قدري أن أحبك الجزء 21

جهينة : انا فايتة عاودت ليك بلي بابا مات قبل مانتولد و عشت غير مع ماما ... ماكنت عارفة والو على عائلة بابا و لا حتى منين و لا شكون ...و دابا ماما قالت ليا بلي .... (عاودت ليه كولشي )

ايرتان : اممم ... دابا رجع باش يعطيك حق باك ؟

جهينة : يمكن ... حسب داكشي لي فهمت من ماما ... و لكن انا ماعندي ماندير بيهم ... انا بغيتز يموت و يتفكر مزياان شنو دار فخوه .. اشنو دار فعائلة خوه ... دمر لينا حياتنا ... لا هو لا داك صاحبهم لاخر .. كانكرههم كانتمنى ربي ياخد فييهم الحق .. هما سبااب بابا مسكييين ..سرقو ليا طفووولتي معااه ... سرقو مني بااابااا ا اييرتااان ... كنت باااغياااه و محتاااجاه .. ماكنت نعس حتى نهضر معاه فخيالي... نلعب معاه فخيالي ... افتاقدت للحنان الاب و عمرني حسيت بيه معايا ... عمرني شديت يدو ... عمرني عنقتو و لا بست حنكو ... ماشفتو فتا مرحلة من حياااتي ا اييرتان ... حياتي كولها و انا مشوقة لييه ... و عمر هاد الشووق ماغايسااالي حيت عمرني غاانشوووفووو مزااال

عنقها ايرتان مزيرها لعندو و هو كلو اسف على حبيبتو و الالم لي كاتحس بييه... حاااس بييها و عااارف جرحها قدااش عمقوو ... عندو باه و لكن بحال الى ميت .. على الاقل هي راه باها مات و مخلي ذكرى زوينة فقلبها .. ماشي بحل ايرتان .. لي كايكرهو بل كايمقتو ...و كون ماحتارمش كونو بااه كون قتلو شحااال هادي و تهنا منو ... و لكن خسارة .. الد اعداءو .. بااه و من صلبو ...

ايرتان : ماعلييش ... باباك كان راجل مزياان و كان غايبغيك و كانظن كون كان معاك دابا ماكانش غايبغي يشوف هاد الدمييعات ... ماعلييش الى ماخديتيش حنان بااك ... فهاد الحياة مايمكنش ليك تملكي كولشي ... بغي الناس لي فجنبي و حمدي الله عليهم ...و الى بغيتي يتتخلصو دوك الكلاب لي دارو هادشي فباك ... غانريب داكشي فوق راسهم ..

جهبنة : مابغيتش ... حتى انني ماباغياش نشوف كمامرهم ... لا داك خوووه .. و لااا دااك صاحبو .. ربي غايخلصهم على قد نيتهم ... انا ماغاديش نكوون بحالهم .. و الى رجع دااك خو بابا لعندي ... غادي نسمعو السم لي غايقتلو لبقية حياتو ..

ايرتان : واخا الالا ... وا مسحي دمووعك دابا .. و نووضي تنعسي راه غدا عرسنا ...

جهينة : نسييتو غااع ..

ايرتان : دابا انت البعلوكة غاتولي مراتي و غادي نديرو الدراري ؟ ناري اشمن مصيبة بليت راسي بيها ياربي ..

جهينة شنقات عليها من عنقو كاتجر فيبه : مااالي كيبف جييتك ماشي ديال الزوااج .. باغي تمووت ؟

ايرتان : رخفي يديك المسخوطة غاتقتلي راجلك و تولي هجالة قبل حتى مانضربو الكاغط ...

جهينة : ههههه مزياان نيت غانوفر علياا واحد العناااء ..

ايرتان : اشمن عنااء فالعنااءاات .. بان عيبك المشعكة ..

جهينة : و شحاال من عيب بان حتال دابا ... فينما نقول شي حاجة .. تقولي بان عيبك .. على عيوبك انت مابانوش ..

ايرتان : انا بورفكت ابنتي .. مافيا حتى عيب ..

جهينة : فيبك غالاك ..

ايرتان: ياله اطريبيني ...

جهينة طلقاتو و بدات نحسب بصباعها : اوى اسيدي ... انت مشيكيك و موسوس ... قبييح ماكاتفاهمش .. ماكترضاااش... و راسك قاااسح اسيدي و فيك النفخة ... كنت فالاول كانقول الحمد الله هاد السيد ماشي عصبي و دمو باارد و نفسو طوييل .. و هادشي نيبت فييك .. و لكن منين كاتسطى و كاتخرج على طووعك .. كايوليو تصرفاتك خطر لدرجة القتل ... اويلي اسيدي كنتي غاتقجني انا .. انااا حبيبتك امسخووط الواليدين ..

ايرتان تنهد و شد فحناكها و قال : ماعارفش كيفاش درتها ... و لكن داكشي اكد ليا بلي فراقك هو لي عمري نقدر نديرو .. فاش حسيت براسي غانبعد عليك مابقيتش قادر نستوعب راسي و لا شنو كاندير ... كانواعدك عمرني نخلبك تشوفي داك الوجه مازال ..

جهينة : ماعلييش انا ماحقدتش علليك و تاايقة فييك ... من ديما كنتي الظهر الحامي ليا .. مايمكنش تجي من بعد و انت لي تآذيني .. و الى ربي ماعطانيش الاب ... فراه عطاني شخص فيه الاب و الاخ و الصديق و الزوج و كوولشي ... انت و ماما اغلى ماعندي فحياتي و كانتمنا ربي مايقدفرقنيش عليكم ...

عنقها ايرتان و باس حنكها ... رجعات شافت فبه و شاف فيها بعينين ضاحكين ...حتى شنق عليها و لكن بخفة و قال : انا لمك مشكاك و موسوس ... انا فيا النفخة ..

جهينة : اوييلي بالشوية عليا راني حاملة ... تامالك نخضتيني هههه

ايرتان : هههه ويلييتي رااشية و بلا صحة معامن غانلعب انا ...

جهينة : هههه بحرى تفرق مني شوية هاذاك ماشي لعب عندك تفلعييص ... ديما مفلعصني من شي قنت ..

ايرتان : اوى العمر طويل لا بغا الله .. باقي ماشفتي والو فالتفلعييص ..

جهبنة : ههههه اوى صافي .. غير نولد و نعاود نحمل مباشرة 😂😂

ايرتان : ههههههه و مالك قنية ...

ضحكات و للحظة سكتاات جهينة مبتاسمة و كاتشوف فيه ووجها باقي حمر و عينيها فازغين ...

شاف فيها ايرتان هز يديه على خدودها و قال : مالك ... ماتقوليش ليا غاترجعي تبكي تاني..

جهينة ؛ هههه لا ...كانشووف غير كيف كاتقدر تلفني و تنسيني همومي... انت راك دواء كايمشي على رجليه ..

ايرتان عنقها و بااس راسها و خلاها على سدرو .. حتى سمع صوتها قائل...

جهينة :تجي باقي ماقلتيش ليا ... بغيتي ولد و لا بنت ..

ايرتان : بغيتهم ب2 ..

جهينة : لاواه 10 ..

ايرتان : هههه و مالك تخلعتي ... بصراحة انا لي جاني مرحبا بيه مامحددش ..

جهينة : انا ماكرهتتهاش بنيتة ..

ايرتان : شي مشعكة بحال ماماها ..

جهينة : الله ينجيها .. بنتي غاتخرج احسن من ماماها ... فزين و الاخلاق و كولشي ..

ايرتان : و على مال ماماها خايبة .. ماماها راه الزين و الفنوون ..

جهينة : ماتقولش هكا قدام الناس غايسحاب لبهم سااحرة ليك ...😂😂😂

ايرتان : هههههه نوضي ترgدي ... انت راك مصيبة و صابتني ...

جهينة : هههه سير نعس انا غاندوز لاكوزينة نشرب ..

ايرتان : رجلي برجلك حتى طلعي ..

جهينة : اشتي قلت ليك موسوس ..

ايرتان : وا عاارف والديك غاتشربي الماء حتى هو بالسكر ...

جهينة : لا بصراحة بديتي كاتعصبني 😤.. واش غاتبقى حاضيني هكا... او رخفها شوية كلمة وحدة عطيتها ليك .. 😤

ايرتان : لا .. كلمة الموحمات مافيها تقة ..

ناضت جهينة معاه و طلعو ... دخلات للبيت عاد دخل هو ..

شافت فماماها لقاتها نعسات بالعياء ... حلات الباب عاوتاني غيير شوية طلات ...و هي تخرج كاتسلت نيشان للكوزينة ... قلبات على السكر .. لحسات فيه شوية و قالت باراكة على قبل البيبي و طلعات كاتمسح فمها فرحانة ...

و هي لقاه واقف داير يدو على جنبو .. و جرها من ودنها

ايرتان : شبعتي سنيدة لمك ...

جهينة : مابقييتش نعااود .. احمبااك راه ماكنبصرش ..

ايرتان : لحgي مك .. باقي نسمعك عتبيتيها نبات لوالديك فالعتبة ...

جعينة ؛ هههه صافي صافي .. تصبح على خيير ...

أصبح الصباح ... كولشي فايق ... و اكييد الدار عامرة بسباب التوجااد لحفل زفافهم لي غايتم فالجردة ...

دخلات ايناس عند جهينة و هازا الفطوور فيديها .. لقاتها مجبدة .. باقية ناعسة ..

ايناس: وا تيي نووضي ياا هاد الحمقة واش كاينة شي وحدة عندها العرس كاتصبح ناعسة ؟

جهينة : سيري تخراي .. بعدي مني ..

