قدري أن أحبك الجزء 25

ايرتان : انا ماعندي ماندير للعيالات الاخرين .. انا عندي وحدة لي مسؤول عليها .. و مابغيتش نهااائيا تفكري هكااك .. ماكنتيش فحياتي و ماكنت كنشوف فتاوحدة .. دابا لي عندي مراتي و حاملة بنتي نوض نقلب فجهة اخرى .. اين المنطق يا امرأة ..
جهينة كاتلعب بحوايجو : ماتحكمش عليا .. هكا فكرت ..
ايرتان : اوى you better stop حيت هاد التغكير ماعنديش معاه .. انا مراتي خاصها تكون اذكى من انها تفكر فهاد النوع ديال التفاهات ..
جهينة : اوى الدور عليك ماتخلينيش نفكر فيهم ..
ايرتان: انا داير لي عليا .. ولكن بان ليا المرأة هي المرأة واخا تكوون جهينة التاازي ..

داز يومهم ... الغد فاقو بكري و ودعو العائلة و توجهو لدارهم .. و بعد 4 ساعات كانو تما ..
دخلو لدارهم رتاحو شوية و جلسو فالصالة يتغداو .. بالغذاء لي جابوه معاهم منين كانو جايين ..
جهينة : امتى غانمشيو ؟
ايرتان شاف فيها بعيون حزينة.. تنهد و قال : غذا ..
جهينة ناضت جلسات حدااه و شدات فيدو و قالت : ماعليش استحمل .. عارفة القضية صعيبة علييك .. هذااك باباك و هاد العداوة لي بيناتكم ماشي انت سبابها .. انا متأكدة كون كان راجل مزياان كنتي غاتكون حسن ولد و اب .. كيفما انت مع بابا ايدين .. و الدليل شوف غير اتعامل ديالك معاه كيف دايرة ... كون كان شي مسخوط كون قتلو شحاال هادي ..
ايرتان تكا على رجليها و شد يديها و غمض عينيه ..
ايرتان : امتى نتهنا من هااد العذااب ... الامور غادية و كاتصعاب ..
جهينة : الى صعاابت .. غاتسهاال .. بلا ماتخمم بزااف .. رااك اييييرتاان و اجرك عالله ..
ايرتان : هههه و ماالك كاتعظمي فيها هكاك .
جهينة : و ماالك .. كل وحدة كاتشووف بااها هو داك البطل الحاامي ليها و لعائلتها .. اوى انا هكاك كانشوفك .. البطل .. السوووبر ماان ديالي ..
ايرتان تبسم و باس راحة يدها و قال : السوبر مان كايحمي العالم ... و انت العالم ديالي ..
جهينة تبسمت و خلات يديها فشعرو و قالت : منين غانجيبو ماماك .. اشنو غانديرو ..
ايرتان : غادي نرجعو للتركيا .. و غادي نشوف شي دار اكبر من هاديك .. نوجدو لهيفين بيتها و للوالدة بيتها.. و نستقبلو الفنيكيشة ديالي .. نتلاهاو معاها بما جا خوها ..
جهينة : هههه لا ايرتان .. حتى تكبرو تدير على الاقل 4 سنين عااد نزيدو ..
ايرتان : لا كترتي .. انا بااغي الولاااد واخا ماكانعرفش نتعامل معاهم .. ولكن بغييتهم ..
جهينة : و حتى انا .. ولكن امتى غانحقق انا اهدافي نبقى غير نولد و نقابل ..
ايرتان : امم عندك الحق .. و شنو اهدافك ..
جهينة : المسرح باقي ماكملتو .. و انا كانفكر ندخل التمتيل ..
ايرتان ناض جلس : نعاام الالا ..
جهينة : م..مالك .. التمتييل .. و علااش كانقراه باش نحطو حدا راسي ؟
ايرتان : راك امراة مزوجة اشمن تمتييل..
جهينة : اشنو دابا.. غاتجيب الدغمة لفمي و تقلعها ليا .. فااش كنتي كاتفكر فااش اقتاارحتييه علياا ..
