الحوراء الجزء السادس و الأخير

من تأليف غزلان ش.
2018

محتوى القصة

رواية الحوراء لغزلان الشهدالي

سعد: اش هاد الحالة 😂😂😂😂 
حوراء: ههههه مالك حنا دايرين صالون التجميل 
ملاك: ههه اجي نديرو ليك حتى انت ... 
دخل عندهم كيضحك وحقق فيهم كل وحدة دايرة كيلو ديال الماكياج فكيلو ديال الاكسيسوارات ... 
تكاوه بزز منو وبدا يخططو ليه فوجهو وهما كيضحك ودارو فيه مابغاو ... 
ملاك: ههههههههه شوف كيف ولا ... 
حوراء: ههههه شتي دابا مابقاش باباك سعد ولات ماماك سعدية 😂😂😂 
ملاك: ههههههههه عندي 2 ماماتي حوراء وسعدية ... 
حوراء ماسمعت غير ماماتي حوراء ... شافت فسعد وضحك جرهم ب2 عنقهم لعندو ... 

دازو شهراين ولادهم ولفو الوضع الجديد وملاك خدات راحتها من جهة حوراء ... سعد قيد امجد بسميتو ... حياتهم مساقرة و يوم على يوم كيزيدو يتعرفو على بعضياتهم ... حوراء كتكتاشف بلي سعد ماشي رومانسي ... لاحظت هادي فالعلاقة ديالهم وحتى فالتعامل ديالو معاها رغم انو عمرو جرحها ولا دار شي تصرف يهينها بالعكي كيعاملها بحال اول المرة ولكن طبيعة المرأة طماعة ... تطمع فالحنان و الاهتمام الزايد و كلام غزل فكل وقت ... يتفكرها مرة مرة بمفاجآت تعجبها ... هادشي كان فبه فالاول ديال الزواج وماحدهم كيولفو بعضياتهم وهاد القضية كتنقص منو ... حوراء ماقالت ليه والو ... حيت مابغاتش شي ردة فعل ماتعجبهاش ... جالسة فالمكتب ديالها كتخمم و تفكر حتى دقات السكريتير ودخلات ... 
السكريتير: استاذة... عندك واحد الضيف ... 
حوراء: دخليه نشوف شكون ... 
مشات سوكريتير و عطات اذن الدخلو ... 
حوراء حتدرة راسها : تفضل ... 
قرب و جلس .. 
هزات راسها ... جاها شخص مألوف ... بقات كتفكر حتى نطق ... 
....: اكيد كتقولي فين شفتو ؟ 
صوتو رجعها لواحد الوقت ... وقت بعيد و لكن عمرها نساتو ... عينيه لي لي ولات جاحظة و تحتها زرق متفبها لاشفران لا حجبان ... حناكو دخلو ووجهو اصفر ... داير طاقية الصوف ولابس كبوط ... عرفاتو شكون هو ... قلبها تقبط و ماحملاتوش يجلس قدامها... 
قالت بصوت غاضب و كيهز لوم و كره من جيهتو: اش رجعك لعندي .. 
حدر راسو و ضحك ضحكة جانبية وقال: تبدلتي ... 
رجع هزو وشاف فيها بنظرة شبه باكية وحزينة ... وقال: وزيانيتي ... 
قصة متوفرة على 9isas modareb.. حوراء: احترم راسك لي قدامك امراة مزوجة ... 
حدر راسو وقال؛ داك الكلام لي قلتي وانا كنجري عليك ... بقا فودنيا لحد دابا ... نكدب عليك الى قلت ليك مأترش فيا ... دخلت للدار و تما كنحاول نسا ... ولكن ديك الليلة مارتاحيتش ... داز شي 5 اشهر وانا فديك الحالة وقررت نبعد ونرجع فحالي لفرانسا عند واليديا ... وانا فالطيارة تلاقيت بنت ... بانت ظريفة و لطيفة شفت فيها نفس الشوفة لي شفتك بيها اول مرة ... الشيطان لي فيا ماكيشبعش و قلت هادي غتنسيني في الاحساس لي بقا من جيهتك ... ولكن مع الوقت لقيتها ذكية ومطاحتش ليا فالشبكة ... عمري صورت منها شي حاجة ... لقيتها تحدي صعب و حلفت لا فلتها حتى نوصل لمبتاغايا ... وصلت حتى للزواج ... ضبر ليا صاحبي فواحد العقد مزور نطيحها بيه و منين نسالي منها الخبار فراسك ... عطاتني راسها ... ومنين ساليت بغيت نكركبها ....فاجآتني فاش بدات تضحك ... و لكن صدماتني منين قالت بلي عقد حقيقي و مافادو بلي غيتحولو املاكي واملاك واليديا ليها هي كصداق ... تصدمت صدمة خلاتني غير كنشوف ...وزادت عليا فاش قالت ليا فيها السيدة ... ومنساش فاش لاحتني وعفطات على وجهي وقالت باش تعلم تلعب ببنات الناس ... عرفت بلي من الاول كان غرضها الانتقام وكانت ذكية فتعاملها لدرجة خلات صحابي يغدروني ويعاونوها... سولتها شكون لي انتاقمت على قبلها ... جاوباتني بحوراء العاميري... 
حوراء: اناا!؟؟؟ 
.....: اه ... انت... البنت جات تنتاقم ليك باسم الصداقة .. البنت كانت سميتها سلمى ... 
حوراء: س...سلمى ... 
....: هربات ومابقيت عرفت عليها و واالو خرجات عليا وعلى واليديا وحتا على صحتي ... عرفت بلي الدعاوي ديالك خرجو فيا وحتى دعاوي لي قبل منك ... كان هذا جزائي فالدنيا و بقيت غير تابع آثارها وفين كتمشي باش نرجع على الاقل غير املاك الواليد لي غير سمع هادشي و تشلل ... ماديتها لا فمرضي لا فوالو حتى دازو سنين و كلا داتي ... و انا باقي مارجعتش حق واليديا ... مادارو والو ... من ديما كان الزالد راجل معقول ومزبان اناةلي خرجت طايش ... مايستاحقش يدفع تمن اغلاطي ... جبت غير نقوليك تعاونين وانا كلب مدلول تحت رجليك ... ماشي على قبلي ولكن على قبل واليديا الابرياء ... انا حاس بلي قربت نموت ... وبغيت نحيد هاد التقليد لي بقا. . حيت عارف راسي فين غنمشي .... ماتكونيش بحالي ... من ديما كنتي حنينة وقلبك ابيض ... *كيبكي*انت بدات ندمت عليك لحد الموت... كنتي معايا بنيتك ... برائة عينيك عنري قدرت نساها ... سمعت عليك بزاف واحتارمتك ... فرق كبييير بيني وبينك ... ههه قلتيها الدنيا كدور و غتموت بحال شي كلب مدلول ... ضرت حتى ضرت وجيت لعندك ولكن هاد المرة تقلبات الآية ... انا لي كنترجاك وكنتوسل ليك باش تعتقيني ... 

