تسمع صوت رجولي وهو يخنزر فيها وطلق وذنو كيسمعو شنو كيقول..
"خير اختي..اححم وسمحيلي على ديرونجمون بعدا..ااا الو الوو؟!"
رؤيا:ااا..اه هانا كنسمعك!واش وقع شي مشكيل فالكوليي ولا شني؟
الذهايبي:لا ماشي على داكشي عيطتلك..الكوليي ما فيه والو..انا عيطتلك على واحد الموضوع شخصي شوية!
زير على تيلي بيدو كارز على سنانو وهي كتهز عينيها فيه كتلقاه مقصح فيها الشوفة وترجع تهبطهم
رؤيا:كك..كيفاش شخصي ما فهمتشي؟
الذهايبي:الصراحة اختي انا داك النهار كنت متقصد ناخذ نمرتك..ومن داك النهار وانا متردد وكنفكر واش نعيطلك او لا لا
رؤيا:(بعصبية)كيفاش متقصد تاخذ نمرتي؟
الذهايبي:ما تفهمينيش غلط اختي انا راه نيتي حسنة..انا داك النهار اظطريت ندير هاكاك وناخد نمرتك حيت ما عنديش من بعد شي طريقة اخرى باش نوصلكم..وهادي شحال وانا كل مرة كنقول نعيطلك وما كنزعمش حتا ليوم
هو كيهضر وفراس كل ما كيزيد يكرز على يديه وعينيه باين فيهم الغضب..وهي كتشوف فيه بعينيها كانها كترجاه يتهدن
الذهايبي:مهم اختي انجيك من اللخر..انا ناوي المعقول وفالصراحة عجبا..
تقطع صوتو من بعد ما جا التيليفون فالحيط وطاحو شقوفاتو تشتتو..غوتات حاطة يديها على فمها وكترعد منو بالخوف وهو كيترعد بالاعصاب..
رؤيا:لا لا ما انقولكشي اهنهئ باغي تمشي عندو ياك اهئ
فراس:هضري راه غادي نخسرلك قمقومك..واش انا كنتشااور معاااك قلتلك عطييني سميتو هي عطيهاالي..يله هضري فين جاااااا
رؤيا:حركات راسها بالنفي
فراس:(هز يدو)انجمعها مع تريكة والديك بشي ضربة حتا تنطقي بزز منك(حط يدو على يدين الكرسي لي جالسة عليه كيديه ويجيبو)واااااا هضريييي فيييين؟
رؤيا:اهنهنئ اهئ اهئ ما انقولكشيييييي
فراس:اووووك..على خاطرك ما بغيتيش تقولي انسولو صحييييبتك..
رؤيا:بعد من شامة ما دخلاشي فهادشي اهنهئ اهئ بلاااا ما تبقى كل مرة تفكرها فلي فات شالاه نساتو اتفكرها فييييه؟
فراس:ايييواا منييين هاكا نطقييي شكاتسناي
رؤيا:شو سمعني احبيبي..غير برد هانتينا انبلوكيه من عندي وعمرو باقي يدور بيا اهنههئ اهئ عافاك غير تهدن
فراس:نطقييييي ولا راه غادي ندير شي مصيبة..
رؤيا:اهئ اهئ سمعن..
فراس:(غوت حدى وجهها)قلتلك فيييييين كاااااين؟
رؤيا:اهنهئ ف**** اهئ اهئ فرااااس حبس تسنا اهئ اهئ
هبط كيجري وهي موراه دار ركب فسيارتو وسبقاتو وطلعات حداه كتبكي
فراس:هبطييي..مال مك تابعااني هااه!
رؤيا:اهنننئ ما انخليكشي دابز ورجلي على رجليك
فراس:gلتلك نزليييي!!
رؤيا:لااااااا اهنهئ اهئ
فراس:(شاف فيها مطولا كارز على فمو)اوووك..الهضرة مااشي دابا حتا نصفي حسابي مع داك لحمار(كسيرا)
رؤيا:اهنهئ وراه ما قصدشي كون عرفني مزوجة ما يعطيليشي راه غيير غلط اهئ نهنهنن
فراس:وكداافعي عليه من الفوق..غيير زيدي فيه ومن بعد وانتفاهمو على هادشي
كسيرا فجو من الصمت هي كتبكي وهو معصب مرة مرة يضرب الفولون مغزف يدور يشوفها ويحك لحيتو بعصبية..وصل قدام المحل لي نعتاتلو وهبط بالزربة سد موراه البيبان وما خلالهاش كي دير تخرج وبقات كتغوت عليه من الطوموبيل وتبكي
فراس:اليوووووم ننحر لحماار لي حطك(دار عندو شنق عليه من كولو)ما لقييتي علااامن تحط العييين غير على مرااتي الكلب لااخور هاااه؟
الذهايبي:جمع يديك عندك..شفتك داخل سخووون..ياك لبااس مالنا ما نخااافووش!
فراس:غاااادي نقتلااااك
قلبو فالارض وبدى هو وياه ضربة مني ضربة منك ولكن الشاب تغلب وفراس كيهزو ويرميه على الزاج دالفاترين دالباب ويرجع يطيحو وكيغوت ويعاير والشاب بين يديه ما عرف باش تبلا
بقات كطل عليه من السرجم وكتشوفو كل مرة وفين كيخبطو والشاب كيحاول يدافع على راسو وحتا هو ما خلاش من حقو..عيات مع الباب تفتح وما بغاتلهاش وهي تقلب الدورة شافت السرجم لي كان من جيهتو محلول كامل وقربات لبلاصتو وخرجات راسها بشوية ولاحت نصها وكالات بيديها فالارض وجرات رجليها يله وقفات على رجليها هزات راسها فيهم كان مكاليه مع الحيط وشادو من الكول ديالو والناس بداو كيتجمعو يشوفو شنو كاين..دازت فيهم ودخلات للمحل مرعودة كتغوت وتبكي وهما كيتلاحو من قنت لقنت
رؤيا:فراااس رخي منو..فرااس غادي تقتلو اهئ اهئ
فراس:بشمن حق تهضر مع مرااتي الكلب دوييي
الشاب:طلق ابنااادم..شمن مراااا كتهضر عليها
فراس:مراااتي الشماتة علااش تحط عينيك عليها..
الشاب:علااااش كتهضر فيين كنعرفك ولا كنعرف مرااتك..بشمن حق جاااي هاجم عليااا!؟
فراس:(دفعو فالارض وجا فوق منو)غادي ندفن مك هنااا الحيواااان..غاادي نورييك المعقوول شكايسوا الحمااار!!انقتلك ونشرب من دمممك..
دفعها بيدو بالجهد حتا رجعات اللور كانت غطيح وكالات بيديها قابطة فالفيترينة وفهاد اللحظة استغل الشاب الموقف ودفع فراس برجلو وجا فوق منو غفلو بضربة للفم
رؤيا:لاااااااااا بعد علييييييه
يله دفعو عليه وبغا يقلبو عاود وهي تبانلو طاحت على طولتها من بعد الغوتة لي غوتات..دفعو عليه وناض كيجري هزلها راسها وحطو على حجرو كيحاول يفيقها وكيطرشها بشوية باش تفيق..والناس غير كيتفرجو ويوشوشو
فراس:حبيبة؟رؤيااا حلي عينيك شوفي فيا حياتي
الشاب ناض كيمسح فمو من الدم وقرب حتا هو كيشوف فيها وكينهج ورجع قلب الدورة هز قرعة دالماء ووقف على راسها كيرش عليها الماء وهو يهز عينيه فيه حووومر وضربلو يدو
فراس:بعد يديك عليها الحيواان..بربي ما تبقى فيك والله حتا ندمك!
الشاب:وااااش نتا مرييض!من الصباح ونتا ترطى علياااا ونتا ما فهم حتااا لعبة..رااه مرااتك سخفاانة اسييي واقيلة ونتا مزااال جالس تغوت وتحلف حتااا تفييق وديك الساع اجي نتفاااهمو..
زفر بقوة وحط يدو على حنكها كيحاول يفيقها لكن بدون جدوى..حط يدو تحت ركابيها ويد مور ظهرها وخرج هازها ولي جا فطريقو كيدفعو..حطها لور بالزربة ورجع ركب فالوطو وكسيرا كينهج ويدوز يدو على شعرو بعصبية ويطل عليها من لمراية ويهضر معاها وهي لا حركة وفمو هواد بالدم من الجنب وحاجبو حتا هو..تبعو الشاب فلبلاصة وخلا المحل فرعاية صاحب محل لاصق عليه..وركب فسيارتو وجهو مضروب وعينو حمراء وهز تيلي كيعيط للأخ ديالو باش يمشيلو للمحل..
تسمع صوت فران مجهد وهبط خلا الباب مفتوحة ودار هزها داخل كيجري بيها ويغوت..جابو نقالة ودخلو كيجريو بيها وهو كيجري معاهم حتا دخلوها لإحدى الغرف وسدو الباب عليه ودار ضرب الحيط بالقبضة ديالو وحط جبهتو عليه كينهج وايطرطق..
ماشي بزاف حتا وقف الشاب فالكولوار من بعيد كيشوف فيه وما بغاش يقرب منو وكان خاصو ضروري يجي يطمن عليها ويوضح سوء التفاهم لي وقع..شافتو إحدى الممرضات وهي دايزة مضروب هاكاك وقنعاتو باش تضمضلو جروحو..تبعها وخلا فراس واقف غادي جاي كيضرب برجلو ويدو ويمسح فوجهو كيتسناهم يخرجو..
رجع الشاب هاز يدو الشمال بحمالة حيت تفكاتلو ولصقات وضمادات فوجهو..لقى فراس واقف حاط يديه فجيابو وعاقد حجبانو والطبيبة كتهضر معاه على حالتها وقرب وقف موراه كيتصنت
الطبيبة:الحمد لله ما وقعلهاش شي حاجة خطيرة..الطونسيون هبطلها عليها سخفات.. المريضة كتعيش فترة حسااسة وفهاد الوقت أي توتر واخة غير بسيط يقدر يأثر عليها.. خاصكم تردو ليها البال وتفاداو انكم تعصبوها حيت لا قدر الله فهاد الحالات تقدر تفقد الجنين ديالها.. مهم هي دابا خاصها الراحة التامة..اتبقى حتا تكمل السيروم ديالها وتفيق وديك الساع تقدر تخرج وانا دابا نرجع نتفقد حالتها.. بالشفاء إن شاء الله
تبسمات فوجهو ومشات فحالها وهو حط يدو على صدرو كيتنهد ويسوط ودار بغى يفتح الباب وهو يبانلو واقف موراه..فلبلاصة تسيف ورجع كيفور كثر من لي كان وهجم عليه شدو من صدرو ودفعو على الحيط
فراس:(تحت السنان)علاااش كتقلب هااا.. علااش تابعنيي.. مزرووب على راسك تمووت!!
