صبح صباح جديد فحياة كل من وردة ومحمد..لي غتغير حياتهم جدريا..فاق محمد معنكش ومريض فراسو ومناعسش مزيان حيت سهر تال ربعة صباح كاس مورا كاس وذكريات حلفو لتحبسو..كل جغمة كيتفكر فيها حياتو كي كانت قبل عام..حياة كانت فيها مرا نورات حياتو وحيدات ديك التغوبيشة وردات بلاصتها الابتسامة..صح ان محمد بطبعو مكيضحكش بزااف وماشي أي حاجة كضحكو ..رزين وجدي..ولكن مراتو قدرات ببراءتها لي كانت مصطنعة أنها تضحكو واخا ماشي بزااف ولكن كان كيحس معاها بإحساس فشكل..يمكن حيت اول مرة يبغي شي وحدا ..وحتى من مورا ممشات حس أنه خاصاه شي حاجة خلات فراغ كبير فحياتو..واخا عرفها من بعد على حقيقتها ولكن ؤقض انه يتقبل فكرة أن الانسانة لي ضرب ليها قلبو كانت فقط كذب ووهم وهماتو بشخصية مديالهاش وخلقاتها..وفلخر ضحكات عليه..تهان فرجولتو وفاسمو وفكيانو لي ديما كيفتاخر بيه ومع ذلك مأذاهاش مع العلم انه ممكن اقتلها ولكن احساسو اتجاهها لي كيوصفو بالحب خلاه يتراجع ويهز بنتو ويمشي..
دخل للدوش وبقا كيشوف فراسو فلمرايا وكيتساءل على حياتو وبنتو لي هي هو لي بقا ليها وكيفكر فأنها معندهاش أم..كتبقا فيه..دوش وخرج لبس حوايجو ودار خاتم زواح لي ولا مكيفارقوش واخا يطرا لي يطرا..ممكن يكون جنون يمكن فقط رد فعل وباقي متقبلش فراقها...حيت ملي كنبغيو شي حد كنساو كاع سلباتو وكنذكرو فقط الايجابيات..محمد مقدرش انساها وكيحاول كل ليلة يكرهها ولكن مكيقدرش او يمكن كيقنع براسو أنه ميمكتش لانه ولفها وبزااف
خرج من سويت ديالو بأفكار مرونة تاجه لبيت بنتو..دخل بلا ميدق عرف غيلقاهم باقي ناعسين..ساعا لقا توبة كتكور فوق الماموسية بغات تنزل للارض وكتحبو فوقها والمربيو مكسلا مجايبا لدنيا ناعسة..بتاسم لبنتو لي كانت كتبان ملاك فوق الارض..بعويناتها الخضرين وحبت غليوضة شافتو وهي تضحك وعينيها كيتغمضو بالضحك...مدات يديها بطفولية بغاتو يهزها..هزها وقال:خنيفستي😃😃فاقت؟؟؟ها هههه
دخلها للدوش ولقا اتغوس ديالها فيها لبرودوي ديالها ديال الحمام..عمر ليها بانيو بالرغوة وحطها فيه كضحك وهو فرحان بيها..دار ليها شمبوان ديال الاطفال مكيحرقش وخلاها تما كتمرغ فالما وعاجبها للحال..كيخوي هليها لما وتضحك ليه وتبين جوج سنينات لي عندها وهو ميت عليها بالضحك..خلاها شحال تما كيلعب معاها حتا عيات شلل ليها ولواها ففوطة ديال الحمام صغيرة وخرجها حطها فوق الناموسية ولقا المربية باقي ناعسة مداهاش فيها مشا جاب حوايجها وواحد لكريم للحم ديال الاطفال دارو ليها وتعنكش فليكوش بحرا متقاد وهي كتغوت بالفرحة ونلشطة..لبسها حوايجها ونشف ليها شعرها بالفوطة وهزها دار ليها ريحتها ومشا حيهة المربية فيقها وقال:هاني خرجتها معايا
مستوعبات هضرتو حتا تفاوت..وهو خرج ببنتو وكيبوس فيها وهاز فيديه بيبغون من دوك لي كتوجد ليها المربية وكيكونو فصحن سخون باش ابقاو دافيين..هبطها معاه للمكتب..حطها فوق حجرو وعطاها لبيبرون وقال:ودابا غنخدمو ههه ياك
توبة:(كترضع)
محمد:(دار اتصال)عيط لي على لمسؤولة على فام تشومبغ دابا
العموري جاها أمر من المسؤولين باش تكلم لمول لاوطيل..جاتها لقفقافة حيت اول مرة غتواصل معاه مباشرة..تمشات بمشيتها لي كلها نخوة والرعدة فيها والف سؤال كيدور فراسها..حتا وصلات لمكتبو..تنفسات بعمق ودقات سمعات دخل..وهي تحل الباب وبتاسمات وقالت:موسيو قالو لي بغيتيني؟!!!
محمد شاف فيها وقال:وي تفضلي
دخلات وجلسات بعدما أذن ليها بيه..وكتشوف فالبنيتة لي قدامو كترضع ستغربات مقالو ليها والو على حياتو الشخصية قاطع تفكيرها صوتو الرجولي وقال:مدام العموري..طلبت نشوفك على ود واحد المشكل وقع لبارح فالسويت..ومعجبنيش
محمد:واحد البنت من البنات لي خدامين معاك دارت جيست ممزيانش وانا بغيت نتحاسب معاها راسي..ونتي غتعاونني
العموري:(بصدمة)وردة ياك؟؟؟
محمد:(بتستغراب)باش عرفتيها؟؟؟
العموري:موسيو هاديك راه خداما هنا عام وخدمتها متقونة هي هي خفيفة وفمعا سابق
محمد:(علاه هي فمها ماشتي يديها)مممم وي عارف هادشب..بلحق هادشي مكيهمنيش..انا باغيك ترسميها فالخدمة يعني تسني تعاقد مع الاوطيل وتولي موضفة بحالها بحال اي وحدا هنا
العموري:😨😨😨 ترسم معانا؟؟؟وتبقا معايا حياتها كاملة...ميمكنس(وعات)سمح لي موسيو بلحق راه ...
محمد:راه اش...شوفي غتعاودي ليا عليها كلشي حيت امرها كيهمني ونتي بلا متساءلي علاش الى بغيتي تحافظي على خدمتك..كنعرفك نتي قديمة هنا وكلشي كيشكرك على خدمتك😉😉
العموري:واخا..😔😔 وردة بدات الخدمة هادي عام هي لي هازا دارهم بوحدهت ..سي ضاسرة وكتعصب الى صبحت عليها كندوز نهار كولو معصبة وزيد عليها فيها الهضرة بزاااف وميمكنش تسكتها..هي بطبيعتها عفوية وبرخوشى وهادشي زوين فيها مي شي نهار اخرج هليها..كنعزها بحال بنتي حيت كانت ضحية لموارد المالية قرات وتعبات فلخر موصلاتش..هادشي لي كاين
توبة:😄😄😄😄ههههه...ههههه با..با
نزل محمد راسو فيها ولقاها سالات البيبغون ديالها داكشي باش ضحكات ...حيدها من يديها ومسح ليها حدا فمها وبقا كيهززها فوق حجرو وكمل هضرتو:bon merci beaucoup على المعلومات..ونتمنا ابقا الامر بيناتنا..وفظرف 24ساعة نبغي وردة تكون متعاقدة معانا..داكوغ
العموري:داكوغ
وقف هاز بنتو وقال:تقدري تمشي
بتاسمات وخرجات حايرة فسبب لي خلاه ادير هاما..حيت فلول كانت نبرتو نبرة شكوى وموراها بغا يرسمها معاهم..بينما محمد..عدل لبنتو حوايحها وخرج من بيروه فاتجاه سويت احطها ويكمل شغالو..طلع لسانسور ووقف بيه جا بغا ينزل تصادف مع وردة فالكولوار كتهضر مع راسها..بتاسم فشر وقال:اووووو القطة هادي..شتك جيتي لخدمة بلا حشمة بلا حيا..مخفتيش نعصيك على داكشي لي درتي لبارح
وردة تلفتات ليه وقالت:اش غدير 😂😂😂 تعصيني هههه سير العزوا راه متقدشاي علي..راني سبع وكنخلع 😂😂😂
محمد:هبهي بايخة...
وردة:مغنديهاش فيك ا ميخي..حيت باينا كون جرياي علي كون وصلاتني من عند فنيدة اما نتا مدرتي والو حيت فيك غي بلا بلا بلا معنى..خسارة نتا أب لديك الملاك
محمد:(من تحت سنانو)تحركي من حدايا قبل مندير فيك يدي اقليلة الادب😠😠
وردة:😂😂😂😂 مالك معصبوهههه شوف راه الى طلع ليك دم دير اولويز..هههه
محمد:😡😡
جات غاديا وهي تشوف بنتو تبوعات عليه حيت عاد رضعات ..تكرشخات عليه بضحك وهو تعصب وتوبة كضحك..
