بار 36 الجزء الخامس

من تأليف Yassmine Yass
2018

محتوى القصة

رواية بار 36 للكاتبة ياسمين

مهدي: (متفاجئ) ريم!! شكاديري هنا؟؟
ريم: (زاظت قربات عندهوم وكطلع وتهبط ف نهى وماكرهاتش طير عليها ) شكاندير هنا؟؟؟ هاد السؤال السي مهدي انا الي خاصني نسولو...شكاااادير هاد خيتي هنا؟؟؟ فالدار الي غاتكون داري!! وطالع بيها الفراش الي غايكون فراشي؟؟ واااش عارف راسك اش كادييير؟؟؟ وباش بدلتيني!! بقحبة؟؟ كتبات دور فالبيران ومن بواط لبواط؟؟؟
مهدي: (غوت بعصبية) رييييييييم😬😬 احتارميها ولا...
ريم: (قاطعاتو وغوتات فوجهو) ولا ااااااا اااش؟؟ هاااا علاااش غانحتارمها ايلا كانت هي مامحتارماش راسها؟؟
نهى غي ساكتة مادوات ماتكلمات غي كترمش فعينيها ومبردة السوق...وريم الفوار خارج من ودنيها وكتسوط...قربات من نهى وضحكات بسخرية وقالت بتهكم...
ريم: ههه...واااو. نهى القحبة...من شفارة والبار طخونط سيس..مابانلك غا مهدي باغا تلوي عليه..تيقتي راسك ولا شنو؟؟ تعياي طيري وتنزلي غتبقاي مجرد نزوة فحياتو احبيبة...ونتي غتبقاي قحبة غيلعب فيك كيما بغا ويلوحلك جوج دريال ويگولك الباب الحباب...كترتو يا بنات القحاب..كون عرفو واليديكوم يربيو گاع ماتوليو بحال البلاكة دالسطوب...فين مامشينا لقاوكوم...موسخة دالخلا الي جا يرمي فيييك تفووووو...
مهدي: (شدلها فدراعها وزير عليها وقال وهو كيهضر تحت سنانو بعصبية) رييييم...غاتجمعي ولا غنتصرف معاك شي تصرف ماغايعجبكش..
ريم: (تنترات منو وكضحك) ههه...وااايلي!! كتر من هاد التصرف الي درتي؟؟ باقي شهر على زواجنا ونتا گالس تسلگط ليا مع قحبة وغادي مدوز عطلة نتا وياها!! ماكنتش عارفة بالي هاد النوع كيطربك ومكنتش عارفة بالي كتعجبك الشياطة دوحدين اخرين...
مزال ماكملات هضرتها ...تعصب وعلا يديه حتى لسما حتى كان غايجمع معاها بتسرفيقة وشداتهاليه نهى...دار شافبها..ضحكات وقربات لودنو وهمساتليه بشوية وريم كتشوف فيهوم وكتفور فبلاصتها...
نهى: هاد الليلة ضاعت احبي حتى نشوفك فالراطراباج غدا...راك عارففين تلقاني...
باستو فحنكو وشافت فريم الي عينيها خرجو من بلاصتهوم ومامتيقاش داكشي الي كتشوف...غمزاتها نهى وقالت...
نهى: كو كان بنادم كيقضي شي حاجة بالشفوي كوراه كنتيقو رئيس الحكومة فالبلابلا ديالو...(هزات يديها وشيراتلها بيهوم) تشاااااو...
مشات كتعواااج قدامهوم حتى خرجات على برا طلاقاها الشيفور بساكها وسوارت طوموبيلتها ..ركبات فيها...شعلات الموسيقى وزادت...
ريم باقا مسمرة فبلاصتها وكدور فعينيها ومكترمشش...حتى شدها مهدي بعصبية من دراعها..خرج فيها عينيه ودوا...
مهدي: ماغاديش ندوزلك هادشي الي درتي اليوم...ودبا غاتخرجي ولا غانزدقو فشي طاب وشي ماطاب...
ريم: (شافت فيه وقالت بعدم تصديق) واش نتا فعقلك لا؟؟ واش عارف راسك اش كدير؟؟ واش عارف هادشي فين غيوصلك؟؟ نتا هنتيني وهنتي مشاعيري ومرمدتي بكرامتي الارض وقدام من؟؟ قدام بنت الزنقة؟؟ شنو الي خلاك دير هكا امهدي؟؟ هاااا؟؟ دوييي؟؟ (تنترات منو بقوة...تحجرو الدموع فعينيها وكتسناه ينطق)
مهدي:(بنفاذ صبر وكيدوز على يدو بعصبية) ماعندييش باش نجاوبك دبا سيري الله يخليك...قبل مانفقد اعصابي معاك...
شافت فيه ومصدومة من هادشي الي طرا...جمعات ماتبقا من كرامتها وخرجات بحالها...وهو بقا غادي جاي فالدار وشاد فراسو وكيزفر فالسما...
نهى وصلات لباب العمارة سطالات طوموبيلتها ونزلات كتجري...طلعات فالسنسور شادة فجنابها وكتلوا....حلات الباب دخلات لقات البنات گالسين فاتي كدوي فابتيلي وسكينة طالقة رجليها كتصبغهوم والتلفزة مشعولة كتفرج فجلسات وناسة...لاحت صاكها ونصلات صنظالتها بزربة وكالتلهوم السلام من بعيد ودخلات نيشان للطواليط كانت مزيراها الخرية...زدحات الباب ...طلعات كسوتها وكلسات...عاد حسات بالراحة وردات النفس...بقات شي نث ساعة فالطواليط عاد خىجات عند البنات كتلهت...وقفات وشافت فيهوم..
نهى: اااااح البنات عرفتو اجمل احساس فالكون الي غنات عليه اليسا؟؟ هو فاش كتخرجي من الطواليط من بعد يام3 ديال العصمة...اااااخ ماكاين لا احساس بالحب لا سي زبي😍😍

سكينة: ايوا الله بعطيك الدل..الناس تغبر وتجي تگول توحشتكوم ونتي بادياها بالخرا من الباب...
نهى: هههه طليه بيديك لوخرا...
جات سلمات عليها وسلمات على فاتي الي كدوي فالتيلي ومامسوقاش اش كيطرا حداها.كتلعب بشعرها وكتبان فرحانة...وحنيكاتها مزنكين..مشات كلسات جنب سكينة ودوات بشوية وشبراتليها بعينيها جهة فاتي...
نهى: هاد سندريلا لقات صباطها؟؟
سكينة: هههه وايييه لقاتو....راه جا قدها وغايجي يخطب...
نهى: وااايلي خرجليه الطلاق؟؟
سكينة: اه...وراه قريب غايتزوجو..دبا بقا المشكيل كيفاش غادير مع عائلتها...
نهى: تسناي تسناي...داكشي حلو ساااهل...
كحزات بشوية حتى جات جنب فاتي قربات لتيليفون ودوات بالجهد...
نهى: وا اخيييييرا درتي فيك النفس ا بولولو وطلعتي راجل...
فاتي صفارت وخضارت وحيدات التيلي على ودنيها وطلعات معاها بقرصة وهي كتموت بالضحك...وكتحلف فيها بعينيها وهو سمعها كيگولها شكون هادي؟ غرقات فبلاصتها وقاتلو نهى...وناضت بجرية من حداها قبل ماتزيد تزبلها ودخلات للبيت
سكينة: ههههخ...الله يمسخك...شفتك راشقالك..اش تم؟؟
نهى: (تكات براسها على الفوطوي وطلقات رجليها على الطبلة وتنهدات) هاااااح..والله ماضربتلك حوية تحت النجوم ايلا مقوداااااا
سكينة: هايهايهاي...تقدمتي الاخت ...طلعتي كراض وليتي تكواي فأعالي البحار هههه
نهى: فالبر..فالجو...فالبحر...غانتكوا غانتكوا...هههه احتمال كبير تشوفيني هازة رجلي فالگمرة الزين...(ناضت) كاين شي عشا؟؟
سكينة: (كتنفخ على الصباغة تنشف) راه فالكوزينة دايرين غالشعرية...
نهى: بفففف..الشعرية كون غا لصقتيهوم ودرتي السباگيتي...كاين الخيار؟؟
سكينة: هههه...غاتكفتي بيه؟؟
نهى: هههه..الكوية الي ضربت البارح گهماتني...بغيتو لصدري...
سكينة: عاوتاني داك الخلطة العجيبة ديالك؟؟
نهى: هههه...واشنو يسحابلك هاد الخير كولو باش كبر؟؟
سكينة: هههه كبر بالتعباز ابب...
نهى: (ناضت) حايدي حايدي...هادشي متعرفيش ليه نتي...
مشات كتعواج غي بالحفا..دخلات الكوزينة قادات سندويش كلاتو بالخف...وجبدات الخيار حكاتو مزيان وعصرات الما ديالو دارتو فطاسة ودخلات لبيتها...حيدات الكسوة والسوتيانات بقات صولو ودهنات صدرها بالما دالخيار وخلاتو حتى نشف ولبسات تيشورت خفيف وميني ...ومشات هزات التيلي ودوزات نمرة سعيد....
سعيد: (بصوت مبحوح وباينة فيه مقرقب) اااااااالو....
نهى: افييين اراس القجر...
سعيد: (كيهضر ساخط على الوضعية) فين بغيتيني نكون اديك الواسعة..عاصر فراس الدرب...
نهى: اووووه...سعييييد لماذا انت حزين؟؟
سعيد: واش الي عايش فهاد البلاد غايكون سعيد...غالله يعطينا مع طبونمهوم المؤبد فعكاشة...
نهى: صافي صافي بلا ماتبدا تغبن عليا..دبا من اللخر..بغيتك فواحد البلان...
سعيد: فيه شي فلوس؟؟
نهى: الفلوس لقيتهوم تا لكري..مالك غطلعليا السواري...
سعيد: بلاناتك حامضين الساطا...اش بغيتي؟؟
نهى: تعقل على داك السفريطة الي كريسيتي داك النهار؟؟ فاش كنا غاديين عند الميكانيسيان؟؟
سعيد: ايييه مالها؟؟
نهى: باقي ساكها عندك؟؟
سعيد: ههه...تي نوضي راني بعتو..زدق ماركة بعتو ب 500 درهم...
نهى: شو ولد القحبة...كون عطيتيه ليا انا كنقيل عاصرة على الصولد فليبوتيك...مهم دبا ماعليناش...وراقها باقيين عندك؟؟
سعيد: ايييه راه عاد كنت ناوي نصيفطهوملها فالبوسطة ...
نهى: هههه وااااو...شفاار وعندو مبادئ...مهم سمعني مزيان...غاتجيبهوم غدا وتجي عندي على الصباح...
سعيد: نجيبهوملك اييه متافقين ولكن على الصباح صعيبة شوية ابنت ميمتي...
نهى: شوف اداك الزامل...غدا تكون عندي على الصباح ولا والله تم والله حتى نصيفطلك شي حنش يقرقب عليك وتبات على القرعة وداك الساعة شد فالبولة التسعين...غدا تكون عندي يالله تقاااود...(قطعات)

