتقول وكيف بقا هو دابا
بوليس:لﻷسف شديد حالتو خطيرة غادين بيه لكلينيك لوسط مدينة
رضوان:(حابس دموع) صافي هاني جاي
هز رضوان تجاكيطتو وخرج
رضوان:(كيصوك)كلشي بسباب ديك لمعقدة ديال فنة
تيلي : سررر سررر
رضوان؛ هادي نتي
ياسمين: الوو بردتي دابا
رضوان:(كيغوت) بربي ونطيح فختك حتى ننحرها من لودن حتى لودن
ياسمين:😦 اش واقع
رضوان: خويا كيموت بسباب ختك داار كسيدة
ياسمين:😨😨😨😨
رضوان: ياسمين توقع شي حاجة لخويا مهانعقل لا عليك لاعلى ختك
ياسمين: انا
رضوان:(قطع )
عند ياسمين لطالعة كتغوت عند فنة
ياسمين:😡😡 فنننننننة
تسمع غوات ياسمين كلشي فاق
سليمة: مالك اش وااقع
فنة:(خرجاات من بيتها) مالك
تلاحت عليها ياسمين كتنتف فيها وسليمة كتفك
سليمة: اش كديري واش تسطيتي
ياسمين: بسبابك ها فنة راجلي ها يخليني
فنة:😲 اش كتقولي
ياسمين: فايز دار كسيدا خايية
فنة: ها
ياسمين: كيفما سمعتي
فنة؛ (غيبات)
سليمة:😳😳😵 ويلي فنة
ياسمين :😲😲😲
بقاو كيرشوا فريحة على فنة حتى فاقت
فنة: هئ هى بسبابي وصل فايز لديك لحالة
سليمة: لا ماتقوليش هكاك هادشي كان مكتاب عليه
ياسمين:اينا مكتاب ولا زمر هي سباب
سليمة:😬😬 ياسمين
فنة: هئ هئ إلى وقعات ليه شي حاجة عمري مهانسامح لراسي
سليمة: لا ماتقوليش هاكا
ياسمين: انا هنمشي عند رضوان
فنة: حتى انا هنمشي معاك
ياسمين: صافي واخا
خرجات ياسمين وفنة مشاو لكلينيك طول طريق فنة كتبكي وصلوا لكلينيك كاع انضار موجهة لفنة بحكم إشاعات لخرجات كتقول بلي بيناتهم علاقة
دخلوا لداخل لقاو عائلة فايز كاملة كاينة غير دور رضوان وجهو شاف فنة وهو يجي قاصدها
ياسمين:(شدات رضوان) رضوان لا
رضوان:(دفعها) باينا وجه جاية لهنا 😡
فنة : هئ هئ رضوان
رضوان: جاية تشفاي ياك دخلي شوفي حالتو كيف هي
فنة"😭😭😭 ماكنتش كنصحاب اﻷمور هتوصل لهاد درجة
رضوان : أمم مكاتصحابيش فنة خرجي من هنا وجودك هنا كيزيد يوترني
فنة:😢😢 واخا
خرجات فنة ركبات فطوموبيل كتبكي هي مكاتبغيش فايز مي دغيا دار بلاصتو فحياتها ولات كتعتابرو واحد من أهم أشخاص فحياتها وإلى مات اكيد هيخلي صدمة فنفس فنة
بعد مرور ساعتين
ياسمين:(كدق فزاج ديال طوموبيل )فنة حلي
فنة:(حلات) 😮
ياسمين : الحمد لله فايز خرج لعملية دازت مزيانة
فنة : هئ هئ الحمد لله
ياسمين: فنة بلا ماتبقاي هنا سيري لدار حيث ماشي غير رضوان لمقلق عليك حتى أم فايز مقلقة منك 😟
فنة: 😣 صافي واخا
يوم غد فصباح 🌝🌝
رضوان: فايز باش كتحس
فايز : ايي شوية وصافي
رضوان:مع لوقت هتولي صافا
ياسمين:😄 فايز خويا على سلامتك
فايز: لله يسلمك شنوا فنة ماجاتش
رضوان: بغيت غير نعرف علاش باقي كتفكر فديك لمعقدة هي سبابك فهادشي لوصلتي بي

فايز: اييي ونتا مالك شكيت عليك
رضوان:😒 واخا
ياسمين:☺ فنة لبارح كانت هتسطى بالبكا وخوك سي رضوان جرا عليها
فايز : اصلا رضوان ديما واقف فطريقي
رضوان:فايز علاش ما بغيتيش تفهم فنة راها واحد لبنت تركيبتها فشكل غادي غير تعقد ليك حياتك
فايز: كح كح ونتا مالك انا باغيها تعقدها شي حاجة
