دخلوها و بقاو يتساناو ... داز الوقت و خرجوها لغرفة مع امراة اخرى ... كانت ناعسة فاش و تجمعو عليها ب3
سعاد: مسكينة تعدبت ...
غزلان: بقات فيا مسكينة ...
ادم: وا الحمد الله داز كولشي مزيان والوليد بيخير وعلى خير ... خاصنا نشوفو كيفاش نعلمو ختها وامها ...
سعاد: حتال غدا دابا الليل و ماعندهم كيفاش يجيو ...
ادم: واخا ... ياله نرجعو غدا ونرجعو عندها ...
سعاد: سير نتا وختك انا غنبات معاها هنا ...
ادم: واخا ...
غزلان: الله يعاون ...
رجعو ادم وختو وبقات حوراء ناعسة وحداها سعاد ...
اصبح الصباح ... فاقت حوراء كتدور فعينيها وداتها تقيلة عليها شافت فجنابها لقات امراة فسرير و شادة ولدها ... شافت فجنبها مالقات حد ... دخلات ممرضة ...
الممرضة: كيف بقيتي اختي ..
حوراء: الحمد الله ... فين ولدي ...
الممرضة : راه فالحضانة ... غنجيبوه ليك ... قولي ليا فين باه ... كانت غير واحد المرأة حداك هنا و خليتها برى ...
حوراء: ماعندوش باه ... انا مو وباه ...
الممرضة: بااان ليا اختي نتي من الامهات العازبات ياك ... حيت باقية صغيرة و مامعاك حد ...
حوراء تضايقت من فضول هاد الممرضة ولكن كتجاوبها وغير من الفوق ...
حوراء: اه اختي ...
المنرضة: وفين عائلتك و اش عندك خووت ..
حوراء: لا معندي حد ... انا مقطوعة من شجرة ...
المنرضة؛ خدامة؟ و لا شي حاجة اش كديري فحياتك ..
حوراء: علاش اختي هاد الاسئلة كاملة ...
الممرضة: والو ... بصراحة انا عندي كيفاش نعاونك
حوراء: نعاونيني؟!!!
الممرضة قربات ليها وقالت: نتي باااقية صغيرة على المسؤولية .. مخدامة ماوالو ... ومامزوجاش وزايداها فولد فالحرام غير غيتمرفص معاك ... غنوريك واحد العائلة شلا فلوس ... ولكن ماكايولدوش ... وبغاو شي تريبية ... والله حتى يتهلاو فيك ... يعطيوك لي بغيتي و تعيشي حياتك و صغرك ... اش بغيتي بشي مسؤولية ...
شافت فيها حوراء باشمئزاز وقالت: واش عارفة راسك اش كتقولي ... نبيع كبدتي لي 9 اشهر وانا كنتمحن عليه تجي نتي تقولي ليا نبيعو ... لا اختي واخا نعيشو انا وياه غير فالزنقة منتخلاش عليه ... هو اصلا لي مخليني نحارب على قبلو هاد المصايب كاملة لي عايشة فيها .. قلبكم تحجر ومابقات فيكم رحمة ... نتي تقدري تبيعي كبدتك ... انا ماشي من داك النوع .. ولدي ديالي ومغنعطيه لحتى حد ... واخا نعرف نموت على قبلو ...
المنرضة: غير بالشوية عليك اختي مالكي ... وجوه الزلط هزيز عليكم الفقر والميزيرية تصحابي راسك قضيتي شي حاجة .. غتخرجي ويضربوك الخيوط ووكليه الحجر ديك الساعة ..
بسمة: متخافيش راه بداو كيقطعو الامل ... بصراخة بقاو فيا والله واخا هكاك راه مشوشين من جيهتك ..
حوراء: راك عارفة اختي راه منقدرش نرجع .. هادشي عاودتو ليك شحال من مرة ...
بسمة: صافي اختي ... قولي ليا بعدا ... كيف بقيتي ... و ولدك ..
حوراء: حمدالله اختي ... راه خويا ادم عتقني لهلا يخطيهم عليا كون مكانوش يعلم الله بحالي ..
بسمة: والله اخالتي سعاد ختى خيركم كبير ... ناس بحالكم مبقازش غااع ... جمعتوها بيناتكم واخا دايرة ...
قاطعاتها سعاد: ماكاين لاش تقولي هادشي ابنتي .. عندي بنت و عندي ولد ومتبغيش شي حاحة توقع ليهم .. ربي حطها فطريقنا و كان بمقدوري نعاونها توكلت على الله وصدقت حتى هي مسيكينة بنت الناس .. غير قلة العقل وقلة التوجيه ...
لسمة: بالصح ... مالقاتش اي يوجها .. كون كنت اخت مزيانة كون نصحت ختي و وقفت فجنبها
حوراء: ماتقوليش هكاك اختي ... بالعكس كنتي كتنصحيني غير انا كان راسي قاصح و كنشوف الامور من جهة اخرى ... كون غير سمعت كلامك اختي و درت بيه ..
بسمة: لي فات مات حنا ولاد اليوم دابا ... لي كيهم هو ماتطيحيش فنفس اغلاطك ...
حوراء: تعلمت اختي ماتخافيش عليا ...
بسمة: انا جيبي ليا غير حبيب خالتو نشوفو ...
غزلان:هههه هاكي ...
شداتو من عندها و هي كتضحك: وييينو على الفينيميش ديالنا ماشاء الله صغيور و فنيون اختي ..
حوراء: هههه
بسمة: اش غتسميه ...
حوراء: ماعرفتش ولكن عمو ادم هو لي غيسميه ...
ادم: هههه وعلاش انا ..
