قدري أن أحبك الجزء 27

جهينة قربات ليه اكتر و حطات يديها على سدرو كاتلعب بكويرتو و قالت ..

جهينة : وكيف دايرة .. و شنو كاانت لابسة ؟

ايرتان على نفس الحالة : ماعقلتش *سكت شوية و شاف فيها * اجي لهنا ؟ علاش كاتسولي ... شوفي ادييك اه الى كنتي كاتقلبي علاياش نتخاصمو .. قلبي ساعة باخرى ماعندي خاطر لهادشي ..

جهينة : لا ماباغياش ننخاصم معاك .. انا غير ضرني راسي و صافي .. ماشي من حقي نعرف راجلي اش كايظير و معامن كايتلاقا النهاار كولو .. و لا غير انت لي من حقك تحكم فيا و تغير عليا ؟

ايرتان : لا .. حتى انت من حقك ... غير هو التقة ... التيييقة ابنت قلبي..

جهينة : و شكوون قالك ماكانتييقش فييك .. انا ماكانتيقش فبنادم .. اش ضمن ليا بلي ماغاتحطش عليك عينها ..

ايرتان : و هاااهي حطااتها .. اش غاتصور .. القلب عااامر و مافيه حتى خوية صغييرة ..

جهينة : اوى احسن لييك ...

ايرتان ضحك و باسها : احح على مراتي كاتغير عليا ... عجبني هادشي ..

جهينة : اوى اكييد غانغيير علييك .. ماتعطي وجه لحتى وحدة ... بقا غير تخنزر و شوف غير من الفوق و ماتهضرش و ماتسمعهومش صوتك غير لضرورة و ماتضحكش نهائيا .. و كاتعمرش معاهم ..

ايرتان : طلباتك اوامر امدام ..

جهينة : اوى يااربي شي نهار نوقف عليك و نلقاك مادايرش بوصيتي و اللهتا ندخلك فحيط ..

ايرتان : اوى باراكة عليك لليوم .. غاتزيدي مزال انا لي غادي نخشيك فحيط .. هااايهااي على الضساارة .. قبااحيتي ااه ... رااه شااافعة ليك هيفبن لي فكرشك .. اما كوون وريتك

جهينة معات غمها و هي تشدو من شعرو هبطاتو لعندها و قالت : اش قلتييي ...

ايرتان : غاطلقي و لا غادي نسيفط مك تولدي داااابا ..

جهينة : اوى حرررررر بوووش تقييستي ... يااك بنتي شاافعة لبا و خليني ننتاهز الفرصة مزيااااااان و نورييك العيالات و علاااش قااادات ... انا كانغير على السيد و هو جالس يقمع و يهدد ... مااللنا غير انت لي تعرف اااه ..

ايرتان تحت يديها مغاود مع كرشها شاد فيها و كايهضر مع بنتو : اشتي ابنتي مك اش دااايرة فيااا ... عرفتي كون نقولك كانت غير نقيسها تحشم و تتبت فبلاصتها ماكاتفنفنش و اللهما تيقيني ...حتى الشوفة ماكانتش تقدر تكملها فيا ... وااا شوفي دابا ماوكلي فاش كايضصرو عليه القرودة ..

جهينة : القردة هي خالتك ..

ايرتان نايض ليها : بلاتي لوالدييك نتقاد ليك نشوفو هاد الضسارة اش سبابها ..

جهينة ناضت شادا كرشها زربانة هربانة منو و هو تابعها كايهدد ...

دازت سمانة على هاد الاحدات ..

عز و رباعتو رجعو من تركيا باش يعاونو ايرتان .. ايرتان بادي خدمتو و كايقلب منين يلوي دراع عمر .. اما عمر ماقالش لشركاؤو بلي ايرتان مزوج باش مايخسرش مخططاتو ... و عطاهم امال و طلب منهم مايقولو لايرتان والو و ياخدو امورهم بالمهل ... ايرتان لحد الان باقي ماعاقش بهاد القضية ... حيت نيرمين مافاتحتش معاه الموضوع و اصلا ماقدراتش تضسر عليه .. في حين اعجابها بيه كايكبر ..

جهينة ولات متبعة مع طبيبة اخرى ...

اليوم ايرتان جالس فالدار .. متكي فالسرير و خدام و جهينة حداه مربعة رجليها كاتحنزر فيه ..

جهينة : تانوووض تغعد ديني عند الكليكا ..

ايرتان : الاااا ... مافيا لي يحرق دمي مع داك تشيم نشيم ديال الويل ..

جهينة ناضت شادا كرشها لي زاادت كبرات و كاتمشي و ترجع مفقوصة ..