لاحت التيلي ومشات دخلات عند فاتي لبيت فين سادة عليها كدوي فالتيلي...سدات الباب ومشات گلسات حداها...قطعات لوخرا التيلي وشافت فيها...
نهى: (شداتليها فيدها وطبطبات عليهوم) فرحت بزاف فاش سمعت الخبار...مبروك عليك احبيبة...الله يكمل عليك بالخير ويعطيك مانويتي فخاطرك...
فاتي: (شداتلها فوجها بيديها وقالت) اميييين..والعقبة ليك ونشوفك حتى نتي بدارك ووليداتك وتهناي من هاد الحياة دالويل والدل الي عايشين فيه...وتعيشي حياتك بحال الناس..
نهى: (ضحكات بسخرية) هاد الحياة ولات وحدة مني وانا وليت وحدة منها...والقلب الي غايعيش مات من شحال هادي ودفنتو...ونهى غاتبقا نهى حتى نسد عيني للابد...
فاتي: علاش كتكولي هكا؟؟ علاش ماتعطيش لراسك فرصة تانية؟ انا مزال ماعرفت اش وصلك لهنا ولكن شنو ماكان داز عليك خاصك تنساي..والجرح مصيرو يجي وقت ويبرا اولا؟؟
نهى: ههه غانعطي لقلبي فرصة تانية بحالا غانعطيه قرطاسة وحدة اخرى حيت الاولى ماقتلتنيش...ماقتلتنيش ولكن حرقات العروق الي فقلبي..هاد الانسانة الي كتشوفي قدامك افاتي..خالية من اي احساس...ماعندي تا شعور...تصوري حتى داكشي البسيط مابقيتش كنحس بيه..لابرد...لا حر الشمس...حتى فاش كنمرض...مكنحس بوالو...كنحس فقط بالي روحي مهدودة...وتحرقت من داخل حتى رجعت رماد...المهم خليك مني دبا...امتا غايجي؟؟
فاتي: السيمانة الجاية...والمشكيل الوخيد الي عندي هو كيندير نوصلها لدار ...راك عارفة رافضين يشوفوني من نهار هربت من الدار...
نهى: (شداتليها فيدها وزيرات عليها) شوفي..نتي ماعندك تا ذنب فداكشي الي وقعلك..نتي تغتاصبتي وهادي ماشي الغلطة ديالك...زهرك طيح فطريقك واحد مكبوت حفالو الطاكتيل بالتكفات وجيتيه فالبلان وهوما زادو كملو عليك فاش حملوك المسؤولية ...
فاتي: راه ديحا عاودتلك على دوارنا كيداير؟ وشحال فيه الناس محافصين بزااف...
نهى: يمشيو يقودو هوما والمحافضة ديالهوم..راه ولاد القحاب كيدوزو الي بغاو ويعارضو على الي بغاو...ياك شحال عاودتيلي على عيالات دواركوم..ديما شابعين العصا من عند الشمايت وحتى حد مكبقد يهضر...وزيد عليها البنت ممنوع دخل تقرا...وبلاصتها الكوزينة ..ماعرفتش علاش هاد التمييز ...انا غي كنتفكر داكشي الي كتعاوديلي كنسعر وكتبانلي غانمشي نتيري فطبنمهم بشي كلاشينكوف نقتل الحزاق كولو...تفو على بلاد...شي واكل شي ...وكتگوليلي نعطي لقلبي فرصة تانية؟ مع هاد ولاد القحاب مكرهوكش تبقاي ديما تحت الصباط...المهم شوفي...انا ايلا ساعفتيني حتى تزوجو عاد سيري عند.واليديك...يمكن لا شافوك مزوجة يسامحوك وخا هي الصراحة مدرتي تا غلط باش يسامحوك...وأنا مستاعدة نمشي معاك عندهوم(طبطبات على يدها) ماتخافيش كولشي غايدوز مزيان...
فاتي: (تنهدات بعمق) انشاءالله
نهى: ماغتنعسيش؟؟
فاتي: لا غير سيري مزال غنهضر فالتيلي ..بونوي...
نهى: تصبحي على خير...
خرجات ومشات نيشان للتلاجة هزات قرعة ديال الشراب وكاس وخرجات للبالكون گلسات على الكرسي طلقات رجليها...شعلات كارو ...ترخات وسهات بتفكيرها...حتى دخلات سكينة گلسات حداها وشافت فيها مكترمشش والدخاهن طالعة فالسما..
سكينة: فاش ساهية؟؟
نهى: (شافت فيها وضحكات) هه...كنفكر كيفاش تا ولا العالم معقد تا لهاد الدرجة!! شي مرات كيجيني واحد الشعور بالخوف...من راسي وماشي من شي حد...هاد الشعور كيتقل عليا بواحد الطريقة غريبة حتى نفسي كتقال وكنبقا نسول راسي علاش انا عايشة؟؟؟ وعلاش اصلا مستمرة فهاد الحياة؟؟ لا والزوينة گاع هي كنبقا نتساءل حتى على ابسط التفاصيل...بحال علاش كناكل ولا لاش كنشرب...ماعرفتش سباب هاد الحالة...ومعمري لقيت جواب لاسئلتي ولا حتى ابمبرر لهاد الخوف...هادشي ولا كيتقل عليا بزاف لدرجة كنتمنا الموت على اني نواجه هاد الموجة من السواد الي كتجيني فراسي...اصلا ماعندي تا هدف فحياتي وماعندي الرغبة فحتى حاجة..اصلا عايشة بلا احساس..
سكينة: (بعدم فهم) وكيفاش حتى وصلتي لهاد المرحلة؟؟
نهى: الي يمكنلي نگولك هو ان هاد التغيير ماجاش من فراغ ..بنادم فاش كيشوفنا هكا كيحتاقرنا..وكيشوفو فينا شوفة ناقصة...وكيلومونا بالدرجة الاولى وكيحملونا المسؤولية هادشي الي كيعرفو هوما...مي الي مكيعرفوش هو اننا عيينا وتعلمنا دروس كانت قاسية على نفوسنا وماعارفينش بالي الالم كيغير ابناس..كيخليهوم مايتيقوش...يفكرو بزاف...يهضرو غي شوية وينعازلو كتر...
سكينة: نهى!! ايلا فهمت شي خرية الله يعطيني العما...مكنقفل تا لعبة فاش كتبقاي تفلسفي...انا عاوزة جملة مفيدة ياااختشي...
نهى: ههه...اوكي..عقلي غي على هادي...(زادت لوجهها ودوات) هاد المعاناة الي دوزت فصمت تألمت فيها بزااف..لدرجة هدا (شارت لقلبها) تشق وعشش فيه العنكبوت ومابقا كيحس بوالو... (طفات الكارو وحطات الكاس وناضت) تصبحي على خير الزين...

☀صباح جديد☀
نهى مكتحملش تفيق الصباح بكري...النعاس شي حاجة كتحتارمها وكتقدرها وكتعطيها حقها مزيان وهي من بين الهوايات الي كتمارسها فاوقات فراغها وكتستمتع بيها...وماخاصش شي حد يقاطعا ولا يفيقها حتى تفيق راسها...ويلا دارها شي حد كتصبح كترببوتنعل فيه وجا مايسكتها...وهاد الصباح كان الضحية هو المنبه الي حداها...فاش صونا وقطعلها حلامة فنصها...مدات يديها وهي ناعسة...هزاتو وشيرات بيه للحيط هبط اشتاتا...جرات عليها الغطا ودارت الخدية على راسها بغات ترجع تنعس وتفكرات بالي خاصها تنوض ضروري..لاحت الفراش بالزعاف وناضت كتسوط...
نهى: تفووووو على حياة..نعلبو العالم...هادشي كامل غنخرجو من ديك وريقة الحنة غتسناي على زامل بوك..(مشات كتجر رجليها سادة عينيها تا ضربات فالمنبه برجليها...شافت فيه ركلاتو وعضات على سنانها) يا ولد القحبة كتعرف تفيقني تا كتكون شي حلمة زوينة..وفاش كيكونو كيجريو عليا كتسقر...عقل فيها حسابي معاك من بعد ياالقواااد (دخلات لحمام وزدحات الباب)
هادشي كامل داز على عينين سكينة ..الي بقات غا مخشية فراشها وكتشوف وتگول الله يستر...حتى خرجات ساخطة على الوضعية..حلات الماريو...لبسات سروال جينز وبوظي صيفي محلول من الصدر وزادت عليها جاكيط على حساب البرد فالصباح...هزات تيليفونها ودوزات لسعيد...لقاتو كيتسناها لتحت...لبسات صيادريل هزات صاكها...زدحات الباب بالجهد وخرجات...هبطات عندو لتحت لقاتو مقنت مع الحيط كيتكيف گارو...شافها نزلات جا عندها...
سعيد: (طلعها وهبطها) مالك على هاد الحالة كتباني مرجلة عليا..خاصك غا شي شرطة من الودن تالفم وزيدي شدي معانا السمطة فراس الدرب...
نهى: (لوات يديها على عنقو وجراتو) زيد..زيد...(حيداتليه الكارو من يديه وحشاتو فمها) جبتي الوراق؟؟
سعيد: (ضرب يدو لجيب( هاهوما...اشغاديري؟؟
نهى: (حيداتهوملو) طلق...غانمشيو لعبو شوية مع ديك مونيكة دعاشورا...
سعيد: (تنتر منها) شناهوااااااا؟؟؟ واش تسطيتي؟؟ انا شافرها ونتي باغا ديني عندها...باغالي القرعة لا؟؟
نهى: شوف...غاتزيد قدامي ولا بربي داك القىعة مسبدها فطرمتك صوا من عندي ولا معند صحاب الحال..وترجل معايا اعشيري..
سعيد: (كبسوط) بفففف...صباحاتو الله...نتي غدخلينا لحبس قبل مانولي بوليسي...
نهى: ههه..من نيتك ازبي باغي تكون بوليسي؟؟
سعيد: اييه راه كندفع كل عام مكيحيبش الله..
نهى: ايوا دبا يجيب الله هاد العام..نيت المخزن مزيان...كيحوي فابور...
سعيد: سكتي لايسمعك شي حد...نزدقو فشي طاب وشي ماطاب...
نهى: (حلات باب طوموبيل) طلع..طلع...
ركبو فالطوموبيل....ديمارات وبقات حابسة جبدات لاكارط ديال ريم كتقرا العنوان...
نهى: بشااااخ ڤيلااا سيس...(لاحتها لسعيد) هاك شوفليا فين جا هاد العنوان!!
سعيد: (كيشوف فلاكارط) شي 10 كيلومتر خارج مراكش الساطا...
نهى: بنت القحبة...غاتزيدني تا بالمازوط...هادشي كولو غانخرجو منها غا تسنا...فايقة فالنجمة..وخارجة بلا فطور..وزيد تا سيمانة طريق الي غنضرب...
سعيد: دبا ممكن تگوليلي لاش باغاها؟؟؟
نهى: (بابتسامة شر) غير غنجبد ليها ودنيها شوية...
كسيرات وزادت...شي نص ساعة كانت حدا دارهوم...سطالات الطوموبيل بعيد ...هبطات الكرسي وتكات...
نهى: (هزات كارو وكموسة فميكة وعطاتها لسعيد) سعيد برم شي جوان اليحفضك...يدي فيهوم الريحة...
سعيد: بلا فطور الاخت مصارنك غيتلواو...
نهى: (شافت فيه وخنزرات) وليتي طبيب القلاوي..خليك غا فالبوليس...
برملها الجوان وعطاهلها شعلاتو وبقات حاضية الباب...
سعيد: دبا شكانديرو؟؟
نهى: غانعودلهوم الديكوريال الڤيلا...كنحفض الحيوط وشحال من سارية كاينة (ضرباتو لقرفادتو تا قفز) شغانكونو كنديرو الخرا كنتسناو ديك عويد الخيزران تخرج...
سعيد: (كيبرد الضربة) احح...الينعلدينمك وانا لاش جايباني؟؟
نهى: (گعدات راسها) شتتتت...سكت سكت...هاهي خرجات....
سعيد: (شافها خرجو عينيه وتحنا لتحت وغطا راسو بالجاكيط باش ماتشوفوش....

