نصفي الثاني الجزء الخامس

نوضني و داني شاد ليا فيدي و خارجين وسط البرارك هههه و الرادارات شادينا شي كيطل من السراجم شي كيطل من البيبان..كان لابس سروااال بيض دالسبووز و تيشوورط حمر لاصق علييه مع سبرديييلا نايك حمرا ...و تيليفون و سوارت طونوبيل فيدو ...ركبت فطونوبيلتو..

انا: و طونبيلتي؟!! نخليها هنا؟!!!غيفصلوها الدراري د لحومة!

جاد : ههههه هانا غنعيط لشيفور يجي موراها...

مشينا و دخلنا كنتعوج عليهم ...طلعت لبيتي و دورني جاد ههه 

انا: جاد هه تما بقيتي ههه غير صبر تا ندير 3 اشهر ...خرجت من البيت و خليتو مرمي فوق الناموسية هاز العلام ههههه. وانا خارجة جيت نهبط فدروج حسيت بشي حد دفعني من اللور... هبطت كنتكركب. 

اااااااااااي..(غوتة وحدة) 

جاد: ملااااااك!!!!!!!!هبط كيجري عندي ... (هزني فيديه) ...ملااااك حبيبة ..ملااااااك شوفي فيا (كيغوت) حلي عينييييك ا ملااك ..حلي عينيك احبيبة..(تجمعو اللي ف الفيلا كاملين..هزني و كيلقى الدم هابط ليا مع رجلي! لاااااااااااااااااا...(غوت حتى خرجو ليه لعروق) ...هزني بدماياتي داني لكلينيك ... حليت عيني كنلقى التيوات دايرين بيا و جاد حدايا مهبط راسو و كيبكي ..

انا: فين انا!! اي ..كرشي!! 

جاد: (كيمسح عينيه) حبيبة ديالي !!! صبري ! و متعصبيش راسك..

انا: شنو وقع لياااا(كنغوت).... شكون دفعنييي!!!

جاد: كيفاااش ؟! (وقف مصدوم كيغزز فسنانو) دفعك شي حد؟(تعصب)

انا: اااااهااااااااهىء هىء اااااههىء(كبكي روحي بغات تخرج)bbديالي هوءهىء !!!قتلو ليا ولديييييييي !! والله منسمح ليهم !! الله ياخد فيهم الحق.

جاد: صافي تهدني (شاد فيا و انا كنتهز من فوق البياص) عينيه حومر و عروق يديه و وعنقو بداو كيبانو ليا 

جاو ضربو ليا برة باش نسكت و هوا يجيني نزيف عاوتاني..جاد صعر درب الحيط بونية تا ساليه الدم و هيا تشدو ماما و خااتي كيتبتوه و لواو ليه فاصمة ...خرج مشا الفيلا...

جاد: ضحى(كيغوت صاااعرر) كاميليااااااا(ماماه) ...

هبطو كيجريو ..شافوه واقف و كيلهت بالفقصة ...شد ضحى من عنقها.. نتي اللي دفعتيهااااا(هضري) ... ا ا ااانا ... ماشي انا قح قح والله ما انا قحو قحو..

دار عندمو و عفاريت الدنيا بتطنطط في وشو ... 

جاد: كاميلياااااا(خنزر فيها) و هيا تسخف . 

ضرب واحد الطبلة د زجاج بيدو هرسها جا خالو (علي)شدو خرجو برا..

علي: جااااد تهدن اصاحبي !!! راك وليتي بحال شي بحر هايج..

جاد: دفعو ملاااك من الدروج ا علي كيبغيتي نتهدن !!!وهما كانو غيقتلوهاا .

علي: صافي تكالما دابا و تهدن ! مالاك مغيوقع ليها والو نشاء الله . بلا متعصب.

جاد: واخا (كيغوت)بغاو غير يلعبو معايا انا غنوريهم اللعب كيداير و كاميليا... قاطعو) ..هاديك راه ماماك اجاااد ماشي كميليا... 

