محمد غي سمعها جهل عليه وناض هبط عليه تاني بالدق وخلا ضاربو وكيعاير فيه. وعاونو حتا أنور..حتا حبسوه لبوليس مرة خرا وخرجو حمزة...
عماد:اش هاد الفوضى امحمد😡😡
محمد:عماد هاد خينا منعاودش نشوفو فالزنقة
عماد:هاديك خدمتي..ديو البنت شوف حالتها كي ولات
هز فيها راسو لقاها خاشيا وجهها فباها وكتبكي ومع جسمها هزبل كتبان بحال بنت 10سنين مخلوعة..ناض وقف ومشا لجيهتها جبد وجهها من صدر باها..كان كولو دموع ونيفها حمر بالبكا..مسح ليها دنوعها بحنان وقال:كوني هانيا..حتا حد ميقرب ليك
تخشات فباها تاني وناض من حداها..وخرج تبعوه هوما..لقاوه كيتسناهم حدا باب الاوطو..حل ليها الباب ركبات وطلع حداها انور..وسندات على كتقو الشيء لي معجبش محمد طول الطريق وهو حاضيها من ةلمرايا محيداتش راسها من فوق كتفو وهو حاط يدو على وجهها كيمسح ليها دموعها..حتا وصلو..ونزل معاهم ..ووردة شادا فأنور وراسها محني ..دخلو للدار وهي مشات ديركت للبيت ..بينما الباقي جلسو وقالت مها:امدرا؟؟؟
فتيحة:الجمد لله ياربي الحمد لله واخا حق بنتي راه ضاع
محمد:مضاع والو..غترجع لحياتها كيف كانت وحسن
انور:اييه..والى على هضرة الناس انا نتزوج بيها باش ميحل حد علينل فمو
محمد:(بغضب)اشناهو؟؟؟تزوج بيها😠😠 مبقاتش ختك
انور:نتا معارفش الحومة والمجتمع غيبقا ديما ينعت فيها ومغتحملش
محمد:وهي جوج...وباغي تزوج بيها
المختار:مبيناش اولدي نثقلو عليك..احلها مولانا
محمد:زواج وردة من شي حد مكاينش..وصافي😠😠
وخرج وخلاهم كيتنهدو..بينما انور بتاسم باتسامة خفيفة..وناض حتا هو...وبقات وردة للداخل مسندة على السداري ومهمومة..كتحس بحياتها ضاعت..ضروها يديها بالخريق وناضت للطواليط تحت انظار واليديها خوات عليها الما بارد باش تبرد حرقة تالجروح لي عمرو لحمها..وخرجات كتقطر وواليديها مستغربين..دخلات بدلات حوايحها وكتشوف فلحمها فالمرايا كولو مكوي بالكارو..وتزيد تبكي ...كتشفق على راسها كثر ملي كتشوف حالتها
******
مر شهر على وردة وحالتها نفسها بلعكس عاد مكتزيد تسوء..بالليل كتفيق على كوابيس خايبا وفالنهار كتضل تبكي..انور ديما كيجي يشوفها هو ومو ويحاول اهضرها وهي والو خي كتبكي..اما واليديها مفارقوهاش وخوها كيبات حداها لاتفيق وتبدا تبكي..محمد طوال هاد شهر كيجي يوميا وباستمرار..يشوفها وكتبقا فيه وقلبو كيتحرق عليها معارفش افسر هاد الاحاسيس المتضاربة لي كيحس بيها من جهتها..لي عرف أنه كيحس براسو وقتما بكات بروحو كتبغي تزهق من بلاصتها..كيجي اشوفها ويمشي بقلبو محروق..وتوبة مرا مرا كتبكي وتقول ماما هو عارفها قاصدا وردة حيت هي علامن حلات عينيها كتعاملها بحال مها...الناس كيجيو اطلو عليها زعما..ويبقاو يتعاودو على حالات الاغتصاب لي سمعو بيها..وكتوصل حتال مسامعها شيء لي كيخليها تزيد فحدة ازمتها...
اليوم وردة فاقت كعادتها بنفس غير راغب للحياة..كتسنا فقط الله يرفق بيها وديها لانها عيات وملات من نظرات الناس لي كيجيو اشوفوها ويشفقو عليها.
دخلات عندها مها جايبا ليها الفطور حيت من نهار وقع ليها داكشي مكتاكل مع حد..معندها الرغبة فحتا حاجة حطات ليها لبلاطو وقالت:فطري ابنتي..الله يرضي عليك
وردة:الصمت(ساهية)
تتهدات مها وخرجان خلاتها بوحدها تحت طلبها ..وردة متحركاتش من بلاصتها وكتشوف فقدامها حتا دخل عندها محمد..وهاد لمرة ماشي بوحدو..معاه توبة..وقف قدام الباب وقال:وردة..شوفي شكون جبت ليك؟؟
محمد:(حط نيفو على ميفها)ويدخل هي جوح..باش نيت افهمو علاش جيت
وردة:(كتشوف فعينيه متوترة)هااا..و..وا نوض..
هز صبعو مسح شي دميعات من عينيها وحنكها وقال:مالك سكتي..غنجيك من لخر..بغيت نتزوج بيك
وردة:😳😳😳😳😳😳😳😳😳😳 اشناهو؟؟
محمد:كيفما سمعتي(ناض من فوقها)باغي نتزوج بيك
وردة:(وقفات معصبة)بزاااف عليك الحيوان😠😠 ياكما تسحابك صافي وليت شايطة لي جا ياخدني..ممحتاجا لا لشفقة ديالك ولا للعطف ديالك..عاونتيني الله يرحم للوالدين..الله يعرضنا ويعرضك سلامة
محمد:اولا انا مكنشفقش هليك..ثانيا انا مكنديرش هادشي على قبلك كنديرو على قبلي أنا بدرجة لولا..شحال جهدك تبقاي هاكا..فكري فيها شوي..انا الى غنتزوج بيك ماشي بالمعقول..انا باغي أم لبنتي ونتي أكثر وحدة متعلقة بيها توبة ونتي باغا ترتاحي وراحتك أنا لوحيد لي نقدر نضمنهل ليك..اللهم تزوجي بيا ومنقربش ليك منحاديكش والاهم تربي ليا بنتي ونتي فنفس الوقت غيرجع ليك اعتبارك بين الناس وعلى الاقل مغتزوجيش بشي واحد بحال حمزة..بنهار العصا والليل يجي يبرد فيك كبتو..عاد غضلي تابعاه من حبس لحبس ...فكري مزيان
وردة(كتسمع ليه وتبكي):(بصوت مخنوق وضعيف)صافي ساليتي 😭😭😭 الله يجازيك بالخير..هاذا هو المضنون فيك..الى جيتك فعلا وليت جفاف ولي جا يمسح فيا رجليه فىاني جفاف من نهار خرجت للخدمة وسمحت فكلشي على ود واليديا😭😭 الى كيتسحابك بلي غنقبل نتزوج بيك حيت نتا ملعق وغتفكني من هضرة الناس فراك غالط وبزااف كاع..نفضل نموت ومنتزوجش بواحد باغي غي يدير فيا خير باش نربي بنتو😭😭😭😭شكراااا على المعيور
وضورات وجهها لجهة الاخرى كتسناه اخرح..بينما هو بقات فيه..كيكره اشوفها كتبكي كتبث ليه بلي فعلا وردة تغيرات..ومن جهة مبغاهاش تفهمو أنه باغي غي يستاغلها لصالح بنتو..بلعكس هو بالدرجة الاولى باغيها تكون مرتو حيت ..معرفش..ابمهم هو تكون معاه..
قرب منها جتا ولا صدرو ملاصق مع وجهها ودورها لعندو وقال بحب:وردة..عارفاني غنبغي نستاغلك..ديما غتبقاي فعيني وردة الحمقة لي كتبقا تجبدتي باش نضربها ونتاكر معاها..انا باغيك ترجعي كيف كنتي وكثر..فنظرك الى خرج حمزة غيرحموك الناس..ومن دابا غتخرجي للزنقة وغيبدا بنادم انعت فيك..ونتي مغتحمليش..خليني نعاونك وحتا نتي عاونيني..عتابريها صفقة بين جوج صحاب مباغي منك والو من غير تربي لي بنتي حيت نتي المناسبة وفالمقابل غتكملي حياتك فراحة وتحاولي تنساي الماضي
وردة:(بغينين دامعة)نسا الماضي ياك😭😭نسا بلي تكرفس علي وبلي شت فليلة وحدا جهنم الكحلة اهئ اهئ واخا نبي ننسا منقدرش..مغتفهمش هادشي نتا..بعد مني وجوابي هو لا اهئ اهئ
محمد:(بقا كيشوف فيها شحاااال)داكوغ..مخليتي ليا حتا قرار..بسلامة دابا
خرج وخلاها غارقا فدموعها..تكات على جنبها كتبكي وتتنخصص..على الحالة لي وصلات ليها جاب ليها الله بحال الى ولان سلعة رخيصة ملي بغا يسترها..بينما محمد خرج من البيت ومشا عند مها شد من عندها توبة لي كانت شبه ناعسة وقال:لالة فتيحة فين سي المختار؟؟
محمد خرج من دارهم وتلاقا مع خوها وطلبو اوصلو لحاموت باها..مشا معاه حتا وصلو..لقاه جالس فحانوت صغيرة فيها بيىو صغير وكرسي..وبرا كاينا واحد اللعبة فالاسود مكتوب فيها سمسار الاملاك العقارية..شافو لقاه جالس فكرسي تدوم وقدامو طبيلو صغيرة فيها سبسي واتاي..محس المختار حتا وقف عليه وقال:السلام وعليكم
هز المختار راسو وبتاسم باتسامة صفرة وقال:وعليكم مثلها..سيدي محمد هانيا
محمد:لباس الحمد لله..بغيت نهضر معاك
المختار:اهاه مرحبا..(لمراد)ارا ننا داك الكرسي من الداخل
مشا مراد جابو ليه ورجع فحالو..جلس محمد وفيدو توبة ناعسة..شافها المختار وقال:العزبة هادي ههه تبارك الله
محمد:لا الخير ان شاء الله..جيت بغيت نطلب منك يد وردة
المختار كان كيشرب اتاي هي سمعو قالها وهي توحل ليه حتا بدا كيكحب وقال:اشنوو كح كح
محمد:هي بشويا عليك...انا بغيت نتزوج ببنتك
المختار:ولايني راه...
قاطعو:عارف اش غتقول..وفاهم..وأنا مكيهمنيش هادشي كولو..وردة كنعرفها من يامات الخدمة واخا كطير ولسانها سابقها وفعايلها كيشيبو ولكن نقية وبنت دارهم..ومشغليش فداكشي لي وقع ليها انا بغيتها هي
المختار:(تصدم معرف باش تبلا)اوليدي نتا ولد الناس ومنساش وقفتك معانا ديال رجال نيت..ولايني منبغيش ليك هاكا..البنت..
