نصفي الثاني الجزء الثالث

صبح الحال و مام ا مشات للمحل و بقيت انا ناعسة تا ل2h وهيا تجي خاتي كتفيقني..

سعاد : نوضي باركة من نعاس فين بقيتي لبارح ؟!! عييت نتسنا فيك تا داني نعاس.

انا:( فايقة مقلوبة) راه كنت مع جاد ...

وجلست نعود ليها ... و نضت سخنت واحد البرمة ديال الماء و دخلت لديك الطاوليط النايحة ندوش واخا كان الصيف و الحرارةسخنت الماء حيت معندناش الروبيني كيسقيو لينا ولاد الحومة من السقاية الماء مكلاصي كاع البرارك معندهومش الماء عندنا غير الضو و فابور...

دوشت و ساليت وخرجت و حنا واخا ساكنين فبراكة طبعنا راقي شوية و نقيين و متولين راه غير الزهر اللي مكاينش غير خويا للي خرج لينا من الجنب ..

بقيت كنقضي الشغل مع خالتي تا وصلات العشية و انا نقوليها .. توحشت جاد نهار كامل مسمعت صوتو و حتى التيليفون ماعندي..

سعاد: هاكي تيليفوني عيطي ليه ... كوراه غيتسطى !

شديت التيلي و درت نمرتو حيت كنت حافضاها..وهضرت معاه لقيتو فالشركة غيهبل بالتعياط فنمرتي القديمة.و قلت ليه راه مشا ليا التيليفون ...ساليتو هي تقول لي خالتي ...

سعاد: انا انمشي للصالون نصايب شعري يالاه تمشي معايا .

مشيت معاها و صايبات شعرها . طلقت شعري كنشوفيه و انا نقول لكوافرة قطعي ليا بتيت فرونش تكون زوينة

قطعاتها ليا و صايبات ليا شعري و جيت كنحمق بالشعر طويلههه تشهيت نبوس راصي فالمراية .. خرجنا رجعنا للدار ...

سعاد: علاش لي ماتمشيش عندو للشركة ديري ليه مفاجاءة ، ضربيها بشي تفركيسة و سيري عندو .

عجباتني الفكرة و نضت لبست كسيوة فوق ركبتي لاااسقة فالكري و موكاصان بيض و شعري مطلوق و بتيت فرونش على عينيا الزرقين هه و مكياج خفيف جيت كنحمق ومعا انا طويلة والفوزمة حوتة عاطية العين بالجهد.

خرجت بديك التقزيبةللشارع كنسب و نعرق للداري للي داخو فيا شديت طاكسي نيشان للشركة و دخلت ، كلشي حال فمو فيا ... طلعت للمكتب وبغيت نحل الباب ندخل وهيا تحبسني السكرتيرة..

السكريتيرة: (عينيها خارجين) عندك شي موعد ؟... 

انا: لا ممحتاجاج ايه(خنافري فالسماء ) حيدي قدامي..دفعتها و خلت و هيا تابعاني...كتنكر.

دخلت لقيت جاد جالس بوحدو فالبيرو سروال كلاص و قميجة .. هز عينيه شافياو الصدمة مع الفرحة مع البتسامة جمعهوم كاملين..

جاد: (مع السكرتيرة) ...صافي خرجي . (نايض عندي) واخا مسيو جاد.

بقيت واقفة (ابتسامة)جا شدني من خصري و قربني عندو كيشووف فيا و ساط ليا على القصيصة هه و باسني من فمي 

جاد : تكايسي عليا ! واش باغا تحمقيني (بيزو) 

دخلت علينا و حدة لابسة كسوة مقزبة و الطالون و شعر كحل كاري حتى هيا زوينة .. !!!!! عرفتها ... هيا اللي كانت مصورة معاه فالتصاور..

البنت: هاي هاي هاااااااي تبارك الله عليكم !!!!

جاد : افف ها المشاكل بدات

انا واقفة قريبة من جاد مفهمت والو؟

البنت: شكوووون نتي ؟؟؟ شكاديري هنا !! جااااد (كتحيح) شكون هاد العاهرة؟

محسيت براسي تا هزيت يدي لسما و نزلت عليها بتسرفيقة قدام عينين جاد تا عواج لها الحنك بقات ساكتة و شادة فيها..