محمد مد ليها البنت وكيشوف فحوايجو طبعو وقال:عاد فهمت علاش قالو لي صبح عليك كيطلع ليه السكر😠😠
وردة:(كتمسح للبنت بكلينيكس)اووووو ياكما حتا نتا من انصار العموري😂😂😂 واناري ههههه وازميت ههههههههه واحشي..ههههههه(باست البنت)يعطيك ستر ههههه فرجتينس فيه..شتي لي كيظلم الناس اش كيجرا فيه ههههه
محمد:شد من عندها البنت ومبغاتش تحيد عليها لصقات ليه فيها حتا بدات تبكي وقالت وردة:سير ونتا داير كي بوعو كتخلع..متشوف فيك لا موحمى ولا شادا فحبل..هههه داير كي الهيضورة لا صوت لا صورة😂😂😂😂
محمد:😡😡😡😡😡😡
وردة:نفو على حجبان هههخه تحرك بدل حوايجك وها بنتك معايا هههههه (كطلع فيه وتهبط)شو كيداير هههه ايخ
محمد:هي ضحكي دابا غنهجرو ليك احبيبة
وردة:تحبك لفعة بسنان اعوج الفصالة😠😠
خدا ليها كلينيكس وبدا يمسح حوايجو معصب وبنتو كضحك وتخبا فوردة وتضحك هلى باباها وهي تقول ليها وردة بصوت ديال الدراري الصغار:عجبك هادشي لي دلت فباباك ههههه عبرتي عليه ههه
توبة:😄😄😄😄 ههههههههه...نهنهنه هههههه
وردة:😂😂😂😂
مسح حوايجو وقال :اري ليا البنت وديها فشغلك
عطاتخا ليه بالحزارة حيت توبة لصقات فيها..شاف فيها وقال:تفوووو الحبس ولا وجهك
ومشا وهو يسمعها قالت بجهد:واخا يا حليب الحمارة متصلاح لا لقهوة ولا لحريرة هههن هي ديال العصا
بتاسم بلا ميضور لعندها ومشا..ميتعجب فهاد البنت منين كتجيب هاد لهضور..وبعدنا شاف توبة كتشد فيها عرف ان تفكيرو فمحلو وأنه ختارعا تكون مربية بنتو..
هبطات وردة كضحك حيت عندها المهم هو أنها عصباتو..شي حاجة فيها كدقعها أنها تعصبو وتشد فيه..واخا عارفا انه ممكن فأي لحظة يطردها ويتسد عليها باب الرزق الوحيد ولكن وردة بطبعها مشاغبة ودقتها كتفديها واخا معرت اش يوقع..نزلات لتحت تلاقات لعموري وقالت:وردة تبعيني لبيرو باغا نهضر معاك؟؟
وردة:فاش بيتي تهضري معايا؟؟الله يحضر السلامة من ديك شوفة ديال موكة لي كديري فيا
العموري:وا تحركي قدامي ونتي سارطة كاسيطا😠😠
وردة:تححح غي متعصبش ليا فنيدتي ههه هاهيا غاديا
العموري:😡😡😡
تبعاتخا وكتعيبها فالمشية من لور وتموت بضحك فصمت هي بوحدها حتا وصلو للبيرو..دخلو وياله سدات العموري الباب وهي طير على وردة من شعرها كتنتف فيها..وردة مفهمات والو هي كتحاول تفك راسها..
وردة:ويلي مالكي احححح واطلقي😠😠 طلقي الله يعطيك الباسر الهيشة
العموري:(كتنتف فيها)دوي ابنت الحرام..صافي صفات ولا هي مول الاوطيل اتشكا منك 😡😡 اش درتي...دوي اش درتي
وردة:(كتفك راسها)ويلي اشمن مول الاوطيل واش داك جحموم...وراه هو لي جبدني😠😠 واطلقي ونعاود ليك
العموري:وتgول...دابا غتعاودي ليا ولا نقرع لمك هاد الشعر😠😠
وردة:غطلقي ولا ندير فيك يدي..ونتي مرا كبيرة مجاتش نخلي دار بوك
العموري:(زيرات عليها)ومزال زايدا فيه ابنت الحرام هااا😡😡ليوم نربيك
وردة شقماتها وفكات شعرها وفالت:الله يلعن بو لوقت لي جمعاتني بيك اتريكة البطاش😠😠اشدرتي لراجل حتا تشكا منك هااا دوب
وردة:تشكا مني😨😨 جرا علي ياك؟؟ولد الحرام..الكلب الخمار البغل المرض ..الله يعطيه الحلاقم حتا يولي يهضر بصبعو بالاشارات..الله يلكيها ليك زرقة وما فيها ملك
العموري:مجراش عليك...بلحق تشكا ولي ضرني فراسي هو واخا تشكا قرر أنه يرسمك معانا فالاوطيل بشكل نهائي
وردة:(بفرحة)😍😍😍 حلفيييي😂😂 ربي ربي(طارت عنقاتعا حتا خنقات)ايييي...كنبغيك كنبغيك ههه الله على فرحة..(كتنقز وتجر معاها العموري)هيهي..هيهي😍😍😍 دابا وليت موضفة هنا ههه
العموري:(مخنوقو)طلقي كح كح..طلقي مني الله يعطيك السم...
وردة:😍😍😍 با غيفرح ههه وأخيرا غنتهنا من داك الكريدي ديال مول الحانوت ههه ميبقاش تابعني
مشات تسرحات كترتاح وكتحاول تستوعب فرحتها..واخيرا دنيا ضحكات ليها..طاب الما ودخلات وردة للطواليط الصغيرة طرفات وخففات عظامها اما شعرها مقاستوش..خرجات نشفات ولبسات حوايجها لقات باها جا..باست راسو وتجمعات العاىلة كيتحتافلو ببساطتهم بهاذ الخبر الزوين لي كيبان ليهم هوما دنيا ومافيها..حتافلو بالموناضا والحلوة صغيرة ولتاحق بيهم انور لي فرح ليها حيت هو اكثر واحد عارف أن حياة وردة غتحسن..لانه عاش معاها الفترة فاش تصدمات ملي مجابتش معدل ادخلها لكلية الطب..وحتا فاش قرات التمريض ممتابش ليها تخدم فدومين لي بغات..
*****
صبح صباح جديد..على وردة نايضة ببتسامة وضحكة اكثر نشاط..توضات وصلات لبسات حوايجها وخرجات لخدمتها بعدما فطرات مع العائلة السعيدة المراكشية..وأكيد بعدما دوزات طرح ديال الجموع مع العيالات فالطوبيس..بدلات حوايحها وباشرات خدمتها بكل حيوية..وقضات نهارها بكل نشاط وحب...من دون متشوف محمد لي كان مشغول بالخدمة..خرجات من الخدمة وتاصل بيها انور
انور:شوميشة..هههه فينكي؟؟
وردة:فرياض سي عيسى كنطيب ليه 😂😂😂 عاد خارجة من الخدمة..اش بيتي؟؟
انور:اتوب عليك...شوفي جي ديركت لحدا مول العصير لي فجامع الفنا..بيتك فواحد البلان..
وردة:واش كتريgل علي..جامع الفنا عامرا عواصر اينا واحد فيهم..؟؟واشمن بلان هادا تاني..لمسا الله هه
انور:هههه رقم 41 وجي بزربة..راه نتي لي غتعتقيني
وردة:ههههه ياكما غتلاقا بديك لاستيك تدرهم تمريم😒😒
انور:هههه لا لا..حتا تجي وتشوفي
وردة:واخا..بلحق غندوز للدار نحط حوايجي ونجي اوك
انور:ياله تلاحي ترتاحي..
وردة:بسلامة اجرو ههه
قطعات معاه ومشات للطوبيس..وأكيد بعد جموع العيالات نزلات وتوجهات لدارخم والطريق كاملة وهي كتنقب زويتينات من عند مالين زيتون..كون كانت العطرية كتكال بوحدها كون دازت للملاح ونقبات هخههه...وصلات للظار سلمات وحطات حوايجعا وهزات بيكالة باها وتوجهات للمدينة..غاديا كتبيدالي وتضحك وتنبر على ناس فطريق..وصلات لحدا مول العصير وجامع الفنا مقجقلة بالناس حيت الصيف مكاينش فين تحرك..عامرة سياح..حطات بيكالا وقالت:مصطفى فين داك الحمار تأنور؟؟
وردة:ههههههههه لا لا حاشا واش عورا😂😂 قولي حولة قولي مسحورة مالك اختي ملقيتي شكون تدي هي هاذا..ونتي غزالة ومأنتكة وعاطيا للعين(كطلع وتهبط فمحمد)وتدي هادا ههههه باز ليك
بغا يجاوبها وقاطعاتو وقالت:بلحق منلومكش..خانز فلوس واخا ممصوابس ومنربيش وكيفقص ولكن ادوز على فلوسو...بففف كون هي كانو كيغطيو العيوب كون من جيبي خلصت عليك عملية ههههه
اسماء:محمد..شكون هادي لي من قبيل وهي كتعاير فيك ونتا ساكت..وعاطيها بنتك مزال
محمد:(بابتسامة هادئة)نانا ديال توبة جديدة هه
اسماء:mais non😳😳 c pas vrai..هادي مربية بنتك..هاد سوفاج غتربي توبة..نونو بزااف وليتس غي كتخربق
محمد كيسكت فتوبة لي حامياها لبكا..وكيقول:شوووو صافي ابابا...غدا نجيبها ليك..😘😘😘
توبة:😭😭😭ب...اهى اهئ اهئ ..نا...ما..ما.ما
محمد:(جبد فلوس وخلص مصطفى)شكرااا
ومشا وتبعاتو اسماء حايرا..خرجو من الساحة وتوبة بدات كتسكت شوي بشوي وكتغفا على كتف باها..وصلو للاوطو..خلص الكارديان وركب بنتو لور وطلع وحداه ختو..ياله قلع وهي تقول اسماء:كنضن خصك تشرح ليا هادشي لي كدير فيه
محمد:(سايق بيد ومخرج يد من سرجم تالاوطو)فين عمري شرحت شي حاجة على حياتي لشي حد..