ايرتان : انا عاونتك تلقااي اهتماماتك .. و تلقاي فين تستتمري مواهبك و تدوزي وقتك .. ماشي طيري فالسمااء و تخليني تاابعك ..
جهينة : كيفاش نطير فالسماء عاوتاني ؟
ايرتان : و على شنو هو التمتيل الغزاالة .. تصحاابيه ساااهل .. راه عاامر بشلاا تنتزلااات و شي امووور انت بعييدة علييها .. ماغاتقدييش عليبه و انا ماابااغيكش تدخلي داك العالم من اصلو.. انا كانحذرك .. من الاحسن ليك تحيدي منك هااد الفكرة .. كنتي غاتكملي غير حبا فتطوير مواهبك مرحبا .. كنتي غاتمشي طيري شدي الاارض.. هاني علمتك ..
ناض دخل البيت و زدح الباب ..
جهينة : هو ماالو تعصب هكا .. و اشنو انا دابا حتى لقيت حلمي جا هو غايهرسو ليا .. عاارفة اشنو ممكن نواجه ولكن عارفة حدودي مانيش درية صغييرة .. من الاحسن نأجل هاد الموضوع حتى تفوت هاد السحاابة ديال باه .. ممكن يتراجع ..
تنهدات و ناضت تجمع الماعن ..

و هي كاتغسل الماعن .. جا دخل كايصاوب قهوة كحلة .. شافت فبه و قالت : باقي مقلق ؟
ايرتان كمل خدمتو ماجاوبهاش .. مسحات يديها و مشات حداه كاتجر فحوايجو ..
جهينة : وا صاافي .. احنا غير هضرناا .
شاف فيها بنصف عين و قال : غير هضرنا .. كاتبتيني دابا؟ .. راه عارف داك الراس عندك هاديك ماكانتش غير هضرة .. خدمي فلي بغيتي ماغانمنعكش التمتيل خط احمر و حيديه من بااالك .. و هذي كلمتي الاخرة .. ماغانترااجعش عليها .. غير تحسبا لاتكوني باغية ترجعي تفتحي الموضوع ..
هز كاسو و خرج..
جهينة عضات شنايفها بغيظ .. كولشي تضرب ليها ف0 .. واش غاتخلا على حلم ياله بدا يكبر و يترعرع فمخيلتها .. كولشي داك التناء و داك الوعد بالنجاح فهاد المجال من عند زملاءها و اساتذتها تضرب ف0 .. واش غاتخلا على داك الحلم و فالمقابل تختار راجلها و حياتها مع اسرتها الصغيرة ...
رجعات تغسل الماعن و هي كاتفكر و تخمم .. و فالاخيير قررات .. غاتخلى على حلمها .. مايمكنش تخلى على بنتها و راجلها .. غاتولي غير برهوشة ماقادراش على المسؤولية .. و حتى من المعهد غتنسى طريقو .. ماكاين لاش تعذب راسها مذام ماعندها طريق لييه .. سالات الغسيل و طرفات كولشي فبلاصتو و مشات للبيت .. لقاتو متكي .. خدام فالبيسي و كايشرب قهوتو .. جبدات حوايج من الماريو و حيدات لي كانت لابسة ... شاف فيها ايرتان و قال :
ايرتان : فين بالسلامة ؟

جهينة و هي كاتلبس: ايناس ..
ايرتان : ومالك ماقلتيها من قبل ..
جهينة : و شنو الفرق .. هانت عرفتي دابا ..
ايرتان : جهينة .. انت عارفة مزباان هاد الفعاايل ماعنديش معااهم .. الى كنتي كاديري هكا على داك الموضوع .. فراك غيركاتكبي الماء فالرملة .. انا ماغاديش نتراجع على قراري ..
جهينة جلسات كاتلبس كونفيرستها : ماترااجعش اسيدي .. انا لي غانترااجع .. انت غير طلب الولااد و انا نولدهم ليك و نجلس فالدار نربيهم ليك .. صااافي براكة عليا..
هزات ساكها و خرجاات : الله يعاون ..
