المصخوط الجزء 27

من تأليف دعشوش
2018

محتوى القصة

قصة المسخوط

راه كيقولك متمشي غير فين مشاك الله تعيا ما تخطط وتفكر تا كيطلعلك شي بلان من جنب لمهم فين خليناها أاه خونا جا لعندي لدار تنغوت عليه تيقوليا خود راحتك غير فاش تسالي خليني ندوي حتى أنا قلت ليه سمعتلك مرة لقيت راسي فلحبس كنشوف ف15 عام دلحبس خرجت منها غير برضا لوالدين.. غادي نسد لباب اتعاود تدق غادي تشوف وجه أخر معمرك شفتيه.. خونا خلعتو غير سديت لباب وهو يمشي طلعت لعندي ديك بنت ناس لقيتها مزال كتشوف فداك لبير.. تنسولها شنو كنت تنعاوداك ماشي حيت أنا ناسي غير بغيتها تدوي معايا وصافي مبقاتش كيف كانت شحال هادي تنقوليها غادي نحلو لمحل لي قاديتي واش عندك شي فكرة أخرى تزيديها واش بغيتي نمشيو نشوفوه كتقولي معنديش لخاطر غير حلو نتل تال من بعد ونمشي نشوفو.. رجعنا لدار داك خوها ولا غير مجبد فدار مبقاش كيتحرك شاد بيسي معرفتو شنو كيدير فيه بغيت غير نخرجو يشم لهوا شويا والو بزز باش جريتو معايا لصال رجليه مرجعوش كيف كانو بقى كيعرج وهو يلصق فداك لكرسي تا لمدرسة حبسها صافي داك لعام بعدا ضاع لمهم بقا ضارني خاطري من جهتو تيفكرني فراسي غير هو دبا صغر مني ديك ساعة.. لمهم تحل داك لمحل هو لي كان فديك لبلاصة عمر من ليوماين لولين لقيت لي يقابلو واحد لولد معرفة عديمة فاش كنت فصال لي فدرب وكلشي تيقوليا عليه ثقة دخل ليا لخاطري نهار لول لولد منظم داكشي كل واحد أمتى دخل وشحال خلص وضحوكي كلشي عاشرو ولا بنادم تيقوليا جاين غا علا ودو لمهم مولات مضرباتش عليه طلة عرفتي شنو هيا شهر وصرف غير دار إلا مجريناهاش مكتخرجش خوها مزال فيه شويا ديال ضو هيا غا سادا عليها فلبيت لكوزينة كتجمع دار صباح صافي وهو يرجع داك شيطان لي كيبان غير فلخوى لخاوي فاش تحتاجو متلقاهش طيح عليا لفكرة ديال لخرى حشاكم شحال مشفت خت عماد وخا كنسول عليها لخويلة وعرفتها طلقات غا جات فلوقيتة لي كنت يلاه تزوجة فيها وعريس جديد مغيكونش عندك داك لخاطر ديال ندوي مع هادي وهادي لمهم خرجت عند ختنى عاقل دارهم صونيتلها وهيا تحل لباب سلمت عليها علابالها بلي تزوجت سولاتني كيداير مع زواج وأنا ندير فيها داك لميكروب لي مأزم وكيشكي على لبنات وكيقول كنعرف واحد لإنسانة.. لمهم جريتها غي بزز تمشي معايا لدار تشوف لخويلة وتشوف لبنت لي تزوج بيها وكدا هادشي لي قلت ليها ولكن أنا ديتها لسبب أسمى هو تغير ديك بنت ناس شويا وتدير نفس شويا شعرها ولا بحال شي شطابة راه وخا هكداك مخليتهاش بقيت صابر وتنحاول نصلح فعلا أحسنو لإختيار لبحال هاد لحضات لمهم ديت ديك بنت ناس لدار عندنا بارك أنا وهيا ولخويلة وداك لبرهوش دبا ولا كيتمشى وراشقا ليه على لهضرة كتشوف تا تعيا وكتقول سبحان مغير الأحوال بقيت غير كنشوف تا خرجات ديك بنت ناس سلمات على لبنت وبركات مدويتش معاها مشفتش فيها كاع ولكن لمصلحتها زعما كيف كنقول لهدف أسمى😇 تشوف لبنات كيدايرين ندير فيها شويا دنفس وصافي لمهم تغدينا قلت ليها يلاه نوصلك وهيا تنوض خرجنا غادين كتقوليا شفتكم مكتدويوش مع بعضياتكم؟ وراه هادشي لي عاودتلك صباح كيباليا أندير بحالك وغادي نسالي معاها محدنا مدرنا فطاجين ما يتحرق.. عرفتي داوي وتنعبر وهيا تحط يدها على رجلي لمهم أنا قلت رجلي حيت معانا دراري صغار نتا فهم راسك ديك لقطة معقلتش فين شفتها واش فيديو ولا حلمت بيها معقلتش بالصدمة وقفت واااحد لوقفة وختنى مدايراش صمطة خشات وجها فطابلو قدامها وها علاش حزام سلامة.. جرحات جبهتها ختنى عزيزا عليها حالتها وراسها باينا فيها بعدا لمهم بدات كتسب وهيا غير تمشات بوماضا سفرا سيمانة تغبر ديك ضربة كنهدن فيها كتزيد تطلع وتخصار لهضرة وزايداها بوصلني لدارنا وأنا نحل ليها لباب نزلي كونما خوك رجولة كانت غادي تكونلي هضرا أخرى معاك نزلات وكتسب مدويتش تحركت راجع لدار وكنقول تقو زكلتها كان عندي هاد لفانتازي مع هاد بنت ناس وشوف شنو وقع بس (fantasy) ماشي فانتا يمشي بالكم بعيد شويا ولكن ماشي بعييد تاني لديك درجة.. لمهم دخلت لدار لقيتها باركة فصالون بركت حداها وهيا تقوليا شفتك رجعتي بزربا مدخلتي معاها مدرتو موالو ولا ممسالياش ليك. لمعنى لحقيقي لكيما درتي وحلتي تعطلتي شنو كنتو كديرو متعطلتيش كنتي باغي دير شي حاجة وهيا مبغاتش ولكن هيهات هيهات تانا ميكروب فتعبير وتناقيش تقول مدوز شي 4 لعيالات قبلها مسكتش نعاماس.. بدينا بنغير تاني كنت مهني والله ديال راسي نخرج ندخل وقتما بغيت ولكن أنا سباب زربت زربت واقيلا را درنا معاك خاطر أفلام ديال تواركا ومتيديروهاش كتر من هكدا مكينش.. لخويلة سمعتنا مناقشين وهيا تدخل كونما مجاتش ديك ساعة كوراه فركعنا رمانة ولخويلة باش كتعجبك مكتعرفهاش واش معانا ولا مع غانا كتقوليها أه عندو لحق تانتي راه خاصك تديري عقلك شويا راه مسكين داير جهدو ونتي دبا مبقيتيش ديال راسك.. كتشوف فيا وصراحة تاهيا عندها لحق دير عقلك شويا و وسع خاطرك. بدلت حوايجي وخرجت مشيت لصال بقيت فيه حتال ليل ممشيتش لدار بايت فيه جا دري لغد ليه بقى كيخاصم عليا قاليا كون مشيتي معايا لدار غير قريبة لهنا واش منوضها مع لمدام ولا كيفاش؟ قلت ليه أيييه غي دبا شهرين كنت كنسمع بنادم عندو بحال هاد لمشاكل تنضحك عليه.. فطرنا على برى ورجعنا ساط مكينش شي فيلم قلتو ليه وملقيتوش تفرج فيه ولمزيكا لي تيطلق فصال ولي عندو فتيلي بزاااف صافي طاح ليا على نقاط ضعف نهار دايز طاير لخويلة كتعيطلي كنجاوبها كنقولها مع دري صاحبي واحد ليوماين وغادي نرجع.. كنتسنى ديك بنت ناس تعيط ولا شي لعبة حيت لغلط منها والو تال ليلة تانية مشيت مع داك لولد لدارهم عايش غي مع لوالدة ديالو واحد لمرا حلوة كتدوي معاها بحالا كتدوي مع عشيرتك مك مجموع فيها كلشي حول خونا ميطلع هكداك.. صيفطاتلي مساج "واش كتسناني نجيبلك سكر ولا كيفاش.. رجع لدار" وانا نتفكر واحد لفيلم كوري معقلتش على سميتو بضبط لمهم خونا طلعاتليه مراتو فراسو كانو غادين يتطلقو وهيا تقوليه يبقاو يتلاقاو مرة مرة فداك شهر وداني نعاس مكملتش لفيلم(لي عارف نهاية يعتق) لمهم فكرة زوينة قلت ليها شوفي غادي تنسايني هاد شهر بيناتنا تيليفون فاش تبغي تدوي معايا مرحبا وهيا تبدا تهلل عليا بليمين ومرجعتي ليلة تا.. صافي صافي بلاما تحفلي أنا راجع فركتني فداك سيد لي مربين لخوادرية ناري زعما تكون وكلاتني شي لعبة قلت لخونا دار بقاو مخلوعين عليا خاص نمشي وخرجت خويا لله يعز لحكام أااا تحلف عليا ومتخلي لي يحكم عليا أصلا رجولة مواقف..

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.