ايناس: اوييلي شوف الدرية ... نوضي تغعدي راه خاصك تدوشي و تلبسي الكسوة ديالك و تقادي ... راه التحت تاواحد ماجالس كولشي مشطون .. و لالة العروسة اخر من يعلم .. نوضي تفطري الكارتة ..

جعينة حلات نصف عين ؛ اشمن كسوة على انا غانلبس شي كسوة ..

ايناس: و مالك غاتهبطي تزوجي بالبيجامة ؟ نوضي تفطري بعدا ...

ناضت جهينة جلسات و مداات ليها البلاطو .. شربات من العصير و سرطاتو معوجة فمها ..

جهينة : اخخخ ... مسووس 😣

ايناس: اختي راجلك لي وجدو ليك ... و حلف عليا مانديرش ليك السكر ..

جهينة : الجلااخة تاابعني حتى ففطوووري ..

حطات الكاس و هزات من الاومليط و لكن ربحتو نفراتها .. عطات لايناس البلاطو و ناضت كاتجري للحمام ...

حطاتو ابناس و تبعاتها للحمام ..

ايناس: اناري اناري المسخووطة .. هاد الوحم غايفضحك ...

غسلات جهينة و شافت فيها .. : خاصني نرد البال ... نااري ادوخة قتلاتني ...

ايناس : اجي ارتاحي شوية ..

مشات جلسات فوق السرير و قالت : مدي ليا ديك الريحة ..

عطلتها ليها و رشات منها فيدها ..

ايناس: ريحة الرجال هاذي .. ناري كاتحمق ..

جهينة : ديال ايرتان .. غاسكتي الصاحبة ماشي جاني الوحم عليه ..

ايناس: اويل الشيطان 😂😂😂😂😂😂😂 لا صاافي كملتييها ..

جعينة : وا كانحمد الله و نشكرو غانتزوجو اليوم اما كورااه درت شي فضيحة اخرى .. نضور نضور و نتخشا فيه ... و فالليل تجيني لي ماتعلم 😂😂

ايناس: اويييلي حي على هبيييلة ... ياكما قلتيها ليه..

جهينة : اويلي تسيطيتي ... مالي حماقييت .. كانقول ليه كانتوحم على عناقك .. كايعنقني من نيتو مسكين و يدير ليا خاطري .. اما كون عرف راسي اش فيه كون جبد مع طاسيلتي😂😂😂

ايناس: ياختي و ال**** اش دايرة فييك .. حتى النهار لي وقع داكشي... انت لي مشيتي عندو لوالديييك .. كنا نخافو عليك منو ساعة انت لي بخبيزتك 😂

جهينة : ههههه سكتي سكتي المصيبة راك فكرتيني داابا نشعل تاني ...

دخلو عندها العيالات الباقين ... جمعو معاها و ناضو يلبسو و يتقادو ... و كلهم مخشيين معاها فالغرفة ... هي دوشات و خرجات لعندهم ... لبسات الغوب لي جابو ليها ... و دازو للشعر .. جلساتها ايناس قدام المراية و جبدات الدوزان ديالها ..

جهينة : شوفي فيا الماكياااج ...بيييييغ X ... ماغانديروش ..

ايناس" اويلي كاينة شي عروسة بلا مايكاب .. واش تبربقتي ..

حنان : عندها الحق .. خليها درق ديك الصفوورية .. وجهك كايبان عليه العيا ..

جهينة : واخا ... ولكن ماتكترييش ..

ايناس: تحنا غانشووفوو ..

زكية ؛ وا سربيو راه كايتسناو ... احنا غانزلو ..

جهينة ؛ واخا اماما ..

خرجو زكية و عالية و بقاو البنات ..

سرحات ليها حنان شعرها بالبريسة لي زااد بان طولو .. و واصل لمؤخرتها... و ايناس تكلفات بالماكياج ... دارت ليها غير بينك خفيف فوق العين مع ايلاينر و ماسكارا و وردات خدودها بلايت بينك .. و لون خوخي فالشفاه ...

حنان : ماشاء الله شعرك طواال .. اشنو تبغي ندير ليك فيه ..

جهينة : جمعييه... مايمكنش يبقى مطلووق هكا ..

حنان : اوكي ..

هزاتو ليها حنان الفوق .. و دارت ليها تويج صغيور فوق منو ... حلقات و لبساتةالكندرة ديالها و هاهي وجداات ..

ايناس: ما شااء الله .. كاتحمقي ..

جهينة : عطيني الفوقاني ديالو ..

حنان : بلااش .. خليك هكا ..

جهينة : اويلي اختي البرد .. *تحت سنانها: بغيتيه يعلقني .. كانكون معاه غير هو وكايبقا عليا نوضي تستري .. بقا غير هو و ترشمة ديال الرجال *

ايناس: هههه وا زيدي .. راه غايطلعو يهبطونا من شعوورنا ..

خرجو البنات من الغرفة لقاو ايرتان كايتسنى حتى هو فابهى حلة ليه و لكبيعة الحال كولشي كحل... وقف كايشوف مبتاسم .. فالزين لي عطاه الله و اكتر حاجة لفتاتو هي شعرها لي عمرو شافو مسرح و جاتو فشكل ..

تشادو حنان و ايناس و هبطو فحالهم كايفرنسو ...

شد ايرتان جهينة و قربها ليه .. و على خدها خلى قبلة و قال : جيتي غزااالة ..

جهينة : حتى انت جيتي كاتحمقك ..

ايرتان و يدو محاوطة خصرها و مقرب وجهو لعندها: كانحمق غااع 😜

جهينة : حيد من البساالة .. و زيد خلينا نهبطو 😋 ..

شد فيها و ابتسامة على وجههو موجهة ليها .. و هبطو للتحت و خرجو للجردة .. لقاوهم مزينينها و الحلويات باشكال و انواع و مقبلات و مرافقات و انواع الاعاصير كولشي محطووط ... طابلة عريضة جالس فيها العذول ... تقدمو تحت تصفيقات الكل و جلسو فاماكنهم ... جلس خالها و آيدين كشهوود و تزوجو بالطريقة التركية (للاشارة فقط ايرتان عندو حتى الجنسية التركية ) و هكا ولات مدام جهينة التازي ..

سلاو الامضاء على العقد و هما فرحانين و سط احباءها .. مانساتش تتقب ليه رجلو بطالونها و حلف عليها لا بقات فيها .. و هي فرحانة بإنجازها ...

نتصو كايسلمو على الناس الكبار .. عنقات جهينة امها لي بكاات بالفرحة ... كولشي بارك ليهم و عنقووهم باحر التهاااني ...

كانت واقفة مع الدراري و ايرتان معاهم ... حتى سولات ..

جهينة : فين اشرف ..عاد كان هنا ..

ايرتان : مشا يهبط المصعوورة دياالو ..

جهينة : اشمن مصعوورة .. اويلي واش جاابها ..

عز : ااه ..نجحو يخطفوها هاد المرة ...ههه فرصة نييت تصلحو سوء الفهم لي بينلتكم ..

جهينة : ماكاين لا سوء فهم لا والو .. ديك السيدة ماشي ديال المفاهمة 😤..

ايرتان : بلاش ماتفاهمو كل وحدة تشد تيقارها .. والله يامك و تبداي تناتفي و لا ديري شي حاجة مايفكني معاك غير لي خلقك ..

جهينة : صافي صافي .. س.. سمح لي انا جايا ..

طلقات منو و خلاتو مع الدراري ..

مشات للطابلة و ماتطل عليه .. و تسرق اي حاجة حلوة و تخشي في فمها .. حتى وقفات عليها ايناس كاتندب ..

ايناس: اويلي على بنت المصعوورة .. تي ريحي .. غاتفضحينا ..

جهينة و فمها عامر : خبيني خبيني .. اليوم ماكلينش الحلاوة .. داك الجلاخة حابسها عليا . و من اليوم غاتولي القضية صعيبة حيت غايبقا عند راسي كاع الوقت .. ناري مك هادشي بنين .. لدرجة عيني كايدمعو .. امممم ..

ايناس: صافي باركاة عليك زيدي قدامي راه والله و تشوفك مك هكا .. ياحتا تقلعك فالبلاصة ..

جهينة : حضي معايا ...المييمة لادرت شي حاجة نغزيني ..

ابناس: وا هي لا حبستي زيدي قدامي ...

مسحات جهينة فمها .. و مشات عند الدراري تاني حدا ايرتان و هو يتم جاي تشرف كايجر اشراق و هي لاااينة طاالعة ليها القردة و شاعلاها مع اشرف ... حتى وقفو على الدراري ..

اشرف : و يااله .. راه قلت ليك ... اشنو كاين ..

اشراق : مبروك علييكم ...

ايرتان : الله يبارك فيك .. *نغز جهينة*

جهينة قالبة وجهها : الله يبارك فييك ... 😒

اشرف : واشتي ... هانتي دخلتي للقفص الجوجي .. فرحانة دابا ..

جهينة : ااه فرحااانة ... كيتك انت لي باقي ..

ايرتان سد فمها و داها ..

اشراق وقفات كاتغدد و تفقص ... و اشرف حداها كايبرد فيها ..

اشراق : حيد لهيه ... شنو كانت باغية تقوول ..انا جيت نحزرها .. حيت انا لي فلطت و فهمت غلط و لكن بايتة عاجبها راسها و كاتحقد .. و زايدون حيد يدك عليا انا ماغانساش عاد الخلعة لي جبتيني بيها للهما .. شنو فيها كون ديتيني من الاول ... ولايني كارتة معاك ...