تنهد ايرتان بعصبية حط كولشي و ناض لبس فرجلو و هز السوارت و تبعها .. لقاها غادية .. عيط عليها ووقفات .. وصل لعندها و قالت ..
جهينة : اش باغي ..
ايرتان : دوزي نوصلك ..
جهينة : غير طلع كمل شغلك .. انا باغية نتمشى ..
ايرتان : زيدي قدامي طلعي مانعاودهاش معااك ..
خنزرات فيه و جرها من يدها .. طلعها للسيارة و سد الباب ..
طلع و ساق لدار ايناس بسكاات .. وقف و هبطات و خلات ليه غير الله يعاون ..
بقا كايشوف فيها غادية و كلامها فودنيه .. بقات فيه و لكن متأكد رفضو فمحلو .. ديك الطريق صعيبة و طويلة و ممكن تاخدها منو ..
غير طلعات و زااد مع الطرييق ..
دخلات للعمارة و هي معصبة .. طلعات و دقات ..
فتح عتمان الباب .. و تعلات على وجهو فرحة ميتقبلها ..
عتمان : اهلا اهلا ..بناس تركيا ..
جهينة : فيين العشيير ..
سلمات عليه
عتمان : انت لي فين ..دخلي بعدا .. ايناس اجي تشوفي شكون جا ..
خرجات ايناس من البيت .. غير شافتها تلاحت عليها عنقااتها ..
جهينة : هههه بالشوية اصاحبة غاتلوحيني و انا على سبة ..
ايناس: توحشتك يا المصيييبة فراااقك صعييب والله ..
جهينة : ديما كانقولها لييك .. والله الى حتى انا حسييت بفرااقك .. *رجعو تعانقو*
عتمان : عههه دخلو بعدا ..
دخلو للصالة و جلسو ..
ايناس: النااس واتاهم الحمل .. ههه تبدلتي اصحيبتي ..
جهينة : ياله فكريني حتى انت بلي غلااضيت ..
ايناس: ههه شهمووك ؟
جهينة : اودييي..
عتمان : قالت ليا ايناس رجعتي هادي شي5 ايام ..
جهينة : اه .. و نيشان مشيت لعند ماما .. جلست معاها شي 4 ايام و هاحنا رجعنا هاد الصباح ..
ايناس: اوى مزياان .. و شحاال غاتبقاو هنا ..
جهينة : ماعرفنااش .. راه الروينة نايضة غير سكتو ..
عتمان : اش واقع .. ياك لاباس ..
جهينة : قصة طويييلة ..
ايناس: بلااتي ندير وتحد كااس ديال اتااي و عاودي لينا ..

بعد جين ..حطات جهينة كأسها و قالت : اوى هادشي لي جابنا..
عتمان : و رويينة هااذي ..
ايناس: مافهتش .. انت يا البغلة قاابلة تمشي تسكني مع ديك الشارفة دجداه .. و مك عارفة شي حاجة من هادشي ..
جهينة جاوبتها بإنفعال : اويلي على تسيق الخباار .. هي عارفة بلي عندو غير بااه آيدين التركي لي رباه .. تعرف بلي معادي باه و بيناتهم مشاكل غاتشدني عندها و تعكس ليا ..
ايناس: عندك الحق ..
جهينة : انا غانصبر .. راه كايظل ايرتان يقول ليا كيف دايرة جداتو و كل شوية يسول واش متأكدة بغيت .. هو بصراحة انا خايفة ولكن اش عندي ماندير هاد الحل الوحيد ديك المسكينة خاصها تفك من ديك العائلة كون تعرفو اش دااز عليها معاهم .. و على قبلو تاهو ماعندوش خياار اخر ..
عتمان : باينة هاد بااه مسالهلش .. ردي بالك منو غير هو اما امو راه غير شارفة ..
جهينة : هادشي فاش فكرت حتى انا .. و ماشي غير هادشي لي وااقع ..
ايناس: اويلي اش بااقي مزاال ؟
جهينة : على ماشي داك عمي وولدو رجعو كايقلبو عليا ؟
ايناس و عتمان : عماااك ؟!!