حوراء: حيت نتا لي خرجتيع لهاد الدنيا نتا لي عاونتيني و حتى خالتي و غزلان لهلا يخطيهم عليا ...
سعاد: بلا جميل ابنتي
غزلان: خسارة متزادتش بنت 😂😂
ادم: انا كنت باغي نسمي ولدي الاول أمجد ... وبما ان هاد الفنبكيش تزاد على ايديا فغنسميها ليه ...اش بان ليك ..
حوراء: ههه عجباتني ... صافي ولدي اسمو امجد ...
بسمة: اهلا بسي امجد ...
حوراء: اجي ماما ... ماجاتش
بسمة: ماقلت ليها والو حيت بابا فالدار .. ماغاديش تقدر تحي ومغتصبرش و يعيق بيها ...
حوراء: ااه بالصح ... متقولي ليها والو ...
بسمة: مهم هاكي ... جبت ليك شي شهيوات من ايدين ماما ... و هادو حوايجك باش تدفاي و هادو حويجات لبيبي ... و هذا شكلاط حلي بيه ...
حوراء: علاش معدبة راسك كولشي عندي ...
بسمة: ولو ...خاصني ندير الواجب ديالي ... تم النشر على 9isas modareb..
دازو يوماين ورجعات حوراء للدار ومعاها امجد بين ايديها ... من جهة احساس زوين كيخالجها و فراشات الامومة مطيرينها فوق السماء وهو بين ايديها كتلعب معاه وهو كيبقلل فعويناتو ... عرفات معنى الامومة واخيرا ومستاعدة لكلشي المواجهات لي عارفة راسها غتواجههم و هادي تاهي من جهة اخرى ...
متكية فالسرير كترتاح ... و سمعات بكاه حداها ... هزاتو لين ايديها .. و حطاتو على سدها ... ربما يخرج الحليب ... و نيت مجرد ما عطاتها ليه و بان الحليب حمدات الله لا متقدرش تعطيه متطلباتو الاولية ... و تجرب معاه الامومة بجميع معنيها... عجبها الحال وهي كتشوف فيه كيرضع و مغمض عويناتو ... دخلات سعاد و بركات حداها ..
سعاد: امضرى خرج الحليب ..
حوراء ضاحكة: ههه اه ... راه كيرضع
سعاد: اوى شتي الرفيسة نفعاتك ...
حوراء: هههه اه لهلا يخطيك عليا ...
سعاد : شحال غزيول ما شاء الله عليه ابنتي ... الله يخليه ليك ابنتي و يكبرو فعزك و يكون فال خير عليك ...
حوراء: يا ربي امين ...
دخلات غزلان: انا جيتتت
سعاد: تجيك فالراس يابنبتي يا غزلان يا المصيبة لي بلاني بيها الله قفزتي الولد ...
غزلان: هههه نسيت بلي ولا عندنا فنيكيش فالدار 😅😅 اشنو خرج الحليب ..
حوراء: ااه ...
غزلان: وعلى سلامتو كان مسكين غيعيش فالمجاعة .. تاحاجة مكتعوض حليب الام ...
حوراء: واييه اختي .. كنت خايفة لا مايخرجش
سعاد: لا ابنتي ضروري ما يبان ..
حوراء: خالتي بغيت نقول ليك شي حاجة ..
سعاد: اياه ابنتي ...
حوراء: مهم انا جمعت شوية ديال الفلوس .. اصلا كانو ميشيطو حيت ماعندي فين نصرفهم ... و دابا ولدي تزاد وبغيت ندبح عليه ...
سعاد: تانا ابنتي كنت غنفتح معاك هاد الموضوع ...
حوراء جبدات رزيمة من المجر: هانتي هادي 35 الف ... عطي لادم هو دري وعارف منين يجيبو ... انا غير شي حولي على قد الحال ... بغيت غير الباروك وصافي ههه ... وندير واجب ديالي كام و كاب
سعاد: انا غندزيدك و ندبحو كبير نيت ... راه عزري ديال الدار هادا gالاك الباروك ...
غزلان: هاااح الشوا يا الهوا ...
سعاد: همك غير فكرشك ..
غزلان: هي غنديرو شي زردة فاعلة تاركة ...
حوراء: مابغيت حد غير بيناتنا و نجيب ماما وختي باراكة عليا ...
حوراء: ماما عافاك ... بلا متبكي.. هاد هو المكتاب .. وولدي غندير ليه حفيلة على قدي مهم انا فرحانة بيه ومكايهمنيش بنادم ...
سناء: كيفاش
حوراء: هاد السبت ان شاء الله غندير حفيلة صغيرة بيناتنا وغتجيو ليها نتي و ختي ... و غنشري ليه حولي صغير ندبحو عليه بشي فلوس كنت جامعاهم... حيت واعدت راسي امجد انا ليه ام واب ...
سناء: هاد المحنة دارت ليك عقل ابنتي ... فرق طبيير بين حوراء لي خرجات وحوراء لي كتهضر معايا دابا ..
حوراء: هاديك حوراء المراهقة النية ماتت اماما ... لي قدامك دابا حوراء الام المسؤولة على نفس لي تعلمات ... و باقي مادرت والو دابا.. الطريق طويلة ... دعي مع بنتك اماما ورضي عليا ...
سناء: انا راااضية عليك ابنتي كل الرضى .. وكندعي معام بليل والنهار باش ربي يحميك ويحفظك ليا نتي ولدك ...
حوراء: هادشي لي بغيت منك اماما ...
سناء: واش نتي بيخير بعدا كبف دازت ولادتك ...
حوراء: حمد الله اماما كلهم وقفو فجنبي ... حتى ولدت وكولشي داز مزيان .. حليبي ماخرجش فالاول ولكن دابا راه كيرضع ...
