قدري أن أحبك الجزء 19

ايرتان كايحرك فيها : جهينة .. جهينة ... فيقي عاافاك ..*شاف الاخرين * عرفتي و تكوون وقعااات ليها شي حاجة وابربي لا رحمتكم ...

هزها و خرج كايجري ...

نوض هذاك لي كان واقف لاخر و قال ليه : واش انت بيخير ؟ ..

جاوبو : وجهي ماحاسش بيه ... قلت ليهم يعفيونا من هذ المسعور مامعاه لعب ...

جاوبو لاخر: نوض ناداويوك نووض ... الى جات من عند البوص ماعلينا غير نطبقو الاوامر ...

ناض مسند عليه خارجين و قال : ولكن بعدا اختار و عارف شنو اختار .. ههه حلفت لا نطقات .. بحال هاذيك المطنغة لي دازت عندي من 2 تصرفيقات الاولين حطات اصل جدي كامل 😂😂

جاوبي : هههه اوديي زيد غير زييد ..

دخل ايرتان للغرفة ... حطها بالشوية عليها ... شاف فيها و ناض غادي جاي فالبيت .. حاس برجليه فاشلين و ماهازينوش .. عاد رجعات ليه الروح من الخلعة ديال هاد النهار ...

#فلاشبااك ↪↪

وقت الفجر فاق و جلس فبلاصتو ... مابقاش كاينعس بزاااف .. غير جالس و كايفكر ... بعد مدة جاه اتصال من واحد من المراقبين ديال جهينة لي من الطرف ديالو هو ... خبرو بلي جهينة رجعات الدار و استاقلت من خدمتها و ناوية تطج ... و لكن تعرضو ليها رجال البوص و داوها ... كانو تعطلو باش خبروه ... سب ليهم العرووق و لكن راه بااينة اوامر البوص ... هز الابتوب ديالو باش يشوف فين كاينة ... و عرف فين كاينة .. ماتفاجأش منين عرفها معاه فتركيا و لكن كانت بعيدة عليه .. ناض خرج بلا مايبدل ... ركب سيارتو و هادشي كولو كان تحت انظار البوص لي كايطل للفوق و يضحك عليه و على اخبار الخطة لي غادية كيف بغا ... و حتى الدراري لي جاو معاها و تخباو على ايرتان حتى يرجع ... كان طاير فالطريق و خوفو كلو عليها ... واخا مدربة تقدر ماتستحملش داك العنف لي ممكن تعرض ليه و هي فاضعف حالاتها ... عارف بلي غاتكون متأترة بفراقهم و كولشي هادشي لي وقع .. قبل كانت مستاعدة و لكن دابا شااك و ماعرفش كيفاش غاتكون ردة فعلها .. كون كان عارف غايديرو هادشي كان اكيد غايوقفهم ... غير وصل هبط للمكان المحدد سمع الضرب*فاش هرسات الكرسي* و زاد تخلع .. و غير وصل لقاها واقفة جامدة تحت التهديد ... كان لي كايهددها .. تما كان غايوقف و يطلق سراحها و لكن حصلو ايرتان .. ماحس حتى نزل عليه بالضرب ... و غير خوفو على جهينة لي عند بالو باقية ضعيفة .. هو لي كان محركو ... منين شافها طاحت طلق منو و هزها .. رجعها طاير للقصر .. داز طاير للبيت وسط الدراري و البوص لي كانو التحت كايتسناوه ...

#رجووع_للحاضر ..

دوز يدو على راسو مرجع شعرو لور شافها تحركت للجهة الاخرى فهم بلي السيدة ناعسة ... خدا نفس و لاحو ... قرب ليها بالشوية و نظراتو ليها لينة مكسورة ... جلس قدامها ... تحنا لمستواها و هز يديها ب2 ..غمض عينيه و باس كفها و داز لاخر ... قاد شعرها لي جاه زاد طوال و حيدو على وجهها .. شدو فيدييه و شمو مغمض عينيه ... حط يدها على قلبو و برك كايشوف فيها ...

ايرتان : الا باقي خليتك بعدتي عليا راني واحد ال*** ...

وقف غطاها باس راسها و خرج من الغرفة ... جمع تعابيرو لجدية تاني و هبط ليهم ... لقاهم فالجردة ...

غير وقف عليهم ... اشرف و فؤاد ضورو وجاههم من شوقاتو لي كايخلعو ... عز كايشوف فيه و البوص كايتبسم و قال :

ايدين : فاقت ؟

ايرتان : لا ... و انا دابا ماعارفش اشمن نوع ديال الافكار فبالها و هي باقي حتى ماعارفة عليا واالو .. هي كاتكرهني و غاتزيد تكرهني دابا ... بسبابكم .. علاش درتو عادشي ... علاش خطفتوها 😡

عز : كون هاني ... كولشي داااز على ما يرام و جهينة تبتات لينا بلي ماشي ساهلة ... و مابقاتش ضعيفة كيف كايسحاب ليك ..

ايرتان : شنو كاتقصد..

ضحك ايدين و قال : جلس ... *جلس ايرتان حداه و هو قالب وجههو * جهينة قاومت فالمغرب و سلخات ليا 3 الرجال ... و لكن يمكن كانت عيانة و سخفات .. هزوها و داوها لاعز و اشرف و فؤاد ..و هوكما جابوها هنا ... منين فاقت سيفطت اياااز و جونيت (عندهم نفس رتبة الدراري) يتوالاو تهديدها ..

ايرتان : مالقيتي غير هادووك 😡

عز : هما لي عندهم خبرة و عارفين كيفاش يوصلو التهديد كون هاني ماتعداوش الحدود ...

ايدين : دارو ريوسهم باغيين يوصلو ليك .. حنا عطيناها الطعم لي هو عنوانك و كان عندها فجيبها ... لعبو على عقلها و ماتشداتش ليهم ...بالتهديد و ماتشداتش ليهم و حتى لاخر لقطة سكتات و فضلات تنكر معرفتك و تضحي براسها على قبلك ... قاومات بزاااف .. و لكن اللقطة لي ضحكاتني لي عجباتني .. فاش طاحت الورقة و كلاتها و هي كاتقاومو .. عجبني إصرارها و ولاءها ليك ... هي باقية طاتفكر بلي انت قتال و لكن هادشي ماسمحش ليها تخلى عليك .. حبها ليك لاعب دور حتى هو ...

اشرف: و اللهتا مسخووطة كنت كانقول غاتحميها بكا تما و تغيب .. ساعة تصدمت ..

فؤاد : تباركالله عليها نجحات فالاختبار ديالها و صدقات شجاعة و طبقات كولشي لي علمتيها بذكاء ...

عز : مابقا دابا غير تشرح ليها شكون انت و توصلو لحل..

ايدين : هاد الموضوع خليوه ليا انا ... اليوم جهينة تبتات لينا اش كاتسوى و تبتات ليك ا ايرتان شنو كاتعني ليها ... ماشي ساهل تضحي براسك على قبل شي واحد ... هاديك البنت اعظم تفصيل وقع فحياتك ..حافظ عليه بروحك ... ماديرش بحالي ... *ناض* دابا كولشي هو هذاك مابقا غير يتصلح سوء التفاهم بيناتكم .. مابغيتش مزال بحال هاذشي يتكرر ..

مشا البوص و ايرتان بقا ساهي كايفكر .. كولشي هادشي خرج منها .. فهاد اللحظة زادت كبرات اكتر و اكتر فعينيه ...

ايرتان : حمقة ... و الله حتى حمقة ..

اشرف : نفس الشيء قلتو حتى انا .. هاد الدرية حمقااء ...

هز ايرتان عينيه فيهم كيف القرطاس و هما يجلسو يدورو فعينيهم..

ايرتان :كاتلعبو ورى ظهري... اش داكم ليها ؟ 😡

عز : ماوقع والو ... واش حنا غنبغيو ليها الاذى .. اصلا هادشي كان لصالحك ...

اشرف: بطبيعة الحال .. و اخيرا غاترجع ليا عشيرتي .. توحشتهااا 😍

ايرتان : وا بربي اليوم لا طلقت الز**** بووك 😡

ناض يهجم على اشرف و ناض هرب كايغوت ..

اشرف: وااااش دااارت اناااا ... علاااش ديييما كاااتشوووف فييااا انا .. 😂😂

ايرتان تابعو كايجري : حيييت مااكانحمللاااكش .. بنت لييك مطفرووو دابا انتت لي بقيييتيي ليااااا ... 😡

نقز عليه شدو قاجو و الدراري كايفكو و يضحكو...