جهينة : آاايه عمي .. خو با شقيقو لي غذر بيه و خدا لي املاكو و لاحني انا و ماما لاحنين لا رحيبم .. كون ما رحمة سيدي ربي و خالي ..
ايناس: اويلي اش كاتقوولي .. و فين كان و انت عااد عرفتي هادشي ؟
جهينة : ااه .. قالك جا يتسامح معايا و يرجع ليا خير با لي خداه ..
عتمان : و اشنو درتي ؟
جهينة : اكيد رفضت .. يزييدهم فيبه .. ماغامخليهش يرضي ضميرو .. خليبه يتعذب على داكشي لي دار فينا و فخووه شقيقو ..
ايناس: يا ويييلي عللى بنننت الحمقاااء ..😠
جهينة قفزت : مااال مك كاتغوتي 😠
ايناس: شحااال عندووو ..
جهبنة : ماسولتش .. ولكن ماما قالت ليا كانت عندهم شركة و حالهم تيسر قبل مايشفرو داك خووه و ماات ..
ايناس: دابا حقك رجع لييك حتال عندك و ناافخة علييه ..
عتمان : ههههه فتياات تهدنو.. تهدنو مافيا لي يفك تاني ..😂
جهينة و ايناس: سكوووت انت 😠

دارت جهينة عند ايناس و قالت : بلااتي نشرح ليك بلي المسألة ماشي مسألة الفلووس .. راه جامعة الملاين و غير لايحااهم ..يعني ماكايهمونيش.. انا بغيتو يتعدب على لي داار فينا .. مارجع حتى مرض قالك و عيا ..
ايناس بإنفعال: كوون كنت فبلاصتك .. ناخد فلوسي و نزيد خلفة .. يموت و لا يقعد .. مااال مك مكللخة ..
جهينة دارت و قالت ببرود : ماعندي ماندير بيهم ..
عتمان : فكري مزياان لا تندمي من بعد .. مهم نخليكم انا غانهبط للقهوة ..
ايناس: واخا .. جيب معاك الخبز للعشاء
جهينة :الله يعاونك اخويا..
عتمان : و ماتغبريش تاني ..
جهينة : احنا عند الله ..
ضحك و خرج ..
ايناس: شتك ماشي هي هذيك ..
جهينة : ورى هادشي كولو لي عاودت ليك اش غايكوون بيا اكتر ؟
ايناس: انا لي كانعرفك .. بيك شي حاجة
جهينة تنهدت و بدات تبكي .. عنقاتها ايناس كاتطبطب عليها و قالت : عااد كنتي بعقلك ماالك ..
جهينة : تخاصمت معااه قبل مانجي ..
ايناس: و علااش ؟
مسحات دمووعها و قالت : انت عارفة بلي بديت المسرح .. مهم دخلات فبالي فكرة ندير التمتييل .. كولشي كايشكر تمتيلي .. و اساتذة لي هما ممتلين كبار فتركيا مدحووني و قالو ليا موهوبة .. قلتها لايرتان غوت عليا و قال ليا لا .. تصوري .. باغيني غير نجلس حداه فالدار و نولد لييه .. ماشي انانية هااذي ..
ايناس: التمتيل مرة وحدة ا جهينة ؟ من حقو ياختي ..
جهينة : واش لمك انت معانا و لا مع غانا ؟ انا عمري حلمت نديير شي حاجة و حياتي كانت غادية غير بالاتجاهات و النمطية .. اول مرة نحلم و ندير شي حاجة لي انا بغيتها و حبيتها .. يجي ايرتان و يضرب ليا كولشي ف0 و كأن رأيي ماكايهمش ..
ايناس: صافي احبيبتي صاافي .. و هي غااديا هكاا اختي فين عمر رأينا حنا كايهم .. هذا حالي مع عتمان حتى انا .. صبري الى بغيتي تحافظي على دارك .. تلفي راسك فشي حاجة من غير التمتييل .. اصلا طريقو خايبة اصاحبتي .. كايبان ليك غير ازوااق و الشهرة .. راه الكواارت كادوز فالكواليس .. و عاد انت مرأة مزوجة .. فكري اكتر ..
