قدري أن أحبك الجزء 22

دازو شهراين من ايامهم التلج الابيض كسا المدينة ... دخلات جهينة للمعهد كاتقرى المسرح و عجبها بزااف ... علمات امها بحملها الشهر لي فات كيف كانت مخططة وفرحاات ليها .. كانو مرة مرة يمشيو للقصر يدوزو معاهم النهاار ...كولشي الامور مستقرة .. الا الحمل لي لاعب فيها لعبو ... ولات ديما عيانة و عاطياها غير للخمول و النعاس .. زاد وزنها و الشهية ماكايناش و حتى الى جات و كلات ماكاتهضمش ليها الماكلة و مرات كتيرة كاتردها ... ولات عصبية و دغية كاتقلق ..و ديما كاتشكا من الشقيقة .. و سااهل تمرض و يضربها البرد ... ولات شاطنة ايرتان بهاد الحالة ..

كان متكي ايرتان فالسرير كايقرى كتاب ... و جهينة طالعة من الكوزينة .. دخلات للغرفة ملففة وسط بينوار و ملابس صوفية و تقاشر قطنية و زايداها بطاقية ... و قالت ..

جهينة : شعلتي الشومينو ؟

ايرتان : اه احبيبة .. اجي عندي ..

هز يدو و تخشات دغيا فيه ...و خشات يديها الباردين تحت حوايجو حتر غمز و قال بغوات :

ايرتان : لمك يظييم كاازين خرجيييهم ...

جهينة : عاافاك خليهم يسخنو .. عاد غسلت المااعن ههه

ايرتان : تسخنيهم على حسابي انا لمك ..

جهينة : ههه مراتك انا .. افااك ..

ضحك ايرتان و باس راسها و قال : فيم البرد لهاد الدرجة ..و ليتي غير ملوية كيف الكبالة ..

جهينة : باارد الحاال ا ايرتان ... يك ريحة الشومبوان واش دوشتي ؟

ايرتان : اه ..

جهينة : ناري كيف درتي ليها ... انا شي سمانة و نصف مادوشت .. غير كانبدل ..

ايرتان : و علاش المعفوونة و المعجاازة ؟

جهينة : البرد واللهما قادرة نحيد حواايجي ..

ايرتان : واش انت الحياة كاتنقاطع عندك فالشتاء و لا اشنو .. حارماني منك و زايداها جالسة بلادوش بلا غسيل و هادشي كامل ماكاتقديش تحيدي حوايجك ..

جهينة : هههه ااه ..

ايرتان نايض: نوضي قدامي ..

جهينة كاتجر يدو .. لا عااافاك .. واللما قاادة غير غايضربني البرد تاني .. خليني عليك عااافاك ..

اي تان : نوضي من العجز .. راه غانسخنو ليك مالي غانبغي ليك المرض راه عارف الحال بارد عليك..

جهينة : نااري فمي خااصو الفلفة 😣 خليني بغييت غيير ننعس واللهتا حراام علييك ..

ناض ايرتان و جبد حوايجها ... و دخل للحمام يوجدو و دخل مدفئة حتى هي تدفي الحمام و خرج لعندها ..

ايرتان: ياله نوضي قدامي كولشي وجدتو ..

جهينة : كانكرهك 😣

ضحك و هزها حطها فالحمام و قال :

ايرتان : ياله ماتخرجي حتى تحيدي الوسيخات ...

جهينة : خرووج فحاالك ...

ضحك ايرتان خرج و سد الباب وراه ... حيدات حوايجها و هي كاتسب و تعاير فيه ... عامت تحت الرشاشة و غسلات شعرها بالخف و مشات نييشاان غطسات فالبانيو .. تخشات فيه و ترخاات كاتدفي رااسها... استحلاتها و بقاات مخشية و حاطة راسها مغمضة عينيها .. سمعاتو كايعيط عليها من برا و ناضت لبسات البينوار ديالها ... و لوات فوطة على شعرها و مشات نيشان للفراش تخشات فيه و فايرتان ضحك و قال ليها : هههه غاتبقاي هكا حدايا ماغانضمنش ليك راسي ..

جهينة : اكتر جزء ماكانحملوش هو هذا ...

ايرنان: راه بيتنا دافي .. لبسي دغيا و اجي لبلاصتك .. نوضي راك شحفتيني بهاد العجز ديالك ..

جهينة : هاني نايضة ..

ناضت كاتلبس حوايجها ... و مشات قدام المراية تمشط و تنشف شعرها ...خلاتو مطلوق دوزات يديها على كرشها و هزات حوايجها كاتشوف فيها فالمراية .. بقات كاتدوز يدها و ترجع .. كرشها بانت بشكل غرييب .. شافت فايرتان و قالت ليه : مالاحظتي واالو ؟

شاف فيها .. تبسم و ناض عندها .. تقابل مع كرشها .. باسها وشاف فجهينة ..

ايرتان : كرشك باانت ..

جهينة : انا ياله فالشهر التالت الكرش ماكاتبان حتال الرابع ..

ايرتان : ماتنسايش راه وزنك زااد يعني ممكن هادشي يكون لاعب دور ..

جهينة : انا كانغلاض فكولشي ولكن كرشي ماكاتدلاش بالغلض ..

ايرتان :غطي ليا هاد الكريشة .. غدا عندك رونديفو مع طبيبتك و هي غاتقول لينا .. و ممكن غاع يكون غير بسباب الهضم .. بلا ماتشطني راسك ..اجي تنعسي ..

جرها وراه .. و تخشاو فسريرهم .. جرها لعندو و جر عليها الغطا ..

جهينة : عرفتي راسي من قباايلة و هو كايحرقني ..

ايرتان : ماشربتييش دواك ..

جهينة : مدو ليا من حداك ..

ايرتان عطاه ليها .. شرباتو و رجعات تكات ... بقا شاد كتابو بيد و يدو الاخرى عليها .. حتى سالا و شاف فيها .. لقاها نعسااات ... جرها لعندو معنقها و طفا الضو ...

⛅⛅اصبح الصباح ..

فاق ايرتان بسباب رنة التيليفون .. هزو و جوب ..

عز : واش اصاحبي باقي ناعس ؟

ايرتان : ااه .. شحال الساعة ..

عز : 7و نصف .. عاد رجعت انا و الدراري من عملية تدريبية لاشراق ...

ايرتان: كيف غادية معاكم ؟

عز: مزياانة ذكية و دغية كاتعلم .. و لكن رااه علاام ديك البنت .. مهم قول ليا واحد جهينة اش خبارها ..

ايرتان ناض من حداها و خرج للتحت : اودي اش غانقول ليك .. حالتها هي هي .. حال و احواال ..

عز : جيبها تلف شوية مع اشراق و اشرف راك عارف هاد 2 كايتلفو لي مايتلف و انت عارف جهينة من طينتهم ههه و نييت راه بغييتك فشي شغااال ..

ايرتان : واخا .. نرجعو من عند الطبيبة و نجيو نيشان للقصر..

عز : وا تهلى ..

ايرتان قطع ..دوز يدو على وجهو ... حك راسو و رجع طلع يفيقها ...

طلع ايرتان عندها للبيت .. و جلس حداها يفيقها ..

ايرتان : جهينة ... نوضي راه غانتعطلو ..

جهينة : اووف واااش مانقدرش شي نهاار نبقى ناعسة حتى نفيس راسي ..

ايرتان : واراه عندك روونديفوو مع الطبيبة .. نقوليها تسنانا ؟ تي نوضي تغعدي و لا غانجر حسك بزز منك ..

جهينة : اووووف ...

ايرتان ؛ ياله تحركي .. نبغي نطلع نلقاك غسلتي و بدلتي .. ياله ..

هبط ايرتان يوجد الفطور .. بقات شوية فبلاصتها .. و ناضت نيشان .. حسات بالدووخة ووقفات شادة راسها حتى فاتتها و مشات للحمام .. هذا حالها كل صبااح .. خرجات من بعد .. بدلات حوايجها قادت حالتها و هبطات بالشوية عليها كاتفوه ...

دخلات للكوزينة و جلسات ... كان حط الفطور ..

شاف فيها و مد ليها كاسها دالحليب و قال ..

ايرتان : فطري .. انا غانبدل و نهبط ..

طلع و هي ماقدراتش تفطر .. لمقات شوية و شربات حليبها حتى هبط .. شاف فالطابلة و قال ..

ايرتان : عاوتاني اجهينة ..

جعينة : ماقدييتش بلاا ماتبزز عليا .. حتى نرجعو و غايجيني الجووع ..

ايرتان : واخا الالا ... على خاطرك .. ياله مشينا ..

