رؤيا:(بترجي)حراااااام عليك اههئ انههئ عافاك ما تعملشي فيا هادشي نتينا اههئ اههئ(هزات عينيها فيه ومسحات دموعها بكمامها وخدات نفس عميق)عرفتي شني..على ما فخيلك سرجو وركب عليه..من هادشي كاااامل نتينا ما فيدك(بحروف متقطعة)و..ا..ل..و وباغي غير تخوفني..ويانا ما انعطيكشي هاد الفرصة سمعتي..وداك حبيب القلب هو لي ما انتفارقشي عليه ونتينا هو لي عمري نزوج بيه او نكون ليه..(مسحات تحت عينيها ووقفات شيراتلو جيهة الباب)ودابا براااا..خرج علياااا!
فراس:(شاف فيه مخنزر وطالعلو لخز وكيحك لحيتو)امم مزيان..اوك هانا انوريك واش فيدي ولا لا!!
وقف فراس ودار جيهتها وجرها من يديها بقوة وهي كتعفرت معاه وتنتر حتا وقفها قدام السرجم لي كيطل على الشارع.. ووقف موراها شادها من دراعها وحاكمها قدامو وهي كتحاول تفلت من بين يديه..
رؤيا:رخي مني المشعوووط ياخور..زول يديك وبركة من اللعب..اووف اههئ ضريتيني..
فراس:(قبطلها الفك ديالها بقوة وعلالها وجهها حتا تقابلو عينيها مع العمارة مباشرة وهضر تحت سنانو)حنا عاااد بدينا اللعب الغزالة..ودابا علي عينيك بغييتك تشووووفي فيها..وبالتحديييد فليطاج الخامس..وردي البال للبالكون مزياااااااان..
رؤيا:شني فيه ما كا..😳
فراس:(بسخرية)ههه شفتي!
رؤيا:(بلقات عينيها بصدمة)لا ما يمكنشي..
فراس:لا يمكن ههه شفتي دابا شنو فيدي..ودابا هداك راه مقابل غير ديدو ديالك سمعتيييي..وكيتسنى مني غيييير اشارة..(حط يدو على راسها على شكل مسدس)وبوووووووم هههه
رؤيا:لا لا لا عافاك لا نتينا كضحك هه لا اهنهنهههئ اهئ عااااافااك لاااا اهئ..
فراس:(دورها عندو بقوة حتا نقابلات معاه)شوفي فيا مزيااااان واش كنبانلك كنضحك😡..ودابا طلقيني دغيا يا اه يا لا ما انبقاش نتسنى بزاااااااف..اصلا هاد القضية خذات كثر من وقتها وانا ما عنديش الكانة وما مساليش نبقى مقابلك غير نتي وهاد المرض دياااالك..
رؤيا:(كتشوف فيه بعينيها لي كيبريو بكثرة الدموع لي تجمعو فيهم)نتينا ماشي بنادم اهههئ انهننهئ القتاااااال كيفاش ايعطيك خاطرك تقتل انسان كييييييفااااش..عطيني غير سبب واحد اهههئ غير واحد يخليك مصر انك تزوجني حتا نهاد الدرجة علااااااش..ياك ما كتحملنيشي ايوا علااااش..اهنهنهئ اهئ اهئ
فراس:قلتلك هادشي ماشي شغلك ودابا بيدك يا اما تقولي اه ويبقى عايش ولكن بعيد عليك...او تقولي لا وفهاد الحالة..راكي عارفة(نعتلها بعينيه جيهة السرجم)
رؤيا:يااااا ربي اهننهئ اهههئ الله ياخذ فيك الحق..اههئ اههئ خرجتي فحياتي قلبتيها.. الله يااااااخذ فيك الحق الظاااالم(كضرب فيه)كنت هاااانية حتا جيتي وشقلبتيلي حيااااتي اهنهننئ اهئ
فراس:(شدلها يديها بقوة)رصااااااااي..ودابا من اللخر شنو كتقولي..اااااه او لااا!
شاف فيها مطولا وهي كترجاه بعينيها ودفعها عليه ورجع شوية لور وجلس على الحرف دالبيرو وربع يديه كيطلع فيها ويهبط
فراس:اممم شنو مزالة كتفكري
رؤيا:شو عاااافك طلب اي حاحة ياخرا اهههئ لي بغيتيها يانا معاك انهنهئ اههئ ولكن هادي لاااا ما نقدرشي ما نقدرشي اههئ
فراس:(بجدية)شنو نفهم دابا انا من هاد الهضرة...واش اه او لا!!
فراس:(خنزر فيها)ما نصحكش تجربي صبري..حيت غاااادي تندمي..ودابا طلقي المرض ذغيا واااااش اه او لا!
رؤيا:(شافت من السرجم وكتشوف فالرجل لي هاز بندقية فيدو مصوبها جيهة لكلينيك وهي كتشهق وتبكي)اهنهنننئ اهئ يااااااااا ربي...اهههى اه اه ااااااااااااه(حطات يديها على وذنيها)اهنهئ اههههئ غير خلييييييه ما تقتلووشي اههنهئ اهههئ الله ياخذ فيك الحق اهنهنئ
فراس:هههه ما تاخافيش دابا ياخذو..يكفيني راه انتزوج وانتبلى بيك
هي مزالة كتبكي وتنوح وفراس قبالتها جالس على حرف البيرو مخنزر وكيشوف فيييها..وهو يدخل وليد كعادتو كيصبح على رؤيا حتا كيتصدم..
دخل وليد وشاف رؤيا قدامو حدا السرجم واقفة كتبكي وفراس عاطيه بالظهر جالس على البيرو علات رؤيا عينيها وبقات كتشوف فيه وتخنصص وفراس دار بشوية عليه شاف فيه ورجع قلب وجهو كيتبسم
وليد:(جاي بالزربة عند رؤيا وكيهضر مخلوع)..رؤيا حبيبة..شعندك؟؟(قرب عندها وشدلها وجهها بين يديه) علاش كتبكي شع..
فراس:(تحت سنانو)بعد يدك عليها
وليد:(طلق من رؤيا ودار شاف فيه بغضب)شكون نتا ها..؟؟(تواجه معاه بتحدي)شنو عملتيلا؟؟(قبطو من تيشورط)هضاااار..علاش كتبكييييي؟
فراس:(دفعو وهضر بغضب)شد يدك عندك حسن ما نخليك بلاش
رؤيا:(ساكتة ومصدومة متبعة غير النقطة الحمراء لي بانتلها فصدر وليد فاش دخل وفاش دار عند فراس رجعات فظهرو) وو..ووليييد !
وليد:(دار عندها كينهج)حبيبة دوليد..مالك؟؟علاش كتبكي؟(قرب عندها مرة اخرى وكيمسحلها فدموعها ويدوز يدو على راسها)شنو عملك هاااا..هضار!وااااا هضر علاش كتبكي؟؟واش اذاك شنو عملك؟؟هضر(شدها من دراعها كيمخضها)هضااااااار
فراس:(موراه واقف مخنزر وكيسوط وكيشوفو كيحط يديه على وجهها وكينهج)
رؤيا:(غير ساكتة وكتشوف فوليد وتابعة النقطة الحمراء بعينيها فيما مشات حتا حطات على راسو ودموعها هابطين بلا شوار)
وليد:(يديه كيرجفو فوق وجهها)ما تبكيشي..مسح دموعك و هضر شك..
مزال كيهضر حتى حس بشي يد تحطات على كتفو وجراتو حتا دار
فراس:(بغضب)ما تبقاش تحط يدك على شي حاجة كتخصني سمعتييي 😡
وليد:(شنق عليه)وشكوووووون نتا باش دخل نحط يدي ولا نهزها 😡!
فراس:(ضربو براس)هاديك من دابا لفوق رجعات دياااااالي(بغضب وبصوت قوي وعالي وفيه بحة كتخلع)واذا عاودتييي قربتييي ليها نحييييك كتسمع
وليد:(حاط يدو على راسو دايخ)رؤيا؟؟ ششش...شكتقولي رؤيا بلا ما يخلعك..(شاف فراس بغضب)واخة نباتو انا وياه كنتقاتلو..ما ايصور منك وااالو وعمرو يحلم بيك..غير بلا ما تخافي!