قاطعو للمرة الثانية؛الحاج صلي على نبي..انا اه مغربي ولكن كبرت برا وتفكيري اروبي واخا الواليدين مغاربة وعشت فجو مغربي ولكن كنفكر بعقلي ماشي بالتقاليد ..بغبت بنتك نتزوج بيها وتكون أم لبنتي
المختار:(سكت وتنهد)بفففففف اش غنgول ليك..وردة ولات حالتها حالة ..مديال زواج..معادا الى غتقنعها نتا😔😔
المختار:يكون خير ان شاء الله...العشية نرجع للدار ونهضر معاك ونجاوبك
ناض محمد ودعو ومشا رجع لحدا دارهم هز الاوطو ومشا نيشان للاوطيل..حط بنتو مع المربية الجديدة لي جاب ليها ومشا يكمل خدمتو
بينما سي المختار ناض سد حانوتو بالخف ومشا لدارو كيمختر بمشية المراكشيين المعنgرة..وصل لدارو لقا مرتو فالكوزينة مشا لعندها وقال:ها واحد السلام وعليكم المرا..
فتيخة:(كتنقي خيزو)وعليكم السلام..مالك جاي دروك؟؟
المختار:جيت بيت نهضر مع وردة فشي حاجة
فتيحة:الله يسمعنا خير..اشمن هضرة
المختار:محمد الباطرون ديالها با يتزوج بيها
فتيحة:(بفرحة )😍😍😍 داخلة عليك بالله..الله اربي على خبار
المختار:مالكي مسبقة الفرح بليلة ..راه باقي مسمعنا ري وردة..انا راه منبزز على بنتي لي مبات
فتيحة:الله يهديك المختار علاش لي متبيش راجل كامل مكمول مخاصو والو..وقف معانا ومخلاناش وشهر وهو خيطي بيطي عندها يشوفها..كون كان شي مسكوف والله ميبقا اجي اسول فيها
المختار:زالله معرفت..انا غنهضر معاها..دروك
فتيحة:زيد نهضرو معاها بجوج بينا
غسلات يديها ومشات معاه للبيت عند وردة لقاوها جالسة كيف عادتها وشادا حنكها ...جلس باها حداها وحط يديه على شعرها وقال:وريدتي لباس😊😊؟؟؟
وردى:الصمت
المختار:(ضورها لجيهتو)وردة بنتي الله يرضي عليك هضري معايا..واش درت لبك شي حاجة حتا منخلاني
وردة:(دمعو عينيها)لا اهئ😢😢
المختار:شوفي ابنتي لي عطا الله عطاه ..والبكا مورا الميت خسارة..معند الغبينة والدموع باش انفعوك..خصك توكدي راسك
وردة:(بصوت مخنوق)مقدرتش ابا..مقدرتش اهئ اهئ
المختار:تقدري gالاك..راه ممربيش النعيوات..راه ولدت وعرفت اش ولدت..وردة وأجرك عالله..اليوم جا عندي محمد وطلب يديك للزواج
هزات فيه عينيها بزربة وقالت:😳😳😳 مبيتش اعئ مبيتش نتزوج لا بيه ولا بغيرو اهئ اهئ خليوني غي هاكا حتا نموت
المختار:مبيناش نموتو وحنا مهولين عليك..محمد مغيخسرش ليك..كون مكان ناوي المعقول ميبقاش تال دابا فاش وقع لي وقع عاد ابيك..وهو باينا فيه ولد الاصل مخلاكش كاع
وردة:با الى مثقلا عليكم غي gولوها..نهز راسي ونزيد..انا جبت ليكم هي العار وصافي😭😭😭
المختار:لواه...لواع ابنيتي..مجبتي لي والو..ربيتك عزري باش متغريش لحياة البنات حتا نهار اجي لي يستاحقك ولكن القدر با حاجة خرا..ووقع لي وقع وربي كبير صيفط ليك راجل كامل ومكمول لبين يديك باش تعوضي على لي وقع ليك..الله يرضي عليك فكري
وردة:😭😭😭😭😭 مقدرتش اهئ اهئ
فتيحة:حنا مبينا ليك هي الخير ...هضري معاه وديك ساعة قرري..نعيطو ليه وهضري معاه
وردة:(الصمت)😭😭😭😭😭
النختار:الله يرضي عليك ابنتي
باس راسها وغمز مرتو وخرجو خلاوها حايرا واش توافق وتخضع لقوانين مجتمع مغيرحمهاش الى متزوجاتش وسترات راسها ولا تبقى فهاد دوامات وتعيش حياتها كاملة بين هاد ربعة تالحيوط...بكات حتا عيات وباقي منفساتش..حتا غفات والدموع فعينيها كيف ديما
فالعشية جا محمد عند دار وردة بلباس عادي كيف ديما..كيطما صيفية فالاسود والسبادري فالاسود وعاد كاسكيط فالاسود كذلك ..دق الباب حلات ليه مها ودخل لقا كلشي فقاع دار..بكثرة مكيجي عندها حفظ دارهم زحتى هوما ماشي من الناس لي كيخبيو حالتهم بلعكس كيتصرفو عادي وهادشي لي كيحببو فيهم..سلم عليهم وجلس وقال؛امدرا اسي المختار؟؟؟
المختار:اش غنgول ليك اوليدي..انا بنت وحدا لي عندي وربيتها بدم جوفي ربيتها دري ماشي بنت ..هضرت معاها وسكتات دخل نتا حاول معاها راه رطابت..هي خصها شوي تالما😉😉
بتاسم ليه محمد ودخل لعندها لقاها فنفس حالتها..شافتو وهي تخنزر وقلبات وجهها وقال ضاحك:ههههه بان ليك عزرائيل..
وردة:(الصمت)😠😠
محمد جلس حداها وقال:هاني جيت فاش بغيتينا نهضرو
وردة:(ضارت عندو مكمشو عينيها)محمد واش مبنت ليك غي أنا فالبنات..عطا الله البنات زوينات علي ومصوابات هلي وباقي فيرج عاد..ونتا طحت ليك غي أنا فالبلان😠
محمد:(اول مرة تذكر سميتو)ممممم عندك الحق كاين مزين منك..وفيخم صواب وعاد قضية العذرية مكتهمنيش..ولكن انا باغي أم لبنتي ماشي مونيكة باش تلعب..مفهمتش لاش مقصحة راسك..بيناتنا غنكونو عادي ومع ناس نكونو مزوجين..ومريضنا معندو باس..غتربي غي توبة وصافي
وردة:واش مكتفهمش..مبيتش نتزوج لا بيك ولا بغيىك
محمد:ومحشوماش هاد واليديك لي متحسرين عليك..بغاوك غي تكوني مرتاحة وراحتك معايا ونجيك من لخر بغيتي ولا كرهتي غتزوجي بيا
وردة:(عصبها)😠😠😠 مسينا عاالله تاني..شحاب هادي معطيتك علاش كتقلب...gلب علي ولا غنهرس ليك هاداك الراس
محمد فرح حيت قدر اجبدها باش تعاود تهضر كيف كانت وقال:دابا انا خيرتك..راه زاخا نعرف نكمش ليك يديك حتا توقعي
وقفات صاعرة وقالت:بززز ياك(هبطات عليه للكتف)هاك😠😠 توقعني بزز ياك😡😡
بدات الحرب بيناتهم تاني ..ملي هبطان عليه بيدها وقف ليها وشدها من يديها وهي كضرب فيه برجليها حيت حكمها من يديها مزيان..كتركل فيه وكيخاول يتفاداها وميت عليها بضخك
وردة:غنعطي لدين مك شي سلخة عمرك باقي طوف بساحتي 😡😡😡
محمد:😂😂😂 صاقي برات .ههههه اهداي هههه ههههه راه غنضرب
كتركل فيه وتعاود وغواتهم وصل تال البرا حتا جاو واليديها طلو لقاوهم شد ليا نقطع ليه ...مها حلات فمها فالمنظر وباها كيحرك فراسو بلاحول ولا قوة..كان جامع ليها يديها موراها وشادها بززز
المختار:ويلي مالكم؟؟
محمد؛والو..هي واقفات وبغات تعنقني وانا نحبسها 😤😤
وردة:😨😨 لا لا موافقتش ولله لديتك ولا كنت ليك مرا..(عضاتو فعنقو)عنننننن يالخ
طلق منها وبدا كيبرد فحر العضة وقال:مال مك مسمومة😠😠
وردة:تستاهل..ودابا خرج برا علي
محمد:وياك وافقتي مالكي كتسيفي..عاد دابا قلني لي بلي على موافقة
وردة:(جنونها صعرو)اويلي على ولد الحمقة موافقتش..مبيتكش😡😡
محمد:شوفي هضرة حسن من جوج..غتزوجي بيا هي غتزوجي بيا😡😡
وردة:واخا تبقا نتا لخر فهاد للدنيا منديك
محمد:(زلق ليه لسانو)على أساس غيجي يخطب فيك شي حد من غيري
وردة تغرغرو عينيها بالدموع زبقا فيها الحال..بزااف وقالت وهي كضرب فصدرو:ياله واخرج😭😭😭 خرج خليني..اهى اهئ انا غي شايطا وخاسرة
شد ليها يديها بجوج وقال متأسف:وردة..وؤدة(بحنية)وردة..مشطيش ومخسرتيش..انا باغي نتزوج بيك باش نحميك..باش متبقايش مسكة فلسان عباد الله..ديري عقلك
وردة:(كتبكي)علاش كيوقع لي هاكا علاش😭😭😭 كنت هانيا وعايشة حياتي اهئ اهئ علاش امحمد علاش اهئ..علاش انا ...
محمد:(خشاها فصدرو ومخبيها)لا منقوليش هاكا..قدر الله وصاقي ..عطي راسك فرصة باش تبداي من جديد..انا مباغيكش كجسد غتكوني مراتي فالوراق صافي..منقربش ليك كنواعد
لاول مرة عنقاتو بيديها الرقيوقين وتخشات فبه كنبكي بحرقة وكتشكي عليه وهو كيسمع ليها ويزيد ازيرها ليه لقا فأنو يعنقها راحتو..وهي لقات راحتها كثر..محمد جرحو باقي جديد واول وحدة يحضن هي وردة بينما وردة بغات صدر تبكي عليه غير صدر الصديق او الاب او الأخ
اومات ليه براسها بأه بعدما حسات براسها بردات شوي..ودوراتها فمخها..غتسمع الهضرة من عند الناس ويشوفوها بنص عين ويمعنيو عليها..اللهم تزوج بمحمد لي عيقدر اعيشها حياة سليمة بلا ميطالبها بشي حاجة..وفالمقابل غتربي ليه بنتو...
محمد:(بدون شعور)بلاش راه ياله نعسات عاد كانت كتبكي
تنهد وقال:واخا
ودعهم محمد وخرج وقلبو فرحان حيت قبلات العرض ديالو..طول الطريق زهو مبتاسم حتا وصل للاوطيل
فرحات فتيحة بخبر زواج بنتها وحتا المختار ومراد..بينما وردة عارفا راسها دايرا هي الخاطر وصافي باش تهرب من هضرة الناس
صبح صباح جديد على محمد ناشط بلا قياس مبتاسم..ناض دوش وتريح ولبس حوايجو لي طييعي فلون الاسود..وخرج طل على بنتو وباسها ومشا لدار وردة..كانت ديك ساعة تسعود تصباح..وصل لحدا دارهم ونزل دق حلات ليه مها كيف ديما صبح عليها ودخل لقاهم معمرين اتاي وحاطين الخبز مدهون بالزيت..وكلشي كاين الا وردة..جلس بعدما سلم هلى باها وخوها ..وقال باها:فيه لخير ليك هاد الخبز هههه
محمد:براك الله وفيك..جيت باش ندي وردة للطبيب..