انا: مرة جاية تعلمي تهضري معايا (مخنزرة فيها)

جاد: (مصدوم من ردت الفعل)... ملاك!!! ...تهدني (شدني من يدي) 

انا: طلق مني!! متشدش فيا (عزت نفسي)

جاد: ملااك ..احبيبة..!(قاطعتو) متهضرش معايا (كنغوت )

جاد : فاتي ...(تعصب) شنو جايا كديري هنا؟!

فاتي : وكتسولني شكاندير هنا!!!!! واش مشتيهاش ...هاد لل ... هاد(مغزفة) غندمك على هاد التسرفيقة الكلبة..

(بغيت نطير عليها) منكرشي مزيرني مابغاش يطلقني نوريها شغلها.

جاد(شادني) صافي ..املااك ..(غوت عليا) تكالماي!!

طلق مني!... اخر مرة غتشوف وجهي..

دفعتو وتميت غادا تساطحت مع صاحبو سليم اللي كان جا عندي للكلينيك داخل للبيرو

سليم: (مستغرب) ملاااك.!!!!....(جرجت و خليتهوم)... شواقع ..!فاتي...؟

جاد خرج مورايا تابعني... ملاااك مالاك ... 

فالبيرو..

فاتي: شكون هاد خيتي؟! حتا نتا كتعرفها؟ Aاااا ...شتي كيتبعها كيجري !؟؟؟؟ فين كيعرفها.

سليم: تهدني شوية ..هامي برردي(كاس ماء)...

فاتي: سليم .. قوليا فين كيعرفها...

سليم : راه انا براسي مبقيت فاهم والو ..؟! ماعرفتش مالاك اشنو جات كدير هنا؟!!.. انا تعرفت عليها..(عاود ليها القصة).

انا هابطة كنجري و جاد مورايا ..خرجت شديت طاكسي بغيت نركب.. جرني جاد و شاد ليا فدراعي..

جاد: مالاااك ..سمعيني..

انا: طلقً مني ...

جاد : ماغانطلقش منك.. اجي معايا...

جرني للطونوبيل..طلعي!.. ماطالعش ... اااي يدي !!!...غطلعي بزز منك. 

طلعني و داني لجنب البحر .. حبس وبديت كنغوت و خرجت من الطونوبيل..نزل عندي...وشدني زيرني مع الباب... لسق معايا..

جاد: ملااك عافاك سمعيني... انا وديك البنت ما بيناتنا والو ...هيا للي لاسقة فيا... انا كنبغيك نتي و عمري بغيت شي بنت بلييييز ديري عقلك شوية.

انا: (كنغوت ) كلكم بحال بحال...مكاتسوا...(طار ليا على فمي... سكتو بقبلة طويلة خلاتني نسى اللي مورايا و اللي قدامي) 

جاد: (عيني فعينيه) ...كنموت عليك!

دفعتو و جاتني الضحكة.هه و طلعت جلست فاللوطو. و جلس حدايا.

جلست و درت رجل فوق رجل ومربعة يديا.

جاد: كنبغيك و نتي معصبة ... و كنموت عليك و نتي فرحانة.( كيشوف فيا)... جاتك القصيصة زويونة ههه 

غلباتني الضحكة و جاد شاد ليا يدي كيبوسها ... 

انا: صافي ديني بحالي ...تعطلت(كنضحك).

جاد: سخيتي بيا.. ؟! انا بعدا ماسخيتش بيك ...ههه حبيبتي الشرسة! 

انا: علاش مغوتيش عليها مللي عايراتني.؟

جاد: و نتي خليتي ليا فين نهضر(ابتسامة حب) راكي درتي الازم و زيادة كمان !! ماسحابليش نتي هاكا ؟ مجنونة ههه 

انا: و كيجيتك؟(عفرت)

جاد: كتحمقي و الشراسة ديالك سالات معايا هه... شي نهار غناكلك .