ناصت جهينة شدات فيدو .. خرجو قدام الباب لبسو صبابطهم و خرجو ...

كان الجو بارد مكسي بالابيض...و الشميشة خفيفة ..

ركبات حداه و تخشات فمعطفها و حطات راسها على كتفو ..

ديمارا السيارة و ماقال والو .. ديما صابحة بلا خاطر ... و تاهو جاتو على غانتو ماكايكترش معاها الهضرة ..

وصلو و هبطو .. شدات فيدو و دخلو .. كيف العادة جلسو يتسناو حتى جات نوبتهم و دخلو ..

الدكتورة : اوى امدام التازي .. كيف غادية مع الحمالة

جهينة : ماعرفتش .. وليت غير عيانة و ديما الدوخة و الردان غاماكايزيد .. مابقيت حاملة نديير حتى حاجة ...و مابقيتش كانقدر نهضم و كرشي تنفخات .. و سدري كانقيسو كايضرني .. و ديما حرييق الرااس .. و مرة مرة كاتطلع ليا السخانة ..

ايرتان كان متبع مع جهينة شنو كاتقول بقلق و قال للدكتورة :

ايرتان : ولات مزااجية و مابقا عندها خاطر و ماكلتها مابقاتش هي هااديك .. واش ممكن يكون عندها شي مشكل ؟

الدكتورة : هاد الاعرااض كلها طبيعية .. اكيد الحمل راه ماشي شي حاجة لي ساهلة .. راه روينة ديال الهورمونات لي كيأترو فالجسم كامل .. الانتفاخ كانضن غير بسباب لي غااز و سوء الهضم .. واش كاتخرجي الريح بزاف ..

جهينة : اه .. شوية ..

الدكتورة : انا غادي نعطيك ليست ديال الماكلة لي ماتاكليهاش باش تفاداي مشكل الانتفاخ و لي غااز .. الامور الاخرى راه طبيعية تحمليها شوية ... لي ننصحك بيه هو ماكلتك غاتبداي تقسميها و تاكليها على شكل وجبات صغيرة متفرقة ... ماتبقايش واقفة بزاف و ماتجلسيش بزاف ... و الى بغيتي تنوضي .. نوضي شوية بشوية باش مادوخيش ... عطي لراسك الراحة التامة .. ماتكتريش اللبس بزاف يكفي غير المدفئة فالدار باش ماتطلعش ليك السخانة ..

ايرتان : يعني كولشي طبيعي ..

الدكتورة : اكيد .. الجنبن راه بييخير خاصك تصبر على ماناه و تصبر حتى هي .. بما انها التجربة الاولى فالحمل فراه كاتكون تجربة شوية صعييبة ..

كملو مع الدكتورة .. جهينة ساكتة و ايرتان هراها اسئلة ...

خرجو و ركبو السيارة .. و شاف فيها ..

ايرتان : بنت قلبي مشهية شي حااجة ؟

جهينة : لا ... بغيت نرجعو للدار ..

ايرتان : ماكاين رجووع دابا خرجنا .. اش بان ليك نمشيو للقصر ؟

جهينة : واش كاينين ؟

ايرتان : ااه رجعو هاد الصبااح ..

جهينة : واخا .. يااله ..

هبطو من السيارة و هوما وسط القصر .. دخلو و لقاوهم مجموعين فاحد الصالات .. الا آيدين لي ماكاينش ..

ايرتان و جهينة : سلام ..

الكل تلفتو ليهم و ردو السلام .. ناضت اشراق و عنقات جهينة لي تاهي باادلاتها العنااق ..

اشرااق: فين غبرتي عليا المصييبة .. اويلي مالك مشقلبة بحال الى فيبك المووت ..

جهينة ؛ قضى عليا الوحم .. و الله اختي حتى العذااب ..

عنقاتها اشراق كاتطبطب عليها ..

جلس ايرتان حدا الدراري و متيعين البنات اش كايقولو ..

اشراق : الله الله على حبيبتي .. هما غير يعملو عملتهم و يخليونا حنا العيلات مضاربين مع هااد العذااب ..

ايرتان : واش بغيتو ندسرو ليكم .. ياكما بغيتو المساواة حتى فالحمل ..

اشرف : ههههه راه الى طارت عليك .. ماغانفكش انا صااافي عييت ماتبقاو خاشييني بيناتكم ..

اشراق : ماديرو والو اسيدي .. غير تهلا فيها و شد معاها الخاطر ..

ايرتان : داير جهدي .. دوزي تجلسي ..

جراتها اشراق جلسو و بقات معنقاها كاتطبب عليها .. شاف اشرف فيها و قال ..

اشرف : وا صاافي طلقييها ..

جهينة : اش بغيتي فيها خليها .. هي الصدر الحنين الوحيد لي قادرة تحس بيا فهاد الغربة .. 😣😣

عز : سبحاان مبدل الاحوااال .. كون شافوكم قبل هادي شهراين .. مايقولش هما انتوما ..

رجعو كولهم بموقف وقع قبل شهراين بالظبط ...

#فلااشباك ↪

كانو جالسين الدراري كولشي و معاهم جهينة و اشراق.. كانو اشرف و اشراق مخاصمين على شي سبب ... كانت جالسة قدامو و قالبة وجهها .. جهينة كانت حاضية الوضع و عاايقة بشنو واقع ..

ناض ايرتان و قال لمراتو : حبيبة انا الداخل عند بابا .. ماتخرجي لحتى بلاصة ..

جهينة : واخا ..

ناض ايرتان و تبعو عز .. بقا اشرف و فؤاد كايتفرجو فماتش .. اشراق جالسة على اعصابها غاتاكل اشرف بعينيها .. جهينة فهمات بلي هي معصبة حيت مادايهاش فيها و حطات احتمال انه هو لي مخاصم معاها .. ناضت كاتدور فعينيها و جلسات حداه .. دورات ذراعها على ذراعو و حطات راسها على كتفو .. شافت فاشراق لقاتها كاتقرص لحمها بااش ماتنووضش ليها تنتفها و حتطة كلام اشرف لي كان وضحو ليها .. علاقتو بجهينة علاقة اخوة و صداقها و مضاصرين على بعضياتهم .. دابا هادشي لب كاتحاول تقنع راسها بيه .. شافت فاشرف لي مادار حتى ردة فعل و خلاها حيت مولفين عادي .. قلات ليها السم مزيااان و شافت فاشرف قالت ليه ..: شكوون لاعب ..

جاوبها بلا مايشوف فيها من نيتو و كايعاود ليها على كل لعاب و منين و بلا بلا .. و هي ماهامهاش هامها تفقص اشرااق .. مابقاتش صاابرة .. ناضت غاطيير عليها تنتفها و شدها فؤاد و اشرف دار جهينة ورااه ..

اشرااق ؛ طلقني نتف مهاااااا 😡😡

اشرف : وااش لمك هترتي عاااوتاااني ..

جهينة ورا اشرف كاتغدد و تفقص فيها ..

فلتات لفؤااد و لكن شقمها اشرف و بعدها كايهدن فيها ..

اشرف : رااها حااملة .. ماقادا على نتييف .. ماقااد على ركيل ايرتااان تااني ..

غير سمعات باي جهينة حاملة و كانت اول مرة غاتعرف هادشي .. جليات فالارض محتجة كيف الدرية الصغيرة كاتركل و تبكي ..

اشراق : انااا كااانكرهاااك 😭😭

اشرف : اشرااق الله يهدييك .. واش باقية مقلقة على ميساج الصبااح .. وابربي الى هاديك منين عرفتك مابقيت هضرت معاها راه عرفاتني مرتابط و بغات تدخل بيناتنا ..

اشراق : بعااد مني مااشي اول مرة... عاارفني كاانغييير و مخلييي نمااريهم عندك غييير باااش تفقصنييي .. شوف تش درت هلى قبلك .. سمحت فخدمتي و فخوبا و عائلتي و صحاباااتي غيير على قبلك و شووووف انت بااش كااتجتاازييينييي ..

اشرف: هههههههه تيي نوووضيي من التبووحيييط خدمتك راه كانو باغيين يجريو علييم كون ماعتقتك منيين عرفوك ماااشي مصرية ... و خووك سيري طلي عليييه رااه فرحااان حيت تهنا من بروووسي بحااال والدييك هلكتي لييه صحتووو ... الصحاااب اشمن صحاااب و انت جامعة علييك غير الكذابة و الزفاااطة ..