المختار وفتيخة:(باستغراب)اينا طبيب؟؟؟
محمد:طبيب جلد..على قبل الحروق لي فيديها راه مداواتهومش..
المختار:راه كدير ليها مها واحد البوماد.ديال الحريق..
محمد:واخا هكاك..خصها تمشي لطبيب راه ماشي تحرقات هاكاك بالما راه تكوان..هاد القضية عاد تفكرتها البارح..ونستاغل اليوم نتا تجمع ليها وراقها وانا نديها للطبيب باش غدا نديرو العقد وتمشي معايا
فتيحة:اححح على بنتي غتمشي بلا عرس😔😔😔
محمد:الى بغات تديرو ديرو..مي محال تبغي فهاد الةضع دير العرس..فينها هي بعدا؟؟؟
مراد:فالبيت كيف ديما..مباتش تخرج تفطر
محمد:(ناض )انا نجيبها تفطر
دخل للبيت لقاها مسندة وحالا عينيها جلس حداها وقال:صباح الخير
محمد:ههههه هادي هي وردة ..نوضي تكعدي غاديين للطبيب
وردة:اشمن طبيب بدينا بالله😠😠
محمد:ديال الجلد على قبل يديك..وبلا متناقشي فهادشب باله نوضي تفطري
وردة:ياله تسرسب نلبس حوايجي
بناسم وناض خرج خلاها..وهي ناضت بثثاقل بدلات عليها وخرجات لقاتهم كياكلو..
المختار:جلسي ابنتي تفطري
وردة :مفياش..ياله الى بيتي تنوض
محمد:جلسي فطري عاد نمشيو
وردة:(من تحت سنانها)مبيتش..هي نوض
وقف وقال:واخا..خليناكم دابا
الكل:بسلامة
تمشات قدامو بملامح ممحية اول مرة غتخرج مورا ماوقع ليها شهر مشافت زنقة غتجيها صعيبة..قربو للباب وياله بغا يحل لباب وهي شد فذراعو وزيرات عليه..تلفت ليها وقال:مالكي؟؟
وردة:ها..زالو صافي انا نحيدها
هي خافت وستحمات بيه ..يالع بغات تحيد يديها وهو يعنقها بيد وقربها منو..حل لباب بيد وخرجو وهي مخشية فيه وكترعد..مهزاتش راسها عرفات غتلقى الردارات الفوق وغتحشم تشوف فيهم..وصلو لحدا الاوطو حل ليها لباب زطلعات ودار طلع حداها..ديمارا وقال:مزيانة؟؟
وردة:(بلا متشوف فيه)اه
ساق هو وهي حادرا راسها خايفا هي من جنابها..وساهية..حتا وقف فواحد شارع..عاد هزات راسها وقالت:اش كنديرو هنا؟؟؟
محمد:(كيحيد الصمطة)نزلي غنفطرو هاد نمشيو للطبيب
وردة:راه gلنا ليك مبيتش ناكل..هي كمل طريقك
محمد:(نزل )انا باقي مفاطرش..هبطي خلاص ولا بقاي تما
وردة عرفاتو غيخليها وخافت..وهذا هو أحد اثار الاعتداء كيركب فبنادم الخوف من حوايجو كيجيب ليه الله بحال الى المعتدي تابعو من اللور. نزلات دغيا وقالت بخوف:لا لا متخلينيش هنا عفاااك
تعجب منها محمد ومن ردة فعلها وتفهم خوفها فالاخير..ولاول مرة شابك صباعو مع صباعها..حس بالضو كيضرب فجسمو وهي كذلك.جاتها ملامسة يديه فشكل ماشي بخال اي مرة..مشا بيها جيهة واحد المطعم راقي ...زهي لابسا عادي كيف ديما ماشي ديال المطعم هي حادرا راسها..بينما هو غادي منفخ والارض معازاه..ههه وصلهم السرباي لطبلة وجلسات وجلس اونفاص معاها..طلب ليها هو لفطور وعطا طلب لسرباي..شاف فيهل ولقاها حانية راسها وشاهية وقال:وردة صافا؟؟؟
وردة:مزيان..(كتلعب فصباعها)
محمد:ممممم باين..متوحشتيش توبة
وردة:(بتاسمات بتسامة خفيفة)بنتك هه توحشتها
محمد:حتل هي توحشاتك😊😊 كضل ماما ماما
وردة:ههه كتعيط لي ماما
محمد:حيت ماماها نيت هه..
وردة:😊😊😊
جاب ليهم السرباي الفطور ولي كان كولو غي زواق وتواشي ووردة مولفة بالخبز واتاي..شافت حتا عيات وهزات عصير صافي..هو لاحظ أنها مكتاكلش وقال:معجباتكش الماكلة؟؟نبدلوها
وردة:لا اصلا مافياش جوع..براكا غي هادا
بتاسم ليها وكمل ماكلتو واخا حتا هو غي كيتضاهر بلي راه كياكل وحاضيها ساهيو وساكتة وهادشي لي ممعروفش عليها..سالاو الفطور وخلص وخرجو تاني مشابكين ليدين..طلعو للاوطو وتوجهو لعيادة طبية ديال الجلد..باركا الاوطو ونزلو وشادا فيه..طلعو للفوق كلع لان طبيب جا فعمارة راقية..لقاوه خاوي شوي..مدازش بزااف حتا دهلو عندو ..جلسو وقال محمد:دكتور صافا؟؟
د:موسيو محمد نهار كبير هادا
محمد:الله يبارك فيك..جيت عندك انا ومراتي بغات تبع عندك على حساب شي حروق فيها
ناضت معاه واكيد معاها محمد..حيد ليها محمد الكاب وبانو يديها كلهم منبلين وزرقين..تأسف عليها طبيب بينما محمد كيغلي..قلبهم طبيب بطريف
قلب ليها طبيب دوك الحرقات بطريقتو..وهي غي كيمسها كتقفز كتحس براسها غتفرgع الى قاسها..كمل وملامحو شبه حزينة وقال:لبسي كابك واجيو
عاونها محمد بكل حب أنها تلبس كابها وفداخل ديالو كيتحرق عليها وعلى لحمها..خرجو وجلسو قدامو وقال :شحال داز ابنتي على هاد الحرق؟؟
وردة:شهر تقريبا
د:ممم صراحة تعطلتي بلحق ماشي مشكل ..غنعطيك شي بوماد ديريها ثلاثة تالمرات فالنهار حتا يبراو من الداخل عاد نشوفو قضية السيكاتريس..وحاجة خرا راه جلد ديالك تضرر بزااف حيت تهاونتي عليهم نتمنا تردي البال
اومات ليه براسها وصافي..شكرو محمد وخرج من عندو شاد فيها..طلعو للاوطو وقال:علاش مقلتيش ليا بلي كيضروك
وردة:(ساهية)ممممم ولفت
محمد:نتي زعما..غي ديال العصا..شوفي لحمك كي ولا كلك مطبعة
وردة:(مخنزرة)ديها فراسك..وديني لخربتنا
محمد:ليوم لخر ليك فديك الخربة غدا غنديرو لاكط..
وردة:😳😳😳 ومالك على هاد زربة؟؟ تسحابك الوراق غيخرجو دغيا
محمد:(ديمارا لاوطو)هاداك سوقي نتي غي وجدي راسك غدا فالعشرة غنجي عندك باش نديرو لاكط ومن تما للدار
وردة:(بقات كتشوف فيه وكتحاول تستوعب هضرتو)هاء...واخا
سكتات مجاوباتوش..بغات تفهم حياتها فين وصلات غي داك النهار كانت كتنقز وطير وتضحك مع هذا ومع ذاك وتعيش حياتها..واليوم بلمحة بصر غتولي مرا مزوجة وعليها واحبات..والاهم انها غتولي أم..بتاسمات فسخرية من راسها..كتشوف القدر كيلعب بيها كيف بغا..بنت ثم زوجة ثم أم..وهادي هي مسيرة الحياة..
تضاربو افكارها وكتحاول تقاتل معاهم حتا وصلو حدا واحد الفرماسيان..وجا بغا ينزل وهي تشدو من يدو:فين غادي؟؟
محمد:(كيشوف يديها)غنجيب ليك دوا لي خرج ليك طبيب
وردة:ننزل معاك..متخلينيش هنا بوحدي
محمد:راه الفارماسيان هي قدامنا معندك مناش تخافي
وردة:(مغبنة)ولا..هي لا..منبقاش هنا بوحدي
محمد:فففف واخا نزلي
نزلات معاه وهي مخشية فيه حتا خداو الدوا وكسيرا تاني للدارهم..نزل معاها عارفها كترعد هي من حوايجها وحتى من اخر مرة حلف لخلاها باقي تنزل لدارهم بوحدها..دخل معاها حتال الدار..وتوجهات للبيت بلا متسلم عليه هو تفهم الامر وطمر..عطا لمها دوا ووصاها كيدير ليه..وخرح..
وردة دخلات للبيت بدلات حوايجها بلا متشوف لحمها ولا تحقق فيه حيت كتفكر العذاب لي داز عليها..وتكات فبلاصتها حتا وصل وقت الغدا وجابت ليها مها غداها...تغدات ونعسات
بينما محمد مشا ديركت للفيلا عند مو باش افاتحهم بموضوع زواجو..لقاها جالسة حدا البيسين تحت واحد الباراسول كتشمش..لابسة مايو تالبحر فالاصفر ودايرا نظاظر وطايخة عليها شوي تشمس..جلس حداها باس حنكها عاد نتابهات لبه وتقادات فالجلسة وقالت:ولدي..مرحبا بيك..مزيان ملي باقي مفكرني
زهرة:(نفضات من بلاصتها)لا لا مزيان تبارك الله😡😦 ولدي أنا زهرة اتزوج بوحدا منعرفهاش كاع..كبرتي ياك ووليتي كتاخد قراراتك بوحدك
محمد:(صعر)علاه من ايمتا كنتشاور مع شي حد..ديك لي تشاورت معاك فيها راك شفتيها كيف صدقات ...زوج كلمات عندي قلتهم غنتزوج غدا ومبغيتش تجيك الخبار من قنت اخر..😡😡😡
مخلاهاش تجاوبو..وزاد..وبقات كتعيط ليك مغددة وهو معلى بالوش خلاها وزاد مع الطريق لانه اصلا من موت باه علاقتو مع مو سطحية ..ماشي كأي أم وولدها..عادي عزيزة عليه وبززاااف ولكن لانه معاشش معاها بزااف ممتعمقينش فعلاقتهم..
زهرة:(كتمشي وتجي)نونو والله حتا صفات..اتزوج وبلا خباري تبارك الله..
