المصخوط الجزء 33

داك ساط كان تيقلب عليا وصافي تيدير غير داكشي لي كيشعلني انا تيدخلي لدار وأنا مكينش مكنتش باغي نخصر معاه لهضرة ولكن زاد فيه قلت ليه بغيت ندوي معاك تبعني لسطح ومن نيتو تبعني لخويلة كتقوليا برد أااواليد راه كنا كندويو على لعرس درت براسي مسمعتهاش سديت لباب ديال سطح قلت ليه شنو كين دبا؟ قاليا وا لي غلب يعف زعما غادي نوليو عائلة وجيت غير نسولها على شي مسائل فلعرس وغادي نمشي.. قطع ليا فقلبي زغبي لكعبي حليت ليه لباب شوف نعاود نلقاك فداري والله تا ندمك على نهار لي عرفتي فيه هاد لعائلة بغيتو تدويو خرجو ودويو خالتي فوق راس ولعين ولكن نتا مبيني وبينك والو يلاه خرج.. ساط وهو يهز صباطو وخرج كيجري تمال دار مفيها رجال ولا كيفاش ريحت فديك طابلة يلاه غنبدا ناكل وهوما يجيو يجمعوها ضرتني خاطري كيفاش دبا أنا مدخليني من زنقا ولا كيفاش ولله وتحط شي وحدة يدها على شي طبسيل تا نقطعها هاي هاي هاي سبتو سبتو.. دار وليت موصيهم على لقرآن والله ما بقات كتسمع شي حاجة ولبرهوش تاب ورجع لطريق صحيح يعني عصفورين بحجر واحد.. واحد لخوادرية من نهار ديتها لدار وأنا مهني من جهتها لخويلة وآية مكلفين بيها ماشي لخاطرهم لبنت كتدخل لخاطر من صغرها.. قرب نهار لعرس وأنا محااملش داك ساط ولا عائلتو كيبانو ليا كيقادو ومنعرف شنو لخويلة غير كتدور وكتقوليا شنو باليك محدنا مزال مدرنا والو.. كنقوليها خليني بعيييد أنا اختي عييت معاك وتنطلع أنا لي ممزيانش فلخر ديما أنا خليني حتى يحط عليك يدو ولا يغلط فيك وخليني نرجع عليهم لحبس هدا جهدي علك دبا معندي منديرلك.. داوي أنا وخت عماد رجعنا تندويو كل نهار وهيا تطيح عليا لفكرة ديال لقرن عاودتليها لبلان ديال لخويلة كانت عرضات عليها لعرس أنا غير شرحتلها لقصة من لول قالت ليا ولمطلوب؟ قلت ليها بلاتي أندوي مع لخويلة وغادي نجي عندك نخططو ليه شي بلان.. قالت ليا صافي أنا معاك.. بقات ليا غير لخويلة سيدة واقفة على رجل كيف كنقولو كتقاد فعرسها مقديتش ندوي معاها ولكن فكرت فبلاصتها شحال عندنا من خالة حنا تسينت تا سمعتها كتوصي خونا يدوي مع مول واحد لقاعة غادين يديرو فيها لعرس أنا قلت صافي هيا هادي عيطت على ديك بنت ناس لبسي أحسن ما عندك وقادي ليا لحالة مشيت هزيتها أنا متحكمتش فراسي فاش شفتها عرفت علاش شرع عطانا 4 لمهم وقفنا ليه حدا لقاعة بغيت نقوليها شنو ادير قالت ليا واش كتضحك عليا مالني مزال صغيرة تفرج تفرج تيليفوني غادي يسجل صوت وتيليفونك صورة.. خونا وصل لتما دخل كنتسناوه يخرج تعطااال باش خارج باش نزلات ليه بنت ناس هو خارج وهيا داخلا مسمعتوش شنو قال لمهم عنقو كان غادي يتهرس كون كانت عندها سورة النساء فضهرها كوراه حفظها خونا وهو يرجع دخل وراها شديتو حي هاد لمرة هدا بقاوليه يوماين على لعرس زعما خرجات وبقى داااوي معاها وبنت ناس خييبرة جرجراتو فالهضرة عاد مشات خونا نفس بقى كيشوووف حتى دارت مع دورة بلا حشما بلا حيا قطعت داك لفيديو ومشيت هزيتها خديت تيلي ديالها ولد لعبد بارك قاليها زين مخطوب ولا كيتسنا لمكتوب وشي نويطات سمعتهم فلبلاد فعام لفيل سالا ليهم تاريخ صلاحية مزال كيستعملهم هو وصلت ديك بنت ناس لدارهم ومشيت لدار غادين وكنعاود فداك الأديو وكنموت بضحك دخلت لدار كنزعم راسي وكنفكر كيفاش غادي نقولها ليها وهيا بارك كتعرض على بنادم وكتوجد كنفكر بلي وخا