ايرتان شاف فيها و قال : نش شدي الارض قلقتيني ..

جهينة : قللقتك .. *بدات تمشي بالزربة و ترجع* ياله تفرغع ..

حدر راسو كايضحك و خلاها ..

تفقصات جهينة و مشات لجهتو وقفات عليه و يدها فجنابها ..

جهينة : ورااه قنطت و اللهتا نهبط نمشي بوحدي ..

ايرتان : اوى الى سميتك جهينة عتبيها ..

جهينة تقدمات ليه اكتر : تا نووض ..

ايرتان : سيري حيدي من حدايا خليني فهمي ..

جهينة خشات فوجهو كرشها و كتضربو بيها : تاانووض ..

بدا يضحك ايرتان و حط البيسي و شد فيها حط ودنو و قال : اشنو ندير مع هاد ماماك دابا .. آاا ؟ نطنشها ..

جهينة : اشمن طنشني .. راه والله و ماتنوض حتى نلوح راسي نتمرمد لمك هنايا ..

ايرتان : سيري لبسي الكارتة لي عطاني الله ..

ضحكات جهينة و باست حناكو و بقا كايضحك ..

جبدات دجين و تيشورت عرريض للحوامل ..

حيدات حوايجها و خشات رجلها فالسروااال .. هزات عينيها فايرتان و قالت : ايماااا الحبيبة ..

ايرتان ؛ مالك ..

جهينة: الدجين مابغاش يطلع ...

ايرتان : هههه بلاتي نعاونك ..

وقف قدامها و ضارب معاها طلعوه غير بالزز فالاخر مابغاش يتسد .. ايرتان دار رجلو على الماريو و هي هازا يديها الفوق كاتبلع كرشها بالزز عالله تدخل غير شوية و هو مخرج لسانو كايتعصر ..

جهينة : صاافي حبااس .. الموووت الزرقاااء هاادي ... حيد لخرى غانلبس غير كسوة ..

ايرتان : هادشي لي باان ليا حتى انا ..

جهينة جلسات و عطاتو رجليها : جرو معااك ..

جرز ايرتان كايضحك و وقف يلبس حتى هو ..

لبسات سايا سبورتيف تحت الركبة بشوية و نفس التيشورت .. طلقات شعرها كيف العادة و جلسات تلبس سبيرديلتها .. بغات تحنى و هي تقول : ايما الحبيبة 😣

ايرتان : مالك تااني ..

جهينة : ماوصلتش لرجليا 😣

ايرتان جلس قدامها كايضحك و لبسها ليها ..

جهينة : يااخ .. اش هاد الوحلة و ليت بحال شي فقمة ..

ايرتان : خاصك غير كرة و تبقاي تصفقي و تقو ... أوو اووو ..

جهينة :باغي شي نتفة تاني 😤

ايرتان : هههه لا بلااش 😂 .. نوضي ياله ..

عاونها توقف و شدات فيه و خرجو ..

ايرتان : كاتوقفي بزز و باغية تخرجي ..

جهينة : الطبيبة قالت ليا نكتر المشي باش تسهال عليا الولادة ..

ايرتان : امم عندك الحق .. هي نضربوها كعطة من هنا للوطيل ..

جهينة : اه الى كان على كتافك ..

ايرتان : ههه واعاد قلتي مزيان ليك تمشاي ..

جهينة : لي قلتو تيقو .. *دورات وجها كاتنغر* ياخ على مصيبة .. كايسخفني فكولشي .. حتى النقااش معاه خاصني سوفل فيه ..

ايرتان : ههه راه كانسمع فييك .. غااابلاتي كانجمعهم ليك مابقا قدما فات ..

هبطو التحت و دخلو عند امو لي كانت كاتفرج فالصالة .. علموها بلي خارجين و مشا ركبو .. ماهي غير مسافة طريق و هبطو ..

ايرتان : ياله زيدي حرقي دمي واحد الشوية و نرجعو ..

جهينة : كوون هاني ماغانقسرش ..

ايرتان : تقزدرتي غااع ..

جهينة : ههه اوى انت غيرتك ماشي منطقية اش بغيتي ندير ليك .. كل مرة نقول لك راهم خووتي و انت لي فراسك فراسك ..

ايرتان : ماخوووتكش ... عارف راسي غانوصيك و غير تشوفيه و تحلي يديك *كايعيبها معوج فمو* فيين اعشيييري ..

جهينة : هههه بزاااف علييك مالي دايرة هكا ..

ايرتان : ااايه ...

وصلو للجناح و سرسر ..

حلات اشراق و هي تعنقها ..