حوراء غير كتصنت ومصدومة ... نييبت الدنيا كدور و تاخد ماكايفلت منها ... ماترش فيها قدما اترات فيها صاحبتها سلمى... ياك خلاتها صحة سلام كفاش وصلات لدوك الماصل ... اكيد طاحت فالايدين الغلط ... تفكرات النهار لي دقات بابها ومالقات حتى حد فعائلتها... و رجعات حيت قالو ليها بلي رحلو ...

شافت فيه وقالت: بكل وقاحة راجع لعندي انا ... علاش انا بالذات ... شلا محاميين موجودين علاش مصر تبان فحياتي تاني ... 
هو: ماعرفتش علاش ... حسيت بلي انت ممكن تعاونيني ... ماعنديش فلوس باش نخلص الاتعاب ... انا عارف مزبان شكون هي حوراء و متأكد بلي ماغترجعينيش خائب ... 
حوراء: قلتيها فرق كبير بيني وبينك ... وانا منقدرش نرجع شي حد مد ايدو ليا وخا يكون طعني ... حيت كنعامل الناس باخلاقي ماشي باخلاقهم ... ولكن ماغانقدرش نوقف على هاد القضية بايدي ... عاك هادا عنوان واحد المحامية صديقة ليا ... غترجع لواليديك املااكهم و القضية ماصعيباش ومغتخلصها والو انا غنوصيها... و لكن انا منقدرش 
هو: هادشي كافيني ... كافيني اكتر ما تصوري .. سمحي ليا ... سمحي ليا ظلمتك ... واللهما كتستاهلي داكشي لي حطيتك فيه ... 
حوراء: انا مسامحاك اولد الناس ... محاقداش عليك كون ماغلطت معاك .. ماكنتش غنوصل ... اغلاطي فالماضي هما لي قواوني ... هاك هذا عنوان ديال واحد الجمعية غيوفرو ليك بلاصة تداوا فيها و يوفرو ليك حتى الدواء ... ماتستسلمش و توب للله و هز كفوفك ليه ... و طلب المغفرة راه رحمتو واسعة .. 
هو: عارف ... ونعم بالله ريحني الكلام معاك و زدتي كبرتي فعيني .. 
حوراء: شنو سميتك ... 
هو: امين السرغيني ... الله يعاونك و ييسر ليك ... 
جا ينوض وشاف صورة فيها هي و سعد وولادهم وهزها ... 
هو: هادو هما عائلتك؟؟ 
حوراء: اه ... 
امين: الله يخليهم ليك ... كنتمنى ليكم السعادة من قلبي ... 
حطها وجا يمشي ... ترددات بزاف قبل ما يسد الباب عيطات باسمو ... و رجع عندها .. 
حوراء:جلس ..
جلس مستغرب كيتسنى اش غتقول ... 
حوراء: فاش تفارقت انا وياك ... عرفت راسي حاملة من بعد ... 
تحلو عينبه بصدمة وقال ... 
امين: واش تولد ؟ 
حوراء: هو هذا ... ولدك ... مانقدرش نخبي عليك مادام شفتك مرة اخرى ... فعمرو 6 سنين .... اسمو امجد الناجيمي قانونيا ولد راجلي سعد الناجيمي...  © قصة بالدارجة..
كيشوف فيه و الدموع دايزين على حناكو... 
حوراء: الى بغيتي ... غنعرفو عليك ... 
امين: لا ... لا وياك ..اكيد هو مرتاح دابا و كيقول لهاد الراجل بابا ... مابغيتش نبان ونرون ليه حياتو ... 
حوراء: متأكد ؟؟ 
امين: اااه .. على العموم ... انا مابقاش ليا بزاف فهاد الدنيا ... لي نطلب منك هو خليني ذكرى زوينة فذاكرتو ... 
حوراء: واخا ... 
امين: ممكن تعطيني شي صورة ديالو ؟؟ 
حلات تلمجر وعطاتها ليه ... دارها فجيبو و خرج ...