جاد: واحيت هيا ماما داكشي علاااش معرفتش كيغندير معاها. ولاكن ...دابا يشوفو و غادي ندمهم على هادشي ..بغاو يفرقوني معاها ..واخا.

رجع عندي جاد للكلينيك لقاني كنبكي و حدايا ماما و خالتي ...دخل و هما يخرجو خلاوني غير انا وياه...

جاد: حبيبة ..كيبقيتي (كيبوس اليا راسي.

انا: اااهاااهىءهىء(عنقتو بديت نبرد على قلبي بالبكا) ... شفتي ولدنا مات اجااااد اهاااىءهىء ...

جاد : شششش صافي ماتبكيش هاكي وقعي ليا على هاد الورااق ...

انا: ديالاااش!!! ياكما باغي طلقني؟!!!

جاد: ملاااك خدمي عقلك شوية ... وقعي ليا هنا و من بعد نقوليك..

وقعت ليه و خرج عطى الوراق لماما و هضر معاها.. و رجع عندي...

جاد: ملااك انا كتبت ليك النص فالفيلا بسميتك ... (صدمني)

عرفت بللي جاد بغا ينتاقم من مو و ختو و كتب ليا النص فالفيلا...

بقيت فالكلينيك حتى بريت و رجعت للفيلا قوى من قبل صحيحة بحال العود...وخرجت منهم الشيب و ديما محاربة مع مو وختو حتى الواحد النهار...

كامليا كتهضر مع العساس..

كاميليا : عندنا موشكيل ديال الماء فالبيت جيب شي واحد اللي يقادو ...واخا لاللة هيا اللي متعاود ..

مشا العساس جاب واحد راجل ورجع..

كاميليا : كاين موشكيل ديال الماء فبيت النعاس د ولدي! طلع صايبو ..(واخا الاللة مالاك ..هاحنا غنشوفو واش غتفلتي من هادي) 

الوووو..جاد ! اجي داااابا لفيلا ..

جا جاد كيطير دخل الفيلا لقى ماماه واقفة..

كاميليا: جاااد انا كنت برا وخليت ملاك بوحدها فالدار و ملي رجعت سمعتها كضحك و معاها راجل فبيتها!و....(طلع جاد كيجري البيت) 

انا كنت فالدوش و اللحضة للي دخل فيها البلومبي لبيتي ..بغا يحل عليا الباب د دوش كيحساب ليه لما مابغاش يحبس ..يالاه بغا يحل عليا الباب و جاد دخل فرع الباب و مو بنت الحرام سدات علينا بالساروت انا و البلومبي من برا 

جاد: (واقف مصدوم) اش كدييير نتا هنا (خرجت انا من الدوش لابسة بينوار و فوطة على شعري) مالااااااك ..!!!!! (عينيه خرجو) 

انا : جاااااد !!!!!(مفهمت والو) ...شكون نتا؟!و شكادير فبيتي ؟!!جاد واقف مصدووم والنار شاعلة فيه ..دخلات مو.

كاميليا: شتي ...شتي شكانقول ليك... هاد السلكوطة كتخونك اولدي و نتا ماجايب للدنيا خبار ...خرج علينا نتا من هنا يلاااااه( غوتات على البلومبي) 

البلومي: انا ؟؟؟؟؟ امدام؟؟؟ قلتي!!!!! ....قلت ليك برااااااااا يلااااه.

خرج البلومبي كيجري و انا واقفة عرفتها دارتها بيا!!!! جاد واقف كيشووف فيا و انا كنتسنى ردت الفعل ديالو...

جاد:(بعد الصدمة)ملااك ... نتي مطلقة...!(خرج كيجري و مو تابعاه)

انا طحت فالارض ممتيقاش!!!!! و كنغوت.!! لااااا اجااد كدبو عليييك كيفاش قدرتي تيق بيهم .!!! مايمكاااااااااااااااااانش! غيبت ..

