قدري أن أحبك الجزء 24

حك مؤخر راسو و قال : ولكن انا ماباغيش مراتي تعتب هاد الداار ... اصلا انا مارابح والو من هاذشي .. علاش غانجيبها و نجي نسكنها هنا و نخدم معاك .. عطيني سبب مقنع ..

ضحك عمر و قال ليه : غادي تربح ماماك و مراتك ههه ماشي سبب مقنع ؟

ايرتان دوز لسانو وسط فمو و قال : ااه .. القضية صعابت علييك لدرجة انك ..وليتي تهددني .. الوالييد .. *باستهزاء*

ضحك وجوبي مستهزء: اكيد لا .. انت راك ولدي و فلدة كبدي.. انا غيير درت معاك صفقة .. و الا واافقتي .. اكييد غانكون عند وعدي ..جي و جيب .. عرووستنا الجدييدة هه.. ياك الوالدة ؟

دورات وجهها بسخط و قالت : انا ماكنتش بااغية حفييدي يتزوج بهااد الطريقة .. حاسة بلي غاتكون شي ملقطة من الزنقة ...

ايرتان وقف ؛ الحاجة... انتابهي لكلامك ..

عمر بملامح جدية : سير دابا .. عندك سمانة باش تجي و تجيبها ... الى حاولتي ترجع لتركيا و لا فينما قالك راسك غانجيبك .. و ديك الساعة .. الهضرة ماغاتكونش معاك .. غاتكون مع امك .. و مرااتك ..

شاف فيهم ايرتان بشوفة باردة .. باس راس امو و خرج ..

ركب سيارتو و حط راسو على المقود .. كان داير فبالو احتمال انه يسكن معاهم .. و كان داير احتمال انه ممكن يهددو بجهينة داكشي علااش سيفطها لعند امها .. و لكن الوضع دابا تبدل .. مابغاش يدخل جهينة و بنتو فهادشي .. داكشي علاش جبد تياي يعيط لباه .. اكيد المنقذ ديالو فبنما كايستعصى عليه شي حاجة ..

ايدين : ايرتان ؟

ايرتان : سمح ليا ابابا فيقتك ؟

ايدين : ماعليش شنو كاين ؟ وقعات شي حاجة ؟

ايرتان : كولشي كان غادي مزيان .. حتى قال ليا جيب جهينة تسكن معانا ..

ايدين : حيواان .. بغا يلوي دراعك ..

ايرتان : مايمكنش ليا نفك ماما الى ما سكنتش معاهم .. و مايمكنش ليا نسكن معاهم الى ماجبتش جهينة حتى هي .. و انا هاذشي لي مابغيتوش ..

آيدين : ماكانش عليك تخبرو بزواجك

ايرتان : ماشي انا .. كانظن الوالدة ..

ايدين :واخا ...اسمع ...كانظن باك غايكون بغاك تجيبها تسكنو حداه .. باش يبين للناس بلي عايش هاني.. غادي يدخلك لمشاريعو و يتفاخر بيك قدام صحابو .. و قدام دوك الشركاء الجدااد .. حنا ب2 عارفين بلي باك كايقدم مصالحو و صمعتو على كوولشي .. داكشي علاش كانشوف بلي ماغايقدر يدير واالو .. كلامو فقط للظغط عليك و صافي .. تهديدو واهي ماشي بديك الخطورة .. حيت داكشي اصلا ماشي من مصلاحتو حتى هو ... ديها معااك .. ماعندك لاش تخاف عليها .. و انا غادي ندخل رجال بين رجالو باش يحضيوعا فغيابك .. و ماماك حتى هي معاها .. غاتشرف على ماكلتها و كولشي ..

ايرتان ؛ ماعرفتش .. انا مامقتانعش .. ماباغيش ندخل جهينة فهادشي .. يكفيها غير الحمالة و مرضها .. لاش غانزيدها حتى سم دااك بنادم ..

ايدين : تق فيا .. خاطر شوية و مراتك راها على بال ماشي غبية ...

ايرتان : عارف بلي هي ماشي غبية .. و لكن راها ضعيفة ..

ايدين : ماكنتش عارف شافاك كوردو كايعرف الخوف .. اش هادشي توغض معايا .. الى بغيتي امك ترجع معاك .. عرف كيفاش توصل بذكاءك ..