سناء: غندير ليك الرفيسة ابنتي ... هي لي غتنفعك
حوراء: دارتها ليا خالتي ..
سناء: لا وااالو .. بغيت نديرها لبنتي ...
حوراء: وكيف غديري اماما ...
سناء: عطي لختك العنوان انا نجي نديرها عندك ..
حوراء: واخا ولكن ردي البال اماما ... غنسيفط ليها العنوان اصلا غتجيو غتجيو ... غير شوفي طيفاش تكدبي على بابا ..
سناء: متخافيش ابنتي خوك نهاى كولو وهو فالخدمة وباك راه مانساليش لينا ... غدا غنجيو ..
حوراء: واخا اماما... ياله بسلامة ..
سناء: بوسي ليا الفنيكيش و متنسايش العنوان ..
حوىاء: واخا تهلاي فصحتك ...
قطعلت حورء و شافت فسعاد ...
سعاد: هههه مرحبا بيها ... متحتاجيش تعلميتي ..
خوراء: ههه لهلا يخطيك عليا ... واحد شبع ...
سعاد شافتها غتحطو: خليك هازاه ... شوية عاد حطيه باش مايردوش
ادم: راه غندوز على مك معاه ... تم نقل القصة من 9esa.com..
غزلان: راهي حداك ...
سعاد: اوى الله يمسخكم ب2 اولدي ..
سناء: هههه غير كيضحكو ...
حوراء: وا توما دبحو طلقونا ..
غزلان: متي لي جات معاك اختي ..
حوراء: مالك حسدتيني😂😂
ادم: ياله شدو مويان حتى ندوز تطلق شي وحدة دنوبو عليكم ...
بيمة: تانكييت با ...
شدو البنات ليه ... وهو سرح عنقو وقرا الفاتحة وسما الله و دوز ... وناضو خلاوه يتركل ... والعيالات لور كيزغرتو ... كملو داكشي متعاونين و شي كيغسل شي كيجمع الوسخ حتى كملو ... وهبطو للتحت ... بدلو حالتهم و تجمعو يشربو اتاي والحلويات .. عطاوها الزرورات و الكادوات ... و حطو الغداء تغداو بالدجاج محمر و بسطيلة ديال الحوت و الفواكه ... ضحكو ونشطو غير بيناتهم ... حتى تعاشات العشية ودارو الشوا فالسطح ... و حوراء بقات التحت مع ولدها حتى نعساتو وانضمت ليهم ... حتى وصلات 4 ونصف وناضو يرجعو فحالهم حيت غير كدبو وقالو غيعزيو شي حد ... سلمو عليها بحرارة و مشاو ...
ورجعو البقية جلسو ...
ادم شاد امجد: اوى اسي امجد هاماماك دبحات عليك .. ماعندك ماتسالها كون غير راجل ...
سعاد: يكبر ويعوضها تعبها ...
خوراء: باقي نادرت وااالو اخالتي ... انا ميمياه غير امجد هكا ... خاصو وراقو باش يتسجل ... راه يوصل 5 سنين غيخصو يدخل للمدرسة ... غيوصل 18 عام غتخصو البطاقة الوطنية والى معندوش الحالة المدنية مايقدرش يعيش...
يوم جديد ... لبسات حوراء فولارها و جلابتها و وصات غزلان لي جالسة اليوم على قبل تحضي امجد ... اما البقية كولها فشغلو ... ركبات طاكسي ومشات باتجاه مكتب الحالة المدنية ...
وصلات ودخلات ... كتسنا نوبتها شحال عاد وصلات .. ووقفات قدامو ...
هو هبط نظاظرو شوية و رمقها بنظرة اشمئزاز و تصغير ... و دار ضحكة استهزاء
هو: ههه هادشي لي بقا خاص ... غير الزانيات يديرو حالة مدنية ... ضسرتو ... نتوما خاص والدبكم تجمعو فواحد الحفرة ويدفنوكم حيين على هاد الفعايل .. مابقيتوش تحتارمو الدين و تبعو السنة و الشريعة ...كل واحد كيدير لي بغا ... داروها حتى لي واصلين عليك بقيتو غير نتوما البرهوشات ديرو حالة مدنية ...
سيري حيدي من قدامي ياخ تفووو على gنس ...
حوراء كتشوفيه كينقص منها و كيغوت فوجها وكءنه عندو الحق يوبخها و بهضر معاها بداك الشكل ... حسات بالحكرة و لكن ماسكتاتش و مارضاتش منين شافت الناس كيطلعو ويهبطو فيها و هي تغوت بدموعها فعينيها ...
حوراء: مانسمحش ليك تهضر معايا بهاد الطريقة ..شكون نتا واش عرفك بظروفي باش تحكم عليا ... كتحل في فمك وانت تلقاك داير اكتر من هكا ... اه الانيان مخلوق باس كيغلط ... و تبت والحمد الله كنصلح اغلاطي ... كنتبدل على قبل ولدي ... واش غير حيت ولدي خارج اطار الزواج ماياخدش حقو ..
هو: سيري حيدي من قدامي قلبي على باه ولا شوفي فين تلصقيه حتى ولاد الزنقة نديرو ليهم الشان ... و باراكة من حلان الفم ... زانية وقليلة الترابي من الفوق ...
حوراء :منسمحش ليك تهضر معايا بديك الطريقة ... انا جاياك لغرض لي من حقي و من الواجب ديالك دير حدمتك ماشي تعطيني فالمواهظ ديالك ... كولنا فالهواء سوا وكل واحد كيغلط بطريقتو والى كنتي راجل ... فراك انسان متنساش هاد القضية ... و ولدي ما عندوش باه ... باغية نعول على راسي مابغيت حد و ولدي بغيت نسجلو فسميتي انا بلا هضرة بلا كلام قول ليا شنو خاصني ...