اسماء:انا ماشي أي حد..انا تا سوغ..دونك عندي لحق نعرف اش ناوي دير
اسماء؛متليتش باغا ..ديني لفيلا😒😒..قراراتك كلهم فالسو من نهار وعيت وانا كنشوفك كتسير حياتك كي بغيتي..ومكندخلوش فيك..ولكن انك تدخل بنت بحال هاديك لحياة بنتك نو
محمد حبس لفران على ليمن ودار عندها وقال؛اسماء كنضن نتي أكثر وحدا عارفاني مكانقش قراراتي..وحتا حياتي مكنبغي لي يدخل فيها..😠😠 اوك..
اسماء:هاد القرار ديال ان هاديك البنت تكون مربية ديال توبة راه قرار غلط..شوف غي كي كتهضر وكتصرف..داكشي لي باغي بنتك تعلمو..تولي بحالها لا مستوى لا أخلاق لا قراية😠😠
محمد:(بالغوات)توبة بنتي وانا لي غنقرر فحياتها اوك..وهاد سوق خرجيه
محمد تعصب من هضرتها خاصة ملي جبداتها ليه وقال معصب وعروق بديه بغاو يخرجو:يلعن بو القحبة تمها...وبوك حتا نتي لي جابداها ليا 😡😡😡باقي عندك لوجه تهضري على وحدا سمحات فبنتها وراجلها على قبل الفلوس😡😡 وسخ دنيا خلاها تبيع بنتها باقي حتا مكملات ربعين يوم..مدارتش تلفتات فيها ومشات..ونتي ومك مسانديها قول توبة ماشي من دمكم..😡😡 الى جينا نهضرو على القرارات الغلط اول قرار هو ملي خليتو ديك العاهرة فحياتكم..ومتحاسبتش معاكم حيت مافيا لي يتصادع معاكم لي فيا يكفيني..هزيت بنتي ومشيت بعيد خويت ليها اي بلاصة تكون فيها...ونهار باقي تجبديها عتابري خوك مات 😡😡
اسماء:😨😨😨😨 د...دي...ديني لدارنا
كسيرا بجهد ومهضرش باقي معاها غي مخنزر وكيغلي من لداخل ..بركان وخصو هي فين وايمتا ينفاجر..كيصبر راسو باش ميزيد اعقد الموضوع فلخر كتبقا ختو..حبس لفران بجهد قدام الفيلا وبغات تهبط اسماء وياله غتهضر وهو يقاطعها:سلمي على لواليدة😠😠
فخمات راسها ونزلات..بينما هو كسيرا تاني طاير للازطيل ولالة عيشة قنديشة كتلعب ليه فوق راسو عافط على السرعو ومبقا كيبان ليه والو نسا واش مركب معاه البنت لي كانت غارقا فالتعاس..ومجايبا لدنيا خبار..كيتفكر اخر محادثة بينهم وكيزيد اعصر يديه ويتعصب ويضرب فالفولون..وجملة وحدا كتعاود فراسو "اصلا مكنتش مرتاحة معاك"
وصل لقدام لوطيل وفرانا بجهد حتا كلشي ضار...هز تيلي عيط لمربية تهبط..وبعد دقائق نزلات كترعد وهزات لبنت بشوي باش متفيقهاش..وهو عفط تاني مجهد والوجهة المجهول..باغي شي بلاصة مافيها حد..مافيها لي احاسبو ولا يفكرو فماضيه..الماضي لي خلاه اتهان فرجولتو..ومع انه كان ممكن اضبر ليها فشي بلان وامحيها من الدنيا ولكن القلب مقدرش..صعيب عليه اقتل لمرا لي حب اول مرة وعاد راها ام بنتو..هي قررات تمشي وتخلات على بنتها وكرامتو متسمحش ليه اخليها معاه بزز..
وصل لواحد البواط ديال vip ونزل لاح سوارت للكارد ديال بواط ودخل..لقاها كتنغل بالناس واخا الليل باقي كاع مطاح..العريان كثر من المستور..شي كيشطح وشي كيبوس وشي كيكمي وشي مركن فقنت بعيد كيكمي ويشرب..مشا لحدا لبار وطلب مشروب قاسح بزاااف وبدا كيشرب ..واحد مورا واحد حتا عينيه حمارو وراسو بدا كيضور..طلب كارو من عند bar man وبدا كيكمي معزف ومغدد..كيتفكر لي فان وفاش كتقوليه كنبغبك وبلا بيك منقدرش نعيش واتفقص..بدلات هاد الكلام كولو ب مكنتش مرتاحة معاك..سالا كاروه وهو ينوض قنت اضربو لقنت ومعاقلش على راسو..خرج على برا وشد سوارتو..طلع لسيارة وحط راسو على لفولون حتا مشات بيع عينو..مفاق هي على صوت دقان فزاج..حلو بثثاقل..وشاف بنت ززينة بزاااف وصدها مدفق وماكيا مزيان..بناسمات وقالت:مال زين ناعس هنا..؟؟😉
محمد:(عينيه مقلوبين بالشراب)ههههههه معجبتكش هنا..ولا ياكما الشارع بسميتك
البنت:هههههه مزاحك زوين..حل الباب نهضرو شوي..باينا فيك قلبك عامر هه خويه علي
محمد:هههه نتي طارو تزبل حتا نخوي عليك قلبي
البنت:(كضحك ضحكة تساقطات)ههههههههههه ويلي شحال زهواني..وا حل الباب خلاص..حشومة تخلي بنت زوينة بحالي واقفا😉😉
محمد حل ليها الباب ومقلوب بريحة الشراب..طلعات حداه وكتشوف فيه شحال وسيم وزادتو سكرة وسامة(استغفر الله 😂😂)
محمد:مالك محنززاهم فيا ههه
البنت:هههه عجبتيني(بتحلوين)وبزااف كاع😉
محمد:(قضات عليه السكرة)😂😂😂 وايلي..بلحق نتي معجبتينيش ههه
مشا بيها جيهة الاوطيل وطريق كاملة وهي كتهضر وتحلون وتبرهش عليه..وهو مع السكرة هي كيضحك ومسايرها..وصلو للباب وهو ينزل وحل ليها الباب ونزلات مضهشرة من داك الاوطيل الضخم لي قدامها..وهي لابسة كسيوة معرية كاملة ومكياج صارخ..تم جاي عندها كيتقرقب فطريق..شدها من خصرها وطلعها معاه حتال السويت لي حلات فيه فمها وممصدقاش انها صيدات كليان بحال هادا..وغترفح معاه..دخلها للبيت ومخداش لوقت بزااغ باش انقض عليها..كان وحش معاها وهي مولفة ما كثر منو..مارس غليها بجميع الاشكال ومواعيش اش كيدير..
سالا منها ونعس وحتا هي نعسات بعد تمرميدة لي مرمدها فالفراش..
*****
صباح جديد..فاقت وردة كيف العادة ناشطة وماشطة وضاحكة..صلات ولبسات حوايجها وفطرات وخرجان تاني بنفس شكلها المعتاد..تيشورط وسروال دجين وسبرديلة وساكادو..وشدات طريق للاوطيل..وصلات بدلات حوايجها وبدات خدمتها تاني بعدما صبحات هلى العموري وفقصاتها على صباح..بقات هاكاك حتا طلعات للخدمة فالسويت..هي مفراسهاش بلي كاين شي حد..والعموري كلفاتها باش هي لي تعود تكلف بجميعو..دخلات بلا استئذان تسحايها مكاين حد..حتا كتصادف بالمنظر المقود فحياتها..محمد مكسل ومغطي نصو بالليزار وحداه مرا عريانة كاملة..شهقات وتخلعات وهي تقول وكتضرب فحناكها:اويلي😱😱 ويلي الشيطان..ويلي على ولد طيط..كيخون مرتو ويلي وحدي 😱😱😱حمااااار غدااار كيخونها(بقات غادا جايا فالبيت)حييةان..البنت غزالة ومخصها والو وشوف باش مبدلها...😡😡بلحق راه كلهم بحال بحال..زامل انسيك فلاخر...والله اليوم حتا نشوهك هي بباتي..
خلاتهم هاكاك وخرجات كتولول معولة تعلم العموري..نزلات فالمصعد وتلاقات مع السيدة لي كانت عاوناتها فاش كانت مريضة..بتاسمات ليها وقالت:سلام صافا؟؟كيبقيتي؟؟
المرا:اهلا بنتي😊😊 شحال قلبت عليك باش نشكرك وملقيتش...شكرا بزااف احبيبة داك نهار نتي لي ساندتيني وبقيتي معايا..vraiment merci
وردة:ههه نونو ماشي مشكل هادا واجب
المرا:انا ادريانا..ونتي؟؟
وردة:وردى ههه
المرا :واخا معرفتش اش كتعني مي متشرفين..شكرااا بزااف على داك نهار بفضلك وليت بخير كون ما نتي كون راني ميتة
وردة:مع الاسف البوليس هنا مكيجيو حتا كتكمل الجريمة كيتعطلو كيتسحابهم الناس كيضحكو عليهم..ولكن الى نتي عيطتي عليهم ولا مشيتي قدمتي بلاغ غيجيو فالبلاصة حيت كيديرو بحساب السياح وكيخافو تشوه صورة البلاد
المرا:داموغ...انا نعيط ou bienنمشي نبلغ كاع..حشومة هادشي لي كيوقع..غنعاونك ابنتي..روحك طيبة بزااف😊😊
وردة:(هههه لهلا يعطيك)شكرااا بزاااف
هزات المرا تيلي قدام وردة وعيطات وعلمات بيهم ..ووردة حابسة ضحكة بزز..من جهة ؤاه كترد ليه فصرف رضاعة ومن جهة راه كتنصف مرتو لي تسحابها مرتو..بعد عشرين دقيقة وقفو البوليس..ولقاو المرا كتسنا فالريسبسيون..نشات عندهم مع وردة لي حانيا راسها ودايرا فيها دور البراءة ههه..