اشراق : اهلا بالحب ...

جهينة : لاباس عليك توحشتكم كولشي كاين ..

اشراق : بطبيعة الحال .. دخلو ..

دخلو و لقاو كولشي مجموع فاليفينغ ..

اشرف نايض : اهلا اهلا بالعشييرة ..

جا يسلم عليها ووقف ايرتان بيناتهم ..

ايرتان : سلامك وصل .. قلب الدورة و لا غانشقلبك بمعرفتي ..

اشرف : ههههه خريتي بهاد الغيرة ديالك ..

جهينة : ماشي غير خرى .. راه ..

ايرتان : تزيدي كلمة غانجر والدييك الكريق لي جابتنا ترجعنا ..

اشراقة: تكااليس اااو .. مالي انا مادايراش ليهم هاد الحالة زدتي فيه ..

ايرتان : سكتي اباردة القلب ... ماتهضريش ..

عز : ههه خليها تجلس بعدا ...

فؤاد : سيرتكم ملغاتساليش 😂😂

ايرتان تقنتي تم تفنفني نفرشخك ..

جهينة فخاطرها: الله يعطيك الزحمة ...

جلسات حدا الدراري من جهة الاخرى بعدما سلمات باليد .. جلسات حداها اشراق و ايرتان و اشرف مقابلين معاها ..

اشراق: اوى فين ؟

جهينة و اشرف : فالفلييبييين

شافو فبعضهم و جلسو يضحكو كيف الحمااق ..

ايرتان و اشراق شافو فيهم مخصرين وجهم ..

اشراق : تصدقو .. دانتو ماس رخمة اوي .. ماتلمي انت و هو يخريب بتكووو ..

جهينة : ههههه نقصي الافلام المصرية .. دانتي هاريتينا ياااشييخة ..

اشراق : الشيخة هي مك ..

جهينة : هي خالتك ..

اشراق : هي طاطاك ..

جهينة : هي حنااك ..

اشراق : هي جدااك ..

جهينة : راه غانتف مك 😤

ايرتان : دابا هادشي لااش جايب وااالدييك .. تناتفي ليا ..

جهينة : صافي هاهي ساكتة ..

اشرف : هههه تفرق منها مالك كاتقمعها مسكينة ..

ايرتان : نعااام اخوويا ..

اشرف : هههه وااالو .. غير برد 😂

فؤاد : هههه لا لا خاصكم شي عصيير تبردو بييه ..

جهينة : جيب ليا شكلاط باارد ..

ايرتان : بلا سكر ..

جهينة : دابا تاعت الله واش كاين شي شكلاط بلا سكر

ايرتان ؛ تشربيه و فمك مسدود ..

جهينة : صافي اخويا غير عصير ...

اشراق : هههه لهلا يطيحني فمصيبتك اختي ..

جهينة : شفتي اختي المعانات ..

اشراق : وادابا لي مافهمتش هو الريجيم هاهو .. و هاد اكيلوات لي زادو منين جاو ..

جهينة : هاذشي نظل نفكر فييه بالنهار و الليل .. الفقاايص حتى حاجة مابقات تجي قدي ياااخ ..

اشراق : بااز ليك .. انا ماكانتخيلش راسي حاملة و كرشي كبيرة .. لحمي كايبورش ..

اشرف : نعم يا روح امك .. و على منين غاتحملي من فمك ..

اشراق : و انت اش دخل شطاتك ..

اشرف : و علاش ماغاتدخل شطاتي .. على ماشي غانتزوجو و طبيعي جدا نولدو ..

اشراق : بلاتي و هاذشي امتى وافقت عليييه ...

ايرتان : احح يرضي علييك ... الكلااش مع التنااش ..

اشرف : يااك لمك هادشي لي بغيتي تشفي فيا العديااان ..

جهينة : اويلي حشوومة .. حشوومة ...

اشراف : سكتي انت علاش كادافعي عليه ..

ايرتان : دابا عااد فقتي .. صباح الخير ..

اشرف : علااش كاتزند العافية ..

ايرتان : باش تشعل فيك و تهنيني من كمارتك .. لاش رجعتي ..

اشرف : عطيييييني اسيدي.. انا لي خدام ليك على المشروع لي عجزتي عليه اولد الحرااام مافيك خير ..

ايرتان : وايلي كملتيه ..

اشرف : سير تخرى دابا..

ايرتان : وا نووض .. نووض جييبو ..

عز : يوماين و هو سهران يفصل و يخيط فيه ..

اشرف : خليبه لضمييرو ... الى عندوو ..

جهينة : واااالو ماعندووووش .. سول مراتو لي هازة بنتو ..