اشرف : هههه وصافي احبيبة من البارح وانا كانطلب السماحة .. و زايدون .. جهينة ضريفة و قلبها حلييب .. راه غير ماطلبنيش منها السماحة داكشي علااش باقية قالبة وجهها .. تنازلي واعتاذري منها..

اشرااق : و كاتداافع عليها .. واخا *دخلات و تبعها كايجري *

الدراري بقاو ميتين عليه بالضحك .. حيت غاتحمقوو مافيهاش ...

ايرتان : و لااايني كرييتة معااك انت ...

جعينة : مادرت والو .. علاش جريتيني .. 😤

ايرتان : ديري عقلك ... و لا غانتفاهم معاك بطريقتي ..

جهينة ؛ صافي مادرت والو راك غير كاتظلمني ..

ايرتان : دخلي لحgي مك ... اصلا لبسك خفييف و غايضربك البرد ..

جهينة : هاهي...

مشات كاتنفخ و ايرتان رجع للدراري ..

داز النهار هكا و كلهم فرحانين بيهم ...

جهينة بغا آيدين يسيفطهم يدوزو شهر عسل و لكن ايرتان اصر انهم يأجلووه ... واخا دارت لييه فضيحة و لكن ماعندها مادير ... عوضا عن ذلك حجز ليهم فاوطيل راقي يدوزو ياخدو راحتهم اكتر ... و لكن ايرتان فهم باه بيناتهم بلي مابغاش الاوطيل و اكيد تفهم آيدين حيت عارف ايرتان كيف داير ...

وقفو كايودعوهم فالباب ... عنقات مها بل شاانقة عليها .. كاتبكي ماشي على داك السبب ديال البنات كاملين .. و لا حيت ماماها غادي تمشي هي وعائلتها غذا ...كاتبكي حيت مابغاش يوافق يسافرو... و النهار كلو و هو يحيد ليها الحلوى ... و الهورمونات قضااو علييها ..

سلمات على صحابها و الدراري ... و حتى اشراق غير من فوق للفوق ... و ركبو فالسيارة و زاادو مع الطرييق ..

دارت كاتشوف فيهم من اللور واقفين كايشيرو ليهم و هي دوور لايرتان ..

جهينة كاتغبن: فرحااان دااابا .. بعدتيني على عااائلتي الحgااار .. 😭😭

ايرتان : هههه على اساس كنتي سااكنة معاهم .. لريتك انت رااه عارف اش بييك .. راك دوزيها على مك و مادوزيهااش عليا .. السفر هو لي ماغانسافروهش دابا... على الاقل حتى يتبت حملك ..

جهينة : الله يعطييك شي مصييبة تهنيني من قسوحية رااسك 😭😭

ايرتان : وا الى كان على المصيبة .. راه صاابتني و على شكل مرأة كاتوحم .. وا ماتبقايش تدعي راه دعوات الحامل مستجابة .. بغيتي راجلك يمشي فيها مغمض .. ههههه

غاظها بضحكو و استفزازو ليها ... و هي تقلبها خبيط و تضرب كتفو و تعاير فيه ..

ايرتان كايحاول يوقفها : هههه رصااي راه غانشقلبها بوااالدييك ..

جهينة : غير بلاتي .. داك الوعد لي عطيت قبايلة باش نبقى معاك فالسراء و الضراء و الصحة و المرض غانطبقو على والديك دااابا .. بلاتي نستفرد بييك ...

ايرتان : هههه اش غاديري ليا .. *كايطنز* اناا خااايف 😂😂😂😂

جهينة : غادي نجبد لييك مصاارنك و نلعب بيهم حبل قدام عيينيك ... و ماغانخلييكش تموووت حتى ندير فيك مابغييت 😤

ايرتان: ولايني راني مزوج ببسايكوا و ماجايب للدنيا خباار ... 😂😂

جهينة : ماعرفت شكون لي بسااايكو فينا ... فين غاديين دابا ... واش الاوطيل باقي بعييد ؟

ايرتان : مااالك .. عييتي ؟

جهينة : بزاااف ... بغيت غير امتى نوصلو ...

ضحك ايرتان و زاد فالسرعة ...

وقفو قدام الدار و بقات كاتشوف ...

ايرتان : ياله المدام ... مابقيتيش عيانة ؟

جهينة: هذا هو الاوطيل ... كاتسطى عليا ؟ 😤

ايرتان : الحب ديااالي ... راك كاتعرفيني .. ماغانزيدش نقول و نشرح ليك .. ياله هبطي فحالك ...

هبطات جهينة من السيارة معوجة فمها...هز سيكانهم و حل الباب .. دخلات جهينة وسد الباب و رااه ...

جهينة : فيا الجووع ... سير سبقني نطيب شي حاجة و نتبعك ..

ايرتان : طلعي ... غانطيب و نجيب حتال عندك .. كاتسرطي و ماتعقلي ..

جهينة : ماعرفتش داكشي فين كايمشي ... دغيا كانهضم ..

دخل ايرتان للكوزينة كايضحك و هي وراه ... جلسات و هو حيد الفيست ... و بدا يجبد و هي كاتشوف فيه و يدها على خدها و هايمة فشكلو و فشخصيتو ... الدار دافية .. حيدات المونطو ديالها و حتى الفوقاني .. و طلقات داك السالف ... مغطي ظهرها .. سرحات فخيالها و فهاد الليلة كيفاش غاتكمل .. و اخيرا غاتنعس فحضنو بلا مايجري عليها و لا يقوليها هداي و لا حبسي ... هي انسان قبل ماتكون انتى و كل انسان عندو ضرورات و عندو رغباات .. و هي رغبتها فمحبوبها ماخرجات على طوعها و على سيطرتها الا بسبب الحمل و الوحم ... دار يسولها .. لقاها طالقة شعرها و كاشفة على سدرها (بسبب الغوب )رجعات ديك الصورة ديال جهينة المرأة الناضجة لي كانت تطبعات فمخيلتو من النهار لي شاف رقصها المغري - بالنسبة ليه -... كانت حاطة يدها على خدها و سارحة و بابتسامة على وجهها ... حتى هو سرح فيها و فمنظرها لبرهة و قال :

ايرتان : حبيبة ... جهيينة .. فين سرحتي ..

فيقها صوتو و شافت فيه : نعاام اش بغيتي ..

ايرتان : احم ... بغيت غير نسواك .. واش بغيتي سلطة الطون ..

ناضت جهينة لعندو ووقفات حداه كاتطل على شنو كايدير ..

و مشات عينو كاتفحص جسمها لي ترسم وسط ديك الغوب و لكن شعرها خدا ليه عقلو و رسم على وجهو الانبهار بيها ..

خشا صباعو وسط خصلاتو و هبط بيهم كايجري حتال لآخره قائل : تبااااركالله ... هذا شعرك و لا زدتيبه ..

جهينة شداتو رجعات للقدام : شعري غااالااك ...

ايرتان : و لكن ماكانش فايت ...*شحطها التحت* هادي ..

شداتها جهينة و شافت فيه مصطنعة الحشمة و التفاجئ ...

جهينة : م..ماكاتحشمش ... 😳

ايرتان : ههه علاش نحشم .. راك وليتي مرااتي ..

ضارت جهينة كاتصايب شعرها و بتلبك و قالت : راه .. تتسرح ... داكشي علاش زااد طولو ..

ضحك ايرتان و بقا يشوف فيها ... حسات بنظراتو كاتختارقها و بدات كايدخل معاها المعقول .. كيفما كان الحال راه هادي خطوة مهمة و جدية فعالاقتهم ... و تجربة جديدة غايخووضوها ب2 ...

بقات واقفة تالفة حداه .. من جهة متحمسة و حابسة راسها طير عليه هي الاولى (الوحم)و من جهة حشمانة و ماعارفة ماتسبق و لا توخر و لا شنو ديير ... اما عقل السي السلطان غايتفرغع ... فرحان بلي ملك محبوبتو و اخيرا خدات اسمو ... واقفة حداه بادي عليها التوتر و عاارف فاش كاتغكر.. ااشي لي ماخافيش عليه حتى هو .. قاري على العلاقات الجنسية و عارف اشنو خاصو يدير و شنو لا ... قرى على جسم المرأة و كيفاش خاص يتعامل معاه ... هذا هو ايرتان الفضولي .. كولشي كتوبو ماهي غير لااستفادة بحال الى من ديما كان كايوجد لاي ظرف غاتحطو فيه الحياة ...

حط الاطباق و جرها جلسات فجنبو ...

ايرتان : ياله الالا .. عمري ليا الكريشة ..

خدات الفورشيط و بدات تاكل و هو تاهو ...

بدات جهينة كاتحس بمؤخرتها ماشي هي هاديك و كاتاكلها بالحكة .. بدات تشطح غير بالريط و بلا ماتعيق قدام ايرتان ... شافها حبسات و ما هياش على برجها و سولها ..

ايرتان : مالط ... ماعجبكش ؟

جهيتة : لا . اويلي طيابك هو لي عمري نشبع منو ..

ايرتان : و كملي طبسيلك ...

رجعات تكمل و الحكة عاد مازايدة فيه .. حيدات طالون و هي تجلس على رجلها تانياها.. باش تحركها و شوية تبعد الحكة...

ايرتان رجع سولها : ماالك .. شفتك مامرتاحاش ؟

جهينة : اه .. لا والو ... انا باراكة عليا غانوض نطلع ... خلي الماعن انا غانغسلهم من بعد ...

ايرتان : غير طلعي .. نغسلهم و نتبعك ..

طلعات جهينة و هازا طالونها فيديها .. غير دخلات و هي تجلس تشطح و كاتحبس راسها بالزز باش ماتحكش بيديها ...