خرجات كتجري...ودار هو لوردة وقال معصب وكشاكشو خارجين:باشمن حق كتجيبي يالحمارة البوليس ليا..وفين فاوطيلي😡😡اش كيتسحاب ليك كرك دايرا😡😡 سكت لي على لسانك سليط وعلى المعبور بلحق دابا فتي لحد(زير على ذراعها) 😡😡😡
وردة:واطلق مني الله يلعن ترابيك الحمار..😠😠 عبرت عليك..نتا لي حيوان وكتخون مرتك..جايب بنت زنقة لهنا
صلاي صلاي..جوج تبربيقات عطاهم ليها بالور تيديه..فحناكها بزوج..عصباتو بهضرتها وفكراتو فمراتو..خصوصا فاش هضرات هلى لهروب..كعا عليعا وضربها..بينما هي معرفات منين جاتها دقا..كتحس بالبالات نزلو على حنوكها..حتا حمارو وعينيها تغرغرو من حر الدقة..شاف فيها باقي مخنزر وقال:تقاودي علي من هنا 😡😡
وردة شدات حنوكها بجوج بيديها وشافت فيه شحال مافيه حتا ذرة ندم وهي تدور بجنابها كتقلب باش تضربو مبان ليها غي الفايوز هزاتو وبغات تنزل عليه بيه للراس..واخا ضربها مبغاتش تبان قدامو ضعيفة ودموعها نازلين مي بغات ترد حقها..شدها من يديها زلواها ليها وهي كتغوت:والله الحمار حتا نوريك..اش تكون فمللك الله حتا تهز علي يديك😠😠😠 اليوم نرد مك شوهةالحيولن😭😭😭عمر با مهز علي يديه تجي نتا وتحطها علي
محمد:(لاوي يديها)ونتي الحمارة لي جايبا لي البوليس لقاع بيتي😡😡😡 وزايظاها مطاولا لسانك...😡😡😡غنربي طواسلك مك
محمد هبط يديه شد فشغلو كيتعصر..مشات تقتل ليه ولادو..ولا حمر وطلق منها كيتعصر..شاف فيها زقال:هاهي فمك..باقي الايام تجمعنا ةنفديها فيك😡😡
وردة:نتا لي بلاتي علي...جبدتي للحرب على راسك ملي قبلتي تخليني هنا😠😠 الى منقلب حياتك سفاها على علاها خليت ذل على العيالات
محمد:(بغا يشدها وهربات)هاهي فيك..😡😡
وردة هىبات من السويت وديركت لمكتب العموري.ويديها على حناكها لي باقي كيضروها..وتصورو صباعو فيهم..حمرين..دخلات كي العجاجة عليها وقالت:واش بصح العقد لي سنيت اليوم مغيخلينيش نقدم استقالتي😡😡😡
العموري:صعر😡😡 مالكي على هاذ الدخلة؟؟
وردة:(صعرات)باغا نخرج من الخدمة😠😠 مبقيتش بيت نخدم😡😡
العموري:مالك على هاد الهضرة😠😠
وردة:فنيدة متسطايش علي..مبيتش باقي نبقا هنا..بيت نمشي جري علي
فتيحة:الله يخليها ساعة معاك..ضرتي فخوك مدار ليك والو..
وردة:عهههه دابا نطلب منو سماحة هههه
ناضت مهم وجدان العشا..تعشاو فجو من ضحك ونشاط وكل واخد تقلب انعس..وردة متحمسة لغدا..باش تفدي دقتها..
اصبح صباح جديد وشرقات شمس حارة ديال الصيف فمراكش وما أدراك ما الحرارة فمراكش..ناضت وردة كتعكز مبتاسمة بتسامة انتصار..ناضت صلات ولبسات حوايجها وجلسات تفطر مع دارهم..حتا نطق باها وقال:نعاود ليك نكتة فهاد الصباح 😂😂
وردة:هههه ارا نسمع
المختار:😂😂😂😂 البارح جاو فيك الخطاب هههه
عم صمت هي ضحكة المختاى لي كتسمع..مها تبلوكات ..وردة هي طلعات معاها القضية وهي تمرغ بالضحك فالارض...كتضحك حتا كيخرحو الدنوع
وردة:😂😂😂😂😂😂😂😂😂😂😂 هههههههههههه ويلي ههههههه حلف
المختار:😂😂😂😂😂😂😂 هانتي كتشوفي.
فتيحة:(بفرحة)😍😍😍 فرحي سعدي ببنيتي..جاوها الخطاب 😄😄😄
فتيحة:😨😨 داك شمكار؟؟؟ واهيا ناري على مغرفة عندك ابنيتي ..
وردة:😂😂😂😂داخلنا عليك بالله واش هاداك هههه ويلي كان كيشري ليا الشكلاط ههه ودابا با نتزوج بيه 😂😂😂 تناكت هههه
المختار:ههههه شتي امدام مناش كنت خايف ههه من هادالبلان الى حليتي عليهم الباب غيبغيو كثر ههههه سمعي ا وردة اش gال(كيعببو)سي المختار..بيت ندي بنتك على سنة الله ورسوله ههههه
وردة:😂😂😂😂 من نيتو ههههههه المسخ ان شاء الله
فتيخة:😫😫😫😫😫
كملات وردة فطورها بالضحك مع باها..اما مها كتحسر على سعد بنتها..ووردة مهامهاش..سلمات عليهم وخرجات باش تمشي للخدمة..فطريقها دازت لحدا واحد دار عندهم جريدة وقطعات من عندهم الحريgة دارتها فميكة وبتاسمات فشر..ياله خشاتها فساكادو وبغات تدور حتا لقات واحد خونا فالله واقف عليها..لابس دجين وتيشورط وحرطاني عاد كولو منيك..بتاسم فخبث وقال:وردة صباح الخير
جات بغات تمشي وهو يحبسها وقال:وردة هضر معاك باك فشي موضوع
وردة:😂😂😂 وي..واقلى هي طالعة ياك ههه
حمزة:لا لا معندي منخبي عليك..من ديما كتعحبيني ابنت الناس وباغيك للمعقول
وردة:(تكرشخات بصحك)😂😂😂😂😂😂😂😂😂😂😂😂😂 ههههههه ربي ربي..ويلي احمزة واش مراداش لبال ..راني صغر منك ب 14 العام هههه دابا بيناتنا..اش عجبك فيا خههههه سير سير الله يعفو ليك..
حمزة:شوفي والله ميخصك خير معايا..راه كيعاودو علي خايب وشمكار ولكن والله حتا نعيشك قايدة...هي قبلي..نت بنت معقولة وبمية راجل
وردة:سير كيما ضحكتبني فهاد الصباح الله يعطيك شي زرقالاف هههههههه...راه هي كضيع زقتو..انا ممجوجاش بحتا حد..ببت نبقا بايرة ههه
حمزة:وردة اللع يهديك..راه هي..
وردة:وراه هضرنا..غتلقى ما حسن مني ان شاء الله..دير النية خهه ياله تلاح..
مشات وخلاتو كيغزل هي بوحدو..حمزة كير من وردة بسنين لا شغل لا مشغالة..طويل وخاوي كي شطاب القهاوي..ومن دبما باغي وردة واخا هي باعزري كتجيك مختالفة وجالف حتا ياخدها فالحلال..
كملات وردة طريقها مبتة بالضحك حيت اول مرة اجي اخطبها شي حد لانها دايرا فبالها أنها لا تمت للانوثة بصلة فا علاش غتعجب شي حد...
وصلات للخدمة معولة على خزيت..مع محمد ومعولة تخليه ضحكة وسط الناس..مشات بدلات حوايجها وطلعات لخدمتها عادي واكيد بديك الميكة ههه خدمات عادي حتا جاتها الخدمة فالسويت طلعات ودخلات بشوي كتقلب مبان ليها حد..لقاتها فرصة مناسبة..دهلات للحمام ولقات جيل دوش حلاتو بصعوبة وهزات الحريgة دارت ليgات باش كتخدم هي..وبدات كتحك فيها حتا رداتها بحال القزبور لاحتها تما وسدات القرعة حركات بجهد باش تطلق فيه ورداتو لبلاصتو ومع القرعة فالشيبي مغيرد البال لوالو..كملات تنظيفها عادي وخرجات قادات لفراش وكتسنا لوقت لي غيدوش فيه..كملات خدمتها وخرجات ياله غتحل لباب وهو يسبقها هو حلو..شافت فيه مخنزرة..زحتا هو..جات بغات تدوز وحبسها..دازت لجهة لخرا وعاود حبسها..هزات فيه راسها وقالت:صباح الله..اش كاين😠؟؟
محمد واقف قدامها مكلضم وعريض من الكتاف وكيغطيها. .لابس سروال دجين كحل وتيشروط فالكري وسبادري كحلة كاملة خاشي يديه فجيبووقال:كاينا شي وحدا فدنيا ودين كتهضر مع الباطرون ديالها هاكا؟؟
وردة:مش انا عملت كده(بغباء مصطنع)يبقا في..😒😒😒
محمد:(بابتسامة استهزاء)هه ..قللتي الادب تاني
وردة:ايوا دير gلبك وجري علي منها نتا ترتاخ وانا عينيا يرجع ليهم ضو..حيت كحالات الدنيا فعيني 😏😏
محمد:(مربع يديه ومصغر عينيه)مممم وايلي..على اساس انا من نهار شفتك وانا فرحان
وردة:يع على باسل..اش كيجيك الحامض😒😒 حيد من طريقي خليني نكمل خدمتي الباطرون
محمد:والى مبغيتش..غتعضيني تاني..