تحركات جهينة و عنقات المخدة لي فجنبها ... حسات بالغرابة ... كانت مغمضة عينيها و كاتحسي الاصوات حفيف الشجر و الصقييل و اصوات الطيور و اصوااات بعاد ... حلات عينيها ... غرفة غريبة عليها .. ناضت جلسات قافزة ... كاتشوف ... كانت واسعة فيها 2 بيبان بعاد على بعضهم ... باينة واحد حمام و الاخر المخرج ... كانت مرتبة و منظمة و الوان الابيض و الذهبي غالبة بتناسق ...ريحة ايرتان طالية الدنيا .. شمات حوايجها لقاتهم لاصقة فيها ... تفكرات كولشي لي وقع ... حتال اخر لقطة فاش سخفات بين يديه ... طلعات معاها التبوريشة باردة من صباع رجليها ... قلبها مريسكي كايضرب ف90 ... و شعور الفشلة و الخوف واخدين السيادة ... وقفات دغيا على رجليها .. عارفة راسها بين يديه دابا ... سمعات غواتو التحت فالجردة (مع الدراري) عاد مازاد مابيها ... وقفات غادية جايا .. كلشي تعرم عليها ... الشوق لرؤياه و الخوف من اللقاء .. خوف من الضعف قدامو .. الخوف عليه و من داكشي لي وقع اليوم .. هادشي ماكايعني غير بلي هو فخطر ... كولشي هاد الامور كاتضرب فراسها ..

جهينة بدات كاتدمع: ناري فين انا ... اشمن قرينة جابني ليها ... الله ياربي الله مابغيتش نشوفوو دااابا ...

تدق الباب و دخلات خادمة عندها .. وقفا جهينة كاتشوف و قالت لبها بالتركية :

الخادمة : سمحياي ا انسة .. يسحابلي باقية ناعسة .. *عطاتها حوايج مطويين* هادو سيفطهم ليك البي ... هادا هنا دوش .. راه واحد ممكن تستعمليه ... عن اذنك ..

خرجات و خلاتها مصندلة قدامها ..

جهينة ؛ شكون هاد البي .. ايرتان ؟ اويلي ياكما خاطفني شي حد و ماشي ايرتان ؟ ناااري ياربي اش هاد الحصلة ... بلاتي اكيد ايرتان حيت طحت بين يديه هو و ريحتو لاصقة فالبيت .. حتى من هادشي ديالو (كاتشوف فحاجياتو فالغرفة)

شافت فحوايجها كلهم مكرفصين و حالتهم .. جلسات فطرف السرير و شدات فكرشها: جااك الجوووع يااك ؟ ماعرفتش كيفاش حتى صبرتي تما مورى هاد الروينة و دااك التنقاااز ... اوووف حيااتي ولات كولها مخربقة حتى حاجة مامهنية بالي ...

شافت فالحوايج .. هزاتهم و دخلات للحمام و سداتو ... غسلات بالخف و لوات عليها الفوطة ووقفات قدام المراية .. دوزات عليها يديها و شافت فانعكاسها ... بياضت من شمس الصيف و ووجها مورد بالسخونية الدوش لي خدات ... تنهذات و قالت ..

جهينة : كيفاش غاندير حتا نتواجه معاااه ... قلبي غايسكت و عقلي غايحماق من كترة التفكير .. ماهاصكش تضعفي ... خاصك توقفي قدامو بحال المرة لي فاتت و تفكريه بلي هو مجرم و انت ماشي شخص لي ممكن يقبل بهادشي و حتى ولدي ماخاصوش يكبر مع شخص بحالو ... ماخاصو يعرف والو على حملي .. غادي نتوادعو بطريقة احسن من لي فاتت و غادي نمشي فحالي ... هااادشي لي غايوقع ... صافي .. انا نقدر ندير هادشي .. حتى حاجة ماكاتهم من غير مصلحة ولدي دابا ... جرات شعرها قدامها مسحاتو و هي باقية كاتقنع راسها بهاد الكلام .. جبدات الحوايج لي عطاتها ...



لبساتهم ... نظفات الحمام و راها و هزات حوايجها لي حطتهم .. حلات الباب و خرجات .. حطاتهم فالجنب فالارض فبالها تغسلهم و تنشفهم و تلبسهم من بعد منين تبغي تمشي فحالها .. غير هزات راسها .. لقاتو واقف قدامها كايشوف فيها بكل حب و شوق ... توحش شكلها منين كاتخرج من الدوش و هي كولها مزنغة .. توحش شعرها السارد لي كايغطي ظهرها بطولو ... و ديك البراءة الطفولية و داك الجماال الطبيعي لي عاد زااد ظهر فيها و زادت زياانت عكسو هو لي اتار السهر و العياء باين عليه طوال شعرو و حتى لحيتو ... هي كاتبان فهاد اللحظة انتى ناضجة و بعقلها و هي بداك السكون و بدوك النظرات العتابية الموجهة ليه ..كايقلب على داك التغيير فيها و ماعارفش شنو هو كايشوف في فمها مايل و هاذي ديما كاديرها فاش كاتبغي تبكي .. كان غير كايعنقها و كاتطلقها وسط احضانو .. دابا كايتساءل الى عنقها واش غاتبادلو و لا اللا ... قرب ليها بخطوات متوازنة و تابتة ... و لكن حس خنجر طعن قلبو منين بعدات بخطوة .. مد يدو بحال الى كايقول عافاك ماديريش هكا و شدي فيا .. شافت فيدو و هزات عينيها شافت فيه بحزم و قالت : شنو بغيتي مني ؟

ايرتان : باغيك فجنبي ..

جهينة : هاذشي راه مستحيل يوقع .. انت عارف ماكاين لاش نبقى نعاود ليك السبب ..

ايرتان : انا عارف .. و لكن داكشي ماشي كيف كايبان ليك .. خلينا نهضرو ..

جهينة : شنو لي ماشي كيف كايبان ليا ؟ عمرك قتلني ؟

ايرتان : اه .. ولكن ..

جهينة : ماكاين ما ولكن ... انت قاتل روح و يعلم الله شحال ... و ماكاين حتى سبب يخليك دير هكا ... انا مامستعاداش ندوز حياتي مع واحد بحالك ... و نزيدك .. انا ..

ايرتان : انت شنو ؟

جهينة: نسيتك .. فهاد الشهر .. قدرت نساك و نتجاوزك .. مابقيتي كاتعني ليا والو .. و كون ماجبتيني هنا كنت غانخرج و نخلي كولشي ورايا و نبني حياتي فجهة اخرى ..و لكن المجرمين لي بحالك اعتارضو طريقي و خطفوني .. شفتي ..واخا نبغي نبقا معاك حياتي غاتبقا فخطر (هنا عنات ولدها بالتحديد) نساني و حيدني من بالك ... انا كابقيتش كانبغيك *قالتها بغصة*

جدبها لعندو من دراعيها و بحزم قال : و علاش كاتقوليها و انت كاترعدي و كاتضوري فعينيك .. نسيتي بلي انا حافظك و زايدون كاين شي واحد كايحمي شخص ماكايعني ليه والو بحياتو ؟

جهينة : طلق مني .. اش ... اش كاتقصد ؟

ايرتان : عاارف اش وقع .. عارف كولشي .. عارف بلي فضلتي تسكتي و ماتضحيش بيا واخا هددوك .. *حط يدو على حناكها و هز راسها كايشوف فعيونها الدامعة* شنو كايعني هادشي الحمقة ... درتي هادشي على قبلي و باقية مقسحة راسك ..

جهينة طلقات منو كاتمسح دموعها و عطاتو بالظهر : بغيت نمشي فحالي ..

غمض عينيه و شدد قبضتو ... دورها عندو و قال : علاش كاتهربي دابا .. ياله جاوبي ....

جهينة : عرفتي داك الجانب الانساني فيا لي هضرتي عليه ... اوى راه باينة انا درت داكشي من الجانب الانساني لاغير ..

ايرتان : اوى بزاااف .. لدرجة تعرضي راسك و تصحي براسك .. راك غير كاتخربقي ...

جهينة نطرات يدها و تفرغعات عليه بالبكا : اااه كانبغييبك و باااقية كااانبغيييك و عمري قدرت نننساك .. و فضبت نموت على انهم يلقااوك و يديرو فييك شي حاجة حيت كانفضل نموت و لا نسمع بلي وقعااات لييك شي حاجة .. صااافي رتاااحيتي ... اوى ماتفرحش ... انا واخا هادشي مستحيل نرجع معااك .. ودابا غاترجعني منين جبتيني ...

ايرتان : مزيااان جات نوبتي نقول لي لي عندي ... انت ماغادية فيين ... معايا غاتبقاي حتى تفرقنا الموت ... ماتابعاك لا خدمة لا حتى حاجة ... هنااا غاتبقاي حتى ترطبي داااك الراس .. فييييا مايصبر و خووودييي راااحتك ... و لكن لي بغيتك تفهمي مزيااان و تخليه حلقة فودنيك .. هي جهينة الطاهري ديال ايرتان التازي ... و ماااعندي حتى شوية ديال نية انني نتفارق معااك .. و طرطقي تما دابا ...

جهينة بدات كاتضربو للسدرو : هااذا رااه اختطاااف سمعتييي و انا غانبلغ بييك ... مااابااغياااكش اعييبااد الله واش بزز .. 😭😭

ايرتان : ديري لي بغيتي ... ماعندك ماتصوري منهم ..

جهينة : ااه اكييد مانتا غيير ..

سد فمها بكفو و شد مؤخر راسها و قربها ليه و قال بنبرة تحذيرية : ردي البال لكلامك ... راه ممكن نسامحك علييه و مستحيييل ننساه ...