انا: واصافي زيد ديني بحالي ..

داني وصلني لدارنا و جبد تيليفون عطاه ليا و قالي..

جاد: ها تيليفونك ... نعيط جاوبي فالبلاصة اوك.... و هادي كارت بونكير ديالك على سميتي تصرفي فيها كي بغيتي ، وغتشدي و تسكتي مابغيتش نسمع كلمة لاا ..يلاه شدي 

خديتهوم و مشيت عند خالتي كنعاود ليها ما جرى و مشا جاد رجع للشركة لقاهم مازالين تما و دخل عندها نكدو ليها ..

جاد: فاتي... هاديك اللي سبيتيها راه صاحبتي و اخر مرة نسمعك قلتي ليها شي كلمة ..

فاتي: ياااك اجاد..هىء هىء و انا فين خليتيني؟!

جاد: راه شحااااال هادي سدينا هاد السوجي و قلت ليك كل واحد يشد طريقو .. ونتي اللي مازالا ماباغا تشدي طريقك.

فاتي: ماغانجاوبكش دابا... نتا معصب خليك حتى تبرد و نتافهمو اوك. 

فاتي عرفات راسها غتخسر مع جاد بسبابي و قالت اللهم نخليه على خاطرو دابا يعيا منها و يرجع ليا ... مشات فحالها.

سليم: جاد!!! كيككيفاش قلتي ؟ عود ليا شنو قلتي عاد دابا راني ما فاهم والو؟

جاد: انا كنبغي مالاك اصاحبي و فاتي باغا دير ليا المشاكل معاها .. و مالاك ماشي شي وحدة اللي ساهلة و كتسكت .. راه ضربات فاتي بتسرفيقة سمراتها و كن ماشديتهاش كن ماعرفت اش دارت....

بقا كيعود ليه من اللول تا اللخر وسليم هوا وجاد صحاب من الصغر الروح للروح...

سليم: اااااه صافي عاد فهمت... مهم نسى عليا هادشي و راني وجدت ليك السهرة د عيد ميلادك غدا فاليخت ...(اليخت ديال جاد) 

جاد: اوااااااه نسيييييت بفففففف شكرا اصاحبي(عنقو).

انا فدار ...تيلي كايسوني كل 5mn جاد مقابلني مكيقطعش

فقت الصباح الغد على صونيت ديال جاد ...

انا: (عاد كنحل عيني..) الووووو... 

جاد: نعاسة ... نوضي فيقي خرجي عندي.

انا: اويلي نتاهنا .... هانا خارجة.

نضت ببيجامتي حمرة بالسروال و تيشورط ولويت شعري لفوق بعود و قيصيصة نازلة على حجباني .. غسلت و جهي و سناني و خرجت عندو طلعت فاللوطو...كان لابس شورط دجين زرق حتى للركبة و سبرديلا بيضاء كتشعل و ليمولي تباااركلله ماشاء الله، تيشورط بيضاء كول v مزيرة ، شعر مقلوب اللور و ريحتو اللي كتحمقني... 

جاد: فنيكيشة... عاد فايقة هههه(حرك اللوطو و زاد)

انا: فين غادي بيا .؟! ببيجامة ؟!

جاد : غندربو دورة و نردك..

مشينا و حبس فواحد البلاصة و قالي ..

جاد: حبيبة اليوم لانيف ديالي و بغيت تحضري معايا .

انا: بصااح .. عيد ميلاد سعيد (عنقتو)

جاد: ميغسي حبيبة ... فالليل غنجي نديك معايا اوك.

انا: مانقدرش نسهر برا الدار ماتخلينيش ماما . 

جاد : بليييززز احياتي حاولي تجي ؟

انا : اوك ... غنحاول.

رجعني لدارنا و جلست نخمم كيغندير نخرج وهيا طيح ليا خالتي فبالي مشيت عندها و قلتها ليها و خرجات معايا نشري ما نلبس ب لاكارط اللي عطاني جاد و دزنا كرينا واحد التكشيطة ورجعنا للدار لقينا ماما فالدار..

