حوراء: تال امتى غنبقى سادا عليا فداك البيت .. صافي تهنيت من داك عادل ودغيا جا سيدو ... وانا ضورتها فراسي و لقيت بلي مزبان ونيت كيشبه لخويا غيعيشني مزيان ..
حيدات سناء ايديها من العجينة وعنقاتعا ..
سناء: هكاك نبغبك ابنتي .. ولكن تسناي تجي ختك مع 12 و سيرو ..
حوراء: بلاش ما غتبغيش تمشي معايا راه ساعة ولا 2 ونرجع ..
سناء: واخا سيري للبيت هزي واحد 400 ...
حوراء: خرجات من عندها .. ومشات لبيتها هزاتها و رجعات لبيتها جمعةت داكشي لي خاصها لبسات جلابة ولوات الزيف وخرجت .. كتسلت و تقلب بعنيها حتى وصلات عند لباب دار سلمى .. لي لقاتها كتسناها فالباب حيت فيبات عليها ..
السائق: ااه اخويا .. العبد مابقا يخاف ربو .. و العشرة مابقاااش كيتخاد ليها اعتبار .. جاتني دقة عمري ضربت ليها الحساب .. المرأة لي تزوجتها وحطيتها فداري تصوني ونصونها و نديرو نعاها تريكة الحلال .. طعناتني و مشات كتسحر ليا عند الكفرة .. زعما باش منشوف فتاوحدة من غيرها ولي لغاتني نديرو ليها .. يعني " تضبعني" بهاد المفهوم ..
الراجل؛ ااحول ولا قوة الا بالله .. فين باغين يوصلو بهادشي .. راه خرجات من رحمة سيدي ربي واليعوود بالله .. راه شركات بالله وربي كيغفر كولشي الا يتشرك بيه .. وعاد داك الطريق كولو ظلام فظلام ... راه ياربي تستر دوك الشياطين مامعاهم لعب .. و فبلاصة الانسان مايتقرب من الله و يدعي ليه .. كيمشي عند الشياطين يخدمو ليه مصلاحتو وكيولي ديما متبوع بيهم .. وديما خاصو يدبح ليهم .. وهما كيطلبو و كيطمعو كل مرة وشنو .. وهادشي باش يقضيو ليك داك الغرض والى غضرتيهم كيتبعوك ويردو ليك كولشي ضدك .. و كينتاقمو الله يحضر السلامة .. كتولي لا دنيا لا دين .. وبتبعوك فرزقك وولادك و عائلتك وصحتك كولشي ... كون يعرف الانسان قيمة الايمان والتقرب من الله .. الانسسان مابقاش كيدعي .. ولا كيقولك دعيت وربي ما قبلش ليا .. ماعارفينش بلي ماكايناش شي دعوة وصلات لباب الرحمن كترجع ... حيت الدعوات كيتقبلو على 3 الاشكال ... دعاء الى كان مافيه حتى مضرة ليك ربي كيفدقبلو ليك عاجلا ام آجلا ... اولا الى ماكانش صالح ليك ربي كيخلفو ليك بما احسن ... اولا دعاء كيتصادف مع شي ابتلاء هابط من عند الله تعالى و كيرفعو علبك ومكتبلاش بيه ... ولكن الانسان بعد على الله بزاااف ولا كيهمهم مصالح الدنيا على ارضاء الله لي خلقهم و لي ما عرت فين يوصلو كيبقاو تحت رحمتو ... اودي الهضرة كتيرة و بنادم تعيا متشرح ليه ..
السائق: والله يهدي ما خلق اخويا هادشي لي غنقول لك .. راه طلقتها و كنسمع عليها باقية غارقة فداكشي و قالو ليا تسكنات و مرضات ليهم غير شادة الركنا وكتنوض بليل تغوت .. اما انا خديت ليها بنتي مابغيتهاش تعيش معاها فداكشي ... والحمد الله عايشة معايا ومع جداها .. ولله الحمد ..
السائق: الحمد الله .. منين ربي لطف بيك .. راه ديما كيوقف مع عبادو .....و قدما بعد .. الانسان يرجع لله راه هو لي دايم ..
حوراء كتصنت و فهمااات مزيبااان بلي هذا ميساج من عند الخالق ... مابغاهاش تخرج من رحمتو و تخرج على راسها ... دموعها فعينيها وضارت بيها الدنيا ..
قربات لشاطئ البحر كان قريب و ضرب فيها الريح وهبطات ليه وطلعات جهة الصخر وجلسات تما ... كيضرب فيها الريح و هواء نقي كتحس بيها دخل لذاتها و وذنيها ما فبهم غير الماج لي كترتاطمو ... صوت بنادم بعد وبقات فعالم ديالها بوحدها ... تفكرات اش وقع فالتاكسي و دموعها هبطو .. حدرات راسها التحت وكأنها واقفة قدام الله وحشمانة من فعلتها...
حوراء: با ربي تسمح ليا وتغفر ليا ... غلطتي كانت حرام وبغيت نصلها بالحرام ... باشمن وجه غنلقاك باربي واش هاد الغباء عايشة فيه ... لي قال ليا شي حاجة كنتبعها وليت خايفة من راسي .. المشتكل انا لي كنطيح راسي فيهم ... باش غنصلح هادشي باربي باش ... نهرب و لا اش ندير ... فين غنعطي وجهي ... فيبن .. وداك ولد الناس اي خطبني اشنو ذنبو .. مالقاني غير انا ... الله ينعل النهار لي شفت فيه داك الكلب ... ياربي مشيت معاه بنيتي وغضرني خود ليا حقي منو يااااربي ...
سرحات بعينيها وسط البحر كتشوف لبعيد بعينين شبه مسدودين بفععل الشمس .. سمعات ضحكات وقهقهات بنت دارت تشوف لقات كوبل جالسين بعاد شوية عليهم هو جالس وهي واقفة ومعنقاه شاد خصرها وكيلوح ليها هضرة وهي مترعة فمها كتضحك بالجهد ...
ضحكات حوراء ضحكة ساخرة ودورات وجها فين كانت كتشوف وقالت: باينة كيقرى عليك داك النشيد الوطني ديالهم ... ولكن اخرتك غتجي تجلسي فبلاصتي ...تنهدات وناضت ساست حالتها رجعات فحالها شدات طاكسي .. حطها ومشات كتسلت لين الدروبة حتى وصلات عند سلمى ودخلاتها ..
سلمى؛ شتك رجعتي دغيا ..
حوراء: داك الحل مامسلكنيش ... وداكشي حرام اختي ماقادا على ذنوب اكتر من لي انا فيهم .. وكلت امري الله هو يفكني .. وهذاك ربي لي غياخد لبا حقي منو اما انا غير عبدة ضعيفة معندي مندير ليه ... القصة أُخذت من 9esa.com..
شافت فيها سلمى باسى و عنقاتها ..
سلمى: قلبك كبير الزمرة واخا مكلخة ونية ... كندعي الله يكون من حالك وضروري غنلقاو حل متخافيش ..
حوراء: واخا ..
سلمى: ياله دخلي لاحمام بدلي و فزغي شعرك باش مايعيقوش بيك ..
