انور:سي المختار شتي هاد الحليقة هنا غتبقا ليك..وغتبور
وردى:وعلاه مالي كي بنت ليك 😡😡
محمد:غزالة ولسانك طويل...لي سمعك كتهضري عمرو باقي يطوف بساحتك باقي هههه
انور:😂😂😂😂عطات ربحتك هههه
المختار:😂😂😂😂😂
وردة:😡😡😡😡 مشي..
انور:انشيك ويمشي..ميخلي فيك لا عظم ولا شي ابنت درب ضباشي😂😂😂
وردة:انور😡😡😡 راه كتنبر علي
وقفات ومشات لعند مها تبدل ساعة بخرا..وشعرها موراها مطلوق خلا محمد هي حال فمو..قرر انه يبقا هي حاضيها باش اكتاشف فيها داك الجانب ديال الدار فيها..وزاد صدمو شعرها لي عمرو ظن لنه طويل وحتا عمرو مرد ليه البال..بقا متبع ليها حتا دخلات للكوزينة..بتاسم ودار جيهة باها وانور وبقا مجمع معاهم...
انور:نتا لباطرون ديالها فالاوطيل؟؟
محمد:وي
انور:يعني نتا لي جريتي عليها ياك؟؟
محمد:ههه مجريتش عليها هي لي خلات الخدمة
انور:ولكن نتا لي طبرتيها لا😒😒
محمد:فهمتي غلط..وردة فمها سابقها وكطول لسانها علي وانا كنشد معاها ضدد..ودايرين كي المش مع الفار..فظرف وجيز ولا الاوطيل كامل عاىفنا ممقادينش..وهادا ماكان
المختار:انا بعدا ديك البنت راه حرت معاها هههه كديرهم قد راسها..ها انور راه كبر معاها ودايرا هاكاك معاه نيت ههه هي سلك..
محمد:خههههه انا لها بالمرصاد
محمد جاب ليه الله بحال الى جا يخطبها وكيتحاور مع باها ضحك فخاطرو وكمب معاهم جموع..لقاهم مفروحين كيهضرو شوي ويتقتقو شوي..كل مرة قالبينها ميزان مراكشي..جات فتيحة فيدها الصينية وموراها وردة هازا تيلي ديالها مخنزرة..جلسات حداهم وكتخنزر فمحمد..كبو اتاي وبداو كيشربو فيه ومجمعين ومحمد دغيا نظامج معاهم..سنأذن منهم وقال:نخليكن دابا..خصني نمشي..وؤدة غنتسنا الرد ديالك فاقرب وقت
المختار:حط ليها لعنوان فين تجي وغدا تكون عندك هههه
وردة:راه والله لمشيت
فتيحو:ايوا هي صومي راه غتمشي بزز عليك ههه ونوضي مع الراجل للباب
وردة:😡😡😡 نوض ياله
مشات قدامو وهو تابعها وحال عينيه فشعرها حتا وصلو للباب حلاتو ليه وياله بغا يخرج زهو يقول:هههه نعطيك العنوان ولا نصيفط لي يجيبك
وردة:(من تحت سنانها)الى منكحل عليك حياتك ها وجهي وها ديالك..😤😤
يعتريني شعور بالإطمئنان وللامان..بالحب وبالأحاسيس الجارفة تجاهك..سالخص كل مفاهيم العشق ..سانسى أن هناك كلمة احبك..او أعشقك..ساقول كلمة واحدة..ستربطنا وستغير المفاهيم القدسية للعشق..الى الأبد ومنذ الأزل..
#سكينة أيت الكبير
*****
شرقات شميسة جديدة وضربات فمراكش اشعتها الحارقة..فاقت وردة على يدين مها كتفيق فيها وتنغزها بالمغرفة مع كانت كطيب الحريرة هه..
وردة:سيري قضي شغلك وراه باقي الحال😴😴
فتيخة:نوضي يابنت التالفة راه الشيفور كيتسناك لتحت
وردة:اينا شيفور(مغمضة عينبها)؟؟؟
فتيحة:ديال الكار لي غيديك لجهنم الجحمومة😠😠 نوضي خلاص
حلات عينيها مقندشو وقالت:صباح الله..هادا هو صباح لخير عندك
فتيحة:كون نضتي كي البنات المسgدات كون gلتها ليك ولايني نتي جيفة ياله تهزي
وردة:(ربعات يديها)ممم بنت ليك معمري شفتها..راه واقلة ممرضة
محمد:تحركي ممساليش ليك..
تمشا قدامها وهي وراه كتعاير فيه..حتا وصلو لباب بيت توبة دخلو وطل عليها لقاها ناعسة وحالا فمها طالقا رجليها وكتبات ملاك صافي..قرب ليها باسها وقال:ياقي متفيق..حتال لديك العشرة تقريبا..
وردة:وجايبني يا ولد الحرام دابا 😨😨 خليني هي نعس فخاطري😭😭😭
محمد:محبستكش..نعسي الى بغيتي ولكن ديما فهاد الوقت تكوني هنا..ومنوراها نعسي حداها..توبة فعمرها ست شهور ياله بداو سنان كينوضو ليها..البيبرون راك ممرضو وعارفا وقتها كل ساعتين..ردي معاها البال راه عاد كتعلم تحبو وكتحرك بزااف..راه تحرك وتوقع ليها شي حاجة حسابك غيكون عسير
وردة:(كتفوه)صافي ساليتي😴😴 تلاح خليني نعس
محمد:بففف معامن انا..انا خارج
وردة:(كتحيد سبرديلتها)لهلا يردك وانا مالي(تلاحت حدا توبة وحطان يديها عليها)تصبح على خير
وغمضات عينيها بينما هو وقف كيشوف فيهم بجوج..وحدا تنسيك فالاخرى..بجوجخم خص لي يربيهم..تأمل وردة شوي وخرج يدير سبور..هز الكاسك والتيلي وخرج يجري وهي الهواية لي كتعجبو يمارسها..
رجع بعد ساعتين ديال الجرا..مشا دوش وبدل عليه ..وتوجه لعندهم..دخل لقا توبة فايقة وكتبجغط فوق الناموسبة كتشوف فوردة وتضحك ..تقلبات على كرشها ووقفات على ركابيهة حتا ولات كتحبو ودازت لعندها..بدات كتحط راسها على وجه وردة لي مجايبا للدنيا ..كتضحك وتبجغط بوحدها ومحمد حاضيها من بعيد كيشوف بنتو فرحانة بيها ..حسات وردة عليها حلات عينيها بشوي وشافتها بتاسمات وهزاتها فوق كرشها باستها وقالت:صباح الخير معيكزتي ههه فقتي ليوم بكري ههه
وردة:(معنقاها)هههه هي لي كنفهم ههه حبيبو ديالي بات ترضع ههه ياك..اجي نديرو حك حك ونشربو حليبة ديالنا ومن بعد اراك للعب هه
توبة:(بحال الى فهمانها)😄😄😄😄😄هههههه ما..ما...ههههن
هزاتها ووقفات وقالت:البرودوي ديالها فبن؟؟
محمد:غتلقاي ملشي فالحمام والحليب راه لهيه
وردة:اجي ازيوناات نديرو دوش دوش ههه
دخلات للحمام وتبعها شافتو وقالت:اربي فين كابر ههه راه غندوش ليها خرج برا
محمد:(ببرود)راه بنتي ..وبغيت نحضر ليها كدوش
وردة:(بتمياق)ممم ومالك عمرك شفتيها كدوش😏😏
محمد:تحركي قضي شغلك ياله
مداتهاش فيه عطاتز توبة وعمرات البانيو جابت اتروس ديالها قلبات لبرودوي ديالها واحد بواحد وخوات ليها واحد زوين فيه ريحة الشكلاط..وشداتها من عندو نصلات ليها حوايحعا..وحطاتخا فالما وبدات كتخوي عليها الما من الفوق وتوبة كضحك وتلعب بيه..دارت ليها شمبوان وغسلات ليها شعرها شللات ليها هزات بينوار صغير لواتها فيه وجات بغات تخرج لقات محمد ساهي فبهم بجوج كيف فرحانين بزااف بنتو..شافت فيه وقالت:حضيني والله حتا نسطي دين مك 😤😤
محمد ضحك فخاطرو..واخا هاكاك مكيبغيش ابين ليها بلي راه كضحكو كيفضل ميضسرهاش عليه..هي بلا مبضحك ليها وضاسرة عليه عساك الى ضحك..تبعها حتا حطات البنت فوق الناموسية وبدات كتنشف ليها وتبوس فيها وتهرها وتوبة بغات تموت بضحك كتهز يديها وتبغي تشد فيها ووردة كتهرب وجهها بضحكة..هزات راسها فمحمد لي كيشوف فيهم بابتسامة ساحرة وقالت:فين حوايجها؟؟
محمد:(شير بيديه للبلاصا)
مشات وجابتهم ختارتهم على ذوقها مع البامبرز..وواحد الحليب باش تدهن ليها بحمها..مشات ليها لقات محمد جالس حداها وكيلعب بصباعها وهي كتشد فيه..شافت فيه وقالت:واش معندك شغل..اوطيل gد الخلا ونتا مقلز ليا هنا..نوض تقدا حاجة لمخك واحضيني
خنزر فيها وقال:كنظن الاوطيل ديالي ونجلس فينما بغيت..كملي خدمتك😠😠
وردة:تفو شكون صرفت فيه العيب حتا طلاني بكمارتك يخ😠😠
مجاوبهاش حيت مبغاش تخسر ليه اللحظة..نشفات هي لتوبة مع قبلات فيها ودارت ليها الحليب لبساتها حوايجها وهزاتها فيديها وممسوقاش ليه ومشات لواحد الكوان في السويت بحال كوزينة صغيرة..بدات كتقلب بعينيها على الحليب ولا شي حاجة وقالت بجهد:اداك اه..اجي نgوليك
مجاوبهاش وعطاها مشي حيت معجباتوش الطريقة باش كتهضر معاه..عصبها ومشات عندو وقالت:ياكما كنهضر بالشنوية راه عيطت ليك زعما
محمد:سميتي محمد ماشي اداك اه