ايرتان : واخا .. واخا .. انا غاندير لي قلتي ليا .. و لكن هاد المخاطرة ماكتستاهلش غير نجيب الوالدة .. و انما حتى آخرتو .. بما انني غاندخل لشركتو .. ماغاندخلش غير هكاك و نضيع وقتي .. غادي نحيدهم ليه و نرجعهم للوالدة هي لي عندها الحق فيهم .. املاكها كايتصرف فيهم هو و ديك امو ... ووسخها بفعايلو و الفساد لي خاشي راسو فيه .. جا الوقت باش تسالي هاد المهزلة ..

ايدين : ايييرتاان .. اشنو كانوصيك... من ديمااكانقوول ليك الزم حدودك معاه ..غير واجهتيه و نسيتي كوولشي ..هذاك باااك ماتحاولش توسخ يديك فيه ..خليه ليا انا شخصيا لي غانتكلف بيه..انا هذاك عدوي انا .. نهايتو غاتكون على يدي انا ... المسألة هي مسألة وقت بما يغلط ..

ايرتان : اش عرفك بلي هو غايغلط .. انا غادي ندخل وسط اعمالو راه فرصة ذهبية هاذي و غادي نوفر علينا شحااال .. ماتخافش انا مناوي ندير ليه والو .. غانقاد ليكم الطريق و انتوما تكلفو بالباقي ..

تردد ايدين فالجواب و قال : واخا .. ولكن شوف رد البال انا غادي نراقبك تغلط غاتلقاني قدامك .. ياله غانقطع ..

ايرتان : الله يعاون ..

قطع ايرتان و رجع راسو لور كايفكر ..

ديمارا بسيارتو و مشا رجع ادراجو ..

دخل ايرتان عيان .. حيد الفيست و تلاح فبلاصتو كايخمم .. شاف شحال فساعة و تردد واش يعيط لجهينة .. عارف بلي ممكن تكون فايقة مع بنتهم .. دوز الاتصال و تسنى يسمع صوتها .. حتى جاوبت

جهينة بهمس: عاد تفكرتيني ؟

ايرتان : هههه هي معصبة مع هيفين ؟

جهينة : لا .. هيفين مهدنة .. باها لي معصبني هاد الساعة من 9 الصباح مابقيتي عيطتي .. شحال وانا نتسنى فيك..

ايرتان : هي دغيا توحشتيني الحلوفة ههه ؟

جهينة : حلوف هو انت .. مالك شفت صوتك ماعاجبنيش .. بيك شي حاجة ..

ايرتان : اه .. بيا بنت قلبي توحشتها ..

منين خرج ايرتان من الدار .. بغات وفاء تنوض فحالها ووقفاتها حماتها ..

الحاجة : وقفي انت فبلاصتك .. كنتي عارفة هاذشي كولو و ماقلتي والو ؟

وفاء بدارجة معكلة: انا .. غير

الحاجة : اشنو؟ عاارفة ولدك مزوج و انا اخر من يعلم .. ولا انتوما الكفار عندكم هادذشي عاادي ؟ *دارت عند ولدها* اشتي زواج بالكافرااات اش كايخرج منو ...ها ولظها خىج بحالها يدير غير ماحلااا لييه ..

عمر : كوني هاانية الحااجة .. نتعرفو عليها بعدا و يحن الله ..

دارت بسخط عند وفاء و قالت : قولي ليا كيف دايرة و بنت من و امتى تزوجو .. بغيت نعرف كوولشي و يااويييلك تخبي شي حاجة ..

شافت فيها وفاء و بدات تهضر بغير حيلة و خوف ..

جهينة : اوى انت لي بغيتيني نبقا مع ماما ..

ايرتان ؛ واخا عارفة بلي الوالد راجل خايب و جدة واعرة و ممكن مايعجبكش الحال معاهم .. تصبري !!

جهينة : جهنم فحضنك نصبر عليها .. انا راه ماشي درية صغيرة تحميها من كولشي ههه

تبسم ايرتان و قال : واخا الالا .. انا عارفك قادة براسك .. خايف على لي فكرشك و انت حالتك حرجة ..

جهينة : بنت قلبك بيخير .. فكر غير فماماك ..

ايرتان : تعشيتي ؟

جهينة ناضت من بلاصتها: اه .. و جاني الجووع تاني ... غانهبط للكوزينة نصايب مناكل ..

ايرتان : هههه وكاالة ..

جهينة : بصحتييي ..

دخلات للكوزينة شعلاات الضو .. حلات التلاجة و بدات تقلب ..

ايرتان : اشنو جبدتي ..

جهينة: والو غانقطع غير ماطيشة و ندير فيها الخل.. تشهيت شي حاجة حامضة ..

ايرتان : قطعي غادي نعيط ليك فيديو ..