جهينة : اوووف اش هاااد الكارتة يااربي ... تهدني ... تهدني ... خاصك تبقاي طبيعية .. هاد الليلة مهمة .. خاصك تكوني متبتة و مرزنة و حبسي التبرهيش شوية ... الله ياربي الله مال هاد الترمة كاتاكلني ... غانبقى نشطح هكا قداامو.. ندخل نبردها بالماء احسن .. حيدات الغوب ديالها و بقات بالshapewear لي تحت منو ...



... دخلات للحمام قضات حاجتها و توضات ... رجعات الشايبوير كيف كان و شافت فالمراية و قادت شعرها و حالتها ..

جهينة : اووف ... دابا مزيان ... الله يدوز هاد الييلة بيخير .. هاد المرة ماحناش مبوقيين ... كيف غاندير قدامو ... صافي صافي .. كيف درتها المرة الاولى نديرها تاني ...

تنهدات و خرجات ... لقاتو كايحيد القاميجة ديالو ... شاف فيها و خرجو عينيه .. لبسها لاصق عليها .. و فالبااج من الفوق .. حكات راسها بالسبابة .. انعكاسا لشعورها بالخجل قدامو .. و من نظراتو .. تقدم لعندها بنظرات محبة جذبها لعندو ... و لوى يدو على خصرها و حطات يديها على سدرو العاري بخجل .. كولشي ديك الجبهة طارت ...

ايرتان كايشوف فوجها و هي حادرة عينيها و هو كايحاول يوصل ليهم و يغيظهم : هههه هاد الزين فين كان مخبي ...

جهينة تبسمات و حافظت على حالتها ... جذبها كتر لعندو حتى تلاصقت معاه .. هز عينيها لعندو و قال ..

ايرتان : ماكيعجبنيش نهضر معاك و تبعدي عينيك عليا ..

جهينة هززات راسها بعينين مبتاسمين .. ابتاسم و خشا وجهو فعنقها بعد قبلة قال بهمس..

ايرتان : فالضو و لا الظلاام ..

جهينة طلع معاها الضو .. عضات على شفايفها شادا راسها تصدر شي صوت يشووفها .. حسات بيه مستامر فالقبل فديك الجهة و هي كاتكمش وسط يديه بالحشمة ...

شاف فيها بحب و شد ذقنها و تمم : امم ..

جهينة رجعات حدرات عينيها .. صوتها ماقدراتش تخرجو .. ماتسناش مزال .. دخل معاها فقبلة .. طولات و طورات و كانت مقيداهم للسرير .. كملو بدون توقف حتى انهم وصلو لمراحل متقدمة .. فاللمس الخ ... جهينة كانت طايرة معاه كيفما داير معاها .. و لكن واحد الحاجة لي زعجاتها .. هي ديم الحكة لي رجعات .. حاولت تنسى أمرها و ناتوقفووش .. صبرت و صبرت و حاولت تبقى منساجمة معاه .. وصلت للحد و قالت ليه حبس ..

شاف فبها بخوف لا بكون دار شي غلط معاها و هو ماعارفش .. قال ..

ايرتان : مالك ..

جهينة كانحكها مع السرير : دور وجهك غير شوية ..

ايرتان ؛ علاش مالك .. كاضرك شي حاجة ..

جهينة : وا غيير ضووور 😣

ضار ايرتان كيف قالت ليه و هي تجلس تحك و تحك بحال الحمقة و بهيستيرية بغات تطير لحمها . ماصبرش و دار عندها لقاها بديك الحالة تصدم ..

ايرتان ؛ جهينة .. اش كاديري .. واش حماقيتي ..

جهينة : ماقديييتش نصبر ا اييرتاان .. من قبااايلة و هي كتااكلني .. عتق بشي حااجة مابقييبتش قااادرة نصبر .. 😵

تنهد و تكا فبلاصتو حداها و قال : اشتي الحلااوة .. مايكوونو غير الحنييشااات هاادووك ...

جهينة : اويلي على الحنييشات ... (سبونجبووبة 😂كانشووفك ... عتقي عاوني المسخوطة 😂)

ايرتان : ههه اه .. الحنيشات .. عرفتي دابا عندك برتوش فديك الكرش ... نايضة 😂😂

جهينة كاتحك و تهضر : تا اش كاتخربق عليااا 😭 و ماما منين جاني هادشي

ايرتان ناض جلس قدامها كايضحك و قال : دابا غاتكوني دوزتي بيضهم من شي حاجة .. النهار كامل و انت تسرطي ... البيض فقص فمعدتك .. داكشي لي خرج مشا لمصارنك و تما كبرو و لاو اكسيرات .. يعني حنيشات .. رجال و عيالات .. اوى يالالا .. كايديرو ليك تيو تيو تما و من بعد كاتخرج للمراة لبرى بالليل و تحط بيضها .. اوى يالالا هي فاش كاتحط بيضها كاتفرز واحد الحاجة انت كاتجيب ليك الحكة .. اوى داكشي علاش جاك الحماااق ديال الحكاان .. ههه ..

جهينة : عتقني .. اشنووو نديير راااه غااانتسطى لييك هنا ..

ايرتان : نوضي حكي النعناع 😂

جهينة : اييرتاان كانهضر معااك من نيتيي .. عتقني شوف ليا شي حاجة ..

ايرتان ؛رصاي بعدا من الحكان و شدي يدك عندك راه كايعادي .. و ماتشركيش حتى القدام حيت كايكونو هازين واحد الميكروب ماشي مضر فالمعدة و لكن غايكون مضر ليك تما و ممكن يدير ليك شي التهابات باكتيريا و انت حاملة مابغيناش هادشي يوقع .. دابا المشكل ماكاينش الزعتر لي غاينفعك ... صافي بلاتي .. *ناض * رصاي من الحكان...

جهينة منين خرج شدات يديها كيف قال ليها و بدات تبرغم : مصيييبة هااذي ... دابا الحنيشات يديرو تيو تيو و انا نبقى بلاااش ... دابا مايمكن نديرو والو بسباب هاذ الخرى .. شكون دعى فيا هاد الدعوى ياربي و انا كنت غانطير بالفرحة ... زهري مكوز و عامر بالحنااش 😭 تفووو ... مايكووونو غيير ذنووب ماما .. و لا ديمك اللفعة ديال اشراق قوساات عليااا .. ياااخ على زهر ...

دخل ايرتان و هاز فيدييه طبيسيل صغيير .. و كأس حلييب و جلس حداها ..

ايرتان : هاكي .. غاتسرطي هاذي ..

جهينة : ياااع تومة ؟ 😣

ايرتان : اه صلقتها ...راه مزيانة ... غاتعاونك حاليا .. و حتال غذا و نجيب لحبيبتي الدواء ..

جهينة : ماكاينش شي حل من غير هذا .. غاتبقا فيا الرييحة 😣

ايرتان : مااعلييش .. غاتشربي الحليب من بعد راه حتى هو مزياان و نوضي غسلي فمك .. مهم غير يفوتك هاد الويل و لا غانصبح نحك ترمتي حتى انا ..

ضحكات جهينة و قالت : واخا .. امري لله ..

خداتها من عندو و سرطاتها بلا نديغ ..

ايرتان : قلت لمك ندغيها ..

جعينة : لا غاتبقى فيا ريحة .. ارى داك الحلييب .. للهنا ..

ايرتان : زيديك هادي و حاولي تندغيها ..

كلات و شربات الحليب ...

و ناضت كاتغسل سناانها .. و رشات ريحتها لي عطااها ايرتان .. حيت جابتها ايناس مع حواايجها من المغرب ...

رشات منها حتى ولات تضرب منها ... و مشات تخشات فالسرير ... كان ايرتان متكي و داير دراعو على راسو.. شك ريحتها و حس بيها حداه و حل عينيه .. شاف فيها لقاها مبزنة و ماعاجبها حال جدبها عندو و قال :

ايرتان : مالك باقين كياكلووك هههه

جهينة كاتغبن : طنز غير انت ... شحال و انا نخطط و نبلااني ..

ايرتان : هههههه لاياش كنتي كاتبلاني اقليلة الحياء ...

جهينة :و .. واالو .. صافي نعس ... تصبح على خير *دارت*

ايرتان عنقها من ورى و جرها لعندو .. و خشا وجهو فعنقها .. : طيرتيه ليا بهاد الريحة ...

جهينة : فيا ريحة التومة ؟

ايرتان : لا ... ريحة الفااني ..

جهينة بدات تبسم و شافت فيه و قالت : وا بعد لهييه ... الى مابغيتيش تصبح كاتحك ترمتك ...

ايرتان : ههههه خليتيني فنصف الطريق و انا لي مهاوش عليك من الف و تلاتة و ربعين...

جهينة : وااايلي حتى انت ؟ .. بغيت نقول .. اش كاتقصد المنحرف .. من امتى عقلك مسخ من جيهتي 😤

ايرتان : احياااني علييك النمروووضة .. غير gري راني راجلك دابا ماشي صاحبك ...

جهينة ناضت جلساتةتقابلت معاه: انت لي gر .. و قول ليا .. من امتى ؟

ايرتان رجع لبلاصتو و يديه ورى راسو : من قباايلة ..

جهينة : شوف فيا ..

دور وجهو كايضحك و هي تنوض تقبلت مع وجهو كاتطل عليه و شاداه ..

جهينة : كذااب ... gر ... اكيييد شقتيني شي نهار عرياانة .. مستحيييل ماتكونش شفتيني و اتت معايا فالظار 24 على 24 .. و شحال نعسنا ب2 .. مايموونش غرك الشيطان شي مرة ؟

ايرتان : هههه نعلي الشيطان يا هاد البنت و دوزي تنعسي ... و بدلي هادي لاش باقية لابساها ..

