قدري أن أحبك الجزء 26

جهينة : اااه .. شنو فييها .. خنتك متلا ..

ايرتان بغيظ و يغزز فسنانو : جهينة ..ماتستافزيينيش .. ديري عقلك و تحكمي فعووااطفك ... علااش دابا هاادشي كوولوو .. علاش كاتشدي معاايا ضد و تعصبيني بفعايلك ..

جهينة ببرود : مادرت وااالو ..

ايرتان : جهييينةةة 😡😡

جهينة : مااالك اشنووو 😠 غييير بووحدك .. اشنوو عندك اش بااغي .. من صباتح و انت معصب عليا و معاجبك حال ..

ايرتان : انا لي معصب ؟ ... واخا اجهينة .. واااخا ابنت قلبي..

جهينة مع ديك بنت قلبي دورات وجهها ماباغياش تطيح دموعها قداامو ..

زفر ايرتان نفسو بغضب و كمل السياقة حتى دخل لفيلا ديال السي عمر التازي ..

ايرتان شاف فيها و قال : شدي الركنة حدايا و ماتهضري مع حتى حد .. انا لي نهضر و نجاوب ..

جهينة : واخا شي اوامر اخرى ..

ايرتان : هبطي من الهضرة ..

هبطات جهينة .. عطا ايرتان كونطاكت باش يبلاصيو السيارة و يدخلو الشناطي ..

تم غادي و هي وراه .. وقف و جرها من خصرها لجنبو و دخلو ...

دخلو لقاوهم جالسين فالصالة .. امو و ابوه و حتى جدااه ..

وقفات وفاء نيشان عند ولدها و عنقاتو كاترحب بيه ... و عنقات جهينة ..

وفاء: مرحبا بيكم ..ماتصوروش شحاال فرحاانة بيكم فجنبي ..

عمر : اهلا بعرساانا الجدااد .. اااه سمحوليا دازت 5 اشهر مابقيتوش عرساان ..

ايرتان : ياله قلنا باسم الله خلينا غير نرتاحو و نسخنو بلاصتنا بعدا ..

الحاجة كاتطلع و تهبط فجهينة : هادي هي لي تزوجتي بيها ..

جهينة تقرصات من شوفاتها و لكن مابينتش ..

جهينة : سلام عليكم .. انا هي جهينة ..

قاطعها عمر : عرفناك شكون ... بلاش ديك التمتيلية و داك التصنع ..

ايرتان : هضر معاها بلغتها هي ماكاتفهمكش .. داكشي ديال التخلويض و النفاق ماكاتعرفش ليه بحالك .. ياغاتعرف حدودك معاها ياغانرجع منين جيت ..

قرصاتو جهينة بلا ماتعيق حييت عيق بهضرتو و هي كاتشوف فملامح باه و جداتو لي تبدلو لغضب .. وفاء تلبكات لهاد الشحنة السلبية لي ملاات الجو و جراتهم للداخل ..

وفاء: اجيو جلسو بعدا ماتبقاوش واقفين ..

جلسو وسط الصالة .. و الجو مشحون و ماكاينين غير نظرات الكره كاتشاير ..

الحاجة : هي مراتك حاملة ..

ايرتان :كيف كاتشوفي ..

عمر : ماقلتيهاش لينا .. ولا يااكما مخبي شي حاجة

ايرتان : اش غانخبي متلا ..

عمر ؛ امم متلا .. درتو ديك الكرش فالحراام .. و ممكن جدا ماتكونش ..

ايرتان قاطعو : ماشي انت لي غاتوريني الحلال من الحرام .. على ماشي انت نفس الشخص لي كايزني هاذي سنين و قدام مراتو ؟

عمر بتشديد و انفعال: التااازم حدووودك .. 😡

ايرتان : التازمهم انت باش نلتازمهم انا .. و كانحذرك .. ماتخلينيش ننسا بلي انت لي والدني .. انا الى كاين هنا اليوم .. غير على قبل الوالدة .. لا انت ولا تهديداتك كاتهموني ..

عمر بتوعيد : واخا ا ايرتان .. واااخا اولدي .. *وقف* غذا نبغيك تكون فالشركة .. عندنا شلااا علاياش نهضرو ..