خرج من عندها وخلاها شادا راسها ... اش وصل سلمى ليه هو ... و كيف دارت وصلات للجيارة وفرانسا ... ناضت دغيا لدار والديديها .. دقات ودخلات .. 
سناء: بنتي اش هاد المجية ... 
حوراء: بغيتك اماما فواحد الموضوع .. 
دخلات هي وياها وجلسو 
سناء: ياك لاباس خلعتيني ... 
حوراء: سلمى .. 
سناء بان فبها الارتباك؛ مالها ... راه رخلات مع واليديها... 
حوراء: قولي لش عندك ماتكدبيش عليا ... 
سناء: اوووف وصلاتك الهضرة ... سلمى انتاحرت ابنتي شي 4 سنين ولا 5 سنين هادي ... 
حوراء: كيفاش؟؟ ولكن كيف وقع .. انا خليتها عادي .. كيفاش اماما مامتيقاش ... 
سناء: تهدني ابنتي ... اه شربات السم وماتت ... عاودات ليا امها ... كانت بنتهم كتضحك على الظراري و تاخد فلوسهم وتلعب بيهم حتى طاحت بين شي واحد ذيب لعب خو لعبها وتعدا عليها ... و شبع فيها عصى ولاحها فالزنقة لقاوها غير الناس .. عيطو لواليديها مشاو السبيطار لقاوها حالتها .. 
رجعوها معاهم وباها سد عليها وهادشي وقع فالوقت لي كنتي مسجونة هنا فالدار .. هربات من دارهم و قالو بلي خدمات فشي دار الدعارة ... باها تبرى منها و شد مراتو ورحلو مابقى عندو وجه يعيش بيه هنا تنسات هاد القضية و تاحد مابقى جبدها ... داز الوقت و بنتي نتي و كنت كنمشي عندك للمحمدية ... جات واحد النهار متنكرة و دخلتها ... عاودات ليا على اش دارت على قبلك ومناش دازت مسكينة واخا هكاك بقات فيا ... نتاقمات من داك الراجل لي ضحك عليك و خدات ليه املاكو و لصقات فيه شي مرض ... ماعقلتش مزال على الهضرة لي قالت ... مهم قالت بلي جات وكانت كتمنى تلقاك ... خلات ليا وصيا نقولها ليك ... بلي خدات حقك وكنتي عزيزة عليها .. نية و قلبك ابيض ... ماعجبهاش الحال منين سمعات بلي هربتي وتفضحتي ... قلبات عليه ودارت المستحيل باش توصل ليه ... ونيت وصلات لداكشي لي بغات ... و من بعد رجعات فحالها وجات عندي مباشرة ... تقولي لي هاد الكلام ... من تما غبرات حتى لقاوها شانقة راسها فواحد الخلا... 
حوراء مع كلمة الاهيرة طاحتةللارض كتبكي وتندب ... 
حوراء: سلمىىىى ... علاش ياربي علاااش علاش دارت فراسها ديك الحالة علااااش ... انا سبااابها اناااااا
سناء كتبكي و عنقاتها: المكتاب ابنتي .. الله يسمح ليها ويغفر ليها .. 
حوراء: ياااربي ...علاش هادشي ...خبيتيه عليا علاش اماما .. 
سناء: على هادشي .. حيت غتيبقاي تلومي راسك ابنتي ...  القصة منشورة على قصة بالدارجة..
حوراء: اهى اهى ... علاش ماوريتيهاش فين كنت ... كان ممكن نعتقها اهى اهى ... كان ممكن نديرو ايد فايد و نتعاونو ... علاااش يوقع هادشي علاااش ... 