الشاب:(شدلو فيدو لي على صدرو كيبعهدها وهضر بانزعاج)عيقتييي وحق الرب..بعد لهيه من الصباح وانا صابر عليك..راك نتا لي فاهم كلشي بالمقلوب..وانا هنا حيت نفسي ما تسمحليش ندير لمشكيل لشي حد او توقعلو شي حاجة بسبابي.. ودابا تهدن وخليني نشرحلك وبركة من تصعصيع ديالك راه كلنا كنعرفو نغوتو ماشي غير نتا!!
فراس:(زاد زيرو مع الحيط)ماا تشرحلييي ما نشرحلك..نهااار حطيتي عينك على شي حاجة ديااالي جنييتي على رااسك..لييي يفكر فيها ولو مجرد تفكير ندفن مو حي وما نترددش حتا ثانية سمعتييي
الشاب:اووووف..واااا رصاااا ابنادم ماالك ما كاتفهمش..انااا مراااتك ما حطيت عليها لا عين ولا نييف..وكون خلاااااتني نكمل هضرتيي معاها كانت اتفهم بلي انا عيطتلها على قبل البنت لي كانت معاها شااااامة سمعتي..وحتااا تسدو البيبان فوجهي عاااد عيطت لمرتك..ولكن هي مزرووبة تقطع وما خلاتنييش نكمل وهي لي فهماتني غلط وفهمااااتك غلط..انااا شفت شامة وهي لي عجباتني وكنت باااغي نطلبها فلحلاال وكون عرفت فين سااااكنة كون مشيت عند باها ديريكت ما نعيط لحد ما نحرق مخي مع حتااا شي وااحد!
الشاب:حامضة ولا مسوسة حسبها كي بغيتي..انا هادشي لي gلتلك هو لي كاين..انا خديت نمرتها حيت ما لقييتش كي ندير ناخذ نمرة البنت لي كانت معاها..وفاش هضرت معاها كنت كنقصد شامة بالهضرة ماشي هي..وكون عرفت هادشي ايوصلنا لهاد تمارة كاااملة كون زطمت على قلبي وما نحمقش راسي..نتا لي كطييير وداير راسك كتفهمها وهي فالسما حتا وصلتينا لهاد الحالة ومراتك وولدك شوية وكانو يمشيو فيها!
شاف فيه مغزف وعاض على سنانو كيسوط ورجع طلق منو ودفعو على الحيط وقلب راسو ضرب الكرسي دالانتظار لي فالكولوار
فراس:تفوووووو!
بقى على نفس الحال كيمشي ويجي فبلاصتو ويحك لحيتو بعصبية ويشوف فيه بطرف عينو مخنزر حتا عيا وجلس حاط يديه على ركابيه وكيفيبري بيهم..خلاه حتا بدى كيبرد شوية وجلس حداه
الشاب:على العموم يمكن انا غلطت وما كانش خاصني نعيط لمراتك..ولكن تيقني راه هذا هو الحل الوحيييد لي كان عندي..حيت فغيمون كنت ناوي المعقول وديك البنت عجباتني وبغيت نقصد دارهم نيشان غير ما لقيتش كي ندير نوصلها..كنتمنى تفهمني واخة الصراحة راك تعديتي عليا وبزاف ولكن انعذرك حيت هاديك مراتك ومن حقك تغير عليها وكون كنت فبلاصتك وعرفت بلي شي حد هضر مع مرتي وفهمتو كيما فهمتيه نتا كنت اندير بحالك واكثر
فراس حط يدو على جبهتو وتنهد بعمق ورجع هز راسو فيه بابتسامة خفيفة
فراس:(تنهد)ما عرفتش شنو نgولك!كنعتذر على هادشي لي وقع كان سوء تفاهم وكنتمنى تسمحلي على هاد الحالة لي درتللك..فاش كيتعلق الموضوع بيها ما كنبقاش عاقل على راسي وما كنبقاش نفكر! وانا انتكلف بكاع الخسائر لي سببتلك وكنكرر اعتذاري!
الشاب:ههه المسامحة..واخة الصراحة تكرفستي على خوك بزاااف وزوقتيليه الملامح ههه
فراس:هه اودييي خصك تحمد الله راه رؤيا دارت معاك بوت بيخير منين سخفات
قلبوها ضحك بيناتهم كيهضرو ويتعارفو ورجع هز راسو دخل عند رؤيا يطمئن عليها وخلاه جالس
فتح الباب وجات عينو فعينها وهي ناعسة ومغطية بليزار حتا لصدرها ويدها معلقين فيها سيروم..قرب عندها بابتسامة على وجهو وهبط باسلها راسها وباس كرشها وشاف فيها حاط يدو على جبهتها كيدوزها على راسها
فراس:كيبقات لحبيبة ديالي؟
رؤيا:مشي بعد مني(قلبات وجهها)
فراس:(جلس بجنبها)ههه لاااااا ما تgوليهاش حياتي تقلقات مني!
قطعها صوت الباب لي تدق وهضر فراس بصوت غليظ وفيه بحة قوية
فراس:دخول!
تفتح الباب وبانلها داخل هاز يديه بالحمالة كيتبسم ودارت تشوف ففراس باش تهدنو زعما باش ما يغلطش وينوضو يتضاربو لقاتو كيشوف فيه ويضحك معاه وتلفات ما بقات فاهمة والو
رؤيا:ننن..نتينا شني كتعمل هنا؟
فراس:ههه زيد اياسين دخل
ياسين:هه كيبقيتي اختي لباس
رؤيا:(بتلعثم)كيفاش! نتينا..هو..زعما؟ما فهمتشي!ااا شني واقع..واش طحت على راسي وبديت نهلوس ولا كيفاش؟
فراس:ههه لا احبيبة نتي لباس وما كتهلوسي ما والو..غير انا والاخ ياسين وقع بيناتنا واحد سوء تفاهم ودابا تحل هذا ما كان
رؤيا:كيفاش سوء تفاهم؟شي حد يشرحلي راكم تلفتوني!!واش نتينا على شوية وتقتلو وكتقولي سوء تفاهم؟!...ديك الريgاطة كاااااملة لي ناضت ودابا كتقولي سوء تفاهم!!!
فراس:ههه من بعد وانشرحلك احبيبة
ياسين:مهم اختي لباس عليك الحمد لله على سلامتك وسمحيلي على هادشي لي وقع بسبابي..خويا فراس يله بسلامة تهلا فراسك
فراس:(ناض وقف سلم عليه وضرب على كتفو)ههه اوك حتا نتا تهلا فراسك وبيناتنا تيليفون
ياسين:ههه أكيد قريبا إن شاء الله نعيطلك ونتفاهمو..يله خليتكم هاد الساعة الله يهنيكم
تبسم فوجههم وقلب الدورة وخرج فحالو ورجع فراس جلس فبلاصتو ورؤيا مزالة حالة فمها ما مستوعباش
رؤيا:فهمني الله يرحملك الوالدين..راني دخت!
فراس:ههه دختي كاع..اوك نفهم حبيبتي دابا من هادشي كااامل لي وقع الاخ كان ناوي يهضر معاك على قبل شامة حيت عجباتو وبغى يطلبها..ايوا وما لقاش كي يدير عليها خذا نمرتك فهمتي دابا!
رؤيا:كيفاش زعما!دابا بغيتي تقول هو عجباتو شامة وكان كيهضر عليها!وهادشي كاااامل لي وقع كان غير على الخوى الخاوي!
فراس:(كيداعب خذها)ههه وي هادشي لي كاين وحنا فهمناه غلط وصافي يعني سوء تفاهم وتصلح
رؤيا:لا والنبي يا شيييخ!!فهمناه غلط؟بغيتي تقول فهمتيييه غلط .نون الجماعة خليها عندك..يانا ما فهمتشي اصلا باش نفهم غلط..ما عرفت راسي باش تبليت حتا جبرت راسي فوسط منكم!!(ضحكات ضحكة استهزاء)هه وقالك سوء تفاهم..السيد تفرشخ ويانا وصلت للسبيطار وفلخر قالك غيير سوء تفاهم وتحل..ما عرفتشي منين كتجيب هاد برودة الدم شي بعض مرات؟
رؤيا:لا ما تقربشي مني ديك المرة تفضحنا مع يما دابا انتفضحو مع شي حد ياخور..نتينا غير كتجي لهنا كتقلبك ريحة البنج
فراس:ايوا الا ما عطيتينيش لا دروك ديالي ما انعطييكش لا دروك ديالك حتا انا..يله اختاري لي يسلكك
رؤيا:شني دابا كتعملي شونطاج؟
فراس:ههه يرضي عليييك هانتي فهمتيها
رؤيا:ماشي لخاطرك..انا راه كنتوحم والا ما عطيتينيشي لي باغة اتخرج غيير على ولدك يعني غيير بلا ما تحاول
فراس:وحتااا انا ابب كنتوحم والا ما عطيتينيش لي بغيت ولدي لاخور هو لي اتخرج فيه هههه
رؤيا:(قلبات وجهها حشمانة)بفففف وجهك ولا قفاك هداك
فراس:شنو دابا اتعطيني ولا لا؟
رؤيا:صافا با لا؟نتينا ما كيجيك حريقك غيير مع حريقي..وااقيلة وااقيلة راني كنت سخفانة ومزاال معلقينلي السيروم وحتا لفطور مزال ما هبطتو وزيد عليها على ما جابلي بالي راحنا فالسبيطار!
رؤيا:قلب عليا الله يخليك..نتينا مسالي قبك ويانا ما عنديشي الكانة لي نبقى مقابلة هبالك!
فراس:(جرها عندو ولصق نيفو مع نيفها)لمك هبيل حيت جالس نطلب فيك ونهضر معاك بالاداب اما انا ناخذ لي بغيت وكثر وبزز منك ووقفيني ديك الساع
رؤيا:(دفعاتو بشوية)هه صافي غير رخي..هه هانا انعطيك بلحق غيييير بوسة
فراس:اممم اوك بلحق بغيتها طويلة جمعي السوفل مزياان
رؤيا:ههه اوك يله غمض عينيك
فراس:(طلع حاجبو)وعلاش!