ماجا فين يكمل هضرتوو .. جاتو ركلة بين المعالم طاح للارض و تلاحت عليه بالعضااان و النتييف و حبدات بانطوووفتها و نزلات عليه بالضرب .. ماكانتش اشراااق و انما جهينة .. وقف فؤاد و اشراق كايشوفو بعينيهم خارجين و هو ياخمي رليو من داك الضرب و يغوت يفكوووه و جهينة صاااعرة عليببه ..

جهينة : كيففاش قدرتييي تهضرررر مع صااحبتك هكاااا يااافليييل الحياااء باا الحمااار ... اصلااا عندهااا الصح مخليا كوولشي ورااها و تاابعااك يا بوالبنااات يا الحماااار ... انا من شحااال هاذي كنت كانقووول لييك صغعة هااذي لي غاتدييهاا .

اشرف : اااي .. دااابا وليتي دافعي عليها .. اااي يااك قلتي ماتصلااحش ليااا

جعينة : بدلت راأيي انت ليي ماتصلااحش ليهااا منين القضية فيها نمااري آااحرييين انا ماااعاااكش .. غانوقف مع الولية ليي بحااالي .. زيدي اختي خوودي حقك فااش كاتفرجيي

اشرف : شروووقتي لااا

جات حتى هي تبرد غداايدها فيه و فؤاد ميت بالضحك ..

بردو هوايشهم و طلقوه منتوف و كولو مقمش و حوايجو مشركيين بردو فيه الاعصااب ..

ناصت جهينة و ناضت اشراق و هما يتعاانقو كايضحكو و قالت ليها ..

اشراق : داابا كانحس براااسي مرتااحة و هم و زاح على قلبي ..

جهينة : تانا شي حاجة كانت واحلة فحلقي و اعصاب الوحم بردتهم فبو البناات .. من اليوم انا جهينة فصفك انت احبيبة.. هاد جمااعة الجلاااخات ماينفع معاهم غير الركيلل

اشراق : يخلييك ليا الحب ..

تعانقو و طلعو .. يفشو قلوبهم على بعض ..

#رجوع_للحاضر

اشرف : عمري كنت نتسناها .. جهينة تنتفني انا تشيم تشيم ..

جهينة : جابتك الوقت فطريقي ..

ايرتان : اااح داااك النهاار كان احسن يووم فحيااتي ...

جهينة ناضت: على ماشي احسن يوم فحياتك هو النهاار لي عرفتي بلي انا غانجيب ليك بيبي 😢

ايرتان: اكييد لااا احبيبة ماااشي هاادشي لي قصدت ..

ناضت مشاات كاتغبن و بغا يتبعها ووقفاتو اشرااق كاتعيب فييه ..

اشراق : يااخ على جنس كلكم سلعة وحدة ..

و تبعاتها .. و جلسو يضحكو عليه الدراري

ايرتان : و داالبا اش قلت .. انا هااد الوحم بدا يطلع ليا فراسي 😤

اشرف: دانتا لسه هااتشوووف اياام سووودة 😂😂

عز : وليتي تهضر بالمصرية دابا .. 😂

اشرف : ديك المصيبة ديالي هراتني بيها 😂..

ايرتان : ماقدنا فيل .. زادتنا فيلة ... غاتكوون طلعاات تعمرها علياا .. كون غير بقاو مخاصمين و لا هاد المصييبة 😤

طلعات اشراق و لقاتها متكية كاتخمم ..

اشراق ؛ مااال الحب اش عندها ..

جهينة : اختي ماعرفت مالي مااحاملاااش راسي .. وا الملل مابقات تاحاجة ماتعجبني من غير داك المسرح لي كانتلف فيه شوية ..

اشراق تكات حداها : بالسييف اختي و انت غير جالسة فالداار ..

جهينة : و الله الخاطر ماكاينش و عاد الطبيبة كاتقول ليا عطي الراحة لراسك واخا كلنبغي نتحرك كانلقا الجلاخة واقف ليا عند راسي ...

اشراق : ازى ماعندك مااديري من غيير الصبر ..

جهبنة : خلييك مني و قولي ليا تشيم تشيم كيف غادي معاك .. باقين البنات ضاريرن بيه ؟

اشراق : اوى حتى ماتكون سميتي اشراااق .. شديت بوه داك تيلي طحت مو فمولينيكس .. مابقا لا هو لا مولينيكس هههه

جهينة : هههههه حمقة .. اوى طيف غادية مع التدرييب ..

اشرااق ؛ اححح عطاني الله معامن فااابووور .. واخا كناكلها فعظاامي هلكوني و لااد الكلااب .. كايتحاااماو ب3 ...

جهينة : اويلي ..

اشراق : و الله اجهينة ..كل واحد باش مكلف .. يشدني هذا يطلقني لاخر ... زعما نجي فاشرف نقول حبيبي يرحمني .. و الله ياختي حتى كيتسيف حتى كانقول هذا فيه انفصام الشخصية ... شوفي *وراتها فخضها كانت فيه ضربة*.. عز عطاني هاد الدقة يوماين هادي .. احح اش دار ليه الحب ديااالي .. هو مسكين نسا راسو و مقصدش يضرب من نيتو هكا ... و لكن عجبني فيه شاشا ديالي .. اختي حسييت برااسي هكاا مهمة و عندي قيمة .. *تنهدات* عمرني حسيت بهادشي مع شي وااحد ... خوويا لي من لحمي ودمي و عمرو تسوق ليا .. ياله كايمن عليا بداك الركن ديال السداري لي شاداه فدارو ..حوايجي مالاقيا فين نديرهم من غير دوك مجورة ديال البلاستيك ...و حقي فورت با مابغاش يعطييه لياا .. قالك غانصرفهم فالخوى الخاوي و لا غايضحك عليا شي واحد و يديهم ليا .. متقلة عليييه و محسسني بيها .. قالك ماقاد على زبايلي و قباحتي .. كانت ديما مراتو جابدا ليا الصداع .. فالاول كنت نبكي و نشكي لخويا زعما يجي من جيهتي .. و لكن كانت تمتل عليه بنت الحرام و ترجع اللومة ليا .. و لكن فالاخر عقت .. و ليت نغيز لمها حتى الى جا يعايرني .. يكون عندو نييت علااش .. شافت راسها مابقات تصور متي والو و لات تضرب من التحت و تخبى وراه ... دابا غايكونو تهناو مني ياختي الدنياا هانية مامسوقينش لدلمي ..

دارت عند جهينة لقانها كاتبكي ..

اشراق : اويلي على بنت الحمقة لاش كاتبكي ..

جهيمة : عايشة محغووورة يااختي و كاتعااودي فهاادشي بحال الى عاادي ..

اشراق : اودي حتى انت .. هادشي و لاا عاادي فهاد اوقت ... و قصتي غير شوية من بزاااف ...لكل زماان تحدي ديالو .. و التحدي ديال هااد الزمان هو تحافظي على اخلاقك ... انا حتفظت عليهم ماكانظلمش و لكن كاندافع على راسي ... الى ما بينتيش نيابك كايطلعو فوق ظهرك .. واخا داك الذل معاهم .. بقيت شادا الركنة و كملت قرايتي و ضبرت فخدمة .. و ماضيعتش راسي ضد فيهم .. و الحمد الله تلاقيت داك المفغعص الحمق ... لقيت لي يهز ليا حماقي و نهزو لييه 😂😂 و الحياة صاارت حلوة ... 😂😂

جهينة : هههه الله يفرحك اختي ..

اشراق : دعي دعي اختي .. راه دعوة الحامل مقبوولة ..

ضحكو البنات و تحل الباب .. دخل اشرف وتلااح وسطهم

اشرااق : الجهل .. مال ديلمك كاترطى ..بجغنا احسن ..😤

ضحك اشرف و شنق عليهم ب2 جرهم تحت بيطانو و هما كايغوتو و يضربو ..

اشرف : هعهههه شاادين النمييمة لوااالدييكم .. شكون الضحية هااد المرة ..

جهينة : بعد للخلا غانتقيا على مك ..😤

اشرف : ههههه شرووقتي امتى نتزوجو .. بغيت نشوفم حتى انت كاتقيااي ..

اشراق :و مالك على هاد تمارة .. بغيتي غير تشوف التقية لهلا يحوشك *جلسات كاتخشي صبعها و تقيس لهى ديالها *

بدات تضحك جهينة و شد يد اشرااق لعندو و قال : ماشي ديال هكااك الخرىىى ..

اشراق : اوى انت باغي تشوفني كانتقيا اش بغيتي ندير لييك .. حمق هذا ..

اشرف : والى ماخلبيت مك تبعيني انت و تطلبيني عليها مانتسمى اشرف ..

اشراق شدات حناطو و قال : موو عكيييغك حبيييبييي ..