لاحت شعرها : مافيا لي يبدل .. و ماتبظلش الموضوع .. عارفاك كاتعرف تشتتني ..

ايرتان : صافي واخا .. غانعتارف ماكاين لاش نخبي ..

واحد نهار كنتي ياله دوشتي .. *قجاتو* هههه الحمقة كنتي لبستي ... رصااي *رخفات* هههه كنتي لابسة بيجامة و لكن هازاها على كرشك .. شفت داك الشطيح ديالك ... شي قرااطس ماعرفتهم منين جاوني .. بنت الهم عرفتك بخبييزتك و خطر عليا ..

جعينة : عليييها خرجت لقيتك مجبد تما .. و النهاار كامل و انت تهرب مني و كل شوية تقول لبا لبسي حوايجك .. قول انت لمك ..

ايرتان ؛ هههه ريحي راه غانشقلب مك ... و زايدون انا درتها بالعاني ؟ راه انت لي ماسديتيش الباب ..

جهينة : كنت نقتلك .. و لكن دابا مابقا لاش .. بالعكس .. *نايضة*غانشطح ليك لاايف ..

ايرتان شدها: لا .. واااياااك ..

جهينة : حيد لهيه فيا الغدايد و بغيت نبردهم ..

ايرتان جرها تكاها فبلاصتها بالزز منها و لاح عليها يدو و رجلو مانعها من الحركة ..

ايرتان : و الله و ماتشدي الارض حتى نورييك .. قالت ليك تشطح .. لاينة لمك دووك الحنيشات كايهرووك و باغية تركبيهم فيا حتى انا ... تبتي .. باغية تفرفريه ليا انت مافيهاش ...

جهينة : تامالك خلينا نشطو شوية ..

ايرتان : وااالو و تقووولي حتى يمشيو و اري ماتشطحي ... ياله نيني الغزالة .. و خلينا هانيين الله يرضي عليك .. اصلا الشطيح مامزيانش ليك .. تقدر تشدك شي وجيعة...

جهينة : ماغانتحركش بزاف غير بغيتي تحرمها عليا و صافي .. اجي .. واش الحنيشات ممكن يدوزو لبيبي زعما

ايرتان : هههه على مال البيبي كاين فمعدتك؟ .. راه مفصول بووحدو فالرحم الحمقة اشمن نوع ديال الافكار هاذو .. زعما انت ممرضة ياحصرة ..

جهينة : اوى كيف بغيتيني ندير .. وليت غير كانفكر ليه .. لي درتو كانضرب ليه الف حساب وا وسط كرشي و مشوشة عليه ..

ايرتان : بااينة فيك .. النهار كامل و انت كاطيري و زايداها بالحلاوة ..هادي عندك هي كاتفكري ليه ؟ الله يعطيني وجهك ..

جهينة : و الله معاك بالصح .. راه كناكل و كانحاول ننقص و لكن عاوتاني راه ماشي بيديا ماكانصبرش ...

ايرتان : وادابا شوفي اش وقع ليك بسباب الحلاوة .. ردي البال .. *تنهد و قال و هو كايفكر*اوى دابا بما انك فالشهر الاول غايكون تكون ليه الغشاء و الحبل السري ...

جهينة : عااارفة .. الشهر الجاي غانقدرو نشوفوه فالسونار و نسمعو حتى النبض ديالو ..

ايرتان :امتى يجي الشهر التاني ياربي ...اجي لهنا بعدا... حنا تزوجنا و ماناقشناش امور حياتنا و خاصة جاينا بيبي .. خاص يجي يلقى الاستقرار .. و كولشي فبلاصتو ...

جهينة : عندك الحق .. فين غانسكنو بعدا ..

ايرتان : نبقاو هنا فتركيا ..

جهينة : نبعد على ماما زعما ؟

ايرتان : نجيبوها عندنا ..

جهينة : ماغاتبغيش ..

ايرتان : صافي غانبقاو نمشيو عندها كل مدة ..

جهينة : وخدمتي ؟

ايرتان : ياك خرجتي منها .. خدمي هنا ..

جهينة : يعني ماعندكش مشكل نخدم ..

ايرتان : ماعنديش مشكل نهائيا ..مادام تكوني قادرة توازني بين خدمتك ودارك .. و لكن حتى يتزاد البيبي و يشد فراسو عااد غايمكن ليك بطبيعة الحال ..

جهينة : اكيد ... غير هو بصراحة مابقيتش حاملة داك التمريض ...

ايرتان : علااش ..

جهينة : فايتة قلت ليك دايراه بالزز ... هلكني داك السهير و ريحة الدوايات ... بغيت نلقى راسي فشي حاجة كاتعجبني ..

ايرتان : اممم كنت واعدتك باش نعاونك تلقاي راسك ..

جهينة : اه .. و ماوفيتيش بيه..

ايرتان : على انت خليتيني .. مهم .. انا بصراحة كانت واحد الحاجة فبالي شحااال هاذي و ماعرفت واش غاترحبي بالفكرة و لا لا ..

جهينة : غيير قووول ..

ايرتان : فاش كانتفكر ايامنا الاولى .. كانتي ديما كاتصرفي عكس تصرفاتك الطبيعية ... بحال الى تقولي كاتمتلي .. بحال النهار الاول لي مشيتي لبستي داك اللبس و عمرتي حالتك حلبة 😂😂

جهينة : هههه باقي عاااقل ..

ايرتان : عااقل مزياان ... و عاقل حتى على ديك التمتيلية لي درتي فداك الخلى فاش توضرنا انا وياك ... فاش درتي راسك حاملة و كاتولدي .. دخلتي فالدور و تقنتييه ... يعني التمتيل كاديره حتى فاش كلتشوفي راسك وحلتي و كاتبغي تخرجي راسك من شي مشكل .. بزااف المواقف طبقتي فيهم فن الخداع .. و حتى فاش كاتكوني كاتفرجي فالافلام كاتبقاي تحللي الشخصيات و كتأتري بيهم ..بحال الى انت لي فبلاصتهم ... عاد الروايات الرومانسية لي كاتقراي ... يعني... كانظن انت موهبتك كاتكمن فالتمتيل و المسرح ..

جهينة : هههه اشمن تمتيل الله يهديك ..

ايرتان : قلت ليك ممكن ترفضي الفكرة و لكن ماجربتيش باش تحكمي ... اش بان ليك ندخلك لشي معهد المسرح هنا ... دوزي فيه وقتك و الى مابغيتيهش و ماعجبكش الحال ..نقلبو من جدييد ..

جهينة سرحاات كاتفكر : انا ... و المسرح ؟

ايرتان : فكري فهضرتي .. و لكن دابا غاتطفي داك الضو .. راه راسي غايتفرغع غير بمسبتك انت ..

جهينة : لا بلاتي باقي .. زيد شرح ليا اكتر .. واش كانبان ليك بلي عندي الموهبة و ممكن نطورها ..

ايرتان غمض عينيه : جهينة نعسي غدا نكملو هضرتنا ..

جهينة كاتململو : و لاااا طاار النعاااس دابا .. قووول ليا ..

خرجنا بأنظارنا من شرفة الغرفة و صوتها باقي كايردد نووض نووض ... حتى خرجنا كليا و تزعزعات الصورة بسبب غوات ايرتان مردد : خلييني نعس و لاا غااانشقللللب موووك ... 😤😤

⛅⛅يوم جديد ...

كانت إشراق باقية ففراشها غارقة فنعاسها ..

طلع اشرف يطل عليها بعدما شاف بلي تعطلات فالنعاس ..

دخل لبيتها .. و تخمينو كان صحيح .. قرب ليها و جل قدامها .. نعسات بماكياجها و حوايجها و شعرها تخربق ... كايصدر منها صوت شخير ضعيف .. و اللعاب دايز من فمها للوسادة ..

ضحك اشرف و قال : ناااري على كسييدة ... دابا الى تزوجت هادي فالمستقبل .. هادا خو المنظر لي غانبقا نصبح عليه .. *كايحركها* واااا الكااارتة ... اشرااااق ..

ناضت قافزة كاتشوف و وجها مشقلب .. شافت فيه و هي تمسح فمها .. و جلسات كاتتبعد شعرها و هي كاتكسل ... قالت بصوت باقي ناعس ..

اشرااق : صبحنا عالله ..

اشرف:ههه انا لي خاصني نقوولها ... على هاد الحالة هااذي 😂😂 .. نوضي تغعدي و انت شركتي ليا النهار و الليل ...

اشراق: تفكيت من ديك اللفعة ديال مرات خويا .. تسلط عليا انت .. 😤

اشرف : واشنو نخليك راه علاين ال1 النهار .. يااله يااله تغعدي ... بدلي و هبطي احنا غانتسناوك الغذاء ..

اشراق ناضت من حدااه مخنزرة فيه متجهة للحمام و مشيتها غير متواازنة ...

ناض خرج و هي منين سالات دوشها و لبسها هبطات ..

لقاتهم مجموعين فالطبلة و جلسات معاهم و حطو ليها حتى هي ..

فؤاد : اناري ..اناري على تخنزيراات اماالكي 😂

طلعات فيه و رجعت كتاكل ..

اشرف تحت سنانو : مانصحكش تهضر معاها دابا ..

اشراق : هاد الراجل لي معانا ماكيفهمش العربية ...

عز : لا ماشي نييت .. علاش ..

اشراق : اشنو كايجيكم ..

اشرف : غاتعرفي من بعد ..

اشراق : و علااش ماشي داابا ..

هضر فؤاد بالتركية مع البوص : هااد الفضوولية باغية تعرف شكوون انت .. .. واش نقولو ليها ؟

ايدين شاااف فيها و ضحك ...