دخلات للداخل وظارت بناقص من شي بيسين باقي ..بينما محمد مشا الاوطيل ديالو كمل شي خدمة معصب لانه تفكر مراتو لولة..حتال لعشية سونا عليه بات وردة على قبل باش امد ليه الوراق ديالها ومشا لعندهم اجيبهم..مشافش وردة كاع..خدا لوراق وزاد
وردة سمعاتو فاش جا ومعارتش الامر اهتمام بقات متكية فالبيت حتا كدخل عليها مها وقالت:لالة العروسة نوضي نمشيو للحمام
فتيحة:ههه عارفاك مطوليش..خفيفة وكطيري..لي نوصيك ديري عقلك شوي وقدري هاد ولد الناس لي عطاك الله..وغيديرك تاج فوق راسو
وردة:(تنهدات)
فتيحة:حمدي الله وشكريه لي خرجات غي هاكا..ونوضي نرد ليك الما غسلي غي فدار عارفاك مغتبيش تمشي للحمام..
وردة:عيانة مفياش..😴😴😴
فتيحة:وا هي تgعدي انا نغسل ليك..كيما كان الحال غدا راه نهار زواجك
شافت فيها بلا مبالاة وناضت معاها ...سخنات ليها لما وغسلات لبها فركاتها مزبان وكتحاول متقيسش ليها الحرقات لي فيها..خرجات لبسات حوايجها ونشفات شعرها وهي عدوها تجمع شعرها وهو فازك ..جلسات كتنشف فيه ومها لبسات جلابتها وخرجات معرفاتها فين مشات...
بقات وردة فالدار بوحدها وبدا كيجيها لخوف الى تحركات غي شي حاجة فسطاح بالبرد...تكمشات فبلاصتها وبقات كترغد بوحدها حتا جا مراد..وطارت عليه غنقاتو ومكمشة فيه بالخلعة وهو مفاهم والو..هي معنقها حتا هو..جتا جات مها وباها..عاد تلقات منو...
فتيجة خرجات تجيب ليها شي حوايج كيفما كان الحال كتبقا عروسة..
*****
صباح جديد وحياة جديدة..فاق مجمد ناشط على غير العادة..دوش ولبس سروال اسود ديال ااثوب وقميجة بيضة ولاول مرة غيلبس البيض او شي لون اخر..مشط شعرو ودار ريحتو الرجولية لي كدوخ..هز سوارتو وياله غيخرج وهو يتفكر خاتمو..رجع لفين حاطو وهزو بين صباعو كيشوق فيه شحال ياله بغا يلبسو وهو يتراجع وحطو فوق الرف وخرج بمشية رجولية كيبان من لباسو على بعد امتار بلي راه عريس..مشا طل على بنتو باسها حيت باقي ناعسة والمربية غافية حداها..ونزل مشا للاوطو ديالو وديركت لدار وردة..هاد الاخيرو كانت فيقاتها مها وفاقت بنفس ثقيل محاملاش راسها...ناضت طرفات حالتها ولبسات سروال دجين كحل وتيشورت حكل وسبرديلة لي شافها ميقولش عليها عروسة..يعطيها اما غاديا تلعب شي ماتش ولا غاديا تعزي فأروبا هههه..خرجات عند دارهم لقاتهم كيفطرو شافها باها هاكاك ياله غيهضر وهي تنغزو مها بلش اسكت..عارفينها هي مبززة على راسها..فطرات معاهم بزز..وناضت مها تلقات ليها شعرها ومع رطب محتاجتش تصاوبو..طلقاتو ليها جا مغطيها كاملة....وهوما فغمار فطورهم جا انور حل علبه مراد سلم عليهم وجلس حدا وردة مبناسم ليها..وقال:لالة وردة واجدة ههه؟؟(شافعا اش لابسا)اوووو شتي اش كنت gلت ليك..نهار زواجك غتكوني كي زوفري..
وردة(بتاسمات بطفولية وحزن)هههه ياك
انور:بلحق غزالة ومتوتة هههه..وشعر تاني نعام اس ههه اخر مرة شتو مطلوق من شي سادس بتدائي هههه
الكل:😂😂😂😂
الكل كيحاول يلطف الجو باش هي تضحك وترجع نشاطها..تدق الباب وناض مراد حل ورجع..ووردة شمات واحد الريحة رجولية على بعد امتار ..هزات راسها بلا مبالاة تشوف وإذا بها كتلقى محمد امين الساجدي كولو بهيبتو وشهامتو ووسامتو الشرقية ضارب ليك الحطة يدوخ من بعيد...الفتنة كتمشا على رجليها..الدوخة وخلاص..بقات ساهية فيه شحال كتشوفو كيتمشا لجيهتهم بمشية مرجلة والفحولة يا أخي الفحولة ههه..لمحات عويناتو عن بعد كتشوف فيهم بريق كيبري وهو كذلك شاف فيها بكل اعجاب..كانت ثاني مرة كيشوفها طالقا شهرها..بقا فاهي فيها بإعجاب وناسيين لي ضايرين بيهم..فقط نظراتهم لبعضباتهم هي لي طاغية..حتا جلس حداها وقال:صباح الخيى
الكل :صبار الربح
انور:او يهوي على مولاي السلطان..ضارب ليك الحطة هههه جيتيني دري اما كون طرت بيك😂😂
مراد:معرت فين بيتي طير بيه هنهه
انور:(بثقالة)لعرصة الحامض 😂😂😂😂
المختار:بشااااخ على سيدي زين..واتاتك التفركيسة ههه كلشي غوز القزقوز ههه
فتيحة:نبارك الله على نسيبي العزيز..منور بلا بخور هههههه
محمد:ههخخ ياك..براك الله وفيكم..
وردة:(كانت كتشرب فقهوة وحادرا رايها وحابسا ضحكة ..بغات تعلق حتا هي ولكن مشا جهد ديال تشد فيه
خرجو كاملين من الدار متيكين على الحالة..ياله بغاو اركبو فالاوطو وهي تلاح عليهم واحد المرا..وقالت:لعار ابنيتي شوفي من حالنا..لعار تنازلي ليه راه حكمو عليه بعشر سنين..😭😭😭
الكل تضهشر..وكلشي عارفها شكون..مامات حمزة..
وردة خافت وهي تكمش فمحمد وتخشات فيه والمرا كطلب فيها:لي بيتي نديروها..نزوجكوم ونسترو الفضيحة الاه يرضي عليك
وردة تغرغرو عينيها ومكمشة فمحمد لي بدورو معنقها بيد وطلعها للاوطو وقال:يلله من هنا..الدعوة مغتنزلش..واخا تسامح ليه راه الحق العام ميدوزهاش ليه عاد الحمعيات لي هي خاشيين نيوفهم فهاد القضايا
خلاوها كتبكي وركب باها ومها لور...وأنور ومراد عطاهم محمد لعنوان وغيتبعوهم فطاكسي..تحرك بيهم محمد ووردة دموعها هبطو فصمت مدورا وجهها لجيهة الشرجم ..وعم صمت ومرة مرة كيدور يشوف فيها..كيبغي يمسح ليها دنوعها ولكن كيدير بحساب واليديها لي أكيد راهم ناس تقليدين معندهومش هادشي عادي..وصلو لأرقى حي فكليز فيه فقط اضخم وارقى العمارات فمراكش لي أغلبها ساكنينها غي طبا ولgور..مها وباها حلو فمهم بينما هي مهمهاش..وصلات حتا طاكسي ديال انور ومراد لي بدورهم تبهرو كانو عمارات راقيين ومفننين فالبني ...دخلو لواحد العمارة وطلعو لسانسور للطاج الثاني ...كانت شقة هائلة فالخارج بابها خشب راقي حل لباب ودخلو موراه..حلو فمهم فيها وتبهرو بتصميمها..لدرجة شكو واش باقي فمراكش ولا لا..كانت عصرية مئة بالمئة فيها ربعة تالبيوت وصالون كبير عصري فيه فوتويات فالاسود..و ديكور هائل واروبي..وكوزينة عصرية ممسدوداش فبها رف هو لي فارقها مع الصالة..دخلو لصالون ولقاو فيه جوج رجال لابسين البيض التقليدي يعني جلالب وبلاغي وطرابش حمرين ..جلسو حداهم ورحب بيهم محمد..وبداو فالاجراءات تاع زواج..الروتينية..
العدول:سي محمد امين الساجدي بن عمر تقبل بسيدة وردة القصري بنت المختار زوجة ليك
محمد:(شاف فوردة لي ساهيا)اه قابل
خرجات منو هاد الكلمة وتفكر اول مرة قالها فزواجو لول..وضرو خاطرو بزااف عمرو توقع راسو يعاودها...
العدول:لالة وردة بنت المختار القصري تقبلي بسيد محمد امين الساجدي زوج ليك وقابلة على صداقك
وردة:(الصمت)
نغزاتها معا وتوكدات وقالت:هااا...اه قابلة
العدول:والشهود قابلين
المختار وانور:قابلين
عطاهم اوقعو وكل واحد فيه كيخس براسو مجبر على هاد الزواج..هو عاد حس براسو بلي كيعاود نفس الكاسيطة وعي جسد بلا روح هي وافقات وصافي..وقعو حتا الشهود..وطلقات مها واحد التزغريتة وعنقات بنتها لي كانت شبه ساهية
فتيحى:(كتبوس فيها فرحانة)مبرروووك اكبيدتي ههه😍😍😍
وردى:😊😊
فتيحة:ولدي مبروك عليكم
محمد:الله يبارك فيك
انور:(عنق وردة بجهد)مبروووك ازين...فرحت ليك
وردة:(زيرات عليه)شكرااا😢😢
محمد معجبةش الحال ملي عنقها وطلع حاجب ونزل لاخر كدليل على تقليقتو..موكدو غي باها لي ربت على كتفو وسلم عليه بالوجه:مبروووك اولدي...عانتا راه عاطيك نوارة داري..ها ولا هاه منعقلش عليك ههه
محمد:(شاف فيها)فعينيا بجوج ههه
مراد:(عنق ختو)ههه واخيرا تهنيت من فريعك
وردة(بتسامة خافتة)ههه ياك..
تعانقو بيناتهم وباركو ليهم وجات النوبة على العرسان اباركو لبعضهم..جاو جوج مساعدات من الكوزينة معرفهوم منين خرجو هازين الصواني ديال الحليب والتمر ..حطوهوم ليهم..هاذا كان امر من محمد عارفها جات بسكات بغا على الاقل احسسها انها فعلا تزوجات ولكن لا حياة لمن تنادي..
قرب ليها وجا وجهو اونفاص مع وجهها..تلاقاو الاعين لثاني مرة اليوم وتكهرب لجو..بيناتهم..شافو فبعضهم بملامح ممحية ..محمد كيدقق فعيتيها بإعجاب وهي كتفحصو بحيرة..تقدم جيهتها شد وجهها بين يديه وباش جبهتها قبلة طويلة (حلف لطلق😂😂)فيها معاني كثيرة..قبلة رضى وامتنان واحاسيس مخربقة عندهم..وردة حسات براسها طلعات معاها سخونية فجسمها وجاتها تبوريشة..غمضات عينيها طوال القبلة حتا حيد شفايفو على جبهتها عاد حلاتهم وشافت فيه وقال؛مبروووك علينا
وردة:مبروك علينا
هز الحليب شربو ليها وهي كذلك ووكلو بعضهم تمر وهوما سارحين فعينين بعضهم..والعدول معجب فيهم اول عرسان لابسبن عادي ههه..
