المصخوط الجزء 29

من تأليف دعشوش
2018

محتوى القصة

قصة المسخوط

هيا كنشوف حاجة بحاجة نمشيو عند خوتنا نشوف شنو باغين يديرو فالعرس عاد نشوف تحوال لدار ولخوادرية وراسي لمهم هو هداك مشينا لعندهم داك خوه لكبير غير كيجر فيا برك حدايا جيبو ل وليد يغسل يديه.. خونا مهلي فيا بحالا غادي يضحي بيا فلعيد ولا منعرف لمهم دارو وقت لعرس زربانين شي 20 يوم وغادين يتزوجو كما قلت قبل أنا مسوقيش هيا لي بغاتهم هيا لي تعرف لشغلها.. لغد ليه هزيت شي رزق ومشيت لدار دناس لي مربين لخوادرية بركت معاهم كاس دتاي ودويت معاهم بواحد صواب عمري درتو فحياتي معرفتو منين نزل لبنت بنتكم وعزيزا عليكم وعارف لوقت خيبة ونتا جراو عليك من لخدمة هادشي كامل غادي يأتر عليها خاصها تدخل لمدرسة مزيانة لباس ماكلا تخرج وإلا مرضات لا قدر الله و وزيد وزيد أنا ليوم جبتلكم لحل غادي نديها معايا لدار راه مغاديش تمشي مع شي براني راه مع خوها ولمدام اتهلا فيها ولمدرسة قريبة لدار مغادي يخصها تا خير انبقى نجيبها ولا تجيو تشوفوها مرة مرة بحالا عايشا معاكم مغادي يتبدل والو وهاد رزق عاونو بيه راسكم تا توقفو على رجليكم سولت لمحامي قاليا بلي نقدر نرفع قضية وغادي نربحها تا مها قالتلي خودها ولكن نتوما ناس لله يعمرها دار وعارفكم غادين تشوفو مصلحت لبنت قبل من مصلحتكم وبزوجهم فوق طابلة هدا ما كين.. خوتنا بقاو تيشوفو فبعضياتهم سديتلهم طريق بديك لمحامي راه مكين والو من داكشي غا بغيت نزريهم قالت ليا صافي راه ختك هاديك ومها تا هيا قالتلك خودها معندنا منقولو مصلحتها هيا لولا.. دويت معاها تا هيا حيت كلشي فحياتها غادي يتبدل من نعاس فسداري فصالون ايولي عندها بيت قد داك صالون بوحدها أنا عارفها طميميعة غا قلت ليها أنبقى نشري ليك لي بغيتي وغادي ناخد ليك تيليفون زوين فيه لعاب صافي نقطة ضعف ديالها قالت ليا غنمشيو دبا؟ لبنت خاصها تعاود فترابي ولكن غا بلاتي معندي ميدار غادي نطلعها بشي عقلية مكدورش ونطلب شي 10 دلمليون فصداق راه لخوادرية هاديك تاريخ ديال عائلتها نقدر نكتب عليه كتاب ديال 900صفحة.. عطيتهم معاها واحد 3 أيام أخرين بلاما قلتها لآية حيت بغيت نقادو ليها وراقيها بزوج والديها قالك غير تعيش معاكم ولوراق راه ديجا مقادين فلول كنت غادي نمشي معاهم فهاد رآي ولكن لوقت وزمان هادا خوتنا ترشف ليهم يوليو مصيفطين ليا لبوليس ولا منعرف شنو يقولهم راسهم.. قنعتهم بلي حسن نتبناها أنا وكدا لمهم مخرجت من عندهم حتى طرقت داك لمسمار.. غادي فطريق وطالق ما أروعك مرة مرة كترشقلي على داك ستايل ديال لمزيكا أاا وراه كنغاااني معاه صوت كان غير غادي يضيع فلحبس وصلت لدار حليت لباب كتباليا لخويلة وسيد لي خاطبها ومعاهم آية وكتضحااك معاه بحالا مخلياه ليها مها طبعا منقدرش ندوي معاه أصلا ديك دار أنا غير ضيف فيها هو لي دار مراتو ولكن نقدر ندوي فلبرهوشة لي درتها فيها راسي يحسابلي غادي تفهم راسها فاش تزوج.. وقفت عليهم قالت ليا لخويلة فين كنتي بيخير؟ قلت ليها أنا بيخير ونتي ضميرك مرتاح؟ جريت ديك بنت ناس جمعي حوايجك خاص تانتي تعاودي فترابي وشوفي حتى خوك يجمع حوايجو غنمشيو لدارنا.. لخويلة كتسول أشمن دار.. دار خديتها هادي يوماين بغيتي تجي تشوفينا مرحبا بقاي نهار سيمانة شهر عام غير إلا جيتي جي بوحدك.. ديك بنت ناس دآية بقات واقفا كيحسابلها كنضحك ولا باغيا تبقى تما قلت ليها أنا غادي دبا بغيتي تمشي يلاه مبغيتيش بقاي هنا وهيا تدخل لبيت كتجمع لحوايج خونا مزادش لكلمة خرج طبعا غادي يعجبو لحال انخوي ليه لبرتوش دخلت تنجمع حوايجي ولخويلة عند راسي واش غادي تخليني وأنا محتاجاك حدايا دبا انا فين عمري خليتك من نهار عرفت ختي خلات ولد.. كتمعني على لوقيتة لي كنت فيها فلحبس يمكن زعما راه خرجتك أنا منعرف علاش دخلت لتما راه غير بسبابها جمعنا لحوايج كنتسناو غير داك لبرهوش ديال خوها هو لي معطلنا لخويلة فبيتها غادين خارجين وهيا تباليا جارا باليزتها غنجي معاكم منبقاش وحدي هنا قلت ليها مرحبا شدينا طريق وديك دار مبعيداش بزااف مت تما شي 10 دقايق كنا تما دار كبيرة لي بغا شي بيت يشدو غير لبيت لي حدا بيتي ديال لخوادرية ميقيصو تا واحد باغي نعاود نصبغو راه غادي نجيبها من عند ناس لي عندهم دبا لعندنا غادي نربيها فصراحة.. لخويلة وهيا تنطق قالتلي هادشي كامل مخبيه زيد زيد خوي شعندك تما؟ الله أودي غادي نغلبك زعما فتخبيا نتي أخر واحد يدوي عليها.. وهيا تولي باغا غير تقلب لموضوع داك نهار رشقاتلي على لحسابات لي شاد عليه شي حاجة طلقتها ليه ديك ساعة مشيت لعند ديك بنت ناس تاهيا قلت ليها شوفي غادي تجمعي راسك معايا بغيتي تبقاي تبرهشي نتفارقو خوت مزال مدرنا لا دري لا بنت يمشكلونا.. زعزعتها بواحد صوت و وجه عمرها شافتهم قالت ليا صافي قوليا شنو بغيتي نبدل ولا نولي ندير وميكون غير لي بغيتي راك عارفني كيفاش كبرت؟ وخا لوجه لقبيح مزال كين داك قيس لعنوب.. لا متبدلي والو أنا بغيتك على هادشي صبغتها شويا عاد دزنا لمعقول ولكن أبنت ناس جمعي معايا راسك منبغيش بحال داكشي لي شفت قبيلا يتعاود وتحركي فدار طلقي يديك فلكوزينة وبدلي عليا دوك لحوايج أه وزيف متخرجي تا تعلميني.. وا ولد ناس زدتي فيه شويا واقيلا صافي غير عطيني براتي نمشي لدارنا هادشي مكيجيش فدقة بشويا بشويا.. صافي أول حاجة متبقاي تخبي عليا والو عارفك كنتي عارفا بلي لخويلة مع داك خونا قبل منعرف أنا مكتخبي عليك والو هيا و وخا عارفا لبلان ديالي معاه ومع عائلتو كلها ومقلتي ليا والو مدويتش معاك مبغيتش صداع ولكن هادشي ميتعاودش لي عرفتيها فلبلاصة توصليها ليا وخا تعرفي تكتبيها ليا فمساج معاش كتخرج لخويلة شنو كيقوليها كلشي صافي؟ صافي مشات يلاه خليني نشوف هاد دار شنو خاصها باش تمشي تجيبو من دارنا.. واحد لبرهوش كيسول غير على لحمام أاا لقفل خاسر!! عاارفك شكدير تما واش كيحسابلك جاي من كوكب زمردة أنا لي خصرتو متبقاش تدخل وتسد عليك شي نهار نلقاوك مشلل وتيليفون فيديك معندكش تا لخرقة ديال داكشي ألمسخوط واش كتعرف دير لوضوء لأكبر ولا مجونب من نهار كتاشفتي ثغرة؟ ضميرك مرتاح؟

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.