سناء: باراكة عليك ابنتي راك قطعتي ليا قلبي .. هي هادشي لي كان مكتاب ليها .. معندك ماديري لعني الشيطان و نوضي رجعي لدارك وولادك ... الحياة هي هادي وكتستامر 
نوضاتها وجابت ليها تلريحة زكاس تلمتء و بقات كتماصي ليها ايدها حتى تهدنات .. 
حوراء: الله يعاون .. 
سناء: ردي البال احبيبة و ماتديريش فبالك ... 
خرجات حوراء ... و طلعات فالطوموبيل ... دازت على دار سلمى وتفكرات لحظاتها مع صاحبتها ... لحظات و هما غادين للحمام ب2 ولا لليسي .. كيتعاودو ويضحكو ب2 ... الزبايل و اللعب ديالهم ب2 رغم ان شخصياتهم كانت مختالفة وكل وحدة كيفاش كتفكر الا ان تجمعو بصداقة قوية ... من ديما كانت حوراء الضعيفة وسلمى لي كاتدافع عليها وتوجهها سواءا بحلول ايجابية ولا سلبية ... كسيرات دغية حتى وصلات للدار بغات غير تحط راسها وترتاح ... 
حلات الباب و جاو ولادها ميجريو عندها .. شافتهم ضحكات ليهم وباستهم و دخلات للبيت .. لقات سعد خارج من الحمام .. 
سعد: حبيبة .. مالك ... مال وجهك منفوخ ... 
لاحت الساك وحيدات الفولار وطوعات السباط وجلست فالسرير .. شدات راسها وبدات تبكي ... جلس حداها دغية وهو مهول عليها .. هز راسها لعدنو .. دموعها شلال باينة شي حاجة صعيبة لي بكاتها ... 
عنقها بالجهد و كيصبر فيها .. 
سعد: اش واقع .. ياك لاباس .. مالك .. هضري دغيا راك شوشتيني.. 
حوراء: دازت اخيب عشية فحياتي اسعد ... سمعت اسوء خبر فحياتي اسعد ... حاسة براسي مخنوقة اسعد ... 
حوراء: عاودي ليا احبيبة .. انا كنسمع .. 
حوراء: عاوت ليه منين دخل عندها امين .. حتى خرجات من دار امها .. 
سعد:صافي احبيبة ... مكتاب ليها تعيش هكاك ... نتي ماعليك والو .. كولشي كان اختيارها و قرارها .. طيفما قررتي نتي تزيدي القدام ... كاين لي كيتعلم من اغلاطو وكاين لي كيزيظ يغرق فيهم .. دعي ليها بالله يغفر ليها هادشي لي غتنفعيها بيه .. 
حوراء: و امين ... واش درت غلط منين عاونتو وخليتو يعاود ليا .. 
شد حناكها وقال: لا مادرتي حتى غلط .. انا كنتيق فمراتي .. و هاد اللقاء غينفعك حيت خرجتي لي عندك وسامحتيه من قلبك ... بينتي ليا اكتر شكون هي مراتي حوراء ... و قلتي ليه حتى على امجد و حيدتي التقليد عليك ... دابا انت غترتاحي ... وباراكة من البكا راك طيبتي هاد الدموع .. 
ملاك كتغبن : ماما ... 
حوراء: اجي عندي احبيبة .. 
ملاك: علاش كتبكي .. 
حوراء: والو اماما .. غير كتضرني كريشتي.. 
ملاك: بابا نوض جيب لماما الدواء ..