سكتات متلاتش هضرات..تلاقاو التهاني والعدول رافقهم محمد تال الباب بعدما عطاهم مستاحقاتهم..وبقاو غي هوما...رجع محمد وقال:مرحبا بيكم مرة خرا..خليكم معاها انا غنمشي نجيب توبة من الاوطيل ونجي
فتيخة:هي سير اوليدي حنا معاها
بتاسم ليها ومشا لجيهة المطبخ ووصا الخدامان عليهم احطو ليهم لي بغاو ويتهلاو فيهم..ونزل خدا الاوطو وديركت للعند مول الذهب..لحاجة لوحيدة لي نسا هي الخاتم..مشا شاف شحال من واحد وفالاخير ختار ليها خاتم بدهب لبيض ولقاه فقياس صباعها واخر دفعة حيت صباعها رقاق..خداه ليها ومشا للاوطيل وطريق كاملة وهو كتدور فبالو فقط فكرة أنه تزوج..وأن فحياتو مرا خرا من غير المرا لي حبها..وأن على ذمتو مرا خرا من غير مراتو لي بغاها من قلبو.
عاود مشا للوطيل حاير كثى..وداز لبيت بنتو لقا معاها المربية وكان هذا أخر نهار ليها كيفما علمها..خلصها فشهرها وهز توبة وساكها وخرج..ركبها لور فكرسيها لي مكيفارقش الكوفر تلاوطو..وكسيرا ديركت للشقة ديالو..وصل للباب حل ودخل عليهم كانو جالسين على.طبلة عامرة بأشهى المأكولات سواء التقليدية ولا لعصرية..ووردة كيف العادة هازا هي كاس تالعصير..دارت شافت توبة بتاسمات ليها ودخل هو وقال:ها حنا جينا
هزو راسهم فيه وبتاسمو وجلس حداهم وتوبة فحجرو كتبجغط وتغوت بضحك وكتحقق فالناس لي دايرين بيعا ومرة كتغوبش مرة تضحك فوجهم..دورات وجهها عليهم حتا طاحت عينيها على وردة وبقات كتشوف فيها شخال ومحمد حاضيها ووردة كتشوف فيها مبتاسمة حتا ضحكات ومدات يديها كتبجغط وتضحك بغات تمشي عندها..شداتها من عندو بابتسامة وحطاتها فحصنها..وتوبة تخشات فيها ووردة معنقاها والكل مبتاسمين..شداتها وبدات كتبوس فيها وكتقول:نتي واحد الخايبا هههه خايبا ههه متوحشتينيش ههه ها
سالاو ماملتهم وجا وقت الفراق...استأذن المختار وقال:سيادنا هذا هو جهد الضيافة..لحاصول سلام وعليكم
وقف وتبعوه عائلتو وقالت وردة بحزن:صافي غتمشيو بقاو معايا😔😔😔
المختار:لواه ابنتي..هادي سنة الحياة نتي ظابا بدارك..وبراجلك تهلاي فيه وردي ليه لبال..وهاد البنيتى ديريها فغينيك
فتيحة:(غرغرو عينيها)غتخلي علي بلاصتك اشنيولة 😢😢😢
وردة طاحو دموعها دغيا وغنقات واليديها وتوبة فيديها وبكان فصمت جاها الفراق صعيب لأنها عمرها بعدان على دارهم..دازت لخوها عنقاتو كتبكي وهو كذلك كيبكي كيف لا وهو مولف بيها ديما معاه...عنقات انور بالدموع ومزيرا عليه وكتوصيه على واليديها وتعاود..الشيء لي معجبش محمد نهائيا..كالما راسو بزز وخرجو واليديها ودموعها فعينيها وعلى خدها مسخاتش بيهم..وتوبة شافتها كدمع وهي تزيد كتبكي وحضناتها كتسكت فيها..محمد بقا مواراها كيتسناعا تكمل..ضارت عندو كتبكي شافت فيه ورحعات لفين كانو جالسين والدموع غالبينها وتمسح بكفها وتكبح..وتوبة فحضنها كتدمع كذلك..جا جلس حداها وقرب يديه مسح ليها دموعها بصبعو وقال:متبقايش تبكي..
وردى:😭😭😭😭
محمد:(تنهد)بفففففف الله يستر..اه حgا نسيت(جبد الخاتم)هاذا ضروري ديريه
وردة:(تلفتات ليه)علاش؟؟
محمد:(بغباء مصطنع)باش تباني زوينة..راه باينا راه ديال زواج
وردة:ومالك على طنز العكري..طلق الزمر نديرو😠😠
بغات تشدو من عندو وهو يبعدو وقال:اري يديك
وردة:غلبسو راسي😠😠
محمد:مدي يديك يا هاد البنت😤😤
خنزرات فيه ومظاتها وقال:اليسرية المكلخة..راه اليسر فاش كيكون الخاتم..
وردة:وانا باش غنعرفها..(مداتها)شد
شد يديها وحط ليها الخاتم فصباعها الرقيوقين الصغيورين وقال:واش مكتاكليش؟؟ههه
وردة:(وقفات)ديها فجهة ضاراك😠😠 بيت نرتاح ..فين البيت؟؟
ناض وقف وقال:لسانك كيف ديما مبري منك يخ
مشا وتبعاتو هازا توبة وداها لواحد البيت كبير مصبوغ بالبيض ولكن طاغي عليه الطابع الرحولي حيت فيه اللون الاسود..وقال:هذا بيتك..ولي حداه بيت توبة باش تبقا قريبا ليك..وانا لهيه
وردة:😟😟😟 غنعس بوحدي؟؟
محمد:اه علاش
وردى:ولكن...(سكتات)دوك العيالات الخدمات هنا كيباتو هنا
محمد:(مربع يديه)لا..كيساليو شغلهم ويمشيو ..مي قبل متفيقي نلقايهم عند راسك
وردة:لا...ولا...مبيتش نعس بوحدي خلي وحدا فيهم تعود تبات معايا عفاااك😔😔😔
محمد فهمها وعرفها كتخاف وقال:واخا..
ودار بغا يمشي وهي تقول:وتوبة حتا هي.
محمد:لي بغيتي
ومشا دخل لبيتو وهي كذلك دخلات لبيتها ..حطات توبة فوق الناموسية كتلعب برجليلاتها وهي بدات كتستف حوايجها فالبلاكار..كتهز من الشانطة لي جابت معاها وتحط..
بقات كتحط فالحوايج وتستف..وتعجبات كلشي جديد حيت شراتو ليها مها..وتوبة كتبجغط حداهت..قاداتها فالجلسة مع ولات كتجلس شوي..وتلاحت حداها على كرشها وهازا رجليها فسما..وكتلعب معاها وتوبو عاجبها الحال..
وردة تناسات شوي مع توبة من خلال براءتها ولعبها كتخليك ترجع دري صغير ..وفعلا بمجرد ما أنك تلعب دري صغير كيخرج داك الطفل الصغير لي فداخل ديالك..وكيبدا يحي ذكريات..
وردة:(جمعات فمها)توبة ديري برررررر
توبة:😂😂😂😂😂 هتهتههنهه
وردة:(كضحك)ههههه لا...ديري برررررررررر
توبة:غنننغنننن هههه😄😄
تلاحت عليها وردة كتعضها وتهرها وتوبة كنغوت بالضحك..نزلاتها للارض فوق الزربية وبدات كتحبو وتحبو معاها..وكتمشي ليها توبة تال جيهة الناموسية باش تكالي وتوقف شافتها وردة وهي توقفها ووقفات شدات فيها وبدات عليها دايدا دايادا هههه
وردة:دايدا دايدل ههههه ياله
توبة:هان هانا نا نا نت..هههه(ومتبعة اللحن تالخبيرة)ههه تنا تنا..
وردة:(مغوبشة)متافق علي نتا وبنتك😠😠 غنكون غي نتا لي حرشتيها
محمد:برهوشة ههه من نيتك ..البنت باقي صغيرة وغنتافق معاها(باس بنتو فالحنك)هبيلة هاد وردة ياك ابابا هههه
توبة:(مدات يديها ليها)ما...ما..ماما
محمد:صافي مبقيتش عاحبك أنا هههه ياله سيري
عطاها ليها وهي مبتاسمة حتال لوذن وقالت:بطبيعة الحال غتبغيني ههه
محمد:ايول واشنو سر ههه فيديني
وردة:حيت واعرة عليك ههه 1-0
محمد:(ملي غي ضحكتي هادي عندي هي دنيا ومافيها)ممم بدينا تاني
وردة:والى بغا الله غنحررها فيك هههه ياك ابنتي خه
محمد:نشوفو جهدك وشكون يغلب..ولي غلب..ادير مبغا
وردة:دابا فاش بعدت غنوريك نيت علاش قادااا
محمد:نشوفو هههه يالله تغداي
خرج وتبعاتو هازا توبة لي باقي واحلة معاها كتشد شهرها مع طويل وتبدا تلعب فيه..جلسو فصال امونجي كبيرة فيها كراسا كثار ولقاو الغدا محطوط وعلى قبلها طلب منهم اوجدو طاجين لان الخدامات مغربيات...مع الشلايض وسالاد خفاف ليه هو..جلسات وقالت:اوووو وليتي ولد شعب كضرب فطواجن هههه
محمد:ههههه لا انا معنديش مع لمرقة..وجدوه على قبلك..عارفك مكتغدايش الا بيه
وردة:ممممم كثرتي من الصواب افلان هه وطاجين تبطاطا وزيتون هه
كملو غداهم وخرج محمد لخدمتو وهي قضات النهار هي مع توبة كتلعب معاها وتوكلها وتنعيها حتا طاح الليل والخدامات معمرين عليها دار..حتا جا محمد..
دخل محمد عيان من الخدمة..ضل نهار كامل وهو وسط الوراق والتدبير ويحل المشاكل لي تهاون عليهم فالفترة الاخيرة..لقا وردة هازا توبة فحجرها ومسندة مغمضة عينيها وتوبة كطرطا فوق سدرها..شاف فيها وجلس وقال:بابا...توحشتيني ههه
توبة:ههه 😄😄😄عنغنعن
شاف فوردة وقرب منها..حط يديه على وجهها بلطف وفيقها..فاقت قافزة وملي شافتو طمأنات..هز من عندها توبة وقال:نوضي لبيتك تنعسي..