مشا عمر خرج .. و ايرتان شاف فامو و مراتو لي جالسين فجنابو .. كل وحدة كتلعب بصباعها بتوتر .. شاف فجداه لي ماهبطاتش عينيها من على جهينة ..

ايرتان : مالك اجدة .. عجباتك مراتي ..

جداه شافت فيه و خسرات وجها : شلاا ماجايب ليا .. بحالك بحاال بااك .. ماسرطتش فقصتو هو زدتيني فقصتك انت ..

جهينة بتمتيم : مزال نعيشو باش نفقصوك ..

الحاجة : اش قااالت ..

ايرتان كايضحك : زيدي فلاباراي باش تسمعي مزيان ..

خنزرات فيه و قالت : دابا وليتي مسخوط تضحك ز تهنزر فجداك و فبااك .. تقادو الكتااف ..

ايرتان : ماتجيبيش عليا تبوحيطك .. كون كنتي تستاهلي كوراك فووق كتافي .. و لكن لي ماكيحتارمش غيرو .. ماعندي لاش نحتارمو .. و الى باقي ماتعديت حدودي معاكم .. فهادشي غير بوجه الله لي آمرنا بطاعة الوالدين .. و نووضي صلي ليك 2 ركعات حمدي الله على هاذ النعمة .. لاربما يغفر ليك شوية راه بانو ليا ركابيك بداو يخواو ..

وقفات كاترمي الشر من عينيها و مشات كاتبرغم ..

ضحكات وفاء و جهينة .. و ايرتان رجع لور و جرهم سندهم على كتافو ..

ايرتان : الله يسمح ليا ..

وفاء: هههه الحمد الله جيتي اولدي .. ماتصورووش فرحتي قداااش ..

ايرتان : ها مراات ولدك غاتونسك بما لقيت الحل .. تهلاو ليا فبعضياتكم ..

جهينة : مدام وفاء فمتابة ماما .. ماتحتاجش توصيها ..

شدات وفاء فيديها و قالت : شكرا ابنتي .. الله يفرحكم و يسعدكم .. و يخليكم ليا ..

دوزو العشية غير مع وفاء .. حتى من العشاء ماحضرش ليه عمر كيف عادتو و الحاجة مارضاتش تجلس معاهم فطبلة وحدة تعشات بوحدها فبيتها ..

وفاء : زيديك ابنتي .. كولي مزيان باش تقوااي ..

جهينة : شبعت اماما وفاء ..

ايرتان : غير خليها الوالدة .. ماكاتقدش تكتر الماكلة .. حيت ماكاتهضمش دغيا و كاتبقى توجع عليا ..

جهينة : كانتوجع عليك ؟ اوى سمح ليا اسيدي كانبرزطك يااك .. مابقيتش نعاود ..

ايرتان شاف فيها و رحع شاف فماماه : و ولات حسااااسة و كووولشي كاتبغي ضااارب معااايا علييه ..

جهينة خنزرات فيه و دارت كانفخ ..

وفاء: ولظي شد معاها الخاطر .. راها معذوورة خااص يكون نفسك طويبل كيف كانعرفك ..

جهينة : لا اماما بلا ملتحاولي معاااه .. ماغايفهمش هاذشي لي فيه انا .. كولشي كايجيه بحال الى كانتفلى علييه و لا ماعرفت اشنو ..

ايرتان : يا هاد البنت ماااقلت وااالو ..

جهينة : قول و لا ماتقولش بعد مني .. ماما تصبحي على خير ..

ناضت طلعات للبيت لي كانو وجدوه ليهم ووراه ليها ..

ايرتان شاف فماماه و تبسمات ليه ..

وفاء: عاافاك اولدي لاماسااعف معااها .. المرأة فاش كاتكوون حاملة .. كايكون عندها مزاج ديال بيبي صغيير .. خاص ديما دير داكشي لي كايعجبها و دلعها و بين ليها اهتمامك و شد ليها الخاطر .. راه نفسيتها كتأتر فالبيبي ديالكم .. زعما راك واعي و ذكي مانحتاجش نوصيك ..

ايرتان : و الله الوليدة حتى داير جهدي معاها .. راه كانصبر راسي بالزز على قبلها ..