ايرتان : سكتي انت و لا غاتهزي شي دقات معاها ..

جهينة : راه قلت ليكم ماعندوش الضمير ..

اشراق ؛ اووكوك حرييق الرااس تاني ..

فؤاد جاي ببلاطو فيه مشروبات ..

اشرف مد معاك دتك المجسم راه فوق داك الماريو ..

فؤاد : باش غانهزو بترمتي ..

جهينة : هههههههه تخيلتها 😂

ايرتان شير عليها بمخدة : رحمييييننني  😡

جهينة :هههههههه ماشي بيدي 😂😂😂

اشراق : ههههه انا غانجيبو ..

اشرف غير جلسي انا غانجيبو ماتتيقش فيك ..

اشراق صافي وقفت .. غير جلس ..

مشات كاتعلى باش تجبدو و قال اشرف : و ياااربي تلوحيه و تشوفي ..

غير قالها و هو يتزبق و تشتت الحزاق و كانه عمرو كان ..

غير لاحتتو و هربات سدات عليها باب بيتها ...

غير لاحتو و هربات بحلدها ...جهينة و عز و فؤاد كانو غايتسطاو بالضحك و ايرتان دار يدو على جبهتو مغمض عينيه كايتنهد بالفقصة و اشرف بقا كايشوف فنفس النقطة و فييه البكية .. ناض طل عليه ..كولو تشتت .. مشا كايدق عليها باش تخرج قدامهم ..

اشرف : خرجي لمك للهناا .. قلت لوالدييك جلسي علاااش كااتطيريييي ..

اشراق من الداخل : و انت اولد الحرااام لي دعييتي فياا .. علاااش تدعي... و تحمل مسؤووليتك داابا .. جهينة ؛ ههههههههههههه وااا مااامااا غانولد دااابا ..

ايرتان : سكتي لاتصدق بالصح .. ماناقصكش حتى انت ..

فؤاد : ههههههه صافي فوت علييك الدرية عاود صايبو اش فيها ..

اشرف : كون متي و ماقلتيهاش ..

عز : هههه ماعندكش حل اخر ..

ايرتان : صافي درتي لي عليك .. انا عانعاودو لراسي ..

اشرف : صافي ماعليش .. نعاودو .. *كايدق* خرجي امك انت .. الله يعطيك شي مصيبة تهنيني منك ..

اشراق : عارفاها ماشي من قلبك .. العااار ماتضربش .. و اللهما قصدت ... انت لي دعييتي فياا ..

اشرف : حيت كاطيري.. بلاصتك ماشاداكش ..

اشراق : و اللهما نعااود ..

اشرف : خرجي ..

اشراق : حلف ماغاتضرب ..

اشرف ؛ شوفو على حالة ... عميلة سرية فمنظمة خايفة تخرج من البيت حيت خايفة من العصا ..

اشراق : كولشي ... الا انت .. انت حافظ صواريا مامهاك لعب .. حلف ماتضرب ..

اشرف : ياله غير خرجي ..

حلا اشراق الباب و جرها من ودنها و قالت : واشتييي دااابا ماعندكش الكلمة..

اشرف : اما امك تضيعي ليا خدمة يوماين ..

جهينة : وا صافي الله يسامح .. مسحها فيا ..

ايرتان : مالك فوطة .. شربي عصيرك و سكتي ..

عز : هههه صافي غانتعاونو فيه .. طلق الظرية شهمتوونا .. تهنينا من هادو تطلينا بيكم انتوما ..

طلق منها و مشاو لبلايصهم

جهينة : اجي فين تيمون و بومبا ..

فؤاد :ساد عليهم الداخل .. و لاو مشطونين غير كايرونو ..

جهينة : كون ما جداة ايرتان .. كون ديتهم ..

ايرتان : و علاه سوقها .. خليهم فبيتك و سدي عليهم تما ..

جهينة : خفتها تقتلهم ليا و لا تخرجهم ..

ايرتان : غانديوهم .. و الى هضرات قوليها ليا ..

جهينة بفرح : اووكي ..

دازت مدة .. كانت جهينة و اشراق فالكوزينة كايوجدو غوتي ياكلوه .. و الدراري كايهضرو فمخططهم ضد عمر ...

جهينة فالكوزينة مع اشراق : اختي شااطة ماطة فمها ماكايخرج غير السم .. مزال باه قليل فين كانصادفو ..

اشراق : هاذيك مو .. بغااتني انا.. انت ماعرفتيش ليها ..

