قصة قولبني هو و الشوافة

جيت بقصة جديدة قصة مختلفة على قصص لآخرين قصة إن شاء الله هانشدوا بيها لعام كااامل هههه غير كنضحك
💡💡💡💡قصة تحمل من كل فن طرب
#كوووووميديا : يلعن جد بو ليبكيكم
#عشق____وحب: لبطلة كتسطى على بطل (احح واحد تيتيز)😙😙
#إنتقااااام:هاتخرج من لبطل ديااااالنا
#سفااالة: ضروري مانرشكم بيها
قصة بعنوان:🎭🎭🎭قولبني هو وشوااافة 🎭🎭🎭 😂😂😂😂
بقلم ✏:أميمة شكري 😉😉😉

فهد : حبيبة انا كنموت عليك من نهار شفتك صورتك بين عيني انا: حتى انا كنبغيك كنبغيك بزاف افهد عفاك بقا ديما حدايا فهد: هانبقى معاك ديما (قرب هايبوسني) هييييييي هيييييي فيقي(كتنغزها بعصا ديال شطابة) انا:اممم خليه خليه يبووسني 😗😗 ******:(هزاات شطابة حتى لسمااا نزلات علي)نووووضي يالمدودة يالمسخة يالمعفونة انا: يلعن جد بووها دار هئ هئ واااش حتى فالحلم مابقا حد ياخود راحتو مي : شوفي ياديك مطوطة زوج كلمات هانقولهم ليك دودة لفيك حيديها وهداك لخراي لكتسطااي عليه نسايه انا؛😱😱 هااااويلللي كدرتي حتى عرفتيها مي :لقيت واحد كتاب فيه تصاورو انا:فينو فينو كتااب هامي فينو مي :😏😏 شديت جد بوه قطعت منو لوراق حطيتهم فطواليط نوليو نمسحوا بيهم لخرا وتصاور حرقتهم انا:(شعري وقف) 😨😨 شنووا شنووا بلاتي ماما:😕😕 مااالك انا:(غوت) معاامن معامن تشاورتي هااا ماما : هااي هااي وليتي ترفعي صوتك علي سمعي لمك ولله وتزيدي كلمة وحدة حتى نشطب بيك دنيا دخلي يالمعفونة غسلي حالتك تفو ناس والدين لبنات وانا والدة لخطية انا: لهلا يحييك(ضربها بجرية لكابينة) دخلت كابينة دنيا كاع مخزة درت لقيت وراق ديال دفتر دكريات حيدت سروال جلست كنخرا وكنهرنن مي: فننننة فنة ولخرااية كبي لما راه دار ولات تكوخ بريحة خراك انا:😈😈 لاا ولله مانكبو مي : سيري لله يلكيها ليك انا بغيت ليك سالمة انا: دعوة ضرب فالعارضة وترجع لمولاها مهم هالبنات سمحولية على هاد دخلة انا سميتي فنة لعرج 😇😇 اه فنة ووركو على سكون أحح علي فنة لفنون ههه مهم انا عندي 20 عام مازويناش بزاف عادية غير هو لكيميزني على غيري معفونة ومعكازة وشيطانة هاد لعام كنقرا فلفاك احح على لفاك ديالي عامرة غير تيتيز تيتيز تيتيز ولكن طوب فيهم هو حبي وزماني فهد احح ملي كنتفكروا لحمي كتجيه تبوريشة لله هالبنات كيف كيف ندير نوصفوا ليكم عرفتوا خليو حتى تشوفوه فطوف كملت خرايا خرجت مي كيف ديما محيحة كتنكر إيوا يالبنات نضت لبست سروال كطيفة فالكحل وضربت لفوق واحد قميجة فالبيض ديال سرباية لبست كونفيرصة بيضة ولكن ليشوفها يصحابها كحلة جبدت شعري بزيت لعود ودرت ليه ضفيرة شفت فالمرايا بانو لي سناني صفرين هزيت شيتة مي مالقيتش سينيالل درت بناقص هزيت صاكي مع لخرجة بانت لي قرعة سانيكروا رشيت منها على حوايجي لله على ريحة وخرجت

إيوا خرجت وكانت شمس مطنطنة غادة وكنشوف شعري فالخيال لا يكون واقف فينما كنلقى شي قنت واقفة كنعمر يدي بدفال ونديروا لشعري كيلبد راه قلت ليكم معفونة مهم غادة وجيران كيبركو جارة 1: تبارك لله على أستاذة ديالنا انا:باقي ماوليتش أستادة جارة 2:(شادين بي لقشابة)تباركلاه جاك سروال كاطيفة زوين انا: بصح هاخالتي شراتو لي ماما بستين ريال فالبال جارة2: ههه اه زوين انا:شكرا يالله بسلامة جارة1: سيري غير بشوية ليتقطع ليك سروال كطيفة 😂 انا:😕😕 واخا (معارت مالها كتضحك) ضربت واحد طوالة عاد وصلت لبلاكا ديال طوبيس واحد ربع ساعة عاد كيبان لي جاي كيتزعزع طوبيس عامر باقي ماوصلش عندي ريحة صنان ولحزاق صرفقاتني من لهيه إيوا وقف طوبيس يالاه كنت باغا نخلص وهو يتنادم معايا لحال شيفور:(كيعرفني) فنة خلصي راه ولله حتى هايطلعو انا: لا لااا ماعنديش شيفور: لله يعفو عليك من شوهة ديال طوبيس هايطلعو كونطرول هايحيحو عليك انا: تفوو على صباح مالك هاخويا بارك تفايل علي شيفور: انا غير بغيت نحدرك انا: حدر رأسك تفوو على صباح شيفور:😕😕 سري سري نستاهل انا سوقي فيك خنزرت فيه وتخشيت وسط زحام ورجعت لور أيوا آش هانقوليكم مع ريحة سانيكروا لراشة بيها حوايجي وريحة زيت لعود لداهنة بيها شعري وزيدو عليها ريحة سبرديلة لخانزة مانعاودش ليكم حالتي كيف ولات ناس ولاو كيدوروا كيخنزروا في لمرا:(كتشوف في) ولله مابقيت فاهمة شي حاجة فبنادم قدها قد لبكرة وروايح معطعطين منها على قلة ماا وصابون انا: مالك كتدوي وكتشوفي في لمرا:إلى هدرتي قرصاتك حكيها انا: يااك بلاتي بلاتي( حيدت شكارة من ضهري وعلقتها فوق واحد كرسي ودرت ليها) وليوم ليوم هانوريك قريص كيفاش داير تلاحيت عليها وسط طوبيس شديتها من شعكوكتها نتف ياما تنتف وقفوا بيناتنا رجالة كيفكوا لمرا: ولله ماتبقى فيك يالمعفونة يالمصنة (دارت صبعها فدفال ودارت خط فزاج) هاهي وعقلي عليها إلى مانفديها فيك راني ماشي رقية خت كوميسير انا: واااتي سيري تقودي نتي وخوك لكوميسير يلعن زامل لحطك راجل: هييي حتارمي راسك هالالا راه معاك ناس محترمين انا:(دارت يدي على خصري) اه وإلى ماحترمتش آش هادير راجل: هانعاود ليك تربية من لول انا : ياك كتحاماو (خشيت يدي فشكارة جبدت قرعة زاج عامرة كوفيتير حتى لمن ونقوليكم لاش هازاها هزيتها على حر جهدي عطيتها ليه قلقولة) انا: 😡😡 هاااكا لمك شد راجل : واااع (شد فراسو وطاح ودمايات كتشرشر) انا:(ضربت فخادي) هاااويلي شنوا درت لمرا: صافي قتلتي راجل تهنيتي انا: هااويلي قرعة كوفيتير مشات باطلة هااويلي شو كيف تكبات على راسو لمرا :😕😕 بااز بقات فيك قرعة كوفيتير ومابقاش فيك راجل انا؛ (كنغزو برجلي) هااه هاااه نوض باراكا من تبوحيط شو شو وجهو كيف داير تفوو فحال قلاوي ديال لحمار شيفور؛ فنة رجعي لوور راني عيطت لبوليس مابقا ليهم والو ويوصلوا انا:(كندور فعيني) 😮😮 توووما مالكم ديروا ليه شوية تحميرة هاتفليقة تجمعات ليه وجيبو لبصلة حطوها ليه على نيفو هايفيق شيفور: فنة سكتي صاافي سكتي مشيتي فيها ليوم تباتي فالبنيقة انا:(رجعت لور وتكونت ضربتها بسقلة بقيت غير كنشوف ستغليت لوقت لهما مقابلين فيه راجل نقزت من شرجم وهبطت كنجري كنجري ناس: 😱😱😲😲😲😲 رااااها راااااها هرباااات تبعوهاا إيوا أنا نجري وناس لكانو فطووبيس تابعيني صاافي مشيت فيها ماعرفت ماااندير دخلت وسط طاااروت زبل