رؤيا:(مسحات دموعها وخدات نفس عميييق وشافت فيه مقصحة راسها)نساني عليك يانا وياك صااافي سي فيني
فراس:(يديه فجيبو وكيضحك بالجنب)
وليد:الصمت
رؤيا بدات كتزول عليها لبلوزة بالزربة والبكية قاجاها حطاتها فوق البيرو وهزات صاكها..وقربات من فراس مداتلو يديها..استغرب وخرج يدو من الجيب وقبط فيها
رؤيا:(شافت فوليد لي عينيه حمااارو وكيشوف فيها وفيديهم بصدمة ما متيقش)وليد يانا وياك ما كتابيناشي نبعضنا تسنيتك..وتسنيييييتك بزاااااف..ودابا صافي حياتي انكملها مع فراس ونتينا الله يجيبلك شي بنت الناس احسن مني(دمعتها واقفة على حرف عينيها)سمحلي..(شافت ففراس)مشينا؟؟
فراس:(شاف فيها وجرها وخرجو)
رؤيا خارجة مرفوووعة وغير فراس لي جارها..حاجة وحدة لي فبالها هي وليد..هي صافي سمحات فيه حبيبها لي 8 سنييين وهما مع بعضهم فالحلوة والمرة..تمناو وحلمو وبناو..فلحظة كلشي تهد وكلشي مشى..جرحاتو وعمرو يسمحلها او يغفرلها.. والحاجة الوحيدة لي كتخفف عليها هي انه ما ايتأذاش وما ايضرش واخة بعيد عليها تصبر على فراقو وما تصبرش على موتو
وليد بقى جامد فبلاصتو وعينيه على الباب..فاق من الغيبوبة لي كان فيها وجرى جرية وحدة تابعهم..وكيدفع اي حد جاي قدامو كينهج والعرق هابط عليه ودموعو حابسهم بزز..بانتلو وهي خارجة من الباب تابعة فراس وهو جارها من يدها..تبعها كيجري وما جا فين يوصل نالباب حتا كانو قطعو الشانطي غادين يركبو فالطوموبيل
هي من جيهة وهو من الجيهة الاخرى دالشانطي..جاي كيجري قاطع الطريق غوت غوتة وحدة تسمعات فالشارع كاااامل
وليد:رؤياااااااااااااااااااا
دارت رؤيا شافتو جاي وكيعيط عليها وصااااعر وما هي الا ثواني وكان وليد طاير فالسماء بسبب السيارة لي كانت جاية وضرباتو..ترفع وتخبط مع الارض..وفلبلاصة سالو دماياتو وبلوزتو البيضاء تلونات بلون الدم ديالو
رؤيا:ولييييييييييييييد لااااااااااااا(نترات يدها من فراس ومشات عندو كتجري وهزاتلو راسو كترجف وتبكي وخناينها هابطين والقراصة تفتحات شوية وهبط شعرخا للجنب مرخوف)..وليد وليد هئ هئ هئ ما تموتشي وليد لا لا عافاك..عتقوووووووونييييي هههنئ اههئ هئ شي حد يعااااوني هئ هئ شوف فيا..حبيبي هانا..هناا معاك
بقات كتغوت حتا جابو نقالة من لكلينيك وبالزربة هزو وليد وحطوه فيها دافعينو ورؤيا قابطالو فيدو وتابعاه كتبكي وتزطم فجلايلها..ووقع استنفار عام فلكلينيك حيت وليد معروف فيه وفالنهاية كيبقى ولد مول الشي..دخلوه للبلوك وهو عينو غير على رؤيا وطلق منها بزز وهي طاحت موراه فالارض كتبكي وتنوح وجلابتها الرمادية توسخات بدمو..ورجعات حالتها
حسات بيدين شدوها من كتافها كيهزوها من الارض..كانو يدين فراس..دارت وشافت فيه وهي تبدا تغوت وتضرب فيه وترعرع وشعرها تحل فمرة وطاحت القراصة والممرضين والممرضات وكلشي كيتفرج
رؤيا:(كضربو لصدرو)وااااااا بعد منييييي هئ هئ المجرم القتااااال نتينا السبااااب هههئ نهننهئ كلشي بسباااابك هههئ ههئ هئ عطيني تيقار خرررررررج من حيااااتي هنهننئ هئ خرررررج خرررررج...بعد منيييي هههئ هههئ هادشي لي بغيتي ها هو ماااات..تهنيتي دااابا نهنهئ ههئ ها هو ايمشي ويخليني فمرة ااااااااااااه وليييييد
كضرب وتعاود وكتقمشلو فعنقو وهو كيطاكي بيديه وكيحاول يشدها حتا حكمها وقبطلها يديها وخالفهم ليها ودورها عطاتو بالظهر وزيرها عندو وما نطق بحتا حرف
رؤيا:رخيييي رخييي منييي هههئ ههنئ هههئ بععد يدييييك القتاااال بعد بعد اعععععع(عضاتو من يدو)بعاااااااااااااااد اااااااااااااااااه
غوتات غوتة وحدة حتا تبح صوتها وتقطع وطاحت سخفانة بين يديه ودموعها هابطين ووجهها كااامل فازك وحمر..كلشي مبهوض ولي كيعرفوها كااااملين كيبكيو معاها بقات فيهم وبقى فيهم حتا وليد..هزها فراس سخفانة بين يديه وجرات عندو وحدة من الممرضات كتنعتلو فين ياخذوها..تبعها وحطها على الباياص فإحدى غرف المستشفى والممرضة دايرة بيها وكتقيسلها الضغط وتفحص نبضات القلب وضرباتلها مهدئ باش ما يتزادش عليها الحال..وفراس واقف كيشوف فيها عاقد حجبانو وصدرو طالع هابط ومتبع مع الممرضة وشنو كدير
نعسات رؤيا كتخنصص ودموعها كينزلو من جناب عينيها حتا كيتلاقاو مع شعرها الاسود..وفراس مقابلها واقف عند راسها متكي كتفو على الحيط وحاط يديه فجيابو كعادتو وساهي فيها وفحالتها وعقلو كيدي ويجيب وحجبانو معقودين..
تيك تاك توك..عقارب الساعة ماشة..والوقت كيدوز ورؤيا على حالتها ناعسة وفراس ما تحركش من حداها..جاب كرسي وجلس متكي ظهرو عليه ومربع يديه وكيشووووف فيها بدون ملل..ما حاسش براسو وما حاسش بالوقت لي عارفو خاصو يكون حداها..لأول مرة غادي يتأمل ملامح وجهها وياخذ راحتو وهو كيشوف فيها..من ديما ما كانتش عاطياه وقت يردلها لبال حيت ديما هي وياه منوضينها..بانولو زوج نقيطات كوحل صغيورين وحدة فوق فمها او وحدة تحتو من جيهة اليمين لي من دييما كان ملاحظهم ولكن دابا جات لفرصة يشوفهم عن قرب...قرب شوية وهز صبعو كيدوزو عليهم بشوية..عرفهم خالات حقيقيين وماشي غير راسماهم وهو يتبسم ابتسامة خفيفة بلا ما يحس..ورجع بعد يدو ورجع جلس كيما كان
جات الممرضة دقات الباب ودخلات كتشوف فيه بنص عين..ودارت هزات يد رؤيا كتقلبلها الضغط..فراس ما هزش عينو فيها ومركز غير على رؤيا
شافت فيه الممرضة مبهوضة وهزات راسها وخرجات وسدات الباب موراها وخلاتو جالس..تنهد تنهيدة خارج من الاعماق..وقرب مد يدو مسح دمعة هابطة مع جنب عينها حتا قربات توصل لوذنها وهي ناااعسة..مشات يدو لشعرها.. وهزو رجعولها مور وذنها وبقى قابط خصلات منو وماشي معاهم حتا وصل للاطراف ورخاهم..ورجع تكى كيما كان مقابلها..
تعاشت لعشية وبدى الليل يطيح وهي تجي عندو الممرضة كدق..دخلات وجات قبالتو..
الممرضة:ااا..ميسيو !
فراس:(بلا ما يشوف فيها)هضري!
الممرضة:الدكتور وليد..خرج..خرج من لبلوك..
فراس:(كيحك لحيتو)امممم
الممرضة:وو..نقلوه للانعاش..كيقولو العملية نجحاتلو وواخة عندو كسور كثيرة ولكن قدرو ينقذوه جبرولو رجليه بزوج ويدو وعنقو..وقدرو ينقذو الكبد ديالو..وعندو ردود وكدمات فجسمو كامل تقريبا ولكن الضربة لي فراسو هي لي خطيرة وعملو جهدهم يوقفو النزيف لي كان عندو فراسو ودابا ايخليوه فالانعاش تحت المراقبة تحسبا لأي نزيف ياخور ويشوفو حالتو واش استقرات!
فراس:اوك!
الممرضة:(سرطات ريقها)مم..مسيو!
فراس:(هز عينيه فيها بشوفة قاصحة)
الممرضة:غغ..غير بب..بغيت نقولك على مدموزيل رؤيا!!
فراس:(باستغراب)مالها..؟
الممرضة:زعما..واش تبغي نبدلها حوايجا..اذا بغيتي تقدر تجيبوملا وو..ويانا نبدلا..ما تبقاشي بهادو فيهم الدم!!
فراس:امم اوك..غير سيري دابا
الممرضة:وو..واخة
من بعد ما خرجات الممرضة هز فراس تيلي ديالو وعيط لواحد من رجالو يجيبلو شي بيجامة نسائية وملابس داخلية وعطاه القياس ديال رؤيا من بعد ما خمنو..وقطع عليه..
دازت ساعة كان احد رجالو تما مع زوج اكياس فيديه..عرف مكان فراس غير من GPS لي ديما خدام بينو وبين رجالو تحسبا لأي مشكيل ووصلو حتا لغرفة لي هو فيها..دخل حط الاكياس حدا رجلين فراس وانسحب بصمت..
هز فراس يديه وضغط على بوطون ازرق فوق راس رؤيا حدا الناموسية..وهي تجي عندو الممرضة كطير..دخلات نعتلها جيهة الاكياس وناض وقف كيطل من السرجم على الشارع وعطاهم بالظهر..
الممرضة هبطات الريدو ديال النافذة لي كطل على الكولوار وبدلاتها..زولاتلها جلابتها ومسحاتلها حالتها..بغات تزولها كولون وهي تلاحظ بلي عاملة الفوطة الصحية وخلاتولها..وهزات سروال بيجامة خفيف فالاصفر بارد لبساتولها..ومن الفوق طوب نص كم فاللون الازرق ملكي..جمعاتلها شعرها من على عنقها باش ما يصهدهاش وغطاتها وجمعات جلابتها المطبعة بالدم خشاتها فواحد من دوك الاكياس وحطاتو حدى الحيط..وفراس واقف ما تحركش وما دارش شاف جيهتهم..
الممرضة:ميسيو ساليت!
فراس:(ما دارش)
الممرضة:اوك ميسيو اي حاجة عيط عليا..يانا فالخدمة!!
من بعد ما سمع الباب تسدات..دار بشوية شاف جيهتها و تنهد.. ورجع جلس على فوطوي حداها من الجيهة الاخرى فاللون الزيتي..وحط راسو عليه كيشوف فالسقف..زول الكاسكيط حطها حداه..ورجع شعرو لور بيدو وطل على رؤيا لقاها مزال ناعسة ورجع لنفس الوضعية وغمض عينيه ويديه وحدة فوق يد الفوطوي ولوخرا حاطها فوق فخذو وفاتح رجليه..
النهار كلو دوزو غير فديك الغرفة قبالتها..كينوض يتوضى فالحمام لي تما ويخرج يصلي ويرجع يجلس فبلاصتو..
هز راسو وشاف الليل طاح ورؤيا مزالة ناعسة..دوز يديه على جبهتو كتعبير على العياء وناض وقف كيخلف تمشى جيهة الزر الازرق ضغط عليه ورجع جلس فالكرسي لي كان جالس عليه..ما هي الا دقائق كانت الممرضة واقفة قدامو..
الممرضة:وي ميسيو؟؟
فراس:(حاط المرفق ديالو على ركبتو ويدو على جبهتو)تاصلي بعائلتها وgوليلهم بلي عندها بيرمانوص هاد الليلة او اي حاجة مهم مشغولة وما اتجيش..