تراجعت و سكتات .. بقات كاتشوف غير في فمو كايتحرك و عينيها كايرقصو بين عينيه .. ريحتو قوية و قادرة تشمها بشكل مركز ... كانو يديها على سدرو ... مكرهاتش تجرو لعندها ..تعنقو وتبقا تشم غيير ريحتو .. و هي مضاربة مع هاد الافكاار .. خرج و خلاها ... سد الباب وراه و هبط عند الدراري .. و هي تبعاتو ووقفات حاطة يديها على الباب كاتبكي و قالت : ماصورت منو حتى نصف عناااقة بارد القلب لاااخر (واسيد شبع فيها بوسان و هي مادات ماجبت 😂) كيف غاندير مع هاد مشاكيل الزبل عندي ... عااارفة راسي مدلولة اخرتي نمشي عندو نتخشا فييه 😭😭 الله ياربي علااش هااادشي صعيييب علاااش ... ماسولش حتى واش فيا الجوووع الحمااار لاااخر ... قالك انت ديالي .. وا منين ديالك سول فيا و شووفني واش شبعاانة ... *حدرات عينيها لكرشها* شفتي باباك الحمااار بارد القلب اش داير فيااا ... كيف غانديير نخرج من هنا دابا ... *غرررر * اوووف فيا الجوع .. غانفكر فهادشي منيين نشبع كرشي ...

ناضت لبسات فرجليها و خرجات من البيت ... هزات عيينيها كاتشوف فشساعة هاد القصر(تخيلوه كيف بغيتو 😂) هبطات من الدروج و عينيها كايدورو بحال شي درية صغيرة ... حتى وقفوها رجليها فالصالة قدام الدراري .. كانو غير هما مجمعين .. خنزرات فكل واحد فيهم بوحدو هازا نيفها للسماء .. الدراري كولهم بقاو كايشوفو حتى شافت فايرتان و قالت ليه : نووووض تغعد انت طيب ليا 😤

دار ايرتان كايشوف فيها ... عاد دابا الوضع كان جدي بيناتهم ... ولكن جهينة حمقة و عزيزة عليها كرشها .. مابقاش كايتصدم من تصرفاتها .. شاف غيها شوية و قال :

ايرتان : سيري راه الكوزينا قدامك .. *دار قدامو*

اشرف ناض :صافي انا غانصايب ليك بيتزا ..

خرج فيه ايرتان عينيه و رجع جلس كايبرغم بالسبان ..

عز : نوض اصاحبي سير معاها ..اش عرفها فين جات الكوزينة .. و زايدوون تلقاها من الباارح ماكلات ..

جهينة كاتغبن : اه .. من البارح فالصباح ...😭😭

دار عندها ايرتان دغيا وقال : و علااش ماواكلاش من البارح فالصبااح ..

جهينة : ماكنتش مساليا .. *تفرغعات* واااش غااتبقا شادني بالهضرة نووض تغااااعد بغيييت ناااااااكل 😠

الدراري كلهم رجعو لور و خرجو عينيهم كايشوووفو .. منين جابت هاد الشراسة مرة وحدة .. ناض ايرتان حال فمو ... غادي كايشوف فيها عمرها دارت هاد الحالة على الجوع ... دخل للكوزينة و شير للخدامات يخليوهم شوية ..

جلسات هي فواحد الطبلة بكراساها و ربعات يديها كتهزز رجليها ...

ايرتان : اشنو باغية تاكلي ..

جهينة : اي حاجة تشبعني ..

مشا للتلاجة حلها جبد اللحم و هو مستغرب من تصرفااتها ...

حطو و كان ناوي يسوطيه و يدير معاه الخضرة و السوب ساعة وقفات عليها ..

جهينة : طيبو بالسكر ..

ايرتان : باش ؟

جهينة : بغيييتووو حلوووو .. ديييير فيييه سكااار .. بزاااااف ديال السكر ..

ايرتان قاس جبهتها ؛ جهينة .. صافا .. واش فراقي عليك جاك صعيييب لهاد الدرجة ههه

جهينة : جمع مكافشك عندك .. و دير لي قلت ليك عليه سربي ماقاداش نصبر ...

شاف حتى عيا و قال واخا .. و صدق معسلو فصويا صووص و السكر ...

بقات مقابلاه ووقفة عليه .. حتى هز السكر كب منو معلقة و حطو ..

جهينة : زيد ..

زاد شوية و هي تقول : واا تاازييد اكتر ..

ايرتان : جهينة .. راه واقلة توحشتي الركيل ..😤

جهينة : ركل لا قديتي ... واللهتا نلصق فيك منتييف .. زيد السكر و سكتنا ..

زاد ايرتان و هو كايردد لاحول .. نطرات ليه بواطة ديال السكر و بركات تلحس .. و هي يقلعو ليها ..

ايرتان : لمك اش كااديري ..

جهينة : كانحزق .. اش بان ليك كاندير .. عطيني ...

ايرتان : مكاملاش 15 د تلاقينا فيها already شحفتيني 😤

جهينة جمعات التغبيعة و ميلات فمها .. ياله غاتبكي و عطاه ليها ..

ايرتان : شدي .. واعولي على واحد نصف ساعة ديال الجرى ..

جهينة خداتها كاتلحس و جلسات : بقى تحلم .. *فخاطرها : مسطي هذا ..باش ياله نعوم فدم ولدي *

حط قدامها شلاظة و نوعها باش تشبعها شوية و ماتاكلش الحلاوة بزاف ..

جهينة: ارى اللحم .. مابغيتش شلاظة .. هاذي كولها انت ..

ساط ايرتان و حيدعا و حط ليها اللحم .. و جر الكرسي و جلس حداها .. دار يدو على حنكو و قابلها ..

دخلات فيه جهينة طول و عرض .. دارت ليه وتائقي ديال خلق ليفترس ... بقا كايشوف و يستغرب واش هاذبدي خالة نفسية و لا شنو مافهم وااالو .. حتى بداات تامل و تبكي ..

ايرتان : و داابا هانتي كتااكلي لي بغيتي علااش كاتبكي ..

جهينة : طيابك باقيي بنييين 😭😭

ايرتان : وكااان ... نبقااا نطيب لييك فبن المشكل ..

جهينة : لا حنا تفارقنا .. و غانرجع فحاالي ..

ايرتان : شكون قالها لييك بالسلامة .. كولشي فيك كايبين بلي باغية تبقاي معايا . علااش فمك باقي كايرفض ..

جهينة : حييبت ... حيت ماشي كولشي الامووور بيدينا ..

ايرتان : اااه عندك الحق .. و حتى قرار انك تبعدي عليا ماشي بيديك ... واكيف جاك هاد المنطق ..

جهينة هزات عينيها كاتطل عليه بعينيها عامرين دموع ولات حمرة و مجلخة بلاصوص فيديها و فمها ... لحسات شفايفها و هو كايشوف فيهم .. مسحات دموعها ظهر يدها .. شافت فيه و قالت ...

جهينة : ايرتان ...

ايرتان بريبة : اش كاين ...

جهينة : ممكن نطلبك طلبية صغيرة و ماتفهمش غلط ..

ايرتان :هضري ياله و قولي شنو لي ماغانفهمش غلط ...

جهينة : احم .. ممكن نعنقك و نبقاو مخاصميين ؟

هز راسو لوور كايضحك .. و هي تزوييه ... شد كرشو تقابل معاها كايضحك و كاغيظها .. و هي كاتخنزر فيه كاتخطط تقتلو ..

ايرتان : عادي نتعانقو على ماشي انت بنت قلبي ... و لكن تاحاجة مافابور ..

جهينة ناضت : غاااعلاا .. كيف شفتي انا غييير كانقلب عليبك انت و عناااقك .. اصلا ماكانحملش ريحتك طلعات لياا فراااسي .. و انا بغيت هاد الليلة نمشي فحااالي .. سمعتييها ...

خرجات و خلاتو كايشوف ...

ايرتان : خاصني السودانية .. منين بغات تعنقني نعنقها و نسكت مالي طمااع.. ههه شوف كيف ردات هاد الكوزينة هههه اكيد جهينة مايمكنش ماديرش الروينة و حتى قلبي و عقلي ماسلموش منها ..

منين خرجات جهينة كاتسب .. تساطحت مع اشرف برا .. شاف حالتها عامرة صوص و سكر و مغوبشة و ضحك و قال ؛

اشرف : اش هاد الحالة داايرة فراسك 😂

جهينة : حيد من قدامي .. انت لي بقييتي ليااا ... 😤

ضربات فيه و مشاات طلعاات .. دخلات للبيت غسلات وجهها و يديها و تكاات ... و هي تفكر بلي خاصها تغسل حوايجها ... ناضت ولكن مالقاتهمش .. و قالت : اووف شكوون هز دووك الحوايج .. ياكما حاطة فيهم شي وراق ولا شي حاجة مهمة لا تمشي .. *شهقات * اوييلي تييست الحمل 😨

جهينة : ناااري اشنو غانديير ... الى مشا حتى طااح فيد ايرتان و لا شي حد من الدرااري غاانمشي فييها .. ااه .. الخداامات .. نمشي نشووف الخداامات ..