جهينة : اودي فاش غانفكر مزاال .. صافي انا عارفة رااسو قااسح و ماغايخلينيش .. مابقيتش غانقرب لداكشي غااع .. نقدر نرجع للتمريض ورى الولادة و لا نبقى غير مع بنتي غااع .. حتال تما و يحن موولانا ..
ايناس عنقاتها : مايبقاش فييك الحاال احبيبة .. باينة هو غير خايف علييك و صافي .. اصلا التمتيل الى بغيتيه خاصك تكوني ماتابعاك لا مسؤولية لا وااالو .. غاتقدي على كترة الغياااب من الداار ؟... راجلك دابا حداك و منين يرجع يخدم ؟ ..انت برى و هو برى .. شكون غايشد بنتكم .. الخدم ؟ شدي بنتك انت .. و نسااي عليك هادشي .. راه اصلا فيه غير الصدااع .
حدرات عينيها كاتلعب بيديها .. و تبكي .. بقات ايناس تسكتها وتنسيها و تعاود ليها احوالهم .. حتى وصلات 8ونصف و هي ماعايقااش بالوقت ..
حتى جاها اتصال .. هزات تيلي غير شافت سميتو و هي تقفز ...
جهينة : ويلي ويلي ويلي نسييت رااسي .. البوم يكمل على طااسيلتي ..
ايناس؛ وا جاوبيه دغيا اش كلتسناي ؟
جهينة : ا .. آالو ..
ايرتان : ياكما برزطتك امادام .. اش هاد الوقت .. باتي احسن .. نوضي هبطي راني التحت .. *وقطع *
جهينة : هاذشي لي كان ناقصني ..
ايناس: معصب ؟
جهينة : مابقا له والو و يخرج من تيلي مصعووور ياختي شاهمني هااد الجلااخة .. مهم بسلامة هاد الساعة .. حتى نرجع مرة اخرى ..
ايناس: واخا تهلاي فراسك احبيبة
جهينة : الله يعاون ..
خرجات جهينة و هبطات بالشوية عليها .. لقاتو واقف و متكي على السيارة ... شافها و تغعد ..
جهينة ؛ مالك كاتغوت ياك لاباس .. ايرتان : واش 9لاربع هادي و مزالا كااتهضري ..
جهينة : راسي غايتفرغع بلا ماتزيدني من عندك .. شحال ماشفت صاحبتي و نسينا راسنا اشنو فيها.. راه ماكناش فالزنقة ..
حلات السيارة و ركبات ..
ساط و مشا جلس فالمقعد ديالو و ديمارا ..
جهينة كانت معصبة من تصرفو .. مقلقها و زايدها بالنفاخة من الفوق ..
شافت فيه بنصف عين ... شاف فيها و رجعات وجهها لجهة الشرجم .. هز ايرتان حاجب و قال ليها ..
ايرتان : مالنا مانخافوش ؟
جهينة ربعات يديها و سكتات كاتعوج فمها ..
ايرتان : شوفي فيا ..
جهينة : قلب عليا هاد الساعة ..
ايرتان : راه انا لي خاصني نكون قالب وجهي ..
جهينة : علااش انت لي دارت ليك العصا فالرويضة ؟
ايرتان : هذاك الموضوع غير سديه واخا طييري ماشي غير تقلقي .. و اللهلا كانت لييك .. خدمي لي بغيتي ماحبستكش .. هاديك الطريق سادها انا ماغاتمشبش فييها ..
جهينة : و علااش باقي كاتعاود ليا هادشي .. انا سديت الموضوع .. ماغاداش فداك التمتيل و مابقيتش غانرجع غااع لشي نسرح غيير كون هااني ..
ايرتان : و منيين هكا مالك باقية قالبة وجهك ..

جهينة : ماشي سووقك .. وقف هاد الطوموبيل و هبط دخل للمارشي جيب ليا الفريز و الفخومبواز و البلوبيري و المونغ و الاناناس و المزاح و المشماش و فاكهة التنين ...
ايرتان : عاودي اش قلتي ..نصف هادشي ماشي وقتو منين بغيتي نجيبهم ليك ..