رؤيا:واغير غمضوم باش تحس بيها كثر
فراس:بوسي لا اتبوسي انا ما مغمضش
رؤيا:بففف..اوك على خاطرك ماشي مشكيل ههه
فراس:هانا كنتسنا
شافت فيه كضحك وقربات فمها بشوية حتا قربات تقيس شفايفو وهي ترجع تبعد..شاف فيها مخنزر ورجعات قربات ببطء حتا قاستو هاد المرة وعاد بعدات وخلاتو ماد شنايفو وهو يسوط وشاف فيها معصب وهي كتمووت بالضحك
فراس:راه كتجهليني هاكا واتجيبيها غير فراسك
رؤيا:هههه صافي صافي هانا هه
رجعات كتقرب وتشوف فعينيه وففمو وتبتسم حتا تدقات الباب وبعدات عليه بالزربة وهو زفر بقوة ودوز يدو على شعرو بعصبية..هزات عينيها فالطبيبة لي دخلات عليهم بابتسامة وبقات كتحقق فيها مزيان حتا عقلاتها وهي تغوت
رؤيا:غييييييييييييييثة!!!!
رؤيا:غيييييثة هههه هادي نتينا!!
غيثة:ههه هي هادي الحمد لله غيير منين عقلتي عليا
قربات عندها وحنات سلمات عليها بلوجه وهما كيتبادلو الابتسامات والضحك وفراس مطلع حاجب ومهبط لاخور متبع معاهم ساخط
غيثة:ههه الحمد لله هاد الساعة ماشي بزاف هادي باش رجعت من لا فرونس وبديت الخدمة هنا كطبيبة الأمراض النسائية والتوليد..نتي لي مبروك عليك تزوجتي وحاملة ما شاء الله ربي يكمل عليكم بالخير
رؤيا:ههه امين احبيبة(شافت ففراس)..حبيبو هادي غيثة كانت زميلة معايا فالكلية ومنين تخرجنا ما رجعت شفتها..غيثة كنعرفك هذا راجلي فراس
غيثة:متشرفين ميسيو فراس مبروك عليكم
فراس:(حرك راسو وابتاسم بشوية)اححم الله يبارك فيك
رؤيا:ههه سبحان الله شكون قال نرجع نشوفك وفهاد الموقف ههه
غيثة:حتا يانا فاش شفتهوم مدخلينك تصدمت ههه آخر حاجة طاحت فبالي هي هادي
رؤيا:ههه ايوا المكتاب سبحان الله
غيثة:هه وي داكشي
بقات هي هضرة تجيب ختها وغيثة كتقلبلها الضغط وتكشف عليها وفراس ناض من حداهم ورجع جلس فوق فوطوي أسود تما وهز تيليفونو كيبقشش فيه ومرة مرة كيطلق وذنو معاهم..حتا سالاتلها وخلاتها من بعد ما ودعاتها وتبادلو النماري..وناض فراس عاونها حتا وقفات وخرج قابطلها فخصرها
📆تسريع أحداث..بعد مرور شهرين
الأيام غادة والشهورة كيطيرو والسنوات كيتوالاو.. دخلو فسنة جديدة وداز فيها الشهر اللول ودخلو فشهر فبراير..اليوم رؤيا ناضت بكري هي وفراس كيما العادة فهاد الشهرين كيترينيو هو وياها وكتحاول تحرك على قدر المستطاع باش توجد راسها للولادة وتجيها ساهلة..مقابلة ماكلتها وكتاكل وجبات صحية ومتكاملة لي تنفعها وتنفع الجنين..اليوم كملات 3 شهور ودخلات فالرابع وكرشها برزات شوية..هاد المدة كاملة كان فراس هازها فرموش عينيه تقيل توحم وتشهى عليه وشحال من ليلة فيقاتو داتو لبحر او خرجاتو كيقلب على شي أكلة كطيح عليها غيير هي بوحدها..ديما مخليا حداها بواطة عامرة بالرملة فيما ترشقلها تهزها تاكل فيها..كلشي مهلي فيها وهي جاها لوحم عليه دغيا كتوحشو وفيما مشى تابعاه..وحتا شامة لي كانت كتونسها وتنسيها شوية رجعات لجبل هادي شهر وياسين طلع خطبها من باها ومشى هو وعائلتو محمل وما نقص عليها واالو هي غير عرفات بلي جاها عريس واتزوج فرحات وطاارت بالفرحة..وفاش عرفات شكون لعريس رجعات كتفرفر..الخطبة حضرات ليها حتا رؤيا ما خلاتهاش بوحدها مشات فنهارها ورجعات حيت فراس ما قدرش يمشي معاها وحتا رقية وهنية وزينب مشاو معاها حيت دارو خطبة كبيرة..حيت هما ناس ميسورين وحتا الجبل ديالهم ما تقولش عليه جبل نقي ودروباتو مصلوحين ودار اب شامة احسن من شحاال من دار فلمدينة..تقرر العرس يديروه فشهر 6 وبقات شامة تما كتوجد ليه هي وعائلتها ورؤيا كتعاونها باش ما قدات..
فهاد الفترة لكلينيك لي واعدها بيه بداو البناء ديالو وهي وقفات على تصميمو مع المهندسين وداروه على ذوقها..ومرة مرة كتمشي تشوفهم فيه وصلو فيه..
من بعد ما سالاو سبور لي كيدوزوه يا فالحب وداكشي يا فشد ليا نقطع ليك وهادي هي حالتهم ديما..هزها فوق كتافو وهي كضحك وطلع كيجري بيها فالدروج حطها وسد الباب وهزها عاود وهي دورات رجليها على خصرو ويديها على عنقو وجرها من رقبتها كيبوس فيها بلهفة وداخل بيها للحمام..
خرجو ضاحكين من بعد ما لعبو اللعب لكبير ودوشو مع بعضهم نشفو ذاتهم وصلاتهم صلاوها بزوج فلفجر لبس هو سروال دجين رمادي مع قميجة بلومارين وجاكيط خفيفة بلومارين وصباردين بيضة ومتبعها بعينيه وهي كتلبس وكل ساعة يشقمها ويبوسها من شي قنت ويهبط يبوسلها كرشها..لبسات سروال جلد فالجرونة مزير مع سوميج طويلة تحت الركبة مفتوحة من الجناب بيضة ومخططة وجاكيط سوداء وصبادرين بيضة جمعات شعرها بضفيرة جانبية وحطات ميكاب على قد لي خلاها دير يعني خفيييف بزاف..رشات عطرها ورشاتلو عطرو لي كيعجبها وتعلات على طراف صباعها باستو من تفاحة أدم وهو كيقاد فالكول دالسوميج وبعد عنقو بالزربة مبورش
فراس:يا بنتي واش كتقلبي عليا نولدك بلا وقت..راه شي نهار انفرعلك الوالدة ونوريك..ياك عاد دابا كنتي كتغوتي باش نطلقك وفضحاني بعييت افراس !بركة افراس!ودابا كتجبديني..ما كتقديش عليا وا خليني عليك
رؤيا:اممم واخة واخة ان شاء الله هههه يله زيد خاصا نهبطو نفطرو باش نلحقو رونديفو لي عندي مع غيثة على قبل الايكو..
فراس:(عنقها من اللور حاط يدو على كرشها وكيبوسها فعنقها) امممم اوك بب
هبطو بزوج لقاو زينب ورقية جالسين بحال ديما انضمو ليهم فجو عائلي من الضحك ورؤيا فطرات وحطات لبواطة قدامها وهازة معلقة صغيرة كتاكل الرملة وتجمع وتضحك وخالقة النشاط وفراس ما كيحيدش عينو عليها
ناضو بزوج خرجو هو وياها كانت الشميشة والارض فازكة والهواء بارد شوية..ركب وركبات حداه متوجهين لكلينيك برونشات تيلي ديالها فالاوطو وطلقات اغنية تركية رومانسية وبقات كتغنيها وتشوف فيه وتعبر بيديها وملامحها فرحااانة وهو كيضحك سايق وكيهز يديها يبوسها ومرة مرة يقرب يخطف بوسة من فمها او يقربها عندو يعنقها حيت فهم كلمات الاغنية نظرا انه متعدد اللغات وعجبو الحال بزاف وابتسامتو وضحكتو كانت خير دليل..
كتبت حكاية عن اننا يدا بيد🤝
ألفت حلما على ان عينانا قد إلتقت😍
تمنيت حياة عادلة وفقط معك👫
رأيت حلما كان عبارة عن حب💑
عند قولي عشق أقصدك أنت👈🏻
هذا قلبي يعيش في جنة معك😇
وقلبي في كل دقة عبارة عنك 💗
هل أنت معي بأننا نهذي كثيرا أحيانا❓
حتى أننا كنا نكبر المشاكل الصغيرة😌
من يمكن أن يستفاد من بقاءه بعيدا عن حبه😣
أليس لنا الحق بأن نكون سعداء؟‼
تعال يا محبوبي إلى قلبي وأضف السلام على عمري☀
ولنغني جمييع الاغاني 🎼
حبنا ملاك واحد يطير في السماء🌅
وليغادر كل العشاق الغيورين😏
وصلو للمستشفى ونزلو دور يدو على كتفها وجرها عندو معنقها وعينيهم كتعبر على كمية الحب لي جامعهم..توجهو لغرفة الدكتورة غيثة لي طول هاد الفترة ورؤيا متبعة معاها وفراس ديما كيجي معاها فأي كنترول..