الممرضة:اوك ميسيو..(تمات خارجة)
فراس:تسناي!
الممرضة:وي!!
فراس:جيبي معاك شي كينة تخفف علي حريق الراس..
الممرضة:واخة..تو دو سويت..
خرجات الممرضة ورجعات جايبة معاها بلاطو صغير فيه كاس دالماء وكينة دالراس منزلة فوق قاعدة صغيرة من البلاستيك..مداتهالو شربها ورجعات خرجات فحالها..عيطات نالرقم لي عندها دعائلة رؤيا لي كيكون مسجل حتا هو تحسبا نأي حدث طارئ..وجاوباتها هنية علماتها بلي هاد الليلة رؤيا خدامة ساعات إضافية وقطعات..
فراس من بعد ما خرجات هز تيلي ديالو و دوز رقم حسن..
فراس:(بتعب)الو
حسن:الو ولدي..فاينك تعطلتي؟
فراس:امم..ما انجيش الواليد هاد الليلة
حسن:علاش ياك لباس.؟
فراس:والو والو..غير خرجلي شي شغل وخاصني نقضيه هو لول
حسن:واخة اولدي الله يعاونك..وفوقاش اتسالي..؟
فراس:(هز عينو فرؤيا وتنهد)ما عرفتش يمكن فالصباح..مهم على حسب
حسن:واخة واخة اولدي..يله ربي معاك ما نشدكشي على خدمتك..بسلامة عليك
فراس:بسلامة
قطع عليه ورجع تيلي لجيبو..دور وجهو للجنب وحط يدو على فمو على شكل قبضة وكيكح..ورجع كيسرح حلقو
فراس:احم احححم
سمع صوت انين ضعيف دار شاف فيها وهي تبانلو كتحرك بشوية وكتجمع حجبانها وترجع طلقهم وكتحل فمها شوية وترجع تسدو كتسرط الريق..عينيها كيتفتحو شوية بشوية وكتستوعب شنو داير بيها هزات يديها وحطاتها على راسها كتوجع
رؤيا:اي ايما راسي..اه(هزات راسها كتشوف فالغرفة)شكانعمل هنا اااااه..(شافت ففراس حداها و هما يتحلو عينيها وشهقات وبدات تخنصص) هييييييييه ولييييد هئهئ هئ وليد..هههئ هئ
هزات لغطا عليها بغات تنوض وهو يشدها من يديها حابسها..وهي كدافع معاه وتغوت وكتحاول تنتر منو وهو كيتجابد معاها
شدها معنقها من الخلف وكيحاول يهدنها ويكالمها وهي والو غير ما كتزيد تعافر وتمرغلو فالارض وتنقز وتغوت على حر من جهدها حتا نقزات بين يديه وتعلات لفوق وضرباتلو للفك ديالو براسها بقوة ومزالة كتغوت وتشالي بيديها ورجليها..
فراس:(بغضب)رصاي الله ينعل الكلبة دمك رصاااااي..(مدور يديه على كرشها وهي كتنقز)
رؤيا:وااا بعد منيييي رخي يديك هننهئ هههئ نهنهئ مااااا خاصوشي يموت لا لا ههئ هههئ هئ وليييييد..بعد يديك عليا القتاااال بععععععد اههههئ اننننهئ هئ ولييييييييييييد
شاف حتا عيا وهي ما بغاتش تكالما وخافها ترجع تسخف مرة اخرى وطراااااااخ..تسمع صوت طرشة فالغرفة ومن بعد منها السكات..فراس دورها عندو وهي كتغوث وجمعها معاها حتا طاحت فالارض ساقلة شادة فحنكها وكتخنصص
فراس:(بغضب وكينهج)مال الكلبة دمك ماااالك..قالبة علينا الدنيا بلغوات والترعيع هاااا..داااك خروووووطو ديالك مزال عايش غير تهناااااي(شدها من ذراعها حتا تهزات ورماها فوق الناموسية)سهطي هنا وقطعي الحس..ما نسمعش صوتك فهمتيييي..وتحركي من تما وتشوفي..انضرب لجد بوك شي شوكة فقزيبتك باش ما تعاوديش طيري
خنزر فيها ودور وجهو كيحرك الفك ديالو لي ضرباتو فيه وهي بقات ساهية كتشوف قدامها فصمت كأنها عاد فاقت من الصدمة من مور ديك الطرشة وهزات عينيها فيه كتهضر بنبرة ترجي كانها كتمنى ما تسمعش داكشي لي فبالها..
فراس:استغفر الله..(تنهد وخرج النفس على نيفو)ما ماتش ما وقعلو والو
رؤيا:ههههئ ههئ كتكذب علياااا..كيفاش ما وقعلو والو هههئ ههئ والاوطو لي ضرباتو..نتينا كذاااب
فراس:(دوز يديه على وجهو)اووووف..ما وقعاتلوش شي حاجة خطيرة تجاوز مرحلة الخطر ومخليينو كيرتاح..وعندو شي تهريسات وشي ضرابي وصافي..مزال مزاحم معانا فوق الارض غير سكتي بلا بكى راسي ايطرطق ما ناقصكش
رؤيا:بغيت نشوفو ههئ بعد خليني نمشي عندو هههئ ههئ ما انرتاحشي اذا ما شفتوشي هئ هئ
رؤيا:(شافت فيه وعينيها كيدمعو ونترات يديها منو)شني باغي عاود!
فراس:اتكون هادي آخر مرة سمعتي..آخر مرة تشوفيه فيها او تجي جيهتو..من دابا لفوق اتصرفي على اساس انك مراااتي.. وشي حاجة سميتها وليد اتمحيها من حياتك..فمرة(كيبرك على الحروف كانه كيأكد)
رؤيا:(قجاتها البكية وحبساتها وهزات يديها مسحات دموعها)واخة اتكون اخر مرة..ولكن حتا نتينا اتكون اخر مرة تجي جيهتو او تقرب منو كتسمع..ما بغيتوشي يتآذا..يكفي لي وقعلو بسبابك
فراس:ما حدك بعيدة عليه..وكديري داكشي لي بغيت ما انقربش ليه
رؤيا:اوك..اتفقنا
خشات صباطها الرمادي فرجليها بالزربة لي جات بيه كان منزل حدا الناموسية ودازت من قدامو خارجة وهو متبعها بعينيه حتا وصلات الباب فتحاتو وخرجات هي مزالة فالكولوار حتا حسات بشي يد جراتها ورجعات دخلاتها للغرفة
رؤيا:(بعصبية)شعندك؟علاش شبرتيني..رجعتي فكلامك ولا!!رخيييييي مني(نترات يديها وبغات ترجع تخرج وهو جا موراها وحط يديه على خصرها وقرب لوذنيها)
فراس:عمري ما عطيت كلمة ورجعت فيها هادي عمرك تنسايها..ودابا غا دخلي حتا تبدلي هاد لحوايج وعاد ديك الساع سيري
رؤيا:(شافت فحوايجها)ونتينا شغلك!!نمشي بلبيجامة ولا نمشي حتا عريانة ماشي شغلك كتفهم..ودابا زول مني اوووف خنقتيني(بغات تنساحب من بين يديه)
فراس:(زير على الخصر ديالها)gلتلك رجعي وجلسي حتا تبدلي عاد اتمشي اولا انديرو بناقص حنا كاع
رؤيا:(زولاتلو يدو بالنترة ودخلات مغددة وكتشوف فيه بغضب)هاني يله فاينيا جلابتي..وديالمن هادشي لي لابسة؟
فراس:(جبد تيلي كيكتب)جلابتك توسخات..والحوايج انا جبتهم..شي حاجة اخرى(رجع التيلي لجيبو)
رؤيا:وشكون بدلي هااا😡
فراس:غير تهناي ماشي انا!
شافت فيه بحقد طلعات وهبطات وعطاتو بالظهر وجلسات فحرف الناموسية كتفيبري برجليها بالها غير مع وليد وكتبكي وحريق الراس فارعها وهو مشى جلس فالفوتوي مقابلها من بعيد..حتا دخل نفس الراجل لي جابلو الحوايج فالصباج هاز مجموعة اكياس اخرى حطهم وخرج..هزاتهم بالزربة ودخلات للحمام كتخنزر فيه وزدحات الباب موراها..فتحات الكيس كتشوف شنو فيه وهي تشوف سروال اسود دجين وتريكو واسع وخفيف طويل حتا لركبة فالاحمر وصباط وملابس داخلية وفوط صحية..
رؤيا:شني هادشي!اواعدي اولويز..هييييه مناين عرف؟!اواعدي لا لا يا ربي ما يكونشي لي فبالي انننهئ(بدات كتزول السروال ديالها وتهرنن وهزاتو كتقلبو)هيييييييه ويلي ويلي وييييييلي..اواعدي على شوهتي اننننههئ(شافت بقعة حمراء واضحة فالسروال من اللور)الله يخليها سلعة تفووووو يعطيك غبارة اهئ اهئ
رؤيا:(حاطة يدها على بواني)اوووف صافي ما وقع وااالو عادي اي وحدة كتجيها هادي حاجة عااادية عادية بزاف اه اه عادية..اهنهننن ولكن ماشي عادي تخرجلك قدامو اهئ انننهنن..كرهتتتتتتك كرهتتتتتتك تفو
فتحات الباب وخرجات نيشان بلا ما تشوف فيه تلاقات مع وحدة من الممرضات دايزة فالكولوار وهي تسولها على فين ناعس وليد ونعتاتلها..مشات نيشان كتجري حتا وقفات قدام غرفة الانعاش..فين لقات مو وباه وختو جالسين على الكراسى وشي كيصبر شي..غلبوها دموعها وقربات منهم كتحاول تواسيهم بحكم معرفتهم بيها ولكن عمرهم عرفو بالعلاقة لي بينهم كانو ديما حاسبينهم اصدقاء وزملاء عمل..عنقات مو وبداو يبكيو بزوج وتزادت معاهم ختو والاب كيسكت فيهم..بعدات عليهم وناضت وقفات امام نافذة الغرفة..كان قبالتها ناعس فوق البياص مجبد..ورجليه بزوج معلقين وفيهم الجبيرة ويدو مجبرينها ومهزوزة جيهة صدرو..وفجنبو فاصمة كبيرة وجبهتو مدورة بالفاصمة وجهو منفوخ وفيه كدمات وجروح فكل قنت دموعها هابطين وحدة مور وحدة حطات يدها على الزاجة وبقات كتشوووف فيه وخذات وقتها وهي كتحاول تشبع من شوفتو لآخر مرة
رؤيا:(بصوت شبه مسموع)سمحلي سمحلي اننهنئ اهئ اهئ كنتمنالك تعيش مرتاح ووو...وتجبر بنت الناس لي تسعدك هئ اههئ انتوحشك بزااااااااف..كنبغيك..هههئ ههنننئ هئ بسلامة
دارت رؤيا كتبكي وتشهق..شافتو واقف فآخر الكولوار متكي كتفو على الحيط ومربع يدو ومعبس..تمشات حتا وصلات عندو وتنفسااات كتحاوال تحبس البكية طلعاتو وهبطاتو زادت قدامو خارجة بحالها تبعها حتا هو بلا كلمة بلا زوج وخرجو تحت انظار الموظفين لي فلكلينيك كل واحد وشنو كيوشوش حتا ركبو فسيارتو وزادو الطريق كاااملة وهما ساكتين ورؤيا قالبة وجهها وكتبكي فصمت وترجع تمسح دموعها حتا وصلو هزات راسها وهبطات لمراية قدامها كتمسح وجهها من الدموع وكتنش على عينيها باش يبردو وفراس كيشوف فيها..مدات يدها تفتح الباب
فراس:تسناي
رؤيا:(بقات عاطاه بالظهر كتشوف فالسرجم وهضرات تحت سنانها)شنيييي؟
فراس:فاش نكون كنهضر معاك شوفي فيا كتفهمي!