ملي فقت لقيت راسي فدارنا ..بديت كنبكي و نغوت ..بغيت نموووووت 

ماما: ابنتي ماديريش هاد الحالة فراسك راكي غتموتي .. ميستاهلكش هاد الحمار اللي سمع لمو وسمح فيك

سعاد: نتي غزااالة و تجيبي ماحسن منو دابا تنساايه و الله ميستاهلك

انا: سكتوووووووو كنبغيييه اااااهاىء هىء ىهء ... مايمكنش جاد يسمح فيا ...مايمكنش ..كيبغيني و انا عارفاه..

بقيت كنبكي و نحضر و نطيح ونوض سيمانة و انا فديك الحالة حتى جاو وراق الطلاق و قعت عليهم و جاني نهيار عصبي و ليت منعس تا نشرب الدوا جاد طلقني رسميا ...

عند جاد : 

كالس مع سليم ف بواط دونوي.. كيشرب ..

سليم: صافي اصاحبي ..تلاقيتو خوت تفرقو خوت... (كيحيد ليه الكاس)

جاد: ملااااك ..خانتني اصاحبي هههه ومعامن !! مع ... تفو!!! 

بغيتها كتر من حياتي ..

سليم: باراكة عليك اصاحب ...جمع عليا نتا هاد الخرى (القرعة) ونتا غير كالس و كتخوي ليه!... ماديرش فراسك هاد الحالة راه كاااااملين بنات القحاب من الطرف حتى للطرف ...راك مع المدة غتنساها

جاد :هههههه (سكران) نساااها ههه ونساك نتا ومنساهاش هيا ...واش ملاك كتنسى اعيباد الله اللي عرف مالاك عمرو ينساها ولا يديه النعاس غير سميتها قتقتلني ..مالااااك اصاحبي مالااااك ...(زير على الكاس اللي فيدو تفرقع )...

سليم: لااا حتا لهنا وحبس ... نوض نووووض اجي معايا 

سليم جار جاد خرجو برا خوا عليه قرعة دلما فيقو و ركبو حداه و داه حدا البحر ..البلاصة اللي كان كيديني ليها جاد.. و حبس اللوطو تما ..جاد فاق شوية هز عينو لقا راسو فالبلاصة اللي كان كيجيبني ليها... 

جاد: لاااااااااا(صعر) وضرب يدو فالباب د الطونوبيل..

سليم : مااالك اصاحبي !؟؟؟؟

جاد: (كيغوت ) ماااايمكنش اساليبييم ميكاااانش ...ميمكااانش نساها و انا كاع البلايص كيفكروني فيها ...هادشي بزااااااااف غدي نحمااااق اسالييم

بدا جاد كيغوت و قطع حوايجو ... تعرى بقا غير بسروال الدجين و بقا كيغوت حدى البحر و سليم خلاه يبرد على راسو بالغوات حتى تبحبح و مشا ليه الصوت و تقج دار يدو على عنقو لقى السنسلة جرها اللي هديتو فلانيف... قطعها و بقا كيشوف فيها بحرقة و الدموع فعينيه و هوا يغوت فسما حتى خرجو عضلات جيسمو بغاو يتفركعو ...هز يدو لسما بغا يلوحها فالبحر !! ووقف ! ماقدرش يلوحها ...طاح على ركابيه و بدى كيبكي...علاااش املااك علاااش..خرج عندو سليم و شد فيه ماثر بالحالة اللي وصل ليها و جلس حداه شاد ليه فكتفو ..نوضو جلسو فالطونوبيل و داه لليخت الطريق كاملة و جاد مغمض عينيه و السنسلة فيديه مزير عليهاحتى وصل دخلو لليخت وهبطو سليم لبيت نعاس باش يرتاح.. حدو دخل طاح على ركابيه فالارض و ربع يديه فوق ناموسية وراسو محني ..بدا كيبكي بحرقة و صوتو تبحبح وغلاض فالاخر تلاح فوق الناموسة و بقا كيتنخصص وعينيه مسدودين ...سليم كيشوفيه و ماقادر يدير ليه واولو ...حيد ليه سبيرديلتو وطلع وخلاه هاكاك 

تانعس.