دقات الباب وسمعات صوتها كتعطيها الإذن بالدخول ودفعات الباب دخلات هي اللولة وتبعها فراس
رؤيا:سلااااام غثغث ههه
غيثة:هه رؤيا حبيبة اهلااا
وقفات كتسلم عليها ومدات يديها بابتسامة لي بدورو حرك راسو ببطء وسلم عليها مبتاسم وجلسو كل واحد على كرسي وفراس كيشوف غير فرؤيا وفحركاتها ومتبع مع كلامها وضحكتها
رؤيا:هه كيبقيتي لباس عليك كلشي مزيان؟
غيثة:كووولشي مزيان الحمد لله نتي لي كيبقيتي وكيبقى الصغيور
رؤيا:ناعس واكل شارب مفطح مع مخو كيف بغيتيه يكون هههه
غيثة:هههه ربي يفرحك بيه ويعطيك شي وقفة ساهلة
رؤيا:أميين يا ربي
غيثة:يله اجي نشوفو لمفطح كي بقى هههه
رؤيا:ههه اوك
ناضت رؤيا معاها زولات جاكيط حطاتها فوق الكرسي وتجبدات فوق لباياص طلعات السوميج والطوب على كرشها وفراس وقف على راسها يدو فيدها ويد لوخرى حاطها فوق راسها على الباياص وغيثة كتقاد مسائلها وهزات بوماد حطات منها شوية على بطنها وبدات كدوز على كرشها وهما كيشوفوه فالشاشة قدامهم..كل مرة كيزيد يوضاح اكثر على المرة لي فاتت..ترسمات إبتسامة سعادة على وجوههم وزيراتلو على يدو وهزها عندو باسها كيضحك
رؤيا:(بحماس)غيثة سمعني دقات قلبو فحال المرة لي فاتت
غيثة:هي اللولة..اممم ها هما
تك تك تك تك صوت دقات قلبو الصغيور كيتسمعو وحدة مور وحدة..تبورشات عليها ذاتها وتغرغرو عينيها بالدموع فحال أول مرة سمعاتهم..هاد المرة فراس ما دمعش وإنما تبسم أعرض إبتسامة على وجه الكرة الأرضية.. آخر مرة وبقوة الفرحة لي جاتو وبكاء رؤيا ما حسش براسو حتا حس بالدموع تجمعو فعينيه عكس هاد المرة
شافت فيه كضحك ودموعها فعينيها وغيثة عاطياهم العين..هبط عندها وطبع قبلة طويييييلة على جبهتها
فراس:ههه بلا ما تبداي تنخططي عاود ما جايبش حتا كلينيكس معايا
غيثة:ههه انا نسلفولك
فراس:الا عندك شي خمسة ستة دالباكيات أما وحدة ما تقديش مع هاد خيتي ههه
رؤيا:شني دابا دورتوني..ايوا اسيدي ما تعطيني ما نعطيك انمسح فحواايجك ونوريك هههه
فراس:هههه باش غير نمشيو تحني عليهم تفركيهم
رؤيا:ههه وتيق فيا نفركوملك
فراس:ههههه فكرتيييني..الصراحة لا ما بقات فيك ثقة علاش انا عاد نعاود!
فراس:ههه اودي كون غير جلسات..عطينيها نهار واحد تصبن شي حوايج حيت تخاطرنا انها ما اتعرفش تصبنهم هههه ساعة لهبيلة ندمااتنا كاع بقوة لحداكة لي عطاها الله صبغاتهملي كااملين بجافيل ههه
غيثة:ههههه
رؤيا:وا يانا ما عرفتشي هاء..باش غانعرف بلي جافيل كيعملوه غير نحوايج بويط اميسيو بخوبخ بفففف
قلبوها ضحك عليها وهي حتبسة الضحكة وكتفشش ورجعو ركزو على الشاشة
رؤيا:مزال ما بغى يبان ويهنينا نعرفوه واش مفطح ولا مفطحة
غيثة:ههه..اممم اط نشووف مزيان..متأ مزال ما باينلي بزاف مي أصون بوغصون المرة الجاية ايبان إن شاء الله تكوني كملتي 4 شهور
رؤيا:اوووووف معكس يا ختي سبحاان الله ما نعرف لمن طالع(كتشوف ففراس)
فراس:ايوا سبحااان الله حتا انا ما عرفتش ههه
عطاتها كلينيكس مسحات كرشها وناضت كتهبط حوايجها وغيثة كتهضر وطمنها على صحة الجنين وبلي كلشي هو هداك وهزات جاكيطتها كتلبسها
غيثة:ااااه تفكرت..قبل ما تمشيو..تسناو بغيتكم فشي حاجة ههه
رؤيا:وشني فيها لا مشيت بوحدي ياك مامزالة كنرضع صبعي ويانا ما فخباريشي..واصلا باش عرفتيه مخلط!!
فراس:معروووفة ارؤيا راه غير نتوما فالشمال لي عندكم هاد العادة كتفرقو شي على شي اما فالمدن لوخرى ما كايبقاو يفرقو بين راجل من مرى شي مخشي فشي..وباش نخليك تمشي بوحدك هادي غير حيديها من بالك ما كايناش فقاموسي!
رؤيا:ايوا الا ما غتخلينيشي نمشي بوحدي يله معايا ياك عرضاتنا بزوج بينا؟
فراس:راه قلتلك مشغوول ارؤيا وزيد عليها انا ما عنديييش مع هاد التخربيق وقوة البشر..عرسي وحضرتو بزز بقالي غير نمشي لعراسات الناس لي ما كنعرفهومش
رؤيا:(بغصة)شني دابا ما اتخلينيشي؟
فراس:(شاف فيها وقلب وجهو كيسوط)هضرنا ارؤيا من هنا لتما يحن الله ما عرفناش شنو يوقع
رؤيا:مااا انمشيوشي يانا عاارفاك اهنهئ اهئ نتينا ديما الخدمة الخدمة فيما نقولك شي حاجة قولي الخدمة اهئ اهئ هادي 5 شهووور ونتينا مشغول ومزااال ما بغيتي تسالي اهنهئ انهنننننن حتا السفر كل مرة تقولي غير نسالي الخدمة ونسافرو وشي خدمة ما بغات تسالي وشي سفر ما شفناه اهنهئ اهئ اهئ يانا قنطت قنطت بغيت نمشي ماشي شغليييي اهئ اهنهئ اهئ
فراس:اوووووف وهااا المرض عاود..راه لي ما عندو هم تولدولو حمارتو هي هادي ديالي انا
فراس:اهاااه دابا عمر الشمس ما شرقات!وعمرك خرجتي!!ضربتي كلشي فالزيرو غير هاد الشهرين طوطحت بيك طنجة كاااملة ما خلينا شبر ما شفناهش..فالنهار نضورو وفالليل نباتو قدام لبحر ولا ضبريلي على شي عجب ما نلقاهلك حتا نحماق
رؤيا:ما دخليشي هادي فهادي..بغيت نمشي هي بغيت نمشي اهئ..ونتينا بغيتي يله ما بغيتيشي شغلك هاداك كااعلك
فراس:اييييه كاعلي!اييوا الالة ما ماشياش دابا واخة طيري وتنزلي..كنت غادي نفكر بلحق دابا صافي..واخة تموتي ما غادياش وحطي قاعك للارض
رؤيا:اهئ اهنهنئ اهئ انمشييي ودابا تشوف والله حتاااا نمشي بيك ولا بلا بيك واتقول رؤيا قاالت اهنهئ اهئ والا ما مشيتشي راني ما نتسماشي وما ولدات فيا مينة غييير لخلا انهنننن
فراس:بربي وما تسدي حلقك حتا نهرسك..تقادو لكتاف وبديتي تخرجي فعينيك ودفعي فالسناطح ايوا وريني حنة يديك الالة..الا قديتي ها الطريق سيري من دابا
رؤيا:اهنهئ اهئ واخة دابا نشوفو اهنهئ
قلبات وجهها للجنب منفخة وكتبكي وخبعات الدعوة والتصاور دالإيكو..وهو شاف فيها معصب وضرب الفولون بقوة وقلب وجهو كيسوط
فراس:تفوووو عمرك تخلينا هانيين تقلبي تقلبي على شي منتيف..كتحفري على الصداع حفير!!
قلبات وجهها خنزرات فيه وشافت فيه بتحدي وما جاوباتوش..طول الطريق وهما خنزر غيا نخنزر فيك..كأنهم ماشي هما لي كانو جايين كيترومانساو فالطريق ويغنيو عاد شوية..كسيرا ما وقف حتا وصل حدا باب الفيلا وتسمع صوت فرانو مجهد حلات الباب بالزربة وزدحاتو بالجهد ودخلات كتزدح ما دارتش موراه وهو قلب الدورة ورجع خرج عاود مكسيري
طلعات لبيتها معصبة رمات الصاك فوق الناموسية وجلسات حاطة يديها على راسها وكتلعب برجليها وكتفكر شنو دير وكيفاش تقنعو يخليها تمشي حيت دابا حطات فراسها تمشي لعرس وما ايحيدهالها حد..ناضت عاقدة حجبانها بدلات عليها ولبسات سورفيط فالاخضر فونصي لبسات بانطوفتها وهبطات جلسات مع زينب ورقية وبالها مرفوع مرة ها هي معاهم مرة كتمشيي وتبدا تبلاني..اذنات الظهر وناضو طلعات هي جددات الوضوء وصلات صلاتها قرات ما تيسر من القرآن وهبطات لقاتهم بداو يحطو لغذاء عياو يتسناو ففراس ويعيطولو وهو ما كايجاوبش..زفرات بعصبية وخشات وجهها فالطبسيل كتاكل بقوة الفقصة حتا لواحد اللحظة هزات راسها مكمشة عينيها وطلعات حاجبها وتبسمات بخبث ورجعات كتاكل
تعاشات لعشية وخلاتهم جالسين وطلعات لبيتها كتجري ووقفات فباب البيت حاطة يديها على جنابها وكتلعب برجليها هزات الفيكس هضرات مع الخدامات يوجدولها داكشي لي باغة ودخلات هي توضات وخرجات صلات المغرب حتا سمعات الدقان فالباب وناضت فتحات دخلات داكشي لي جابولها حطاتو فوق الناموسية زولات عبايتها طواتها وبدات كتفتح فالعلب وتقلب وتشم الروائح حطات كلشي فوق الطبلة ورجعات زولات لغطاء دلفراش وجبدات واحد جديد من لبلاكار فاللون الاحمر القاتم فرشاتو وقدات لمخدات ديالو جعات جابت ورد فاللون الابيض كترسم بيه قلب كبيير فوق الناموسية وعمراتو بالورد كامل كملات كتفرق الورد الأحمر فوق لكوافوزات وفجناب لفراش هزات شمعات من بأحجام مختلفة فالالوان برائحة الخزامة فرقاتهم فأرجاء البيت ظلمات البيت ودوزات الريدوات شافت الشكل النهائي كي جا عجبها ورائحة الخزامة بدات كتعطي فلبلاصة تبسمات بخبث ورجعات دخلات للحمام عمرات البانيو بالماء وطلقات فيه جيل برائحة الشوكولا ورمات فيه شوية دالورد وترخات فيه كتلعب فكرشها حتا ارتاحت وناضت شللات وغسلات شعرها وتوضات لبسات بينوارها وجمعات شعرها بفوطة وكفطات كمامها كتجمع الحمام وتنقيه ورجعات عمراتو بماء جديد وعطراتو برائحة مختالفة وطلقات فيه الورد الاحمر وحطات شمعات صغار كيلعبو فوق الماء ونفس الشيء فالأرضية دالحمام وخرجات سدات الباب توجهات لبلاكار حاطة يديها على جنبها كتختار شنو تلبس جات عينيها على شوميز دونوي بلون دم الغزال جبداتها حطاتها ونشفات ذاتها وجلسات كتذهن فجسمها بلكريمات والزيوت المعطرة حتا رجع لحمها كيبري..