قطع و عيط نيشان .. حطات تيلي و بدات تندب .. كولها مشعكة و شادة بنايفية .. حيداتها و قادت شعرها و دوزت يديها على حجبانها و عاد دوزاتها .. شافت فيه كاتفرنس .. و قالت ..

جهينة : هاااي باايبي ..

ايرتان : انا كلي بايبي اقليلة الحياء 😑 .. مال مك تعطلتي باش تجاوبي ..

جهينة : ههه والو الموسوس .. غير قاديت هادشي .. *وقفات تيلي و بدات تقطع ماطيشة *

جهينة : هاي هاي على شميزة كلاس فالابيض .. عمرها كانت ليك حتى فعرسنا مادرتيهاش ..

ايرتان : ههه عجباتك ..

جهينة : لا .. ماحملتهااش ... باااينة غاتكون طيحتي ليا تيتيز فديك الحفلة .. وريني يدييك ؟ فين الخاتم الغداار ؟

ايرتان : هههه مالبستوش حيت الدار ماكانوش عارفين ... و كنت عوال نخبيك شوية مزااال .. *جبدو وراه ليها* هااهو لبستو ..

جهينة : احسن ليك الى ماكنتيش باغي تموت ..

ضحك ايرتان و هزات تيلي جلسات فطبلة كتاكل و تدوز بالخبز و هو مقابلها ..

ايرتان : ندغي بالشوية قلقتيني ..

قربات تيلي حدا فمها و بدات تندغ بالجهد و بدا يضحك ..

ايرتان : كاتفرعني فاش ماكانكونش حداك .. و لكن غابلاتي ترشق ليا غانوقف على مك ..

جهينة ؛ دييرها غاتلقاني كنتسنااك بصدر رحب.. اااااه ..

لاحت تيلي فوق الطبلة و ناضت و نااض معاها ايرتان مخلوع ... كايغوت جهينة مالك .. و كايسمع غير ااه .. ايييه و الخبييط .. صفاار و خضااار ماعرف اش وقع .. حتى جااات لعندو .. و هزات تياي كاتفرنس ..

ايرتان : ماالك اش وقع 😨

جهينة : واحد تييقليت ...

ايرتان : تيق شنووو !!

جهينة : هههه داك التمسااح الصغييور ...

ايرتان : بوبريص ...

جهينة : ههه اه .. قتلت موو .. انورييك ..

قلبات الكاميرة و كاتوريه : شفتي بجغت موو بقا فيا مسكين 😂😂 و لكن قتيلتو فيها الاجر هههه

ايرتان ضرب جبهتو : ناااري بيمن مجوج .. بصعصع ..

جهينة : هههه انت لي كايسحاب ليك درية صغيرة ... هانت شوووف .. زنيطيطة بقات كتركل هههه

ايرتان : هههه نوضي من تم الكااريتة .. انت قصة غيير بووحدك ..

جهينة : هههه *رجعات كتاكل* .. ايرتان ؟

ايرتان : اشنو ؟

جهينة : عمري سولتك .. قداش كاتبغيني ؟

ايرتان ؛ كون كنتي حدايا كوون ورييتك ..

جهينة : لا الويبل .. قول ليا قدااش ..

ايرتان : كانبغيك قد من هنا للقمر و روجوعا من القمر للهنا ..

جهينة : يااء .. صافي ..

ايرتان : ههه قلت لمك كون كنتي حدايا كون وريتك ..

جهينة : هههههه انا غانحبس هنا .. ماعند منيين تجي للرومانسية ..

ايرتان : اوى راك كنتي عارفاها من الاول .. ماشي غشيتك ههه

جهينة : عارفة.. سعدي و فرحي بييك ..

حنان : اويلي كاتهضري بوحدك ..

قفزات جهينة و شدات قلبها و قالت : سيري يا حنان بغيت ربي يلقييها ليك كحلة زحلة بغيت ربي يعطيك الساحق و اللحق و الزلزال و شي راجل فرم خانز الرجلين بوكرش قرع حزاااااق وكاال ياكل مايشبع ... يمرت مك بالحمااارة .. يالحلوووفة .. يابغلة القبوووور ..

حنان : عههه اوسيلي ابنت عمتي تكايسي عليا راه دعوتك مقبووولة 😂 ترضاايها ليااا ..

جعينة : و اا اختي لي حااالعاني هكا و انا وااحلة فرو وحي مابقيبتش قييك .. *شافت فتيلي * اسكت انت علااش كاتضحك .. سير ترغد ..

ايرتان : هههع تكااايسي .. ياله تصبحي عللى خير الحلووفة ..