ناااس: اوااه فين مشات هادي /مايمكنش يالاه كانت هنا /تفو على زهر/ شيفور:ماتخافوش راه كنعرفها سميتها فنية لعرج راه كثيرا فلفاك انا :(بشوية) يلعنطبنمك ناس: عرفتي شهانديروا خلينا نمشيو فحالها وزايدون هادي هي طريقها طيح طيح (مشاو) بقيت شوية مخبية فطاروت زبل جيت نوض وانا نلقى ليكوشة عامرة خرا لاصقة لي فرجلي انا: ايييع على زهر يلعندينمي انا تفوو بقيت مضاربة حتى خرجت من داك طارو ريحتي تعطعط بغيت نرتاح جلست حدا عتبة واحد فيلا وهي تخرج منها واحد لمرا لمرا: اوو لا لا سيكواسا طلابة انا:(فخاطري؛ طلابة هي مك) عفاك هالالا دوري معايا هئ هئ مرات با جرات علي من دار هئ هئ من داك نهار وأنا فزنقة😢😢 لمرا: 😟😟 صافي هاختي بلا ماتبقاي تبكي نوضي دخلي معايا انا:😈😈 شكرا دخلاتني عندها فيلا واو آش هانقوليكم داكشي واو عيطات لمرا على لخدامة داتني لحمام تحمحمت مع راسي مهم داك حمام رجع حالتو خرجت عطاتني واحد سروال وااو وواحد تريكو داكشي ديال ناس كلاس انا : عفاك هاختي نقدر نرش من ريحة لمرا : اه اه تقدري انا:شكرا (هزيتها بقيت رش رش مي واخا هاكاك ماعحبتنيش ماشي فحال ريحة سانيكروا)😏😏 داتني فطرت عركتها ومع خرجة مدات لي 500 درهم لمرا: شوفي دار محلولة فوجهك وقتما بغيتي جي انا:(فخاطري؛ ماتخافيش هانبقى لاصقة فيك فحال لصقة) 😢😢 شكرا هاختي ناس فحالك قلال لمرا: هادا واجب إيوا خرجت من دارها شديت طاكسي حمر ضسرت ولد قحبة دوزني من حدا طوبيس 😑😑 حمد لله حتى واحد ماشافني صافي وصلت لفاك كلشي كيشوف في طبعا عمرهم شافوني بهاد حوايج درت نشوف وهي تجي عيني بعينو احح أول مرة هايشوف في هاني هاني اه ناري كنموت عليك تفو مالو دور وجهو مهم هادا حبان ديالي قلبي وروحي فهد احح عمرو 24 عام ساكن فلفاك لباس عليه بالبيا هو وريث وحيد لعائلة برادة اه اه فهد برادة طول وزين احح مهم دابا عرفتكم على زوجي مستقبلي هو دابا ماكيعرفنيش ولكن متأكدة هايجي نهار لتولي فيه شي حاجة بياناتنا عام عام وانا كنبغيه وهادشي عارفاه صاحبتي وحيدة نور بقيت غادة وكنشوف فيه ماشفتش واحد لعكبة طحت تقب لي سروال الكل:😂😂😂 فهد: إيييه هادي ماالها هههه حبيبة يالاه انا عارض عليك ليوم ياسمين:(بنت زوينة كلها انوثة ) واخا هاحبيبي شدها زامل من يديها وخرجوا هو وسفريطة وانا قلبي كيبورد من لداخل مي ولله ماتبقى فيك ها ياسمين فهد ديالي ديالي يانا

نضت انا وفقستي سروال يالاه عطاتو لي لمرا تقبتوا شداتني بكية تفو على نهار 😢😢 إيوا دخلت قاعة أستاذ بارك كيشرح شافني وهو يكحل بالعما لقواااد بروف: اوووه شوفو شكون يالاه شرفنا بزيارتو مادموزيل فنية لعرج انا:😊😊 شرف لي بروف:😡😡 علااش دايما مبرزطاني فحصص دياولي انا:باغدو 😆😆 بروف: 😡😡 انا:(دخلت مشيت وسط قاعة كلشي كيشوف في) انا:😕😕 ويلي مالكم كتحنزو نور: منين ضبرتي هاصحيبتي على هاد لحوايج انا: قصة طويلة حتى لمن بعد ونعاودها ليك نور:😮😮😮 مهم جلست بقا خراي كيقرا علينا تما وانا غير كنفكر فالحب ديالى هو وديك قلوة 😠😠 عييت وانا نضربها بنعسة بعد مرور ساعة نور: فنة فنة فنة نوضي انا: أمم شنوا نور:فنة نوضي راه كلشي خرج انا: اممم صافي نضت خرجنا انا وياها كيف ديما خوها كيجي يديها خوها وضعوا مادي مستقر خدام فشركة بات فهاد وسميتو منير منير: فنة كيفدايرة لباس (كيبغي فنة واخا عارفها معفونة) انا:لباس 😊😊 مهم نور هنخليك نمشي نشد طوبيس منير: ااا لا لا غير بقاي عفاك انا نوصلك انا:(هادا مالو 😕😕)اه صافي واخا إيوا طلعت معاهم فطوموبيل ملي طلعنا وهو كيدوي ماكيسكتش وانا غير كنقوليه اه اه واخا مازالت فدين مو شعرة وصلني لدرب هبطت كلشي كيشوف في اواه هادو مالهم دخلت لدار لقيت با ومي وخويا ومراتو كيتسناو في انا :😟😟 سلاام مي: وعليكم سلام كيفدايرة هابنتي كيداز نهارك انا:(بشك) الحمد لله با: إيوا ياصكعة يامسخوطة لياام آش درتي فطوبيس انا:(قودتها) هئ هئ ولله هابا ضربتوو حيت خورني با:(وقف) ومازال زايداها بالكدوب ولكن ليوم نخرج منك كلشي (شدني من شعري ) انا: وااااع تحامات علي مي هي وبا ووخويا ومرتو كيفكو في سليمان:(خويا) صاافي هابا بااراكا عليها با:(طلق) انا:يااك هالحكارة 😭😭 ديرها فين تجيك لا نتا لامراتك فهمتو سيروا تقودوا (هدرت بدون شعور) مي: ياكي هاكي هاكرشي هاكي انا:(ستوعبت شنوا قلت ) لااهابا ماشي عليكم راه على خويا ومراتو خويا ومراتو :😮😮 انا:(كنغمزهم) خويا:صافي حيدي حيدي غبري من قدامي مي: بلاتي منين جاوك هاد لحوايج انا:(هربت سديت علي فالبيت)