حوراء: واخا ..
دارت داكشي لي قالت ليها و لبسات و خرجات عندها ...
سلمى: سيري دابا ومنين نقدر غنجي عندك باش نلقاو شي حل ...
مجموعين فالعشاء كاملين ... في صمت وغير التلفازة لي كتهضر .. حتى نطق خوها ..
يوسف: الوالد ... اسماعيل بغى يخرج حوراء غدا .. متكلمش معاها نهار الخطبة .. بغا غير يتعارفو شوية و يعرف شروطها وداكشي راك هارف ...
عبد الرحيم: واخا ولكن ساعة مايفوتهاش .. ولفات تزرييط مع لي قبل منو .. و رحينا ليها حتى ولات تشرط ... ومزيان ملي مغيطولوش الخطبة ... ماقادين على كلام الناس ...
حوراء كتصنت وحبسات الماكلة .. حتى من الدغمة لي في فمها مكرهاتش تحطها .. وقفوها ليها .. ومابقاش فيها الحال على هضرتو حيت عندو الحق و لكن ما داروش ليها الاعتبار وماخداوش حتى رأيها واش تبغي تخرج معاه ولا لا ... قررو وعطاو الموافقة وغيير بيناتهم ...
بغات تنوض وقال خوها: غدا غيجي عندك مع 3 العشية .. تبتي ورزني ونقصي الخفة ...
مشات للياها وسدات عليها .. تخشات فسريرها كتفكر غير فهاد اللقاء كيف غيدوز واشمن نوع ديال البشر غيكون هاد اسماعيل ..
اصبح الصباح ... حلات عينيها وبقات فبلاصتها ... حتى تروع خاطرها وناضت كتجري للحمام .. ردات و غسلات وجها و عنفها بردات علبخا الدوخة لي كتحس بيها....خرجات لقات مها كتدق فالباب ..
سناء مالك ... شوف كيف صفراء .. واش مريضة ...
حوراء: لا ... غير المعدة يمكن هي لي دارت ليا هكا ..
سناء: غير مع الاعصاب يمكن دوزي تفطري ...
فطرات وناضت دارت الشقا لي ولات كتشغل راسها بيه غير باش تنسى شوية ... حتى تغداو و ناضت لبسات دجين وشوميزة طويلة .. لوات فولارها .. ولبسات سباطها وهزات ساكها ... و خرجات للمرح .. حتى سمعات الدقان مشات حلات و دخل خطيبها سلمات عليه باليد و دخل ..
ركبات معاه فسيارتو والطريق كولها كتلعب بايديها وكتعرق وتنشف .. مرة مرة كيلوح كلمة وهي كتجاوبغير باه وبلاا .. وصلو لكافي وهبطو ب2 .. دخلو وخداو طبلة وجلسو ...
اسماعيل : شنو تشربي ....
حوراء: لي خديتي مزيان ..
اسماعيل عيط للسرباي و طلب ليه قهوة وهي عصير ..
اسماعيل؛ حاس بيك حشمانة و ممطلوقاش .. عجبني فيك هادشي .. مهم انا كنت شفتك شحال هادي يمكن عامين فاش جيت لداركم .. ومن تما وانا دايرك فبالي .. وقلت زعما خليها حتى تكمل قرايتها و نتوكل عالله .. حتى قال ليا خوك تخطبتي ...حسيت براسي تشمت ومعجبنيش الحال .. حتى قال ليا راه تفارفتو وديك الساعة قلتها ليه .. قبل مايطيروبيك تاني والحمد الله يسر ليا الله ..
حورتء: تبسامات وحدرات راسها ..
جا السربي وحط مشروباتهم ومشا ..
اسماعيل: كتعجبني سميتك ..حوراء .. فشكاال ..
حوراء: عمي الله يرحمو لي سماها ليا ...
اسماعيل؛ جات معاك ..
تبسمات وحدرات راسها تاني ..
اسماعيل: مهم انا بغيت نصارحك وتصارحيني حتى نتي ...
هنا قلبها تقبط ..
اسماعيل: انا قبل من عامين .. تصاحبت مع شي 3 البنات وكل وحدة وبلانها ... الله يسمح ليا آخر وحدة تماديت انا وياها و درنا الغلط ...
هزات راسها فيه وقالت ..
حوراء: و علاش ماتزوجتيش بيها و سترتيها ..
اسماعيل: البنت لي تعطيك راسها قبل الزواج ماصالحاش ... وانا اش عرفني بلي اول واحد فحياتها .. انا اختابرتها وهي طاحت فالفخ ..
حوراء تقرسات من هضرتو و رجعات تكمشات ..
اسماعيل: وانت .. شوفي اش غنقولك .. كولشي بنات الناس فهاد الوقت عندهم ماضي ... يمكن تصاحبتي شي وقت ياك ..
حوراء حدرات وسكتات .. قلبها كيضرب وحارت واش تقول ولا تسكت حيت فالحالتين ب2 غتكحلها ...
اسماعيل: حوراء .. حنا غنتزوجو ونعيشو ب2 و نديرو ولادنا ب2 ... متبغيتش يكونو الاسرار بيناتنا ... انا غنتفهم اي حاجة قلتيها... غير هو ماتخبي والو ...
حوراء: ا..انا ... معرفتش .. اشنو نقولك ..
اسماعيل : تقي فيا وخودي راحتك ..
حوراء جمعات نفس وطلقاتو قربات تقولها ولي ليها ليها (خلاتها سبونجبوبة ما هي خربانة خربانة😂)
حوراء: انا ماشي بنت ..
الصمت ... عينيه خرجو فيها هاذ ردة الفعل خلاتها تلعن راسها الف مرة ومرة علاش قالتها ليه ... حدرات وراسها كتسنى اش غيقول ..
اسماعيل: كيفاش ماشي بنت واش كتهضري من نيتك .. كيفاش ..وكيف.... وشكون ..
حوراء: خطيبي الاول ... الرجل الوحيد لي دخل لحياتي عمري عرفت غيرو .. ضحك عليا و خدا اش بغا و تخلا عليا ..
اسماعيل غوبش وخدت رشفة من قهوتو وقال : نوضي نرجعك لداركم .. ناض و ناضت وراه و عاارفة مزيان بلي هادي هي النهاية حيت صافي الامل الصغير لي بقا باااح .. ودابا كتسنا اي حاجة توقع ..
ركبو وغادين فالصمت حتى قالت ليه ..
حوراء: باينة متقبلتيش هادشي لي قلت ليك ومن حقك .. ول.. نُشرت القصة على موقع قصة بالدارجة..
قاطعها: واش كتسناي مني نتقبل انك ناعسة مع واحد بلا زواج .. ويعلم الله شحال من واحد ..
حوراء: جمع فمك منسمحش ليك ..
اسماعيل: شنو لي متسمحيش ليا ههه من نيتك .. دايرة ليا فيها العفيفة وماهزيتيش الراس قلت هادي هي البنت .. ساعة كلكم بحال بحال وتقوول واش كين فبمن تييق ...
