دخلات سخفانة بالدوران لقات سلام شاد واحد العود كيحكو بالموس ويجمع فتاتو ويلويه فكاغيط ديال السكر وجالش كيكميه ... خرجات عينيها معجبة لهاد بني ادم و شكايدير وطلعات لفوق ... تزادحات مع إسلام وقالت
ذهب : شنو دابا؟ خاصنا على الاقل كيت اللي يطرجم لينا الهضرة مع هادو ... مايمكنش نبقاو هاكا
زاد وخلاعا كتهضر بوحدها ... كامساليش ... اللي فيه كافيه .. تقطع وعلى سبة كيشعل وباغي غير يسكت المجاج ديالو ويرتاح عاد يقدر يسمع لشي واحد ، مشات حتى فحالها .. خدات دوش بمساحيق طبيعية وتكات فالبالكون كتمنضر فالبحر حتى غفات .
صبحات الصباح شادة الطريق للقرية ... وقفات حدى الكوخ لقات نينا لابسة صاية حمراء طويلة مفرفرة واسعة وسوتيامات ديالها فالاحمر فيهم فرافر شي فوق شي مغطيين صدرها الواقف .. طالقة شعرها وفرحانة غتمشي ل" الشيلا " هاد البلاصة اللي كيتمنا كبير وصغير يدخل ليها ... واللي خدامين فيها لداخل سواء طباخين ولا صحاب مساج ولا حتى صحاب الميناج .. كاملين كيعطيوهم قيمة فالقرية ويحتارموهم .. لهاذا صبحات نينا واجدة ولابسة الاحمر وعلى راسها تاج من الورد الاحمر وسلسلة رقيقة فعنقها فيها قلب صغير ... حلم من اخلامها تحقق وغتولي متميزة على بنات قبيلتها بدخولها " للشيلا " ... رافقات ذهب ونسات امر الزواج .. اه الزواج اللي هوا نادر عندهم فديك الجزيرة ... حيت ماعندهم رجال بزاف واغلبيتهم حراس لجزيرة ... والزواج عندهم شيء مقدس عاطينو قيمة كبيرة بزاف وكيتباهاو بيه فجزيرتهم لان الجنس عندهم مامنوع منعا كليا الا برضى الواليدين وفنطاق الزواج ... ونينا وحدة من البنات اللي كيتسناو يتزوجو .. حيت ماعندها حتى هدف ... عايشة واكلة شاربة ناعسة لاعبة ... هادي هي حياتها . رافقات ذهب حتى دخلو للمنطقة المحضورة و الشديدة الحراسة وبلا ادن من الحراس اللي واقفين دايرين بيها ممنوع شي واخد يدخل ليها ... كانت منطقة كبيرة بزاف وفيها بحر خاص بماليها واكواخ خاصة شادة وشلالات فأماكن اخرى وانهار وغابان الربع فالجزيرة ... قابطاه هي ... وانص فيها محمية للحيوانات المفترسة وداير بيها جدار باش تبقا بعيدة على الانسان ... وماتبقا من الجزيرة للجميع ... اللي سرح فيها يلتف وعمرو يعرف طريق الرجعة ... كبيرة فجمها وحتى سكانها كيخافو يبعدو ويتلفو فيها . دخلات نينا كدور فعينيها ... حاتها عادية حيت نفس الخضورية والطبيعة الخلابة اللي فيها كاينة حتى فالجزيرة كاملة .. غير الفرق ان هاد المنطقة منوع يدخل ليها راجل او شي واحد من غير اللي خدامين فيها لداخل ... بقات غادية حتى وصلات لفيلا كبيرة من الخشب ... هنا تعجبات حيت اول مرة تشوف دار فهاد الحجم ... زاءد مسابح وديكاراسيون ديال الجرادي ... وهي غادية كتجر صايتها مع الارض بان ليها سلام خارج معمش كيحل عينيه بزز لابس شورط قصير و عريان ... شافتو و بداو الدموع كيتجمعو فعينيها وتبتات فبلاصتها ... تلفتات ذهب عندها وهي تلاحض التغيير فملامحها ، قرب منهم سلام وبدا كيطلع ويهبط فيها بإعجاب وابتسامة ... مد يدو ليها وهي طلق البكية و بدات تنتر بوحدها وتشكي على دهب وتبكي .