حوراء: لا مايغيتش الدواء انا بغيت غير عناقة كبيييرة وبوسة كبيييرة وغنولي لاباس .. 
عنقاتها ملاك من نيتها وباستها وهي كتضحك ليها .. 
القصة منشورة على قصص مدرب.. حوراء: الله على حبيبة ديالي و شحال حنينة يخليك ليا .. 
امجد: وانا ..😡 
سعد: اجي اداك المغيار لهنا ... عنقني انا ..
جا امجد وجلس على ركبة سعد و شد فايد ماماه تاهو كيسولها ... 

عشات وليداتها ... و كل واح خشاتو فبيتو و طفات علبهم الضو وسدات البا على كل واحد و رجعات لبيتها .. بدلات حوايجها و دهنات لي كريم ديال الليل ونيت تحيد عليها السطريس لي باين فوجها ... مشات حدا راجلها .. لي كان شاد كندتاب و متكي كيقرى .. تكات حداه وعاطياه بالظهر ...مارتاحتش .. تقلب من هنا ومن هنا ... حتى دارت لعندو حيدات ليه الكتاب طوعات وتخشات بين ايديه .. هادشي لي كانت كتقلب عليه .. حضن دافى ينسيها ... الى ماجاتش من عندو تحي من عندك شنو فيها .. لم يمانع بالعكس حط ايدو على زهر و بقا كيدوز عليها ... 
حوراء: بقى ديما تعنقني هكا قبل مانعسو ... 
سعد: واخا احبيبة ... 
حوراء: ماجانيش النعاس حك ليا ظهري... 
ضحك وخشا يدو كيحك ليها وهي استحلاتها... كل شوية توريه فين حتى نعسو ب2 ... 