ريم خرجات دارت نصاضرها دالشمس...ركبات فطوموبيلتها وزادت...تبعاتها نهى ماللور وعينيها عليها لا تلف..
نهى: نووض اداك الفار ونتا مخبي...شديتي الشفار بكري...لا دخلتي نتا لبوليس النغرب ضربو التيجيڤي كتر مراه مضروب...
سعيد: (ناض وكلس مقاد) فين غاديين دبا...لتش تابعاها؟؟
نهى: (تنهدات بنفاذ صبر) بفففف...والخرا المخرنن...سقر شوية...فرعتيليا كري بالاسئلة ...
سعيد: شوفي انا راه مغاديش نبان ليها نگولهالك من دبا...
نهى: ايه...ايه غا هنينا...
بقاو غاديين فالطريق حتى حبسات قدام واحد البناية كبيرة كولها زاج...كانت الشركة ديال باباها دريم وهي الي شاداها عليه...نزلات كتعواج بطالونها ونهى حبسات طوموبيل وهزات صاكها وشافت فسعيد..
نهى: تسناني هنا هانا جايا!! (نزلات)...
سعيد: (طل عليها من الشرجم وضحك) ههههه ياكما نعيط لبوليس لا فتي نص ساعة؟
نهى: جي غانتا..لاش مربي داك البادر اصعصع...
دارت يديها فجياب الجاكيط ومشات...دخلات للشركة..كانو الموضفين يالله كيدخلو الباب عامر...وكان واحد الباريير فالدخلة كيدوزو منو بالبادج...ضربات يديها للجيب ولقات البادج ديال ريم مع الوراق...ابتاسمات ودخلات بلا مايعيف بيها شي حد...ڤاليدات البادج ودخلات نيشان فالاسونسور...ودارت اخر ايكاج كاين فداك البناية...حبس بيها ونزلات...طلات يمين شمال مابانلها تا حد...ومشات كتقرا فالبلايك والاشارات حتى بانليها مكتب المدير...قربات منو حلات الباب ودخلات كان فالاول مكتب السكرتيرة بلاصتها خاوية مزال ماجاتش ولداخل عاد كاينة باب ديال المدير مكتوب فيها سميت ريم..مشات بزربة قبل مايجي شي حد حلات الباب ودخلات...لقاتها حانية شادة فراسها وقدانها كاس دالحليب كتشربو..علات عينيها شافت نهى قبالتها بقات مشوكية...نهى دخلات وسدات الباب برجليها وكضحك وكدور فعينيها فالبيرو وكتبرگگ وكتجر رجليها غا بشوية..خطوة القدام وجوج مع الجناب...على ما فاقت ريم من الصدمة ..ناضت من بلاصتها وتمات جاية عندها وكتغوت..
ريم: شكااااديري هناااا؟؟؟ كيفاش تجرأتي تجي تا لعندي؟؟؟
ماجاوباتهاش...دازت فيها بحالا ماشافتهاش..گلسات على الكرسي ودارت رجليها على البيرو...جبدات كارو من الصاك شعلاتو وبدات تكمي...ريم بقات غا حالة فمها ومالقات ماتقول...مشات حداها..كطلع وتهبط فيها ورجعات تغوت تاني...
ريم: واش نتي حمقة؟؟؟ واش عارفة راسك فين نتي وعندمن جاية؟؟
نهى: (تنهدات) بفففف....بلا ماتبقاي ترعدي عليا بحال فلون...گلسي بغيت نتحتت معاك امادموزيل...
ريم: (كارزة على سنانها وكتغلي من داخل) غاتنوضي تخرجي عليا ولا ناغايعجبك حال...
مشات هزات التيلي وكدوز شي نمرة...
نهى: (كتكمي مامسوقالهاش) اييه...ايييه...دوي معاهوم..باش تولي شوهتك على جوج جوايه...(ناضت وتمات جاية عندها بشوية وكتستافزها) مال المديرة ديالنا هاد الصباح؟ لا والو غي جات عندها واحد القحبة...گالك لقاتها مع خطيبها البارح فالدار...هههههه
ناري يالصگعة...قطعي قطعي مغتبقايش تقدي دوزي فالكولوار هههه
ريم حطات التيلي وعينيها غايخرجو من بلاصتهوم...مابغاتش الشوهة وعرفات بالي مدام نهى تجرأت وجات عندها الا وقادة دير كتر من هكا...
ريم: (گلسات على البيرو ودوات من تحت سنانها) شنو بغيتي عندي؟؟
ضحكات بشر وقربات من وجهها نترات نترة من الكارو وساطتلها الدخان فعينيها حتى عماتها...
ريم: كحححح...كح.كح....كحححححح..
نهى: اووووه...اوبس..نسيت راني فبيرو وممنوع التدخين!!

ريم كتشوفيها وعينيها كيفورو...قربات منها نهى بشوية حتى لسقات لوجهها وتحولو نضراتها لنضرات شر بحال شي شيطان...هزات داك الكارو وطفاتو ليها فيديها بلا ماتنتابه لوخرا..حتى طلعات معاها السخونية من حر الحرقة وخطفات يديها بزربة ...وماجات فين تشوف الخرقة تا كانت نهى هوات الكاس دالحليب الي كان فوق الطبلة سخوون كيفور وهرقاتولها على كمارتها...غوتات غي غوتة وكحزات بالكرسي اللور...وماقدات لا دوي لا تكلم...من الصدمة...وماعطاتهاش فرصة فين تفكر..وشداتها من شعرها علاتلها راسها للسما تا خرجو عينيها...
نهى: اووووبس...ياكما سخوووون؟؟؟
ريم: (كتنطق بصعوبة وبنبرة خوف كترعد) ش...شنوووو..بغيتي عندي؟؟؟
نهى: (ضحكات بشر) ههه...ماعزيزش عليا الشفوي ابنت ميمتي..كنجاوبك غي على هضرتك دالبارح. الزين...
ريم: (كتبلع ريقها) واش نتي حمقة؟؟
نهى: تو..تو.تو..تو...انا قحبة الزين...(زيراتليها على شعرها وخبطاتلها راسها مع البيرو تا دوخاتها وعلاتلها راسها شافت فيها ودوات من تخت سنانها) والي ماعارفاهش نتي على القحاب..هو انهم مكياديو تا حد..ولكن الي قلب عليهوم يلقاهوم...ونتي قلبتي عليا...وجيت غي نگولك بالي غتشوفي ايام كحلة بحال حياتي...غندمك على كل كلمة گلتيها...نتي غلطتي فاش هنتيني..نتي بغيتي تلعبي معايا وانا مغتصوري من مورايا حتى قلوة..حيت ايلا ماضريتكش الزين مغنفعك بوالو...واش عرفتي علاش؟
ريم: لا رد..و غي مصدومة ودايخة ماعرفات راسها باش تبلات..رجليها ويديها كيترعدو ونهى نصراتها مكيطمنوش وخافت تقتلها...
نهى: (كتزيد تزير ليها على شعرها تا كتبغي طير الجلدة دراسها) حيت ببساطة معندي مانخصر..حيت هدا(شيرات لقلبها) مااات ولكن ديالك مزال عايش وانا غنقتلولك الزين...
ريم: (بصوت متقطع) انا..انا..شنو درتلك...من حقي ندافع على الحب ديالي...ومانخلي تا وحدة دور بيه...
نهى: اوووه...مسيكينة...شوفي ابنتي..داكشي دالحب والتقلوين دزبي خشيه فكرك...ماشي غلط دافعي عليه اماما...الغلط الي درتي الزين هو جبدتيني...ونصيحة لوجه الله...عمرك تلعبي مع قحبة...حيت الي كتعيش ديما تحت الصباط..ساهل باش تعفط حتى هي على بنادم فاول فرصة جات فطريقها...(طلقات منها ودفعاتها) تفكري مزيان هاد الهضرة...وعقلي مزيان على هاد الكمارة...حيت مزال غنتلاقاو انا وياك..وداك النهار..غنبصمليك بالعشرة...اان قلبك غايكون محروق...وريحة الشياط عاطية منو...تهلاي...
هزات صاكها وخرجات...خلاتها شادة فعنقها وراسها والدنيا كدور بيها...كتحاول تستوعب هادشي الي طرا ليها...
نهى هبطات لعند سعيد..ديمارات الطوموبيل وزادت...
سعيد: ساليتي شغالك معاها؟؟
نهى: هههه...شغالي معاها عاد غايبدا ابا حبيبي...
سعيد: اييه الله يسخر...حطيني غا فسونطخ ڤييل...نضبر فشي بريكولات هاد الصباح...
نهى: (حلات الصاك وجبدات الفلوس) هاك...شد وسير تنعس...اليوم الحمعة اصاحبي ليهود وماداروهاش..
سعيد: هههه...الي سمعك يگول نتي گاع مكتخدمي الجمعة...
نهى: هههه....كنخدم تالليل محسوبة على السبت هاديك اخاي الزين...شد..شد..
سعيد: (خدا من عندها الفلوس) شفتي نتي والله تا خصيمة...عشيرتي ومعمري ندوزك...راك عارفة.فاش ماحتاجيتيني انا موحود..نقتل على ودك لا بغيتي...واخا عارف دينمك نتي تقتلي قبيلة وتجيك قليلة...هههه
نهى: هههه...اودي..غايحي واحد الوقت ويتقادا الجهد ..ولكن على منوصل لدلك الوقت..غتلقاني صفيتها للنص فداك القبيلة متخافش (غمزاتو) نزل..نزل...ها سونطخ ڤيل...خليني نشي نكمل نعاسي...
سعيد: (خشا الفلوس فالجيب) تهلاي ابنت ميمتي...(نزل)
نهى: باااي...
يالله هي زادت وتيليفونها كيصوني...ركبات ليكيت وشدات الخط...
نهى: هااالووو....
مهدي: صباح الخير...ماكنتش باغي نديرونجيك على الصباح..مي البارح مادانيش النعاس من بعد داكشي الي طرا..بغيت غي نگولك ماديريش فبالك..مسحيها فيا ومعمرها تعاود…
نهى: نووو بب...نتا الي ماديرش فبالك...انا ديكشي نسيتو..وولفتو...رجع كيجيني عادي...
مهدي: متأكدة؟؟
نهى: وي...
مهدي: اوكي...بغيت نشوفك هاد الليلة..غانجي عندك لبار...توحشتك...
نهى: مرحبا...غاتلقاني واااجدة...موااااااح...(قطعات التيلي لاحتو قدامها...شعلات الموسيقى على الجهد وكملات طريقها للدار)....