خرجات كاتسلت ... هبطات للتحت و دارت للجهة الاخرى ... كان ايرتان و آيدين فالمكتب .. دازت قدامهم كاتجري و كاتبان فحالة مريبة ...

ايرتان : مال هاذي ..

آيدين : نوض نمشيو عندها و نيت جات فوقتها انا غانهضر معاها ..

ناضو ب2 تبعوها .. لقاوها واقفة مع خدامة كاتسولها ..

جهينة بالتركية : فين هي القبية الغري لي كنت حاطاها فالبيت ..

جاوباتها : ماشي انا لي مكلفة بداك البيت ا انسة ..

جهينة : شوفي ليا شكوون لي مكلفة بييه . و ضرووووي تجيبيه لبا دغية دغية ..

وقف عليها ايرتان و ايدين ... غير شافتو خرجو عينيها و بدات تطرطق يديها و ترعد و تبعد عينيها عليه .. فهمها طااايرة بلي شي حاجة كاتخبيها عليه .. مابغاش يبين باش يحصلها .. قال :

ايرتان : اش خرجك هنا ..

جهينة : ااا ... بغيت غير نتمشا..

ايرتان بتشكييك : امم .. مهم بغيت نعرفك ... هذا بابا ..

جهينة خرجو عينيها و بدات تشوف فيه و لكن هو كايبادلها بنظرة ملاطفة ..

ايرتان بالتركية : بابا لي مربيني .. و خييرو عليا سابق.. كانحاترمو و نقدرو اكتر من هاداك لي والدني .. آيدين *****

جهينة مدات يدها و باقي كايملكها التوتر ... تبسمات شوية و قلت ..

جهينة : متشرفين اسيدي .. انا جهينة الطاهري ..

ايرتان : هضري بالتركية ...

جهينة شافت فيه باستغراب و رجعات ترجمات هضرتها و جاوبها بابتسامة ...

آيدين : كانعرفك مزيااان ابنتي ... هذا عاود ليا عليك اكتر ماتصوري .. بغيت نتعارفو اكتر اش بان ليك ..

جهينة : اا.. واخا .. ولكن ممكن نمشي غير ..

جرها معنقها من كتافها : لا .. عندي بزاااف ديال الكلاام بغيت ندردشو مع مرات والدي ...

جرها بالزز منها و حشمت تقول ليه لا .. ايرتان بقا لور كايشوف فيهم ... حتى بعدو و مشا تبع ديك الخدامة ...

دخل للمكان المخصص للغسيل .. عيط ليها و جات عندو ..

ايرتان : الانسة شنو بغات منك ..

الخادمودة : بغاتني نعطيها قبية ديالها ... لقيتها هنا و انا غانديها ليها ...

ايرتان : صافي عطيها ليا انا غانديها ليها ...

مداتها ليه .. هزها شاف فيها و كمشها فيديه و طلع لبيت آخر حدا اابيت ليجالسة فيه هي ... سد الباب و هزها شمها .. كانت فيها ريحتها لي عطاها ليها .. كانت دارتها و لصقات فالقبية ..

ايرتان : ههه باقية عندها العفرييتة .. و دايرة ليا عزة نفسي ... علاااش بغات القبية زعما ... تمون مخبية فيها شي حاجة ..

خشا يدو فالجيب الاول .. لقا شوكلاط ..

ايرتان : هادشي علاش فاضحانا ؟ خشا يدو فالجيب لاخر و مالقا وااالو ... مالكم تعصبتو ؟... ماتعصبوووش 😂 .. لقاه و جبدو هزو بيدو حدا غينيه كايحقق فيه ..

ايرتان : شنو هذا ؟ usb ? *حل الغلاقة و شاف شيفرة * هذا ماشي يوسبي ...

حك مؤخر راسو كايشوف و يفكر و يحلل ... شاف الخطين و مافهموووش .. و فكر علاش زعما جهينة ماغاتبغيييهش يشوفو و نااض هبط غند الدراري يخممو معاه ..

عند جهينة ... لي جلسو فالحريدة .. دار رجل على رجل و جلسعا فجنبو كايضحك معاها

آيدين : كيف قالط ايرتان انا باه .. ماشي لي ولدتو و لكن توليت تربيتو قبل مايكمل 16 العام ... كان ولد موضر و تايه .. فيه واحد الطاقة خطيييرة و كان خاصني نروضها .. و الحمد الله عمرو خيب ظني ... انا لي دخلتو لهاد العالم ... انت كايبان ليك بلي هو انسان قتال و مجرم ..

جهينة : هو راه نيت قتال و مجرم ..

ايدين : واخا انا غانسولك و جاوبيني ..

الصباح منين هزيتي السلاح على هذاك الشخص ... واش هتذشي كايجعاك مجرمة ..

جهينة : ا اكيد لا .. انا كنت كاندافع على راسي ..

آيدين : مزيان ... و الى كنتي عارفة بلي عندك واحد الشخص ضعيف و خاصك تحميه ..و ماكاينة حتى طريقة تدافعي عليه بيها من غير القتل واش كنتي غاديريها ..

جهينة :ا ااا الى كان شخص شرير و كايستاهل .. اكيد غانديرها على قبل الشخص الضعيف..

ايرتان : اذا هانتي جاوبتي راسك هادشي بالظبك لي كايدير ايرتان ... هو عضو من منظمة هذفها نبيل و هو حماية الضعفاء .. كايدير خدمة لي ماقدروش يديروها البوليس و رجال الامن تحت القانون ... كايدخل بين العصابات ماخفي و كايخلل النظام ديالهم و كايفشل خططهم .. بحال الدراري .. هو ماشي مجرم شرير و مامزيانش .. و داكشي لي وقع الصباح كان غير اختبار ليك و لواش انت اهل للتقة باش تعرفي هادشي .. و اتبتي ليا بلي انت نيت تستاهلي تكون مرات شفااك كووردو ..

جلس ايرتان بين الدراري و حط التيست قدام الظراري فوق الطابلة ..

ايرتان : شي واحد فيكم يشرح ليا .. شنو هو هاد الحرراام ..

كلهم شافو فيه .. و هو ينقز فؤاد ورى الفوتوي للارض كايغوت بحال الى شاف شبح

فؤاد : حيدو من قدااامي .. غيير كانشووفو كاتجييني التبووورييشة

ايرتان : علااش .. شنو هو ؟

فؤاد وقف كايهضر و مخرج عينيه بحال الى كايعاود قصة رعب: هذا كايفتح علييك ابوااااب جهنم .. هذاا شي وحدين كايموووتو باش يشووفوه و شي وحدييين الى شااافوووه كااايموووتو ..

ايرتان شاف فالدراري : اش كايخرى عليا هذا ...

عز : هههه عندو سوابق ماتديش عليه ...منيين جبتيه بعدا ... *هزو اشرف كايشوف*

ايرتان : لقيتو غند جههينة ... *الدراري خرجو عينيهم*

اشرف: 2 شرطات يعني النتيجة ايجابية .. *شهق* واااايليي .. 😍😍😍😍

ايرتان : فهموني الق**** شنو هادشي ..

عز : واش ماعندك حتى فكرة اش واااقع اصاحبي .. راه جهينة يمكن ...

ايرتان : جهينة شنووو .. هضااار ..

فؤاد : واااا حاااملة الخرىىىى ...

ايرتان تسمعات فودنو طااااان .. ماعرف باش تبلى ... كولشي توقف عندو ... بقا كايشوف فعز بدون حراااك .. مافهم والو ... كيف وقع .. اخر حاجة كان كاينتاظر يسمعها هو هاد الخبر .. تصدم و ماتحركش ... حركو عز كايضحك و قال ليه ..

عز : هههه امالك اصاحبي ... مامتيقش ؟.. الشافاك كوردو غايدير التريكة هههه هادي عمرها كانت على البال ..

فؤاد : ههههه من عذرو يتربط ليه الفم ... كان بغي ترجع ليه ساعة جات و جايبة معااها ..

اشرف : انا بغييبت نمشي نشوووفها 😍😍😍 *ناض دايز * بغيييت نبااارك ليها انا الاول .. حيدووووو

شدو ايرتان من قفاه و رجعو و هو فنفس الصدمة .. شاف فالدراري و قال ..

ايرتان بصدمة: واش ...حاملة بولدي .. داكشي ديالي انا ... زعما انا السبب .. انا وجهينة .. غانولدو من هنا لشهووور ... *بدا يتبسم* انا غانولي اب ؟ ..جهينة غاتولد ليا ... واش هادشي حقيقي .. واش هاد التحليل حقيقي .. ماشي كذووووب ..

عز : هههه هاادشي حقيييقي .. خاصك تسولها و تتبت اليقين و تشوف واش ديالها هي نيت .. و كانتمنى يكون ديالها و تجمعو شملكم دغيا انا مليت من مزاجيتك ...

ايرتان ضحك : جهينة.. حاملة ... *جمعها شوية بشوية* ولكن علاش ماقالت ليا والو ...

كولشي الدراري بداو يشوفو فبعضهم ..