وردة:بزاعط الى سميتك محمد انا راه سميتي وردة كاع ياله..وافين البيبرون تالبنت راه خصها ترضع
محمد:(هاز حاجب)ايوا رضعيها نتي😉😉
وردة:ياكما gالو ليك علي حالا دار الحليب..تهز وريني فين نلقا اش بيت ولا راه غتبقا البنت بجوع
بتاسم فاستهزاء وناض تبعاتو وراها فين محطوط كلشي ..بدات كتوجد ليها لبيبرون بيد وحدا ويد هازاها بيها..ومحمد حاضيها كتهضر معاها وتضحك ومتسوقاتش ليه..حطاتها فحجرخا وعطاتها البيبرون وبدات كترضع..حتا هضر محمد:انا خارج دابا..البنت فأمانتك..ردي البال الى وقعات شي حاجة ها نمرتي
شافتو جاي ليها ووجهو مكيبشرش بالخير صاعر وعينيه حمرين وهي تعلق وتبعها كيهلل تليها:اجي الله يحرق دين مك الكلبة..اش دوك لفعايل مولف معاك هاد الضحك الباسل😡😡😡وقفي راه نشدك نقسمك على جوج وقفييي
وردة كتجري ليه وسط السويت وهارفاه الى شدها ايما اضربها ولا يرد ليها دقة بما كفس..كتجري حتا كتقطع فيها نفس..تخبات ورا الطبالي وتابعها كي الحمق وهي مرا طلبو مرا تضحك عليه شي لي كيخليه اصعر زباغي يشدها مي كطير كي زواق..رجعاتو كي الهبيل كيغوت موراهت:وقفي وقفي😡😡😡 راه عاد مكتجعريني كثر وقفي
وردة:(كدوز ليه بين الكراسا)والله لكانت ليك..نتا تنعس ترتاح وانا تفيقني مع نبوري..واخا نكون غنسرح النعاج خهههه بلحق والله حتا ضحكتيني😂😉😂😂😂
محمد:(صعر بالبيان)غنفي ديلمك..بلاتي تجي فيدي...(نقز ليها من فوق الطبلة)هانا غنطحن مك
محمد صعراتو حيت عرفات كي تلعبها عض على سنانو معزف ويديه بغاو يكىطقو وقال:حطي لبنت واجي نتفاهمو بالتي هي احسن
وردة:😂😂😉 دابا غنضحك عليك بالمعقول كيف بيت وا ههههههههههه وا كاكاكاكا..ههههههه واع كيكنتي كتبان لخرا تضحك
محمد:(بالغوات)تحركي لهنا😡😡
وردة:سكت الله يسكت ليك الحس ان شاء الله..مجاياش يالله وا تفركع مالي مرتك حتا كتأمرني😂😂😉
عصباتو حيت باقي كضحك ومخافتش منو..تقدم لحيهتها بلا مبتسوق وهي كترعد وهازا البنت فيظيها..وصل حداها وقال :دابا هاني جيت..تفيق توبة ولا لا..مكاين لي يفكك من هاد الفعايل توالو
وردة:(كتفتف)هااا..شوف هانتا راه بغيت غي نضحك معاك ويلي..مبقا حد اضحك مع باطرونو
محمد:(كيتفحص وجهها وكل قنت فيه)مممم اليوم نخرج روحك..ياله طلبي السماحة ياله
وردة:طفرتيه😏خدام علي(كتعيبو)نشدك نقسمك على جوج..نفلعصك..نننن وفلخر عتاذري بشاخ ههههههههههخنه
نعس هو وهي تلاحت على الفوتوي بعيد عليه ونعسات..معقلاتش على حتا واحد..
بعد ساعتين فاق محمد هو لول..ناض يدوش وهو يتفكرها..مشا لجيهتها معول على انه يرد ليها الصرف..قرب ليها وشافها منشورة على ضهرها فوق الفوتوي وطالقا رجليها وشعرها تخربق وطاح على وجهها..تحنا لجيهتها وكلس مقرد هز ليها شهرها وشاف فيها شحال بناسم لديك البراءة لي فيها ولي مكتبانش فبها ملي كتكون خايبا..بلا ميحس مد يديه لوجهها وبدا يقيس فحناكها رطبين ..دوز صباعو على شفايفها وعلى شفارها..قرب ليها حتا ولا كيحس بالنفس لي كتخرج من نيفها..
زاد قرب كثر وغمض عينيه كيحاول اشم ريحتها لسبب معرفةش..حل عينيه وشاف شي زغيبات طايحين على وجهها..ساط بشوي تنفس حتا طارو لجنب..دوز يديه على وجهها بحنيو وقال:لي شافك هاكا ميقولش هادي هي لي لسانها كيخرج هي سم هه..كمل تأملو فيها وكيحقق فتراسيم وجهها..بحال الى كيعبرها..شاف شكل عويناتها والهالات السودة لي ضايرين ليهم..نيف مقاد وفيم مجموع ولونو عادي بحال كاع البنات ولمن كتميز واخا هاكاك..كيشوفها كينسها راسو خاصة ملي كتهضر كيغي ابقا يسمعها هي تهضر دوك الهضور والقوافي تابمراكشيين..قول كدير الحلقة مع المسيح..وقف وشافها معنكشة فالنعسة جمع ليها رجليها من الارض ومشا فاتجاه الدوش وميات سؤال فراسو..علاش كيقرب ليها وكتعجبو فتصرفاتها كثى مكتعجبو فوجهها..واخا كتعصبو وكتصعرو وكدير شي فعايل ديال العصا ولكن كيستمتع بفعايلها..حيت عارفها مكتنساش دقتها..والبارح طتاشف فيها أنها حنبنة بزااف من طريقة باش كتعتاني بتوبة عكس المربيات لقدام كانو شادين هي لخاطر وصافي..دوش تحت تأثير افكارو لي بغات تحمقو..خرج ولبس حوايجو بعيد عليها..ومشا لجيهتها بغا يفيقها عزات عليه وهزها للناموسبة حدا توبة وهي مجايباش للدنيا خبار..حطها حداها وخرج مبتاسم ومعرفش لاش..مشا اقضي يومو كيف ديما..بينما وردة مدازش بزااف فاش فاقت على يدين توبة فوجهها..حلات عينيها فيها وقالت كتعجز:صباح الخير بنوتي زوينة ههه(هزاتها)اجي عندي الحلاوة الفنة..اححح نتي شحال سكرة ههه
وردة :تسطيتي لا..راه باقي غي كتعلم الى طلقتها غطيح
محمد:هي طلقي
كان قريب لتوبة بزااف يعني غيشدها..ياله طلقاتها وهي تعثر وطاحت وملحقش اشدها..طارت عليها وردى هزاتها كتسكت فيها والبنت بوحاطية دغيا تلقات زواكتها مرضاتش تطيح واقلة..هزاتها كتراري بيها وتسكتها ومحمد معحب فيهم حيت دغيا نساجمو
وردة:واصاقي ابابا موقع والو(كدوز يديها على ضهرها)صافي صاقي
محمد:بفففف نسيت واش باقي صغيرة
وردة:كون كنت كتسمع كون لباس علبك..نهار باقي تgولي طلقيها غندير معاك سوق وسويقة تابحساب
وردة نزلاتها للترض وقالت:ها حنا نعاودو من لول تاني(شدات فيها من لور)دايدا دايدت...ياله تمشاي
كتحاول تمشا وتعكل ومحمد حاضيهم مبتاسم بحال أم وبنتها لدرجة شك ان مرتو ممكن انها تعاملها بحال هاكا حيت مها..وردة كتعاملها بعفوية وبراءة يمكن حيت حتا هي برهوشة بحالها..ولا حيت عارفا اش خص داراي صغار..بقا متبعهم وكيضحك ووقتما طاحت اصفق عليها باش تعاود تنوض حتل عيات وقلبات حبو وبدات كتحبو وتهرب لتوبة لي كتسايىها فلعبها
بقا معاهم محمد شحال هي كيشوف فيهم فرحان ..وتوبة نساتو ملي لقات لي يلعب معاها..امت وردة قول كانو شادينها..طتلعب معاها وشادا ليها لخاطر حتا وصل وقت الغدا..طلب ليها غداها بينما وردة كتقاد لبيبرون لخرا..جابو سيرفيس الغدا وعيط ليها تاكل..شافت فيه وقالت:اربي واش مسالي راسك..ههه؟؟
محمد:ههههه واشنو دابا غتبقاي بجوع؟؟بغيتي شي حاجة من برا
وردة:مبيتش صافي..ارا توبة صافي
عطاها ليها وحاير معاها..بقات فيه حيت مكلات والو..شدات توبة ومشات كتنعسها حيت وقت القيلولة..بقات كتراري بيها حتا بدا النعاس كيجيها..حطاتها فوق الناموسية وتلاحت حداها ومحمد بعيد عليهم كيشوف فيهم وشي حاجة فيه مخلاتوش اخليها بلا غدا..ناض خرج وخلاها مع توبة كدوز يديها على كرشها باش تنعسها..حتا غفات معاها..محمد نزل للتحت كاع وطلب من النائب ديالو اوصي ليه من شي بلاصة فجامع الفنا على شي طاجين ولا شي حاجة تقليدية..مدازت حتا نص ساعة جابو ليه طاجين مغربي ودوزوه للكوزينة قادوه فالشكل ومعاه شي شلايض وجابوه ليه..شاف فالسيرفور لي جابو وقال:واخا تبعني
مشا قدامو وطلعو للسويت..دخلو ليه وحط ليه داكشي فكروسة ههه ..دور معاه محمد ومشا..بينما هو مشا يفيق وردة لي كانت غارقا فالنعاس حتا توبة كل وحدا فين ناشرة رجليها ومزلعاهم..قرب ليها وقاس خناكها بحنية وقال:وردة..وردة فيقي
متسناتش اهضر هزات الخبز وبدات كتاكل بلا عقل..لقمة مور الخرا وتبنن وهو حاضيها ومرة مرة انقب معاها..هاز تيلي كيلعب فيه واشوف فيها مرا مرا وهي ممسوقاش ليه كتاكل وتبنن ..