انا: ماما انا معروضة العرس ديال واحد صاحبتي هاد الليلة(جبدت التكشيطة كنقيس قدامها) 

ماما: شكون هادي ...غنمشي معاك(لصقة) .

خالتي تدخلات...فين غتمشي واش تي معروضة راه دايرين قالك العرس فالقاعة ودكشي محسوب ... خلي البنت تمشي تفوج.

ماما: و شكون غيردها مللي يسالي العرس ؟ 

انا: غنبات معاهم فالدار ..

ماما: اممممم ايوا ها حنا غنشوفو.؟!(وانا و خالتي كنتغامزو). 

جا الوقت و عيط ليا جاد..

جاد: الو لبوءتي ههه هنا جاي نديك .

انا : اوك هانا غنوجد راسي.

لبست لاغوب (اونسومبل ) اللي شريت ف الدونتيل(مشبكة) بلونكاسي و قصيرة لااااسقة من صدري و عامر بالحجر و معرية من الكرش والكتااف (الصوورة) و صباط عالي بزاااااف كيبري مع انا اصلا طويلة شوية زاد علاني ، شعري خليييتو سامبل اصلا هو طوييل واصل تاال خصري و مكياج + برفان جيت كنحمق بحال باربي ودرت ديك التكشيطة اللي كريت عليا باش تشوفني ماما خارجة بيها .. وهيا تقولي..

بلاتي نوصل معاك ..جراتها خالتي .. انا غنوصل معاها راه دازو عليها البنات اللي غادين العرس بالطونوبيل ..

جاد وصل و سيفطلي مسج و خرجاتني خالتي مع واحد الدورة حيدت التكشيطة عطيتها ليها و مشيت للطونوبيل مرسديس كلاص كتشعل عند جاد... لقيتو واقف كيتسناني ...لابس سروال دجين زرق و قميجة بلومارين صدايفها محلولين من الصدر مزيرة عليه جاتو فنة و موكاسان بلومارين 

جاد: ملااااك..(حال فمو و كيحل ليا الباب).

بقا غادي سايق و كيشوووف فيا و هوا فكامل اناقتو و ابتسامة مكتخطاش الفيم الازال ديالو ... و صلنا و نزلنا من الطونوبيل و الليل ... شدني عندو ، وليت تقريبا قدو فالطول بالطالون العالي هه و هوا كيشوفيا و شادني من خصري ...وساكت. ... جبت واحد البواطة من بوشيطة و حليتها و جبت منها واحد السنسلة عمارة مستطيلة و من اللور مكتوبة فيها (ملاك) و هوا معنقني درتها ليه فعنقو و باسني ...

جاد : الكادو ديالي هوا نهار تكوني نتي ديالي .. (كيبوسني) و كيغازلني ...جيتي غزااالة كتحمقي.

طلعات معايا التبوريشة ..وحنا عايشين اللحضة..

فالسهرة ...

سليم جالس حدا فاتي..

سليم: ...فاتي عافك بلا صداع بلا مشاكل ... جاد راه جاي و جايب معاه ملاك . عنداك تمشي تقولي شي كلمة وتصدق مالاك قالبا علينا الطبلة (يديها كيسبقوها)

فاتن: !!!! وجايبها مع من الفووق!!! 

وصلنا لليخت و شد ليا جاد فيدي طلعني و شابك صبعانو معا صبعاني و مدخلني للحفلة... كانت عامرة بالبنات و الدراري و الموسيقا مزدحة ...بقا كلشي كيشووف فيا والبنات بغاو يموتو اما فاتي جالسة ومكرهاتش تخشي فيا شي موس ملي شافت جاد شاد ليا ف يدي...

جات وحدة عند جاد سلمات عليه من لابيز .. وقالت ليه..

البنت: هادي صاحبتك الجديدة ؟! (مكرهتش نعفس عليها ملي باستو )

جاد دار يدو مور خصري و عنقني حداهم..

جاد: كنقدم ليكم ملاك ... ملاك روحي (كيشوف فيا).