رضوان: بسبابها خسرتي مستقبلك فبوكس وشوف حالتك دابا صحتك فين واصلة
فايز :مالك داير فحال لمرا شحال فيك ديال نكير
رضوان: دبر راسك 😬 (خرج)
فايز:هاد راجلك مالو سوقو
ياسمين : وهانتا شوف
فايز : شوفي عيطي على فنة قولي ليها صبح مهلوك وفشك مابقاش يوقف على رجليه
ياسمين : من نيتك نخلعها على صباح
فايز:تي ديري هادشي لقلت ليك اه وقولي ليها فاقد داكرة
ياسمين:هههه واخا
جبدات ياسمين تيلي وعيطاات لفنة
ياسمين: الو فنة
فنة: صباح خير كيف بقا فايز
ياسمين : حالتو حالة هافنة فاق ماعرف حتى واحد فقد داكرة
فنة:😱😱😱 اش كتقولي
ياسمين: وماشي غير هادشي راه يقدر مايمشيش على رجليه مرة أخرى
فنة: هئ هئ كلشي بسبابي
فايز:😂😂😂 تي خرجي شكون نتي تفوو
ياسمين:(حابسة ضحكة) سمعتيه
فنة"(قطعات)
فايز : ههه مالها
ياسمين :قطعات علي ناري صدمناها على صباح
فايز: خليها اجي زعما ماكاينش شي أمل مع ختك
ياسمين: شوف فنة ماتوقعش منها تبغيك دابا مي اكيد مع لوقت هتولي تبغيك
فايز: بغيت غير فرصة
ياسمين : من بعد هادشي لوقع كون اكيد هتعطيك فرصة غير تهنى
فايز : عالله
عند فنة
رقية: بركي تفطري راه درت لمسمن لكيعجبك
فنة" نتي بقاي دوري علي حتى نجري عليك
رقية:😕😕 شو كيفدايرة هاد راس شطابة
خرجات فنة كلها كترعد طلعات صاكت طوموبيل ديالها نيشان لكلينيك
وصلات فنة لكلينيك هبطات وهي تلاقى مع رضوان بدا كيخنزر فيها
فنة:😣😣😣
طلعات منى فاسانسور وهي تحل على فايز لباب لقات ياسمين جالسة
فنة:صباح خير
فايز:سيري فحالك شو كيفدايرة سيري داتا نضربك بييو بيييو
ياسمين:(حابسة ضحكة) 😅😅
فنة: سلام فايز صافا
فايز: شكون فايز سيري فحالك راكي غالطة سيري فحالك دابا تجي فنة مراتي ضربك
فنة:😱😱😱😱
ياسمين : شفتيه مسكين كيف ولا
فنة :(شهقات)😭😭😭😭😭😭
ياسمين : صافي دابا لاش كتبكي راه لوقع وقع
فنة:(شدات فيد فايز)فايز عفاك سمحلي ولله ماكنت قاصدة نوصلك لهاد لحالة
فايز: ولكن انا قصدت نوصلك لهاد لحالة 😊
فنة:نعااام
ياسمين:😂😂 غير كنضحكو معاك
فنة:😡😡 من نيتكم ازمر
فايز : احح كون كنت عارفك هاديري علي هاد لحالة كون شحال هادا درت كسيدا
فنة : واش كتصحابو هادشي كيضحك أمم لا راه ماكيضحكش مع نبوري معيطين لي خرجت من دار كلي كنغزل وجيت صايكة وانا متوترة
ياسمين: صافي ماتزيديش فيه
فايز: ياسمين ممكن تخرجي تخلينا بوحدنا
ياسمين : واخا
خرجات ياسمين وبقا فايز مع فنة راس فراس
فايز: دابا شنوا هنبقاو هاكا
فنة: شنوا نتا
فايز : نتي عارفاني كنبغيك عطيني غير فرصة ماطالبش شي حاجة كبيرة
فنة:(صمت )
فايز: كلمة اه منك تيقيني هتبدل حياتنا بزوج
فنة: خايفة نقوليك كلمة اه ونضلمك معايا
فايز: ماتقوليش هاد هدرة مالك على هاد لعناد فهميها انا كنبغيك قبلي تزوجي بي ومع لوقت هنحاول نقنعك بي
فنة: شنوا نتزوجك
فايز : اه انا دابا كنطلبك لزواج ها فنة
فنة: هه واش كتضحك علي هاكا بغيتيني نتزوجك فايز نجيك من لخر انا مكانبغيكش
فايز ولكن انا كنبغيك ومع لوقت متأكد هتولي تبغيني
فنة: عندك اﻷمور بهاد لبساطة