وردى:(كتحك عينيها)ممممم باقي الحال هي غفيت
محمد:(بابتسامة)هههه واخا...حط حداها توبة ودخل لبيتو دوش وبدل عليه ولبس لباس بيتي وخرج لعندهم هاز تيلي ولبيسي خدام فيه ..جلس ففوتوي بعيد عليهم..زعلامات العيا باينا عليه وعيط على لمساعدة وطلب كأس القهوة..وجابتو ليه وقالت:مدام نحط ليك لعشا؟؟
محمد كان ساهي مع خدمتو حتا سمع صوتها بداك اللحن وضار لجيهتها مرفوع ومبتاسم بتسامتو الساحرة وقال:ها..ء..بغيت..هانا جاي
وردة:😊😊😊(الى منوريك تزوج بيا ها وجهي)
بقا متبعها غاديا بشوية لجيهة الطبلة تالماكلة..وخاضيها كيف كتمشا كي البهل حتا جلسات وحط البيسي بلا عقل وناض تبغها..نسا الخدمة والعيا وكلشي..جلس حداها وحطو ليهم العشا..وقالت:وا نوض غسل يديك مالك ممربيش
محمد:ههه مافيهم والو
وردة:(مخرجة عينيها)باش عرفتيها هااا؟؟بعدما دوشتي قستي الباب والبيسي لي كان فوق الطبلة لي كانت مغبرة دونك نتا دازو ليك الجراثيم..وهزيتبهم..من عندي انا لهلا يردك بلحق راه كناكل معاك وغطيح شي جرثومة وغناكلها انا ونمرض ونصدقو فطلع تاكل الكرموس شكون قالها ليك هاااا
محمد تلفاتو حيت كتهضر بزربة عاد التحليل لي عطاتو خربقو وقال:مالكي كتهضري بزربو..بشوي عليك اه اه
ناض من حداها معزف وكيتمشى بشوية وغسل يديه ومسحهم..بينما وردة طارت شافت الملحة قدامها وهو يركع ليها شيطانها وقال:نتي لي كاينا ههه هزي لملحة وديريها ليه ههه
وردة:(بنظرة شيطانية )ممممم نبداو من دابا
هزاتها وكبات نصها فعصيرو ورداتها كأن شيئا لم يقع..تقادات فالجلسة عاد جا هو..جلس وقال:ياله كولي
وردة:(بصحة التريقة ههه)واخا😊😊
بداو كياكلو فصمت ووردة عين فالطبسيل وعين عليه..حتا شافتو هاز العصير وهي تحدرهم بمرة..ياله جغم جغمة لولة وهو يوحل ليه فالحلق بالملوحية ودغيا حمار..مبغاش ادفلو حيت جاتو قلة ادب..صرطو بصعوبة ووجهو ولا حمر عاد عينيه طلع معاهم الغضب تدنيا وللاخرة وضار لجيهتها معصب وهو يقول بالغوات:وررررررررردة😡😡😡
هزات راسها يخوف كتشوف فداك ابوحش لي حداها وقبل ميوقف علقات بغات تهرب وحابسا الضحكة..باقي موصلات فين شقمها من شعرها وجرها بجهد لعندو وقال:اش هاد الفعايل تتبرهيش😡😡😡😡 باقي مبغيتي تديري عقلك
وردة:(شاظها من لور تشعرها)طلق الله يعطي لمك الحزقا وسط الناس ...عبرت عليك هي جوج باله..وباقي ايام الله جايا ياله خهههههههههه اعبرت عليك
محمد:(طلعات ليه الكناوية وزير عليها)رجعتي لفعايلك لقدام😡😡 انا نوري مك
ضورهل لعندو وهز الكاس لي شرب منو وقال معصب ويديه شادها من شعرها:غتشربيه كولو دابا😡😡😡
وردة:😨😨😨اشنا هو...والله لجغمتو وتستاهل هي سطاش..مضربك حد نهار لول نتا لي لصقتيني وبيتي تزوج بيا ...ودير فبالك هاد خمسين سنة ولا ستين لي غندوزها معاك كلها غدوز هاكا..ياله
محمد كيشوفها دافعا الحبهة واخا هي لي غالطة وتفكر ياماتهم فالاوطيل وقال يسايرها باش شوي تفوج على راسها..وقال صاعر:زالله لحمارة تمك ومتشربيه حتا نخلي دار بوك..ولا..
وؤدة:ولا اش؟؟سير دابا ن ...
محمد شاف فيها بشر وهز القرعة المبيرة لي فيها العصير وخواه عليها من الفوق..بينما هي مزال كتسناه اجاوبها حتا دوش ليها بالعصير..
تعصبات ومبان ليها غي الضرب وهي طير عليه كتخبط فيه تركل وهو كيتفاداها الشيء لي كيزيد اجننها حتا تيات وهي طير عليه بعضة لكتف
وردة:اعنننننن ياله😡😡
محمد:(ضربها لراسها)الله يلعن ز*** بوك
وردة:وبوك القرد هههه ياله بردها
وهربات ليه لبيتها طلات على توبة ودخلات للدوش غسلات شعرها ودوشات..خرجات لبسات حوايجها عبارة عن بيجامة نص كم ونشفات شعرها وبغات تنعس وهي تخرج عند الخدامات باش تنعس معاها وحدا فيهم..خرحات كتسلت
خرجات كتسلت خافت يكون فجناب البيت..شافت يمين شمال وملقات حد..ودازت للكوزينة وملقات خد..ستغربات ومشات كتقلب عليه لقاتو هاز البيسي وشي وراق كيدقق فيهم مشغول..وقفات عليه وقالت:فين الخدامات؟؟
محمد:(بلا ميشوف فيها مشغول)مشاو فحالهم
وردة:😨😨😨 علاش...ياك طلبتك تبقا وحدا فيهم اوجه الكرشة مكمشة
محمد:(هز فيها راسو)نسيت والله..غي سيري تنعسي انا هنا معندك مناش تخافي
محمد:(خشاها فصدرو) مكاين حد...غي أنا هذا..مغيقيسكش..صافي كالم شووووو
وردة(شدات فيه مزيرة)اهى اهئ متخلينيش 😭😭با يقتلني اهئ
محمد:لا ميأديك حد صافي شوووو..انا معااااك منخليكش
بقات متكية فصدرو وهو معنقها حتا تهدنات..وباعد وجهها عليه وقال:معندك مناش تخافي انل معاك(باس جبهتها)عمر شي حد اقدر يأذيك واخا
وردة:(بعينين دامعة)اهئ اهئ واخا😢😢 بيت نشرب..
محمد:انا نجيبو ليك
ناض من حداها ومشا لكوزينة وجاب ليها كاس تالما جغماتو فمرة وتنهدات كتساراح من تعب الكابوس لي ولات كتشوفو كل نهار..هو كيدوز يدو على شعرها بلطف واليد لخرا حاطها على ركابيه وكيشوف فيها بحزن..كتبقا فيه بجهد ملي كتبكي ..وقال:شوي دابا؟؟
وردة:(بتعب وكتمسح جبهتها من لعرق)اه شوي
محمد:نوضي لبيتك تنعسي..غترتاحي تما
وردى:(بطفولية)لا لا كنخاف بوحدي😢😢
محمد:انا نعس حداك متخافيش ياله نوضي
وردة:(غوبشات)اشناهو؟؟؟ها ضسارة تبوزنداgة..سير تقدا حاجة لمخك gالاك نعس معاك..تنعس على هيضورة السبع ان شاء الله
ناضت وهزات فراشها وسبقاتو بشعرها مشعكك..وكتمايل باقي مدوخة بالنعاس واخا كاع ديك الهضرة لي عايراتو..دخلو لبيتها لقاو توبة جابدا عليع..وقالت:توبة غتفرقنا..نتا لهيه وأنا هنا
محمد:اودي هي نعسي خااص
تلاخ حدا توبة من اليسر وهي من اليمن وهي جرات هليها شوي تالغطا وهو كذلك..تكاو على ضهرهم وطفاو ضو بقا هي شوي ديال الفايوز..غمضات وردة عينيها كتحاول ترجع تنعس بينما محمد داير يديه مور عنقو ويد على صدرو وتنهد..عم سكات لوقت وجيز حتا قاطعو صوت محمد وقال:باش حلمتي؟؟؟
وردة:الصمت
محمد:يا هضري
وردة:(بصوت مخنوق)بشي حد كيحرg ني فيدي وصدري بطريقة خايبا😢😢
محمد:خصك تشوفي شي طبيب يعاونك تخرجي من هاد الكوابيس لي كيجيوك..وتنسايهم..
وردة:الوقت هو دوا..الوقت كيداوي كلشي..
محمد:(سكت شوي)تصبحي على خير
وردة:لهلا يصبح اصل مك على خيى..منين غيجيني لخير وانا ناعسة حداك ههه
محمد:الله يعطيك شي عقل خهه
وسكتو تاني حتا داهم النعاس بجوج..وسطهم توبة كيبانو عائلة سعيدة..كانت هاذي أول ليلة بيناتهم تحت سقف واحد وفوق فراش واحد..كيتشاركو نفس الهوا ديال نفس البيت..ويمكن نفس المعاناة لي يمكن كل واحد فيهم القا دواء فلاخر
اصبح صباح وشرقات شميسة حارة ديال شهر سبتمبر..وضربات اشعتها فأرجاء الغرفة..حلات وردة عينيها على محمد لي ناعس بجنبها على جنبو وهي ناعسة هلى كرشها وشعرها طايح على زجهها بقات كتحقق فوجهو شحال وتفكران فاش عنقها البارح وبناسمات تلقائيا..شافت فنوبة لقاتها كتشخر..الميزة لي فيها أنها الى نعسات فليل مكتفيقش..باستها وناضت كتعجز وتعاود..شافت فمحمد وهي تبتاسم وتفكرات العصير لي خوا عليها.وناضت بشوية من حداه وعقلها كيخمم لشي فكرة جهنمية باش تصبح عليه بيها...شافت فجنابهل مبان ليها والو..وهي طيح عنيها على كلاكيطها هزات حاجب وحطات لاخر..تحنات هزاتها بشوي ومشات كتسلت لجبهتو ..حتا وصلات وكيبان ليها ناعس على جنبو يعني عاطيها بالحنك وغتسخر فيه الدقة..شافت فصندالة فيها 37 وقالت:غنصورها لمك فالحنك ههههه
هزاتهل حتال الفوق وبغات تهبط عليه وهو يقلب وجهو بزربو وحل عينيه شد ليها يديها بجهد وقال:يحرق دين مك الكلب على خاد الفعايل ت***..😡😡😡
وردة:😨😨😨😨 ش..ن..نتا...فتن
محمد:(جرها ليه حتا طيحها عليه وجا وجهو فوجهها..وشعرها مليوح علىيهم..شافت ليه فعينيه وضربها ضو ههه وهو كذلك محس بيديه حتا تحطو على خصرها وكيدوزهم فوقو بلطف..بيتما هي عينيها تفيكساو فعينيه بإعحاب وتوتر..قربها ليه كثر وولا مشاركين النفس..وهو شفايفو مقربين لدياولها..ويديه كيتساراو خصرها..تبنجو بجوج ..هز يديه حيد بيها الشعر على وجهها..وشدها من حنكها قربها ليه وطبع قبلة على جبهتها مرورا بعبنيها وهي مستسلمة ثم حنكها..وحط شفايفو الرطبين والسخان على نيفها خلاها تبورش من شدة النشوة وقال بحب:مالك كتعصبيني وكنضعف قدامك هااا
وردة:(مرفوعة)نمممم معرفت
قرب شفايفو لجيهة شفايفها بغا يبوسها..ياله بغا يحطهم عليها وهي مدوخا بيه وبلمساتو حتا صونات لالة توبة بدون سابق إنذار..ناضت داك النهار بكري وقطعات عليه اللحظة او بالاحرى ردات ليهم العقل بجوج..هو كان باقي شادها عندو بينما هي خرجات عينيها وناضت من فوقو مزنكة مقدراتش تشوف فيه..وهو عندو عادي كيحقق فيها..مهضر حتا واحد فيهم..فقط مجمد لي كان كبقرا ملامح وجهها بعد هاد الجيست..تمشات جيهة توبة باش تفادا تشوف فيه وهو تبعها بعينيه فلهفة..اعدى حاجة عند محمد بي يقاطعو وسط شغلو فمابالك البوسة
هزات توبة لي كانت كتوعوع على غير العادة قول شادا ضدد معاهم..وخرجان من البيت خلاتو ليه كاع..والحشمة لابساها
ةردة:(مع راسها)ويلي.اش كنتي اوردى كديري😨😨كنتي غتبوسيه يالمجنوبة 😱😱😱الله يعطي لشيطاني هي لحزاق وسط الجماعة لي طيح علي هاد الفكرة ايييي اش غيقول دابا علي..خفيفة ياك
ناض وخرج لبيتو بلا ميشوف فيها ..وحتا هي هزات توبة..ودوشات ليها لبساتها حوايجها وخرجات عند الخدامات لي كانو جاو وقالت:عفاااكم وحدا فيكم حتا تقررو بيناتكم بغيتها تعود تبات
وجدوه ليها وخداتو وبدات كترضعها خرجات لطبلة الماكلة لقاتهم ديجا موجدين لفطور..والطبلة عامرة..جلسات وفحجرها توبة كترضع..هزات عصير كتشرب فيه حتا شافتو خرج بلا ميشوف فيها وردخ الباب..