حوراء: على اساس نتوما الرجال ملائكة نزلتو من الارض .. داك الحيوان الاول مبقا يتبحلس عليا و غير على حاجتو انا كنت باغياه للزواج مشيت معاه بنيتي وعطيتو تقة كااملة ولكن استاغلني وطعني .. ماشي انا لي تلاحيت عليه .. و علاش مادرتش هاد ردة الفعل فاش قلتي ليا تصاحبتي مع 3 و درتي معاهم الحرام شنو حرام علينا حنا النسا وحلال عليكم الرجال .. و كتقول ليا كلكم بحال بحال... نتوما الرجال لا ...هاديك لي ضحكتي عليها .. شنو ذنبها تاهي نحلف عليها حتى تاهي كتواجه نفس مصيري ... حتى نتونا بحال بحال كتقودكم غير الغريزة ديالم وكون كنتي راجل كون تزوجتي بيها واسترتيها فبلاصة كتبرك تقلب على بنت الناس ويعلم الله نتا براسك شحال دايز على من وحدة ..
اسماعيل: على كاتقارني راسك بيا ...انا راجل لي درتو جا معايا كيتكم نتوما لي كتبان فيكم .. اتريكة الق*** .
الكلمة الاخيرة ضربات فقلبها بحال السهم لي هاز فشفرتو السم ... هبطات دمعة من عينها و قالت ...
حوراء: شوف اولد الناس مكاين لاش نوصلو لهاد الماصل ... الى كانت فيك غير شوية الانسانية نساني و متقول والو لخويا .. وتلاقينا خوت نتفارقو خوت
اسماعيل وقف فالجنب : خرجي عليا من طموبلتي ...
شافت فيه بخيبة امل وقالت: والله ديك بنت الناس لا كانت ليك .. حيت ربي غيلاقيها بلي بحالها ماشي بولد الحرام بحالك .. حيت كاينة واحد الاية فالقرآن كتقول الطيبون للطيبات .. هزات ساكها وهبطات ..
اسماعيل: الى ماشوهت مك على هاد الهضرة منتسماش
تمات غادية كتجر فرجليها وهما تقال عليها .. ودموعها فعينيها ... و الضبابة قدامها...
حوراء: اش غندير يارب .. اش غندير هادي هي الاخرة ليا .. عالله مايقول والو لخوبا ولا والله تا يقتلني ..
كتفكر وتخمم و غادية وغير رجليها لي مgيدينها .. حتى طاحت سخفت وبنادم تجمع عليها مجوقين كولها وكيخبط حنكها فجيه وناس كيهضرو .. مالها مسكينة .. شي حد يعطيها الماء .. خاصنا نديوها للسبيطار ..
عياو يفيقوها مافاقتش و هزها واحد من النحسين داها لسبيطار الحومة لي كان قريب و رجع فحالو ..
الطبيبة: نتي ابنتي حاملة فالشهر ونصف .. زاش باقي معرفتيش ... خاصك تنقصي على راسك التوتر وتهلاي فصحتك و قولي هادشي لراجلك و ضروري تمشي للطبيب اختصاصي فالامراض النسائية باش تبعي صحة ولدك .. دابا يمكن ليك تمشي ..
مشات اطبيبة و خلات حوراء عينيها خارجين فنقطة وحدة و دموع واقفين كيتململو .. دابا كملات الباهية .. مستحيل تفك من هاد الورطة حيت ضروري غتفضح ...
الممرضة : مالك اختي .. ساافا ..
حيدات حوراء ايد المنرضة من كتفها وناضت هازا فولارها و ساكها .. كتجر فرجليها وكتبكي .. فضيييحة واشمن فضيحة طحتي فيها احوراء ... 18 العام بااقية صغيرة على هاد المصائب لي طاحو عليك فخطرة ولكن لي دار راسو فالنخالة كينقبو الدجاج ..
بقات كتمشى حتى لقات راسها قدام باب دارهم .. دقات ... وهو يتحل الباب ... تجرات من شعرها .. وخوها لي جرها .. غادي بيها وباها جالس كيقول ربيها الجيفة و ختها ومها كيغوتو وراه ويفكو فيها وهي بين اديه مكتغوت مكتبكي جتة هامدة كيحركو فبها كيف بغاو .. رماها فالسرير و جبد السمطة ...
يوسف: خادي اخرتم الكلبة ..فيت كنتي دايعة .. اااه .. عند الزلال ديال الحمارة ياقليلة العفة .. داركم ما فيها رجال لي يحكموك .. ااه .. وانا كمدنقول غير همام تفارقو قولي شبع منك الكلبة .. اليوم نقتل مك ونهنبنا منك ..
برك يجبد معاها غير لفخاض وهي جامعة رجليها عنها ومخبية وجها ..
كيتشخطو 100 جلدة ولكن انا غنشحط مك ونقتلك الكلبة ..
تلاحت عليها مها وحمات عليها ..
سناء: قتلني عاد ضربها .. خرج عليا برى ..
يويف حبس منين حجباتها عليه مو ولكن يقا كينحلف ..
يوسف؛ من اليوم .. مبقيتش غتعتبي هاد البيت .. هنا غتاكلي وغتنعسي حتى تدودي و تموتي .. اصلا مكاينش شي ولد المرة لي غيديك الخانزة حيت تلوتي و خنازيتي الكلبة .. وانا كنواعدك واللهلا دازت ليك غنلقا كيفاش نغبر لاصل المك الشقف ...
خرج و ردخ الباب ... جليات بسمة شادا راسها كتبكي .. و ناضت سناء كملات عليها كتنخض فيها وتضرب وتولول وتنتف فيها ... حتى عيات وجراتها لسدرها عنقاتها ...
حوراء غير كتبكي وتنخصص هادشي غير عرفو بلي مالقاتش عذراء .. ولكن كيفاش غيكون ردة فعلهم فاش غيعرفوها حاملة ...
داز على فترة اكتئابها شهر ... مكتاكل غير الى بززات عليها امها مخشية فسريرها و ديما ساكتة مكتجاوب مع حتى حد ... وتا حد ماكيقرب لجيهتها ... وتفكيرها كولو عير على النهار لي غتبدا كرشها تبان فين غتعطي للراس حيت اكيد غيجربو عليها ... ما فبالها دابا غير كيف دير تخلص من داكشي لي فكرشها .. ولكن كيفاش حيت معندهاش فلوس وما كتخرجش وحتى من سلمى مبقاش خوها كيخليها تشوفها منع عليها كولشي ..
متكية فيريرها كتتتف فخيوط لي فجناب غطا سريرها وكتهضر غير فخاطرها ...
