قدري أن أحبك الجزء 17

ايرتان : جهينة عااافاك انت دابا معصبة و ماعارفاش اشنو كاتقولي ... ماتاخديش شي قرااار يدمرنا ب2 .. انا كاانبغييك .. عمرني قلتها ولكن اليوم كاانقولها.. اناااا كانبغيييك ... غلطتنا غانصلحووها ب2 ماتكبريييش الموضوووع ... ياك ؟؟

جهينة ضحكاات بألم : هههه كاتحس بلي هذا غلط درتيه و ندمتي عليه ياك ؟ ... ولكن انا ماكانش عندي غلط مادام معاك ... الشي لي ازعجني هو انه حرام و ماجاش فوقتو ... انا ماكانبكيش على ديك النقطة لي ضاعت .. كانبكي على الشخص لي ضاعت معاه ... انت ماتستاهلهاااش ...*نطرات يديه* اسمعتي .. ماكاتستاااهلهاااش ... انا عارفة بلي ب2 ماكناش فوعيينا .. و عاارفة بلي انا لي جيت عندك ... ماكانلومكش على داكشي لي وقع كوون هاني ... و الى كنتي كاتحس بالخزي منو ... خرج و ماتبقاش توريني وجهك .. ماغانتبعكش باش تزوج بيا ... و ماغانفرضش عليك هادشي ... حيت انا براسي ماعندييش نية باش نتزوج بيك ..

ايرتان كايغوت حتى عروق عنقو و جبهتو بانو ....كلو و لا احمر كاينفت كلماتو الغاضبة بسخط : اش كاتقوووولي ... بما اننننك ماكاتلومينيييييش على هادشي لي وقع .. و عارفة كيفاش وقع ليييينا ...علااش باغية تخرجيني من حياااااتك ... علاااش كاتبكي و كاتغوووتييي ...😡😡

جهينة بادلاتو بنفس الطريقة : حيببت ضحكتييي علياااا كدبتييي علياااا .. خبييتي عليااا اهم حاجة كاتمحور بحياااتك .. حطيتيييني اماام الامر الواااقع ... حبك ليااا كااان انااااني و مافكرتييييش لياااا ... دربتيني و قسحتي قلبي و خليتيني نبدل طبعي ... خليتيني نبغي واحد مووووجرييييم ... اااه عااارفة بلي انت مجرم و قتااااااااااال ...

فشل ايرتان بصدمة من كلامها و عينيه خرجو بغير تصدييق ...

جهينة : مااالك .. كدبت عليييك .. قلتييها بفمك ..

ايرتان شد دراعيها ب2 بشدة كايقول : انت مافاهماااش الموضوووع مزيان .. انا ...

جهينة :طلق منيي ... ماتشدش فياا بدوووك اليدييين الموووسخييين ... كااانفضل نموووت .. سمعتيي نمووووت على انني نعيييش مع شخص عارفااه مجريييم قتاااال ... خررج من حياااتي مااابقيتش باااغياااك ... خراااج

تغيرات نظرة ايرتان ... نظرات حادة و مااضية كاتختارقها... زير فكيه و بدا يلعب بيهم يمين ليسار و شدد قبضتو ... انقض عليها و زيرها مع الحيط و شد فكها مطلع وجها لعندو ... بنبرة مرعبة و بتهدييد كاينفت كلماتو حارة من حر الجمر و بسخط قال : انااا ماااشي مجرم و ماشي قتااال ... كيفاش قدرتي تنساي كولشي لي داااز بيناتنا غير بمجرد كلمة وحدة ... انت راااك كاااتخربقييي مااافاااهماااا وااالوو ..

جهبنة شافت فعينيه و كتلوح كلماتها بكره : مابقااا كاايهمنييي وااالو ... تاحاجة ماكتسوى قدام حقيقة انك واااحد مجرم و قتاال ... انا كانبغيبيك و باقييا كانقووولها و لكن مستحيل نقبل نعييش معااك و لا ندير ولاد مع قتااال فحااالك ... وليك انت ماعمري غاااانكووون .. ماابغيييتكش مزااال تبقا معااايااا *كاتقومو* طلق مني بيديك الموسخيين و خرج مابقيببتش باغية نشوف كمااارتك ..