جلسنا فالطبلة للي جالس فيها سليم و فاتي و معاهم شي وحدين خرين... بقا الليلة كاملة و هوا حدايا و كيهضر معايا متسوق لحتا شي واحد حتى جابو ليه الحلوة ...وكيهمس ليا فودني...

جاد : الحلوة غتقطعيها معايا يا الحليوة ديالي ... قطعتها معاه و ناض هوا كيهضر مع صحابو وتحركت انا فاليخت الفوق كنتمنضر و شادة طبيسيل د الحلوة فيدي ..تبعاتني فاتي و شي بنات خرين...شافهوم سليم طالعين عندي و تبعهم .

فاتي: شتك ماقاداك فرحة ...هه ماتفرحيش بزاف احبيبة ، غير غيشبع منك غيرميك بحال الكلبة ..حيت نتي اصلا كلبة (سمعاتني هاد جوج كلمات و تمات غادا و سليم كيسمع )شيرت عليها بالطبسل اللي فيدي ...تبعها بحلوتو طلاها من ضهرها ..سليم هبط كيجري عند جاد و طلعو، بغا سليم يجي عندنا ...شدو جاد

جاد: حبس ماتمشيش...

سليم : راه غيترايشو اصاحبي...

جاد : بلاتي نشوفو فين غيخرجو؟!

دارت كتشوفيا مصدومة و انا نتم غادا عندها ...هزات يدها بغات طرشني و شديتها ليها...

انا: مازالا غالطة احبيبة...جاد ايلا بغاني مغنقوليهش لا حيت حتى انا باغياه(شرح ملح)ومن غيرو مكيحلا ليا حتى واحد ...وانتي يلا سالا منك و رماك راه حيت لقى ما حسن منك.. و انا معمرو يرميني حيت انا هيا الاحسن ...فهمتي(نترت ليها يديها.

صاحبت فاتي: ...و لايني راكي مكتحشميش .. اوجهك قاصح .

انا: مانكونش كتر من وجهكم... ديري النفس فراسك و ماتبقايش تابعة شي حاجة ماشي ديالك... واش يسحابليك غنبقى نتفرج فيك ونتي كتلعبي كيبغيتي هه بقيتي فيا والله .. كتقطعي فالقلب.

تسمرات ما فهمات والو بقات كتشوف فيا و النار شاعلا فيها ..ومشات بغات تهبط و هيا تلقى جاد واقف مربع يديه . شافيها بنص عين وهيا دايزة من حداه.. (ماشفتوش انا ) هبط سليم تا هوا ...وجاد جا عندي كنت عاطاه بضهري ، عنقني وباسني من عنقي..

جاد: مالاك... (عينو فعيني) كتبغيني؟

انا: (حشمت) ...ا.Aااا ...انا!! واش كتبغيني؟جاوبيني؟

انا:.. اه كنبغيك.

باسني فمي بوسة طوييييلة و بقا معايا معنقني .واحد الفترة وكيغازلني..

انا: جاد يلاه نهبطو ... شديت ليه فيديه و هبطنا ...للسهرة.. شي كيشطع شي جالس و فاتي طرفات كسوتها ههه و جلسات مع بنات الحرام د صحاباتها و سليم جالس حداهم و ساكت جلسنا تاحنا معاهم و جاد متكي عالفطوي حدايا شاد تيليفون ويدو من وراء ضهري و سليم حدايا كنجمع انا وياه ولا صديقي كنتعودو و كنضحكو و اللفعات كيتغامزو سمهم قتلهم.سالات السهرة و كل واحد شراه فحالو و بقيت انا و سليم و جاد بوحدنا فاليخت...

جاد: مالاك يالاه نديك لداركم مشى الحال.

انا جريتو من كتفو .وهمست ليه ف ودنو.... راه قلت لماما غنبات مع صاحبتي...

جاد: اممم(كيحرك راسو).. احم احم.. سليم ! مشا عليك الحال واقيلا(غميزة)

سليم: اااا.. ملاك تشرفت بمعرفتك الغزيولة ..تصبحو على خير(مشا)

بقيت غير انا و جاد الراس فالراس 

قرب مني و شدني عندو ..