حوراء: ياااربي ...خديت جزاء كبيير بالنسبة لغلط واحد فحياتي ... و لكن ناس اخرين عاشو هانيبن بحال الى مادارو والو ... الحياة ظلماتني ... لقوني مكلخة وضعيفة ... خرجو عليا عمري نسمح ليهم ... تقت غبنادم 2 كرات واحد بدا وااخر كمل عليا ... علش الحباة ملاقاتني غير ب2 دياب و التات عايش معايا من دمي ولحمي ومحنش فيا .. عاد بقا البراني... مخداش ليا حقي حيت تاهو كيفكر بحالهم .. سواءا كان با ولا خويا .. كيبقاو غير رجال ... ماخدازش لبا حقي ولكن تايقة فيك غير نتا يا ربي .. عاوني نتفك من هاد الحمل لي فكرشي ولي متقل على قلبي حتى هو ... واش نطيحو ولا اش ندير ياربي ... نتاحر كولشي هادشي حرااام ... مابقا ليا حتى حل .. ياربي شوف من حالي ... عبدة مظلومة ..او ظلمت نفسي مظلمني حد اناةلي تسببت فهادشي لراسي و ندمت ندمت اشد الندم و ماطلبة منك ياربي غير تغفر ليا و تسامحني و تنور ليا طريقي ... وريني شنو ندير حيت منقدرش نعيش بهاد الحالة وانا كنخبي... عطيني اشارة ياااربي ... إشارة وحدة نفهم كولشي ...
خشات وجها فمخدتها دموعها لي عمرهم بغو يحبسو ... اكتئاب و حساسية الحمل من الفوق ... هادشي صعييب عليها وبزاااف ...
هزات راسها من المخدة لي حسات بيه تقيييل على ذاتها ... حطات رجليها فالارض وناضت للحمام .. قضات حاجتها وغسلات وجها وتمات خارجة .. بان ليها السقيل فالدار ... غوتات ماما .. مجاوبتهاش .. لمحات باب الدار لي محلول و فهمات بلي مها طلعات عند جارتها ... هزات راسها للسماء وقال ..
حوراء: ياربي واش هادي هي الاشارة لي طلبت .. نهرب*بدات كتبكي* ولكن منقدرش ... الزنقة صعب من هادشي لي عايشاه .. مسحات دنوعها فاش تفكرات بلي مابقا والو وكرشها تبدا تبان ... تاقت فلي خالقها ودخلات للبيت جمعات شوية الحوايج فساكهاو لبسات جلابتها ولوات فولارها و مشات هزات ديك 7000 لي كانت جمعاتها .. وخرجات كتجري ...
خرجات من الحومة كتخبى بفولارها ... وبالها كان فيه غير فين غتمشي ..
بان ليها طوبيس وطلعات بلا متفكر لفين غيديها ... بان ليها عامر و طلعات ... حطها فالبرنوصي .. بقات كتمشى ومتشوف بعينيها ... جلسات فواحد القنت حدا الجامع ... وحطات ايدها على خدها وبقات كتشوف فلي غادي ولي جاي ...
بانو ليها طوبيسسات غاديين جايين حيت تما بلاكة ديالهم ... شافت 800 و عقلات عليه كيدي لمحمدية ... ناضت ولي ليها ليها مهم تبعد طلعات خلصات و جلسات ... ودارت ايدها على خدها وكتشوف فالشرجم وبالها مكاينش معاها ...
حتى بان ليها بنادم كيهبط حيت وصلات لتيرمينيست تمنات الرحلة تزيد تطوال ولكن لكل بداية نهاية ...
هبطات كتمشى وكتدور فعينها ،ماشي اول مرة كتجي ليها مولفة تهبط ليها مع سلمى يتسركلو ولكن هاد المرة جاتها غريبة ، كانت كتجي لهدف محدد ، ولكن دابا شي حاجة فشكل ، فين غتمشي وباش غتعيش ’تلفات وشدات الارض ، وبدات تضحك ، فاش كتوصل بيك للعضم ،ردود فعلك كتولي غير متوقعة ، جالسة فجنب الشارع وكتضحك كتشوف فحالتها و فين وصلات ، واش هادشي مكيضحكش؟ واش ممكن تسوء الامور اكتر من هكا ؟ بنت فعمرها 18سنة ،معندها باش تهز راسها ، متشردة وحاملة من الفوق ، وحلة ديال الكلاب متبغيهاش لعدووك ، داك الضحك تقلب بكا ،كتبكي بحرقة و بندم على هادشي لي دارتو فراسها ، زعجوها انظار كحل الراس لي خاصهم غير علامن يتجمعو ،وناضت ساست جلابتها وتمات غادية وشادا ساكها و كتلوح فرجليها وتمسح عينيها لي دبلو وحس الحياة طار منهم ، غادية بلا عقل ، شكون داها فديك الدار واش طاري فيها ، دخلات بين الدروبة ، الدنيا هانية ومافيهاش كترة بنادم ، وهي غادية تفكرات شي كلام فايت سمعاتو ، هنا قريبة الكلية وكاينين بنات كيكريو قريب ليها ، و دارت فبالها تلقا فين تستر على الزنقة و تبدا تقلب على خدمة ، الحل الوحيد لي طاح فبالها دابا ، و فين غتلقى ، غادية وكتضرب وتقيس فراسها ، واول محاولة شافت شي بنات مجموعين وكيهضرو وبغات تسول ...
حوراء: سمحو ليا عافاكم ’ بغيت غير نسولكم...
تلفتو ليها البنات طلعو وهبطو و نطقات وحدة : نعام اختي ..
حوراء: بغيت نعرف واش كاينين شي بيوتة للكراء هنا
البنت: كاينيين اختي ، واش ماشي بنت المحمدية؟ القصة نُسِخت من 9esa.com..
حوراء: لا ،ممكن تنعتي ليافين ؟
البنت: غتمشي القدام ودوري مع داك الدرب راه فيه شلا ديور ، راه معلقين اللافتات .
حوراء: شكرا اختي .
خلاتهم وزادت دخلات مع الدرب لي نعتات ليها ، دقات فالدار الاولى ، خرجات امراة متوسطة العمر ..
المراة: نعام ابنتي
حوراء: سمعت بلي كتكري البيوت للبنات
طلعات فيها المراة و هبطات وقالت ليها دخلي
دخلا حوراء وجلساتها فالصالة ...
المراة: كاينين البيوت ابنتي ، ولكن خاويين حيت دخلنا فالعطلة الصيقية ، نتي كتقراي ولا خدامة ؟
حوراء: انا ... تاوحدة فيهم... ولكن غير كري ليا ابيت وغدا غنبدا نقلب على خدمة ...
المراة: لا ابنتي الى ماعندكش منين تخلصي غير سيري قلبي فجهة اخرى ..