دخلات طدور فالفيلا مع ذهب ساكتة ... البنت نية كتر من القياس، شىء عادي لانها عايشة بعيدة على الحضارة و ماعارفة والو فالدنيا .. عارفة تاكل وتشرب وتمشي تعوم وتبيع عصيؤ الديسير .. وشي مرات كتعطيه فابور ولاتشربو هي .. لاتابع لا متبوع .. هي اللي كتقطف الفاكهة وقطعها وتديها لكروستها تبيعها .. تاكلها ولا تلوحها ولا ولا تبيعها شغلها هاداك هي حرة ... بحالها بحال باقي جنسها .. مكيعرفو لا كدوب لا نفاق ولا ضحك باسل ولا تقشاب .. ضحكها فشكل ماشي بحال كلشي .. مشات للكوزينة كدور وهي تبان ليها التلاجة .. شارت لذهب وقالت
نينا : هاطو هاطو ؟؟
تلفتات ذهب وقالت : تلاجة ... برااادة فففف حححح بااارد
جراتها لثلاجة حلاتها ليها وعطاتها طرف ديال الكيك .. حشمات نينا تشدو وتراجعات كضحك .. عاودات عطاتو ليها ذهب مرة اخرى عاد شداتو ... كيهضرو بالايشارات وذهب كتوريها التفازة وتوريها كاع داكشي اللي عمرها شافتو ولا عرفاتو .. طلعاتها معاها للبيت وجبدات دو بياس دالبحر .. واحد خداتو و واحد عطاتو ليها وخرجو مشاو جيهت البحر والنخل لابسينهم .. وصلات نينا حتى للماء وبدات تفتح فالسوتيامات
ذهب : الااااا خليهم .. لا متحيديهمش بقاي بيهم .
وقفاتها كتشرح ليها بالاشارات .. عيات تقنع فيها عاد خلاتهم .. اما هي مامولفاش تعوم بيهم .. دخلو بجوج بحال شي حورية البحر ... نينا لابسة الاحمر وذهب لابسة الكحل .. بقاو كيتعاندو شكون دخل للبحر كتر وغاديين كيخلو ويلعبو فالماء ، في حين جاي إسلام وسلام على رجليهم كيتجمعو .. قشعها إسلام وقال
إسلام: شكون ديك خيتي؟
سلام : مانعرف.. جات مع ذهب... مزيان بعدا غير مللي كاين معامن ندوزو الوقت هنا ... ها التيتيز بعدا .
دغيا تسل إسلام فاش شاف البنات خارجين من البحر .. مشا قبل ماتشوفو نينا وخلا سلام كيخمم فهضرتو ... مادخلاتش ليه للراس قضية اللغة اللي تعلم ليها . تعجب ومن بعد طلقها تسرح .. خرجات ذهب كضحك هي ونينا وهما يلقاو سلام واقف مشورط عليهم .. شافت نينا وميلات راسها للجنب حشمانة ... وكترمش .. عاق بيها تاهوا كتقلب على شي حاجة فشكل ولا يمكن باغاه وكتلمح ليه . . . ضحك وبدا كيجرب الكلمات اللي عطاه أسلام
جراتها ذهب وهي معصبة من يدها بغات تديها لاكن نينا نترات يدها ومشات جيهت سلام ودايرة ابتسامة خجولة .. وقفات حداه وخلات ذهب حالة فمها . نونو مشركة فمها وعينيها وودنيها .. اما سلام كيشوف فيها معجب وكيضحك بسخرية . : دارت يديها على جنابها حالة رجليها والماء كيقطر من السليب بين رجليها وقالت
ذهب: ايييه !!! تا نتي عااااجبك الحال !
سلام : شد لنينا فيدها جرها) وتلاحي نتي دابا .. سيري عطي ضهرك للشمش تبعيني ننن ... هانا علمتك مشا شاد لنينا فيدها وهي فرحانة وداخل بيها جيهت الورد والنخل .. تحنات بيدها بالزربة قطعات وردة دارتها حدى ودنها وضحكات .. اما سلام عجبو الحال وجاتو على الكانة .
ذهب : حاللة فمها) هااي هااي هاااي !!! هادي غير سمح فيها الراجل ماكاملاش 48 ساعة دغيا تزعطات فالسيد! هادي غير كانت كتبكي بغات تموت !!! ودابا كتلسق فالورد وعاجبها الحال!!!!