انا فالدار قلبي مهرس مابيدي حيلة بقيت كنبكي بلليل وبنهار مابقيت لا ناكل لانشرب و الدوا د النعاس ديما عند راسي بقيت هاكاك شهر وانا مريضة وقلبي كيضرني كل نهار كنتسنى الموت تجي تديني و تهنيني...

صباح جديد ف الفيلا... عيطات ضحى لفاتي ...وقالت ليها جاد محتاج الي يوقف حداه هادي هيا فرصتها يلى بغات تكسبو و داكشي الي دارت جات طايرة كتقلب عليه حتى لقاتو فاليخت وبقات كدور بيه نهار على خوه مكتفرقش عليه حتى دقيقة ...ماماه من جيهة و هي وختو من جهة حتى بدا يرجع لحالتو الطبيعية ولاكن واخا برد ورجع عادي الصورة د مالاك وسميتها مكتحيدش من بالو حتى دقيقة.

كاميليا بقات تاكل لجاد فراسو باش يتزوج ب فاتي وسمية ملاك مابقاتش كتسمع فالفيلا نهاءيا... وفاتي بتحلوين ديالها بقات كتقرب منو شوية بشوية و هوا بغا يتزوج بيها باش ينتاقم مني ،كاميليا و فاتي فرحو سحابليهم نسى ملاك . ولا عادي جدا كيمشي للشركات المعمارية اللي عندهم ويجي و يهضر عادي ولاكن الضحكة هيا اللي مبقاوش كيشوفو على وجهو .

تزوج جاد بفاتي و سكنات فالفيلا معاهم ولاكن جاد بدل البيت (بيتنا سابقا) سدو وتحول لبيت اخر ..

انا فالدار بديت كنتقاد فعقلي شوية ...خرجت واحد الصباح لابسة كولون كحل وبودي x من الضهر لجردة اللي فبراكتنا لقيت خالتي هيا وصاحبتها سناء جالسين عاصرين على الشيشة قولها وضحك عليها ، مشيت جلست حداهم ..حيدتها ليهم و جست نشيش..

سعاد: ههههه واعلا سلامتنا اللي ولليتي تجلسي معاناهههه عفا عليك الله من داك البرتوش(البيت صغير) اللي هادي شهر ونص ونتي سادة عليك تما..

سناء: تا نتي توكضي مع راسك راكي ماشي نتي اللولة ولا اللخرة للي كتطلق منك عدااااد احبي...

انا جالسة ودايرة رجل على رجل وجامعة شعري سفنجة فالسما و قصيصة على عينيا، والقردة طالعة ليا صباح و عشية.. بقاو عليا بلا بلا بلا ...

انا: سناء ! شكون شبع فيك تسرفيق على الصبااح؟

سناء : (كتمسح حناكها) هادا راه غا داك فاراجو د خمسة دراهم ...تاهوا طلية.

بقينا عاصرين و انا نجبد تيلي حليت فايسبوك ...من زمان ماحليتو ! شادة الشيشة فيدي و كنطلع و نهبط ف الفايس كنشوف الجديد ... شوية وهيا تبان ليا marriée جاد مع فاتي !!!! متقتش و دخلت لصفحة د جاد نتاءكد !!!... وانا كنقلب قلبي بدا يضرب و علقي طار فالسما!!! لقيتهم فعلا تزوجو و كلشي كيبارك ليهم و فاتي بوحدها اللي كتجاوب جاد مادخلش بمرة من نهار دار ماري مع فاتي..بلعاني باش يفقصني... قلبت ديك الشيشة و صعرت !! سناء و سعاد ماعرفو باش تبلاو.

سعاد: اويلييي مالكي!!! عاد كنتي صحة سلام شنو شتي فداك المشقووف ..

وقفت مغززفة و قلبي بغا يسكت بكترة ما شبعت بكى عيني نشفو ماهبطات تا دمعة..