وردة:(كتمضغ)مممم بنين..كول ههه
محمد:ههه هي بصحا معنديش معاه
وردة:(كتاكل)دونك ماشي مغربي ههه ماشي مراكشي هي جوج حيت المغرب هو الطاجين والحريرة هههه
محمد:متهضريش ونني كتاكلي..غتوحل ليك
وردة:توحل ليك نتا نيت😒😒 على فعاياك الزينة مممم غزاال
محمد سكت مجاوبهاش خلاها كتاكل فراحتها ومكيشوفش فيها باش تاخد راحتها ساعا معامن هو..كلات وكملات..شربات الما وناضت غسلات يديها وتلاحت حداه كترتاح..حتا قال:ساليتي الافتراس
وردة:😤😤 راخ كنت ميتة بجوع مكليتش من صباح
محمد:درت فيك خير ..خهه
وردة:وها حنا تاني بدينا فالمنان..بزاعط مطلبتكش 😒😒
محمد:هههههخه عقلي الى ما شي نهار هرست ليك فمك راه مولد فيها الساجدي خي لخلا
هزاتها كضحك ومشات بدلات ليها تحت انظار محمد لي دغيا عصباتو بهضرتها..ووجدات ساكها فيه البيبرون والليكوش ولي غتحتاح..وجات قالت:صافي واجدة ههه
محمد خنزر ومشا وتبعاتو كتمازح مع توبة وتضحك..ركبو فالاوطو وهي طلعات لور على قبل توبة..كنشوف فيه من المرايا عاقدهم ومكيشوفش فيها باينا تقلق وهي تقول:ههههه راه غي ضحكت معاك ...
محمد:(ضحك من طريقو هضرتها خاصة انها اول مرة تهضر هاكا)هههه واخا طلبي
وردة:مبيتش نمشي معاكم..سيرو نتوما شوفو ضيافكم وانا نبقا هنا مع توبة عفاااااك
محمد:(بتشكيك مكمش عينيه)وعلاش؟؟
وردة:على مولاه..بيت نبقا هنا وزايدون توبة كتحرك بزااف غادي تبرزطكم..عفاك هي سير
سكت وبقا كبشوف فيها وقال:واخا بقاي هنا مي واياك تحركي وبلا دوك زبايل ديالك تاني
وردة:واخا😏😏
خرج وخلاها فالثالة بوحدها بقات كتلعب مع توبة حتا تلسقو عينيها بالنعاس وهزاتها كتنعسها والسكاتة ففمها..حطاتها فوق فوتوي وخلاتها تنعس بخاطرها..بقات وردة تما ملقات مدير..كتمشي وتجي..لعبات بصباعها برgكات الصالة لعبات فالتيلي وملات وقالت تخرج هي قدام الصالة طل لي فيها ما هناها...وقفات كسلت وخرجات وكتبات ليها الفيلا كبيرة وفيها فراش غزااال ومتقون ونقية..عيا راسها بكثرة مكيضور على الديكورات..بانت ليها جردة وقالت تخرج ليها مالهم هوما يستمتعو وهي لا..رجعات حتا دارت مخيدات صغار لتوبة باش الى نقلبات مطيحش وخرجات من واحد البالكون طويل للحردة وبقات كضور فيها عحباتها كلها ضواو وزوينة بالخضورية..نسات راسها ورجليها سرحو حتا وصلات حدا واحد الحيط فيه المكانات تاع ضو تالفيلا..بقات كتشوق فيهم مفهمات والو خاصة حيت كيبانو بحالا هي زواق..وركات على واحد وهوما يشعلو ضواو فالجردة وولات كتبان بحال السما الى كانت مضوية بنجوم ضحكات وقالت:واوووو😍😍😍
رجعات لبوطونان وعاودات وركات وزادو الضواو لخرين شعلو عجبهل لحال وتسحلاتها..وهي تورك تاني على بوطون حمر...وهوب تقطع الضو من الفيلا كاملة بما فيها الجردة وولا هي ضلام لي كيبان
محمد كان جالس فالراس تطبلة الماكلة وفالراس لاخر كاين سمير حداه مرتو وفالجنب بنتو وضيافهم شاب ثلاثيني زوين ومعاه مو وباه لي كانو بحال سمير وزهرة كوبل كبير وراقي وكلشي عندهم بلباقة ..
سمير:مرحبا بموسيو العبدي
العبدي:(مبتاسم)الله يبارك فيه
دوزو داك الكلام تاع الترحيب وطبعا كولو بالشيكي وبشوي والعضرة عربية ومخلطة فرنسية..محمد كيلوح مرا مرا كلمة ويبتاسم بزز..
العبدي:سي سمير..غرضنا من هاد الزيارة باين..ولدي سيدي معاد حب بنتك وبغا يكمل معاها...
ياله غيكمل هضرتو وهو..
ياله غيكمل هضرتو وهو يطفا ضو..كلشي شهق واستغرب من هادشي حيت عمرو وقع..شعلو تيليفونات..
زهرة:مي اش واقع؟؟
سمير:غريبة..عمرو وقع هاكا
شعل محمد لبيل تالتيليفون وقال غيكون هي شي عطب..تفكر وردة وتوبة وناض مخلوع ومشا للصالة مضوي بالبيل وكيزرب حتا وصل للصالة مكيسمعش الحس..بقا كيدور تيلي على الصالة ووالو حتا كتبان ليه توبة ناعسة فوق الفوتوي مشا هزها بشوي باش متفبقش وخرج..لقاهم باقي جالسين بلايصهم وسمير كيعيط على الخداما اشوفو مع العساسا اش واقع..كيهلل عليهم باش ميبانش قليل القدر قدام ضيافو..
جا محمد مضوي عليهم وكلشي جابد تيلي ديالو..عطا لاسماء لبنت وبدا كيغوت بسمية وردة..معرفهاش لفين زادت..كيضور دار كاملة ووالو حسها مقطوع زلا بحال شي جاهل والعطب باقي كاين..خرج للجردة وكيقلب ووالو وكيعيط بسميتها..حيد احتمال تكون فالدار حين قلبها دونك فالجردة..كيعيط بسميتها بجهد باش تسمعو كيدور جردة قنت بقنت حتا سمع صوتها كتغوت:وا هاني هنا...واجي راه ضلام..محمد
سمعها وتهز من بااصتو تبع صوتها وقلبو بغا يخرج حتا قرب ليها وضوا عليها وبانت ليه واقفا فالضلام كتقفف مشا عندها بجرا وشدها من كتافها وقال مخلوع:واش راك مزيانة؟؟؟هضري..ياكما وقعات ليك شي حاجة
وردة؛هااا...لا (بدات كدمع)اهئ اخئ تقطع ضو وخفت 😢😢
محمد بلا ميحس خشاها فصدرو وكيدوز على ضهرها كيهدنها..كانت اول مرة يشوفها خايفا هاكاك..بهادشي باش كيعرفها عمرو شافها خايفا ولا كترعد..حضنها ليه بجهد وكيكالميها وهي شادا فيه ووجها صفار بالخلعة..حس بيها قريبة ليه بزااف حيت ترخات وجاب ليه الله بحال الى معنق شي بيبي..كيبان بحال باها فاش حاضنها وهي كترعد فيديه مخلات ليه باقي ميقول..ولا هي صوت تنهداتهم بوحدهم..حتا وعاو على راسهم وباعدعا عليه..كيشوف وردة خرا غير ديك مولات اللسان الطويل ..شاف جانب الخوف منها والوجه الملائكي ديالها ..شد وجهها بين يديه وقرب ليها وهي باقي كترعد وشفايفها كيترعدو وكيجبدوه..حط جبهتو على جبهتها كطريقة باش ابين ليها بلي هو بجنبها لسبب انه خاق عليها ومعرفش علاش..ملي كيتجمعو عليك للاحاسيس معارفش مصدرها كتولي كتصرف بطبيعتك المتوترة وجانبك العفوي والتلقائي..هزات فيه بعينيها بخوف وقالت:كن ..كنخاف من الظلام اهئ اهئ 😢😢 كنخاف(تخشات فيه)كيخلع 😭😭😭
محمد:(تبورش من قربها)شوووو صافب(حاوطها بيد من كتافها ويد شاد بيها يديها كوسيلة للاطمئنان..حط راسو على راسها بجنب وغمض عينيه وسط الظلام لي محاوطهم وهي مزيرا عليه..ومرا مرا كيحرك راسو ويدخلو فشعرها..حس بيها قريبة ليه بزااف كأنها منو وليه..مبغاش باقي اطلقها توقف الزمن وولات اللحظة ديالهم هي شريط حياتو..بينما هي ممستوعباش اش مدير فقط بغات تستحما بيه لانها عندهل فوبيا من ظلام..دازو دقائق باعدها عليه وقال:علاش جيتي لهنا..ياك خليتك فالبيت
وردة:(بقات شادا فدراعو)ما..بيت..هي هي نننن ندور وجيت لهنا ومعىفتش اش وقع اهئ..
