شحال صعيبة تكتاشف حقيقة حياتك، شحال صعيبة تعرف بلي لي عايش معاهم ماشي واليديك، اه كتاشف ولا عرفت بلي انا ماشي بنت مي وبا، شكون انا، وفين با وفين مي اذن،،،،،،،عرفت هادشي من الجواب لي قال با لحياة #(كي غاندير احياة نقولها بلي احنا غير مربيينها)،....... من بعد هاد الجملة طاح التلفون من يدي، وناضت حياة وبا مخلوعين، لقاوني غارقة فدموعي حاولات حياة تهدني، ماشي حيت كنت معصبة، لا حاولات تخرجني من صدمتي، بقيت غير تانبكي، با جرني عندو وعنقني، كتافيت انني نعنقو ونبكي بين يديه، بقيت كانبكي ماقدرتش تانسول. با # نهى صافي ابنتي الله يرضي عليك، ماتقلقيش راه غير ماقدرناش نقولو ليك والو، عافاك ابنتي لما سكتي (هو تايهضر وانا تانتنخصص)،داتني حياة لبيتي تكيت ماحسيتش براسي تانعست، ...... أصبحنا وأصبح الملك لله # مع فقت عطيتها للبكا، طلعات عندي حياة وبا لي تاهو مامشاش للحانوت باينة فيه مانعسش مسكين، شتو وعنقتو. انا # با بنت من انا.... با واش هاديك اللي ولداتني مابغاتنيش...... عافاك ابا قولي راه غير تانحلم، حياة اختي راه مايمكنش ماتكونش مي زينب الله يرحمها هي مي، بصح انا ماتانشبهاش ولكن راه كتار لي بحالي، علاش ماعمرني سولت راسي، علاش ماتانشبهاش ليكم.... اهئ اهئ اهئ، علاش انا ماعندي زهر فهاد الدنيا، علاش ابا. با # بنتي الله يرضي عليك مك الله يرحمها ماكانتش تبغيك تبكي هاكا...... الله يرضي عليك ابنتي، واش عمرنا حسسناك بلي احنا غير مربيينك، ياك كنتي نور عينين مك، ونتي ابنتي هي ضو دعيني انا، واحنا اللي ربيناك واخا ماولدناكش من صلبنا، ولكن الله شاهد معزتك فقلبي، وفقلب مك الله يرحمها. انا # اهئ اهئ اهئ، عارفة ابا، ولكن علاش كذبتو عليا، علاش كلشي خلاني،.... با ودموعو نزلو (الدموع ماشي نزلو من رجولتو ولكن بينو قيمتي عندو خاصة وهو بكا قدامي مرة وحدة فاش ماتت مي الله يرحمها ودابا )# ماتقوليش ابنتي هكذاك......... ااي اااي..... (انا # با مالك، با مالك اش درك، حياة تاتغوت )............ في المستشفى # الدكتور # شكون من عائلة المريض انا وحياة # احنا اسيدي، الدكتور # راه ماعندو والو غير طلعلو la tension شوي، راه عملنا لو السيروم واحد ساعة ودخلو تشوفوه، وحتى الى بغيتو تديوه. من بعد ساعة ونص دينا با للدار، كان مسكين عيان ودموعو على خدو، دخلناه انا وحياة للبيت جات مان سليمة وباها والجيران طلو عليه ومشاو...... شوي دخلت عندو انا وتكيت حداه، حسيت بيه عنقني، وعنقتو تا انا، با # بنتي سمحلينا، احنا كنا باغيين نعاودو ليك كلشي، وحتى مك اللي ولداتك راه ماشي لخاطرها.... ماخليتوش يكمل وقلت لو # با ماشي مشكل، كيف قلتي اللي رباو هما الوليدين، وانا راه الله شاهد شحال تانعزكم، واللي ولداتني مابغيت نعرف عليها والو ابا عافاك .