دازت 3 اشهر ... حوراء تقبلات داكشي لي وقع لسلمى ... زارت قبرها ودعلت ليها بالمغفرة ... فرحانة بين وليداتعا وراجلها ... مع الوقت اكاتشفت انه رجل اغلب الاوقات جدي و حرش فتعامل ديالو ... صارم مع الوليدات وفنفس الوقت مضسرهم ومصاخب معاعم ... كل سبت واحد خارجين لبلاصة ... علاقتو مع حوراء كتاسم بالمودة والمحبة و الاحترام ... كل يوم كتبغيه وكتزيد تبغيه و هو كذالك ... لي ماعجبهاش فيه هو رومانسيتو الناقصة بعد التفكير لقات بلي اي رجل شرقي هكا داير و لا يمكن مقارنته مع الرجل الغربي وبكل بساطة حيت كل واحد فيهم تربى فواحد الوسط فالغرب .. الاباء كيقبلو بعضباتهم قدام ولادهم .. كيسمعو كلمة كنبغبك فجميع الاوقات .. مربيين على العناق ما عندهمش حدود فعاد النوع من التصرفات... الولد كيكبر وسط هاد الجو كيكون فيه هاد الحانب الرومانسي .. ولكن العرب لا .. حيت مكاينيش شي آباء كيبنو الحميمية ديالهم قدام ولادهم حيت حشومة ... مامربينهمش على كلمة كنبغيك ... كيكتافيو بالفعل يعني كيوفرو ليهم حقوقهم و مستلزماتهم لا غير قليل فين كتلقا شي والدين مربيين ولادهم على العناق و الامور المعنوية بصفة عامة .. حوراء هادشي لي فكرات فيه و لقات بلي الحل غيجي منها هي .. هي كامراة .. كزوجة خاصها تعلمو وعلى طريقتها ... اليوم عيد ميلادو ... سيفطات ملاك و امجد صدراتهم ...وجدات عشيوة و من داكشي لي كيعجبو ... قاداتها بشكل انيق فالطابلة و بعض اللمسات ... شميعات و اوراق الورد ... 
بدلات شوية من لوك ديالها ... سرحات شعرها لي ديما موج .. دارت ماكياج تقيل شوية و لبسات غوب حمرة شكلعا جريئ شوية ... رشات بارفان المفضل ليها و شافت فالساعة ... هذا وقتو ... طفات الضواو و تقنتات .. 
تحل الباب ... لقا الظلام واستغرب... 
سعد: حوراء ؟؟!! حبيبة فينك ؟؟ امجد مالاك ..
شعل الضو وتفاجأ بوقوفها قدامو ... قربات ليه و باستو ... 
حوراء: على سلامتك .. توحشتك اراجلي العزيز ... 
سعد: اش هاد الزين واش هاد الشياكة 😍😍... كولشي هادشي ديالي ... انا مرضي منين نرجع للدار نلقا مراتي الغزالة كتسناني و محلقة و مزينة ليا .. و تقولي توحشتك ... تانا توحشتك ( اول حاجة خاصك ديري داكشي لي كيعجبو و ديما الابتسامة والكلام الحلو و الى ماجاتش منو تحي منك عااادي ) 
حوراء: بان ليا اراجلي بلي نسيتي بلي اليوم عيد ميلادك ... 
سعد: ااه واللهتا مشا من بالي ... 
حوراء: كملتي 34 سنة ... مابيناش فيك ... (الكلام الحلو 😉) 
سعد: هههه على لي عندو بحال هاذ الزين غيشرف .. 
حوراء: هههه يخليك ليلي .. اجي بعدا 
حيدات ليه لافيست و جراتو من ايدو ... 
حوراء: اليوم غتكون ملك فالعرش ديالك .. هاد النهار ديالك وغندلع راجلي كيف الوليد الصغير😌 
سعد: خههه سعداااتي ... 
هاد القصة مأخوذة من قصة بالدارجة حوراء: ياله دوش و ها حوايجك فوق السرير ... و سربي قبل مايبرد العشاء ... 
سعد: هي الاولى احبيبة ... 
خرجات دغية من البيت ورجعات تكمل لي باقي .. 
دوش ولبس صلى لي بقا ليه وخرج عندها دغيا .. 
حوراء: غايكون فيك الجوع ... درت ليك الاكلة لي كتبغي ... 
سعد: اممم هادشي كيبان لذيذ الله يعطيك الصحة امراتي الحبيبة .. 
حوراء: بصحتك يالله باسم الله ... حطات ليه فطبسيلو وجلس ياكل ويشكر فيها ... هزات من عندها ووكلاتو ... كلا وكيتبسم ليها ... 
حوراء: وا عطيني حتا انا .. 
ضحك وقال: سمحي ليا احبيبة ... هاك ... 
ضحكات وباسها فحنكها ... 
كملو عشاهم و كل مرة يمد ليها تاهي سالاو وحابت ليك gاطو صغير بالشكلاط طفى الشميعات و هي تجبد ليه الكادو ... كانت ساعة من الستيل ديالو عجباتو حيت شراتها على ذوقو هو ... شكرها و باس ايديها ... 
حوراء: حمد الله مني عجباتك .. 
سعد: تجي منك احبيبة وماتعجبنيش ... لهلا يخطيك عليا ... 
حوراء: ياله البيت تكا ترتاح انا جايا ... 
ناض كيف قالت ليه .. جمعات الماعن والروينة و دخلات للبيت ... لقاتو متكي و عيان ... 
حوراء: هههه انت ماينفعك غير شي ماساج فاعل تارك .. 
سعد باس ايدها وقال : دوزي ترتاحي باراكة عليك ... راك درتي واجبك وفتيه لهيه ... 
حوراء: لا لا انا بيخير ... قلت ليك انت الملك فعرشك اليوم و غندلعك بحال شي وليد صغير ... 
بدلات حوايجها بشوميز ببينوارها ... دوراتو على ظهرو و بدات لي المساج ... رخاتو وعجبو الحال حس بالحب فداكشي لي كانت كدير ... اهتمامها بيه خلاه يزيد يتعلق بيها و يبغيها ...
سعد: حوراء ... 
حوراء: نعام احبيبة .. 
سعد: كنبغيك .. 
حوراء نصدمت ... اول مرة بعد شهور ديال الزواج ... كيعتارف ليها و قال هاد الكلمة ... ظهرات ليه غير شوية الاهتمام و لقات تجاوب من طرفو ... ضحكات وقالت ليه ... 
حوراء: حتى انا كنبغيك ابات ولادي ... 
ضحك و جرها من ايدها ... طيحها فجنبو باش يتقابل معاها ...  المئات من القصص على قصة بالدارجة..
سعد: غناكلك ... 
حوراء: هههه ماشبعتيش ... 
سعد: ماكانشبعش منك ... 
حوراء: وا بلاتي خليني نطفي الضو .. 
سعد: ههه لا اليوم غتخليه هكاك ...