محمد:(مزير على يديها)صافي كالم دابا موقع والو..واش تقطع غي هاكاك
وردة:وركت على واحد البوطون اهئ وطفا
محمد صعر ملي عرفها هي مولانها وتحولات ملامحو الهادئة للوحش وقال بالغوات حتا قفزها:هي نتي مولاتها الحمارة😡😡😡نتي مولات هاد الويل..كنت عارف ميمكنش تبقاي بلا زبلة..😡😡😡
وجات غاديا وهو يردها ليه بجهد ..وكلاها بيديه مع الحيط تضو..جات بين يديه ملقات باقي فين تهرب وقرب ليها كثر وعينيه مكبشروش بالخير وقال:قسما بالله لي خير مني ومنك..ومتكمشي حتا نخلي دار بوك بالله😡😡
وردة خلعها بطريقة باش قالها عاد الحصار لي داير ليها زقالت:ها..ءا..ب..عد علي حسن ليك
زاد قرب ليها ملي شافها متوترة وقال:والى مبغيتش
وردة:(كتشوف فعينيه)م..ظممم نن..ش..غن غنغوت ولا نضربك
محمد:(بابتسامة جانيبة مستهزئة)جربي ضربي ونشوفو ضرب شكون لي قاسح
وردة:وو..والله وتضربني حتا نمشي ليك لبوليس
قرب ليها كثر وحدر راسو لمستاواها وقال:مممم واش غتقولي ليهم؟؟
وردة:(حانيا عينيها فالارض)غظ.غن..(تلفات)غنشكي بيك
محمد:(حط يديه على خصرها)مممم واش غتقولي..بغا يخدمني بزز ها..الى جينا نشوفو شكون عندو الحق اشكي فراه انا
وردة:(بصوت خافت)علاه اش درت ليك؟؟(كتحس بيديه على خصرها كتهرها)
مشات عند مو وشداتها من عندها والاخرى خي كتصغر منها بنظراتها ..شداتها ووقفات حدا محمد وقال:اسماء مرة خرا ونجي..هاد المرة سيغ باش نحضر لخطبتك(باسها فراسها)مديريش فبالك
مشا لجيهة مو باسها وقال:نشوفك من بعد
سلم على راجل مو هي بيديه وجر وردة من ذراعهت زمشا..دخلات توبة لور وركبات حداها وقال:نزلي ركبي للقدام
وردة:مبيتش..البنت معايا
محمد:(راها ناعسة حطيها فكرسيها وركبي هنا
افأفات عليه ودارت داكشي لي قال وجلسات حداه وهو ساق بيهم فصمت مهضرهاش ومهضراتش معاه حتا هي..حتا نطق هو:شتك سكتي..فين مات شي يهودي؟؟
وردة:(بسخرية)اليهودي هاهو حدايا خص هي ايموت خلاص😠😠
محمد:ههنن نتي غي ديال اسد عليك شي حد فشي بيت ويعطيك العصا حتا ترباي
وردة:حتا نشيط على راسي وعلى والديا عاد ديرها..والله ومتسكت حتا نقلب على مك هاد الاوطو
محمد:جربي ههه
عصبها وهي تدور لجيهتو وبدات كتهر فيه ومع هو دغيا كيتهر تخربق فسوقانو وبدا كيدخل ويهرج فطريق وهي عاد مزايدا فيه
محمد:هداي..الحمارة😡😡😡راه غنديرو كسيدة هداي
وردة:(معصبو)اللهم نموتو ولا تبقا مرضني فراسي😡😡😡
حبس الفران بجهد حتا شهقات هي وضار لجيهتها معصب شدها من شعرها وجرها ياله بغا يضربها لوجهها وهي تفيق توبة لي فيقاتهت الوقفا لي وقف واخا هي مكتفيقش فالليل..هبط يديه بنفاذ صبر وقال:هزيها😡😡😡
وردة قطعان الحس متلاتش هضرات حيت تخلعات من الوقفة لي وقف وعاد كان غيضربها..
تركنات فالقنت شادا توبة فيديها كتبكي مخلوعة وخاشياها فيها ووردة كدور فعينيها ومرا مرا تشوف فيه بنص عين كتلقاه مزير هلى الفولون ووجهو معقود باينا كافر..شافت فيه وقال بصوت منخفض :ممم...مم..متقلقش هي ضحكت معاه
ضار لعندها بزربة والشر فعينيه معصب لاقصى درجة وقال:غتسكتي حسن ليه ولا والله حتا ندير فيك يدي😡😡😡😡
وردة:(حطات توبة على صدرها )شوف بلا متزيغ..ملي كنعصبك خليني عليك وجري علي..اصلا معاجبنيش الحال نخدم معاك..
محمد:(صعر)طيري نزلي..موتي ولا حياي..غتبقاي فالخدمة حيت انا بغيت😡😡😡
وردة:ايوا لهلا يحييك ولا يوصل فمك لوذنيك..مالي شايطا حتا تبقا مسيرني..(حطات توبة فبلاصتها حيت غفات وجات بغات تهبط)حل هاد الزمر نهبط فحالي..انعل بوها خدمة لي غتخليني نتذل هاكا...واحل😠😠😠
محمد شدها من ذراعها وجرها حتا قربها ليه وقال:واش ميمكنش تدوز هي نص ساعة بلا منتغاوت انا وياك😡😡😡 سدي فمك وهنيني
وردة:والله باش كيحلفو الرجال الشلاغمية لباقي خدمت معاك ياله
وردة:(كتنتر ليه باش افكها)مالك عاقد علي وانا مفراسيش😡😡وا مكنحملكش ابنادم..كتعصبني ومكتعجبنيش الخدمةمعام😡😡
محمد:ياكما عند بالك كتربيني أنا..راه كتربي بنتي وليك الشرف تربيها
وردة:مالها مزيودة واقفا ولا مها كانت كتوحم على لويز(الذهب)😠😠😠 بوك وبو بنتك..خسارة تكون نتا باها غطلع مقسحة راسها بحالك
ديمارا الاوطو وهي كتبركم وتعيبو باش تعصبو حتا وصل لحومتهم وخطها فواحد الساس مظلم فراس درب كانت تما شبه خاوي هي واحد السبير لي حال وشي دراري مقنتين فالجهى لخرا من درب..جات نازلة وهو يقول:غدا فالخمسة تكوني عندي
محمد قرب ليها وحط صباعو على شفايفها وبدا كيدوزهم عليهم وقال:عبرت عليك نتي لي فمك كياكلك(تسحلا فمها وكيدوز صباعو بحنيو)ممم بقاي تجمعي فمك ولا لمرة جايا نحط ليك فيه العافية
وردة:تفووووو عليك اي افمي
محمد:ياكما باغا نضرب ليك شي بوسة باش ابرا😉😉
وردة سكتات شحال وهي تقول:غتخراني..بزااف عليك تقرب ليا الهماج الكحل😡😡😡
وهبطات و معاودهاش معاها وكسيرا فحالو وهي بدات كنسب فيه وتلعن وتبعاتو جوج حجرات كون جابتهم فيه كون فلقات الطونوبيل..عصبها وجنونها خرجو عليه..ياله غضور فحالها وهي تلقا داك جن تحمزة واقف عليها عينيه حمرين وباينا مبوق وكيمشي ويجي باينا سكران..شافت فيه وخنزرات وجات غاديا وهو يشدها من يديها بجهد وقال:انا ترديني وهو يوصلك ياك😠😠
هبط عليها بتسرفيقة لحنك حتا دوخها وبغات تغوت سبقها شي حد دار ليها شي حاجة على نيفها وبدات كتركل ليهم حتا طاحت سخفانة والساس مظلم مكاينش لي جايب ليها خبار
وردة سخفات تحت تأثير المخدر لي شموه ليها بينما حمزة شاف فصاحبو وقال بصوت باين عليه سكرة:هز اصاحبي البنت..تا هز ليا مراتي.هههه راه اهى غتفيق
..:واراه الهونضا(بصوت خافت)زبير..وا زبير
جا واحد الراجل كبير عندو شي 40 سنة وقال:وا الشرفا دغيا راه غنتفرشو هنا
حمزة:(كيتعكل فطريق)د..دخل الهونضا لهنا باش متبانش..راه (كيشهق)اهأ..غيكون طل شي حد
زبير:زاخا نسنا..ولكن ولا لتحركت من هنا الى ما حطيتي ليا رزقي..ياله وا كحبهم دروك
نطق صاحبو لي سميتو رشيد:وا تلقونا راه غتفيق اسي الحبس..خلصو وتحركو
حمزة:(جبد فلوس من جيبو)هاك..ها رزقك..ياله اهأ تحرك
وردة حسات بالحرقة دخلات للعظم وهي ترطا بجهد وهو عجبو لحال وناض وقف على ركابيه قريب منها وحطو تاني فاليد الخرا وهي بغات تفركع بالخرقة وقال:هاكا..هههه هاكا حسيت بgلبي فاش شفتك معاه..كنتي العفيفة عندي ووليتي حتا نني يوصلوك
عاود طفا فيها الكارو فدرعانها كاملين..كيخليه شحال ومستمتع بهادشي حيت فبالو كينتاقم منها على رفضها ليه اولا ثم على أنها مع محمد..وردةروحها بغات تطلع كتبكي الدموع لي عمرها درفاتهم وتنخصص فالداخل ديالها ومقادراش تغوت حيت فمها مسدود..طيب ليها يديها بالحريق..وتهدات من الحركة ووالو..
