المصخوط الجزء 25

عرفتي على زوج خطوات آخرين كنت غادي نرجع لحبس نااري وغادي نتشوه فدرب ولخويلة وناس لي كيعرفوني.. رجعت لدار باش دخلت لخويلة جاتها فشكل ياك قلتي غادي تبات عندك صاحبك؟؟ كيفاش انقوليها خدمة صاحب لي دويتلها عليه وفين هو دبا.. نعلت شيطان ودخلت لبيتي تكمدت فمانطتي ونعست.. لغد ليه باش حال عينيا شكون كيطيح ليا على بالي نسيييت ديك لبرهوشة ديال ختي دبا اتكون كتجري عرفتي كنقول انبقى كل نهار نشوفها وشمنك يا حوايج شمنك يا كادويات غير بداو مشاكلي واحد مورا واحد مطليتش على تصاورها ومشاتلي من بالي دبصح فاش نسيتها عرفت بلي دبصح داكرة عندي راحت فالكلام لفاحش تراه نسيت ختي صغيرة صافي مبقاش الأمل فطرت بزربا وخرجت تنتفكر فين دار لي نعتولي معقلتش وأنا نعيط على مها نسولها على هاد ختها لي عطاتها لبنت.. منقدر تا ندي ليها شي لعبة معارفش قداش اتكون راه قبل ما ندخل لحبس بشحااااال وشحال دوزت تما وشحال باش خرجت.. وصلت تندق فلباب وهيا تحل ليا سيدة لي مربياها عرفتها هيا معرفاتنيش حتى فكرتها شكون أنا وشنو قالت ليا وقلتلها راه كنت مسافر على برى داكشي علاش معاودتش رجعت.. صافي دخلاتني لقيت راجلها لداخل تا هو من داك نوع لي تقوليه مراتو يمين يمين ليسر ليسر كعما كيناقشها بحال هاد ناس كتلقاه ماشي لخاطرو كتجرب فيه جميع أنواع سحر مكتخلي ليه لا دماغ ضبع لا حمار تا كيولي غي فحال الأمانة إلا مخلاتوش مكيقيمش.. لمهم بارك معاهم تندوي زعما معاه راجل كيقوليا وا شوف معاها هيا أولدي وكينعتلي براسو لمراتو تراه غير كادر مسكين قلت لسيدة تجيب لبنت نشوفها بعدا وهيا تدخل لبيت واحد 10 دقايق عاد خرجاتها كنشوف غا شعر أنا طوييل على بنت مزال مكملاتش تا عامين خلات على لبلاصة حدايا وهيا تبااعد وريحات ويييع أجي هنا أبنت ناس تا من ديك سيدة كتقوليها سيري عند خوك والو ميكروبة غا كنقرب ليها كتطلق شي غوتات بحالا كتشوف شي جن زعما هادشي غير بياضينا وزيانينا كون شافتني شحال هادي كوراه تقبات عينيها قلت ليها يلاه معايا نشري ليك شي حاجة مبغيتيش؟ يلاه غي قولي ليا شنو بغيتي نجيبو ليك غدا؟ والو بحالا ساحراليها باش متحملنيش رجعت داك نهار كنقاد فالمسائل ديال داك لمحل مع ديك بنت ناس وأنا نقوليها راه دويت مع سيد مول لمحل باغي يبيع تا واحد دار فلعمارة لفوق و باك دوا معايا صافي جاك لعفو لملكي بغيتي غي تزوجي يا مرحبا تي را قوتيها كيحساب ليك زواج هو داكشي لي كتشوفي فالأفلام نعطيك سيمانة أتولي تقولي ليا رجعني لدارنا.. زعما بغيت نخلعها تزيد تصبر واحد لعام أخر بالعكس غا زدت قوتها مبقاتش باغيا تسكت إمتى غادي تجيو وكيفاش ويلاه نشوفو هاد دار و.. لغد ليه ديتها معايا تشوف لخوادرية وقفنا فواحد لمحل تقديتلها واحد نونوس يدير منها شي 6 وبيكالا وشي لعاب إلا مبغاتش تبوسني دبا غادي نتفاهم معاها بطريقة ديال لواليد شي مسمنات ملاح را لعصا خارجة من لجنة واقتصادية وصلنا عندهم دخلنا ليها داك لعجب داك شدارتلي بتعناق ولبوسان داك نهار هاي هاي هاي هادي غير مزال ملائكة زعما و ماطيرياليست جيل