رؤيا:(عضات على سنانها وخرجات الريح من نيفها ودارت)واخة دابا شني بغيتي؟
فراس:انتافقو على شي حاجات
رؤيا:علاش مزال ما تافقنا!
فراس:لا مزال..اول حاجة هاداك لكلينيك اضربي عليه فخطرة
رؤيا:اصلا ما كنتشي عوالة نبقى تما غير تهنا هادشي لي كاين
فراس:ثاني حاجة دابا اندخلو..وانgولولهم بلي نتي موافقة على الزواج لي ايكون من دابا سيمانة مفهوم
رؤيا:شنيييييي سيماااانة؟!تفووتيتي فمخك ولاااا..شني باغي غير فهمني!
طلعات فيه وهبطات باستحقار وهو مزير على يديه وكارز على فمو وفتحات الباب وزدحاتها فوجهو وخلات الشياط خارجلو من وذنيه..دخلات كتصطنع الابتسامة وعينيها باين فيهم لعيا..لقات هنية فالكوزينة كتغسل لماعن لي تعشاو فيهم.. وابراهيم دخل ينعس فحالو..دخلات سلمات عليها وطلعات ترتاح فبيتها..غير دخلت للبيت سداتو عليها بالساروت وتلاحت على الناموسية كتخنصص خاشية وجهها فلمخدة باش ما يتسمعش حسها وكتعض فيها بحرقة وكتغوت فصمت وقلبها كيحرقها..بقات تبكي وتطلب الله حتا داتها عينها ونعسات بحوايجها
طلع الصباح وطلعات شمسو..وتسمع صوت فدار رؤيا خلاها تفيق..حلات عينيها بشوية ودرقات بيديها الشعا لي جاي من الشرجم..ناضت تجلسات بشوية وكتحاول تأكد من الصوت لي كتسمع..ناضت وقفات بنفس لحوايج لي كانت لابسة وشعرها مخربق وعينيها معمشين بزز باش حالة عينيها هابطة فالدروج بلحفا وما حدها كتقرب وصوت الزغاريت لي سمعات كيعلى..حتا وصلات لصالة وهي تشوف هنية حاطة يدها على فمها وكتزغرت والفرحة خارجة من وذنيها وحداها ابراهيم وحسن..بقات واقفة كتشوف فيهم باستغراب وهما كيشوفو فيها فرحاااانين وغير كيضحكو
هنية:(كضحك)ها لعروسة جاااات صباح الخييير ههه
رؤيا:(باستغراب)ياك لباس شني واقع..؟
هنية:ههه اييه ابنتي عارفاك كتنعسي كتفورماطي ههههه ايوا واقيلة راكي نتينا وفراس تافقتو على زواجكم اولا راه قااااالها لحسن غيير بلا ما تخبي هههه واخة زربتو علينا سيمانة ما كافية لوالو
حسن:ههههه الله يهديك اخالتي المهم هما دابا تفاهمو والتباقي ماشي مشكيل..وفراس راه قالي ما تفكري فوالو اي حاجة خصاتكم فالعرس هوا يتكلف..
هنية:ايوا واخة اولدي راه خاص بزاااف ما يتعمل.. ويانا بنت وحدة لي عندي باغة نفرح بيها ونعملا عرس يطرطق العديان..وهو زرب علينا مالو على حالتو!
حسن:هههه خير البر عاجله اخالتي..وحتا دابا اتفرحي بيها ونعملولها عرس تهضر فيه طنجة كااااملة ان شاء الله
رؤيا:(بعصبية)شفتكم كتفصلو وتخيطو فحال الا يانا ما كيناشي..يانا ما باغة بو عرس غير بلا ما تحمقو راسكم
هنية:شني؟وعلاش ما تعملشي ياك لباس شعندك عندك ليتامى ويانا ما فخباريشي ولا شني!
رؤيا:يانا هضرت وقلت لي عندي..يانا ما باغاشي وصافي
هنية:ايييه شكون لي قالت ما باغاشي العرس..ونتينا فيما تمشي نشي عرس تجيب النمرة دالزيانة والطيابة والتريتور دور عليهم واحد واحد حتا جمعتي بلعة دالنماري وكل مرة تقولي هادي هي لي انعمل فعرسي وتفصل وتخيط..ودابا ما بقيتيشي باغة!!
رؤيا:(بغصة)كل ساعة بساعتا ودابا ما عنديشي كانة لا نتطبال ولا نتزمار
حسن:لواه ابنتي لواه زوج عوينات لي عندنا غير نتي وهو ما نفرحوشي بيكم
هنية:غير خليها تقول لي بغات ويانا انعمل لي بغيت ايوا صااافي بغيتي رحمة مراة العشاب تشبع علينا هضرة فالحومة..تقول انخرجو لميت من الدار..عرفتي شغاتعمل مشي دابا غسل وجهك وقاد حالتك وعاد اجي نهضرو راه مزال مشبر فيك النعاس
رؤيا:راه غير كتعييو راسكم شي عرس ما ايكونشي نكتبو العقد ونجمعو ونطويو..عاد يانا نوض نتقبز فوق العمارية..هضرة واحدة قلتها وصافي..سدات مدام!
هما كيهضرو وابراهيم هاز كاس اتاي فيدو مكونسونطري معاه وما مسوق لا لي بغى يتزوج لا لي بغى يطلق..
هنية:اوا ولله حتا تعملو كتسمع واتقبز فوق العمارية وتعمل نلعيالات باي باي وتسيب الحلوى والورد وانشريلك شي حاجة د الحلوة قاصحة بغيتك تسيبا تجيبا فوق راس سعيدة الخياطة باش نوريها الجلابة لي ضيعاتلك..وزيد عليها ديك الدوووبة دكريمة الطيابة مولاة لحمام هي لي انبرعا انجيبلك شي مورصو دالسكر كبير وعملو فوسط الحلوى بغيتك تجيبولا بين عينا حتا يحوالو..نوريها على الهضرة لي قالتلك لواه شني اللحم كاين ولي ياكل الله يجيب
رؤيا:(حشمات قدام حسن وابراهيم)عزيييييزة شكاتقول..
هنية:شني قلت راه هي لي قالت يعطيها اللقوة..بقات تابعاك بعاينا حتا طحتي كنتي اتجي فالبرمة وناكلو اللحم مسلوق ديك الساع
رؤيا:😳
طلعات رؤيا كتجري حشمات قدام حسن لي حنا راسو ما طلعوش وهنية مخشعة كتحلف فكل وحدة مسبقة فيها العيب..حتا نغزها ابراهيم كيسكتها عاد فهمات راسها وقلباتها ضحك
هنية:لواه ابنتي شمن خدمة دابا عيطلم قولوم ما ماجاشي ولا شبر شي كونجي راه خاصك توجد راسك دابا و سيمانة دغيا طير وفلعشية ان شاء الله انتجمعو نعملولكم خطيبة غير بيناتنا وخاصك تقاد راسك ونوجدو لعشا وداكشي لي ايخص ومزال خاصنا نخرجو نشريو الدهاز ديالك ومزااال عطا الله ما يتقدى
رؤيا:(بعصبية)ومالنا على هادشي كامل..زدتو فيه والله
هنية:ايييه ابنتي..دتبا زدنا فيه حيت بغينا نفرحو بيك ياك!
رؤيا:اوووف..صافي دبرو راسكم!يانا اصلا ماشة غير نقدم استقالتي غير تهناو
هنية:استقالتك؟علاش واش ما خلاكشي فراس تخدم؟
رؤيا:(تحت السنان)ايوا صافي داكشي لي بقالو..لا ماشي هايداك غير بغيت نتحول من تما وصافي
هنية:فيها خير ابنتي مهم يانا انمشي هي هاديك نسالي يانا تكون نتينا جيتي..يله مشي تفطر ها هي لحريرة لي كتعجبك فالكاصرونة سخونة ما تمشيشي بلا فطور
رؤيا:(تنهدت)واخة واخة
خرجات هنية مشات ورؤيا قلبات الدورة دخلات نالكوزينة نزلات لحريرة فزلافة وحطاتها سالات وناضت هزات صاكها وخرجات..هبطات وخذات نفس عميييق ودخلات كتسلم على اي واحد تلاقاتو وكتودعو فنفس الوقت دخلات للمكتب ديالها وجاو فبالها كاع الذكرايات لي دوزاتهم فيه وخصوصا لحظاتها هي وليد جمعات اغراضها واي حاجة كتخصها وخرجات بكرطونة فيدها والمستشفى كاامل عرف بلي رؤيا الشافعي اتستاقل وكل واحد منين جاي كيسول علاش وكيفاش وهي ففمها كلمة واحدة "غير ظروف" وهما ودعوها وداع حميمي..دازت لمكتب الادارة نزلات ورقة استقالتها ودازت لمكتب الاستقبال كتسول على وليد ما هناهاش خاطرها ما تعرفش اخبارو وما قدراتش تمشي لعندو حيت عارفة راسها اتضعاف مرة اخرى
رؤيا:حفصة
حفصة(موظفة الاستقبال):ختي رؤيا كيبقيتي لباس
رؤيا:لباس اختي ونتينا
حفصة:الحمد لله..بصح لخبار لي وصلاتني صافي اتمشي سخيتي بينا
حفصة:اه الدكتور وليد،علاش ما فخباركشي..ما بقاشي هنا!