وفاء: وا كمل ماكلتك و نووض رااضيها ..

دخل ايرتان للغرفة لقاها فالحمام ... طفا الضو و تكا فبلاصتو كايتنهد ... خرجات نقصات الفوقاني و مشات باتجاه السرير .. حل ايرتان يديه باش تجي عندو و لكن ماشافتش حتى فجهتو ... تخشات فبلاصتها و طفات الاباجورة من حداها ... شاف فيها ايرتان بعصبية و ناض شعل الضو و رجع ليها .. دفع الغطا من فوقها و قال ..

ايرتان : نوضي تغعدي نهضرو ..

جهينة : ماعندي خاطر.. حتال غذا ..

ايرتان : غاتنوضي و لاغانوض نحيح على مك فهاد الليلة .. نوضي نفاريو هاادشي داالبا نييت ..

ناضت جهينة دارت عندو و جلسات بالنفاخة ..

جهينة : اشنووو .. اش باااغي ..

ايرتان : انت لي اشنو بااغية .. لاياش باغية توصلي ..

جهينة : ماباغية نوصل لتاحاجة ...

ايرتان : سي ... انت كاديري هكا باش تقنطيني و ضميري يأنبني و نوافق على ديك المهزلة ...واا شوفي قلتها و عااودتها ... داكشي والله لا درتيييه ... وا بربييي لااا درتيييه ... ماعنديييش الضمييير و اللهما عند دييلمييي غير بلااا ماتصدعي راااسك .. و دااابااا غاتقااادي معااايا و لااا غانعرف اشنوو غاااندييير معاااك ..

جهينة بانفعال و دموع كتمرجح فمقلتيها : اشنووو غااادير تقجنييي كيف ديك المرة ...

ايرتان : جهينة .. ماتبقايش توطااي على الجرح .. ردي بااالك اش كااتقووولي ..

دورات وجها و مسحات دمعتها بالنطرة ...

ايرتان تنهد منين شاف دمووعها .. تراجع على غواتو و عرف راسو قسى عليها ... قرب منها و مسح دمووععا و هي دفعاتو بلا كاتشوف فيه

ايرتان : سمعي اجهينة هاذي آخر مرة غانهضرو فهاد الموضووع ... انت راك امرأة مزوجة و قريب غاتكوني ام ...عندك مسؤولية و ديك الطريق خااص تكوني مسااالية قبك ليها .. ماعندكش ولادك و ماعندكش راجلك لي يغير عليك .. انا ماشي بوكيمون لي تمشي مراتي تمتل مع واحد اخر و لا تخدم و الرجال ضايرين بيها... غادي يخصك تلبسي بحالهم وتديري الماكيااج .. و انا ماخليتك ديريها حتى معايا بووحدي بقا غير مع رجال اخرين ... انا كانغيير علييك .. وا الدراري عشراااني و الى طولتي معاهم الهضرة كانبغي نوض نبعدك و خاااصة اشرف ... ماقادرش نتخيل مراتي انا ايرتان التازي تمشي تمتل و تبان فالتلفاازة و كولشي يشوف فيها و يتغزل فييها .. مستحيل و ماانقبلهااش حتى نمووت و ديريها .. انا مرييييض و غييرتي خااايبة .. احسن لييك تفادااايها و تعرفي حدووودك انا كانعلمك ..

جهينة لانت نظراتها و شافت فيه بلوم و دمووعها دااايزين ..

بقات فيه تنهد و جرها لحضنو عنقها و هي عااد طلقات دمووعها ...

ايرتان : عاارف هذاك اول حلم ليك .. و عاارف كنتي متحمسة ليه ..و عارف كرهتيني و شفتي بلي وليت اناني فهاد الموضوع و لكن حطي راسك فبلاصتي .. انت مراتي انا و انا لي عندي فيك الحق .. انا وولادي صاافي .. دابا غير صبري و ضحي على قبلي الى كنت نستاهل .. موقفي اقوى من موقفك اجهينة ... الى خليتك غادي تواجهي مشااكل اكتر و اكبر معايا من بعد .. اللهم نحدوها هنا و قبل ماتبدا .. اش قلتي ؟

جهينة مسحات دموعها و شافت فيه : واخا ايرتان .. يمكن عندك الحق .. و من حقك ترفض الى ماناسبكش .. واعدتك نضحي على قبلك و خاصني نوفي بيه .. غادي ننساه و نحيدو من بالي ..