جهينة : الحلووفة هي طاطاك .. و قطعت

شافت فحنان و قالت : ماالك اش مفيقك ؟

حنان : ههه والو جيت نشرب كانسمعك كاتهضري بوحدك .. قولي شادة الحتة مع بوركابيك ..

جهينة ناضت : ايرتان قالاك بوركابي ..

في فيلا التازي ..

الحاجة : كيفاااش ؟ كانو ساكنين مع بعضياااتهم ؟ حفيدي الوحييد تزوج بشايطة من الزنقة .. تزوج بيها باش يستر فضيحتها و يعلم الله واش نيت تيلاد ديالو و لا لا ... هضر اعمر قووول شيييي حاااجة ..

عمر : ماتشطنيش راسك .. غادي نقاد شي امووور و نشووفو مع هاد الجرتيلة شنو قصتها .. غير نووضي رتااحي داابا .. لما غانكشي ننعس .. تصبحي على خير .. ياله تهزي انت ..

قالها موجهها لوفاء لي كانت حابسة غصة فقلبها ..

ناضت العجوز وراه موجهة لبيتها حتى هي ...

⛅صبااح جدييد ..

كان جالس عمر فمكتبو و معاه السيد لطيف كايناقشو شي امور بخصوص الشرااكة ..

السيد لطيف : الحفل البارح كان هائل .. تباركاله على المدام ديالك .. ديما ذوقها رفيع ..

عمر : ههه شكرا السي لطيف .. كولشي على شرفكم ..

ضحك لطيف و قال : مدام حنا غانديرو يد فيد و نوليو شركااء .. ماكرهتش نطورو هاد علاقة الشراكة لعلاقة نسوبية ..

عمر علق مستغرب ؛ مافهمتش ؟

ضحك و قال : البارح فاش رجعنا .. حفيدتي اعتارفات بلي عجبها ايرتان ولدك .. و لمحات ليا باش نجمعوهم ..

استغرب عمر من جرأة هاد البنت و حتى هاد السرعة فطلبها و قال : بصراحة فاجأتيني .. ماكنتش متوقع طلب بحاال هذا ..

لطيف : انا قبلت حيت هي حفيدتي و الوريتة الوحيدة ديالنا .. ماكانبغيش نخسر ليها .. و عااد كانشوف بلي ولدك يستاهلها .. و هما ملائمين لبعضهم و مانلقاوش احسن من عائلتك المحترمة نتناسبو معاها ..

ضحك بفخر و جاوبو : اكيييد .. شرف لينا ناخدو حفيدتكم المصوون لولدنا .. و انا اكييد مرحب بالفكرة و قاابل .. خاصني غير نقنع ولدي .. حيت هو باقي مبعد فكرة الارتباط ..ههه شبااب اليوم

لطيف : أكييد .. خوودو وقتكم .. مهم هادشي علااش جيت .. الى فرصة اخرى ان شاء الله ..

وقف عمر سلم عليه وودعو .. ما إن خرج و تبدلت ملامحو كيفكا كايبدل التعمان جلدو .. كلنت نظرتو موجهة للفراغ .. قسم قلم رصاص نصفين فيدو بدون انتباه قائل : منين خرج ليا هادشي تاااني .. بقات ليا غير ديك المدللة الغبية و نزواتها التافهة .. كيف غانديير لداك قااسح الرااس .. خااصني نلقى طريقة كييفاااش نقنعووو ... اكيد تروة ديك الغبية ماشي شي حاجة لي ساهلة بااش نفلتها ..

مرت 3 ايام على هاد الاحدات ..

جهينة كانت فالجناان بفستان ابيض مزين بورود خضراء معبرة على فصل الربيع الحالي طالقة شعرها كيف عادتها و مزيناه بوريدات فالجنب .. كانت 11 ديال النهار ... شميشة دافية نسبيا و ريح خفيفة نقية هازة ريحة الربيع و التراب ... كانت جهينة كاتمشى و تستمتع بوقتها بوحدها .. شادة كريشتها و كاتكلم مع بنتها ..

جهينة : هيفيين ... شفتك فرحاانة اليوم ههه .. الجو اليوم غزاال فرحان بحاالك ... ماكرهتش كون كنتي بين ايديا دابا و تشووفي هاد الخضورة .. باباك كاتعجبو الشتاء و الجو فاش كايكوون مغمم.. عنداك تخرجي بحالو .. خاصك تكوني هابي فايروس بحال ماماك ... و تغلي الحياة .. ماشي بحال داك النكدي ديال باباك .. حتى من شيتة السنان عندو كحلة .. *سطتات شوية و قالت * تشهييت شي كريميساات ... بغيتي حتى انت اماما يااك .. احنا نطيحو شي وحدينات و ناكلوهم ... واخا غايكونو باقين حويمضين ماعليش ..