داز النهار عند نهى غي نعاس...وعند مهدي فالخدمة ...الخدمة الي مابقاش مركز فيها مؤخرا...غي ساهي وكيخمم...قلبو كيرفرف..وكيحس احساس غريب...الفرحة والشوق لصورة مابغاتش تمحا من دماغو ورجع كينعس بيها وكيفيق بيها...هادشي علاش كان كييقا يحفض فتفاصيلها بدقة كيدير الريزيرڤ لبحال هاد الاوقات فاش مكتكونش قدامو..ودبا لا جابوليه البيرو ورقة بيضا وعطاوه شيتة دالرسم غايرسمها كيما هي وبلا ماينسى حتى زاوية...نهى داتليه العقل...وغي سارح بالمخيلة ديالو وكيرسم احلام فدماغو وكيخطط غي بوحدو...بينما هي فسابع نومة كتقلب من جنب لجنب فعز النهار...
غربات الشمس وات معاها گاع مخلفات النهار ومشاكيلو وصداعو...وجا الليل...الليل الي كيتعتابر عند البعض نهاية ليوم كان فيه متعب ومرهق..وكيتسناه بفارغ الصبر باش ياخد قسط من الراحة ويستاعد للغد...ولكن بالنسبة للبعض الاخر...غروب الشمس كيعلن على نهار جديد...فيه كيعمرو القهاوي والبريان وليبواط وكيخرجو الفيران من الغيران...وكينتاشرو فعالم الليل..بمجرد مكتسمع هاد الكلمة وكدورها فدماغك...واش الليل بوحدو عندو عالم خاص بيه؟ غانبغي نقولو وي..
عالم الليل عالم اخر للاسف قليل الي كيعرف تفاصيلو ...شراب..حشيش..مخدرات...غبرة...مهلوسات...قحاب..الدعارة على الجهد ...فساد....كولهوم مسطلحات متعلقة بهاد العالم....العالم الي اختارو يلجؤا ليه باش يهربو من الواقع ولا يخففو من حدة مشاكلهم اليومية يكيما كيضنو هوما..فالوقت الي خاصو يواجه الحياة ويحاول يخرج منها بحال الشعرة من العجينة كيفضلو يخدرو عقلهوم فنهاية كل ليلة...علي امل غدا منين غيصحى غيلقى كولشي تصلح ولكن للاسف غي يصباح الصباح وكيلقا تا حاجة ماتبدلات من البارح لليوم كيزيد يحقد وكيتخور تخويرة ساكونط سانك ...عمر هاد العالم مكان حل للمشكل بالعكس يقد يخلق مشكل اااخر ...وهاد العالم الي ولفو غيبقا ديما فيه....كتشوف فيه الي عمرك شفتيه..العجب المعجب..كتشوف بنادم نازل على قراعي دالشراب ولا مسطر حداه جوج سطورة دالغبرة كيشم ويتنغم...كضرب ديك 2 داليل كتلقا بنادم صافي توضر ..تسيفط...غاب عن الواقع ...وسافر فين باغي يمشي هو عقليا اما جسديا راه متحركش من بلاصتو باقي لاسق فنفس الكرسي...كضرب الجوج دليل كتلقا بنات اليل تاهوما دوزاو وكيتسناو الڤيكتيم او الكليان كيكيسميوه هوما ...خاصها ضبر على شكون يخلصليها القرعة الي حاطة بعدا عاد يناقشو مسألة فين غيكملو السهرة واش فالدار ولا البار...هاد البنات الي كنسميوهوم قحاب ماختاروش يكونو هاكا ولكن الضروف وقلة الشي هي الي بنن القحبة...فلحضة ضعف منهوم وحيت مكاينش الي ياخود بيديهوم قرو يلتاجؤو لدعارة...
نهى وسكينة..كيستاعدو ككل ليلة باش يخرجو...وفغالب الاخيان كتكون وجهتهم البار....ايلا ماخرجش شي بلان اخر...
نهى: (كتقلب فالبلاكار دالسبابط) سكاااااااينة؟؟؟ فينهيا صندالتي الكحلة؟؟
سكينة: (جاوباتها من البيت) خرجات بيها فاتي...
نهى: (تعصبات) طبنمها خارجالي فعودي امتا تزوج وتهنيني تفووووو😠
سكينة: (خرجات عندها) زيدي دغيا...لبسي الي كان عندك ترينگة وميسة ديال الصنادل...
نهى: وا صافي دبا لا طلقتيها لا توريها دار باها...اجي بعدا شنو كلتي لداك راس الطارو باش مانحصلش...
سكينة: گتليه فيك البواسر..ومريضة حالتك حالة...
نهى: ايوا الله يعطيك الحكة فالطرمة مابانلك غا البواسر..دبا خاصني نبقا گالسة جنب باش مايعيقش ولا شنو؟؟
سكينة: علاش؟ كلسي عادي راه 5 يام ونتي غابرة غاتكوني بريتي زعما...
نهى: خراا هاد المرة بقاي تكدبي شي كدبة زوينة...زيدي..زيدي(لبسات صندالتها وهزات صاكها وجاكيطتها وخرجو)
فالجهة الاخرى كاين مهدي واقف قبالت المراية الي حدا الباب كيقاد حوايجو ويدير اخر اللمسات باش يخرج...والابتسامة على وجهو مافارقاتوش..حتى سمع الدقان....دوز شعرو جنب...ومشا حل الباب...شاف شكون جا تبدلو ملامح وجهو...الي اخر مرة شافو فيها فاش كان مكاليه مع الحيط والغضب عامي قلبو...

سفيان: (داير يديه فجيابو) غتخليني واقف عند الباب؟؟
مهدي طلع في وهبط..خلا الباب مفتوح ودخل...تبعو سفيان وسد الباب...مهدي عطاه بالضهر ورجع كيقاد راسو...
سفيان: حتى لين غتبقا قالب وجهك عليا اصاحبي؟؟ والله مامتيق بالي كتصرف بهاد الطريقة على ود داك المسخة...
مهدي غمض عينيه ورجع سدهوم بعصبية ودار عندو وكبحاول يتمالك اعصابو
مهدي: (من تحت سنانو) من حدك كدوي عليها بهاد الطريقة وانا وياك عمرنا نرجعو صحاب...
سفيان: (بعدم تصديق) هه...لا مايمكنش..نتا ماشي صاحبي تبدلتي بزاف امهدي...واش عارف راسك اش كادبر؟؟
مهدي: عارف راسي شكاندييير..وعارفك تانتا شنو درتي!! واش فنضرك فاش مشيتي عاودتي لريم على نهى صورتي شي قلوة!! وااالو اصاحبي غي كتكب الما فالرملة...وانا ماشي ولد صغير الي غنحتاج شي حد يگيديني...
سفيان: مزيااان الي عرفتي هادشي..انا نيت كنت باغي ندوي معاك عليه...(زاد لعندو) مهدي شووف اصتحبي..انا عارفها نزوة وغادوز...بحال كاع البنات الي عاشرتي...غي هو هاد المرة زدتي فيه وراك غتلوح راسك للهاوية واش مافكرتيش فالناس الي دايرين بيك؟؟ ريم...عائلتك..صحابك؟؟ واش فكرتي فعلاقتك معا ديك البنت فين غتوصاك وشنو ممكن تكون نهايتها؟؟ خويااا انا كتهمني مصلاحتك والعشرة الي دوزنا هي الي كتهضرني دبا...داك البنت لا تبعتيها غاتخرج عليك وغتخليك لا حياة لا عائلة ...واش عارف هادشي ولا لا؟؟؟
مهدي: لااا ماعارف والو من هادشي الي عارفو هو اني كنرتاح معاها...وهادشي كولو الي كتگول فيه مكيهمنيش...
سفيان: (مصدوم) لا...لا...نتا اكيد حماقيتي؟؟ (تعصب) واش مابغيتيش تفهم بالي هي قحبة وهاديك خدمتها ونتا بالنسبة ليها مجرد كليان بحالك بحال غيرك؟؟ واش صاڤا با لااااا؟؟؟ (تمالك اعصابو ومشا شدلو فكتفو وكيبرد) مهدي..الله يرحم الواليدين لا مارجع لعقلك...راك غادي للهاوية....
مهدي: (حيدليه يديه من على كتفو) ايلا ساليتي هضرتك...انا مزروب باغي نخرج؟؟؟
سفيان: (ضحك بسخرية)هه...غادي طلاقاها؟؟؟
مهدي: (خرج فيه عينيه)/ايييه...باقي عندك شي سؤال اخر؟؟
سفيان: (بنضرات شك) مهدي...واش كتبغيها؟؟؟