وردة:ههه لي نديرو ليك معالمو غي الله..ونوصيك ديرها فالرجال وترجاها وديرها فالنسا ولا تنساها😉😉
محمد:(باستهزاء)هه من نيتك..هاد التهربيق والقوافي تالهضور ديهم لهيه لجامع الفنا اما هنا صلحي فمك
وردة:خدامة عندك حتا نجي..جي نتا ولا عرفتي ما يجيك مليح انا غنمشي كاع
ياله بغات تمشي وهو يشدها من ذراعها وردها لعندو حتا جات فاص معاه وهو مع طويل كيطل عليها..ههه هزات راسها شافت فيه بعينين عامرين شر وهو كيشوف فيها باستهزاء..وقال:اجي نداوي ليك هاد الحمورية
مجاوبهاش وجرها حكمها حتا ولات ملاصقة معاه ووجها فصدرو العريض وهو شدها من خصرها باش احكمها ويدير ليها لبوماد..هزات راسها وجات عينيها فعينيه وتفيكساو..شاف فيها شحال هو سارح فعينيها وهي كذلك نسات راسها وطتحاول تستكشف شي حاجة فعينيه ومعارفاش لاش..بقاو مدة قصيرة كيتبادلو النظرات وهو سناغل هاد الوقت وورك على البوماد وخرجات ظيركت فحنكها..طلق منها بعدما حس بيها تهدنات وبقا كيماصي ليها حنوكها زعينيه مرا مرا فعينيها بينما هي محيداتهومش عليك وزكات..كتحس بيه بنجها..كمل وشاف فيها وقال:باغا تصوريتي
وردة وعات على راسها وبعدات عليه وقالت:نحطها فالطواليط بابي جيني مثلا😏😏
محمد:سيري فحالك دابا..راه حتاكك تداواو..
وردة:مطلبتكش تداويهم..الى حناكي براو..عظامك نتا عاد غيمرضو😉😉
محمد:؟؟؟؟
وردة:تفزووو..مشي(شافت فتوبة وباستها)بسلامة الفنون ديالي(مواح)البقيرة ديالي☺☺
وردة:علاه مالك نتا شي حاجة مهمة فالبلاد حتا ندير ليك طريقو خاصة فالهضرة..ديما كنهضر هاما..تلاخ اليوم تقجني العموري تعطلت
محمد:سيري سيري
مشات وصلات حدا الباب وقالت:اه...ماشي أنا لي تبقا فيا الدقة😉😉
هو مفهم زالو وخرجات ضحك هليها وقال لبنتو بطفولية:شتي ابابا هاد نانا جديدة ديالك ههه حميمقة ياك
توبة:😄😄😄هههههه..
بقا كيلعب مع بنتو شي خمسة تدقايق حتا بدا كيحرقو لحمو وكيحك فيه بظاااف..حطها فوق الناموسبة وبدا كيحق ولحمو كيحرقو بجهالة..عيط على المربية خلاها معاها وخرج لبيتو..دخل للحمام حيد تيشورت وشاف لحمو حمر ومبرقع..بدا كيحك ووالو عاد مكتزيد لحكة والحريق..دخل تحت الما بحوايجو..وكيتسناه ايبرد ليه ووالو..حيد السروال وبقا صولو وطاق الما بارد عاد ولا شوي..خرج وهو مستغرب من هادشي ولحمو كولو حمر ومطبع بالحكان..وقف قدام المرايا وتصدم من راسو قول فيه الحساسية..ستغرب ومشا خرج وبقا هاكا طلق الكليما مجهدا باش تبرد هليه شوي..وبقا متكي ومرا مرا كيحك..شويا دورها فراسو وحل هينيه على جهدهم وقال بالغوات:وردةةةةةة😡😡😡
محمد:وردة😡😡😡😡
ناض قافز من فوق السرير..وعرفها مولانها وبدات هضرتها متعاود فودنو وبالخصوص"ديرها فالرجال وترجاها وديرها فالنسا ولا تنساها"..تعصب وصعر عليها حيت الحدود فاتتهم..ولعبات معاه لعب خايب..محيلتو لغضبو وعصبيتو لي بغات تخرج من وذنبه ولا لحريق ولحكة لي فيه لحمو كولو كينغل..عاود دخل للدوش وهاد لمرة عروفو خارجين كيتسنا هي يبرد عليه جلدو ويمشي ليها..خوا عليه الما بارد وخرج تاني اتبرد..دازت عشرين دقيقة وبدا لحمو كيبرد..ناض لبس حوايجو ولبس هي لي رطبين باش ميتحاكوش معاه ويضروه..خرج زاعف والوجهة لعند العموري..عاقد حجبانو وعينيه خارج منهم شر..اعدى حاجة عندو لي يلعب عليه ووردة فاتت حدودها..هاز حاجب وحاط لاخر ومع الكحل لي لابس كيبان كي الشياطين..نزل لتحت ومشا برجليه لمكتب العموري..دخل بلا ميدق ردخ الباب حتا تهز من بلاصتو وخلعها وقال:فين ديك البرهوشة؟؟😡😡😡
العموري:(مفهمات والو)😳😳😳 موسيو محمد امين..ن..فاش نقدر نعاونك؟؟
محمد:(بالغوات)وا فين ديك الحمارة؟؟😡😡
العموري:علا..علامن كتهضر؟؟
محمد:وردة😡😡
العموري:اش دارت تاني..انا نتفاهم معاها
ضرب على لبيرو بيديه حتا قفزات:وا قولي فينها ولا برا علي😡😡
العموري:غ..غت..غتكون فصال ديال لغدا راه وقت لغدا هادا
محمد:فين جان؟؟
العموري:انا نوريها ليك
تقدنات قدامو كتغزل حيت كيبان كيخلع بعينيه لي خارجين والعرق لي فعنقو كيضرب بجهد..تمشات معاه جتا وصلو للصال حلاتها وكلشي تلفت الا وردة..كلشي مستغرب من قدوم مول شي لعندهم..شافها عاطياه بالضهر وقال بالغوات:وردة😡😡
هي بلعات ماكلتها بزز وخرجات عينيها بلا مدور عندو هرفاتو عاق بيها ودارت بالعرض البطئ وياريتخا مدارت..مكانش كيف ديما تقدر تغلب عليه بلسانها..كانت ملاميحو عنيفة وكتدل على الغضب..عاد عروقو لي بحال شي بركان بقا ليها شوي وتنفاجر منو..ركباتها الخلعة وكتشوف فدوك لي حداهل بنص عين بحال الى كترجاهم اعتقوها..زعزعها صوتو لي قال:كلشي براااا😡😡ياله
بداو كيتسرسبو بعدما غمواتهم العموري بعينيها..حتا بقاو بثلاثة شير للعموري بلا مبالاة باش تخرج..شافت فيها بحيرة وخرجات..وبقات الضاسرة مع الوحش..بدا كيقرب ليها وهي حسات بالخطر وهي تهرب مورا طبلة حتا ولان بيناتهم..وقالت :اش بيتي باقي غندي؟؟
محمد:(كيحاول ادوز ليها )اش بيت عندك..وعندك سنطيحة لي تقوليهل😡😡 انا نلعبيها علي الحمارة..طولت لسانك علي دوزتها..جبتي ليا لبوليس تال قاع اوطيلي وسرطتها ولكن تديري ليا الحكة للحمي هادي بزاااف😡😡 اجي القحبة تمك لهنا
محمد صعر حيت مكتستسلمش وباقي عاد مزايدا فيه..طار عليها ولاح السمطة كينهج حيت سخفاتو وهي كثر منو ولكن حلفات لستسلمات..شدها دغيا من يديها ولصقها مع القنت تالحيط كينهج وهي كثر منو..شافت راسها صافي وحلات وهي تبدا كترطا ليه بغات تهرب:واطلق ...طلق مني😡😡
محمد كحمها حتا ولات قريبة ليه بزاااف فمو جا فوق راسها ووجها على صدرو ..هزات فيه عينيها وقال:والله يامك اليوم حتا نوريك ..مالك معايا هااا..😡😡 هازا شوكتك وكاع مصايب دنيا ودين درتيهم فوق راسي
بغات تهرب ليه وحكم ليها يديها مع الحيك وحكمهل وقالت:باقي مشفتي والو الدحش😠😠 عندك جوج حلول ايما تجري علي ولا نبقا مسودا حياتك كاملة..تسحابك غدوزها علي وتدوز علي العذاب زعما بحال داكشي تالقصص ساعا العكس..انا لي غنمرضك فح
وردة:انا لي غنمرضك فحياتك حتا تكره الاوطيلات ومايجي منهم..😡😡ماشي بنت المختار لي تلوي ليها ذراعها
محمد:وعاد مزايدا فيه واش معندك لي يحكمك😡😡..(لصقها مع الحيط مزيان)غنوريك النجوم فالنهار
محمد:(هز يديه ونزل عليها لفخضها)معمرك تحلمي تخرجي من هاد الخدمة واخا نعرف معرت شنو...المهم نربي مك مزيان
وردة:احححح الحيوان(تغرغرو عينيها)الله يعطيك الكرد...والله حتا نفديها تاني هي بلاتب😡😡
محمد:(عاود شحطها تاني)باقي عاودي تاني
وردة:(تقسحات)😢😢
محمد شاف فعينبها للحظة وسها فيهم حيت تغرغرو بالدموع ورافضا تهبطهم وكيبانو كيبريو..سها فبها حتا فيقاتو بقرصة فعنقو حطات فيها كاع سمها وطارت على حنكو عظاتو وخلات فيه الاتراس وجمعات الجهد ودفعاتو وقالت:الله يلعن بوك الحمار الحكااار اهئ...حيوااان😡😡😡
محمد شد حنكو وعنقو حيت مسمومة..وضراتو شاف فيها بغضب وقال:مبيتيش تردعي ياك..😡😡 باغاني نقتل مك 😡😡
وردة:الى نتا كيتسحابك غتردعني هاكا راك غي كتحلم اولد ميمتي..برب الى بيا ولا بيك فهاد الاوطيل..