بدات تقلب على العصا باش تنتف ... و خي كاتمشا وقف قدامها شي حد ... قبل ماتهز عينيها فيه ..حسات بهالة الغرابة محاوطاه ... هزات عينيها فيه ..ماكاتعرفش هاد الوجه ... بعدات كيف كايقول ليها ايرتان "ديما ديري مسافة بينك و بين الغرباء"

سولاتو بتردد : ش..شكون انت ؟

....: ماتخااافيش .. واش انت جهينة ؟

جهينة شافت فيه و هي دايرة فبالها بلي مستحيل تعطيه جواب ..قالت : كيفاش دخلتي هنا .. شكوون انت ؟

طه : انا ولد عمك ...طه ..

جهينة ؛ ولد عمي ؟ انا ماعندييش ..*تفكرات كلام امها لي مشا من بالها*

طه : انت جهينة الطاهيري ...وراتنا خالتي زكية صورتك انا و بابا ... انا طه الطاهيري ولد عمك نعيم الطاهيري ..

علات راسها فيه و قالت : انا ماعندي لا عمي و لاغيرو .. خرج اخويا من هنا الله يرحم الوالدين ..

طه: من حقك تغضبي و ترفضينا .. *مد يدو شد كتفها* ولكن عطيني فرصة نهضرو شوية عاافاك ..

نطرات يدو و غوتت بتحديير ..

جهينة : بعد يديييك علياااا ... خروووج براااا ...

شداتها نغصة فكرشها بسبب انفعاالها و قرب شدهالمسعدتها على عدم الاختلال و بدات تبعدو و تغوت و هو كايحاول يهدنها .. ماحس غير بلكمة توجهات ليه خلاتو طايح للارض ..

شافت جهينة ايرتان وقف قدامها من العدم .. وقف طه شدو من الكول ديالو .. و بتهديبد قال : شكوون انت ؟ و اشنوو بغييتي من مراااتي ؟

طه: تهدن اسيدي .. انا ماكنت ناوي غير خير .. هي كانت غاتطيح و شديتها .. و انا ولد عمها ...

طلقو ايرتان و شاف فيه بحزم : واخا ولد عمها وشنو بااغي ؟

طه؛ هذا موضووع نهضر فيه معاها هي الاولى و من بعد هي حرة ..

جهينة : ماعندنا فاش نهضرو .. قول لباك يرجع منين جا و يبعد من طريقي و مايقلبش عليا مزااال ...

ايرتان : سمعتي جوابها ..

حذر راسو طه و خرج متؤسف ..

دار شاف ايرتان فجهينة لي شادا شادا كرشها و محني ظهرها شوية و الدموع غعينيها .. دعمها بيدو و شد كرشها ..

ايرتان : باش كاتحسي و اش كضرك ..

جهينة عنقاتو بهي كاتبكي : لا .. فاتتني ...

عنقها كايربت على ظهرها و يدوز يدو على شعرها ..

ايرتان : صافي احبيبة ... بلا ماتبكي ..

ايرتان دخلها للدار ... سلم على الموجودين وشافت امها فبها و قالت :

زكية : مالك ابنتي ؟

ايرتان : لقيت واحد معاها فالجنان .. قالك ولد عمها ..

زكية : طه !! واش كان هنا ؟

جهينة : ااه .. ياك قلت ليك اماما سدي موضوعهم .. علاش رجع ..

زكية : ابنتي بقا كايرجع يسول علييك مرة مرة .. ولكن انا عمرني عطيت راس الخيط كيف وصيتيني .. و هاد المرة لقاك كاينة .. كون غيير ساعفتيني ابنتي و سمعي ليه .. هو غير ولد عمك ماداير لا بيديه لا برجليه ... كولشي على باه .. بغيتي تلومي لومي بااه ..

جهينة : ماعندي ماندير بيهم كااملين ..

ايرتان : صافي تهدني .. انا غانتولى هاد الموضوع ..

جهينة : لا .. هي لا .. عااد تغكروناا .. منين كنا انا وماما نتلاوحو و خلاونا الله كرييم فين كان .. حتى دار الزمان عاد تفكرنا .. خليه يتعدب و يعرف بحق الزماان ..

زكية : مالك يابنتي قساحيتي هكا ..