رؤيا:كييييفاش!
رؤيا:اه..راه حالتو استقرات الحمد لله وميسوي الغزواني نقلو هاد الصبح للكلينيك لي عندو على برا..جاب طيارة خاصة وسفروه فيها!
رؤيا:الصمت
حفصة:هييهو رؤيا..واش ما كانشي فخبارك..هييي رؤيااا رؤياااا..اواعدي شعندا هادي
رؤيا خلاتها كتهضر وتمات خارجة وهي مرفووووعة فقط دموعها لي هابطين وفبالها غير وليد دابا صافي باح مشى..فمها كيرجف ويديها لي هازة بيهم الكارطونة كيلعبو وهي خارجة من باب لكلينيك في اتجاه الشارع حتا وقفات سيارة حدا رجليها بالجهد وتكرطو الروايد وطاحت الكارطونة من بين يديها
نزل من سيارتو كينهج وخلا الباب مفتوحة وشدها من دراعها بقوة
رؤيا:اااااااي
خرجات عينيها فيه وهو قابطها من دراعها عينيه كيخرج منهم الشياط نفسو كتقطع وعروق عنقو ويديه منفوخين..قابطها ومزير عليها ومركز فعينيها
رؤيا:اي اي شعندك رخي يدي الهماج رخي اي
فراس:(بغضب وكيمخض فيها)توحشتيييه هاا.. ما قدرتيش على فراقو لييلة..وانا هضرتي زايدة ناقصة دوي هااااا
رؤيا:وا رخي وهضر بدقمك راك فرعتيلي يدي اههئ
فراس:(زدح الباب د اوطو ودفعها عليه)
رؤيا:ااااااي طهرييي(دفعاتو من صدرو ولكن ما تزعزعش)شكاااااين مالنا ما نخافوشي ولا..جاي كترطا عليا وتغوت وتشعط ياك لبااس..كتجيك الحالة كنبانلك غير يانا تجي تبرد فيااااا
فراس:انا راه انقتلك ونتهنا فمرة..ياك هضرت معاك قلتلك ما تجيش ما تعاوديش تحطي رجليك هنااااااااا
ضرب الزاجة د اوطو لي حدا راسها حتا تشخشخات وغوت وهي تهز يدها طاكات على وجهها وبعداتو
فراس:ولكن لااااااا نتي كديري غيييير لي فراسك وهضرتييييي مشااااات لزبل ياك هضرتي ما كتسوااااا وااالو..هانا انوريك(جرها من يدها وهي كتعكسلو ويدو كتقطر بالدم)
رؤيا:زول يدك زول..وقااااااااااف(غوتات على حر من جهدها ونترات يدها بالجهد)
فراس:(دار تقابل معاها كيسوط)
رؤيا:علاش منوض الهيلالة ياك لباس(كتغوت وتشير بيديها)هداك لي منوض عليه هاد الحيحة كااااملة..مشااااااا سمعتي مشااااااا اهنهننئ اهئ مشااااا وخلاني وما انعاودشي نشوفو اهئ اهئ(دفعاتو من صدرو)مشاا مشااا
فراس:زير على الفك ديالو في صمت
رؤيا:هئ هئ تهنيتي دابا..وصلتي للي بغيتي ايوا رتااااح دابا(مسحات دموعها بقوة وهي كتشهق وكتحاول تستجمع قواها)اصلا يانا جيت غير نجمع قشاوشي من هنا..وما كنتشي عوالة نشوفو ودابا زول من قدامي
فراس:(بغضب)قلتلك ما تجيش هي ما تجيش..بغيتي شي حاجة اجي قوليهاااالي كتسمعي..ماشي ديري لي فراسك..كلمتي ما نحملش لي يزطم عليها مفهووووم..راه نتي ما تهناي حتا نخمجلك هاد الكمارة
رؤيا:بغيتي تخمجا ياجي شكاتسنا..اصلا داكشي ما كتعرف
فراس:انضرب جد ملتك حتا تلصقي(دفعها قدامو)زيدي تحركي قدامي الله ينعل الل..تفوووو ما تهناي تا تخرجي مني لخرا تحركي
رؤيا:زول منيييي الزبل ما ماشااااااشي معاك
فراس:(شدها من دراعها ودفعها دخلات للاوطو وطرق عليها ودار يركب وزدح بابو حتا هو وكسيرا)
رؤيا:ما ع..
فراس:شششش😡
رؤيا:(شافت فيه بغضب)
فراس:زيدي طرطقيهم فيا انجبدهوملك من بلاصتهم
رؤيا:خنزرات فيه ورجعات قلبات وجهها حاطة يدها على دراعها لي كضرها
الطريق كاملة وهو كيسوط ويتمتم ويضرب فلفولون وهي حداه ما كتهضر ما كتكلم وغير كتبكي وصلو ووقف لاوطو حتا تكرطات مع الطريق وبغات تنزل وهو يهضر
هبطات كتجري وفتحات الباب وخلاتو كيغلي وكسيرا بالوطو عاود حتا تسمع صوت احتكاك الروايد مع الارض
رؤيا:(فالباب)تفوووو مشية بلا رجعة
دخلات رؤيا بالزربة ما لقات حد ورجعات طلعات لبيتها بدلات عليها وقدات مسائلها ولبسات بيجامتها سمعات صوت الباب كيتحل وهبطات بالزربة
هنية:السلام عليكم(حطات ميكات دالسخرة وكتزول الشال)شي كاس دالماء بارد الله يرضي عليك..اووووف الموت برا
رؤيا:واخة
جابتلها كاس دالقطران عامر ومداتولها
هنية: الله يا ربي الحمد لله..تمارة الكحلة اوووف عييت
رؤيا:وا نتينا علاش خارجة دابة كون خليتي حتا تبرد الشمس
هنية:ويانا كرهت راه مزال تابعني الشغل..المهم هاني حيدت هاد الهم دالعراضة وبقالي الناس لي انعيطلم فتيلي..رجلي طابو
رؤيا:اراهم نزلوم هنا(على حجرها)
هنية:لا غير خليني
رؤيا:وا ارى
هنية:واخة بنيتي الله يرضي عليك..اممم تما تما الله يا ربي رجعت دغيا كنعيا
رؤيا:تبقى تعطي الراحة نراسك صحتك ما اتخلفشي
هنية:اودي راه ما بقات صحة..خاصني نوض نخمل الدار وندور بيها ونبدل الطلامط ونسالي نبدا نوجد لعشا اما الحلوى شريتها وتهنيت
رؤيا:علاش اتبدلوم..شعندوم هادو راهم مزيااانين..
هنية:لا انفرش ياخرين احسن..اي ابنيتي ما تبركيشي تما كضريني..اصلا شحال وهما مخبعين الا ما فرشتومشي دابا فوقاش انفرشوم..صافي بركة الله يرضي عليك..نوض نقدي شغلي
رؤيا:بزاف عليك هادشي كولو بوحدك انوض نعاونك
هنية:لا لا لا ما تعاونيني ما نعاونك..نتينا مشي غير قاد حالتك ووجد راسك واختار شغاتلبس
رؤيا:شغانلبس؟انلبس بيجامتي ونوض نايضة
هنية:ايوا ييه داكشي لي بقى..انوض قالك بيجامة ياكنا عاد نزلك الكار بقى شي حد كيتخطب بالبيجامة
رؤيا:علاش مالي على حالتي ياك غير قراية فاتحة علاش انوض نلبس ونتزوز
هنية:نتينا باينة ما يدوز هاد العرس حتا تركب فيا السكر..والله يا حسك وما تنوض توجد راسك وتلبس شي قميص من هادوك لي عندك ولا شي فراشة يا حتا يقراو عليك الفاتحة هاد النهار
رؤبا:اوووووووووف
ناضت هنية كتجر فرجليها هزات السخرة ودخلات كوزينة
وصلات لعشية وهنية كتجري من هنا وترجع لهيه.. قادات الصالون بطلامط جداد دالبهجة فاللون الازرق ملكي مزوقين بالدوغي..مع مساند وفازات فنفس اللون وزربية بلدية فالباج..وطبلة كبيرة فالوسط غطاتها بناب من زوج بياسات ثوب لتحت سامبل فالذهبي مدور مع شبكة ديالو لفوق مربعة وفأطرافها الاربعة شوشة مدلية..ومنادل طواتهم مستفين وفالوسط طبسيل حلوة مشكل مكون من ثلاثة دالطبقات ومدورة طباسل صغار عامرين بالفواكه الجافة والفقاص لحلو والمالح..وصاندريات فالقناتي مغطيين بنفس الشكل دالطبلة الوسطانية..ورواق كبير من تحت شبكة والفوق موبرة مجموع فالجناب..كان صالون مغربي تقليدي على حقو وطريقو
مسحات الدار من الغبرة وسيقات وعطرات الدار وكدور وتشوف واش شي حاجة ناقصة ولا ماشي هي هاديك
طيبات لعشاء ووجداتو وخلاتو حتا ترجع تسخنو وتقادو من بعد..سالات شغلها وتاكدات من كلشي..النهار كامل و رؤيا هابطة طالعة كطل عليها باش تعاونعا واخة ما عندها خاطر وهي كل مرة تصدرها باش تقاد حالتها حتا ما رجعاتش هبطات..دخلات هنية للحمام دوشات وخرجات بدلات ولبسات قميص ديالها فالاخضر مخيط بلونو وفيه طرزات خفاف جيهة الصدر وبلا حزام..وقادات شالها فاللون الابيض وتعطرات وخرجات طلات على ابراهيم من الباب باش يدخل للدار يوجد راسو ورجعات دخلات وطلعات لبيت رؤيا..دقات الباب ودخلات..