ضحك قرب لوجهها كايتغزل فيها حتى ناضت ليهم جهينة : واا الخرىى .. واش تفكيت من دووك ال2 طلعتو ليا انتووما .. واحتى تكونو ب2 و خراو و لازبلوو  😤

اشراق:لي شاف مك مايقولش خاذي مزوجة و حاملة .. الله يعطيني وجهك ..

اشرف : الى غرتي هبطي عند جلااختك ..

جهينة : خليني ياااله نتهنا منو شي شوية ..

اشرف : هههه علااش مااالو ..

جهينة : ولا حاضيني فالطلعة و النزلة .. ماكلة ..النعاس الدواء ... كولي هادشي ماتاكليش هادشي .. جلسي ماتجريش بالشوية .. اويلي حي الخنقة ..

اشرف : انتوما العيااالااات راه واحد صعيصعاات مامنكومش .. كون خلا مك واحلة مع راسك كون جيتي تغبني ماكايديهاش فيا ..

اشراق : زعما لهاد الدرجة ... قنطك غااع ؟

جهينة : الى ماتقتووش اجيو معايا نورييكم و شوفو ..

ناضو معاااها .. تبعووها .. ووقفو فالدرووج ..

جهينة هانتي هبطي كاتجري فالدرووج و سمعي صوت بانطوفتك مزياان .. و شوفو اش غايوقع ..

وقفات جهينة حدا اشرف الفووق .. و اشراق دارت لي قالت ليها و صقلو كايشوفو اش غايوقع ... بدات جهينة كاتغوت : ايييرتاان ..ايييرتااان ...ايييرتااان ..

صقلو و سمعو غوااتو من التحت جاااي كايجريي : جوووهااااينااااااا 😡😡

وقف قدام الدروج موجد يظيه يشدها من ودنيها .. لقا اشراق قدامو ميتة بالضحك و اشرف جالس فالدروج كايضحك و جهينة كاتقول ..

جهينة : هانتوما شفتو ...يسحاب ليه انا بطريقة .. هازة بيضة بين رجليا ..

ايرتان طالع ليها كايجري : مطلعاها علياا لمك ..

غوتات و دخلاات للبيت شد الباب قبل ماتسدو .. دخل وراها و سدو عليهم .. و اشرف واشراق وراهم كايضحكو ..

اشرف :بالرب حتى تسطاو .. 😂😂

اشرااق تعلقات فظهرو شانقة عليه و قالت : يااله نتسطاو حتى حنا فشي قنت ..

اشرف : بعدي مني الانسة راه غانفهمك غلط ..

دخل ايرتان نيشان جر المدام لعندو من خصرها .. بشوفاتو مبدلين ليها بحال الى سنين ماشافها .. و عينيه كايضورو فوجها و شعرها و يديه ضامينها ليه مانعينها من الحركة .. هي كانت كاتشوف فيه بعينين مبسمين كايقتلها بشوفاتو ..

ايرتان كايلعب فشعرها : مال وجهك اصفر ... بااان لياا خاصك جرعة من الفيتامينات ديالي 😜

ضحكات جهينة و ضربات سدرو : كون تحشم .. احنا ماشي فدارنا ..

ايرتان : ومالو .. ياك هذا حتى هو بيتنا ..

جهينة : عجزاانة مافيااش .. و زايدون اشمن حشمة هاذي جايين حتال لهنا و نغبرو فالبيت .. مالك حمق .. حيد لهيه .. خليني نهبط ..

ايرتان كايسرق قبلات و يهضر: واللهماني طااالقك ... 15 اليوم اجهينة رحمي بات ولدك ..

جهينة : هههه و هذا صافي ... نرجعو للدار و اللهما نقول ليك لا ..

ايرتان: و يااله قداامي دااابا ...

جهينة : اويييلي على داابا واش حمااقيتي .. خلينا حتى نتغداو معااهم بعدا ..

ايرتان : لاا .. ماتزيديش معايا .. اصلا خليت تيمون و بومبا مطلوقين فالدار .. غانلقاوهم مرونين الدنيا ..

جهينة : اووف زييد اسيدي .. فضحتيينا ..

جرها و كايضرب فيها بجرأة و بغيظ و هي كاتحيد يدو ...

هبطو معانقين .. و وقفو هلبهم .. كان غير عز و فؤاد ..

ايرتان : احنا غاديين ..

عز : وايلي ياله جيتو ..

ايرتان : عندنا مايدااار ياك ابنت قلبي ...

جهينة : ا..ا غير سمحو لينا اخويا .. سلمو على اشرف و اشراق راه غانرجعو بعد غدا ان شاء الله ..

ايرتان : تهلااو .. ااه ... سيرو على الخطة لي قلت ليكم .. و قولو ليا المستجداات ..

عز و فؤاد : تهلا

ركبو السيارة و الطريق كوولها و هو يتحلف حتى غرقها فحوايجها بالحشمة ... حسات بعلاقتهم طوراات اكتر و ايرتاان تبدل بحيت انه ولا كاايعبر بالفعل و يعبر بالكلاام.. ولاات طالبة يرجع غيير ايرتان لي كان يحشم و يدير السبايس بيناتهم ... دابا مابقا لااش ولا غير يطلق بدوون حسااب .. اكتاشفت شخصيتو الجريئة لي ماكاتشوفها غير هي .. تصرفاتو معاها ماشي نفسها لي مع البقية .. الاخرين باقي على نفس داك الشخص البارد ..الصعب ... و لكن معاها شيء آخر .. تعرى قداامها ولاات كاتعرفو اكتر منين فتح قلبو و عاود ليها كولشي .. شخصيتو جذابة بداك العفوية المرزنة ديالو .. و ضحكو الجريئ فالاوقات الحميمية ... ولاات عايشة فعاالم دياالو صاانعو خصيبصا لييها ... ماكيتفاارقوش ...ولا بين يديها بحال الطفل الباحت على قلب امو الحنيين .. و الاب لي كايعطف و يراعي بنتو ..

وقف السيارة و شاف فيها بنظرة متيرة و قال : يااااله .. نيشااان للبيت ..

جهينة خرجاات دغيا كاتضحك و تخبي وجهها بالحشمة دخلاات للدار مابقااتش شافت فيه ..

خرج كايضحك و تبعها ...

دخلو للبيت و نيشان سدو و جرها لعندو ..

جهينة : ههه تكايس اويلي مالك هكا فجأة رشقات ليك عليا ...

ايرتان كايهضر و شا فخصرها دافعها للسرير : انا ديما راشقة ليا علييك .. غير انت لي الله يهديك ..

ضحكات و استسلمات بين يديه باش ترحل معاه لعالمهم الاخر ...

🌆غربات الشمس ...كان ناعس فبلاصتو و باقي على حالو .. خرجات جهينة من الحماام ... ملوية فالبينوار ديالها ... وصلها اتصال من امها و جاوباتها ... سولات فاحوالها و فحملها و على راجلها .. بعدما طمنو على بعضهم قطعات ... شافت فايرتان و تخشات حداه ..

جهينة .. فكرات فيه و فحالو ... مزوج و باني حياتو ووالديه آخر من يعلم .. حتى من امها كاتظن بلي ابوه الحقيقي هو آيديين ... ماكرهاتش تدير شي حاجة على قبلو .. عارفة بلي موضووع امو حسااس بالنسبة لييه .. وااخا كايبين بلي برد من جيهتها .. و لكن النرة لي كان كايعاود عليها .. حيات بالحنين ديالو ليها فنبرة صوتو فاش كان كايعاود كيفاش كانت كاتعنقو و تهتم بييه ...

كانت كاتفكر و مارداتش البال بلي هو حال عينيه و كايشووف فيها .. فيقها من سهوتها فاش قال :

ايرتان : اشنو شاغل بال بنت قلبي ..

جهينة بدون تفكير : انت ..

ضحك ايرتان و قال : هاني معااك ..

جهينة : ماشي هكاك ... زعما ..

ايرتان : زعما اشنو ..

جهينة باندفاع و بخوف من ردة فعلو : عائلتك ..

جمع ضحكتو شوية و قال : عائلتي .. هاني عايش بيناتهم ..

جهبنة : ايرتان راك عارفني شنو كانقصد .. راه اكيد خاصك تعلمهم بلي انت مزوج دابا و جايك ولد .. كيفما كان الحال راهم عائلتك ..

ايرتان : وا صاافي حتى تجييبها الوقت ... دابا مامستاعدش نشووفهم ..

جهينة : ايرتان ..