ايرتان بدا يغضب شيئا فشيئا : علاش سكتات و لحد دابا ماقالت وااالو .. *وقف كايخنزر* اكيييد كااانت باااغية تخبي عللليااا ...

اشرف : اكييد لا .. علاش كاتسبق الاموور ..

عز : ماتظلمهاش .. هضر معاها و عطيها فرصة .. ماديرش كيف دارت هي ..

ايرتان هزو و مشا كايقلب عليها و نظرتو كاتحمل غير الشك و الغضب ...

جهينة كانت مع ايدين ... قدر يقنععها ... و مادام داكشي لي دار كان هذفو نبيل ارتاحت ... قدر يخليها تشزف الامور من منحى اخر ... فرحات و ماقداتها فرحة ... دابا ماكاينش سبب يمنعها تكووون معاه .. و لكن باقي التخوف من المخاطر لي ممكن يتعرضو ليها ... و مشكلة حملها .. كيفاش غاتقولها ليه و اشنو غاتكون ردة فعلو ...

آيدين : دابا منين فهمتي شنو كاين .. كانظن مابقا لاش تبقاي واحدة موقف منو .. ايرتان عمرو قرب لشي امراة و لا بعا شي وحدة .. هو انسان ماعنددوش خبرة التعامل مع النساء و لكن كايتبع حدسو بزاااف ... حدسو جرو ليك و فالاخير ماندمش حيت عارف راسو اختار انسب بنت ليه ... كان فحالة خايبة فهاد الشهر لي فات .. ايرتان لي عمرو شرب ...شرب باش ينسى ..

جهينة : لهاد الدرجة ..

ايدين : اه .. مهم لي فات فات .. حنا ولاد اليوم .. اااه هاهو جااي ..

شافت فايرتان جاي عندهم .. ووقف ايدين ..

ايدين : هضرو مع بعضياتكم .. و حددو حتى موعد الزواج ديالك راه ماقادرش نصبر نشوف احفادي .. ههه

غمزها و مشا .. ربت فكتف ايرتان و مشا ..

دارت عند ايرتان ... نظرة خوف ... هي ماسمعاتش ليبه و جرحاااتو بكلاام صعيييب خرجااتو من حياتها بحال الى عمرو كااان ... ماعطاتوش فرصة ... و فوق هادشي خبااات علييه موضوع حملها .. ايرتان كاياخد الامور بجدية .. و بااااينة غايندمها على هادشي لي دااارت .. قاطع تفكيرها صوتو لي نبرتو زادت خوفاتها وقال :

ايرتان : عندك ماتقولي ليا ؟

هزات عينيها فيه كاتلعب بيديها بتوتر و كانشوف فيه بقلق.. لدرجة عيونها دمعو و قالت ...

جهينة : سمح ..ليا

جهينة حادرة عينيها و بتوتر قالت : س ..سمح ليا ... انا غلطت فحقك ... ماكانش عليا نزرب و نحكم عليك .. ماكانش عليا نخرجك من حياتي بلا ما نعطيك فرصة توضح ليا و نسمع ليك ... ماكانش عليا نتسرع و نجرحك بكلامي ..انا ندمت دابا ... قال ليا السي ايدين شنو خدمتك بالظبط ... انا فعلا ندمت .. سمح ليا ا ايرتان عاافك ..

ايرتان : هزي عينيك شوفي فيا ...

هزاتهم فيه ... حسات بحال الى تجمد ليها الدم وسط عروقها .. شوفتو قريبة لشوفة ديك المرة ... خلا قلبها يضرب و خافت ... خافت لا الغضب ديالو يبعدو عليها تاني و هي ماصدقت بلي غايتصالحو و يرجعو لبعضهم ...

ايرتان : انت عارفة كلامك كان قاسي ... و ماكانش خاصو يصدر منك انت بالذات .. نتقبلو من كلشي الا انت ...

جهينة بتلقائية شدات يدو : عارفة .. عارفة .. علاقتنا كانت اعمق من انني ندير داك ردة الفعل و نشك فيك ...و لكن حتى غموضك لعب دور .. انا كنت مهرسة و مكسورة ... داكشي لي وقع ماكانش ساهل .. حط راسك فبلاصتي ... سمح ليااا عااافاااك سمح ليا . كانواعدك عمري نعااود هاد الغلطة ..

ايرتان : انا مسامحك ... من شحااال هاذي مسامحك .. حيت عارف كيفاش كاتفكري ... و الغلط ماكانش منك غير انت حتى انا غلطت .. غوت عليك و مديت يدي علييك ... كان عليا نصبر و نهضر معاك بهداوة و مانتعصبش و لكن كلامك خرجني على طوعي .. حتى انا كانعتااذر ...

جهينة دمعات عينيها و عنقاتو : كااانبغيييك ...ماعارفاااش شنوو درت زويين باش نستاااهلك ...

غمض عينيه ايرتان ... توحش حضنها و لكن ماباادلهاااش ... رجعها قدامو ... شاف فيها و قال :

ايرتان : دابا عرفتي الامور الغامضة بحياتي ..من اليوم ... مابقينا نخبيو على بعضياتنا وااالو ... و لو تفصيل صغيير .. نبغي نعرف عليك كولشي و حتى انت مابقيت نخبي عليبك وااالو .. و ماغانساامحكش لا خبيتي عليا شي حاجة مزااال ..

جهينة حدرات عينيها .. تفكرات بلي مخبية عليه اهم حاجة ممكن توقع فحياتهم ب2 .. توترات و ماعرفات ماتدير ...

جهينة فنفسها : نااري اش غانقوول ليه .. حاملة و كنت مخبياها علييك و ماناوياش نقولها ليك و اللهتا غاتكون هي الاخرة بيناتنا .. و هو لي كان يظل يحلم بالنهار لي غايكون عندنا ولد ... الى سمح ليا على داك الكلام لي سبقلي و قلت .. هاذ الفعلة لي درت مستحييل يسمح لي عليها .. و انا ياله تصالحت معاه مابغيتش نرجع نبعد عليه .. عاوني ياربي شنو ندير ... صافي غادي نسكت و ندير راسي حتى انا ياله عرفت .. هذا الحل الوحييد باش مانخسروش تاني ..

ايرتان كايتسناها .. عرفها كاتفكر فالموضوع .. كايطلب الله تهز راسها و تقولها ... تجرأ و تقووولهاا ليه و ماااتخبييش تاني ... دابا ماعندهاش سبب لي يخليها تسكت ... قاطع تفكيرها و قال ..

ايرتان : مالك ؟ مخبية عليا شي حاجة ؟

جهينة عنقاتو من جديد و جاوبت مباشرة : لا ... مامخبية عليك والو ... (فنفسها : ياااربي مااايكشفنيييش )

غير سمعها ايرتان و شدد قبضتو و ظلامو عيينيه اكتر ... علاش خبات علييه ...علاااش سكتااات ...

دارها قدامو ... و شاف مباشرة فعينيها .. ردها كيف الشرويطة بين يديه و غيير كاتغزل ...

ايرتان بيأس و غضب شديد عطاها اخر فرصة : متأكدة ؟

جهينة هزاات راسها باه و باغية غير تفك من حصارو و تقلب كيفاش تدير شي تمتيلية من بعد .. تبين ليه ياله عرفات و هادشي كامل باش ماتخسروش ...

ايرتان هز راسو و قال : مزياان ... اجي ندخلو ...

مشا قدامها ... و هي تبعاتو كاتعض على شفايفها و من تصرفاتو حسات بشي حاجة ماشي هي هاديك ...

غير دخلو عند الدراري نااض اشرف شد يديها كايضورها بلطف و بفرحة و هي مافااهمة واالو ...

اشرف: جهااايناااتي حاااملة و غاااتجيييب لينا ديب صغير و لا دبدوبة صغييرة ... *شد حناكها مبعزهم* واش هادشي بالصح بالصح 😍😍 ...

جهينة بحال الى خوى عليها سطل ماء متلج ... ماعرفات اش هادشي كاتسمع .. منين عرف و كيفاش عرف .. كولشي دابا مجموعين حتى آيدين كايضحك و مااقااداه فرحة .. ماشافت غير فايرتان ... كان كايشوف قدامو بدون ملامح و ببرود ... هنا صافي مابقاتش قادرة تحمل هادشي و طاحت على طولها ...

شدها اشرف كايعيط اسمها.. كان اصلا باقي شاد فيها .. خداها من عندوا ايرتان و ناضو الدراري غاع وقفو ..

ايرتان : عيطو لشي دكتوور .. دااابااا ..

طلع بيها كابجري و ناض عز كايتاصل و البقية تبعوه يشوفو مابيها ...

خرج من عندها الطبيب ... و كانو كولشي واقفين برى كاينسناو ...

ايرتان بقلق ؛ واش هي بيخير ؟

الطبيب : اه .. الحمد الله المدام بيخير .. هي راه حاملة و خاصها الرااحة غير الظغط مرتافع شوية .. حاولو توفرو ليها جو الراحة ... و من الاحسن تشوف طبيبة نسائية تبع معاها ...حمد الله على سلامتها . ..

ايرتان : شكرا ...

مشا و رافقو عز ... و دخل ايرتان و البقية خلاوهم بوحدهم و نزلو ... حاسبن الجو مكهرب بيناتهم ...