لقاتها متكية فوق الناموسية مغطية قالبة وجهها وعاطية للباب بالظهر..وناعسة وفوذنيها سماعات الهاتف ومزالة بنفس البيجامة دالصبح
هنية:(ضربات فخاذها)اوااااعدي على غذايذي يا وعدي..رؤيا رؤياا..(قربات منها كتفيقها بالجهد)
رؤيا:(ناضت مطفوجة وعينيها منفوخين بلبكى والنعاس وزولات السماعات من وذنيها)عزيزة!؟
هنية:واش كتعملا بلعاني زعما ولا شني باغة غير تفقصني
رؤيا:(مدوخة)علاش شني عملت!
هنية:هادي هي المشكيلة هي ما عملتي وااالو.. اواعدي الناس دابا وهما جاو ونتينا مزالة ما وجدتي راسك..وجالسة كتشخر من نيتك واش ماجين يخطبو فيا ولا فيك!
رؤيا:(بنرفزة)راه قلتلك ما عندي ما نوجد بيجامتي هانا بيها.. وزايدون باقي الحال
هنية:شمن حال لي باقي 6 هي هادي ودابا وهما جاو.. والله يا حسك وتهبط عندي بهاد المنظر يا حتا نجيفك..شكنتي كتعمل النهار كامل هاا
رؤيا:(تنهدات بحرقة)شغانعمل اعزيزة الله يهديك..هانتينا شفتي كنت ناعسة!
هنية:(قرصاتها من تحت فخاذها)هااااااا لي ما جبر ما يعمل..هااا لي ناااااعس ومخليني يانا نتفقص
رؤيا:اي اااااي اححح قصحتيني اعزيزة(ناضت تجلسات هاربة منها)ااااي اووووه(طلات على لحمها)دابا ما ايبغيشي لحمي يبرى وهو دغيا كيزراق متأ
هنية:والله يا يماك وما تنوض دوش وتقاد حالتك و تلبس عليك حتا نشتف على والديك..نوض زيد قدامي..(جراتها)
رؤيا:وااا عزيزة خليني عليك ما فيا لي يعمل شي حاجة..اوووف خليني حرام عليك!
هنية:(كدفعها جيهة الباب)زيد قدامي قالاك ما فيك ما يعمل تحرك
رؤيا:(تنفسات)صافي ارؤيا خاصك تنساه نسااااه وليد محيه من حياتك..(نزلات من عينها دمعة)ما تبكيشي ما تبكيشي كلشي بيد الله..هو اكيد اينساني وحتا يانا انساه اههئ انعمل المستحيل باش نساه نتينا دابا اتزوج بواحد يااخور هئ هئ هئ..(مسحات دموعها)اوووووف صافي ارؤيا لن يصيبنا الا ما كتب الله لنا خاصك تستسلم لمشيئة الله لبكا ما ايفيدك فوالو هئ هئ هئ
سمعات رؤيا صوت الزغاريت والهاراج جاي من السفلي وهي تمسح وجهها بشوية وقدات عينيها.
رؤيا:صافي كوني قوية ما تخليهشي يشوف دموعك(تنفسات بعمق)اووووووف يا ربي
ناضت رؤيا خشات رجليها فبلغة بيضة سامبل دالجلد.. وخرجات من الباب كطل عليهم من الدروج وتصنت
هنية:مرحبااا مرحبااا نهار كبير هادا هههه دخلو دخلو راكم ماشي غراب..زيد اختي دخل مرحبا بيك
رقية:ترحب بيك الجنة ههه بسم الله
دخلاتهم هنية للصالة دخل جلال بجلابة مخططة بلبيض والاصفر حط بلغتو الصفراء فالباب وهاز فيديه كراطن دالحلوى ومجموعة اكياس فيديه..سلم على ابراهيم لي كان جالس بجابادور فالباج وطاكية بيضة فوق راسو وحط داكشي من يدو وجلس..تبعو حسن هاز مشموم الورد الابيض والاحمر ولابس سروال ثوب كحل وقميجة بيضة..وموراهم دخلات هنية معانقة هي و رقية كيضحكو وفالاخير دخل فراس تابعهم لابس قميجة فلازرق سماوي وبدلة رسمية فلبلوغوا وسمطة كحلة دالجلد مع صباط موكاصان فلبلوغوا فاتح زوج صدايف اللوالى دالقميجة ومقاد شعرو ومطلعو لفوق ولحيتو الكحلة كالعادة ديما مقادة هز يدو ليسر لي فيها ساعة جلدية حطها على فمو كيكح وريحتو فايحة فارجاء الدار..دخل وهز السروال شوية من لفخاض باش يجلس وحط يدو على سرحها على لمخذة حداه..جلسو فالصالة كلشي كيضحك وفرحان من غير فراس لي غير ساكت..خلاتهم هنية ومشات للكوزينة جابت صينية فضية فيها لحليب والتمر معمر بالكركاع..ودخلات كتفرق عليهم
هنية:مرحبااا والف مرحبا ههه
حسن:الله يبارك فيك هه
جلال:ههه
هنية:ايوا سي حسن ما اتعرفناشي هههه
حسن:ااااه ههه هادي الحاجة رقية هي لي ربات فراس وكبراتو..كانت ففاس هاد النهار عاد جات هي وفراس
رقية:دبصح فين هي رؤيا توحشتهاا ههه جيبيلنا عروستنا نشوفوها
هنية:ههه هي اللولة
ناضت هنية كضحك وطالعة فالدروج ودخلات لبيت رؤيا لقاتها جالسة فوق الناموسية حاطة يدها على وجهها ومكالياهم برجلها لي كتفيفري
هنية:رؤيا؟!
رؤيا:(هزات راسها)
هنية:تبارك الله ما شاء الله قل اعوذ بالرب الفلق..وا هايدا ابنتي نبغيك شو كيجيتي دابا غزااالة هههه ربي يحجبك
رؤيا:(ابتسامة صفراء)هه
هنية: يله زيد نزلو راهم كيتسناوك
رؤيا:(تنفسات بعمق)اوك..يله
هنية:زيد قدامي
هبطات هنية ورؤيا موراها قلبها مقبوط عليها ومخنوقة والدمعة واقفالها على طرف عينيها
رقية:(وقفات)تبارك الله والصلاة على النبي
كلشي دار يشوف جيهة الباب فرؤيا لي داخلة وعينها على فراس لي قبالتها معبسة فيه..وهو جالس كيطلع فيها ويهبط ومطلع حاجبو وابتسامة جانبية خفيفة ترسمات على وجهو
رقية وهنية:الصلااااة والسلاااام على رسول الله الا جاه سيدنا محمد الله معااااك بجاه العالي...لووووولوووووووووي
رقية:اجي ياجي عندي ابنيتي..اجي نعنئك
رؤيا:(عنقاتها وباستلها يديها وهي فرحانة بيها) كيبقيتي اخالتو لباس!
رقية:لباس الحمد لله ههه الله يرضي عليك
دارت رؤيا كتسلم على جلال وحسن باستلهم يديهم
رقية:اجي ياجي لهنا جلس حدايا
كحزات وجلساتها ما بينها وبين فراس وحسن وجلال وهنية قبالتهم وابراهيم فالراس..
رقية:تبارك الله ابنتي كتزيد غير تزيان خمسة وخمامس والحرمل فلكمامس ههه عندك نئوصو عليك
رؤيا:(ضحكة صفراء)ههه
رقية:ولدي فراس اختار وعرف شنو يختار ههه
بقاو كيهضرو شوية عليهم شوية على احوال الدنيا وهضرة تجيب ختها..ورؤيا فوسطهم ساكتة وكتحك يديها مع بعضهم وتلعب بصبعانها كتشوف بنص عين ففراس لي جالس حداها لاصق وماد يدو موراها وهي ما حملاش الجلسة حداه
ناضت هنية دخلات للكوزينة وطفات على براد داتاي لي دارتو يطيب وهزاتو حطاتو فالصينة ديالو منقوشة كاملة وفيها رشيشات ذهبيين وكيسانها منقوشين بالذهبي وتحت منهم منديل مطروز..هزاتها ودخلات للصالة..كترحب بيهم مرة اخرى..ناضت رؤيا ذغيا شداتها منها وهي فالباب وهنية غير كتشوف فيها حيت عمرها مدات يديها لشي حاجة..وبقات كتضحك فنفسها
هنية:(بصوت شبه مسموع)ييييه يا ودي دابا عاد بانت لحداكة ايوا باز هههه
حطات رؤيا الصينية فوق الطبلة وبقات كتكب وتعطيهم وهنية هازة الطبسيل دالحلوى كتمدهالهم وهما كيحطوها فالطباسل صغار قدامهم
رقية:يرضي عليك ابنتي..اممم(كتشرب اتاي)الله يعطيك الصحة الالة هنية اتاي على حئو وطريئو
هنية:ههه بالصحة والراحة اختي
هزات رؤيا الكيسان ومدات للباقي و خلات فراس هو اللخر..عمراتلو كاسو تبسمت بخبث ودارت جيهتو كتشوف فيه وتخنزر وحتا هو ما مقصرش صكاناها بعينيه ناشر يدو كالعادة وفاتح رجليه بجلستو المعهودة..حتا قربات لعندو وبغات تمدلو لكاس وهي تعوج رجلها كانها غطيح وجات عليه كباتلو الكاس داتاي سخون على حجرو
فراس ناض وقف بالزربة وهي رجعات اللور..قبط فالسروال من جيهة فخاضو كيبعدو عليه وكيحاول يتمالك راسو..ويصبر على الحرقة لي شوطاتو
رؤيا:(حطات يدها على فمها)هيييييه
فراس:اححح اوف اوووووف..(عض على سنانو)
رقية:ويلي ويلي كح كح احم (شركلها اتاي)تحرئ تحرئ
حطات رقية الكاس داتاي وهزات منديل حداها بغات تمسحلو..وفراس ما خلاهاش وزولها المنديل كيمسح ويسوط..وكيغلي على رؤيا لي حابسة الضحكة بزز
هنية:(حطات يدها على حنكها)اواااعدي على المعمية بنت المعمية..