انا: ولاااد الكلااااااب !!! والله لا خليتهم يتهناااااو والله حتى ندمهوم على النهار (كنترعد) اللي عرفوني فيه 

سعاد: اوييلي شكاااين ؟؟؟ مالكي تسيفتي ؟!!!!

انا: والله مانخليها فيك اجااااد ، ايلا منقلب ليك حياتك جحيم راني منتسماااش ملاك .اااااعععععععووو(تجننت ) 

شدوني كيبردو فيا و يخويو عليا الماء و انا نوض ... 

انا: طلقو مني ... سعاااد فين الوراق اللي عطا جاد لماما د الفيلا ؟؟؟

سعاد : شوفي وسط حوايجها؟؟؟؟ وعلاااش؟! 

مشيت كنجري جبدتهوم و بدلت حوايجي .. لبست كسوة فالكرووونة و مفتقة من التحت و سدر فيييها مبندر و ليديين معريين و زدت حلييت سنسلة عند سدر و لاااصقة عليا كاتبااان فيها لاطاااي ديالي خطييرة مع سنداالة طالوون اما شعري شديتو من جنب عشوائيا مع ماكياج خفييف غا باش اخبي ليا الارهااق اما منحتااجش و بغيت نخرج شداتي خالتي!

سعاد : فين غادة ؟ والله متخرجي تاتقولي ليا فين؟

انا: (مخرجة عيني) جااد تزوج اخالتي و انا غادا نقربلها عليهم .. هه جاتهم ساهلة يضحكو علينا .. هادي راه ملاك و من لا يعرفها.

سعاد: تسناي نمشي معاك ، مغنخليكش تمشي بوحد ..ديري شي كارتة و تمشي فيها..

مشات لبسات بحاال كسوتي تقريبل غا هي فالكحل و هيا طويلة بحالي و طايتها زوينة و شعرها داارت ليه ضفييرة الا شفتيها ماتعطيهاش عمرها كتبان صغيرة ، هزيت سوارت طونوبيلتي و خرجنا . .. مشيت عند اقرب مكتبة درت فوطو كوبي على الوراق و مشيت منيرة للفيلا ..دخلت الرونج و نزلت حالفة تا رونها. دخلت للفيلا و هيا تشوفني ضحى تصدمات وبذات طلع و تهبط فيا و جات عندي معبسة..

ضحى: اشنو جيتي كديري هنايااااا (بدات تغوت تا سمعاتها فاتي ونزلات كتجري مصدومة فيا) ياااك جاد طلقك لاش راجعة؟؟

انا: (مخرجا فيها عيني ماكرهتش نضربها نلسقها مع الحيط) ..شوفي غتحيدي من قدامي ولا غنسوبريمي ديلمك(مابقيت كنقشع والو اللي جا على فمي كنطلقو)

دفعتها ودزت ...وهيا توقف قدامي فاتي...

فاتي: خرجي براااا القح...(صلاااي...صلاااي). جمعت معاها بطرشة من هنا طرشة من هنا بقات شادة فحناكها و كتمتم جات ضحى بغات تشدني وهيا تجرها خالتي..

سعاد: اجي لهنا ...وحيدي من الطريق و لا راكي غتجيبيها فعضامك...(دفعاتها)

تمينا طالعين نيشان لبيتي سابقا..لقيتو مسدود جبدت الضوبل د الساروت و حليت البيت ودخلنا و ردخت الباب و جلست كنسب و نعرق غا بوحدي و خالتي حدايا ...شوية كنشوف الباب بغا يتحل ..

كاميليا : حللييي حلي الباااب و لا نجيب ليك البوليس ..(طاق طاق طاق) ..

نضت حليت الباب و العافية فعينيا و خالتي حدايا .. لقيتهوم واقفين بتلاتة ضحى و فاتي و كاميليا (مامات جاد)

انا: كتقلبي عليا؟ هانا حليت ليك ..بغيتي شي حاجة(سناني ملاصقين كنغززهوم) 

كاميليا: غتخرجي عليا دااااابا من هنا ولا غنجيب ليك البوليس ...يالاااه براااا... خرجي ليا من داري.