مي:(تبعتني) حلي حلي ياصكعة ليام لحوايج منين جاوك انا: هئ هئ نعاودها ليك فحال لخرافة مي:😬😬 واخا يالاه حلي انا :(دخلتها وعاودت ليها كلشي) مي: أهياا ناري على بنت لحرام تي فين غادة فين غادة بدوك لكدوب انا :(هزيت كتافي) ماشي سوقي بغيتيني نمشي لفاك خانزة مي:تمشي خانزة وراكي خانزة خلوق أنا : 😕😕 مي: ااا شحال عطاتك سيدة انا: طماعة مي:😡😡 تي قولي انا : عطاتك ألفين ريال مي: وفيناهيا انا:شاطت من ألف وربعمية مي: وفين مشات ستمية انا:😏😏 شديت بيها طاكسي مي:(عضتني) علاش علاش لمك علاش انا: وااااع بعدي مني مي: تفوو (خرجات) خرجات مي وأنا نجبد تمنالاف لبقات يالاه هانخبيهم فصندوقة وهي توقف علي مي: 😌😌 هاااني حصلتك انا:😱😱 مي حرام عليك مي:راكي بنت كرشي وحافضاك هابنيتي عارفاك شيطانة وغدارة انا:(وقفت) شوفي قسما بالله لا خدتيهم مي:😡😡 فنة آريهم انا: نعرف نشركهم وماتاخديهمش مي: يااكي اجي لهنا شداتني مي ماتحكماتش في هربت ليها طوااليط شادة فلوس فيدي مي: وياك وياك انا: لا أنا لانتي 😈😈 (لحت لفلوس فتقبة كابينة وكبيت عليهم لما) يالاه 😒 مي:😱 هاااويللي على مسخوطة لياام 😡😡 ليوم مايفكك مني فكاك دخلات معايا فديك طوااليط لفيها جوج سنتيم تنتف وتعض كاااع سطولة لتما ضرباتني بيهم وواحد سراحة ديال طواليط خشاتها لي فوجهي با:(من برا) واااتي حلي وااش باغا تقتلي درية حلي مي:(حلات لباب، كتنهج) بنتك شي نهار تصفيها لي سمع ياك ولد خوك فالعروبية بغاها عطيها ليه نتهناو انا: هئ هئ ولله ماتكون ليكم سمعتوا ولله مانتزوج بعاطيس لمفرفر مي: على تي شكون يرضى بيك من غير داك لمفرفر انا: وااااع كيبول فحوايجو فليل مي: هو اه كيبول فحوايجو ولكن عمرك شميتي فيه ريحة لبول كيتك نتي ماعرفنا واش فيك ريحة لبول ولا ريحة لخرا انا:😢😢😢 نضت كنجري دخلت بيت شبعت بكا وضربتها بنعسة فليل سعيدة :(مرات خويا) فنة فنة نوضي انا: شنوا باغا سعيدة : نوضي راه رديت ليك لبرمة كتسخن نوضي دوشي انا: صافي واخا نضت دزت من حداهم كنخنزر ودخلت دوشت واخا ماكنحملش راسي ملي كندوش حيتاش كتمشي مني نسمة فهد مافهمتوو والو ياك دابا فلفاك فهد ملي كيدوز من حكايا ريحتو كطرشني فهمتوا دابا😂😂😂😂 كملت تدواشي وخرجت لبست بيجامة لقيت سعيدة موجداها لي لبستها وخرجت عندهم لقيتهم كيتعشاو دايرين بيض ومطيشة سعيدة: فنة اجي تاكلي انا:(هزيت كتافي) سعيدة: صافي ماديري فبالك والو مي:تي مالك باركا تحزري فيها هاهو بغات تاكلو تجي مابغاتش تنوض فحالها انا :😕😕 اه عقت بيك باغاني نوض باش تاكلي بيض راسك ولكن ولله متكون ليك مي: واشهدوا هاعباد لله با: لاحول ولا قوة إلى بالله انا:😡😡😡 (هزيت مقلة وتميت هاربة بيها لبيت مي حرقاتني فيدي ولاحتها وسط لمراح)واااع سليمان:(خويا؛ هز صندالة شير علي بيها )سيري لله يلكيها ليك انا:(قلزت ليه) مي: ولغضاااب بغيت ليك غبارة با: نوضي هابنيتي ياسعيدة ديري لينا شي بيضات ونتوما سمعوني هانعيط خويا كبير باش يجي يخطب يهنينا من هاد موصيبة سليمان: اه اباا هادا هو لحل عالله دير عقلها مي: (حطات زيف على فمها) هاتلاقى هي وهداك عاطيس مفرفر هايريتلو ديك لعروبية الكل:😂😂😂😂😂

يوم غد فلفاك انا: نوور مالك هاصاحبتي مقلقة نور: هاسكتي ياك بابا حصل عند ماما حجابات انا:😮😮 شنااما هاد لحجاابات نور: ويلي لحجاب واحد لحاجة كيديروها عيالات عند شوافة انا: ولااش نور: قاليك قبول ولتابعاها شي عين كتبطل انا: اه وباك آش دار مع مك نور: مابغاش يقتانع قاليك هالالا سحور انا:سحوور نور: اه انا: اجي سحور شنوا يقدر يدير نور: شنوا يقدر يدير أمم فحال دابا مثلا شي واحد كتبغيه وهو ماكيبغيكش كتمشي عند شوافة كتسيفط ليه جوادها كيولي يبغيك ولا مثلا عندك لعكس مع شي واحد كترجعو رطب من جهتك مهم كاع مشاكل ديال لبغو والفراق عندها انا: وهاد شوافة لكتمشي عندها مك عارفاها فين جات نور : اه ملي كنت صغيرة كنت كنمشي عندها أنا وماما انا:(درت شفت ففهد) وإلى قلت ليك ديني عندها آش تقولي نور:لا ماتقوليهاش باغا تسحري لفهد انا:😉😉 وآش فيها نور: لا هاختي خرجيني عفاك من هاد سوق وزيدون حرام انا: حرام علي وعلى مك لا نور:😟😟 لا ماما غير كدير حجابات انا" اوااه ملي كنتي صغيرة وهي كدير فالحجابات أنووضي تقودي مك سحارة سالينا ماكاين لا حجاب لا قلاوي نور:😡😡 شوفي ياديك لمعفونة هاتسكتينا لا انا: أمم هاهي ساكتة مي شوافة هاتديني عندها سمعتي تنطابق سما مع اﻷرض نور:واخا ليوم فالعشية انا: لا لا ليوم فالعشية ممسالياش نور: علاش انا:😌😌 جايين في للخطاب نور:😂😂😂😂😂😂😂 انا:😕😕 ماااالك نور: واش داويا بصح 😮😮 أنا: اه داويا بصح نور: وشكون انا: ولد عمي عاطيس مفرفر نور:(شدات كرشها) هههههههههههههههه 😂😂😂😂😂😂😂😂 لاااا ماتقوليهاش ونتي موافقة انا:لا مي دار بغاو يزوجوني بزز نور: بزز انا:😏😏 مااتخافيش موجدة ليهم شي حوايج هايبقاو حاالين فمهم نور: لعاار شنوا ناويا ديري انا:😉😉 حتى لمن بعد وتعرفي نور: ههه اووكي يالاه نمشيو انا: شوفي عفاك ندوزوا من جهة لفيها فهد نور : اووكي مشينا غاديين فطريقهم وهي تبان لي ياسمين لقحبة شادة فيد فهد تفقست دزت من حداها دفعتها وهي طيح على زكها انا: 😱😱 اووميقاد ياسمين: (وقفات) شنوا نتي مسطية ولا مالك شوفي شنوا درتي في انا:😒😒 ماشفتكش روان:(صاحب فهد ) ماحشمتيش انا شفتك كنتي متقصدة طيحيها انا: أولا نتا ماشي سوقك تانيا انا داويا مع هاد عوراجة نور: فنة ويلي باراكا من شوهة انا: طلقي تي طلقي ياسمين: سمعي انا مهانزلش لمستواك سمعتي حيدي من قدامي انا: على مال مستواي كيجاك فهد : مستوى منحط وهمجي أنا :😍😍😍 شكرا. الكل:😂😂😂 نور:(جراتني) ويلي ويلي شوهتي راسك هافنة انا: شفتيه شفتيه كيف دوا معايا نور : ويلي على غدايدي راه عايرك انا: احح هاداك هو معيار انا راه جاني فحال شعر نزار قباني 🙈🙈 نور: بااز ياختي باااز