وردة:الما وشطابة نال قاع اللبيسين(بالغوات)ديه معاك حسن تفوووو جنس الناقص
فطرات وكملات توبة نص تالحليب وحيدات ليها الرضاعة وبدات كتعطيها تاكل من داكشي لي فطبلة باش تعودها على الماكلة..سالاو وهزاتها ومشات للبيت باش تلاعبها وتدوز نهارها..بقات تما جهد شي ساعة حتا جان الخدامة..دقات الباب وسمحات ليها بالدخول وقالن:مدام..عندك ضيوف؟؟
وردة:(باستغراب)شكون؟؟؟
الخدامة:مدام زهرة الريحاني..
وردة:شكون هادي؟؟
الخدامة:الأم ديال موسيو محمد..
وردة؛واخا هاني جايا
خرجات الخدامة وخلات وردة حايرة..كاع متسحابها عندو مو..وعمرها فكرات فيها كاع..هزات وردة توبة وناضت لعندها..على عكس كاه البنات كيكون عندهم تخوف من مقابلة العجوزة الا هي..غاديا عادي ومبردة..قربات للصالة وكتبان ليها مرا فعمر الخمسين هاكاك..لابسة كسوة حد الركبة راقية وحداها صاكها الاسود..فحصاتها وردة مزيان وتضهشرات..كتبان صغر منها فاللباس..بينما زهرة كانت على احر من الجمر باش تشوفها حتا تصدمات ببنت صغيرة فالجسم هازا توبة ولابسة بيجامة عادية..حلات عينيها على وسعهم..موكدها هي وردة لي قالت:سالام
زهرة:هااا(كطلع فيها وتهبط)سالام..شكون نتي؟؟
وردة:(بابتسامة مدات يديها)انا وردة😊😊
زهرة:(سلمات عليها)متشرفين..(بصدمة)نتي هي مربية توبة ياك
وردة:لا..انا مرات داك العجل تولدك هههه
زهرة:(كطلع فيها وتهبط)😳😳😳 هاااا.مي نو..ميمكنش..واش متأكدة؟؟
وردة:(جلسات)اش بان ليك ههه
زهرة:c'est trop....
وردة:متشرفين..باينا كيشبه ليه
زهرة:😢😢اربي اش درتي اولدي اهئ
وردة:(مالك اخالتي بيك شي حاجة
زهرة:😱😱😱 خالتي...لا لا
وردة:ويلي حاي..مالكي كتفيبري بوحدك..(كتعيط للخدامة)اسية اسية جيبي لما راه سيدة بجوادها
زهرة:اح اربي..اش درتي اولدي..اححح
جات الخدامة طايرة فيديها الماو مداتز لزهرة لي صفارت بحال الى شافت الموت.. وردة معرفات باش تبلات ..عطات توبة لاسية
وردة:بشوي عليك اخالتي..مالك...هاكي شربي الما
شظاتو من عندها وكتبلق فيها..شربات وقالت:واش نيت نتي مرات محمد
وردة:واييه اش كنخبر عليك انا من الصباح..
زهرة:😢😢😢 علاش علاش؟؟؟
وردة:اش لي علاش..واش الالة بيك شي حاجة فيك المسلمين...اسية جيبي الملحة نرشوها بيها واري سوارت..حنا بالله وبالشرع معاااك..
زهرة:(شربات تاني)نونو انا بخير..غي جلسي
بعدات عليها وشدات توبة من عند اسية وسمحات ليها باش تمشي..جلسات فاص ليها وزهرة كتفحصها بعينيها وممتيقاش ان ولدها دا وحدا بحال هادي..كتشوف فيها كتلقاها لا علاقة لا بالبس ولا الجلسة ولا الهضرة..تصدمات صدمة العمر عمرها ضنات أنه غيتزوج وحدا بحالها..كانت جايا عوالة تعرف عليها وتحاول تقبلها كأنها مرات ولظها..ولكن مقدراتش تقبل مني شافتها..كتشوف فيها وتقارن بينها وبين نيسليهان مراتو لولة..وتميق ووردة مفاهما والو معجبة فيها..وقالت:شوي دابااااااااا
ومشات دخلات لبيتها وخلاتها كتغدد بوحدها وشاعلة فيها العافية..هزات صاكها وخرجات من الدار ..نزلات للتحت لقان الشيفور كيتسناها حل ليها الباب اللوراني وطلعات وطلع هو وقال:للفيلا امدام
هزات تيلي عيطات لواحد البنت وجات بسرعة ومشات معاها لبيروه...دخلات بلا مدق وكتسنا هي ايمتا تشوفو باش تفركع عليه..لاحت صاكها فوق البيرو وقالت بعصبية:نقدر نعرف اش داك الوسخ دخلتي لدارك؟؟
محمد:(هز فيها عينيه ببرود وفنفس الوقت مستغرب من طريقة باش دخلات)الواليدة ياك لاباس؟؟
زهرة:(جلسات كترعد)تبارك الله عليك اسيدي..اش داك المستوى باش مزوح😠😠
محمد:(جالس وناشر بادرو على البيرو)مالك تاني..
زهرة:كنت فدارك مشيت نشوف مراتك..قلت زعما نكون مصوابة ساعا لقيت لي عمري تصورت نلقاه😠😠 نتا محمد امين الساجدي تزوج بمربية بنتك لا أصل لا زين لا مستوى اجتماعي
محمد:الواليدى اش كاين😠😠 راه بدا كيطلع لي الخز
زهرة:مراتك اسيدي..محتارماتنيش وطولات علي لسانها بلا حشمة..انا لالة زهرة الريحاني تجي برهوشة ممربياش تعايرني
محمد:(مخنزر)كنتي عند وردة؟؟تش داك لتم علميني باش نكون معاكم اول مرة فاش غتشوفيها😡😡😡
زهرة:ندمت حيت مشيت ليها...اش داك الذوق(بسخرية)عندك..تعميتي ولاو شنو..فغيمون باينا ضحكات عليك..لا زين لا قرايا لا فهامة لا أناقة اش عجبك فيها هااا😠😠
محمد:اولا هاديك مراتي..يعني انا لي مسؤول على كيف غتكون..تكون زوينة ولا لا شغلي هاداك ثانيا هضري مقاد اواليدة وقولي لش وقع بيناتكم
زهرة:(كتسمم)مشيت عندها نتعرف عليها عادي جات عندي ببيجامة..ستقبلاتنس ببيجامة على منظر..عاد مكتعرفش تهضر..وملي سولتها فين عرفاتك عايراتني وقالت لي دهلي سوق راسك وماشي شغلك(بدات كدمع)محتارماتش ماماك وجرات علي من قاع دارك😢😢
محمد:(مفيكسي عينيه فوردة لي متسوقاتش ليه)هزي توبة دخليها للبيت
مشات هزاتها من حداها واخا مبغاتش كطنتر..وهو مشا لوردى جرها من دراعها بجهد ودخلها لبيتو ورماها حتا كانت غتجي على وجها..وقالت معصبة:الله يعطيك شي كسيدة الثور😠😠 مالك على هاد اللوحا
محمد:(صاعر)اش ديك لهضرة قلتي للواليدة هااا😡😡😡
وردة:مgلت ليها والو..هي لي جبداتني ولي جبدني كيلقاني😠😠
محمد:(كيمشي ويجي قدامها معصب)واش قدك قدها حتا كتجاوبيها هاااا😡😡😡 كنت عارفك سليطة اللسان ومكتحشميش ساعا بىهنتي بلي قليلة الادب وممربياش😡😡
وردة:(بالغوات)بنت ليك هي أنا مسمعتيهاش هي اش gالت..جايا كتنفخ علي وتخشي لهضرة ومع ذلك حتارمتها ...الى كتgول بلي أنا ممربياش راه مك هي لولة ممربياش..كتشوف بنادم بشوفة ناقصة وكتقلل منو😡😡
صلاي صلاي..جوج تسىفيقات عطاهم ليها بلور تيديه على حنوكها..حتا ضارت..وجرها من شعرها وقال من تحت سنانو:عنداك اتسحابك راه قطعتي الواد ونشفو رجليك..😡😡 الى ممربياش غنعاود ليك تربية..كتهزي صوتك عليها وتعايريها😡😡 بلا حشمة بلا حيا..اش كيتسحابك
محمد:(رخا منها )من ليوم انا لي غنعاود لمك التربية😡😡 غي بيا ولا بيك..داك اللسان غنبرض مو
وردة:(كضرب فيه)الله يلعنك الحماااار😡😡الكلب(قلباتها بكا)لاش ضاربني اهى😭😭نتا حيوان...اييه مك لي جبداتني..وعايراتني ياله😡😡😡(ركلاتو لرجليه وهزات واحد الديكور بغات تنزل عليع بيع)اللهم نشرب من دمك ولا تحرق لي دمي😡😡😡
شد ليها يديها دغيا وحيدو ليها وكيهلل بالغوات:واش مكتردعيش..عضامك ممنكش 😡😡😡 قدك قدها حتا طاولي عليها لسانك هااا
وردة:(بالغوات)وهي قدي قدها حتا سباتني وقالت لي سحارة هااا😡 ولا نتا ولد ميمتك عاطيها وذنبك...(طاحت للارض كتبكي بحرقة)خرجتو لي على حياتي الحيوانات اهى اهئ الله ياخد فيكم الحق اهئ😭😭😭😭😭
محمد تنهد بصعوبة وكيدوز يديه على شعرو ويمسحو ندم حيت ضربها..اصلا مضربهاش على مو عارف مو لسانها طول من وردة ومتكبرة هي طاولات عليه لسانها وهو كان معصب من موضوع مرتو لولة وجات فطريقو وخلطها..رخف الصدايف تالقميجة السوداء حتا ولا صدرو كيبان وبقا كيمشي ويجي فالبيت ساخط كيشوف فيها كتبكي بحرقة..كتنخصص من قلبها..عارفخا باقي منساتش اش وقع ليها ودابا زاد كمل عليها...قرب لجيهتها عاقد خجبانو وتحنا لجيهتها..ياله حط يديه على راسها وهي تنطرها ليه وقالت بالغوات:واعطيني بالتيساع ابنادم😭😭 لاش مزوج بيا لاش..هادشي لاش جايبني للعصا ياك..الله يخلف عليك كون بقيت نيت حدا با نسمع هضرة عباد الله ولا نجي ناكل خلا دار بويا عندك😭😭(كتهضر وتبكي بحرقو ونفس الوقت معصبة)كنكررررررههههههك كنكررررررررررهك
محمد:(حاول يشدها من يديها)وردة انا...