با # على خاطرك ابنتي، شوفي شكون تايدق. نضت فتحت، لقيت يوسف وعائلتو، دخلتهم، جاو يشوفو با كيبقى، شربو كاس داتاي، يوسف ماهضرتش معاه بزاف، قالي مالك تاتباني عيانا بزاف، قلت لو والو غير مع با وصافي. مهم مشاو بحالهم، وصونا لي يوسف، قررت نعاود لو الحقيقة كاملة ولكن فاخر لحظة تراجعت. دابا 4 ايام باش داز هادشي، بقات 5 ايام للعقد، عيطنا للناس وكلشي على حساب العرس، غير الجيران، وصافي ووجدت كلشي، حاولت نتناسى موضوعي،.. . اليوم خرجت مع يوسف باش نجيبو الخمارات دياولي، جبناهم، ودزنا لواحد القهوى عائلية # يوسف # اش تاخضي انا # لافوكا يوسف # لافوكا دالرجال انا # هههههه تا طلب لي لافوكا وشي بتيبان اشمن ولا كاتزقرم يوسف # هههههه(طلب لي داكشي لي بغيت، وخضا هو café crème ),مابقى والو ونمشيو لدارنا، نتمنى يعجبك دوقي. انا # اكيد غايعجبني، اللي من عندك زوينة، يوسف # ماقلتيليش، علاش طلع الضغط لباك، داك النهار اكما عندو شي مشكل، راه نقدر نعاونو، ماتخبعي عليا والو، راه انا ونتي واحد انا ماعرفتش باش نجاوبو، ولكن قررت نقولو الحقيقة كاملا حيت غايولي راجلي دابا وحشومة نخبع عليه # يوسف شكرا، غانقول ليك واحد الحاجة، كنت ناوية نخبعها ولكن نتا غاتولي جزء من حياتي، واصلا الزواج خاصو يتبنى على الثقة والصدق من الاول، المهم با الحسين ومي زينب الله يرحمها، ماشي واليديا الحقاق، وانا عرفت هادشي داك النهار، وداكشي باش با مرض. يوسف مصدوم، # ماعرفت مانقوليك، ولكن علاش كنتي ناوية تخبعي عليا، وكيفاش زعما واش تكوني بنت..... ولكن علاش..... تايقول سؤال وماتيكملوش.... انا # يوسف واش هادشي لي هامك دابا، تسنيت منك تقولي انا باغيك نتي لذاتك. نضت هزيت صاكي، وقلت لو ديني للدار. تاهو ماشي من العاكزين ناض، وصلني وقبل مانهبط قالي، نهى ماتقلقيش مني عافاك غير تصدمت ولكن مع ذلك كان خاصك تقوليها لي، ماهضرتش معاه درت فيها مقلقة سديت الباب وطلعت. صافي مع العيا صليت وطحت نعست، بلا عشا..... اليوم تسنيت يوسف يصوني باش يعتاذر ولو، تال الليل، نضت انا صونيت عليه بقات غير 3 ايام للعرس مابغيتش نبقاو مخاصمين، تاسمعت الباب تايدق، حلات حياة، وسمعت الصوت دمرت لوسي وزينب خت يوسف، نضت سلمت عليهم.جلسو عمرت اتاي وحطيت الحلوى. زكية مرت لوسي # لالة حياة ختي نهيلة، احنا جينا ع غير نعتاذرو، ماعرفتش اش نقول ليك، ولكن داكشي لي كان غايكون بينك وبين يوسف مابقاش، العرس تلغى.
انا بصدمة ودموع # اهئ اهئ، علاش هادشي، واش درت شي حاجة، اختي عافاك راه عرضت على الناس ومابقى والو
من بعد 3 ايام، الاب دسليمة والام ديالها وحياة مشاو هضرو مع عائلة يوسف، ولكن مو ماقبلاتش بيا، اش هاد الذل لي طيحني راسي فيه، انا غير متكية ومصدومة، لدرجة فكرت ننتاحر، ولكن ماقديتش، انا مجرد خوافة، حاولت نوض طلعت لبيتي، هزيت صورة مي الله يرحمها، وعنقتها وبقيت تانبكي.
علاش امي خليتيني، واخا نتي ماشي مي دبصح ولكن كنت مرتاحة ونتي معايا، جبدت الحوايج لي كانت صاوباتهم لي الله يرحمها، قطعت دوك التكاشط ومرة مرة نعنقهوم، علاش امي خليتيني، علاش اربي ماعندي زهر، اللي حطيت فيها يدي ماتاتصدقش، علاش اربي علاش......
بكيت وبكيت، عيني تحرقو بالدموع، مابقيت لاتاناكل لاتانشرب وليت حالتي حالة، ضعافيت، حياة مسكينة تاتديني عند صحاب الرقية قالت ليك العين ولا السحر، فاش تايقرا عليا بقيت تانبكي قاليهم عندها السحر، انا ماشي ضد الرقية، ولكن اشمن سحر او عين، هذاك راه قلبي لي ضارني بزاف.