جاد: حبي ياكما عييتي؟ جاك النعاس؟ 

انا: هههه شوية !

جاد: اجي عندي...(هزني بين يديه) 

هبطني لتحت اليخت فيه بيت النعاس و حطني فوق الناموسية ...حيد ليا صباطي و طلع عليا اللحاف . طفا الضوار د اليخت كاملي و ضو دبينت النعاس خلا غير ضوء خفيف ديال الفايوز. حيد حوايجو و بقا بالشورط و تكى حدايا. بقا كيشوف فيا و كيقرب مني حتى باسني و شدني عندو و مشيت معاه ...مقدرتش نقاوم ، سلمت ليه راسي وانا كنحس بكسوتي كتحيد ...ويديه كيتسارو على جسمي ... شوية حسيت بالسليب كيهبط و انا مغمضة عيني ومعنقاه بيديا مقدرتش نسيطر على راسي حتى كنحس بيه كيدخلو بشويا و عضيتو من عنقو وهوا كيبوسني و يشوف ليا فعيني حسيت بيه مابقاش فهاد العالم ترفع مع الشهوة ديالو ورفعني معاه عشت معاه اجمل اللحضات ...شوية كنحس بالماء دخل معايا و حبس من التحراك و بقا معنقني ورجعنا الواقع ...خرجو عامر دم ... وانا بكترت ما غبت معاه ماحسيت لا بحريق لا بحتا شي حاجة...حتى كنشوف الدم عرفت راسي وليت مرا ...

مسح داك الدم و دخل حدايا وعنقني ...

جاد: اول مرة نعس مع شي بنت! ...كان كيسحابلي تقطعو لبنات تا شتك نتي دابا. مابغيتكش تقلقي من هادشي اللي وقع نتي ولليتي ديالي وهاد الحاجة خلات حبي ليك يكبر ويزيد ...

انا كنسمع وساكتة و مندمتش حيت سلمت ليه راسي حيت حبي ليه كبير و طغى عليا.

صبح الحال و فيقني جاد كيهرني...حليت عيني لقيت وجهو منور فرحان هه 

جاد: صبحية مباركة احبيبة ديالي.

بدا كيلعب معايا فوق الفراش جيت نحرك رجلي مقدرتش ، برد فيا الدم و حسيت بالجرحة ...

انا: جاد ديك البلاصة كتحرقني بزاااف و مقدراش نتحرك ..

جاد: اااه انا عنخرج نجيب ليك شي دوا من لافارماسي يخفف عليك.

ناض دوش و بدل ومشا جاب ليا الدواء و دخلت دوشت و درت الدواء و لويت عليا فوطة و جلسنا انا وياه كنضحكو .

جالوقت خاصني نرجع بحالي ..لاااااا معندي منلبس تفوووو ميمكنش نلبس لاغوب و الطالون و ندخل للدار هاكا..

جاد عيط على سليم..

جاد: صاحبي ههه جيب ليا شي حاجة من حوايج ختك دابا لملاك ..

تم سليم مسكين جايب ليا كصاية فالكري مع تيشورت مزير ميني بووط فالكحل و صندالة و كيضحك . عطاهم اجاد و هبطهوم ليا لبستهوم و رجعني جاد حطني ورا دارنا كالعادة باسني ومشا ... مشيت انا على سعدي وعدي لواحد المخبازة شريت جوج فقيقصات و حدة وحدة وحدة من الحاجة من الحلوة ديال العراسات و لويتهوم فواحد الكاغط ودخلت للدار قلت ل مينة (ماما) ها الحلوة د العرس هههه تيقاتني ..

بقيت انا وجاد على علاقة ديما كنتلاقاو و مغيار كيموت بالغيرة كل مرة الو فينك ... اي حاجة بغيت نديرها خاصني نقولها ليه

طورات علاقاتنا بزااف و ديما انا وياه.. ولينا بحال روح وحدة ،دوز ليا البيرمي و علمني نسوق فطوموبيلتو حتى طلقت يدي مزيان. جا عيد الميلاد ديالي ...

فيقني جاد ف التيلي و قالي كالعادة نخرج عندو تفركست و خرجت و داني حدا اليخت ديالو ..