مهدي: وشنو فيها لا كنت كنبغيها؟؟ نهى كنرتاح ليها وكتعجبني...وعمري حسيت بهادشي مع شي وحدة...
سفيان: ههه...لا صافي..دبا زدت تأكدت بالي تسطيتي ومابقاش عندك الدماغ باش تريزوني...وتأكدت بالي داك الموسخة لعباتلك بعقلك مزيان وخرجاتك على كوعك تا مابقيتش كنعرفك...
مهدي: ايلا ساليتي هضرتك...سير فحالك ...
سفيان: هانا غانمشي...حيت ماخليتيلي مانزيد نگول...ونهار الي ترجع لعقلك ....تفكرني وغتلقا باب داري ديما مفتوح ا صديقي...تهلا...
خرج وزدح الباب...وخلا مهدي واقف كيشوف فالفراغ..وللحضة جاتو نغزة فراسو...دخلات الهضرة كتسارا شوية فدماغو وسرعان ماخرجات...وماخرجاتش بوحدها هو جلاها لبرا...دار شاف فالمراية...هز سوارت طوموبيلتو وخرج...
"بار 36"
گلسات نهى فطبلة الوسط من بعد ماكالمات اللعب مع السي احمد وقنعاتو بالي بصاح كانت مريضة...جات كلسات حطات كاسها ككل ليلة...باش يساعدها على التركيز...وتقدر تسكاني فبنادم وتحفض فالوجوه...وتريس على الڤيكتيم عن بعد...شعلات سيجارتها وبقات كدور فعينيها...حتى وقفات عليها سكينة...
سكينة: مغتخدميش؟؟
نهى: وشنو شفتيني كندير كنسرح الحجل؟ راه كنشيرشي لغدا...
سكينة: ومال اليوم؟
نهى: اليوم دايرة مع البوگوص ديال داك النهار...
سكينة: واش الي سافرتي معاه؟؟
نهى: اييه هداك...
سكينة: ههه...ياكما طاح؟
نهى: (طلقات ضحكة فالسما)..ههه..ايلا طاح دبا ينوض...خاص غي ماينوضش وجيابو مزال عامرين ..
سكينة: (ضرباتها لكتفها بالضحك) ههه...عارفاك يالصگعة تا كتخوي المزيودة عاد كتسوسيهوم...يالله هانا مشيت راه واحد خينا كيتسناني برا...
نهى: (طلات جهة الباب بانليها مهدي داخل)صافي تلاحي..تلاحي...
ناضت عندو كتعواج وتشالي بشعرها...شافها تحلو عينيه😍 ...
نهى: (شداتليه فيديه وباستو فحنكو) مرحبا...
مهدي: توحشتك😍
نهى: (طلقات منو) بلاتي نجيبلك شي حاجة تشربها!!
مهدي: (رجع شدها من يديها وقربها عندو) بلاش..مابغيتش نسكر..خلي غي عينيك قاضيين غرض...
نهى: ههه...تسنا...
طلقات منو ومشات عند البارمان جابت كاس ديال الڤودكا ورجعات عندو جراتو من يديه ومشاو گلسو...عطاتو الكاس وبداو يشربو بجوج ويضحكو...وسط صداع وضجيج الناس والموسيقى...هو هادشي كولو مكيسمعش ليه..حاضي غي شنايفها كيتحركو وكيفاش كتهضر وتعابير وجهها وهي كضحك وحتى الطريقة الي كتشرب بيها وكيفاش شادة سيجارتها فيديها وگلستها...داير يدو على حنكو وكيراقب حركاتها...وغادي معاها فالهيت ديالها عاجبو الحال...مرة كيمشي معاها فموضوعها ومرة كيسرح بافكارو بعيد..وفعالم فيه غي هي وهو...حتى كيرجع للواقع وكيبتاسم ليها..باش تزيد تهضر...حيت مستمتع بحديتها...والسكرة طلعاتليه للراس وعينيه حمارو..فواحد اللحضة سكتات ودارتلو اشارة بعينيها...حيت بانليها سارح...شدليها فيديها وفرب بالكرسي بلا مايحيد عينو عليها...قرب يدو من وجهها كيتلمس فيه...ودوا بنبرة حنينة...
مهدي: علاش هوما مكيشوفوش فيك داكشي الي كنشوفو أنا؟؟
نهى: ( بعدم فهم) ههه شكون هادو؟؟
مهدي: (قرب منها باسها فمها بوسة حنينة ورجع شاف فعينيها بحب وقال) قالولي نبعد عليك...علاش كبشوفو فيك شيطان؟؟ وانا كنشوفك ملاك!! علاش ماكتبانلهومش البراءة الي فعينيك؟؟
نهى: (بعدات منو شوية وتبدلات فسيفتها)
مهدي: (رجع قربها ليه وكيلعب فشعرها ومركز مع عينيها مكيرمش) فخبارك ..قربك عليا كيوترني؟ ممكن فهاد اللحضة تسوليني على سميتي مانعرفش نطقها...(سكت شوية وهو كيتمعن فوجهها) شحاللل زويين نبقا نشوف فوجهك...ونسمع فصوتك...ااي غي كيدخل لودني..كيسكتو گاع الي ضايرين بيا وكنفقد الاتصال مع حواسي...كنحس براسي ضايع وسط عينيك...
كتصنت ليه وكتسكاني هضرتو فراسها...شدليها فوجهها وحضنها بيديه...
مهدي: نتي سمفونية جمييييييلة ا نهى ومابغيتهاش تسالي...(حط راسو على صدرها وسد عينيه)
عجبها الحال حيت تعلق بيها...وبهكا غضمن كليان صحيح ومغتفلتوش من يديها..ابتاسمات بمكر...دوزات يديها مور ضهرو ودوات فودنيه...
نهى: نمشيو؟؟ ولا نبقاو هنا!!
مهدي: (علا راسو شافيها وعينيه معسلين) معنديش مشكيل..مكتهمش البلاصة فين ... المهم تكوني نتي فيها...
نهى: هههه...يالله...مشينا...جراتو من يديه وتمو خارجين...حتى طلاقاهوم بوكريشة فالباب...
بوكريشة: فين غادا؟؟
نهى كحلات بالعما وشيرات لمهدي بعينيها فهم البلان وجبدليه شيك...عمر مبلغ جد مغري ولاحولو على وجهو وشدليها فيديها ساعر وخرجها من البار...ضارت موراها شافت بوكريشة شاد الشيك وفرحان...غمزاتو ودارتلو اشارة بيديها "/" زعما فيفتي فيفتي...ومشات...

🌇🌇 فالڤيلا ديال عايلة مهدي..گالس باه السي عبدالله ومعاه صاحبو الي هو بات ريم...وكيبان الجو متوتر بيناتهوم...وقالبين سيفتهوم بجوج...
ابراهيم: (باة ريم..دوا مع الخدامة الي جات تجمع كيسان القهوة من حداهوم وبصوت خشن) عايطي لريم وماماها...باش نمشيو!!
مشات الخدامة تعيطلهوم...كانو فبيت فالفوقي سادين عليهوم وكيتسمع غي صوت بكاء ريم..وشهيقها واصل للدروج...كالسة حداها مها كتسكت فيها ومامات مهدي بديعة كتمشي وتجي حداهوم...وكتبان عليها معصبة وساخطة على الوضعية...
بديعة: بنت الزنقة..انا الي غنعرف شغلي معاها..مابانليها غا ولدي؟؟ تفارقو على خطيبتو!!
سكينة: (مامات ريم) سمحيلي الا بديعة وليني حتى ولدك مدار فيها مايصلاح...هادو ماشي خدايم الرجال..عينا نتغاضاو على تصرفاتو المبرهشة ولكن دبا هادشي زاد على حدو...انا مغنسمحليهش يبكي بنتي من دبا لفوق...منين ماباغيهاش من الاول مايخطبهاش واش حنا كنلعبو دبا؟؟
بديعة؛ (كتبرد) الله يا لالة سكينة..اش وصلنا لهاد الهضرة دبا؟؟ راكي هارفة الولد مزال عقلو طايش وهادي غي نزوة وغادوز وراه كولشي من داك خيتي...واش غنخصرو بعضياتنا على ود مشكيل بسيط؟؟
سكينة: (كدوز على ضهر بنتها وتواسيها ومعصبة) مشكيييل بسيط؟؟ دبا هادشي جاك عادي؟؟ البنت كتگولك جات ليها حتى لشركة كتهدد فيها بلا حيا بلا حشمة ونتي كتگولي نزوة وغادوز؟؟
بديعة مالقات فين دير وجهها ..عيات تغطي على ولدها ولكن كلام سكينة على صواب...غرقات بلاصتها وتحطات فموقف محرج...تلفات ليها الهضرة ومالقات باش تجاوبها حتى دخلات الخدامة وعتقات الموقف فاش گالتلهوم يتكلمو لسي ابراهيم باش يمشيو...
سكينة: (كتنوض فريم الي غارقة فدموعها) نوضي ابنتي..نوضي احبيبتي..راك طيبتي داك العينين...نوضي يصبح ويفتح...يالله
بديعة: (بضحكة صفرا) لاواه زيدو قصرو معانا...
سكينة: (راخية عنكارتها وكدوي فوق نفسها) كنضن الامور توضحات وداكشي الي جينا عليه راه گلناه..ويلا بغيتو هاد الصدتقة ديالنا ماتخصرش..هي كولو لولدكم يدير عقلو فراسو...وبنات الناس ماشي لعبة...(جرات ريم) نوضي نمشيو..
خرجات بنتها ومشاو..هبطو لتحت وتبعاتهوم بديعة لقاو ابىاهيم وعبدالله واقفين حدا الباب وكيتسناهوم يهبطو وكل واحد قالب خليقتو لقنت...
ابىاهيم: السي عبدالله..خليتلكم الراحة...وماتنساش داكشي الي قلنا..
عبدالله: كون هاني...غاندير الازم..
خرجو من بعد ماسلمو عليهوم ومشاو..غي زدحو الباب عيط عبدالله للخدامة وكتبان عليه معصب..جات بسرعة وقفات حداه...
عبدالله: سيري جيبيلي سوارت طوموبيلتي من البيت دغيااااا....(حدرات راسها ومشات بجرية)
بديعة' فين غادي؟؟
عبدالله: (كيسوط فالسما بالاعصاب وكيمشي ويجي) غانمشي نشوف اش كيخاول يدير داك ولدك...30 عام دالعشرة وعمر صاحبي ماهضر معايا بهاد الطريقة تاليوم (كيدوز على وجهو بعصبية)
بديعة: واتهدن...بشوية دبا يهبطلك الطونسيون تاني..
عبدالله: وااااش خلالي شي طونسيون بهاد الفعلة؟؟ عايطيليييه شوفي فينهوا؟؟
بديعة: عيطتليه قبيلة مجاوبش...
عبدالله: (ضحك بسخرية) هه..بطبيعة الحال مغايجاوبش..دايرها قد راسو وبغيتيه يجاوب؟؟
جابتلو الخدامة الساروت نترو من عندها وتم خارج...
بديعة: (تابعاه) وافين غادي؟؟
عبدالله: غانمشيليه للدار...
زدح الباب وخرج...مشات كتجري هزات التيلي ودوزات نمرتو كتعيط...كيصوني ومكيجاوبهاش...