دخل ايرتان لقاها حالا عينيها و متكية كاتشوف قدامها ... تقدم لعندها و نااضت جلساات ... كاتشوف فيه و القلق بادي عليها ...

دخل ايرتان .. و جلس فجنبها فالسرير .. و حط يدو على راسو ...

هي شافتو هكاااك عرفات ما بيه ... ناضت جلسات و قربات لجنبو .. حطات يدعا على كتفو بتردد و قالت :

جهينة : ا .. ايرتان ..

ايرتان : امتى عرفتي ؟

جهينة : غير البارح ... والله حتى غير البارح .. راه تيست باقي ف...

عطاه ليها و خداتو ...كاتشوف فيه ... هزات عينيها فيه و كاتبكي ...

ايرتان : كنتي ناوية تخبيه ؟

جهينة نكرات: ب..بطبيعة الحال لا ... انا كنت غانقول ليك منين نتأك...

لاح الفاز لي قدامو و وقف كايغوت : ماااتجرإيييش تكدبي فوجهيييي ..

زادت توترت .. و مازادت غير الطين بلة ... بدات كاتغبن و تكمشت فالسرير كاتبكي ..

ايرتان : قولي الصراااحة ... كنت معاااك علاااش مانطقتي وااالو ... واخا يكون غير شك صغيير كنتي تعلميني ماعندكش الحق تخبييي ..

جهينة : انا ... كنت خايفة ... تييق بياا .. قبل ماكنتش باغية نقووول ليك .. كانعتااارف ... و لكن قبل مانهضرو و قبل مانعرف الحقييقة كااملة ماكنتش باغية و لدي يكبر مع ..

سكتات و نطق هو : مع مجرم ياك ؟

ناضت عندو شدات فيه : قيل .. والله حتى قبل ... و لكن من بعد ...

ايرتان قاطعها : ولكن حتى من بعد ما عرفتي بقيتي ساااكتة .. عطيتك فرصة تتكلمي و لكن بقيييتي سااااكتة شرحي علاااش...

جهينة : كنت ... كنت خايفة تتقلق مني ... انا كنت ناوية نقول من بعد واللهتا كنت نااوية 😭😭

ايرتان : امتى بالظبط حتى تولدييه ؟ انا عودتك اجهينة تكوني صريحة معايا .. ماعنديش مع كترة التلوية ... شاكة فشي حاجة كاتخصنا ب2 .. جي عندي و قولي ليا اش كاااين ... حتى ولو كنتي كاتكرهيني حتى ولو ماعرفت شنووو كااان بيناتناااا ... ماتخبييش علياااا .. ماشييي من حقك .. ماشي من حقك نهاااااائياااا ... انا مقلق منك اجهينة ... ماتسنيتش منك هااادشي ... هادي لي مغانساامحكش عليييها ... فكرتي طيحيه ..

جهينة : لا .. كيفاااش طاح فبااالك ممكن ندييرها 😭

ايرتان : لي ممكن تفكر تخبي ولد على باه .. ممكن تقتلو و هو باقي ما خرج للدنيا ...

خرج و خلاها كاتشوف ... جلسات فالسرير مكمشة كاتبكي ..

جهينة : ناااري يا جهينة عمرك درتيها زيينة ... كيف غااانديرر داابا كيف غااانديير ... عندو الحق يغضب واش من نيتي كنت كانفكر نبعدو عليه و مايعرفش بلي عندو ولد ... كونت غانظلمهم ب2 .. ديما كايقولها .. عمري مافكرت بعقلي .. علاش ديما مشاعيري لي كاتحم فيا علاااش ... شنو ندير باااش نرضييه داابا شنوو 😭

هبط ايرتان ... كان خارج و جرو اشرف ..

اشرف : واش فاقت ..

ايرتان : ااه ...

اشرف : فين غادي .. اجي جلس معانا راه البوص مشوش عليكم ..

دخل ايرتان و جلس .. كلهم وجهو نظرهم ليه بقلق ..

السيد ايدين : شنو وقع بيناتكم ؟

ايرتان : خاصمت عليها ... كانت ناويا تربيه بلا بيا و بلا حتى ماتقول ليا ... عطييتها فرصة وكنت قداامها اكتر من مرة عمرها حلاتو و قالت ليا .. هي كانت عارفة من البارح و تيست كان معاها الوقت كامل .. بلاتي هي جات حااملة ... تعرضات لهادشي كااامل و هي حاااملة ... داك التنقاز و التحنقييز كووولشي و هي حااملة .. الخطف و الوييبل الكحل ...

آيديين : تهدن اولدي كون عرفنا هادشي اكييد ماكنااش غانعرضوها للخطر ..

بدا ايرتان كايتمشى لليمين و لليسار ... و كيدوز يدو على فموو ... كولشي فهاد اللقطة منيرفييه و معصبو .. تعرضها للخطر ... اهمالها و اهفاءها علييه الموضوع ..

عز : اجي جلس اصاحبي و برد .. واش كاين شي حد كايعرف راسو غايولي اب يبقى معصب هكا ؟ صافي الحمد الله هاهي معاك بيخير ... توضح سوء التفاهم بيناتكم و دابا غايجيكم ولد لي غايجمعكم .. اش باغي اكتر ..

ايرتان : انا كانقول ليكم كانت مخبية عليا الموضوووع من اصلو ... كانقولك عطييتها فىصة تهضر و ماقالتش .. كيفاش بغيتيني ندوزها ليهااا

ايدين : ايرتان ... غاتبقى هكا غانسيفطك لشي قنت حتى دير عقلك ... من الاحسن ليك تهدن و خود الامور بببساطة .. عاتبها شوية و سد الموضووع .. علااش كلتهلي الامور تخرج من يديييك .. تفكر بلي هي حاملة و ماخاصكش تظغط عليها ... جلس الارض ... دابا خاصك تفكر فزواجكم لي خاصو يدوز فاقرب وقت قبل مايظهر عليها الحمل ...

جلس ايرتان و دار رايدسو بين يديه .. كولشي كايبسط فيها و لكن بالنسبة ليه ... راها جرحاتو حتى اكتر منين نعتاتو بقتااال ... مايمكنش ليهم يفهمو شعووورو ...

بقات جهينة كاتغبن ... و وقفات مشات للحمام غسلات وجهها ...

جهينة : صااافي مااعلييش .. مالي مكبرة المزضوع هكااا ...عمرو قدر يتقلق مني ... قلبو كبيير و غايسمح ليا ... انا لي كانعرف لدلك قاسح الراس ...غابيا ولا بييك ...

خرجات من البيت و هبطات .. سمعات اصوات الدراري و قالت : حتى الدراري سبيتهم دااك النهااار .. يااخ على حشمة ... كانتفكر دااابا كانبغي نتخشى فالارض .. خاصني نعتاااذر منهم حتى هماا ... و لكن كيف غاندير مع داك الجلاخة ...

تقدمات على طرف رجليها .. طلات بنصف عينيها عليهم ...كانو غااع مجمووعين ... رجعاات لور و بدات تشير على فؤااد ... قشعها و بدا كيشير ليها بعينو .. فهم بللي بغاتو يجي عندها بلا مايبين .. ناض ووقف عندها ..

فؤاد : جهينة .. صافا .. عيانة بغيتي شي حاجة هاهو ايرتان جالس ..

جهينة : لا .. بغيتك غير نهضر معاك ..

فؤاد : مرحبا بغيي شي حاجة ؟

جهينة : انا اعتاذرت من الجلاخة و حتى انتوما خاصني نعتاذر منكم داك النهار فقدت السيطرة على راسي ..

فؤاد : ههه وكااان .. انا نسييت اصلا واش قلتي شي حاجة ..

جهينة عنقاتو و رجعت شافت فيه: شكرا اخويا .. والله الى توحشت جمااعتكم ..

فؤاد : ههه حتى حنا وامبرووك بعدا على قبل البايبي .. فرحتوونا ..

جهينة : ههه شكرا العقبة ليك ..

فؤاد : الله ينجيني 😂😂 اجي دخلي ..

جهينة : لا دخل انت .. و كلم ليا عز و بلا ماتعيق ..

فؤاد : هههههه واخا الالا ...

دخل فؤاد و نغز عز حداه ... وشوش ليه بلي بعاتو جهينة ..

ناض مستغرب ووقف عندها ..

عز : جهينة مالك واقفة هنا اجي دخلي ..

جهينة ؛ لا بغيت غير نعتاذر ليك على مابذر مني ديك المرة دابا عاد عرفت اشنو نواياكم نيت ..

عز : و على اش درتي راك مادرتي والو الحمقة .. اعتاذري من داك الحيوااان لي قالب علينا كمارتو .. شتي هاد الوقت كاامل انا لي كنت هااز ليكم هبالكم ب2 و عقلي على هادشي

جهينة عنقاتو بامتنان و رجعت شافت فيه: هههه الله يخليك لينا انت لي بعقلك انت لي كاتنفعني معااه .. دابا هو هاز من جيهتي نييت و ماعرفتش كيفاش ندير نتصالح معاه .. باش كاتنصحني ..