بعدات عليه وقالت كتغوت والدموع معمرين وجهها: ااااا بعد مني اهئ اهئ😭😭😭بععععد
ودازت فيه خرجات من البيت كتحري وهو تبعها مشات حلات للباب وبعات تخرج..بغا يمنعها ولقاها خرحات بديك الحالة بديك البيجامة وشعرها مطلوق وكتبكي تبعها كيعيط ليها وهي مكتسمعش..هبطات فالسانسور وملحقهاش وتبعها فالدروج كيجري خافها تمشي دير فراسها شي حاجة..هي هبطات للتحت كاااع..بغات تخرج زهي تشوف زنقة مافيها حد وخافت..تخرج بوحدها من اخر حادث وقع معاها ركب فيها الخوف..مبقاتش البنت لي ممكن انها تدور مراكش كامل فنص ليل بلا متخاف..كاع هاد لمرات لي خرجات فيها مع محمد كان كتبقا مسوسة ليكون موراها شي حد..شافت حتا عيات وهي ترجع لور وجلسات فواحد الدرجة جامعة رجليخا عندها وشادا حنكها كتبكي فحرقة..بقا فيها لحال من جيهتو واخا كتعصبو وكتجننو كانت كتحس بالامان معاه..وهو فأول فرصة جا خلطها بلا ميسمع ليها وجاب ليها الله بحالا ولد ميمتو ..لانها كبرات فوسط شعبي وكنسمع عدد من العرايسات على رجالهم لي كيسمعو غي لمهم..جلسات كتبكي حتا هبط محمد كيجري تسحابو خرجات هي شافها جالسة فالدروج نزل لغندها بزربة وجلس حداها مهضرش..كيدوز يديه على لحيتو معصب هي مع راسو وقال:دابا عاجباك هاد الحالة لاش وصلتي هااا
وردة:(الصمت)😭😭😭😭😭
محمد:(ضار لجيهتها)وردة..كبري عقلك شوي..راه وليتي مزوجة وعندك بنت ونتي عاد مزايدا فالطيش😠😠
وردة:(تفركعات عليه بالبكا)مشغلكش فيا😭😭 ندير لي بيت وحتا الى معجبتكش طلقني وردني للدار با..مبستش اصلا هاد زواج من لول نتا لي مصر تزوج بيا دابا عاد عرفت علاش(كتشهق)باش تشبع فيا عصاااا الحكار..بلحق والله لسكت ليك😭😭😭(تحنات على صندالتها)غنردهم ليك بثالث والمثني اهئ اهئ
بدات هليه بالضريب لكتفو بكلاكيتها كتبكي وتضرب..مخلات عنق مخلات وجه ورجليه وهو كيحاول اتفادا دقتها..وشي وحدين اخليها تجيبهم فيه باش تبرد...
تكات وتكاتها على صدرها وكدوز هلى ضهرها مغمضة عينيهل والدموع كيتسرسبو..كتحس براسها محكورة ومعندها حد...زواج الويل..بقات هاكاك حتا غفات وتوبة كذلك نعسات..داز الوقت شحال...ومحمد ممشاش الخدمة بقا غي فبيتو كيكمي..وهو شيء لي مكيديروش فالعلن..تقريبا حتا حد مكيعرفو كيكمي..ضرب باكي كاملة بالغدايد..ونلض بالزعف خرج من البيت وكيقلب بعينيه عليها بان ليه السقيل..سول الخدامة قالت ليه فبيتها..مشا لعندها بغا يعتاذر منها..دق مجاوبو حد..ودخل لقاهم ناعسييين مخشيين فبعضهم بتاسم بعفوية وقال:حمقة..ههه
قرب منهم كتبان ليه توبة خناينها وصلو فين بالبكا ضحك ..وهز عينيه فوردة لقاها ناعسة ووجهها حمر..خاصة حنوكها..قاسهم بلطف وندم..وتحنا باسها فيهم وخرج..مشا جاب ثلج باش ميتنفخوش وتحيد الحمورية..حطو ليها فوق خدودها وكيدوزو بمهل باش ميفيقهاش..دوزو عليهم بجوج ونتض..باسها فراسها وقال:سمحي ليا..
مسح لتوبة خناينها وخرج منكسر مبغاش اوصل لهاد الحالة معاها..هارفها ياله بدات كتناسا وزاد هو كمل عليها وتقدر تكرهو ومتبقاش تحس بالامان معاااه..خرج من البيت مشا لبيتو لبس حوايج السبور والكاسك ومشا يجري كيف العادة..متنفسو الوحيد هو الجري..كيرتاح فيه ..
وردة ملي دخلات وهي ناعسة مع توبة ...حتا لعشية..فاقت كتعجز..ولقات توبة فايقا وكتشوف فيها وتبوسها بريوكها..بتاسمات شحال وهزاتها وقالت:مكرهتش نرجع بحالك..معندي حتا هم ولا غم..غي نلعب وناكل وصافي
توبة:😄😄😄هنهتهغه ماما..ماما...
وردة:ماما...ماما أنا ..(باستها)حتا نتي راك بنتي 😍😍
ناضت هازاها بغات تاكل حيت من صباح مكلاوش..دازت من المرايا وشافت وجهها حمر شوي..غوبشات وحلفات حتا تندمو..خرجات ومشات للكوزينة بعينيها المنفوخبن وقالت:اسية عفااااك وجدي ليا مناكل فيا جوع...ولهاد الخنفوسة البيبغون..
وياله بغات تخرج وهي تقول:بيت واحد الحاجة من الزنقة؟؟
اسية:اييه الالة اشناهيا؟؟
وردة:سيليلاك ديال دراري صغار..مابين ست شهور ل عام تقدري تجيبيه ليا
فاطمة:واخا الالة انا نحطو ضمن قائمة المشتريات ونعطيها لشيقور يتقدا
وردة:واخا😊😊
خلاتهم اوجدو ليها متاكل ومشات للسيجور جلسات كتلعب مع توبة حتا جابو ليها الماكلة طاحت فيها عمية معاودتش ناضت وجلسات توبة حداها مع بدات كتجلس وعطاتها رضاعتها..حتا سالات..وتنشرات حداها..شافت فيها وضحكات..وحنا توبة..هزو الخدامات داكشي وبقات هي وياها كتعلمها تتمشى ..كتشد فيها باش تطلق رجليها..ومفكراتش فمحمد بتاتا..من الجيست لي دار كرهاتو ..حتا وصلات التسعود تالليل..عاد جا محمد لقاهم باقي كيلعبو ويتمرغو فالارض..خشا سوارت فجيبو مبتاسم من منظرهم كيبانو بجوج باقي صغار..تأمل وردة لقاها متكية فالارض وتوبو فوقها كتقرص حناكها وتضحك والاخرى ميتة بالضحك..متقولش هادي لي كانت كتبكي صبااااح..كان مبدل حوايجو ..حيت جا ماي كانو ناعسين ودوش وخرج لخدمتو واخا معندو خاطر..شافتو توبة وهي تقول:بابا😄😄😄😄هنعنغن
هزات وردة راسها من الارض شافتو وعقدات غزلاشتها..بينما هو قرب وتحنا هز توبة من فوقها باسها وقال:لغزالة ديال بابا هههه وليتي كتقولي بابا ديركت ههه
حلات عينيها عامرين بالدموع وكتلقا راسها مزيرة فحضن محمد وهو كيدوز بلطف على راسها ويفرق بوسات سخان على راسها من فوق شعرها..تخشات فيه كثر كتبكي والخدامة هي حالا فمها فيهم بجوج..كانو كيضاربو قبيل ودابا معنقين بعضهم..شافت الخوف فعينينه والهلع..
خشا يديه تحت من رجليها وهزها بالخف بين يديه وخرج من بيتها هازها وهي مخشية فيه وناعسة..داها لبيتو لي كان اسود الديكور..وفيه طابع رجولي..حطها فوق الناموسية ياله بغا يبعد حتا لقا راسو هايم فيها..وكيشوف فيها بإعجاب فمها حمر ووجها عامر دوموع.حيد صندالتو تالدار وتحنا حداها حتا قرب يطيح عليها وهو يتقلب من فوقها وتحنا حتا تقلب لحداهااا...بقا كيشوف فيها بحب..هز يديه ومسح ليها دموعها وقرب لوحهها باسها فحنكها..وبعد كانت غارقة نعاااس..قرب تاني وباسها فعينيخا بوسة سخونة..شفايفو كانو سخان بزااف..حس بالتبوريشة وعاود قرب باشها فنيفها..وبتاسم
جاتو حلوة..وعاود قرب ياله بغا يبوس شفايفها وهي تحرك وتقلبات على جنبها وجات فاص معاه ضحك وقال:نزيد شوي نديرو دراري ههه
قربها ليه وخشاها فحضنو وزير عليها ونعس لايح عليها رجليه خايفها تهرب...
*****
اصبح الصباح وشرقات شميسة..حلات وردة عينيها بغنج باله بغات تعجز حتا كتلقا راسها مزيرة ..تلفتات لجنبها لقات محمد محاوطها بيديه وخاشي راسو فعنقها وهي لايحة عليه رجليها..شرعات عينيها على وسعهم تعجبات من وضعهم بقات كتشوف فيه كيف محاوطها..حتا توكدات وهي تحيد يديه عليها وتسلات منو بشوي وخرجات مرونة فعقلها من الاحساس لي راودها وهو حداها..ومعنقها نفضات الافكار ودخلات لبيتها..بينما محمد كان فاق قبل منها ومسخاش ابعدها عليه خاصة حيت جاتو صغيرة لانها ضعيفة..تأملها شوي حتا حس بيها بدات كتفيق وبغا يشوف ردة فعلها..حس بيها متوترة ومستغربة..خرجات وحل عينيه وبتاسم وقال:البرهوشة النعسة حداها حلوة ههه
منذ الأزل و إلى الأبد الجزء الرابع
محتوى القصة
التنقل بين الأجزاء