ناض من حداها كما تاني وهز كيشرب فالشراب ويضحك وهي قربات تسخف بالبكا والخوف..كتشوف قدامها وحش بصفة انسان مواعيش وشمكار ..شاف فيها كتبكي وهو يقول:ههههه رتاخي شوي باقي الخدمة كثيرة
ناض شرب قرعة كاملة وهو يشوف فيها بشر وعينين معسلين ووقف قرب ليها وجبد واحد 17 وقطع بيها الفوق تالقرعة وهز الموس حطو فحنكها..ي
حط ليها الموس فحنكها وبدا كيحركو فوجهها بحال الى غيضربها وهي كتبغي روحها تخرج فاش كيحركو كيحسابها غيضربها بيه ويخسر ليها وجهها..دموع هابطين والخلعة راكباها حيت عارفاه مواعيش ولي تصرف غيكون تحت لا وعي..
هبطو ليديها فوق واحد الحرقة ديال الكارو وهو يجرو على جهد حتا تجرحات وسال دمها..طلعات معاها الدقا بالجهد وبغات تغوت وملقات جهد..حدها كتبكي وترطا..ضحك هو وقال:هاكا وقع ليا فاش شفتك معاه خههه كونت معول نهرب بيك ونتزوجو ونقنعك تبغيني ساعا نتي صدقتي ق*** وخصك ترباي
وردة:😭😭😭😭😭
بقا كيشوف فيها شحال وهو يقول :خههههه كتباني زوينة(قرب كيشم فشعرها وكتهرب)مممم ريحتك زوينة هههه (شاف فيها بشر ومد يديه وقطع ليها تيشورت حتا بانو سوايامات )خههههههه وينو ههههه
وردة:(كتهرب)ممم 😭😭😭😭 مممممم
حمزة:هههه توتو خهه متخافيش مندير ليك والو(بعد عليهل)ههههه غنحافظ عليك ههه وغنسترك..واخا هو اهأ يلعب بيك
وردة:😭😭😭😭😭
حمزة:كتبكي عليه هاااا...دوي😠😠
ناض تحت نظرات زردة الخائفة وهز القرعة لي قطع وجاب بريكة وشعل العافية فالقرعة وكتبان ليه كتقطر وكذوب..قرب ليها وهي كتحاول تبعد ومربوطة وهز القرعة لفوق وبدا كيشعل فيها العافيا وكتقطر وديركت فلحم وردة وطاحت على صدرها ديركت..كتقطر وتحرقها وهي كتبكي بحرقة وتحرك باش تفادا تحرق وجمزة عينيه ولاو حمرين وشرانيين ومكيشوف والو قدامو من غير منظرها فاش نزلات من الاوطو
وردة ولات كلها محروقة ولحمها كيتحرق ومقدراتش حتا تغوت..كتحبس فالداخل ديالها وسخفات بالخلعة والالم حنا مبقات عاقلا على والو هي شي لمسات على وجهها وفخاضها..والجهد لي يفيق مشا..مبقاتش عاقلا
&****
حلات وردة عينيها مضببين وكتشوف فالارجاء كتفكر اش وقع ليها وجسمها لي كولو كدمات..تغرغرو عينيها بالدموع وكتشوف راسها مليوحة فالارض وتيشورت مقطع..حركات راسها ولقات راسها مفكوكة وتاحد مكاين معاها..من ضو لي داخل من واحد الشريحيم صغير عرفات انه صباح..تفكرات اش وقع ودموعها هبطو ..شافت حالتها لقات صدفة تسروال محلولة وفيها دم على حوايجها بالاخص السفلي..حلات فمها وغوتات بأحر جهدها..صافي خسرات شرفها هادشي لي عرفات..ملي شافت الدم..ضربات فحنوكها وغوتات لربي لي خلقها..بكات حتا عيات ومهمهاش واش اقدر ارجع مرة خرا..ناضت ببثاقل وكتبمي وتشهق..وردة لي عمرها بكات لهاد الدرجة اولا تنخصصات..تحولات حياتها فليلة لجحيم..ناضت كتجري بغات تهرب..لقات الباب محلول خرحات خايفا شعرها مشنتف وعينيها منفوخين بالبكا..ومكمشا يديها لعندها مغطيا بيهم صدرها لي دازت من حداه غيتسحابو حنقة..لقات رشيد حدا الباب منشور ناعس وحداه القرعة وكولو ضرابي فوجهو..بعدات عليه فخوف والرعدة شاداها ومشات مع جنب..حتا بعدات وهي طلق الجرية وملقات فين تمشي هي لخلا معرفات فين تصد معرفاتش فينخا..حارت وبقات كي كتبكي بنفس مدمرة..بين ليلة وضحاها فاقت ولقات راسها مرا...تصدمات صدمة عمرها لي عمرها تنوض منها..بقات كتجري وتعاود المهم هو تبعد حتا وصلات للشانطي وعرفات راسها فين وبعيدة على المظينة القديمة..بقات غادا فطريق كي الحمقة مع الخمسة نصباح ومكمشا فراسها ويديها على صدرها..شعرها مطلوق وراها ومشنتف..واثار الضرب والحرق هلى يديها لي ورمانين..مع الدم لي فحوايحها وباينا حالتها أنها تعرضات للاغتصاب..بقات غاديا بلا عقل رجليها لي دايينها..وكان الحال باقي..والدنيا خاويا قليل لي خارج وكيشوفو فيها باستغراب تسحابهم حمقة كيف لا وهي مكتشوفش فحتا بلاصة من غير قظامها مع الدموع..حتا وصلا للسكتور وبقات غاديا بلا عقل وكتبكي كي الهبيلة ..وجهتها دارهم واخا معنظهاش الوجه لي تشوف فيهم دابا الان هي عار حيت فقدات شرفها..والناس مغترحمش..طاحت فالارض فبلاصة قريب من دارهم وبقان كتشوف القدام وممستوعباش اش وقع هي كتشوف وتفكر التعذيب لي دار ليها وجهد لي يغوت مكاينش..فهاد الوقت كان انور ياله جاي من الخدمة ديال سربايا..وشافها فداك ابمنظر وتصدم منها..مشا كيحري لجيهتها...وهي مواعياش
انور تضهشر من المنضر لي قدامو ..وردة كلها دم وتيشورتها مقطع ودرعانها محروقين وشعرها مطلوق ومشنتف..مشا كيجري لعندها ياله بغا يشدها وهي تغوت:لاااااااااا بعد مني لاااااا😭😭😭
كتبعد عليه وتضرب فراسها وتمرغ فالارض مع التراب..حتا سمعو الناس الغوات..ومع كان صباح اي حركة ممكن تسمع خاصة ناس تمراكش كيفيقو بكري..كلشي خرج من الدار وشي كيطل من الشراجم وحتا واليديها لي كانو مشافوش النعاس ليل كامل..مخلاو فين سولو عليها..الكوميساريا والسبيطارات..مشاو الاوطيل ومخلاوهومش ادخلو..وبقاو قايقين ليل كامل ومعندهم عليعا خبار..خرجات امة محمد كاملة لي سمعو غواتها ولقاوها مع انور فالساس كتضرب فراسها وتبكي بهستيرية..مها وباها شافوها وتصدمو فيها..مشات مها كتجري لعندها وتلاحت خداها كتشد فيها وتبكي ومفهمات والو..والناس كيشوفو بشفقة فيها حيت منظرها كيقطع القلب..كتشدها مها وهي كتفركل وتغوت..وباها تصدم صدمة عمرو كيشوف فحالتها كيف دايىا وفهم البلان بلي تعداو عليها مبقاش كيرمش من بشاعة المنظر..مراد معرفت ميدير ودموعو فعيتيه كيشوف ملكة الابتسامة لي عمرو فحياتو شافها كتبكي ولا محطمة كتبكي الدموع لي جمعاتهم فحياتها كاملة ووردة مبقانش عارفا اش دير حياتها بالنسبة ليها هنا سالات وبوان فينال..مها كتشدها وتبكي وتنوح معاها:اويلي على بنتي😭😭 اويلي على بنتي ضيعوها..قهروها اويلي رزاوني فيها😭😭😭😭
وردة:😭😭😭😭😭😭
انور متحملش الناس ابقاو اشوفو فيها هاكاك..ومشا شد فيها بزز واخا كضربو وبغات تبعدو حيت دخلات فحالة صدمة..شدها هو ومها وباها ودخلوها للدار حالتها حطوها فالبيت ومها حداها حاضناها وتبكي معاها..شد انور راسو بين يديه وجتا باها لي عتابر راسو طاح فالارض..وشرفو تمرمد..بقات كتغوت وتبكي بلا حتى كلمة حتا بحات وغفات ومها كتبكي معاها..حطوها فوق السداري هاكاك بلا ميبدلو ليها..وخرجو للكوزينة..مها شدات حنكها كتبكي وباها بقات فيه وردتو لي تحولات بين ليلة وضحاها لجثة فتارسوها الكلاب..قالت مها:انوض الراجل نوض سير ديكلاري نوض..نوض راه بنتك ضاعت..😭😭😭😭
المختار:(حاني راسو)اللهم لا نسألك الرد في القضاء وانما نسألك اللطف فيه...فين كان مخبي هادشي😔😔😔
انور:هاد ولد الحرام لي دار فيها هاكا .😡😡😡 بربي حتا نشرب من دمو...ودين النبي حتا نفركع لمو لمرارة😡😡😡
وخرج من الكوزينة ومشا لعندها لقاها كيفما خلاوها ناعسة ووجها كولو كدمات وذرعانها محروقين بقااان فيه بزاااف قرب ليها وباس راسها بأسى والدمعة فعينيه وقال:غندم لي دارو فيك هاد الحالة بربي حتا ندمهم
ناض خرج من عندها ولقا قدام الدار عامر بالناس لي بغاو يتسوقو الخبار خنزر فيهم وقال:دايرين تاراgت هنا😡😡😡 لي عندو شي شغل امشي يقضيه
حدرو الناس راسهم حيت عارفينهم كيدوزو من فترة صعيبة وهو مشا لداىهم كااافر كتسولو مو ومكيجاوبهاش..عينيه فيهم هدف واحد اقتل داك لي تعدا عليها..