عند فهد ياسمين:هاادي راها واحد لمسطية روان: وااييه لايحة لوراق ياسمين : انا هانقول واحد حاجة مي عارفاكم هاتفاجئوا فهد:😮😮 شنوا ياسمين: صراحة هاد لبنت كتجيني فحال إلى كتبغيك الكل:😂😂😂😂😂 فهد: ياسمين بب هه من نيتك ياسمين: مالك مكاتشوفش نضاراتها ليك فهد: أنا أصلا مكانعرفهاش ياسمين: سميتها فنة لايحة لوراق راه هي لكانو كيقلبوا عليها بوليس على بلان لوقع فطوبيس فهد : ههه نو ماتقوليهاش حمدي لله مادارت ليك والو كون راه حتى نتي فلقاتك هه مروان:(صاحب فهد) 😂😂😂 فهد تخيل نتا وياها اون كوبل خرية ديال ضحك فهد: ههههه مع انا مسطي كثر منها نروبلوها ياسمين :نتوما خايدين أمور بإستهزاء ولكن انا خايفة فحال هاديك لماركة تخاف منها تقدر دير أي حاجة فهد :(جرها من خصرها) ماتنسايش بلي أنا فهد برادة لمفروض هي لتخاف 😈😈 ياسمين:😅😅 فدار عند فنة انا:(كنضرب باب برجلي) واااع وحلوا مي: تي مااالك جاية ساعرة انا: لبوولة لبوولة هانتفركع دخلت كنجري مشيت طواليط بلت مي: ليوم عمك هايجي يخطبك لولدو سمعي لمك إلى مشيتي حتى درتي شي حاجة نقتلك ونشرب من دمك انا:😈😈 كوني هانيا ماما:😕😕😕 دخلت لبيت جلست شعلت تلفزة كنتفرج فإعادة مسلسل سامحيني شوية وانا نسمع با: مرحبا مرحباا بخيي عندنا عمي: (عنقو) أجي هنا هااخيي نقطع منك وحشي عاطيس مفرفر: هاا هااا حتى أنا بغيت نقطع وحشي مي:😱😱😱😱 (فخاطرها؛ويلي شداني نقوليه يجي يخطب ) عمي: يااااو تي كيفدااايرة هامرت خويا مي: لباس الحمد لله كيفدااايرة هاطامو طامو:(مت عاطيس) 😒😒 لباااس هاد ساعة ساعة أخرى معارت عمي: اشووفو راه جبت جوج فرارج بلديين وحتى من زبدة بلدية وحليب با: ولاش مصدع راسك عمي : هادشي كولو على قبل عروستنا مي:(فخاطرها؛ تقولو جايبين دهب )😅😅 طامو : إيوا هنبقاو واقفين هنا مي: ويلي غير سمحولينا مع لفرحة نسينا مرحبا مرحبا دخلوا طامو: من نهار جيتوا لهاد مدينة مابقيتو تعرفو لصواب زعما انا مت لعريس خصكم تلقاو لينا بالحليب وثمر مي:😡😡😡 ش عاطيس:(قاطعها) واااعمي تاراه دار بيضا زينة هااعمي غير نتزوج أنا وفنينة ديالي نجيو نسكنو معاكم عمي:(حيد بلغة عطاها ليه راس) ا تفوووو جيل قيمش مايحشم مايريمش عاطيس: واااااع 😢😢😢 وااانا شدرت با: صافي دخلوا دابا دخلوا جلسوا فصالون جابوا ليهم لغدا عيطو علي سعيدة : فنة نوضي راه كيعيطو عليك انا: قولي ليهم حشمانة 😈😈 سعيدة: حشمانة 😮😮 انا: تي سيري سعيدة: هاهي غادة خرجات سعيدة سعيدة : سمحولينا وخلاص راه حشمات تجي تغدا معاكم عاطيس: ياه حليلو فنة ديالي كتحشم عمي:(جمع يديه عامرة بلول ديال مرقة عطاها ليه لكمارة) سخاااااط 😡😡 الكل:😮😮 طامو: ياااويلي تاا مالك بارك تصمك فصبي بعد منو واش بغيتيه يتخروج هاكا هاكبيدتي لحيمة مي :😕😕 عمي: واهو صراحة عجبنا لحال بنتك مابغاتش تجي تغدى معانا حيت حشمات حااصول ربيتي وعرفت شنوا ربيتي با:(فخاطرو؛ لهلا يوريك عم لله شموجدة ليكم) مرحبا مرحبا بخويا 😀😀 بعد مرور ساعة طامو: إيوا عيطو لينا على بنتكم فنة نشوفوها مي: فنة فنة 😡😡 تي أجي انا:(بحنان) اووه صافي هاني جاية عاطيس: خخخ صوتها زوين هاابا خرجت من لبيت مشيت كوزينة سعيدة:😱😱😱😱 بسم لله رحمان رحيم انا:😒😒 آري صينية سعيدة : ويلي على شوهة حشومة باااغا تشوهي باك مع خوه انا: 😡😡 آري قلاوي ديال صينية خليني نخرج سعيدة : حرام عليك انا:😡😡😡 خديت صينية مشيت دخلت عليهم لصالون الكل:😱😱😱😱😱😱😱😱

هههه مهم هالبنات نشرح ليكم لبست واحد قفطان خضر مكتوب بالحمر شديت شعري عمرتوا بالحنة خضرة درت ماااكياج وكثرت من عكر لحمر وليت كنبان فحال جنية أنا:مرحبا بعمي ومراتو سيدي عاطيس كيفداير لباس لعاطيس:😱😱 مي شكون هادي فين هي فنة انا:(قربت عندو بصينة ) ويلي هادي انا فنة لعاطيس:(بالخلعة ضرب صينية تكب عليه براد اتاي سخون) وااااع واااااع مي مي: (ضربات فخادها) ويللي فنننة صكعة لعاطيس:(كيتنخصص) هئ هئ سخوون هاامي سخون طامو:(دارت عندي) قاالوالي عليك معفونة وفنيانة قلت ماشي مشكل ولكن مخروجة فعقلك الاا 😡😡 انا:😏😏 مسطية هي نتي ولمعفونة هي نتي عمي : ياكي يابنت خويا هادشي لنستاهلو من عندك وليتي تعايري فينا ونتا هاخويا ماحشمتيش هااا واش حنا ضربناك على يديك باش تزوج بنتك لولدنا 😡😡😡 خلينا شغالاتنا وخيمتنا با:(مصدوم) عمي:طامو نوضي حسكة خلينا نتليو لبلاد طامو: واخا ونتي هاعيشة (مي) عقلي فينمن درتيها فحالك فحال بنتك إلى مانخلي دوار كامل داوي عليك وشمي لي هنا انا: اجي من دابا نوشم ليك فترمتك عمي: لله يرحم ليك لوالدين هاولد مي وبا وربيتي وعرفتي شنوا ربيتي با: 😟😟 خويا مسحها في طفلة راه ماعندها عقل عمي: جرتلتينا ومسحتي بمراكتي اﻷرض انا:😊😊 عمي ماسميتهاش مراكتي كرامتي عمي:😡😡😡😡 (خرج وتبعاتو مرتو ومن وراها عاطيس لهبيل با تبعهم كيشدهم والو ما بغاوش) انا:😌😌 وهادي باش مرة أخرى ديروا شي حاجة انا ماباغاهاش خويا :(عطاني بونيا لعين) أنا : اييييي خويا: بغيت نعرف دينمك مناش مناش مصنوعة عندك 20 عام وعقلك فيه خرية انا: مااشي سوقك سمعتي خويا:(شنق علي) دايما دايما كنفكك عمري حطيت فيك يدي ولكن ليوم هانعاود ليك ترابي انا: سليمان 😡😡 جمع خويا يديه حتى لسما صرفقني مابقاش عارف راسو شنوا كيدير ولا غير كيضرب بلا وعي مرتو ومي كيجروه والو شتف علي مزيان وليت كلي دمايات دخل با كيجري جروا با :(صرفقوا) سليمان شنوا درتي سليمان :(وعى) 😮😮 ماعرفتش كيفاش فنة انا:(كنحاول نوض) سعيدة : بلاتي نعاونك انا: طلقي(كنهج) سمعوني انا ماضلمت حتى واحد فيكم نتوما لبديتوا نتوما وخاصة نتي هامي باغا تهناي مني يااك مالي آش دايرة هاا خارجة دايعة فزناقي كنتشمكر ولا شنوا ولكن كلشي هايتبدل صافي سمعتوا من ليوم كتجمعني بيكم غير هاد دار قسما بالله وباقي شي واحد يدخل في حتى نوريه وجه لاخور واقلة كنوريكم وجه غير فنة لهبيلة فنة لاخرا باقي ماشفتوهاش الكل:😟😟😟 ضربت فيهم ودخلت لبيت كنعرج وليت كلي كنترعد شبعت بكا ولكن فديك ساعة لكان مصبرني هي صورة فهد لكانت بين عيني متأكدة هايجي نهار لهنكون فيه مراتو وديك ساعة هو هايولي يدافع علي ويحميني خخخ مامتيقاش بلي إلى كنت معاه هايكويني 🙈🙈