هو: هادشي مكاينش عندنا ... كدولة اسلامية متبعة السنة و نزيدك بلا متبقاي تصدعي راسك و سيري تكمشي فشي جمعية بحال gرانك ... و لا حطيه هو نيت فشي خيرية احسن ليه ... ياله حيدي من قدامي ضيعتي ليا وقتي ...
حوراء: مالي جايا نسعاااك ... راه جاياك دير خدمتك لي كتخلص عليها ... كتحل فمك مالك اش عند راسك داير شي طايسة فحياتك ... نلقى 40 درهم المخيرة كدوزها من تحت التحت يارباعت تاشلاهبية الشفارة ... الله ياخد فيكم الحق ...
تجمعو عليهم الناس و جرها واحد منهم وااخر كيعاير ..
حوراء: انا اسيدي ... مامزوجاش وظروف حكمات هليا نولد ولد ... انا دابا بغيت غير ولدي مايبقاش بلا اسم و نسجلو فاسميتي انا ماخاصنيش بباه ...
هو: القضية صعيييبة بزاف ... راه كون كانت كوراه نصف مشاكل اليتامة تحلو ...
حوراء: وشنو المعمول ..
هو؛ كاين واحد الحل ... نعاونك و نوقف معاك .. عندي معارف وايدي واصلة فرمشة عين نحل ليك هاد المشكل ..
حوراء: الله يرحم ليك والديك اسيدي ...
هو: ولكن كاين المقابل راه ماشي ساهل ...
حوراء: واخا طلب التمن لي بغيتي ... و انا نجيبو ليك ..
هو: لا مخاصنيش فلوس ...
حوراء شافت فيه لي وهلة وبدوك الشوفات لي كيتفحصو ذاتها و جاوبات: و.. شنو .. المطلوب ...
هو قرب وهضر بالشوية و هو كيسرط فالهضرة: دوزي معايا شي سهرة طويلة فاعلة تاركة ...
حوراء تصدمت من الطلب ديالو ... حسات براسها رخيصة و ماعندها قيمة ... عافتو و عافت راسها حيت فكر فيها بديك الطريقة ... لسانها تقال و عينيها تحجرو بالدموع ... وقفوها رجليها لي كيترعدو وهضرت ...
هو: ههههه من نيتك ... والظة بلا زواج و كتصنعي ليا فالعفاف والوقار ... كون كنتي بنت الناس غاعما تحملي بلا زواج ... و خليك ظريفة و سمعي الكلام مغتندميش ...
شافت كاس الماء حداه كوباتو عليه وخرجات للبرى كتغوت ...
حوراء : و عباد الله واش ماشي حشومة عليكم ... كتسدو فوجهنا بيبان العيش حرااام عليكم ... واش طلبت شي حاجة اكتر من حقي وحق ولدي ... واش ضروري من هاد الراجل ... ظلمني و ظلم ولدي لي ياله خرج لهاد الدنيا ... مابغيت والو غير نحط ولدي باسميتي واش صعيبة واش درت شي حاجة غالطة ... كل واحد و كيطلب منك حاجة واش لهاد الدرجة بنادم حgار وصاحب حاجتو ...
جا العساس كيجر فبها: زيدي اختي بلا صداع ردهلي بنادم خدام ..
حوراء: طلق مني ماغنخرج حتى تعطيوني حقي ...
العساس: مكاينش داكشي لي بغيتي غير زيدي خلاص ..
حوراء: وا طلق مني ما تشدش فيا ..طلااق ..
بقات كتجار معاه حتى سخفت و تجمعو عليها الناس و شي عيالات تما ... شمموها الريحة و بركو يفيقو فيها ..
خدا العساس تيليفونها باش يعيط لشي حد من عائلتها ... لقا اسم ادم من الاوائل و عيط ليه ...
ادم: حوراء؟؟ اش درتي ..
العساس: خويا ... راه واحد البنت سخفات عندنا هنا فالادارة ... جي ديها ..
ادم: واخا .. الله يرحم الوالدين رد ليها البال دابا نكون تما ...
فاقت حوراء .. شافت فبنادم مجموع عليها .. وهي تنوض ... و مشيتها تقيلة شادا ساكها وكتشوف فنقطة وحدة ...
العساس: تيناي راه غيجي شي واحد يديك ...
مداتهاش فيه و خرجات للبرى كتبكي ... و الناس كيشوفو فيها ... كانت متوقعة تلاقا بحال هاد ردود الافعال ولكن ماشي لهاد الدرجة ... شنو كان فيها كون عاونوها ... واش الاب الى مابغاش ولدو الام و ولدها يضيعو ... الذكر مسيطر فكولشي ... كولشي بدون استتاء ... شنو دابا اتقلب على هاد عادل و تقولها ليه ... و لا تكمش للارض و تندب على حظها وولدها ... اش هاد الحياة القاسية ولي غير مازايدة وكتقسى اكتر واكتر ...
حوراء: ياربي اشنو ندير يا ربي... اشنو ندير ...
وقف عليها ادم ...
ادم: حوراء؟!!
حوراء: خويا ادم ...
ادم: اجي جلسي هنا احي ...
جرها شادها وجلسو فقنت في دروج ...
ادم: اش وقع ...