وردة حلات عينيها تاني وتفكرات التعذيب لي وقع ليها وبدات كتبكي فصمت وتتنخصص وحتا حد ميمكن احس بيها..مرحمهاش وهي كانت قدامو كي النملة..معقلاتش هلى الاغتصاب بصفة نهائية ولكن على الضرب والحرق عقلات وولات لقطاتهم هي الذكرى الوحيدة فعقلها تمسحات 22 سنة من عقلها..عاقلة فقط على راسها معاه...جات حداها مها كتشوف جسدها الهزيل لي مبقا فيه والو..كالوه الدياب ..وهي كتشوف فقط فالفوق وتبكي..جا حداها باها حط يديه على راسها وغمضات عينيها عاصراهم كتبكي بحرقة ومبقاش الحرف بغا يخرج من فمها..بكات حتا عيات والبكا مور الميت خسارة..حتا سمعات مها كتقول:شكوم ابنيتي لي دار فيك عاد الحالة😭😭😭😭 دوي تكلمي
المختار:دي البنت وبدلي ليها حالتها الهضرة من بعد
ناضت كتبكي نوضاتها جسد بلا روح..وردة كتمشي ومعارفاش اش كيدور حداها هي مسيرة..داتها مها للطواليط التقليديو الصغيرة..وسخنات مقراج تلما وحيدات حوايجها وتصدنات من صدرها لي فيه اثر حرق كبير ونقاط مفرقة خوات عليها الما كتبكي ووردة كيطيح عليها الما ومكرهاتش تهز يديها وتفرك راسها وتغسل من الوسخ لي فيها..ولكن كتفكر وتقول واش الوسخ الى حيدو الما العار اش غيحيدو..الشرف اش غيردو..حتا حاجة والمجتمع مكيرحمش..كتبكي والما نازل عليها بالنسبة ليها حياتها توقفات..
خرجاتها مها فالفوطة ولبساتها حوايجها وياله بغات تخرج شدات فيها وردة وتخشات فيها كانهت كتستحمي بيها بدات كتبكي فصمت
وردةالبنت لي كانت كلها حيوية ونشاط تدمرات وطاحت للارض..درفات دموع الدم ودفعات ثمن قدر ..بكات فحضن مها حتا عيات وتهدات..كتحس بحياتها ولات لاشيء..
اسوأ حاجة ممكن توقع لأي بنت هي أنها تتعرض لشي موقف اخليها تخاف..والاسوا هو الاغتصاب ..الضاهرة لي ولات فمجتمعنا..كيخسرو البنت ويضيعوها..اشباه الرجال..كيستاغلو ضعفها وقلة حيلتها..ويخليوها بصمة عار على مجمتمع غيتعاطف فالاول ولكن في الاخير غتبقاي ديما مغتاصبة يعني خسرتي راسك فالحرام واخا تكون ماشي بإرادتك لمهم راك وليتي ماشي بنت..
****
محمد فاق على صوت توبة كتدمع وطالقا زواكتها..ملقاتش حداها وردة لي ولفاتها فوقت قصير..حل عينيه وهزها عندو كيسكت فيها وكيستغرب من عدم وجود وردة..سكتها وحطها فوق الناموسية..كتكمع وتبكي..ناض زاعف على وردة لي عرفها أنها دارت لي فراسها وخلاتو منشور وخرجات من الخدمة..دخل للدوش دوش بالخف باش ميتعطلش على بنتو ..وخرج بدل حوايجو معصب وحالفها فوردة..طلع الدم من تصرفاتها الضبيانية..هز بنتو وداها يقاد ليها البيبرون..عطاها ليها بالتحزار والتبزار حيت مولفا وردة لي تعطيها ليها..بدل ليها الليكوش وخرج هازها معصب وغرضو وردة اكشكش عليها..طلع بنتو لور تالاوطو..وهو القدام..ساق وديركت لدار وردة حجبانو معقودين سبعة فربعة..وبنتو جالسا مهدنة معرف مالها سكتات ليه دغيا..وصل لحومتهم وحط الاوطو فالساس وهز بنتو وغادي معصب ولي داز من حداه كيبركك فيه حيت باينا غريب على الحومة..وصل لدارهم ودق المرة لولة..ومكيجاوب حد..عاود دق المرة ثانية عاد تحل الباب حلات مها دايرا العكافة وعينيها منفوخين بالبكا..شافها وتعجي وقال:صباح الخير الالة
محمد حل عينيه من الصدنة..كانت وحدا خرا غير وردة لي عرف..بنت مكمشة فراسها وسادا وذنيها من الصداع ووجها كولو غارق دموع..غير وردة لي كيعرف..تضهشر معرف باش تبلا..المو منظرها..غي لبارح كانت كتغاوت معاه وتشاد معاه..واليوم لي شافها يقول متخركش الدجاجة على بيضها..كانت باينا فيها متدمرة ومحطمة من شوفة لي شافت فيه بعينين دامعة كأنها كتعاتبو علاش شدها حتال ديك لوقت..كأنها كتحملو مسؤولية اش وقع ليها لانه هو لي خرج ليها لبلان ديال تبقا معاه..كون جات فوقتها مكانش هادشي يوقع..بغا يقرب ليها وهو يحبسو باها وقال:شوف فعايلك..شتي 😡😡 ودابا برا وبيناتنا المحاكم
محمد وعا على راسو وقال صاعر:شكون دار فيها هادشي😡😡😡؟؟
المختار عطاه دقا لوحه وقال :وباقي الحيوان كتسوب😡😡شكون من غيرك هاااا...معامن كانت البارح هااا
محمد:جيتيني كبر مني اما ندير فيك راسي ونردها ليه...مقربتش ليها..😡😡😡 حدي وصلتها لبارح لهاد الخلا لي حدا دار ومشيت مبقيش شفتها
المختار:سكت الشيطان لعنة الله وعليك سكت
تدخلات فتيحة بصوت كيختارقو البكا:المختار اهديك الله ماشي هو مولاها😭😭😭كون هو ميجيش اسول فيها اهئ اهئ الله على بنتي ضيعوها باقي مشافت متشوفات..شابة تشنايع😭😫
محمد:واش ممكن تشرحو ليا اش واقع؟؟شكون دار فيها هاكا
انور:(كان ياله دخل)انا نقول ليك😡😡😡😡
ضارو كلهم لعندو ولقاوه معصب ومغدد فملاميحو وقال محمد:شرحو ليا اش وقع
انور:سي المختار ماشي هو لي تعدا عليهاا..شي حك اخر
محمد:واش تعرضات للاغتصاب؟؟
انور:(بخيبة امل)ممكن..حيت فاش جات كلها كلها دم..وحوايجعا مقطعين
محمد كيسمع وكيحس بالخناجر كيضربو فقلبو بالغصة..كيبغي ينفي الهضرة ولكن مكيقدرش..حيت اقرب الناس ليها لي قالوها..