جهينة : اودي اختي امراة كبيرة ماجاتش نتجابد معاها .. مابيني و بينها والو .. كانتسناو هاد الجرة تسالي و نزيدو خلفة منين جينا ..

اشراق : وا ردي بااالك ابنتي للي فكرشك لاتوكلك شي حاجة تصفيها ليك .. راه دووك اللفعات ماكاتعرفيهم علاياش مطويين .. مايغوركش شويباتها ..

جهبنة : حااضية .. كاينة خدامة وحدة لي واقفة على ماكلتي تصاحبت معاها بنت ظريفة و قلبها ابيض.. كولشي كايوصلني .. و عاد ماماه حتى هي رادا ليا البال بحال ماما و اكتر .. و ديما كانصبح ناعسة كاتفيقني غير حماتي ماكايدخل عندي حد ..

اشراق : اوى هكاك نبغيك اختي .. عرفتي انا توحشت الحماام .. قهرني الدوووش ماطايبردش ليا هوايشي ..

جهينة : والله الى فكرتيني فيه .. شحااااال مامشيت ليه ..

اشراق : نمشيو غدا ؟

جهينة : اويلي كيف غاندير ليه .. مايخلينيش داك كحل العغطة ..

اشراق : و علااش مايخليكش .. خليه ليا .. غدا نطرغك مع الصباح فالسيارة يدينا كحل العفطة ديالي ..

جهينة : واخا .. اجي مانديوش معانا صحايبتي ايناس ..

اشراق : عيطي ليها تونسنا ..

جهينة : صافي دابا نعلمها .. عشقتيني فيه ..

اشراق : هي نخرج نشري شي تخليطات ننهلاو فريوسنا ..

جهينة : جيبي اخيتي ..

اشراق : وا ياله نخرجو عند هادوك نشوفو اش كايديرو ..

خرجو هازين الماكلة فيديهم حطوها و جلسو معاهم ..

ايرتان : لا لا .. ماعرفتش .. حااضي سوااريه .. خاصني الزقت باش نكسب تيقتو و تقة الكلاب لي ضايرين بيه ..

عز : مانضنش غايتيق فيك شي نهاار .. راك عارف علاقتكم كيف دايرة .. و اصلا ماجيتيش عندو طوعا حيت طلبك .. راه مهددك اصاحبي ..

فؤاد : عندو الحق .. خاصنا شي طرف جديد ماكايعرفوش لي يقدر يكسب تقتو ..

ايرتان : هذاك ماكايجيش غير بالحيلة .. اولا بالنساااء .. عينيه زايغة و بنات كولهم داز عليهم ..

اشرف : اوى طاحت و صبناها .. نعيطو دابا للبوص يسفط شي وحدة ..

اشراق : و علااش تعيطو و هي معاكم ..

ايرتان : اش كاتقصدي ..

اشراق : انا ..

اشرف : عاودي مرة اخرى ماسمعتكش ..

اشراق : انا بصراحة بغيت شي مهمة نيبت معكلة ماشي دوك حجايات الظراري الصغار لي كنتو خاشييني فيهم .. و عااد داك الشيبة العاااصية واحل ليا هنااا و بغيت نديرو عجينة فيدي .. و انتوما عااارفيني مزياان اش كانسوى ..

ايرتان : بصراحة انت ماكاتعرفيش هذاك اشمن نوع ..

اشراق : اش غايكون .. واحد ماكايشبعش .. و اما ماغاديش نعطيه لي بغا بطبيعة لحال .. و هاذشي غايخليه خاتم فصبعي .. غادي ندوخو و انت غادي تتصرف وراه ..

عز : بغيتو الصراحة .. اشراق منااسبة و كانظن مستاعدة باش تدخل فالعميات الكباار ..

اشراق: العز .. اعزوز ..

اشرف : لا لا .. مالقيتي باش تبداي غير بهاد الدور المق*** ماااغانخلييكش ..

ايرنان : حتى انا مابغيتهاش ليك ..

اشراق : شاشا ديالي ماعندك لاش تهز الهم .. انا غادي نعرف حدودي و نعرف نحطو عند حدو .. و ماغاديش ياخد وقت باش نطيحو .. و عاااد ايرتان معاايا فالشركة ... ماتخافش عليا .... ضروري شوية المخاطرة و لا بغيتو نبقاو نتفرجو فيه .. خاصنا نضربو الحديد ماحدو سخون .. قبل لا يخرج هو بشي بلان .. تيقو بيا .. الرجااال انا لي كانعرف كيفاش نطلعهم من عين البرة .. خليوني نقضي الغرض و تسووخرو لور ..

فؤاد : عندها الحق ..