فصباح 🌄🌄 نضت فصباح جمعت فراشي وجلست كنتفرج كل ساعة مي كطل علي مي:👀👀 أنا : مابقا حد يجلس راسو فهاد دار (سديت لباب) مي:😕😕 با: (من ورا لباب) فين فنة مي: راها سادة عليها فالبيت با: مافطراتش مي: لا حزرها حزرها با: فنة واا فنة انا: لا رد 😒😒 با: فنة واتي حلي راه جبت ليك بكية ديال فرماج انا:(نضت كنجري وحليت) حلف بالله با:😅😅 اه أنا:(دفعتوا ومشيت كنجري لكوزينة وفعلا لقيت بكية ديال فرماج شديت خبااز عمرتهم فرماج كلت خبرة وخبز لاخور درتوا فميكا وخشيتوا فثلاجة 😆😆 باش نفطر بيه يامات جاية) رجعت لبيتي انا : الو نور نور: الو انا: سمعيني ليوم نمشيوا عند شوافة نور:😟😟 خلي حتى مرة أخرى انا:يلعن زامل لحطك مع جوج نتلاقاو قدام باب لفاك نور:😣😣 صافي واخا ولكن ديك شوافة رآه كتبغي فلوس بزاف أنا : شحال نور: على أقل 200 . انا:😲😱😱 هاويلي وانا منين هاتجيني نور:😆😆 معرفتش انا: أجي نتي زعما مانلقاش عندك واحد 200 درهم نور: هاختي ولله ماعندي انا:😠😠 دايرة كيحليب لحمارة ماتنفعي ماضري نور: وانا اش هاندير ليك انا: والو صافي سكتي مهم مع جوج نتلاقاو فلفاك نور : واخا انا:(قطعت) قطعت وجلست كنفكر فالفلوس منين منين هانجيبهم سبحان لله وهي طيح علي ديك لمرا لعطاتني 500 درهم نهار فلقت داك خينة فطوبيس نضت لبست حوايجي وخرجت مشيت لفاك مع دخلة كنقلب على فهد والو مابانش نور:(من لور) فنة انا:(ضرت عندها) على سلامة نور:😱😱 مالك فوجهك انا: باروك لخطبة نور:😂😂😂 انا: زيدي راه تعطلنا نور:لا راه عندنا موعد مع شوافة مع 03.30 انا: وااشوف حتى هي بنت لقحبة دايرة داكشي برونديفو نور: واييه أجي نبركو هنا حتى توصل 03.00 ونمشيوا انا: لااا هانمشيو واحد بلاصة فاﻷول نور: فين 😮😮 انا: غير تبعيني وسكتي جريت نور مسكينة وتميت غادة بيها حتى وقفنا قدام طاروت زبل نور:فنة ختي راني عييت إمتى هانوصلو لبلاصة لقلتي عليها انا:صافي وصلنا (كنشوف فطارو) نور: فاش كتشوفي انا:هااكي شدي صاك نور:😱😱 شديت نيفي 😷😷 وتلاحيت وسط طارو كنتمرغ فيه

نور: 😱😱 ويلي يااااع شنوا كديري انا: ههه كندوش نور:فنة واش تسطيتي هاكي هاختي صاكك هانمشي فحالي انا انا:اجي لمك هنا نور: دايما كنقول علاش كتكون فيك ريحة خانزة قولي نتي عزيز عليك تمرغي وسط طوارو ديال زبل انا: سكتي يلعندينمك نضت خرجت من طارو نور:(تقيات) حرام عليك هافنة انا: شووفي سيري شدي ديك لقنت وتسنايني حتى نجي نور:😰😰 فين غادة انا: ماشي سوقك مشيت قدام باب فيلا ديال ديك سيدة نور:😮😮 انا: دق دق خدامة:(حلات لباب) طلابة هادي نتي انا: حشاك خدامة:😒😒مالي كدبت انا: كاينة لالاك خدامة: اه انا: سيري قولي ليها انا هنا خدامة: واخا دخلات ودرجات خدامة: دخلي انا: دخلت لمرا: مرحبا نهار كبير هادا انا:😣😣 شكرا لمرا: ماكاين لاش تحشمي هانتي سيري دوشي ومن بعد هبطي ندوي معاك انا: واخا إيوا طلعت ضربتها بتدويشة فداك دوش لكبير خرجت عطاتني خدامة حوايج جداد وهبطت عند لمرا انا: لله يكثر من خيرك هالالا لمرا: لاوا لاوا ماشي مشكل هاكي هاد لبركة قدي بيها انا:😈😈 لا شكرا لمرا: لا ولله حتى تشدي انا:(عنقتها) لهلا يخطيك لمرا: هادا واجب إيوا شديت ديك لبركة كانت فجوا وخرجت درت دورة وهي تشنق علي نور انا:😱 تفو خلعتيني نور: اش كنتي كديري لداخل انا: كنت كنتكوى برأيك اش كنت كندير كنت كننصب نور: باااز ياختي شحال عطاتك انا: اجي وقفي قدامي دركيني نور: هاني إيوا حسبت ديك لبركة انا:😮😮 تلاتين الف نور :ياختي حشومة عليك انا: حشومة مرات شيطان زيدي قدامي هانتعطلو على شوافة نور: صافي واخا إيوا شدينا طاكسي ومشينا نيشان عند شوافة فسيدي عبد رحمان مع دخلة تخلعت لقيت واحد صالة عامرة عيالات 😈😈😈 هاسحارة على ختها نور: راهي سكرتيرة اجي ندويو معاها انا: هاي هاي على شوافة حتى هي عندها سكرتيرة نور: ويلي سكتي انا:😑😑 هاهي ساكتة نور: سلام هاختي سكرتيرة: سلام نور: عندنا موعد مع لالا فخيتة انا: لالا فخيتة سكرتيرة: وي لالا فخيتة عندك شي مشكل نور : لا لا ماعندها حتى مشكل شوفي هاختي عفاك عندنا موعد بسمية فنة لعرج سكرتيرة: اه تفضلوا انا: يالاه ندخلوا سكرتيرة:😒😒 بلاتي فين هي ربعمية ديال ملف انا: هااااه لاا هه زوينة هادي نور:😡😡 فنة سكتي هاكي هاختي من جراتني ودخلنا وانا نتصدم 😮😮