جهينة : ضبر راسك يااك انت لي بغيتي الولاد .. اوى دمر عليهم .. انا نهزهم و انت تسخر علييهم ..
ايرتان : كاتنتاقمي دابا ؟
جهينة : فهمها كيفما بغيتي .. واخرج دابا راه تشهيتهم ..
حيد ايرتان السمطة و قال : واخا الالا .. خوودي رااحتك ..
خرج و سد السيارة قطع الشانطي للمارشي و بقات متبعاه بغيظ ..
جهينة : جلااخة .. مالقيت معامن ندير الولاد غير مع جلاااخة .. بدينا فالحزاق ديال الزواج من دابا .. جاب ليا اللقمة لفمي و خلاني مهاوشة عليها ولد الهم .. غير انت لي تعرف تحكم و تفرض رأيك .. واجيني بلا مشماش و تشووف اش غايوقع ليك .. الجلاخة لاخر ..
شعلات جهينة الراديو تونس بيه و بقات كاتسنى .. مدة طويلة باش رجع .. فتح الباب و جلس حداها .. مد ليها لي ساشي.. لقات الفريز و البلوبيري و الفرونبواز و المونغ و الاناناس .. اما المشماش و المزاح جابهم معلبين ..
جهينة : اشنو هاذشي
ايرتان : ماشي وقتهم .. جبتهم ليك معلبين .. قضي بيهم حتى يدخل الصيف و نجيبهم ليك ..
جهينة : الاا .. بغيتهم دابا .. و فين فاكهة التنين ..
ايرتان : تصحابي راسك فاسيا .. راك غير فالمغرب منين غانجيبها ليك ..
جهينة : ماسوووقيييش .. بغيييتهاااا ..
ايرتان : شادا الضد .. واش انا لريتك 700 مطرقة فالراس تزيدي مطرقة اخرى .. صافي اجهينة بلاش هاد لعب الدراري الصغار ..
جهينة ؛ دابا انا وليت دراري صغاار ..
ايرتان : اااه .. لي كايشد ضد بهاد الطريقة ماشي دري صغير ؟
جهينة شافت فيه شوية و رجعات ربعات يديها و دورات وجهها للشرجم ..
تنهد و ديمارا بالسيارة .. غير وقف و هي تهبط من السيارة ردخات الباب و دخلات للعمارة .. شافها ايرتان بديك الحالة و قال ..
ايرتان : مصيييبة دابا مع هااد الكرنييسة رااسها شحااال قساااح ... الصبر يا ربي ..
ناض و هز دوك الفواكه و طلع وراها ..دخلو و مشات للبيت نيشان و هو دخل للكوزينة حط الفواكه ... ومشا للبيت .. لقاها كاتبدل حوايجها .. جلس فالسرير يكمل خدمتو و عينيه عليها .. خرجات للكوزينة تطيب العشاء و عينيها داامعين .. حتى سالات و حطاتو فالطباسل و خرجات للصالة .. عيطات ليه و جلسات كتاكل .. خرج حتى هو جلس ياكل .. و هي تنوض حطات الطبسيل فالكوزينة و مشات للبيت .. شافها و حط الفورشيط بالنطرة .. و رجع راسو لور ..
جهينة حيدات بينوارها و تخشات فالسرير .. بقات كاتخمم و دور فعينيها .. هاد النهار باغية غير تبكي و تبرد هوايشها ... طفات الضو من جيهتها و دارت كتبرد على راسها بالبكا ...
دخل ايرتان هاز طبسيل صايب ليها سلطة الفواكه لي جاب مغسولين و مقطعين و مخلطين بيوغورت طبيعي ..حسات بيه دخل و غمضات عينيها و تخشات تحت غطاها ..جلس حداها و حط يدو على شعرها ..
ايرتان : جهينة .. نعستي؟*ماجاوباتش *
بقا كايشوف و قال : جهينة .. شوفي شنو صايبت ليك ..
جهينة : خليني عليك بغيت ننعس..