عز : اودي راه انت لي تنصحينا فهادشي ... هو بلا والو ماكايقدرش يخسر ليك .. يعني عطيه غير شوية الوقت يبرد و تلقايه حداك .. واخا هو راسو قاسح و صعب المرااس و لكن قلبو ابيض .. غير عرفي كيف ديري ليه .. و انت تباركالله غير كلمة رطبة منك كاتحليه حاال فمو .. وا هاذشي عمرو كان فتااريخ شافاك كوردو حتى شفناه معااك ..

جهينة : ههههههه واللهما سااحرة لييه ...

هز عز راسو كايضحك و هي تنغزو ينقص ..

جهينة : اويلي بغيتي تشوهنا 😂 سير عيط ليا لتشيم تشيم و عندااك يشوفك الجلاخة ..

عز : لا لا مانصحكش والله و يعيق بييك .. ياحتى يعلقو من جنابو و انت عاارفاه كايغيير منو ..

جهينة : ماغايعرفش راه دغيا .. حتى هزدو يستاهل نعتاذر منو هو اكتر واحد قريب ليا ضرت فيها ضورة ديال الزماان ..

عز : ههه واخا الالا ... اه و مبرووك الحمااالة ..استعدة لصداع الراس

جهينة : غا خلي دااك الجمل راغد 😂

مشا عز كايضحك .. دخل جلس و غمز اشرف .. ناض مافاهم والو ... خرج ياله غايقول جهينة بالجهد و هي تسد ليه فمو ..

جهينة : اسكت الويل .. غاتفضحنا ..

اشرف سكت و قال ليها : واش انت بخير .. ياكما كاتضرك شي حاجة ؟

جهينة : انا بييخير .. بغيت غير نقول يمح ليا اعشيري على داكشي لي درت ..

اشرف قلب وجهو : اه انا مقلق منك بزاااف لدرجة ماقادش نشوف وجهك ..

جهينة : عااارفة راسي زبلتها معاك و انت عشييري زعما ..

اشرف : وا شتي ماصدقتيييش

جهينة : وياله خليينا نتصالحو .. توحشت داك الحماق لي كنا نديرو و الماكلة لي كنا نسرطو احح كنتي مفوج عليا ..

اشرف : هههه حتا انا الحمقة .. واعديني عمرك تعاودي تقلبي علينا .. الى تخاصكتي مع الجلاخة قلبي عليه غير بووحدو ..

جهينة : هههه صااافي كانوااعدك 😂😂

تعانقت هي وياه كايضحكو ... جرها قدامو وقال ..

اشرف: اوى دابا غاتولي ام للذئب صغيير .. ماغايمكنش ليا نقدر نوصل ليك بسهولة و داك البغل غايكون ديما لاصق حدااك ..

جهينة : اودي ... الذئب الكبير معصب من جيهتي نييت ..موحالش يكون لاصق حدايا ...

اشرف: شكون؟ ايرتان ؟ دابا عاااد غايربط ليك الرجلين و اليدين و الله عمرو يحيد من حدااك ... و كون تشوفي فاش ماكانش اش كان داير ... اما التقليقة راك قاادة بشغالك مانخافش عليك .. *قرص حناكها* ويينو غاتولي ماامي ...

جهينة كانت كاتضحك حتى شهقااات و عينيها خارجين ...

دار اشرف ياله غايشنق عليه ايرتان تاني و هي توقف بيناتهم .. و اشرف بدا يضحك و يتخبى وراها ديما مسكين كايحصل ماعندو زهر

جهينة : واللهتا انا لي عيطت ليه ..

ايرتان : تصحابيني لمك ناعس على ودني لاش معيطة ليهم واحد واحد دايرة ليهم انوبة *داز اشرف سالت و عطله ايرتان دقة*

جهينة : غير كنت كانعتااذر .. والله العظييم ..

ايرتان : لاش هابطة انت اصلا من الفوق اش قالك الطبيب 😡

جهينة : قنطت بوحدي الفوق .. 😳

ايرتان : زيدي قداامي

زادت جهينة و دخلات عندهم .. شافها السيد آيدين ..

ايدين : اجي امرات ولدي .. اجي حدااايا ..

مشات لحدااه و جلسات و هو معنقها بالجنب و على وجهو ابتسامة فخر ...

ايدين : على ايديك انت .. غايتحقق واحد من احلامي ابنتي ... طلبي و تخيري ..و طلبااتك كوولها اوامر ...

ايرتان : بابا .. ماتفششهاش هاديك ماكايصلح معاها غير تخراج العينين .. 😤

ايدين : ديها فسوق راسك .. انا و مرات ولدي ماتدخلش بيناتنا ..

جهينة طلات على ايرتان بنصف عين و كاتهز حواجبها و تقلي ليه السم ...

جهينة : زعما ممكن نطلب لي بغييت اسيدي ..

ايدين : اشنو هاد سيدي ... انا كانقول ليك مرات ولدي و انت كاتقولي سيدي .. بابا .. عيطي ليا بابا ..

جهينة : وااخا اسيدي .. بغيت نقول ابابا ..

ايدين : ياله طلبي اش حب خااطرك ..

جهينة : انا ... بغيتكم غير ترجعوني لداري ... *كاتشوف فايرتان بنصف عين* خليت فيها شي امور مهمين و حتى تيمون و بومبا كلابي غايكونو جيعانين داابا ..

كووولشي ادراري تلاحو بالضحك اما ايرتان بغا يتفرغع كايلوح شي تخنزيرات كايتحلف ..

ايدين : هههههه يمكن ابنتي باقي ماعرفتي راسك فين ؟

جهينة : واش ديتوني لشي مدينة اخرى ؟

اشرف: وا المطنغة راك فتركيا 😂😂😂😂

جهينة : اوبلي على تركيا 😱 امتا وصلت ليها .. كيف درتو ليا ..

عز : جبناك فطيارة خاصة ههه هادشي كولو و كولشي كايهضر بالتركية و ماطاحش فبالك تكوني فتركيا ..

جهينة كاتخنزر فايرتان : على شي حد خلا ليا فيين نفكر 😤

دور ايرتان وجهو كاينفخ ..

جهينة : واشنو غاندير فيهم دابا .. غايرونو ليا الدنيا ..

اشرف: ماتخافيش راه جبتهوم راه سديت عليهم فواحد البيت و نسيتهم ... انا غانجيبهم ليك *ناض*

آيدين ؛ اوى اشنو كاتشهااي .. طلبي مني و انت مرتاحة و ماتهزي هم ...

جهينة : اكييد مغانحشمش .. انا مشهية داك التفاح المعسل ... و البقلااوة و غزل البنااات ...و شكلاااط باللوز ... شي غاااطووو كبيير من يد ايرتااان ..

ايرتان : عاودي اش بغييتي .. هاد الحلااوة كاملة باغية تااكليها ...😠

جهينة : اااه بابا ... بغيتو يعطيني بالتساااع و مايبقاااش حاضيني فالطلعة و النازلة راه كايقنطني .. قبايلة كان باغي يخرجني نجري نصف ساعة ...

ايرتان : على كون كنتي قايلة ليا بلي حاملة بولدي كنت غانقولها لك ؟

جهينة بدات تغبن من نيتها: شفتي عزيز عليه يخصر ليا المورال و يبقا يفكرني فالفقايص 😢

ايرتان بقا يشوف فيها دغيا قلباتها بكا.. عنقها ايدين كايربت فكتفها و كايقول ؛

ايدين : غانجيب لبنتي لي بغات .. بلا ماتقلقي و هاد الحيوان بان ليا غانسيفطو يعطيك التساع حتى تولدي بالسلامة ..

جهينة بينها و بينو : لا اويلي ماشي لدييك الدرجة ..

ضحك ايدين و عز لي كان حداهم و سمععها ..

اما ايرتان ماشي غير تفقص .. كون ما باه كون ناض شقلب الطابلة عليهم ..

ايدين : وااخا الالا مايكوون غيير خاط ك ابنتي ... شحال عندك دابا ..

جهينة : غايكون عندي شهر حسب حسابي انا ..

ايرتان : درتي التحاليل ؟

جهينة : لا مادرتهمش ..

ايرتان :مامشيتيش حتى عند شي طبيبة تفحص حالتك ؟

جهينة تخبات زرى ايدين و قالت لا ..

ايرتان : وا ياااله و كاتقولو ليا ماتعصبش ؟ 😤

ايدين : ماعليش مزياان نيت باش تمشي معاها .. اوى دابا خاصكم تفكرو ديرو العقد ديالكم ..

جهينة : العقد ؟

ايرتان كايخرج عينيه : مالك ؟ ماباغاش ؟

جهينة بدات كاتدور عينيها ..

ايدين : كانظن كاتفكري فماماك ياك ؟

جهينة هزات راسها بايجاب و قالت : هي عند بالها انا فالمغرب و ديك بنتها ديال شحال هادي ... و خدامة و نهار نشد كونجي غانجي عندها ... هي مريضة و الى عرفات هادشي ماغاتسمحش ليا و تقدر تمرض ..

ايرتان حدر عينيه باسف عارف موقفها خايب و عاارف علااقتها بماماها شحال قوية ...