هزات سترينج دالشوميز كلو مشبك لبساتو..خشات يديها فالشوميز وهبطات كتسحت على جسمها الرطب ثوبها ملس واصلة لنص ففخضها وفيها فتحة فالجنب صدرها نصو معري جناب الشوميز مشبكين كيبينو لحمها الابيض وسميطات يديها حتا هما بشبكة عريضة شوية رمات على كتافها بينوار حد الركبة وخلاتو مفتوح وجلسات قدام لمراية طلقات شعرها نشفاتو شوية وهزات جيل للشعر دارت شوية فيدها وبدات كتذهن فيه وتنفخو وخلاتو هكاك فازك ومنفوش..حطات ماكياج خفيف لعينيها وركزات على فمها بعكار بوردو هزات قلم زادت طراسات الخالات لي فجنب فمها رشات عطر مور وذنها وفمعصم يديها شافت فضفارها لقاتهم مزالين مقادين ونقيين من آخر مرة مشات فيها للسونطر بيوتي ما مصبوغينش بلحق مقاداهم ناضت أكدات عليهم فالفيكس يطلعولها لعشاء سخون دابا..ماشي بزاف حتا كانت واقفة كتستف فالطباسل فوق لاناب البيضة والشميعات طوال حومر والورد فالجناب رجعات اللور كتأكد من كولشي واش هو هداك هزات تيليفونها وجلسات فوق الفوطوي حاطة رجل على رجل كتكتبلو ميساج تسنات شوية وهي طلعلها vu وفلبلاصة صونالها تيلي وخلاتو هكاك كيصوني ما جاوباتوش عيا يعيط ويعاود ويصوني فالفيكس بلحق شكوون رد عليك بقات جالسة وكضحك وكتسنا على أعصابها حتا سمعات الدقان وناضت بشوية عليها فتحات الباب لقات رقية وزينب واقفين فالباب عينيهم خارجين بالخلعة شافت فيهم بإستغراب وهما بقاو كيطلعوها ويهبطوها ويشوفو فبعضهم عاد ردات البال لراسها وسدات البينوار سترات راسها وبقات واقفة قدامهم مزنكة وحشمانة
كان جاي فالطريق السيار راجع من الدار البيضاء من بعد ما دوز نهارو كامل تما فالخدمة والاجتماعات.. الشيفور سايق بيه وهو حاط يدو على ذقنو كيحك لحيتو ومكمش جبهتو كيشوف فالطريق وساهي جاه ميساج برنة مختلفة عرفو منها حيت دايرلها رنة للميساج والأبيل خاصة بيها..هز تيلي وهبط الميساج قراه غير من داك السريجيم لفوق وعقد حجبانو ورجع دخل بالزربة كيقرى فيه وأنفاسو كتزيد تتسارع
رؤيا:فراس عتقني كرشي كنموووووت
ربعة دالكلمات خلاوه يصعر فلبلاصة دخل كيعيط عليها فالواتساب وفالتيلي ووالو ورجع للفيكس حتا بدا كيضرب فالسرجم ويسوط ويحك فجبهتو بعصبية ولعرق هابط معاه..وقف الشيفور وهبط عطاه إشارة يطلع لجيهة لوخرا رما هوا جاكيطتو لور وكسيرا بأقصى سرعة والشيفور شاداه لقفقافة حداه من شكلو..عيا يحاول يعيطلها ورجع عيط لمو لي كانت جالسة هي ورقية كعادتهم عاطينها لتقرقيب الناب واخة ما كيتفاهموش وعقلياتهم مختاااالفة
رقية:رؤيا بنتي شنو صايرلك؟شنو ضارك هضر علاش ما عيطتيلناش؟
رؤيا:ااا كيفاش!علاش شني واقع؟انا ما مالي والو
زينب:هاء كيفاش ما مالك والو!وعلاش فراس معيطلنا كيسول عليك وفاش قولناليه راك فبيتك قالنا نطلعو عندك نعتقوك ركب فينا الرعادة ما عرفنا باش تبلينا..شنو زعما كان كيتفلا!
رقية:اويلي على يتفلا واش فراس كتعرفيه ايتفلا فهادشي..(كطلع وتهبط فرؤيا)وا حتااا نتين حالتك ماشي حالة شي وحدة خاصها تعتئ!دابا شكون فيكم لي كيدوخ علينا ما طلعت حتا ريتي كانت غاتفلت
رؤيا:(بتوتر وخجل)اا امم يانا ببب بغيت غير نضحك معاه اوووو احم ما زياليشي اتوصل ليلكم
طلع كيخلف ثلاثة دالدرجات فخلفة وحدة ورقية وزينب كيتغامزو ويضحكو عليه حط يدو على لبواني كينهج ودفعو داخل كيجري حتا وقف مشوكي ما فاهم والو شاف فيها وهي كدور عندو بالزربة من بعد ما كانت عاطاه بالظهر طلعها من صبعها الصغير حتا لآخر شعرة فراسها واقفة حفيانة وفخاضها وصدرها كيبانو من تحت البينوار عريانين سهاااا فيها شحااال مبهوض ورجع قلب عينو فالبيت بالزربة كيشوف الزينة لي فيه ويرجع يشوف فيها وعلامات الخوف لي كانو فيه كيتبدلو شيئا فشيئا لعلامات الغضب وجبهتو تكمشات بقوة ما عقد حجبانو..زير على يديه وعينيه زادو حمارو زفر بقوة وقرب عندها بالزربة وهي تبعد دغيا كتوسل ليه وتترجاه بعينيها
رؤيا:وراه نتينا لي ما كتجاوبشي عليا ما جبرتشي شي طريقة ياخرا نجيبك بيها بلا ما تعطل عافاك تهدن والله ما قصدت نعصبك غير كنت باغاك تجي ذغيا
فراس:وااش عاارفة شنوو درتي ولا لا..ما لقيتي حتا شي زمر خور تgوليه ولا ديرييه..ما وصلت عندك حتااا غفرلي ربي وأنا قلبي غاااا يسكت.. الطريق مااا عرفت حتاااا كيدرت فيهاااا..شنو قالك لحمار دمخك بلاناتك ما بغاااوش يساليو!هاااااد الضحك دلخرى مزااال ما بغيتي تساليه؟
رؤيا:انهننننن ما تغوتشي عافاك..وجه الله لميييمة صافي هانتينا جيتي وما وقعلك والو وحتا يانا هاني ما فيا والو لعاااار لما تهدن!
شاف فيها بغضب كيسوط وهي كترجاه وترغب وتمشي من قنت لقنت كتهرب خيفانة وترغبو..عض على سنانو وغمض عينو وقلب الدورة خارج بحالو وهي تخرج عينيها وناضت تبعاتو كتجري ولحقاتو قبل ما يوصل لدروج
رؤيا:(شداتو من يدو)اواعدي فاين ماشي!ما تزيدشي فيه واش يانا عاملة هادشي كااامل على قبلك ونتينا ماشي ومخليني؟
فراس:ما نزيدش فيه!تحركييي من قدامي قبل ما نزيد فيه دبصح..واااش كتسطاااي عليا ولا ماالك عرفتييي باش حسيت وانا كنقرا فداك المرض ولا لا..نتي جاااتك عاااادية انا راه كنت غانموووت قبل حتا ما نوصل عندك قلبي كان ايخرج من بلاصتو بقوة الخلعة كنgوول غيير فوقاش نوصل..وفلخر نلقاك غييير كتفلاي تلاااحي طلقي بعدي مني هاد الساعة
نتر يدو منها بالجهد وهو ما حاسش براسو بقوة الاعصاب لي فيه حتا مشااات وجاات على حافة الدروج وهي تطلق غوتة عاااااالية تسمع صداها فالفيلا
رؤيا:واااااااااااااااااااااااااااا
نتر يدو منها ما حاسش براسو حتا كيشوف رجليها كيلعبو على حافة الدروج وراجعة باللور كتشالي بيديها باغة تقبط فالحديدة دالدروج أو أي حاجة مهم ما طيحش..دازت اللقطة بالزربة قدام عينيه بسرعة وفآخر لحظة مد يدو شدها من دراعها وزير عليها بقوة وجرها عندو حتا تعكلات رجليه وسحتات بيه فالدروج بغى يطيح هو وياها وشد راسو بصعوبة من بعد ما هبطات رجليه ثلاثة دالدرجات وهي تعلقات قابطة فقميجتو حتا طرطقاتلو الصدافة..تبث رجليه مزيان وجرها عندو كينهج وهبط جلس فالدرجة وهو معنقها وهي ساقرة بين يديه وعينيها كيلعبو بقوة الخلعة..بقى ساكت كيرد النفس وكتحس بقلبو غا يسكت بقوة ما كيضرب..فاتح رجليه رجل قدامو مثنية ورجل مطلوقة فالهبطة دالدروج وهي فوسطهم جالسة فوق الدرجة والشوميز طالعة واصلة لخصرها وغير لبينوار لي بقى ساترها..خدا نفس طويل وزفر بقوة وشدها من دراعها قابل وجهو مع وجهها كيدي فيها ويجيب ودمو كيفور
فراس:(بغضب)ماال مك كطيييري ماالك!!وااش باغة تقتلي د**مي عاد تهناااي..حتا تسكتي واااالديه فخطرة عااااد ترتاحي؟فيما كااانت شي زبل ديال شي مصيبة كتقلبيلي علييهااا!ما كتعرفييش حتا توقفي فحااال الناس كوون طحتيي فيين كنا غانوصلووو المرض هاااا!واااش غير من هاادي لهااادي ما كتعيااايش!الله ينعل لللل تفوووووووو
طلق من دراعها وحط يدو على جبهتو كيحكها بعصبية ويسوط وصدرو كيطلع ويهبط بسررررعة وهي كتشوف فيه وكدمع بقوة الخلعة وعينيها خارجين ضرباتها اللقوة..هز راسو فيه بنظرة قاصحة مزير على سنانو وهي حاطة يديها على قلبها وساكتة والخوف بااين فعينيها بقى هاكاك كيشوووف فيها شحااال وما حساتش براسها حتا جرها عندو بقوة وعنقها حط راسها على صدرو وزيرها مغمض عينو ومتكي راسو على الحيط
فراس:حراااام عليك والله حتا حرام عليك!علااش كديري فيا هادشي علاش؟!مووتي ايكون على يدييك ما فيهاش الشك!اتقتليني ارؤيا اتقتلييييني
رؤيا:اهئ اهئ نتينا لي جريتي يديك مني بالجهد حتا كنت غانطيح اهنهئ اهننن
فراس:(تنهد بقوة)وعلاااش تابعاني اصلا!دايراها قدها قد رااسك ولاحقاني؟شفتيني معصب خليني عليك حتااا نبرد حيت عااارفاني ما كنبقاش نشعر!شنوو تساليني هاد الليلة فشلتيني فمرة ارؤيا والله ما بقيت حاس حتا بذاتي!