ايرتان ناض جلس : جهينة... ماتحلبش معايا هاد الموضوع تاني صاافي ... اخر مرة مشيندت عندهم فالصيف .. ماجيت حتى نوضتها معاه ... مجرد الشوفة فيه كاتستافزني .. كانمقتو لابعد الحدووود ... ماباغيهش يعرف شكون فحياتي و شكون كايخصني .. لاولادي لا مراتي .. حيت هو ماكايهمنييش .. و رأيو ماكايهمنييش ...

جهينة: وااخا .. و ماماك ؟

شاف فيها ايرتان بنظرة منكسرة و دور وجهو و قال : راها مع راجلها و بنتها .. اشنو بيبها ..

جهبنة : واش ماباغيش تعرفنا على بعضنا ؟

حذق فيها لبرهة و قال : مامستاعدش داابا ...

ناض دخل للحمام و خالاها كاتنهد و تخمم فحالو ..

داز على كلامهم 3 اشهر اخرى ... جهينة قفلات الشهر السادس فحملها ... عرفو السيكس ديال البيبي و عرفو بلي عندهم بنيوتة ... مابقاتش جهينة هضرات ليه على الموضوع حيت ردة فعلو كانت قوية و بقا على رأيو .. و خلاتو على راحتو ... الاتصال ديما قائم بينها و بين ماماها و حتى ايناس و عتمان .. الحمل غادي و كايصعااب علييها فصل الربيع دوب التلج .. قررات تخرج من المعهد حاليا بسباب التقل و العيا .. وجدو غرفة البنيتة و ديما كايشريو ليها حويجاتها .. اشراق دخلات فالتدريب الفعلي و الامور عندها غاديا و كاتصعااب و لكن بعزيمتها و إرادتها باش تطور كاتحسن و آيدين راضي بيها كل الرضى .. بحيت بدات كاتدخل لعالمهم و كاتعرف بالاعضاء الباقيين ... فهاد الشهور كلها لي دازت تعلمات للتركية ...و ولفات حياتها الديدة و لقات فيها راسها ..

كان وقت منتصف الليل ... كانت جهينة منزعجة و كاتقلب فبلاصتها ... حتى جهة ماريحااتها...تقل البيبي كايظغط على اعضاءها الشيء لي كايضيق التنفس عندها و كتزيد دقات القلب ... و عاد تحركات البيبي لي كانت ممتعة فالشهر الرابع بحيت انها كانت خفيفة و كانت شعوور جدييد عليها .. و لكن الامر كايسووء دابا بحيت ان تحركاتها ولات اقووى و ضربااتها كتألمها حتى كاتبان مرسومة فكرشها .. و كاتفيقها من النعااس ... ناضت جلساات و مسندا يدها على ظهرها لي حتى هو بدا يعطييها الحريق .. تنهداات و شدات فكرشها لي كانت الحركة ظااهرة فيها ..

جهينة كاتوشوش مع بنتها بلا ماتفيق ايرتان: بااينة فييك كاطيري بحاال ماماك .. واشنو ..غاندوزو مزال واحد 3 شهوور اخرى هكا بلاا نعااس ... بلاااتي حتى فااش غاانولدك غاتخليني بلا نعااس .. مابقااتش فييك ماماك احبيبة دابا ...

زادت بنتها كاتضرب ..و هي كاتشد كل بلاصة بألم .. طار النعااس دابا كيف دييما .. قررات تجلس و تشد كتااب من كتوية ايرتان لي ولات ديما ملاهية فيهم ...اللهم تقرا و تلف شوية حتى تهدن بنتهاو يجيها النعاس تاني ...

خدات الكتاب و شعلات الفيوز حداها و بدات تقرى .. نعاس ايرتان حتى هو خفيف .. حس بيها و دار عندها .. حل عين كايطل و قال :

ايرتان : جهينة ؟

جهينة دارت عندو : سمح لي فيقتك ؟

ايرتان تقاد و جلس حداها : مالك .. عاوتاني ماخلااتش تنعسي ..

جهينة : اه .. كيف كاتشووف ..

حط راسو على كرشها و عراها ... بان ليه كرشها كاتجبد من كل جهة و بدا يضحك ..

جهينة : نوص تغعد عليا .. ماتكافيت مع بنتك زيدني تقلك حتى انت 😤

ايرتان : زمي فمك خليني ندردش مع هاذي حتا هي ...

جهينة : غبااارة ان شاء الله 😤

ايرتان كتيتلمس كرشها : هذيك العفييريتة ... اش داايرة تما .. ماكاتنعسييش ..

جهينة : شبهات باها 😒

ايرتان : بنتي غاتشبه امها ..

جهينة : نو باها ..

ايرتان : اوى تشبه امها فالشكل و فباها فالشخصية ..

جهينة : لا تشبهك انت فكوولشي ..

هز ايرتان راسو يشوف فيها بحيت ولا فووق سدرها و هي تشدو ..

جهينة : ااااي عغرتيني 😣

ناض ايرتان كايضحك و جلس مقابل معاها نيشان و قال ..

ايرتان : اري نشووف ..

جهينة : وقت بسالتك هذا .. راه بالصح كاتعغرني ...

ايرتان بدا يهرها و يختشا فيها و يغيظها : ويينو على اااي ضرييتييني و كاايعجرووني ..

جهينة : هههه رصى هههههه مافيا لي يضحك ا اييرتان راه والله النفس ماكايطلع كاامل .. ههه ايييرتااان ..

ماكانش ناوي يطلقها كون ماسمع التيليفون كايصوني .. خلاهم يحبسو ب2 و يشوفو فبعضياتهم بقلق ..

جهينة : شمون غايكون كايتاصل فهاد الوقت .. نووض شوف دغيا ..

ناض عليها ايرتان هز تيلي و تبدلو ملامحو منين شاف السمية ... شاف فجهينة .. لي تاهي شافت و قالت ..

جهينة : ماماك ... جاولها اش كلتسنااا ..

جاوب ايرتان بدون تردد و قال : ماما ؟؟ يااك لاباس .. واش انت بيخير ؟؟

سكتاات ماجاوباتش و قال ..

ايرتان : مداام وفااء التازي .. عاارفك كاتسمعيني ..

سمع ضحكها تقييل و بقا كايتصلغى ليها و يشووف فجهينة لي بادي عليها القلق ..

علاقة ايرتان و ماماه فشكل .. هو غاضب منها و فنفس الوقت شي حاجة كاتمنعو من انه يشركها مع الاخريين .. هملاتو و خلاتو فقبضة بااه و عمرها دارت شي محاولة تهرب تعتق راسها وولدها .. و لكن واخا هكااك .. ماقادرش يكرهها .. برودو تجاهها ماهو غير غضب عمرو خرجو ..

بعد ضحكها سمعها ماتقول و لكن بالتركية : مدام وفاء التازي ... ههههه حتى اسمي ماسلمش ... انا مااشي وفااء تازي ... انا بيراي **** و كنت غانكون بيراي ****(كنية ايدين) ...كون ما هادوك الظالميين لي لعبو بحيااتي هعهه اوووه اش هاااد الحيااة لي ماشي عادلة ... طان كايسحاب ليا غايجي النهاار لي غايساالي هاذشي و نرجع لاصلي ... و لكن .. فااات الفوووت هههههههه

ايرتان : ماما ؟؟ واش شااربة .. رجعتيي لشرااااب تااااني ...

وفااء بالتركية: اكيييد سكرانة .. اكييييد رجعت نشرب ... وسط هادشي كوولو .. ماكاننسا غير الى شربت ..

ايرتان ناض وقف غادي جاي و كايهضر: ماما .. وااش حدااك شي حد .. شوكون حدااك ؟

وفاء: اااخ اولدي ... انت بووحدك لي بقيتي لياا ... انت لي ماشي بحاالهم ..

ايرتان : فين نيسرين .. كلميها ..

وفاء: يمكن ناعسة و يمكن سهراانة فالزنقة عااايشة حياااتها غااااعماا مسوقة ... كون غير قدرت نديير بحاالها .. هههه ... انا جااالسة غير بووحدي كيف الحمقاااء ... باباك خلاني بووحدي و مشا عند صاحبتو و جدااتك سادة عليها بيتها و انا بووحدي فهاد الداار الكبييرة الباااردة هعه كولهم عايشيين و لكن انا متوقفة عندي .. كانحس براسي غارقة فواحد الارض متحركة ماحدي كانقاوم و انا كانزيد غارقة ... و حتى الى ماتحركتش كاتغرقني ههه اوووف وحلت و مالقيتش لي يرمي ليا حبل النجااة ... ههه اجي مدو ليا انت .. انت لي عندي .. اجي عندي اولدي ..*كتبكي* انا توحشتك صدرك الحنين .. توحشتك اولدي ...