محاولات حوراء فتعليمو الرومانسية ماقتاصراتش غير فهادشي وانما فكولشي .. مرة تعرضو يخرجو برا راس فراس مرة يديرها هو ... كتحيب ليه كادوات واخا بدون مناسبة وديما كتلقا الرد من جيهتو وكيجيب ليها .. مرة مرة كدلعو بشي حاجة كيبغيها و حتى هو كيلبي رغباتها .. حيت لقا بلي كتستاهل ... بهكا نجحات علاقتهم و ماوقعش ملل من بعضياتهم ... ولادهم بيناتهم تفاهمو معاهم و مابقاوش لقاو شي مشكل معاهم .. 
دازو عامين ... على زواجهم ... مقتانعين ببعضياتهم .. كيوقعو بعض المرات شي خلافات ولكن كيقدرو يواجههم حيت كل واحد عارف شخصية الاخر و كل مرة كيتنازل واحد ... باش مايكونش الظغط على طرف واحد ... مشاكلهم ديما كيحلوهم غير بيناتهم وغير بالمفاهمة و الحوار .. 
غزلان ويوسف ولدو وليد عندو عام ونصف ... و ادم و بسمة بنيتة عندها 9 اشهر ودابا حاطين على حوراء ...
فاق سعد اليوم .. استغرب من حوراء لي نعاسها تقال هاد الايام و مابقاتش كتفيق بكري ... قال العيا ديال الخدمة ... ناض هو يوجد الفطور ... و جاو ملاك و امجد جلسو قدامو فالطبلة كيتسناو الكورن فليكس ديالهم ... 
سعد: شتو ماماكم الميولة خلاتنا بلا فطور اليوم ... 
ملاك: هههت غنقولها ليها .. 
سعد: هههه ياك لريتك .. سمعو حوراء جايا كتغوت من البيت .. 
سعد: امالكي عاد خليتك ناعسة .. اش وقع؟؟ 
حوراء: ش .. شوووف ... 
عطاتو تيست الحمل ... وكان ايجابي... 
سعد: شنو هادشي .. 
حوراء: وا المكلخ .. هاد تيست ديال الحمل راك غتولي بابا عوتاني .. 
سعد: كيفاش ؟؟😍 طار هزها معنقها و كيدور بيها ... 
حوراء متضحك وولادهم حداهم كينقزو فرحانين وكيضحكو معانقين ... 
سعد: ههه واخيرا ... سمعتو ادوك العفارت ... غيجيكم خوكم تلاهاو معاه و تهنيونا من صداعكم ... 
حوراء: هههت حشومة عليك تقول هكاك ... 
سعد: عائلتنا غتكبر ... و غنكرس حياتي باش تبقاو ديما مرتاحين ... 
جمعهم كاملين عنقهم لعندو عناق جماعي ... 

☆☆☆النهاية☆☆☆

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.