اشراق نغزات اشرف : وصلها ليه ولد الحرام ..

اشرف : هههههه كاتفهمي التركية ؟

اشراق : لا .. و لكن شميتو قالها ليه .. هي بالصح ..

اشرف بالتركية : راه عارفااكم كاتهضرو علييها .. ماتستااهيينوووش بييها😂

اشراق : اش قلتي ليه لمك ..

اشرف : هههه واالو .. غيير خاصك تقراي التركية ..

اشراق خنزرات فيه حنحنات و قالت لآيدين :

اشراق : escuse me sir ! Do u speak eng ?

Aydin : yes I do ..

Ichrak: Don t misunderstand me .. I was just curious about who u are ... I think this f*ckers are playing around .. I don t know what did this di**head say to u ..(ماتفهمنيش غلط انا غير جاني الفضول على شكون انت كانظن هاد ال**** كايطنزو عليا و ماعرفتش هاد ال*** اش قال ليك )

Fouad: hhhhh what !!!! do I look like a di**head to u ? 😂😂😂(هههه اشنووو واش كانباان ليك بحال *** )

اشراق قلباتها دارجة حيت شعلاات : اااه ماشي غير ديكهااد ... زيدك آااسهووول .. فاش كانقول asshole ... راه I mean it ... ا you look like an ass hole عرفتيها .. the hole of the ass ..

هي مصرة بهضرتها و اشرف غايخرى بالضحك .. سد ليها فمها و لا هي بغااات تحششم .. و فؤاد كايشووق فاشرف و يقول غير بالاشاارة سكت مصعووورتك .. عز بقا كايضحك حيت دخلات فيه طوول و عرض ... و ايدين كايراقب تصرفاتها و على وجهو ابتسامة غريبة ..

و نطق :

ايدين : It s okay ... he did just translate what did u say .. don t worry .... ا(ماعلييش هو غير ترجم شنو قلتي ...)

شافت في فؤاد بحشمة كاتقاد جلستها .. حيت فهماتو غلط ... و قالت :

اشراق : سمح لي 😒

فؤاد : و لايني راك فليفة و دغيا كاتقندشي ..

اشراق : وا كنتي توضح ليا ... علاش تخليني حالة فمي ... و انت الحيوااان .. علاش ماقلتي واالو 😠

اشرف : ههههه و على انت خليتيتي .. انت دخلتي فيه نيشاان .. راه ديما كانقووولك ماتبقاايش تسرعيي ..

اشراق : اوووف على حشمة .. الراجل فهم كووولشي داكشي .. نسيت واش جالس حداايا ..

اشرف : كولي الفضيحة كوولي 😂😂 طيرتيني هاد العشية ..(شاف ففؤاد) ديكهييد 😂😂

طلع ايرتان بعد رجووعو من الصيدلية ... نيشان للبيت عارفها باقية ناعسة ..

حط الدواء و تكا حداها معنقها ..

ايرتان : المعجااازة باااقية كاتشخر ..

جهينة جاوبت بدون ماتفتح عينيها : سيرر بعد مني خليني ننعس .. صبحنا عالله ... 😤

ايرتان : هههه عقلتي على البااارح .. ماخليتيني نعس حتى سدييت لييك فمك ... نوضي شربي دوااك .. راه مافيا لي يصبر لحنااااشك مزااال ..

جهينة ضارت عندو و تخشات فيه ..

جهينة : ماخلاونييسش ننعس ...

ايرتان : هههه سمعتك داخلة خارجة من طواالييط .. 😂😂 كاارتة معااك و الله العظييم ..

جهينة شافت فيه : جبتي ليا الدواء .. كنتي خارج ..

ايرتان : من 6 الصباح و انا فاايف .. و انت المدام ياااله فايقة ليا مع 1 .. هادي هي تفيقي لراجلك و تديري ليه الفطور و تشوفي شنو زايدو و شنو ناقصو ..

جهينة : داكشي كنت نديرو فااش كنتي تهددني بالحبس و برجليك .. دابا عفا الله .. نوض انت ديير هادشي .. كيفما انت راجلي .. انا مرااتك ..

ايرتان : ليلة الدخلة باقي مادرناهاش .. نضتي تديري ليا ديك الحيازية ديال انا المراة و انت الراجل ...

جهينة : ليلة الدخلة مادرناهاش ؟ وعلى هاذا لي فكرشي منين جاني .. داز من البلووتوت و لا تيليشارجيتو من ابسطوور ...

ايرتان : هههه كاتسمييها ليلة دخلة هادييك ... كنا ناعسين مغمضين كانتمخشو فالظلام بحال الفلالس 😂😂 .. عرفتي بحال ولاد الطوبة فاش ياله كايتزادو ..

جهينة ضربات سدرو و هي كاتضحك : هههههه هضر على رااسك .. انا ماشي طووبة ..

ايرتان : عارفك ماشي طوبة .. انت دبدووبة ..

جهينة : بزااف عليك الجلاخة .. نوض حيد لهييه ..

ايرتان عنقها اكتر : ويينو تعصبت .. ههه

جهينة : راك قااجني اويلي 😂 ..

ايرتان باس خدها و ناض .. جبد الكيس و مدو ليها ...

ايرتان : هذا معقم .. غسلي بيه مزياان يديك ... و هذي بومادا ... و هذو قويلبات ... مابغاوش يعطيوني شي حاجة كاتسرط حيت حاملة ... ياله نووضي ... *هزاتو و مشاات باتجاه الحمام *و نزيدك هاد الصباح لحت اي حاجة حلوة .. سيفطت مو كولشي داكشي ...

جهينة : اوبلي ماخليتي والو ..

ايرتان : و تقوووولي .. غير قلبي علاايش توحمي من غيير الحلاوة ...

جهينة : ياله جيب ليا غير ساكارين غااع ..

ايرتان : غااانجييب آخرتك الى مادخلتيش ديري دواك ..

جهينة ضارت غادية كاتبرغم : غبااارة تغبرك اراس الطبل الجلااخة .. 😤

هبط ايرتان للكوزينة كايضحك رااشقة ليه ... شعل الموسيقى الاسيوية لي كايبغي يترولااكسا بيها مرة مرة .. و جلس يوجد الغذاء .. مابقاش كايخليها طيب هي حيت عارف فعايلها كاتمووت على ليدام و الزيوتات ...

جهينة بقات مضاربة مع الدواء حتى دارتو .. و خرجات بدلات عليها ... و مشطات شعرها و هبطات لعندو ..

شافتو جالس فالطبلة كايقطع الخضر و خدام مامساليش ... و هي تقلب الموسيقى ..

شاف فيها و قال ..

ايرتان : رجعي اشنو كان ..

جهينة : لا بغيت نشطح .. قمعتيني البارح .. (كاتقلب و تشقلب )

ايرتان هاز مووس : هاانتي رااك شفتي هذا ..

جهينة بدات تضحك و تشطح عشوائيا بحال الحمقة ... و مشات عندو جراتو لعندها كاتحرك فيه و هو تابت كايشوف بهاد التعبير 😑 ...

جهينة : وا تاساايرني وانااري مزوجة بخشبة ..

ايرتان حط الموس و مسح يدو و جرها لعندو .. حتى جلسها فوق فخضوو هي مقابلة معاه ..

ايرتان : ماكافيتمش ديك الكلمة لي وليت نقولها على قبلك .. غانوض نكملها بالشطيح ..

جهيمة : و شنو فيها .. غايكون داخل فالاسراار الزوجية ..

ايرتان : خهههه ... و على حنا درنا شي اسرار زوجية باش ندخلو فبها شي حاجة ..

جهينة : هههه مصر تحسيني بالذنب .. على انا كرهت ... راه اما وياك مناحيس .. اش غانديرو ..

ايرتان : درتي دوااك ..

جهينة : آاايواان ..

ايرتان : ياااله شربي حلييبك .. و كولي فطووورك ..

جهينة ناضت و جليت حداه فالطبلة و جرات بلاطوها : فيااا الزوووووع .. ياااك امااامي فيناا زوووع .. و بابااا محيد لينا السكر حنا بااس غانهبطو هادسسي باااااس ..

ايرتان : هههه حمقة

جهينة : ااه ... فكرت فداكشي ديال البارح ...

ايرتان رجع لخدمتو : امتى فاحلااامك 😂😂

جهينة ضربات سدرو و هي كاتشرب الحليب : ماتطنزش علياا😤 .. فكرت قبل مانعس .. بغيت نجرب ..

ايرتان : واخا ... نتغداو و نمشيو نسولو .. واميمي دابا ...

جهينة كلات شوية و ناضت كاتجري للحمااام ... و تبعها ... ردات و خرجات كاتمسح بالفوطة ..

ايرتان : غاتبقاي كل صبااح على هاذ الحال .. مالك مع هاد الفطوور ...

جهينة : ماعندي ليه شهية .. شربت غير حليب باراكة عليا ..

جرها ايرتان عنقها ... و تحشات فيه كاتبسم و جرها معاه للكوزينة ..

جلس و جلسات حداه كاتنقي تاهي و تلمق غير من الخضرة ... و هكا داازت عشيتهم ...

رجعو من بعدما ظلاام الحاال و تعشاو برا ...من بعد عشيتهم فمعهد المسرح .. لي جايا فالطريق و متشوقة ليه و مصدعة ايرتان عليه و مصرة تبدا تحضر من غذا ...

دخلو و سد الباب ..

ايرتان : صافي ... فهمت والله حتى فهمت ... ممكن تخليني نعم بواحد شوية ديال السكوون ...

جهينة : ههههه صاافي وااخا ... انا غانطلع الفوق ..