بعدات راسها على صدرو وشافت فيه لقاتو مغمض عينو وكيحاول يتنفس ويديه فاشلين عليه حل عينو ببطء شاف فيها لقاها كتشوف فيه بحزن وهزات يديها حطاتهم على وجهو هبطاتلو راسو بشوية باستو من جبهتو بحنية ورجعات بعدات
رؤيا:(بصوت خافت)سمحلي..ما قصدتشي اهئ
فراس:(رجع عنقها)اوووووف الله يرحملك الوااالدين ارؤيا ما تعاودييش بحال هاد اللعب وردي البال لراسك الله يخليك..ما عرفتش شنو ندير معاك..كنرغبك ارؤيا حضي راسك وما تبقااايش غير كتنقزي الله يرضييي عليك..راه بربي وتوقعلك شي حاجة حتا نتسطى فمرة عااافاك راه كتوصل حتا لعندك وكيتسالاولي فمرة تجي فيا وما تجيش فيك!
رؤيا:(دورات يديها على كرشو وزيرااات عليه بكل ما فجهدها)ما نعاودشي صافي آخر مرة..غير كنت باغة نضحك معاك باش تجي بالزربة ما زياليشي اتعصب هايدا سمحلي عافاك!
فراس:اخخخخخ(تنهد)ششش صا..
قطع كلامو من بعد ما سمع رقية وزينب طالعين كيتجاراو ووقفو قبالتهم فالدورة دالدروج
ناضت رؤيا بالزربة كتستر راسها وعينيها كيدورو حشمانة وهو شاف فيهم وناض وقف بشوية عليه
زينب:ماالكم هضرو شنو وقع!علاش جالسين فالدروج؟
فراس:والو والو ما وقع والو!
رقية:كيفاش والو وحنا ئلبنا زهئ من بلاصتو! سمعنا لغوات وتكركيب ما فهمنا والو!شكون طاح؟
فراس:اووووف والو ايما غير رؤيا تعكلات كانت غاطيح وشديتها ما وقع والو صافي
زينب:هييييييييه
رقية:اويلي على كانت غاطيح!اويييلي ياااا الزغبية واش ما كتهديييييش ما عندكش الئاع لي تحطو الارض!؟راااك حاااملة المصيبة حاااملة!!
فراس:(بانزعاج)صافي ايما الله يخليك ما وقع والو دابا
زينب:اووووف الله يا بنتي مالك معانا هاد الليلة كول شوية مطلعانا نتجاراو فهاد الدروج..طيحتي فينا النص!
رؤيا:(بصوت خافت وحادرة راسها)سمحولي ما قصدتشي!
رقية:(كدور فراسها)لا غيير ئصد ابنتي..غييير ئصد..ايوا شغانئولك الله يكملك بعئلك..زيد ازينب زييد الله يدوز هاد الليلة على خير وبيخير طااار النعاس دابا صافي!
زينب:متأ لا حول ولا قوة إلا بالله..الحمد لله غيير منين ربي لطف ما وقعلك والو..مهم تصبحو على خير يله ارقية
رقية:هانا موراك غير زيد
هبطو متابعين شادين فقلوبهم كيردو النفس.. شاف فيها بقلة حيلة وتنهد مرة أخرى وحط يدو على خصرها باش تزيد
فراس:الله يهديك وصافي هذا ما نقولك..زيدي دخلي فحالك
حنات راسها وزادت قدامو وهو حاط يدو على جنبها حتا دخلو للبيت وسد موراه الباب وزادت هي فاتو..حط يديه على جنابو كيشوف فالبيت مرة أخرى ويشوف فيها ودوز يدو على راسو بابتسامة جانبية خفيفة وتنهد شاف فيها وحرك راسو بمعنى لا حول ولا قوة الا بالله وقرب عندها عنقها من اللور حاط راسو على كتفها
فراس:ههه شكون داها فشي عشاء يبرد ولا يسخن..أنا دابا كنفكر غييير فالأخ لي شاعلة فيه العافية
رؤيا:ههه ايوا دخل احبيبي بردو راه الماء فالحمام يله مشي(كدفعو)
فراس:اجي معايا نبردوه انا وياك ههه
رؤيا:اوووف واا مشيييييي هه
فراس:هااا هو غااادي..اليوووم نخرج منك هادشي لي دوزتي عليا هاد النهار غيير صبري على رزقك ههه
سيفطلها بوسة فالهواء ودخل للحمام وهي قلبات وجهها كضحك بخجل شوية وهي تحط يديها على جنبها وطلعات حاجبها كتبلاني..
بعد 5 دقائق خرج بسروال كيطمة دالنعاس رمادي كيمسح شعرو بفوطة هز راسو وطاحت عينو عليها وهي واقفة حدا الطبلة دالماكلة كتقادها وتنقب منها شوية زولات البينوار وبقات غير بالشوميز كتلعب برجليها دايرة راسها ما شافتوش وكتحرك بإغراء طلعها من رجليها البويض وطاالع مع فخاضها العريانين والشبكة دالجناب كنتبينلو شوية من ذاتها وشعرها هابط على كتافها..هزات فريزة وحطاتها على فمها كتعض فيها بشوية وتبنن دارت عندو وهي حاطة لفريزة ففمها
رؤيا:امممم ساليتي بالصحة
فراس:الصمت
رؤيا:هييييهو فراااس
تنهد ورمى الفوطة فوق الفوطوي كيقرب منها وعينيه كيتساراو عليها كاملة بابتسامة جانبية وقف قدامها ولصقها معاه
فراس:شنو باغة مني هاد الليلة؟
رؤيا:هه وااالو علااااش(لحناتها)
فراس:اخخخخ لي بقى من الخلعة اتكمليهلي بهاد الصويت
رؤيا:هههه يله زيد تعشا
فراس:هه هي اللولة يله بسم الله
هزها غادي بيها للناموسية كيبوس فكتافها وعنقها وهي تفركلو فيدو
فراس:هه هانتي يله..سيري على الله نشوفو حريرتك فين اتخرج
جراتو من يدو وجلساتو وعنقاتو من اللور باستو من حنكو وقلبات الدورة كتعوج وهو يجمع معاها خلاها كتحك فيها
رؤيا:اححح قصحتيني
فراس:ههه مزاال الحال على احح وقصحتيني الليلة طويييلة احبي
رؤيا:(ضربات شعرها رجعاتو اللور)متأ الله يستر
جلسات قبالتو وبداو كياكلو أو بعبارة أخرى هي كتاكل أما هو غير كينقب عينو كلها معاها ما خلاتوش ياكل فخاطرو وهي كل مرة كدير شي حركة كتخليه يشعل..مرة تلحس شنايفها ببطء مرة تعضهم وتحرك فراسها باش ترجع شعرها اللور لي كيطيح على عينيها وصدرها كيتحرك معاها..كتشوف فيه غير بنص عين وكدير راسها كتحرك بعفوية وهي على العكس كل حركة كديرها عن قصد..تلفاتو ورجع لور تكى ظهرو دار بناقص من شي ماكلة وهي غيير ما زايدة فيه
رؤيا:(بصوت ملحن)حبيييبوو شعندك ما كتاكلشييي
فراس:(تنهد)كولي غيير نتي انا شبعت
رؤيا:ولااا كووول
فراس:كولي احبيبة وسكتي حيت الا شديتك ما انطلقش..عمريها مزيااااان حيت انا راه تشارجيت
رؤيا:ايييوا على خااطرك
فراس:وا طلقي راسك مزال ما شبعتي
رؤيا:هاااء عااااد بديت
فراس:صافي كولي وسكتي الله يرحم باك ما تهضريش فمرة..كديريها بلعااني ايوا غييير زيدي فيه هانتي اتخلصي
رؤيا:شنيي كنعمل!
فراس:(حك جبهتو)وااالو غير كولي طلقينا
هزات كتافها ورجعات كملات ماكلتها حتا حسات بيه وصلاتلو لجذر وغادي يطير عليها يهزها هي وطبسيلها وهي تهز المنديل كتمسح فمها ببطء
جلس هو فوق الناموسية كيسوط ومتبعها بعينيه كتمشى على أئل..أئل من مهلها..
وقفات قدام لمراية وحنات شوية وحلات لمجر جبدات منو مجموعة من الزيوت حطاتهم فوق لكوافوز دايرة صبعها على فمها كتختار منهم وتهز وتشم وترجع تحط بشوية حتا بغى يشدو الصعر وهي تهز واحد فيهم عجبها ورجعات الباقي لبلاصتو ودارت عندو كتشوف فيه بابتسامة وهو طلع حاجبو كيحاول يفهم شنو فبالها..
فراس:شنو أديري بهادشي!!
رؤيا:هه لا زربة على صلاح احبيبي ها نتينا غاتعرف..ياك يانا عصبتك اليوم إيوا دابا يانا لي انرخيلك الاعصاب ديالك
فراس:نتي باغة تسوطيهم ماشي ترخيهم؟
رؤيا:ههههه ايوا جرب وشوف(غميزة)
فراس:راك غادي تجيبيها غييير فراسك بركة غير هادشي لي فيا ما تزيديش كثر!