ايرتان : شوفي فيا ... انا كانبغيك و ماباغي ليك غير كل خير ... عاونتك تلقاي موهبتك ماشي باش نوقفك من بعد .. كملي فالمسرح و شاركي حتى فالمسرح الحي و متلي فيه و اللهما غادي نقول لا ..و لكن التمتيل لا .. هاذيك فوق طاقتي .. خدمي فلي بغيتي ان شاء الله تجي و تقولي ليا غادي ندير بيلوطة .. و اللهما نحبسك .. حتى انت انسانة و عندك استقلاليتك من غير راجلك وولادك .. و لكن كولشي فحدود .. *مسح دموعها و تبسم* صافي امادمتي ..

جهينة بادلاتو ابتسامة خفيفة و قالت : واخا ..

ضحك ايرتان و عنقها ... خشا وجهو فعنقها شم ريحتها و قال ؛

ايرتان : ريحتك كادير فيا العماايل..

جهينة : اوا انت لي صاوبتيها بنوايا غير حسنة ...

ايرتان : هههههه و حتى دابا نوايايا ماشي حسنة .. توحشتك

جهينة : هااا دابا هااذسي علااش صالحتييني

ايرتان : والاااينيي مش طبة معاك انت .. كولشي العيااالات فكووم و لي عندي انا فكووم اااخر .. بالناقص غااع غانمشي ننعس ..

جهينة حبساتو : هههه صافي صافي .. غير ضحكت معاك ..

ايرتان :ياله واجي لهنا ..

جهينة : ولكن قبل واعدني تبقى تفكر اشنو كاندير على قبلك ..

ايرتان : و على فين عمري نسييت .. ناس مزوجين نساء انا مزوج العسل .. ماحدي نلمق منو و انا غامازايد ندمن علييه ..

جهينة : اوى شفتي .. خاصك دابا تعوض ليا ...

ايرتان : باش غانعوض ليك ..

جهينة : لي قلتو ليك توافق عليه ..

ايرتان : و على انا من امتى كانرفض ليك شي حاجة ..

جهينة : اوووف ماعندي منين نلوي دراعك .. 😔

ضحك ايرتان و جرها لعندو : حنا مزوجين و لا فحرب اشمن تلوي ليا و لانلوي ليك ..

جهينة : هههه غير كانضحك معااك .. دابا انت رفضتي حيت كاتغير عليا ؟

ايرتان : و على لا .. ماشي مراتي ؟

جهينة : و علاش انا عمري غرت عليك غير شي مرة وحدة على ما عقلت ..

ايرتان : اوى الراجل الحقيقي لي كايبغي مراتو مايخليهاش تغير عليه .. بل هو كايخلي الاخرين يغيرو منها ..

جهينة : اممم .. هي دابا انا مامزياناش حيت كانخليك تغير عليا ..

ضحك ايرتان و جاوب :قضية الرجال ماشي بحال العيالات .. الراجل لي مايغيرش على مراتو راه ماكايبغيهاش .. راه كاينين درجات ديال الغيرة .. كاين لي كايوصل لدرجة المرض و يغير حتى من ولادو ..

جهينة : هههه عندك الحق ..

ايرتان : واشنو دابا ..كاتنسيني .. اجي لهنا ..

جهينة : وا طفي داك الضو ..

صباح يوم جديد ..

فاقت جهينة على لمسات ايرتان ليها .. حلات عينيها شافت فيه .. كان لابس حوايجو و مقاد شعرو و ريحتو واثلة عندها كيف عادتو .. باس راسها و قال :

ايرتان : صباح الخير احبيبة .. انا غانمشي للشركة .. انت رجعي لنعاسك و منين تفيقي هبطي عند ماما راه هي غاتكون معاك .. و ردي البال لراسك ..

جهينة بخمول : واخا ..

باس راسها و ناض خرج ..

رجعات جهينة لوسادتها كملات نعاسها ..