محمد:حتا تبقاي فيه عاد فدي دقتك😏
وردة:(بفرحة)😍😍 غتجري علي ياحليلي
محمد:توتو..الغزالة غنزيد نعذبك كثر..غتخرجي من لفام دشومبر..وغتولي مربية تبنتي
وردة:(ضحكات)😂😂😂😂 من نيتك..بيت نتفك منك ونزيد نتعلق ببنتك..مالك مكلخ هاكا مالك
محمد:(قرب ليها وشدها من عنقها)دابا نشوفو المشة..وهاد العضى نتفاهمو عليها من بعد..عتابري هاد الشحطات هي عقاب على تحديك ليا أما لي جاي باقي غيكون هو غقاب هاد الحركات كاملين لي درتي😡😡
خرج وخلاها كتغدد هي بوحدها..وملي تفكرات شا دارت فيه ضحكات حتا شبعات وحكات الدقات وبرداتهم بينما هو خارج كيبتاسم فاستهزاء حيت عرف بلي هادي هي لي تصلاح تربي بنتو حيت قوية ومعول العب معاها لعبها كيف بغات
محمد خارج مبتاسم باتسامة نصر..وعاجبو الحال انحداها..ويلعب معاها لعبها الباسل..بينما وردة كتخطط تاني لشي بلان تصعرو بيه وصافي..خرجان من البيفي ومشات تكمل خدمتها ولي تلاقات معاه من الموضفين كيسولها مالها مع مول شي..وهي كتقول بلي هي تغالطات ليه..سالات خدمتها وهزات حوايجها وخرجات في اتحاه الطوبيس حتا كيوقف عايها حمزة..بالموتور(المراكشيين كيقولو الموتور ماشي الموطور😂😂)شافت فيه وقالت:ياك لباس اخا حمزة..زاgيا؟؟
حمزة:والة هي تتباني ليا كتمرتي مع هاد الطوبيس وgلت مع راسي نجي نوصلك فطريقي
وردة:(واخا عارفا غرضو طمرات)لا لا هانيا..انا مولفة الطوبيس فيه صحاباتي..ياله تهلا
وردة:(تسيفات )واش اخا مبيتيش تفهم..مبيتش نخرج لعيب حيت ولد الدرب..راه gلنا ليك مبيتش نتزوح لا بيك لا بلا بيك..
حمزة:شوفي ابنت ناس راك معششة ليا فىاسي من صغرك..حيت مرجلة وباقي نقية(كيهضر وسنانو كيبانو كحلين بالحشيش)وانا بيتك هي بيتك
وردة:(تعصبات)صحا تاني هاد الهضرة..سير اخويا شوف ليك شي نميرة خرا اما انا اه منصلاح لا لزواج لا للخطبة..وباش نبقا معاك زوينة كتدg علي فحالك😠😠
حمزة:شنو؟؟
وردة:نواقص😒😒 دg العزوا وحسب خطاويك..براكا علي هي لهم لي عندي نزيد حتا زواج..وسير قلب على شي نقرة فين اغبر نحاسك
حمزة:(شدها من دراغها)وردة..بلا داك تسرهيط ديالك..راه غنتزوجو هي غنتزوجو..بيتي هو هداك مابيتيش هضرا خرا غتكون😠
وردة:(صعرات)الى مبيتش بيتي تجرني بزز عند العدول وتزوجني صحا..سير gلب ستة تسعود..وفوتني عليك حسن ليك 😠😠 نهار باقي طوف بساحتي نديك فين تربا..نصوم حتا نصوم ونفطر على بصلة ..لا خدمة لا ردما..هي بخ والتفرعين كي برغوت المزابلة😠😠
حمزة:هادشي لي ممخليكش تقبلي..الالة الخدمة من غدا نقلب عليها..والعرس المخير نديرو ليك..وميخصك خير
وردة:وا شريف ومولاي والبركة..وقبة بن يوسف..منين كدخل ليك لهضرة ومباغاكش ..مبيتكش مبيتش نتزوج بيك..مكتعجبنيش من لخر
حمزة:(ديمارا لموتور)عقلي على هضرتك اوردة..طيري نزلي ليا غتكوني
وردة:زيد تخرا بلا شي ق****😠😠 بنادم تالكارطون يخ
مشا حمزة وخلاها معصبة ومشات لدارهم قاصدة باها ديركت دخلات لا سلام لا كلام وقالت:با..داك الفراع ديال حمزة افوتني عليه ولا بربي حتا ندعيه
فتيحة:دابا مالكي شاعلة كي الوقيد..سيري تكمشي تاكلي ونتي كتجي بصداعك
خنزرات فيها ومشات بدلات حوايجها وكلات رتاحان بيظما وجد العشا..تعشات ونعسات كتفكر فشي بلان لمحمد..
بينما محمد مسند فوق الناموسية وبنتو ناعسة على كرشها فوق صدرو وكتشخر لابسة غي ليكوش بوحدو..ومحمد كيدوز يديه على ضهرها واليد لخرا مورا عنقو وكيخمم فحياتو وفبنتو..وحتا فمشاريعو الجايا..حتا عيا وناض قاد بنتو فوق الناموسية ومشا لثليليجة وهز مشروب وجلس خدام على شي دواسا ديال الاوطيل حتى طاحت وردة فبالو بتاسم تلقائيا وكمل خدمتو وبعدعا ناض نعس..حيت عيا اليوم
*****
صباح جديد..بشمس جديدة ونفس جديد..فاق محمد على التبجغيك ديال بنتو..لقاها كالعا فوقو وكتبوسو فوجهو وتعاود وتلسق فيه الريوg..وتضحك..بتاسم ليها وقال:واش نتي منعسوش مغاك ها(كيهرها)هههه دوي
محمد:حامضة هيهي..غتمشي لعند شاف ديال فام دميناج وغتبداي معاهم الخدمة اليوم محتاجين شي وحدا😈😈
وردة:(تسيفات عليه)اشناوهو..مالك اخا..فاطر بما حيا😠😠شوف الله يرحم باك مطلعش ليا القردة للgصبا بهاد الفعايل توالو
محمد:انا هنا الباطرون وندير لي بغيت وما عليك غي تنفذي..😈😈
وردة:اهاه😠😠 نفد ياك..واخا اسيدي😡😡(حيدات البادج ديال الخدمة ولاحتها عليه)الى كان كيسحابك بلي غتزيرني هاكت..لا...نموت ومنديرش دامشي لي بغيتي..دعيني ولا دير لي بغيتي..اللهم ندوز الحبس ولا نبقا كنضيع وقتي معاك😡😡
وجات خارحة ووقفها صوتو وقال :كتلعبي بالعافية معايا😤😤
وردة:دبك الهضرة تالافلام سير كولها منافعاش معايا..الحمد لله بكتافي ومرا بألف راجل..الى تحرم الرزق هنا راه كاين فقنت أخر..والى كتعرف با سير دعيه اولظ الناس😠😠 سلام وعليكم
وخرجات وخلاتو مضهشر..حتا قال غيوريها شغلها مزيان وانساحبات فاخر لحظة..تعصب وقال:ميرد..وليت برهوش كنلعب مع لي صغر مني..بلخق هي بشوي غتجيبك الوقت لعندي😠😠
خرجان وردة وبدلات حوايحها ومشات فحالها بلا متسلم على حتا حد..يمكن هو مردش لبال ليها ولكن عينيها كانو مغرغرين بالدموع والحكرة..صحيح أن الخدمة ماشي عيب ولكن ماوصلاتش لدرجة أنها تدير دامشي لي قال ليها وهو الميناج
(مع احتراماتي للنساء لي كيديرو الميناج..نساء بالف رجل كيكافحو ويضربو تمارة على قبل ولادهم ويخدمو عند لي يسوا ولي ميسواش باش اجيبو طرف تالخبز وكيصبرو للذل والهضرة وكاين شي مرات العنف..هاد المهنة مكتخرج ليها هي لي حكها الزمان وقضات عليها الايام ومالقات حيلة..تحية كبيرة للنساء بحال هادو👏👏👏👏)
وردة واخا كانت كدير تقريبا نفس خدمتهم الا أنها كانت تعتبر فام دشومير..وخدمة فام دميناج خدمات فيها لمدة شهرين قبل شافت فيها الويل وكانت باقا صغيرة متحملاتش..كاين لي يسبها وكاين لي يشفق عليها حيت باقي صغيرة وهي ممتحملاش هادشي وخرجات مكسورة خاصو أنها من بعد متخرجات وحلمان تخدم ممرضة انكسر حلمها وولا اشلاء..حلم برئ..مطلباتش بزااف فقط بغات تخدم ممرضة وتصرف على زاليديها..
هي خرجات من الاوطيل طاحو دميعات خفاف على حنكها دنوع لي كبحاتهم عام هادا خرجو اليوم بسباب واحد الانسان مقدرهاش..واخا عند بالها هي مدارت ليه والو..ولكن كيف جرحاتو ملي ذكرات ليه مرتو بلا متقصد جرحها هو بلا ميقصد ملي عطاها هاد الخدمة..