فايز :(شد ليها يديها) فنة خلينا نجربوا 😉 وإلى ماعجبكش لحال معايا كل واحد فطريق
نة: كتدوي ببساطة هاداك راه زواج زواج
فايز: أمم على مال هاد زواج شكون هو
فنة: مسؤولية إحترام وتفاهم وحب
فايز : هانتي قلتيها وهادو كلهم كاينين بيناتنا ههه واخا مسؤولية ماكايناش مي نحاول
فنة:فغيمو نتا شخص ماشي نوغمال
فايز: اه ماشي نوغمال ودابا اش قلتي
فنة: أمم قابلة
فايز:عاوديها 😀😀
فنة:قلت ليك قابلة نتزوجك مي عندي شروط
فايز:(فرحان) شروطك كلها قابلها (بغا يوقف) اييي
فنة :😮😮 اش كدير
فايز: باغي نشطح
فنة:😂😂😂😂😂😂😂😂😂 تشطح ونتا فهاد لحالة
فايز: اه ههههه
برا
رضوان: هادوا مالهم كيضحكوا
ياسمين: وانا اش عرفني
حل رضوان لباب لقا فنة وفايز مكرشخين بضحك
رضوان: مالكم 😕
فايز: احم احم هنتزوجوا
رضوان:😳 شناوا فايز واش تسطيتي
فايز: اممم تسطيت هههه
نة: من بين شروط زواج هاد خوك مايبقاش يخنزر في ولا عرفتي انت بغيتك تقطع علاقتك بيه 😌
فايز: اوامرك مستجابة هاحبي
رضوان : ياك
فنة:😃😃😃 غير كنضحك معاك
ياسمين : افف وأخيرا مبروك عليكم
فنة:لله يبارك فيك
بعد مرور شهر
في قاعة عرس جالسة فنة فواحد غرفة كتوجد فراسها
فنة: 😡 بغيت غير نفهم هاد فايز فين مشا
ياسمين: ياكما بدل رأي ديالو
فنة : ياسمين واش كضحكي علي أمم كتشوفيني متوترة وكتزيدي توتريني

ياسمين: ههه غير كنضحك معاك نتي عارفة لبارح بليل بقا سهران مع صحابو وفاق معطل يالاه دويت معاه هاهو جاي
فنة:افففف نهار عرسو فايق معطل
سليمة:(حلات لباب وجهها صفر)ياسمين واحد دقيقة
فنة: ماما مالك
سليمة : والو غير شي حاجة كتخص لعرس
ياسمين : وي هاني جاية
خرجات ياسمين عند سليمة
ياسمين " مال وجهك صفر
سليمة: مصيبة مصيبة يا ياسمين
ياسمين : اش واقع
سليمة:فهد هنا
ياسمين :😨😨😨
سليمة: ياسمين مالك تكواانسيتي
ياسمين: اااا متأكدة خاصنا نمنعوه باش مايشوفش فنة
سليمة: عييت معاه ووالو مابغاش يمشي فحالو
ياسمين: هاداك ماركة انا لهنعرف ليه
خرجات ياسمين وكيفما قالت سليمة هو جا ماتبدل فيه والو غير وسامتو تزادت وحروفو ولاو واضحين
ياسمين : اش باغي
فهد: كيفدايرة لباس
ياسمين:فهد قلت ليك شنوا باغي
فهد: جيت باغي نشوف فنة وهنمشي
ياسمين: شنوا باغي تخرب ليها فرحتها ياك
فهد: حاشا جيت باغي نبارك ليها انا أكثر واحد فرحان ليها
ياسمين : واخا انا هنوصل ليها سلامك غير سير
فهد: انا مهانمشيش حتى نشوفها
ياسمين "👆 راه
سليمة:😱😱 فايز
فلحظة لكانت ياسمين كتدوي مع فهد وصل فايز ورضوان لكانو فكامل اناقتهم
فايز: بونسواغ بونسواغ هه فين هي فنة متأكد هتصحابني تعطلت بلعاني
الكل:😨😨
فايز : مالكم اش واقع
رضوان :(كيشوف ففهد) فهد برادة
فهد: اه فهد برادة
فايز: شكون هادا
فهد "(مد يديه ) انا طليق فنة
فايز:(هز حاجبو) طليق فنة أمم واش باغي نهار عرسنا
فهد:(جمع يديه) بغيت نشوفها ونبارك ليها
ياسمين:😡 وجودك هنا غادي غير يزعجها
فايز :(كيشوف ففهد) لا لا مهايزعجهاش حيث اصلا هو مابقا كيعني ليها والو
فهد:(تقرص) عارف 😊