من بعد شهر بديت كانتحسن، وتانتناسى ولكن الالم رجعلي بمجرد ماشت العرس د يوسف، بصح مادوزتش معاه بزاف ولكن بغيتو، ولكن فالمقابل هو دغيا نساني، وماحاولش حتى شوي يوقف معايا ويبين لمو بلي باغيني.
اش كاتقولي ا نهى ماشي كلشي عندو قلب بحال ديالك، ماعرفتش علاش دغيا تانتعلق ببنادم........... ولكن غانسى، غانسى. الحمد لله على نعمة النسيان.
هاد الصباح وحنا كانفطرو بدات حياة كاترد، ماعرفتش مالها، نضنا مشبنا لسبيطار دالحومة، قالو لها حاملة،فرحنا بزاف، ههههه ولكن ضحكاتني فكرة ان با كبير وغايولد ههههه.
مهم رجعنا، جا با فالعشية قلنا ها ليه، فرح ولكن مابينش بزاف......صافي دازو دوك الايام اللولين عادي، حياة عندها الوحم شوي صعيب.
انا بديت كانمشي للنادي دالخياطة ، واليوم وانا غادا تبعني واحد خينا، عندو الطوموبيل د فرنسا، بانت لي من البلاكة، قاليك بغا نمرتي، قلت لو واش بنت ليك من داك النوع، قالي راني باغي نتزوج وناوي المعقول.... قلت لو لي بغا المعقول تايجي للدار..... زدت وخليتو..... كان زوين صراحة،،،، ولكن انا قلبي مازال مابرا....... صافي وليت ديما النادي، وداك خينا تبعني تاعيا ومابقاش تايبان......ولفتو تايتبعني، دازت شهرين تقريبا واحد النهار شفتو، شافني جا عندي، قالي واش مازال ماهداك الله، قلت لو كاتعرفني، قالي واش نسيتيني دغيا، مهم بدا عليا بالهضرة الحلوة، وليت كانتلاقاه ديما، بقا عليا تاعطيتو النمرة، بدينا تانهضرو، كانت سميتو جواد، كان تايعاملني فوق مزيان خلاني فشهر نتعلق بيه، ماعرفتش مال هاد القلب عندي، بحالا عندي نقص عاطفي، دغيا تانولف على بنادم.... المهم بدينا فالهضرة، وعرفت بلي هو تايمشي لفرانسا تايجيب السلعة تايعاود فيها البيع، المهم رجعت لعادتي وليت كانخرج معاه للقهوى، واخا ماشي بزاف حيت هو تايمشي لفرنسا وتايرجع، المهم مشات ايام وجات ايام، ووصل عيد ميلادي وغادي نطلع ف 19 لعام، قنعني جواد نمشي معاه للدار قاليك بغا يحتافل بعيد ميلادي، واخا كنت مترددة، كلت لحياة راه.....غدا د ايرين حفلة فالنادي، غانتعطل شوي... واخا قالت لي باك ماغايبغيكش تعطلي خاصة الحفلة بالعشية يعني ماغاتجي تا الليل، بقيت عليها تا قتانعات وقنعات با..... المهم الغد ليه مشيت نع جواد للدار،،،،، قيتو موجد لي كسولات فوق الركبة، وداني عند الكوافورة قاداتلي، ورجعنا لدارو
... شرالي سنسلة بخاتمها وبراسلي ديالها، وشرالي طارط.... مهم حتافلت بعد ميلادي، شوي شغل الموسيقى وبديت كانشطح، وهو تايصورني، فيديو وخا ماقبلتش ولكن قالي راه غايشوفو غير هو ويمسحو، صافي ضحكنا وشطحنا، ورجعت بحالي، من بعد مامسحت وجهي وكلشي، من بعد داك النهار، بيومين عاود جواد جا هزني بالطوموبيل، قاليك نمشيو لوليلي غيبت النادي ومشيت معاه، ولكن رجعنا دغيا، ودزنا لدارو، باش ياخذ جاكيتو حيت جاه البرد، قالي دخلي دخلت، بدا تايقرب لي...... عنقني..... .، وتجاوبت معاه فالاول ولكن شوي وقفني، قالي حبيبة، نمشيو غاتعطلي اصلا مابقى والو وغانجي الدار، ديك الساع غاتولي ديالي،بتاسمت...... مهم بقات بيناتنا الهضرة، تال واحد الليلة قالي جواد نرسلو صوري، رسلت لو بزاف وبدي بوز خايبين.....