رقية:اويلي غيتشوط..مشي عتئ فزك حالتك بالماء
رؤيا داكشي ما سمعات دارت هزات قرعة دالماء فوق الطبلة عامرة بالزربة ورشاتو كامل على حجرو..شراااااق..ما عرف باش تبلا فزكاتو كامل خلات كلشي كيشوف فيها
فراس:(هز راسو فيها)😡
هنية:اواعدي شكاتعمل!
رؤيا:ها؟..ااا ما عملت والو غير خفتو يتحرق..هييييه سمحليي هئ هئ ما عملتاشي بلعاني غير تعكلت هئ هئ
رقية:صافي صافي ابنتي ما وئع باس(شافت ففراس)سير اولدي بدل عليك سير دغيا زرب على راسك
حسن:اه دغيا مشي..ها السوارت
فراس قبط منو السوارت بالزربة كاعي وكينهج تم خارج ضرب فرؤيا وهي تبعو قبل ما يوصل للباب دالصالة
رؤيا:(بخبث)تسنا تسنا نجيبلك بوماد ذهنا باش..
فراس خنزر فيها وعطاها بالظهر وخرج و زدح الباب موراه..وهي بقات موراه عاطياهم بالظهر وكضحك بشوية
رؤيا:ههه يعطيني الصحة حو فيك تشوط كيما شوطتيني..هه
دارت رؤيا قلبات وجهها حمر غيطرطق وما رجعاتش شافت فيه كتفيفري برجلها ومهبطة الشعر على وجهها كتفادى الشوفة فيه بقات كتحاول تبعد عليه وكتلصق فرقية وصدرها كيطلع ويهبط معصبة وحشمانة ومتوترة جاع الاحاسيس تجمعو عليها وغلباتها لبكية ووقفاتلها الدمعة فعينيها وفراس كيشوف فيها وحاضي معاها
جلال:ايوا اسيادنا نهضرو فالمعقول اولا
هنية:ههه ييه مرحبا
حسن:دابا يانا ما عرفتشي واش انخطب لبنتي ولا انخطب لولدي هههه
جلال:اسيدي نتينا خطب نولدك ويانا انعطيك بنتي ههه
رقية:هي هادي لي كيئولولها منكم وإليكم هههه
هنية:هههه داكشي لي كاين خيرنا ما يديه غيرنا
حسن:اههه احم ايوا الحاج يانا جيت طالب راغب فبنتكم رؤيا لولدي فراس على سنة الله ورسوله
جلال:ههه ايوا اولدي يانا من جيهتي قابل وكلنا موافقين البنت بنتنا والولد ولدنا..ولكن ضروري ما نعملو لازم ونسمعو الموافقة دالبنت اولا
رؤيا حانية راسها وكتشوف فيديها عاضة على سنانها مزيرة للبكية وشعرها طايح على وجهها وما قدراتش تشوف فيهم باش ما تفضحش
رقية:(عنقاتها من الجنب)ههه ايوا راه كيئولو السكوت علامة الرضى هههه وعروستنا حشمانة
جلال:ههه ايوا صافي على بركة الله مبروك علينا
حسن:هههه الله يبارك فيك
رقية:ههه طلئ شي تزغريتة اهنية
هنية:هي اللولة..لووووووووووووولووووووووي
هز جلال يدو كيقرى الفاتحة وتبعوه كاملين كيقراو معاه..عمت اجواء الفرح وشي كيبارك لشي ورؤيا حانية راسها ما هزاتوش ومكمشة يديها وكلشي فرحان ما ردولهاش البال و جايبلهم بالهم غير حشمانة..من غير فراس لي حاااضيها و متبع معاها و عارف حالتها ماشي حالة وحدة حشمانة حيت عارفها ما عندهاش الوجه علاش تحشم..بقى كيشوف فيها مطلع حجبانو..حتا نزلات دمعة من عينيها وتبعاتها ختها وقطرات على قميص رؤيا فزكاتو وبانت لفراس لي جالس حاضيها
شاف فيها وتنهد ومد يدو وحطها على يدها لي مزيرة بيها على لقميص وزير عليها وقرب من وذنيها
فراس:(بصوت خافت)مسحي دموعك بلا بكا
رؤيا دارت شافت مخنزرة ونترات يدها من تحت يدو بلا ما تعيق وهزاتها مسحات بيها دموعها وعلات راسها وردات شعرها لور وهزات حجبانها كتصطانع القوة وكتبسم
رجع فراس جلس كيما كان وكيسمعهم كيهضرو ويتافقو فتفاصيل العرس وفيما يسولوه كيحرك غير راسو ويجاوب..ناضت هنية وتبعاتها رقية هزات الاكياس لي جابو ودخلو للكوزينة..قادو صينية فيها زوج كيسان دالحليب وطبسيل دالتمر فالوسط وجبدات رقية زوج علبات صغار من الكيس عطاتهم لهنية حلاتهم وحطاتهم كان فيهم خاتم رؤيا عبارة على زوج دورات واحد كامل داير بحجر زهري صغير والثاني فيه جوهرة متوسطة فالوسط..كان خاتم من الالماس وحجر الزمرد.. وخاتم فراس من النقرة الخالصة حيت ما كيلبسش الذهب فمرة حيت محرم..حطوهوم وجبدو صينية اخرى حطو فيها 3 دالعلب مختلفين فالحجم وحدة فالاحمر وزوج فالازرق وفتحاتهم رقية وتفتح معاهم فم هنية..كانو ثلاثة ديال الأطقم كل واحد والشكل ديالهم كل واحد فيهم بالحلاقات ديالو و الكورميط وحتا خاتمو..واغلبيتهم من الالماس وداخل فيهم يا إما الزمرد او الذهب هنية تحلو عينيها وعجبها الحال و كتشوف الالماس جابلها بالها ذهب ابيض وفرحاااانة بيه..ستفو داكشي وقادوه ودخلو بالزغاريث والصلاة على نبي كل واحدة هازة صينية وحطوهوم فوق الطبلة قبالة فراس ورؤيا
هنية:يله اوليداتي وكلو بعطكم تميرات باش ربي يجعل ايامكم كلها حلوة ان شاء الله ههه
رقية:ئرب عندها يله..هز ابنتي تمرة عطيهالو
رؤيا:(كرزات على فمها وزيرا على يديها)😳
هنية:بلا ما تحشم هادشي مافيهشي الحشمة يله هووز
رؤيا مدات يدها بشوية وهزات تمرة وكلشي حاضيها وحسن كيصور ويفيلمي وهنية ورقية وحدة تعشق او وحدة ترد عليها ويزغرتو..مداتلو التمرة وشافت فيه معبسة وحطاتهالو ففمو عض منها شوية
رؤيا:(تحت سنانها وكتشوف فيه وتبتسم ابتسامة صفراء)هه تاكل فيه السم ان شاء الله
فراس:(ابتسامة جانبية)انا وياك احبيبة
دارت حطات التمرة من يدها بالزعفة وطالعلها الخز
رقية:هههه يله هز حتا نتين اولدي وكلها
فراس:(سرح حلقو)اححححم
مددلها تمرة وغمزها..عضات فيها النص وكملات بصبعو حتا نتر يدو من فمها بلا ما يعيق شي حد وهي قلبات وجهها كتمضغ وكتبسم بسخرية
هنية:يله دابا شربو لحليب..باش ربي يبيض سعدكم
رؤيا:(شافت فيه بسخرية وقربات منو شوية)على هاد لقيبال خاصنا نشربو القطران..حيت كحل فحال الايام لي اتشوفها معايا
فراس:ههه ما تخافيش الايام جاية..ونشربو حتا البيترول ماشي مشكيل(غميزة)
مدولهم الكيسان وشربو بعضهم ورؤيا كل شوية يجي فبالها وليد وتخايلو هو لي معاها وكترجع تحاول تبعدو على تفكيرها باش ما ضعافش قدامهم..سالاو ومدات رقية الخاتم درؤيا لفراس هزلها يدها وشاف فيها مطولا وهي غرغرو عينيها وهي كتشوفو كيركبولها فصبعها..زول يدو وبقات هاية مبلوووكية كتشوف فصبعها لي فيه الخاتم حتا قربات منها هنية ومداتلها الخاتم..قبطاتو منها ومدلها يدو وركباتولو فصبعو بالزربة ودورات وجهها ما بغاتش تزيد تشوف فيه
ترماو عليهم بالاحضان وهنية طلقات تزغريتة مور ختها تسمعو فالحومة كاااملة وتبعاتها رقية ورجعو كيباركولهم ويعنقوهم وفراس ورؤيا كيبوسولهم يديهم وحسن كيصور فيهم..رجعو جلسو كيتجمعو وكيهضرو على الزواج وعلى المرأة والراجل وعلى دور كل واحد فيهم واهميتو اما هنية ناضت تحط لعشاء وتبعاتها رقية كتحلف وتعاود حتا تعاونها..شمرو على يديهم وسخنو الماكلة سبقو اللحم مدغمر هو الاول حطوه فطبسيل طاووس حر وزوقوه بالبرقوق والمشماش واللوز وطباسل د الشلاضة مختلفة والزيتون والعصير وبقاو غادين جايين كيحطو فوق الطبلة
رقية:هااا؟..كلشي زين اسي جلال بلحئ على حسب واش المرئة بالدجاج ولا باللحم والبرئوئ..انا كتعجبني بالدجاج
كلشي نفاجر بالضحك ورؤيا لي كان نازل عليها الضيم طلقاتها بضحكة تشهق وتعاود وتضرب فيدها وتفركل برجليها ورقية فوسطهم ما فاهمة والو هي جاوبات على نيتها وما رداتش البال وهما شي كيطيح على شي بالضحك ورؤيا عينيها كيدمعو بالضحك
رؤيا:ههههههههه الله يا خالتو هههههه وييييييييييع لااا نسيتي المرئة ببطاطة هههههه
فراس:هههه
رؤيا:ايماااا كرشييييييي ههههههههه
هنية:الله يعطيك شي خير اختي رقية ههههه ضحكتينا
رقية:اويلي مالكم شنو ئلت؟
جلال:والو والو هههههه شفتي اسي ابراهيم قلتلك راه المرأة ما كاينشي فحالا ههههه
ابراهيم:هههه والله
ضحكو وسالاو ورؤيا اااخر وحدة سكتات وتجمعو على الطبلة ورؤيا حتا كتجمع الضحكة وترجع تشوف فاللحم قدامها وتفكر وتطلقها بضحكة ويرجعو يضحكو معاها ورقية غير كدور فعينيها ما فهمات حتا لعبة
سالا لعشاء من بعد ما كلاو اللحم والدجاج والديسير وناضت هنية ورقية كيتعاونو وصلو داكشي للكوزينة..ورجعو جلسو كيتافقو على العرس فين وفوقاش ورؤيا وفراس غير كيسمعو ساكتين والا سولوهوم كيحركو غير راسهم..تقرر العرس ايكون بيوم السبت يعني من بعد 6 ايام والحنة تكون يوم الجمعة هي وكتابة العقد..تحدد كلشي وفراس مسهل عليهم المأمورية حيت كلشي ساهل يوجد ففترة قصيرة خاص غير لفلوس..تسالات الجماعة وناضو تفرقو..كل واحد مشى لدارو
رؤيا غير خرجو طلعات لبيتها طرقات عليها وعطات وجهها للمخذة كتبكي وتشهق حتا طلع عليها لفجر..