محمد:(كازر هلى سنانو)ومعرفتوش شكون هاد زامل؟؟
فتيحة حشمات وحدرات راسها كتبكي والخرين عادي حيت لحظة غضب وصافي..جاوبو أنور:باقي معرفتش..داكشي باش بيت نسولك..نتا اخر واحد شافت البارح فين حطيتيها
محمد:(كيمسح على راسو)فهاد الساس الخاوي حداكم..وكان مضلم
انور:غيكونز تما فين تعرضو ليها😡😡 بلحق شكون شكون
عم صمت قليل كل واحد فاش كيخمم..ومحمد بغا يتفركع ملي سمع ديك الهضرة ..مبغاهاش ليها..كيدور يشوف فيها وكيلقاها كتشوف قدامها وكتبكي..ماشي خادي وردة لي عرف ولي كيعجبو يشد فيها..شاف فباها وقال:خصنا نعلمو لبوليس باش لي دار هادشي اتعاقب وانا براسي لي غنوقف على هادشي
انور:البنت مكتهضرش كاع ...وخايفا لقيتها هاد صباح فالساس كتبكي ونغوت بوحدها وكلها مضروبة وبيتيها تمشي لعند لبوليس..حنا لي خصنا نهضرو معاها ونعرفو شكون..وحسابو معايا غنشرب من دمو😡😡😡
المختار:ها عار تاالله مبينا فضايح..براكا هي هادشي انا بيت هي بنتي تبرا..مول لفعلى الله يحرق اصل والديه فينما كان
نوبة كانت كتبكي وتغوت حتا هزاتها فتيحة وسكتاتها وحطاتها فلارض معندها خاطر ..بينمل توبة شافت وردة من بعيد فالبيت وهي تقلب وبدات كتحبو بكل جهدها وحتا واحد مرض ليها البال حيت كانو كيهضرو..بقات كتحبو من قاع الدار حتال لبيت فين كاينا وردة ..وحبات لجيهتها حتل وصلات حدا رجليها وبدات كتجرها من حوايجها باش تهزها ووردة مراهاش هنا..محاساش..طلقات توبة زواكتها وخرجو ريوكها حتا تلفت كلشي ليها وكيشوفوها كتجر ليها فسروال باش تنتابه ليها وتهزها ..مشا محمد لجيهتها ومنضرها كيألمو..هز بنتو وجلس حداها..وتوبة بغات تمشي عندها وكتبكي ..حط يديه على يديها عاد قفزات خايفا وقال:شووو هي أنا
وردة:(الصمت)😭😭😭😭😭
محمد:(كيقيس فيديها)وردة..شكون دار فيك هاكا(كيقولها بصوت حنين وبعينين متحسرة)
وردة هي كتبكي ومكتجاوبش..بقات فيه وهو يقرب ليها وحاوطها بيديه معنقها وهي تقفز من بلاصتها وناضت بعدات عليه مخلوعة..وكتكمش يديها جيهة صدرها والدموع مبغاوش احبسو..ضرو خاطرو ومبغاهاش تدخل فحالة صدمة وقال:وردة..متخافيش..مغنأديكش...انا غنمشي وغنعاود نرجع باش نرد ليك حقك
وردة(سدات وذنيها):لااااااا😭😭😭 خرج..اهئ اهى خرج لااااا
محمد خرج من عندها مكسور بدون علم لسبب..وقال:سي المختار بلا متديوها للبوليس انا نتكلف بيعم ويتشد داك الحيوان لي دار فيها هاكا😡😡😡
المختار:واخا😔😔😔
انور:خويا الى عرفتي شكون علمني..بيت نتحاسب معاه بيدي😡😡😡
محمد:يكون خير..انا غنمشي حتا نعاود نرجع
خرج وبنتو فيديه طالقا زواكتها وطتغوت وتبكي بحرقة بحال الى حاسا باشنو وقع لوردة..محمد ضرو قلبو وكيحس بكيانو كيتهز ويتجرح..ساق بجهد ومعصب وفكرة انها تغتاصبات محيداتش من بالو..وصل للفيلا ديال مو خلا ليهم توبة ومشا فاتجاه النيابة قاصد صاحبو تما..كيعرفو
حبس الفران بجهد ووقف معصب دخل ديركت لعندو ..جلس مقابل معاه وشرح ليه الوضع وأنه بغا يتدخل ويدير مافجهدو باش تحل القضية خلاص..وخرج
معرف باقي فين يمشي..قلبو باغي يديه لوردة ولكن هي ممستوعياش اش واقع..هي طتبكي..بغا يعنقها ومعرفش لاش..بغا يخبيها من كلشي طيلوم فراسو على أنه داها معاه وملي وصلها موقفش جتا دخلات لدارهم..حس براسو تزير وبغا يتفركع..كيسوق بلا عقل وكتجيه فبالو صورتها كضحك وصورتها كتبكي..موقف حتال صويرة..اقرب مدينة فيها لبحر لمراكش..نزل وبقا واقف بعيد كيشوف فالبحر ويخمم كيفاش اعاونها ماشي حيت مربية توبة ولكن حيت راها وردة..وردة لي قلبات حياتو ورجعات ضحكة لحياتو..بغا يدير لمستحيل باش ارظ ليها حقها..بقل شحال تما حتا جاه اتصال من النيابة وكان صاحبو وقال:محمد..قدرنا نعرفو شكون..واحد الشمكار ساكن حداهم نيت سميتو حمزة..وبغينا نتحركو وتجيب لبنت تدير محضر باش القضية تدوز لوكيل الملك
محمد:(تنفس بعصبية)لا باقي مديرو والو..حتا نعلمك..دير فيا هاد الخير هي لمدة يوم بغيت نتفاك معاه انا الموضوع شخصي
...:ولكن راه القضية فيها الاغتصاب
محمد:هي اليوم وانا نجيبو ليك بيدي..قلتي ساكن حداهم ياك
...:وي حداهم راه عندو سوابق حشيش سرقة الكريساج...ودابا الاغتصاب
محمد:(بغضب)صافي شكرا
متحملش اسمع الاغتصاب وقطع..ضار لطوموبيلتو وشد طريق ارجع لمراكش..وديركت لعند وردة..دق الباب وحلات مها وسمحات ليه بالدخول..دخل وهو حاير واش اعلمهم ولا لا...لقا خوها وباها وانور جالسين وقال:كتعرفو شي حد سميتو حمزة هن؟؟
كلشي هز راسو بالصدمة ملي سمعو اسمو
تهز باها من بلاصتو لابس جلابة وبلغة وداير طاقيا موقفها ..هادي هي لبسو المراكشيين..وقال:اش جاب حمزة للهضرة؟؟
محمد:(بنفاذ صبر)واش كتعرفوه اييه ولا لا؟؟؟
انور:واحد القزقوز شمكار فالدرب...هو مولاهت؟؟
محمد:تبعني وريه ليا😡😡😡ياله
انور:(هبط كيجري وتبعو مجمد)غنفرع دين مو..😡😡 غن*** ليه مو ولد الق***
تبعو محمد بجرا وتبعهم باها وخلاو مها كتبكي وتولول..انور مشا كيجري ومحمد تابعوبنفس الوتيرة ..حتا بعدو عاى الدار ودارو مع جوج دروب..محمد عرفو كيقلب عليه وتبعو حتا هو باغي يبرد سمو..لقاه انور جالس مع شي رباعة بحالو كيكمي ومراشقاش لبه وقف عليه ووجهو مكيبشرش بالخير وشنق عليه حتا كلشي وقف كيشوف وقال:نتا يا ولد الق*** تكرفس ليا على ختي😦😡😡(عطا ببونية حتا دار)نتا تحط عليها يديك(صعر)شايط على لق**تمك راسك هااااا
حمزة تضهشر معرف باش تبلى وبغا يرد ليه الدقا وشدو محمد دورو لعندو وعطاع دقا لنيفو حتا ضار عند انور...شدو حتا خو وهبط عليه تاني لكمارة وقال:اليوم نقطعو لحمارة تمك 😡😡😡
ضار تاني حمزة وجا فيدين محمد لي طلع ركبتو وعطاه للمنخر..وزادو للوجه حتا طاح للارض..وناض بغا يرد دقتو وقال:تجمعتو علي الز&*** جايين تشدو حقها هاااا...ابببه خسرتها تكرفست عليها حيت ديالي😡😡😡
محمد وانور متحملوش وطارو عليه واحد كيرميه لاخر ويضربو فيه بجهد..وجهو وكرشو وكلشي كيتفرج حتا من صحاب حمزة..لي توروه ولا كيف المش..كياكل فالعصا بالعلالي..شدو محمد من عنقو خانقو وقال معصب:نوري ل*** تمك تحط ليديك على بنات الناس 😡😡😡😡 وردةة لااااا(عطاه لفمو حتا طاحت سنتو)وردةلااااااا
حمزة طاح للارض مهلوك كرفسوه بالعصا..ركلو محمد ركلة لحجرو حتا تخطفات فيه النفس وجا انور مكمل هليه بالضريب..حتا سخف وناض عليه وقال:وباقي غنوريه تقيسها لرب مك(اعتذر على تلمصطلح)😡😡😡 الى ما خيختي فالحباسات مرانبش ولد مراكش لمرض لي ولدك
ضار عطاه بالضهر هو ومحمد وناض حمزة على غفلة وهز موس من عند واحد صاحبو تما بالخف وكان بغا يهبط على واحد فيهم حتا ضار محمد بجهد وشدو من دراعو لواها ليه وشد ليه انور الموس..وبغا يضربو ومحمد كيبعدو ويغوت عليه:وا هداااا...راه غتندم😡😡😡
انور مسمعش ليه وبغا يرشg فيه الموس..ياله بغا يهبط عليه وهو يبعدو وجاتو الدقة فكرشو وتجرح ...جاتو دقا هي دايزا من حداه بلحق جرحاتو..لاحو محمد لارض وحمزة دمو سال..دار فيها موتة حمار..انور مبانتش فبه حتا ذرة ندم..حيت حتا حاجة متبرد سمو فيه..وردة راه كثر من ختو...اقيسوه فعينيه ومبقيسوهش فوردة..ومحمد حس بلي شرفو لي محطوط تما..ملي لاحو فالارض عفس عليه برجليه جيهة الضربة وناس كتشهق ومدخل حتا واحد حيت المراكشيين كيموتو فالفراجة..ورك برجليه وقال بين سنانو:الى نتا ولد الق**** انا اكبر زا** ممكن تصادف فحياتك..هادشي لي بفا ليك فعمرو غدوزو بين الحيوط..وبيدي نوقف على أنك عمرك تشوف شمس..وبيدي غنخليك تعدف حياتك فالحبس وتتمنا كون معرفتيش وردة😡😡😡😡
حيد رجليه وخلاه هاكا ومشا تبعو انور..ومخلبوني غارق فدماياتو..وناس تجوقو عليه وبداو كيعيطو للاسعاف لي أكيد والله لجات دغيا..رجعو محمد وانور للدار حادرين رايهم وموراهم باها..دخلو للدار وهو يقول محمد:سي المختارحق بنتك غيرجع..كون هاني ..داك الحيوان عمرو يشوف ضو..ووردة(تنهد)مغنخليهاش
المختار:(تنهد)اولدي وردة مستقبلها ضاع..ضاااع
فتيحة:اححح على بنيتي 😭😭😭 مشاااات هاكاك..
انور:لاش ضاعت...مضاعتش..انوض شي ولد مرا ولا بنت لمرا اهزفيها عينو بربي حتا نعميهم ليه😡😡😡
محمد:مغضيعش...(سكت شحال)بغيت نشوفها
فتيحة:الى بات تشوفك دخل😭😭😭
تمشا جيهة البيت فاش كينا وقلبو كيضرب كأنو أول مرة عيشوفها..دخل عليها لقاها كيفما خلاها مكمشة وخايفا وكتبكي..قرب منها وجلس حداها..بلا ميهضر ما والو هي سكات لي كاين..هز عينيه شاف فيها بأسى ومد يديه لوجهها وكيتسناها تصدو..ولكن متحركاتش..زعم وقرب ليها كثر وحط يديه على شعرها كيدوز عليه فلطف وقال:متخافيش..عمري نخليك
وردة:الصمت
محمد:(جرها خشاها فحضنو بزربة ومعنقها ليه بيد وحدا)معمر شي حد يأذيك(باس راسها)
وردة متحركاتش مقدراتش باقي فاشلة..لي طمنها ومخلاهاش تبعدو سمعاتو ملي قال مغنخليهاش..حسات براسها محمية..بقا معنقها وكيشم فريحتها وخاشيها فيه شخال وهي هي كتبكي حتا جهدات فالبكا وبدات فالتنخصيص وصوتها مسموع وهو كيزيرها ليه ويقول:ثيقي بيا..عمرو يقرب ليك..صافي طيبتي عينيك شووو
وردة:😭😭😭😭😭😭 اهئ اهئ اهئ..