مقود مقود بعدا سمعنا صوتها وديك حويا مبغاتش تخرجلها ديك لخا دويت مع ديك خيتي غادي تبقى نجي كل سيمانة وقتما بغيت ومرة مرة غادي نديها تبقى معانا ولا نخرجها وفلمقابل راه غادي نصرف عليها كيما تيصرفو عليها هوما.. مقداتش تقول لا وأصلا إلا قالتها نقدر نمشي معاها بعيد تمالنا راه عندنا معارف أاااد الدنيا.. وصلت ديك بنت ناس دخلات لدارهم ومشيت لقهوة داك زغلول دلويل تاني كنت غادي نزرع ليه كاس فوجهو.. رجعت لدار لقيت لخويلة فدار وأنا نقوليها ديك واش مناوياش نمشيو عند ناس بقات كتدير براسها مفخبارها والو وأنا علابالي عارفا كلشي ديك بنت ناس مكتعطلهاش كيف تنقوليها لحاجة كتوصلها لخويلة فلبلاصتها لمهم فهماتني شنو باغي نقول درنا وقيتا أنا عارفها من شحال وهيا كتشري وكتوجد داكشي غا كيديرو دوك لمساوس باغياني أنا نقولها باش إلا وقع شي مشكل من بعد منقولش ليها نتي سباب ولا شي لعبة هكدا.. خويا لواحد هو لي يتجبد ويحزق على راحتو فبيتو قبل ما يتزوج يلاه غنسد عينيا وهيا تصونيلي خت عماد جاوبتها سلام سلام قالت ليا وليد تقدر غدا تدوز لعندي قبل من ل10 مسولتهاش تا علاش قلت ليها مرحبا صافي غدا ان شاء الله ناري بنت ناس متنقدرش نقوليها لا مبقاش باغي يجيني نعاس تاني هادي شنو باغيا ناري ياكما!! لغد ليه مصبح عليها مع 9 سلمات عليا قالت ليا بلي سيد لي غادي تطلق منو غادي يجي عندها ليوم ولا منعرف ومبغاتش تكون بوحدها قلت ليها صافي انا معاك.. دخل تفطر؟ لا لا منقدرش والله غير بصحة غادي غير نديرلك شي مشكل معاه كبر.. قالتلي كيفاش اديرلي مشكل معاه وحنا أصلا سالينا مقديتش نبقى مقصح وجهي دخلت لدار فطور زوين أخويا بسيف ما يكون بنادم زوين فرماج شكلاط عاصير مكينش لا أتاي لا زيت لعود درت معاها صواب وأنا نسولها عماد شنو دار حتى دخل لحبس بقى ضاارني راسي قالت ليا وخا نجمع طابلة ونقولك تسنيتها تا سالات بركنا كتعاود ليا على ساط فاش كان على برى وبلي كان خدام مع شي صحابو ملعقين دايرين شي شركة تيجيبو شي سلعة وتيعاودو يفرقوها تا هيا مافاهما والو غا كتخربق عليا لمهم على ما فهمت خونا كان مشارك مع عشرانو من لكنيات لي متيدخلوش لحبس تيفرقو ليا لغبرا وكاع لعجب فلبلاد كان محرك صرف دبصح تا تفرشو دبصح مع صحاب لوقت وهو لبسها بوحدو وقال بلي كان خدام بوحدو. مزال مكملناش تنسمع دقان وهيا تنوض مشات تحل لباب تعطلات وأنا نتبعها تراه راجلها جا محملتش راسي بلان ديال ليهود حطاتني فيه ومقديتش نقول لا كيسول فيها شكون هدا قالت ليه مسوقكش أول مرة نسمع داك صوت من عندها ديال سم تراه طلعات مسيميمة.. خونا تيقوليها نعلي شيطان صافي را تنبغيك انا غا واقف وتنشوف ختنى كتقوليه أشمن بغو كتدوي عليه صافي سالينا حب إييه إلي نتا جاي تقول عليه.. وأنا نتدخل قلت ليه صاحبي راه دوات معاك ديرو قهوة مع بعضاتكم فبلاصة زوينة ودويو بلا غوات كان ما يتصلح صلحوه مكانش صافي لله فرق ريوس غا باش ترتاح.. معامن كندوي هو ميكروب لصقة وهيا كونصير صافي سالينا سالينا بقيت غير كنتفرج فيهم نهار غيضيعلي فلخوا لخاوي..

يتبع