فراس:تريحيييني هه نتي حتااا اليوم عااد بانلك تريحيني شحال من مرة تعصبت وما درتيليش هادشي اولا اليوم القضية فيها حاجتك يااك(غميزة)
رؤيا:علاش كتهضر..يانا عملت هايدا غيير باش نعتاذر منك وصااافي ما بغيت وااالو
فراس:(كيحرك راسو)امممم حتا انا تيقتك
رؤيا:يله دابا بلااا هضرة بزاف..نعس على كرشك وخلييني نماسيلك
فراس:اوووووف..اوك نصبرو معاك ماشي مشكيل
رجع لور تكى على كرشو وحط جبهتو على يديه وهي هزات تيليكوموند طلقات موسيقى هادئة وكااالم فالبيت وطلعات على ركابيها فوق الناموسية جلسات عليهم بجنبو وهزات الزيت كدهنو فيديها وحطاتهم على كتافو لعراض كدوزهم ببطء كتماسيلو بشوية وبإحتراف وكتسمع صوت تنهيداتو الخافتة..فتحات رجليها وطلعات فوق منو واقفة على ركابيها كدوز يديها على كتافو وهااابطة مع ظهرو وكترجع تزيت يديها وتكرر العملية وكل مرة كتزيييد تهبط كثر..ترخااا بين يديها وعسلاتو بلمساتها وهبطات لوذنيه كتهضر بهمس
رؤيا:حياتي
فراس:(تنهد بعمق)اممم
رؤيا:تقلب على ظهرك
فراس:اووووه
تقلب ببطء وهي مزالة مفرقة رجليها فوق منو وشاف فيها من بين رموشو مبنج..تبسمات فوجهو وهو حاس براسو شوية ويطرطق وهي حاااسة بيه وما بغاتش تجلس فوق منو باش ما تحرقش الاحداث..زيتات يديها عاود وحطاتهم على صدرو بنفس الحركات المتموجة بقات هاكاك طالعة هابطة بيديها وكل شوية تحاك معاه حتا كتسمعو تنهد وزفر بقوة وترجع تقاد الوقفة..جبهتو تكمشات نازل معاها لعرق وعاقد حجبانو تبسمات بخبث وحطات يديها على السروال زولاتولو وهو تزير بزااف وبدات كتماسيلو فخاضو ورجليه وعينيها غير عليه حسات بيه صافي وصل لطوب..رجعات لنفس الوضعية الاولى كتماصي فصدرو لي كيطلع ويهبط وبدات كتهضر
رؤيا:(بدلع)فراااس
فراس:الصمت
رؤيا:فرااس!حيااتي!
فراس:اممم
رؤيا:كتبغيني ياك!
فراس:(حرك راسو بالايجاب)
رؤيا:(تبسمات)جاوب بدقمك بغيت نسمعك كتقولا
فراس:(زفر وهضر بصوت خافت)اااه
رؤيا:(جلسات فوق منو)امم عجبك الماساج ارتاحيتي!
فراس:اوووف
رؤيا:واش عجبك!
فراس:اه
رؤيا:هه نبقى نعملولك ديما!
فراس:اه
رؤيا:كنعرف ياك؟
فراس:اه
رؤيا:اتخليني نمشي للعرس!
فراس:اه
رؤيا:(حبسات الضحكة)امم اوك حبيبو صافي بركة عليك
بقات جالسة على نفس الوضع ومدات يديها للكوافوز حطات الزيت كتحرك فوق منو وصدرها قريب من وجهو وهو فاتح عينيه نص فتحة كينهج ما حساتش براسها حتا شدها من خصرها وقلبها تحت منو بالزربة حتا غوتات كيبوس فيها ويعاود بقوة وعنف فحال شي جيعان وطلقوه على الماكلة..ما خلا وجهها ما خلا عنقها صدرها ذاتها فمها كلاه وغير صوت نفسو المتسارعة لي كيتسمع وكل شوية يزفر بقوة..ريحة الزيت المعطر عاطية منو وحتا هي عجباتها وما خلاتش من حقها فيه ولكن غلبها وفيما تبوسو أو تحط يديها عليه كتحس بعضلاتو تقلصو فحال الا ضربو الضوء حسات براسها هيجاتو بالمعقول حيت عمرو وصل معاها لهاد الحالة وإستسلمات ليه وصاابرة حيت هي لي دارتها بيديها وكانت معولة عليها..صبرات وصبرات وهو مزال ما بغى يطلقها حتا كتقول ها هو سالا وينوض عاود..خلاها هو خرجها منها بالمعقول ما طلقهاش حتا سخفاتلو بين يديه ما بقالهاش فين تزيد وناض جاب الماء شربولها وهي مرخية مرة ما كتقدر تهز لا يد لا رجل..تكى فوق منها كيلعب فشعرها ووجها ويخطف قبل من وجهها وهي مغمضة عينيها..تبسم وناض هزها بين يديه كيما خلقاتها مها وهو كذلك ودخل بيها للحمام لي مزال مقاد وتخشى وحطها بين رجليه وهي فشلانة بقى هاكاك كيلعب فكتفها وكرشها ويبوسها وصوت أنينها كيتسمع مع صوت تنهيداتو..ما بغاش يكثر عليها حيت عرف راسو قصح معاها دوشلها وهو كيبوس كل مرة فقنت دوش حتا هو ولبسها بينوارها ولبس بينوارو وخرجها هازها لبسها بيجامة شورط وطوب ديال الساتان موولس ولبس هو شورط ولكليمة خدامة مسخنة البيت وتخشى حداها معنقها وكيداعبها..نعسات هي فلبلاصة وبقى هو شوية وداتو عينو حتا فاق على صوت تيلي كيصوني للفجر..عيا يفيق فيها تنوض وما قدراتش حيت يله كي نعسات ناض هو كابر وتوضى صلاه ورجع تلاح حداها مهدود..حتا طلع عليهم الصباح
حبيبتي ..في الماضي كانت الدائرة تقتصر علينا..واليوم ..علم بحبنا الكثير ..فاتسعت الدائرة..وستظل تكبر ..حتى نغرق فيها
كمشات حجبانها فاش حسات بشي حاجة كتكها فكرشها هزات يديها كتحك عينيها لي ضرب فيهم الشعا وكطل من بين رموشها..تبسمات ابتسامة خفيفة كان فوق منها مكالي بيديه جيهة كرشها العريانة كيبوسها فيها وكتحس بلحيتو لي نقص منها كتكها..هز راسو لقاها كتشوف فيه وهو يضحك وهبط باسها بقوة فكرشها
فراس:هااا هي ماماك فاقت ههه
رؤيا:(بنعاس)هه صباح الخير
مدات يديها كتلعب فشعرو وهو زاد طلع حتا تقاد فوق منها وجهو مقابل مع وجهها وكيبوس فيها صدرو عريان لابس غير الشورط وريحة الدونتيفريس عاطية من فمو والورد مترش على جنابهم
فراس:ههه وينووو على لهبيلة اتبكي ههه نتي ماااسخة يله بكي
رؤيا:انهننن اهئ
فراس:شششش هههه ما تبكيش الحمقة غير كنضحك معاك..شنو فيها هاء!!نتي ماااسخة والماسخة دياالي وحلااالي وفاش تكوني معايا ديري لي عجبك وتمسخي كيما بغيتي ههه..والبارح كانت أحسن ليلة فحياتي مع حبيبتي ومرااتي لحلاوة دياالي
رؤيا:(غلباتها الضحكة)ههه
فراس:وا هااكاك يرضي عليك وريني الضحيكة..ما عندك علاش تحشمي بلعكس البارح عجبتيني وعجبتيني بزاااااف..وغييير عولي من دابا لفوق كل ليلة ادوز فحال ليلة دالبارح ههه
رؤيا:لا والنبي يا شيخ!!باغي تقتلني ناقصة عمر..البارح ما رخيتي مني حتا سخفت نهار ياخور ما ترخيني حتا نموت
فراس:ههههه ما تخافيييش الحلاوة عمرها ما كتقتل بلعكس الحلاوة كتطول فلعمر وكترد الروووح وكتقوي القلب وكترجع الواحد شبااااااب احححح(باسها)ما كنشبعش منك
رؤيا:هههه نوض اسي الشباب وخليني نوض ههه
فراس:اخخخ من بعد هاد الضحيكة حسيت براسي شرفت..ودابا ضرووووري خاصني نرجع سنيني لي ضاعو
خشا راسو فعنقها كيبوس بلهفة وهي قابطالو فراسو كتحاول تبعدو حيت كيهرها وكتعوج عنقها..طلع لفمها وحناكها وصوت قهقهاتها كيزيدو يهيجوه بقا هاكاك معاها كل مرة يبوس فقنت حتا بدات كتجاوب معاه والشمس ضاربة فيهم من البالكون والورد فكل جيهة وصوت اهاتهم وقبلهم طغى على داك الصمت السائد فالبيت
تلاح حداها كينهج والعرق كيقطر منو وهي حالتها ماشي حسن منو فشلانة ومغمضة عينيها كتنفس بسرعة..دور عينو لمعسلين شاف فيها وجرها عندو حطها على صدرو فصمت وهزات يديها ببطء حطاتها عليه كدوزها على الزغب الرطب لي فصردو وهابط مع كرشو بخط رقيق..حتا ارتاحت عاد هضرات
رؤيا:فراس؟
فراس:(كيلعب فشعرها)حبيبة فراس..شنو؟
رؤيا:ههه اححم..دابا فنظرك شمن لبسة نحضر بيها واش واحدة من هادوك لي عندي ولا نشري شي واحدة جديدة..اممم ما عرفتشي!
فراس:(طلع حاجبو)دابا علاش جابدة هاد الموضوع عاود..ياك سديناه البارح ولا لا؟شفتي راسك حضارة بعدا بقالك غير التكاشط
وقفات التسجيل الصوتي ورجعات شافت فيه حابسة الضحكة وهو قدامها اينفاجر عاقد حجبانو كيطلع ويهبط فيها بعينيه بسرعة
رؤيا:عقلتي دابا؟
فراس:(بغضب)شنو هااادشي؟
رؤيا:كيما سمعتي..ايوا عاود قولي ما قولتيشي وما بقيتيشي عاقل..ياك هذا صوتك نتينا..ويانا سقسيتك ونتينا قلتيلي اه..سمعتيها ياك؟
فراس:(تحت سنانو)شنوو زعما دابا سحابك تفليتي عليا..دخلتيلي هادي فهادي باش ما نعيقش زعما وطلعتي معايا القالب ولا كيفاش!!حاسبة راسك مطوووورة!