فقد ايرتان سيطرتو بكلامتها الجارحة ليييه ... ماوعاش بلي دار ... غرز صباااعو فحلقها قاجها و عينيه كايقتلوها بنظرات لائمة و كايقول بنبرة خطيرة .. مجروحة و غاضبة فنفس الوقت : انا مااااشي مجرريييم ... و علييك انت مامفااارقش ... انا تبدلت على قبلك انت... درت لي عمري كنت نتصور راسي شي مرة غانديرو ... انا دوزت معاااك هاد الوقت كااامل باااش تخرجيني من حياااتك هكا ؟.. لا ماموااافقش ... ماااموااافقش ....اه انااا شريييير واحد مامزيااانش قلبو قاااسح ... و غاتبقاااي معااايا بالززز من مموووك ... انا ماغاديييش ناااخد رأيك و لا اذنك بااش تكووني ديالللي حييت انت اصلااا ديااااالي ...

كانت كاتضربو و تحاارب لآخر نفس واخا هكاك مامفاكاااش و قالت بصوت مقطع : انت غيييير حيواان و دااابااا غيير كاتعبر على راسك ... ذييب غذااار قاااسح القلب ... قتلني حتى انا كيييف درتي للي قبل مني ... ياااله ...

ايرتان مابقاش قادر يتحمل كمية الكره لي توجه ليه منها من ديك الصغيرة لي خدات قلبو و عقلو .. عمرو قدر يتخيل شي نهااار غاتآديه و يآديها بهاد الشكل ...ما مابقاااش قادر يتحمل و يسيطر على الغضب ديالو ... زير قبضتو عليها و هو عند بااالو غييركايلووومها على كلامها و على غلطتها فانها نساات شكون هو و بلي هو باقي داك الايرتان لي تظل تعنقو و تقووول ليه كانبغييبك ...

حتى جااتو ضربة قوية خلاتو يطيييح فالارض للجهة الاخرى ... كانت من عند عز و اشرف هبط عند جهينة للارض و جرها لحضنو كايهدنها و يخليها تاخد النفس لي قطعو عليها و هو مصدوووم من الشي لي كاان غايديرو اييرتان فديك الضعييفة ... كانت كلها حمراء كاترعد بالبكا و عينيها دايزين بدون توقف ... و اشرف كايهدن فيها ...

عز : اش هاادشي كنتي غااادييير الحمااااق 😡

ناض ايرتان و هو فاقد السيطرة على راسو .. حداها من يديه عنقها كايبكي و يعتاااذر من لي بدر منووو ماكانش واااعي و مشاعيرو لي حكماات فيه ... ما ان تمالكت جهينة نفسها و ناضت من بين يديه ووقفات قدامهم .. دخل فؤاد تاهو و هو كايجري و وقفات بيناتهم كاتشوف فيهم بكره ..

جهينة : حتى انتوما بحالو يااك ... حتى انتوماا قتااالة ؟

عز : جهينة .. احنا ..

جهينة : انتوما اشنو ... هضرو ... انتونا درتوني غبية بيناتكم .. الوقت كولو وانا بين المجريمين و القتالة و ماجايبة خبااار ... خرجو برااا مابغيتش مزااال نشوف شي واحد فييكم .. ديو صاااحبكم و خرجوووووو ...

بغا يتقدم ليها ايرتان و يعلم اش كاان ناوي و شدو عز موقفو كايجر فيه و هو كايغوت ..

ايرتان : وا بربييي لا تفكييييتيييي منييي سمعتييي ... عقلييي على كلاااامك ... مغااانسااامحكش علييييه ...

عز جرو خرجو ... و هبطو حيت عارف بلي الى بقا غايدير اكتر من داكشي لي وقفو عليه ..

جهينة: هددني ... هادشي لي كاايديررروو القتااالة ...

اشرف: جهينة .. كيفاش قدرتي نقولي هاااد الكلاام ... هادشي ماشي صحيبيح ...

جهينة : خرج برااا ... مابقيتش بااغياا نشووف حتىواحد فيكم .. سمعتي ... تاواحد .. ماتبقاش تاصل بيا سدينل ديرووو بحال الى عمركم عرفتو ني ياله براااا ..