بقات غادية جاية فالدار وكتغدد...
بديعة: اللفعة...ماعرفت منين خرجات ؟؟ بالحق فعايل القحاب باينين...والمرا مكتقضي عليها غي المرا...
رجعات هزات التيلي وكتصوني...كيصوني....
عند مهدي...خاشي راسو فعنقها وكيفرق فالقبلات وهو فوق منها عريان صولو..وهي تحت منو كضحك..حيت كيهرها...ديرونجاه التيلي..برزطو وقطعلو النشوة ديالو فنصها...
نهى: (كدفعو ينوض وكضحك) هههه جااااوب...
مهدي: (علا عينيه فيها وهز يديه كيتفتف على التيلي وقطعلو الصوت للا مايحيد عينو عليها وضحك) ههه...شكون يخلي هاد الحلوة ويشوف التيلي...(جمعلها شنايفها بيديه وطار عليها ببوسة عنيفة ...والتيليفون كيصوني عاود)
مهدي: اااح...شنايفك كيسكروني...
نهى: (لوات يديها على عنقو وقالت بدلع) اصلا نتا سكرااان...
شافيها وعينيه كيغليو...كيشوفيها بحب...باسها من جبهتها وهبط لعينيها...باسهوم وحدة وحدة وهبط كيفرق فالقبلات بسنايفو السخان وشاد فيديها وخاشي صبعانو فصبعانها وهي كتلوى تحت منو...باسها من فمها وخطف وجهو ..ضحك ورجع عضها من شنافتها التحتانية..تا حلات فمها ودخل لسانو لداخل وبداو فقبلات فرنسية ...انساجمات معاه للحضة وكون ماقاطعهومش صوت التيلي تاني..شافت فيه نهى وضحكات...
نهى: هههه...غي شوف لا تكون شي حاجة مهمة...
تنهد ومد يديه طفاه فخطرة ورجع خشا وجهو فعنقها...كيشم فشعرها وريحتها كدخل لنيفو بحال شي دروگ
مهدي: اممم...مكايناش شي حاجة مهمة فهاد الساعة قدك...غناكلك هاد الليلة..
ضحكات بصوت عالي...شداتو من وجهو وقلباتو تحتها بالخف وطلعات فوق منو..وبداو فالممارسو وهاد المرة لعنف..عكس المرة الي فاتت..جهلو بجوج..وقلبوها تشقليب فوق النموسية ..زرقلها عنقها وصدرها بالمصان وشنايفها بالعضان..وهي زوقاتلو لحمو بالقميش..بحال شي قطة شرسة.. وكضحك سكرانة وماعايقاش براسها وحتى هو مغيب وكتبانليه غي هي...
بديعة مزالة كتمشي وتجي بحالا فيها حريق الولدة...حتى تحل الباب ودخل عبدالله كيبان كااعي وساخط على الوضعية...مشات عندو كتجري ولونها مخطوف..
بديعة: امضرااا؟؟ اش كالك؟؟
عبدالله: (معصب) حتى نكون لقيتو بعدا...دخلت للدار مكاين حد والعساس كالك منين خرج مع المغرب مزال مارجع...
بديعة: (بقلق) اويلي وحتى التيليفون مكيجاوبش فيه ياكما تكون واقعة شي حاجة؟؟
عبد الله: اااش عندو مايوقع ليه ...تلقايه كيزها مع رايو وحنا هنا كناكلو الدق بالحق حسابو معايا تايجي...ختى لهنا وحبس..مغاديش نخليه يهدم علاقة مع صاخبي وشريكي الي بنيناها عوام هادي...غانطلع نعس...كولهوم يجيبولي دوايا!!
بديعة: واخا...انا غتنجيبو بيدي سير ترتاح...
مشا وخلاها كتشوف فالفراغ ودور فعينيها وتبلاني وتخطط غا بوحدها...
دقت الساعة 01 بعد منتصف الليل...هاد الوقيتة من اليل الي كيبداو فيها قصص...كاين الي عاشق شاد الحديت فتيليفونو الابتسامة مكتفارقش وجهو.كاين الي مشتاق ودموعو على خديتو شلال وكاين الي عقلو ودماغو مزال خدامين فاستحضار الماضي والتخطيط للمستقبل..وكاين وكاين...وكاينة نهى...واقفة فبالكون من بعد ماسالاو الماتش ديالهوم وتهدو..وخداو دوش ورخاو عضيماتهوم ...شعرها مزال فازگ كيقطر وهي واقفة برا لابسة وحدة من القميحات ديالو يالله مغطيالها السليب...شادة سيجارتها فيدها وكاس فاليد لاخور...مزال مابغاتش تصحا....حتى حسات بيدين حاوطوها ماللور وانفاس سخونة كضرب فعنقها..مع قبلة فشعرها...نترات نترة من الكارو وبلا مادور ساطت الدخان فالسما وتبعاتو بجغمة من الكاس...تا دوا فودنيها بصوتو الرجولي والخشن...وهو كيشم فشعرها وسكران بريحتها.....

مهدي: في عالم الجمال اختصرت عيناكي كل شيئ.....اي نوع من المخدر تدخلينه الى مسامعي عند حديتك؟ واي من انواع النبيذ مسكوب في عينيك...لا يعقل ....في كل نضرة اليك اتمل اكتر فاكتر ...غرقت في بحر عينيك...تمزقت اشرعتي وكسرت سفني..اتعلمين انك تشتتين دقات قلبي ؟ لم تعد لي سلطة عليها بمجرد لمحك وشم عطرك...اشعر بقشعريرة في جسدي وكان النمل يدغدغني من اصابع رجليا حتى رأسي..شعور غريب ينتابني فهناك شيئ بداخلي لم اجد له تفسير (دوز يديه وحيدلها الگارو من فمها ) ياليتني تلك السيجارة بين شفتيكي....اوا يا ليتني ذاك الكاس من النبيذ الذي بين يديكي تسكرين على انفاسي واسكر على انفاسك ونتمل نحن الاتنين لنغرق في بحر الجنون بذل غرقي لوحدي في بحر عينيك....(باسها فعنقها ..ضحكات بسخرية وضارت عندو)
نهى: (دورات يديها على عنقو ) هههه...خلي الشعر لخطيبتك...أ حبيبي...انا فيا النعااااس....(باستو جنب فمو) تصبح على خير...حطات الكاس من يديها ومشات ...خلاتو بلاكة ..تمات غادة وهي ترجع دور لقاتو متبع ليها العين...
نهى: اه نسيت ماقتلكش..دارك التانية زوينة...عالله ماتعرفهاش الداخلية وتزدق مبدلها تاني...ههه (غمزاتو ودخلات)
دوز على وجهو بتعب وتكا بيديه بجوج على الصور ديال البالكون...وعلا عينيه لسما..سدهوم وزير عليهوم وطلق تنهيدة طويلة فالسما...وبقا ساهي وكيخمم...
☀☀صباح جديد☀☀
ضربات اشعة الشمس فوجه نهى...عنكشاتها...هربات منها وتقلبات لجهة لوخرا...لقاتها تاني ضاربة فسنطيحتها...حلات عينيها بملل وشدات فراسها..عاطيها الحريق...وكتحس بعضامها تقال ومدگدكة...دورات وجهها...مالقاتش مهدي وفبلاصتو كاينة ورقة مكتوبة مع وردة حمرا...ماداتهاش فيها..هزات الورقة وقراتها حالة عين وسادة عين...
مهدي: صباح الخير..😍 نضت بكري للخدمة...غتلقاي الفطور واجد...ديري فبالك غنشوفك حتى هاد اليلة موجدليك مفاجئة...بوسة
لاحت الورقة وناضت كتجر فرجليها لحمام..دوشات باش توكض شوية..لبسات حوايجها..وهبطات كدور فالدار وتكتاشف القنات...دخلات الكوزينة لقات الفطور فوق الطبلة...جرات الكرسي وكلسات....بدات تاكل وتخربق فتيليفونها حتى صونا بين يدها..كانت سكينة..جاوباتها دغيا...
نهى: الووو الشيخة..بايتة تحلمي بيا؟؟
سكينة: فينك الطحبة؟
نهى: ههه وشكون عرف..جيت هنا بالليل...كنت سكرانة ماحفضتش العنوان...
سكينة: وصافي بلا ماتعاودي ليا قصة حياتك..احي راه جات عندك واحد المرا للدار بغاتك!!
نهى: مرا؟؟ شكون هادي تاني؟؟ ياكنا شي قوادة!!
سكينة: نوو..نو...هادي كتبان كلاص..مبايناش فيها قوادة...
نهى: ههه..حتى حنا كنبانو كلاص ومابايناش فينا قحاب..
سكينة: بففف..واجي دغيا وبلا فلسفة...راه فيا الخرا دالنعاس..دخلت تالصباح....غا هي الي فيقاتني..حتى فاتي مكايناش تبقا معاها على ماتجي..
نهى:: بففف..صافي هانا جاية..باش تعلمي تنوضي تحلي الباب على الصباح الخرية ..
قطعات التيلي وكملات فطورها دغيا...جمعات صاكها...حلات الباب وخرجات...الدار جاية على الشانطي ..ڤيلا صغيرة...فحي راقي قدامها شي بانكات ومدارس خاصة ..وبنادم قليل الي كيدور غي الطوموبيلات الي كيدوزو...وقفات فالشانطي...شيرات لطاكسي...ركبات ومشات...

وصلات للدار...حلات الباب طلاقاتها سكينة ...
سكينة: على السلامة...
نهى: (كتحيد فصندالتها) فين هاد المرا؟؟
سكينة: راها فالصالون..
دخلات لاحت صاكها ومشات للصالون...لقاتها كالسة دايرة رجل على رجل..لتبسة لبسة كلاص..شوميز بيضة وڤيست من فوق فالاكحل مع سروال توب كحل وحاطة صاكها قدامها وشعرها كاري مطلوق ودايرالو ليميش مهلية فراسها...عرفتوها ياك؟؟ اييه هاديك..لالة بديعة...غي دخلات نهى بقات كطلع وتهبط فيها وتبدلات سيفتها...وبقات كدير فيها شي شوفات ديال الاشمئزاز...نهى بدورها ماعرفاتهاش ..عيات دور فعينيها...ماقلعات والو..مشات كلسات وشافت فيها ...
نهى: (بابتسامة) انا هي نهى...فاش باغياني؟؟
بديعة: انا بديعة مامات مهدي...
نهى: (دارت رجل على رجل وتكات على الخدية) شكون مهدي؟؟
بديعة: (ضحكات بسخرية) هه...ماعرفتيش شكون مهدي؟؟
نهى: الصراحة كنسا مكنديرش دواصا لكليان ديالي ..الشريفة مضيعيش ليا وقتي دوي دغيا وگولي اش باغا؟
بديعة: شوفي...غاتفارقيليا على ولدي باللتي هي احسن ولا مغيعجبك حال...
نهى: (ببرود) شكون ولدك؟؟
بديعة: (عصباتها ودوات تحت سنانها) شوفي فعايل القحاب خليهوم عندك..راكي عارفة مزيان شكون مهدي...مهدب الي مشيتي كتحيحي على خطيبتو فالشركة وبلا حيا بلا حشمة لويتي عليه وباغا تفارقيه على مرتو وتشتتيلو عائلتو...
نهى: (تنهدات بملل) بففف...عرفتي امدام كو كان جا كل كليان كنبات معاه تصبح مرتو ولا مو عندي على الصباح ؟ كون راها خلات من شحال هادي...وهاد الجريدة الي جاية تقريني على الصباح سيري كوليها لولدك..انا هادي خدمتي...ومامسؤولاش لا على ولدك اش كايدير ولا على خطيبتو ولا حتى عليك نتي وشنو نويتي...باختصار امدام انا مكتهمني تا حاجة من هادشي الي گلتي...وممضطراش نشرحلك شي حاجة ولا نبررليك شي لعبة...
بديعة: ايييه بصاح...كديروها قد راسكوم فالتالي كتوخرو اللور..(شافت فيها باشمئزاز) كترتو حتى وليتو دايرين بحال شي ڤيروس خطير على المجتمع...البلاد ضاعت غي بيكوم..شوهتونا وشوهتو ببلادنا...نتوما عار علينا...خاصكم تعدمو بلا رحمة بلا شفقة...موسخات ...تفووو...
نهى: (سدات عينيها وحلاتهوم كتمالك اعصابها) جيتيني قد الواليدة اما نشوف شغالي معاك...
بديعة: (ناضت وقفات بعصبية ) انا مايشرفنيش نكون ماماك ولا تحطيني بلاصتها...حيت ببساطة كو كانت عندي بنت مغنخليهاش طلع هكا...للاسف ماعرفاتش تربيك..حتى هي زيديها عليك...هادشي باينة عندكوم سلالة...
نهى كتسمع ليها ووقفات والدنيا كدور بيها...ماحملاتهاش دويلها على مها بهاد الطريقة ..ماقدراتش تبقا ساكتة ..عينيها حمارو ورجعات بحال شي شيطان هزات يديها فالسما وكيترعدو ومشات تنزل عليها للوجه..حتى شداتها يد سكينة...الي كانت كتسمع الحديت كولو وجات فالوقت المناسب فاش شافت نهى تبدلو الملامح دوجهها وبدات ترعد...شداتليها يديها وجات بيناتهوم وبقات نهى كتنتر منها وكتنهج باغا طير عليها...