جهينة : ماقساحيت واالو بالعكس .. يستااهلو .. انا مالمت حد ماقربت لحد .. يكملو لي بدااو و يعطيوني بالتساع كابغييت حد ..

دازت فيهم و طلعات شادا ظهرها ...

شاف ايرتان فأمها و قال : شنو بغاو بالظبط بغينك تعاودي ليا كولشي عليهم ..

دخلات هي وياه لبيت بحدهم و عاودات ليه القصة كاملة ..

اييرتان كانو شي تفاصيل متيرة بالنسبة ليه .. و هي كاتعاود و هو كايسول و يقلب تفاصيل التفاصيل كايعرفهم ..

ايرتان : دابا قلتي عمها مريض و رجع يتسامح معاها و يرد حقها و يرضي ضميرو ؟

زكية : اه اولدي ..

ايرتان : اوى هي راه عندها الحق .. مايمكنش يغيب مدة كاملة ويرجع يطلب السماحة هكااك ...و لي دار راه ماشي سااهل .. مارحمش خووه و لا مرات خوه و هي حاملة .. و انت اصلا كيفاش كاتهضري هكا عليهم و انت اكبر متضررة .. مزال جعينة ماحضرات لوالو ..

زكية : والله اولدي الا انا تهديت شحااال هاذي و مابقا راسي ديال المشااكيل .. الله يسمح لكووولشي .. انا بغيت غير راحة البال و سعادة بنتي هادشي لي باغية من هاد الدنيا .. و رزقها رجعووه ليها .. علاش ماتاخدوش و تهنا .. ماعرفت هاد قسووحية الرااس منيبن جااتها ..

ايرتان : هي اخالتي ماخاصها واالو .. بغاتو غتاخدو مابغاتوش رااها عايشة مع راجلها معززة مكرمة .. احنا ماغانفرضو عليها والو .. هذاك قراارها .. *سكتو شوية و قال*و قولي ليا بعدا .. هذاك صاحبهم لاخر .. عمرو رجع حتى هو ؟

زكية : هذاك اولدي مابقات كاتربطنا بيه حتى حاجة .. منين خوا بصحاابو و دا حصتو من الشركة مابقا بااان .. و لكن كانت كاتوصلنا خبارو .. كان عاش فتركيا و تزوج بنت مول الشركة لي خدم فيها .. و سمعنا من بعد بلي رجع للمغرب و مابقيناش تسوقنا ليه من بعد .. حيت صاافي حر فراسو يديير لي بغا ..

ايرتان بتشكييك : و شنو ..سميتو ؟

زكية : عمر ... عمر التاازي ..

تعلات الصدمة فوجهو .. صدا كلامها بقا فودنو .. سها كايفكر فهااد الصدفة .. عمرها كانت طييح فالبال .. اب جهينة عندو ماضي مع باه هو... طمعو و طبيعة الغذر لي فيه كانت من زماان ... و دمرات ناس قبل منو هو و امو و يعلم الله شكوون مزاال ..

زكية : ولدي ؟ ماالك ..

ايرتان : ا...لا ..واالو ..

زكية : اولدي .. مابغيتس جهينة تهز فقلبها من جيهة حتى حد ..اما علاش خبيت عليها باش قلبها يكوون نقي .. و تعبش فراحة الباال .. رجووعهم داابا مافتح علينا غير الموااجيع .. مابقاتش كاتسمع ليا اولدي شووف معاها و قنعها الله يرضي علييك ..

ايرتان : واخا اخالتي بلا ماتبرزطي رااسك .. انا غانشوف معاها ..

ربت على بديها و استأدن ..

طلع تبعها و لقاها فالبيت متكية كاتبكي ... سد الباب و تقدم جلس حداها .. هز شعرها من وجها و مسح دمووعها ..

ايرتان : وا علااش كاتبكي دابا ..

جهينة : ماحملتش بعدما كوولشي داكشي لي دارو فبابا راجع دابا بدم باارد كايطلب السمااحة .. علااش بالظبط على غدر خووه و لا على حياة ماما لي تدمرات و على حياتي انا لي كبرت بلاا بييه .. فالوقت لي هو عايش فخير خووه و كايكبر ولادو مرتااح البال و فرحاان .. مافكرش يقلب علينا و لا قبل .. حتى مرض و حس بالمووت قريب .. انا بغيتو يمووت و هو كايتحرق عليييه .. بغيتو يمووت و يتفمر شنو دااار فيينااا .. ماااغانساامحووووش ..

ايرتان : تهدني اجهينة مامزيانش لصحتك .. اجي هنا ..