حوراء عطيني فرصة عافاك ، غنخم و مغناكلكش في فلوسك
المراة : قالوها لي قبل منك و وصلنا معاهم للمحاكم ،، نوضي ابنتي الله يسهل عليك
حوراء شافتها وقفات وحلات ليها الباب وخرجات فحالها
حوراء: اول محاولة فاشلة ندوزو للمحاولة الفاشلة تانية
دخلات مدازتش 10 الدقايق خرجات لنفس السبب ماياساتش حيت ضروري خاصها تلقى فين تبات
وصلات خمسة العشية وهي غير كتقلب ، ولكن مالقاتش ؛ ولنفس السبب ... ما بقا ليها غير حل ،وهو تلجأ لشي ملجا ، جمعية تأويها حتى تقدر تقوم براسها ... دخلات وكولها امل باش تنهي معاناتها ... ولكن رجعات خائبة الامل والسبب هو الاكتضاض ... هنا عرفات راسها اكبر منحوسة دازت فتاريخ البشرية ... ظلام الحال عليها و لقاها باقية فالزنقة بانت ليها جريدة دخلات ترتاح فيها .، جلسات فبنادم كيتبردو و كلها معامن و الوليدات الصغار كيلعبو و يجريو ، و العيالات دايرين احزاب و مجموعين غير على النميمة و لي كوبل مزلعين كل واحد شادها فقنت جلسات كتخمم ، عاد سرى معاها الجوع ، و تفكرات بلي ما كلاتش من العشية ديال البارح ، شدات فكرشها بحال الى كتسكت فيها، مدات رجليها يرتاحو و رجعات راسها لور وغفات وهي معنقة راسها... داز الوقت وخوات الدنيا والنعاس غلبها بالعياء ، حتى وقفو عليها 2 مشرملين ريحتهم كيف الكلب و مبوقين على الآخر ... ماشي همزة ؟ بنت غزالة ناعسة بوحدها فالجردة ومعنقا صاك يعلم الله شنو فيه ... نطرو ليها وهي تقفز ناضت مضهشرة ماعارفاش اش كاين ...
وقفات قافزة و مخلوعة. .. و بدأت ترعد منين حققات فيهم وشافت الدنيا خوات و غير هي وياهم الراس فالراس. ..
سمعت كلامو وهي تفلت ليه هربات ولكن متقدرش تفلت حيت عيانة وجراها تقيل ،قدر يشدها من قب جلابتها وجرها لعندو، شافت راسها مغتقدش عليهم و هي تجبدهم عطاتهم ليهم.
حوراء بدأت تغوت باش يعتقها شي حد .. وحاولت تفلت تاني ولكن حاكموها. ..جروها للبلاصة مدرقة على الشارع... و ناوين على يخزيت شدها واحد وجمعها بنصف و طاحت ... جا قدامها وهبط لمستواها كيحاول يوصل ليها وياخد اش بغا. .. ولكن غواتها ومقاومتها ليه مخلاهش ... شبع فيها تصرفيق وسبان ووالو جبد عليها زيزوار كيهددها بيه ولكن مهامها والو خاصها تفك من هاد الكلاب الجعانة بأي طريقة. .. وهي كتغوت وكتقاومو جات ايدو لي فيها الزيزوار على دراعها وجرو ايها حتى تحل من الكتف لتحت شوية ....صاحبو شافو تغلب وعاد هي زادت حماتها غوات وركيل. .. وجا دغية قبل مايتفضحو ضربها ضربة برأسها فقداتها وعيها ...
المشرمل 1 : من صباح دير هكا الق**** مخليها كتغوت باغي تسيفطنا. ..
المشرمل 2: صافي لبدها ودور خنشوشك حتى نسالي وحضي لايجي شي حد ...
المشرمل 1 : طلقنا ...
مشا لاخر بعد شوية ولاخر ماجافين يقيسها حتى سمع صوت صاحبو كيغوت على شي حد هز راسو لقاه مضارب مع شي دري ناض يحامي عليه و تحاماو ب2 على الدري لي جا يفك...ولكن كيبان أكبر منهم وصحح منهم وعاد مبووقين ياربي غير يبقاو واقفين على رجليهم ... شافو ريوسهم تغلبو وهربو قبل مايتفضحو ويبان العساس تاهو. .. الدري ماداهاش فيهم شاف غير البنت لي مليوحا تما سخفانة و كم جلابتها مقطع وباين فيه الدم قرب ليها وضرب على حنيكاتها و متحركتش... قاس نبضها جاه ناقص وهزها داها معاه ...
مشا بيها كيجري للدارهم... وصل و طلع فالدروج دق غير برجليه ... تحل الباب كانت امرأة متوسطة العمر..
المرأة: ولدي شكون هاذ البنت؟ و اش وقع ليها؟؟
الولد: خوي ليا فين نحطها بعدا ...
دخلوها لبيت وحطها فوق السرير...
المراة:مالها مسكينة ...
ناض كيجري خرج من البيت وهي جلسات كتشوف فيها و رخفات عليها فولارها ... ودخل ولدها هاز فايديها بواطة كبيرة ... وجلس حداها هو وأمو قطع الكم ديالها وبدا يداويها ويعقمها ليها و خيطها ليها
الانراة: مال هاد المسكينة ...
الولد : اوديي كنت راجع من عند الدراري وسمعت غواتها قربت لقيت شي كلاب شادينها وبغاو يتكرفصو عليها... وعتقتها الحمد لله قبل مايوقع شي حاجة..
المرأة : الحمدلله منين عاونتيها أولدي ... يعلم الله اش مخرجها فهاد الوقت وباينة فيها مكرفصة مسيكينة. .ولكن شفتها باقي مافاقت...
الولد: غير العياء و طايح ليها الطونسيو... فاش قلبتها لقيت كاين نبض فكرشها كاين احتمال تكون حاملة ..
في فراغ كلو اسود ...حوراء كتمشى فيه وقلبها مقبوط و حاطا الايد اليسرى عليه ... غير بوحدها فيه وماحاساش برأسها فامان أصوات غريبة طالعة من جنابها ... كتشوف هنا ولهيه الظلام ماخلاها تشوف والو... سدات ودنيها و بدأت تجري نيشان وماعارفاش فين غتوصل. .. بانت ليها فتحة كيشع منها النور فرحات وتوجهات ليها وغير خرجت ... لقات شخص واقف...شخص ماشي عادي. ..مباينش وجهو و عندو القرون. ..بقات واقفة وغير كتشوف فيه وحيد من قدامها وبانو ليها بزاف وراه بحالو وهما يطلقو دون الأصوات لي كانت كتسمع الداخل وهي تجلس سدات ودنيا وبدأت تغوت بحر جهدها...
المرأة: بأسم الله عليك ابنتي. .. غزلان نوضي ابنتي طلقي القرآن يرتاح قلبها شوية...
حوراء جالسة فالسرير شادا راسها و سادا ودنيها وكتغوت. ..
المرأة معناها وتردد : باسم الله عليك. ..
شوية بشوية تهدنات وكلام الله ريحها. ..عطاتها كأس الماء شربات و خداتو من عندها غزلان. ..
حوراء عاد سرى معاها أنها بين الغرباء امرأة وبنت كتبان قريبة ليها فالعمر. .. تفكرات آخر لقطات مقاومتها للمشرملين. .. وانتابها الخوف...
حوراء: ف..فين انا؟ وشكون نتوما؟؟
المرأة : غير رتاحي ابنتي نتي فامان. .. البارح تعرضوا ليك شي ولاد الحرام. .. وفكك منهم ولدي. ..
هزات حوراء راسها كتشوف فيها و بحال إلى كتسولها واش بالصح ...
المرأه : باراكة عليك ابنتي من البكاء. .. الدنيا متستاهلش. .. غير من حالتك بااينة فيك طحتي فمصايب كبر منك. ..
حوراء كتبكي بلا كلام. .. وبكاها هاااز لدرجة أن النفس كتقطع و كتنخصص...
القصة أُخذت من قصص مدرب.. غزلان : واللهتا قطعات ليا قلبي. ..