محمد:بفففف صافي شووووو...
بقات مخشية فيه وكتبكي حتا غفات فحضنو وخو موعاش بالوقت ومساخيش اخليها..شافها ترخات طل عليها لقاهة نعسات..ردها لبلاصتها وسرح ليها رجليها فالسداري ..مد يديه مسح علىخدودها وبدون شعور قرب منها طبع قبلة كويلة على جبهتها وخرج
خرج من عندها وكلو آسى..البنت لي كانت كضل تفرع ليه راسو بالهضرة ومكتسكتش هاهي سكتات..البنت لي كان كيتمناها تقطع الحس قطعاتو بمرة..كان كيتمنا تعود تحدر عينيها ومتبقاش تقابح معاه دابا متلاتش كتهزهم فيه..وهي كتبكي..تمناها فخاطرو كون بقات هي كتهضر وكتشد معاه ضدد وتعاير معاه ولا تسكت هاكا وعارف بلي صعيب ترجع كيف كانت..لاول مرة كيحن فشي وحدا مورا طلاقو..ولا شي بنت المرا لفتات معاناتها انتباهو..يمكن حيت ولفها كطير وكضل تهضر..ولا فقط احساس بالشفقة لكن راه أكيد احساس بالحنان تجاهها وماشي أي حنان..
سلم على واليديها وقال:الامور غتقاد..غنعاود نرجع نشوفها غدا اوك
المختار:واخا اوليدي..متديش علي gبيل شنقت عليك..
محمد:(ربت على كتفو)ماشي مشكل
خرج وركب فالاوطو وبغا يتفركع..مشا مكسيري ديريكت لااوطيل..بدل حوايجو ولبس تاع سبور وخرج يجري..علاه ابرد..جرا لمدة ساعتين كيوقف يرتاح ويكمل حتا عيا ورجع لااوطيل..دوش بدل حوايجو وتاصل بمو يطمأن على توبة..وعاد عيط لصاحبو وقال:منير..داك الحمار راه غيكون فسبيطار دابا
قطع معاه ولاح تيلي على الناموسية ..ومشا لجيهة المشروبات..خوا كاس وجغمو فمرة وصورة وردة بين عينينه..خوا كاس اخر ومشا جلس فوق الفوتوي وحط رجليه على طبلة وكيخمم فأمرها..قلبو كيديه ليها باش اعاونها ولكن عقلو كينبهو باش ميطيحش فنفس الموقف تاني..بقا مضارب مع عقلو وقلبو حتا عيا وناض ارتاح واخا نعاس فهاد الضروف صعيب ازور جفونو
****&
وردة نعسات مورا ممشا محمد مفاقت حتال الليل على وقع كابوس..ناضت مفزوعة والدموع فعينيها حلاتهم على سواد الليل فالبيت خافت وتفكرات كلشي وبدات كتبكي وتضري فراسها وكيبانو ليها تهيأت فالبيت بحال الى شي حد جاي ليها ناضت قفزات كضرب فالخوا وتبكي حتا خرجات من البيت وبدات كدق على مها وباها بجهد فبيتهم وبات تحماق كدق وتشوف وراها واش تابعها باقي لانو عقلها هاكا كيقولها..كدق بجهد حتا قفزات مها وباها من بلاصتهم ناضو حلو عليها الباب وترمات عليهم كتبكي وتغوت:مي مي با يضربني اهئ اهئ😭😭😭😭غيحرgني اهئ اهئ با با(تخبان وراه*با با بيضربني
وفعلا شعل الضو ديال لبيت وديال دار كاملة عاد تهدنات ومخشية فمها كتبكي وباها حاير..وردة لي كانت كتبقا فزنقة تال ليل ومكتخاف لا من ظلام لا من كلاب دابا كتخاف من ظلام..تنهد ودخلوها معاهم للبيت..فرشات مها فالارض لباها نعس فيه وهي تكمشات هي وبنتها فالسرير..وخلاو ضو شاعل على قبلها..مها كتزيرها عندها باش تسكت وباها كيتنهد فخاطرو ويقول:لا حول ولا قوة إلا بالله..
نعسات شوي جهد شي نص ساعة وعاودان تاني فاقت كتغوت حيت شافت تاني نفس الصورة فأحلامها..حمزة وهو كيحرقها والشراب عاد فاش قطر عليها القرعة مدوبة فصدرها ..بقات كتبكي وتغوت بحال شي حمقة..شدوها واليديها بزز حتا هدنوها وباهل كيقرا عليها عليها القرآن حتا نعسات مكمشة وخايفا..فالبيت لاخر كاين خوها مراد جالس حادر راسو وكيبكي فصمت..من صغرهم ووردة هي مثلو الاعلى فالقوة ودابا تحطمات ..مولفها تنعس حداه وتركلو برجليها ويتعابزو بالمخاد ودابا مبقاتش قادرة حتا يتكا حداها..وفضل يبعد
صبح صباح جديد على وردة متكية حدا مها لي غارقا فنعاس وهي حالا عينيها كي الجماد..مكتحركش وعبنيها منفوخين بالبكا..باها مكانش ناض صلا الفجر وقرا شوي تالقرآن وكيشرب فالقهوة ..ناضت وردة من بلاصتها ومشات للبيت فاش كتنعس مع خوها شافتو ناعس معوج...قاداتو وجلسات فوق السداري جامعا يديها وطلقات تاني دموعها..حتا فاقت معا وجات شافتها باقي على نفس الحالة تنهدات ومشات تحط ليها متاكل حيت من البارح مطاح فكرشعا..جابتو ليها وكتوكلها وتبزز عليها تاكل ..حتا سالات وخرجات من عندها ووردة باقي على نفس الحالة مدمرة..جا انور وطلب اشوفها..دخل عندها وضارت شافت فيه جا جلس حداها وترمات عليه كتبكي فصمت ومعنقاه كتستحمي بيه..
أي بنت تعرضات للاغتصاب كتبغي لي تقوا بيه..حالة وردة راه شوي مقارنة مع لي معندها خوها معندها باها..بوحدها..ومعندها لي يوقف معاها حتا تاخد حقها..وحتى الى خداتو مغيرجعش ليها شرفها او كرامتها او سمعتها بين الناس
سي المختار:فينها وردة لي كانن صباح وعشية ضحك وتنوض الروعة فالدرب..هزيتي بنت وحطيتي وحدا خرا..محال ترجع ليا وردتي😔😔
محمد كيسمع هضرتهم وكدخل لقلبو بحال الموس..متقبلش أنه عمرو يشوفها ضاحكة مرا خرا ولا يدابز معاها مرة خرا..وقال بحزم:راه ماشي مريضة بسرطان حتا مضحكش..غتجيها صعيبة فلول ولكن غتعود وغترجع لحياتها الطبيعية..وردة لي كنعرف وجهها قصح من الحجر ومكتستسلمش
انور:بففففف كانت..كانت مكتستسلمش..سير طل عليهل😔😔
محمد:فينها دابا؟؟ غنديها معايا للكوميسارية باش تدير المحضر
المختار:غنمشيو كاملين
محمد:واخا
فنيحة:راها فالبيت..حاول معاها اوليدي الله يرضي عليم
دخل محمد عليعا لقاها ناعسة مكمشة فراسها..تحنا لحداها وحط يديه على شعرها وبقا كيدوزها وكيتمعن فوجهها لي قهراتو بالدموع..دوز صباعو على حنيكاتها الحميمرين وعلا شفايفها بحنية ومكمش عينيه بحال الى كيستكشفها..دوز صباعانو بحنية على شفايفها وتنهد وقال:وردة..بففف اش درتي فيا..(بغا يفيقها)وردة..وردة فيقي
وردة شدات فباها حادرا راسها وهو عمقها باش احسسها بالامان وخرجو..محمد سابقها مع أمور وهي موراهم حادرا راسها مبغاتش تشوف حد وعارفا نص فدربهم شاد شرجم..مهزات راسها حتا طلعات لااوطو ديال محمد..لور هي وأنور وباها جلس لقدام..شد ليها أنور فيديها كيطمأنها ومحمد حاضيها من المرايا وخنزر لداك الجيست وساق فصمت موقفو حتال الكوميساريا ..نزل محمد وباها وحل ليها الباب شد فيديها وهي قبطات فذراعو وتمشاو لجيهة البيرو فين غيديرو المحضر..دخلو ولقاو واحد البوليسي بالgرايد سلم على محمد بالوجه مبتاسم وطلب منهم احلسو..ووردة حا درا راسها..
محمد:عماد صافا؟؟
عماد:بخير هاحنا..هادي هي لبنت ياك
محمد:وي
عماد:البارح جابوه من السبيطار وشديناه عندنا ..ودابا خص البنت تعاود لينا اش وقع ضروري
محمد:(شاف فوردة)ياله هي هضري معندك مناش تخافي
وردة:الصمت
المختار :بنتي..وا هي هضري
انور:حبيبا هضري
وردة:(بصوت مخنوق)كنت اهئ راجعا من الخدمة..وصلني الباطرون 😭😭😭و...و..ووقف علي حمزة اهئ ووبقا كيتزايد معايا فالهضرة 😭😭 وشوي حسيت بشي حاحة تحطات على نيفب وغبت معقلت على والو😭😭😭
منذ الأزل و إلى الأبد الجزء الثالث
محتوى القصة
التنقل بين الأجزاء