شوية وانا غادي كنسمع صراخ جاي من البيت لي فيه الثلاجة ودقان جاي من كل بلاصة من البيبان والحيوط وانا مغاديش نوقف خاص نكمل هاد شي لي جاي على قبلووو !!
دخلت المستشفى وكان الوقت متأخر بالليل كانت غادي والمرضى كل واحد فبيتو ما خادوش بالهم مني.
وكنت كل ما كانوصل جنب شي بيت كانحس بحال الناس كايتعدبوو وما نسيتش منظر الراجل الكبير لي دزت من حداه وكان باغي يوصل بيديه لضهرو بحال لا موعت في ضهرو وانا نشووف بلي دم مغرق ليه ضهرو بحال الدم لي غرق ليا ضهري ديك ليلة ملي كنت ناعس فوق الناموسية.
ودزت من واحد البيت اخر وانا نلقاه حتى هو طاري ليه نفس البلان ضهرو كامل مشرط ودم سايل منهم !!
بقيت غادي ممسوقش ليهم حتى وصلت البيت لي فيه الفران وفهاد الوقت الجثة تقالت تقالت بزاف !!
بحال لا لصقات فالارض وحتى من البلاستيكة لي كانت فيها بدات كتحرك ، اه كاتحرك !!
انا خليت داك شي وبعدت وشوية هي توقف ، وقفات بحال شي بنادم عايش !!
جاية عندي شوية وهي تهبط الارض جاية كتزحف على رجليها ويديها ولات بحال شي كلب مسعوور وانا واقف مخلووع !!
شوية وهي تقوس ضهرها بحال لا كتوجد الهجوم عليا ، انا ما حسيتش براسي مشيت كنجري الفران ، ماشي باش نتاحر لا !!
خشيت يدي وسط العافية وما نعاودش ليكم باش كنت كانحس براسي كايغلي عليا وانا صابر الالم غير باش نتاقم منها على لي دارت فختي وفالوليد.
هزيت داك شي لي كان كايتحرق ولحتو عليها وشدات فيها العافية وبدات كتغووت و تنقز من بلاصة لبلاصة كيما قاليا الشيخ ، وعاود خشيت يدي التانية وجبدت ولحت عليها وشدات فيها العافية مزيان وانا يدي تحرقو وبديت نحس بلي غادي نفقد الوعي !!
شوية البوليس خرجو وطبيب ديالي حييد ليا الغطاء على يدي وانا نتخلع يدي محروقيين نفس يدين المرا الكحلة !!!
اش غادي ندير غادي نعيش ويدي بحال يديها
ديما ملي نشووف فيدي غادي نتفكرها !!
والمشكيل ما عرفتها فين زادت واش ماتت ولا لا !!
واش تحرقات ولا لا !!
الف سؤال في راسي معندو حتى جواب !!
هادي ثلاثة الشهور باش خرجت من المستشفى وواحد الراس كيقولي خاصني نرجع المشرحة نطل على الثلاجة لي كانت فيها !!
ووواحد الراس كيقولي بعد منها خليها تمشي بحالها مهم نتاقمتي منها وبعدات منك.
وكان واحد الراس كيقولي بلي مزال غادي ترجع عندي حيت الموتى ماكيموتوش هما اصلا اموات وردو بالكم لا نكون جريت عليها من مدينتي وجات لمدينتكم دير فيكم ما دارت فيا !!!!!
المشرحة الجزء العاشر و الأخير
محتوى القصة
النهاية
التنقل بين الأجزاء