اشرف بعد تفكير :متمرتاحش لهاادشي .. ايرتان .. اشراق امانة فرقبتك ..

شاف فيها ايرتان و قال : مدام مصرة .. واخا .. وماتخافش راها قداامي ماغاتخفاش على عيني .. غير بلاتي اسيهم عمر ..بربي لا تفااكييت معاااه ..

جهينة لاشراق : مزياااان نيت بغيتك دخلي لديك الشركة تشوفي ليا اش كايوقع فيها ..

اشراق : علاش كاينة شي حاجة من غير هادشي ؟

جهينة خفضات صوتها اكتر: احم .. ايرتان خدامة معاها شي وحدة .. بعيتك تجيلي ليا خبارها .. هو كايعاود ليا كولشي و تايقة فيه و لكن انا بغيت نعرف ديك خيتي شنو فراسها ..

اشراق : اوى على هكا ماضربي هم غانكون عينيك فديك الشركة .. البق مايزهق.. و الله بوها ديك الشركة حتى تهد فوق ريوسهم ..

جهينة : العززز ..

عز : نعام ..

اشراق : هههه ودنيك هنا اقليل الحياء ..

عز : لا والهما سمعت شي حاجة جهينة عيطت بسميتي ..

جهينة : هههه لا ماقلت والو ..

اشراق : ايرتان اشرف .. انا و جهينة درنا غدا نمشيو للحمام ..

ايرتان و اشرف : الحماام ..

جهينة : ااه شحال مامشيت ليه بغيت نكمد عظيماتي ...

ايرتان : نكمدهم لحبيبتي بلا حمام .. ماكاين لاش تمشي ليه ..

جهينة : ها هو تاني خشا العصا فالرويضة .. قلت ليك ماغايخلينيش ..

تشراق : تا مالك اخوويا على هاد السم خلي السيدة تمشي للحمام ..

ايرتان : و هي بديك احالة .. الى زلقت و لا سخفت و لا وقعات ليها شي حاجة ..

جهينة : ماعندو مايوقع ليا ..

اشراق : انا معاها و حتى ايناس .. ماتخافش عليها ..

اشرف : ز فين السطولة و فين ماعن الحماام .. واش تبربقتي غاتدخلي للاوطيل بسطولتك ..

عز و فؤاد : ههههههههههه

عز : شوفي انت بلا شووهة .. سيرز للسبا احسن ليكم

جهينة و اشراااق : واااالو من الحمااام نخلاااق ..

جهينة و اشراق شافو فبعضهم و قالت اشراق : يرضي عليك ..

جهينة : على اللعب فيه الضحك ..

ايرتان : و لااايني طلية هاااذي ...

اشرف : اشراق بلاناتك غايخرجو ليا العقل ... كل مرة مخرجة ليا مصيبة .. كيف غادير لهاد الحماام ..

اشراق : يا ويلي راه غير حمام مالكم مصعبينها .. كونو هانيين ماغاندخلش بسطولتي للاوطيل .. غانخرج انا و جهينة دابا نتقداو دابا و غانخليو كولشي فالسيارة .. غدا غانمشيو فيها و نرجعو فيها .. و غنوصل البنات كل وحدة لدارها و لا يوصلنا واحد فيكم بحال بحال ..

ايرتان باستسلام : صافي... غدا نوصلها .. توقع ليها شي حاجة غانعلق مك انت ..

اشراق : اش غايوقع الله يهدييك .. *كاتوشوش لجهينة* ياختي على الحب و شحال كيخاف عليك ..

جهينة فودنها : مايغركش هادشي .. تشوفيه هكا راه كايهدد من نيتو ... هو الاهتمام كايهتم .. و اكن راه كولشي بالغصب و التهديد .. ههه شوفي على شوفات داير فينا .. راه ماكرهش يردخ والدينا ب2 .. ماكايحملش فاش كانعاندو ..

اشراق : ههههه هكاك نبغيك ... طفشيه و خليه يعرف بقيمتك .. و يفهم بلي حتى انت بشخصيتك .. ماشي تابعة ليه و لي قالها ديريها ..

جهينة : احيااااني .. هذاك راه واخا يبان لبك كوول و بارد القلب .. و لكن الى مشا حتى تعصب .. كايخلط كولشي لي قدامو ..

اشراق : ههههه هي فاات دارها ..

جهينة : فايت قجني حتى خرجو عينيا .. راه اصلا فاينة عاودت ليك .. دابا وليت غير نشوف ديك الشوفة لي كان دايرها فيا فداك النهار .. كانقلب بساعة اخرى .. حيت حتى التحلوين فديك اللحظة ماكاينفعش معاه ..