رؤيا:(كتمسكن بعينيها وتلحن فصوتها)لااا احبيبي والله ما قصدت هايداك..يانا غيير بغيت نعملك خاطرك باش تعملي خاطري ما قصدتشي نتفلا عليك ولا شي حاجة..حااااشة نعملا.. اصلا واخة نبغي نعملا عاااارفاك ما كدوخشي راه غيير حيت خفتك تنسى كيما وقعلك دابا عليها سجلتو..ما كانت فنيتي واالو
فراس:هه لا ما عندي ماا نسالك كتفكري تبارك الله وضااربة حسابك زعما..شابو برافو عليك(حط يد على جنبو ويد على ذقنو كيحك لحيتو بعصبية)
رؤيا:شني دابا..اتخليني نمشي ياك؟
فراس:(بغضب)لا
رؤيا:وعلااااااش!!ياك قلتيلي اه وسمعتيها بوذنك..شني دابا اتقلب عليا انهنننن لا نتينا ما اتعملاشي نتينا عطيتيني الكلمة
فراس:عطيتك لخرى انا ماشي لكلمة
رؤيا:اهئ حرام عليك..ياك ديييما كتقولي الكلمة الا خرجات من دقمي ما كنرجعشي فيها وشعندك دابا انهئ
شاف فيها بنص عين شوفة قاصحة كيحك فلحيتو وهزها دوزها على شعرو ورجع شاف فيها بغضب مرة أخرى وضرب لبلاكار برجليه
فراس:تفووووووو
قلب الدورة دخل بحالو للحمام وزدح الباب على حر جهدو وخلاها هي فبلاصتها كدور فعينيها..تعصب حيت حس بيها فحال الا شمتاتو وهو بصح ما عقلش على داكشي حتا سمعاتو التسجيل..حس بالشمتة وما رضاش أنها استغلات ضعفو قدامها
بعد مدة خرج ما شافش جيهتها فمرة ملوي فوطة على نصو وصدرو وشعرو هابط معاهم الماء توجه مباشرة للبلاكار كيجبد حوايجو ويحط..ناضت ملوية عليها لغطاء وكتشوف فيه كيفاش معصب حتا بغات تزيد تهضر معاه ورجعات دارت بناقص وهزات كتافها ودخلات للحمام..وقفات تحت الرشاشة كدوش وتغسل شعرها حتا سمعات الباب تزدحات وهي تزرب دغيا شللات وتوضات وخرجات ببينوار وفوطة فالاحمر كدور عينيها فالبيت ما لقاتوش
زينب:لا فراس خرج عاد دابا..ما بغاش حتا يجلس يفطر قالك مزروب..شفتو معصب ما نعرف مالو واقيلة واقعلو شي بروبليم فالخدمة
رؤيا:كيفاش مشى!!هاء لا اووووووف
رقية:ههه واييييه مشى..علاش بغيتيه يخدم غيير معاك ههه راه السيد عندو شغالاتو خاصو يئابلهم
زينب:هههه بعدي من البنت
رقية:ههه ها هي سكتات..ونتين اتبئى وائفة تما زيد ههه زييد تاكل
تنهدات وقربات للطبلة حشمانة ومعصبة فنفس الوقت وجلسات حداهم كتبرد فقصتها فلماكلة ولكن سرعان ما اندامجات معاهم فالحديث والضحك وتناسات..سالاو فطورهوم وناضو خرجو للجردة يجلسو الجو كان بارد شوية..جو ربيعي مشمش وهواه بارد..بقاو هضرة تجيب ختها وهي مرة مرة كتصوني ليه وما كايجاوبهاش..طلعلها الزعاف وحطات تيلي ما رجعاتش صونات.. ناضو صلاو الظهر وتجمعو عاود كيتغداو وهي حتا كتبغي تصوني عليه وترجع تحبس راسها..هاكاك داز نهارها حتا وصلات 9:30 دالليل تعشاو وسالاو وهو ما جا ما عيط..تشطنات عليه وطلعات لبيتها بدلات لبسات سيرفيط كولون أسود مع طوب اسود وجاكيط حمراء مهبطة النص فالسنسلة وصدرها باين..بقات غادة جاية فالبيت والساعة كدوز حتا ضربات العشرة ووالو هزات تيلي كتصوني عليه وما جااوبهاش كتشدها غير العلبة الصوتية عاودات وعاودات ووالو..شداتها البكية وما عرفات ما دير..وقلبها تقبض عليها بقوة الخوف وفيما كانت شي فكرة خايبة طاحت عليها..ندمات على الساعة لي عصباتو فيها وخلاتو خرج هاكاك..حسات براسها مخنوقة وهي تخرج للبالكون كتسناه
جلسات فوق الكرسي قبالة باب الفيلا كتسناه يدخل ومزيرة على فمها باش ما تبكيش..رجعات جربات تعيطلو ولكن بقات كتشدها غير العلبة..برد الحال ونسمات الليل ديال جو الربيع كضرب فيها طلعات السنسلة حتا لعنقها والتبوريشة شاداها..هزات راسها لسماء لي مغيمة شوية ونجومها قلال وبدات تدعي فخاطرها حتا حسات بدموعها هابطين..وقفات حاطة يديها على لحديدة وعينيها غير مع الباب وعينيها حمارو كل شوية تقول ها هو ايدخل..جاها البرد بزاااف ودخلات جابت غطاء سخون وجلسات فوق الكرسي جامعة رجليها عندها ومغطية كتبكي فصمت..وكل شوية دوز يديها على صدرها وما هداتش من لي زابيل..عينيها كيتغمضو بقوة النعاس ولبكى وهي مصبرة راسها باش ما تنعسش..عواج عنقها فوق الكرسي وتيلي فيديها جامعاهم لصدرها ونيفها حمار بقوة لبكى ولبرد واستسلمات للنوم..
بعد منتصف الليل تم داخل وسيارات رجالو تابعينو..تصافو وحدة مور ختها ونزل عاقد حجبانو كيخلف بالزربة ودخل للفيلا وطلع مباشرة لبيتو..فتح الباب ورجع سدها بشوية وتقدم بخطوات بطيئة كيشوف فأرجاء البيت وكيقلب عليها بعينيه استغرب وقرب من باب الحمام فتحو ما لقاهاش فيه زاد كمش جبهتو كيسوط ويفكر فين تقدر تكون مشات..وقف فمنتصف البيت كيشوف فيه بعصبية وهو طيح عينو على خيال شخص مور الزاج دالبالكون قرب بخطوات متسارعة حتا وقف فوق راسها كيشوف فيها بأسى وهي ناعسة مكمشة ومعذبة دار شاف جيهة الباب دالفيلا لمقابلة معاها ودوز يدو على شعرو وهبط جلس قرفصاء قدامها كيتنهد..حط يدو على خدها لقاه بارد وناض وقف حط يدو تحت عنقها ويد تحت ركابيها وهي تقفز بين يديه مخلوعة قبل ما يهزها
رؤيا:ما بق..بقيت باغية لا عرس لا واااالو انهننئ اهئ اهئ ما انمشيشي غغغ غير ما تعاوداشي اهنهنئ كنت غانمووت بالخلعة اهنههئ ما نبقاشي نعصبك غيير ما تخلينيشي اهئ تهئ اهئ حراام عليييك انهننئ اهئ فاين كنتي النهار كاامل ما كتجاوبنيشي اهنهئ اهئ زيالي وقعاتلك شي حاجة اهنهئ اعععننهئ
فراس:متأ..ششش صافي احبيبة هانا حداك(باسها من راسها)ششش بركة من لبكا..اجي ندخلك البرد عليك هنا(هزها بين يديه وهي لاوية عليه كتخنصص ما بغاتش طلقو)علاش جالسة تما غاتمرضي..شوفي كيبردتي
رؤيا:انهننئ اهئ اهنههئ اعععنهئ
تنهد وحطها فوق الناموسية وغطاها مزيان وهي مزالة معنقاه وخاشية راسها فيه كتبكي وهو كيسكتها جلس حداها وجرها عندو لصدرو عنقها
فراس:الله يهديك صافي سكتي بركة
رؤيا:(حركات راسها بالنفي)اههئ انهنئ فاين كنتي ومخليني كنتسنا فيك فحال الحمقة..كنعيط ما كتجاوبشي وفلخر طفيتيه فمرة خليتيني انتسطى اههئ اهئ واخة تكون معصب مني ما تعمليشي هايدا اهنهئ اهئ
فراس:(تنهد)راه ماشي لخاطري ما درتاهلكش بلعاني
رؤيا:يانا ما بقيتشي انعصبك اههئ اهئ ما بغيتينيشي نمشي للعرس صافي ما نمشيشي اهنهئ اهئ غير ما تخلينيشي اههئ خفت تكون وقعاتلك شي حاجة افراس اهنعئ اهئ والله حتا نموت موراك
فراس:شش صافي الكبيدة ديالي..فاش خرجت فالصباح مشيت غير للغابة كنصيد بغيت نبدل ساعة بخرى..ولكن خرجاتلي شي خدمة على غفلة ومشيت لمراكش نقضيها وكنت داير تيلي سيلونس ما سمعتوش حيت كنت معصب وما باغي نهضر مع حد حتا ديشارجا عليها كيعطيك طافي..ونسيت ما عيطتش ليك علمتك راني انتعطل كنت مشطون وغير ساليت شديت الطريق ودابا عاد كي وصلت
رؤيا:لا كان خاصك تفكر انهنئ اهئ ما خاصكشي تنسى..واش هادي حاجة ينساوها الناس اهنهئ اهئ اولا صافي ما بقيتشي كنهمك ياك؟نخاف نتخلع نموت آخر همك ياك اههئ اهئ
فراس:اوووف والله يهديك ارؤيا..صافي سكتي بلا ما تمرضي راسك وتمرضيني معاك..راه gلنالك نسينا وفاش تفكرت كنت شاد الطريق قلت صافي بلاش..واصلا كنت معصب منك ما سحابنيش انلقاك كتسنايني
رؤيا:(شافت فيه بحزن)تسنيتك افراس..تسنيتك النهار كامل وما عبرتينشي اهئ انهئ حتا لهاد الدرجة عصبتك..يانا ما كنتشي قاصدة نعصبك اهنهئ غير كنت باغة نمشي نلعرس وصافي..(دورات يديها على كرشو حاطة راسها على صدرو)بلحق دابا ما بقيت باغة واالو بغيتك غير تبقى حدايا اهنهئ
فراس:ااااااه(تنهد)صافي سمحيلي احياتي..كون سحابني نلقاك فهاد الحالة ما نمشيش انا كاع.. ششش ما تبكيش الله يرضي عليك هاني دابا حداك ما عندي فين نمشي(حط يدو على وجهها)اووووف باردة ارؤيا اتمرضي..علاش جالسة تما ساط فيك البرد حتا شبع
خلقت له الجزء 14
محتوى القصة
التنقل بين الأجزاء