دازت الايام طايرة وهما اجي من هنا مشي لهيه..قيص هادي شري لوخرى ورؤيا غير تابعة هنية ورقية فيما جروها..شراولها دهازها كاامل من ذهب وملابس واثواب وقفاطن وكساوي..ماكياج وبرودويات ما نساو والو..قصر الانوار تحجز ليهم والعرس تكلفات بيه مصممة اعراس خاصة..جهزات كل ما يخص العرس لي اصرات هنية يكون عرس طنجاوي على حقو وطريقو.. وداكشي لي كان..هنية ورقية ما بقاوش كيتفارقو تفاهمو مع بعضهم وكل واحدة لقات راحتها مع الاخرى..وفراس ما بقاش كيعمر بزاف معاهم وقليل فين كيصادف رؤيا..
رؤيا تعلمات فهاد الايام كيفاش تخبي دمعتها وما كتبينها غير لمخذتها فكل ليلة وكل ما كيزيد يقرب نهار عرسها كيزيد معاه لوجع لي فقلبها
..حتا صبح نهار الجمعة..
ناضت رؤيا على صوت جداتها لي كتفيق فيها وكتفتح الشرجم..وصوت الهاراج معمر الدار
رؤيا:(تنهدات وحطات يديها على السنسلة الجديدة لي رجع جابهالها)ااااه يا ربي..اخخ يا عزيزة نتوما فرحانين وما عارفينشي بلي حاسة بيه هئ هئ قلبي ايطرطق يا ربي هئ هئ اخخ قلبي اخخخخخ هئ هئ يا ربي عاوني يااا ربي..يا ربي صعيييب..فراقو صعييييب يا ربي هئ هئ هئ اااااااه..ما بغيت وااالو يا ربي غير خوذني عندك خوذني عند ميمتي ياااا ربي هئ هئ هئ
جمعات رجليها عندها كتبكي وتشكي حتا تفتحات عليها الباب بالجهد هزات عينيها الحومر بالزربة تشوف شكون وحلات عينيها من الصدمة ودموعها هاوادين
رؤيا:هيييييه شامة!
كانت بنت فالعشرينات من عمرها صغر من رؤيا عندها22 عام..زعرة وزينها شمالي وعينيها خوضر لابسة سروال دجين واسع شوية مع قميجة كارويات طويلة حد الركبة وشال ملوياه على راسها وصباط بلا
شامة:اه حتا هي(كتحسب بصباعها)جيت يانا ويما وختي كلثوم وولادها وخوتي وحتا با جا وعزيزة..ودابا شوية ايجي خالي ومراتو
رؤيا:بصصصح هههه احسن ما عملتو توحشتهم كاملين
شامة:هههه عرفتي فاش قالولي رؤيا اتزوج و انهبطو نحضرو فعرسا مشيت نطير بلفرحة ههه قلتا نناس د الجبل كاااملين ههه هادي سيمانة وانا نتسنى فنهار الجمعة يجي(ناضت وقفات كدور وفاتحة يديها)اووووووه واخيييييرا جيت نلمدينة هههه ما متيقاشي راسي يانا فطنجة(طارت على رؤيا عنقاتها)نتينا احسن بنت خالة فالدنيا هههه بسبابك تحقق حلمي
رؤيا:هههه
شامة:(بعدات عليها وكمشات فمها وعقدات حجبانها)اجي نتينا واش كنتي كتبكي
رؤيا:ها..لا لا غير جابلك الله هه
شامة:والله حتا كنتي كتبكي..شوف فيا..شو عينيك كي حومر..اووووف ما فهمتشي علاش بنات كاملين كيبداو يبكيو فعرسهم. يانا كنتسنى غير نهار لي نزوج فيه اخخ(طاحت فوق الناموسية حاطة يدها على قلبها)فوقاش يجي داك النهار..ياااااه
شامة:(وقفات وحطات يدها على جنابها)شني شني شني..نوض تقلع قالك..وداك الكومة دعشوب لي جيبت والزيوتات لي عدلتلك نشربم ولا!
رؤيا:ههه خلي نعملم غير فالدار بلاش الحمام
شامة:(كتجرها)نوض تحرك..يانا ماجة من الجبل حتا نهنا بسطولاتي باش نجرب حمام دمدينة تجي نتينا تقولي نغسلو فالدار..اهياااوات..شووو راه والله حتا نتاحر..هئ هئ يانا باغة نمشي نلحمام هئ هئ(بقات كتمتم عليها وتهرنن وغير كتخربق فالهضرة وتهز فيديها وترجع تبكي رؤيا ما فهمات حتا كلمة منها وكتزرب وتسرط فلحروف)
خرجات رؤيا كضحك ونسات همها مع شامة من صغرهم وهما كيتفاهمو وديما رؤيا كانت كتحن فشامة حيت هي صغيرة وفيما تطلع لجبل عند جداتها دمها كتدوز اغلبية الوقت معاها وديما واقفة فصفها حيت عارفاها قلبها صافي وغير نية
جراتها شامة وجرات ختها كلثوم وخارجة هازة سطل عامر بلعشوب وسطل عامر بقشاوش الحمام.. وهما هازين الصيكان شدو طاكسي للحمام وشامة طول الطريق ما سكتاتش لي شافتها تعلق عليها و كلثوم كتنكر عليها تسكت ورؤيا عاطياها غير لضحك
دخلو بزوج للبيت حطو صاكهم وزولو جلالبهم وترماو فوق الناموسية كيرتاحو ..شوية ودخلو عليهم ثلاثة دلبنات لي ايقادوها..سلمو عليهم ودورو رؤيا بيناتهم وهي تنقزر شامة
ناضت رؤيا صلات هو اللول ورجعات جلسات ودارو بيها لبنات كيقادولها يديها ورجليها وذاتها بحال أي عروسة وشامة خاشية راسها معاها فكلشي حتا هي..ورؤيا كيحركوها غير بزز وكدير داكشي بلا خاطر..قادولهم شعرهم بزوج ورؤيا ما حطاتش الماكياج على وجهها حيت فالعادة الطانجوية العروسة ما كديروش نهار الحنة وشامة قلزات فعاوطها كيقادولها وجهها
تعاشات لعشية وعمرات الدار بناس الحومة و العائلة و رؤيا جلسات فرأس الصالة فوسط جلسة بلدية فالذهبي و حاطة يديها على مخذات فجنبها و الحناية كتنقشلها رجليها لابسة قميص فالبيسطاج جوهرة و مخيط بالاخضر ملكي و جامعة شعرها بسبنية حياتي و حاطة عليها شبكة ذهبية و ما عاملة لا ماكياج لا ولو..كلشي ناشط وفرحان وما حاسينش بيها هي وشحال جامعة فقلبها..وفيما دور عينيها وتشوف عينين هنية لحومر بلبكى على بنتها كتغلبها البكية كثر ويطيح عليها الضيم كثر وكثر..كانت النقاشة مزالة كتنقشلها فرجليها فاش دخلات هنية وموراها بداو لعيالات كيزغرتو ويعشقو..حطاتلها كتاب فوق لمخذة لي على جنبها ومداتلها ستيلو وهي كتضحك وتصلي على نبي مع نسا..ورؤيا كتشوووف فيها مبهوضة فحال الا كبيتي عليها سطل دالماء..نغزاتها هنية وحطاتلها الستيلو بين صباعها وعاد فطنات ومدات يديها بشوية كتسني وهي مرفوعة..تسمعو الزغاريت وحدة مور وحدة ورؤيا غير كتشوف بعينيها ما كتحرك ما كترمش وفبالها فكرة وحدة أنها صافي دابا رجعات مراتو شرعا وقانونا ووليد رجع ماضي ودموعها صافي نشفو..
شطحو و غناو و كلاو و رؤيا غير كتشوف بعينيها نقشات يديها و رجليها نقش خفيف و ما عمراتهمش بزاف و نقشو لبنات موراها و كلشي كيشطح و النسا واخذين راحتهم حيت الرجال ما حاضرينش و كلهم تجمعو فدار حسن..ومن عادات طنجاوة ديما مفرقين الرجال على لعيالات..
سالات لحناء و تفرقو الجيران و بقات العائلة لقريبة فقط وكل واحد فين شد قنت تلاح فيه شي فوق شي والرجلين مخالفين مع الريوس وواخة هاكاك بنادم ضاحك وناشط وفرحان..
ناضت رؤيا مع لفجر تجلسات وهزات راسها لسما كانها كتدعي فسرها و ناضت استغفرات الله..دخلات للحمام زولات لقطن من يديها و رجليها و هنية لي فاقت حتا هي بكري واقفة عند راسها كتجمع موراها لفتات ديالها..شافت فيديها محنيين و الحناء خارجة فيهم حمراء زوينة تبسمات ابتسامة خفيفة حيت كتعجبها بزاااف..خرجات هنية و كملات رؤيا حمامها و توضاات و خرجات لبسات عليها ملابس داخلية بيضاء و شورط و طوب ديالو بويض فيهم شبيكة دايرة بيهم وجمعات شعرها بسبنية حياتي و لبسات قميصها وفوق منو عبايتها وشالها دالصلاة وتوجهات للقبلة كتصلي وتطلب من ربي يعاونها...
خلقت له الجزء السادس
محتوى القصة
التنقل بين الأجزاء