اشراق : ههههه يخليلي شاشا ديلي .. الحب ديالي ماكايتعصبش .. الخياة ماصعيباش معاه ..

جهينة : عاادي حتى انت ولفتو .. اصلا ماكايعصبو غير الخدمة .. و فالاخر كايجي عندي اما الصدر الحنين نتلفو ..

اشراق : ياا شييييخة .. اتلمي راك شهيتينا فالزوااج ..

جهينة : هنهههه و تش كاتسنااي ..

اشراف : ته بلااتي نجيب العدول و نعقد علييه.. راه هو الراجل هو لي خاصو يطلب ..

جهينة : تلقايه ... حتى هو حشمان منك ..

اشراق : اووويللي على يحشم .. هذاتك كاتجي الحشمة حتااال عندو و كاتضرب الضورة .. هو و الحشمة بيناتهم واحد التنافر ميغناطيسي مانعاودش ليك .. على لي يضرب وحدة لمصاطتها و ماكايعرفها ماكاتعرفو .. غايحشم ؟

جهينة : ههههههه بافدقي مانسيتي ..

اشراق : باقي كايخلص عليها الضراائب فينما نتفكرها نخبطو .. و حتى دابا خاصني نخبطو ..

هزات مخدة و عطاتو للوجه ..

شدها اشرف و قال : مااال مك سخنو عليبك عظامك ..

اشراق ؛ تستاهلها يا قليل الحياء .. نوضي انت قدامي ياله نخرجو ..

ايرتان : لفين بالسلامة ..

اشراق : لشي قصارية نتقداو ... غانمشي فطوموبيلة هاد العترووس .. دغيا غانرجعو ..

اشرف : العترووس هو خووك المفغعصة ..

اشراق : بجووجكم ماشي خسارة فييكم ...

اشرف : اوى حتى ترجعي ..

مشات للبيت و تبعاتها جهينة .. بعدما لبسات خرجو عند الدراري ..

جهينة : طلع حتى نرجعهم ليك ..

اشراق : اويلي على ترجعيهم .. الى جلسك من الخدمة يصرف هو و الجزمة فوق دماغو ..

ايرتان : الجزمة غانخشيها في فمك الى ماسكتيش انت .. و زايدون انا دااي هاد الحمقة على قد عقلها .. راه كاتقول هكا باش نعطيها بلا مانهضر .. و من بعد تنسيني ..

الكل : هههههههه

جهينة نفزات اشراق : هاذشي لي بغيتي هااهو حطني بوجهي ..

اشرااق : وا طلعتييي نمسة مع راسك ..

جهينة خدات الفلوس و دفعاتها : زيدي قداامي الفضييحة ..

ايرتان : ههههه ماتعطلوووش ..

خرجو البنات مشادات ... و الدراري بقاو كايناقشو فخططاتهم ..

ركبات فالسيارة معاها و مشاو لدرب السلطان ..

هبطو و دخلو مع للقصارية ..

اشراق : و اللهتا توحشت هاد السوق ..

جهينة : تانا شحال ماجيت هنا ..

اشراق : شريتو حوايج بنتكم و لا باقي ..

جهينة : باقي ... حتى نقرب نولد .. باقي ماوجدنا والو ..

اشراق : من الاحسن حتى تستاقرو .. اش غاديري فقضية عمك ..

جهينة : داك الموضوع سديتو قلتها ليك داك انهاار ..

اشراق : انت تجسيد حقيقي للكلاخ و حق لي ليه الحق ..

جهينة : و اللهما غانخليك تخسري ليا الموود .. زيدي نمشيو للعطار هو الاول .. بغيت الحناء ..

اشراق : زيدي قداامي ...

مشاو جهينة و اشراق للعطار و شراو لي بغاو من مستلزمات التنظيف و التزيين التقليدية و الخلطاات ..

خداوهم و خرجو ..

جهينة : خلي السطولة هوما الاخرين ... دابا خلينا نتساراو و نشوفو اش كااين ..

اشراق : و على حنا اش تاابعنا .. ياله ..

مشاو كايدورو و يشوفو بعينيهم .. حتى جراتها جهينة لمحل لي بيبي .. و دخلو ..

جهينة :بغيت غيير نشوف اشنو كاين عندهم صافي ..

اشراق : عقلي على هضرتك هههه

ضحكات جهينة و دخلو .. بقات تهز و تشوف بكل حماس و غير كاتبسم و توري لاشراق ..

جهينة : ناري مك هادشي كيووووت ...

اشراق: عندك الصح .. شوفي هاادي غزااالة .. ضرووري ناخدوها ..