نهى: طلقييييييييي😬😬😬 طلقييييي خليني نقتلهاااااا...طلقي اسكينة..طاااااالقييييييي😠😠
بديعة: (كضحك) ههه...ماقدرتيش تحملي الحقيقة ياااك؟؟
سكينة: (شاداها وبصعوبة باش محكمة فيها وكتهضر مع بديعة) الله بخليك امدام لا ماسيري بحالك...حيت مانضمنلكش اش غايطرا لا طلقتها..ماخاصنا شوهة الله يرحم الواليدين لا ما سيري...
نهى: (كتنتر منها ووجها حمر..عينيها خارجين وباغا تنقز عليها وعروقها غيطرطقو) طلقي ااسكينة...طلقييييييييي😡
بديعة: (طلعات وهبطات فبها وكضحك هزات ثاكها وتمات خارجة بحالها) الحساب معاك ايلا لقيتك مزال كدوري بولدي...هدا مجرد انذار ليك...اطونسيون...
زدحات الباب وخرجات ...
نهى بقات صاعرة وكتغوت غا بوحدها ..كترعد ورجعات كتبانليها غي الضبابة على عينيها...كطلع النفس وتهبطو بصعوبة ومابقاتش قادة توقف...سكينة تخلعات وبقات كتهدن فيها...وهضرتها كتعاود فودنيها بحال السم...تقبلات منها كولشي الا انها دوي على مها بديك الطريقة...للحضة تفكرات مها وبدات تبكي...سكينة تصدمات اول مرة تشوف دموعها ...طاحت على الفراش گلسات ...كتشوف فالفراغ...دموعها على خدها شلال...ويديها كيترعدو...
سكينة: (گلسات على ركابيها وكتمسحليها دموعها) شتتتت...نهى..تهدني مالك؟؟
نهى: (شافت فيها وكدوي بصوت مبحوح) سكينة!! انا ماما مكانتش هكا اسكينة..(شداتليها فيديها وزيرات عليهوم) سكينة..تيقيني ماما كانت من افضل خلق الله...صلاتها مكتخطيهاش...كان كولشي كيحتارمها..لا فعائلتها لا فالجيران...(طلقات من يديها وشداتليها فوجهها) سكينة ...نتي متيقتيهاش ياك؟؟/
سكينة: (كتهدنها) نهى..تهدني الله يخليك...واش حماقيتي؟؟ اكيد ماتيقتهاش...شتتتت(كتمسحليها دموعها وكتبكي معاها حتى هي) صافي سكتي...عافاك...
نهى: (زادت فالوتيرة دالبكا وعنقاتها كتبكي وتشهق بصوت عالي) ااااااااه😭اهئ..اهئ😭😭😭 ماما كانت نقية ...ماما مكانتش موسخة بحالي اسكينة اهئ..اهئ...😭😭😭ماما ماتت بسبابي اسكينة....ماعمر شي حد گال فيها شي هضرة خايبة وحتى تقالت دبا وبسبابي😭😭😭 هي احسن ذكرى بقاتلي من الماضي واحسن ذكرى عندي فحياتي ..علاش كيوسخوها علااش😭😭 ماما مامسؤولاش على هادشي الي فيه انا دبا...اهئ...اهئ..هئ😭😭 ماما كو كانت باقا عايشة مكانتش غاترضاني نكون هكا اختي....اااااااااه😭😭 هئ..هئ
سكينة: (كتبكي معاها ودوز بيديها على ضهرها) شتتت...صافي انهى الله يخليك قطعتيلي فقلبي...ماديريش فراسك هكا...الله يعطيك الستر...صافي احبيبة...
بقات كتبكي وتنخثص وكتشهق بحرقة حتى بردات وشافت فسكينة...مسحات دموعها وعينيها فيهوم شرارة غضب ودوات تحت سنانها بشر...
نهى: غادي..ندمها...غادي نحرقلها قلبها...غاندوقها المرار...غاتكره حياتها اسكينة...غنلوبها من اليد الي كتحرقها...
سكينة: (بعدم فهم) نهى..شكون هادي ..وعلاش كانت كوي معاك بداك الطريقة..واش مهدي هو داك الولد الي سافرتي معاه؟؟
نهى: (كتمسح دموعها) اه...هو..وهادي مو...
سكينة: وشنو عوالة ديري دبا؟؟

ضحكات بشر و ناضت بالشنتة...مشات لصاكها جبدات التيلي ودوزات نمرتو...صونات ليه جاوبها فالبلاصة...
مهدي: صباح الخير الزين..ياكما عاد فقتي؟؟
نهى: (انفاجرات بحال شي بركان وشوية غتخىج ليه من التيلي) صباااح الزفت هدااا...خويا اش بيتي وبينك تا جايا مك محيحة عليا وسط الجيران والناس كتشوف...دارتليا الشوهة ...3 سنين وانا عايشة هنا عمرهوم سمعو حلقي تا جات موك اليوم وضرباتلي الطر...شوووف اداك هااااه.من اليوم مكتعىفني مكنعرفك...
مهدي: نهى..تهدني...
نهى: مكاين لا تهدني لا زمري...غاتقلب عليا ولا مغايعجبك حااال..اش داني اخويا لشي قرع نمشطليه راسو...تا نولي نسمع المنقي خيارو على الصباح...داك النهار خطيبتك ولا ماعرفت صحيبتك ودبا مك..غدا نلقا باك كيتسناني فراس الدرب..والقواادة هادي...(قطعات التيلي)
مهدي...تصدم من كلامها ومافهم تا لعبة..كيفاش مو مشاتليها لدار..وامتا عرفات وكيفاش عرفات...واش دخلها فهادشي...هاد الاسئلة كولها بقات كدور ليه غىاسو وهو شاد التيلي وغادي جاي فالبيرو معصب...رخف الكخاڤاط شوية وكيدوز على وجهو بعصبية ومامتيقش داكشي الي سمع من عند نهى...تعصب وعروقو بانو وبقا كيترعد غا بوحدو..دوز نمرتها مرة اخرى وجوج وتلاتة ولكن لا رد ..شادة التيلي فيدها وكتشوف نمرتو ومكتجاوبش..وسكينة حاضياها بعينيها...
سكينة: اش كتحاولي ديري؟؟؟ علاش مكتجاوبيهش؟ وعلاش هضرتي معاه بداك الكريقة؟ هكا راه غتجبديليه الصداع مع دارهوم...وغتخسريه...
نهى: (ضحكات بصوت عالي) هههه....لا مغنخسروش مزال غايجي يقلب عليا...وحتى انا داكشي الي باغا...غانوري ديك عقروشة التقنديش كيداير...ايلا كانت فرحانة بولدها..خليها تفرج دبا كيفاش غايطير من قدام عينيها بحاال الريشة وبحالا عمرو مكان...
سكينة: (شافت فيها بعدم تصديق) وهو؟؟ اشنو ذنبو!!
نهى: ماعرفتش يمكن يكون ربي كيخلصو على شي ذنب دايرو شحال هادي وطيحو فطريقي...
سكينة: عمري ماشفتك بهاد الحالة...قاسية وخبيتة...وعينيك مضلامين؟؟ ولفت الضحكة على وجهك وكتباني مامسوقاش
نهى: انا هكا ا سكينة...الجرح الي عندي هنا(شيرات لقلبها) غريق بززااف...كتر مكتخيلي...كنحس بالنار شاعلة تما...نار گادية ولهيبها كيحرقني...والضلام الي عندي هنا(شيرات لراسها) كتبانلي الدنيا كحلة وبنادم كحل...وحتى حياتي كحلة...انا روحي كتحرق كل دقيقة وفكل تانية...كيفاش بغيتيني نهز الهم لشي حد فالوقت الي راسي وماهامنيش؟؟
سكينة: (كتشوفيها ومامتيقاش شداتليها فيدها ودوات) كيفاش حتى وليتي هكا انهى؟؟ ولا عندي فضول نعرف قصتك وشنووالي وصلك لهاد الحالة...
نهى: (ضحكات بالم وطلقات من يديها وناضت) ماشي وقتها ابدا...
مشات دخلات لبيتها وتلاحت على النموسية..جبدات رحليها ودارت يديها مور راسها وبقات كتشوف فالسما ومكترمش...
عند مهدي....خرج صاعر من الشركة...ركب فطوموبيلتو..ديمارا وقلع حتى تحكو الروايض مع الارض...عينو خارجين وغايطرطق....ماعرفش شحال داز دالوقت حتى لقا راسو قدام الڤيلا ديالهوم...ضرب فران بالجهد ...نزل من الطوموبيل ودخل بحال شي بركان هايج ووجهو مكيتفسرش...دفع الباب ودخل كيعيط على مو بصوت عالي...حتى خرجات عندو من الصالون...
بديعة: اش كاين؟؟ مالك داخل صاعر؟؟ وفين كنتي الليلة كاملة وحنا كنعيطو عليك ؟؟