حوراء: حgروني اخويا ... حgروني وماعطاونيش حقي ... تصور واحد شبع فيا معيار و نعتني بالزانية ... انا كارهة راسي بلا والو وهو زاد عليا ... ولاخر طلب مني نعس معاه باش يقضي ليا الغرص... تصور لهاد الدرجة كنبان رخيصة ... هكا كيشوفوني الناس .. غلطت مرة غتبقى محسوبة عليا حياتي كاملة ... مكرهتش كون مت ولا عطيت لداك الشماتة راسي ... وهانا دابا العادي والبادي كيمسح فيا رجليه ... شافوني بسيطة وضعيفة و تقواو عليا ...
ادم: مايبقاش فيك الحال اختي ... هادا هو المجتمع المغربي .. مكايرحمش ولو غير شوية ... بردي دابا ومتنسايش راك ياله والدة ... وهدا لي تحرش بيك كيداير ...
حوراء: باقي صغير شوية يكون فديك التلاتينات و شعرو كحل ولابس قاميحة بيضة وسروال كحل ... و المكتب ديالو مع الدخلة عل اليمين ... ولكن علاش ..
ادم: بلاتي ...
مشا قطع الشانطي ودخل لشي حانوت و شوية رجع عندها ...
ادم: هاكي مسحي دموعك وشربي شوية انا جاي ...
حوراء: شداتهم من عندو وقالت واخا و رجع دخل للادارة ...
قلب على المكتب ديالو كيفما نعتات ليه ودخل بلا اذن بلا دستور شنق على مو ...
ادم: نتا يالكلب تقول تطلب من ختي ديك العضرة ...
هو: اسي .. طلق مني شكون نتا ..
ادم: انا خو ديك البنا لي خرجات دابا ... و مابغيتوش تقضيو ليها غرضها ...
هو: اااه ... شنو زعما ضرباتك النفس عليها ... كون كنتي راجل غاعما طيح بين ايدين الشمايت ويسيفطوها ليكم بكرش ... سير طلق مني وترجل على الزلال ديال ختك ... اما انا بزاف عليك...
ادم صعر وهو يهبط على مو بروسية رعفو حتى طاح وداخ رجع هزو من قاميجتو وتكاه على المكتب وهبط عليه بكروشيات كيخبز ليه فوجهو و فينما جات كيعطيه ... حتى جاو الناس كيفكو و خرجوه وهو كيتحلف عليه ...
خرج عندها وجرها من ايدها ..
ادم: نوضي ياله ...
حوراء: مال حالتك هكا ... اشنو درتي ..
ادم: خليت دار بوه ... زيدي دابا ومدبرها حكيم ...
رجعو للدار ودخلات ... لقات غزلان جالسة فالمرح هي و سعاد ...
تم أخذ القصة من 9esa.com.. سعاد:حوراء؟؟ مال وجهك منفوخ كنتي كتبكي ...
حوراء حطات ساكها وصلاطها ومشات تخشات فيها كتبكي ...
سعاد: الله ياربي الله مالك ابنتي على هاد البكا اش وقع ليها ..
ادم: اودي الوالدة ... *عاود ليها كولشي*
غزلان : ولاد الحرام ...
سعاد: حاسة بيك ابنيتي ... مكيرحموش ... نفس قصتي كتعاود ... شفت الويل باش قيدت غزلان تاهي حيت ماكانش باها ... مكيرحموش ابنتي مكيرحموش وكيهضرو و يحكمو عليك غير من داكشي لي كيشوفو اولا لي بغاو يشوفو هما... صبري حتى يقدرك الله ماعندك ماديري ...
سعاد: بقات فيا مسكينة ... فكراتني غير فراسي حتى انا ... حاسة بيها وعارفة اش غتواجه مع هاد كحل راس ...
ادم: ولاد الحرام ... بغاو يستاغلوها ... الانسان فهاد الوقت مخاصوش بغلط ... حيت بكل بساطة غيرافقو فحياتو كاملة واخا يبغي ينساه غيباقو يفكروك فيه ... هي على الاقل ختارت ترجع توقف على رجليها و تشوف القدام ... جاتها فرصة ومتهلاتش على ولدها ... ومنين خرجات للزنقة مافكراتش تبيع لحمها ... بحال دوك لي كيديروها سبة ... حوراء شخصية نادرة ... وبحال هاد الناس لي تلاقاتهم اليوم هما لي كيصعبو على الانسان عيشتو ... مفكراتش تقلب على داك الشماتة وتلصقو .. وانما عولات على راسها ... ولكن شكون غيفهم هادشي ماحدها فهاد البلاد ماغيشوفو غير كونها ام عازبة ... و دارت ولد فالحرام ... قالك مسلمين ... بزاف على مهم الاسلام ...
سعاد: ربي معانا اولدي ... نايقة فالله وعارفة بلي غتواجه كتر من هادشي ولكن نتفائلو بالخير ..
حوراء: سمح ليا اولدي مغنقدرش نوفر ليك نسب تعرف بيه ولد من ... منقدرش نقلب على داك الشماتة ... ولكن غنلقاو حل اولدي .. غير تيق فماماك ... حيت نتا لي عندي فهاد الدنيا وانت لي كتهمني ... وكولشي هادشي لي كنديرو ولي غنديرو على قبلك نتا بوحدك ... ياك احبيب ماما ... باستو فراسو وحطات راسها على المخدة وايدها عليه معنقاه و تكات ...
دازو ايام وايام ورجعت رفعات دعوة للمحكمة و تعطلو فالاجابة لي فالاخير تلقات الرفض ... تدمرات تيقتها و عرفات بلي حقها مادامو وسط ايدين البشر ميمكنش تاخدو .. استسلمات لهاد القضية ... ورسمات خطة اخرى فبالها ... لحد الان مداياها غير فقرايتها و خدمتها لي مع سعاد ... وولدها بطبيعة الحال...