قربات ليه و عنقها .. عاد مازادت كاتبكي و تنوح و هو شاد معاها الخاطر ..

ايرتان : انت كاتكرهي بااااه و ولد عمك اش داار لك ؟

ايرتان هنا سولها و عينيه ظلام .. مافكرش فولد عمها و انما فيه هو .. حتى هو فنفس مرتابتو ولد داك الشخص لي كان سبب فعذاب باها .. يولها من خلاالو و بغا يعرف شنو غاتكون ردة فعلها فاش غاتعرف بلي راجلها هو ولد صديق باها لي غذر بييه .. تسنى جوابها و هو على اعصاابو ..حتى حلات فمها و قالت ..

جهينة :ماعرفتش .. مانقدرش مانلوومووش .. الكره موجه لبهم كاامليببن ... كل واحد عندو صلة بداكشي لي وقع لبابا .. عمرني غانساامحهم ..

ايرتان تنهد و قال : صافي ماتبكييش .. ماابكوون غير خاطرك .. مابغيتيش تهضري معاهم .. ماغاتهضرييش ..

جهينة زادت تخشات فيه مغمضة عينيها و هو معنقعا و باالو مشغوول .. ماكاينش شي تفصيل خايب فحيااتو .. إلا وبااه سباابو ... كايعاني و باقي غايعاني منو .. و خوف اخر تزااد هو شنو غادير الى عرفات بلي عمر تازي كان صديق باها القدييم ..

حدر عينيه شاف فيها كانت مغمضة عينيها و سكتات ... رجع لور فالسرير و هي فحضنو .. حلات عينيها و هي مسندة سدرو .. هزاات راسها فيه و قالت ..

جهينة : ديما كاتجي فوقتك ..

ايرتان باس راسها و هو ساكت .. بقات هكاك و هو غير كايلعب فشعرها و يخمم ..

جهينة تقلب ليها الموود .. مابقاتش حاملة تهضر و لا تكلم .. بقاو هكاك حتى نعسات .. و غفاا حتى هو

دخل طه لغرفة باه لي كان جالس كايشرب قهوتو فالباكو .. جلس قدامو و تنهد ..

نعيم : مابغاتش تعطيك عنوان بنت خويا تاني ؟

طه : لا ... شفتها ...

تقاد فالحلسة و حط الفنجان و قال : واش تلاقيتيها ؟

طه : اه ابابا .. ماعطاتنيش فرصة غوتت فوجهي و جرات عليا .. حاولت نهدنها و جا راجلها صاعر فهمني غلط وضربني ..

نعيم : اشنووو !!راجلها ؟!

طه : آاايه ابابا .. جهينة مزوجة و حاملة .. انت لي كنتي تخطط تزوجنا ..

نعيم : واخا .. واشنو دابا .. كولشي ضااع .. انا كنت باغيها لييك انت .. شكون هااد راجلها و كيف داير ..

طه : بابا .. فاش كايهمنا حنا هادشي .. واش هي ماناوياش تسمع لينا و انت كاتسول فحياتها الشخصية ..عاد باغي تدير ليها دور الاب ... فكر غير كيفاش توصل ليها و تسامحك .. الامور الاخرى ماعندنا بيها دخل .. *وقف*انا طلع ليا هاذشي ديالك فراسي ..

نعيم : بلا ماتقلق اولدي ..صافي عندك الحق .. انا بغيت غير نعرف شكون راجلها ... انا اكيد ماباغي ليها غيير الخيير .. انا غادي العشيا نمشي عندها و نحاول نهضر معاها ..

طه : بان ليا نصبرو مزال شوية .. و نهضرو مع راجلها .. ممكن يعاونا ..

نعيم : واخا .. لي بان ليك اولدي ..

بعدما تغداو ايرتان و جهينة مع الدار خرجو ب2 للجنان.. غادية قدامو كاتشم فزهر الليمون و هو داير يديه فجيابو و حاضيها .. دارت عندو وشدات دراعو و قالت ..

جهينة : فاش كاتفكر ..

ايرتان ؛ والو ... غدا الصباح غانرجعو ..

جهينة : واخا .. غانمشيو لدار باباك ياك ..

ايرتان : ههه مكتوبة فوجهي ؟

جهينة : لا .. مرسومة فوجهك .. بااينة الامور مامشاتش كيف بغيتي و غادي يخصك تديني معاك ياك ؟

ايرتان : ااه .. الى مابغيتيش غادي نبدل الخطة و..

جهينة : نو بالعكس سبق لي و قلت لييك عاادي عندي .. بغيت نيت نتعرف على هاد الناس .. و نكون مع ماماك شوية فغيابك ..