تنهد و حط حداها الطبسيل ... طفا الضو حداه و تخشا حداها قرب ليها و حاوط يديه على خصرها و خشا وجهو فشعرها .. بعداتو جهينة و قالت : قنطتيني راه التيساع ..
ايرتان بصرامة : جهينة ..
جهينة : ماالك .. اشنو واش حتى العنااق بزز ... حاسا بالقنطة .. بعد عليا شوية ..
ايرتان بلوم: واخا اجهينة .. خاطرك ..
دار عطاها بالظهر و نعس ..
عطاتو جهينة حتى هي بالظهر و جرات الغطا لعندها .. و نعسات .. نعسو ابطالنا مخاصمين .. فالصباح فاق مالقاهاش حداه ..
سمع التقرقيب فالكوزينة .. حك راسو و تفوه .. ناض للحمام غسل و مشا عندها للكوزينة .. لقاها خداامة كاتصاوب الفطوور .. تقدم ليها و حوشها بين يديه .. فلحظة لي مسعا قفزت و شدات فقلبها ..
جهينة : خلعتيني ..
ايرتان : فقلب داارك و تخلعتي ..
جهينة : حيد لهيه .. عيانة مافيا لي يتحرك ..
ايرتان : مال بنت قلبي مابقا عندها خااطر .. ضاراك شي حاجة ؟
جهينة : مابيا والو .. قوليا معاش غانمشيو ؟
ايرتان : ورى الغذاء .. راه قلتها للوالدة البارح ..
جهينة : مزيان .. واحيد لهيه دابا خليني نكمل شغلي ..
ايرتان زاد خشا وجهو فعنقها : توحشت مرااتي .. و هي مقلقة مني و دافعة عليا كبير ..
جهينة حيدات يديه : مادافعة لا كبير لاصغيير .. انا غير عيانة و ضارني راسي ..
ايرتان دار حناكها بين يديه كايقيس حرارتها ..
ايرتان : مافيكش السخانة .. نديك عند الطبيب؟ ..
جهينة : لا .. ماشي لديك الدرجة ..
ايرتان : باقية مقلقة مني ؟

جهينة بانفعال : لا ا ايرتان .. مامقلقاااش ... قلت ليك غييير عيااانة .. غانصحصح و يفووتني الحاال .. غير تهنا .. دابا غير خرج فطورك غايجي حتال عندك ..
ايرتان : خرجي انت انا غانكملو ..
خرجات جهينة بلا ماتزيد معاه كلمة .. كمل توجاد الفطور .. ولات مزاجية و على سبة و هادشي عارفو و فنفس الوقت كايعصبو و لكن ماعندو مايدير من غير يصبر ليها حيت عارف ماشي لخاطرها .. صاوبو و عاود صايب ليها الفواكه باليوغورت و زاد فيهم الكورن فليكس و شوية دالعسل ... و خرج ... كانت جالسة و كاتفرج .. جلس حداها و مد ليها فطورها ..
ايرتان : هاكي ..
جهينة خداتو من عندو و بدات تاكل بلا ماتهضر ..كب ليه قهوتو و برك يشرب و يشوف فيها .. خلاها على راحتها حتى تبرد و ترجع ليه منها لراسها .. بقاو هكاك حتى سالاو و ناضت كاتجمع الماعن ..
ايرتان شد يدها: غير جلسي رتاحي انا غادي نجمهم و ندير الغذاء ..
جهينة : لا .. خليني نجمعهم .. اصلا هاذي هي خدمتي ..
طلقات منو و كملات الجميع ... و دخلات للكوزينة ..
ايرتان ساط و شد فراسو .. كاتحاول تأتر فيه و لكن رأيو و ماغايتزحزحش علييه ..
ناض دخل للبيت لبس جاكيطو و داز عندها للكوزينة ..
ايرتان : انا خارج .. بغيتي شي حاجة ؟
جهينة : لا ..
خرج ابرتان و هي جمعات الدار و جمعات حوايجهم .. حتى وجد الغذاء و جلسات كاتفرج بيدما جا ...