تأسف ايرتان لحال امو و جلس فالكورسي شاد راسو .. صوتها و هي كاتهضر بديك الطريقة كايذبحو و يقطعو و يعدبو .. ماماه كاتعذب ... كاتقاسي مع الوحدة و غارقة فاكتئابها .. ادمنت الكحول باش تخرج من ديك الدائرة المحيطة بيها و تقدر تتلف على الوااقع .. (للاشارة فقط ام ايرتان مسيحية )

ايرتان كايفكر ساكت و حجباانو تقرنو و ملامحو تبدلو ... جهينة متبعة حالتو بقلق .. قطعات و عيط تيليفون كايشوف فيه ..

ناضت جهينة عندو ... و حطات ذراعها على ظهرو .. على راسو و عنقها ... حط راسو على كرشها و حاوط يديه عليها .. بادلاتو العناق و خشات يديها فشعرو تهدنو و قالت :

جهينة : اشنو وقع لماماك ؟

ايرتان بنبرة حزينة : سكراانة و كاتعذب .. باقية بووحدها... مخليينها بووحدها فدييك الخربة ...*بنبرة منخفضة * جالسة بوحدها كاتعذب ...

جهينة : كانظن.... جا الوقت تكووون فجنبها ..

ايرتان : واش يسحاب ليك عمرني حاولت نخرجها من داكشي .. شحال من مرة عرضت عليها نفكها منهم و تجي تعيش عندي ... انا قادر نحميها منو .. و لكن هي عمرها رضات عمرها بغاات .. كاتبغي تبقى معاه و براضااها .. انا ماقادرش نفهمها .. عمرني قدرت نفهمها واش كاتبغييه لهااد الدرجة .. اولا باقية كاتخاااف منووو .. ماعرفتش

جهينة ؛شووف فيا ... حتى امراة كاتقبل تبقى مع راجل عذبها و تكرفص عليها ما مرة مازووج .. واخا تكون كاتموت على التراب لي كايمشي عليه .. ماتسمحش ليه .. انا كانظن بلي باباك كايظغط عليها و مامخليهاش تتحرك بلا علمو ..هي اكييد ماغاتقوول ليك والو .. انت خااصك تبقى فجنبها و تعرف اشنو كاين بلا ماتسولها .. خلص ماماك و حررها ا ايرتاان .. ماماك محتااجاك ...

ايرتان تبت و كأنها عطاتو فكرة .. هز راسو عندها ووقف ..شد خديها و قال :

ايرتان : عندك الحق .. هي محتاجاني .. ماخاصنيش نتخلى علييها .. شحااال كنت حماار و عمرني فهمت .. اكيد هي محتااجااني .. غادي نمشي للديك الدار و غانجلس معاها و حتى نخلصها من داك الوحش .. و غادي نجيبها معايا و عمرو مزاال يوصلها ..*باس راسها* غذا غادي نديك للقصر ... غاتبقاي تما بما رجعت .. غادي نحاول مانتعطلش و لكن ماغانرجع حتى نجيبها معايا .. و غنعيشو ب3 ..كانقصد ب4 .. انا و انت و بنتنا و جداتها ..

جهينة ابناسمت و قالت: ان شاء الله .. و لكن انا راه رجلي برجلك .. ماغانخليكش بووحدك ..

ايرتان : لا .. خليك بعيدة على ديك الدار الموسخة .. غا

جهينة : لا .. كلمة وحدة... ماغاديش تمشي بلا بيا ..

تنهد و قال : واخا .. واخا احبيبة .. *عنقها*

ايرتان : غذا الصباح .. جمعي الحوايج .. انا غادي نمشي نعلم بابا ..

جهينة : ان شاء الله .. و اجي نعسو دابا .. ماحد الخنفوسة تهنات ...

ضحك اي تان و هبط لمستوى كرشها باسها و جرها ..رجعو لسريرهم و نعسو ...

🌞🌞يوم جديد ..

فاقت جهينة مالقاتش ايرتان حداها .. باينة مشا للقصر ..

ناضت لقات فطورها واحد كيف العادة .. فطرات و قلبات على تيمون و بومبا ياكلو و لكن مالقاتهومش عرفات بلي ايرتانداهم للقصر يبقاو عند الدراري ..

طلعات للبيت و جمعات حوايجهم و هبطات تصاوب الغذاء ... كاتشقى و تمزك و تحتت مع بنتها ..

عند آيدين لي كان جاسة فمكتبو و ايرتان حداه ..

ايرتان : قررت نجيبها ابابا ..هي كااتعااني تما مع داك الحيوواان ..

ايدين بتوتر و قلق : اش دااار لييها ...

ايرتان شاف فيه ووقف دار كايكل من الشرفة ... عارف بلي آيدين كايبغي ماماه .. و ماعندوش مشكل فهادشي .. و لكن كايأنبو ضميرو .. حيت ماعطاهش الحقيقة كاملة و اخفى عليه ان محبوبتو كانت كاتعرض لاغتصاب وحشي كل يوم ... لي عارف هو انه كان كايضربها قدام ولدها فقط و كايخونها ...

آيدين وقف وراه و دورو لعندو : هضردغيا .. اشنو واقع لماماك ..

ايرتان : حالتها النفسية مامسااقراش ... و ..ورجعاات لادمانها .. انا خايف دير شي حاجة فراسها .. خاصني ندير حد لهادشي و نعرف ميفاش نفكها من بين يديه ..

آيدين : انا غادي نتكلف بهادشي .. انا غادي نخطفها و نجيبها هنا ..

ايرتان : لا ابابا .. انا لي بغيت نمشي .. الى حتاجيتك غادي نعلمك ..

ايدين : واخا اولدي ..*عنقو* رد البال لمراتك و لماماك .. و ماتجي حتى تجيبها ..

ايرتان بنظرة صارمة : غادي نخلصها منو ..

خرج ايرتان من عند آيدين .. حجز النذاكر و رجع للدار ...

دخل لقاها موجدة الغذاء ... جلسو تغداو و عاود ليها شنو دار هاد الصباااح .. بقاو العشية فالدار حتى وصل الوقت و ناضو لبسو و هزو شناطي ديالهم و نيشان دخلو لمطار تركيا... باش يخرجو من مطار المغرب بعد ساعات طويلة ديال السغر .. و كانت 3 الصبااح

جهينة : و اخيرا وصلنا .. عييت ..

ايرتان : مابقا والو احبيبة نوصلو للدارنا و نعسي و ارتاحي ..

جهينة : نااري با ايرتان هاد تفكرت ...

ايرتان : اشنو ..

جهينة : خليت الروييينة هنا ... سيارتي باقية قدام السمسار .. باغاج الدار كوولو مجمووع و كنت قايلة لسميار بلي غانرجع ليهم ..شوف شحال من شهر دااز دابا .. و عااد واحد البركة ديال الفلوس حتى هي كاينة تما .. مايكونوش دخلو هزو كولشي ؟ 😨

ايرتان : هههههه يااله مفكراااا ليااا الفلووس و الرويينة .. الالا منين جابو ليك تيمون و بومبا .. رجعو كوولشي لبلاصتو و الفلوس دارو فكوفر و نزيدك ... دار راه شريتها فسميتك ..

جهينة : اش قلتيييي

ايرتان : ولاايني راك حماارة منيين كنتي باغية تسمحي فديك الدار .. هاذيك كانو فيها اعظم و افضل ذكريااتينا.. ديك الدار فين كنت كانرتاح و لي ديما كان بالي فيها هاني .. فيها بغيت بنت قلبي و تعرفت عليها و فيها صنعت هاذيك لي فكرشك ههه

جهينة ضرباتو فكتفو : ههههه راحنا فالزنقة اراجل .. و لكن بصح .. واش شريتيها على هاذشي ..

ايرتان : اه الالا .. هاذيك خاصة بينا حنا .. مابغيت حتى حد يدخل ليها من غيرنا ..

جهينة تبسمات و و ضارت قدامها .. وصلو للسيارة مدها ليه و مشا ..

جهينة : هذا حتى هو ..

ايرتان : ااايه من رجال المنظمة ..

جهينة : تركي تاهو ؟

ايرتان : ههه لا مغريبي ..

جهينة : اااه .. و شحال من بلاد مفرعين فيها ..

ايرتان حل السيارة : ياله المدام .. ركبي ماسوقكش فداكشي ..

ركبات جهينة و ركب حتى هو و نيشان للدار ..

دخلو و شعل الضو و بركات تدور فعينيها ...

جهينة : ااااح توحشت داارنا ...