تمات غاديا والكيت فوذنيها وطايح عليها الضيم..لي شافها ميقولش هادي لي عاد كانت البارح ناشطة وضاحكة..ركبات فالطوبيس والوجهة دارهم..بعد دقاىق وصلات نزلات حادرا راسها والدموع فعينيخا..مهضرات حد لي دازت من حداه طيتعجب ليها حيت مموالفاش ليها..وصلات دارهم دقات الباب حلات مها واستغربات وقالت:اشاتا تديري هنا؟؟؟
مجاوباتهاش ودخلات ديركت لبيت لي كتنعس فيه هي وخوها..ترمات فوق السداري وغمضات عينيها ونزلو دموع من عينيها كمشات راسها فالمخدة وبقات هاكاك مدة طوبلة ومها واقفا عليها كتسولها مالها ولا من مجيب..حتا عيات وناضت من حداعا..بقات وردة كدمع فصمت وهادي عادتها مكتبكي ختا كتوصل فيها لفين وطاحو فبالها بزااف تذكريات الخايبين..اولهم مرض باها لي خلاه ينعس فالسبيطار وهي كانت يالاه تخرحات باقي مخدمات موالو ومضطرين على لفلوس لاحت راسها لميناج فواحد المول وخدمات فيه بليل وبنهار كضل تمسح وتغسل والمشكلة معندها صحة ..وزادت ضعافت ولان حالتها..كل نهار باها كيصح وهي كتضهاف حتا تهلكات وطاحت فالخدمة بسخفة وسخانة وقلة الماكلة هزوها لسبيطار وقالو ليهم عندها ضعف التغدية وطونسيون طاح..والخدنة جراو عليها منها وبقات تاني كدور من قنت لقنت حتا تلاقات ببنت العموري وتوسطات ليها مع ماماها وخدماتها فالاوطيل..يمكن شي حد اخر كان ممكن تجيه عادب ولكن وردة مزال ملحقات تنسى صدمة أنها واخا حتا تقرا مغتخدمس فهاد البلاد السعيدة..جاتها صدمة مرض باها..نسات عليها انها بنت وولات عزري كثر من لول وبدات كدمر على دارهم..عمرات المخدة بالدموع ونيوفها حمارو ..حلات عينيها وشافت جنبها ملقات حد..ناضت بثثاقل بدلات عليعا وبدلات حوايجها وخرجات غسلات وجهها وياله بعات تخرج من طواليط لقان مها واقفا ليها دايرا يديها على جنبها وقالت:مي..مافيا لي يهضر ولا يتصادع معاك. غيبي علبا عفاااك
فتيحة:يا هاد البنت gولي هي مالكي اش بيم؟؟
وردة:ماماليش..مبقا حد ارتاح فدارهم
فتيحة:(تابعاها)ومالم جايا هاد الوقت هاذا..ياكما درتي شي زبلة وجراو عليك..راه عارفاك بنت كرشي وخابزاك مبمكنش تسخني بلاصتك
وردة:مي بدلي ساعة بخرا😢😢 بغيت نرتاح
خلاتها وطلعات للسطاح تشم للهوا او بالاحرى تشبع شمس هه..جلسات فواحد القنت فيه ضليلة وجمعات رجليها لعندها وبقات ساهية ..فلحظة رجعان وردة لي عانات فسن صغيرة بزااف واخا ضحوكية وناشطة ولكن قابها مضرور وكرامتها كثر..مهمهاش شكون قال عاكاك..سوا محمد او غيرو المهم تهانت تاني..حبت كتحس براسها بحال الى غتعاود ترجع لنفس السيناريو ...
بقات تما شحال حتا طلع عندها خوها عيك ليها باش تغدا نزلات لقات باها جا..جلسات بلا متهضر حدها باست ليه ايديه وبدان كتاكل وصمت عم المكان هي تنحنيح باها لي كيتسمع ومها كضور فعينيها كي البومة
كلشي غيبان ليه هاد التغيير مفاجئ فشخصبة وردة لي من لول درتها كوميك ومكتهز الهم لوالو وطالقاها فيد الله ولكن شكون فينا لي معندوش ذكرى خايبة تقدر تجيك على غفلة وتفكرك بكلشي خاصة الى كانت البنت كتصنع الشجاعة..ومن هنا كنلغي نقول بلي ماشي اي واحد كيضحك راه فعلا الدنيا عندو هانيو كلنا عندنا الام ومعاناة كتحضر غي هاكاك بوحدها...
#سكينة
قاطعات صمتهم وقالت بصوت مخنوق:خرجت من الخدمة وبلا متسولوني علاش وكيفاش..غنعاود نقلب على شي حاجة حديدة
وناضت من حداهم متسناتهمش اجاوبوها ولا يناقشوها ...باها استغرب بزااف حين عاد ترسمات وخوها هي كيدور فعينيه ...كملو غداهم كيتنهدو بينما وردة مشات للبت لاخر سندات على ظهرها وهزات تيلي والكيت ودارتهم وطلقات موسيقى هادئة..غمضات عينيها وبداو الدنوع كينزلو بوحدهم..وعينيها مسدودين..
اي واحد منا كيتوحش يبكي ويغوت ويخرج شي حاجة فداخلو..واخا يكون هاني معندوش مشاكل ضروري ابغي يبكي..
مشات كع الاغنية والدموع مبغاوش اتحبسو..بقات هاكاك حتا داها النعاس مفاقت هي تلى صوت مها كيعيط بحنية:وردة...فيقي اكبيدتي فيقي..تكلمي لأنور
انور:وشكون gالها ليك..حنا تحت قدر الله ماشي معندناش زهر ولكن باقي محان وقت الفرج وكل توخيرة فيها خيرة اولا
وردة:بفففف..عييت والله..جهدي كولو درتو وجتا حاجة مبغاتش تقاد
انور:عارفاني معنديش مع الملاغة ..جيني نيشان وgولي اش كاين..
وردة:خرجت من الخدمة
انور:هادش علاش مقلقا ههه والله حتا هبيلة..لهلا يقلب ولا يشقلب بشي خدمة لي بات تقلقك ليا
وردة:(شافت فبه)من نيتك انور..راه خرجت من الخدمة يعني مكاين منين نصرف على دار..يعني الى مجبتش ليهم ميصرفو مكاين مناكلو وراك عارف با صحتو على قد الحال وتسمسارت مكدخل ليه والو😞😞
انور:(عنقها بيديه من كتافها)عارف بلي نتي هازا دار ونتي لي كتصرفي ولكن الى رزق تحرم فداك القنت معندك مديري..عاودي ضبري فشي خدمة خرا وربي كبير
وردة:(بيأس)معرفتش والله..محال نلقا شي وحدا خرا بحال هاديك..(تعصبات)كون ما داك ميخي كون راني باقي فخدمتي معززة مكرمة بلحق راه العيالات ولاو كيولدو هي شمايت😡😡
انور:اينا ميخي؟؟😠😠
وردة:الحيوان تالباطرون😒😒هو معامن ضاربت حتا خرجت
انور:(باسها فحنكها)ودابا متبقايش تمرضي راسك..ادير الله خير..ومتبقايش تبكي..
وردة بتاسمات:هه واخا..نخليها فيد الله
بقاو على ديك الزضعية شحال وهي ساكتين..هادو هوما انور ووردة..فقمة الضيق فوقت الحزة..واكيد وقت الفرح..قاطعهم واحد الصوت تيقول:انور خويا غنخسر معاك على هاكا
ضارو بجوج ولقاوه حمزة..واقف عليهم بداك لباس لمشرمل ديالو وهاز جوان فيديه شاف فيه انور وقال بحزم:معارت علاه؟؟
مشات وردة هزات تيليفونها ومشات مع واليديها لدار انور..وخلط عليهم مراد بالموناضا حطو العشا وبداو كياكلو فجو من الضحك والتقشاب مع دقات مراكشية متفرقة..عائلة انور فيها غي هو ومو..معندهوم حتا حد..ومنهار جاو للحومة وهوما مصاحبين مع عائلة وردة وحتا أنور تربا معاهم..
وردة:يا فين ديك الزين صافي تحبك ههه
انور:نعسات مسكينة مع كتضل حدامة
وردة:(بتمياق)مممنم مزينها بنت😏😏
كملو العشا وكلاو ديسير وكملوها بالزريعة البيضا وكل واحد تفرق لدارو..وردة تناسات اش وقع اليوم او بالاحرى حاولات تتناسا..طلقاتها فيد الله كيف ديما..لي باقي شاغلها هو تعويض لي غيطلب منها الاوطيل
مشات لدارهم تلاحت هلى السداري وحداها خوها فالسداري لاخر عريان هي بالسليب..شاغتو وهي تقول :نوض الله يمسخك..القرد
مراد:(مقلوب بالنعاس)نعسي اديك القردة راه كتبدليهم قدامي كاع
مجاوباتوش وضحكات عليه..هو طاب نعاسو وهي حلف لجاها..حيت نعسات بزااف..بقششات فالتيلي ولعبات فيه حتا وصلات الثلاثة عاد بدا يطيب نعاسها..ونعسات معولة على غدا تمشي تقلب على خدمة ومتيأسش..
محمد مورا مخرجات من عندو تضهشر فيها..ظنها غدير ليه شي مقلب اعصبو ويمشي ليها تاني..ولكن لا خرجات ومتسوقاتش ليه ولا حتا لهضرتو..بقا كيخمم شحال فمكتبو وكيحلل حتا لقا بلي راه هو لي كيقلب اجبدها باش ترد ليه الدقة معرفش واش حيت كتعجبو هضرتها ولا حيت كيستمتع بتحدي غيخرج منو هو الرابح..ولا فقط حيت باغيها تكون مربية بنتو..ختارها ليها حيت عارفها قوية ومتجدرة وبنت الشعب وبنتو باغي يكبرها قوية باش مياكلوهاش الذياب..رجع كمل شي خدمة ومرا مرا طيح فبالو ...حتا تعاشات العشية مشا طل على بنتو جلس معاها شوي وناض لبيتو طلب لعشا تعشا وجلس كيبقشش فالتيلي وطاحت فبالو وردة..فكر فأنه ممكن اكون عندها فيس بود ودخل كي الحمق كيقلب باسم وردة كي الهبيل وكيتسنا القاها هه..حتا عاق برايو ولاح تيلي وناض ينعس..حط يديه ورا عنقو وبقا كيخمم تاني فحياتو وجات فبالو مراتو لولة..شاف الخاتم فصباعو بتاسم بسخرية وغمض عينيه كيتسنا النوم يزور جفونو..