مهدي: (من تحت سنانو) علااااااااش مشيتي عند نهى؟؟ وفين كتعرفيها نتي واش بينك وبينها؟؟؟ هاااااا؟؟
بديعة: (غوتات عليه) رااااه انا الي خاصني نحاسبك ماشي نتا...جاتك ساهلة تمشي مع وحدة خارجة الطريق وتسمح فخطيبتك وبلا حيا بلا حشمة جاي كتغوت عليا على ودها؟؟
مهدي: (كيدوز على وجهو بعصبية) اااه...صافي فهمت!! ريم هي الي جات شكاتلك واحتمال كبير هي الي عطاتك العنوان...وغير دلك المجية الي جات داك النهار كانت باينة دايرة البحت ديالها مزيان...
بديعة: دبا نتا هادشي الي هامك؟؟ واااش عاارف راسك اش كادير ولا لا؟؟ واش نسيتي بالي راك خاطب وماباقي والو لعرسك؟ ودبا واقف بكل وقاحة كتناقش معايا على ود ق...(سكتات شوية ودوات) استغفر الله غاتخرج مني الهضرة...
مهدي: (كيفور بالاعصاب) واااااامي...والاش غادية عندها؟؟؟ واش سوووقك؟؟ من امتا كدخليليا فحياتي حتى درتيها هاد المرة؟؟ رديتيني صغير قدامها...واش حماقيتي؟؟؟؟
بقا كيغوت كيمشي ويجي وغايطرطق..حتى سمع صوت باه هابط فالدروج ..وجاي شاعل...
عبدالله: اييييه...مادويش مع ماماك بهاد الطريقة؟؟ اش هاد الحالة دااير؟؟ راه حنا الي خاصنا نغوتو ونحيحو...دايرها قد رايك وزايدها بتخراج العينين؟؟
مهدي: الوالييييد ...ما من حق تا حد يكولي شنو ندير..انا حر فحياتي ندير الي بغيت...وماسوق حد فيا...
عبدالله: حنا راه واليديك وخاصك تحتارمنا..من امتا رجعتي تعلي صوتك وتقلل الادب علينا ؟/هاااا؟؟ دويي....
مهدي: واليديا على عيني وراسي ولكن هادشي مكيعطيكومش الحق دخلولي فحياتي...
عبدالله بدا يتعصب وكيحس براسو كيتخنق والضغط بدا ينزليه...وكيهضر وعينو خارجين...
عبدالله: بديعة....وااااااش سمعتيه اش كيكول؟؟؟ باغينا نشوفوه كيدمر فحياتو ونسكتو...باغيني تبقا نتفرج فعلاقتي بصاحبي وشريكي كاضيع قدام عيني ونسكت...عيينا نديرو عينين ميكة على تصرفاتك الصبيانية...نتا راك فتي الحدود هاد المرة...
بديعة: (كتشد فيه) تهدن الله يخليك...غاينزلك الضغط!! (شافت فمهدي ودوات بعصبية) عجبك الحاااال ديا...ها؟؟ عجباتك هاد الحالة الي وصلنا ليها؟ من امتا كان الصداع فعائلتنا حتى لدبا!! واش حاس براسك اش كدييير ولااا عينك معميين...
عبدالله: (هز صبعو كيهدد فيه وكيترعد) شووووف نكولك...جوج كلمات..يا تشد الطريق معانا يا....
بديعة: (قاطعاتو) نعل الشيطان اعبدالله...
مهدي: (ضحك بسخرية) ههه...يا اش؟؟ هااا؟؟ (غوت) اااااااش؟؟؟ انا غانسهل عليكوم هادشي...انا مليت ...ديما مدخليني فمسائلكم الشخصية...هدا صاحبي وشريكي...هادي صاحبتي وبحال ختي..لا خاصك تزوج ببنتهم ضروري..هكا غادوم علاقتنا وغتقوا صداقتنا...وغانزيدو القدام بشراكتنا...انا مليييت من هادشي...مليت من انكم ماعاطيينش لحياتي تا اهمية..كولشي مصالح..مصالح...هادشي كااان شحال هادي...ومن دبا لفوق ماغنسمحلكومش دخلو فحياتي..
بديعة: (بعدم تصديق) اااش كتقصد؟؟
مهدي: ديك ريم ديالكم مغنتزوجش بيها ...(حيد الخاتم من يديه ولاحو بعصبية)...الخطوبة اليوم سالات.ونهى غاتخطيها عليك وااااخر مرة نسيق الخبار لشي حد فيكوم مشا عندها ولا دوا معاها...ودبا الكرة فيديكوم...يا تقبلو هادشي يا...
بقاو واقفين مصمكين وكيحاولو يستوعبو اش داكشي الي قال...ماتيقوش ..ومابغاتش دخليهوم لراس ان ولدهوم كينهي علاقتو بيهوم بهاد الطريقة وداز فكلامهوم ووقف فوجهوم بكل وقاحة....يالله مشات دوي بديعة وهو يحبسها عبدالله...
عبدالله: سكتي ...صافي...كنضن مابقا مايتقال...ولدك قرارو واضح...خليه يتحمل مسؤولية هادشي...
سادت لحضة صمت بيناتهوم بتلاتة...وسط حالة من الغضب ديال مهدي وخيبة امل وصدمة قوية لعبد الله وبديعة...الي كتشوفيه وعينيها تحجرو فيهوم الدموع وهي متبعاه بعينيها وهو غادي خارج على الباب وبلا مايشوف وراه وبحالا مكيعرفهومش...تمحا مابقاش كيبان...هبطات على ركابيها بجوج منهارة فالارض وطلقات العنان لدموعها...كتبكي وتشهق وضرب فراسها وعبدالله واقف عند رجليها ومامتيقش هادشي الي طرا...

مهدي كانت علاقتو بواليديه وطيدة ...عمرو خصرلهوم الخاطر ولا رفضلهوم طلب...من صغرو طالع هكا...علمهوم ديما ايه..ايه...وفاش قال لا...كانت هادي هي النتيجة...خرج على برا..تكا على طوموبيلتو وضرب بيديه فوقها بعصبية....بقا مغمض عينيه للحضة والغضب مسيطر عليه...رجع دار وراه...لقا اخر نضرة على دارهوم..الدار الي تربى فيها وكبر وجمعاتو بواليديه...وبلا مايتردد ولا يعاود يفكر فالقرار الي خداه..ركب طوموبيلتو وديمارا...غادي مرفوع ومكيشوفش قدامو..هز التيلي وطلع النمرة د نهى كيعيط ليها مكتجاوبش...عاود وعاود ...ووالو...مشا لدارو بدل حوايجو..ورجع خرج...ركب طوموبيلتو. وبقا غي غادي كيدور تالف وماعارف مايدير...موالف فبخال هاد المواقف كيعيط لصاحبو...يشكيليه ويفضفض ولكن دبا حتى صاحبو دار وعطاه بالضهر...وفواحد اللحضة حس بالي الناس كاملين الي ضايرين بيه رحلو وبقا غي بوحدو...رجع كيصوني ويصوني...باغيها..محتاج ليها...الوحيدة ااي يمكن طفي نارو وتخفف حزنو....ومتخليهش ضايع..تايه...هايم...ماعارفش راسو شنو باغي وشكايدير...الي عارفو مزيان هو انه واخيرااا كيحس راسو حر...بحال شي طير كان فقفص وطلقولو...قلبو كيرفرف...بغا ينسا اش طرا مايدورش وراه...طامع فالمستقبل..راسم بزاف داللوحات...وكاتب بزاف ديال الافلام وخاصو يبقا حتى لاخر مشهد...خاصها غي تجاوب.....
طاح الضلام...وطلعات الگمرة...علات وشدات بلاصتها...كتبان زوينة...كبيرة ونورها ساطع...وانعكاسو كيضرب فعينين نهى..عينين ذابلين...مخبيين بخر من الهموم...فيهوم حزن مقود....فيهوم فراغ وضياع...دمعو شوية من كترت مكترمشش...ساهية..كتخمم...الوقت عنظها توقف...عينيها مفيكسين...غربي زوين كيضرب فشعرها...وكيطيرو فالسما...مكرهاتش طير معاه...لبعيد...على امل ان تما غايكون زوين...مدورة بيها شلا اقلام وشلا وراق..ماتمشيوش بعيد...هادوك غي وراق النيبرو...وبوينتات ديال الكارو..قرعة دالويسكي ضربات فيها النص...كاس فيدها وگارو فاليد لوخرا..كتكيف وتسوط دخانو فالسما وتبعو بعينيها فين غادي...حتى كيبغي يوصل جهة الگمرة..اوووبس..مشا..تبخر...بحالا عمرو كان...كتسكر باش تنسا ساعة هي عمرها تنسا...من عادتو الشراب ينسي...كيخلي بنادم يسامح..كيولي كولشي صحيبك..حبيبك...وقادر تغفر..ولكن نهى عمرها تسامح وعمرها تغفر..لولاد القحاب..للمجتمع..لعائلتها..للحياة الي مانصفاتهاش...طالقة رجليها ومتكية على الكرسي...طافية الضو ديال البالكون..فقط العافية ديال السيجارة الي كتحرق هي الي باينة..كتصنت الغيوان...غبتي مع غروب الشمس....
غبتي مع غروب الشمس هي اليوم شرقات و فين انوارك انت🎶🎶
رحتي مع فراق لطيار هي اليوم غنات🎶 و فين الحانك انت🎶🎶
وصلتي ف ايام الربيع هو اليوم خضر 🎶و فين ازهارك انت🎶🎶
رحتي مع فجر العيد هو اليوم علام 🎶و فين عيدك انت🎶🎶
رحتي مع مياه العين هي صارت واد🎶 و فين وادك انت🎶🎶
رحتي بحال طير جريح هو صاب دواه 🎶و فين دواك انت🎶
كتعجبها هاد الاغنية..كلماتها كيقصحوها...كتحس بيها كتعرفها..كتعرف نهى...كتعرفها مزيان...وكتعرف گاع الوريدات بحالها الي ذبلو وكيتسناو الربيع يزهر...
دخلات سكينة قاطعاتها..خرجاتها من جلستها الي دايرة بينها وبين راسها...وهي كتفرج كيفاش الدنيا ضاحكة عليها ومدخلاها ففيلم هي كاع ماختارت تكون بطلتو...
سكينة: مغاتمشيش؟؟
نهى: (ضحكات بجنب وبلا مادور) كنت غادية ..نتي الي قطعتي عليا الطريق...
سكينة: (بعدم فهم) واش تسطيتي؟ ماغاداش البار؟؟
نهى: (سالات الكاس وكتزيد واحد اخر) لاء...
سكينة: وشنو غانگول لداك المنفوخ تاني؟؟
نهى: (ببرود) ماتت..ومشات تقحب فحهنم...
سكينة: الله يستر..لسانك ديما خاصر...
نهى: مكيعجبنيش نماكيي للهضرة ونزوقها..وايلا كان كلامي مقود...فحياتي أقود...
سكينة: المهم هانا مشيت..ردي البال لراسك...(مشات)
نهى: (ضحكات بسخرية) ههه..راسي!! (جهدات للاغنية وطلات بنص عين على التيلي الضو شاعل وكيصوني...مهدي تاني...رجعات فيكسات عينيها فالسما وبحالا ماشافت والو....

يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.