ايرتان : غانتفرج شوية و غانطلع ..

طلعات جهينة كاتفرنس و فراسها اشنو دير ...

نيشان للحمام حيدات حوايجها و خدات شااور خفيف حيدات بيه العياء ... خرجات لابسة بينوارها كاتنشف شعرها ... ختارت من المسخ لي جابت ليها ايناس مولات الخبرة 😂 ... كانت حمراء و مغرية ...تعطرات و تطيبات .. و بقات كاتشوف فراسها و تخيل شنو ردة فعلو .. حشمانة لابعد الحدود و لكن راه راجلها ... عادي هاذشي ...

كان جالس كايتفرج .. حتى سمع صوتها من الفوق كاتعيط ليه بصوت مغنج ... ضحك و طفا التلفازة و طلع كايجري و كايعوييي بحال الذيب ...

هي سمعاتو طالع و قلبها كايشطح على ايقاع الخوف و التوتر ...

ماإن دخل ...شاف اشنو قدامو .. و تلااشاات ديك الضحكة من على وجهو باش تولي غضب و شعوور بالاشمئزاز دور و وجهو باش تغيب على مرآه .. تفاجأت من ردة فعلو و وقفات بدون حرااك .. واكن خوفها صوتو قائل ..

ايرتان : اش دااك ازبل لااابسة ... حيدييييي الخرىىى من عليييك 😡

جهينة : و ..ل ...

ايرتان على صوتو : مااااتجبرييينييييييش نقطعووو فووق لحماااك ..

باشرت بإزااالتو فور انتهاؤووو من دييك الجملة .. مالقات راسها غير عريانة و هزات البينوار ديال الحمام لي كان مزال تما و لاحتو عليها دغيا .. و سداتو .. مشات لجهتو تستفسر على هاد ردة الفعل الغريبة .. غير بانت قدامو و دار هزو و قطعو لاشلاااء و هو كايغوت و يخاصم عليها ..

ايررتاان : منييين جبتي هاااد الخرى ...عمرنيييي نشوووفك مزااال لااابسة هااادشيييي ... باقي عندك مزااال ؟

جهينة بتوتر : ا..ا...

مشا للماريو و جبد السيكان لي كانو باقين مجموعين .. و لاح كولشي كبو .. و اي لبس من دااك النوع كااايقطعوو لاشلاااء ...

حتى سااالا ... ووجه النظر ديالو ليها مخرج عينيه و كايغوت بسخط : هااادشييي مااايغييتش مزااال نشوووفك بييه... انت امرأة مزوجة ماااشي قح** ديال الزنقة سمعتيييي ...

داز هبط و هي بقات وااقفة فبلاصتها ... دازو دمووعها كايجرييو .. شافت فدييك الرويينة فالارض دفعاتهم برجليها و تلاحت فالسرير كاتبكي ...

هبط ايرتان جلس بطولو وسط الصالة ... شد راسو بين يديه و عينيه داامعين ... دوز يديه من مؤخر راسو لوجهو و مسح عينيه ... ماحملش داكشي لي شاااف و ماحملش جهينة تقارن و لا تشبه بدووك المناظر المقرفة من الماضي لي باقي ماقدر يتحرر منهم .. عاقل على كولشي بتفاصيلو واخا سنو الصغييير ... شد وجهو بقا على ديك الحالة شي ساعة ... حتى بردات اعصابو ... خرج من حداها باش مايلقاش فيها المفرغ ديالو و يظلمها ...عارف بلي ماقصدات واالو ... هارف نواياها بريئة و عارف مراتو نقية و ماكاتقرانش بيهم ...ناض و ماعارف غير بلي حاليا ما محتااج غيير داك الحضن الاموومي منها ...

طلع بملامح مظلمة .. حل الباب و القى نظرة على ما صنعات يديه ... و لكن منظرها مكمشة فطرف السرير و عاطياه بالظهر عرف بلي بكاات و بكاات و جرح مشاعرها واخا ماقصدش ...

قرب ليها تكا حداها ... حط راسو على ظهرها و حاوط يديه على خصرها ممسك بيديها ...

حسات بيه و مابغاتش تحرك ... غاضبة منو و من فعلو الغير متوقع و الغير مفهوم ...

ايرتان : سمحي ليا ابنت قلبي ... ماقصدش نجرحك ...

زاد فتحهم عليها و بدات تبكي بصمت ... حس بيها وزاد تخشى فيها بحال الى متمسك بيها باش ماتخليهش ..

ايرتان : هاذشي لي كنت خاايف منو ... نخليك تعاني من الماضي ديالي لي ملاحقني و ماقادرش ننساه ... تشهيت نفقد ذاكرتي و نتهنى من هاد السم لي عايش فالداخل ديالي ..

حسات بالاسى من جيهتو .. عارفة بلي الماضي ديالو كان ظلاام .. و لكن خاصو يهضر .. الى ماقدراتش تعاونو يتخطاه على الاقل تتفادا تفكرو و تغلط بحال اليوم ...

دارت عندو بدون تردد ... خشا وجهو وسط سدرها كايقلب داك الحنان الامومي لي اكتر حاجة كاتخليه ينسى دوك المشاعر السوداء واخا غير لحين ... حاوطت راسو و خللات صباعها بين شعرو ...

جهينة بصوت باكي : حلفتيني قبل عمرني نخبي علييك .. ولكن .. ماشي هاذشي لي كادير حتى انت ..

ايرتان : ولد صفير كان فعمرو 5 سنين ... ماكان كايبغي ينعس غير بين يدين ماماه ..مصدر الامان الوحيد وسط ديك الدار الكبيرة الباردة ... و لكن عمرو تهنا بداك النعيم ... كان وحش كايجي كل ليلة و يسلبو من يد امو و يلوحو فالارض بكل وحشية ...كان ديما كايدخل خانز بالشراب و فيديه توب احمر ... كايلوحو عليها تلبسو قدامو .. باش يقطعو فوقها و يديير فيها مابغا ... ماكانت غير كاترضخ لامرو .. علاش لا و هو فيديه كووولشي ... مصيرها و مصير ولدها ...فلوسها حريتها و كرامتها.. و هي فاسوء كابوس ممكن تعيشو اي مرأة ...ما كانت كاتفكر غير فداك الولد الصغير لي كوللشي كايتم قدامو ... كانت كاترمي ليه الوسادة يخبي وجهو فيه ومايشهدش على داك المنظر ... حتى انها كانت كاتكتم صوتها باش مايسمعوووش ..

سكت ايرتان شوية و كمل : كانت ضعيفة و ماقادراش تدافع على راسها ... ماعندهاش اخوة و واليديها ميتين ... امها كانت ماتت 5 سنين قبل ماتزوج بداك الوحش... و ابوها ..مات ورى عامين من زواجها ... تحملاات و تحملاات حتى زاد عن حدو و مالقات كيفاش تردعو .. وصلات بيه وحشيتو باش يوصلها للمستشفى فواحد الليلة... تما عرف راسو كايلعب بالنار و هادشي غايأتر فصمعتو ... و هو لي كايمتل النبل و الاخلاق على قرانو ... قرر يتوقف و يخليها للديكوور ... راجل ناجح بحالو غايحتااج مراتو سالمة لممناسبات و الاجتمااعات و ما الى ذلك باش يمتل عليهم السعادة و الاستقرار ... قدرات و اخيرا تهنا منو و من القذارة ديالو ... مابقاتش كاتفرق ولدها .. كان كيف كاتقول هي ...املها الوحييد فهاد الدنيا .. النقطة البيضاء الوحيدة وسط السوااد ... ولكن داك الوحش ماهناش و دااك الهوس ديال الجنس ديلو مسيطر عليه .. كان كايجيب معاه ال**** لدار و يمارس وسخو جهرا ... بلا مايحتارم حتى حد .. ديك المرأة كانت كاتسد عليها بيتها و تخبي ولدها عندها و تبقى تغني ليه حتى ينعس و تنسيه فدوك الاصوات المزعجة من برى ... داز الوقت و بدا يكبر داك الولد ... بدات امو كاتهملو و كاتهتم اكتر براجلها .. كانت بحال شي روبو .. اولى بحال شي دمية كايحركها كيف بغا .. حملات من جديد ... و هاادشي بعدها على ولدها اكتر و اكتر ... ضاع و مابقاش لااقي لي يحمييه من داك الوحش .. لي كان يعاملو معاملة اكبر من سنو .. كان كايأتر فيه ..بغاه يطلع بحااالو ... طاغي مستبد ظااالم اناني و بدوون ضميير ... هكا خاصك تكون الى بغيتي تعيش ... هادشي لي كان كايربيه علييه ... الولد كانت شخصيتو مستقلة ... كره باه و بدا كايكره امو ... و حتى ديك اختو الصغيرة لي جات من بعد ... وصل ل15 سنة ... الولد ماكان غير جسم كاينتج الغضب و الاشمئزاز من دوك الناس لي ضايرين بيه ... منعاازل علييهم تمااما ... كايخرج النهاار كامل فالمدرسة .. و يزييد يتعطل مزااال ... على كل حال راه ماكانش لي يسول فيه ... كان يرجع بليل و يلقى باه مدور بيه الق*** و بشكل اكتر من مستفز .. كايجر ولدو باش يشاركو فالمتعة ديالو و يخلييه حتى هو يتوسخ رغم سنو الصغيير .. كان ديما الولد كايهرب منو و من بطشو .. حتى عيا و هنا بغا يحبس .. قرر يخلييهم وراااه و ماعمرو يدووور مزااال يشووف جيهتهم ... كان ساااهل عليه يقنع داك الوحش باش يخليه يقرا فامريكا مارفضش بل ماتسوقش ... و من تما بدات رحلتو فالاستقلالية و مواجهة الواقع بووحدو رغم سنو .. كان تايه و موضر .. كان ماكايفكر غير فطريقة ينتاقم من داك الوحش و يخلص دوك 2 لي خلاهم فقبضتو ... تلاقى بشخص .. لي كان آوااه و كان ليه النااصح لقا فيه لي كان كايقلب علييه ... كان العم عوصمان ... كان كايقضي عطلة فامريكا .. تلاقاه داك الولد و عاود ليه لي جاري ليه .. و قرر يلاقيه بشخص لي اكييد كان عارف بلي هو الشخص الوحيد لي غايعاوانو... داه لتركيا و تلاقى و اخيرا بآيدين ...و هنا لعب القدر لعبتو .. علمو و وراه اشنو يدير و خلاه يحدد اهدافو و منين رشد..صارحو و قال ليه بلي هو كان مرتابط بامو ... الولد تصدم و مارضاش فالاول .. و لكن عاود ليه قصتهم و عرف بلي داك الوحش لعب لعبتو وخلا باها يفارقهم و يزوجها ليه ... كان داك الولد غايكون ابن آيدين كون ما داك الوحش ... زاد كرهو و حقد علييه .. دمر حياة 2 ديال الناس و يعلم الله شكون آخر على حساب حياتو ... رجع الولد لعند امو شحال من مرة باش يخلصها و تمشي معااه .. و لكن كانت كاترفض ... بلاصتي حدا راجلي و بنتي و حماتي .. هادشي لي كانت كاتقول ليه ... استسلم و خلاها ... رجع باش يعيش وسط الحياة لي لقى فيها راحتو و تخلييص لديك الروح الغاضبة لي فيه ... الولد دابا راجل مزوج و غايجيه ولد ... و اكتر حاجة خايفها .. انه يكون نفس دااك الوحش و يعيش اقرب ناس ليه فالجحييم ... خايف لامايقدرش يحافظ عليهم فجنبو و يخليهم يعانيو من داكشي لي فالداخل ديالو ... خايف يجي نهار و يتخلاو عليه و يديرو ظهرهم ليه ..خايف..