المرأة: خليها... قلبها عاامر مسيكينة. ..
حوراء فحضن غريب عليها ولكن لقات فيه واحد الطاقة إيجابية خلاتها ترتاح ليها ... مخشية فيها بحال إلى أمها. .. و المرأة كتدوز على ظهرها بحال إلى عارفاها اش بغات. ..
المرأة: صافي عليك ابنتي... نوضي بدلي ساعة بأخرى. ..اجي تفداي يعلم الله من امتى ماكليتي. ..
المرأه : مرحبًا بيك ابنتي. ..شبعي الكريشة ولوحي ليا الهم لمولاك هو بوحدو لي عالم وعالي. ..
حوراء غير ساكتا و كتشوف بعويناتها. .. عطاتها الخبز و بداو ياكلو ...حوراء زعمت ومدت أيديها مهامها غير الجوع لي قتلها... وهما كاياكلو وساكتين كتشوف فالمرأة كتقطع الدجاج وتعطيها هي وتعطي لبنتها ... كتابة وتشوف بعينيها. ..حتى دخل عندهم الولد. .. وهي تجمع أيديها وتصوخرات لور ...
لاحظو وقالت ليها المرأة: متحشميش ابنتي، هذا ولدي آدم أخو غزلان راه هو لي جابك. ..
آدم: فين غتكري اختي ونتي معندك باش تخلصي و ماعندك لاحوايج لا تاحاجة. .. حنا ماعرفناش أختي اشمن مشاكل عندك. ..ولكن باينة فيك بنت الناس و غير لاعب بيك الزمان انا دري وعارف الزنقة اش فيها. ..وعندي بغلة منبغيش يوقع ليها لي واقع ليك..
حوراء مكمشة وكتشوف فيهم وتضحك لمهلة نسات همها وبقات كتشوف كيفاش كيضحكو بيناتهم ، تفكرات عائلتها لي من ديما كانو غير ساكتين والرجال لي كيهضرو بيناتهم ، وامهم لي عمرها ضحكات معاهم مقابلة غير المسلسلات والنقير والصحابات ... عمرها تقربات من بناتها ... خوها لي عمرو حسسها بلي كيبغيها هضرتو ديما غديري ولا غندير ليك ، ولا ختها لي مناقرا معاها غير على الللبس والشغل ، على الاقل كانو هاد 2 يتقربو من ختهم الصغيرة ويتصاحبو معاها ويوجهوها ، ولكن مالقات الاهتمام لا من والديها لاخوتها ، وهي ساهية لقات دموعها على خدها والبقية كيشوفو فيها....
✿✿✿يتبع✿✿✿ للاشارة فقط . شخصية غزلان بين الشخصيات الداد غتكون شخصية الكاتبة , جاتني فكرة وبغيت نعبر بهاد الطريقة , وغير الشخصية فقط اما بالنسبة للوسط العيش والظروف العائلية لا علاقة ههه وشكرا
حوراء: انا غير هادي 6 أشهر وكنت هانية مع راسي .. عايشة مع عائلتي بابا وماما و خويا الكبير وأختي أكبر مني ....كنت كنخرج ونفوج مع صحاباتي ... ومهامني وااالو غير الضحك واللعب واخا كنرجع للدار كنلقى النgير و الغوات. .. بابا و خويا كانوا صعاب و قباح ومن النوع لي كيتحكم ... وكانو محرمينها فيا وغير حاضييني والى حصلت دايرة شي حاجة كيقتلني خويا عصا ...وماما عمرها قدرات دافع عليا. .. هي برأسها معندها كلمة و ماقارياش أما اختي راها بحالي غير هي عزيزة عليهم حيت كتسمع لكلامهم ومرضية... عكا كانت حياتي حتى لواحد النهار كنت فليسي و خرجت انا وصاحبتي نتسركلو فالزنقة انا مكانتش عندي مع القراية. .. كنت باغية نحبس ولكن ماخلاونيش ... وكون غير سمعت كلامهم وتكمشت ديتها فقرايتي. ..
غزلان: بااينة ديك صاحبتك جراتك لشي مصيبة
حوراء: لا اختي الإنسان كيفرق بين المزيان و الخايب. .. غير لا بغى يتجر وصافي. .. انا الطيران لي فيا لاقاني بواحد الشماتة ذرة الرجولة مافيهش
ادم: توقعت
حوراء: بصراحة كون مالقانيش خفيفة و بنت دارنا مايزعمش عليا .. جا هضر معايا و خدا نمرتي. .. ومن تما بقينا متواصلين فتيلي وولينا كنتلاقاو ب2 وكنوهم عائلتي بلي كنمشي للسيسي. .. هكاك بقات علاقتنا السيد ديما الكلام الزوين ومبرعني بالكادوات والخروج. .. وهمني بكلمة كنبغيك.. ونتي غتكوني مراتي وأم ولادي ...خلاني نجرب الجديد وخلاني نبغيه بلا عقل حتى ولا يزعم عليا ويلوح ايديه واخا فالزنقة ..فصراحة عمري ضايقت من داكشي ... وعمري نويتها فيه خايبة...
غزلان: اويلي على عمرك نويتيها فيه خايبة. .. من نيتك ... كون كان يبغيك كوراه شد تيقارو .. وراه كوبل مزوجين و مكيقربوش لبعضهم بديك الطريقة حتى كيكونو فدارهم. .. ولاد الحرام كترو. .. تفو الرجال كلهم على حاجتهم
ادم: متعمميش
غزلان: جاتك النفس على بني جنسك
ادم: ماشي هكاك عارف تانا الشمايت مكاين غير هما... ولكن البنت إلى ماعطاتش فرصة لداك النوع ماعمرهم يزعمو... و هادشي عاد قالتو حوراء
حوراء: عندك الحق اخويا. .. كان عليا نقمعو و منستسلمش لمشاعري. .. بان ليا زوين ولابس زوين ونقي و بطوموبيلتو ... قلت صافي هذا هو الراجل ... ولكن خسارة ..
الام: هذا حال بنات اليوم كيقلبو غير على الماديات ولكن داكشي مدايمش ابنتي
حوراء: عارفة اخالتي وتا هو عرف كيفاش يلعب بهاد القضية وديما كيبين ليا فلوسو و كيشري ليا غير الغالي
غزلان: ولد الحرااام عارف اش كيدير ..
حوراء: كان كيسحابلي لقيت المنفذ ديالى راجل كامل مكمول. .. لقيت فيه داكشي لي بفيت الحب والاهتمام. .. كان كيسحاب لي نيت كنهمو. .. اسحاب ليا درت إنجاز ساعة صدق هو لي دايرو وضحك عليا... وصل بيا غبائي لدارو ودار فيا مابغا. .. واخا صاحبتي عيات ماتنبهني ولكن كنت معميا...
غزلان: كنتي تبيعي بوالديه و تغرقي مو فالحباسات. .
