طلعو فالهونضة مباشرة للدار الجديدة ... دخلو للعمارة لقاوها باقا جديدة وريحت الصباغة مزالة فيها .. الاسانسور جديد واللسقة على الازرار مزال متحيدات . طلعو كيشوفو ويرددو " تبااارك الله " دخلهم محمد للشقة فرحان متحمس وبداو يدورو فعينيهم ويشوفو السقف والحيوط والاركان ... دار كبيرة مفتوح فيها صالون كبير بلدي مفرش على صالون صغري رومي فيه تلفازة كبيرة وفوطويات ... حيوط بصباغة الياقوتة بالوان باردة متموجة وسقف بالخشب منقوش ... غرف كبيرة مفرشة.. جوج غرف نوم وغرفة اطفال وكوزينة كبيرة فيها طاولة للاكل بالكراسة زاءد جوج حمامات واحد فغرفة نوم واحد للجميع من فالبيت .. كبير مجهز وجاكوزي فالقنت بالزاج مسدود زاءد سيجور فالدخلة ديال الدار كبير واسع ... مطبخ حديت بيه شرفة كطل على الشارع ومجهز بكلشي . عجباتهم الدار وفرحو بيها .. الفرحة فعينيهم كانت كبيرة لاتوصف ... بأعجاب قالت خديجة
خديجة : تباارك الله شحااال زوينة ... الله يدخلها علينا بالرزق والتيسير
شافت فيها مليكة وهي طايرة بالفرحة وقالت: نتي غتمشي لدار راجلك .. لفيلا كااع الاللة .
خديجة : واخا هاكاك فرحت
رن هاتفها وحلات جاوبات : الو
يوسف : الزين ديالي ... اش كديري
خديجة : امم عليها تفكرتيني .. النهار كامل معيطني حتى لدابا
يوسف : يالاه خرجت من البرلمان وعيطت لحبيبة ديالي هي اللولة ... فينك اش كديري
خديجة : جينا للدار الجديدة ههه .. شكرا زوييينة
يوسف : شكرا مانعاودش نسمعها منك ولا مخسر معاك
خديجة : هههه لاهلا فين شكرا يالاه
يوسف : هاكاك... مهم الاوراق واجدين باش نديرو العقد
خديجة : مزال موجدنا راسنا ايوسف
يوسف : اش غتوجدي؟
خديجة : باش ندير العرس
يوسف : علاش باغا الهيلالة اخديجة ... قلتي ليا رجعتي باغا غير حفلة فيها حنا القراب
خديجة : خفت ندم الى مدرتوش
يوسف: شوفي اللي عجبك انا مغنحرمكش منو .. ولاكن كما قلت ليك انا مغندخلش عند العيالات ونتي مغيدخل عندك حتى راجل ... ايوا ديري اللي عحبك
خديجة : غندير غير فهاد الدار... ماعندناش العاءلة بزاف
يوسف : نتي تعرفي مهم انا كَولي ليا شنو بغيتي بالضبط حيت لا عقدت عليك مغتزيدي حتى دقيقة فدار خوك ... وكتكوليش ليا حتى ندير العرس عاد نمشي حيت ماقااابلش ومامواافقش .
اليتيم حرب الأصول الجزء 21
محتوى القصة
التنقل بين الأجزاء