انا: دارك فالاحلام(تحت سناني و كنغلي) هادي دار جاد و انا عندي النص فيها كتسمعي !!لحت لها الوراق الفوطو كوبي على وجها كنت ملوياهم فيدي وزدحت الباب فوجها

خليتها كارمة كتقرى الوراق ، تاكنسمعها جات فالارض من مور الباب(سخفات) عيطو لجاد جا كيطير و جابو لها الطبيب لعندها لبيتها و مازال ماسرات (ماتاقو)معاهم القضية د يال نصي فالفيلا . جالسة انا و سعاد فالبيت وسادة عليا كنمشي ونجي بالطالون حامية فيا البيضة.

كاميليا: (فاقت من السخفة لقات جاد حداها مازال ماقالو ليه والو) جاادااههىءهىء ..علاش درتي فيا هادشي اولدي علاش؟!!!

جاد: مالكي الوالدة شكااين شنو واااقع ؟!!!

كامليا: هىء هىء هىء كفاش قدرتي تكتب النص (جاد كيسمع و عينيه كيتحلو) النص فالفيلا اللي كبرتو فيها لديك اللي مكتسواش؟!

جاد: (تصدم و عقد حجبانو ) كي.. كيفاش ؟؟؟

جاد مجرد اسمي مللي كيسمعو كيفشل.

فاتي: ملاك هنا ا جاد .(مفقوصة) 

سمعها و جمع الوقفة و صدرو بدا يطلع و يهبط جامع بونية فيديه و عروقو بداو كيبانو ...خرج من البيت فالتجاه عندي.. وقلبو كيضرب بجهد بغا يسكت...

انا فالبيت غادا جايا..وانا نسمع تلاتة دقات بجهد ...حليت !!!!!

واقفة حسكة(وقفة رجل) جاد قدامي !!! قلبي كيضرب و عيني فيه كنحس براسي غنسخف ،ولاكن تبت راسي وبقيت واقفة وهوا واقف كيطلع النفس و يهبطها عاض سنانو و يديه مطلوقين جامعهم بونية و لابس دجين داير ليه السمطة حد العضم اللي فجناب خصرو و سبرديلة كحلة ماركة و تريكو كحل كول v مزيرة عضالات مشدودين بغاو يخرجو ماقدرش يشوف فيا عينيه فالارض و كيهزهوم فيا بشوية ...جات عيني فعينيه !!!!

حتى واحد فينا مهضر ...الصمت و قلوبنا كتزدح بالجهد. ....بقينا هاكا تا جات فاتي شافتني مقابلة معاه وجها لوجه ،عينيها خارجين والغيرة شاعلة فيها ...

فاتي: جاااد؟؟؟(عنقاتو من كتفو ) جاد حس بيها عنقاتو من كتفو غمض عيني و تنهد ورجع حلهوم فيا ، انا شعلات فيا نار جهنم ملي شت فاتي شادة فيه من كتفو ...زدحت الباب فوجهو هوا وياها و طحت الارض فشلت كنتفس بصعوبة . هوا تهز و هبط كيجري شد الطونوبيل كيطير لليخت بغا يموت ملي شافني بقات فاتي تابعاه بالتيليفون و هوا مكيجاوبش وعيطات ل سليم تبعو لليخت لايدير شي حاجة فراسو..

انا جلساتني خالتي فوق الفوطوي فبيتي و دخلت فحالة صمت و سهوة النهار كامل...

جاد فاليخت عاطي بضهرو ودخل عندو سليم..

جاد : (دار عند سليم و عينيه حومر معصب) ملااااك ..رجعات..ا سليييم 

سليم: ( الله و اكبر) فين رجعات؟ 

جاد: للفيلا!

سليم : شنووووووو؟؟؟!!!..(كملااات)

شرح ليه كيفاش ر جعت وبلي عندي النص فالفيلا و ميقدر حتى حد يخرجني.

