المصخوط الجزء 35

ختنا دارتلي لخدمة ديال دوزيم مغاديش تيق شكون بارك قدامي أجي لدار بزربا وقطعات.. فداك ليل رجعت على برى من لعتبة ديال دار مدخلتش مشيت لدارهم تندق وهو يحل عماد كنت عارفو هو عنقتو كيفاش اساط تخرج ومتقولهاش ليا؟ بالعكس راه قلت لخوادرية تعيط ليك وخا ليل دخل دخل بعدا.. دخلنا ختو كتباليا دايرا زيف تخلعت أنا أول مرة نشوفها دايرا زيف ولكن زادها نغزة فزين حشمت نسلم عليها باليد واش نتي بنت ناس لي كنت كنعرف؟ ديك ليلة باركين ب3 غا داوين تيعاود لينا كيفاش دوز هاد لوقت لي بقا فيه مورايا تما وشنو باغي يدير عاودتلو شنو درت أنا مورا ما خرجت غا بديت تنعاود ليه على بنت ناس لي مزوج بيها وهيا تنطق ختو عرفتي واااحد جلدة وصحيحة داك نهار فعرس خالتو كتضرب شي ضرب رجال والله ما يديروه.. بقاو مطلعينها عليا داوييين بغيت نشوف شحال فساعة لقيت تيليفون طافي واااع غير درتو فشارج شعل وهوما يبداو يوصلو لمساجات ها خالتي ها آية تيليفون مسكتش ولكن راه تعطاالت قربات زوج ديال ليل لمهم عيطت لبنت ناس راه شويا وغادي نجي لدار أنا مع داك صاحبي لي قلت ليك خرج من لحبس وقوليها لخويلة متبقاش مخلوعة.. خويا كتحس بشعور زوين فاش تيكون عندك لي يخاف عليك فاش تعطل وكدا لمهم بقيت معاهم حتال جوج ونص عاد خرجت ودرنا لغد ليه مع 11 نتلاقاو تاني.. رجعت لقيت بنت ناس مزال باركا كتسنى فيا كيووت مدواتش دخلات لكوزينة جابتلي لعشا مع 3 دليل مقديتش نقول لا كليت شويا ونعسنا لغد ليه فايق شويا بكري يلاه مشيت لصال شفت داك لولد واش مشا لقيتو تما وبارك تيقاد فداكشي شيباني كان غي تيرڭع لمهم خونا تما رجعت شفت واحد لمدرسة حدانا لخوادرية داك ولد ناش تاهو خاصو يرجع لدراسة هاد لعام لمهم أول عام مغاديش نفكر فلكتوبا ولحوايج ديالي بالعكس غنكون أنا لي خاص نوفرهم لواحد أخر أححح كبرنا كبرنا و ولات عندنا مسؤلية لمهم ضربات ديك ل11 مشيت لعند عماد لقيتو واجد خرجنا سولتو فين باغي يمشي قاليا والله ما عرفت بعد هاد سنين كاملين خرجت ومراشقالي على والو بغيت غير نسافر نهز صاك ونشد طريييق ومكرهتش لي يونسني خاصك تجي معايا اساط غادي ندوزو شهر عمرك مغادي دوز بحالو أصحابي.. بقى تيزعم فيا باش نمشي معاه ولكن جاني فلوقيتا ديال لمدرسة وعندي 100 مسمار تيضرب ليا فراسي ها لخويلة ومشاكيلها ها دوك نساب لي بغيتهم لعدياني منقدرش نسافر دبا قلت ليه هادشي قاليا صافي اسيدي شحال خاصك كاع باش تقاد أمورك هانا نتسناك حتى تسالي راه منمشيش بوحدي وخا نبقى نتسناك تال لعام جاي.. بقينا داوين وهو يقوليا راه كيحسابلي غادي نخرج انلقاك مزوج بالخوادرية فاش خرجت وقالتلي بلي درتيها فحال ختك كبرتيي فعيني بصباب صحاب ولعشران دخلت لحبس حلفت ما نعاود نعمر مع بنادم وهانتا حنتيني.. ساط كون زاد كلمة أخرى كنت غنشك فيه كيبغيني ولا شي لعبة سيطان لي كيكونو فلبس راه كيخرجو زايدين نغزة لرجال والله أعلم تاني لمهم سركلنا وتغدا معانا فدار وصلتو لبنك عندو شي خدمة تما رجعت لدار أنا ديت ولاد ناس تقداو حوايج لغد ليه قيدناهم يقراو بحالا لقرايا حنا منعرف شنو درنا بيها لمهم كيما قراونا واليدنا نقريو هاد ولاد ناس نديو معاهم أجر وصافي لمهم هيا هاديك داك نسيب ديال لغدايد مشا لعمرة لخويلة مزال كتقلب لخونا على سبة باش تطلق صراحة أنا لي حمار كان عندي فيديو ديالو ومسحتو لمهم يطيح يطيح بارك تنفكر ليه كيفاش غادي نفركع معاه رمانة تا كتعيط ليا قالت ليا أجي لدار خرجو عليا.. فهمت بلي منوضينها غادي تجري عليه لفرحة لفرحة يا خويا غادي طاير فطريق طوموبيل خليتها محلولا طلعت ليه لقيتهم منوضينها كيغواات عليها وكيهز فيديه مبغتش نعيبو قلت ليه برد آااخونا وهو يزيد يطلع كيحساب ليه مبقيتش قاد نضرب زعما نخاف من لحبس زعما ولكن هيهات هايهات جريتو من رجلو جا راكع سيد طغى علينا وبزاف وكان خاصني غير منين ندوز ليه ولكن لخويلة كتقوليا غير خرجو متضربوش ديك متوسخش فيه يديك خرجو عليهم تركيين وهو صرفقني لكعبي زغبي من شحاال ما حط شي واحد يديه عليا دم سخن فالبلاصة حطيت ليه رجلي فوجهو وتندخل ليه تا يديه مدايرهمش على وجهو لعصا ميعرفوش كيفاش ياكلوها كيتسنا فدقة لمهم دغدغتو موحال واش يعاود يقيم قلت ليها جمعي ليه حوايجو تا هيا ميكروووب لاحتهم من شرجم أنا بقى فيا داك سيد تنادم معايا لحال فاش ضربتو ولكن هو لي قلب عليها تا مشا عاد كنسول شنو دار؟ قالت ليا داكشي لي قلت ليك فلول مكيباتش فدار ولا كيجي معااطل عندي اوطيل أنا... وكيمن عليا بحالا أنا لي كنت تابعاه باش نتزوجو ودير لخير راه درهم مصرفوش فهاد دار.. لمهم بقات كتعاود ليا قلت ليها نتي لي باغيا هادشي كاامل قلتها ليك و عييت معاك ولكن نتي فحالا ساحر لك...

يتبع