حوراء: فكر فيها ولد الحرام. .. و صورنا ب2
ادم: ياكما كيهددك بيهم
حوراء: دارهم غير باش يضمن راسو... حيت مابقاش عيط ليا مازال
الام: ماقلتيش لماماك اش وقع ليك
حوراء: لا بصراحة مكنتيقش فيها حيت كانت غتقولها لبابا من خوفها
الام: منضنش ابنتي. ..الام كيفما كانت ولادها ديما الأهم بالنسبة ليها..ضروري كانت غتلقا ليك حل غير زربتي ابنتي
حوراء: يمكن... ولكن راه مابقيتش كنفكر بدماغي. ..داز الوقت وسكت ماقلت والو ... بعدا هو كان خطبني وجا لدارنا هضر معاهم داكشي باش زدت تقت فيه
ادم: وا جوورأة عند هاد خاينة
حوراء : ااه من بعد فاش تفرقنا واجهت مشاكل مع دارنا و حابسوني من الخروج داك الوقت بقيت ساكتة وغير فدارنا ... حتى جاب ليا خويا فيمن يلسقني صاحبو خطبني وماخداوش رأيي دازت الخطبة وقالوا لينا نخرجو خرجت معاه وقالك بغا يتعرف عليااكتر و عاود ليا على الماضي ديالو. .. زعمني وقلت صافي ربي عوضني ونويت نشد الطريق وصارحت السيد ... قلت بلاش الكذوب ونجيه نيشان. ..ساعة مارضاش و ماقبلش بيا سبني وعايرني ومشا وصلها لخويا وداك النهار عرفت راسي حاملة
غزلان: حاملة 😱😱
حوراء بدأت تبكي: ااه ... كليت العصا داك النهار حتى زراق لحمي .. سبوني وعايروني واخا خويا بوليسي ماحاولش ياخد حقي ...آه ظلمت راسي ولكن حتى انا مظلومة ...
الام: الله يابنيتي االله
غزلان: وا شنو درتي قلتي ليهم حاملة
حوراء: كون عرفوا منكونش دابا حداكم. .. مقلت ليهم والو و سكتت حبسوني فبيتي لقيت بلي كرشي غتكبر فكرت فكولشي الحلول نتاحر ولا نطيحو ولكن حرام منقدرش ... حتى جاب ليا الله الفرصة وهربت منهم كنت باغية نكري ونخدم ولكن والو مالقيتش ومشيت للجمعية ماقبلونيش حتى لقاني آدم واعتقني والباقي راكم عارفينو انا مابغيت غير دار تسترني من عينين بنادم و شي خدمة نكبر بيها ولدي هادشي لي بغيت فهاد الدنيا .. قنعت ما بقات عيني فتا حاجة ...ودابا إلى مابغيتوش وحدة بحالي بياناتكم غير قولو ليا راه من حقكم ... و درتو معايا اكتر من جهدكم ...
الام: معندك لاش تقولي هاذ الكلام فاهمااك ابنتي، وحاسة بيك. .. مغنلوموكش، الإنسان بطبيعتو كيفلط، انت بالصح غلطتي ... بنت فعمرك خاصها تفكر غير فقرايتها ومستقبلها بنات اليوم ولاو كيحرقو المراحل بحال إلى متزوجاتش غيهرب عليها التران... وغتوقف حياتها ...دابا خرجتي من قرايتك على قبلو ... هاهو مصدقش وصدقتي لاقراية لا مستقبل. ..
غزلان: والله اماما ماكدبتي كنعرف شي بنات غير كيتزوجو و كيحبسو القراية وكيشدو الأرض و فرحانات ما شاء الله عليهم... مفهمتش كيفاش كيقدرو يحبسو قرايتهم ويعولو غير على الراجل تولي إلى بغات تشري غير بيجامة تطلب منو. .. و حياتها كاااملة ...انا بعدا منرضاهاش ...وهادشي إلى نجح داك الزواج وماوصلوش لشي ماصل.... مكيفكروش للمستقبل نهائيا. ..على الأقل يكونو عندها شواهد ديالها باش حتى إلى دار الزمان و عطاها تكون قادرة تدبر راسها بلا متعول على شي حد....
ادم: ممكن تسكتي شوية
غزلان: سكت هو نتا...
الام: سكتوني ب2 ... بنتي الدنيا ماوقفاتش هنا عندك... بالعكس ياله بدأت. ..كيسحاب ليك ضيعتي كلشي و مابقا أمل. .. ولكن لا هادشي ماغاديش يقضي عليك غيقويك و خرجتي من هاد المحاين بملاك لي ماعندو دنب فتا حاجة دابا خاصك تعيشي وتقاومي على قبلو ...
القصة منسوخة من قصص مدرب.. حوراء: ولكن أنا خايفة بصراحة عمرني فكرت فيه ولا حسيت بشي حاجة من ناحيتو. ..اصلا هو سبابي باش خرجت من دارنا. ..خفت غير من الفضيحة ومن بنادم. .
الام: شوفي فيا. ..نساي عليا شي حاجة سميتها كلام بنادم. .. علاش حيت فكل حالاتهم كيهضرو كنتي مزيان ولا خارجة الطريق لي يهمك هو نفسك و لي خلقك إلى ربي عالم بلي فالداخل ديالك.. صافي هادشي لي كيهم...أما كحل الراس كون تجي طلي على كل واحد تلقيه داير العجب و داير رجل على رجل كيحلو فامهم على أساس هما ..
الام: والله ابنيتي حتا ضحيكتك غزالة وانت ماشاء الله عليك غزالة وباااقية صغيرة على الهم. .. عيشي لي كتب ليك الله ... متستسلميش دغية وهذا اختبار من الله و خوديه درس ليك فالحياة وعمرك تيقي فالبشر وعولي على رأسك لا غير ...
حوراء غير كتصنت ليها وكتشوف. ..
الام: أنا ابنتي عزيتي عليا. .. حاسة بيك عانيت مع غدر شماتة كيفما وقع ليك. ..غير قصتي مغايرة عليك...انا راه تزوجت بيه زواج تقليدي جابو ليا غير با الله يرحمو. ..عشت معاه وولدت آدم عشنا العامين الأولى مزيان شوية واخا الصداع مع مو وخواتاتو حتا مابقيتش قديت و اصريت عليه يكري لينا وداكشي لي دار. ..داز الوقت ولا كيسكر كان مبلي ولكن عمرو بينها ليا حتى نعزلنا ولا يجي ويضرب عذبني الله ياخد الحق و القمر و كولشي صبرت ليه حتى جاني قالك بغا يتزوج مابغيتش ليه وطلقني ولاحني بولدو و بنتو فكرشي. .. من تما بدأ مشواري تانا لقيت راسي ماقاريا ماواعيا ماعارفة اش ندير الحمدلله لقيت خويا فجنبي هاد الدار خلاها لينا با ب2 ... و حيت خويا عايش برا سامح ليا فيها كاريا الديور التحت وكبرت ولادي بفلوس الكراء و من بعد حليت محل الخياطة عولت على راسي وهاني عايشة وولادي فجنبي حامدة الله وشاكراه. .. وهادشي ابنتي غير لخصتو ليك وعطيتك المضمون. .. خاصك توقفي على رجليك و تضمني مستقبل ولدك و وإياك تفكري تخلاي عليه ديريه نقطة قوتك ابنتي
حوراء: واخا اخالتي عندك الحق. .. مغنسمحش فيه ... ولكن انا خايفة يعني الولادة و التربية صعيبة ومسؤولية
الام: هههه متخافيش ابنتي. .. غريزة الأمومة تولدتي بيها وكبرات معاك وانت كتلعبي بالمونيكات وتسميهم بناتك. .. وعاد ولدك ولا بنتك غيعلموك تكوني أم و انا معاك غنوجهك ونوريك ابنتي. ..