ونزلنا .

جاد : حبيبة ديال اري ليا دوك العوينات نغطيهم ليك . 

انا: علاااش؟

جاد اري و غتعرفي علاش..

غطا ليا عينيا و شد ليا فيدي و غادي بيا...شوية وقفنا .

جاد : (وهوا كيحل ليا عينيا) عيد ميلاد سعيد الكبيدة ديالي

انا: هااااا.!!! لاااا ..

لقيت قدامي رونج روفر بيضاء sport و مدورة عليها سنتا حمرة .

جاد: هاهوا الكادو ديالك احبيبة .

انا : هادي ديالي؟؟ .. 

شد ليا فيدي وركبني فيها ..

جاد: دابا غنوريك كيفاش غتخدميها ..

بقا كيوريني و انا غنطيييير بالفرحة ، وكل مرة كيخرجني فيها و كنطلق فيها يدي حتا تعلمت و ليت كنطير فالسياقة بحالو ههه ماقلت لحتا واحد راه عندي طونوبيل الا خالتي هيا الوحيدة اللي عارفاني و كتخرج معايا ولاكن مقلتش ليها راني مابقيتش بنت . فاش كنكون راجعة للدار كنحطها بعيدة عالحومة ..

واحد نهار جالسة مع جاد فالكافي ..

جاد: تشربي شي حاجة احبيبة؟ 

انا: لا مفيا ميشرب ولا ياكل نفسي مروعة.

جاد: مروعة؟(بنص عين)..مريضة ؟

انا: مامريضاش غير معدتي كدرني

جاد : ياكما نديك للطبيب؟

انا: لالا ماشي ضاروري ..

جابو ليه كافي شميت ريحتها و بغيت نرد..نضت كنجري للطواليط و تبعني جاد.

جاد: ملااك ..واش عيانا بزااف؟ (كنتقيا و شاد فيا.

شللت فمي وجهي صفر. وجاد شاد ليا فيه و قريب مني .

جاد: ياكما حاملة ؟ (ببرودة)

انا: اويلي...(تزاد معايا الزايد) 

جاد: يالاه نديك عند الطبيب

شد لي فيدي و خرج بيا ركبني حداه و داني لكلينيك .. و دخلت عند طبيب..وجاد جالس فالمكتب فوق الكرسي رجل على رجل و مكالمي كيتسنا الطبيب يخرج عندو

الطبيب: مسيو جاد ...مبروك المدام حاملة .

انا سمعتو تصدمت !!!! اويلي وحدي حاملة ؟؟؟

جاد: امم ميغسي دكتور (ابتسامة) 

شد ليا فيدي و خرجنا من الكلينيك كنبكي و جاد جارني .

جاد: علاش كتبكي ؟ Aااا! حيت طلعتي حاملة ؟

انا: انا مشيت فيها ا جاد مشيت هىء هىء هىء شنو غندير .؟؟(كنبكي و نغوت)

جاد: صافي سكتي براكة من الشوهة ... وطلعي للطونوبيل.

طلعنا مشينا لليخت ..و الطريق كاملة و انا كنبكي و كنغوت حتا وصلنا .

انا: علاااااش جايبني لهناااا واش انا كنقوليك حاملة و انتا جايبني هنااا

جاد: اري يديك و طلعي (اليخت. دخلني) جايبك باش تغوتي و تبكي على خاطرك بلا متشوهينا قدام الناس .

انا: شنو غادي نقول لماما ااااهاهىء هىء هىء و لناس ملي يعرفو..و خويا غيجي يقتلني(كنبكي)

جاد: واش مللي كنتي كتنعسي معايا ماكانش كيحساب ليك غيجي واحد النهار و تحملي مني ؟ (شاد ليا فدرعاني مزير عليا) ...راه باينة للعمى ...لا واقي لا كينة لا والو .. سينورمال غتحملي.

انا: صافي هىءهىءهىء تنادم معاك الحال اهااااهىءهىء فاتي كان عندها الحق مللي قالت ليا غيشبع منك و يرميك...