ويللي دخلت وانا نتصدم هه كتشبه لي ملي كنكون انا فدار 😂😂😂😂 لقينا شوافة جالسة فوق واحد لهيضورة فلقهوي واقلة ديال لحمار 🐂🐂 هههه وفوق رأسها كاينين ريوس ديال لحيوانات كارمين مدورة بيها شي مجاااامر طالع منهم بخوور خانز أما شوافة عاكدة راسها بزيف حياتي وكاع واشمة انا:😂😂😂😂 نور: ويلي سكتي انا: ههه هاهي ساكتة شوافة : قليل نية عمرو مايطفرو انا:😕😕 نور: سلام هالالا شريفة شوافة: مرحبا شنوا حب لخاطر نور؛ صاحبتي عندها واحد لمشكل وبغات تحليه شوافة : واخا جلسوا نشوفو شنوا هاد مشكل جلسنا شوافة:احم احم نقولو بسم لله انا: بسم لله شوافة:😒😒😒 نور: فنة عطيها لفتوح أنا : اه اه واخا(جبدت ربعالاف عطيتها ليها) شوافة: تسليم تسليم تسليم انا ونور: تسليييم شوافة: شكون نتي بنتمن وشنو غرضك انا: سميتي فنة؛ فنة بنت عيشة وعلي غرضي هو واحد لولد كنبغيه ولكن هو مامعبرنيش شوافة :(كضمس فالكارطا) شنوا سميتو انا: فهد شوافة:(حطات قدامي لكارطا) حطي يديك قولي هاقلبي هاتخمامي هاباش يآتيني لله انا:👆 هاقلبي 👆هاتخمامي 👆هاباش هايآتيني لله شوافة : مزيان (فرشات لكارطا) إيوا اش هانقوليك هابنتي بيناتكم جبال كبار هاهوما شفتيهم أنا " اه 😣😣 شوافة: هاهي وحدة ماطويلة ماقصيرة زعرة وعندها خالة حدا فمها نور: شكون شوافة: نسولو مولات شي شكون انا: 😡😡 وشكون من غيرها عوراجة ديال ياسمين شوافة: هاد ياسمين طير طير دابا نوضي ديري سبعات خطوات فوق هاد لمجمر وبقاي تقولي فهد ياولد غالي ولغالية بغيتك تجي راكع وتمشي راكع انا: 😕 وباش عرفتي مو سميتها غالية وباه سميتو غالي 😬😬 شوافة: غالي وغالية كتقال على عدوسة وشيخ فهمتي انا: واخا إيوا نضت على سعدي ووعدي كنتخطى لمجمر انا: فهد ياولد غالية ولغالي بغيتك تمشي راكع وتجي راكع (عاودتها سبعة لمرات) شوافة: مزيان انا: صافي دابا هايولي يبغيني شوافة: ههه لا سمعي خاصك سيمانة جاية تجي وتجيبي معاك فروج كحل وتجيبي معاك شي طرف من حوايجو ومن أحسن يكون فايت لابسو انا:😞😞 صافي واخا شوافة: هاكي هاد لحجاب ديريه تحت وسادتك ملي تنعسي وبقاي تعاودي فديك جملة حتى يديك نعاس انا: صافي واخا (تمينا خارجين) ااا بلاتي هادشي عندو شي ضرر عليه شوافة: لاا كوني هانيا خرجت من عندها قلبي مقبوض علي وراسي هايتفركع نور كدوي وانا مامعاهاش كنفكر ففهد انا كنبغيه كنبغيه بواحد طريقة لمايقدر حتى واحد يتخيلها ونقدر ندير أي حاجة على قبلو

نور: فنة مالك انا: هاكي هاد 50 درهم سيري فحالك نور: ياويلي مالك تقلبتي انا: تي سيري فحالك بغيت نبقى وحدي نور:😣😣 واخا هاهي غادة مشات نور وانا هبطت لبحر بركت جبدت تصويرة فهد شبعت بكا مابغيتوش ييغيني بهاد طريقة ولكن ماعندي ماندير هادشي لعطا لله هو ضروري خاصو يكون لي ولا نموت ولكن فاﻷول خاص قحبة ديال ياسمين تعطيه تيساع دازت واحد ساعة ونضت مشيت لدار دخلت كنتسلت ساعة مالقيت حد فدار افف الحمد لله دخلت بدلت حوايجي وبركت كنراجع شوية وهي دخل مي كتزغرت مي: لو لوووولوووي انا:😕 آش واقع مي: مرت خوك سعيدة صدقات حاملة انا: بصراحة فرحت ليك سعيدة:😊😊 كنت بغيت نقول لعقبة ليك مي عارفة صعيبة عليك شوية انا:(اواه هادي مالها تقلبات) 😕😕 مي:(خنزرات فيها) على مالها حتى صعيبة عليها مالها ناقصها يد ولا رجل سعيدة:مالك لبقتيني هاخالتي هااويلي انا زعما حاملة ودرتي بي نتي وبنتك(طلعات كتجري لبيتها) انا: مي هادي مالها مي: هادا هو شغل بنات لعروبية كيتمسكنو حتى يتمكنوا انا: كيفاش مي: هادشي ماتفهميش ليه نتي سيري دخلي انا:واخا دخلت بيتي بقيت غير كنتعجب فالقحبة ديال مرات خويا بين ليلة ونهار تقلبات زوينة هادي. ودن لعشا دخل با وخويا خويا طلع عند مرتوا فرحان هبط مقندش سليمان : فنة جوج كلمات هانقولهم ليك مرتي بعدي عليها انا: هه زوينة هادي مالي شنوا درت ليها سليمان: ديك تهبلة ديالك ديريها فقنت أخرى مرتي فوتيها يالاه بغيت ندوي وهي يحبسني با با: فنة صافي هادا راه خوك كبير حتارميه ولقاليك قولي اه انا:😟😟 با: سير هاولدي عيط على مراتك تعشى انا:(نضت دخلت فحالي لبيت) مي:(تبعتني) فنة بلا ماديري فبالك انا: خرجي سيري فحالك نتي كنتي حاضرة واش انا قلت ليها شي حاجة مي: لا انا: ملي لا علاش مادافعتيش علي مي:😟😟 شوفي هابنيتي دابا هي حاملة وأي حاجة بغاتها ديريها ليها انا: بصااح خرجي هامي فحالك لله يعطيك ستر خرجات مي فحالها بقيت كنتغدد واشوفو لعروبية لمصنكعة شنوا دارت ولكن ولله ماتبقى فيك غلب علي نعس درت حجاب تحت مخدة وبقيت كنقول انا: فهد ياولد غالي وغالية بغيتك تمشي راكع وتجي راكع (بقيت كنعاودها حتى نعست )

فصباح مي: فنة وفنة تي نوضي راه 7.30 هادي واش ماغاداش تقراي انا:😲😲 ويلي ويلي متحان نضت كنجري كنلبس فحوايجي خرجت من دار شادة شدك ديال خبز وصلت حدا بلاكة ديال طوبيس وهو يوقف طوبيس طلعت بلا مانشوف شكون شيفور ومع زهري مكوز طحت فطوبيس لفلقت فيه داك خاينة شيفور:(وقف ) ليوم مايفكك فكاك انا:😢😢 لله يرحم ليك والدين راه عندي متحان شيفور:(دفعني فوق كرسي وعيط على واحد خاينة كالاني) شيفور: ليوم تمشي فين ترباي مشيت لفاك دخلت يالاه بداو كيفرقوا فالوراق انا: سمحلي عفاك هئ هئ شيفور: هاد لبكا يقدر ينفعك فكوميسارية رجع شيفور بلاصتوا كيصوك وانا كنهرنن متحان شحال وانا كنوجد ليه فلخر كلشي ضرب فزيروا 😣😣 إيوا داك شيفور يصوك وينكر كاع لكانو فطوبيس خراو علي ضحكة ضرب دورة وهو يوقف فلبلاكة لحدا طوبيس شيفور: يالاه نزلي انا: حلف بالله شيفور: واتي نزلي انا: لله يرحم ليك والدين شيفور: ديري عقلك وقابلي قرايتك باراكا من مشاكل انا: واخا هبطت كنجري من طوبيس كلي كنترعد دخلت لفاك مشيت نيشان لقاعة ومن سوء حظي لقيت لهايحضيني أستاذ ماكيحملنيش انا:(بديت كنبكي) ولله لعظيم هاساد مادرتها بلعاني أستاد: دخلي دخلي دخلت جلست كنرتاح تفو على صباح دينمو كيفداير 😣😣 أستاد: اش كتسناي بداي انا: واخا تحنيت على ديك لورقة ديك ساعة كيتسمع غير سمية فنة فنة نسيت ماقلتش ليكم ختكم واخا هبيلة قراية لعام لول فاليديت كاع للمواد 😉😉 درت بغيت نتكلم وهو يوقف علي عزرائيل أستاد: دوري مرة أخرى تقرير انا:😰😰 صافي واخا مشا ولد لقحبة وانا تكيت على لورقة خرج ياما تخرج ديك لورقة ولات كطلب شرع وصل وقت وبداو كيجمعوا فالوراق انا: عفاك عفاك يرحم باك غير هاد جواب نكتبو أستاد :😕😕 ولد : وااباز ماعرفنا منين نشدوك هادي هي دير هبل تربح ليشوفك يقول مكلخة انا:(كنكتب) مامسالياش ليك دابا حتى نخرج كتبت جواب وخرجت عند ولد لقحبة ضربتو بشكارة انا: يلعنمك ماتقراو ماتخليو ناس يقراو ولد:(تصدم)😲😲 فنة انا:(شنقت عليه) مالك هااا فهد:(كيتفرج من بعيد ) 😂😂😂😂 ياسمين :(كتغدد) هاني جاية مشات ياسمين طواليط دخلات سدات عليها جبدات كارو كتكمي فهاد لحظة دخلات نور كتبكي حيت مادارت والو فمتحان وقفات اونفاس مع لمرايا كتمسح فدموعها شوية وهو يصوني تيلي نور: الو وي سكرتيرة: انا سكرتيرة ديال لالا شريفة نور: اه ديك شوافة سكرتيرة: آه سمعي راه لبارح نسيتو ماعطيتوش لالا شريفة تصويرة نور: اه نسينا سكرتيرة: عفاك دكريني فسمية داك خاينة لناويين فيه ضربة نور: سميتو فهد فهد برادة سكرتيرة: وديك بنت مولات شي شنوا سميتها نور: سميتها فنة سكرتيرة : صافي بسلامة نور:(قطعات ) داخل عند ياسمين ياسمين:😱😱😱