نطق ايدين : ماعليش ابنتي .. كولشي غايكون بيخير خليها عليا .. انت غير فكري فصحتك ... و فالبيبي لي هازاه ... اولا ا ايرتان ..

شاف فيها ايرتان و قال : بطبيعة الحال ..

*دخل اشرف * طلق كلابها و هزاتهم كاتبوس فيهم و تلاعبهم ...

جهينة : توحشتو مااامي .. ااه ..

ايدين : ايرتان ... انا نبغيك تحبس الخدمة .. و تبقى غير مع جهينة ...

ايرتان : انا قادر نركز فيهم ب2 مكاين لا..

ايدين : كلمة وحدة ماكانبغيش نعاودها ..

اشرف كايوشوش لفؤاد : بان ليا نرجع لشروقتي و ندير معاها شي كرش باش يجلسني حداها و يعفي عليا من تمارة 😂

ايدين رجع لور و دار رجل فوق رجل و قال بغيظ : فلييفلة دياللك مساااهلاااش...

بداو الدراري كايضحكو و اشرف وحلات ليه الهضرة ..

اشرف: فليفلة ديالي 😨 انت جبتي خبارها ؟

ايدين : ديروها غير زينة ... غير فهاد الصباح لي انت جالس هنا كاتحتت .. فلتات للدراري و هربت ... و لحد دابا .. باقي ماعرفو يوصلو ليها .. حاااضية جنابها و قااافزة .. انا ماغانديرش ليها الاختبار .. غادووز للتدرييب نيشان حيت بغيتها معاكم فالفرييق ...

الدراري كاملين : اشنوووو 😵

جهينة طلقات كلابها و شافت فيهم : علامن كاتهضرو 😞

عز : هههه هذيك لي تناتفتي معااها اخر مرة جيتي عندنا ..

جهينة شافت فاشرف : على دييك اللفعة باقي كاتشوفها ..

ايرتان : و انت مال مك .. يضبر راسو 😠

جهينة : ماتقمعنيش .. اشرف خويا و انا كانهضر معاه لمصلاحتو ..

اشرف : ههه يخليلي لي تفكر لمصلاحتي .. ديك المرة راه وقع بيناتكم غير سووء تفاهم .. داكشي علااش

جهينة : اوى انا ماحملتهاااش ..

ايرتان : جهينة ... نوضي تهزي طلعي ..

جهينة : غانقنط .. خليني ... مالي جالسة فوق راسك ؟

وقف ايرتان و هي توقف ..مد يدو جبدها وراه غادي بيها و ضارت كاتشير ليهم و عيطات لكلابها و تبعوها .. و خلاوهم كايناقشو موضووع اشرااق ..

طلعها ايرتان دخلها للبيت ... و سد الباب وراهم ..

جهينة : اويلي حل سديتي على تيمون و بومبا ..

حل ايرتان الباب و دخلو ب2 كايعورجو ..

دخل ايرتان كايشوف فيها ... و هي تهز بومبا عنقاتو و بقات تبلق عينيها فيه ..

ايرتان : وا...واش .. فاتك الدوخة ..

جهينة عجبها الحال و لكن تصرفات عادي : حمد الله ..

ايرتان : واش كاتحسي بشي حاجة ..

جهينة : انا بييخير ..

ايرتان حك مؤخر راسو حيت ماعرف مايقول ليها .. ماكايجيش معااه هاد كترة اللطافة خاصو ديما يخرج عينيه .. شاف فخاضها عريانين و هو يقندش ..

ايرتان : آش هااد الللبس 😠

جهينة قفزت : شوووف اااه .. مامزيااانش تبقا تخلع فيااا هكا .. او رحمني راااه هااازا برهووشك .. و زااايدون من قبااايلة وانا قدااامك عااد باان لك 😤 ..

ايرتان سكت كايشوف مالقا بااش يجااوبها ...

مشا حل الماريو و جبد حوايجو .. لاحم على وجهها ..

ايرتان : لبسي داكشي ... حتى نجييب ليك ماتلبسي ..

جهينة : رجعنا تااني لهادشي ..

ايرتان جلس حداها : رجعنا و نصف ...

جهينة : تهزي لبسي ...

ناضت جهينة كاتخبط رجليها و دخلات للحمام و خبطاتو وهي كاتنفخ ..

هاز خنافرو للسماء يسحاب ليه غيير هو لي كايعرف يتعصب .. تانا غانتعصب علييه ياااله و لهلااا يحزر يماااه ... جلااخة لااخر ..

ايرتان هز تيمون : حضيتوها مزياان منين ماكنتش ااه ... كاتسمعو فيها كاتسب فيا .. اشنو ندير ليها ااه ...

طلقو ايرتان و تكا فبلاصاو يتصنت لعظامو ...

خرجات من الحمام و نطرات الباب حتى زدحاتو .. و قال ايرتان ...

ايرتان : اش قلت لمك على هاد زدييح البيبان...

وقفات فالقنت كاتشوف فيه و تخنزر ...

ايرتان : دوزي حطيها شوية .. ماكاتعيايش ..

جهينة : ماسوقكش ...

تكا و خلاها ..غاتعاند حتى تعيا و غدير لي قال ليها ... مشات للكوافوزة و هزات ريحتو .. رشاتها فيها و رشاتها فمعصميها و بركات تشم .. حتى قفزها ...

ايرتان : اش كاديري ..

جهينة : يحرق طباسلك خلعتيني واش باغيني نبلز بلا وقت .. 😤

ايرتان حبس الضحكة و قال ليها : اجي تكاي هنا .. مابغيتش نعودها ..

مشات جهينة لعندو و تكات حدااه ..

دار مرفقو على عينيه هكا كايدير لابغا يتصنت لعظامو .. ضارت لجيهتو و بقات تشوف فيه و تعض شفايفها ... و هي تقول ..

جهينة : ايرتان ؟

ايرتان ماجاوبش ..

جهينة : سبق ليك قلتي ليا لا بغيتي تقلقي تقلقي و لكن الماكلة ماتقلقيش عليها ..

ايرتان : ام

جهينة : اوى الماكلة كانحتاجوها باش نقوتو ذاتنا و العناق كانقوتو بيه نفسيتنا .. اذا حتى العناق داخل فالماكلة .. و بما ااني ماخاصنيش نفخ على الماكلة مانفخش على العناق .. و من هذادشي كولو .. عنقني ولكن غانبقاو مخاصمين ..

حيد يدو شاف فيها باستغراب و قال : عرفتي كنتي حمقة و زدتي حمااقيتي .. عقلك عاامر غيير بالحماق و شي هضوور انا واللهما عرفت دااك الراس عندك باش مصنووع ..

جهينة : و سد فمك و عنقنيي .. شحااال فيبك ديال الهضرة 😣

حل دراعو و تخشات كاتضحك و تمخشش فيه ... كمشات حوايجو و حشاتهم فنيفها كاتشم و هو كايشوف و يستغرب و عااجبو شنو كاديير ..هو برايسو موحشها و ماكرهش عمرها تحيد من جنبو ..

جهينة كاتشم فيه بطريقة ماشي طبيعية : اوووه ريحتك كاتحمقني ..

ايرتان : جهينة اش كاديري الحمقة ..

جهينة كاتطلع تشمو حتال عنقو و ترجع لكتافو و سدرو ...

ايرتان : هذااي راك كاتبوورشيني .. جهينة زاش تسطيتي ..

ماجاوباتوش بانت ليه ناضت و هو متبعها و متبع حماقها هزات التريكو القطني ديالو و هي تخشا وسطو و تمات كاتمخشش و هو كايضحك و فنفس الوقت كايقول : غيير قووولي لياا اش كاااديييري ..

طلات عليه من فتحة العنق غير بعينيها و قالت : هكاا احسن.. داكشي هنا مركز ...

ايرتان : ههه شنو لي مركز واش حمااقيتي هههه

جهينة : رييحتك المكلخ ...

ايرتان : ياك عمتي بيها عاد دابا .. شميها فيديك ضروري ديري ليا انا هاد الحالة .. ههه

جهينة : لا فيك انت احسن .. شتك ماعنقتينيش ..

حاوط عليها دراعيه ..

ايرتان : satisfied ? (هل انت راضية)

جهينة : A lot 😌 ( حاطة راسها على سدرو و مغمضة عينيها)

ايرتان : كاتعرفيي كيفاش تستافدي و تاخدي كولشي لمصلاحتك ...

جهينة : مزااال ماشفتي وااالو ..

ايرتان : اش باقي غاتوريني الالا ..شفت كولشي ..

جهينة : بما اننا كانهضرو على الاستغلال و المصااللح .. نوض تغعد بغيت كااايك كبير ..

ايرتان : اش بغيتي ؟

جهينة : غاتصااوب ليا كااايك كبييير راه مانسيتوووش .. ياااله نووض دااابا ..

ايرتان : جهينة ياله تكيت .. صبري حتال ...

جهينة ناضت و بدات تجرو من يدو .. حتى ناض و هبطات جاارااه .. كاتقول ليه شنو يدير فييه و هو ضارب جبهتو بيكف يدو ..

يتبع