دخل ايرتان للشركة و طلع نيشان لجحر عمر التازي .. دق فالباب و دخل ..

عمر : مرحبا ..مرحبا بولدي ..

ايرتان دخل كايدور عينيه فالمكتب الواسع و العريض و المزين بارقى و اجود الاتات و الديكورات ..جلس واخد راحتو ... و ببرود مستفز شاف فيه .. طلع فبه عمر و نزل فبه و قال :

عمر : هاذا لبس ديال رجل اعمال و لا رئيس عصابة ..

ايرتان : لبسي آخر همك .. دابا خلينا فالمفييد ..

حنحن عمر و قال : اليوم غاتبدا .. خاصك تضطالع على اعمال الشركة و مشارعها .. حيت من بعد غادي يخصك توقف على واحد المشروع لي دخلنا فيه حنا و شركاءنا الجداد .. و غاتكون النائبة ديالهم هي بنتهم نيرمين لي تلاقيتيها فالحفل ..

ايرتان : و علاش انا لي غانوقف عليه .. وقف علييه انت .. ماشي عوايدك تفلت وحدة بحال هاذيك ..

عمر : قلت لييك تعلم تلتازم حدوودك .. من الاحسن ليك تحتارمها و تعامل معاها مزياان ماعنديش استعداد نخسر مخططاتي على قبل التخربيق ديالك انت .. مشاعر الكره ديالك ماكاتهمنيش .. كرهني و دييير لي بغييتي .. و لكن عرف حدوودك فين هي .. غلط واحد غايكلفك بزاااف .. كانحذرك ..

دار ايرتان ابتسامة جانبية .. و كأنه ماتحزح فيه حتى ذرة ديال المشاعر .. كمل عمر قائل ..

عمر :يسحاب ليك ماعارفش بلي كنتي كاتحرض امك باش تفرق مني و تلوي دراعي .. ولكن لي مااعارفش هو بلي كلاتها فعظاامها بسبابك .. و زيد فبالك بلي ديك امك مايمكنش بل مستحيييل تبعد من جنبي .. بلا ماتحاول معاااها .. الى بغيتي ماماك جلس حداها و انت سااكت و دير لي امرتك بيه.. حيت ماعندك حتى خيااار اخر .. داكشي لي فبالك ماغاتقدرش توصل لييه .. نتمنى نكون وصلت ليك الفكرة ..

تبسم ارتان ابتسامة باردة خالية من اي مشاعر و قال :وصلاات ... وصلاات ابااباا...

ضحك عمر بانتصار و قال : ولدي العزييز ..

جالس ايرتان فمكتبو الجديد لي وجدووه ليه بخصووص ..

3 موظفين واقفين قدام مكتبو محملين بمستندات و ملفات كتيرة ..

حطووهم قداامو و شاف فيهم ايرتان ..

ايرتان : كووولشي كااين هنا ؟

الموظف 1 : اه اسي ايرتان ... كولشي المستندات لي طلبتي موجودين ..

ايرتان : واخا .. واحد فيكم غايبقى و الباقي يمكن ليه ينصارف ..

مشاو دوك 2 بعد استئدانهم ... و بقا واحد يشرح لايرتان كل مايتعلق بالشركة ...

داز الوقت و هما هكاك .. حتى دخلات سكرتيرة و علمات ايرتان بلي طالبو باه بالحضور لمكتبو ..

ايرتان : واخا انا جاي ..

خرجات و شاف فالموظف لي معاه : صافي غير سير انت من بعد نكملو ..

استأدن و خرج .. ناض ايرتان حتى و توجه لمكتب باه ..

عند جهينة .. لي كانت فايقة و بدلات حوايجها .. هضرات مع إشراق فتيليفون .. و مع ماماها .. غير قطعات سمعات الدقان .. دخلات بنت بلباس رسمي للخدم و ملامحها لطيفة و على وجها ابتسامة خفيفة...وقفات قدامها و قالت ..

الخدامة : مدام ... مدام وفاء كاتسناك التحت ..

جهينة بابتسامة : واخا انا هابطة .. و عيطي ليا غير جهينة راه حنا قد قد على ما بان ليا ..

الخدامة : لواه امدام ا...