سمعات ياسمين كلشي وفهمات شنوا واقع خلات حتى خرجات نور وخرجات كتجري مشات عند فهد ياسمين:(كتنهج) فهد فهد فهد:😲😲 مااالك ياسمين:فهد خصني ندوي معاك فواحد الموضوع ضروري فهد : شنوا واقع ياسمين : خصنا ندويو وحدنا فهد: اوكي اجي طوموبيل دراري سمحولي دراري: هانية مشا وهو ياسمين طوموبيل فهد :وي شنوا واقع ياسمين: ماعرفتش كيفاش نشرح ليك فهد: طلقينا فراجة وقولي شنوا كاين ياسمين : كنت فطواليط داخل دخلات ديك لبنت صاحبة ديك لهبيلة فهد: علامن داويا ياسمين : فنة وصاحبتها فهد: ومن بعد ياسمين: صاحبتها كانت كدوي فتيلي مع شي شوافة عليك فهد : ههه زوينة هادي ياسمين : هاديك فنة باغا تسحر ليك هفهد باش تولي تبغيها فهد: 😱😱 كضحكي معايا ياسمين" واش هادشي فيه ضحك أقسم لك بالله فهد:😡😡 هادي مالها تسطات ياسمين: فهد خاصك تلقى حل فهد:😈😈 حل عندي صاحبتها ياسمين: كيفاش فهد: حتى من بعد وتفهمي عند فنة تي طلقي طلقي واععع طلقي ليوم نوريك لالاك فنة علاش قادة نور: فنة خلينا نمشيوا أنا : يالاه مالك شنوا واقع نور: عيطات سكرتيرة ديال شوافة انا: شنوا بغات نور: ياك نسينا ماعطيناهاش تصويرة انا: ويلي نسيت نور: واشتي انا " شنوا نمشيوا عندها دابا نور : لا لا ماشي ليوم خلي حتى لغدا انا: صافي واخا كيف دوزتي متحان نور:😣😣 مادرت والو انا: ياك شرحت ليك نور: وراكي عارفة فهامتي ثقيلة انا: صافي دابا يعطيوك رطراباج نور: نتمنى ضربت انا ونور حتى بلاكة ديال طوبيس داخل طوموبيل فهد ياسمين: راهوما راهوما فهد: راه ماشي عور كنشوفهم بغيت غير امتى تمشي ديك مسطية فحالها أما بخصوص لاخرا حلها عندي ياسمين :😕😕😕 عند فنة نور:هاهو طوبيس ديالك جا انا: يالاه بسلامة وسلمي على مالين دار نور: مبلغ طلعات نور فطوبيس وهو يوقف عليها فهد كعزرائيل فهد : نور سحارة نور:😟😟 نعام فهد: بعدا عارفة راسك نور:مافهمتكش فهد: هاطلعي معايا فطوموبيل وهانتفاهمو نور: علاش فهد : على سحور

جر فهد نور من يديها وطلعها بالقوة ياسمين: مرحبا بصاحبة سحارة نور:😡😡 هبطوني انا ماعرفتكمش علاش داوين فهد: بلا ماديري فيها لبراءة نتي عارفة وانا عارف نور : شوف لله يرحم باك عندك شي مشكل مع فنة سير حلوا فتيساع ياسمين: هو بصح لمشكل كاين مع فنة ولكن تفسيرو عندك هابب فهد: شوفي لنطولوه نقصروه صاحبتك شنوا باغا من عندي نور:😑😑 سير سولها فهد: نور ماتنسايش بلي خوك خدام عندنا فشركة فرمشة عين نقدر نطيرو نور : حرام عليك فهد: ونتوما ماشي حرام باركا نتي وصاحبتك كتسحروا لي نور: فنة بنت ضريفة وقلبها بيض كتبغيك بزاف حلمها هو نتا فهد: وهانتي قلتيها حلم ولكن باش تنوض تآديني لا نور: نتا راك ما عارفش فنة دور حتى تعيا عمرك تلقى وحدة تبغيك كيفها ياسمين:😡😡😡 فهد: دابا هاتعاودي لي بتفصيل نتي وصاحبتك شنوا درتوا لي نور :😟😟 (عاودت ليه كلشي) فهد: هاد شوافة فين كاينة نور: فسيدي عبد رحمان فهد : مزيان ياسمين هبطي سيري شدي طاكسي ياسمين: ولكن فهد:😬 قلت ليك هبطي هبطات ياسمين وكسيرا فهد ومعاه نورة نيشان سيدي عبد رحمان وصلو فهد ونورة ودخلوا للداخل عند شوافة سكرتيرة : جيتي جبتي معاك تصويرة فهد: لا راه مول تصويرة براسو جا برجليه سكرتيرة:😍😍 نور : عفاك هاختي بغينا نشوفوا شوافة سكرتيرة: واخا بلاتي (دخلات وخرجات) دخلوا دخل فهد هو ونور شوافة: شنو واقع فهد: ماواقع والو بيناتنا حساب خاصو يتحل شوافة: تي شكون هادا فهد: انا هانقوليك شكون هادا هادا هو لصاحبة هاد خيتي بغات تسحر ليه شوافة:(شافت فنور) ويلي ويلي على صحبة صافي شوهتيها فهد: نسايها هي وشوفي في انا شوافة: شوف لله يرحم باك انا راه ماعندي ماتصور مني غير لبرد فهد: نور خرجي نور:😣😣 (خرجات) فهد: واش عرفتي ولد من انا شوافة:😏😏 ولد شكون فهد: عائلتي كنيتهم برادة خوالي وزراء قسما بالله فلحظة هاد لقنت نريبها شوافة: كتهددني فهد: لا انا جاي هنا باش نديرو تفاق شوافة: شنوا هو فهد: انا هانغرقك بالفلوس ونتي هاتبقاي مع فنة فسيستيم