حوراء: فرحتيني اخالتي. .. عاد دابا شوية كانت الدنيا ظلام فعينيا دابا وضحتي ليا الرؤية و بغيت نخرج راسي من هادشي. ..
الام: هكاك نبغيك ابنتي
غزلان: ولكن إلى بغيتي تبني مستقبلك اول حاجة خاصك ترجعي للقراية
حوراء: بالصح ولكن انا ماعنديش معاها وعاد مابقات للقراية غير شهرين و كرشي غتكون باينة
ادم: عندك الحق ... مايمكنش تمشي لليسي بكرشك
غزلان: شوفي فيا نساي عليا ديك الهضرة ديال ماعنديش مع القراية انا براسي كنمشي ليك لافاك وفيا البكية ولكن ماعندنا مانديرو المستقبل هذاك وإلى تراجعها غندمو من بعد ... يمكن نتي ماكنتيش دايرة التوجيه الصحيح ليك ...اش كنتي دايرة
غزلان: مهم بغيتك تعتابريني صاحبتك وختك ... باقي ماتعارفناش مزيان أنا فعمري 19 عام كنقرى فالجامعة أدب انجليزي... ودابا شادين العطلة مقابلة غير الدار والشغل والافلام ههه جيتي نيت نتواتسو ههه وآدم خويا الكبير فعمرو 23 عام. .. متخصص فالطب ... بقات ليه عامين ويتخرج ويولي لينا طبيب جراح
حوراء: اااه داكشي علاش عرف يخيط ليا ايدي
غزلان: وي راه بيتو عامر بالمقوصة و الملاقط و داكشي ديال العمليات... شحال من مرة كيشدني حداه يوريني كيفاش كيشرح الفيران و الضفادع. .. تفو كيمرضني مفهمتش اش عاجبو فداكشي...
حوراء: هههه كولها واهتماماتو
غزلان: واييه... مديرو شي فيلم ندوزو فيه الوقت
حوراء: واخا ...
دارت غزلان فيلم هندي و تكاو ب2 متبعينو ... داز الوقت وهما ساكتين ومتبعين اللقطات. .. حتى دازت لقطة فيها عروسة كتودع واليديها. .. غزلان متبعة حتى سمعات صوت بكا منخفض ...دورات راسها لقالتها خاشية وجها بين أيديها. .. و ناضت جلسات حداها
غزلان: مالك عاد كنتي بعقلك
حوراء: غير سمحيلي ماشي بايديا. .. يعلم الله بحال واليديا واش كيقلبو عليا ولا تهناو مني. .. مكرهتش كون كنت باقية بعزي و كملت قرايتي وهزيت راسهم بحال ختي بسمة. ..تمنيت كون حافظت على راسي حتى يلاقيني الله بولد الناس يديني بعزي من عند واليديا وهازة راسي ... ولكن ماكتابش ودرتها لراسي
غزلان: متقلقيش راسك اختي. .. راه هضرنا معاك زعما
حوراء :واخا هكاك اختي الموضوع ماساهلش. ..آه قنعتوني ولكن باقية خايفة من لي جاي. .. خايفة يلقاني خويا وفنفس الوقت توحشتهم واخا مالقيتهمش فجنبي ...
غزلان : واييه كيبقاو عائلتك. .. اكيد غتوحشيهم .. و صافي مسحي دموعك والله حتى قطعتي ليا قلبي
حوراء: ماشي بايدي ... تا حاجة ماهيا هاديك ... حاسة براسي فاشلة و منقدرش ندير داكشي لي قلتو ليا ... واخا قنعتوني بلي قلتو ليا
غزلان : كتحسي براسك مخنوقة وغير بوحدك قدام بحر ماجو عالية ... حاسة براسك ضعيفة متقدريش على هادشي لي نتي فيه و بلي وصلتي للآخر ديال طريقك. .. مابقيتيش كتشوفي الحياة كيف شحال هادي سهلة وغير كتلعبي فيها... واجهتي الواقع وفيقك من أحلامك الوردية. .. كوني هانية. .. حاسة بيك و أي انتى واجهت هادشي على الأقل الأنثى العربية ... كيختالفو غير الطرق وصافي ... أما الأنثى الأجنبية منضنش حيت عارفة قيمة راسها و مدايراش الرجل من أولوياتها كيفما دايرين هادو لي عندنا ... وا كتمشي غير لشي عرس كيبقاو عليك العقوبة ليك العقوبة ليك... واشكون شكا عليهم اعباد الله إلى كتدعي كتدعي دعي ليا بالنجاح و نقدر نحقق داكشي لي بغيت أما الزواج جاي جاي ... عرفتي مكرهتش نتلاقاهم نيت فشي جنازة ونقوليهم العقبة ليك بوجه ضاحك باش نوريهم داك الإحساس كيفاش داير
حوراء: ههههه ضحكتيني
غزلان: هههه ضحكي اختي والله تاحاجة ماكاتستاهل بالله. .. خودي الأمور ببساطة. .. ديري أحلام قدامك. ..وديري ليهم خطة و توكلي على الله تقربي منو. .اجي بعدا كتصلي؟
حوراء : الله يسمح ليا كنت كنصلي ونقطع ودابا قطعتها فخطرة
غزلان: وا شتي اصاحبتي أنا غنخسر معاك. ..كيفاش بغيتي حياتك تصلح وانت بعيدة على الله ... أول خطوات تغييرك خاصها تبدأ من علاقتك مع الله. .. خاصك تصلي و تحفظي شي سور ديال القرآن. ..خاصك تعلمي تفيقي للفجر و تكتري الدعاء وهادشي كولو باش تقربي لله ماشي غير باش يصلح ليك أمورك. .. ديري حلمك الأول هو تضمني اخرتك قبل من دنياك حيت بكل بساطة الدنيا فانية أما الآخرة لا... ضمني بلاصتك فالجنة ماحدو باقي عندك الوقت. .. وانت باقية صغيرة ربي نفسك بايديك .... ديما الإنسان كيقرى على شنو كيتسناه فجهنم إلى دار الحرام ... بما انا الإنسان طمااع علاش مايقراش على داكشي لي كيتسناه فالجنة إلى تبع كلام الله وسنة الرسول ماشي هكا احسن ماشي يطمع فالجنة احسن ليه . . عرفتي احوراء وكون تقراي على الجنة وشنو فيها ياحتا تبورشي بلاتي تسناي. .. *جبدات تيلي ديالها و دارت فغوغل "ماذا ينتظر الصالحين في الجنة؟ " و عطاتها..
الحوراء الجزء الثاني
محتوى القصة
التنقل بين الأجزاء