جهينة ناضت و خشات يدها فمرفقها و تمشات معاها للباب : ماعنديش مع هاد جو مدام و الطبقات ... كولنا سواسية قدام الله ههه .. خودي راحتك معايا ..

تبسمات البنت و قالت : ما شاء الله بحالك بحال مداام وفاااء .. حتى هي متواضعة و ظريفة ... ماشي بحال الاخرين .. الله يسمح ليهم ..

جهينة : اوى هاذاك حال المشتاق الى ذاق .. لي كابر فالعز و مولف بيه غااعما كايتكبر بيه .. اما لي ياله عطاتو الدنيا .. ديك الساعة كايتكبر و كايطغى ...

الخدامة : و الله الى عندك الحق .. هي انت عاارفة قصتهم ..

جهينة : شي حااجة و صافي ..

الخدامة : و و عاارفة حتى بلي ديك العقروشة كانت عايشة غير بمحل ديال الحرشة و المسمن ؟

جهينة : وااايلي ؟

الخداامة : ههه ااايه .. هي كانت قبل مايورت ولدها خير نسيبو .. كانت كاتبعيع المسمن .. هي مااشي عيب بالعكس عمر لقمة الحلال ماكانت شي حاحة عيب .. و لكن العيب هو يتكبر علييها منين تعطيه الوقت ..

جهينة : اوى هااذي ماكانتش على البااال .. الحاااجة كانت كاتبيع المسمن .. ههه لي شافها دابا يقول كانت بنت القااع و البااع و ماتعرف منين تجييه .. طووووز على الفلوس و مادايرا فهاد البشر ههه وا قولي ليا بعدا شنو سميتك ..

الخدامة : سميتي هدى ..

جهينة ؛ متشرفيين اهدى ..

دخلو للصالة و هما كايدردشو و يضحكو .. كانت الحاجة و وفاء جالسين ..

غير شافتها هدى و خطفات يدها ووقفات برسمية .. جهينة استغربت و شافت فالحاجة ..

الحاجة : اوى صبااح الخييير بلالا العرووسة هدعااد طفات عليك الشمعة .. العيالات كايفيقو مع رجالهم و يوقفو عليهم حتى يخرجو و انت صابحة ناعسة و فالاخر هابطة تكركري مع هاذي .. و لا قولي توالمتو ب2 ملقطات من الزنقة ..

هدى : سمحي ليا الالا ان..

الحاجة : سيري غبري كمارتك فالكوزينة ..

مشات هدى كاتجري .. و جهينة بقات غير كاتشوف فوفاء لي كاتغمزها من لور ..

الحاجة : شوفي اديك قليلة العفة .. عارفة عليك كولشي .. سكنتي انت و حفيدي و لعبتو كيف بغيتو و حتى درتو كرش عاد تزوجتو .. الى حفيدي خارج هلى طوعي و ماحاكماهش ماكايعنيش غادي نسكت لهاد المهزلة ...

جهينة ماجاوباتش و انما اكتفت بابتسامة لي كانت كافية باش تطلع ليها السكر .. تبعاتها بعينيها .. مشات لجهة وفاء لي وقفات و شدات فيها تعاونها تجلس حيت مع التقل مابقاتش كاتقدر تحرك براحة ..

وفاء: باقي مافطرتي احبيبة ..

جهينة : ماكانقدش نفطر اماما ..

وفاء: لا ابنتي .. ضرووري الفطوور .. هدىىى

خنزرات الحاجة و مشات من حداهم ..

ضحكات وفاء بعدما تأكدات من غيابها و قالت ..

وفاء: الله يرضي عليك ابنتي هكا نبغبك .. ماتجاوبيش معاها كيف كايدير ولدي .. احسن حاجة طنشيها ..

جهينة : عارفة اماما ماتحتاجيش توصيني ..

دخل ايرتان للمكتب .. و لقى باه مجتامع بشركاؤو .. السيد احمد و بنتو نيرمين .. لي غير شافت ايرتان و تبسمات و رجعات شعرها بخفة لورى وذنها ..

عمر: دخل اولدي ..

دخل ايرتان ووقف قدامهم .. سلم ببرود و جلس ..

احمد : كييف غادية معااك الخدمة اولدي ..