جهينة : مستحيل نفلتها اري للهنا ..

بقات تجمع هي و ياها لي شافوها تعجبهم .. حتى مابقاو قدو ..

اشراق : ههههه واقلة باركة ..

جهينة : هههه ماسخيتش ناخدو غير هاذيك ..

اشراق : ههههه و تقووولي زيدي لمك راه غانتعطلو ..

مشات جهينة و اشراق .. خلصو و خرجو مقاسمين التقل ..

اشراق : نطرغو السكولة و نرجعو راه تعطلنا ..

جهينة : كانحس بالتيلي كايفيبري ..

اشراق : ماعندي كيفاش نجبدو ليك ..

جهينة : و حتى انا ..

اشراق : صافي ياله نمشيو دغيا حتى لاطوموبيل و جاوبيه ..

مشاو يقلبو على السطولة و تيلي كل شوية يرجع يتاصل .. و لقاوهم و وقفو ساعة اخرى يتعزلو و يقلبو على لي بغاو ...

رجعو للسيارة و حطات كولشي فالمالا .. و جلسات جهينة فمقعدها .. و دخلات حداها اشراق ..

جهينة : اووف ظهري لمك تقسم ...

اشراق : ههههه اوى لي بغات الولااد الله يطليها بيهم

جهينة : ها هو كايتاصل تاني ..

اشراق : هههه حتى لاخر ماسكتش ههههه حنا ماشي غير تعطلنا حنا راه سدينا القصارية 😂

جهينة : ههههه بلاتي نجاوب ..

ما ان جرات الزر الاخضر حتى خىج ليها تعصاار ديال الغوات و هي تقطع .. شافت فاشراق كاتضحك و قالت ..

جهينة : يا لطيف يالطيف .. السيد مكشكش ماشي غير معصب 😂😂

اشراق : و قطعتي عليه الحمقااء 😂😂 انت باغياه يقجني انا..

جهينة : ماعندو مايدير حتى انت .. سيري جيبي شي حاجة ناكلوها فالطريق جعت ..

اشراق : حتى انا .. انا راجعة ..

خرجات اشراق .. و تييلي ديال جهينة اتاصل .. كانت نمرة اخرى .. و قالت ..

جهينة : نمرة تاعمن هاذي ..

جهينة : الو ؟

....: جهينة ... لاباس

جهينة : شكون معايا اخويا ..

....: طه .. ولد عمك ..

جهينة : اش باغي .. ياك عطيتكم جوابكم لاش بااقين مصرين تبقاو تابعيني ..

طه: الله يرضي عليك لاماغير سمعيني .. بلاش مالاقاي الوالد .. نتلاقاو انا وياك صافي .. كيفكا كان الحال انا غير ولد عمك .. ماداير لابيدي و لا رجلي .. بحالي بحالك ..

جهينة سكتات كاتصنت ليه ..

طه : عارف بلي من حقك ديري رد فعل بحال هذا .. و محتارم قرارك .. خليني عير نتلاقاك و نهضرو شوية و نتعرفو على بعضياتنا راه ولاد عائلة وحدة و لا لا ؟

جهينة : ماعرفتش .. نفكر ..

طه : واخا .. عطيني نمرة راجلك ..

جهبنة : و اش بغيتيها ..

طه : زعما نتفاهم معاه حتى هو .. راه راجلك و مابغيتش نلقا معاه مشاكل ...

جهينة : صافي غانسيفطها ليك فميساج .. نمرتك هادي ؟

طه : ااه ديالي .. فكري مزياان عافاك .. نتمنى تقبلي و الله الى باغي غير يتجمع شمل العائلة ... و كولشي يرجع لعهدو ..

جهينة : ماتحلموش بزااف قولها لباااك .. انا الى قبلت نهضر معاك .. غير حيت ماعندك يد فهادشي ..

طه ؛ ماعليييش .. فكري و خودي راحتك .. مافارضين عليك والو ..

جهينة : اوى الاه يعاونك غانقطع ..

طه : واخا غانتسنى جوابك ..

قطعات جعينة و بقات كاتشوف و تخمم فهادشي حتى دخلات اشراق .. كانت جايبة بتي باان و عصير ..

خطفاتهم ليها و دخلات فيهم طول و عرض ..

اشراق : ابشوية اخيتي اهيااا وعدي .. كانو سادين عليبك فشي خربة ..

جهينة : عرفتي لمك شحااال مادقت الحلااوة ..

اشراق : ويلي يحرق طوااااااسلييي نسيت الدااايت ديااالك ... 😨😨 اري داكشي للهنااا ..

جهينة : تقربي نتف مك ..

يتبع