فايز : باغي تشوفها اجي معايا
الكل :😲😲😲😲
بقا غادي رضوان حتى وصلوا قدام غرفة لفيها فنة
فايز :تسنى هنا
فهد:واخا
دخل فايز وخلا لباب محلول
فايز: حبيبة
فنة:(شيرات عليه بقرعة لما) فين تعطلتي 😡
فايز: ههه غير بشوية
فنة: تخلعت عليك بزاف هافايز
فايز: عارف سمحيلي اا كاين واحد ضيف بغا يشوفك
فنة:😯 شكون
فايز: فهد دخل
فهد:(دخل )
فنة:😲😲
فايز : ااا فنة انا هنخرج واخا هتمي بضيف ديالك (خرج)
بقات فنة وفهد فالغرفة
فهد: فنة لباس
فنة:(كتشرب فالما)
فهد: كتباني زوينة بزاف
فنة:😟 شكرا
فهد: اكيد كتسائلي على شنوا جابني
فنة:اه من بعد هاد سنين شنوا فكرك في وجابك نهار عرسي
فهد : فرحت بزاف ملي عرفتك هتزوجي وهاتبداي حياتك من أول وجديد
فنة:😊 شكرا حتى نتا سمعت بلي تزوجتي ومراتك حاملة
فهد:اه مراتي ولدات بنت وسميتها أريج
فنة: سميتيها على بنتنا لله يرحمها لله يخليها ليك
فهد: شكرا ، ملي شفتك بهاد حوايج تفكرت نهار عرسنا
فنة: عرس لدرتيه بزز هه تزوجتك ديك ساعة بالقوالب هه
فهد: وي بالقوالب ههه
فنة : ماكانش ديك ساعة لعقل يمكن ديك ساعة كون ما اصريتش نتزوجك كون راه عمرنا عشنا فحال هادوك مأسات
فهد: لا ماتقوليش هاكا انا عمري ندمت حيت تزوجتك بالعكس نتي هي أحسن حاجة وقعات لي فحياتي
فنة: حتى نتا نفس شي ها فهد
فهد: طولنا بزاف فالهدرة وكنضن بلي راجلك اكيد هيكون تقلق وعلى حساب علمي هو بوكسور مافي ليتضرب
فنة : لا فايز ضريف ماشي من نوع لكيتعدى
فهد:لله يخليكم لبعضكم ومبروك عليك ها فنة (قرب وباسها فوق راسها ) يالاه بسلامة
فنة: بسلامة
غير خرج فهد فنة وهوما ينزلوا دموعها اكيد شي لكان بينها وبينو ماشي قليل هو فاخير كيبقى اول حب فحياتها
برا عند فايز
فهد: مبروك عليكم ولله يكمل عليكم بالخير
فايز:😊 شكرا
عطاه فهد بظهر دار قب وتما خارج ما قدرش يتحكم فراسو وهوما ينزلوا ليه دموع
فهد: انا لفرطت فيك مي ماشي مشكل نتمنى تكوني فرحانة فحياتك وبغيت لله يكمل عليك
عند فنة
فايز: صافا
فنة: اه صافا
فايز: مسحي دموعك راه هيخسروا ليك ماكياج
فنة: اه راه دخلات شي حاجة لعيني داكشي علاش دمعت
فايز:هه عارف هاد دموع بسباب هاد راس تيمومة لخرج مي كنواعدك هنسيك فيه وفكاع لعداب لعشتيه
فنة:(عنقاتو) عارفة ومتأكدة من هادشي
وهنا قصتنا البنات وقفات فنة تزوجات بفايز ودوزوا عرس ولا أروع وكملوا حياتهم ومع لوقت بشوية بشوية بدات فنة كتغرم بفايز لكان ليها ونعم زوج وصديق ورفيق ولدوا جوج ولاد وهوما دابا عايشين فسعادة اما فهد كمل حياتو مع مراتو وبنتو واخا حسرة فنة وخسرانو ليها هيبقاو فحياتو طول عمرو
لحياة ماشي ديما كتعطينا داكشي لبغينا فهد من أول ماكانش مناسب لفنة هي ﻷصرات انه يبغيها ويتعلق بيها وفعلا داكشي لوقع ولكن فاﻷصل هاد لعلاقة كان محكوم عليها بالفشل من اﻷول حيث ركائزها ضعاف فهد كان واحد زوج مستهزء بالحياة وكيصحاب كلشي كيجي بسهولة وفنة كانت زوجة ماناضجاش مي طبعا خادوا عبرة وهادشي هو لخلا علاقاتهم جديدة تكون ناجحة

🎀النهاية 🎀