شوافة: كيفاش فهد: هاتخدمي مع فنة كيفما من لمفروض انك تخدمي معاها طبعا تحت إشرافي شوافة: اه فهمت فهد: هاكي هاد فلوس وهانمرتي فينما تكون باغا تجي عندك عيطي لي شوافة:صافي كون هاني فهد: مزيان أنا هانمشي دابا تشرفت بمعرفتك الالا شوافة شوافة:😅😅 بسلامة خرجوا فهد لقا نور عينيها حمرين بالبكا فهد: تت مالك بقات فيك صاحبتك نور:فنة ماتستاهلش هادشي لهدير فيها فهد: يااك وانا نستاهل هااا بغات تخرج لي على صحتي نور: خاصك تعرف بلي فنة ماكانتش ناوية تآديك هي كانت باغا غير نضرة منك فهد: لواحد هو ليحلم ويلبس على قدوا نور: نتا شخص متكبر وهادي اول مرة كتبقى في فنة كتبغي شخص أناني وماكيسواش فهد: دابا براكا علي من هاد هدرة خاوية وسمعي إلى مشيتي حتى قلتي شي حاجة لصاحبتك معوقة نساي مستقبل خوك نور: انا هنسكت وكلت عليك لله ياخد فيك لحق فهد : 😏😏 كون كنتوا كتعرفو لله كعما تمشيوا عند شوافات نور: هو بصح حنا غلطنا مي نتا دابا شنو كدير فهد :(طلع فطوموبيلتو) مامضطرش نشرح ليك عند فنة سعيدة:(كتغني) عندو زين عندو سعيدة دارها فدارو انا:(كنغوت)مي واامي مي:(دخلات عندي بيت) مالك انا: مي عفاك قولي سعيدة تسكت رآه باغا نحفض مي: 😟😟 صبري شوية هابنتي انا:😒كيفاش نصبر سعيدة:هي صدعناك هالالا فنة انا: شوفي عفاك غير نقصي صوتك شوية رآه باغا نحفض سعيدة:شوفي حبيبة هادي فلخر كتبقى دار راجلي نتصرف كيف بغيت سمعتي نتي للاصقة فينا سيري قلبي على شكون يسترك يالبايرة انا:😡😡😡 مي: ياك هابنيتي ياسعيدة وليتي تعايري بنتي طاي طاي وزيدون هاد دار داري قبل ماتكون دارك ونزيدك مول دار هو راجلي بات فنة سمعتي سعيدة: يااكي جلسات اﻷرض حيدات زيف من شعرها وبدات كضرب فراسها وكتغوت سعيدة: فينك هامي فينك هاابويا أجي طل على بنتك لعدوسة ولوسة داروني بيناتهم وبداو يهنشروا في انا ومي:😮😮 فهاد لحظة دخل با وخويا سليمان: سعيدة مالك سعيدة : سول ختك مالها معايا با: فنة آش درتي لبنت انا:مادرت ليها والو وهامي شاهدة سليمان: (بغا يضربني) مي: بعد لهيه مالك ياكما بانت ليك بنتي شايطة علي جمع كراوعك لهيه سعيدة:(كتبكي) سليمان قرر يا انا ياختك فنة هنا سليمان:😮😮 سعيدة تسطيتي سعيدة : شوف انا راه وليت خايفة على لولد لفكرشي من ختك لمسطية انا:لهلا يحييك يالكدابة با:😡😡 فنة جمعي شاكوشك ليوم فليل نسيفطك لعروبية انا:هه زوينة هادي لعروبية هي لناقصة با: مكانضحكش معاك مي: لاوا لاوا هاسي حمد با: كلمة وحدة قلتها سعيدة:😊

انا: هئ هئ مي ديري شي حاجة مي:(كتشوف فسعيدة) لله ياخد لحق فلي كان حيلة وسباب جراتني مي من يدي ودخلاتني لبيت كتجمع فالحوايج وماكتشوفش في انا:(كنبكي) مي هئ هئ دوي مع با مي:(جلسات اﻷرض وبدات كتبكي) 😭😭 على قبلك جيت لمدينة بغيتك تقراي وتوصلي وتزوجي هنا فالمدينة وشوفي فلخر شنوا وقع انا: مي انا مادرت والو مي: اه مادرتي والو ولكن تبهلة ديالك هي لدارت داكشي علاش باك وخوك ماتيقوكش انا:😢😢 بغيت غير نعرف انا شنوا درت لسعيدة مي: هاديك راها لغيره هابنتي لغيرة انا: وعلاش 😕😕 مي: حيت نتي قاريا وهي لا انا:😣 مي: نوضي كملي جميع لحوايج انا هانمشي ندير ليك ماتاكلي أنا : واخا سيري نضت على سعدي ووعدي كنجمع فالحوايج وكنبكي كنفكر غير ففهد مامتيقاش بلي صافي مهانبقاش نشوفو 😭😭 لله ياربي مانقدرش مايمكنش مايمكنش نمشي ونخليه هئ هئ دازت ساعتين وهو يوقف با فوسط لمراح كيتسنى با: فنة وفنة يالاه انا:😈😈 واخا هاني جاية خرجت عندو لمراح كلهم واقفين مي :(عنقتني) هاتمشي تما هاتلقاي عمتك كتسناك راه هاتهلا فيك انا:عارفة سليمان: هاكي هاد ربعالاف قضي بيها انا: خليها عندك راه يالاه تحزر بيها مرتك سليمان:😬😬😬 انا: سعيدة نتي عارفة وانا عارفة شكون ضالمة وشكون مضلوم وانا ليوم هانقوليك لله ياخد فيك لحق فاخير ياماتي ولا با كيجري علي من دار ولكن داكشي لبغيتي توصلي ليه هو لعمرو مهايكون سعيدة: أمم واخا بسلامة عمتك عندها لبكر بزاف يالاه تعاونيها هزيت صاكي وخرجت من دار وبا غادي بجنبي مكاندويش معاه شدينا طاكسي بيض نيشان لمحطة قطع لي با فالكار با: هانتي طلعي وملي توصلي هتلاقي عمتك كتسناك انا: صافي واخا با: ديري عقلك لله يرضي عليك انا: كون هاني أصلا نهار لهتشوفوني فيه هاتلقاو فنة وحدة أخرى ضربت فيه وطلعت لكار هو بقا واقف حتى زاد لكار غير مشا لكار وبا مابقاش كيبان انا: وقف وقف شيفور:😕😕 آش واقع أنا : قلت ليك وقف شيفور:( وقف ) انا: حل لي لباب حل لي لباب وانا نهبط شفت على يميني ويسري مابان لي حد شديت طاكسي حمر نيشان لفيلا عند ديك لمرا

وصلت قدام فيلا ديال ديك لمرا وانا نصوني كيف ديما خرجات لي لخدامة أنا : سلام خدامة: شنوا باغا انا: كاينة لالاك خدامة: اه انا: قولي ليها انا هنا خدامة: دخلي هي راها موصيانا عليك دخلت جلست فصالون وهي تهبط عندي لمرا: مالك ياك لباس انا: تقطع بي لحبل ومالقيتك غير نتي لمرا: ياكما عاوتاني جرات عليك مرات باك انا: ماكينة لا مرت با لا والو مرا:😮😮 كيفاش انا: هانعاود ليك لحقيقة وعارفاك هاتقلقي وتقدري تعيطي بوليس لمرا: شنوا واقع انا:(عاودت ليها كلشي) لمرا :😂😂😂😂😂😂😂😂😂 انا:😕😕 مالك لمرا:هههههه نتي بزاف ولله انا: ماتقلقتيش لمرا: شوية وصافي ههه هي هادشي كولو دايراه على قبل لولد انا : اه لمرا: شنوا سميتوا انا: فهد برادة لمرا: اه عرفتوا صراحة عائلتو ضريفين بزاف غير هو مو كتشكى منو بزاف مقابل غير لبنات ودوران انا: 😣 لمرا: مهم دابا نوضي ترتاحي انا: سمحتي لي لمرا : ملي عاودتي لي لحقيقة ماشي مشكل بمناسبة انا سميتي سليمة انا: مزوجة لمرا: أه مي راجلي ماكيجيش بزاف علاش ياكما حتى هو ناويا تسحري لسه أنا :😮 لا لمرا: ههه هبيلة غير كنضحك معاك نوضي تنعسي ومرحبا بيك عندي انا: شكرا لمرا: ماشي مشكل جات خدامة طلعاتني لبيت لهنولي ننعس فيه وااااو فين تباان ديك لخربة ديال دارنا داكشي بزاااف اه نسيت ماوصفتش ليكم ديك لمرا مهم هي زوينة فوجهها واخا كبيرة فالعمر تكون عندها ديك 47 عام كيف شفتوا باينة فيها بنت ناس وقلبها بيض

يتبع