ساطت ذهب من مناخرها بغضب وهي تبعهوم كتجري وجرات مينا من يدها رجعاتها للور وخرجات عينيها
ذهب : البنت مزوووجاااا .. باها خلاها اماانة عندي ... سير عند البنات راه كاينين غير هما ... لالا عنداك تمشي .. هادوك بنات بنات .. يعني بنات .. فهمتي .. يعني كاملين مزالين بنات وغتخرج عليهم وعلى عائلاتهم وبابا غيعدمك .. سير شوف شكون يجيب ليك البنات
ذهب:سير عطيييها التيسااع ... راه غتاخد الدنوب منها حشومة عليك .. هي ماعارفة والو غايسحابها غادية تاكل البنان 🍌 ونتا باغي تكرفس عليها
سلام: هه! وراه غتاكل البنان .. وعليه كتقلب
نينا : نااني ناني 😡
ذهب : جلسي هنا مكاااينش ناني ... قول ليها شي كلمة كما قلتيها ليها قبيلة باش ماتمشيش معاك ... حشوومة عليك
نينا : نااني ناااني نااانااا بابا ميمي خاخا
كتهضر وتشير بصبعها عند سلام بمعنى ديالها ودارت الورد على راسها كنشرح بمعنى تزوج بيها .. لاكن ذهب مافهمات والو ونترات الورد وات كتلوح عليها
ذهب: ها الورد .. بغيتي الورد .. هاكي ها الورد ... يالاه نمشيو نشفو بعيد على هنا
سلام: غمزها)
شافتو نينا وهي تلسق فيه .. بقات واخلة غير معاها اما سلام ساكت كيتفرج .. هي كتجر ولخرى .. تعصبات ذهب وقالت
ذهب: راه غانقولها لباااك
سلام : هههههههه واعرة هادي.. فهماتك دابا !!
نينا : نااااانييي😠
جراتها ذهب من يدها بزز منها داتها كدفع فيها وتسب .. كل وحدة كتهضر بلغتها .. حتى وحدة مافاهمة الاخرى .. دخلو للفيلا وجراتها ذهب للدوش ودخلاتها معاها
ذهب : غنغسلو .. غانغسلووووو ...
حلات عليها الرشاشة وهي تنقز نينا لسقات فالحيط تخلعات ماعرفات الماء منين خرج .. بقا حالة فمها كتشوف .. زربات عليها ذهب خوات عليها قرعة دالشامبوان مع باندوش مع تخليطة دالبرودويات .. حيدات السوتيان وبدات تغسل .. حتى نينا بدات تغسل وتشوف منين خارج الماء .. مولفة تغسل بكمشة ديال الصوف والصابون كيصايبوه هما ويغسلو بيه ويدوشو بماء الشلالات ... الجزيرة فيها الشمس على طول العام .. وحتى فاش كطيح الشتاء شوية مكيبردش الجو وديما دافىء .
برى حدا الفيلا داخل نفس العسكري ... رياض .. لابس دجين وتيشورط بيضاء ومحسن شعرو حسانة جات معاه وبيناتو رجولة ... شاعل كارو فمو وداخل كيقلب بعينيه .. تصادف مع إسلام اللي جاي من جهة اخرى يالاه بغا يدخل وهوا يشوفو ورجع عندو فرحان كيضحك من بعيد .. تعانقو وتسالمو وبدا رياض كيضحك
رياض: قالو ليا نفاكم الكينغ هنا ههه
أسلام : هانتا كتشوف .. سبابنا ديك الموصيبة اللي خرجات لينا من الجنب .. ترمينا كي الكلاب فهاد القارة .. على سلامتك اخاي .. جا معاك العسر
رياض : ههه ... خاصك تجرب ... اما هاد العقوبة اللي نتوما فيها راها رحمة على المعسكر .. الحرب القرطاس الضرب الجرح ... فراسك الجنرال اللي كان جنرال علينا زعما ... هوا سباب اختطاف خوك الصغير ياسين
إسلام : وااايلي!!! وعلاش!
رياض: علاش هه! سولو علاش... كيتاجر فالدراري الصغار ... عمي (عهد) هوا اللي عيط ليا قال ليا شوف شنو واقع راه شك فالجنرال
إسلام : ايييه ! ايوا
رياض : ايوا صافي حصل... وباك راه تهلا فيه مزيااان ... كبر الموضوع بزاف وكلشي كيهضر على داكشي .. روينة وصافي .. مهم راه حصل وديك اليد اللي ضربات ياسين ماجست حتى قطعتها ليه من الدراع .
إسلام : هاااكاك .. داكشي علاش طلقوك خلاوك ترجع .. هي شافوك درتي مزية
رياض: لا ! 3 سنين للخرة انا كنت جالس بخاطري.. ماكايناش شي حاجة بزز .. كان عندي مايدار وماصلاحش ليا نخرج .. مهم خلينا من السربيس .. انشوفو هاد المنفى فين تفنيتو
أسلام هوا اللي تزوج بنينا وهوا اللي بان فلقطة ناعس حدى وحدة . وسلام هوا اللي مرزن شوية وزرع الزبدة فالارض وكيتسنااها تنبت . مهم باش ماتمشيش غالطين
رقبة تحت السيف الجزء السادس
محتوى القصة
التنقل بين الأجزاء