سد ايرتان الباب و دخل الشانطات للبيت .. تبعاتو جهينة و لقاتو كايبدل حوايجو ..

حلات الماريو لقات حوايجها لي خلات منهم ... و كولشي فبلاصتو و لقات كوفر صغير ..

جهينة : هذا لي قلتي ليا ..

دار عندها ايرتان و جبدو .. حطو قدامها و حلو ..

ايرتان : كلمة السر هي ..هيفيين ..

جهينة : هيفيين ؟ *وقفات* سمية تاعمن خاادشي يسحاب ليك ماغاديش نعرفها سمية بنت 😠

ايرتان : هههه .. جلسي لمك الارض .. هاذي راه سمية بينتنا ..

جلسات فبلاصتها و قالت : على انت اسيدي سميتيها

ايرتان : ااه الالا سمييتها .. ماتخافيش سمية اسلامية ..و كاتعني الامل ... *شد كرشها*حيت هي الامل ...*وهز راسو شاف فبها و حط جبهتو على جبهتها* لي عطاتني الحياة .. و انت هي الحياة ..

تبسمات جهينة بتأتر من كلاامو ... عنقاتو و باست خدو ..

جهينة : كاانبغييك..

ايرتان : و انا كنمووت فديلمك ..

ضحكات جهينة و طبق منها و جلد الفلوس

ايرتان : راه زدت عليهم .. خليهم هنا ماعرفتي الزمان اشنو يجيب ..

جهينة : واخا اسيدي .. اصلا ماعندي ماندير بيهم ..

سد ايرتان الكوفر و رجعو .. هي ناضت بدلات حوايجها و تخشات حداه..

جهينة : اووف ظهري غايتقسم ..

ايرتان : غير بشوية عليك ..

جهبنة : ماقلتش لماما بلي جيت ... توحشتها بزاف و هي مشوقة تشوفني و مشوشة عليا ..

ايرتان : غذا نطلاقاو بالواليدة و غادي نديك عندها .. بقاي تما حتى نفك مشكل الوالدة ..

جهينة : اه ؟ غانتفارقو ؟

ايرتان : هههه مال مدامتي خافت توحشني ؟ شوفي شحال من شهر و انا لاصق فيك .. توحشيني شوية ههه

جهينة دورات يدها على عنقو قاجاه ؛ باغي تفك مني ؟ و الله لا كانت ليك ..

ايرتان : لا باغي نتفك من حزااقك .. لي وليتي قاهراني بيه كل ليلة..

جهينة : اويلي على الحزااق .. مامانحزقش غالاك .. هادوك غير حزقاتك و باغي تسبيهم فيا .. *ماكملاتهاش و هي طررر*

بدا ايرتان كايضحك و هي تسد ليه نيفو و بدات تنش باش تحيد الريحة ..

جهينة :ويلي ويلي على فضيحة ..

ايىتان : هههههههه هاديك ترمة عندك و لا باازوكة 😂

جهينة : بزااف عليك .. ماتعايرش ليا ترمتي .. اصلا بنتك هي السباب انا مامولفاش نديرهم هكا ..

ايرتان :انت كولشي سبيه فبنتي ... حيدي ماعرفتي وااالو ..

جهينة : اشنو لي ماعرفتش ..

ايرتان : *طررررررررر اكبر منها *

شافت فيه و هي تسد نيفها ...

جهينة : ياا لطييييف يااالطيييف .. اش وااكل البااارووود ..

ارتان : ياله ... اشتي الحزقة كييف دايرة .. اشتي حزقتك دابا كاتبان كيوت على هاد حزقتي ..

جهينة : ماكيوتش ... هانت سمع * طرررررررررر*

ايرتان : اااه .. اااه .. فين كنتي حاابسااها ..

جهينة : هههههه انت اي جبدتيني راه وليت جالسة و قارماها لا تخرج شي وحدة و لكن من اليوم ماكاين غير طاااق امااارش .. ااح الله على رااحة .. وا فووت حزقتي داااباا

ايرتان : ههههههه هاهي *طررررررر *

جهينة : ناااري غانرض 😣

ايرتان : هههه علاش كاتحداايني ... ياله شمي نفحات الياسمين على قلبك 😂😂😂

جهينة سادا نيغها : نارري مامعاكش اللعب ... ياالطييبف عججتي البيت ..

ايرتان : ههههه نووضي حلي الشرجم يتنفس راه رضيناه خضر 😂😂😂

يوم جديد ....

فاق ايرتان قبل من جهينة و دخل للحمام .. خدا دوش و خرج .. لقا جهينة فالكوزينة كاتصايب الفطور ..

لبس حوايجو و مشا لعندها .. عنقها من لور و باسها ..

ايرتان : صبااح الخيير الحزاقة ديالي ..

جهينة : صباح النور الحزااق الكبير ..

ايرتان: هههه .. عيطتي لمك ؟

جهينة : بغيت نديرها ليها مفاجئة .. و لكن خفتها تعيق بكرشي ..

ايرتان : عاادي موحال تعيق .. اصلا غلاضيتي قولي ليها غير بالفلض داكشي علاش كرشك اكبر على المعتاد .. ا ولا لي غااز .. عطا الله باش تقنعيها ..

جهينة : واخا اسيدي .. و ماماك ؟

ايرتن : خفت نعيط ليها فوقت يكون معاها داك بنادم ..

جهبنة : 10 الصباح هادشي اش غتيكون حداها كايدير ..

ايرتان : واخا الالا .. *هز تيلي و عيط *

وفاء : ولدي ..

ايرتان : ماما .. لاباس ؟

وفاءهضرة مخاطة بدارجة و تركية : ح..حمد الله ... اش هاد التعييطة .. شهورة ماسمعت صوتك .. خاذي هي غادي ترجع ورى الصيف ؟

ارتان فهم بلي نسات المكالمة لي دازت بيناتهم حيت كانت سكراانة .. شاف فجهينة و قال :

ايرتان : ماعليش الوالدة .. راك عارفاني ماعنديش مع ديك ادار .. بغيت نشوفك ..

وفاء: تشوفني ؟

ايرتان : اه اماما ماتقوليش لا .. *تبسم و شد فيد جهينة*عندي ليك مفاجئة

حس بيها ضحكات و قالت : واش ليا انا ؟ اشنو هي هاد المفاجئة .. اجي عندي ..

ايرتان ؛ مفاجئة حساسة و بغيتك غير انت لي تشوفيعا حاليا ..

وفاء: شوقتيني ...

ايرتان: هي نتغداو برا ؟

وفاء : واخا .. نيت ماكاين حد اليوم .. كلها و مشغوول فجهة .. جيتي فوقتك *ضحكة مصطنعة*

تبدلات ملامح ايرتان .. عارفها كاتمتل علييه .. حيت عارفهم حتى واحد ماكايعمر ديك الدار ... حتى من جداتو ماكاتعمرش معاها حيت هي اجنبية و ماكاتحملهاش ...

ايرتان : واخا مزياان .. نتلاقاو ف**** مع 12 ..

وفاء : وااخا اولدي ... 12 تلقاني تما ..

قطع ايرتان و شاف فجهينة ...

جهينة : مالك ؟

ايرتان تنهد : والو ... هانتي غاتلاقاي حمااتك .. ماخايفاش ؟

جهينة حاوطت خصرو بيديها: بالعكس .. متحمسة نتلاقا بهاد المرأة العظيمة لي كانت السباب فوجودك فهاد الدنيا .. بغيتها غير من خلال كلامك و داكشي لي كاتعاود ليا عليها ..

ايرتان تبسم و باس راسها : انا متأكد بلي حتى انت غاتعجبيها ...

جهينة : ان شاء الله .. و ياله نفطرو بعدا ..

بعد ساعيتين .. دخل ايرتان شاد فجهينة للمطعم لي غادي يتلاقاو فيه ..

جهينة : فين هي ؟ بانت ليك ..

ايرتان وقف كايشووف .. و قال : ااه .. راهيا ..

جر جهينة و راه .. كانت امو جالسة فبلاصتها ساهية قدامها و باينة عليها محملة بجبال على كتافها .. كانت امرأة متوسطة العمر .. بلباس راقي مناسب لسنها .. شعرها اسود مطلوق و ملامحها سوداء اقرب لارتان .. مافاقت من سهوتها حتى وقف قدامها و مسك كتفها .. هزات عينيها فيه بخضة و قالت ..

وفاء بالتركية : ايرتان .. ولدي .. *عنقاتو*

بادلها ايرتان العنااق و خاشيها وسطو بقوة .. بحال الى باغي يخبيها ..وقفات جهينة كاتشوف فيهم باسف و ماعارفة شنو دير ..