فؤاد : صافي .. غير تهدني احنا غانمشيو ..

جر اشرف لي كايشوف فيها مصدوم ... هزو حوايج ايرتان و مشاو ...

سدااات الباب و راهم و طاحت وراه كاتبكي بخرقة و ماكرهاتش تحيد قلبها و تعفط علييه .. كاتبكي عليه و على فراقو .. كاتبكي حيت مشا و خدا روحها معاه .. كاتبكي حيت هي لي كانت كاتطعن بالماس لي وجهاتهم ليه .. شوفاتو المهرسين و لومو ليها وصل .. كل كلمة من عينيه وصلات .. كاتقطع من الداخل .. اعضاءها كلهم مامستاقرينش ... راااسها تقااال عليها و مابقاتش قادرة تحمل هاد الاحساااس ... داز فبالها كولشي لقاطتهم مع بعضهم .. عمرهم تفارقو ولو لحظة ..كيفاش غاتعيش بلا بيه دابا ...

قربو عندها جراءها ... طلع الاصفر عندها كايلحس دموعها .. شافت فيهم بعداتهم حيت من طرف ايرتان ... ولكن رجعو ليها .. بعدات و رجعو .. ماستسلموش و بقاو مخشيين فيها بحال الى حاسين بيها و كايواسيوها .. ماقدراتش و هزاتهم معنقاهم و عاد زادت شعلات و بدااات تبكي ...

وصلوه الدراري للاوطيل و دخلو للجناح ... جلس شاد راسو و كل واحد من الدراري شاد قنت ... اما عز واقف غادي جاااي عليه ... عرفو غادي يزبلها و مايتحكمش فراسو ..

عز : ولايني رااك حماااار .. بداك التصرف لي درتي راك نحيتي حتى لو كان ذرة ديال انها ممكن تسامحك .. اش وقع ليييك من ديما كاتخدم عقلك و كاتحكم فراااسك ... جيتي حتااال جهينة و فرطتي فرطة بحااال هادي .. الدرية لي لمدة هاد الشهوور كااملة و انت كاتحميها و تضرب ليها الف حساب و حساااب .. جيتي ضربتي كووولشي ف0

ايرتان ما جاوبوووش بقا حادر راسو و شادو بين يديه ... باقي ماتسرطاتش ليه يمد يدو عليها ... ندم على داك التصرف و لكن غضبو من جيهتها و من داك الكلام لي قالت مخليه باقي كايفوور من جيهتها ...

ناض من حداهم و من صداعهم و دخل لبيت و زدح الباب وراه ...

فؤاد : صافي فوتو عليك خليه حتى يبرد ... انت عارفو صعيب يفقدها و الى مشا حتى فقدها كايولي مصدطي بحال الكلب المصعور ماكايقد عليه حد شفتيه كان غايقتلها ..

اشرف : ماقادرش نتيق هادشي لي وقع ... اشنو غانديرو دابا مايمكنش يتفارقو ديال بالصح ..

عز : خاصنا بعدا نعطيوهم هدنة .. يبعدو على بعضياتهم واحد المدة حتى يتهدنو ... اااه حقا البوص ..

فؤاد : هضرت معاه و قلت ليه لي وقع .. قال ليا غايوقف ديك عملية التدريب لي كان موجد ليها ... وقال ليا غادي يعطي اوامر باش تولي تحت المراقبة .. حيت عارفة شكون حنا ... قال ليا نبعدو عليها و مانبقاوش نقربو ناحيتها ... و خاصة ايرتان ... قال ليا بغاه يجي عندو للتركيا ...

اشرف: شنو زعما .. غايخلي الامور هكا .. ماغايتصرفش ؟

عز :البوص ذكي ... كانظن عندو مخططاتو و لكن ماشي وقتهم دابا .. المهم هو ايرتان مايبقاش يحوم هنا فالمغرب ... اشرف حجز ليه فاقرب رحلة ... و حنا غانبقاو هنا مع جهينة لاتدير شي حاجة تاهي ..*دار شاف فالشرجم كايطل * و الله يخرج هادشي على خير ...

نهاية الفصل الاول

يتبع