ايرتان : سمعي اجهينة .. الوالد مغاتلقايش معاه مشاكيل هذاك ماكايعمرش الدار غير لا بغا يبدل .. حتى المباتة مرة مرة لي كايبات فالدار.. غاتلقاي مشكل مع العقروشة ديال جدة .. هاذيك لسانها سليط و مادايراش حساب لعمرها .. قدها مكمشين كايحاسبو نفوسهم و يتقاو الله و هي غامزايدا فطغيانها .. لي نبغي نقولك هو ..

جهينة : ههه واخا واخا فهمتك شنو بغيتي تقول .. كانعرف كيفاش نتعامل مع بحالها ..بلا ماتدير بالك مع هادشي .. عارفيني حاملة ؟

اي تان : لا .. الا اذا ماشدوش الوالدة تاني و حطات ليهم كولشي ..

جهينة : مسكينة .. واش كاتخاف منهم ؟

اي تان : ماكاتفنفنش قدامهم .. هي طبيعتها حساسة و شخصيتها منغالقة و كاتحشم .. و بداكشي لي دوزات .. ولا هاد الكبع مرض و لات جبانة و خوافة و ساهل يلعبو بيها .. يعني ولات عبدة عندهم و مصيرها بين يديهم ..

جهينة : نااري ا ايرتان فيين كنتي شحااال هاذي .. كون ماهضرت معاك موحال واش كنتي غادي ترجع تديها ..

ايرتان : ماشي هكاك .. كنت كانجي نشوفها و نطلب منها تمشي معايا .. غير كاترفض كانخرج معصب و نقول تضبر لراسها .. و لكن انت خليتيني نشوف الامور من جهة اخرى .. داكشي علاش ..

جهينة : امم ..

ايرتان : شنو لي اممم .. وليتي بقرة ..

جهينة : بلاتي بلاتي بلااتي .. *تحنات هزات عصا* اش عندك انت كوول مرة منعتني بحلوفة و لا بقرة .. مابقييتش عااجباااك 😠 كاانباان لييك بقرة ..

غير شاف العصا و بعد كايضحك و قال : شكوون قال لك ماااتعجبينيش بالعكس .. دوك الفخيضات عاد مزااادو زيانو .. و اححح على الشدة فيهم شحال كاتشللني و تجعرني .. عااجبني شكل دبدووبتي .. انا غير كاندلعك الحلووفة ..

جهينة جابا ليه : وباااقي مااتعااود فييها ..

ايرتان كايبعد : و داابا لمك من دااكشي كوولو لي قلت مابانت ليبك غير حلووفة ..

جهينة :ااايه .. وقف راه مافياش لي يجري ..

ايرتان : الى وقفت انا لي غانشدك ..

جهينة وقفات : ياله اجي شدني ..

ضحك اي تان و جا ليها ناوي يشلقم .. غير سد حناكها ماعاق غير برجليه فشلو و طاح للارض على ركابيه .. كانت هي ضرباتو بالعصا فبطن ساقيه ..

لاحندت العصا و شداات فشعرو كاتنف و هو كايضحك و شادها ..

ايرتان : ضسرتي لمك علمتك ووحلت فييك 😂

جهينة : نعلمك تقول ليا حلوووفة ..

شد يديها كايضحك باسهم و قال : حلوفة و كانمووت فديلمك ..

تبسمات جهينة و قالت : بالصح .. زعما بالصح كانعجبك هكا .. ماتكدبش عليااا ..

ايرتان وقف و جرها لعدنو اكتر : والله ابنت قلبي ماهامني غير روحك و قلبك .. و فخاضك .. *كايشير بعينيه* و داكشي لاخر ..

جهينة ضرباتو لسدرو بلوم و قالت : مابقيتيش تحشم انت ..

ايرتان شدو و قال : شحاال من مرة كانقول ليك تكايسي عليه راه غيير واحد ومرمدتييه ليا ..

جهينة : ههههه بصحتي بييه ..

ضحك و شد فشعرها من جناب ودنيها بلطف و قال : ياكما جاك داك الحماق لي كايجي الحاملات .. و كايبداو يسحاب ليهم خيابو و غلاضو و مابقاوش زوينااات .. و يبداو غير يتغبنو و ييع راحلي مابقاش يبغيني وييع وليت خاايبة غايشوف فجهة اخرى ..

جهينة : اوى اشنو .. انت ديما كاتقول لبا حلوفة .. و زايدون عندنا الحق .. مايمكنش ليكم تحسو بلي كانحسو بييه ..

يتبع