شافت فولدها و هي باقي ماردات البال لجهينة .. شدات فحنامو و قالت: توحشتك اولدي ... غاتبقى ديما تغبر عليا هكا بالشهووورة ..

ايرتان : قلت ليك اجي تعيشي معايا فتركيا .. علاش ماباغياش ..

تبسماتو قالت : اشنو هي المفاجئة لي قلتيلي ..

ايرتان تنهد و دار عند جهينة حيد من طريقها و جرها لقدام ماماه .. شافت فيها و شافت فكرشها و من بعد هزات عينيها فايرتان بحال الى كاتسولو ..

ابتاسم ايرتان و قال : هاذي مراتي جهينة .. و حاملة بحفيدتك ..

تبسمات وفاء و شافت فيها ..

و قالت بالدارجة : واش بالصح .. مراتك .. و حاملة ..

هز ايرتان راسو ... ضحكات بفرحة و جراتها من يديها بلطف و عنقاتها ...

بادلاتها جهينة بالعناق و هي فرحانة .. كانت كيفما تخيلاتها .. امرأة جميلة و لطيفة و حنونة ... كاتعطي انطباع ظريف و هادئ ...

جراتها لقدامها شافت فيها و حاوطت حناكها بيديها و قالت :

وفاء:مراتك غزاالة...

ضحك ايرتان و قال : عاارف ..

جهينة تبسمات فوجها و قالت : شكرا .. ولكن ماشي احسن منك انت ... انت زوينة و كاتباني اصغر من سنك .. فاش كان كايوصفك ليا ماقالش ليا بلي ماماه زوينة هكا ..

ضحكات و قالت لايرتان : و مربية ..

ضحك ايرتان و قال : ياله جلسو ارتاحو ..

وفاء: ياله .. عاودو ليا .. كيفاش تلاقيتو و امتى تزوجتو ..

ايرتان : هههه قصتنا ماشي رومانسية اماما ..

جهينة : ههه لاحقني باش ينتاقم مني ..

وفاء باندهاش ؛ كيفاش ؟!!

جهينة: ههه ضربتو فوجهو حيت تبسل عليا و مارضاش .. ناض تبعني حتى لقاني .. ووقع مشكل ضربتو بالسيارة و كان خاصني نتهلا فيه بما انني ممرضة .. ولدك استاغلني و شد ليا الركنة فالدار و مع الوقت هكا بغينا بعضياتنا ..

شافت فيه وفاء بلوم : ماغاديش تبدل ... كيفاش قضرتي دير هكا فبنت ... قبيح ..

ايرتان : هههه اوى هكا تقدر ليا متلاقا مع هاد المشعكة ..

ضحكات وفاء و قالت : فرحتوني اولدي .. و لكن مقلقة منك كان عليك تقولها ليا .. واش درتو العرس .. و امتى ..

ايرتان : 5 اشهر باش تزوجنا فتركيا و مادرناش عرس غير حفلة بسيطة ..

وفاء: و علااش .. كنتي تجيبها و ندير لولدي احسن عرس نفرح بيكم ..

ايرتان : ماكناش باغيين نديروه .. و عاد كنا مجبوورين نسربيو ..

وفاء: و علاش ..واش كان شي مشكل ؟

اي تان : جهينة كانت حاملة و كان خاصنا نباليو .. (عاودو ليها كولشي )

ام ايرتان تفهمات كولشي و كولشي كان عندها عادي حيت هي ماشي مسلمة .. فرحات بيهم و سولات فعائلتها و عرفات عليها معلومات عامة .. سولاتهم فين عايشين و فين مستاقرين ..

وفاء: و كيف داايرة مع الحمل .. شحال دابا عندك ..

جهينة : عندي 6 اشهر ... و كانظن راك عاارفة الحمالة الاولى كاتكون صعييبة .. و ديما مشوشة و خايفة عليها .. و خايفة من الولادة و شحال من حاجة شاغلاني

وفاء: اه ابنتي عندك الحق .. كانتفكر بلي فحمالة ايرتان كنت ديما مريضة و عيانة .. غير عطي لراسك الراحة و ماتفكريش بزاف الاموور عاادة كادوز مزياانة .. و ايرتان معااك ... ماتخافيش ..

ايرتان باس يدها : بطبيعة الحال انا معاها ..

تبسمات جهينة و بادلاتو الشوفة .. شافت فيهم وفاء و هي متأترة بعلاقتهم .. عجبها بزاف تشوف ولدها فرحان و ملامحو مرتاحة .. فدوك الايام القليلة لي كان كايجي عندها ديما كان مغوبش و ملامح الغضب و البرود طاغية .. و لكن دابا مرتاح و طاقة ايجابية مدوها ليها .. فرحوها بالخبر لي شاركوها .. فرحات حيت ولدها تغكرها و على الاقل شي واحد لي كاتهمو ..

شاف فيها اي تان ساهية فيهم و قدر يقرى افكارها ..

ايرتان : ماما ؟

وفاء: امم .. نعام اولدي ..

ايرتان : انا بغيتك فجنبي .. طلقي من داك الراجل و ياله معايا ..

زفاء: اش كاتقول اولدي ... كيفاش ماتطلب مني نطلق من باباك .. حماقيتي ..

ايرتان : حتال امتى غاتبقاي هكا .. حتال امتى غاتصبري لوسخو .. خورجي من تما .. حرري نفسك .. حرري روحك .. هذاك الراجل ... دمر ليك حياتك و ضيع انوتتك و كلا شبابك و طعن فكرامتك.. ماخلا فيك واالو .. اذاك و تعذى الخطوط الحمراء معاك و باقي كايآديك .. علااش باقية صاابرة .. اشنو السبب .. ولادك كبرو و كل واحد قادر براسو .. انا قادر نتحمل مسؤوليتكم انت و حتى اختي ..

وفاء: اختك عايشة اميرة مع باباها .. مانظنش غاتبغي تمشي معاك .. و انا .. مرتاحة مع راجلي .. داكشي لي وقع شحال هاذي ماابقاش .. دابا تبدل و ..

ايرتان : سكتي اماما .. ماتزيديش تكذبي عليا . مانعرفك .. انت راك نسيتي بلي عيطتي ليا يوماين هاذي و انت .. *بان على وجهها الصدمة* انا عاارف امانا بلي انت وحيدة فظيك الدار و تعيسة ... ولدك باغيك فجنبو .. علاش كاتعارضي .. ماكايهمني حتى حد من غيرك .. الى نيسرين عاجبها الحال معاه .. انت مامظطراش تبقاي على قبلها .. هي قادة براسها مابقاتش صغيرة .. عارفة المزيان من الخايب .. انت مامظطراش تحملي شي حاجة مزال اماما .. عافاك .. ياله معانا ..

وفاء: ولدي عافاك .. صافي .. احبس .. كلمة وحدة قلتها ليبك .. انا نرتاحة مع عائلتي .. و غانفرح بزاف الى جيتي انت و مراتك و عشتو معايا .. عمروها عليا .. حتى انا بغيتك .. و لكن معانا اولدي .. مجموعين كاملين .. و تربى حفبدتي قدامي .. اشنو قلتي ..

ايرتان : مراتي و بنتي ماغايعتبوش ديك الدار اماما .. انت عارفاني شنو قااسيت فييها ..

وفاء بغير حيلة : على راحتكم اولدي .. و لكن ماتقطعش معايا .. بقاو تهضرو معايا و تسولو فيا .. *كاتدمع*

ايرتان جرها عنقها و شاف فجهينة لي دورات وطهها كاتمسح دمووعها .. باس رأس ماماه و قال ..

ايرتان : ماعمري ما غانتخلا علييك مزال ... واخا ترفضي .. مماغانستسلمش .. و تقولي لي قلتي ماغانتيقكش و غاندير لي فجهدي باش نشوف فرحتك و نحررك من يدين داك الراجل ..

تخشات فيه اكتر بحال الى كاتقوليه اه اولدي .. اعتق ماماك .. انا ماشي سعيدة و كانعاني بوحدي و ماقادراش نتنفس ... خلاها فحضنو و حط راسو على راسها .. بعد قليل هزات راسها و مسخات دموعها .. شافت فجهينة و شدات فيديها و قالت ..

وفاء: سمحي ليا ابنتي نكدت الجو .. و بكيتك معايا ..

جهينة : لا اخالتي .. خودي راحتك ..

تبسمات ليها و قالت ..

وفاء: ياله طلب لمراتك و ماماك ياكلو راه جانا الجوع ههه

ايرتان : انتوما تآمرو ...*أشار للسرباي* سمح لي ..

يتبع