سليم: ناااري يا صاحبي..تاقلنا تهنينا!!! شوف خوي الفيلا و سير شري وحدة خرى وخليها تربح بيها! و فضيو علينا هاد الموضوع .

جاد: (كيغوت)الاااااا هاديك الفيلا فيها مات الواليد و فيها كبرنا ..ومزيااان اللي جات ..نييت باش نرد ليها صرفها فداكشي اللي دارت ليا..

بقا كيحيح و سليم كيبرد فيه .

انا مالي شفت المنضر ديال فاتي شادة فيه ..الغيرة بدات تاكل فيا و حلفت تا نوريه ..

جالليل و دوشت و لبست سوميج دو نوي سيكسي رطبة فيها فتحة كبيرة فالصدر وكشبكة فالكحل و درت ليها بينوار توبو شفاف كيبين و طلقت شعري و قصيصة و بانطوفة كحلة و جلست فالبالكون كنتسى جاد يدخل... واخيرا جا.. تعرضات ليه فاتي السلكوطة كتعنقو هز عينيه شافني و باسها ولات كفرفر بالفرحة و انا الحرقة شاداني وعاد مكيزيد يجهلني...

وقفت مور الباب كنتسنط وخالتي نااااعسة فوق نموسيتي... كنسمعو كيقوليها 

جاد: ماغاديش نخليك تنساي هاد الليلة حياتك كاملة 

فاتي: بصح احبييبة (موااااح)

واخا السي جاد انا اللي مغنخليكش تنعس هاد الليلة !!

خليتهوم تا دخلو و انا ماقاداش نتصورو معاها فالفرااش و كنحاول نجري على هاد الافكار ..تعصبت ملي دخلو و خرجت للبالكون كان بيتهم لاسق على بيتي و انا جالسة فالبالكو شعلت كارو و جلست( تكالماي امالااااك و برديييي و متعصبييييش ... خليهم يضحكو وبلا متفقصي فراسك) جالسة مرخية و رجل فوق رجل و كنتكيف و حاضية الدخان فين غادي و انا كنسمع فالضحك ديالهم ..حتى بردت وغسلت سناني و خرجت من البيت ..حيدت البنوار و بقيت غير بالسوميج و هبطت لتحت و جلست فالجردة حدى لابيسين مسرحة رجليا فوق الطبلة تيليفون فيدي...

درت راسي كنهضر فالتيلي ..

انا : الوووووو (كنتقحبن ) وي هههه 

جاد شافني كنهضر و هبط عندي عرياان لابس غير سروال بيجامة . انا كنعبرر وهوا مورايا حسيت بيه واقف مورايا و زدت فالتعابير ..

وي ...حتى انا توحشتك ...بصاح ...انا جايا عندك دابة ...لا بلا متجي عندي انا اللي غنجي هه يالاه بيزو موااااح.

نضت كنتقحبن جيت ندور لقيتو مورايا عينيه بغاو ياكلوني بشوفات وهوا كيطلع و يهبط فيا دزت قدامو و جرني من يدي... وشدني عندو صدرو كيطلع وينزل و نفسو سخونة ...ومزير ليا على درعاني 

جاد : فين غتمشي...(عينيه فصدري و كيطلع و يهبط فيا).. 

حسيت بلعبتي شدات فيه و قلت ليه..

انا: عندي روووندييفوو(كنتقحبن) ونتا سير غسل من الجنابة ...اوووك

وانا نحيد ليه يديه بشوية و كنبتاسم كنفقصو و زدت وخليتو السخفة شاداه ، وانا طالعة فالدروج(هه والله حتى نوريك يا اما تكن ليا بوحدي و تجي طلب مني السماحة يا اما عمرك تفرح بحياتك) طلعت لبيتي و لبست غوب كجلة دياال ليسواغي و كلها منبتة من صدر و من ضهر و شفاافة و فيها واحد الفتقة حتاال الفخد اما لاطااي فيها كتبان حوووووتة و شعري صاوباتو ليا خالتي بوكلي و تبارك الله مزاال كيبان طويل و مكياج خفيف و صباط عالي مثير محنش و بارفان ، هزيت سوارت طونوبيلتي خليت خالتي باغا تنعس و تميت هابطة خرجت ابلاصت الطونوبيلا كنتبعكك يامين ياسار و دايرة راسي كنهضر فالتيلي مع العشيق ههه دورت نص عيني ضربت على جاد فالطونوبيل ديالو البورش بدل حوايجو و سبقني كيتسناني نتحرك