وصل شهر 4 و دخلات للسوايع كتبريباري للباك ... كتبع بتركيز كبير و ماقدامها غير مبتاغاها لي ضروري خاصها توصل ليه ... كترجع حتال 12 الليل وكتلقا ادم كيتسناها... امها ديما معاها فتيلي هي واختها وكتعطيهم الجديد ديالها ... دازو شهراين ديال البريباراسيون غير فالخدمة و الحفاظة ... و جاو الايام لي غدوز ... فاقت نشيطة و مستاعدة و فنفس الوقت متوترة ... فاقو معاها بطري باش يشجعوها ... و عيطات ليها امها وختها كذلك ... مدوها بالطاقة الايجابية ومشا معاها ادم وصلها لليسي لي غدوز فيه ... دوزات حوراء و جاوبت على كولشي داكشي لي عرفات ... الامتحان كان ساهل بالنسبة ليها حيت كلات الكتوبة و الدافع والارادة ديالها كانو اقوى ...
دازو ايام الامتحان مزيان بالنسبة ليها ... و بقى تسنا النتائج ...
حوراء: لاباس عليه اماما ... راه كيكبر ...ولا يضحك و يلعب بايديه ...
سناء: شفتو فالتصاور والفيديوات لي كتسيفطي لختك ... كيكبر ماشاء الله عليه .. تهلاي فيه ابنتي ..
حوراء: على انا لاش عايشة .. غير باش نتهلا فيه ...
سناء: الله يرضي عليك ويسهل عليك ابنتي ويبعد عليك الشر نتي وولدك يا ربي...
غزلان: امييبن ... ياله الله يعاون اماما امجد كيبكي ..
سناء؛ سمعتو ابنتي سيري عندو الله يعاونك ..
قطعات حوراء و شدات ولدها بين ايديها ... باش ترضعو ...
مجموعين فالغداء و مجمعين ...
ادم: وا ها الباك بين ايديك اش غديري من بعد
حوراء: القانون ...
بعد 3 سنوات ...
حوراء خدات الاجازة ديالها فالقانون ... و بنقطة زوينة لانها خدات الدراسة بمحمل الجد و ديما جالسة فالصفوف الاولى وديما كتناقش مع لي بروف ... ولدها كبر قدامها و ختناتو ... امها و ختها كيجيو يشوفوها كلما سمحات ليهم الفرصة .. خوها وباها قطعو الامل فانهم يلقاوها... حوراء كتخدم فالصيف و فوقت الفراغ كتمشي تعاون محامي و خدامة معاه كترتب الضوسيات و تنظم ليه المواعيد و داكشي وفنفس الوق متاخد خبرة و كل مرة كتطرح تساؤلات وكتلقاه فالعون ... ادم تخرج و ترسم هو وبسمة و خدمو فمشفى واحد و ارتابطو ... غزلان خدات اجازتها و كتدوز لي سطاج ... سعاد خدمتها مشية مزيان ز امورهم مهنية ...
رجعات حوراء فالعشية من الخدمة ... ودخلات للدار ...غير قالت السلام وخرج امجد كيجري من الصالة ...
وقفات حوراء كتضحك و عنقاتها ... دازت لغزلان و ادم ... رحبو بيها و هما فرحانين ..
غزلان: واتاتك امريكا زيانيتي العفريتة ..
حوراء: مالي كنت خايبة 😎
ادم: ههههه زيدو طلقونا راه واخد 2 غيحماقو فالدار
حوراء: واللهتا توحشت ماما و خالتي سعاد ...
ادم: ياله ..
هز سيكانها وهي هزات امجد كتبوس فيه وتهضر معاه و خرجو ... و وقفو قدام سيارة ..
ادم: اوى هانا كيف جيتك ..
حوراء: ناس تقدمو وشراو طوموبيل ..
ادم: واش كيسحاب ليك ههه...
ركبو معاه وبسمة القدام حداه ..
حوراء: الله متوحشتش المغرب توحست غير ماسي لي خليتهم هنا .. خلصة البزغول ديالي ..ياك احبيبي متوحشتيش ماما ...
امجد: توحشتك قد هكا ...
حوراء: وانا توحشتك قد قد هكا ...
امجد: لا انا اكتر منك ...
غزلان: هههه هذا راه واحد عشيري واحد صحيبي ..
حوراء: هههه اوى عاودو ليا اش خباركم اشنو الجديد
ادم هز ايد بسمة و قلبوها لعندها ..
حوراء: وااايلي ...
ادم: هههه طرت بختك ...
غزلان: شتي مافيهم خير ماقالو ليك والو انا ظريفة ..
حوراء: واش خطبتيعا من بابا و خويا ..
ادم: وعلى مالي غنخطبها راس فراس ههه...
حوراء: واش من نيتكم كتهضرو ولا طالقينها ..
بسمة: والله اختي حتى خطبني منهم وعجبهم وتفاهمو وقبلو بيه وتصاحب مع يوسف ... ولكن الحاجة لي ماطيحش ليك على البال هو بابا منين شاف امجد وهو كيلعب ويضحك معاه و تصوري فاش شافو اش قال ...
حوراء قلبها بدا يضرب وقالت: واشنو قال ...
تم أخذ القصة من موقع قصة بالدارجة.. بسمة: قال هذا غير يوسف فاش كان صغير ...
حوراء: كيفاش امجد كيشبه لخالو ..
بسمة: هههه جبدنا التصاور ورانا ...و عجبو النهار كامل وهو كيلعب معاه .. بقينا انا وماما غير كنشوفو كون عرفو حفيدو يعلم الله اش غيوقع ..
حوراء: سولكم شنو كيجيكم ..
ادم: قلنا ليه ولد العائلة وصافي ...