ايرتان سكت شوية و جاوب : ياله بدينا ..

قاطعو عمر و قال : هههه اكييد كوولشي غايكوون مزيااان تاحاجة ماغاتصعااب عليه .. داكشي علااش كلفتو بالمشروع ديالنا و نيت يتعاون فيه مع الانسة الصغيرة ديالنا و تكتاسب شوية من خبرتو ..

نيرمين : متحمسة نخدم معاك ا..ايرتان ..

شاف فيها ايرتان بازدراء على وقاحتها فنداءو باسمو بدون رسميات ..

ايرتان دار لعند باه و قال: ممكن تعرفوني بهاد المشرووع .. كيف كاتشوف راه يومي الاول هذا ..

احمد : اكيد .. حتى بنتي باقية ماعارفة والو .. جمعناكم بااش نشرحو ليكم ب2 فخطرة و تكون عل اظطلاع بكولشي ..

عمر بابتسامة شيطانية: ياله .. على بركة الله ..

عند جهينة .. جالسة هي ووفاء فظليلة ديال الجردة .. كانت جهينة كاتفكر و تدردش مع ام ايرتان ..

جهينة : اجي .. ايرتان قال ليا عندو اختو سميتها نسرين .. فين هي ؟

تنهدات وفاء و قالت : دييك البنت غادايعة .. ماكاتعمرش الدار حتى هي .. كل مرة فين مسافرة .. غاتكون دابا محيحة فتركيا و لا فاسبانيا و ممكن فبريطانياا و لا ماعرفتش .. ماكاتقول ليا والو ... *بأسف* عندي غير 2 وليدات و ماقدرتش عليهم .. ماقدرتش نحميهم و نحافظ عليهم .. واحد قلبو قاسح و بارد بسباب لي شافو و عاناه معايا فالماضي .. و الاخرى ماقدرتش نكون ليها ام و نحميها و ننصحها .. لامستقبل لا والو غير كاتلعب لقات كولشي موجود .. ماكاتقرى ماوالو .. مقابلة غير السفر و القصاير .. ماكاتسمع لحد و كدير لي بغات .. باها و جداها فششوها .. و كرهوها فيا و فهموها بلي انا ماشي ام مزيانة .. ولى حاجز بيني و بينها .. واخا كانبغي ننصحها و نتقرب منها ماكاتخلينيش .. انا بالنسبة لولادي غير ام ضعيفة الشخصية و ماقادراش تحميهم .. غير وحدة مدمنة على الكحول ..

شافت جهينة فيها باسف و قربات ليها عنقاتها ..

جهينة : ماديرش فبالك .. حتى انت ضحية .. ايرتان عاقل مزيان كيفاش كنتي كاتحميه من باه .. ايرتان عاارف شكون ماماه .. ايرتان ماكايشوفكش هكاك و الدليل هاهو صبر على كولشي و جلس معاك .. *شافت فيها* انت ماشي ضعيفة انت قوية ... و غاتكوني اقوى الى سمعتي لولدك و جيتي معانا ..عرفتي ولدك كايحلم يشري دار اكبر فتركيا و نعيشو فيها ب4 .. انت و هو و انا و حفيدتك هيفين .. تربيها معانا .. و نتخاطفو على حضنك فينما نتخاصمو .. و لا نلصقو فيك بنتنا منيين نبغيو نخرجو ب2 .. تدير ليا شي زبلة و نتبعها نخاصم عليها و تخبا عندك و تقولي ليا بعدي من حفيدتي .. يرجع ايرتان فالعشية من خدمتو يلقانا كانتسناوه ب3 .. انت ماكاتنتاميش لهاد الدار .. انت بلاصتك معانا مع الناس لي كايبغيوك ..