ركبت و خرجت وغادة فالطريق و طالقة موسيقى مزدحة و مرة مرة كنهز عيني فالمرايا و جاد مورايا تابعني ...ههههه غير تبعني تا تعيا ... ليوم نساريك المدينة كاملة ...هزيت تيلي كنهضر ههه 

بقيت غادة و هوا مورايا ساريتو مزيان .

جاد: فففف (ضرب الفولون) فييين غادة ا ملاك فيييين ؟!!! 

انا: هههههه ...مازاال ماعيتي؟ واااخااا ...هه ياك قلت ليك لليلة مغنخليكش تنعس ...باغي تبقا تابعني فهاد نصايص ديال لليل... اوك.. حتى انا معندي مايدار من غيرك..

جاد: واخا املاك واخا...علمتك تسوقي باش تخليني تابعك؟ واخاا هاحنا غنشوفو حتى لفين غتوصلي؟

انا: هههه صااافي دابا غنلعبو كاش كاش شوية .

درت ليه خاوية فعامرة وتلفت ليه بين الشوارع ههههه 

انا: و دابا قلب عليا ...ايلا شديتيني عكر ليا.

مشيت لدار ماما نعس و خليتو مورايا ههه

جاد: فييييينك(صعررر) فيييين مشيتيييي ...ملاااااك ..والله ماتبقا فيك البرهوشة .

عيا يدور ويقلب فاللخر رجع الفيلا و بقا فالجردة فايق ومعصب حتى ادن الفجر . وبدا النهار يطلع وملاك مارجعاتش 

صبح الحال و فقت على خاطري ف بريريكة ديالنا فطرنا انا و ماما و هيا مشات الخدمة و انا لبست بودي بيض مزير و معري من ليدين مع صاية كري و هزيت بوشيط صغيرة خليت شعري سامبل هزيت الشيشة د خالتي درتها فساكها و درت سوارتي ف بوشيط وخرجت مشيت تقديت حويجات جداد و دربت دويرة و مشيت للصالون عند سلمى هههه نفقصها حطيت الرونج روفر فالباب ديال الصالون ديالها و نزلت شافتني نازلة يبسات ممتيقاش ..دخلت كنتبومبة و درت راسي عمري عرفتها فحياتي..جالسة مقابلا لاكيس و كتعطي فالاوامر

انا: بونجووور(كنحيد النضاضر) بغيت حمااام +مساااج و مانيكير و بيديكير و ايبيلاسيون كومبليط(نتف الزغب ههه) 

سلمى: (مصدومة) ملاااك؟!!!

انا: معنديييش الوقت امادموزيل ..واش غتبداو ليا دابا ولا نمشي سونطر د بيوتي اخر ؟!!!

سلمى: و و ووو واخا تفضلي (واش انا فايقة ولا كنحلم!!!!) 

جاو دارو بيا درت حمام و مساج و كلشي رخيت عضامي ورتاحيييت و مشيت لاكيس خلصت بلاكارط و جرجت خليت ليها البقشيش... على ما دوزات عليا سرها عبرت عليها...

انا: جاد ههه نسيتي موقفتي ليا لاكارط بونكير!!! لهاد الدرجة فراقي دوخك! ههه ماعلينا ...نمشيو للفيلا نلعبو شوية ههه.

مشيت للفيلا ودخلت تا لخمسة دلعشيا صبغت دفاري وقاديت راسي ودخلت الرونج حطيتها حدا واحد الحديدة كحلا كتبري و نزلت دايرا النضاضر د الشمس و البودي لاااسق عليا جيت خطيرة ..

يتبع