غادي نوريها غادي تزوج بيه وغادي نطلع أنا لي برهوش وتابعو كنصور فيه ضربت تيليفون فجيبي ودرت بناقص خليها تا تشبع وتقنع بوحدها.. هزيت لخوادرية و داك لبرهوش خرجتهم يسركلو شويا من داك لجو وصداع تا دار عامرا لمهم رجعتهم فلعشيا ومشيت لصال تلاقيت ببنادم لي كنعرف وبركت مع داك سيد لي مقابل لصال شويا عاجبو لحال.. لمهم كلشي هو هداك وصل نهار لعرس مسحت داك لفيديو عيطت على ديك بنت ناس قلت ليها متعاودي لخويلة والو بدا لعرس أنا بارك مني من ضيفان جامعين كلشي دقة وحدة عائلتو ومعارف لخويلة عيالات ورجال ديك لقاعة بلاان وبنادم طايح كتر من نايض.. بارك فواحد طابلة أنا و ختي ولبرهوش خو آية غادي مع لغاديا وجاي مع لماجية ولي كتشطح كيبوجي معاها براسو عيت ما نقرص فيه والو واش بغا يفهم راسو لمهم دخلات خت عماد بركات حدانا معرفتها واش جايا لعرس ولا عرض أزياء كنقلب على آية غادي تشوفها باركة حدايا غادي تجي تا هيا تلصق ولكن من زهر مشغولة داك نهار مع لخويلة نساتني بنت ناس كتجر فيا نشطح أنا مكنعرفش ولكن مكنقدرش نقول لا شادا فيا خالقين سعادة بديت كنفكر كيفاش غادي نقنع آية تسنيلي لموافقة باش نتزوج عليها.. لمهم دايز داكشي زوين كنتصور غير مع لخويلة أنا ساط غير شاف خت عماد لون ديال وجهو تبدل ديك بنت ناس مكتنساش وعارف راسو شنو دار مفهم والو.. حطو لعشا بنادم كلا عاد تحلاتليه شهية ديال شطيح واخد لوادية كتلعب برى مع لبنات وأنا بارك مع ديك بنت ناس كنسقي فعينيا تا كيباليا بنادم كيطل وخارج شي مطايفة هادي خرجت نشوف كتباليا آية شادا لواحد خيتي من شعرها وكتجر فيها فديك جردة ولخوادرية كتبكي قلت ليها مالك؟ قالت ليا هاديك ضرباتني وكتنعتلي فلي كتقتل فيها آية سيدة بقات فيا ملقات علامن تحط يديها سيدة طايحا ولوحش عندي كتدخل ليها ديريكت غا لوجه أنا بقيت بعييد شكون قاد يدخل يفك خرجات خت ديك لي كتضرب كتجري معرفتهاش كيفاش ترفعات أنا خدمتي هيا نحيد تيليفونات لبنادم لي كيصور وهيا تنوض برى ولداخل لكراسي كيطيرو فسما والله ما مزوج غير أنا(بصوت كبور) لوحش ديال سطاج لخر مكتعرف لا معاها لا ضدضها غير كتشير بيديها ومكتصرفقش 👋 كتضرب بهادي👊 أنا كنت عارفها قبيحة ولكن ماشي لديك درجة كنت نسيت بلي سيدة مدوزت حياتها رياضة ديك خت عماد قالت ليا واش هاديك مراتك ولا غير جابليا لله؟ قلت ليها أه مبقاتش كتعيط ليا بسميتي كتقوليا غير خويا داك نهار فكو ديك لحريرة غير صحاب لوقت دوى معاهم خو لعريس قاليهم راه غير لعائلة وكدا خونا كلامو مسموع خوتنا مشاو جريت ديك بنت ناس لداخل والله ما قاصوها ومعرقات ما عيات.. ما أروعك أعجب وأغرب من الخيال هادشي كلو كنتي مخبياه.. ومزال معاجبها حال كتقوليا لقفطان ولمضمة عنكشوها مزوج بمحمد علي كلاي صافي.. لخويلة محضراتش لهادشي مخلاوهاش تخرج هيا وخونا لمهم مشينا لدارهم داك خوه غير كيأكد عليا باش نباتو عندهم داك نهار مبغيتش فلول ولكن سيد تيباليا بيدو واقف عليهم تيقاد ليا فبيت صافي بتنا عندهم ديك ليلة بنت ناس حطات راسها وهيا تمشيي ننعس وناخد راحتي راه معايا رجاال فلبيت.. مرة مرة كنوض نطل على لخوادرية وداك لبرهوش.. لغد ليه كيفيقني خونا مع لفجر زعما نصليو وخا مكنصليش مقديتش نقوليه لا توضيت وصلينا فجامع راجعين وطالق عليا ديك لهضرة تاني ديال ولينا عائلة وحاجتنا هيا حاجتك ولي تضرك ضراتنا تا حنا...

يتبع