حوراء: اودي ... باشمن وجه غنشوفو ونقوليه هذا حفيدك ...
بسمة: ماتخافيش اختي ... ربي كبير ان شاء الله يكون خير...
حوراء: دابا بقى نشوف شي بلاصة نديرها مكتب ليا ...
غزلان: جامعة شي حاجة ..
حوراء: اه ... اجي حقا ادم .. ال4لوس لي كنت كنسيفك على امجد شتهم هماهما
ادم: قلت ليك ماتسيفطيش راه المعيور هذاك ...
حوراء: ولكن ا خويا راه ..
ادم: مكاين ما ولكن على اساس ماعرت اش كان خاصو فالمصروف راه غير وليد صغير ... و بما انني انا لي ولدتو ليك و سميتو و انا لي دبحت حاوليه فراه كنحس براسي باه ... اخر مرة تقولي بخال هادشي راه غنتقلق منك و زايدون دوك الفلوس غينفعوك دابا نيت باش تلقاي شي محل ديره مكتب ..
حوراء: واللهما بقيت قادرة نقول شي حاجة لهلا يخطيكم عليا ... ز مبرووك عليكم الخطبة واللهتا فرحتوني وتستاهلو بعضياتكم ..
بسمة: لهلا يخطيك عليا احبيبة ديالي ...
ادم: الله يبارك فيك اختي ...
حوراء: اوى وانت البايرة ...
غزلان فودن حوراء : وا هي لا شفتي ليا مع خوك ...
حوراء: يوسف يوسف؟؟
غزلان: اختي واخا داكشي لي عاودتي عليه وقبيح ولكن بوقوص
حوراء: مايغركش ديك البراءة فوجهو و اللهتا يدوزها على مك
غزلان: هههه غير ضاحكة اختي ... انا باقية صغيرة على الزواج ...
حوراء: شوفي فيا... و الله يمسخك قدك دايرين 2 و لا 3
غزلان: هادوك ضارب بوهم الله على الزواج ...
حوراء: هههه فهادي مكدبتيش ...
غزلان: جيتي جيتي دابا مكاين غير الخروج والتزرييط ..
ادم: كاين عزاااك ...
غزلان: ههههه كتسمع غير لي بغيتي .. وقبايلة فاش قلت ليك علمني نسوق باش ندير البيرمي ... قلبتي وجهك ..
ادم: vu
غزلان: اوى الله يحرق طباسل مك ...
بسمة: هههه لواه علمنا ب2 اش خاسر ...
ادم: ههه باش ياله تشقلبوها ليا فشي قنت ...
حوراء: هههه عنداك اخويا توافق ... راه واحد 2 مصيبات هادو ..
ادم: ههه وعلى اشنو راه عارف راسي معامن 😂😂
وصلو للدار ... و دخلو .. لقاتهم كيتسناوها فالباب غير خرجت من لوطو وطلقو الزغاريت كيعبرو على فرحهم .. عنقات امها وخالتها و دخلوها فرحانين بيها لقاتهم مزيينين الدار و حاطين الشهيوات لي كيعجبوها حطوها بيناتهم يعنقو ويعاودو ...
حوراء: توحشتكم بزاااف
سناء: كي شفتي انا ابنتي على سلامتك احبيبة ديالي ..
حوراء: الله يسلمك اماما ...
سعاد: بلاصتك قداش بقات ...
حوراء: ها انا رجعت دابا ...
سناء: الله على بنتي كبرات وولات محامية ... الله يوفقك وتزيدي موال للقدام ان شاء الله ...
حوراء: امين اماما ... دابا بقا ليا غير نلقا مكتب و غنرفع قضية و غنتفرغ ليها وناخد حق ولدي و من بعد ندخلو المدرسة وديك الساعة غنكون حققت اهدافي كاملة ..
ادم: تقريبا راك وصلتي وانا كنشوف الى بقيتي على هاد الحماس غتمشي بعيد ...
حوراء علاش لا اخويا .. مهم تبقاو مسانديني وفجنبي بحال هكا ...
سناء: وباباك ابنتي ... راه واخا مكايقولش ولكن راه محروق عليك .. راه بنتو .. عرفتي ويعرفنا كنا عارفينك هاد السنين كاملة فين كنتي غيغضب ويتقلق ديال المعقول. ..
ادم: هضر ليا خوك عليك ... بعدا سليت ليه لسانو .. كنت باغي نعرف رأيو من جيهتك ...
حوراء: اش قال
ادم: ندم عليك ... و مكرهش يلقاك ... وضحت ليه بلي تانا عندي اخت و فضلت انني نكون صديقها على انني نحgر عليها و نتسلط عليها ... قال عندي الحق و كون كان قريب لخواتاتو ومامعيشعمش فالرعب كانت الامور غتمشي فمنحى اخر ... و بلي هو كان غير كيحميكم بطريقتو ... وعاد خوك باينة فيه عصبي و طبيعة خدمتو تاهي فيها الاعصاب داكشي علاش كيلقاكم قدامو وانا عاذرو صراحة ... يعني دابا راه برد داك الغضب كامل ورجع شوق و خوف من جيهتك ... كنصحك تمشي و تباني دابا و تصالحي معاهم باش ربي يعاونك ونيت تلقاي خوك فجنبك راه غتحتاجيه ..
حوراء: حتى انا توحشتهم و بزاااف واخا كانو قاسيين معايا ولكن كيظلو عائلتي و انا بصراحة مسامحاعم من قلبي ... بغيت نحيد اي حاجة سلبية فحياتي ونعيش مرتاحة انا و ولدي ...
سناء: هي غتمشي معانا ...