الغد ليه صيفط لي، جواد فيديو فيه انا تانشطح، داك دعيد الميلاد، ورسلي فيديو اخر فيه صوري بدوك ليبوز، وصونا عليا قالي هاد لي فيديو غانديهوم لباك، قلت لو ماضحكش معايا هاد الضحك، قالي اجي عندي دابا ولا والله تانشرهم ونديهم لباك، مشيت عندو ديك الساع، واخا هاكاك قلت راه غايكون غير تايضحك، وصلت عندو دخلت، وراني البيسي ديالو فيه صوري، وفيه الفيديو، وعاد شي وحدين لاعب بيها فالفوطو شوب، قلت لو حرام عليك انا راه تانبغيك بصح، قالي وانا غير تانضحك عليك، بدا تايقرب لي، بعدت،حاولت نهرب ولكن شدني بزز، اغتاصبني، بحال شي حيوان، وناض خلاني قالي لبسي حوايجك الكلبة، وسيري عليا، قلت لو عافاك ماتشوهنيش،
مشيت بحالي دخلت لبيتي،درت لوسادة تحت فمي وبقيت تانعضها نتفت راسي، غوت بصمت فالاخير نضت ، دوشت تانفرك فلحمي بحالا توسخت، حتى جرحت لحمي، وتوضيت، بديت تانصلي وتانبكي، تانبكي وتانطلب من الله يسترني، جات حياة دخلات عليا لقاتني تانبكي،قالت لي مالك قلت لها والو غير تلاقيت بيوسف ومرتو معاه، قالت لي مايبقاش فيك الحال دابا يجيب ليك الله ماحسن....... ، دازو دوك الايام وليت كانسهى بزاف....وحتى النادي خرجت منو،وليت حاسة بالرعب خايفة بزاف ، جواد من نهار الاغتصاب ماشتو، ولكن اليوم فالصباح عيطلي قالي علاش مابقيتيش تاتجي للنادي،ماجاوبتوش بقيت تانتسنى نشوف اش بغا
........، خرجت بلا مانقول والو لحياة اصلا هي ولات ملهية غير مع راسها والوحم، با ماتيجي تال الليل، مشيت عندو حلي الباب طحت لو على رجليه، تانطلبو يمسح داكشي، قالي جيبي لي 100 الف ريال وناخذ البيسي لي فيه داك التلفون، قلت لو عافاك منين غانجيب ليك هاد المبلغ، قالي شغلك هذاك، قلت لو اش غايضمن لي، قالي بلي هو بغا يتزوج وبغا يسالي هادشي قبل، ماتيقتوش ولكن ماعنديش خيار اخر، مشيت للدار بديت على البكا، كانت حياة، خارجة جات لقاتي تانضرب وجهي وتانبكي، شوي بديت تانرد، قالت لي مالكي، مابقيتش قادا نصبر، عاودت لها كلشي، غوتات عليا وضرباتني، اول مرة حياة هزات عليا يديها، شوي عنقاتني وبدات تاتبكي، قالت لي صافي الفوس غاندبرو عليهم......الصباح دالغد ليه ديت سنسلتي وحلقاتي دالذهب، بعناهم وزادتني حياة 30 الف كانت عندها، السنسلة والحلقات، جابولي 50 الف، عيطت لجواد قلت لو عاد جمعت غير 80 الف بقيت تانحزرو وتانبكي، عليه ذليت راسي وانا اللي بغيت الذل، قبل وقالي نديهم ليه للدار، مشيت بالجرا عطيتهم ليه، عطاني التلفون قلبتو ماكان فيه والو، والبيسي قالي ديه وفرشخيه ولا ديري بيه اللي عجبك، على اي انا كنت لقيتو غير فواحد الكوليا دالسلعة، بست ليه رجلو وحزرتو وحلف لي بلي مابقى عندو والو،ماعنديش حل من غير نتيقو..... صاف رجعت بحالي شديت داك البيسي، فرشختو توضيت تانصلي وتانبكي لله، هاد الايام تاتشدني الدوخة والردان، قالت لي حياة، عنداك غير نكون حاملة، صافي هنا فشلت.
نهى بائعة الهوى الجزء الرابع
محتوى القصة
التنقل بين الأجزاء