*******
بعد اسبوع😉😉
وؤدة دوزات اسبوع كولو كتقيل تقلب على خدمة وديما بنادم كيقول ليها حتا نعيطو ليك بمعنى ممخدمينكش معانا..مخلات فين قلبات وسولات حتا كيطيبو رجليها وترجع فحابها..كتشوف قربات توقف على الحديدة والخدمة باقي مكايناش..حمزة ديما مبرزطها على زواج..بينما محمد دوز اسبوع فحيرة وروينة فعقلو ..شغل راسو بالخدمة بزااف حتى بنتو قليل فاش كيشوفها وكيبقا كشطون بيها وحيت كاينا عطلة ففرنسا يعني غيتgبو سياح فمراكش خصهم اكونو واحدين..داير فبالو باش امشي اقلب على وردة واحطها هي تقابل توبة واخا يعرف اعتاذر ليها..وحتا توبة مرا مرا كتقول ماما الشيء لي كيعصبو وعارفها هي ناوياها فوردة بينما هو هي كيسمعها قالت هاكاك كيتفكر مها..اليوم سالا خدمتو بكري مع العصر ومشا عند العموري وطلب منها ملف ديال وردو لي براسها معرفاتش سبب خروجها من العمل..خداه وبقا كيبقشش فالسيفي وفالعنوان خداه وهز رقمها ومشا فاتجاه العموان..دار google mapفالتيلي وكيقلب على البلاصة ملقا فراسو غي فالمدينة القديمة بسيارتو الكحلة..حطها عند واحد الgارديان..وخرج مكلضم وملامح ممفهومينش..كيتفحص بعينيه المكان لقاه اغلب بناء قدبم ديال الرياضات متقون وقديم..وصل لدربهم لقاه كيغلي بالبراهش شي كيلعب السيس شي البي..شي لاستيك..بتاسم وعيط لواحد لوليد وتحنا لعندو وقال:بغيت نسولك..كتعرف دار وردة؟؟
الولظ:(بصوت مراكشي)وردة سعيد ياك؟؟.ديك المسلوتة هههههه
محمد:(ضحك)هههه اه ديك رقيوقة ههه
الولد:هههه هاظيك راه ميتة ماشي مضعفنة هههه اش بيتيها؟؟
محمد تعجب منو حيت باقي صغير وكيهضر هاكا..خشا يدو فجيبو وخرج الفلوس عطاه وقال:ياله gولي فينها دارهم
الولد:هاهي هي هادي لي واgف حداها😂😂😂
ضحك عليه ومشا..ومحمد ضحك حيت شمتو..شاف دار لقاها رياض صغير باينا قديم وبابو من الخشب مصبوغ بالقهوي وقيه يد حديدية ديال الدقان..دق الباب وكيتسنا الحواب..وعاود دق عاد سمع صوتها ومن غيرها وردة كتغوت:وا بلاتي ابنادم..تسحابك حاطا كرسي حداه(حلات الباب وتصدنات)نتا😨😨؟؟؟
محمد:ههه كيجيتك..خرجي باغي نهضر معاك
وردة:(غوبشات)اش وصلك لدارنا..تسرسب حسب خطاويك قبل من جمع عليه الناس..هنا لي بقا ليك مضاربتيش فيه معايا😠😠
محمد:بغيت نهضر معاك جوج كلمات ونزيد فحالي..وغتسمعيني وبزز
وردة:بزز كاع...حلف بالله..لا لا زالله حتا تحلف...نوض اوا تgعد تقدا حاجة راسك
النختار:اهياتا مالكي على هاد اللسان السليط😠 حتارمي الراجل
وردة:😡😡😡
فتبحة:(واقفا دايرا يديها على جنابها ومع غليضة كتبان بخال شي جبل)واش بيتي تقتل راسك اشريف..وتخليني انا وهاد الgناطح😡😡 راه غندير معاك سوق وسويقة على هاد البلانات..نقص شوي راه شرفتي مشات ايام الكارو ب 16..
المختار:واش بيتو تندمونا حيت كمينا وايلي
وردة:كميه فالدار وفالزنقة اما فالحمام وذاتك سخونة كيدرتي ليها..المرة الجايا غندير معاك حساب اخر..والحساب غيكون صابون
المختار:يانوضي كاع نتي هزي الجريدة واجي خلي دار بويا ههههه اودي...فتيحة اري داك السبسي من البيت
فتيحة ووردة:😠😠😠😠
المختار:ههههه ياربي سلامة...(تلفت جيهة محمد)بان ليا الاخ ماشي من هنا...سكنتي جديد
ياله غيجاوب وهي تقاطعو وردة:لا هذا هي واحد السعاي وعاونك صافي😈😈
المختار:الله يمسخك...هادا باينا عليه حالة سعاي..السيد شو كي لابس والجلسة نخوا نعام اس..الله يرضي عليك عاونتيني
محمد:الله اودي..ماشي مشكل الحاج..😊😊
المختار:وا الحج باقي ممشينا بلحق راه زرنا السيادا والضوارح 😂😂😂😂
محمد:ههههه ياك..انا محمد امين الباطرون ديال هادي(كيشير فوردة)
وردة:😨😨😨 تلاعنداك ابا..راه مكنعرفوش
فتيحة:ويلي..اربي اوليدي الى مسمح لينا لقيتينا مشطونين ومعطيناك وقت..مرحبا بيك
بتاسم ليها بتسامة تذوب سهات فيها وردة وقال:الله يبارك فيك..ماشي مشكل😊😊 انا جيت باش نرجع وردة لخدمتها
وردة:😱😱😱 نوض فحالك gلاك..والله لعتبتها معاك القرد
فتيخة:(جراتها من شعرها حتا تطلق حيت كانت شاداه هي شدة مهملة)سكتي الله يلعن والديك😠😠
المختار:(بفرحة)😍😍😍 ولاش عذبتي راسك ديك ساعة هي عيط ليها هههه
محمد:ماشي مشكل..انا جيت بغيت نرجعها ولكن ماشي كفام دشومبر بغيتها تكون مربية بنتي
نفزات وردة:وانا مبيتش ياله سير فحالك😠😠
ضار لجيهتها عاد شاف شعرها لي تطلق عليها..وكانت اول مرة اشوفها بشعرها مطلوق ديما جامعاه سفنجة حتا شك واش عندها ههه..سها فيها وقال:لقيتي ماحسن😠😠
وردة:واخا نموت بجوع منرجع نخدم عندك..حيت يا غنطرطق ليك المرارة يا غتجبد فيا الشيب الزرق اللهم سير قلب ليك على شي حد اخر ولا خلي هي ديك ستيلو خضر لي عندك تربيها نيت
المختار:ولايني راه مكتقشريش..وا سيد جا تال لهنا وطلبك ورغبك ونتي كتعاندي..اباز الالة باز..فين ولدتك فين
وردة:با..الى على الخدمة غنقلب فقنت اخر الرزق فينما مشيتي موجود😠😠 والى كان الرزق هي عند هاذا وراه محرم
فتيحة:فين صندارتي والله حتا نعاود نربيك..شوف اوليدي راها قابلا ضربها على حسابي هه
المختار:واش دار ليك هاد السيد شي حاجة حتا دايرا ليه هاد السوق هاكا
وردة:من عند الله مكنحملوش يخ
محمد:زعما نتي سكنتي قلبي وجلفتي لا خرجتي..انوضي راه هي حيت بنتي تعلقات بيك اما منجيش
فتيحة:هيه😤😤 لواه اوليدي..متديش عليها راه سلعة ناقصا بحالها بحال باها.😏😏
المختار:ياك هاد باها هو لي كنت كتموتي عليه..وتغوتي لربي لي خلقك الى مديتو مندي غيرو..هااا ولا دابا ولينا سلعة ناقصة..
محمد ضحكوه بزااف..حيت كيشوف عائلتها مندامجة ومنساجمة واخا الفقر بلحق ديك العيشة زوينة على الاقل كيكبرو مجموعين فطبلة وحدا وفبيت واحد..شاف فوردة لي مغوبشة وخنزر فيها وهي تبزق ليه بلا ميشوفوها واليديها لي كانو كيتناقشو على هضرة مها هه..خرج عينيه فبها وهي كتقلي ليه السم..حتا دخل انور ..شاف فباها وقال:سي المختار gالو ليا سخفتي فالحمام..ولكن والله متبقت😂😂 هانتا صحيح كي البغل
هبطات عليه وردة لعنقو بتصرفيقو:الله يلعن بوك..با بغل
انور:(كيكمد فالدقة)احححح حيدي علي..راه كنت بيت نgول كي العاود..بففف يديها شحال مسمومين
محمد:وماشتي القرصة عندها هه
انور:(واخا معرفوش)قرصاتك ههه..باز ليم
فتيحة:(كتليع فيها)ها لي باقي يقرص فولاد الناس..الكلبة
وردة:اححح وانوض الله يعطيك الموت نوض فحالك..خرجتي علي هاد النهار ومبيتش نخدم عندك
المختار:مكتعاود هي صلاتو على نبي ههه غدا غتبدا معاك
منذ الأزل و إلى الأبد الجزء الثاني
محتوى القصة
التنقل بين الأجزاء