حوراء: ماشي اليوم ... غدا غنجيو عندكم ... و ياااربي يدوزو بخير .. حيت ماعنديش الجرأة وخايفة من ردة فعلهم ...
سناء: ماعندك مناش تخافي ... انا معاك ابنتي ...
حوراء: ربي يخليكم ليا ... جبت ليكم كادوات ...
مشات هزات فتليز وبدات تفرق كل واحد شنو جابت ليه و خاصة ولدها ... جابت حتى لخوها ولباها مانساتهومش ... دوزو ديك العشية هكاك ورجعات امها واختها للدار ...
نعسات حوراء عيانة ومتحمسة و فرحانة لولدها لي نعس بين ايديها و متوترة للقاء الغد مع خوها وباها و خوف من مستقبل ولدها لي بين ابديها فهاد اللحظة ...
غادية فالسيارة مع ادم و غزلان و سعاد وامجد بين ايديها ..
سعاد: بلا متخافي ابنتي ... ان شاء الله مايكون غير الخير ...
حوراء: واخا هكاك اخالتي كون غير اجلناها ... خايفة بزااف
ادم: كولنا معاك مكاين لاش تخافي ...
حوراء: عالله ياربي...
امجد: ماما ...
حوراء: نعام ..
امجد: فين انمشيو ..
حوراء: عندو جدو و خالو ..
ادم: على انا عندي جدي
حوراء: اه احبيبي ... عندك جدك و جداتك و خالتك سعاد و طاطا بسمة وطاطا غزلان وعمو ادم ...
امجد: لا .. ادم بابا ماشي عمي ...
سكتات حوراء وشافت فادم من المراية ورجعت قالت لولدها ..
حوراء: ولكن اولدي ... ادم ماشي باباك ... ادم غير عمك احبيبي بحال طاتي بسمة وطاتي غزلان ..
امجد: لا ... بابا ادم ديما كيخرجني وكيشري ليا اللعب والحلوى و كيديني نلعب فالبارك و كيخرجني فطوموبيلا و كيدوش ليا معاه و كيقريني و فالعيد كيشري ليا لي بغيت ... اذا هو بابا... ياله الى ماكانش ادم هو بابا .. فين هو بابا؟؟
حوراء بقات غير كتشوف فيه سكتات مالقاتش باش تجاوبو ... دمعو عبنيها وشافت فالبقية كلشي كيشوف فيهم باسف ..
امجد: وياله اماما قولي ..
ادم: عرفتي ا امجد منين نرجعو من عند جدو غنوريط واحد المفاجئة ..
امجد: بالصح 😍 شنو هي
ادم: وا الى قلت ليك ماغاتبقاش مفاجئة ...
امجد: واخا انا غنتينا ولكن امتى غنرجعو ..
سعاد: ماكاتصبرش العفيريت ..
حوراء سهات كتفكر و كتخمم ... دابا تحدي آخر غتدخل فيه وهو ولدها و سؤالو لي من الان فصاعدا غيبقى يتطرح ... ولكن شنو غايكون جوابها ...
وصلو وهبطو ... طالعين فالدروج وهي اللور كتسرط فريقها وايديها عرقانين ... وصلو للباب دقو وحلات اختها ... سلمات علبهم ووصلات لختها وعنقاتها فرحانة ... دخلو سلمو على السي عبد الرحيم و يوسف وسناء فالصالة ... ودخل امجد كيجري ويضحك وهظو علد الرحيم فرحان وباسو ... حتى لمح بنتو واقفة قدامو ... يوسف تصدم ووقف ... و عبد الرحيم تحلو عينيه كيشوف ... بانت فيها كب ات ونضجات ... لابسة محتارم و زوين عكس شحال هادي ... فوجها حزن وفرحة ... يوسف ماعرفش واش هاديك ختو ولا غير كيتخيل ماقدر ينطق بحتى كلمة ...
يوسف: فين كنتي هاد المدة كاملة عاد بانت ليك داركم ؟؟
حوراء: كانو عندي ظروف ... و ماقدرتش نبقى ..
عبد الرحيم: شنو هي هاد الظروف ... كنتي دايراها قد راسك وساكتة .. طيحتي بكلامي وخرجتي من الدار ... شوهيتينا قدام لي يسوى ولي مايسوى ... صمعتي من ديما كانت مزيانة والناس ماكايدكروني غير بالخير ... وليت فينما ندور نسمع الكلام ... مارباش بنتو ... هربات ليه من الدار حيت ضحكو عليها... داك العام داز كيف الويل ... بمسبتك نتي .. حتى خفت على مستقبل ختك ... لي مستحيل شي حد يطلب ايدها ... مافكرتي لحتا شي حد .. زدتي خلفة وخرجتي فحالك وحتى دابا مكاين لاش تبقاي .. رجعي منين جيتي الله يعرضك للسلامة... ماعنديش بنت سميتها حوراء ...
ادم: عمي ... ماتلومهاش ... حوراء كانت بيناتنا هادي 5 سنين ... لقيتها فحالة ماتبغيهاش لعدوك فواحد البارك عتقتها من بين واحد الجماعة ديال البراهش ضربو ليها دراعها ... دخلتها بين عائلتي وداويت جراحها ... عاودات لينا قصتها ... تعاطفنا معاها و حسينا بيها بنت الناس .. ماقدرناش نخرجوها وغامرنا بخلينا بنت غريبة بيناتنا ولكن الايام بينات لينا شكون هي ... مربية وبنت الناس عمرنا شفنا منها شي حاجة خايبة ودرانها ختنا ووجهناها للطريق الصحيح ... كان خاصها توقف على رجليها باش تهز ولدها لي كان فكرشها ...
الحوراء الجزء الرابع
محتوى القصة
التنقل بين الأجزاء