جهينة : هيفين .. حبيبة ماما .. باباك تعطل .. يكون تعصب مني ؟ ...*تبدلت ملامحها لغضب * يضبر راسو .. هو لي جبدني .. اصلا ماناويش يعتاذر ليا .. يقرب ليا شوية و يخليني .. فبلاصة ما يبقى يحاول معايا و يراضيني .. كايقلب وجهو دغية .. حتى انا غانبقى قالبة وجهي و ماغاديش نتصالح معاه.. شقلب ليا المزااج و انا اصلا مااناقسااش .. يكفي غير خبيطاتك ووجيعاتك و سهير الليلي معاك الالا الغزاالة .. اححح كاتنتاقمي لباباك دابا العفيريتة .. و غيير بقاي تخبطي مامصالحااش معااه و خلي ضميرو يأنبووو .. بما انني مادرتش لي فبالي حتى هو مايتهناش معايا يالله ..
سمعات الساروت تخشا فالباب و ضربات الطم .. دخل ايرتان .. سد اباب و شاف فيها ..
ايرتان : سلام ..
جهية بلا ماتشوف فيه: و عليكم السلام ..
ايرتان : فيا الجووع .. الغذاء واجد ..
ناضت جهينة و قالت : انا غانحطو ..
ايرتان : فاتك الحال ؟
جهينة : حمد الله ..
دخلات للكوزينة حيد جاكيطو و مشا جلس فالصالة كايقلب و يشقلب ..
تغداو في سكات ... و ناض سبقها هو هاد المرة و جمع الماعن و غسلهم ..
مشا عندها للبيت و قال ..
ايرتان : ياله وجدي راسك غانمشيو ..
ناضت جهينة بدلات .. لبسات دجين وشوميزة خفيفة و فوقها تريكو قطني خفيف .. جمعات شعرها و لبسات سبيبيط خفيف .. هزات ساكها و خرجات عندو كان برى .. هز الشنطات و خرجو من الدار بعدما سدها و هبطو للسيارة ... ركبو بلا كلمة بلا زوج ..
و هما فالطريق جاها اتصال .. جاوبات ..
جهينة : تشيم تشيم عشيري توحشتك ..
تلفت ليها ايرتان و رجع شاف قدامو كاينفخ .. اشرف : حغلك سولتي فيا ..
جهينة : سير من القوالب عارفاك مامساليش مع شروقتي حتى هي ... حقا فين هي ؟
اشرف : هههه باقية نااعسة .. ديك المعجاازة قالت ليك ماكاتعرفي والو ..
جهينة : انت هلكها و تشكا من نعااسها الله يعطيني وجهك .. امتى غاتجييو .. قنطت بلاا بيكم .. و توحشت وليداتي خليتهم تما ..
اشرف : ههه السمانة الجاية غانجيو كاملين .. و نجيب وليداتك حتى هما ..
جهينة : يويةي على سلاااامتي .. الوضع هناا كايقتل بلا بييكم ..
ايرتان بغيظ و انفعال: جهينة .. قطعي الزمر .. جهينة : ماالك كاتغوت ؟ نعام ا اشرف ..
اشرف : مال الجلاخة كايغوت .. غار تاني ؟
جهينة : راك عارف .. صافي حتى نعاودو نتعايطو .. تفيق اشراق قول ليها تتاصل بيا ..
اشرف : واخا .. سلمي ليا على الفنيكيشة ههه
جهينة : هههه حتى تخرج و سلم عليها راسك ..
اشرف : ان شاء الله .. مشوق ليها اكتر منك انت لي امها ..
جهينة : ههه اه .. حيت مامعذبش عليها ..
اشرف : هههههه اوى فهاذي I can't help هههه
جهينة : هههههه وا قطع قبايلة قلنا بسلامة و رجعنا تااني نبرولو ..
اشرف : ههههه واشتي راه ماكانقولش ليك عشيرتي غيير هكااك ..
جهينة : هههه وا يااله اعشيري تلاح هاد المرة ديال بالصح ..
اشرف : تلاااحي ...
قطعات جهينة و هي كاتبسم من ضحكها مع اشرف .. خنزر فيها ايرتان و قال : ما شاء الله هز لييك الموورال غير بمكاالمة ..