هبطات للمستوى دياالو و قاطعت كلامو .. دارت يديها على خدودو ب2 ..و قابلت عينيه بعينيها .. و قالت بنبرة صارمة ..

جهينة : هاذشي ماوقعش و ماغايوقعش ... داك الراجل ماشي وحش ... داك الراجل انسان طيب و قلبو ابيض .. كاشي اناني و ماشي ظالم .. ماشي مستبد و لا شخص بلا ضميير .. داك الراجل غايكون اب ناجح ... سمعتي ..احسن اب و زوج ... انا كانبغيك و غنبقى نبغييك .. غادي تجاوز الماضي ديالك ... الى عشتي داكشي ماكايعنيش بلي حتى انت غادي تطبقو ... الى كنتي ولدو ماكايعنيش انت بحالو.. انت افضل منو ... مستحيل نتخلى عليك و لا نخلييك ... غانعيشو مع بعضنا و مع ولدنا لي غايتزاد و حتى لي غايجيو من بعد ... مابغيتكش تبقى تفكر هكا .. خوي راسك من هاد المخاوف حيت ماغاتوقعش .. اسمعتي .. مااغاتوقعش ..

ايرتان شد يديها و بعينين دامية قال : ماغاتوقعش ؟

جهينة بابتسامة : ماغاتوقعش .. انا متأكدة ..

شد يديها باسهم ب2 ... باست جبهتو و شدات حناكو باستهم و عنقها ... رجعات شافت فيه و قالت ..

جهينة : كانواعدك عمرني نلبس شي حاجة من داك الزبل مزال ... اي حاجة كاتزعجك ..كاتزعجني حتى انا .. و الحاجة لي تقلق راجلي حبيبي ماعندي ماندير بيها ..

ايرتان باس كفها : الله يخلييك ليا ابنت قلبي.. انت هي كوولشي فحياااتي ..

جهينة هزات راسها بتقة مازحة : و شنو آخر .. 😌

تبسم ايرتان و تقعد شوية و تقابل معاها : انت حبيبة قلبي و ام ولادي و مراتي الحبيبة و نصفي و نفسي الاخرى ، الشخص الوحيد لي قادر يخرجني من ظلامي ... قادرة تعطيني الحنان لي فقدتو شحاال هادي .. معاك تعلمت نكون انسان طبيعي كايبغي و يبني اسرة .. معاك جربت الجديد و حققت شي امور لي كانت مستحيلة فنظري ... انت بنت قلبي لي كانبغيها وولات جزء من ذاتي ..

ضحكت جهينة و قالت مازحة : احح هااذشي كوولو فخطرة كيف غاندير ليه شوية بشوية ... خليني نسرطهم وحدة وحدة ... عاود شوية بشوية نتمعن مزيااان ..

ايرتان :ههه عييت من الشفاوي .. غاندووزو للتطبيقي ..

ضحكت جهينة و حاوطت عنقو بيديها مستقبلة قبلتو ..

⛅⛅يوم جديد ..

🏤فاوطيل فالمغرب ..

خرج من غرفتو كايحك مؤخر راسو و كايتفوه و ظاهر عليه العياء ... دخل الشاب ذو 27 سنة لغرفة مجاورة ليه ... كان طويل ذو بنية متوسطة و ملامح سوداء قريبة لجهينة ... دخل و شاف فالشخص الآخر المدد فالسرير ... كان شخص متقدم فالسن شعرو ابيض و ضعيف شوية و ملامحو توحي بأنو مريض ..هز عينو في الشخص لي قال ليه بدارجة مهرسة بعض الشيئ:

.....: بابا ... كيف بقيتي ؟

اجاب الاب: حمد الله اولدي ... قضات عليا الكحة ...

....: وا شفتي ابابا هملتي صحتك ..حتى كلاك المرض ... و دابا هامل حتى دواك الى ماعطيتوش ليك ماماتشربوووش .. كيفاش غادي تصلح اغلاطك الى كنتي مريض و ماقادرش تحرك ...

الاب: صافي اطه .. بلا ماتزيدني حتى انت اولدي ..

طه جلس قبالتو : بلا ماتقلق الوالد .. كولشي كايغلط ...غاتسامحك ..

الاب: واللهما كرهت اولدي ... ولكن بااين لا ... كان عليا انا لي نهزها و نربيها بحال بنتي .. انا سباب فموت باها لي هو خويا شقيقي و زدت جريت على امها و هي حاملة بيها .. مارحمتهاش و هي ضعيفة و خديت حقها و خليتها بوحدها .. و كانت اب فداك الوقت وعارف بحق الولااد .. ماعرفتش كيفاش قدرت ندير داكشي فخووويا .. ماعرفتش باش غانواجه الله*كايبكي* و لا خويا ..

طه باسف : بصراحة الوالد ... كوون قلتي ليا هادشي ثبل كووون تصرفت .. و لكن تعطلتي بزااف ... البنت مايمكنش تسامحك بسهولة .. غادي يخصك تصبر و تصر ... و انا غانعااونك حتى نوصلو ليها ... و كانتمنا تكون بنت متفهمة و ماكاتحقدش ..

الاب: انا متأكد غاتكون كاتشبه لباها .. القلب الكبير و الرزانة ... الله يغفر ليا .. ما غانرتااح حتى تسامحاتني .. و نزوجكم .. باش خيركم يبقى ملموم ..

قاطعو طه : الله يهديك الوالديد .. باقي شي حد كايتزوج هكا ... غانعطيوها حقها كيفما بغاتو .. و ماغاتفرض عليينا حتى حاجة .. اش عرفك بلي هي حياتها دابا مامستاقراش و عندها شي حد فحياتها .. نسا هادشي ابابا .. احنا كانقلبو على بنت عمي غير باش نجمعو الشمل و نعطيوها حقها لا غيير ..

خرج من الغرفة معصب و بقا بااه كايشوف و يتنهد ...

🌞🌞حل ايرتان عينيه ... شاف فظهر زوجتو حداه .. تفكر شي لحظات من ليلة البارح و تبسم .. قرب ليها و دوز ظهر يدو على كتفها وصولا لمرفقها ... فاقت إتر لمساتو و تحركات .. خلا قبلة فكتفها ... و كمل حتى وصل لودنها و قال : صباااح العسل ..

تبسمات و جرات الغطا على وجهها .. ضحك ايرتان خشا وجهو فعنقها و قال ..

ايرتان : حشمااانة دااابا عااد حشماانة لمك ههه

جهينة : ههه رصى كاتهرني ..

ضحك و خشا يدو تحت الغطا كايهر فيها و ضارت كاتركل و تغوت باش يطلق منها و هو مستمتع بالتعذيب ديالها و كاايضحك .. ماصبراتش و هي تدفعو لاحتو من فوق اسرير .. ناضت لوات عليها الغطا عاد بدات تنفس شادا كرشها ..

جهينة : نااااري بغااا يقتلنيي ..

ناض ايرتان كايضحك جاي ليها و مالقات كيف تهرب ووقفات تعدد فيه ..

جهينة : فوتني الجلااخة راه باقي فيا النعااس ههه..

قرب ليها اكتر و كايشوف فيها بشر و قال : باقي شي نعااس دابا .. اجي لهنا..

مالقات فين تهرب ليه و هي طلع فوق السريير ...

ايرتان : اش قلت ليك على التنقااز ..

جهينة : ياله سير فوتني .. دخل الدوش و لا غانقز لمك من هنا لهييه ..

ايرتان : هههه الله ينعل مك ...

جهينة : ههههه ياله الدوووش ...

يتبع