تبسمات بدموع فعينيها و قالت : معاكم و هيفيين .. اسم غزااال ختاريتو ... *حدرات راسها* انا مااكرهتش .. حلم غزااال بزاااف .. ولكن مانقدرش ... انا بلاصتي هنااا .. مايمكنش ليا ابنتي .. *شدات فيديها* عافاك ابنتي بقاو معايا .. عرفتي اابارح نعست فرحانة و مرتاحة حيت عارفة ولدي و مراتو معايا فنفس الدار .. هرفتي ماشربتش البارح كيف كاندير ديما ... عرفتي علااش .. حيت مابغيتش نصبح متملة و راسي دارني باش تفيقي تلقايني مصحصحة ..و هاذشي ولدي لي طلبو مني.. طلبني نكون فايقة منين تفيقي حيت عارفك ماواخداش راحتك و غايخاصني نكون معاك فغيابو .. هاذشي درتو و انا فرحاانة .. وجودكم معايا زارع فيا الرووح .. بقاو معايا ابنتي ..

جهينة بمرح : اكيد احماتي العزييزة .. حنا حداك لاصقين ماعدنا فين نمشيو ..

ضحكاات وفاء و كملو دردشة ديالهم .. على الحمالة و على التمتيل لي ماخلاهاش ايرتان .. على عائلتها .. مهم مواضيع كتيرة خلاتهم ينساو ريوسهم حتى حنحن صوت رجالي .. هزو ريوسهم كان اييراتان كايشوف فيهم بحب .. الاشخاص الوحيدة لي كايشوفو هاد الجانب منو الشخاص الوحبدين لي كايعنيو ليه .. تاوحيدين لي كايستاهلو حبو .. بكل مرح و حب قال ..

ايرتان : اش كايديرو مي دام التازي هنا ..

تقدم عندهم باس راس ماماه و باس حنك جهينة .. و جلس وسطهم ..

وفاء: جيتي اولدي .. كيف داز صباحك ..

ايرتان : ههه و كيف غايكون فنظرك .. الله يرزقنا الصبر و صافي

وفاء: عااافاك اولدي لاما غيير سلك على قبلي ..

ايرتان : ماتهزيش همي اوالدة *باس راسها*..

دار عند جهينة و شاف فالماعن لي فوق اطابلة و شنق عليها ...

ايرتان : ياله فاايقة لمك ..

جهينة : ايررتااان طلق رااني حاااملة حشوومة علييك.. ماما عتقي .. 😣

وفاء: واش حماقيتي رخيها يا هااد الولد مال لعبك حرش ..

ايرتانو: هههه ماتخافيش علييها لحمها مولف ..

جهيمة : اشتي اماما كايعتاارف .. راه هاريني عصاا .. عرفتي قبل مانحمل اش كان كايدييير ليا .. ماكاين غير الركيل و الشنيق و النتيف و التمرميق.. واكانكون غاديا مابيا ماعليا حتى كايجمعني بنص ..

ضحك ايرتان ووفاء و قالت : لاواه اولدي .. اش هادشي كانسمع راها مراتك ماشي صاحبك ..

ايرتان : لا لا انت غالطة الوالدة .. هادي راه هشيري عبد القادر ..

جهينة : لوااه عزاااك .. واش باغي تمووت ..

ايرتان : هههه ماتقوليش لي ماتقديش عليه اخرتك تنعسي حدايا فالليل ..

وفاء: ههههه نعل الشيطان و تفرق منها .. انا غادي نمشي نشوف الغذاء فين وصل ..

ايرتان : سيري اماما ...

مشات كاتضحك و تخليهم مع بعضهم .. و ايرتان شاف فجهينة و بدا يقرب لعنقها ..

ايرتان : و دابا اشنو ..

جهينة كاتضربو : بعد و كوون تحشم راه ماشي فبيتنا ..

ايرتان باسها و رخف عليها .. شافت فيه و قالت و هي كاتقاد حوايجها ..

جهينة : اش درتي هاد النهار ..

ايرتان : خدمة عادية ... كلفني بمشروع و جايب ليا بنت شريكو ملصقها فيا .. قالك نعلمها حيل الشغل و نعاونها تنجح فادارة الاعمال..

جهينة : بنت شريكو ؟

ايرتان : ااه ... غانخدم معاها واحد شهر و لا 2 ..

جهينة : اممم .. و .. هي زعما كيف دايرة ..واش مرتابطة مزوجة ..

ايرتان رجع راسو لور مسندو على مسند المقعد و غمض عينيه ..

ايرتان : و انا اش عرفني ... خدام معاها على مشروع و لا غادي نجلس نسول فيها و نقرقب معاها الناب ..

يتبع